Datasets:
Burman-AI
/
business_marketing

Dataset card Data Studio Files
xet
Community
1
instruction
stringlengths
13
98
⌀
response
stringlengths
208
4.05k
⌀
Overview of Marketing Management
“the management process for identifying, anticipating and satisfying customer requirements profitably.” (CIM, UK) "ဈေးကွက်ရှာဖွေရေး ဖောက်သည် လိုအပ်ချက်များနှင့် မျှော်လင့်ချက်များကို ကျေနပ်အောင် အကျိုးအမြတ် ရှိရှိ ဖော်ထုတ်သည့် စီမံခန့်ခွဲမှု လုပ်ငန်းစဉ်ဖြစ်ပါတယ်" (CIM, UK) “Marketing is the process of planning and execution the conception, pricing, promotion and distribution of ideas, goods and services to create exchanges that satisfy individual and organizational objectives.” (AMA, 1995) "ဈေးကွက်ရှာဖွေရေးသည် ဝယ်သူတစ်ဦးချင်းစီနှင့် လုပ်ငန်းဆိုင်ရာ ရည်ရွယ်ချက်များကို ဖြည့်ဆည်း ပေးနိုင်သည့် ဖလှယ်မှုများကို ဖန်တီးရန် ကုန်ပစ္စည်းများနှင့် ဝန်ဆောင်မှုများကို ထုတ်လုပ်ခြင်း၊ ဈေးနှုန်း သတ်မှတ်ခြင်း၊ အရောင်းတိုးမြှင့်ခြင်းနှင့် ဖြန့်ဖြူးခြင်းအတွက် အကောင်အထည် ဖော်ခြင်းလုပ်ငန်းစဉ် ဖြစ်သည်။” (AMA, 1995) ထို့ကြောင့် Marketing ဆိုသည်မှာ ဝယ်ယူသူ (Customer) ၏ မရှိမဖြစ် လိုအပ်ချက် (Needs) ၊ လိုချင်မှူ (Wants) တို့ကို ဖော်ထုတ်ပြီး ယင်းတို့ကို ဖြည့်ဆည်းပေးနိုင်မည့် အစီအစဉ်များရေးဆွဲခြင်း (Planning) ဖြင့် လုပ်ငန်း၏ အရင်း အမြစ်များကို အသုံးပြု၍ ဝယ်ယူသူရဲ့ စိတ်ကျေနပ်မှူကို ပေးနိုင်သလို လုပ်ငန်းအတွက်လဲ အကျိုးအမြတ် ရရှိနိုင်အောင် စီမံခန့်ခွဲသည့် လုပ်ငန်းစဉ် ဖြစ်သည်ဟု အဓိပ္ပါယ်သတ်မှတ်နိုင်ပါသည်။ ဆိုလိုသည်မှာ လုပ်ငန်းမှ ထုတ်လုပ်မည့် ထုတ်ကုန်နှင့် ပတ်သက်ပြီး ပြိုင်ဘက်များ၏ ထုတ်ကုန်ထက် ထူးခြား အောင်ပြင်ဆင်ခြင်း၊ ဝယ်ယူသူဘက်မှ ပေးနိုင်သည့် ဈေးနှူန်းသတ်မှတ်ခြင်း၊ ယင်းသတင်းအချက်အလက်များကို ဈေးကွက်သို့ပို့ဆောင်ခြင်း၊ ဝယ်ယူသူအရောက် ပို့ဆောင်နိုင်မည့် ဖြန့်ချီရေးနည်းလမ်းကို အသုံးပြုခြင်း အပြင် ရောင်းချလိုက်သည့် ထုတ်ကုန်အပေါ် ဝယ်ယူသူမှ စိတ်ကျေနပ်ခြင်း ရှိမရှိကို ဆန်းစစ်လေ့လာခြင်း စသည့် လုပ်ငန်းစဉ်များ ပါဝင်ပါသည်။ သို့ဖြစ်ပါ၍ Marketing တွင် တိကျသည့် ဦးတည်ချက်များ၊ ရည်မှန်းချက်များတွင် အချိန်ကာလတစ်ခု အတွင်း ထုတ်လုပ်ရောင်းချမည့် အရေအတွက်နှင့် ဝင်ငွေတို့ကို သတ်မှတ်သဖြင့် ရောင်းချခြင်း (Selling) ကို ဦးတည်နေသည့် သဘောသဘာဝရှိပါသည်။ ဈေးကွက်တွင် ရောင်းချမှူနှင့် ဝယ်ယူသူများ၏ လိုအပ်ချက်ကို နှိုင်းယှဉ်ပြီး လုပ်ငန်းစဉ်များကို အလိုက်သင့်ပြောင်းလဲတတ်ပါသည်။ သို့သော် Selling လုပ်ငန်းစဉ်တွင်မူ ထိရောက်သော ရောင်းချနိုင်ရေးအတွက် ဝယ်ယူသူများကို ခင်းကျင်းပြသခြင်းနှင့် ညှိနိုင်းခြင်း၊ ရောင်းချ လိုက်သည့် ထုတ်ကုန်နှင့် ပတ်သက်ပြီး အသုံးပြုပုံများ သင်ကြားပြသပေးခြင်း နှင့် အာမခံချက်များ ပေးခြင်းအပြင် တာဝန်ယူမှူပေးခြင်း စသည်တို့ပါဝင်သည့်အတွက် Marketing နှင့် Selling သဘော သဘာ၀ များသည် အပြန်အလှန် ချိတ်ဆက်နေသည်ကို တွေ့နိုင်ပါသည်။
Marketing သဘောတရားများ ပေါ်ပေါက်လာပုံ
၁။ Production Orientation - ထုတ်လုပ်ရေးကို ဗဟိုပြုသည့် သဘောတရားသည် (၁၈) ရာစုမှာ ပေါ်ပေါက် ခဲ့သော ဗြိတိန်နိုင်ငံ၏ စက်မှူတော်လှန်ရေးကာလတွင် ကုန်ပစ္စည်းများကို ထုတ်လုပ်ရောင်းချသည့် လုပ်ငန်းများ နည်းပါးပြီး ဝယ်ယူသူများပြားသည့်အခြေအနေတွင် များများထုတ်ပြီးသလောက် ရောင်းချရသည့် လုပ်ငန်းက အသာရသည့် သဘောတရားဖြစ်ပါသည်။ ၂။ Product Orientation - ဒုတိယကမ္ဘာစစ်ပြီးကာလမှာ ပေါ်ပေါက်ခဲ့သော ကုန်ပစ္စည်းများ / ဝန်ဆောင်မှူကို ဗဟိုပြုသည့် သဘောတရားသည် ဝယ်ယူသူများအတွက် အကောင်းဆုံးဟု ယူဆသည့် ကုန်ပစ္စည်းများကိုသာ လုပ်ငန်းများမှ ထုတ်လုပ်ခြင်း၊ ဝန်ဆောင်မှူပေးခြင်း ဖြစ်သည့်အတွက် ဝယ်ယူသူများ၏ လိုအပ်ချက်ကို လေ့လာ ဆန်းစစ်ပြီးမှ ထုတ်လုပ်ခြင်း မဟုတ်သောကြောင့် တခါတရံတွင် ဈေးကွက်၏ လိုအပ်ချက်နှင့် ကိုက်ညီမှူ မရှိ ဖြစ်နိုင်ပါသည်။ ၃။ Selling Orientation - အရောင်းဖြစ်ရေးကို ဗဟိုပြုသည့် သဘောတရားတွင်မူ လုပ်ငန်းမှ ထုတ်လုပ်မည့် ကုန်ပစ္စည်းများကို အရင်ထုတ်လုပ်ပြီးမှ အရောင်းဝန်ထမ်းများကို ခေါ်ယူလေ့ကျင့်ပြီး မက်လုံးပေးကာ ဈေးကွက် သို့ရောင်းချခြင်း ဖြစ်သည့်အတွက် ဝယ်ယူသူများမှ ဝယ်ယူပြီးနောက် မျှော်လင့်ထားသည့် အရည်အသွေး စံချိန် စံနှူန်းနှင့် မကိုက်ညီမှူများ ဖြစ်ပေါ်နိုင်သောကြောင့် ရောင်းသူနှင့် ဝယ်သူအကြား ရေရှည်ဆက်ဆံရေးကို ထိခိုက်နိုင်စေပါသည်။ ၄။ Marketing Orientation - ဝယ်ယူသူကို ဗဟိုပြုသည့် သဘောတရားတွင် ဝယ်ယူသူများ၏ လိုအင်ဆန္ဒများ၊ လိုအပ်ချက်များကို သိအောင်ကြိုးစား၍ ယင်းတို့နှင့် ကိုက်ညီသည့် ကုန်ပစ္စည်းများထုတ်လုပ်ပြီး ဖြည့်ဆည်း ပေးခြင်း ဖြစ်ပါသည်။ ဈေးကွက်ဝယ်လိုအား (Demand) နှင့် ဖြည့်ဆည်းရောင်းလိုအား (Supply) အပြင် ဝယ်ယူဖို့ ငွေကြေး တတ်နိုင်စွမ်း (Purchasing Power) စသည်တို့ကိုလည်း ထည့်သွင်းစဉ်းစားရန် လိုအပ်ပါ သည်။ ၅။ Social Marketing Orientation - လူ့အဖွဲ့အစည်းများကို အကျိုးဖြစ်မှုကို ဗဟိုပြုသည့်သဘောတရားတွင် လုပ်ငန်းနှင့်ပတ်သက် အကျိုးသက်ဆိုင်သူများ (Stakeholders) အား အကျိုးရှိရန်အတွက် စီးပွားရေး ကျင့်ဝတ် များကို စောင့်ထိန်းပြီး ကုန်ပစ္စည်းများ ထုတ်လုပ် ရောင်းချခြင်းဖြစ်ပါသည်။
Marketing နှင့်ပတ်သက်သည့် အလုပ်အကိုင်ရာထူးများ
Marketing နှင့်ပတ်သက်သည့် အလုပ်အကိုင်ရာထူးများမှာ - ၁။ Marketing Manager ဆိုသည်မှာ - ၂။ Brand Manager ဆိုသည်မှာ - လုပ်ငန်း၏ ၃။ Product Manager ၄။ Sales Manager ၅။ Adverting Manager ၆။ Public Relations Manager
Marketing စီမံကိန်းတစ်ခု ရေးဆွဲရန်အောက်ပါ အဆင့် ၆ ဆင့်
Marketing စီမံကိန်းတစ်ခု ရေးဆွဲရန်အောက်ပါ အဆင့် ၆ ဆင့် ရှိပါသည်။ ယင်းတို့မှာ - ၁။ Corporate Vision, Mission and Strategic Plans - လုပ်ငန်း၏ ဦးတည်ချက်၊ ရပ်တည်ချက် နှင့် အကောင် အထည်ဖော်လုပ်ဆောင်မည့် အစီအစဉ်များ - အနာဂတ်မှာ ဖြစ်ချင်သည့် လုပ်ငန်းတစ်ခုလုံး၏ နောက်ဆုံး ပန်းတိုင် သို့မဟုတ် ရလဒ် (Vision) နှင့် လုပ်ငန်းနှင့် ပတ်သက်သည့် အကျိုးသက်ဆိုင်သူများ အတွက် ရပ်တည် ချက် (Mission) များကို Vision and Mission Statement အဖြစ် ချမှတ်ထားပြီး ယင်းတို့ကို အောင်မြင်နိုင်သည့် အောင်မြင်ရာ နည်းလမ်းများ (Strategies) ကို Growth Strategy ၊ Corporate Strategy နှင့် Competitive Strategy စသည်ဖြင့် ရေးဆွဲထားခြင်း ဖြစ်ပါသည်။ ၂။ Marketing Goals and Objectives - လုပ်ငန်းမှ အကောင်အထည်ဖော်ဆောင်ရွက်မည့် အစီအစဉ်များကို အထောက်အပံ့ပေးနိုင်မည့် တိကျသော Marketing ဆိုင်ရာ ရည်မှန်းချက် ပန်းတိုင်များကို သတ်မှတ်ခြင်း - လုပ်ငန်းအတွက် တိကျပြတ်သားသည့် Marketing ရည်မှန်းချက်များ၊ ပန်းတိုင်များ (Goals and Objectives) သတ်မှတ်သည့် အခါ SMART - S (Specific) ၊ M (Measurable) ၊ A (Achievable) ၊ R (Realistic) ၊ T (Time Bound) - ဆိုသည့် စံနှုန်းကို အသုံးပြုပြီး လုပ်ငန်း၏ အရောင်းဝင်ငွေ၊ ဈေးကွက်ဝေစု (Market Share)၊ သတ်မှတ်လျာထားသည့်ကုန်ကျစရိတ် (Cost) နှင့် အမြတ် (Profit) သတ်မှတ်ခြင်း စသည့် ငွေကြေးနှင့် သက်ဆိုင်သည့် ရည်မှန်းချက် (Financial) ၊ ဝယ်ယူအသုံးပြုသူများ၏ အသုံးဝင်မှု၊ ပေးလိုက်ရသည့်တန်ဖိုးနှင့်ညီမျှသည့် စိတ်ကျေနပ်မှုစသော ငွေကြေးနှင့် မသက်ဆိုင်သည့် ရည်မှန်းချက် (Non-Financial) အဖြစ် ခွဲခြားထားပါသည်။ ရှုထောင့် လေးခုကို အခြေခံ၍ တိကျပြတ်သားသည့် ရည်မှန်းချက်များကို သတ်မှတ်ရာတွင် ငွေကြေးရူထောင့် (Financial Perspective)၊ ဝယ်ယူသူများ၏ရှုထောင့်၊ Marketing ပိုင်းတာဝန် ယူရသည့် ဝန်ထမ်းများ၏ လေ့လာသင်ယူနိုင်မှုနှင့် အရည်အသွေးတိုးတက်မှု (Learning ang Growth)၊ လုပ်ငန်းတွင်း လုပ်ဆောင်ရမည့် လုပ်ငန်းစဉ် (Internal Business Process) တို့ဖြစ်ပါသည်။ ၃။ Situational Analysis - လုပ်ငန်းအပေါ် သက်ရောက်နိုင်မည့် နိုင်ငံရေး၊ စီးပွားရေး၊ လူမှုရေး၊ စသည့် ပြင်ပ ပတ်ဝန်းကျင်နှင့် ပြိုင်ဘက်များ၏ အခြေအနေများကို သုံးသပ်ခြင်း - လုပ်ငန်းတစ်ခု၏ ပြင်ပပတ်ဝန်းကျင် (Macro Environment) စသည်တို့ကို လေ့လာရန်အတွက် PESTEL Analysis ၊ ၊ ယှဉ်ပြိုင်မှူ ပတ်ဝန်းကျင် (Competitive Environment) ကို Five Forces Framework နှင့် လုပ်ငန်းအတွင်း ဝန်းကျင် (Internal Environment) အတွက် 4 Types of Resources ၊ 6Ms Framework နှင့် Value Chain Model အပြင် McKinsey 7S Model တို့ကို အသုံးပြု ဆန်းစစ်ရပါသည်။ Macro Environment - လုပ်ငန်း ပြင်ပပတ်ဝန်းကျင် ဆိုသည်မှာ လုပ်ငန်းတည်ရှိနေသည့် ဒေသ၏ နိုင်ငံရေး (Politics) ၊ စီးပွားရေး (Economics) ၊ လူမှူရေး (Socio-cultural) ၊ နည်းပညာ (Technology) ၊ သဘာဝပတ်ဝန်းကျင် (Environment) နှင့် ဥပဒေရေးရာ (Legal) စသည့် အပြောင်းအလဲများကို စဉ်ဆက်မပြတ် စောင့်ကြည့်လေ့လာနေမှသာလျှင် လုပ်ငန်းအတွက် အခွင့်လမ်းများ၊ စိန်ခေါ်မှူများကို သိရှိနိုင်မည်ဖြစ်ပါသည်။ Competitive Environment - ယှဉ်ပြိုင်မှူ ပတ်ဝန်းကျင် ဆိုသည်မှာ မိမိလုပ်ငန်းအပေါ် သက်ရောက် နိုင်သည့် အခွင့်အလမ်း (Opportunities) နှင့် စိန်ခေါ်မှူများ (Threats) ဖြစ်စေနိုင်သည့် ဝယ်ယူသူ၏မာနိုင်စွမ်း (Bargaining Power of Powers)၊ လုပ်ငန်းအတွက်လိုအပ်သော ကုန်ကြမ်း/ကုန်ချော ထောက်ပံ့ပေးသည့် Suppliers များ၏ မာနိုင်စွမ်း (Bargaining Power of Suppliers)၊ လုပ်ငန်း၏သက်ဆိုင်ရာ နယ်ပယ်သို့ အသစ်ဝင်ရောက်လာမည့် ပြိုင်ဘက်များ၏ လုပ်ငန်းအပေါ် သက်ရောက်နိုင်သည့် အန္ထရာယ် (Threat of New Entrants)၊ ဈေးကွက်အတွင်းပြိုင်ဆိုင်ခြင်း (Rivairy) စသည့် မိမိလုပ်ငန်းကြောင့် အခြားလုပ်ငန်းများကိုပါ သက်ရောက်နိုင်သည့် အပြန်အလှန်သက်ရောက်မှူများကို ရှာဖွေဖော်ထုတ်ခြင်း ဖြစ်ပါသည်။ Internal Environment - လုပ်ငန်း၏အတွင်းပိုင်းမှာရှိသည့် အရင်းအမြစ်များဖြစ်သည့် လူ့စွမ်းအားအရင်းအမြစ် (Human Resource)၊ ရုပ်ပိုင်းဆိုင်ရာ အရင်းအမြစ်များ (Physical Resource)၊ သတင်းအချက်အလက် အရင်းအမြစ်များ (Informational Resource)၊ ငွေကြေးအရင်းအမြစ် (Financial Resource) စသည့် အရင်းအမြစ်များကို အသုံးချ၍ ပြင်ပ နှင့် ယှဉ်ပြိုင်မှူပတ်ဝန်းကျင်ကို ရင်ဆိုင်ဖြေရှင်းနိုင်ရန် ချင့်ချိန်လေ့လာခြင်း ဖြစ်ပါသည်။ ၄။ Marketing Strategy Formulation - လုပ်ငန်း၏ Marketing ဆိုင်ရာ အောင်မြင်ရာအောင်မြင်ကြောင်း နည်းလမ်းများကို ဖော်ထုတ်ခြင်း - ၅။ Marketing Mix and Action Plans - ထုတ်လုပ်မည့် သို့မဟုတ် ဝန်ဆောင်မှုပေးမည့် လုပ်ငန်း၏ ထုတ်ကုန်များ အတွက် အသေးစိတ်အစီအစဉ်များ ရေးဆွဲခြင်း - ၆။ Monitoring, Evaluation and Control - အကောင်အထည်ဖော် ဆောင်ရွက်ထားသည့် အစီအစဉ်များကို စောင့်ကြည့် အကဲဖြတ် ထိန်းချုပ်ခြင်း -
Situational Analysis
လုပ်ငန်းတစ်ခု၏ ပြင်ပပတ်ဝန်းကျင် (Macro Environment) စသည်တို့ကို လေ့လာရန်အတွက် PESTEL Analysis ၊ ၊ ယှဉ်ပြိုင်မှူ ပတ်ဝန်းကျင် (Competitive Environment) ကို Five Forces Framework နှင့် လုပ်ငန်းအတွင်း ဝန်းကျင် (Internal Environment) အတွက် 4 Types of Resources ၊ 6Ms Framework နှင့် Value Chain Model အပြင် McKinsey 7S Model တို့ကို အသုံးပြု ဆန်းစစ်ရပါသည်။
Macro Environment - လုပ်ငန်း ပြင်ပပတ်ဝန်းကျင်
Macro Environment - လုပ်ငန်း ပြင်ပပတ်ဝန်းကျင် ဆိုသည်မှာ လုပ်ငန်းတည်ရှိနေသည့် ဒေသ၏ နိုင်ငံရေး (Politics) ၊ စီးပွားရေး (Economics) ၊ လူမှူရေး (Socio-cultural) ၊ နည်းပညာ (Technology) ၊ သဘာဝပတ်ဝန်းကျင် (Environment) နှင့် ဥပဒေရေးရာ (Legal) စသည့် အပြောင်းအလဲများကို စဉ်ဆက်မပြတ် စောင့်ကြည့်လေ့လာနေမှသာလျှင် လုပ်ငန်းအတွက် အခွင့်လမ်းများ၊ စိန်ခေါ်မှူများကို သိရှိနိုင်မည် ဖြစ်ပါသည်။ ဥပမာ - နိုင်ငံရေး (Political) ပိုင်းတွင် နိုင်ငံရေးအခြေအနေ၊ တရားဥပဒေစိုးမိုးရေး၊ အစိုးရ၏ စီးပွားရေးမူဝါဒနှင့် Private စီးပွားရေကဏ္ဍကိုမြှင့်တင်ရေး မူဝါဒ၊ ကုန်သွယ်ရေးနှင့် ဘဏ္ဍာရေးမူဝါဒ၊ အခွန်မူဝါဒနှင့် အခွန်နှုန်းထား၊ ချေးငွေအစီအစဉ်နှင့် ထုတ်ပြန်ထားသည့် အလုပ်သမားဆိုင်ရ ဥပဒေများ၊ သဘာဝပတ်ကျင်ဆိုင်ရာဥပဒေ၊ ပြည်ထောင်စုအစိုးရ လည်ပတ်သည့်ပုံစံ၊ နိုင်ငံတကာဆက်ဆံရေး အခြေအနေ၊ အသေးစားအလတ်စား လုပ်ငန်း များအား အစိုးရ၏ ထောက်ပံ့မှူအစီအစဉ်၊ သက်သာခွင့်၊ ကင်းလွတ်ခွင့်များ၊ နိုင်ငံတကာ ရင်းနှီးမြုပ်နှံမှူမူဝါဒ၊ အပြင် နိုင်ငံ၏ အခြေခံအဆောက်အုံများ ဖြစ်သည့် ရုပ်ပိုင်းဆိုင်ရာ အခြေခံအဆောက်အအုံ (Hard Infrastructure) ၊ အရည်အသွေးပိုင်ဆိုင်ရာ အခြေခံအဆောက်အအုံ (Soft Infrastructure) နှင့် အဓိက အခြေခံအဆောက်အအုံ (Critical Infrastructure) များဖွံ့ဖြိုးတိုးတက်အောင် လုပ်ဆောင်သည့် မူဝါဒများ။ စီးပွားရေး (Economics) ပိုင်းတွင် နိုင်ငံတကာငွေကြေးလဲလှယ်နှူန်ုး အပြောင်းအလဲများ (Exchange Rates) ၊ ဘဏ်တိုးနှူန်း အပြောင်းအလဲ (Interest Rates) ၊ ငွေကြေးဖောင်းပွမှူ (Inflation) ၊ ဝယ်ယူနိုင်စွမ်း (Purchasing Power Parity) ၊ တိုင်းပြည်တွင်း ထုတ်လုပ်မှူနှင့် စားသုံးမှူမှ ရရှိလာသည့် ဝင်ငွေ၏ စုစုပေါင်း ထုတ်ကုန်တန်ဖိုး (Gross Domestic Product) နှင့် နိုင်ငံသားများ၏ စုစုပေါင်း ထုတ်ကုန်တန်ဖိုး (Gross National Product) ၊ နိုင်ငံသား တစ်ဦးချင်းစီ၏ ပျှမ်းမျှဝင်ငွေ အခြေအနေ (Per Capita Income) ၊ နိုင်ငံခြား ကုန်သွယ်မှူနှင့်ပတ်သက်ပြီး တင်ပို့တဲ့ကုန်တန်ဖိုး နှင့် တင်သွင်းတဲ့ ကုန်တန်ဖိုး ခြားနားသည့်အခါ ပြလာသည့် လိုငွေတန်ဖိုး (Trade Deficit) သို့မဟုတ် ပိုငွေတန်ဖိုး (Trade Surplus) ၊ Global Economic Conditions ။ လူမှူရေးနှင့် ယဉ်ကျေးမှူ (Socio-Cultural) ပိုင်းတွင် လုပ်ငန်းတည်ရှိရာ နိုင်ငံ၏ လူဦးရေနှူန်းထားများ သာမက သတ်မှတ်ဈေးကွက်အတွင်းရှိ ကျား / မ အမျိုးအစား၊ အရေအတွက် ဝင်ငွေအဆင့်အတန်း၊ ပညာအရည်အချင်း စသည့်ကိန်းဂဏန်းများကို တိတိကျကျသိနိုင်ရန် လေ့လာရမှာဖြစ်ပြီး လုပ်ငန်းအတွက် အကျိုးအမြတ် အများဆုံးရရှိနိုင်မည့် အောင်မြင်ရာအောင်မြင်ကြောင်း နည်းလမ်းများကို သတ်မှတ် အကောင် အထည် ဖော်နိုင်မှာဖြစ်ပါသည်။ ထို့အပြင် အများလက်ခံ ယုံကြည်သည့် ဘာသာ ဓလေ့ထုံးစံ လူမျိုးရေး ကွဲပြားမှူများ၊ အထိမ်းအမှတ် ပွဲတော်များကို လေ့လာရမည့်အပြင် လူနေမှူပုံစံများကိုပါ သိရှိထားရပါမည်။ နည်းပညာ (Technology) ပိုင်းတွင် လုပ်ငန်းများအတွက်သာမက လူတစ်ဦးချင်းစီအတွက် ပြောင်းလဲလာသည့် နည်းပညာများကို အသုံးပြုလာကြသည့်အတွက် ဝယ်ယူမှူနည်းလမ်းများ၊ ငွေပေးချေမှူစနစ်၊ သတင်းအချက်အလက် ရှာဖွေခြင်း စသည်တို့ကို အမှီလိုက်ပြီး လုပ်ငန်း၏ဈေးကွက် ချဲ့ထွင်မည့် နည်းလမ်းများ၊ ဝယ်ယူစားသုံးသူများအား စည်းရုံးသိမ်းသွင်းသည့် လုပ်ငန်းစဉ်များကို နည်းပညာအကူအညီဖြင့် ပြောင်းလဲ လုပ်ဆောင်လာနိုင်သည်ကို သတိပြုရမှာ ဖြစ်ပါ သည်။ သဘာဝပတ်ဝန်းကျင် (Environment) ပိုင်းတွင် Global Warming and Climatic Changes များဖြစ်ပေါ်နေသောကြောင့် နိုင်ငံအတော်များများတွင် လုပ်ငန်းမှ ထုတ်လွှတ်သည့် မီးခိုးငွေ့နှင့် လေထုထဲ ရောက်သွားသည့် ဓာတ်ငွေ့ပမာဏကို စစ်ဆေးသည့် လုပ်ငန်းစဉ်များ (Carbon Footprint) ၊ ယင်းပမာဏပေါ် မူတည်ပြီး အခွန်ကောက်ခြင်း (Carbon Taxation) ၊ သဘာဝပတ်ဝန်းကျင် စောင့်ရှောက်ရေးအဖွဲ့များမှ ဖိအားပေးခြင်း၊ ပတ်ဝန်ကျင်နှင့် ဂေဟစနစ်ကို ပျက်စီးနိုင်သည့် လုပ်ငန်းဟုတ်မဟုတ် စစ်ဆေးခြင်း (Environmental Impact Assessment (EIA) နှင့် Social Impact Assessment (SIA)) ၊ လုပ်ငန်းမှ စွန့်ပစ် သည့် အကြွင်းအကျန် များမှ ပတ်ဝန်ကျင်ကို ထိခိုက်မှူလျော့ချစေခြင်း စသည့်မူဝါဒများကိုလည်း အမြဲ စဉ်ဆက်မပြတ် လေ့လာနေရပါမည်။ ဥပဒေကြောင်းဆိုင်ရာ အချက်အလက်များ (Legal) တွင် နိုင်ငံရေးအပြောင်းအလဲ၊ စီးပွားရေး အပြောင်းအလဲတိုင်းတွင် ဖြစ်ပေါ်သည့် ဥပဒေဆိုင်ရာ အမိန့်ကြော်ငြာစာများ၊ တည်ဆဲဥပဒေများ၏ လုပ်ငန်းပေါ် သက်ရောက်နိုင်မှူ ရှိမရှိကို ခွဲခြမ်းစိတ်ဖြာ လေ့လာထားရပါမည်။
Competitive Environment - ယှဉ်ပြိုင်မှူ ပတ်ဝန်းကျင်
Competitive Environment - ယှဉ်ပြိုင်မှူ ပတ်ဝန်းကျင် ဆိုသည်မှာ မိမိလုပ်ငန်းအပေါ် သက်ရောက် နိုင်သည့် အခွင့်အလမ်းနှင့် စိန်ခေါ်မှူများ အပြင် မိမိလုပ်ငန်းကြောင့် အခြားလုပ်ငန်းများကိုပါ သက်ရောက် နိုင်သည့် အပြန်အလှန်သက်ရောက်မှူများကို ရှာဖွေဖော်ထုတ်သည့်အခါ ဝယ်ယူစားသုံးသူများနှင့် ကုန်ကြမ်း ထောက်ပံ့သူများ၏ မာနိုင်စွမ်း (Bargain Power of Customers and Suppliers) ၊ ဈေးကွက်ထဲသို့ အသစ်ဝင်ရောက်လာသည့် ပြိုင်ဘက်လုပ်ငန်းများ (Threat of New Entrants) နှင့် အစားထိုး ကုန်ပစ္စည်း / ဝန်ဆောင်မှူ (Threat of Substitute) ၏ အန္တရာယ်ကို သုံးသပ်ခြင်းဖြစ်ပါသည်။ ဥပမာ - လုပ်ငန်းနှင့် ပြိုင်ဘက် လုပ်ငန်းများအကြား အပြိုင်အဆိုင် ရောင်းချနေသည့် အခြေအနေ၊ ဈေးကွက်ထဲတွင် တူညီသည့် ကုန်ပစ္စည်း / ဝန်ဆောင်မှူများကို ရောင်းချနေသည့် အခြေအနေ ၊ ဈေးနှုန်းသက်သာမှူကို အခြေခံပြီး ဝယ်ယူနေသည့် အခြေအနေများတွင် ဝယ်ယူသူများ၏ မာနိုင်စွမ်း ဖြစ်ပေါ်ပါသည်။ လုပ်ငန်းအတွက်လိုအပ်သည့် ကုန်ပစ္စည်း / ဝန်ဆောင်မှူကို ရောင်းချပေးသည့် Suppliers များ၏ ကုန်ပစ္စည်း / ဝန်ဆောင်မှူကိုအစားထိုးဝယ်ယူရန် မလွယ်ကူသည့် အခြေအနေတွင် Supplier ၏ မာနိုင်စွမ်းရှိလာပါသည်။ လုပ်ငန်းမှ ထုတ်လုပ်ရောင်းချသည့် အမျိုးအစားနှင့် တူညီသည့် ကုန်ပစ္စည်း / ဝန်ဆောင်မှူများရောင်းချမည့် အသစ်ဝင်ရောက်လာနိုင်သည့် လုပ်ငန်းများ၏ အန္တရာယ်နှင့် ဈေးကွက်ထဲတွင် ရပ်တည်မည့် အချက်များကိုစဉ်းစားရာတွင် အသစ်ဝင်ရောက် လာမည့် လုပ်ငန်းအတွက် ဈေးကွက်တွင်ရှိနေသည့် အဟန့်အတားများ (Barriers to Entry) ဖြစ်သည့် ရင်းနှီးမြုပ်နှံရမည့် ငွေပမာဏ (High Capital Requirement) ၊ လုပ်ငန်း၏ လက်ရှိဝယ်ယူသူများမှ ထုတ်ကုန် အပေါ် သစ္စာရှိခြင်း (Loyalty) ၊ များများထုတ်လုပ်ခြင်းကြောင့် ကုန်ကျစရိတ် သက်သာခြင်း (Economies of Scale) စသည့် အချက်များကို ဆန်းစစ်ရပါမည်။ လုပ်ငန်း၏ ကုန်ပစ္စည်း / ဝန်ဆောင်မှူကို တန်ဖိုးချင်း အမျိုးအစားခြင်း မတူသော်ငြားလည်း တိုက်ရိုက်သော်လည်းကောင်း ၊ သွယ်ဝှိက်ပြီးသော်လည်းကောင်း အစားထိုး ဝင်ရောက်လာမည့် ကုန်ပစ္စည်း / ဝန်ဆောင်မှူများ၏ အန္တရာယ် (Threat of Substitute) ကိုလည်း ဆန်းစစ်ရပါမည်။ ဈေးကွက်တွင် ထုတ်လုပ်ရောင်းချသည့် လုပ်ငန်းမှာနည်းပြီး ဝယ်ယူသူ အရေအတွက်များ သည့် အခြေအနေတွင် ဈေးနှုန်းအပေါ် အခြေခံပြီး ပြိုင်ဆိုင်ခြင်းအခြေအနေ သို့မဟုတ် ဈေးနှုန်း သက်သက် သာသာဖြင့် တမင်တကာ ဈေးလျော့ ရောင်းချသည့်အခြေအနေတွင် ပြိုင်ဆိုင်မှူအား (Intensity of Competition) ပြင်းထန်လာတတ် ပါသည်။ လက်ရှိဈေးကွက်တွင် ထုတ်လုပ်ရောင်းချနေသည့် ကုန်ပစ္စည်း / ဝန်ဆောင်မှူသည် အရောင်းရပ်တန့်သွားပြီး အရှူံးပေါ်သည့်အချိန် သို့မဟုတ် လက်ရှိနယ်ပယ်ထက် ရနိုင်သည့် အကျိုးအမြတ်ကို ရှေးရှူပြီး လက်ရှိ နယ်ပယ်ဈေးကွက်မှ ထွက်ပြီး နောက်ထပ်ဈေးကွက် တစ်ခုတွင် ထုတ်လုပ် ရောင်းချမည့် ကုန်ပစ္စည်း / ဝန်ဆောင်မှူအသစ်ကို စတင် ထုတ်လုပ်ရောင်းချခြင်း ဖြစ်ပါသည်။ ထိုသို့ လုပ်ဆောင်ရာတွင် သက်ဆိုင်ရာ အစိုးရ၏ ထုတ်ပြန်ထားသည့် ဥပဒေများကြောင့် လက်ရှိလည်ပတ်လျက်ရှိ သည့် စက်ရုံ အလုပ်ရုံကို ချက်ခြင်း ပတ်ပစ်ရန်ခက်ခဲခြင်း၊ မလိုအပ်သည့် ဝန်ထမ်းများ လျော့ချရန် မလွယ်ကူခြင်း၊ လျော်ကြေးပေးရခြင်းကြောင့် ပိုင်ဆိုင်မှူများ ဆုံးရှူံးခြင်း၊ လုပ်ငန်းတည်နေရာ အရွေ့အပြောင်း အတွက် ထပ်မံကုန်ကျစရိတ်ရှိခြင်း စသည့် အခက်အခဲများကို Exit Barriers ဟု ခေါ်ပါသည်။
Internal Environment - လုပ်ငန်း၏ အတွင်းပိုင်းမှာရှိသည့် အရင်းအမြစ်များ လေ့လာခြင်း
Internal Environment - လုပ်ငန်း၏ အတွင်းပိုင်းမှာရှိသည့် အရင်းအမြစ်များဖြစ်သည့် လူ့စွမ်းအား၊ စက်ကရိယာ ငွေကြေးစသည်တို့ကို အသုံးချပြီး ပြင်ပနှင့်ယှဉ်ပြိုင်မှူပတ်ဝန်းကျင်ကို ရင်ဆိုင်ဖြေရှင်းနိုင်ရန်ချင့်ချိန် လေ့လာခြင်း ဖြစ်ပါသည်။ လုပ်ငန်း၏ရေရှည်ရပ်တည်မှူကို အကြောင်းအရင်းဇစ်မြစ်များ ဖြစ်သည့် ငွေကြေး အရင်းအမြစ် (Financial Resource) ၊ လူ့စွမ်းအားအရင်းအမြစ် (Human Resources) ၊ ရုပ်ပိုင်းဆိုင်ရာ အရင်း အမြစ်များ (Physical Resources) ၊ သတင်းအချက်အလက် အရင်းအမြစ် (Information Resources) များ၏ အားသာချက် (Strengths) နှင့် အားနည်းချက်များ (Weakness) ဖြင့်လုပ်ငန်းပြင်ပပတ်ဝန်းကျင် (Macro Environment) နှင့် ယှဉ်ပြိုင်မှူ ပတ်ဝန်းကျင် (Competitive Environment) တို့မှ ပေးသည့် အခွင့်အလမ်းများ (Opportunities) ကို ရယူရန်နှင့် စိန်ခေါ်မှူများ (Threats) စသည်တို့ကို ရင်ဆိုင်ဖြေရှင်းနိုင်ရန် ဆန်းစစ်ကြပါ သည်။
Financial Resource – လုပ်ငန်းတစ်ခုမှာ ရင်းနှီးမြုပ်နှံ လည်ပတ်နေတဲ့ ငွေကြေးနှင့်ပတ်သက်သည့် ဘဏ္ဍာရေး
Financial Resource – လုပ်ငန်းတစ်ခုမှာ ရင်းနှီးမြုပ်နှံ လည်ပတ်နေတဲ့ ငွေကြေးနှင့်ပတ်သက်သည့် ဘဏ္ဍာရေး အခြေအနေ တောင့်တင်းခိုင်မာမှူရှိ မရှိ၊ မူလရေးဆွဲထားသည့် လသုံးခန့်မှန်း ငွေစာရင်းအတိုင်း ထိရောက်စွာ သုံးစွဲနေခြင်းရှိ မရှိ၊ ခန့်မှန်းထားသည့် အရောင်းရာခိုင်နှူန်း အတိုင်းတိုးတက်မှူရှိ မရှိ၊ ကုန်ကျစရိတ် လျော့ချမည့် လျာထားသည့် ဌာနနှင့် လုပ်ငန်းစဉ်များ အမှန်တကယ် လျော့ချနိုင်ခြင်း ရှိ မရှိ၊ ထုတ်လုပ်ရောင်းချ သည့် လုပ်ငန်းများတွင် ကုန်ကျစရိတ်လျော့ချပြီး အရေအတွက်များများနှင့် တွက်ချေကိုက်အောင် ထုတ်လုပ်ခြင်း ရှိ မရှိ စသည်တို့ကို စစ်ဆေးသုံးသပ်ရမည့် အပြင် လုပ်ငန်းချဲ့ထွင်ဖို့လိုအပ်သည့် ရင်းနှီးမြုပ်နှံမှူနှင့် ရနိုင်သည့် ငွေကြေးအကြား ကွာဟမှူ မများစေရန်နှင့် လုပ်ငန်းပိုင်ငွေကြေး (Retained Earning) လုံလုံလောက်လောက် ရှိရမှာဖြစ်ပြီး လုပ်ငန်းမှ ရနိုင်သည့် အကျိုးအမြတ် (Profitability) ကို အနည်းဆုံး ၅ နှစ်စာ ရေးဆွဲပြီး နှိုင်းယှဉ် လေ့လာသုံးသပ်တဲ့အခါ နှစ်အလိုက်တိုးတက်မှူသည် ကျေနပ်ဖွယ်ရာ ဖြစ်ရပါမည်။ ရင်းနှီးမြုပ်နှံမှူ ငွေပမာဏ အပေါ် နှစ်စဉ်ရသည့် အကျိုးအမြတ် - Return on Investment (ROI) နှင့် ယင်း ရာခိုင်နှူန်းသည် ကျေနပ်မှူ ရှိနိုင် မရှိနိုင် အပြင် ငွေသားစီးဆင်းမှူကိုလည်း ပြန်လည်သုံးသပ်ရပါမည်။
Huma Resources
Huma Resources – လုပ်ငန်း၏ဦးတည်ချက်များကို အကောင်အထည်ဖော်ဆောင်ရွက်သည့်အခါ လိုအပ်သည့် ဉာဏ်ပညာ၊ အတွေ့အကြုံ၊ အရည်အသွေး၊ အရေအတွက်ရှိသည့် လူ့စွမ်းအား အရင်းအမြစ်များ၏ အားသာချက်များ အားနည်းချက်များကို သုံးသပ်ရပါမည်။
Physical Resources
Physical Resources – လုပ်ငန်းတစ်ခု လည်ပတ်ဖို့ရန် လိုအပ်သည့် စက်များ၊ ရုံးခန်းအကျယ်အဝန်း၊ စက်ရုံအခြေအနေ၊ လုပ်ငန်းသုံး ပရိဘောဂများ၊ ကုန်ထုတ်လုပ်ရန် လိုအပ်သည့် ကုန်ကြမ်းနှင့် အစိတ်အပိုင်းများ ပြည့်စုံလုံလောက်ခြင်း ရှိ မရှိ စစ်ဆေးဖို့လိုအပ်ပါသည်။ ယင်းလုပ်ငန်းစဉ် ကုန်ပစ္စည်း ထုတ်လုပ်မှူအစမှသည် ဝယ်ယူစားသုံးသူလက်ထဲ သို့ရောက်ရှိသည့်အချိန်အထိ ဖြတ်သန်းသန်းရသည့် လုပ်ငန်းစဉ်တိုင်းတွင် ရုပ်ပိုင်း ဆိုင်ရာ အရင်းအမြစ်များသည် ပြည့်စုံလုံလောက်မှူ ရှိ မရှိ၊ သတ်မှတ်ထားသည့် ကုန်ကျစရိတ်နှင့် အရည်အသွေး အတိုင်း လိုချင်သည့် အချိန်တွင် လိုချင်သည့်နေရာသို့ ပို့ဆောင်နိုင်ခြင်း ရှိ မရှိအပြင် ကုန်ကြမ်း နှင့် ကုန်ချော များ ထားရှိရမည့် နေရာလောက်မလောက်တို့ကိုပါ ထည့်သွင်းစဉ်းစားရပါမည်။
Information Resources
Information Resources – လုပ်ငန်းလည်ပတ်မှူအတွက် အသုံးပြုမည့် လူ့စွမ်းအားအရင်းအမြစ်၊ ငွေကြေးအရင်းအမြစ်၊ ရုပ်ပိုင်းဆိုင်ရာ အရင်းအမြစ် စသည်တို့ကို ထိထိရောက်ရောက် စီမံခန့်ခွဲနိုင်ရန် ကုန်ပစ္စည်း / ဝန်ဆောင်မှူ၏ အမှတ်တံဆိပ်က ဈေးကွက်ထဲတွင် ကောင်းသတင်းနှင့် ကျော်ဇောခြင်း ရှိ မရှိ၊ သတင်းအချက်အလက် ရယူသိုလှောင်တွက်ချက်ပြီး ဖြန့်ဖြူးသည့် စနစ်သည် ခိုင်မာခြင်း စနစ်ကျ မကျ၊ လုပ်ငန်းတွင်း ယဉ်ကျေးမှူတစ်ရပ်ဖြစ်သည့် တီထွင်ကြံဆလိုစိတ်ရှိမရှိ စသည်တို့၏ အားသာချက် အားနည်း ချက်ကို ဆန်းစစ်ရပါမည်။
6Ms Model - ဆိုသည်မှာ
6Ms Model - ဆိုသည်မှာ Men - လူ့စွမ်းအားအရင်းအမြစ် Money - ငွေကြေးအရင်းအမြစ် Minute - အချိန်ကိုက်စီမံဆောင်ရွက်နိုင်မှု Methods - လုပ်ငန်းအောင်မြင်နိုင်မည့် နည်းလမ်းများ Machines - လုပ်ငန်းတွင် အသုံးပြုမည့် စက်ယန္တရားများ Material - လုပ်ငန်းအတွက်လိုအပ်သည့်ကုန်ကြမ်း (Raw Materials) နှင့် အခြားအစိတ်အပိုင်းများ (Components)
Underlying Consumer Buying Behavior Model
လုပ်ငန်း၏ ကုန်ပစ္စည်း/ဝန်ဆောင်မှုကို ဝယ်ယူသူများမှ ဝယ်ယူရာတွင် စံချိန်စနှူန်းများ အသုံးပြုပြီး ဆုံးဖြတ်ရာ တွင် အဆင့် ၅ ဆင့်ရှိပါသည်။ ယင်းတို့မှာ - Problem Recognition ဆိုသည်မှာ ဝယ်ယူမည့် သူမှ သူ၏ အခက်အခဲ ပြသနာများနှင့် လိုအပ်ချက်များကို သိရှိသွားပြီးနောက် ဖြေရှင်းရန်အတွက် (Information Search) သတင်းအချက်အလက်များကို ရှာဖွေပါသည်။ ထို့နောက် ရရှိလာသည့် အချက်အလက်များ ပေါ် မူတည်၍ အခြားတူညီသည့် ကုန်ပစ္စည်း/ဝန်ဆောင်မှုများနှင့် နှိုင်းယှဉ်ခြင်း (Evaluation of Alternative) ပြုလုပ်ပြီး ဝယ်ယူခြင်း (Purchase) ပြုလုပ်ပါသည်။ ဝယ်ယူလိုက်သည့် ကုန်ပစ္စည်း/ဝန်ဆောင်မှုသည် မိမိ လိုအပ်ချက်ကို ဖြည့်ဆည်း နိုင်သည် မနိုင်သည် အရည်သွေးကောင်းမကောင်း အပြင် ဝယ်ယူပြီး နောက်ရရှိလာသည့် ကျေနပ်မှူ ရှိသည် မရှိသည်ကို အကဲဖြတ်ခြင်း (Post-purchase Evaluation ) ပြုလုပ် ကြပါသည်။ အများအားဖြင့် ယင်းအဆင့်များ သည် ပုံမှန်အားဖြင့် အစဉ်လိုက်သွားကြပြီး လုပ်ငန်းမှပေးသည့် ဝန်ဆောင်မှူပေါ်မူတည်ပြီး ဆုံးဖြတ်ချိန် ကွာခြား တတ်ပါသည်။ ထို့အပြင် ဝယ်ယူသူ၏ ကိုယ်ရေး အကြောင်း အရာများ၊ အသက်အရွယ်အပိုင်းအခြား ကျားမ လိင် ကွဲပြားမှူ၊ ဝင်ငွေအခြေအနေ စသည် အချက်များ (Personal Factors) ကြောင့် လည်းကောင်း၊ ကုန်ပစ္စည်း/ဝန်ဆောင်မှုများအပေါ် လွှမ်းမိုးနေသည့် စိတ်နေသဘောထားဆုံးဖြတ်ချက်များ (Psychological Factors) ကြောင့်လည်းကောင်း၊ လူမှူ ပတ်ဝန်းကျင် အသိုင်းအဝိုင်း အချက်များ (Social Factors) ကြောင့်လည်းကောင်း ယင်းဆုံးဖြတ်ချက်ချခြင်းကို လွမ်းမိုး နိုင်ပါသည်။ စားသုံးသူမှ ဝယ်ယူသည့် အခါတွင်လည်း ကုန်ပစ္စည်း/ဝန်ဆောင်မှုကို တွေ့တာနှင့် တပြိုင်နက် ဈေးနှုန်းတန်သည်ဖြစ်စေ မတန်သည်ဖြစ်စေ မစဉ်းစားဘဲ ချက်ခြင်းဝယ်ယူခြင်း (Pure Impulse Buying) ၊ ယခင်က ဝယ်ယူရန် စဉ်းစား ထားသော်လည်း အကြောင်းမတိုက်ဆိုင်သောကြောင့်ဖြစ်စေ မေ့နေသော ကြောင့် ဖြစ်စေ မဝယ်ဖြစ်သေးဘဲ ကြုံကြိုက်သောအခါ ဝယ်ယူခြင်း (Reminder Impulse Buying) ၊ လိုအပ် ချက်များကို ဖြေရှင်း ရန် တခြား သူများ၏ အကြံဉာဏ်များ ရယူပြီး ဝယ်ယူခြင်း (Suggestion Impulse Buying) ၊ ဝယ်ယူရန် ကြိုတင် စီစဉ်ထားပြီး ဝယ်ယူခြင်း (Planned Impulse Buying) ဟူ၍ ဝယ်ယူခြင်း ၄ မျိုးရှိပါသည်။ ဥပမာ - လူဦးရေ ၇ ယောက်ရှိသော မိသားစုအတွက် အသုံးပြုရန် အိမ်စီးကား တစ်စီးဝယ်ယူရန် အစီအစဉ် ရေးဆွဲသည် ဆိုပါစို့။ မိမိ မိသားစု၏ အသုံးပြုနိုင်မည့် ငွေကြေးအပြင် အခြားအချက်အလက်များ ဖြစ်သည့် သက်တောင့် သက်သာဖြစ်ပြီး မိသားစုအားလုံးဝင်ဆံ့နိုင်သည့် ကားအမျိုးအစားနှင့် ဓာတ်ဆီအင်္ဂျင် သို့မဟုတ်၊ ဒီဇယ်အင်္ဂျင် စသည့် သတင်းအချက်အလက်များဖြင့် ရှာဖွေပြီး တွေ့ရှိလာသည့် ကားအမျိုး အစားများကို အခြားကုန်အမှတ်တံဆိပ်များ၊ မော်ဒယ်များနှင့် နှိုင်းယှဉ်ဆန်းစစ်ပြီး မိမိတတ်နိုင်သော ငွေကြေးကို အသုံးပြု ဝယ်ယူရန် ဆုံးဖြတ်ချက် ချဝယ်ယူခြင်းဖြစ်ပါသည်။ မိမိအမှန်တကယ်သင့်တော်သည့်ကား အမျိုးအစား မှာ Toyota Alphard သို့သော် မိမိမှာရှိသည့် ငွေကြေးအတိုင်းအတာက Toyota Wish ကိုသာဝယ်နိုင်လျှင် ဝယ်မည်လား သို့မဟုတ် Downpayment ပေးပြီး လစဉ်ငွေချေစနစ်ဖြင့် ဘဏ်ဖြင့်ချိတ်ဆက်ရောင်းချသည့် Shoowroom တွင် ဝယ်မည်လား စသည့်ဖြင့် ပြောင်းလဲဆုံးဖြတ်ရခြင်းကြောင့် အချိန်ကာလ ကြန့်ကြာခြင်းများ ရှိနိုင်ပါသည်။ လုပ်ငန်းများ၏ ကုန်ပစ္စည်း/ဝန်ဆောင်မှုကို ရောင်းချသည့်အခါ တစ်ဦးချင်းဝယ်ယူသူများ ဖြစ်သည့် စားသုံးသူများ (Customers) ကို ရောင်းချခြင်းနှင့် အခြားစီးပွားရေး လုပ်ငန်းအချင်းအချင်း (Businesses) သို့ ရောင်းချခြင်း ဟူ၍ ၂ မျိုးရှိပါသည်။
Business to Customer (B2C) ဈေးကွက်တွင်
B2C ဈေးကွက်တွင် ဝယ်ယူမည့်သူများမှ ကုန်ပစ္စည်း/ဝန်ဆောင်မှု၏ အမျိုး အစား၊ အရည်အသွေး၊ ဈေးနှုန်းအပြင် ထုတ်လုပ်ရောင်းချမည့် လုပ်ငန်း၏ပုံရိပ် စသည်တို့ကိုလည်း ကျိုးကြောင်းဆီလျော်စွာ ထည့်သွင်းစဉ်းစားခြင်း၊ ချက်ခြင်းဝယ်ယူရန်ဆုံးဖြတ်တတ်သကဲ့သို့ အချိန်ယူချင့်ချိန် စဉ်းစားပြီးမှ ဝယ်ယူနိုင်ခြင်း၊ ဈေးနှုန်းသက်သာသည်ဖြစ်စေ ဈေးနှုန်းတူလျှင်ဖြစ်စေ အရေတွက်များများ ရခြင်းကို သဘောကျခြင်း၊ ဝယ်ယူနိုင်သည့် ပမာဏနည်းသော်လည်း ဝယ်ယူမည့် သူများပြားသည့်အတွက် ဈေးကွက် အရွယ်အစား (Market Size) ကြီးမားခြင်း၊ ကုန်ပစ္စည်း / ဝန်ဆောင်မှူပေါ်မူတည်၍ Sales Cycle တိုတောင်းခြင်း၊ လုပ်ငန်း၏ ကုန်ပစ္စည်း / ဝန်ဆောင်မှုကိုလည်း အသုံးပြုရန် ကိုယ်တိုင်ဆုံးဖြတ်ခြင်း တို့ဖြစ်ပါသည်။ B2C ဈေးကွက်တွင် ကုန်ပစ္စည်း / ဝန်ဆောင်မှုများကို ဝယ်ယူရာတွင် စားသုံးသူများမှ တစ်ဦးချင်း ဆုံးဖြတ်ဝယ်ယူပါသည်။
Business to Business (B2B) ဈေးကွက်တွင်
B2B ဈေးကွက်တွင်မူ ဝယ်ယူမည့် ကုန်ပစ္စည်း၏ အသေးစိတ်အချက်အလက်များကို တောင်းခံပြီး ဈေးနှုန်းသက်သာခြင်းသာမက ကုန်ကြမ်းပစ္စည်း၏ ဆန်းသစ်မှူ၊ အရည် အသွေးနှင့် လိုအပ်သည့် အချိန်တွင် ရရှိနိုင်မည့် အရေအတွက်အပြင် ဝယ်ပြီးနောက် မိမိလုပ်ငန်းမှထုတ်လုပ်လိုက်သည့် ကုန်ချော၏ အရည်အသွေး ပိုမို ကောင်းမွန်မှုတို့ ပေါ်မူတည်ပြီး အခြား Suppliers များ၏ကုန်ပစ္စည်း နှင့်နှိုင်းယှဉ်ပြီး ယင်းလုပ်ငန်းရဲ့ အစဉ် အလာ၊ ရေရှည်ဆက်ဆံရေး၊ ယုံကြည်စိတ်ချရမှု စသည်တို့ကိုဆုံးဖြတ်ချက်ချသည့် ချိန်တွင် သက်ဆိုင်ရာ ဌာန များမှ ကိုယ်စား လှယ်များ စုဝေးအချိန်ယူညှိနှိုင်းမှူရှိသောကြောင့် Sales Cycle ကြာရှည်သည့် အတွက် အခြား ကုန်ပစ္စည်း ထောက်ပံ့သူများ (Suppliers) ထံမှဝယ်ယူ ပြောင်းလဲ စာချုပ်ချုပ်ရန် ခက်ခဲပါသည်။ ထို့အပြင် ဝယ်ယူမည့်သူ အရေအတွက် နည်းသော်လည်း ဝယ်ယူမည့် အရေအတွက်များပြားသည့်အတွက် ဝန်ဆောင်မှု ပေးရမည့် လုပ်ငန်း နည်းသည့်အတွက် အထူးဂရုစိုက်သောကြောင့် B2C ထက် ဝန်ဆောင်မှူပိုင်းတွင် သာလွန် ပါသည်။
Difference Between B2C and B2B
B2C ဈေးကွက်တွင် ကုန်ပစ္စည်း / ဝန်ဆောင်မှုများကို ဝယ်ယူရာတွင် စားသုံးသူများမှ တစ်ဦးချင်း ဆုံးဖြတ်ဝယ်ယူပါသည်။ သို့သော် B2B ဈေးကွက်တွင် လုပ်ငန်းအတွက် လိုအပ်သည့် ကုန်ကြမ်းများ (Raw Materials) ၊ ထုတ်လုပ်မည့် ကုန်ပစ္စည်းတွင်ပါဝင်မည့် အစိတ်အပိုင်းများ (Components) ၊ စက်ယန္တရားများ (Machinery) ၊ ရုံးသုံးပစ္စည်းများ (Office Supplies) နှင့် လုပ်ငန်းအတွက် လိုအပ်သည့် ဝန်ဆောင်မှူလုပ်ငန်းများ ကို ဝယ်ယူသည့်အခါတွင် သက်ဆိုင်ရာဌာနအတွက် လိုအပ်သည့် ပစ္စည်း/ဝန်ဆောင်မှူ များကို ဝယ်ယူရန် စတင်တိုက်တွန်း သူများ (Initiator) ၊ ဝယ်ယူမည့် ပစ္စည်း / ဝန်ဆောင်မှူကို ရောင်းချမည့် သူများ၏ သတင်း အချက်အလက်များကို ရရှိသည့်သူများ (Gate Keeper) ၊ မည်သည့် နေရာတွင် ငွေမည်မျှ အသုံးပြုပြီး မည်သည့်ပမာဏ ဝယ်ယူရမည် စသည်ဖြင့် ဝယ်ယူရေးတွင် လွှမ်းမိုးသူများ (Influencer) ၊ ဝယ်ယူရန် ဆုံးဖြတ်ပိုင်ခွင့် ရှိသူများ (Decider) ၊ ဝယ်ယူမှူလုပ်ငန်းစဉ်တွင် တာဝန်ရှိသူများ (Buyer) နှင့် ဝယ်ယူ သည့် ပစ္စည်းများကို သုံးစွဲမည့်သူများ (User) စသည့်သူများပါဝင်သည့် Decision Making Units ဖြစ်ပါသည်။ ထို့ကြေင့် လုပ်ငန်းမှ ကုန်ပစ္စည်း / ဝန်ဆောင်မှုများကို ရောင်းချရာတွင် B2C တွင် ဝယ်ယူသုံးစွဲမည့် သူများ (Customers) ကိုသာ ချဉ်းကပ်ရသော်လည်း B2B ဈေးကွက်တွင်မူ DMU မှ သက်ဆိုင်ရာ ပါဝင်သူများကို သင့်လျော်သလို ချဉ်းကပ်ရပါမည်။ မည်သည့် နေရာတွင် ငွေမည်မည်မျှ အသုံးပြုပြီး မည်သည့်ပမာဏ ဝယ်ယူရမည် စသည်ဖြင့် ဝယ်ယူရေးတွင် လွှမ်းမိုးသူများ (Influencers) သည် လုပ်ငန်းမှ လေးစားခံရသော အတွေ့အကြုံရှိသည့် စီမံခန့်ခွဲသူများမှ ဖြစ်ကြပါသည်။ လုပ်ငန်း၏ သက်ဆိုင်ရာဌာနအတွက် လိုအပ်သည့် ပစ္စည်း/ဝန်ဆောင်မှူ များကို ဝယ်ယူရန် တိုက်တွန်း သူများသည် Initiator များ ဖြစ်ကြပါသည်။ ဝယ်ယူမည့် ပစ္စည်း / ဝန်ဆောင်မှူကို ရောင်းချမည့် သူများ၏ သတင်း အချက်အလက်များကို ရရှိသည့်သူများကို Gate Keeper ဟုခေါ်ပါသည်။ - ဥပမာ BOD ၏ အတွင်းရေးမှူးများ၊ ဧည့်ကြိုများ။ ဝယ်ယူမှူလုပ်ငန်းစဉ်တွင် တာဝန်ရှိသူများသည် Buyers ဖြစ်ကြပါသည်။ ဥပမာ - သက်ဆိုင်ဌာန အတွက် လိုအပ်သည့် ပစ္စည်းများဝယ်ရမည့်သူမျာ။ ဝယ်ယူရန် ဆုံးဖြတ်ပိုင်ခွင့် ရှိသူများ Deciders နှင့် ဝယ်ယူသည့် ပစ္စည်းများကို သုံးစွဲမည့်သူများ Users များဖြစ်ပါသည်။
Segmentation, Targeting and Positioning and Marketing Strategies
လုပ်ငန်း၏ ကုန်ပစ္စည်း / ဝန်ဆောင်မှူကို ရောင်းချရာတွင် အရေးကြီး စားသုံးသူများ (keys Customers) ကို သိရှိနိုင်ရန် တပြေးညီရှူမြင်ခြင်း မလုပ်ဘဲ ဈေးကွက်ကို အစိတ်အပိုင်းအမျိုးမျိုးပိုင်းခြားခြင်း (Segmentation) ၊ ရောင်းချမည့် ဈေးကွက်အုပ်စု သတ်မှတ်ခြင်း (Targeting) နှင့် ဈေးကွက်တွင် နေရာယူခြင်း (Positioning) စသည့် Marketing ဆိုင်ရာ အောင်မြင်ရာ အောင်မြင်ကြောင်း နည်းလမ်းများဖြင့် ဆောင်ရွက်ရပါသည်။
Segmentation ဆိုသည်မှာ
Segmentation ဆိုသည်မှာ လုပ်ငန်းမှ ထုတ်လုပ်ရောင်းချမည့် / ဝန်ဆောင်မှုပေးမည့် ထုတ်ကုန်ကို စားသုံးသူတိုင်း အတွက်မဟုတ်ဘဲ ဝယ်ယူမည့်သူ၏ လိုအပ်ချက်များပေါ်မူတည်ပြီး ဈေးကွက်ကို အုပ်စုခွဲ ရှူမြင် ခြင်းဖြင့် လုပ်ငန်းအတွက် အကျိုးအမြတ်ရရှိရန်သာမက စားသုံးသူများကိုလည်း ထိထိမိမိ ဝန်ဆောင်မှု ပေးနိုင် မည် ဖြစ်ပါသည်။ ယင်းတို့ အုပ်စုခွဲရာတွင် Geographic Segmentation ၊ Demographic Segmentation ၊ Psychographic Segmentation နှင့် Behavioural Segmentation ဟု နည်းလမ်း ၄ မျိုးရှိပါသည်။
Geographic Segmentation ဆိုသည်မှာ
Geographic Segmentation ဆိုသည်မှာ လုပ်ငန်းမှ ရောင်းချမည့် ကုန်ပစ္စည်း / ဝန်ဆောင်မှူအတွက် နယ်မြေဒေသ ပိုင်းခြားခြင်းဖြစ်ပါသည်။ ဥပမာ - သိုးမွေးအထည် အဝတ်အထည်များကို ထုတ်လုပ်ရောင်းချရမည့် ဒေသများပိုင်းခြားရာတွင် အပူပိုင်းဒေသများဖြစ်သော အရှေ့တောင်အာရှနိုင်ငံများထက် အအေးပိုင်း ဒေသများ ဖြစ်သော ဥရောပနိုင်ငံများကို ရွေးချယ်သတ်မှတ်ပြီး ယင်းဒေသနှင့်ကိုက်ညီသည့် ထုတ်ကုန်များကို ထုတ်လုပ် ရောင်းချခြင်း ဖြစ်ပါသည်။ Demographic Segmentation ဆိုသည်မှာ ကျား / မ (Gender) ၊ အသက် (Age) ၊ မိသားစု အရွယ်အစား (Family Size) ၊ ပညာအရည်အချင်း (Education) ၊ အလုပ်အကိုင် အမျိုးအစား (Occupation) ၊ တစ်ဦးချင်း ဝင်ငွေ (Income) ၊ ကိုးကွယ်ရာ ဘာသာ (Religion) ၊ နှင့် လူမျိုး (Race) အလိုက် ပိုင်းခြားခြင်းဖြစ်ပါသည်။ ဥပမာ - စားသောက်ကုန်လုပ်ငန်း တစ်ခုသည် ထုတ်လုပ်မည့် စားသောက်ကုန်များ အတွက် လူမျိုးမရွေး ဘာသာမရွေး လူတန်းစားမရွေး ဝယ်ယူစားသောက်နိုင်ရန် ဈေးကွက်ကို ပိုင်းခြားနိုင်သည်။ Pyschographic Segmentation တွင် အလုပ်အကိုင်အဆင့်အတန်းမြင့်ပြီး ဝင်ငွေကောင်း၍ သြဇာအာဏာ ရှိသောသူများပါဝင်သည့် Upper Class ၊ အလုပ်အကိုင်အဆင့်အတန်းနှင့် ဝင်ငွေအသင့်အတင့်ရှိသော သူများ ပါဝင်သည့် Middle Class နှင့် အခြေခံလူတန်းစားများ Lower Class စသည့် လူနေမှူ အဆင့်အတန်း (Social Class) အရခွဲခြားခြင်း ဖြစ်ပါသည်။ ဥပမာ - Rolex မော်တော်ကား ထုတ်လုပ်သည့် လုပ်ငန်းသည်လည်း Upper Class လူတန်းစားများသာ ဝယ်ယူနိုင်မည့် ဇိမ်ခံမော်တော်ကားများ ထုတ်လုပ်ရေားချမည့် ဈေးကွက်ကို ပိုင်းခြား ခြင်းဖြစ်ပါသည်။ Behavioural Segmentation ဆိုသည်မှာ အချိန်ကာလအလိုက် သော်လည်းကောင်း၊ ကုန်ပစ္စည်း / ဝန်ဆောင်မှူ၏ ထူးခြားမှူ သို့မဟုတ် အရည်အသွေး သို့မဟုတ် ဈေးနှုန်းအရ သော်လည်းကောင်း၊ မကြာခဏ ဝယ်ယူခြင်း သို့မဟုတ် ကုန်အမှတ်တံဆိပ်ကို ကြိုက်နှစ်သက်သောကြောင့် အမြဲတမ်းဝယ်ယူ အသုံးပြုခြင်း စသည့် စားသုံးသူများ၏ အမူအကျင့်နှင့် အလေ့အထများကို မူတည်ပြီး ဈေးကွက်ကို ပိုင်းခြားခြင်း ဖြစ်ပါသည်။ ဥပမာ - သီတင်းကျွတ်တွင် လူကြီးမိဘများကို ကန့်တော့ရန် ကိတ်မုန့်နှင့် အခြားစားသောက်ကုန် များကို အဝယ်များသောကြောင့် ယင်းနှင့် ပတ်သက်သည့် စားသောက်ကုန်ထုတ်လုပ်ရောင်းချသည့် ဈေးကွက် သည် အရွယ်အစားသည် အချိန်ကာလအလိုက် ကြီးမားပါသည်။
Targeting ဆိုသည်မှာ
Targeting ဆိုသည်မှာ ဈေးကွက်များကို အုပ်စုများခွဲခြားပြီးနောက် လုပ်ငန်းမှထုတ်လုပ်ရောင်းချမည့် ကုန်ပစ္စည်း / ဝန်ဆောင်မှူအတွက် ဝယ်ယူစားသုံးသူများ၏ လိုအပ်ချက်ကို အကောင်းဆုံးဖြည့်ဆီးပေးနိုင်ပြီး အကျိုးအမြတ်ရရှိနိုင်သည့် ဈေးကွက်ကို ပစ်မှတ်ထားရွေးချယ်ခြင်း ဖြစ်ပါသည်။ ယင်းသို့ရွေးချယ်ရာတွင် လုပ်ငန်းမှ ရောင်းချမည့် ကုန်ပစ္စည်းများကို ဝယ်ယူမည့်သူများ၏ အရေအတွက် ကျား / မ အမျိုးအစား အသက်အရွယ် အဆင့်အတန်း စသည့် Segmentation ပြုလုပ်စဉ်ကရရှိခဲ့သော အချက်အလက်များသည် တိုင်းတာနိုင်မှူရှိခြင်း (Measurability) ၊ လုပ်ငန်းမှ ရောင်းချမည့် ကုန်ပစ္စည်းများကို ဈေးကွက်မှလက်ခံနိုင်ခြင်း (Accessibility) ၊ ဈေးကွက်အရွယ်အစားသည် ကြီးမားသလို ဝယ်နိုင်စွမ်း (Purchasing Power) အပေါ် မူတည်ပြီး လုပ်ငန်းမှ ရောင်းချမည့် ကုန်ပစ္စည်းများကို လိုအပ်ချက်နှင့်အညီ လျော်ညီအောင် ပြုပြင်ပြောင်းလဲ ထုတ်လုပ် ရောင်းချနိုင်ခြင်း (Customizing) ဖြင့် ရေရှည်အကျိုးအမြတ်များခြင်း (Substainability) ၊ တည်ငြိမ် သည့် ဈေးကွက်ဖြစ်ခြင်း (Stability) နှင့် ကုန်ပစ္စည်းများကို ထပ်မံ တိုးချဲ့နိုင်ခြင်းဖြင့် လုပ်ငန်း၏ ရပ်တည်ချက် (Mission) နှင့် ကိုက်ညီမှူရှိခြင်း (Congruence) စသည့် ဂုဏ်အင်္ဂါများဖြင့် ဆုံးဖြတ်ပါသည်။ ဈေးကွက်များကို အုပ်စုခွဲပြီး ပစ်မှတ်ထားရန်အတွက် အသုံးပြုသည့် Targeting Strategy တွင် ဈေးကွက်၏ လူဦးရေအများဆုံးဖြစ်သည့် Undifferentiated / Mass Marketing တွင် ဈေးကွက်တစ်ခုလုံးကို တစ်ပြေးညီတည်း ဟု သုံးသပ်ပြီး ရောင်းချခြင်း ၊ လုပ်ငန်းမှ ထုတ်လုပ် ရောင်းချမည့် ကုန်ပစ္စည်း / ဝန်ဆောင်မှူအား ဈေးကွက်အားလုံးကို ရောင်းချခြင်းမဟုတ်ဘဲ ဈေးကွက်အား ပိုင်းခြားပြီး ရောင်းချသည့် Differentiated Marketing ၊ ပိုင်းခြားလိုက်သည့် ဈေးကွက်ထဲမှ လိုအပ်ချက်နှင့်အညီ အကောင်းဆုံးဖြည့်ဆည်း ပေးနိုင်ပြီး လုပ်ငန်းအတွက် အကျိုးအမြတ် အကောင်းဆုံးသော ဈေးကွက်ကိုသာလျှင် ရောင်းချသည့် Concentrated / Niche Marketing နှင့် သတ်မှတ်ထားသည့် ဈေးကွက်အတွင်းရှိ လူနည်းစုကိုသာလျှင် ရောင်းချသည့် Micromarketing ဟူ၍ ၄ မျိုးအသုံးပြုပါသည်။ Micromarketing တွင် ဒေသတွင်း၊ အိမ်နီးချင်း များကိုသာရောင်းချသည့် (Local Based Marketing) နှင့် ဆက်ဆံရေးပေါ်တွင် အခြေခံရောင်းချသည့် (Relationship Based Marketing) ဟု ၂ မျိုးထပ်မံခွဲခြားထားပါသည်။
Positioning ဆိုသည်မှာ
Positioning ဆိုသည်မှာ လုပ်ငန်းမှရောင်းချသည့် ကုန်ပစ္စည်းများအား ဈေးကွက်အတွင်းရှိ ဆိုင်များ ပေါ်တွင် ခင်းကျင်းရောင်းချခြင်းကို ဆိုလိုသည်မဟုတ်ဘဲ ကုန်ပစ္စည်းများ၏ ထူးခြားမှုများကို သတင်းအချက် အလက်ပေးခြင်း၊ စည်းရုံး သိမ်းသွင်းခြင်းဖြင့် စားသုံးသူများ၏ ရင်ထဲစိတ်ထဲတွင် ယင်းအမှတ် တံဆိပ်အား စွဲမြဲနေစေရန် ဆောင် ရွက်ခြင်းဖြင့် - ဥပမာ ဝယ်ယူပြီးနောက် ဝန်ဆောင်မှူကောင်းခြင်း၊ ပြိုင်ဘက်လုပ်ငန်း၏ ကုန်ပစ္စည်းထက် အရည်အသွေး ကောင်းမွန်ခြင်း၊ ဈေးသက်သာခြင်း - ဈေးကွက်ဝေစုကို ပြိုင်ဘက်များ ထက် ပိုမိုရရှိစေပြီး အသစ်ဝင် ရောက်လာမည့် လုပ်ငန်းများအတွက်လဲ အဟန့်အတားဖြစ်စေသည့် ကောင်းကျိုး များကို ရရှိစေပါသည်။ အချို့ စီးပွားရေးလုပ်ငန်းများသည် ထုတ်လုပ်ရောင်းချသည့် ကုန်ပစ္စည်းများ / ဝန်ဆောင် မှူများ၏ အရည်အသွေး (Quality) ကို အကောင်းဆုံးပြုလုပ်ခြင်း ၊ တခြားပြိုင်ဘက်လုပ်ငန်းများမှ မပေးနိုင်သည့် ဝယ်ယူရသည့် တန်ဖိုး ထက်သာသော အကျိုးကျေးဇူး ရရှိခြင်း (Value for Money) ၊ သတ်မှတ်ထားသည့် အချိန်အတွင်းတွင် အမှား အယွင်းမရှိအောင် စီစဉ်ပေးခြင်း (Reliability) ၊ လှပဆန်းသစ်သော ဒီဇိုင်းပုံစံမျိုးဖြင့် စွဲဆောင်မှုပြုလုပ်ခြင်း (Attractiveness) ၊ အခြေစိုက်ရာ နိုင်ငံ (Country of Origin) ၏ ပုံရိပ်ဖြင့် စွဲဆောင်ခြင်း အပြင် ရွေးချယ်စရာ အမျိုးအစားအစုံအလင်အောင် ထုပ်လုပ်ရောင်းချ ဝန်ဆောင်မှုပေးခြင်း စသည့် စားသုံးသူ များ၏ စိတ်ထဲတွင် လုပ်ငန်း၏ ကုန်အမှတ်တံဆိပ် (Brand) ကို မှတ်မိနေစေရန် လုပ်ဆောင်ကြခြင်း ဖြင့် ဈေးကွက်တွင် နေရာယူကြပါသည်။ Positioning Strategy အမျိုးမျိုးရှိပါသည်။ ကုန်ကျစရိတ်သက်သာပြီး ဈေးလျော့ပေးနိုင်သော ပစ္စည်း/ဝန်ဆောင်မှု (Cost Positioning Strategy) ၊ အရည်အသွေးမြင့်သော ပစ္စည်း/ဝန်ဆောင်မှု (Quality Positioning Strategy) ၊ လိုချင်သည့် အရည်အသွေးအတိုင်း တသမတ်တည်းရနိုင်သော ပစ္စည်း/ဝန်ဆောင်မှု (Flexible Positioning Strategy) ၊ အမြန်ဆုံးရနိုင်သော ပစ္စည်း/ဝန်ဆောင်မှု (Speed Positioning Strategy) တို့ဖြစ်ကြပါသည်။ လုပ်ငန်း၏ ကုန်ပစ္စည်းများ / ဝန်ဆောင်မှူများ အပြင် ပြိုင်ဘက်များ၏ Price and Quality ၂ မျိုးအား Positioning Map / Perceptual Map ပေါ်တွင် နေရာချခြင်းဖြင့် Cost Positioning နှင့် Quality Positioning ရရှိနိုင်ပါသည်။
Product and Service
Product တွင် ကုန်ပစ္စည်း / ဝန်ဆောင်မှူ ၂ မျိုးစလုံးပါဝင်ပါသည်။ သဘာဝဇီဝဇိုးငှက်သိုက်မှ စားသောက်ကုန် အဖြစ်ထုတ်လုပ်ရောင်းချသည့် လုပ်ငန်းတစ်ခုသည် ပင်မပစ္စည်း (Core Product) အဖြစ် ငှက်သိုက် ပါဝင်ပြီး အရည်အသွေးအဆင့် (Quality Level) တစ်ခုတွင် ထုပ်ပိုးမှူဒီဇိုင်း (Packaging Design) ကောင်းကောင်းဖြင့် ကုန်အမှတ်တံဆိပ် (Brand) အဖြစ် ထုတ်လုပ်သည့် (Actual Product) နှင့် ဝယ်ယူသူများ စိတ်ချမ်းမြေ့စေသည့် အိမ်တိုင်ရာရောက် ပို့ဆောင်သည့် ဝန်ဆောင်မှူများ၊ အာမခံချက်များ ပါဝင်သည့် (Augmented Product) စသည်ဖြင့် ရှိပါသည်။ ကုန်ပစ္စည်းအမျိုးအစား အုပ်စုခွဲခြားခြင်း (Product Classifications) တွင် ဝယ်ယူသူတစ်ဦးချင်းစီကို ရောင်းချပေးသည့် Consumer Goods နှင့် လုပ်ငန်းမှ လုပ်ငန်းသို့ ရောင်းချပေးသည့် Industries Goods ဟူ ၂ မျိုးခွဲခြားနိုင်ပါသည်။
Consumer Goods
Consumer Goods တွင် ကျယ်ကျယ်ပြန့်ပြန့်ဖြန့်ဖြူး ပေးသည့်လုပ်ငန်းစဉ် (Intensive Distribution) ဖြင့် စားသုံးသူများအတွက် ဈေးမကြီးဘဲ အလွယ်တကူ ဝယ်ယူရရှိနိုင်သည့် Convenience Goods ၊ ယင်းထက် ငွေတန်ဖိုးပိုမြင့်ပြီး ခဏခဏ ဝယ်ယူရန် မလိုအပ်သည့် အဝတ်အထည်မှ လျှပ်စစ်ပစ္စည်းများပါဝင်သည့် Shopping Goods ၊ တန်ဖိုးကြီး ကျောက်မျက်ရတနာများ၊ မော်တော်ယာဉ်များ ကဲ့သို့သော တခြားပစ္စည်းများထက် ထုတ်လုပ်ရန်ရော ဝယ်ယူရန်ပါ အချိန်ပေးရသည့် Speciality Goods နှင့် စားသုံးသူအတွက် အမြဲလိုအပ်နေခြင်း မဟုတ်ဘဲ အခက်အခဲများကို ဖြေရှင်းရန် သို့မဟုတ် အကြောင်းတိုက်ဆိုင်မှသာ ဝယ်ယူကြသည့် Unsought Goods စသည်တို့ပါဝင်ပါသည်။ Industries Goods တွင် Business 2 Business အတွက် ရောင်းချသည့် / ပေးသည့် ကုန်ကြမ်းပစ္စည်းများ (Raw Materials) ၊ ဝန်ဆောင်မှူများ (Services) ၊ ထုတ်လုပ်ပြီး အစိတ်အပိုင်းများ (Fabrication Parts and Materials) ၊ အပြင် တပ်ဆင်ရန်အတွက် စက်ကရိယာများ (Accessory Equipments) စသည်ဖြင့် ပါဝင်ပါသည်။ ကုန်ပစ္စည်း / ဝန်ဆောင်မှူအသစ်များကို ဆန်းသစ်တီထွင်မှူနှင့် ထုတ်လုပ်မှူကုန်ကျစရိတ်များ အပြင် စားသုံးသူတို့အား အသစ်ပါလာသည့် ကုန်ပစ္စည်း၏ထူးခြားမှူအသစ်များကို သိရှိစေရန် ကြော်ငြာခြင်း အရောင်းမြှင့် တင်ခြင်းများ ပြုလုပ်သည့် ဈေးကွက်သို့ စတင်မိတ်ဆက်သည့် အဆင့် (Introductory Stage) ၊ ဝယ်ယူသုံးစွဲသူများလာသည်နှင့်အမျှ ဈေးကွက်အရွယ် အစားကျယ်ပြန့်လာပြီး ပြိုင်ဘက်စီးပွားရေး လုပ်ငန်းများမှ အလားတူကုန်ပစ္စည်းများကို ထုတ်လုပ်ရောင်းချလာသဖြင့် ပြိုင်ဆိုင်မှူပြင်းထန်လာသည့် ဖွံ့ဖြိုး သည့်အဆင့် (Growth Stage) ၊ ဈေးကွက်ဝယ်လိုအား နှေးသွားပြီး ဝယ်ယူသူအသစ်များ (New Customer) မရှိသလောက်နည်းပါးသွားသည့် ရင့်မှည့်သည့်အဆင့် (Maturity Stage) နှင့် ဝယ်ယူသူများမှ ဈေးကွက်တွင် ရောက်ရှိလာသည့် အသစ်ဝင်ရောက်လာသည့် ကုန်ပစ္စည်းများကို ပြောင်းလဲအသုံးပြုလာသောကြောင့် အရောင်းနှင့် အမြတ်ပါ ကျဆင်းသည့်အဆင့် (Decline Stage) စသည့် ကုန်ပစ္စည်း ဘဝသံသရာ စက်ဝန်း (Product Life Cycle) ရှိပါသည်။ ဥပမာ - Apple မှ iPhone ကို စတင်မိတ်ဆက်သည့် အဆင့် (Introductory Stage) တွင် ဆန်းသစ်တီထွင်မှူနှင့် ထုတ်လုပ်မှူ ကုန်ကျစရိတ်များ အပြင် စားသုံးသူတို့အား အသစ်ပါလာသည့် ကုန်ပစ္စည်း၏ထူးခြားမှူအသစ်များကို သိရှိစေရန် ကြော်ငြာခြင်း အရောင်းမြှင့် တင်ခြင်းများ ပြုလုပ်ခြင်းဖြင့် အခြားမိုဘိုင်းဖုန်းများ ဈေးကွက်သို့ဝင်ရောက်လာမှုကို ဟန့်တားပြီး ဈေးကွက်၏ဝေစုကို သိမ်းပိုက်ပါသည်။ ဝယ်ယူသုံးစွဲသူများလာသည်နှင့်အမျှ ဈေးကွက်အရွယ် အစားကျယ်ပြန့်လာပြီး ဖွံ့ဖြိုးသည့်အဆင့် (Growth Stage) တွင် ပြိုင်ဘက်စီးပွားရေးလုပ်ငန်းများမှ အလားတူ ကုန်ပစ္စည်းများကို ထုတ်လုပ်ရောင်းချလာသဖြင့် ပြိုင်ဆိုင်မှူပြင်းထန်လာသည့် အလျောက် ရရှိလာသည့် အကျိုးအမြတ်များကို သေချာစွာ စီမံခန့်ခွဲပြီး ဈေးကွက်၏လိုအပ်ချက်နှင့်အညီ နောက်ထပ် ထုတ်လုပ် ရောင်းချမည့် ကုန်ပစ္စည်းများ အတွက် အစီအစဉ်များရေးဆွဲပြင်ဆင်ရပါမည်။ ဈေးကွက်ဝယ်လိုအား နှေးသွားသည့် ရင့်မှည့်သွားသည့်အဆင့် (Maturity Stage) တွင် ဝယ်ယူသူအသစ်များ (New Customer) မရှိသလောက်နည်းပါးသွားသည့်အတွက် ကုန်ပစ္စည်း၏သက်တမ်းကို ဆွဲဆန့်ခြင်း (Product Extension) ပြုလုပ်ခြင်းဖြင့် ကျဆင်းသည့် အချိန် (Decline Stage) သို့ မရောက်အောင် ဆောင်ရွက်ကြပြီး ကုန်ပစ္စည်း / ဝန်ဆောင်မှူကို အစားထိုးနိုင်မည့် ကုန်ပစ္စည်း / ဝန်ဆောင်မှူအသစ်များကို ဆန်းသစ်တီထွင်ခြင်း၊ လက်ရှိထုတ်လုပ်ရောင်းချနေသည့် ကုန်ပစ္စည်း / ဝန်ဆောင်မှူ ကိုရပ်တန့်ကြပါသည်။ သို့သော် ထုတ်လုပ်ရောင်းချသည့် ကုန်ပစ္စည်းအမျိုးအစားပေါ်မူတည်ပြီးလည်း Product Life Cycle သက်တမ်းကွာခြားပါသည်။
Branding ဆိုသည်မှာ
Marketing ပညာရှင် Philip Kotler မှ “Brand is a name, term, sign, design or a combination of these that identifies the maker or seller of the product” ဟု အဓိပ္ပါယ်ဖွင့်ဆိုခဲ့ပါသည်။ အမှတ်တံဆိပ် (Brand) တစ်ခု၏ထူးခြားချက်များ (Unique Selling Point – USP) ဖြစ်သည့် လုပ်ငန်း၏ ကုန်ပစ္စည်း / ဝန်ဆောင်မှု၏ အားသာချက်များ၊ အသုံးဝင်မှူများ၊ ဝယ်ယူအသုံးပြုသူများအတွက် တင့်တယ်ဂုဏ်ရှိမှူများကို ဖန်တီးရပါမည်။ ထို့ကြောင့် ဈေးကွက်၏လိုအပ်ချက်များကို ဖြည့်ဆည်းပေးမည့် ကုန်ပစ္စည်းများ၏ ကုန်အမှတ်တံဆိပ် (Brand) သည် Marketing Mix ဖြစ်သော 4Ps / 7Ps တို့နှင့် ချိတ်ဆက်ပြီး အပြန်အလှန်ပံ့ပိုးပေးရမှာ ဖြစ်ပါသည်။ ဥပမာ သိန်းရာချီတန် (Price) သည့် ကျောက်မျက်ရတနာ (Product) အား သာမာန်ဆိုင်နေရာ (Place) တွင် ခင်းကျင်း ပြသပါက မည်မျှပင် အရည်အသွေးကောင်းပြီး Promotion မည်မျှပင် ပြုလုပ်စေကာမူ အလုပ်ဖြစ်မည် မဟုတ် ပေ။ ထို့ကြောင့် ရောင်းချမည့် ကုန်ပစ္စည်း (Product) ၏ အရည်အသွေးသည် ရောင်းချသည့် ဈေးနှုန်း (Price) နှင့် နေရာ (Place) သည်လည်း ကိုက်ညီပြီး ဝယ်ချင်သူများအား စည်းရုံးသိမ်းသွင်းသည့် လုပ်ငန်းစဉ် (Promotion) လည်းမှန်ကန် ရပါမည်။ အကယ်လို့သာ တစ်စုံတစ်ခုသော P သည် မှားယွင်းနေပါက အခြားသော P များကိုပါ ထိခိုက်စေပါသည်။ ထူးခြားသည့် အမှတ်တံဆိပ် (Brand) ဖြစ်လာစေရန် အသွင်အပြင်နဲ့ ထူးခြားမှူ (Features and Attributes) ၊ မြင်သာထင်ရှားသည့် အကျိုးကျေးဇူးများ (Functional Benefits) ၊ ဝယ်ယူသူများတွင် ဝယ်ယူလိုက်သည့် ကုန်ပစ္စည်းနှင့် ဝန်ဆောင်မှူများကို အမြဲသုံးစွဲခြင်သည့် စိတ်((Emotional Benefits) ၊ အမှတ်တံဆိပ်၏ ထူးခြားမှူများကို ထင်ဟပ်စေသည့် အရောင်၊ စာသား (Brand / Product Persona) နှင့် အမှတ်တံဆိပ်၏ အနှစ်သာ (Brand Idea) စသည်တို့ကို အကောင်းဆုံးလုပ်ဆောင်ရပါမည်။
Pricing Concept and Strategy
ရောင်းဈေးနှူန်း သတ်မှတ်ချက် (Price) သည် ကုန်ပစ္စည်း / ဝန်ဆောင်မှူ တစ်ခုအတွက် ၏ ဈေးနှူန်း တက်သွားလေလ ဝယ်ယူသူအရေအတွက် နည်းသွားတတ်ပြီး ဈေးသက်သာသည်နှင့် တပြိုင်နက် ဝယ်ယူသူ ပမာဏများ လာသည့် သဘောတရားကို ဝယ်ယူသူ၏ ရှူထောင့်မှ ဆွဲထားသည့် ဝယ်လိုအားပြမျဉ်း (Supply Curve) နှင့် ရောင်းချသူ၏ ရှူထောင့်မှ ဆွဲထားသည့် ရောင်းလိုအားပြမျဉ်း (Supply Curve) တို့ကို အခြေခံ ထားသည့် Economic Theory of Pricing တွင်တွေ့မြင်နိုင်ပါသည်။ ဥပမာ - အိမ်တွင်းမှူ စားသောက်ကုန်လုပ်ငန်းတစ်ခုမှ သဘာငှက်သိုက်ဖြင့် ပြုလုပ်ထားသည့် ငှက်သိုက် ၃၀၀ ml တစ်ပုလင်းအား ငွေကျပ် ၄၅၀၀ ဖြင့်ရောင်းချပါက အရေအတွက်အားဖြင့် တစ်လလျှင် ၁၀၀၀ ပုလင်းရောင်းချနေရာမှ ၁ ပုလင်းလျှင် ၅၀၀ ကျပ် လျှော့ချပြီး ရောင်းချလိုက်သည့် အခါ ၁၂၀၀ ပုလင်းရောင်းချလိုက်ရပြီး ၁ ပုလင်းလျှင် ၅၀၀၀ ကျပ်ဖြင့် ရောင်းချသည့် အခါ ၉၀၀ ပုလင်းသာ ရောင်းချရပါသည်။ ဈေးနှုန်းမြင့်တက် သွားသည့် အတွက် ဝယ်လိုအားကျသွားသည်ကို တွေ့ရပြီး ဈေးကွက်၏ တုံ့ပြန်မှူသည် ရောင်းဈေးနှုန်း (Price) နှင့် ဆက်စပ်နေ သည်ကို မြင်တွေ့နိုင်ပါသည်။ သို့သော် ဈေးနှူန်းနည်းနည်းအပြောင်းအလဲကြောင့် ဝယ်လိုအားကို အပြောင်း အလဲဖြစ်သည့် အခြေအနေ (Elastic of Demand) ဖြစ်နိုင်သည့် အခြေခံလူသုံးကုန်ကဲ့သို့သော ကုန်ပစ္စည်းများ ရှိကြပြီး ဈေးနှူန်းကြောင့် ဝယ်လိုအားကို များစွာသက်ရောက်မှူမရှိသည့် အခြေအနေ (Inelastic of Demand) ဖြစ်နိုင်သည့် ကုန်ပစ္စည်း / ဝန်ဆောင်မှူများလည်းရှိပါသည်။ ရောင်းဈေးနှူန်းသတ်မှတ်ခြင်းနည်းလမ်းများ (Pricing Strategies) တွင် စရိတ်အပေါ် အမြတ်တင်ပြီး ရောင်းဈေးနှုန်းသတ်မှတ်ခြင်း (Cost-based Pricing Strategy) ၊ ဈေးကွက်ဝယ်လိုအား အခြေအနေပါ် မူတည်ပြီး ရောင်းဈေးနှုန်းသတ်မှတ်ခြင်း (Customer-based Pricing Strategy) နှင့် ယှဉ်ပြိုင်မှူ ပတ်ဝန်းကျင် ပေါ် အခြေခံပြီး ရောင်းဈေးသတ်မှတ်ခြင်း (Competitor-based Pricing Strategy) စသည်ဖြင့် နည်းလမ်း ၃ မျိုးရှိပါသည်။
Cost-based Pricing Strategy - စရိတ်အပေါ် အမြတ်တင်ပြီး ရောင်းဈေးနှူန်းသတ်မှတ်ခြင်း
Cost-based Pricing Strategy - စရိတ်အပေါ် အမြတ်တင်ပြီး ရောင်းဈေးနှူန်းသတ်မှတ်ခြင်းတွင် ကုန်ပစ္စည်း / ဝန်ဆောင်မှူများအတွက် ကုန်ကျသည့် ကုန်ကျစရိတ်များအပေါ် အခြေခံပြီး ရောင်းဈေးနှူန်း သတ်မှတ်ခြင်း (Cost-plus Pricing) နှင့် မူလထုတ်လုပ်ရောင်းချသူ၏ ရောင်းဈေးနှုန်းထက် အမြတ်သတ်မှတ် ရောင်းချခြင်း (Shelf / Mark-up Pricing) စသည်ဖြင့် ၂ မျိုးရှိပါသည်။
Customer-based Pricing Strategy - ဈေးကွက်ဝယ်လိုအား အခြေအနေပေါ်မူတည်ပြီး ရောင်းဈေး နှူန်း သတ်မှတ်
Customer-based Pricing Strategy - ဈေးကွက်ဝယ်လိုအား အခြေအနေပေါ်မူတည်ပြီး ရောင်းဈေး နှူန်း သတ်မှတ်ရာတွင် မည်သည့် အခြေအနေတွင် ဖြစ်စေ ရောင်းဈေးနှုန်းကို အတိုးအလျော့မပြုလုပ်ဘဲ ပုံမှန် ရောင်းချရန် သတ်မှတ်ထားသည့် နည်းလမ်း (Customary Pricing) ၊ ရောင်းချသည့် ကုန်ပစ္စည်း / ဝန်ဆောင်မှူ သည် ဈေးကွက်တွင် ရရှိနိုင်မှူပေါ်မူတည်ပြီး ရောင်းဈေးနှူန်းကို ပြောင်းလဲသတ်မှတ်သည့် နည်းလမ်း (Demand-based Pricing) ၊ လုပ်ငန်းမှထုတ်လုပ်သည့် ကုန်ပစ္စည်း / ဝန်ဆောင်မှူ၏ အရည်အသွေးနှင့် ဈေးကွက် လိုအင် ပေါ်မူတည်ပြီး ရောင်းဈေးနှူန်သတ်မှတ်ခြင်း (Product Line Pricing) ၊ ကနဦးတွင် ထုတ်လုပ်မှူကြောင့် ကုန်ကျစရိတ်များကြောင့် ဈေးကွက်တွင် စတင်ရောင်းချသည့်အချိန်တွင် ရောင်းဈေးနှူန်းတင်ထားသော်လည်း အရင်းကျေကာလနောက်ပိုင်း တဖြည်းဖြည်း ရောင်းဈေးနှူန်းကို လျော့ချသည့်နည်းလမ်း (Skimming) ၊ ကုန်ပစ္စည်း / ဝန်ဆောင်မှူ၏ ရောင်းဈေးနှူန်းမျာသည် စားသုံးသူများ၏ စိတ်ခံစားမှူကို လှုံဆော်ပေးသည့် နည်းလမ်း (Psychological Pricing) နှင့် ကုန်ပစ္စည်း / ဝန်ဆောင်မှူကို စတင်သည့် နေရာဒေသနိုင်ငံ အတွက် သတ်မှတ်ထားသည့် ရောင်းဈေးနှူန်းမဟုတ်ဘဲ ဈေးကွက်အသစ်တည်ရှိရာ နေရာဒေသနိုင်ငံ၏ နိုင်ငံရေး၊ လူမှူရေး၊ စီးပွားရေးနှင့် ကိုက်ညီသည့် ရောင်းဈေးနှူန်းကို ပြင်ဆင်သတ်မှတ်သည့် နည်းလမ်း (Second Market Discounting) စသည်ဖြင့် နည်းလမ်း ၆ မျိုးရှိပါသည်။
Competitor-based Pricing Strategy - ယှဉ်ပြိုင်မှူပေါ်မူတည်ပြီး ရောင်းဈေးနှူန်းသတ်မှတ်
Competitor-based Pricing Strategy - ယှဉ်ပြိုင်မှူပေါ်မူတည်ပြီး ရောင်းဈေးနှူန်းသတ်မှတ်ရာတွင် လုပ်ငန်းမှ ထုတ်လုပ်ရောင်းချသည့် ကုန်ပစ္စည်း / ဝန်ဆောင်မှူ၏ရောင်းဈေးနှူန်းသည် ပြိုင်ဘက်၏ ကုန်ပစ္စည်း / ဝန်ဆောင်မှူ၏ ရောင်းဈေးနှူန်းနှင့် လိုက်ရော ညီထွေမှူရှိစေရန် သတ်မှတ်သည့် နည်းလမ်း (Competitor-based Pricing Strategy) ၊ ကုန်ကျစရိတ်ကို လျော့ချနိုင်သည့် နည်းလမ်းများကို ရှာဖွေပြီး ပြိုင်ဘက်၏ ရောင်းဈေးနှူန်း ထက်လျော့ချသတ်မှတ်သည့် နည်းလမ်း (Undercut-the-competition Strategy) ၊ ဈေးကွက်ဝေစုကို အများဆုံးပိုင်ဆိုင်သည့်အခါ ပြိုင်ဘက်များထက် ပိုမိုသည့်ရောင်းဈေးနှူန်း သတ်မှတ်ခြင်း (Price Leaders Strategy) ၊ ဈေးကွက်ဝေစုကို အချိန်တိုအတွင်း အများဆုံးရရှိစေခြင်းအလို့ငှာ အလွန်သက်သာသည့် ရောင်းဈေးနှူန်ဖြင့် ရောင်းချရန်သတ်မှတ်သည့် နည်းလမ်း (Penetration Pricing Strategy) နှင့် ပြိုင်ဘက်နှင့် ယှဉ်ပြိုင်သည့်ဈေးကွက်အပြင် တခြားဈေးကွက် သို့မဟုတ် လုပ်ငန်းများရှိသောကြောင့် ပြိုင်ဘက်၏ လုပ်ငန်းအား အပြုတ်တိုက်ထုတ်ရန် ရည်ရွယ်ချက်ဖြင့် ရောင်းဈေးနှူန်းကို အထူးသက်သာစွာဖြင့် သတ်မှတ်သည့် နည်းလမ်း (Predatory Pricing) စသည့် နည်းလမ်း ၅ မျိုးရှိပါသည်။
ရောင်းဈေးနှူန်းသတ်မှတ်သည့် လုပ်ငန်းစဉ်အဆင့်ဆင့် (Price Setting Process)
ရောင်းဈေးနှူန်းသတ်မှတ်သည့် လုပ်ငန်းစဉ်အဆင့်ဆင့် (Price Setting Process) တွင် လုပ်ငန်းအတွက် တိုးချဲ့ထားသည့် ဈေးကွက်နှင့် ရရှိမည့်အကျိုးအမြတ် အပြင် စားသုံးသူများ၏ စိတ်ဝင်စားမှူအတိုင်းအတာ စသည်တို့ကို တွက်ချက်ထားပြီး သတ်မှတ်ထားသည့် ရောင်းဈေးနှူန်းသည် အခြားသော Product ၊ Place ၊ Promotion တို့နှင့် ကိုက်ညီမှူရှိမရှိ တွက်ချက်ထားသည့်အဆင့် (Pricing Objective) ၊ ဈေးနှူန်းအပြောင်းအလဲ အနည်းငယ် လုပ်ရုံဖြင့် ဝယ်ယူမှူအတက်အကျအဖြစ်များသည့် ဈေးကွက် အခြေအနေ သို့မဟုတ် ဈေးနှူန်း အပြောင်း အလဲသည် ဝယ်ယူမှူအခြေအနေကို သိသိသာသာ မပြောင်းလဲ နိုင်သည့် အခြေအနေကိုတွက်ချက်ပြီး ဈေးကွက် ဝယ်လိုအား ကို ဆုံးဖြတ်သည့် အဆင့် (Determine Demand) ၊ လုပ်ငန်းမှ ရောင်းချမည့် သို့မဟုတ် ဝန်ဆောင်မှူ ပေးမည့် ထုတ်ကုန်အတွက် ကုန်ကျစရိတ်နှင့် ရရှိမည့် အကျိုး အမြတ်အပြင် ရေရှည် ရင်းနှီး မြုပ်နှံသည့်အခါ တွက်ချေကိူက်မှူနှင့် ထပ်မံကုန်ကျနိုင်မှူရှိမရှိ စသည်တို့ကို ခန့်မှန်း တွက်ချက်သည့် အဆင့် (Estimate Costs) ၊ ဈေးကွက်အတွင်းရှိ လုပ်ငန်း၏ ကုန်ပစ္စည်း / ဝန်ဆောင်မှူ တို့ကို ဝယ်လိုအား လျော့ကျစေရန် ပြိုင်ဘက်များမှ ဈေးနှူန်းလျော့ချပြီး ယှဉ်ပြိုင်တိုက်ခိုက်မှူများနှင့် တုံ့ပြန်နိုင် မည့် နည်းလမ်းများ ကို ဆန်းစစ်လေ့လာသည့် အဆင့် (Competitor Analysis) ၊ ရောင်းဈေးနုန်းများကို နည်းလမ်း ၃ ခုဖြင့်သတ်မှတ်သည့် အဆင့် (Price Method) နှင့် ဈေးကွက်တွင် အတည်တကျရောင်းချနိုင်မည့် ရောင်းဈေးနှုူန်းကို ရွေးချယ်သတ်မှတ်သည့်အဆင့် (Select Final Price) စသည်တို့ ပါဝင်ပါသည်။ ရောင်းဈေးနျူန်းကို သတ်မှတ်ရာတွင် အနာဂတ်တွင် ဖြစ်လာနိုင်သည့် ငွေကြေးဖောင်းပွနုူန်း၊ အပြည်ပြည်ဆိုင်ရာ ငွေကြေးလဲလှယ်နှူန်း အတက်အကျ၊ အသုံးပြုမည့်ကုန်ကြမ်း ဝယ်ယူရရှိနိုင်မှူနှင့် ဈေးနှုူန်း အပြင် စီးပွားရေးပတ်ဝန်းကျင်များကို စဉ်ဆက်မပြတ် ဆန်းစစ်လေ့လာပြီးမှသာလျှင် လုပ်ငန်းအတွက် ရေရှည် အကျိုးအမြတ်ရနိုင်သည့် ရောင်းဈေးနှူန်းကို သတ်မှတ်သင့်ပါသည်။
Place or Distribution
လုပ်ငန်းမှထုတ်လုပ်သည့် ကုန်ပစ္စည်းအတွက် ဈေးကွက်နှင့်ထိဆက်ပြီးရောင်းချမည့်နေရာသို့ ဖြန့်ဖြူး ရောင်းချရေးလမ်းကြောင်းနှင့် လုပ်ငန်းစဉ်၊ လုပ်ငန်းမှဝန်ဆောင်မှူပေးမည့် စားသုံးသူများ အလွယ်တကူလာ ရောက်နိုင်ပြီး စိတ်ကျေနပ်မှူဖြစ်စေ မည့်နေရာ စသည်တို့ကို ကြိုတင်ပြင်ဆင်သတ်မှတ်ထားရပါမည်။ ကုန်ပစ္စည်း / ဝန်ဆောင်မှူများ ရောင်းချရန် ဖြန့်ဖြူးရောင်းချခြင်း နည်းလမ်း ၃ သွယ်ရှိပါသည်။ ယင်းတို့မှာ လူသုံးကုန်ပစ္စည်းများ၊ အခြေခံစားသောက်ကုန်များကို နေရာဒေသမရွေး ဝယ်ယူရရှိနိုင်အောင် ဖြန့်ချီသည့် နည်းလမ်း (Intensive Distribution) ၊ Shopping Goods ကဲ့သို့သော ကုန်ပစ္စည်းများကို သတ်မှတ်ထားသည့် ဈေးကွက်တည်ရှိရာ နေရာများသို့ ရွေးချယ်ဖြန့်ဖြူးသည့်နည်းလမ်း (Selective Distribution) ၊ ငွေကြေး တတ်နိုင်သူများကိုသာ ပစ်မှတ်ထားသည့် Specialty Goods ကဲ့သို့သော ကုန်ပစ္စည်းများ ထုတ်လုပ် ရောင်းချ သူများသည် အခြားနေရာတိုင်းတွင် ရောင်းချခြင်းမပြုဘဲ သီးသန့်ဖွင့်လှစ်ထားသည့် နေရာများတွင်သာ တကူး တက သွားရောက်ဝယ်ယူစေရန် ဖြန်ဖြူးသည့် နည်းလမ်း (Exclusive Distribution) တို့ဖြစ်ပါသည်။ ထုတ်လုပ်သူမှ ကုန်ပစ္စည်းများကို ဖြန့်ဖြူးရောင်းချရာတွင် ဝယ်ယူစားသုံးသူသို့ တိုက်ရိုက်ရောင်းချ သည့်လမ်းကြောင်း (Direct Sales Channels) နှင့် ရောင်းချမည့် အဖွဲ့အစည်းနှင့် ဝယ်ယူမည့်အဖွဲ့အစည်း ကို ချိတ်ဆက်ပေးသည့် (Agent) ၊ ကုန်ပစ္စည်းထုတ်လုပ်သူထံမှ ဝယ်ယူသိုလှောင်ပြီး ပြန်လည်ဖြန့်ချီသူ (Wholesaler) ၊ သက်ဆိုင်ရာနယ်မြေဒေသ အသီးသီးရှိ လက်လီရောင်းချသူ (Retailer) များပါဝင်သည့် ကြားခံ ဖြန့်ဖြူးရောင်းချသူ (Intermediary) မှ တဆင့်ခံ ရောင်းချသည့်လမ်းကြောင်း (Indirect Sales Channels) တို့ရှိပါသည်။ ကုန်ပစ္စည်းများ ဖြန့်ချီရေးလမ်းကြောင်း (Distribution Channels) တိုခြင်း ရှည်ခြင်းသည် ဈေးကွက်သဘာ၀ (Market Characteristics)၊ ရောင်းချသည့်ကုန်ပစ္စည်းများ၏ သဘာ၀ (Product Characteristics) ၊ ယှဉ်ပြိုင်မှူပတ်ဝန်းကျင် သဘာ၀ (Competition Characteristic) ၊ ထုတ်လုပ်ရောင်းချသည့် လုပ်ငန်း၏ သဘာ၀ (Company Characteristics) စသည့် အချက်များတွင် မူတည်ပါသည်။ ကုန်ပစ္စည်းများသယ်ယူပို့ဆောင်ရာတွင် ကုန်းလမ်းမှ မော်တော်ယာဉ်ဖြင့် ပို့ဆောင်ခြင်း (Road) ၊ မီးရထားဖြင့်ပို့ဆောင်ခြင်း (Rail) ၊ လေကြောင်းမှ ပို့ဆောင်ခြင်း (Air) နှင့် ရေကြောင်းမှ ပို့ဆောင်ခြင်း (Sea) စသည့် အသုံးပြုသည့်နည်းလမ်းများ (Transportation Methods) ရှိပြီး နည်းလမ်း တစ်ခုချင်းစီတွင် ပို့ဆောင်မှူအတွက် ကြာချိန် (Duration)၊ အရည်အသွေး (Quality)၊ သယ်ယူပို့ဆောင်ခ (Charges)၊ ပြင်လွယ်ပြောင်းလွယ် ရှိမှူ (Flexibility) စသည့် အားသာချက် အားနည်းချက်များ ရှိပါသည်။
Promotion Strategies
Promotion ဆိုသည်မှာ လုပ်ငန်းမှ ရောင်းချမည့် ကုန်ပစ္စည်းများ သို့မဟုတ် ဝန်ဆောင်မှူပေးမည့် ဝန်ဆောင်မှူများ၏ ထူးခြားချက်များ၊ အကျိုးကျေးဇူးများကို ဈေးကွက်အားသိရှိစေရန် သတင်းအချက် အလက်ပေးခြင်းအပြင် စားသုံးသူများမှ ကုန်ပစ္စည်းများ / ဝန်ဆောင်မှူကို လက်ခံသည် လက်မခံသည်၊ စိတ်ကျေနပ်မှူ ရှိသည် မရှိသည် စသည့် သတင်း အချက်အလက်များကို ပြန်လည်ရယူသည့် ၂ လမ်းသွား သတင်းအချက်အလက် စီးဆင်းမှူပုံစံ (Two-way Communication) ဖြစ်ပါသည်။ Promotion ပြုလုပ်ရတာတွင် Promotional Mix ဟု လူသိများသည့် Advertising ၊ Sales Promotion ၊ Personal Selling ၊ Public Relations နှင့် Direct Marketing စသည့် နည်းလမ်း ၅ မျိုးကို အချိတ်အဆက်မိမိ အသုံးပြုခြင်း ဖြစ်ပါသည်။
Advertising - ဆိုသည်မှာ
Advertising - ဆိုသည်မှာ လုပ်ငန်းမှ ရောင်းချမည့် ကုန်ပစ္စည်းများ သို့မဟုတ် ဝန်ဆောင်မှူပေးမည့် ဝန်ဆောင်မှူများ၏ ထူးခြားချက်များ၊ အကျိုးကျေးဇူးများကို သတ်မှတ်ထားသည့်ဈေးကွက်အားသိရှိစေရန် သတင်းအချက် အလက် ပေးခြင်းလုပ်ငန်းစဉ်တွင် လူကိုယ်တိုင်သွားရောက် ရောင်းချခြင်းမဟုတ်ဘဲ သတင်းစာ၊ ဂျာနယ်၊ မဂ္ဂဇင်း၊ TV ၊ ရေဒီယို၊ အင်တာနက် စသည့် ကြားခံ မီဒီယာတို့တွင် အခကြေးငွေပေးပြီး ကြော်ငြာခြင်း ဖြစ်သည်။ ဥပမာ -အပတ်စဉ် သောကြာနေ့ထုတ် ဂျာနယ်တစ်ခုတွင် ၅ လက်မ ပတ်လည် ကြော်ငြာတကွက် ထည့်သွင်းခြင်း။ ထို့သို့ကြော်ငြာရာတွင် တိကျပြတ်သားသည့် ဦးတည်ချက်၊ ရည်ရွယ်ချက်များဖြင့် ကုန်ပစ္စည်း ၏ ထုးခြားချက်များကို ထင်ဟပ်စေခြင်း၊ စိတ်လှူပ်ရှားဖွယ်ကောင်းသည့် ကုန်အမှတ်တံဆိပ်ဖြစ်စေခြင်း၊ ဝယ်ယူပြီးနောက် ကြော်ငြာထားသည့်အတိုင်း စားသုံးဝယ်ယူသူများကို စိတ်ကျေနပ်စေခြင်းအပြင် ရောင်းချမည့် အရောင်းဝန်ထမ်းများနှင့် လက်လီရောင်းချမည့် သူများမှ ကုန်ပစ္စည်းများ၏ အသေးစိတ်အချက်အလက်များကို နားလည်စေရန် လုပ်ဆောင်ထားရှိရပါမည်။ လုပ်ငန်း၏ အတွင်းရှိ ဌာနအချင်းချင်း အချိတ်ဆက်မိမိ အတူတကွ ပူးပေါင်း ဆောင်ရွက်ရပါမည်။ ကြော်ငြာသည့် လုပ်ငန်းစဉ် (Palnning an Advertising Campaign) တွင် ကုန်ပစ္စည်းများ၏ ထူးခြားချက်များကို လုပ်ငန်းဘက်မှ တာဝန်ရှိသူများ ကိုယ်တိုင် နားလည်ခြင်း (Self-Awareness) ၊ ယင်းသတင်းအချက်အလက်များကို လက်ခံမည့်သူများ (Audience) မှ နားလည်လွယ်သည့် မှတ်မိလွယ်သည့် စာသား၊ အသုံးအနှုန်းများနှင့် ရုပ်ပုံများကို ဖန်တီးခြင်း (Creating Advertisement Message) ၊ ပစ်မှတ်ထား သည့် စားသုံးဝယ်ယူမည့်သူများထံသို့ ရောင်းချမည့် ကုန်ပစ္စည်းများ၏ သတင်းအချက်အလက်များ ရောက်စေ နိုင်သည့် ကြားခံနယ်အားမှန်ကန်စွာရွေးချယ်ခြင်း (Selecting Media) နှင့် လုပ်ငန်းအတွက် တွက်ခြေကိုက်သည့် ကြော်ငြာထုတ်လုပ်ရေးအတွက် ကုန်ကျစရိတ် (Advertising Cost) ဖြစ်ရေးကို တွက်ချက်ခြင်း တို့အပြင် ကြော်ငြာထည့်သွင်းပြီးနောက် ရရှိလာသည့် ကုန်အမှတ်တံဆိပ်အား လူသိများလာမှု၊ တက်လာသည့်ရောင်းအား နှင့် အကျိုးအမြတ်များ၊ ပြိုင်ဘက်လုပ်ငန်းများ၏တုံ့ပြန်မှုစသည်တို့ကိုလည်း စောင့်ကြည့်အကဲခတ်ရပါမည်။
Sales Promotion - ဆိုသည်မှာ
Sales Promotion - တွင် လုပ်ငန်းမှ ထုတ်လုပ်ရောင်းချသည့် ကုန်ပစ္စည်းများကို ကြားခံလူများဖြစ်သည့် Agent ၊ Wholeslaers ၊ Retailers များအား လျော့ဈေး သို့မဟုတ် ကောမရှင်ပေးပြီး စားသုံးသူများထံသို့ ရောက်ရှိအောင် ဆောင်ရွက်သည့် နည်းလမ်း (Push Strategy) နှင့် လုပ်ငန်းမှ ထုတ်လုပ်သည့် ကုန်ပစ္စည်းများ သို့မဟုတ် ဝန်ဆောင်မှူများကို စားသုံးဝယ်ယူသူများမှ စိတ်ဝင်စားလာရန် တိုက်ရိုက်စည်းရုံးသိမ်းသွင်းပြီး ရောင်းချမည့် နေရာများတွင် ရှာဖွေဝယ်ယူခြင်းဖြင့် ရောင်းအားမြင့်တက်လာစေသည့် နည်းလမ်း (Pull Strategy) ဟု နည်းလမ်း၂ မျိုးရှိပါသည်။ ထို့အပြင် အထူးလျော့ဈေး (Discount) ဖြင့် ပုံမှန်ရောင်းဈေးနှူန်းထက် သက်သာခွင့်ပေးခြင်း ၊ နမူနာ (Sample) များအသုံးပြုခွင့်ပေးခြင်း၊ ကူပွန်များ (Coupon) ပေးခြင်းဖြင့် နောက်တကြိမ် ဝယ်ယူသည့်အခါ အထူးရောင်းဈေးနှူန်းရရှိခြင်း စသည့်နည်းလမ်းများကိုလည်း အသုံးပြုကြ ပါသည်။ Sales Promotion ပြုလုပ်ခြင်းအားဖြင့် လုပ်ငန်း၏ ကုန်ပစ္စည်းများ သို့မဟုတ် ဝန်ဆောင်မှူများကို သတ်မှတ်ထားသည့် ဈေးကွက်မှ လက်ရှိသိရှိသူများလည်း ဝယ်ယူသည်ထက် ဝယ်ယူလာစေပြီး အခြား ပြိုင်ဘက် လုပ်ငန်းများမှ စားသုံးဝယ်ယူသူများအား သိရှိလာစေရန် ရည်ရွယ်သကဲ့သို့ ဘက်ပြောင်း ဝယ်ယူ လာစေရန် လည်းရည်ရွယ်ပါသည်။ ထို့ပြင် စားသုံးသူများနှင့် ရေရှည်ဆက်ဆံရေးကို တည်ဆောက်နိုင်ပြီး ဈေးကွက်ဝေစုကို တိုးချဲ့ လာနိုင်မည် ဖြစ်ပါသည်။
Personal Selling – ဆိုသည်မှာ
Personal Selling – ဆိုသည်မှာ လုပ်ငန်းမှရောင်းချမည့် ကုန်ပစ္စည်းများ သို့မဟုတ် ဝန်ဆောင်မှူများ၏ ထူးခြားချက်များ ပြိုင်ဘက်လုပ်ငန်း၏ ကုန်ပစ္စည်းများ သို့မဟုတ် ဝန်ဆောင်မှူများထက် အားသာချက်များကို လူကိုယ်တိုင်ဖြစ်စေ၊ စာဖြင့်ဖြစ်စေ၊ ဖုန်း သို့မဟုတ် အီးမေးလ် တစ်ခုခုဖြင့် လုပ်ငန်းနှင့် ဝယ်ယူ သူများ အကြား နားလည်အောင်ရှင်းပြပေးရုံသာမက ဝယ်ယူစားသုံးသူများမှ မေးမြန်းလာသည့် ထောက်ပြလာသည့် အားနည်း ချက်များကို ဖြေရှင်းပေးရပြီး ဆုံးဖြတ်ချ ဝယ်ယူရန် လှုံ့ဆော်ပေးသည့် တာဝန်များကိုပါ ထမ်းဆောင် ရပါ သည်။ ယင်းလုပ်ငန်းဆောင်တာများကို ဆောင်ရွက် သူများအား အရောင်းသမားများ (Salesman) ဟုခေါ်ပါသည်။ တခါတရံတွင် အရမ်းအရေးကြီးသည့် ကုန်ပစ္စည်းများ သို့မဟုတ် ဝန်ဆောင်မှူများကို ဝယ်ယူမည့် သူများအား ထိပ်တန်း စီမံခန့်ခွဲမှူကို တာဝန်ယူထားသူများကိုယ်တိုင် အရောင်းသမားများအဖြစ် လုပ်ဆောင်ရတတ်ပါသည်။ ဝယ်ယူပြီးနောက်ပိုင်းကုန်ပစ္စည်းများ သို့မဟုတ် ဝန်ဆောင်မှူများနှင့်ပတ်သက်ပြီး တာဝန်ယူရသည့် လုပ်ငန်းများ လည်း ရှိပါသည်။ ဥပမာ - မော်တော်ယာဉ်များအား အခမဲ့အင်ဂျင်ဝိုင်လဲပေးခြင်း၊ လျှပ်စစ်ပစ္စည်းများအား ၁ နှစ်အတွင်းပျက်ပါက လက်ခမယူဘဲပြင်ပေးခြင်း၊ ကွန်ပြူတာ ဆော့ဝယ်လ်များအား ထည့်သွင်းအသုံးပြုပုံ သင်ကြားပေးခြင်းတို့ဖြစ်ပါသည်။ ထို့ကြောင့် အရောင်းသမားများကိုင်တိုင် ရောင်းချမည့် ကုန်ပစ္စည်းများ သို့မဟုတ် ဝန်ဆောင်မှူများအကြောင်းကို သေချာစွာနည်းလည်သဘောပေါက်နိုင်ရန် ယင်းနှင့်ပတ်သက်သည့် နည်းပညာအခြေခံကို နားလည်တတ်ကျွမ်းထားသင့်ပါသည်။ Personal Selling ကြောင့် ရရှိသည့် ထူးခြားသည့် အကျိုးကျေးဇူးများမှာပြိုင်ဘက်လုပ်ငန်းများနည်းတူ လုပ်ငန်း၏ ကုန်ပစ္စည်းများမှ ပေးသည့် အကျိုးကျေးဇူး (Standard Benefit) ၊ လုပ်ငန်းနှင့် ဝယ်ယူစားသုံးသူများအကြား ရေရှည်ဆက်ဆံရေးကို တည်ဆောက်ခြင်းဖြင့် ရရှိသော အကျိုးကျေးဇူး (Company Benefit) ၊ နှင့် ပြိုင်ဘက်လုပ်ငန်းများနှင့် မတူသည့် ဝန်ဆောင်မှူများ ကြောင့် ကွဲပြားသော အကျိုးကျေးဇူး (Differential Benefit) တို့ဖြစ်ပါသည်။ ဝယ်ယူစားသုံးသူများ လက်ခံခြင်း လက်မခံခြင်းတွင် လုပ်ငန်းမှရောင်းချမည့် ကုန်ပစ္စည်းများ သို့မဟုတ် ဝန်ဆောင်မှူများကို ဝယ်ယူခြင်းကြောင့် ရရှိလာမည့် အကျိုးကျေးဇူးများကို သေချာနားမလည်သောကြောင့် ဝယ်ယူရန် ငြင်းဆန်ခြင်း (Fundamental Objection) နှင့် အကျိုးကျေးဇူးများကို သိသော်လည်း လုပ်ငန်းမှ ရောင်းချသည့် ကုန်ပစ္စည်းများ သို့မဟုတ် ဝန်ဆောင်မှူများကို တကြိမ်တခါမှ ဝယ်ယူခဲ့ခြင်းမရှိသည့် အတွက် တွေဝေနေခြင်းကြောင့် ငြင်းဆန်ုခြင်း (Standard Objection) ဟု ၂ မျိုးရှိပါသည့်အတွက် ဝယ်ယူပြီးနောက် အသုံးတည့်မှာလား၊ အဆင်ပြေပါ့ မလား ဆိုသည့် နောက်ဆက်တွဲ ပူပန်မှူ (Psychological Cost) ဖြစ်ပေါ်လာတတ်ပါသည်။ ထို့ကြောင့် ဝယ်ယူ စားသုံးသူများအား ရောင်းချသည့် ကုန်ပစ္စည်းများ သို့မဟုတ် ဝန်ဆောင်မှူများကို အခြား မည်သည့် company များ၊ ထင်ရှားသူများမှ ဝယ်ယူသုံးစွဲနေကြောင်း (Reference Selling) ပြုလုပ်ခြင်း ၊ အစမ်းပေးသုံးခြင်း (Testing) ၊ အာမခံပေးခြင်း (Warranty) ၊ ရောင်းပြီးနောက်ဝန်ဆောင်မှူပေးခြင်း (Afte sales service) ၊ အခမဲ့ ပို့ဆောင်ပေးခြင်း (Free Delivery) စသည်တို့ကို ပြုလုပ်ပေးခြင်းဖြင့် နောက်ဆက်တွဲ ပူပန်မှူ (Psychological Cost) ကိုလျော့ချနိုင်ပါ သည်။ အရောင်းသမားတစ်ယောက်အနေဖြင့် ကြိုတင်ပြင်ဆင်ခြင်း (Prepare) ၊ သတင်းအချက်အလက်များ ဖလှယ်ခြင်း (Exchange Information) ၊ ရှင်လင်းစွာ ဖော်ပြခြင်း (Clarity) ၊ ညှိနှိုင်း တိုင်ပင်ဆွေးနွေးခြင်း (Bargain and Problem Solving) ၊ နိဂုံးချုပ်ခြင်း (Conclude and Implement) စသည့် ညှိနှိုင်းဆွေးနွေးခြင်း (Negotiation) အဆင့်များကို ကျွမ်းကျင်စွာပြုလုပ်နိုင်ရပါမည်။ ထို့နောက် ဝယ်ယူမည့်သူမှ ဝယ်ယူရန်သေချာသည့် အချိန်တွင် အရောင်းပိတ်သိမ်းခြင်း (Closing of Sales) ကိုပြုလုပ်ရုံသာမက ရောင်းချပြီးသည့်နောက်ပိုင်း ဝယ်ယူလိုက်သည့် ကုန်ပစ္စည်းများ သို့မဟုတ် ဝန်ဆောင်မှူများအား သုံးစွဲမှူ အဆင်ပြေ မပြေ ကြိုက်မကြိုက်ကို မေးမြန်းခြင်းဖြင့် ရေရှည်ဆက်ဆံရေးကို တည်ဆောက်နိုင်မှသာလျှင် အောင်မြင်သည့် အရောင်းလုပ်ငန်းစဉ်တစ်ခု အဖြစ် သတ်မှတ်နိုင်ပါသည်။
Public Relations – ဆိုသည်မှာ
Public Relations – ဆိုသည်မှာ လုပ်ငန်းနှင့် အကျိုးစပ်ဆိုင်သူများ (Stakeholders) အကြားတွင် လုပ်ငန်း၏ အတွင်းနှင့် ပြင်ပရှိသူများ၊ ကုန်ပစ္စည်းများ သို့မဟုတ် ဝန်ဆောင်မှူများကို ဝယ်ယူသူများ၊ ဖြန့်ေ၀ ပေးသူများနှင့် ရောင်းချပေးသူများ၊ ပြိုင်ဘက်များ၊ ကုန်ကြမ်းထောက်ပံသူများနှင့် အခြား တနည်းတဖုံ ပတ်သက် သူများအားလုံးကို လုပ်ငန်းနှင့်ပတ်သက်သည့် သတင်းအချက်အလက်များ သိရှိစေရန်နှင့် အထင်ကြီးမှူရစေရန် ကြော်ငြာခြင်း၊ သတင်း စာရှင်းလင်းပွဲပြုလုပ်ခြင်း၊ အပတ်စဉ် သို့မဟုတ် လစဉ် သတင်းစာ၊ ဂျာနယ်၊ မဂ္ဂဇင်းများတွင် သတင်း ဆောင်းပါးများ ဖော်ပြခြင်း၊ Social Media များတွင် နောက်ဆုံးထုတ်ကုန်များအကြောင်း အသိပေးခြင်း၊ စီးပွားရေး လှူပ်ရှားမှူများ (Business Events) ပြုလုပ်ခင်းကျင်းပြသခြင်း စသည့် နည်းလမ်းများကို အသုံးပြုခြင်း ဖြစ်ပါသည်။ ထို့အပြင် ဒေသတွင်း အားကစားပွဲများ၊ လှူပ်ရှားမှူများအား Sponsorship ပြုလုပ်ခြင်း ဖြင့် အများပြည်သူများ စိတ်ဝင်စားမှူနှင့် ယုံကြည်မှူကို တည်ဆောက်ပြီး စီးပွးရေးပတ်ဝန်းကျင်တွင် ရေရှည် ရပ်တည်ရန်အတွက် လုပ်ငန်း၏ ပုံရိပ်ကို တိုးတက်စေပါသည်။
Direct Marketing – ဆိုသည်မှာ
Direct Marketing – ဆိုသည်မှာ လုပ်ငန်းမှ ရောင်းချသည့် ကုန်ပစ္စည်းများကို ပစ်မှတ်ထားသည့် စားသုံးသူများအား တိုက်ရိုက်ရောင်းချခြင်းဖြင့် တုံ့ပြန်မှူကို ချက်ခြင်းသိနိုင်ပြီး ဆက်ဆံရေးကို ရေရှည် တည်ဆောက်နိုင်သည်ဟု Marketing ပညာရှင် Phillip Kotler မှ ဖွင့်ဆိုထားပါသည်။ ထို့အပြင် Marketing ဆိုသည်မှာ လုပ်ငန်းနှင့် ဝယ်ယူသုံးစွဲသူများအကြား လက်လီလက်ကား ရောင်းချပေးနေသူများအား မမှီခိုတာ့ဘဲ ပစ်မှတ်ထားရောင်းချမည့် ဝယ်ယူစားသုံးသူများဆီ တိုက်ရိုက်ရောင်းချခြင်းဖြစ်သည်ဟု အဓိပ္ပါယ်သတ်မှတ် ပါသည်။ Direct Marketing တွင် လုပ်ငန်းမှ ထုတ်လုပ်ရောင်းချသည့် ကုန်ပစ္စည်းများ သို့မဟုတ် ဝန်ဆောင်မှူများ၏ အကြောင်းကို ဝယ်ယူစားသုံးသူများသို့ တိုက်ရိုက် အီးမေးလ်ပို့ခြင်း၊ စာပို့ခြင်း၊ စာတိုများပို့ခြင်း (Direct Mail Marketing) ၊ ပုံနှိပ်ထုတ်ဝေထားသည့် ကတ်တလောက်များကို ပေးပို့ခြင်း (Catalogue Marketing) ၊ နှင့် တယ်လီဖုန်းဖြင့် ဆက်သွယ်ပြောကြားခြင်း (Telemarketing) ဟု အမျိုးအစား ၃ မျိုးရှိပါသည်။ ထိုသို့ဆောင်ရွက်ရာတွင် ထိရောက်မှူရှိမရှိကို စောင့်ကြည့်ရန်နှင့် တိုင်းတာထိန်းချုပ်နိုင်ရန် အစီအစဉ်များ ကြိုတင်ရေးဆွဲရပါမည်။ Direct Marketing ကိုပြုလုပ်ခြင်းအားဖြင့် ဝယ်ယူသုံးစွဲသူများနှင့် တိုက်ရိုက်ချိတ်ဆက်ရသောကြောင့် ကြားခံဆောင်ရွက်ရောင်းချသည့် Agent ၊ Borkers ၊ Wholesalers ၊ Retaiers များအတွက် ကုန်ကျရမည့် စရိတ်များသက်သာခြင်း၊ ဝယ်ယူစားသုံးသူများ၏ အသေးစိတ်အချက် အလက်များကို ရရှိသောကြောင့် နောက်ထပ် လုပ်ငန်းမှထုတ်လုပ်ရောင်းချမည့် ကုန်ပစ္စည်းများ သို့မဟုတ် ဝန်ဆောင်မှူများကို စားသုံးသူများ၏ လိုအပ်ချက်နှင့် အညီ ထုတ်လုပ်လာနိုင်ခြင်းအပြင် ရေရှည်ဆက်ဆံရေးကို တည်ဆောက်နိုင်လာသည့် အကျိုးကျေးဇူးများကို ရရှိပါသည်။ ထို့အပြင် စားသုံးသူများ ဘက်မှလည်း လုပ်ငန်း ဘက်ကို တိုက်ရိုက်ဆက်သွယ်ခွင်ရသောကြောင့် ဝယ်ယူရေးတွင် ဈေးနှူန်းသက်သာစွာဖြင့် ရှာဖွေဝယ်ယူနိုင် သလို အကြံပြုချက်များ၊ ဝေဖန်အကြံပေးမှူများကိုလည်း တိုက်ရိုက်ဆောင်ရွက်နိုင်ပါသည်။
Service Marketing - ဝန်ဆောင်မှူဆိုသည်မှာ
ဝန်ဆောင်မှူဆိုသည်မှာ ထိတွေ့ကိုင်တွယ်မရဘဲ ဝယ်ယူစားသုံးသူများကို လုပ်ငန်းဘက်မှ ဆောင်ရွက်ပေးခြင်းကို ဆိုလိုပါသည်။ ဥပမာ - ဘဏ်လုပ်ငန်း၊ ကျန်းမာရေးစောင့်ရှောက်သည့် လုပ်ငန်း၊ ပညာရေးဝန်ဆောင်မှူ လုပ်ငန်း၊ ဆက်သွယ်ရေးလုပ်ငန်း၊ သယ်ယူပို့ဆောင်ရေးလုပ်ငန်း စသည်တို့ဖြစ်ပါသည်။ ဝယ်ယူစားသုံးသူများ၏ လိုအပ်ချက်များ၊ လိုအင်များကို ရှာဖွေဖော်ထုတ်ပြီး လုပ်ငန်းအတွက် အကျိုး အမြတ်ရရှိအောင် စီမံခန့်ခွဲခြင်း ကို Service Marketing ဟု ခေါ်ပါသည်။ ထိုသို့ဆောင်ရွက်ရာတွင် အရည်အသွေးပိုင်းတွင် ဝန်ထမ်းများ၏ လုပ်ဆောင်မှူများပေါ်မူတည်ပြီး ဝန်ဆောင်မှူ ကောင်းသည် မကောင်း သည် ဖြစ်နိုင်သည့်အတွက် ရောင်းချမည့် တာဝန်ကို ထမ်းဆောင်မည့် ဝန်ထမ်းများ၏ အရောင်းပိုင်း တတ်ကျွမ်း မှူနှင့် လုပ်ငန်းမှ ပေးမည့် ဝန်ဆောင်မှူများ သို့မဟုတ် ကုန်ပစ္စည်းများ အကြောင်းကို သေချာစွာ သိရှိပြီး ဝယ်ယူ စားသုံးသူများကို ဝန်ဆောင်မှူပေးနိုင်ရန် လေ့ကျင့်သင်ကြားပေးခြင်းများ ပြုလုပ်ရ ပါမည်။ ထို့ပြင် တိကျသည့် စံချိန်စံနှူန်းများ ထားရှိပြီး အရည်အသွေးကို စောင့်ကြည့် အကဲဖြတ်ခြင်းဖြင့် အရည်အသွေးပိုင်း ဆိုင်ရာကို အကောင်းဆုံးထိန်းသိမ်းရပါမည်။ ဝန်ဆောင်မှူအရည်အသွေး (Service Quality) ကို ကောင်းမွန်စေရန် ထိတွေ့ကိုင်တွယ်မရသည့် ဝန်ဆောင်မှူဖြစ်သော်လည်း ပရိုဆန်သည့် အလုပ်ပတ်ဝန်းကျင်အဖြစ် ပြောင်းလဲပေးခြင်းဖြင့် ထိတွေ့ ရသည့် ဝန်ဆောင်မှူဖြစ်လာပြီး လုပ်ငန်း၏ ပုံရိပ်ကို ထင်ဟတ်စေခြင်း ၊ ဝယ်ယူစားသုံးသူများနှင့် ယုံကြည်မှူ အပြန်အလှန် တည်ဆောက်ရန် ပေးထားသည့် ကတိကဝတ်များအတိုင်း ဝန်ဆောင်မှူပေးခြင်း ၊ အချိန်တိကျစွာ ဆောင်ရွက်ခြင်း ၊ လုပ်ငန်း၏ ရပ်တည်ချက်များကို ဖော်ပြသည့် စာသားတွင် ဝယ်သူစားသုံးသူများ၏ အကျိုးကို ရှေးရှူသည့် စာသားများထည့်သွင်းခြင်း ၊ ဝန်ဆောင်မှူလုပ်ငန်းနှင့် ပတ်သက်သည့် လေ့ကျင့်သင်ကြားခြင်း ၊ ဝယ်ယူစားသုံးသူများ၏ ကျေနပ်မှူကို အမြဲကောက်ခံခြင်း ၊ ဝန်ထမ်းများ၏ လုပ်ဆောင်မှူများကို အကဲဖြတ်သည့် စနစ်များရေးဆွဲထားရှိပြီး အမှတ်ပေးခြင်း စသည်တို့ကို ပြုလုပ်ပေးရပါမည်။
Marketing Mix
လက်တွေ့အသုံးချ Marketing ကရိယာ ၄ မျိုးတွင် ကုန်ပစ္စည်း/ဝန်ဆောင်မှု (Product) - ဥပမာ ဝယ်သူယူ၏ စိတ်ကျေနပ်မှုကို ပေးနိင်သည့် လုပ်ငန်း၏ ထုတ်ကုန် ၊ ရောင်းဈေးနှုန်း (Price) - ဥပမာ ဝယ်ယူသူ ဘက်မှကြည့်လျှင် ယင်းထုတ်ကုန်အတွက် ပေးလိုက်ရသည့် ငွေကြေးဖြစ်ပြီး လုပ်ငန်းရှူထောင့်မှ ကြည့်လျှင် ရောင်းဈေးနှုန်း ၊ ဖြန့်ချီရေးလုပ်ငန်းစဉ်နှင့် ရောင်းချမည့်နေရာ (Place) - ဥပမာ လုပ်ငန်းမှ ထုတ်လုပ်လိုက်သည့် ထုတ်ကုန်များကို ဝယ်ယူသူများ အဆင်ပြေပြေဝယ်ယူရရှိနိုင်ရန် ဖြန့်ချီရောင်းချသည့် နေရာ၊ သတင်း အချက် အလက် ပေးခြင်း ယူခြင်း စည်းရုံးသိမ်းသွင်းခြင်း လုပ်ငန်းစဉ် (Promotion) - ဥပမာ လုပ်ငန်းမှ ထုတ်လုပ်သည့် ထုတ်ကုန်၏ အရည်အသွေးကို ဝယ်သူများ သိရှိ စိတ်ဝင်စားနိုင်ရန်နှင့် ဝယ်ချင် စိတ်ဖြစ်လာစေရန် စည်းရုံးသိမ်းသွင်းခြင်း ဆိုသည့် “P” ၄ လုံးပါဝင်ပြီး “7P” တွင် ဝန်ဆောင်မှုပေးသူများ (People) ၊ ဝန်ဆောင်မှု လုပ်ငန်းစဉ် (Process) နှင့် ဝန်ဆောင်မှုကို ပြသသည့် အထောက်အထား (Physical Evidence) တို့ထပ်မံ ပါဝင်ပါသည်။
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null
null