text stringlengths 3 20k | file_name stringclasses 19
values | sentence_id int64 1 12k | word_count int64 1 2.17k | language stringclasses 1
value |
|---|---|---|---|---|
Ынинэльын ынкъам ытлеӈи
Ӈирэӄ амчавчывачгыт гэтленъютэ вальыт. | monochu.txt | 1 | 7 | ckt |
Ынинэльын уйӈэ эӈинӄэйкыльин, ытлянъёгты ӈэнӄайванляк галвавлен. | monochu.txt | 2 | 6 | ckt |
Ӄынвэр ӈэнӄайванляк лывавык, ӈирэӄ и’гыт гэнмэйӈэвлинэт, ынӄэнат ныӄорагынрэтӄэнат. | monochu.txt | 3 | 8 | ckt |
Ытленъютэ эвыӈӈонэн ынинэльын:
― Лыгэн-ым гыныкы рымэйӈэвыркынэт, ӄаат ынӈатал-ым наранмыткойвыӈӈоӈынат. | monochu.txt | 4 | 10 | ckt |
Ынинэльэ нинивӄин:
― Ик! | monochu.txt | 5 | 4 | ckt |
А’мын ӄун-ым миӈкыри митык? | monochu.txt | 6 | 4 | ckt |
Наӄам вай гым тынпэвык. | monochu.txt | 7 | 4 | ckt |
Ӄол итгъи колё ы’лятычгатгъэ, ынкъам ӄол гитлинэт ярачыко гэйылӄэтлинэт рымайӈавъёттэ и’гыт. | monochu.txt | 8 | 11 | ckt |
Эвын кыеквъэт и’гыт – гэмэлетлин, ы’лятычгатык гэплыткулин. | monochu.txt | 9 | 7 | ckt |
Ынраӄ-ым ынӄоры гэлыръочгатлен, ынӄо нэмэ гэнйылгэтлин, люӈынвилычьэтэ гитлин,галгэпэӈаёо’ръочгатлен. | monochu.txt | 10 | 8 | ckt |
И’гыт ӈалвыльэты гэлӄытлинэт торпэӈаёо’ръочгатык. | monochu.txt | 11 | 4 | ckt |
Ынкъам и’гэ ӈэлвыл галгэнмытколен ярак гыролмакы. | monochu.txt | 12 | 6 | ckt |
Наӄам и’гин инэнмэйӈэвыльин ытръэч ыннэн ӈээкык. | monochu.txt | 13 | 6 | ckt |
Ынӄоры ынкават и’гэ ӈэлвыл, тымыткоплыткок, ганвэтгавлен гагтатлен, гэлгинйыӄунтэвлин, лыгэтаӈавээнвыӈ гэнлелин. | monochu.txt | 14 | 10 | ckt |
Ынӄоры мэлетгъи. | monochu.txt | 15 | 2 | ckt |
Яральа-ым ӄораӈы, тымыткойвыё ярак гыролмакы, нэнумэкэвъюугъэн - лыгэн-ым ӈан мэчынкы льэлеӈитйыръын. | monochu.txt | 16 | 11 | ckt |
Наӄам ӈэлвыл льук налвавын, ымыӈ уйӈэ эвинвыкэ - пэӈаёо’та эвытрыкэ гэтчылинэт. | monochu.txt | 17 | 11 | ckt |
Ӄынвэрэвыр люур ытлеӈи пыкиргъи. | monochu.txt | 18 | 4 | ckt |
Ынӄо ытленъютэ ивнин ынинэльын:
― Ынӈывальэгыт ытлён. | monochu.txt | 19 | 7 | ckt |
Тивыркынигыт, аӄорака нэрэтчыгыт. | monochu.txt | 20 | 3 | ckt |
Ынинэльэ ивнин:
― А’мын ӄун-ым,миӈкыри митык? | monochu.txt | 21 | 6 | ckt |
Гым наӄам вай уйӈыльигым аӄорагынрэтыльыкыльэгым. | monochu.txt | 22 | 5 | ckt |
Мэчичьу ытлеӈи нывэнвыкоргавӄэн ынкъам нивӄин: рэӄулымӈэ вэты ынан и’гыт нынмэйӈэвнинэт, тэӈэӈэлвыльыкэ нъэлгъи. | monochu.txt | 23 | 12 | ckt |
Наӄам ытленъюн ӈэлвыл нылгивылтувъиткуӄин, ныӄупӄэтӄин э’ӄэрэӈэ, уйӈэ авээнвыка. | monochu.txt | 24 | 8 | ckt |
Ӄынвэр гыроръогъэ. | monochu.txt | 25 | 2 | ckt |
Энмэч ынӄо ваамръогты тылигъи. | monochu.txt | 26 | 4 | ckt |
Энмэч-ым гэлетвылин. | monochu.txt | 27 | 2 | ckt |
Ӄынвэрэвыр кыеквъэт ӄол итгъэт. | monochu.txt | 28 | 4 | ckt |
Кыевык ӈээкык энъычайпатчыӄэквъэ ынкъам тытлынпатгъэ. | monochu.txt | 29 | 5 | ckt |
Люур ынраӄ вай ӈалвыльычгын гининилин рагролмыӈӄачайпы, рыпэт ӈээкык эмчеӈыттэ гапэӄэтатлен. | monochu.txt | 30 | 10 | ckt |
Ынӄо кытгынтырасӄэквъэ. | monochu.txt | 31 | 2 | ckt |
Ытлыгын ивнин:
― Колё а’мын ӄынур ӈан лыгимэлмургин ӈэлвыл тыльугъэн. | monochu.txt | 32 | 10 | ckt |
Ытлыгэ ивнин ӈээкык:
―А’мын чамъам. | monochu.txt | 33 | 5 | ckt |
Тэленъеп нэткугъэн итык мургин ӈэлвыл. | monochu.txt | 34 | 5 | ckt |
Лыгэнэвыр ӈээкык пыннэквъи. | monochu.txt | 35 | 3 | ckt |
Ӄынвэрэвыр этъоӄайыӄын льунинэт ӈээккэтэ ыргинэт эвлыльычымӈат, кытгынтыгаляльыт тытлык. | monochu.txt | 36 | 8 | ckt |
Лыгэнэвыр элкылнинэт ӈээккэтэ. | monochu.txt | 37 | 3 | ckt |
Лыгэнэвыр ытлыгын ивнин:
―А’мын ӈаан ӄыгитэ, ӄыгитэ мургинэт чымӈат. | monochu.txt | 38 | 9 | ckt |
Лыгэнэвыр эӄылпэ ытлыгын авэръэпыгъэ, лыгэнэвыр ӈытогъэ. | monochu.txt | 39 | 6 | ckt |
Ытлыгэ ивнин нээкык:
―Епэчги раӄаеквэйӈэпы вытку ӈаан вылтининиркын малӄырымэн мургин ӈэлвыл. | monochu.txt | 40 | 11 | ckt |
Ытлыгэ ивнин ӈээкык:
―Ако вынэ кыргам-ым элкылыркынэт мургинэт ӄаат. | monochu.txt | 41 | 9 | ckt |
Ӈээккэтэ ивнин:
―Ии, тэлкырыркынэт мургинэт ӄаат. | monochu.txt | 42 | 6 | ckt |
Ивнин ӈээкык ытлыгэ:
―Китаӄун-ым гым яалӄаагты мылӄытык. | monochu.txt | 43 | 7 | ckt |
Нылеӄин ытлён. | monochu.txt | 44 | 2 | ckt |
Ӄынвэрэвыр яалӄаачгын ымэнэнэта итгъи раӄаеквэйӈэпы. | monochu.txt | 45 | 5 | ckt |
Ынӄор-ым эвыӈӈогъэ:
― Колё а’мын ивкэ гымнинэт ӄлявылтэ мыльуркынэт. | monochu.txt | 46 | 9 | ckt |
Люур эвын ынӄэн ӈирэнъигэ яалӄор нагтатӄэн. | monochu.txt | 47 | 6 | ckt |
Ынӄор-ым и’гэ нэльугъэн ынпыначгын. | monochu.txt | 48 | 4 | ckt |
Лыгэнэвыр ягнагъат и’гыт. | monochu.txt | 49 | 3 | ckt |
Рырынгээвынвык вакъогъат. | monochu.txt | 50 | 2 | ckt |
Пынлёнэнат ынпыначга и’гыт рымайӈавъёттэ:
― Колё а’мын рай мэӈӄо еттык? | monochu.txt | 51 | 10 | ckt |
И’гэ нивын:
― Ӈанӄэн-ым Откынгыпы. | monochu.txt | 52 | 5 | ckt |
Ынпыначга ивнинэт:
― А’мын ӈанӄэн нутэнут тэнрэӈыльу гатвален? | monochu.txt | 53 | 8 | ckt |
И’гэ нивын:
― Ытръэттэгын тэнрэӈыльу гатвален. | monochu.txt | 54 | 6 | ckt |
Лыгэн-ым наӄам ӄынур люӈӄупӄэтэ гитлин. | monochu.txt | 55 | 5 | ckt |
Рэквытти таӈымыльо гэӄэюульэтлинэт. | monochu.txt | 56 | 3 | ckt |
Ымыӈ ыннэн ӄэюуӄэй люӈвъильын. | monochu.txt | 57 | 4 | ckt |
Ынӄо и’гэ нивын:
― А’мын-ым ӄынвэр-ым мытраялгыты ынкъам гыт ӄыръилеги. | monochu.txt | 58 | 10 | ckt |
Эченур ӈирэӄ эвынъысӄэӄут ӄэймитгынэт. | monochu.txt | 59 | 4 | ckt |
Ынпыначга ивнинэт:
― Ии, лыгэн трэръилегъэ ынкъам ӈирэӄ эвынъысӄэӄут трэйминӈынэт. | monochu.txt | 60 | 10 | ckt |
Ынӄо вэтгавыплыткогъат. | monochu.txt | 61 | 2 | ckt |
Ынпыначга и’гыт ивнинэт:
― Ик. | monochu.txt | 62 | 5 | ckt |
А’мын-ым ӄырагтытык. | monochu.txt | 63 | 2 | ckt |
Э’тки вынэ о’тчой, ынан гымнан ӈэлвыл трагтатыткоркын. | monochu.txt | 64 | 7 | ckt |
― Лыгэнэвыр и’гыт рагтыгъат. | monochu.txt | 65 | 4 | ckt |
Ынӄо пыкиргъэт ярак. | monochu.txt | 66 | 3 | ckt |
Ынпыначгэн ӈээккэтэ рыӄамэтвальавнэнат. | monochu.txt | 67 | 3 | ckt |
Ынӄо ӄэмиплыткук йылӄэтгъэт. | monochu.txt | 68 | 3 | ckt |
Ынӄо, кыевык и’гыт, ялгытгъат. | monochu.txt | 69 | 4 | ckt |
Муусӄинмич ӈирэӄэвэ и’гэ э’рамӈыляннэн ынпыначгэн ытлеӈи, лыгэгтэнанӄопӄавыльын. | monochu.txt | 70 | 7 | ckt |
Наӄам э’рамӈылятъё ӄысӄычыӈ гэнъэтлин. | monochu.txt | 71 | 4 | ckt |
Гагтэнанӄопӄавлен. | monochu.txt | 72 | 1 | ckt |
Ӄынвэр чейвэ э’рагтыгъат. | monochu.txt | 73 | 3 | ckt |
Пыкиргъэт эрагтыльыт. | monochu.txt | 74 | 2 | ckt |
Ытленъютэ ивнин ынинэльын:
― Колё а’мын наӄамынраӄ мэӈӄо ӈэлвыл гынин нэрэтын? | monochu.txt | 75 | 11 | ckt |
Ынинэльэ ивнин:
― Ӈанӄэн-ым ӈан Откынгыпы нэрэтын. | monochu.txt | 76 | 7 | ckt |
Ынӄо ынинэльын и’рэгъи. | monochu.txt | 77 | 3 | ckt |
Лыгэнэвыр ӈирэӄ эвынъысӄэӄут эйминнинэт. | monochu.txt | 78 | 4 | ckt |
Колё ытлеӈи инэнӄупӄэвыльын наӄам ытръэттэгын нэкэвкитӄин чама колё нэӄинэтӄин. | monochu.txt | 79 | 9 | ckt |
Чит-ым тыркыльылӄылеты ванлягъэ ытлеӈи. | monochu.txt | 80 | 4 | ckt |
Ынинэльэ ивнин:
― Миӈкыри ӄун гэвэты, наӄам ӈан-ым гымнан гыт тылваквыт ӄылявылванляк. | monochu.txt | 81 | 12 | ckt |
Юрэӄ чама гымнинэт ӄлявылтэ рэӄын ривӈыт. | monochu.txt | 82 | 6 | ckt |
Игыт-ым эмӈээккэльигым. | monochu.txt | 83 | 2 | ckt |
Гыт тылваквыт ӄылявылванляк. | monochu.txt | 84 | 3 | ckt |
Чама ӄынур-ым ӈан гым гынан гэнанчаатвавыплыткойгыт. | monochu.txt | 85 | 6 | ckt |
Гымнин нэмыӄэй чит, амынан ӈээкык вама, ӈэлвыл нъытэлпыгъэн. | monochu.txt | 86 | 8 | ckt |
Ынӄо энмэч ӄол и’ны рыӈавтыӈаннэн. | monochu.txt | 87 | 5 | ckt |
Еп-ым нинэринэльуӈӄин ӄол. | monochu.txt | 88 | 3 | ckt |
Ытръэч лымӈыл. | monochu.txt | 89 | 2 | ckt |
Миӈкри ейвэл гэӈэвынъюлин чавчывак
Уйӈэ эӈинӄэйкыльин наӄам. | monochu.txt | 90 | 7 | ckt |
Ымыӈ наӄам-ым таӈымчекыяа ӈэлвыл нинэнтыӄин. | monochu.txt | 91 | 5 | ckt |
Ымыӈынрин-ым тэӈыннэн ӈээкык тэӈпэнин ӈэлвылекы вальын, таӈарагтыкыльэн. | monochu.txt | 92 | 7 | ckt |
Ӄолеы’лё-ым ейвэл ӈэвынъюсӄиквъи. | monochu.txt | 93 | 3 | ckt |
Ынӄо ейвэл намӈылёгъан, нивын:
― Лымӈъэм нырэӄигыт? | monochu.txt | 94 | 7 | ckt |
Ивнинэт:
― А’тав эмчинъюргэвэ тыетык торыкы. | monochu.txt | 95 | 6 | ckt |
Ейвэл нивын:
― Ӄэтэвэвыр малчамъам. | monochu.txt | 96 | 5 | ckt |
А’тав-ым ӄычинъюргэкви, ӄыйъогын, ӈэлвылекы варкын. | monochu.txt | 97 | 5 | ckt |
Эвын льунин ӈэвысӄэт лыгэквыӈайыткынык ныкыттэлетӄин. | monochu.txt | 98 | 5 | ckt |
Ӈалгыл ӈэйык кыттэлти ныӄалгэйпытваӄэнат. | monochu.txt | 99 | 4 | ckt |
Ынӄо ӈэвысӄэтэ нинэтиӈуӄинэт кыттэлти, ынӄо нэмэ нинэтрилӄинэт кыттэлти, эвыр ейвэл кыттальеквэ нэймэвӄин. | monochu.txt | 100 | 12 | ckt |
Subsets and Splits
No community queries yet
The top public SQL queries from the community will appear here once available.