diff --git "a/rajatarangini_clean.csv" "b/rajatarangini_clean.csv"
new file mode 100644--- /dev/null
+++ "b/rajatarangini_clean.csv"
@@ -0,0 +1,2630 @@
+sanskrit_verse_devanagari
+जोनराज अन्द् प्सेउदो-जोनराज: राजतरङ्गिनी
+जोनराज अन्द् प्सेउदो-जोनराज: राजतरङ्गिनी
+सिद्धे यत्र सति त्रपाकुलम् इव स्पर्धाभिलाषाहतेर् अन्तर्धिं वहति त्रिलोकमहितं शेषं निजार्धद्वयम्
+स्नेहैकीभवदाशयद्वयजयाकाङ्क्षीव गाढं मिलद्देहार्धद्वयम् अस्तु तद् भगवतोस् सद्भावसम्पत्तये
+दातुं भक्ताय कल्याणं गर्भं बिभ्रद् इवान्वहम्
+तुन्दिभो गणराजस् स विघ्नशान्तिं करोतु नः
+श्रीगोनन्दमुखैर् धर्मसम्मुखैर् आ कलेह्॒ किल
+कश्मीरकाश्यपी भूपैर् अपालि गुणशालिभिः
+तेषाम् अभाग्यहेमन्तनिशातमसि तिष्ठति
+नैव कश्चिद् अपश्यत् तान् काव्यार्कानुदयाच् चिरम्
+रसमय्या गिरा वृद्धां नित्यतारुण्यम् आपिपत्
+अथ श्रीजयसिंहान्तां तत्कीर्तिं कल्हणह्॒ कविः
+ततो देशादिदोषेण तदभाग्यैर् अथापि वा
+कविर् वाक्सुधया कश्चिन् नाजिजीवत् परान् नृपान्
+श्रीजैनोल्लाभदीने क्ष्मां सम्प्रत्य् अक्षति रक्षति
+जोनराजाभिधस् तेषां उद्यतो वृत्तवर्णने
+दर्पग्लानिभवां राजपान्थानां तापसन्ततिम्
+हन्तुं संरोपितह्॒ काव्यद्रुमो भाविफलोदयः
+उपस्काररसं क्षिप्त्वा विनयामृतशीतलैः
+सज्जनैर् वर्धनीयो ऽयम् अपि यत्नेन भूयसा
+मग्नान् विस्मृतिपाथोधाव् अतीतान् नृपतीन् इमान्
+श्रीजैनोल्लाभदीनस्य कारुण्याद् उज्जिहीर्षतः
+सर्वधर्माधिकारेषु नियुक्तस्य दयावतः
+मुखाच् छ्रीशिर्यभट्टस्य प्राप्याज्ञाम् अनवज्ञया
+राजावलिं पूरयितुं सम्प्रति प्रतिभा मम
+कविनामाभिलाषेण न तु यस्मान् ममोद्यमः
+क्व चुण्ठीजलवन् मद्वाक् क्व च काव्यतरङ्गितम्
+छायामात्रानुकारेण किं नडं पुण्ड्रकायते
+अन्तश्शून्यां लघुं प्रज्ञां तुम्बीम् इव वहन्न् अहम्
+पारं राजतरङ्गिण्या गन्तुं हन्तोद्यमं गतः
+पृथ्वीनाथगुणाध्याने चापलं मे न दूषणम्
+अलङ्कारैर् अहङ्कारात् कुरूपापि हि वल्गति
+कवीनाम् उपयोग्या वा मद्वाक् स्वान्तरशुद्धये
+गङ्गाजलं जलं तेषां यैर् न पीतं जलान्तरम्
+राजोदन्तकथासूत्रपातमात्रं कृतं मया
+कुर्वन्तु रचनाम् अत्र चतुराह्॒ कविशिल्पिनः
+मणीनां घर्षणायैव महाशाणस्य नैपुणम्
+कान्तिप्रणयने तेषां मुखसारमणेस् तु तत्
+विनैव प्रार्थनां काव्यं कवेः पश्यन्ति साधवः
+किम् अर्थितश् शशी विश्वं सुधासारेण सिञ्चति
+अनुनीतो ऽपि कालुष्यं खलह्॒ काव्ये न मुञ्चति
+सुधाधौतो ऽपि नाङ्गारश् शुभ्रताम् एति जातुचित्
+पश्यन्तु मत्काव्यम् इति चिरं दूरं गता कवेः
+अन्तःपरमुखप्रेक्षिभावदैन्यकदर्थना
+समस् स्याद् अप्रवीणानां गीतसंस्कृतयो रसः
+वानरा युञ्जते गुञ्जाश् शीते वह्निकणभ्रमात्
+काव्यं श्रुतम् अपि प्रीत्यै नाबोधोपहतात्मनाम्
+हीनदन्तबलस्येक्षुर् मुखे न्यस्तह्॒ करोति किम्
+पदार्थसुन्दरे काव्ये दर्शिते निर्मलात्मनाम्
+दुर्वारं गुणरत्नानां मत्सरप्रतिबिम्बनम्
+लक्ष्मणा दूषयन्न् इन्दुं बुधं मत्सरयक्ष्मणा
+विधाता वाच्यताम् एति परोद्रेकासहाग्रणीः
+मद्वाक् कल्हणकाव्यान्तःप्रवेशाद् एतु चर्वणम्
+नड्वलाम्बु सरित्तोये पतितं पीयते न किम्
+१) जयसिंह (ल्स् ४२०३-४२३०)
+जगदानन्दनो देवद्विजातिकृतवन्दनः
+क्षितिसङ्क्रन्दनस् श्रीमान् आसीत् सुस्सलनन्दनः
+गजराजैकवाहत्वप्रसिद्धिम् अपि बिभ्रती
+जयसिंहाभिधाने श्रीश् चित्रं यस्मिन् सदावसत्
+वाग्देव्या लालिते मात्रा श्रियो भोक्तरि भूपतौ
+तयोश् श्वश्रूस्नुषात्वेन नैवादर्शि विरोधिता
+त्रिगर्ताधिपतेर् वश्यं मल्लं जातु सुशर्मणः
+वैरिनिर्वासितं प्राप्तं वृत्तिकामं नृपो ऽग्रहीत्
+सर्वत्रौषधयस् तृणानि मणयो ग्रावाण एवाखिलैर् मन्यन्ते गुणिनो दिगन्तरगतास् तावज् जनाः प्राकृताः
+यावन् नैव नयन्ति कर्मभिर् अभिध्येयप्रकर्षप्रथैश् चित्रप्रायदशैश् च निर्मलम् अतिस्फारं जनं रञ्जनम्
+वसुधावासवे याते जेतुं यवनमेदिनीम्
+सैन्यस्य वल्लभो मल्लश् शौर्योद्रेकाद् अथाभवत्
+हतशेषं तुरुष्केशसैन्यं तुलयितुं निशि
+शिबिरं मल्लचन्द्रो ऽगाद् रिपूणां साहसोर्जितः
+यत्र न प्राविशद् वायुर् भीत्येव सुभटैर् वृते
+ध्रुवं मन्त्रौषधिबलात् प्रविश्यात्र बलान्तरे
+सुप्तद्रोहांहसो भीतेर् अनिघ्नन् यवनेश्वरम्
+उपानहौ स्वनामाङ्के निनायास्य शिरस्त्रताम्
+उपानहौ परिज्ञाय गृहीत्वा चाथ सो ऽप्य् अरिः
+भूपतेश् शिबिरं यातश् श्रियं कीर्तिम् इवादित
+द्वे मूर्ती तपनानलाव् अथ तथा शंभोश् शशाङ्काम्भसी नेता हन्त मिथो गतानुगतिको लोकस् तुलां तां द्वयीम्
+सूर्याचन्द्रमसोर् यथास्वम् उपलैह्॒ कान्तैर् विशेषं परं तेषां तत्प्रतियोग्यसम्भविगुणैर् लब्धा जनो ऽरोचकी
+त्रिंशे ऽब्दे फाल्गुणे कृष्णद्वादश्यां भूमिवल्लभः
+स्वसौभाग्येन दिव्यस्त्रीदृशम् अप्रीणयत्तराम्
+२) परमाणुक (ल्स् ४२३०-४२४०)
+अथाभ्यषेचि तत्पुत्रो जडैस् स परमाणुकः
+अणीयःपत्त्रविस्तारैह्॒ कुन्दो माघदिनैर् इव
+अवधूय प्रजात्राणम् अवधीर्य च दिग्जयम्
+कर्तुं प्रारभताखिन्नं राजा कोशस्य सञ्चयम्
+दातुं भोक्तुम् अनीशस्य श्रोत्रियस्येव सम्पदम्
+प्रयागजनकौ धूर्तौ राज्ञो मुमुषतुश् श्रियम्
+तौ हि स्वभृत्यैर् निस्सत्यौ कारितै राक्षसाकृतिम्
+तम् अत्रासयतां रात्रौ रात्रौ चित्रेण कर्मणा
+मिथ्यात्मनीनतां तस्य नाटयन्तौ कुमन्त्रिणौ
+"""रक्षासून्"" इति तौ वित्तं त्याजयाम् आसतुर् नृपम्"
+स्थाने भिषायकस्यैताव् आदिश्य स्वानुजीविनम्
+तृणच्छन्नं महारत्नैश् चैत्र्यां पूजयतस् स्म तौ
+स पुनह्॒ कृतसङ्केतः पश्यत्स्व् अथ जनेष्व् अहो
+राज्ञह्॒ कृत्वाशिषं रात्रौ सालङ्कारो ययौ वनम्
+"""भिषायको बलिं यत् ते गृहीत्वा व्यधिताशिषः"
+"निर्विघ्नं भावि त्वद्राज्यम्"" इति तौ भूपम् ऊचतुः"
+[प्स्-ज्र्त् १]
+भिषायकदिने भृत्यं स्वं कृत्वा तौ भिषायकम्
+रत्नैर् अभ्यर्च्य विपिनं नीत्वाथ प्रत्यमुञ्चताम्
+"""कुबेरस् त्वयि तुष्टो ऽद्य नानारत्नविभूषितः"
+"कृत्वा तवाशिषं लोकसमक्षं स तिरोहितः"""
+इत्य् उक्त्वा भूपतेस् मुग्धस्य कृपणस्य च प्रयागजनकौ धूर्तौ प्रसादं प्रत्यदापिताम्
+एवं कदीश्वरस्यास्य बालस्येव विभीषिकाः
+सन्दर्श्य कोशं निश्शेषं लुण्ठयां चक्रतुर् विटौ
+राजा सार्धान् नवाब्दान् स क्ष्मां भुक्त्वा दिवसान् दश
+चत्वारिंशाब्दनाभस्यसिताष्टम्यां लयं ययौ
+३) वन्तिदेव (ल्स् ४२४०-४२४७)
+वन्तिदेवाभिधस् सप्तचत्वारिंशे ऽथ वत्सरे
+भाद्रशुक्लदशम्यां स तस्य पुत्रो व्यपद्यत
+४) वोप्पदेव (ल्स् ४२४७-४२५६)
+वोप्पदेवाभिधः पौरैर् योग्यालाभान् नृपह्॒ कृतः
+प्रापितो घासरचितः पूजाम् इव भिषायकः
+दृष्ट्वा स्थूलशिला हृष्टो मूढस् सो ऽथ स्वमन्त्रिणः
+"आदिशत् ""स्तन्यपानेन वर्ध्यन्ताम् इतरा"" इति"
+श्रुत्वा तत्स्थानमाहात्म्यं बालिशो मन्त्रिभिस् सह
+आगात् सुरेश्वरीक्षेत्रं नौपथेन स जातुचित्
+अप्सु स्वप्रतिबिम्बे ऽस्य कुर्वतो मुखवैकृतम्
+रुषा चपेटां ददतो न्यपतन् मणिमुद्रिका
+"""राज्ञह्॒ क्व मणिमुद्रे""ति पृच्छतस् सो ऽभ्यधाद् इति"
+"""पतिता सा जले रेखा तत्राभिज्ञानम्"" आचरन्"
+एवं निदर्शनीभूय मूर्खाणां नामराजतां
+नवाब्दांश् चतुरो मासान् सार्धान् द्वे च दिने व्यधात्
+५) ज���्सक (ल्स् ४२५६-४२७४)
+तस्यानुजो ऽथ भूभारम् अनिच्छन्न् अपि जस्सकः
+स्ववृद्धिकामैर् अत्यज्ञो लवन्यैर् अभ्यषिच्यत
+बध्यन्ते न शुका इवोदितवचस्संवादिनो वायसा
+भूमिश् शर्करिलोर्वरेव भजते नो घर्षणक्षोदनम्
+अश्मा सैन्धववन् न जातु गमितो निष्पिष्य चूर्णीकृतिं
+केषाञ्चिद् गुणवद् गुणाय महते दोषो ऽपि सञ्जायते
+सोदरौ क्षुक्षभीमाख्यौ द्विजौ तस्य महीभुजः
+धूर्तत्वेन प्रियाव् आज्ञाम् अचिराद् उदलङ्घताम्
+"""समर्थाव् अतिसामर्थ्यौ स कथं नौ सहिष्यते"""
+भूपं मत्वापि सामर्षं नान्यं वव्रतुर् इत्य् अमू
+स्वयं यच् च न संभेजे तयोर् एको नृपश्रियम्
+लवन्योत्सिक्तता हेतुर् न त्व् अनौचित्यशङ्किता
+[प्स्-ज्र्त् २] तत्र हेतुर् लवन्येन्द्रभयं नानौचिती पुनः ज्र्त्_ब्.६३एफ़्
+यान्त्य् अङ्गसङ्गमम् अनङ्कुशम् अङ्कयन्ति रागं प्रदर्श्य हृदि कम्पम् उदञ्चयन्ति
+व्यापादयन्ति विषवेदनया विशेषाद् विश्वास्य दुष्टपिटिका युवतीश् च हा धिक्
+वार्द्धकक्षीणशक्तित्वाद् विरक्ता स्ववधूर् अपि
+हत्वा क्षुक्षं विषेणाशु भीमं भोगम् अकारयत्
+सा देवरस्य सङ्गेन श्वित्रसञ्चित्रिता सती
+दानेन माधवादीनां स्वपापं पर्यणीनमत्
+सो ऽष्टादशाब्दान् क्ष्मां भुक्त्वा सत्रयोदशवासरान्
+युगागाङ्काब्दमाघान्त्यदशम्यां प्रलयं ययौ
+६) जगदेव (ल्स् ४२७४-४२८९)
+ततश् श्रीजगदेवस् तत्तनयो विनयोर्जितः
+ततान जनताहर्षं मधुमास इवाधिकम्
+परस्परविरुद्धानां भृत्यानां तुल्यवृत्तिता
+तत्राभूद् उत्पलाब्जानाम् इव सन्ध्यागमक्षणे
+उज्जहार महीनाथः पृथुविज्ञानकौशलः
+भूतले दुर्व्यवस्थानं शल्यं शल्यहरो यथा
+मनश्शल्यायमानस् स निस्सामान्यगुणो नृपः
+कुचक्रिकाबलाद् देशान् मन्त्रिभिर् निरवास्यत
+निग्रहानुग्रहाधायिमन्त्रज्ञं गुणराहुलम्
+स प्रापत् सचिवं मित्रं कपीन्द्रम् इव राघवः
+उदयप्राप्तिलोभेन सूरद्विजपती समम्
+अगाताम् अथ कश्मीरदेशं तौ विस्मयावहौ
+चिरं भुक्तां श्रियं त्यक्तुम् अनीशास् समरोद्यताः
+तन्मन्त्रौजोहुताशान्तः प्रापुश् शलभतां द्विषः
+जित्वा क्ष्मां बुभुजे भूपश् छत्त्रचामरहासिनीम्
+लक्ष्मीम् अराजलक्ष्मां तु श्रीगुणाकरराहुलः
+राजा रज्जुपुरे राजद्राजतच्छत्त्रधारिणम्
+हर्षेश्वरस्य प्रासादं निर्ममे निर्ममेहितः
+वाल्लभ्याद् द्वारपतितां पद्मेनाप्तवता ततः
+दु��ात्मनावधि च्छन्नविषदानेन भूपतिः
+रक्षित्वा क्षितिम् अब्दान् स सत्र्यहर्तूंश् चतुर्दश
+नन्दाष्टाङ्काब्दचैत्रान्त्यचतुर्दश्यां लयं ययौ
+७) राजदेव (ल्स् ४२८९-४३१२)
+तत्पुत्रो राजदेवो ऽथ काष्ठवाटं भयाद् गतः
+आनिन्ये वामपार्श्वस्थैर् द्वारेशस्य विरोधिभिः
+तं सल्हणाख्यदुर्गान्तः प्रविष्टं दुष्टचेष्टितः
+अवेष्टयद् बलैः पद्मो मण्डलैर् इव पन्नगम्
+उपायनीकृतापूर्वपादुकालोककौतुकात्
+प्रमत्तं को ऽपि चण्डालो द्वारेशम् अवधीद् रणे
+अभिषिक्तस् ततो भट्टैस् स भेरीशङ्खनिस्स्वनम्
+प्रणतानन्तसामन्तस् सेवकान् अन्वजिग्रहत्
+असामान्यो लवन्येन्द्रान् स वास्तव्यकुटुम्बिताम्
+निन्ये क्षोणीपरिवृढो रूढभारोढिम् आदिशन्
+[प्स्-ज्र्त् ३] लवन्यवन्यकरिणां दर्पनिर्दलनं व्यधात् नरसिंहो महातेजा वनानाम् इव पावकः
+मल्लैर् बलाढ्यचन्द्रस्य बलिनो लहरेशितुः
+हरतश् श्रीनगर्यर्धस्वाम्यं न प्राभवत् तु सः
+पुण्यं राशीभवन् मूर्तम् इवाथ स्वाभिधाङ्कितम्
+बलाढ्यचन्द्रस् सान्द्रौजा नगरान्तर् मठं व्यधात्
+"""को ऽयं खशो मृदुह्॒ कश्चिद् अस्माभिर् अभिषिच्यते"""
+अमन्त्रयन्न् इदं भट्टा राज्ञावगणिताश् चिरात्
+"""न भट्टो ऽहं न भट्टो ऽहं न भट्टो ऽहम्"" इदं वचः"
+अश्रूयतापि भट्टेभ्यो निर्दिष्टे भट्टलुण्ठने
+तदैव विमलाचार्यश् शाके खेषुनवाङ्किते
+षडद्रिनन्दमासस्य मलभ्रमम् अवारयत्
+निर्ममे निर्ममो राजपुरीं राजोलकं तथा
+राजदेवस् स राजेन्दुर् आजन्मार्जितमङ्गलः
+अहानि सप्तविंशानि त्रयोविंशांश् च वत्सरान्
+मासत्रयीं च राजा स क्ष्मां रक्षित्वा क्षयं ययौ
+८) सङ्ग्रामदेव (ल्स् ४३१२-४३२८)
+सङ्ग्रामदेवस् तत्पुत्रो गोत्रासुत्रामतां भजन्
+त्रासम् आसूत्रयद् राजसिंहश् शात्रवदन्तिनाम्
+विस्रम्भात् सूर्यम् अनुजं चक्रे प्रतिनिधिं स्वयम्
+कुचक्रिकस् स भोगेभ्यो लुभ्यन् द्रोहम् अचिन्तयत्
+श्रुतद्रोहो महीभर्त्रा भीतस् स लहरेशितुः
+चन्द्रस्य मण्डलं सूर्यः प्राविक्षद् उदयेच्छया
+दारुणे रणकाले स सूर्यं चन्द्रान्वितं तदा
+स्वर्भानुर् इव भूभानुश् चित्रं समम् अमीमिलत्
+शमालाधिपतिस् तुङ्गस् सूर्यं पार्श्वं नयन् मदात्
+कृतयात्रेण राज्ञाथ नीचभावम् अनीयत
+मार्गैर् निरिन्दुरविभिश् चौरवद् रजनौ भ्रमन्
+विटत्यक्तस् ततस् सूर्यो बद्ध्वा राज्ञा व्यपाद्यत
+स्व��क्ष्मीं रक्षितुं साक्षात् तस्मिन्न् आत्तक्षणे प्रभौ
+अकारयन्न् अहिभयं स्तेनाह्॒ कल्हणनन्दनाः
+गोत्रजेषु बलिष्ठेषु नष्टाशस् सो ऽथ भूपतिः
+शिष्टम् इष्टं च शरणम् अगाद् राजपुरीपतिम्
+तस्मिन् दण्डधरे दूरं याते डामरफेरवः
+अन्त्राण्य् अपि विशाम् आशुर् निश्शेषं रक्तपायिनः
+राज्ञा सुमनसा त्यक्तं द्विजैश् च स्पर्शदूषितम्
+भोज्यं डामरडोम्बानां तद् राज्यान्नम् अभूच् चिरम्
+स्वमण्डले विशीर्णे ऽथ परमण्डलम् आविशन्
+न कैर् अनुमतो राजा प्रत्यासन्ननवोदयः
+प्रत्यक्षतो राजपुर्यास् स रिपून् समरे जयन्
+ब्राह्मण्यात् काल्हणीन् रक्षन् राज्यं पुण्यं च लब्धवान्
+एकविंशतिशालं स श्रीविशालं विशाम्पतिः
+गोद्विजानां निवासाय चकार विजयेश्वरे
+काल्हणप्रणिधीनां स द्विषां लुण्ठनकाङ्क्षिणाम्
+चौराणाम् इव दीपो ऽभूद् द्वेषणीयो महीपतिः
+शाखाक्रान्तदिगन्तस् स सदुराशैर् दुराशयैः
+कविकल्पद्रुमो राजा विच्छिन्नह्॒ कल्हणात्मजैः
+नायकीकृत्य तं भूपं कविः पण्डितयःशकः
+स्वोक्तिहारलतां विद्वत्कण्ठभूषात्वम् आनयत्
+षोडशाब्दान् दशाहानि स भुक्त्वा क्ष्मां व्यपद्यत
+जगद्भद्रो ऽथ पञ्चम्यां भाद्रे ऽष्टाविंशवत्सरे
+९) रामदेव (ल्स् ४३२८-४३४९)
+रामदेवो ऽथ तत्पुत्रो हत्वा स्वपितृघातकान्
+पृथ्वीराजे प्रजाभारं सर्वम् एव समर्पिपत्
+लेदर्या दक्षिणे भागे सल्लरे स महीपतिः
+स्वनामाङ्कं व्यधात् कोट्टं यशोराशिम् इवापरम्
+प्रमादाद् भङ्गम् आनीतश् शमालाविजयोद्यमे
+तेनोत्पलपुरे विष्णोः प्रासादो नूतनीकृतः
+[प्स्-ज्र्त् ४] वैशाखे मासि पक्षे शशधरविषदे त्रिंशदब्दे सभक्त्या द्वादश्यां रामराजे क्षितिम् अवति निजप्रेयसीं सोमवारे पृथ्वीराजश् शमालाविजयनसमये दस्युभग्नं मुरारिं सम्पूर्णाङ्गं विधायोत्पलपुरनगरे स्वप्रतिष्ठां चकार
+पुष्पं चन्दनवृक्षस्य फलं चण्पकभूरुहः
+अपत्यं तस्य भूपस्य हन्त नाकारि वेधसा
+भिषायकपुरस्थस्य कस्यचिद् ब्राह्मणस्य सः
+पुत्रं लक्ष्मणनामानं पुत्रीयाम् आस भूपतिः
+अकृत्रिमपितापुत्रप्रीतिं प्रीतिः प्रथीयसी
+वस्त्व् इवोचितम् आलेख्यं तयोर् अतुलयत्तराम्
+श्रीसमुद्राभिधा देवी विमुद्रितसमुद्रजा
+वितस्तायां स्वनामाङ्कं नगरान्तर् मठं व्यधात्
+त्रयोदशदिनं मासं वत्सरांश् चैकविंशतिम्
+क्ष्मां भुक्त्वैकोनपञ्चाशे वर्षे ऽसौ द्याम् अगात् स्वयम्
+१०) लक्ष्मदेव (ल्स् ४३४९-४३६२)
+कथञ्चिल् लक्ष्मदेवो ऽथ पाट्यमानाङ्गविह्वलः
+ताम् आकण्टकिनीं वल्लीम् इव क्षोणीं बभार सः
+क्षत्रीकृतो ऽपि नामुञ्चत् स्वधर्मं द्विजभूपतिः
+न माणिक्यश्रियं धत्ते रञ्जितो ऽश्मापि जातुचित्
+वितस्तायास् तटे श्वश्रूमठोपान्ते मठं नवम्
+निष्पङ्का निजनामाङ्कम् अहलामहिषी व्यधात्
+कज्जलेन तुरुष्केण बहिर् एत्याथ मण्डले
+मलिनेन प्रजादृष्टिर् उत्पाट्यास्रवता हता
+त्रयोदशाब्दान् मासांस् त्रीन् द्वादशाहं च भूपतिः
+भुक्त्वा द्वाषष्टवर्षे ऽथ पौषान्ते स व्यपद्यत
+११) सिंहदेव (ल्स् ४३६२-४३७७)
+कज्जलोपद्रवात् तस्माल् लेदरीमात्रनायकः
+सिंहदेवो ऽथ सङ्ग्रामचन्द्रेणाक्षोभि भूपतिः
+नगरान्तर् मठं कृत्वा लहरेन्द्रे मृते सति
+सिंहदेवो नृसिंहो ऽथ क्ष्मां ररक्ष क्षयाकुलाम्
+सिंहदेवो नृसिंहस्य सिंहेन गुरुणान्वितः
+प्रतिष्ठां सिंहलग्ने ऽथ ध्यानोड्डारे ऽकरोत् कृती
+कर्ता कार्यं च लग्नं च गुरुस् सिंहश् च कोविदः
+पतितेयं भवेत् तस्य व्रते सिंहपरम्परा
+स निष्कलक्षविक्रीतक्षीरेण विजयेश्वरम्
+एकाह एव स्नपयन् व्रतशुद्धिं ययौ नृपः
+राज्ञा श्रीशङ्करस्वामी गुरुर् मन्त्रोपदेशकृत्
+यो ऽष्टादशमठैश्वर्यदक्षिणाभिर् अपूज्यत
+परलोकजयोपायं वाग्देवीप्राभृतं नृपः
+आत्मोपज्ञम् इमं श्लोकं शय्योत्थायं सदापठत्
+"""पावकनिर्मलदृष्टिं विबुधगणैर् अर्च्यमानपादम् अहम्"
+"शशिशकलादर्शयुतं गौरीशं शङ्करं वन्दे"""
+[प्स्-ज्र्त् ५]
+पान्थानां तोयदानाय पितॄणां तर्पणाय च
+दम्पत्योः पापनाशाय धर्मसंवर्धनाय च
+निजालङ्कारदानेन निपानं रचितं पथि
+मडवाश्रमग्रामान्ते गौर्या शङ्करभार्यया
+खोनमोषाधिपस्यासीत् कन्या प्रज्जद्विजस्य सा सत्यशीलान्विता भक्ता गौरी गौरीव शङ्करे
+दुहितुर् दुश्चरित्रेण यो ऽभूद् दण्डः पितुः पतन्
+इडागल्यार्थितो राजा नर्तक्या तं न्यवारयत्
+स दुर्जनपरिष्वङ्गाद् आस्तिकप्रज्ञयोज्झितः
+धात्रीपुत्र्यां स्मरादर्शे स्वात्मानं प्रत्यबिम्बयत्
+दर्याख्यो भगिनीस्वामी कामसूहोपबृंहितः
+तं विरक्तप्रजं मुक्तविनयं छद्मनावधीत्
+चतुर्दशाब्दान् षण्मासांस् त्र्यहन्यूनान् महीपतिः
+भूत्वा शुचौ दिवम् अगात् स वर्षे सप्तसप्तते
+१२) सूहदेव (ल्स् ४३७७-४३९६)
+तद्भ्राता सूहदेवो ऽथ कामसूहोपबृंहि���ः
+जडो ऽपि सकलाम् एव कश्मीरक्ष्मां वशे व्यधात्
+दिगन्तराद् उपागत्य बहवो वृत्तिलिप्सया
+तम् आश्रयन् महीपालं पुष्पद्रुमम् इवालयः
+[प्स्-ज्र्त् ६]
+वृत्त्यै लङ्कारचक्को ऽपि दरद्देशात् तदाययौ
+सन्ततेर् भाविसाम्राज्यः प्राज्यं कश्मीरमण्डलम्
+क्रमराज्याभिधे राष्ट्रे त्राहग्रामं नृग्रामणीः ददौ वसतये तस्मै नियतेस् स नियोगतः
+पार्थो ऽन्य इव पार्थो ऽभूत् पञ्चगह्वरसीमनि
+यो गर्भरपुरं चक्रे तत्पुत्रो बभ्रुवाहनः
+तद्वंश्यह्॒ कुरुशाहो ऽभूद् यद्बाहूदयपर्वते
+ज्याकिणच्छद्मना भेजे यशश् शुभ्रत्विषं निशा
+"""कश्मीराः पार्वती तत्र राजा ज्ञेयो हरांशजः"""
+इत्य् एतत्प्रत्ययायेव यस्यासीच् चक्षुषां त्रयम्
+कश्मीरेषु हि साम्राज्यं कुरुशाहस्य सन्ततिः
+शंशदीनमुखी मुख्या ख्यातकीर्तिह्॒ करिष्यति
+ताहराजो ऽजनिष्टास्माद् यस्य चापलताश्रिता
+मुहुर्मुहुर् अहो मौर्वी श्रुत्यन्तम् अगमत्तराम्
+शाहमेरस् स्ववीर्योष्मग्रीष्मो भानुस् ततो ऽजनि
+यस्य वैरिवधूवाष्पैः प्रतापाग्निर् अदीप्यत
+वने विहरतस् तस्य शाह्मेरस्य कदाचन
+मृगया प्रथमं दृष्टिं पश्चान् निद्रा व्यलोभयत्
+"""राज्यम् आ सन्ततेर् भावि कश्मीरेषु तवे""ति सः"
+स्वप्ने वाक्सुधया तत्र महादेव्याभ्यषिच्यत
+पञ्चाग्न्यर्कमिते शाके नवाष्टाङ्कितवत्सरे
+ततस् सपरिवारस् स कश्मीरान् अविशच् छनैः
+सकुटुम्बं तम् आयान्तं वृत्तिदानेन भूपतिः
+अनुजग्राह सोत्कर्षं चूतद्रुम इवालिनम्
+डलचाख्यह्॒ कर्मसेनचक्रवर्तिचमूपतिः
+कश्मीरान् स तदैवागात् सिंहो मृगगुहाम् इव
+षष्टिग्रामसहस्रेषु स्वाम्यं दातुम् इवात्र सः
+तावत्सङ्ख्यसहस्राणि स्वसैन्ये सादिनो ऽवहत्
+डल्चं धनप्रयोगेन निविवर्तयिषुर् नृपः
+सर्वेषाम् एव वर्णानां दुर्वर्णो दण्डम् अक्षिपत्
+प्राणाहुत्या प्रभोह्॒ कोपे तत्प्रतिग्रहसांहसः
+प्रायस्था ब्राह्मणाः प्रायश्चित्तीयां चक्रुर् अक्रमम्
+[प्स्-ज्र्त् ७] दण्डदुह्॒खेन विप्रैर् यश् शापो दत्तो महीभुजः भविष्यन् वंशविच्छेदो ध्रुवं तस्यैव तत् फलम्
+तदैव कालमान्याख्यैर् भौट्टैर् घट्टितवैरिभिः
+सबन्धुर् गोत्रजो व्याजाद् बकतन्यो न्यहन्यत
+[प्स्-ज्र्त् ८] स्वदेशे वकतन्याख्यो गोत्रजस्यात्मजो हतः
+मान्यो ऽसामान्यधीह्॒ कालमान्यवंशदवानलः
+अवाशिष्यत तत्पुत्रो दैवाद् एकस् स रिञ्चन��
+व्यालटक्कमुखैर् मन्त्रसूत्रसंयोजितैर् अथ
+बद्ध्वा संहतिकन्थां स ताञ् जडाञ् जेतुम् इष्टवान्
+"""निपास्यमानकोशं मां भृत्यत्वे वृणुते""ति सः"
+तान् प्रत्यश्रावयद् दूतमुखेन स्वाततायिनः
+नृसिंहस् स नदीतीरे सिकतास्थगितायुधः
+तान् प्रत्यैक्षत रक्तस्य न तु कोशस्य पीतये
+व्यालाद्यैर् आगतास् तत्र कालमान्या निरायुधाः
+सिकतान्तर्निविष्टस्य परश्वग्नेस् तृणीकृताः
+प्रक्षाल्य वैरिरक्तेन पितृद्रोहरजोमलम्
+शेषानेकारिभीत्यागात् कश्मीरान् बन्धुभिस् सह
+पूर्णस्य रामचन्द्रस्य रुचिहान्यै धरार्यमा
+नीलाशाभ्रे रिञ्चराहोर् उदयं सो ऽथ सोढवान्
+हेतिभिस् तापयत्य् आशा डलचे कृष्णवर्त्मनि
+काश्मीरिकैर् जनैस् सर्वैश् शलभत्वम् अलभ्यत
+रुद्धयोर् डल्चरिञ्चाभ्यां प्राच्युदीच्योर् बहुर् जनः
+वसतेः पश्चिमाम् आशां प्राग् यमाशाम् अथागमत्
+अधो डल्चाम्बुपूराद् भीर् गिरौ रिञ्चनमारुतात्
+छायाजुषां फलाढ्यानां पुंनागानाम् अभूत् तदा
+पक्षिशावम् इव स्थानच्युतं चिल्लोल्लसद्रया
+बलश्री रैञ्चनी लोकं काश्मीरिकम् अपाहरत्
+धनाम्बु प्राप्य भौट्टेभ्यह्॒ काश्मीरजनविक्रयात्
+गर्जन्न् आशाः प्यधात् सर्वास् तदा रिञ्चनवारिदः
+[प्स्-ज्र्त् ९]
+तुरुष्कताजिकम्लेच्छसैन्यच्छादितभूतलः
+डुलुच्यो नगरं प्रापद् अथागस्त्य इवार्णवम्
+मृगास् सिंहम् इवोदग्रं गरुत्मन्तम् इवाण्डजाः
+तम् आपतन्तम् आलोक्य पलायन्त पुरौकसः
+बद्धाः पलायिनस् तेन मान्त्रिकेणेव पन्नगाः
+केचित् पलायिता भीत्या प्रविष्टा गिरिगह्वरम्
+राजापि क्वापि सञ्छन्नो भीत्या घूकवद् आस्त सः
+इतरेषां तु लोकानां का कथा तत्र वासिनाम्
+विप्रशापो नरेन्द्राणां वृथा जातो न जातुचित्
+सलक्ष्मा राजयक्ष्मा हि नाहत्वा विनिवर्तते
+गूढार्थं दापिताः पूर्वं गाढया बन्धपीडया
+विक्रीता वाजिभिः पश्चात् तुरुष्कैर् हस्तगा जनाः
+विद्धाह्॒ केचित् परे बद्धा विराद्धास् तेन केचन
+प्लोषं केचित् परे शोषं दोषं यान्त्य् अनलाद् द्रुमाः
+जत्रुवेधेन बद्धानाम् एकया चर्मवध्रया
+तेषां दुरापम् अप्य् आसीद् अन्योऽन्यमुखदर्शनम्
+घासेन्धनादिसम्भारढौकनाय क्षणं क्षणम्
+बद्धा म्लेच्छैर् अमुच्यन्त बिडालैर् इव मूषकाः
+येषाम् अन्ने जुगुप्साभूद् बिडालस्पर्शदोषतः
+म्लेच्छोच्छिष्टं गवांश् चास्थि तैर् बद्धैर् भक्षितं क्षुधा
+वैतस्तम् अपि ये वारि न पपुः पङ्कसङ्कुलम्
+बद्धैर् मरुषु तैर् नीतैर् मूत्रं पीतं भृशं तृषा
+"""क्व म्लेच्छान्नं क्व वंशो नो दुस्सहा क्षुच् छ्रुतेन किम्"
+"निद्रा नाद्यापि मार्गेण"" ते ऽन्तर् एवम् अचिन्तयन्"
+गच्छतां तिष्ठतां तेषाम् अश्नतां जल्पताम् अपि
+सो ऽभून् नैव क्षणो यत्र न ते कार्यम् असाधयन्
+म्लेच्छैह्॒ केचित् खशैह्॒ केचिद् दरद्भिर् अपरे तथा
+भोट्टैह्॒ केचित् तुरुष्कैश् च केचिद् बन्दीकृता जनाः
+अन्नं गृहे वने वित्तं मार्गे बन्धून् विहाय च
+पलायाम् आसुर् अपरे तुरुष्कभयसम्भ्रमात्
+करुणागौरवघृणा द्रुतं गन्तुम् अशक्तिषु
+बालवृद्धाबलास्व् एते त्यक्तवन्तः पलायिनः
+न भुक्तं क्षुधितैर् मार्गे न पीतं तृषितैर् अपि
+किम् अन्यद् भयसंभ्रान्तैः पश्चात् तैर् नापि वीक्षितम्
+क्षुधा केचित् तृषा केचिद् भिया केचित् परे ह्रिया
+भयाद् बिलदरीष्व् एव प्रविश्यान्तर् विपेदिरे
+बिलप्रविष्टांस् ताञ् छ्रुत्वा ततो निष्कासनेच्छवः
+निष्कारुण्यास् तुरुष्कास् ते धूमं बिलमुखे ददुः
+धूमेनान्तर् विपन्नानां नराणाम् अस्थिराशयः
+दृश्यन्ते ऽद्यापि धूमोत्थं मालिन्यं च गुहामुखे
+राजापचारम् अकरोत् प्रजासु फलितस् तु सः नारीणां चपला दृष्टिर् दन्तैर् गण्डस् तु खण्ड्यते
+नाशिताशेषदेशो ऽथ स्फीतशीतभयाकुलः
+डल्चह्॒ कश्मीरतस् तारबलमार्गेण निर्ययौ
+जनाह्॒ काश्मिरिका दुर्गबिलेभ्यो मूषका इव
+डलचोतौ गते बन्दीकृतशेषा विनिर्ययुः
+नालब्ध पितरं पुत्रः पिता तं च न कञ्चन
+भ्रातॄंश् च भ्रातरो डल्चराक्षसोपप्लवात्यये
+मितलोका खिलक्षेत्रा निर्भोज्या दर्भनिर्भरा
+सर्गारम्भ इव प्रायस् तदा कश्मीरभूर् अभूत्
+समर्थान् न्यग्रहीद् डल्चो रिञ्चनः प्राभवत् पुनः
+विश्वम् अन्धयति ध्वान्ते सुखभाजो ऽभिसारिकाः
+डल्चराहुविनिर्मुक्तं राजानं तुङ्गिमस्पृशा
+अरुरुत्सत् स शृङ्गेण रिञ्चनास्ताचलस् ततः
+दृष्ट्वा गगनगिर्यग्रे भास्वन्तं रिञ्चनं स्थितम्
+अशङ्क्यत न कै राज्ञः प्रत्यासन्नो ऽस्तसंस्तवः
+रिञ्चनश्येनराजस्य जिहीर्षोर् नगरामिषम्
+कुलचन्द्रो रामचन्द्रो विघ्नं चक्रे पदे पदे
+भौट्टांल् लहरकोट्टान्तः पट्टविक्रयकौतुकात्
+प्रत्यहं वञ्चनोद्योगी रिञ्चनो ऽथ विसृष्टवान्
+तथैव लहरस्यान्तर् भोट्टलोके प्रवेशिते
+अपिप्यद् रामचन्द्रास्रमधु शस्त���राणि रिञ्चनः
+रामचन्द्रकुलोद्यानकल्पवल्लीं स रिञ्चनः
+वक्षस्स्थले महाबाहुह्॒ कोटादेवीम् अरोपयत्
+श्रीरिञ्चनभयाद् राजा नगरं त्यक्तवांस् ततः
+विप्रशापाग्निदग्धानां कुतस् स्याद् उदयाङ्कुरः
+प्रमण्डलगुहां राजजम्बुर् भीतो ऽविशत् ततः
+पापस्य तादृशो मृत्युस् सम्मुखस्य रणे कथम्
+वैरिधाराधरश् चित्रं रणे राजास्रवर्षणैः
+दण्डदानां द्विजातीनां चक्रे नेत्रेष्व् अवग्रहम्
+पञ्चाहोनांश् चतुर्मासान् वर्षांश् चैकोनविंशतिम्
+स राजराक्षसो रक्षाव्याजात् क्षोणीम् अभक्षयत्
+१३) ल्ह·छेन् र्ग्यल्·बु रिन्·छेन् (ल्स् ४३९६-४३९९)
+श्रीरिञ्चनसुरत्राणो भुजवातायने महीम्
+व्यशिश्रमद् अथ श्रान्तां दौस्स्थ्याद् दुस्स्थितिविप्लवैः
+पूर्वदृष्टम् इवाशेषं तिमिरापगमे पुमान्
+कश्मीरमण्डलम् पूर्वराजसौख्यं तद् ऐक्षत
+दीपैर् इव प्रतिस्थानं यैर् लवन्यैस् स्थिरं स्थितम्
+अकम्प्यन्त प्रभातस्य ते राज्ञो बलवायुना
+मन्त्रसूच्या कृते भेदे बाणसूत्रे प्रवेशिनि
+अभूल् लवन्यकन्थायाश् चित्रं विश्लथता तदा
+वने कण्टकिनीवाङ्ग नग्नो यत्राकुलो भवेत्
+तत्रैव व्योम्नि पत्त्रीव देशे समचरन् नृपः
+तस्य दाक्षिण्यदक्षस्य प्रजानां हितहेतुना
+पुत्रे मन्त्रिणि मित्रे वा दुष्टे नालक्ष्यत क्षमा
+छेदं यच्छन्न् अतुच्छानां वैरिणाम् उच्छलच्छ्रियाम्
+आच्छोटनम् अगच्छत् स छत्त्रशाली कदाचन
+टक्कभ्राता तिमिर् नाम मार्गे सन्तापखेदितः
+गोपाल्याह्॒ कुत्रचिद् ग्रामे क्षीरं निष्पीतवान् हठात्
+राज्ञा विज्ञापितेनाथ सद्यो गोपालयोषिता
+अनुयुक्तस् तिमिर् भीत्या व्यधात् सर्वस्य निह्नवम्
+असत्ये भाविता गोपी यदा धैर्यान् न सास्खलत्
+पानाशयं तिमेर् एव स सत्यैक्षी व्यदारयत्
+तस्य पानाशयाद् दीर्णान् निर्यान्त्या क्षीरधारया
+राज्ञह्॒ कीर्तिर् मुखश्रीश् च गोप्याः प्रापत् प्रसन्नताम्
+वारवाले निवसतोर् असुवातां कयोश्चन
+अश्वे किशोरकौ तुल्यौ कस्मिन्न् अपि वनान्तरे
+सिंहसङ्क्षयितापत्या तयोर् अन्यतमा वने
+अश्वसादृश्यवात्सल्याद् अपुपुत्रीयिषत् परम्
+"""मदीयो ऽयं मदीयो ऽयम्"" इत्य् असञ्जातनिश्चयौ"
+वडवाधिपती क्षोभाद् राजान्तिकम् अगच्छताम्
+स विवादं तयोश् श्रुत्वा स्वान्तिकं स्वीयमानुषैः
+वडवे च किशोरं च राजाभ्यानाययत् ततः
+तस्मिन् किशोरके बाल्याद् दूरं धावति लीलया
+माता धात्री च नितराम् अस्निह्यच् चाप्य् अहेषयत्
+सभ्येष्व् अनेलमूकेषु वादिनोह्॒ क्षोभसज्जयोः
+अश्वे नावानयन् मध्येवितस्तं सकिशोरके
+बालाश्वं पातितं नद्यां नावो राज्ञा महाधिया
+हठाद् अन्वपतन् माता परा परम् अहेषयत्
+सन्दिग्धव्यवहाराणाम् एवं निश्चयकारिणि
+तस्मिन् राज्ञि जनो ऽमंस्त कृतं युगम् इवागतम्
+श्रीदेवस्वामिनं शैवीं दीक्षां याचन् नराधिपः
+नान्वग्राहि स भौट्टत्वात् तेनापात्रत्वशङ्कया
+अनुजस् तनुजो बन्धुर् मन्त्री सहचरस् सखा
+व्यालराजो नृपस्याभूत् सत्यैकव्रतनिष्ठया
+जहौ व्यालह्॒ कृतं राज्ञा न स व्यालकृतं पुनः
+मनो हि कायिकं हन्ति तत्कृतं न वपुः पुनः
+कलानिधौ रसमये व्याले भूलोकभास्वतः
+मूर्छिता रुचिर् अच्छैत्सीद् अच्छेद्यं जगतां तमः
+[प्स्-ज्र्त् ११]
+प्रवेष्टुकामं कश्मीरान् निवर्तयितुम् अञ्जसा
+डुल्च्यं धनप्रयोगेण यो विसृष्टो महीभुजा
+अवमन्त्र्य प्रविष्टे ऽथ डुलुच्ये भयतो गतः गान्धारदेशं उद्यानदेवो लब्धान्तरस् ततः
+श्रीमान् उद्यानदेवो ऽथ रन्ध्रप्रहरणोद्यतः
+समादिक्षत टक्कादीन् गान्धारस्थो भयाद् इति
+"""जीवताम् एव गन्तव्यं जाने तन् नगरान्तरम्"
+यत् सेव्यते ऽविशेषज्ञस् स्वामी सम्मानलिप्सया
+भुङ्क्ते व्यालश् श्रियं प्राणपणैर् युष्माभिर् अर्जिताम्
+करौ साधयतो यत्नाद् रसना भोगभागिनी
+ईश्वरो भूतिलिप्ताङ्गो व्यालं हारीचिकीर्षति
+अनास्थां तु सुवर्णेषु युष्मासु विदधाति सः
+क्षीरमात्रैकपायित्वं निमित्तीकृत्य भूपतिः
+"युष्मच्छौर्याभिशङ्कित्वात् तिमिं तिमिम् इवावधीत्"""
+एवं सन्देशनिर्भिन्नाष् टक्काद्याश् शुक्कलङ्किताः
+विंशप्रस्थे कदाचित् ते प्रजह्रुर् अथ भूभुजम्
+तत्खड्गधारासम्पातैर् व्यालस् तेषां हृदन्तरात्
+स्वैश्वर्यतापम् अनुदद् राजामूर्छत् तु केवलम्
+ते ऽथ लब्धजयम्मन्यास् तद्वधापोढमन्यवः
+नगरान्तर् ययू राज्यग्रहणार्थम् अहङ्कृताः
+क्षणं मृत इव स्थित्वा भूयोघातभयान् नृपः
+दूरं गतान् रिपून् दृष्ट्वा राज्ये राजोदतिष्ठत
+आरुक्षन् राजधानीं ते यावत् तावन् नराधिपम्
+अपेतमूर्छम् आयान्तम् अद्राक्षुह्॒ क्षुद्रबुद्धयः
+"""त्वया किं न त्वया किं न हतो राजे""त्य् अनीतयः"
+परस्परविवादात् ते तत्कालं चुक्षुभुर् जडाः
+अन्योऽन्यमन्यवो ऽन्योऽन्यलोठनाद् राजसद्मनः
+कर्तव्यं मरण�� राज्ञा व्यधुस् स्वस्य स्वयं जडाः
+शेषान् राजाथ दुश्शीलाञ् छूलारोपेण केवलम्
+उच्चैस्ताम् अनयन् मानी सर्वथाधोगतिं पुनः
+सगर्भा वैरिकोट्टस्त्री रोषवान् स व्यदीदरत्
+असिभिर् भूपतिर् गर्भशालिशिम्बीर् नखैर् इव
+तद्द्रोहरोषजा पीडा राज्ञस् तत्कुलमारणात्
+चित्ते शान्तिम् अगात् खड्गघातोत्था न तु मूर्धनि
+दुस्स्वप्नम् इव तद् दृष्ट्वा टक्कादिचरितं क्षणात्
+प्रबुद्धेव पुनः प्रापद् अभयेन शमं मही
+अद्रोहमध्यगे राजा शाहमेरे प्रसन्नधीः
+सकोटामातृकं वृद्ध्यै स्वपुत्रं हैदरं ददौ
+वर्धितह्॒ कोटया देव्या प्रावृषेव महीरुहः
+सच्छायत्वं स्फुरत्पत्त्रश् शाहमेरो न्यषेवत
+परिखाच्छलतो ऽकीर्त्या स्वपराजयजातया
+परितो वलितं राजा स्वनामाङ्कं पुरं व्यधात्
+पौषदुर्दिनमार्ताण्डसन्निभो धरणीपतिः
+मासांश् च कतिचिद् भूयः प्रकाशम् अकरोद् भुवः
+हेमन्ते शैत्यपारुष्यदोषेण धरणीपतेः
+मरुत्कोपेन नैविड्यं शिरःपीडाग्रहीत्तराम्
+सदानेकोत्तमाङ्गानां पीडाहरगुणश्रियः
+भूपतेर् उत्तमाङ्गस्य पीडा कष्टम् अवर्धत
+एकादश्यां ततः पौषे नवनन्दाङ्कवत्सरे
+निरस्ता मृत्युवैद्येन भूपतेर् मृत्युवेदना
+एकादशदिनैर् न्यूनौ मासौ त्रीन् वत्सरान् अपि
+क्षमां संरक्ष्य स स्वर्गं ययौ रिञ्चनभूपतिः
+१४) उद्यानदेव (ल्स् ४३९९-४४१४)
+पुत्रं हैदरनामानं बाल्याद् अनभिषिक्तवान्
+अतथाविधशक्तित्वाद् राज्यं स्वेनाप्य् असंवहन्
+लवन्यैह्॒ कुलनाथत्वाद् रिञ्चने प्रतिघाद् अपि
+अव्याहतप्रवेशाशो मतिमाञ् शाहमेरकः
+समं श्रीकोटया देव्या मूर्तयेव जयश्रिया
+तदोदयनदेवं तं कश्मीरक्ष्माम् अलम्भयत्
+राज्यलक्ष्मीमहादोला गुणबद्धा गरीयसी
+रिञ्चनोच्चैःपदं गत्वा राजाधःपदम् अश्रयत्
+राजा शाह्मेरपुत्रौ तौ ज्यंशिरालेशिरौ तदा
+क्रमराज्यादिदेशानां स्वाम्यदानाद् अरञ्जयत्
+धीर् इवासीत् तदा कोटा देवी सर्वाधिकारिणी
+राजा देह इवात्यर्थं तदादिष्टं समाचरत्
+तेजसा पिहितान्य् आसन् यानि रिञ्चनभास्वतः
+लवन्यज्योतिषां राजप्रदोषे ऽभूत् तदोदयः
+यस्याक्रम्यत सौम्यस्य गृहिण्या कोटया गृहम्
+विषयाक्रमणं तस्य लवन्यैह्॒ किं नु शोच्यते
+लवन्यदेशचण्डालगृहस्पर्शविवर्जकः
+स श्रोत्रिय इवानैषीत् कालं स्नानतपोजपैः
+आस्तिकत्वं कियत् तस्य वर्ण्यते वर्णधारिणः
+क्रिमिमर्दभयाद् घण्टां य��� ऽबध्नाद् वाजिनो गले
+तावद् द्रविणताम् एव कोशालङ्करणं दधत्
+कण्ठभूषां समौलिं स चक्रिणे ऽदित काञ्चनीम्
+अथ मुग्धपुरस्वामिदत्तानीकिन्यहङ्कृतः
+कश्मीरान् अचलो ऽविक्षद् बलाद् डल्च इवापरः
+स्वपक्षैर् आक्षिपत्य् आशा बलेनाक्रम्य मेदिनीम्
+नाचले गोत्रभित्त्वं स कर्तुम् ऐष्ट महीवृषा
+प्राप्ते भीमानकं तस्मिन् ससैन्ये दैन्यम् आश्रितः
+भोट्टदेशम् अगात् तूर्णम् उर्वीपरिवृढो भयात्
+"""निवर्तय चमूम् अन्यां किं मिथ्या देशपीडया"
+"अराजकास् त्वया पाल्याह्॒ कश्मीराह्॒ कुलनाथवत्"""
+इति श्रीकोटयामात्यैः प्रेरितैर् लेखधारिभिः
+आसारसैन्यम् अचलः प्रत्यमुञ्चद् विमोहितः
+प्रतिमुक्तनिजासारस् सारहीनो ऽचलस् स तैः
+मार्गोत्सवच्छलात् कञ्चित् कालं मार्गे विलम्बितः
+तावच् छ्रीकोटया देव्या तदा पालयितुं प्रजाः
+भौट्टह्॒ खेरिञ्चनो नाम राजभावे न्ययुज्यत
+प्रमीतभर्तृकोत्पन्नमृतापत्येव सा तदा
+अदूयत निजैस् सर्वैश् चिरस्याचलशेमुषी
+तुषारलिङ्गपूजाभिह्॒ कृतार्थीकृत्य वासरान्
+भोट्टदेशान् निजं देशम् अगच्छद् वीतभीर् नृपः
+उदयाद्रिभुवा पूर्णश् शशीवाथ स कोटया
+खेरिञ्चनतमोनाशी शिरसाधारि सादरम्
+यं कोटासूत जट्टाख्यं भिक्षणाख्यस्य मन्त्रिणः
+वर्धनायात्मजं राजा स तं मृत्युम् इवादित
+शाहमेरस् स वीरो ऽथ परिपालितरैञ्चनिः
+अचक्षुष्यह्॒ क्षमाभर्तुः पुत्रप्रेमभराद् अभूत्
+देव्यास् तु समदृष्टित्वात् पुत्रयोर् उभयोर् अपि
+राज्ञो द्वेष्यो ऽपि शाह्मेरो न भयेन स पस्पृशे
+अचलोपप्लवातङ्के भयाल् लोकैस् समाश्रितः
+शाह्मेरश् स राजानं न तृणायाप्य् अजीगणत्
+शाह्मेरो हय्दरश्येनं दर्शयित्वा मुहुर् मुहुः
+अभाययत्तरां राजपक्षिणं तं दिवानिशम्
+रक्षंस् तटस्थान् उद्वेगरहितो जलवर्जितः
+अल्लेश्वराम्बुपूरस् स प्रजाश् चित्रम् अतारयत्
+शिरश्शाटकहिन्दाख्यौ समभूषयताम् उभौ
+चन्द्रार्काव् इव तस्याशां शूरौ पौत्रौ गुणोच्छ्रितौ
+द्वारैश्वर्यात् स्फुरद्दर्पो राजाज्ञालङ्घनोद्यतः
+शाह्मेरस् स विपद्द्वारम् अभूद् भूपतिसेविनाम्
+सो ऽल्लेशिरसुतां दत्त्वा लुस्तस्य तदधीशितुः
+स्रीशङ्करपुरं जित्वा राज्ञश् शङ्काम् अवर्धयत्
+वशे तेलाकशूरो ऽस्य भाङ्गिलैश्वर्यभाजनम्
+ज्यंशिरस्य सुतां हस्तेकृत्य कृत्यविदो ऽभवत्
+बहुरूपजयी लक्ष्मीनिधिर् अच्युततापद���्
+शमालां स नृसिंहो ऽथ दैत्यश्रियम् इवादुनोत्
+मकरालयगाम्भीर्यह्॒ करालम्बो जयश्रियः
+कराले स करालौजाह्॒ करम् आलम्बयज् जनान्
+असिस्मरत् स्मेरयशा दह्यमानम् इतस् ततः
+राज्ञह्॒ कलशदेवस्य विजयेशपुरं ततः
+स्थित्यै प्रकल्प्य चक्रस्य स्वस्य चक्रधराचलम्
+शाह्मेरो ऽचलकार्याणि जनस्य समदर्शयत्
+कम्पनेश्वरलक्ष्यस्य लक्ष्मीसर्वस्वतां ददत्
+चित्रं स लब्धवाञ् शुद्धं सुदायम् इव सद्यशाः
+नरेन्द्ररङ्गशैलूषं कोटराजम् अथाग्रहीत्
+शाह्मेरस् तनयारत्नग्रहणोन्मानकेन सः
+साम्ना केचित् परे दण्डाद् दानाद् अन्ये परे भयात्
+मान्यताम् अनयन् धन्या लवन्यास् तस्य शासनम्
+लवन्यलोकस् तत्पुत्रीर् माला इव बभार ताः
+नाजानाद् भुजगीर् घोरविषाः प्राणहरीः पुनः
+राजबीजिविधेयत्वान् मन्त्राद् विक्रमतश् च वा
+कश् शाह्मेरहरेर् नाभूल् लवन्यद्विरदो वशे
+शाहमेराम्बुपूरेण कामनोल्लासशालिना
+आक्रान्तः परितो राजा मृद्राशिस्थद्रुमोपमः
+पुरमात्राधिपत्योत्थलज्जयेव महीपतेः
+जीवितं दूरम् अगमच् छुद्धेन यशसा समम्
+शिवरात्रित्रयोदश्यां वर्षे राजा चतुर्दशे
+क्षमावान् स क्षमाम् औज्झीच् शाह्मेरस्पर्शदूषिताम्
+[प्स्-ज्र्त् १२] अब्दान् पञ्चदश द्वौ च मासौ द्वौ वासराव् अपि कश्मीरकाश्यपीभोगम् अकार्षीत् स महीपतिः
+१५) कोटा देवी (ल्स् ४४१४-४४१५)
+अथ शाह्मेरभीत्या श्रीकोटा चत्वार्य् अहानि सा
+गूढेङ्गितानयद् गुप्तिं भूपालप्रमयादिकम्
+"""शाह्मेरो मत्सुतद्वारा साम्राज्यं स्वीकरोतु मा"""
+इति ज्यायांसम् उत्सृज्य बालत्वाच् च परं सुतम्
+पुत्रस्नेहेन वृद्धत्वदोषेण च विमोहिता
+अवरुद्धम् अनिच्छन्ती श्रीकोटा महिषी ततः
+स्त्रीभावाद् बन्धुभावाच् च लवन्यैर् उपबृंहिता
+असान्त्वयत् स्वयं भूमिं विधवां स्वां सखीम् इव
+[प्स्-ज्र्त् १३] सा राज्ञी शुक्लप्रतिपद्वीतभीता भवन्त्य् अथ राजानं गुरुभिस् स्वीयैश् चरमेष्टिम् अवापिपत्
+पूर्वोपकारस्मरणाच् छाहमेरादयो ऽखिलाः
+तां प्राणमन्न् अमात्यास् स्वां चान्द्रीम् इव नवां कलाम्
+शमयन्त्या रजस् सर्वं तापापहतिदक्षया
+तया निदाघवृष्ट्येव लतास् संवर्धिताः प्रजाः
+शाह्मेरात् स्वोदयभ्रंशशङ्किनी भट्टभिक्षणम्
+तदुद्रेकविनाशार्थं मानं देवी निनाय सा
+दुस्तरेषु महाभीतिजलपूरेषु सा ततः
+तत्प्रज्ञानावम् आरुह्य कार्यपारं परं ���यौ
+अन्तस् सेहे न शाह्मेरस् तद्दत्तं भिक्षणोदयम्
+मानवन्तस् सहन्ते हि च्छायासाम्यं कथञ्चन
+वर्तते धूमतापादिलक्षणं जातवेदसः
+धीमतो ऽस्य न किञ्चित् तु रोषलिङ्गम् अलक्ष्यत
+छलाभिनीतरोगेण शाहमेरेण धीमता
+प्रत्यासन्नविनाशत्वम् आत्मनस् समकथ्यत
+तस्याथ प्रत्यवेक्षार्थम् अवतारादिभिस् सह
+व्यसर्जि कोटया देव्या स श्रीमान् भट्टभिक्षणः
+"""स्वेदह्॒ कुपितपित्तस्य हितो नो वे""ति वादिभिः"
+सम्प्रवेशान् न्यषिध्यन्त द्वास्स्थैस् तदनुयायिनः
+तौ भिक्षणावतारौ द्वौ तत्समीपम् अविक्षताम्
+साङ्कट्याद् इव तत्प्राणरक्षिण्यो देवता न तु
+अनुयुक्तामयोदन्तस् स कालेन तयोर् निजैः
+गात्रे न्यखानयच् छस्त्रीर् आधीन् स्वस्योदखानयत्
+सिराभिश् शोणितं वाष्पं दृशाङ्गैस् सकलैर् असून्
+तौ द्वाव् अमुञ्चतां सद्यस् तद्द्वेषं स च चेतसा
+तद् एव व्रणदीपार्कपूर्णपात्रार्धतच्छिरः
+रोगमोक्षोचितं स्नानं स तयोश् शोणितैर् व्यधात्
+"""भवन्नन्दनसंरक्षापराव् एताव् उभाव् अपि"
+तयोर् अन्यतमं द्वारीकृत्यान्यम् अहरद् विधिः
+प्रमीतद्विजशोकोत्थतापशान्त्यै जडः परम्
+"परप्राणान् रोषवह्नौ प्रदीप्ते जुहुयाद्"" इति"
+शाह्मेरं रोद्धुकामां तां समर्थाम् अपि दुर्धियः
+कोटादेवीम् अमात्यास् स्वा नये बुद्धिं न्यवारयन्
+केदारम् इव कुल्या सा पानीयेन महर्द्धिना
+लोकम् आप्याययाम् आस साम्राज्योत्पलचन्द्रिका
+आज्ञाव्यतिक्रमाज् जातु कम्पनाधिपतिं प्रति
+युयुत्सुर् अकरोद् यात्राम् अमित्राब्जशशिप्रभा
+सङ्कटात् कम्पनेशस् तां कुलायाद् इव पक्षिणीम्
+जीवग्राहं गृहीत्वाथ कारापञ्जरम् आनयत्
+मन्त्री कुमारभट्टाख्यस् तस्यास् सचिवपुंगवः
+तन्मोक्षसिद्धये ऽकार्षीत् तदामात्यैश् छलात् कलिम्
+राज्ञ्याः पुंभावमात्रेण भिन्नम् आकारसन्निभम्
+कमण्डलुकरं कञ्चित् सो ऽधाद् विद्यार्थिनं शिशुम्
+गत्वा स कम्पनाधीशं धीप्रशंसाविमण्डितः
+सौष्ठवौदार्यसम्पत्तिशालिनीं वाचम् अभ्यधात्
+"""स्वशिरो मलिनीकृत्य जीवतां योषिदाज्ञया"
+पुरुषत्वं त्वया स्वामिन् कृतार्थीक्रियते ऽद्य नः
+[प्स्-ज्र्त् १४] स्त्रीत्वात् कातरचित्ताया दानभोगोत्सवद्विषः राज्ञ्या बन्धुषु सैन्यान्तर् द्रविणं वर्तते महत्
+गत्वा त्वदाज्ञया कारां तस्यास् तर्जनसान्त्वनैः
+धनं जनस् त्वदीयो ऽयं स्वामिसात्कर्तुम् इच्छति
+"स्त्रीत्वाद् अशक्ता दातुं सा समचैषीद् धनं यतः"""
+व्यसृजत् कम्पनेशस् तं काराम् एवं विमोहितः
+काराया निर्गमिष्यन्तीं देवीं कोटाम् इवेक्षितुम्
+तत्कालम् एव सन्ध्यागाज् जगद्रञ्जनकोविदा
+सन्ध्यावन्दनयोग्याम्बुवाहिना वटुना सह
+असौ काराम् अविक्षच् च राज्ञ्याश् निरगुश् शुचः
+राज्ञीवेषभृतं तत्र स्थापयित्वा वटुं स तम्
+तद्वेषधारिणीं कोटाम् अन्वादाय विनिर्ययौ
+रक्षितारो ऽपि नाजानंस् तद् यावत् तावद् एव सा
+कम्पनाधिपतिं चक्रे स्वचक्रेभशकृत्करिम्
+सा ब्राह्मणकुमारेण मोचिता भट्टभिक्षणात्
+एकदन्तहतारेह्॒ किं नान्येनेभमुखाद् भवेत्
+तयानपोदितो ऽप्य् औज्झि शाह्मेरो नैव शङ्कया
+कृतवैरास् समर्थेन प्राज्ञा नैव ह्य् उदासते
+न प्रासीदन् न चाकुप्यत् तस्मिन् सा बलशालिनि
+घृणा प्रमादसहिता विनाशप्रथमाङ्कुरः
+[प्स्-ज्र्त् १६]
+देव्या वासं विमुञ्चन्त्यास् तस्या धनरसाश्रयम्
+शाह्मेरे विषवल्लीव द्रोहधीर् अभ्यवर्धत
+वर्धनो ऽन्यतरस्याभूत् पक्षो ऽन्यस्य क्षयावहः कोटाशाह्मेरयोर् अस्ति क्षितिमारुतयोर् इव
+जयापीडपुरं यान्त्यां तस्यां कार्यानुरोधतः
+शाहमेरो बली जातु नगरं स्वीचकार सः
+तस्मिंल् लवन्यलोकेन गृहीताज्ञे बलीयसि
+राज्ञी समवृणोत् कोट्टद्वारं सह जयाशया
+[प्स्-ज्र्त् १७] निवृत्तनेत्रचारस्य चपलत्वैककारणम् आखुर् बिलगतो वोतोश् शाहमेरस्य साभवत्
+निरुद्धे बलिना कोटगुहाभ्रे मतिशालिना
+नृसिंहेनाभजत् कोटा सृगालीव मुहुर् भयम्
+[प्स्-ज्र्त् १८]
+"""तुङ्गत्वं मङ्गलासङ्गम् अभङ्गुरतरश्रियम्"
+राज्याङ्गैश् च निजाङ्गैश् च दत्तै राज्ञी करोतु मे
+"अध्यशेततरां राज्ञी मत्पुत्राणां न केवलम् प्राणानाम् अपि चैश्वर्यं श्लाघ्या सुखपरम्परा"""
+"""सिंहासने मया साकं श्रिया साकं ममोरसि"
+"क्षमया सह चित्ते मे राज्ञी निविशतां स्वयम्"""
+ताम् एवमादिसन्देशैर् मुग्धां सम्मोह्य यत्नतः
+हस्ते चकार कोटक्ष्मां कोटादेवीं च बुद्धिमान्
+एकस्मिञ् शयने रात्रिम् अतिवाह्य तया समम्
+स प्रातर् उत्थितो जातु तीक्ष्णैर् देवीम् अरोधयत्
+वर्षे पञ्चदशे शुक्लदशम्यां नभसस् ततः
+तारेव नभसो राज्याद् राज्ञी भ्रंशम् अलब्ध सा
+तत्पुत्राव् अपि तौ द्वौ स करणीयविचक्षणः
+बबन्ध बन्धुसम्बन्धिकल्पवृक्षो भटाग्रणीः
+१६) šअम्स् अद्-दीन् इब्न् टाहिर् मिर्ज़ा (šआह् मीर्) (ल्स् ४४१५-४४१८)
+स्वं रूपं चिदचिद्भिर् एभिर् अभितो व्यञ्जत् स्वयं निर्मितैर् यस्योन्मीलति देशकालकलनाकल्लोलितं तन् महः
+आत्मा वास्तु शिवो ऽस्तु वास्त्व् अथ हरिस् सो ऽप्य् आत्मभूर् अस्तु वा बुद्धो वास्तु जिनो ऽस्तु वा भगवते तस्मै नमह्॒ कर्मणे
+भियं लवन्यलोकेषु कीर्तिं दिक्षु महीं भुजे
+लक्ष्मीं वक्षसि कोटां च कारायां स ततो व्यधात्
+नीत्वावस्थान्तरं दौस्स्थ्यशमात् कश्मीरमण्डलम्
+श्रीशंशदीन इत्य् आख्याम् अन्यां स्वस्य व्यधान् नृपः
+[प्स्-ज्र्त् १९] राजा सतीसरह्॒क्षोणिशुक्तिमुक्तामणिस् ततः अर्थचिन्तामणिर् वैरिरत्नवज्रमणिर् बभौ
+महाबले भुजे तस्य काष्ठोद्दीपनशालिनः
+मौर्वीकिणः प्रतापाग्नेर् अधूमयद् अनन्तरम्
+प्राहरन् मन्त्रिणां राजा संशयं न तु तस्य ते
+भिनत्त्य् अन्यान् मणीन् वज्रो नान्यरत्नानि तं पुनः
+[प्स्-ज्र्त् २०]
+राज्याधिकारान् अखिलान् स्त्रीभावाद् दुस्सहान् स्वयम्
+येषु विश्वासपात्रेषु श्रीकोटा स्वयम् अर्पिपत्
+तेजोमहिम्नेव रविस् तमांसीव गुहान्तरात् ज्र्त्_ब्.३५७अब्
+स राजा राजतो राजस्थानीयान् काष्ठवाटगान्
+भयात् ततो ऽपि विद्राव्य श्लाघनीययशा बभौ
+[प्स्-ज्र्त् २१]
+यत्र सन्ध्यातपस्य् एव लवन्यैस् तिमिरैर् इव
+अरोधि रुचिसञ्चारस् स्वामिनो बलशालिभिः
+कश्मीरमण्डलं चण्डशौर्यदण्डितविद्विषा
+क्रमागतम् इवाशेषं क्षणात् तेन वशीकृतम्
+हृत्वेव हृदयात् कम्पं सम्पदापि तदा स च वामेतरेण लोकस्य बाहुना नयनेन च
+चिरं धुरं परिन्यस्य पुत्रयोस् स्वाद् अनूनयोः
+नयोच्छ्रितयशा राज्यं सुखं भुङ्क्ते स्म भूपतिः
+सपञ्चवासरान् भुक्त्वा त्रीन् अब्दान् मेदिनीपतिः
+अष्टादशे ऽब्दे राकायाम् आषाढ्यां स व्यपद्यत
+१७) ǧअम्šईद् (ल्स् ४४१८-४४२०)
+अथ प्रथमसामन्तैस् सम्मताज्ञस् स ज्यंशिरः
+सतीसरह्॒क्षितिरक्षाम् अक्षामश्रीर् अटङ्कयत्
+राज्यतोरणसंवाहस्तम्भाभ्यां धरणीपतेः
+अनुजो बलबुद्धिभ्याम् अगमच् छङ्कनीयतां
+नैव दानं न चादानं निग्रहं नाप्य् अनुग्रहम्
+विहारं न न चाहारं राज्ञो न्यूनं स हि व्यधात्
+[प्स्-ज्र्त् २२] विद्याप्रणयविज्ञानप्रज्ञातिशयशालिनः युवराजान् महाराजो वयसैवाधिको ऽभवत्
+प्राग्वद् विश्वाससम्पत्तिम् अकुर्वति महीभुजि
+युवराजो मनाक् चक्रे निकटस्थैर् विरक्तधीः
+तद्वैमनस्यवृत्तान्तश्रवणच्छिद्रलाभतः
+युवराजं ततो राजस्थानीयाः प्राहुर् अञ्जसा
+आगते विग्रहे व्यक्तिं राजस्थानीयसंश्रयात्
+सो ऽगाद् अवन्तिनगरं तन्मूलस्थानम् उद्धतः
+अथोत्पलपुरं राजा भटैस् सह रणोद्भटैः
+अशिश्रयद् इदं भ्रातुर् वाचिकं च विसृष्टवान्
+"""दुर्जनप्रेरणात् त्वं चेन् मत्स्नेहं नाभ्यजीगणः"
+लोकापवादज्वरतह्॒ कथं कम्पो न जायते
+अन्योऽन्यपालनायाज्ञां राज्ञस् त्रिदिवगामिनः
+"पालनीयाम् अनुध्याय प्रत्यानय दयां मयि"""
+इति सन्दिश्य दूतं च व्यसृजत् स नरेश्वरः
+कम्पनाधिपतिं हन्तुं व्यसृजच् च निजात्मजम्
+"""मृगयां युवराजो ऽगाद्"" इति दूतं न्यरोधयत्"
+भ्रातृपुत्रं निहन्तुं च श्रुतद्रोहो ऽगमच् च सः
+"""दूतह्॒ किम् इति नायातह्॒ कालो हि सुचिरं गतः"""
+इति चिन्ताकुलो लक्ष्मभट्टो राजान्तिकम् ययौ
+"ऊचे च ""जाने स द्रोहं लक्षयित्वा तवानुजः"
+त्वत्पुत्रमारणायागाद् यद् दूतस्य चिरागमः
+स्नाति भुङ्क्ते स्वपित्य् एव युवराज इति च्छलात्
+त्वदुद्योगनिषेधाय नूनं रुद्धो वचोहरः
+तद् अवन्तिपुरं तस्मिञ् श्रीदेवसरसं गते
+"सद्यो निस्स्वामिकं हन्मो जयो ऽस्माकं ततो ध्रुवः"""
+अथावन्तिपुरं गत्वा सत्त्वातिशयशालिना
+राज्ञा युद्धं तथाकारि तद्भटैर् उद्भटैस् समम्
+अल्लेशिराय भृत्यानां वधं नूनं निवेदितुम्
+वितस्ता शवरुद्धौघा प्रतीपम् अगमद् यथा
+भ्रातृपुत्रं पराभूय तावद् अल्लेशिरे द्रुतम्
+व्यावृत्ते रणखेदार्तः प्रपलायत ज्यंशिरः
+[प्स्-ज्र्त् २३]
+दीपस्येव शिखा ध्वान्ते यस्य धीर् आपदि स्फुरेत्
+स रत्नं रत्नजातेश् च पाषाणेभ्यह्॒ किम् अन्तरम्
+समधित्सत भेदाय कञ्चित् कालं स वैरिणम् अमोघा दूरगा बुद्धिश् शस्त्राण्य् अप्य् अतिवर्तते
+"अनयोर् ""नैव कर्तव्यह्॒ कलिर् मासद्वयीम्"" इति"
+राज्ञा समं विदां चक्रे धीमान् अल्लेशिरस् ततः
+प्रतिमुच्य निजान् योधान् अवन्तिपुरम् उत्सृजन्
+अथ क्षीरीपथेनासाव् अल्लेशो ऽगमद् इक्षिकाम्
+नगरीरक्षितां न्यस्य सय्यराजे स्वमन्त्रिणि
+क्रमराज्यं विराजच्छ्रीर् ज्यंशिरश् चागमत् तदा
+दानमानौ प्रतिश्रुत्य सय्यराजं विभिन्दता
+युवराजेन नगरी स्वीकृता मन्त्रयुक्तिभिः
+नामराजतया दुह्॒खं भुक्त्वा कश्मीरमण्डले
+मासद्वयोनौ द्वौ वर्षाव् अवसानम् अगान् नृपः
+१८) ‘अलाऽ अद्-दीन् (ल्स् ४४२०-४४३०)
+जानन्न् अलावदेनो ऽथ तं कालं कलहाक्षमम्
+द्वारैश्वर्य��� ददौ भ्रातुस् सद्यो विघ्ननिवृत्तये
+सलिलोत्तरणोपायं सेतुं सुय्यपुरे व्यधात्
+विपत्सन्तरणोपायं न पुनर् ज्यंशिरो ऽस्मरत्
+पथिकानाम् निवासाय तेन पर्वतसीमनि
+कक्ष्याविभागसहितस् स्वनाम्ना रचितो मठः
+[प्स्-ज्र्त् २५] कपटापत्त्रपारोपाद् राज्ञः प्राप्तविभीषकः स्वयं द्वारं त्यजन् सो ऽगाद् ग्रामं ज्येष्ठेश्वराभिधम्
+एवं विक्रमनीतिभ्यां देशं शोधयतो निजम्
+श्रीशिरश्शाटको राज्ञो द्वारैश्वर्यम् अवाप्तवान्
+तस्य राज्ञो ऽभवत् पुत्रो नाम्ना शाहाभदेनकः
+बलबुद्धिक्षमाशौर्यमन्त्रोत्साहगुणैर् युतः
+राजपुत्रस् स वाक्पुष्टाटवीं लीलारसाद् अटन्
+योगिनीचक्रम् अद्राक्षीत् कदाचिद् गिरिगह्वरे
+उदयश्रीस् तथा चन्द्रडामरश् चास्य वल्लभौ
+अपश्यतां न किं लभ्यं महताम् अनुयानतः
+अचलल् लाडनादण्डघण्टानां चण्डटाङ्कृतम्
+मनांसि न पुनस् तेषां वीराणां साहसस्पृशाम्
+[प्स्-ज्र्त् २६] घटिताशातटस्वाट्टहाससंवाहनादिभिः योगिन्यो डमरुध्वानैर् भयाद् इव चलैर् बभुः
+मान्तर्धासिषुर् एवैताः प्रष्टुं द्रष्टुं च काङ्क्षिताः
+इति ते ऽश्वाद् अवारोहन् प्रवीरा न तु तद्भयात्
+शनैश् शनैस् ततो यान्तो मौनपूर्वं महाशयाः
+योगिनीनिकटं प्रापुर् विकटप्रकटौजसः
+योगिनीनायिका दूरात् परिज्ञाय नृपात्मजम्
+साशिषं शीधुचषकं प्राहिणोन् मन्त्रितं ततः
+चन्द्रस् तद् अमृतं तृप्तिभाजा राज्ञावशेषितम्
+उदयश्रीमुखापेक्षी न संतृप्तिम् अशेषयत्
+भवितव्यबलाद् अश्वपालं सपदि विस्मरन्
+उदयश्रीर् अशेषं तत् पीत्वा तृप्तिं पराम् अगात्
+आश्चर्यतृप्तनेत्रेषु तेषु तृप्तेषु योगिनी
+निमित्तज्ञावदद् राजपुत्रं बद्धाञ्जलिं ततः
+"""अखण्डं भावि ते राज्यं चन्द्रस् त्वद्विभवांशभाक्"
+आजीवम् उदयश्रीश् च मण्डितो ऽखण्डया श्रिया
+अश्वपालस् त्व् असाव् अस्मदनुग्रहविवर्जितः
+"अचिरेणैव कालेन नूनं प्राणैर् वियुज्यते"""
+भविष्यत् सूचयित्वैवं योगिनीभिस् समन्विता
+सान्तर्दधे पुरः प्राणाः पश्चात् तुरगपालिनः
+अविचारतमोमग्नाञ् जन्तून् उद्धर्तुम् ईश्वराः
+सम्भवन्ति प्रजापुण्यैः प्रकाशोत्कर्षहेतवः
+श्वशुराद् भर्तृभागं यद् अवीरा पुंश्चली वधूः
+हरन्त्य् आसीत् स तं राजा दुराचारं न्यवारयत्
+[प्स्-ज्र्त् २८]
+काष्ठवाटागतान् राजस्थानीयान् व्यूहतत्परान्
+युक्त्यानीय महीपालो बद्ध्वा राज्यं सुखं व्यधात्
+कोटराजस्य जामातुह्॒ कारावास्तव्यतां व्यधात्
+भीत्या प्रत्यहम् एवाथ जीवन्मृत्युम् अवारयत्
+बुभुजे क्षेमराजश्रीस्वस्थां शस्त्रनखैश् शतैः विदार्य खटिकाभूमिं राजा सौकर्यभाजनम्
+जयापीडपुरे कृत्वा राजधानीं महामतिः
+श्रीरिञ्चनपुरे चक्रे रोधम् बुद्धगिराभिधम्
+एकोनत्रिंशे ११ वर्षे ऽथ दुष्कृतोद्भवम् अद्भुतम्
+दुर्भिक्षं क्षोभयाम् आस लोकं शोकाकुलं महत्
+मासान् अष्टौ द्वादशाब्दांस् त्रयोदश दिनानि च
+क्ष्मां भुक्त्वा त्रिंशवर्षे ऽथ चैत्रे राजा व्यपद्यत
+१९) šइहाब् अद्-दीन् (ल्स् ४४३०-४४४९)
+मन्दराजकथाख्यानाज् जडिमा वाचि संस्तुतः
+तीक्ष्णप्रतापशाहाबदेनाख्यानाद् विनश्यते
+राज्ञि शाहाबदेने ऽथ स्मरणं क्षितिर् अत्यजत्
+ललितादित्यसम्पत्तिविपत्तिसुखदुह्॒खयोः
+[प्स्-ज्र्त् २९] श्रीमान् शाहाबदेनो ऽथ प्राज्यं साम्राज्यम् अग्रहीत् येन राजन्वती भूर् द्याम् अहसत् तद्यशोमिषात्
+ग्रीष्मार्कं द्यौर् इवान्यर्तून् राज्ञो ऽतीत्य बहून् मही
+ध्रुवम् आपज् जयापीडम् एतं न तु स किल्विषी
+पूर्वे परे च भूपाला नायकेनेव भूषिताः
+क्ष्मानायकेन तेनाथ मुक्तागुणलसच्छ्रिया
+[प्स्-ज्र्त् ३०] सिन्धौ वाडवतप्ताम्बुन्य् अपि बिम्बितम् अम्बरम् यत्प्रतापाग्नितापार्तं मज्जतीव दिवानिशम्
+तदीयो जयलक्ष्मीभिः प्रविष्टाभिः पदे पदे
+न प्रतापानलो ऽतृप्यत् सरिद्भिर् इव सागरः
+जयं विना गणयतह्॒ क्षणमात्रं वृथा गतम्
+वृद्धस्य तरुणीवाभूद् यात्रा तस्यातिवल्लभा
+न मृगाक्षी न वा शीधुपानलीला न चन्द्रिका
+यात्रैव केवलं तस्य भूमिभर्तुर् मनो ऽहरत्
+न तापो न हिमं तस्य न सन्ध्या न निशा तथा
+न क्षुन् न वा पिपासा च राज्ञो यात्राम् अविघ्नयत्
+न सरिद् दुस्तरतरा दुरारोहो न पर्वतः
+दुर्लङ्घ्यो न मरुश् चाभूद् यात्रायां मानिनः प्रभोः
+अजितां पूर्वभूपालैः पारसीककुलाकुलाम्
+उत्तराशां विजेतुं स प्रस्थानं प्रथमं व्यधात्
+जगतां विजयी कामो मधुशीधुवधूर् इव
+चन्द्रलोलकशूरान् स सहायत्वे ऽवृणोत् प्रभुः
+सैन्यचेतांसि सत्त्वेन तमसा स्वविरोधिनः
+अपूरयत् स रजसा दिगन्तान् उद्धतान्तकः
+प्रविष्टं तस्य गोविन्दखानपालनशालिनि
+उदभाण्डपुरे पूर्वं बाणैस् तदनु सैनिकैः
+शैलशृङ्गं नृपानीके प्राप्ते तस्य विरोधिभिः
+भयातुरैर् अवारोहश् शृङ्गात् तुङ्गाद् व्यधीयत
+सदृशं प्राभृतं दातुम् असमर्थो ऽस्य सिन्धुपः
+उपधीकृतवान् कन्यारत्नं आदाय भूपतेः
+राज्ञस् तु गौरवं बाहौ गान्धाराणां भुवोढया
+चित्रं तु लाघवं तेषां भयभारानुषङ्गतः
+भङ्गस् तुङ्गस्य शृङ्गस्य खड्गानां नैव भूभुजा
+शिङ्गानाम् अपि देशे ऽस्मिन् विहितश् शौर्यशालिना
+आकर्ण्य राजसिंहस्य सिंहनादमयीं चमूम्
+मदं तत्याज चस्खाल बिभाय गजिनीपुरी
+[प्स्-ज्र्त् ३१] स्नातं रक्तैर् द्विषां भुक्तं प्राणवातैर् महीतले व्रतस्थाभिर् इवास्वापि तस्याहो धीरहेतिभिः
+श्रोत्रियक्षत्रियैर् अष्टनगरे ऽरोदि शाम्यतोः
+तरुणाग्निप्रतापाग्न्योर् धूमेनेव भयातुरैः
+यशसा सह सम्पत्तिं तस्मिंल् लुण्ठयति प्रभौ
+प्रापत् पुरुषवीराख्यदेशाख्या रूढिशब्दताम्
+दत्तवाष्पनिवापाम्भोनगराग्रहरस्त्रियः
+जीवतस् स्वस्य पत्युश् च पिण्डौ स्तननिभाद् ददुः
+अश्वपालेषु गच्छत्सु घोषधातुतटच्छलात्
+उदक्पतितिरस्कारप्रशस्तिं स व्यधात् प्रभुः
+ततो व्यावृत्य गच्छन् स दक्षिणाशां स्ववाजिनाम्
+मार्गखेदोचितं तापं शतद्रूवारिणाहनत्
+ढिल्लीम् उल्लुण्ठ्य तत्कालम् उदक्पतिम् उपागतम्
+मार्गरोधेन नृपतिर् नितान्तम् उदवेजयत्
+[प्स्-ज्र्त्] योगिनीपुरपौरान् यान् धाट्यानैषीद् उदक्पतिः मार्गदानोपकारेण स तान् अदित भूभुजे
+तुरङ्गवस्त्रदानेन स तान् सम्मान्य भूपतिः
+स्वदेशं प्राहिणोत् कीर्तिराशीन् मूर्तान् बहून् इव
+सुशर्मपुरराजेन तस्मात् स्वाशर्मशङ्किना
+दुर्गाहङ्कारम् उत्सृज्य देव्य् एव शरणीकृता
+[प्स्-ज्र्त् ३२] तत्प्रतापानलः पीत्वा केदाराश्रयिणां रसम् जातानां शिवलिङ्गानां वत भङ्गम् अदर्शयत्
+स्वयं नत्या न तून्नत्या भौट्टानाम् अस्य भूपतेः
+अर्वतां पर्वतारोहदोहदो विनिवारितः
+दुस्तरत्वात् तटस्थस्य देवताभिस् तनूकृतः
+सिन्ध्वोघो नृपतेर् एवं पूर्वेभ्यश् श्रुतम् अद्भुतम्
+एवं नित्यजयोद्योगात् स्वदेशः परदेशवत्
+परदेशस् तु तस्यासीत् स्वदेश इव भूपतेः
+प्रतापेनेति सम्पाद्य दिङ्मुखे तिलकश्रियम्
+व्यधात् प्रविश्य कश्मीरान् स पौरान् अयनोत्सवम्
+तस्य वर्णयतां शौर्यं प्रसङ्गाद् अतिमानुषम्
+अस्माकं चाटुकारित्वं ज्ञास्यते भाविभिर् जनैः
+यात्रायातह्॒ कदाचित् स दूरदेशे महीपतिः
+अप्सरस्सदृशीं काञ्चिच् छ्रुतवान् हरिणेक्षणाम्
+निजानुगान् वञ्चयित्वा राजा युक्त्या कयाचन
+अथैकाकी स तं देशम् अविशद् भोगलालसः
+नर्मणा मोहयित्वा तां द्वितीय इव मन्मथः
+मनोरथान् असिञ्चत् स तदोष्ठामृतपानतः
+अपश्यन्तस् तम् आशङ्क्य हतं केनापि वैरिणा
+अथ कोपभ्रमावेशम् उद्भटास् तद्भटा ययुः
+अन्विष्यद्भिस् तम् अश्वेन निबद्धेनाङ्गनाद् बहिः
+समभाव्यत तै राज्ञो वैरिभिर् निर्जयह्॒ कृतः
+शौर्यस्वाम्यनुगाभ्यां तु विधातुं युद्धम् उद्भटैः
+तद्भटैस् सदनं रुद्धम् अबद्धकवचान्तरैः
+अत्रसद्भिश् च तत्सिंहनादपूर्णात् ततः पुरा ३९८अब्
+[प्स्-ज्र्त्] कृतास्कन्देषु शूरेषु शत्रुभिर् विपिनं गतम्
+अथाश्वास्य प्रियां तां तु शत्रून् मत्वा समागतान् स्वशौर्यं सफलीकर्तुं योद्धुं राजा विनिर्ययौ
+शाहाबदेनम् आलोक्य तं तेषाम् अनुजीविनाम् ४००अब्
+चित्तैः प्रीत्या मुखैर् भीत्या नीत्या मूर्धभिर् आनतम्
+एवं स स्वजयस्तम्भयूपान् रणमखान् बहून्
+हतवैरिपशूंश् चक्रे स्वप्रतापानलार्चिषः
+स्वदेशे मन्त्रिणोस् तस्य कोटभट्टोदयश्रियोः
+समरेषु भरस् त्व् आसिच् चन्द्रडामरलोलयोः
+देवशर्मान्वयोदन्वच्चन्द्रो राज्ञार्पितं मुहुः
+वैराग्याद् विभवं त्यक्त्वा कोटशर्मा वनं ययौ
+[प्स्-ज्र्त् ३३]
+श्रीवृष्ट्या कोटभट्टो ऽर्थिसार्थान् सम्पोष्य यत्नतः
+व्यलालयद् वनव्योम्नि स स्वं नियममारुतैः
+कोटशर्मा तथा धर्मद्रुमं दानाम्भसासिचत् ननाशाशामयो भूयो यथा तत्फलभोगिनः
+तस्य दर्शयितुं राज्ञस् स्वबलाधिकतां ध्रुवम्
+कदाचित् तत्प्रजा दैवी व्यापद् गाढम् अपीडयत्
+पुरीकैरविणीसूरश् शूरः पादपविद्विषाम्
+षट्त्रिंशे ऽब्दे जलापूरह्॒ क्रूरो व्यप्लवत प्रजाः
+[प्स्-ज्र्त् ३४] तदन्तःप्रतिबिम्बस्थे स्वस्मिन् सद्मान्तरभ्रमात् तद्वीक्षार्थम् इवानीके तोये तुम्बीर् व्यधुर् गृहाः
+नगरब्रुडनाद् अस्रु मुञ्चन्तो निर्झरच्छलात्
+तस्योदीपस्य महतः पर्वतास् तटताम् अगुः
+न स वृक्षो न सा सीमा न स सेतुर् न तद् गुहम्
+तटस्थम् अपि यन् नैव जलपूरो व्यनाशयत्
+नाद्रिदुर्गाण्य् अपश्यत् स जातुचिद् वैरिभीतितः
+अम्बुपूरभयात् तेषु राजा समचरत्तराम्
+पीते तत्तेजसेवाम्बुपूरे शान्ते मितैर् दिनैः
+भूयस् तद्विप्लवाशङ्की सो ऽचिकीर्षद् गिरौ पुरीम्
+नाम्ना लक्ष्म्या महिष्याश् च प्रसिद्धां नगरीं व्यधात्
+स्वौदार्यानुगुणां राजा निर्माणम् अविलोकयन्
+शारिका���ैलराजस्य मूले पुण्यजनाश्रिताम्
+याम् अद्राक्षीत्तरां लोकस् सुमेरोर् अलकाम् इव
+वितस्तासिन्धुसम्भेदे स्वनाम्ना स पुरीं व्यधात्
+प्रतिबिम्बच्छलात् तोये त्रपया स्वर् निमज्जति
+सौधोत्सेधमयीं राशीभूतां कीर्तिम् इवाचलाम्
+अलोलश्रीः पुरीं लोलडामरस् स्वाभिधां व्यधात्
+[प्स्-ज्र्त् ३५] सुधाधौतैर् मठैर् लक्ष्मीं फलयद्भिह्॒ कृतैः पुरी कुलिशच्छिन्नकैलासशृङ्गभङ्गिम् अजीजनत्
+आजन्मलोलता मह्या स्वरसाम्याय वर्धिता
+निहन्ति च्छायया तस्या द्युमणिस्पर्शजं सुखम्
+या लक्ष्म्या भागिनेयीत्वाद् बालापालि निजान्तिके
+लासाख्या सा समाक्रामन् नृपतेश् चित्तदर्पने
+यश् चानुरोधतन्तुस् तं चिरं लक्ष्म्या निबद्धवान्
+स च्छिन्नो रागवेगेन लासासौन्दर्यजन्मना
+बलिजिन्मूर्तिना तेन वसन्त्या वक्षसि श्रियः
+प्रातिवेश्मिकतां नीता लासा सौभाग्यभागिनी
+छाया तद्रचितोदयापि दिवसश्रीभोगम् आतन्वतः सूर्यात् सम्मुखतां जहाति वहति श्रेयोहरीं कालताम्
+स्त्रीणाम् अस्ति चतुर्गुणा मतिर् इति स्थाने न हन्त श्रुतिर् यद् वा दुर्विधिपङ्कम् आकलयितुं शक्तो न कश्चिद् द्रुतम्
+प्राकृतस्यावताराख्याभल्लस्यापि सुता सती
+लक्ष्मीर् लासानुरक्ते ऽधाद् अथ रोषं महीपतौ
+रोषात् सिन्धुपतेर् देशं सम्बन्धित्वाद् गतां नृपः
+प्रत्यानयत् त्रपोद्रेकान् न पुनस् स्नेहगौरवात्
+[प्स्-ज्र्त् ३६]
+अलाब्वो न्यब्रुडन्न् अन्तर् अप्लवन्त जले शिलाः
+लक्ष्मीपक्षह्॒ क्षयं वृद्धिं लासापक्षस् तु लब्धवान्
+यावद् यावद् अगाद् दूरं लक्ष्मी रात्रिर् इव क्रुधा तावत् तावत् स तां लासां दिवं भास्वान् इवाभजत्
+अपनीय तापखेदं मरुकरिणी पद्मिनीतोयैः
+तत्पद्मशेवलाम्भोनिर्माथे कर्मठीभवति
+लक्ष्म्या मातृस्वसुस् सर्वमातृकृत्यकृतो ऽभवत्
+राजप्रियाथ राकेव लासा पक्षक्षयोद्यता
+सत्कर्मपाकसमयो ऽस्य न चेद् विकासशोभां न किं परिहरेत् कुमुदाकरस्य
+विश्वप्रबोधहरणप्रवणक्षणेन कुस्त्री निशा च सहसैव निशाकरेण
+चिन्तासूचकनिश्श्वासक्लिन्नौष्ठी तं कदाचन
+अवोचद् भोगिनीवेति लासाख्या भोगिनी नृपम्
+"""न चेद् विकासयेद् भास्वान् पद्मिनीं स्वरुचा स्फुटम्"
+तस्याश् छेदाय शैवालवल्ल्या इव यतेत कः
+पतन्तीं प्रेमभारार्द्रां मयि दृष्टिं तवासहा
+मां निहन्तुम् उपायेन कुरुते महिषी तव
+अभिचारे दुराचा��म् उपचारप्रियङ्करम्
+"सा चाराक्षी मयि द्वेषाद् उदयश्रियम् ऐरयत्"""
+"""देवादेशपरे तस्मिन्न् अभिचारविनिर्मितिः"
+"असम्भाव्ये""ति तां राजा प्रत्युवाच विचक्षणः"
+निर्बन्धेनोपजल्पन्तीं तद् एव वचनं ततः
+तां प्रत्याययितुं देवीम् उदयश्रियम् अब्रवीत्
+"""व्ययित्वातिशयेनाहो कोशो रिक्तत्वम् आगतः"
+प्रार्थयन्ते जना राज्ञस् सर्वं कल्पतरून् इव
+द्रविणोत्पत्तये तस्माद् उपायः प्रतिभात्य् अयम्
+प्रतिमा श्रीजयेश्वर्या यास्ति रीतिमयी पृथुः
+तां खण्डयित्वा विहतैष् टङ्कैर् मन्नामचिह्नितैः
+"व्ययनिर्वहणं कीर्तिस्थिरत्वं चोपजायते"""
+"""साध्व् एतत् किं तु तन्मूर्तिर् लघ्वी किं प्रभविष्यति"
+"बृहद्बुद्धेन मुद्रास्तु"" क्षुद्रस् तं सचिवो ऽभ्यधात्"
+[प्स्-ज्र्त् ३७] पुंनागव्रजम् उन्मुमूलयिषति प्रायह्॒ कराकर्षणैर् उद्दामं विजिहीर्षति प्रतिपदं कक्ष्याछिदां काङ्क्षति कां नैच्छन् नृपगन्धसिन्धुरपतिस् तीव्रां न वप्रक्रियां तीक्ष्णाग्रप्रतिभाङ्कुशो ऽस्य निकटे मन्त्री नियन्ता पुनः
+मुद्रोपकरणं सज्जीकृत्यान्येद्युर् उपागतम्
+राज्ञीं प्रत्याय्य भूपालो रहो मन्त्रिणम् अब्रवीत्
+"""याः पूर्वैर् निरमीयन्त यशस्सुकृतलब्धये"
+अङ्गीकर्तासि ता देवप्रतिमा भङ्क्तुम् अञ्जसा
+अमरप्रतिमा विधाय केचित् परिपूज्याथ परे प्रसिद्धिम् आप्ताः
+परिपाल्य यथोचितं तथान्ये विदलय्याहम् अहो महद् दुरन्तम्
+निर्माणाज् जलधेस् कृतेश् च सरितां कौमारशोकावधिः प्रख्यातस् सगरो भगीरथनृपो गङ्गावताराच् च सः
+दुष्यन्तस् स च विश्वविश्वविजयाज् जिष्णोर् भयान्य् आवहन् रामो हन्त दशाननेन विहितात् सीतापहारात् पुनः
+राजा शाहाभदीनाख्यस् सुरमूर्तीर् अलोठयत्
+"मा दुर्वार्त्तेयम् अत्युग्रा चकम्पद् भाविनो जनान्"""
+उदयश्रीर् नतशिरा राज्ञीत्य् उक्तवति स्वयम्
+महीरन्ध्रम् इवैक्षिष्ट द्राग् अधोगतिवाञ्छया
+[प्स्-ज्र्त् ३८] सर्वंसहा तदा क्ष्माभूद् अन्वर्था प्राग्वद् एव यत् लासानुरक्तम् अपि तं सा राजानम् असेवत
+भास्करो द्युपरीरम्भरसासादितकौतुकः
+स्वपुत्रशनिमुख्यानां ग्रहाणां हानिम् इच्छति
+रागी तद्दोषवादिन्या तया देव्या प्रबोधितः
+व्यवासयत् स्वदेशात् स राजपुत्रान् परान् इव
+कार्येष्व् अतिमनुष्येषु साहायकविधायिभिः
+योगिनीपुरनाथस्य तैर् व्यक्तो विक्रमह्॒ कृत��
+औदार्याद् दत्तवृत्तीन् स हिन्दुकान् एव बोधितः
+म्लेच्छान् सेकन्दरमुखान् राजद्रोहकृतो ऽवधीत्
+पिशुनैर् जनिताशङ्कश् शूरो मदनलाविकः
+राजा विप्लवसज्जो ऽपि सेनयास्य निवारितः
+[प्स्-ज्र्त् ३९]
+"""औदार्यशालिना राज्ञा स्वसमं वर्धितस् स्वयम्"
+राजाधिकं व्यवाहार्षीत् तदा मदनलाविकः
+"तुल्यार्थस् समसामर्थ्यश् शङ्क्यो ऽयम्"" इति भूपतिः"
+ईर्ष्यालुभिह्॒ कुसचिवैस् तस्मै परम् अकोप्यत
+शुचिम् अप्य् अशुचिं मत्वा तं वीतिं भूमिपालधीः
+खलनाशावृतत्वेन न चित्तविरताभवत्
+उपप्लावयितुं वाञ्छंस् तं मुहुह्॒ क्रोधवेगतः राजरत्नाकरो ऽरोधि तदीयगुणवेलया
+राजा जातत्वरां यात्रां व्यसनेनाभिषेणयन्
+नौसेतुकौतुकं सिन्धोः परिखाया इवाहरत्
+शूरह्॒ खड्गनगर्यां स पर्यटन् मृगयारसात्
+सिंहम् अभ्यद्रवद् राजा सिंहसंहतसाहसः
+गच्छंश् चित्ताधिकं राजा वाजिना वेगराजिना
+अन्वगाम्य् अतिभक्तेन मदनेनैव केवलम्
+[प्स्-ज्र्त् ४०] आरूढः पौरुषं राजा सो ऽवरूढस् तुरङ्गमात् यमेनेव व्यधाद् युद्धं हरिणा क्रौर्यधारिणा
+एकाकिनं चिरं बद्धयुद्धम् उद्धतकेसरः
+तम् अधह्॒ कृतवान् राजसिंहं सिंहो ऽतिसाहसम्
+उत्प्लुत्य वाजिनस् तूर्णं शूरो मदनलाविकः
+निपातितनृपं सिंहं कृपाण्या सहसावधीत्
+प्राणरक्षोपकारेण प्रसन्नः पिशुनाज् जनात्
+युक्त्या मारणम् एतस्य शङ्कमानो नरेश्वरः
+स विवाहच्छलाद् दत्त्वा द्रविणं करुणामयः
+मदनं व्यसृजड् ढिल्लीपतेर् निकटम् अञ्जसा
+उत्पन्नचण्पकं दीप्त्या कुर्वतीं व्योम जातुचित्
+स्वप्ने शर्करसूहाख्यो दृष्टवान् काञ्चनीं पुरीम्
+वेश्म वेश्म विशंस् तत्र शून्यं पश्यन्न् अयं ततः
+राजधान्यां स्त्रियं काञ्चिद् अपश्यत् कान्तिदन्तुराम्
+"अपृच्छच् च ""त्वम् एकैव हन्तेयति महापुरे"
+व्योम्नीव शशिलेखा किं चित्रं तिष्ठसि निर्भया
+कस्येयं नगरी कस्माच् छून्या सर्वत्र वर्तते
+"अत्रेदं पतितं कस्य वर्तते च कलेवरम्"""
+"सा तं जगाद ""गन्धर्वराजस्यासौ महापुरी"
+सुन्दरी पतिहीनेव विधुहीनेव शर्वरी
+स चामात्यैस् समं सर्वैः पातुं कश्मीरमेदिनीम्
+अवतीर्णः परिस्थाप्य निजम् अत्र कलेवरम्
+शाहाबदेन इति यः प्रथितो ऽस्ति जगत्त्रये
+तत्कलेवररक्षार्थम् अत्र तिष्ठामि केवला
+स च निष्पादिताशेषकार्यो मासत्रयान्तरे
+"स्वाम् इमां नगरीम् एव ध्रुवं रक्षितुम् एष्यति"""
+प्र��ुद्धो ऽभ्यधिकाश्चर्यशोकचिन्तारसान्तरे
+मज्जन्न् अवर्णयद् राज्ञे स्वप्नवृत्तिम् अखण्डिताम्
+"""असत्ये किं भयं स्वप्ने सत्ये त्व् ऐश्वर्यम् एव मे"""
+इत्थं तद् विमृशन् राजा न तथा पस्पृशे शुचा
+"""मदन्तिकम् उपागम्यम्"" इति भूमिपतिस् ततः"
+दूरस्थितानां पुत्राणां सद्यो लेखान् विसृष्टवान्
+ततो मुमूर्षुर् भूपालो हिन्दुकानां निजे पदे
+अप्राप्ततनयो धीमान् अभ्यषिञ्चत् स्वयं ततः
+[प्स्-ज्र्त् ४३]
+तं भक्तं नेश्वरो ऽनैषीत् सदेहं यत् सधर्मताम्
+तत्र हेतुर् ध्रुवं तस्मिन् सौभाग्यान् मदनभ्रमः
+शौर्यौदार्यविधौ विधौतविविधश्लोके नृलोकेश्वरे तस्मिन्न् अस्तम् उपागते गुणिगणत्राणोच्चरन्नैपुणे
+शक्रेणोन्नमितं शिरः परिभवत्रासापसाराद् ध्रुवं भूभारोद्वहनात् पुनर् विनमितं शेषेण शोकस्पृशा
+प्रत्यक्षं ज्वलतः प्रतापशिखिनस् स्वीकृत्य यां भुक्तवान् नान्यान् आद्रियताधिकं स्पृहयतस् तद्रागबन्धाच् च या तां भूमिं प्रविहाय हायम् अगमद् द्यां शक्रभुक्तां चिरं पुंसां स्त्रीषु कदापि न प्रभवति प्रेमग्रहप्रत्ययः
+ज्यैष्ठशुक्लचतुर्दश्यां तानाङ्के ऽब्दे महीपतिः
+आलिङ्ग्य नाकवनितास् स्तनौन्नत्यम् अपीफलत्
+२०) क़ुट्ब्-अद्-दीन् (ल्स् ४४४९-४४६५)
+[प्स्-ज्र्त् ४४] मत्वेव भूजयाद् भूयः पुनरुक्तापवादताम् शाहाभदीने निर्जेतुं द्याम् इव प्रस्थिते सति
+कुद्भदेननरेन्द्रो ऽथ मौलाव् आज्ञां महीभुजाम्
+चित्ते सुखं मुखे हर्षं स्तुतिं वाचि न्यधात् ततः
+[प्स्-ज्र्त् ४६]
+तस्य प्रतापकमला सगर्वपदवीम् अगात्
+जयव्यसनिपूर्वेशविरहार्तेव भूपतेः
+तद्वियोगासहा देशदेवी जयम् अधात् स्वयम् ज्र्त्_ब्.५४१अब्
+नातितीव्रो न वा मन्दस् सर्वस्यैव महीपतिः
+चित्तम् आदित लोकस्य वैषुवो भानुमान् इव
+[प्स्-ज्र्त् ४७]
+अह्नायापह्नुतं युद्धे तद्धनुःप्रतिकूजितम्
+शोचद्वैरिवधूवर्गक्रन्दितैर् मत्सराद् इव
+दिङ्मुखे चन्दनालेपह्॒ कीर्तिर् अम्बरचन्द्रिका
+धरणीरमणस्यास्य द्विषाम् आम्लापयन् मुखम्
+क्षेम लक्ष्मीं प्रजाह्॒ क्षोणीपाले तन्वति तन्वति भूमाव् एव स्थिता नाकभोगसौख्यम् अभुञ्जत
+लोहरप्रत्यवेक्षार्थं यान् न्यधात् पूर्वभूपतिः
+लोहराधिपतेर् भीत्या ते पलाय्य गतास् ततः
+शाम्यन्त्य् ओषधयस् सर्वाश् शशिन्य् अस्तं गते सति
+दृष्टो हि सूर्यकान्तानां रवौ याति द्युतिक्ष��ः
+लोहरं प्रतिसन्धातुं कुद्भदेनमहीपतिः
+शौर्यशालिनम् आदिक्षत् पुरो डामरलोलकम्
+अवेष्टयत् ततो गत्वा लोहराद्रिं स सर्वतः
+प्राणा हि स्वामिभक्तानां तृणायन्ते महात्मनाम्
+असामर्थ्यान् निजं दुर्गं दुर्गेन्द्रो ऽर्पयितुं ततः
+ब्राह्मणान् व्यसृजद् दूताण् डामराधिपतिं प्रति
+द्विजलिङ्गान् स तान् मत्वा सारं द्रष्टुम् उपागतान्
+न्यग्रहीद् विग्रहाद् उग्राद् द्विजान् अव्यग्रमानसः
+द्विजदैवतम् अप्य् एतं श्रुत्वा तदपकारिणम्
+लोहरेन्द्रेण कोट्टाशां जीवाशां च विसृष्टवान्
+पश्यन्तो मरणं स्वस्य युद्धे वाथ पलायने
+क्षत्रियाणां निजं धर्मम् अग्रहीषुस् ततो रणम्
+शिलासारशिलावर्षैर् दुर्दर्शा दुर्घना इव
+लोहराद्रेर् अवारोहन्न् आरोहंस् तु यशांसि ते
+[प्स्-ज्र्त् ४९] स्वं खण्डीकृत्य शैलेन विभक्तं स्वामिभक्तितः प्रत्येकं शत्रवस् तेषु शिलावर्षिष्व् अमंसत
+विप्रकीर्णैस् स पाषाणैर् लोलो डामरनायकः
+अन्तर्हितस् समं कीर्त्या भावि को नाम लङ्घति
+शत्रुकीर्णशिलाराशिच्छन्नो डामरलोलकः
+यवनप्रेतसंस्कारान् न विपद्य् अप्य् अहीयत
+शाहाबदेनभूपालो निर्वास्यापि सुतान् निजान्
+आकारयत् स्वयं लेखैर् निजवर्णपरिष्कृतैः
+गुणैश् च वयसा तेषां ज्येष्ठो माहेन्द्रमण्डलम्
+हस्सनो राजपुत्रस् स प्राप तावद् अनङ्कुशम्
+स नेत्रशुक्तिमुक्ताभिर् मुक्ताभिर् वाष्पवीचिभिः
+श्रुत्वा तत्र पितुर् मृत्युं निवापाञ्जलिम् आर्पयत्
+व्यावृत्य गमनेच्छायास् स्वच्छाशयम् अमुं ततः
+न्यवारयत् पितृव्यस्य लेखह्॒ कश्मीरभूपतेः
+"""शक्रादिसौख्यलोभेन भृत्यान् अस्मान् उपेक्ष्य सः"
+समस्कुरुत शाहाबादीनभूमिपतिर् दिवम्
+स्वस्स्त्रीभोगरसेनेव गमनाय त्वरावतः
+तस्यास्माभिर् भवत्कार्यम् अशेषं निरपद्यत
+क्ष्मारक्षालक्षणाम् आज्ञां विचक्षणशिरोमणेः
+तन्मन्त्रमालितां मौलिमूले मालां विदध्महे
+प्रवासागमनाभ्यां त्वं स्वपितुः पालिताज्ञया
+श्रीराम इव भूलोकं यशोभिस् स्वम् अपूपुरः
+भूतो भावी च सम्मानो यद्य् अपि स्वगुणैस् तव
+यौवराज्यग्रहाद् भारं लघूकुर्यास् तथापि मे
+स्वधैर्यं सभ्यसंयोगो नानाबन्धुसमागमः
+तव रक्षाधिकारश् च दौर्मनस्यं विलुम्पते
+यशसेव प्रमीतानां परदेशनिवासिनाम्
+महतां न हि जातु स्याद् विभवेन सुखोद्गमः
+स्वरूपप्रतिबिम्बेन भवता स्वर्गवासिनः
+��दुत्कण्ठाभरो ऽस्माकं दर्शनेन निवार्यताम्
+"""पुत्रश् शाहाबदेनस्य सो ऽयम्"" इत्य् अन्यमण्डले"
+अङ्गुलीमुखनिर्देशः प्राकृतस्येव मास्तु ते
+राज्ञां मदनुकम्प्यानां मुखप्रेक्षी भवन् भवान्
+कश्मीरैश्वर्यम् अतुलं मा नैषीर् अल्पकं स्वयम्
+विभज्य भवति क्षोणीभारं मेरुगिराव् इव
+सुखं सम्पत्तिम् अतुलाम् अनन्तद्युतिर् आप्नुयाम्
+[प्स्-ज्र्त् ५२]
+कीर्तिं सुरवधूगीतां पात्रे श्रीप्रतिपादनात्
+स कर्णपूरयन् राजा मादृत स्वर्गमालतीः
+प्रिययोर् आवयोस् स्नेहश्रुतिसौख्येन शीतलैः निश्श्वासैर् भूपतेस् स्वीयैस् स्याद् अस्पृह्यं च चामरम्
+येन मानेन माम् अन्वग्रहीत् स वसुधाधिपः
+त्वं सञ्चरस्व तेनैव मयि पालयति प्रजाः
+[प्स्-ज्र्त् ५३] त्राता द्यौश् शक्रराजभ्याम् आवाभ्यां च समं मही शेषैकनाथां पाताललक्ष्मीं हसतु निस्सुखाम्
+उदयश्रीमुखामात्यमतानुष्ठानशालिनीम्
+"ममार्थनानिषेधेन लक्ष्मीं मैव वृथा कृथाः"""
+अजानंल् लोलकर्णत्वं राजेन्द्रकरिणाम् अथ
+पन्थानं लेखवाची स काश्मीराणाम् अगाहत
+पवनैस् सम्मुखायातैर् झाङ्काररवधारिभिः
+न्यवार्यतेव कश्मीरप्रवेशाद् राजनन्दनः
+स विशन्न् अथ काश्मीरसरणीम् उदजिज्वलत्
+अमलीमसयद् राज्ञश् श्रुतिं तु खलचोदना
+नक्रास् समुद्रम् इव केचिद् उदेतुकामा वाता लतान्तम् इव केचन दर्पवृत्त्या
+दुर्मत्रिणो भुवनकाननचक्रवालहव्याशना नरपतिं प्रविलोलयन्ति
+अथ प्रविष्टे कश्मीरान् हस्सने राजनन्दने
+कुद्भदेनमहीपालः पिशुनैर् इत्य् अकथ्यत
+"""सर्वासाम् एव बुद्धीनाम् उपरीश्वरबुद्धयः"
+तथापि सचिवैर् वाच्यो हिताहितविनिर्णयः
+पुरन्दरादिलोकेशतेजोऽंशाश्रयशालिनाम्
+स्ववंश्येभ्यो महीन्द्राणां अन्तरायो विलोक्यते
+स्पर्शनाशितया ख्याताद् भ्रातृरूपाद् विजिह्मगात्
+कृष्णसर्पाद् इवाश्लिष्टात् कष्टं दूरे न कस्यचित्
+विभवैस् तर्प्यमाणो ऽयं न च स्वीभविता तव
+स्नेहेन सिच्यमानो ऽग्निश् शीतलत्वं किम् ऋच्छति
+[प्स्-ज्र्त् ५५]
+वरं हालाहलो घोरो न दुरात्मा च दुर्जनः
+तस्य पानाद् गलत्य् एकः परस्य त्व् अखिलं कुलम्
+दैवाद् दूरतरं सर्पं प्रसर्पद्विषधारिणम् विना दैवकृतं को नु निधौ स्थापयति स्वयम्
+"न चिन्त्यं ""स्वयम् एकाकी राज्ञो मे किं करिष्यति"""
+हरेः पुरस् सयूथो ऽपि कतमो वारणेश्वरः
+"""मद्बुद्ध्या विक्रमस् तस्य हन्यताम्"" इति नोज्ज्वलम्"
+बुद्धिमान् उदयश्रीस् तं स्वामिभक्त्या हि रक्षति
+आद्ये दर्पोदयः पक्षे दोषोद्रेकः परे यतः
+नानुग्राह्यो न चोत्सृज्यस् तव राजेन्द्र हस्सनः
+न वैवम्प्रायतावृत्तिं तेजस्वी स क्षमिष्यते
+यस्मिन् दहति नाम्भोधिं स क्षणो वाडवस्य कः
+अतस् तस्य निरोधेन निरुत्पिञ्जसुखाः प्रजाः
+"कुण्ठयन्तुतरां पूर्वभूपालोत्कण्ठितां चिरम्"""
+प्रविष्टैर् इति दुर्वाप्या निर्गताद्भिर् इव ह्रदः
+वैरस्यम् अभजद् राजा खलवाक्यैस् स हस्सने
+पश्यञ् शृण्वन्न् अनुभवंस् तस्याप्य् उत्सेकविक्रियाम्
+"""भ्रातुः पुत्र"" इति स्नेहान् न तं राजा न्यरोधयत्"
+उदयश्रीर् अथालक्ष्य विरक्तं हस्सने नृपम्
+लोलडामरभार्यां तद्धात्रीं समदिशत् ततः
+"""स्वामिरागम् इवारूढो नाकं डामरलोलकः"
+अहारयद् यशो न स्वं कुस्वामिमुखवीक्षणैः
+अस्माद् दुर्मनसो राज्ञो विभवाशास्तु दूरतः
+वर्धितस्य त्वया प्राणसंशयो हस्सनस्य तु
+[प्स्-ज्र्त् ५७] अतः प्रलोभ्य राजेत्थं त्वयानेयो निजान् गृहान् योग्यं स्थानान्तरं नास्मद्विपन्निर्यातनाविधौ
+तस्मात् त्वया निजार्थानां ग्रहणार्थं महीपतिः
+प्रार्थनीयो यथाभ्येति त्वद्गृहान् एष लुब्धधीः
+[प्स्-ज्र्त् ५८]
+"""विश्वस्तायाह्॒ किम् अर्थैर् मे धर्मकामार्थहेतुभिः"
+राज्ञो ऽर्पयामि तान् सर्वान् यदि मे स्याद् अनुग्रहः
+अतस् स्वकीर्तये पूर्तसम्मानस्फूर्तये ऽस्तु मे
+यत् तु त्वच्चरणस्पर्शदर्शितानुग्रहं गृहम्
+प्रत्याहृत्य स्वयं स्वीयम् ओषधेर् इव सद्वसु
+आशाः प्रकाशयत्व् अर्थपतिर् भास्वान् इवाभितः
+वदन्येन त्वयापेक्ष्यं न तु स्त्रीधनम् इत्य् अतः
+रसाया रसम् आदत्ते लोकाप्यायाय भास्करः
+अनेन वसुना राज्ञः फलतु प्रार्थनार्थिनाम्
+सरितां वारि गृह्णानो मेघांस् तर्पयते ऽम्बुधिः
+"निधीन् अहिभिर् आवेष्ट्य गोपयन्ती मया मही उपहास्येत नाथेन मद्द्रव्ये दृष्टिकारिणा"""
+तत्रागतं महीपालं हनिष्यामो वयं बलात्
+"बध्नीमो वा ततो राजपुत्रो वृद्धिम् उपैष्यति"" ४"
+[प्स्-ज्र्त् ५८]
+"""तथे""ति प्रतिसन्दिश्य सा पुंवद् धैर्यशालिनी"
+तद्बुद्धिपरितोषार्थम् एवं सन्देशम् आक्षिपत्
+"""एकाकी दीर्घधीकृद् यह्॒ किम् उद्यच्छेत साहसे"
+कदाचिन् नोच्चरत्य् एव करेणैकेन तालिका
+सामर्षस् सावलेपत्वात् कम्पनाधिपतिस् त्वया
+साहाय्यकार्थम् अभ्यर्थ्यस् सिद्��े कार्ये धृतौजसा
+भवतैव विधार्येयं निराधारत्वनिष्फला
+"वाताहताश्रया द्राक्षावल्लीवान्येन भूरुहा"""
+उदयश्रीर् इति श्रुत्वा वाचिकं मतिमान् अपि
+तथैवायाचत् साहाय्यं कम्पनेश्वरलक्ष्मकम्
+हस्सनस्य जनन्यास् स लक्ष्म्या ध्यायन्न् अपक्रियाः
+तस्मिन् प्रत्यपकारेच्छुस् तद् राज्ञे विन्यवेदयत्
+मन्त्रिभिर् विवृतस् सो ऽथ गुणवत्सलमत्सरैः
+अबोध्य् उदयभद्रस्य दुर्नयं तं नराधिपः
+मन्त्रिणं स्तन्यम् आप्याय स्वकीयम् अभयाय तम्
+राज्ञी राज्ञो ऽस्य सुडाख्या पुत्रीयां चक्रुषी स्वयम्
+स पूर्वस्वामिसम्मानव्यृणमार्गोपलब्धये हस्सनाभ्युदयाङ्गानि प्राणान् अपि त्व् अजीगणत्
+अथ दैवाद् गते तस्मिन् मन्त्रे भेदं महीपतेः
+उदयश्रीस् ततो भीतः पलाययत हस्सनम्
+आत्मनो वधबन्धे वा मोचयन्न् अपराञ् जनान्
+रसेन्द्र इव लोके ऽस्मिञ् श्लाघनीयत्वम् अश्नुते
+कर्मण्य् अभीक्ष्णतीक्ष्णे ऽपि तथा लक्षितम् उद्यतम्
+क्षमाशीलह्॒ क्षमापालो नातक्ष्णोद् उदयश्रियम्
+गुणैस् संवृत्य रन्ध्राणि शुचितां शीलयन् बहिः
+बिसवत् कालम् अनयत् पङ्कवत्सु जलेषु च
+[प्स्-ज्र्त् ५९]
+बुद्धेलस्वामिनह्॒ कन्यारत्नं स्वीकृत्य हस्सनः
+अविशल् लोहरं तावन् निरगाच् च दिशां भयम्
+कश्मीराम्बरबद्धस्य घनस्येवोदयश्रियः
+धीवृष्ट्या पुष्टिम् अभ्यायात् केदार इव हस्सनः
+युक्त्या मन्त्रान् घ्नताथान्तर् आधिनेवोदयश्रिया व्याधिनेव बहिर् भूपो हस्सनेनाभ्यभूयत
+"""तावद् वमति यस् तोयं दूरात् स्पृष्टो हिमांशुना"
+"किंस्विन् नैव तदाश्लिष्टश् शशिग्रावा स्रवेद्"" इति"
+उदयश्रीर् गन्तुकामो राजपुत्रान्तिकं ततः
+उदयश्रीश् श्रुतद्रोहो राज्ञा कारां निवेशितः
+[प्स्-ज्र्त् ६०]
+मडवासरणिं वक्रां सिद्धिहेतुं विदन् रहः
+श्वशुरं वर्णितस्वीयरहस्यं मडवापतिम्
+गङ्गराजम् अथायाचत् तन्मार्गेण विनिर्गमम्
+अन्ते नश्यति धीः पुंसस् सहस्रांशोर् इव द्युतिः
+न यद्य् उद्भेदयेत् कन्दकोटिं शृङ्गाटम् उन्नताम्
+कस् तस्यान्तर्निमग्नस्य ज्ञातुं शक्तो भवेत् स्थितिम्
+स्वनाशशङ्कया गङ्गराजे तद्द्रोहवर्णिनि इद्धतेजा नृपह्॒ क्रुद्धो रुणद्धि स्मोदयश्रियम्
+परीक्षितुम् इवोद्युक्तैर् गुरोस् तस्य च शेमुषीम्
+सुरैर् इवार्थितो राजा क्रोधाद् व्यापादयत् स तम्
+मथ्नन् पद्मं गजो भञ्जन् मरुच् चन्दनपादपम्
+निघ्��न् पुरुषरत्नं च राजा निन्द्यो जगत्त्रये
+यशः पुरुषपुष्पाणां भुवनोद्यानवर्तिनाम्
+सौरभातिशयं श्लाघ्यं विचिनोति मनोहरम्
+विनष्टहस्तपादो ऽन्धो यथातिचकिताशयः
+उदयश्रीक्षये राजपुत्रो ऽभूद् धस्सनस् तथा
+[प्स्-ज्र्त् ६४] पक्षिशाव इव क्रूरकरकाभग्नपक्षतिः पर्यन्तवृत्तिभिह्॒ क्रूरैर् हस्सनो ऽथ न्यरुध्यत
+प्रसादप्रीणितैः प्रायह्॒ खशराजैर् दुरात्मभिः
+राजपुत्रो हस्सनस् स हन्तुं प्रत्यर्पितः प्रभोः
+उत्पिञ्जे गलिते शत्रुवर्गे ऽप्य् आशाच्युते सति
+मतिस् सतेजा लोकानाम् आलोकश्रियम् आययौ
+वितस्तायां स्वनामाङ्का पुरी तेनाथ निर्मिता
+उच्छ्रितैह्॒ कनकच्छत्त्रैर् द्याम् उद्धसति या श्रिया
+प्रत्यब्दं जनम् आलक्ष्य दुर्भिक्षक्षयितायुषम्
+मासि भाद्रपदे ऽकार्षीत् स सत्त्रं भूरिदक्षिणम्
+साधुसूक्तिसुधास्नानात् कर्णाभ्यर्णतले कचैः
+ध्रुवं धवलिम् आपेदे वार्धके चास्य भूपतेः
+भूषणं निजवंशस्य पूषणं धरणेर् असौ
+शत्रुश्रीदूषणं पुत्ररत्नं न च स लब्धवान्
+[प्स्-ज्र्त् ६५] आयुर् वायुचलद्वीचिचञ्चलं कलयन्न् अथ सर्वाग्रहारनिर्माणम् अकरोत् पुत्रलिप्सया
+योगिनो ब्रह्मनाथस्य कश्मीरान् आगतस्य सः
+प्रसादेन महीपालस् सन्ततिं प्राप्तवांश् चिरात्
+[प्स्-ज्र्त् ६७]
+"""मया वैरिवरान् नीत्वा कारागारकुटुम्बिताम्"
+निवारितं विलोलत्वं नैसर्गिकम् अपि श्रियः
+यथापराधं दण्डेन हरता धर्मविप्लवम्
+प्रजा अपक्षपातेन स्वप्रजा इव पालिताः
+नीताश् चिराय निर्मथ्य विपश्चिज्जनवारिधिम्
+कियन्तो ऽपि मया स्वीयां मैत्रीं शास्त्रमणिप्रभाः
+इति मे कृतकृत्यस्य शोकशङ्कुर् अयं परम्
+"प्राज्यसाम्राज्यभारस्य वोढा नास्ति कुलाङ्कुरः"""
+इति श्रुत्वा वचस् तस्य वंशच्छेदतमोमुषम्
+दर्शयन् दशनज्योत्स्नां योगी तं प्रत्यभाषत
+"""मा विषादं कृथा राजन् पुत्रानुत्पत्तिहेतुकम्"
+न हि किञ्चित् कदाचित् स्याद् दुरापं पुण्यशालिनाम्
+पुत्रोत्पत्तिनिमित्तं मे योगिनो ऽप्य् आनुषङ्गिकम्
+किञ्चित् सञ्चितम् अस्त्य् एव तत् तवास्तूपकारकृत्
+गुणैस् समम् इमं मे च कश्मीरागमनोद्यमम्
+फलयत्व् एव महिषी भुञ्जाना गुलिकाम् इमाम्
+कुलतन्तौ समुत्पन्ने त्रिलोकाभयलग्नके
+"नरोत्तमो जगत्त्राणचिन्तातानवम् अश्नुताम्"""
+इत्य् ऊचुषो ऽथ योगीन्द्राद् आदाय गुलिकां नृपः अभोजयत् स महिषीं चरुं दशरथो यथा देवीम् अभोजयन् मूर्तां प्रसादपदवीम् इव
+अन्वयाभरणं देवी पितुर् आनन्दपारणम्
+तमोहरणम् अर्यन्धङ्करणं सुषुवे सुतम्
+शृङ्गारमङ्गलावासम् अवलोक्य वपुश् शिशोः
+शृङ्गार इति नामास्य व्यधाद् भूलोकवासवः
+हर्षाद् आदिशति क्ष्मापे बन्धमुक्तिं तदुत्सवे
+अन्वभावि तदा चित्रं बन्धो नौसेतुभिः परम्
+[प्स्-ज्र्त् ६८] यो मातुलसुतो देव्या भाण्डागारिक उद्दकः तत्प्रियां सेवतां राजा निन्ये धात्रीषु मुख्यताम्
+अथ द्वितीयपुत्रं सा देवी हैबतसञ्ज्ञितम्
+असूत कान्तिसन्तानतर्ज्यमानसुधाकरम्
+[प्स्-ज्र्त् ६९]
+न कस्य वस्तुनो ऽलक्षि सुभिक्षश्रीः पदे पदे
+तस्मिन् रक्षितरि क्षोणीम् अन्यत्रारिभयाज् जनैः
+धनुर् विनामितं तेन पश्यन्तो नैव कुत्रचित्
+प्रणतिं वैरिणस् तस्य कस्माद् अप्य् अध्यगीषत
+दैवी नीतिर् अभूत् तस्मिन् पृथ्वीं पालयति प्रभौ उत्पिञ्जखञ्जताख्यानं प्रत्युतास्य तिरस्क्रिया
+चन्द्रस्येव कलङ्को ऽभूद् अयं दोषो महीभुजः
+कुलागतां महीं यत् स वास्तव्यानाम् अपाहरत्
+[प्स्-ज्र्त् ७०]
+अकलङ्कस् स राजेन्दुर् विकसत्कुमुदाकरः
+नाग्रामनाम्नि धाम्न्य् आपत् परधामविलीनताम्
+चिरभुक्तां भुवं मत्वा सो ऽस्पृश्यां भाविकिल्विषैः जगाम त्रिदिवं राजा ध्रुवं भोक्तुं सुरस्त्रियः
+भाद्रे कृष्णद्वितीयायां पञ्चषष्ठे स वत्सरे
+अस्तं जगाम राजेन्दुह्॒ कुद्भदेनमहीपतिः
+२१) सिकन्दर् šआह् बुत्šइकान् (ल्स् ४४६५-४४८९)
+"""राज्ञी शोकातुरा राजपुत्रौ बालाव्"" इति प्रजाः"
+अभूवंश् चकितास् सर्वा विनाथवद् अथाधिकम्
+देव्या वाष्पजले शोकवर्षजाते पृथौ सति
+परस्परम् अमात्यानां मात्स्ये न्याये ऽभवद् रुचिः
+"""अलं शोकनिवेशेन धैर्यम् अत्रोचितं यतः"
+"रुन्धते मलिनात्मानह्॒ क्ष्माम् अशूराम् अराजकाम्"""
+इति प्रबोध्य सुभटां देवीम् उद्दकसाहकौ
+ज्येष्ठं सेकन्दरं पुत्रं महाराज्ये ऽभ्यषिञ्चताम्
+राज्ञ्या मतेनोद्दको ऽथ साहपुत्रं मुहम्मदम्
+स्वजामातरम् अप्य् एष सजानिम् अदहच् छलात्
+सूक्ष्मान् अत्ति तिमिर् महान् स्वकुलजान् अन्धाद् अजानन् वधं स्वाम् अम्बाम् अपि मक्षिका वत मधुग्राहाद् भविष्यद्वधा
+लक्ष्मीलोभभरेण मोहितधियह्॒ कल्पान् अनल्पान् स्थितिं जानन्तो ऽपि जडा न किं कुचरितं कुर्वन्ति हा हन्त हा
+[प्स्-ज्र्त् ७१] शोभानाममहादेव्यास् सो ऽधिविन्नां ���हीं व्यधात् प्रतापहेम राजा तु नाधिवेदनिकां ददौ
+श्रीशोभाया महादेव्याश् श्लाघ्या लक्ष्मीर् अभूत्तराम्
+क्ष्मां हेमलिङ्गैर् द्यां पुण्यलिङ्गैर् या स्वैर् अमण्डयत्
+"""एतद्बन्धुघ्नम् एषो ऽपि मां हनिष्यति निश्चितम्"""
+इत्य् उद्दको राजपुत्रं विषेणाथ व्यपादयत्
+"""निजयैव कृपाण्याहं स्वं छिन्द्यां कण्ठम् एतया"
+"यद्य् अहं त्वां निरुन्ध्यां वा हन्यां वे""त्य् अथ संविदा"
+विश्वास्य साहकं वीरम् उद्दको ऽथ व्यपादयत्
+आसन्नविनिपातानां द्रोहा दूता हि दुर्धियाम्
+यथा भ्रातुस् तथा स्वस्य वधं सम्भावयन् नृपः
+प्रौढीभूतस् ततो वृद्धिं स्वं पक्षं किञ्चिद् आनयत्
+भौट्टाञ् जित्वागतो दृप्तो ऽसहमानो ऽन्यवैभवम्
+श्रीशोभाभ्रातरं खुञ्ज्याराजम् उद्दो ऽवधीत् ततः
+आदिशन् सेवकं स्वं स द्वारोत्पिञ्जाय निम्मकम्
+राज्ञो ऽपि प्रणयं त्यक्त्वा होलडाम् अगमन् मदात्
+तच् छ्रुत्वा लद्दराजाद्या भूपतेर् अनुयायिनः
+योद्धुं बद्धोद्यमाः पद्मपुरधन्वनि धन्विनः
+प्रत्यासन्नविनाशानां प्रायो मतिमताम् अपि
+पिशाचादिभ्रमो नूनं स्वच्छायास्व् अपि जायते
+उद्दसैन्यैर् यतो योद्धुं वल्लामठम् उपागतैः
+पारेवितस्तं महिषीष्व् अश्वभ्रान्त्या पलाय्यत
+आवितस्तापुरं रात्रौ तम् अनुद्रुत्य भूपतिः
+व्यावर्तताथ तं बद्ध्वा नगरोत्पिञ्जशङ्कया
+[प्स्-ज्र्त् ७३] मनोविशालं गगनं पटहैस् तर्जयन्न् इव स प्राविशत् पुरं राजा हर्षश् च हृदयं विशाम्
+तं वध्यम् अपि कारायां कारुण्यात् तु नृपो ऽक्षिपत्
+उद्दकस् तु स विश्वस्तद्रोहपापमलीमसः
+शङ्कमानो वधं भूपात् करुणाकोमलाद् अपि
+निजयैव कृपाण्याथ स्वगलच्छेदम् आचरत्
+[प्स्-ज्र्त् ७४]
+मदज्वरो ऽद्भुतः पालपशूनाम् एवम् अप्य् अभूत्
+आश्रयन् स्तब्धतां येन तच्छिरांसि तदा चिरम्
+कदाचित् सह तैः पालकुञ्जैर् मदघूर्णितैः
+पलङ्गम् आविशद् राजसिंहस् सन्नखरद्युतिः
+तत्र पालोत्तमाङ्गानि वपुश्चक्रान् महीपतिः शरावान् इव सूत्रेण कुम्भकारो ऽसिनाच्छिनत्
+पत्त्रिराज इव व्यालान् सृगालान् इव केसरी
+पालान् धरणिपालस् स कालान्तिकम् अथानयत्
+राज्यं शौर्यं वयस् तेजो निर्नियन्त्रणता तथा
+तदा तथाभवद् राज्ञः पञ्चाग्नितपसः फलम्
+हन्त राज्ञां ततं दर्पतिमिरं खण्डयन् नृपः
+यात्राम् असूत्रयच् चित्रं गोत्रभिद्भयदां ततः
+[प्स्-ज्र्त् ७५] रूढं तत्सेवकक���षत्रच्छत्त्रशेषफणाशतैः स व्यधाद् अम्बरारोहि रजो भूमण्डलान्तरम्
+विश्वं रञ्जयता तस्य प्रतापेन प्रथीयसा
+राजस्त्रीनखलक्ष्मश्रीः पाण्डिमानम् अवापिता
+तदैव दीनाभरणाम् अपालकतया युताम्
+म्लेच्छराजो व्यधाड् ढिल्लीं विधवाम् इव लुण्ठयन्
+ततः प्रत्याव्रजन् म्लेच्छराजह्॒ कश्मीरभूपतेः
+शङ्कमानो गजेन्द्रौ द्वाव् उपायनम् अचीकरत्
+हस्तिद्वयगलद्दानराजिव्याजात् स्वयं व्यधात्
+देशसीमाविभागं स कश्मीराधिपतेह्॒ किल
+हस्तिद्वये समारूढे हिमाद्रिशिखरश्रियि
+विन्ध्यवृद्धिभ्रमाद् विन्ध्यनियन्ता कोपम् आगमत्
+मार्गे कोपम् अगातां तौ वितस्तातरणक्षणे
+प्रतिबिम्बं निजं दृष्ट्वा प्रतिहस्तिभ्रमं गतौ
+[प्स्-ज्र्त् ७७] दिदृक्षयैव करिणो राजधान्यां महीपतेः नोच्चं शिरो ऽभवत् तस्य तत्तृप्त्या तिमिराद् अपि
+राजस्त्रीस्तनसौन्दर्यचौर्यकारिकटोत्कटौ
+तौ गजौ भूमिपालेन वारीकारां प्रवेशितौ
+वदन्येन नरेन्द्रेण सुवर्णपरिपूरिताः
+नैवार्थिनः परं देशो निजो ऽपि प्रव्यधीयत
+यथाकामार्पणप्रीतयाचकस्तुतिलज्जया
+विनमन् सङ्कुचन् हस्तस् तस्य दानक्षणे ऽभवत्
+दानं वर्णयितुं तस्य शक्यते नैव केनचित्
+पाणिरूपम् अधः पद्मं यत्रोपरि जलं सदा
+सदा दानाम्बुसेकाद् यन् न प्रारोहद् यवह्॒ करे
+खड्गत्सरुविमर्दानां मन्ये तत्र निमित्तताम्
+[प्स्-ज्र्त् ७८]
+अवाच्या सौभगश्लाघा श्रीसेकन्दरभूपतेः
+त्यक्तापि यं स्वयं लक्ष्मीर् भूयो भूयस् समाश्रिता
+दानोद्यमपराद् राज्ञस् स्फुरन्मुखरुचः पुरः
+कमला दानभीत्येव पद्माद् अपि पलायत
+आजीवम् एव तिष्ठन्ती निन्द्या श्रीस् तस्य तूत्तमा सान्यजन्मस्व् अपि प्रत्ता यद् वाग्देवीव भाविनी
+प्रजापापविपाकेन ततो यवनदर्शने
+बालस्येव मृदि क्षोणिपते रुचिर् अवर्धत
+अनेके यवना दानप्रसिद्धं तम् अथाश्रयन्
+विहायापरभूपालान् पुष्पाणीवालयो द्विपम्
+दीप्तेन्दुर् इव ऋक्षाणां तेषां बालो ऽपि विद्यया
+यवनानाम् अभूज् ज्येष्ठो मेरसैदमुहम्मदः
+अनमद् भृत्यवच् छिक्षां शिष्यवन् नित्यम् अग्रहीत्
+दासवच् च पुरो नीत्या राजा तत्र न्यविक्षत
+मरुद्भिर् इव वृक्षाणां शालीनां शलभैर् इव
+कश्मीरदेशाचाराणां ध्वंसो ऽथ यवनैह्॒ कृतः
+स्वामिनो दानमानाभ्यां वैशद्यगुणवत्तया
+कश्मीरान् अविशन् म्लेच्छास् सुक्षेत्रं शलभा इव
+[प्स्-ज्र्त् ८०] वि��्वान् अभ्यासबोधाभ्यां विद्याम् इव विशाम्पतिः स लक्ष्मीं त्यागभोगाभ्याम् अशोभयद् अवीवृधत्
+उदभाण्डपुराधीशं दृप्तो जातु जयन् नृपः
+श्रीमेरां तत्सुतां प्राप मूर्ताम् इव जयश्रियम्
+अवातरच् छाहिकुले नूनं सा कापि देवता
+योजयिष्यति तत्पुत्रह्॒ कश्मीरान् म्लेच्छनाशितान्
+श्रीजैनोल्लाभदीनाख्यो मूर्तो धर्मह्॒ कलाव् अपि
+राजापि योगिराजो ऽयं राजचूडामणेः प्रियः
+[प्स्-ज्र्त् ८२] यवना गुरवो भृत्यास् सेवका वल्लभास् ततः बान्धवाश् चाभवंस् तस्य काकाः पिकशिशोर् इव
+केनापि रससिद्धेन दत्तस्तोकरसो नृपम्
+रससिद्धिं वदन् धूर्तो महादेवाभिधो ऽभ्यधात्
+[प्स्-ज्र्त् ८३] सहस्रवेधिता तेन रसेनैव न साधिता विस्मयेन रसेनापि काञ्चनश्रियम् ऋच्छता
+सदा राज्ञि महीभारोद्वहनाद् अनुरोधवान्
+अदान् मेरुर् महादेवरूपेण द्रविणं बहु
+रससिद्धप्रसादो ऽथ महादेवस्य हीनताम्
+अगमन् न तु कश्मीरनिवासविषये मनाक्
+रससिद्धिभ्रमार्थं स कृत्वा दृग्बन्धम् औषधैः
+हेमेव मूषिकामध्ये चिरम् आसीत् किरन् किल
+विज्ञानज्ञापितो राज्ञा तच्छद्म स्वयम् एकदा
+अकीर्तिश्रवणाद् भीतो महादेवो ऽजहाद् असून्
+[प्स्-ज्र्त् ८४]
+धिक् तं वारिदम् अम्बु यो जलनिधेर् आप्याशुचिश्रीर् भवन् मित्रं साशम् उपद्रवत्य् अथ परिक्षीणस् स्खलत्य् अद्रिषु
+पद्मस् स्तुत्यतमश् च यो विकसने सारै रसैर् औरसैः सम्प्रीय भ्रमरान् रसव्युदसने प्राणान् निजान् मुञ्चति
+शेषं विषभयेनेव काठिन्येनेव पर्वतान्
+मदेनेव द्विपांस् त्यक्त्वा सुखं भूस् तद्भुजे ऽवसत्
+चित्रं च नालभट्टेन गुणिना मित्रबन्धुना कुलपद्मेनापि राजवाल्लभ्याद् उच्चनालता
+लद्दराजो ऽगदङ्कारशङ्करो भट्टसूहकः
+मन्त्रिणश् चान्तरङ्गाश् च सर्वदैवाभवन् प्रभोः
+[प्स्-ज्र्त् ८५]
+अभिषेणयतस् तस्य कन्यारत्नौषधार्पणात्
+मद्रेन्द्रो बिल्लदेवो ऽथ जातु यात्राम् अपीफलत्
+औचित्यात् साधुवादेषु प्रसक्तेन प्रभोः पुरः
+सख्यं शङ्करवैद्येन निरवद्यं च बद्धवान्
+धृतामर्षस् सूहभट्टश् शङ्करप्रीतिवत्सरे
+अपकारान् मद्रराजे चिन्तयन्न् आस्त सन्ततम्
+उदीचीनायको धाट्या यं पौरैस् सह नीतवान्
+शिखकुक्कुरराजस्य पुत्रं मलेकजस्रतम्
+मृते ऽथोदक्पतौ जाते ऽत्युत्पिञ्जे मुक्ततां भजन्
+स मद्रनायकद्वेषात् सूहभट्टार्थनाबलात्
+मद्रासन्नक्षितेस् स्वाम्यं कश्मीरेन्द्रेण लम्भितः सचेतनं जयस्तम्भम् इव तं तत्र रोपयन् व्यावर्ततारिलोकार्तिकर्ता स क्ष्माविकर्तनः
+मेरखानश् शाहिखानह्॒ खानो मह्मद इत्य् अपि
+यैस् सञ्ज्ञा अभ्यभूषन्त गङ्गौघैर् विष्टपा इव
+प्रत्यक्षा इव धर्मार्थकामाह्॒ काममनोरमाः
+मेरदेव्यास् त्रयः पुत्रा राज्ञस् तस्योदपत्सत
+कृत्रिमत्वान् निरस्तानां शोभादेव्यात्मजन्मनाम्
+पुत्रं पिरुजनामानं न निरास्थत् पुरान् नृपः
+अलकासदृशीं राजा मानसप्रतिबिम्बिताम्
+पुरीं पुण्यजनाकीर्णां प्रद्युम्नाद्रितटे व्यधात्
+[प्स्-ज्र्त् ८७]
+पूर्णानन्दा जयारिक्ता भद्रा विस्मयदायिनी
+श्रीस् तस्यातिथिसम्पत्त्यै भूभुजो ऽभूद् दिवानिशम्
+राजावनाश्रयत्वेन प्रसिद्धस् स सदायतिः
+लक्ष्मीम् अचुम्बिताम् अन्यैर् वताचुम्बद् द्विषां बलात्
+यवना नित्यतद्दत्तवित्तसम्पत्तिशालिनः आहारव्यवहारादौ जितवन्तो महीपतिम्
+अयत्नप्राप्तवित्तानां यवनानां महीपतेः
+वराटके च कोटौ च दृष्टिर् आसीत् समा तदा
+कश्मीरमण्डले म्लेच्छदुराचारातिदूषिते
+महिमा ब्राह्मणैर् मन्त्रैर् देवैश् च स्वस् समुज्झितः
+प्रभावतेजो यैर् देवैस् सततं प्रकटीकृतम्
+खद्योतैर् इव तैर् एव देशदोषाद् विनिह्नुतम्
+प्रत्याहृते ततस् तेजोविशेषे त्रिदशैर् अभूत्
+प्रतिमानां शिलाभावो मन्त्राणां वर्णमात्रता
+[प्स्-ज्र्त् ८९]
+कलिस्पर्शभयात् त्यक्तुकामैस् स्वप्रतिमा ध्रुवम्
+तद्ध्वंसे त्रिदशैर् म्लेच्छा धियम् आविश्य चोदिताः
+राजान्तरङ्गो यवनमतभक्तः प्रतारितः यवनैस् सूहभट्टो ऽथ प्रतिमानां निराकृतौ
+पुण्यक्षयेन कर्तॄणां कलिदोषेण चोज्झिताः
+गीर्वाणैः प्रतिमास् सर्वा निर्मोका भुजगैर् इव
+रक्ते रागं शुचौ शौक्ल्यं मलिने मलिनां स्थितिम्
+सङ्क्रान्ते सति गाहन्ते स्फटिकानीव भूभुजः
+स्वयं ब्राह्मक्रियाद्वेषी म्लेच्छैश् च प्रतिबोधितः
+सूहभट्टः प्रभुं जातु देवभङ्गार्थम् ऐरयत्
+[प्स्-ज्र्त् ९०]
+"""पाषाणान् देवसान्निध्यभ्रमेणैष जनो नमन्"
+त्वत्प्रणामविशुद्धं स्वशिरो दूषयति ध्रुवम्
+मायया कवलक्षोभसंसर्गान्धंभविष्णुषु
+श्रद्दधीत च देवत्वम् ईश्वराद् इतरेषु कः
+मुखानि कमलानीव रज्जवो भुजगा इव
+शुक्तयो रजतानीव स्थाणवः पुरुषा इव
+मायेन्द्रजालसन्दर्भप्रभवादिनयोदिताः
+ये च केचिज् जडैर् देवा भ्रान्तिशक्त्या प्रकल्प��ताः
+सन्निधापयितुं तान् कः प्रतिमासु क्षमो भवेत्
+ग्रहीतुं मारुतं मुष्टौ सौष्ठवं कस्य दृश्यते
+ते च सन्निहिताह्॒ किं वा कुर्युह्॒ कर्म नियन्त्रिताः
+शिल्पिभिह्॒ कल्प्यमानासु स्वतुल्यावयवास्व् अपि
+कलिकाले स्फुरत्य् अद्य तिष्ठेरंस् ते जना हि किम्
+"तेजस्तिमिरयोर् नास्ति साधारणपदस्थितिः"""
+तेनेत्यादिकुतर्कोक्त्या दुरमात्येन पापिना
+निरस्तो देवताभावः प्रतिमाभ्यो महीपतेः
+सुरासुराणां समरे सज्जानां सततं तदा
+असुरैर् विजितं नूनम् अन्यथा कथम् अप्य् अयुः
+विध्वस्ताः प्रतिमास् सर्वा गीर्वाणानां शिला इव न विघ्नो भञ्जकानां च प्राग्वद् दृष्टह्॒ कदाचन
+विहाय राजकार्याणि प्रजाभाग्यविपर्ययात्
+देवानां प्रतिमाभङ्गे राजारज्यद् अहर्निशम्
+पापिनां पापमूलो ऽभूद् भूभृताम् अनयद्रुमः
+हर्षदेवतुरुष्को ऽभूद् यस्य प्राग् अङ्कुरायितः
+पत्त्रायितो लवन्यानाम् उत्पिञ्जो दारुणो ऽभवत्
+डलचो म्लेच्छराजो ऽभूद् यस्य पुष्पायितस् तथा
+देवानां मूर्तिभङ्गेच्छा यस्यासीत् तस्य भूभुजः
+म्लेच्छप्रेरणया नित्यं विप्लवस् स फलायितः
+मार्ताण्डविजयेशानचक्रभृत्त्रिपुरेश्वराः
+भग्ना येनास्य को विघ्नश् शेषभङ्गेन कथ्यते
+सुरेश्वरीवराहादिप्रतिमाभङ्गकर्मणि
+अकम्पत भियेवोर्वी नास्य सर्वङ्कषा तु धीः
+न पुरं पत्तनं नापि न ग्रामो न च तद् वनम्
+यत्र सूहतुरुष्केण सुरागारम् अशेष्यत
+[प्स्-ज्र्त् ९२]
+तद्दर्शनभयेनेव तिरोभूतस् स्वयम्भुवः
+तदा हुताशो नाशोचि निकटस्थैर् द्रुमैः परम्
+भीत्येवापः प्रकाश्य स्वास् त्रिसन्ध्यं तत्र मज्जतः सन्ध्यादेवी परं वन्ध्या तस्यागाद् अनुकम्प्यताम्
+कथाशेषीकृते सर्वगीर्वाणप्रतिमागणे
+व्याधिमुक्त इवानन्दं सूहभट्टो ऽभजत् ततः
+[प्स्-ज्र्त् ९३]
+सिन्धूदभाण्डपुरयोस् स्वामिनौ श्रीसेकन्दरः
+श्रीशोभाकन्ययोः पाणिग्रहेणान्वग्रहीद् अथ
+प्रत्यमुञ्चत् स्वदेशोत्कं मेरसैदमहम्मदम्
+राजा सहचरीकृत्य शोभापुत्रं स पिर्वजम्
+दर्शितैर् मौसुलैश् शास्त्रैर् जातिद्वेषमयैर् इव अश्रावि तेन तद् राजा किम् असाध्यं दुरात्मना
+अपथ्याशीव बालस् स सामन्तसहितस् ततः
+जनानां जातिविध्वंसे सूहभट्टह्॒ कृतोद्यमः
+"""जातिध्वंसे मरिष्यामो"" द्विजेष्व् इति वदत्स्व् अथ"
+जातिरक्षानिमित्तं स तान् दुर्दण्डम् अजिग्रहत्
+प्रसादप्राप्त��लोभेन भूपतेर् उपजीविषु
+ब्राह्मणत्वाधिकां जातिं त्यजत्स्व् अप्य् अविलम्बितम्
+श्रीसिंहभट्टकस्तूटौ वणिजौ श्लाघ्यतां गतौ
+श्रीनिर्मलाचार्यवर्यस् त्रिजगच्छ्लाघ्यतां गतः
+त्यक्त्वा जातिग्रहं यत् ताव् अन्यदर्शनसेविनौ
+शुष्कं तुरुष्कदण्डं च विन्यवारयतां ततः
+निर्मलाचार्यवर्यस् स सर्वस्वं तृणवत् क्षणात्
+त्यजन् राजप्रसादेन न जातिं स्वाम् अदूषयत्
+[प्स्-ज्र्त् ९४] पश्यतां सर्वलोकानां ब्रह्मदण्डो ऽपतद् दिवः
+कृतव्रणस् स तेनाङ्गे विसर्पिक्लिन्नविग्रहः कीर्यमाणक्रिमिकुलह्॒ क्रकचैश् चारितैर् अभूत्
+अनुभाव्य व्यथां भाविनिरयक्लेशवर्णिकाम् गणरात्रेण तं प्राणाह्॒ काङ्क्षितापगमा जहुः ब्रह्मदण्डकृतं दण्डं भुक्त्वा दण्डधराधिपः
+दण्डाक्रान्तस् स राजाथ मेरखानं निजे पदे अभिषिच्यालिशाहाख्यां कृत्वास्यागाद् यमालयम्
+स्वामी भृत्यापराधेन दण्डनीय इति स्थितेः
+सूहभट्टापराधेन कालो भूपे ऽकरोत् क्रुधम्
+ज्यायांसम् अभिषिच्याथ पुत्रं सिकन्दरो नृपः
+नन्दाष्टाब्दे ततो ज्यैष्ठकृष्णाष्टम्यां व्यपद्यत
+२२अ) ‛अली šआह् (ल्स् ४४८९-४४९४)
+[प्स्-ज्र्त् ९५]
+रूपं निष्फलम् अर्चितं किम् अपि तन् मन्दान् अमन्दाग्रहान् भक्तान् यस् समनुग्रहीतुम् अतुलस्वाच्छन्द्यवन्द्यक्रियः
+गौरीरूपकरीं वपुस्सहचरीं स्वां शक्तिम् अव्यक्तयद् भुक्तिं मुक्तिपुरस्सरीं दिशतु वो देवस् स्वयम्भूर् अयम्
+विश्राम्यतुतरां शाहिखानवृत्तान्तसानुनि
+मद्वाक् श्रान्तान्यराजाख्याशैलकोटिशिखाटनैः
+तद्गुणौघरसश्लाघ्यां पिबन्त्व् अपि गिरं मम सुगन्धिघनसारेण कूपाम्भो ऽपि मनोरमम्
+आलिशाहस् स वसुधासुधांशुर् जगतस् तमः
+प्रदोषारब्धम् अच्छैत्सीद् भास्वतो ऽस्ते पितुस् ततः
+अदर्पकचितं बालं प्रौढा लक्ष्मीर् मुहुर् मुहुः
+कुलजालिङ्गद् अङ्गैस् तं राजानं नतिशालिभिः
+[प्स्-ज्र्त् ९६] तस्य बाल्यं मनोहारि विशेषाद् राज्यराजितम् कान्तिं कलयते कान्तः पूर्णेन्दुश् शरदि स्फुरन्
+पूर्वोर्वरेशवद् बालम् अपि तं भूभुजो ऽनमन्
+अहिदष्टो हि दामापि क्रमितुं न प्रगल्भते
+निजबुद्धिबलाद् दैवहितत्वेनोपसंहितात्
+सूहभट्टेन मुख्यत्वं सचिवानाम् अवाप्यत
+विश्वासन्यस्तशस्त्रं स लद्दमार्गपतिं बलात्
+बद्धवान् सह तत्पुत्रैर् वर्जयित्वा मुहम्मदम्
+मुहम्मदो मार्गपतेर् बन्��ं श्रुत्वैव शौर्यवान्
+भाङ्गिलाचलमार्गेण मार्गाभिज्ञः पलायितः
+[प्स्-ज्र्त् ९९]
+मारुतस्येव वीरस्येव गतिह्॒ क्वापि न हन्यते
+श्रुत्वा तद्गमनं दूतान् मन्त्रनिर्भेदशङ्कितः
+लद्दमार्गपतिं रोद्धुं सहसा समचिन्तयत्
+रुजस् संवीक्षणव्याजान् मार्गेशस्य शयाप्तये
+विश्वासनाय च प्रास्यद् भट्टोत्सं तस्य सद्मनि
+चिकित्सकौषधाहारी मार्गेशतिमिनादृतः
+नाबोधि पिण्डीनिर्गूढबडिशं पुनर् उत्सवः
+तावन् मार्गपतेस् सौधं सिंहनादोद्भटैर् भटैः
+जवाद् रोधितवान् मन्त्री दाशो नीडं तृणैर् इव
+तीक्ष्णैर् अपि दयाविष्टैर् इष्टैर् इव स विह्वलैः कथञ्चिद् दोषरहितो मार्गेशस् समरुध्यत
+निरुध्यमानं निश्शङ्कम् अगदङ्कारशङ्करम्
+अप्रयुक्तातितीक्ष्णापि शस्त्री धीश् च व्यडम्बयत्
+अपश्यन् दर्पतह्॒ किञ्चित् सिंहो विशतु वागुराम्
+चित्रं तु तद् विशेत् पाशं दूरदृश्वापि यत् खगः
+[प्स्-ज्र्त् १००]
+ततो मार्गपतेः पुत्रान् मेषान् इव स सौनिकः
+रुद्धवान् उद्धतक्रोधः पाप्मा मूर्त इवापरः
+ताभ्यां सपरिवाराभ्यां कारागारम् अपूपुरत् न परं भुवनं सर्वं दुर्यशोभिश् च निश्चलैः
+एकाहेनैव तच् छ्रुत्वा मह्मदः प्राप्तिचिन्तया
+कन्ययेव दरिद्रस् स नक्तन्दिवम् अदूयत
+दुर्दण्डदेशे गोविन्दनाम्नो मित्रस्य वेश्मनि
+विश्वस्तः प्राविशत् तावद् विश्रमार्थं मुहम्मदः
+[प्स्-ज्र्त् १०१] श्रीसेकन्दरदत्तैतद्देशाधीकारशालिना मह्मदस्य पुरा शाखी तेनानाटि हि दुर्धिया
+वह्नेर् धूमविवर्धितश् शमयति ज्वालाभरं वारिदो वृक्षक्षोदभवो वनानि नयति क्षिप्रं कृशानुह्॒ क्षयम्
+दाहं जन्मभुवो दिशेद् विषतरुर् वैरस्यदोषावहं द्रुह्यत्य् अत्युपकारिणे ऽपि नितरां लोभाभिभूतो जनः
+प्राप्ते मुहम्मदे मार्गपतौ विश्वासतो गृहान्
+स गोविन्दखशश् चित्ते क्षणम् एवम् अचिन्तयत्
+"""मन्त्रिणा सूहभट्टेन राज्योपद्रवरक्षिणा"
+द्वैराज्यकारी दुर्बुद्धिर् विन्यवारि मुहम्मदः
+[प्स्-ज्र्त् १०२]
+लीलेवापक्रिया कर्तुर् अपकार्यस्य सा पुनः
+नाडीव व्रणिता जातु न शुष्यति कथञ्चन
+परिणामे ऽतिदुह्॒खेन सुखेनासुखसीमनि अपथ्येनेव किं नस् स्यात् सेवितेनामुना फलम्
+राजद्रोहोद्यतः पापी निस्सामर्थ्यो भयाद् अयम्
+"मम देशं प्रविष्टो ऽद्य रक्षणीयो न युज्यते"""
+[प्स्-ज्र्त् १०३]
+इति सम्मन्त्र्य विश्वस्तजिह्मगो मह्मदं ततः
+सुप्तं हरिम् इव व्याधो गोविन्दस् तं निबद्धवान्
+अनेकेनाथ रत्नेन निस्सपत्नत्वलिप्सया एकं सूहस् स पुंरत्नम् अक्रीणान् मह्मदं ततः
+तावच् च सूहभट्टेन विसृष्टाश् श्रेष्ठबुद्धयः
+अन्वेषका गृहं प्राप्ता गोविन्दस्य खशेशितुः
+मैत्रीम् उल्लङ्घ्य निर्व्यूढाम् आस्रितस्य च रक्षणम्
+मुहम्मदं निजम् मित्रम् अर्पयाम् आस दुर्मतिः
+सुप्तं हरिम् इव व्याधो यदा बद्ध्वाक्षिपत् खशः
+पशुवत् तं तदा ते ऽथ कश्मीरान् आनयन् द्रुतम्
+मन्त्रार्दितस्य फणिनः प्लवगाश् चपेटैर् व्याधास् सटाविघटनान् निरसोर् हरेश् च
+बद्धस्य कातरतयाबलिनो ऽवमानैर् निन्दां विना किम् इव नाम परं लभन्ते
+[प्स्-ज्र्त् १०४] करोटीटङ्कनाघट्टरदटाङ्कारकुट्टनैः पर्यभूयत जिह्मेन सूहभट्टेन मह्मदः
+मान्यं कृतावमानं तं शङ्कमानः पलायनम्
+बहुरूपे महादुर्गे सूहह्॒ काराम् अवीविशत्
+[प्स्-ज्र्त् १०५] हितैषिणो निजप्राणैर् देवस्य स्वानुजीविनः विषये ऽस्मिन् ह्य् अधीकारस् तेनामन्दम् अधीयत
+विद्युद्द्योतभरैर् निशि प्रवसतः पान्थान् नवो वारिदः पञ्चास्यो वनवासिनो मृगगणान् व्यावृत्त्य विप्रेक्षितैः
+गत्या वक्रगतैर् दिनेशतनयो राशीन् अजादीन् विधिर् भद्राभासविलोकनैर् दुरितिनो विश्वास्य पर्यस्यति
+शाहनाम्न्यास् ततो दास्या मुखेन प्रतिबोधितः
+मह्मदो निजधात्रेयैर् बन्धस्थानाद् अकृष्यत
+"स हि ""स्वेदाकुलस् स्नानं करोमी""ति स्वरक्षकान्"
+भ्रामयित्वा प्रविश्याथ स्नानकोष्ठं ततो ऽचलत्
+धात्रेयैर् विहितं सन्धिभेदस्थानम् उपेत्य सः
+हंसह्॒ क्रौञ्चान्तरम् इव निस्सृतो ऽथ मुहम्मदः
+रोषाद् इव स्रुतिं हन्तुं निष्पतन् निर्झराम्भसाम्
+भृगोर् इव ततो दुर्गाद् अदाज् झम्पाम् अकम्पितः
+अशक्नुवन्न् अमुं रोद्धुं पाषाणा रक्षिणो न च
+निर्झरास् तु तदङ्घ्रिस्थनिगडध्वनिडम्बरम्
+धात्रेया मह्मदस्याथ भञ्जन्तो निगडान् दृढान्
+सूहभट्टम् अमन्यन्त भग्नं साकं स्वबन्धुभिः
+[प्स्-ज्र्त् १०६] हिमगमनतह्॒ क्लान्तस्वान्तो हिमं मनुते ऽनलं तटतरुमुखं नावा गच्छन् व्रजत् परिपश्यति वलति नितरां विश्वं विश्वं विवेत्ति च मूर्छितः सरलहृदये शङ्काग्रस्तस् तनोत्य् अतिशङ्किताम्
+मुहम्मदवद् एवास्मिञ् शङ्कमानः पलायनम्
+वृद्धं निपीतकोशो ऽपि मार्गेशम् अवधीद् द्विजः
+हते मार्गपतौ वृद्धे सूहभट्टेन दुर्धिया
+अमन्दनिन्दम् आक्रन्दन् पितरीवाखिला जनाः
+ऋक्षैस् संलक्षयन्न् आशाविशेषं निशि निश्य् अथ
+पक्षीव नीडभ्रष्टस् स सूहो लोकभयाद् अयात्
+अहस् तस्य विहस्तस्य रात्रिर् आसीन् निशा दिनम्
+विपर्येति ध्रुवं सर्वं विधौ विधुरतां गते
+कारानावं समुल्लङ्घ्य चलितं तं स्मरन् मुहुः
+मुहम्मदतिमिं सूहधीवरश् शुचम् आसदत्
+मन्त्रिणा सूहभट्टेन पालितैर् लालितैर् जनैः
+ज्ञातो ऽदर्शनमात्रेण स्वर्यातश् श्रीसेकन्दरः
+श्रीसेकन्दरशाहिर् यं शोभादेव्यास् स्वम् आत्मजम्
+उत्पिञ्जानाम् अभावार्थं स्वदेशान् निरवासयत्
+उदीचीपतिना राजपुत्रत्वाद् अभिनन्दितम्
+कश्मीरान् आययौ जेतुं तम् आदायाथ मह्मदः
+तुरुष्ककटकैस् सार्धं श्रुत्वा पिरुजम् आगतम्
+व्यसृजत् तन्निरोधाय सूहश् श्रीलद्दगौरकौ
+मन्त्रैश् श्रीलद्दराजस्य विक्रमैर् गौरकस्य च
+सा तुरुष्कचमूश् शान्ता व्याधिर् दानजपैर् इव
+वीतभीतिस् ततो मन्त्री कम्पनाधिपतिं व्यधात्
+लद्दराजं गौरभट्टं क्रमराज्येश्वरं च सः
+सन्ध्याक्षण इवोदग्रे सूहे रञ्जितभूभृति
+नाभूताम् उदितौ राजयुवराजौ रवीन्दुवत्
+श्येनो हन्ति पतत्रिणो मृगपतिर् निष्पातयिष्णुर् मृगान् भिद्यन्ते मणयो ऽपि वज्रमणिना खाता खनित्रैर् मही
+पुष्पाणीव च भास्वता ग्रहगणास् सूर्येण निर्धूनिताः प्रायेणात्र विलोक्यते परिभवत्रासस् सजातीयतः
+द्विजातिपीडने ऽनेन प्रेरितो ऽपि मुहुर् मुहुः
+श्रीसेकन्दरभूपालह्॒ करुणाकोमलाशयः
+यवनाब्धिमहावेलां याम् अकार्षीत् कथञ्चन
+उल्लङ्घिता द्विजातीनां तेन दण्डस्थितिस् ततः
+दर्शनान्तरविद्वेषी प्रदोषस् तमसां निधिः
+यागयात्रादि नागानां दुर्वृत्तस् स न्यवारयत्
+शङ्कमानह्॒ कृतातङ्कसङ्कोचानां द्विजन्मनाम्
+विदेशगमनाज् जातिरक्षाम् अक्षाममत्सरः
+"""मोक्षाक्षरं विना मार्गो दातव्यो नैव कस्यचित्"""
+इत्य् आदिशद् अशेषान् स मार्गरक्षाधिकारिणः
+ततो मीनान् इव व्याधो दत्तबन्धे सरिज्जले
+द्विजातीन् अतिदुर्जातो देशे ऽस्मिन् न्यग्रहीत्तराम्
+तद्भयानलसन्तापं पापं च बहवो द्विजाः
+अग्निज्वालाप्रवेशेन सहसैव न्यवारयन्
+केचिद् विषेण पाशेन परे तोयेन चापरे
+भृगुणा वह्निना चान्ये विप्रा भीत्या विपेदिरे
+राजद्रोहसहस्रेण रक्षितुं राजवल्लभाः
+न त्व् एकम् अशकन् विप्रम् एतस्मिन् द्वेषदूषिते
+दुर्वह��्वेन निन्दन् स राज्यभारम् अलं खलः
+अश्लाघत द्विजाक्रन्दश्रवणानन्दलाभतः
+गृहाद् धूम्येव विप्राणां पङ्क्तिर् जात्यभिमानिनी
+रुद्धद्वारात् ततो देशाद् अपमार्गैर् अपासरत्
+त्यक्त्वापि पितरं पुत्रस् तं पिता चागमद् द्विजः
+सूहान्तके कृताक्षेपे विदेशं परलोकवत्
+क्ष्मा रूक्षा क्षामम् अशनं व्यायामो वेदनामयः
+जीवन्नरकतां तेषां विदेशो ऽगाद् द्विजन्मनाम्
+धाटीफणीन्द्रभीतीव्रतापस्वल्पाशनातुरैः
+मार्गे ऽनेकैर् द्विजैर् मृत्युलाभात् सुखम् अमन्यत
+क्व च स्नानं क्व च ध्यानं तपह्॒ क्व च जपह्॒ क्व च
+भिक्षार्थम् अटतां ग्रामान् अगात् कालो द्विजन्मनाम्
+द्विजानाम् उपकारो ऽभूद् अपकारमुखाद् अहो
+यत् तन्निर्वासितास् सर्वे पापं तीर्थेष्व् अनाशयन्
+विदेशम् अगताश् शुष्यत्कलत्रत्राणचिन्तया
+म्लेच्छवेषा द्विजाह्॒ केचित् कश्मीरेष्व् एव चाभ्रमन्
+विच्छेत्तुम् इच्छता विद्यां तेनापहतवृत्तिभिः
+लडितं प्रतिवेश्माग्रं पिण्डीलोभाद् द्विजैश् श्ववत्
+तुरुष्कदर्शने भक्त्या न तु द्वेषेण स द्विजान्
+व्यप्लावयद् अतश् चास्मिन् हत्या न प्रजगल्भिरे
+इत्य् आख्यच् च स एवैषां स तस्य परिहारदः
+द्वेषद्योतनशक्तानां कार्याणाम् एव दर्शनात्
+रत्नाकरं यम् आश्रित्य ब्राह्मणा जगतीभृतः
+पक्षरक्षां व्यधुस् सो ऽभूत् क्षुद्रभट्टो ऽस्य वल्लभः
+मलानोर्दीननामानं यवनानां परं गुरुम्
+"वैदग्ध्याच् छङ्कमानस् ""स द्रोही""ति तम् अबन्धयत्"
+यतः प्रभृति स प्रापद् राज्यम् अच्छत्त्रचामरम्
+ततः प्रभृति रोगार्तिर् इव दर्शनदूषणा
+स्वप्ने ऽपि नात्यजत् सूहभट्टं घट्टितवैरिणम्
+भोगस् सद्वासना चातिशुद्धानां तपसां फलम्
+तस्यैव फलपूर्णानाम् ऋतूनाम् इव मन्त्रिणाम्
+मानस्य हानिसम्पत्ती भास्वतो ऽधीनतां गते
+एकस्मिञ् शाहिखाने स दृष्ट्वा मन्त्रपराक्रमौ
+अत्यन्तचिन्ताचकितो निद्रां नापत् कदाचन
+पश्यन्न् एवाविलं सूहसर्पं सविषया दृशा
+शाहिखानप्रदीपो ऽभूत् तमस् संहर्तुम् अक्षमः
+द्विजातिपीडया शास्त्रनिन्दया द्रोहचिन्तया
+चिकित्सया च तस्याब्दैर् यातं त्रिचतुरैस् तथा
+[प्स्-ज्र्त् १०७]
+दायवान् इव दोषो ऽस्य हेतुमात्रपरीक्षया
+संवृतौजा व्यलम्बिष्ट शाहिखानस्य बाधने
+वलीमुखमनोज्ञस् स प्रजाभाग्यबलोदयात् अनैषीद् भग्नतां शाहिखानचिन्तामणिं न च
+प्रजापुण्योद���ेनैव प्रेरितो दुष्कृतोत्थितः
+क्षयामयो दुश्चिकित्स्यो द्विजराजम् अशोषयत्
+अनालोक्यैवेन्दोर् उदयम् अगमिष्यद् यदि शमं समन्तान् नादित्योपलदहनराशिव्यतिकरः
+किम् अद्रक्ष्यन् नायं तदुदयवशस्रावितुहिनद्युतिग्रावाम्भोभिह्॒ कृतधरणितापोपशमनम्
+वर्षांस् त्रिचतुरान् अन्याञ् जीवेच् चेत् स न किं ततः
+शाहिखानोदये पश्येद् इहैव स्वांहसां फलम्
+जीवत्य् एव ततस् सूहभट्टे भीत्या पलायितम्
+विश्राम्य लद्दराजं द्राग् हंसगौरौ बबन्धतुः
+श्रीधेनौ रागिणौ तौ द्वौ मदोदग्रौ वृषाव् इव
+अन्योऽन्यशृङ्गभङ्गार्थं प्रावर्तेते द्विजे मृते
+काराया मोचिते लद्दराजे हंसेन संयति
+प्राणांस् त्यक्त्वा गौरभट्टस् सुरस्त्रीणां मुदं व्यधात्
+त्यक्त्वा गत्यन्तराभावात् करिकर्णविलोलताम्
+पुंश्चल्येव पतिर् वृद्धो भेजे हंसस् तदा श्रिया
+बालो ऽपि शाहिखानो ऽस्य नोत्सेकं सोढवान् पुनः
+शशीव तिमिरस्फारं न हि तेजो वयोऽनुगम्
+ठक्कुरैस् सह सम्मन्त्र्य युवराजो ऽथ मन्त्रवित्
+लद्दराजं विनिघ्नन्तं हंसभट्टं रणे ऽवधीत्
+शाहिखानं प्रजारागो निम्नं पय इवागमत्
+अमन्दचूतसम्पत्तौ कुन्दं निन्दति षट्पदः
+युवराजं जयोदग्रं परिरब्धुं समुत्सुका
+राज्यश्रीस् समयालाभाच् चिन्ताकुलम् अवर्तत
+स्नेहाद् विदग्धभावाच् च प्रजारागभराद् अपि
+अधिकारभरं राजा युवराजे समर्पिपत्
+मेरकंसारसञ्ज्ञस्य तुरुष्कस्याथ दुर्मतेः
+द्विपस्येव मदान्धस्य द्विष्टो ऽभूत् तद्गुणाङ्कुशः
+सुचिरं मलिनै राज्ञो मानसं वारिदैर् इव
+पैशुन्यवर्षिभिर् नेतुं मालिन्यं न स्म शक्यते
+भक्ते दक्षे ऽनुजे स्निग्धो भूभृद् आश्रितवत्सलः
+अतिप्रेरणया तेषां राज्ये ऽप्य् उद्विग्नताम् अगात्
+युवराजं सेवकांश् च रक्षितुं स्वान् महीपतिः
+तीर्थानुसरणाकाङ्क्षी तम् इत्य् एवम् अवोचत
+"""अनर्थितर्पणं वित्तं चित्तम् अध्यानदर्पणम्"
+अतीर्थसर्पणं देहं पर्यन्ते शोच्यतां व्रजेत्
+दिग्गजेष्व् इव युष्मासु भूभारं न्यस्तवान् अहम्
+"पुरुषोत्तमसेवायै यते शेष इवापरः"""
+शाहिखानार्णवः प्रेममन्दरान्दोलितस् ततः
+वाणीं सुधाकरकलाम् ईश्वराय नवाम् अदात्
+"""अस्तु सन्देहसन्दोहाद् दूरे तीर्थकदर्थना"
+द्वारं यशस्सुकृतयोः प्रजापालनम् अस्तु वः
+चिरस्य पालितां पित्र्यां हित्वा निश्शरणां महीम्
+नैर्घृण्येनैव शूरस् त्वम् अशक्त्यैवाङ्क्यसे ऽखिलैः
+देवस्य यदि तीर्थार्थम् उत्कण्ठा वर्ततेतराम्
+"आराधकानाम् अस्माकं किम् अन्यत् कार्यम् उच्यताम्"""
+व्यक्तम् इत्य् उक्तवत्य् एव युवराजे नरेश्वरः
+ईषत्स्मितरुचा चारुं पुनर् वाचम् अवोचत
+"""प्रजानुपालनात् पुण्यं केवलात् कियद् अर्ज्यते"
+रसायनानाम् अग्र्यं यद् अनेकरसचर्वणम्
+देहात् पृथङ् निवसतो मद्भुजस्येव ते वत
+दृष्ट्वा पराक्रमं शङ्का मदशक्तौ कथं भवेत्
+एतावद् अपि वाक्यं मे यदि नैवानुतिष्ठसि
+"त्वयि सङ्कल्पिताश् शेषास् तद् आशास् सन्तु दूरतः"""
+निर्बन्धेनेति जल्पन् स तीर्थार्थं धरणीपतिः
+युवराजं हठाद् राज्यभारम् अग्राहयच् चिरात्
+२३अ) सुल्टान् ज़य्न् अल्-‘आबिदीन् (ल्स् ४४९४-४४९५)
+"""श्रीजैनोल्लाभदीनाख्यस् सुरत्राणो भवन् भवान्"
+"चिरं राज्यं क्रियाद्"" एवं राजास्याशिषम् अभ्यधात्"
+तीर्थदर्शनलोभेन स्वदेशान् निरगान् नृपः
+न पुनर् युवराजस्य चित्तात् प्रेमार्गलाञ्चितात्
+कोशसाराणि रत्नानि वाजिरत्नानि चार्पयन्
+भ्रातरं वसतीर् द्वित्रास् सो ऽन्वगात् प्रेमगौरवात्
+मार्गे क्लेशं प्रयत्नेन सिद्धिं तीर्थफलाल्पताम्
+उक्त्वा मार्गे खला राज्ञस् तीर्थश्रद्धाम् अखण्डयन्
+स्वजामातुस् तिरस्कारं मन्यमानेन मानिना
+मद्रेन्द्रेणाथ भूपालो हठात् तीर्थान् निवर्तितः
+प्राप्तायां शरदि श्रेष्ठदशायाम् इव भूपतिम्
+मद्रराजस् तम् आदाय कश्मीरान् प्रत्यगात् ततः
+भ्रातुर् आगमनात् तुष्ट्या मद्रासारग्रहाद् रुषा
+नवराजः प्रसादे च कालुष्ये च निमग्नवान्
+[प्स्-ज्र्त् १०९]
+देवस्योपद्रवं कार्षीन् मा मद्रेन्द्रचमूर् इति
+इयेष ठक्कुरं राजा तं निरोद्धुं विसृष्टवान्
+युद्धं विनानिवर्तिन्यां सेनायां मद्रभूपतेः आज्ञां विनाक्षमो योद्धुं व्यावर्तत स ठक्कुरः
+क्षुद्रेष्व् अथ स मद्रेषु युवराजो महामतिः
+भ्रातुस् स्नेहाद् रुषं त्यक्त्वा राज्यत्यागं स्वयं व्यधात्
+२२ब्) ‛अली šआह् (ल्स् ४४९५-४४९६)
+तन् न्यस्तं दिवसावसानसमये सूर्यस्य तेजो निजं प्रत्यूषे प्रतिपादयन्न् अतिशयश्लाघ्यस्वतेजा भवन्
+वह्निर् यज्वकुलैस् ततो ऽपि दिवसे श्रद्धानुबन्धाकुलैस् तेजोवृद्धिमुषा नवेन हविषा यज्ञेषु सन्तर्प्यते
+ठक्कुरैर् अन्वितो राजा पवनह्॒ कुसुमैर् इव
+कश्मीरेभ्यो गतस् सर्वैर् देशाधीशैर् नतस् ततः
+सुखं तावद् अगाहिष्ट वीतन���्रां नदीम् इव
+ठक्कुरैर् उज्झितां मद्रचमूह्॒ कश्मीरमेदिनीम्
+अथ विस्तीर्णम् आक्रान्तम् आलिशाहेन भूभुजा
+पित्र्यं सिंहासनं तेन न तु सज्जनमानसम्
+उद्यच्छेत कथं जडद्युतिर् अहो दूरोल्लसल्लाञ्छनो गच्छेद् दीप्तकरो न चेद् दिनकरो लोकान्तरं स्वेच्छया
+वीरेणात्यवहेलया विरचितो ऽपक्षो जडह्॒ कातरः सम्भाव्य स्वपराक्रमेण विजयं विश्वं तृणं मन्यते
+शाखाभङ्गेन सच्छायम् उद्यानं प्लवगा इव
+मण्डलं क्षोभयाम् आसुस् तुरुष्का राजसेवकाः
+कातरान् नाम भूपालाद् अनिष्पन्ननियन्त्रणः
+यवनो मेरकंसारो व्यधान् मण्डलविप्लवम्
+अकार्षीन् मलिनो भृङ्गस् सङ्कुचन्तीर् इवाब्जिनीः
+पौरनारीर् अनार्यस् स हठसम्भोगदूषिताः
+महाकरैर् मदेनान्धैः पङ्कसङ्कुलतां भजत्
+अक्षोभि मण्डलं स्वच्छैस् सरो मरुगजैर् इव
+मन्त्रिमन्त्रैर् अवार्याणां दिवसे ऽप्य् अनिवर्तिनाम्
+रक्षसाम् एव कश्मीरास् तदा हस्तवशं गताः
+अराजकं वरं राज्यं न स्वामी तादृशः पुनः
+अभूषणौ वरं कर्णौ न पुनर् लोहकुण्डलम्
+[प्स्-ज्र्त् ११०] हिमाद् अग्निस् तमस् सूर्याच् छिला व्योम्नस् तदापतत् यत् पालको ऽपि भूपालस् सर्वलोकक्षयो ऽभवत्
+सद्म तुङ्गं वरो वाजी स्वच्छं वासो मणिर् महान्
+स्वीकृतं यवनैस् तत् तद् यद् यच् छोभावहं प्रभोः
+अकार्षीत् पञ्चषान् मासान् राज्यं स जडनायकः
+प्रजापापविपाकेन न पुनस् स्वेन कर्मणा
+मालिन्यं सुमनःप्रथाः प्रथयते दैन्यं निधत्ते दृशः सूर्यालोकतिरस्कृतं च कुरुते संहारम् आशा नयन्
+उन्निद्रह्॒ कम् उपद्रवं न तरसा कुर्वीत धूमोद्गमो नोद्द्योतेततरां शिखी यदि महाज्वालाकलापाकुलः
+श्रीसेकन्दरदत्तस्य राज्यस्य ऋणम् आत्मनः
+निवारयितुकामेन स्वलक्ष्मीफलकाङ्क्षिणा
+मद्रेन्द्रद्वेषपूर्णेन खुह्॒खुरस्वामिना ततः
+नवराजो ऽर्थितो दूतैर् निजदेशागमं प्रति
+नक्रो न चेज् जलनिधेर् बहिर् अभ्युपेयात् काकस् त्यजेन् न वरपादपम् उन्नतं चेत्
+आखुर् न चेद् गहनगर्तगुहां विमुञ्चेद् धन्तव्यतां कथम् अवाप्नुयुर् एव तत् ते
+"""आश्रयो युवराजस्य मद्द्विषो दीयते ऽमुना"""
+जस्रथं प्रति भूपालह्॒ क्रोधाद् इत्य् अभ्यषेणयत्
+म्लेच्छच्छादितमाहात्म्यैर् उद्विग्नैस् सचिवैर् निजैः
+अनिषिद्धोद्यममतिर् दूतैर् उभयवेतनैः
+युक्त्योपोद्वलितश्रद्धस् तथा द्वैराज्यजीविभिः
+नवराजोदयं लेखमुखेन प���रापयिष्णुभिः
+प्रसादलोभाद् यवनैर् अतिमात्रकृतस्तुतिः
+नवराजजयोद्रेकश्रवणभ्रष्टसाहसैः
+स्वसैन्यैर् दैन्यचकितैर् निन्द्यमानोद्यमो नृपः
+मल्लेकं जस्रथं जेतुं प्रस्थानम् अकरोत् ततः
+अभ्यमित्रीणतां तस्य कश्मीरेन्द्रस्य गच्छतः
+आसीन् मित्रस्य साम्मुख्यं न मित्राणां महीभुजाम्
+[प्स्-ज्र्त् १११]
+स्वस्यात्यौन्नत्यम् आलक्ष्य शङ्कमानो ऽथ पातकम्
+खुज्याकादस् समं मन्त्रम् अमन्त्रयत मन्त्रिभिः
+"""मन्त्रविक्रममुख्यानि लक्षणानि क्व भूभुजाम्"
+अयं बालिशभावस्य भाजनं क्व जनाधिपः
+अस्माभिर् निहिताश् चास्मिन्न् उपदेशा हिता अपि
+प्रतीपं यान्ति शशिनः पङ्कजे किरणा इव
+प्राग् एव युवराजो ऽभूद् अजय्यो ऽसह्यसाहसः
+विशेषेणाद्य मद्रेशद्वेषाज् जस्रथमानितः
+राज्याश्रयेषु नास्मासु विश्वासी नूतनो नृपः
+हारलुब्धस्य दाम्नस् तु हारो न मणिभृत्फणी
+तस्माद् अस्माभिर् एते न युवराजो विजीयते
+योग्याः प्राहुणकेनैव गृहे घ्नन्ति भुजङ्गमम्
+जीयमाने नरेन्द्रे न युवराजे निरङ्कुशाः
+"आयान्तु मण्डलं सर्वे साधयामश् चिकीर्षितम्"""
+इति सम्मन्त्र्य मन्त्री स युवराजाभियोजने सोद्यमस्य नरेन्द्रस्य हेतुकर्तृदशाम् अगात्
+यत्र यत्रागमन् म्लेच्छकटकस् स मदोत्कटः
+तत्र तत्र रजोव्याजात् तमो मूर्तम् अदृश्यत
+पालनीयेषु देशेषु राजपुर्यादिषूद्धतः
+परदेशेष्व् इवाकार्षीत् स लुण्ठनपराभवम्
+प्राप्ते ऽथ मुद्गरव्यालनाम स्थानं महीपतौ
+सन्देशम् इत्य् अमन्दौजाः प्राहिणोन् मद्रभूपतिः
+"""पत्तिलोकस् ससम्पत्तिर् वाजिनो वेगराजिनः"
+भटा रणोद्भटास् सन्ति कटके तव यद्य् अपि
+तथापि च्छलबन्धेषु प्रसिद्धेषु महीतले
+यूयं खुह्॒खुरयुद्धेषु नैव नाम प्रगल्भथ
+वयम् एव तु जानीमह्॒ खुह्॒खुराणां रणच्छलम्
+अहिर् एव भुजङ्गस्य पदं जानाति नेतरः
+अतो यावद् वयं प्राप्तास् त्वत्सेवाविधिसिद्धये
+"भवद्भिस् तावद् अत्रैव स्थातव्यं पर्वतोपरि"""
+मद्रेशस्य स सन्देशो मन्दैर् यवनपुङ्गवैः
+स्वयशोलब्धये ज्ञातो मदसम्मूढदृष्टिभिः
+राज्ञि मूढे ऽवरूढे ऽथ मानाद् इव महीधरात्
+ध्वजैर् वायुचलैर् यातं खुह्॒खुरेशबलाद् भिया
+धावदश्वबलक्षोदात् तनीयसि महीतले
+हर्षभीरससम्भेदे मज्जति स्म फणीश्वरः
+अश्वक्षुण्णे ऽस्रसंसिक्ते भूतले ऽसिकुशाञ्चिते
+वीराः प्राणान् प्रतापाग्नौ तत्राजुहुवु���् आहवे
+आलिशाहस् ततो राजा सिन्धौ प्रवहणं यथा
+अभाग्यदुर्मरुद्वेगाद् अभज्यत रणार्णवे
+२३ब्) सुल्टान् ज़य्न् अल्-‘आबिदीन् (ल्स् ४४९६-४५४६)
+विश्वान्धङ्करणान्धकारनिकरग्रस्तस्य सूर्योदयं हेमन्ते हिममारुतैर् हतधृतेः पुष्पाकराभ्यागमम्
+दुष्टक्ष्मापतितर्जितस्य जगतो निर्दोषलेशं प्रभुं लोकेशो जनयन् व्यनक्ति नितरां कारुण्यम् अत्युज्ज्वलम्
+श्रीजैनोल्लाभदीनो ऽथ कश्मीरान् अपकल्मषः
+अनुकूलो विधातेव प्राविशद् विजयोर्जितः
+सतां स्तुत्या दिशां भेर्या मुखानि ध्वनयन्न् अयम्
+पौराणां प्राङ् मनः पश्चाद् राजधानीं नृपो ऽविशत्
+धीनैर्मल्यं जनस्याहो जातं राज्ञो ऽभिषेकतः
+प्रतापो वैरिणां शान्तस् तस्मिंश् छत्राणि बिभ्रति
+तन्नीतिः पूर्वराजेषु कुण्ठोत्कण्ठाः प्रजा व्यधात्
+गुणातिशायनी या च शर्करेक्षुरसेष्व् इव
+पूर्वराजव्यवस्थास् स विनष्टा नवयन्न् अभूत्
+शिशिरोपहता वल्लीर् वसन्त इव भूपतिः
+परस्पराधिकं शत्रूञ् जयद्भिर् दुर्जयान् अपि
+शस्त्रैर् मन्त्रा जितास् तस्य मन्त्रैश् शस्त्राणि च प्रभोः
+कान्त्याङ्गं वदनं वाचा श्रियोरह्॒ क्षमया मनः
+श्रितं पश्यन्त्य् अगाद् दूरं कीर्तिर् ईर्ष्यावशाद् इव
+राज्ञह्॒ कलिदशामध्ये धर्म्या साम्राज्यपद्धतिः
+अन्तर्दशेव शुशुभे शुभा कृतयुगस्य सा
+भोगे सखा नये मन्त्री विवेक्ता शास्त्रनिर्णये
+श्रीमुहम्मदखानो ऽभूत् कश्मीरेन्द्रस्य सोदरः
+किम् अन्यद् राज्यम् एवासीच् छत्त्रचामरवर्जितम्
+श्रीमुहम्मदखानस्य कश्मीरेन्द्रप्रभावतः
+वसन्त इव कामस्य वयस्यो भूपतेर् अभूत्
+खुह्॒कराधिपतिस् तस्य भृत्येष्व् अभ्यधिकप्रियः
+दुर्व्यवस्थां निवार्यायं देशे ऽस्मिन् म्लेच्छनाशिते
+इति राज्यपरिप्राप्तिफलं यावद् अचिन्तयत्
+तावद् द्रोहोचितं कर्म द्रोग्धारो राजवल्लभैः
+अपृष्ट्वैव महीपालं नीता वीतभयैस् स्फुटम्
+यशो दिशि श्रियं साधौ सुखं लोकेषु रोपयन्
+व्यधात् प्रक्रमभङ्गं तं यच् छत्रून् उदमूलयत्
+एकान्ता तिग्मता भानोर् म्रदिमा शशिनः पुनः
+स द्वौ जेतुम् इवापुष्यत् तत्संसर्गमयीं श्रियम्
+असङ्ख्यान् अत्र सङ्क्षिप्ते तद्गुणान् वर्णयामि किम्
+सृगालानां गुहामध्ये कथं हस्तिपतिर् वसेत्
+तस्माच् छैलेन्द्रवच् चित्रे मकुरे सूर्यबिम्बवत्
+न्यस्यामि तद्गुणाख्यानम् अत्र चित्ते त्रिलोकवत्
+शीतोष्णयोर् इवोर्जादौ विषुवे ऽहर्निशोर् इव
+तस्य मानो ऽभवत् तुल्यस् स्वे परे वापि दर्शने
+राजा वणिग् इवात्यर्थं तुलायाः पुटयोर् इव
+साम्यभङ्गं दर्शनयोर् नाक्षमिष्ट कथञ्चन
+शान्ते सिद्धाश्रमे सिंहैर् मृगा इव न पीडिताः
+तुरुष्कैः पुष्कलभयैर् ब्राह्मणाः पूर्ववत् तदा
+दोषाकरेण सूहेन येषां सङ्कोचिता स्थितिः
+व्यकासयत् ततो भास्वान् गुणिनस् तान् महीपतिः
+रन्ध्रैर् अधोगतिं प्राप्ता कुल्येवोद्धृत्य भूभृता
+विद्या प्रवाहिता तेन गुणिना गुणरागिणा
+दोषच्छेदकरो राजा क्रमाद् भिषग् इवानलम्
+कश्मीरेषु सदाचारम् अपीपलद् उपक्रमैः
+अहङ्कारागदङ्कारो राजा प्रकृतिवृद्धये
+दर्शनानां स धातूनाम् इवोल्बणम् अशीशमत्
+कालधर्मेण बलिना मात्स्यन्यायप्रवर्तनम्
+अष्टलोकेशतेजोऽंशधारणस्यास्य लक्षणम्
+स सूहभट्टसंस्पर्शदुष्टायाश् शुद्धये भुवः
+प्रतापाग्निं ध्रुवं दीप्तमहाकाशम् अजिज्वलत्
+राज्ञस् सञ्चिन्वतो मन्त्रप्रपञ्चं पञ्चधा स्थितम्
+जिगीषयेव तस्यारिवर्गः पञ्चत्वम् आश्रयत्
+अनित्यबाह्यविद्वेषिनिर्जयस्तुतिसंस्तवः
+नित्यान्तस्स्थारिसंहर्तुस् तस्य प्रत्युत गर्हणा
+शक्तो ऽपि काश्यपीशक्रश् शक्यान् एवाभ्यषेणयत्
+व्योम्नि यात्रां करोत्य् अर्कस् सतारे न तु सोडुपे
+नाजिगीषत् स तेजस्वी शत्रून् विभवतृष्णया
+हरिर् मांसादिलोभेन हिनस्ति न हि हस्तिनः
+शैलेषु तद्द्विषो भानुप्रतापाधिदवश्रमैः
+प्रायश्चित्तीयितुं पञ्चतपस्त्वं ध्रुवम् आश्रयन्
+प्रावर्तिष्ट महीष्ठो ऽपि नोत्पथेन स जातुचित्
+राकेन्दुर् न निशारम्भं विना जात्व् अप्य् उदेति यत्
+"""गर्वं प्रवृद्धा वास्तव्या हीना मैव क्षयं गमन्"""
+इति नीतिविदा राज्ञा तेभ्यो बलिर् अगृह्यत
+वैरिकीर्तिर् जुहोतु स्वं विक्रमस्य वियोगतः
+वताग्निसदृशे राज्ञः प्रतापे सहितं श्रिया
+ढिल्लीशपीडितं जातु जस्रथं शरणागतम्
+द्रोणीगुहासु सो ऽरक्षत् तमो ऽद्रिर् इव भास्करात्
+तस्मिञ् शासितरि क्षोणीं विनेतरि दुरात्मनाम्
+जयापीडपुरस्थस्य भूमिदेवस्य कस्यचित्
+शष्पग्रासाभिलाषाद् वा विधातुर् वा नियोगतः
+उदाचिताप्य् अगाद् धेनुर् मूर्तेवाशा स्वधाभुजाम्
+गतो मडवराज्यं स तीर्थस्नानाय जातुचित्
+स्वां परिज्ञातसङ्केतां गां परिज्ञातवान् द्विजः
+सनिश्चयो गृहं यान्तीं सायं ताम् अनुगम्य गाम्
+विवादम् अकरोद् वेश्मस्वामिना सह तत्र सः
+तौ लोभनिश्चयग्रस्ताव् अशान्तकलहाव् उभौ
+महीपालसभास्थाने विवादं कर्तुम् उद्यतौ
+तयोर् अशक्तयोर् जेतुम् उपपत्तिं परस्परम्
+शृङ्गाटानि परीक्षार्थं गोर् अग्रे व्यकिरन् नृपः
+सा बाल्ये ग्रसनाभ्यासाच् छीघ्रम् आघ्राय सस्पृहा
+गौर् अभुङ्क्त फलानीव न तु तत्सन्ततिश् चिरम्
+सभायां राजनैपुण्यं स्तुवत्यां कृतनिश्चयात्
+दण्ड्येनाजिग्रहद् दण्डं भाण्डं राजा द्विजन्मना
+तस्य दाक्षिण्यदक्षस्य प्रजानां हितहेतुना
+पुत्रे मन्त्रिणि मित्रे वा दुष्टे नालक्ष्यत क्षमा
+अपराधं विना जायां क्षीबो निघ्नन् प्रियो ऽपि सन्
+मेरेशायो ऽपि यवनो वधं भूपेन लम्भितः
+शत्रुपक्षे निकारं स क्षिपन् क्षितिपुरन्दरः
+अकरोद् आदरं नित्यं योगिनां नययोगिनाम्
+पराक्रमश् च नीतिश् च तस्य तेषां च भूभुजाम्
+करुणा च विवेकश् च यस्मिन् राजनि राजति
+कामो वियोगिवर्गस्य करोत्य् अपचितिं सदा
+निर्विकारस् स्मरो योगिवर्गस्यापचितिं व्यधात्
+सौम्या भीमा गुणा यस्मिन्न् अवसन् नवसङ्गमम्
+क्वान्यत्र सागराद् दृष्टा विषामृतजलानलाः
+चिरं स्थेयैर् उपात्तो ऽर्थिप्रत्यर्थिभ्यां धनग्रहः
+तेन धर्मप्रवृत्तेन सद्वृत्तेन निवारितः
+केनापि हेतुना पूर्वं लौलराजद्विजन्मना
+भूप्रस्थदशकात् प्रस्थो विक्रीतो लेख्यपूर्वकम्
+बालानां नोनराजादिपुत्राणां तम् उदीर्य सः
+विक्रयाब्दे ब्रह्मभूयं लौलराजो ऽगमत् ततः
+नोनराजाद्यसामर्थ्यात् प्रस्थग्राहैर् अभुज्यत
+अविक्रीतम् अपि प्रस्थनवकं बलिभिस् ततः
+एवं कृते दशप्रस्थभोगे तैर् बलिभिश् चिरम् नगभोगाय कपटं कृतं विक्रयपत्त्रके
+[प्स्-ज्र्त् ११२]
+व्यञ्जनाग्रस्थितैकाररूपज्ञानाय लेखकाः
+रेखां पूर्वे व्यञ्जनानां पश्चाद्भागे किलालिखन्
+कालान्तरे लिपेर् भेदाद् उपर्य् अद्यतनाः पुनः
+व्यञ्जनानां लिखन्त्य् एव रेखाम् एकारबोधिकाम्
+भूप्रस्थम् एकं विक्रीतम् इति विक्रयपत्त्रके
+ते मकारस्थितैकारबोधिरेखापदे ततः
+भूप्रस्थग्राहिणो धूर्ता दकारं समलेखयन्
+मकारं ते शकारं च कारयाम् आसुर् अञ्जसा
+भूप्रस्थम् एकं विक्रीतम् इति विक्रयपत्त्रके ज्र्त्_ब्.१०३३अब्
+विक्रीतं प्रस्थदशकम् इति वर्णान् अलेखयन्
+तस्मिन् राज्ञि विचारज्ञे नोनराजस्य नन्दनः
+बलाद् धृतां भुवं राजसभायाम् अहम् आक्षिपम्
+प्रत्यर��थिभिर् अथानीतं भूर्जं राजाज्ञया नृपः
+युक्तिज्ञस् सलिलस्यान्तर् वाचयित्वाक्षिपत् ततः
+नष्टेषु नववर्णेषु पुराणेषु स्थिरेष्व् अथ
+भूप्रस्थम् एकं विक्रीतम् इति सभ्यान् अवाचयत्
+राजा कीर्तिम् अहं भूमिं कूटकृद् दण्डम् अद्भुतम्
+प्रजास् सुखं खला भीतिं प्राप्तवन्तस् समं ततः
+इन्दो राहुभयं कदापि कुरुते कालह्॒ कलाः पूरयन् सिञ्चन् सञ्चिनुते तडिन्निपतनक्षोभं तरोर् वारिदः
+वेधास् सत्पुरुषस्य सर्वजगताम् आह्लादनायोद्यमं कुर्वन्न् आमयदर्शनेन कुरुते भीतिप्रकर्षं क्षणम्
+अबाधिष्टतरां कष्टो विषस्फोटह्॒ कदाचन
+प्रकोष्ठं भूमिपालस्य प्रजानां हृदयं च सः
+माघमासीव पुष्पाणां म्लेच्छप्रालेयबाधया
+न लाभो विषवैद्याणां देशे ऽस्मिन्न् अभवत् तदा
+यज्वा गारुडशास्त्रज्ञश् शिवभट्टो नृपानुगैः
+अत्रान्विष्यद्भिर् आप्तो ऽथ कूपो ऽध्वन्यैर् मराव् इव
+चिकित्सायां विदग्धस् स म्लेच्छभीत्या व्यलम्बत
+स्फुलिङ्गदग्धः पुरुषस् स्पृशत्य् अपि मणिं चिरात्
+स्वयं दत्ताभयो राज्ञा प्राप्तस् तम् उदमूलयत्
+शिवभट्टो विषस्फोटं करीव विषपादपम्
+तस्य कीर्तिस् सुखं राज्ञः प्रजानां हर्षसन्ततिः
+प्रारोहंस् त्रीणि विस्फोटे तत्रैकस्मिन् विपाटिते
+तुष्टेन भूभुजा दत्तां यथेष्टम् अपि सम्पदम्
+नैक्षिष्ट शिवभट्तस् स यतात्मेव वराङ्गनाम्
+[प्स्-ज्र्त् ११३]
+उद्दाहपातकवशाद् इव निर्घृणस् सन् दग्ध्वा तृणं तृणकृशानुर् उपैति शान्तिम्
+जाताम्बुवाहकरुणाप्रणयात् तृणस्य कान्तिः पुनश् शतगुणा मसृणाभिरामा
+क्ष्मां सन्तापयता गाढम् आषाढेनेव वारिदाः
+सूहभट्टेन संशुष्य पराभूता ययुर् दिशः
+वर्षा मरुद् इव क्ष्मापस् तद्विद्याप्रत्ययोत्सुकः
+आनाययत् स तान् सर्वान् पण्डितान् निजमण्डलम्
+मुक्ताहारोपमे देशे विद्वद्रत्नानि नायकः
+कान्त्या वा सुधिया तत्र यथायोगं न्यवीविशत्
+राजा संरोपितान् अर्घवृत्तिदानेन पण्डितान्
+आप्याययज् जलेनेव मालाकारो महीरुहान्
+नाशितं सूहभट्टेन यद् यत् कश्मीरमण्डले
+योजितं शिर्यभट्टेन राजप्रार्थनयाथ तत्
+प्रवर्त्य यागयात्रादि नागानां भट्टशिर्यकः
+तुरुष्कापहृतां भूमिं विदग्धेभ्यो न्यदापयत्
+उदये दापिते तेन हिन्दुकानाम् अखण्डिते
+शिर्यभट्टाय चुकुपुस् सर्वे यवनदानवाः
+महापद्मफणीन्द्राम्भस्संभेदे कुम्भकेन सः
+बद्धो ऽपि दृतिवत् स्थित्वा यवनेन्द्रान् व्यलक्षयत्
+तापो यस्याह्नि शैलाञ् ज्वलयति स रविस् सायम् अक्ष्णापि गम्यः स्वग्राव्णश् शुष्यतो ऽह्नि द्रवयति न शशी पूरकस् सायम् अब्धेः
+कारुण्याद् एव लोके निजमतिसकलं स्वेच्छया दर्शयित्वा तं तद्भाग्यावसानात् प्रथमम् अथ महांस् तूर्णम् अन्तर्दधाति
+कलौ पातकिनां पुंसां स्पर्शदर्शनविह्वला
+अवश्यं शारदा देवी तदान्तर्धानम् आश्रयत्
+मुखे स्वेदो भुजे कम्पः पादस्पर्शे विदाहिता
+जातु जात्व् अभवद् देव्या नो तदा हि तथा क्वचित्
+द्रोहार्जिताद् धनाद् भागं प्रसादेन नियुञ्जति
+कश्मीरलोके सा देवी नानुग्रहपरा ह्य् अभूत्
+दूर्वामात्रेण तुष्यन्ति विशुद्धेन हि देवताः
+प्राणैर् अपि न मालिन्यदूषितैर् जातुचित् पुनः
+कलिकाले तु देव्यास् स प्रभावो ऽपि शमं गतः
+जात्व् इत्य् अगान् नृपो देवीं द्रष्टुं तद्यात्रिकैस् सह
+नदीं मधुमतीं स्नानपानाभ्यां फलयन्न् अयम्
+शारदाक्षेत्रम् आसीदत् सीदत्परिषदाकुलम्
+देवीभक्ताभयोद्युक्तो व्यङ्क्तुं तच्छक्तिम् उद्यतः
+युक्तायुक्तविवेक्ता स तत्र राजा न्यविक्षत
+तत्रापि तेषां दौरात्म्यदर्शनाद् विस्मितो नृपः
+भक्तिह्रासम् अगाद् देव्यां यात्रिकेषु च कोपिताम्
+"""साक्षात् त्वद्दर्शनं देवि देवानाम् अपि दुर्लभम्"
+अस्माभिर् नार्थनीयं तत् कलिकालकलङ्कितैः
+अशक्तानां भवद्रूपं निष्कलं ध्यातुम् अर्चितुम्
+भक्तिभाजाम् अनुक्रोशाद् यत् तु रूपं त्वम् अग्रहीः
+तवास्यां प्रतिमायां चेद् व्यपेतो नैव सन्निधिः
+पवित्रयतराम् अद्य स्वप्ने तद् दर्शनेन माम्
+अस्माभिश् च ततस् सा त्वं यथाशक्ति निषेव्यसे
+मिथ्याभक्तदुरात्मत्वात् त्वं चेद् दूरम् इतो गता
+"किमर्थं प्रतिमा तर्हि गर्हिता हिन्दुवैरिभिः"""
+विज्ञप्येति स सप्तम्यां भाद्रे राजा जितेन्द्रियः
+अशेत शारदाक्षेत्रप्रासादस्थण्डिलोपरि
+दर्शितं न यदा स्वप्ने किञ्चित् सन्निधिसूचकम्
+राज्ञाष्टानवतौ वर्षे स्वां मूर्तिं देव्य् अचूर्णयत्
+नास्यादाद् दर्शनं देवी म्लेच्छसंसर्गतो ध्रुवम्
+स्वामी भृत्यापराधेन गर्हणीय इति स्थितिः
+देवीदर्शनविच्छेदि तस्य नासीद् धि किञ्चन
+दया सत्यं विवेकश् च तम् एवाश्रयते तदा
+व्यावृत्य यवनानां स वनानाम् इव वारिदः
+हर्षोत्कर्षवशो ऽकार्षीन् महत् कनकवर्षणम्
+यत्र दण्ड्या न दण्ड्यन्ते दुर्��लास् तस्करं विना
+भूपतेः प्राड्विवाकत्वं स प्रापद् भट्टशिर्यकः
+प्रतिजानंस् तदा कोशधनसंभवने ऽसति
+स्वगलच्छेदनं भट्टो मिथ्यावक्तुश् च विप्लवम्
+शाखाभङ्गसमुद्भूतशब्दव्याप्तचतुर्दिशाम्
+समुदीरयतां नूनम् अब्राह्मण्यं पदे पदे
+द्रुमाणां फलनम्राणां जनानां नमतां गुणैः छेदाद् रक्षाम् अकार्षीत् स जिष्णुर् इन्धनहेतुना
+– – – – – – – – त्रयदण्डं निवार्य सः
+द्विजानां जातिरक्षार्थं रौप्यमाषम् अकल्पयत्
+[प्स्-ज्र्त् ११५]
+मांसादिलोभान् निघ्नत्सु मण्डलेषु विषेण गाः
+गोमांसकुण्डीर् ग्राह्यादिवारणात् स न्यवारयत्
+पत्यौ मृते ऽन्यं गच्छन्त्या विहितं भर्तृगोत्रजैः
+स महामतिमाञ् शूद्र्या विप्लवं विन्यवारयत्
+न्यवारयत् स पुत्रीणाम् और्ध्वदैहिकविप्लवम्
+अपुत्रस्य विपन्नस्य लुब्धैस् तद्गोत्रजैह्॒ कृतम्
+शिशूनां शास्त्रपाठादि सूहभट्टेन नाशितम्
+वृत्तिदानेन विदुषां विद्यावान् आनयत् पुनः
+विधित्सुस् स्वम् अभिज्ञानं द्विजदेहे महीपतिः
+व्यधत्त तिलकव्याजाद् विभागं सत्यधर्मयोः
+ग्रामाणां प्रथमे वर्षे सङ्क्रान्तं कारकातुरैः
+पत्तलाघोषदेशेषु लोत्रदण्डं न्यवारयत्
+निवार्य शाकटतुलामानकूटं चिरस्थितम्
+अर्घव्यवस्था वस्तूनां प्रतिमास् समकारयत्
+बहिर्देशागतार्थानां देशकालाद्यपेक्षया
+व्यवस्थाप्यार्घम् उत्पिञ्जम् अच्छिनद् दिनमोषणम्
+विदग्धश् शिर्यभट्टो ऽपि नोत्कोचफलम् आदित
+अविनाशि पुनर् धर्मफलं वर्षोपकारतः
+देहस्थैवार्थिनां ज्ञानरसविज्ञानकाङ्क्षिणाम्
+तदेच्छासिद्धिर् अभवद् राज्ञः पुण्यफलाद् द्रुतम्
+महाश्रीशिर्यभट्टस्य मुखाद् राजा न्यवारयत्
+धर्मप्रकाशनामानं राजकाङ्गटिकं प्रभुः
+दूरं निवारयाम् आस निर्धारणपदाङ्कितम्
+भाविनां भूमिपालानां दुर्व्यवस्थापथार्गलम्
+अस्थापयत् स धर्मस्थस् सद्वृत्तं प्रतिपत्तनम् ज्र्त्_ब्.१०९१अब्
+स्थापितो ग्रामसीमायां ग्रामेभ्यः प्रापितो धनम्
+अरण्ये ऽरण्यनाथेभ्यः पान्थस् तेन महीभुजा
+हासाश् श्मशानदेवीनां सूहभट्टं प्रतीव तम्
+प्रतिस्थानं विमानानि प्रेतानाम् अद्युतंस् तदा
+म्लेच्छैर् उपद्रुतां क्षोणीम् अक्षीणकरुणो नृपः
+उदहार्षीत् क्रमाद् एवं दानवैर् इव केशवः
+उच्छृङ्गान् स नयन् भङ्गं निम्नान् आपूरयन् नृपः
+स्वकीर्तिबीजवापार्थम् अनुद्घातां महीं व्यधा���्
+भूपतेः परदारेषु निष्कौतुकमयं व्रतम्
+अभज्यत परं तस्य परश्रीपरिरम्भणे
+सम्यग्दशबलेनाथ सर्वज्ञेन महीभुजा
+सौगतस् तिलकाचार्यो महत्तमपदे कृतः
+सशिवभट्टस् तिलकस् स सिंहगणनापतिः
+सोपनान्य् अभवंस् ते च पदारोहे द्विजन्मनाम्
+मेदिन्याखण्डलस्यासीत् पिकस्येव रसश्रिया
+अखण्डं रसपाण्डित्यं ब्रह्मकुण्डलसेवया
+कर्पूरभट्टो यश् श्रीमान् प्राणिरक्षो महीभुजः
+गुणिनां शरणं चक्रे स्वगुणैस् सुरभिं सभाम्
+पूर्वाब्दग्रहसञ्चाराद् उत्तराब्दग्रहस्थितिम्
+रुय्यभट्टो विदन्न् आसीद् विनैव गणितश्रमम्
+श्रीरामानन्दपादानां भाष्यव्याख्याक्षणेक्षणे
+वीक्षते शारदा क्षोणीम् एव सम्भ्रान्तमानसा
+गान्धारसिन्धुमद्रादिभूभुजस् तस्य भूभुजः
+ग्राम्या इवाभवन्न् आज्ञाकारिणो जितवैरिणः
+युद्धे जितं ततो बद्धं खुह्॒खुरेन्द्रेण भूपतिः
+मालदेवं मद्रराजम् आज्ञया निरमोचयत्
+राजा राजपुरीराजं नयज्ञस् स्वपदातिभिः क्षणाद् भ्रूभङ्गमात्रेण रणसूहम् अलोठयत्
+उदभाण्डपुराधीशं सिन्धुराजोपबृंहितम्
+स कन्दुकम् इवोत्थाप्य मुहुर् मुहुर् अपातयत्
+भोट्टभूमौ महीन्द्रेण गोग्गदेशे कदाचन
+बाणा गौरखरास्रेण गुणैर् लोकाश् च रञ्जिताः
+समिज्जिते शयादेशे क्रूरादेशो महीपतिः
+सुवर्णबुद्धप्रतिमां यवनेभ्यो ररक्ष सः
+कषाकरं कषंस् तस्य निकषो भौट्टतेजसाम्
+अप्रकाशां प्रतापो ऽथ मलूतनगरीं व्यधात्
+केवलं हृदयं शून्यं भौट्टानां नाभवत् तदा
+भूमिपालभयावेशात् कोशो ऽपि चिरसञ्चितः
+प्रकृतीनां ददद् राजा शेषोप्यायौ यथोचितम्
+प्रत्यवेक्षाम् अकार्षीत् स शालिनाम् इव कार्षकः
+नासहिष्टेव तच्चापं तुलां शार्ङ्गपिनाकयोः
+दूरकार्यार्थसाधिन्या धनुष्मत्ता भ्रुवः पुनः
+अस्तं यस् तमसां कुलानि बलतो नेतुं सदा वाञ्छति क्षीणं तं वसुनाभिपूर्य शशिनं संवर्धयत्य् अञ्जसा
+काश्यप्याम् अवकाशमात्रघटनां शाखामुखै रुन्धतो वृक्षान् वृष्टिभरैश् च यो ऽस्य कतमो भानोस् तुलाम् अर्हति
+लद्दराजसुतं राजा नोस्रतं यम् अवर्धयत्
+"अहृतद्रविणं तं ""स द्रोही""ति निरवासयत्"
+मक्कदेशागतो जातु पुस्तकाडम्बरं वहन्
+सदौलनामा यवनो राजेन्द्रं तम् उपागमत्
+गुणान् विकत्थमानं तं गुणिरागी नरेश्वरः
+उपागच्छत् प्रतिदिनं दर्शनायेतरो यथा
+स तस्य पटहस्येव राजापश्यत् क्रमाद् असौ
+अन्तस्सारविहीनत्वं परीक्षायां विचक्षणः
+म्लेच्छमस्करिणि क्षोणिप्राणेशो निर्गुणे ऽपि सः
+प्रेमाणं नामुचत् पुत्रे पितेव करुणार्णवः
+प्रदोषस्येव तमसां दुर्घनस्येव विद्युताम्
+दोषाणां बहुता तस्य प्रजास् समुदवेजयत्
+तस्मिन्न् अवसरे कश्चिद् योगिराजो जितेन्द्रियः
+न्यविक्षतोन्नते स्तम्भे योगाभ्यासस्य सिद्धये
+स्तम्भोपरि नवाहानि निराहारम् अपश्यतः
+तस्याशिषैव महिषी राज्ञः पुत्रम् अजीजनत्
+तपस्यतस् तथा तस्य तत्र तन् नवमं दिनम्
+राज्ञस् त्व् अनवमं पुत्रजन्मकालमहोत्सवः
+[प्स्-ज्र्त् ११६]
+हेमन्तान्ते पतति तुहिनं फाल्गुणे वल्गु वल्गद् दीपस्यापि स्फुरति सुतरां शान्तिकाले ऽतिदाहः
+शैत्योद्रेको वहति वहति ग्रीष्मकाले तुषारं वस्तु प्रायः प्रथयति निजं धर्मम् आयाति नाशे
+तपह्॒कवचम् अस्पृष्ट्वा तम् अधो मार्गणैर् गतम्
+प्रहर्तुर् इव निर्देष्टुं भविष्यन्तीं तथा गतिम्
+राजमान्यं तम् आलोक्य कुप्यन्तं शान्तमानसः
+निर्णयाद् अचलद् वर्णी नयान् न तु भयोदयात्
+स स्तम्भान् न महाधैर्याद् अवारोहन् महामनाः
+नैवारोहज् जगद्दृष्टिं सद्यो द्याम् अपि योगवित्
+"""अतिथिं योगपथिकं मा वधीर् माम्"" इति ब्रुवन् म्लेच्छमस्करिणा वर्णी खड्गघातैर् अचूर्ण्यत"
+अत्यर्थदर्शनद्वेषान् मदिरामदमोहितः
+स म्लेच्छसहितो योगिराजं तम् अवधीच् छरैः
+सन्तप्तैर् मलिनैस् स्थूलैर् जनानां तद्विलोकनात्
+भूतले पतितं वाष्पैर् अपवादैश् च राजनि
+पृथ्वीनाथो ऽथ तच् छ्रुत्वा शुद्ध्यर्थम् इव मग्नवान्
+भीह्रीशोकक्रुधाश्चर्यकृत्यचिन्तार्णवेषु सः
+प्रथमोद्भूतपुत्रे ऽपि तस्मिन्न् अह्नि महीभुजा
+नास्नायि नाभ्यवाहारि व्यवाहारि न नाकथि
+अन्येद्युर् भूपतिः पृष्टस्मृतिज्ञगुरुकोविदः
+हन्तुर् दण्डं वधं शृण्वन् करुणायन्त्रितो ऽभवत्
+प्रतीपं खरम् आरोप्य प्रतिहट्टं परिभ्रमम्
+नरमूत्राभिषिक्तस्य कूर्चस्य परिकर्तनम्
+ष्ठीवनं सर्वलोकानां प्रेतान्त्रैर् बाहुबन्धनम्
+जीवन्मरणम् आदिक्षद् दण्डं तस्य कृशायतेः
+राजनि म्लानिहीनानि दिक्सौगन्ध्यवहानि च
+अपतन् नाकपुष्पाणि पौराशीर्वचनानि च
+मद्रराजदुहित्रोस् स चतुरस् तनयान् नृपः
+यथा दशरथो राजा जनकान् तान् अजीजनत्
+ज्यायान् आधमखानस् स हाज्यखानस् तथा परः
+खानो जस्सरथह्॒ खानो बहरामश् च सञ्ज्ञितः
+[प्स्-ज्र्त् ११७]
+हिन्दवस् सूहभट्टेन बलाद् ये पीडिता भृशम्
+परदेशं गतास् ते तु बिभ्रतो वेषकल्पनाम्
+निजाचारे रता नित्यं तदाचारद्विषो हृदा
+स्वम् आचारम् अनुष्ठातुं प्रेरिताश् च द्विजैर् बलात्
+दारितास् स्वत्राणभयाद् उत्कोचार्पणतत्पराः रक्षिता भूमिपालेन तदुपद्रववारणात्
+क्षीरार्णवस्य मथनात् परतस् सुधादिरत्नानि तान्य् अनुपभोगनिरर्थकानि
+यो नीतवान् सफलतां किल पात्रदानात् स्तुत्यस् स मन्दरगिरिर् गिरिराजवर्गे
+नदीर् अवटपातेन भुवश् चाम्बु विनाफलाः
+संयोगात् सफलीकृत्य यशश् चित्रम् अजीजनत्
+राज्ञोत्पलपुरक्षोणौ कुल्यां प्रापय्य वप्रिणीम्
+तयोर् निरर्थकत्वेन दूषणाविनिवारिता
+नन्दशैलमरौ कुल्याम् अवतार्य महीपतिः
+अस्मारयच् चक्रधरं सागरान्तर् निवासिनम्
+करालम्बस् सतां बिभ्रद् अकरालं सितं यशः
+कुल्ययाकारयद् देशं करालाख्यं स्तुतेः पदम्
+साग्रहारा द्विजा यत्र साग्रहाराश् च योषितः
+साथ जैनपुरी राज्ञा कराले निरमीयत
+अवन्तिपुरभूमौ च कान्तोदन्तेन भूभुजा
+कुल्यावतारितातुल्या शालिसम्पत्तिशालिनी
+गिरिमार्गेण गङ्गाया मानसं प्रापिते जले
+किं पूतं मानसेनेदम् अमुना किम् उ मानसम्
+व्यडम्बयत् स्वमूर्तिं या मानसप्रतिबिम्बिताम्
+विधाय तत्तटे तेन नगरी सफलायिता
+[प्स्-ज्र्त् ११८]
+श्रीस्वयस्य यम् आनेतुं प्रज्ञा न स्फुटम् अस्फुरत्
+श्रीसेकन्दरशाहो ऽपि कुण्ठोत्कण्ठो ऽभवत्तराम्
+श्रीजैनोल्लाभदेनस् तम् आनीय पहरं नदम्
+प्रासिञ्चद् विंशतिक्रोशाञ् छ्रीमान् स्वयपुरे मरुम्
+दुर्भिक्षव्याप्तचित्तानां विश्रान्तिजननान् नृणाम् विश्रान्तिसञ्ज्ञया कुल्या प्रसिद्धाभूत् पदे पदे
+श्रीमान् सुय्यपुरात् पारेवितस्तं धरणेर् नृपः
+संयोज्य पहरं तापव्यापदं स न्यवारयत्
+आ प्रद्युम्नगिरिप्रान्ताद् अमरेशपुरावधि
+मठाग्रहारहट्टाढ्यां स जैननगरीं व्यधात्
+स्वर्गं जेतुम् इवोदस्थाद् उन्नतैर् अश्मवेश्मभिः
+सङ्क्रान्ता जैनगङ्गायां फणिलोकस्य यागमत्
+जैनगङ्गां रणस्वामिप्रासादं प्रापितां कृती
+व्यसिस्मरत् स्मेरयशा हरिपादकुतूहलम्
+पारेसुय्यपुरं जैनगिरिसञ्ज्ञां पुरीं व्यधात्
+कैलासाचलतुल्येव प्रासादैर् अभिभूषिता
+सिद्धक्षेत्रे सुरेश्वर्यां प्रसिद्धो विलसद्यशाः
+राजधानीं निषिद्धारिर् व्यधात् सिद्धिपुरीम् असौ
+प्रासादशिखरे राजा मार्तण्डामरनाथयोः
+राजधान्यौ व्यधात् सौधधौतदूरनभस्तले
+सुभिक्षं सुय्यराजेन पूर्वम् अङ्कुरितं किल
+ततः प्रभृत्य् अतीतेषु बहुष्व् अपि च राजसु
+प्रजानाम् अल्पपुण्यत्वान् नावर्धत मनाग् अपि
+तपोबलात् पल्लवितं पुष्पितं फलितं तथा
+श्रीजैनोल्लाभदीनेन युगपत् तद् व्यधीयत
+तपसाम् अतिशुद्धत्वात् किम् इव ज्ञापकं परम्
+पूर्वपुण्यक्षये राज्यात् पतन्त्य् अन्ये महीक्षितः
+तस्य जन्मान्तरे राज्यप्राप्त्यै राज्यम् अभूत् प्रभोः
+स नदीमातृकाह्॒ कृत्वा धरणीर् देवमातृकाः
+अग्रहारान् अनु क्ष्मापो द्विजेभ्यो यद् अदात् सदा
+वराहक्षेत्रनगरविजयेशानकादिषु
+यवनेभ्यो ऽग्रहारान् स सविहारान् स्वयं ददौ
+विजयक्षेत्रवाराहक्षेत्रशूरपुरादिषु
+सत्त्रदानेन स त्रासम् अपि गोत्रभिदो व्यधात्
+भूमिविक्रयभूर्जादि कृतचिह्नं महीभुजा
+निह्नवप्रागभावाय धर्माधिकरणं कृतम्
+यो जयापीडदेवेन प्राप्तो नागप्रसादतः
+स दण्डम् इव तस्यादात् ताम्रं ताम्राकरो गिरिः
+मणीन् खनिभ्यश् चालभ्यांस् तद्राज्ये भूर् अजीजनत्
+ये जैनमणयह्॒ ख्याताः पद्मरागमदच्छिदः
+सरितां सैकते नीतसिकताभ्रमदं तदा
+काञ्चनं काञ्चन च्छायां बिभ्रल् लोकैर् अचीयत
+"""सरित्सुवर्णात् षष्ठांशो ग्राह्यो भाविभिर् ईश्वरैः"""
+ताम्रपट्टे ऽलिखद् याच्ञावाक्यम् एवं नरेश्वरः
+नगराधिकृतह्॒ काचडामरो दुस्तरे पथि
+क्रोशमात्रं व्यधात् सेतुं नगरान्तश् शिलामयम्
+नात्मैव सेतुदानेन तेन पङ्कात् समुद्धृतः
+सकलो ऽपि जनो मध्येनगरं पुण्यशालिना
+विषये विषये चक्रे शिर्यभट्टो मठान् पृथून्
+अन्ये ऽपि सचिवा राज्ञो धर्मशाला बहूर् व्यधुः
+पद्माकरस्य मथनाय गजाधिराजाव् अभ्युद्यतौ सततम् एव तदम्बुदृप्तौ
+तावत् कराकरि रसाद् इह चातिमत्तौ कृत्वा क्षणाद् अगमतां स्वयम् एव नाशम्
+मसोदशूरौ धात्रेयौ भूपतेर् एकगोत्रजौ
+द्वौ रन्ध्रान्वेषिणाव् आस्ताम् अन्योऽन्यविभवासहौ
+राज्ञा तौ वारितक्रोधौ स्नेहदाक्षिण्यशालिना
+हत्वान्यतरम् उत्पिञ्जसज्जाव् अभवतां चिरम्
+कदाचिद् भूपतेर् अग्रे स्पृष्टश् शूरेण वाक्छरैः
+मसोदठक्कुरश् शस्त्रसन्न्यासं समकारयत्
+न्यस्तशस्त्रस् स रजनौ गच्छन् मितपरिच्छदः
+रन्ध्रं लब्ध्वाथ शूरेण मसोदष् ठक्कुरो हतः
+विन्नाद्यैष् ठक्कुरैस् तस्य भ्रातृभिह्॒ ख्यातपौरुषैः
+हन्तुम् अभ्यर्थितश् शूरो भूपतेः प्रेमशालिन���
+शूरे सानुचरे विन्नठक्कुरेण हते सति
+प्रसादम् अगमत् कीर्तिष् ठक्कुराणां च धीस् तदा
+तथा स योगिनां मानम् अदाद् भूलोकवासवः
+तेषाम् अग्रे यथा मद्रराजाद्यैर् लडितं श्ववत्
+स ददद् योगिनां भोगं यागं तेभ्यो ऽग्रहीन् नृपः
+भयं ददद् अरातिभ्यो दधाव् अभयम् अप्य् अहो
+मुद्राकर्परकन्थादि वारयन् योगिनां नृपः
+कुण्डलं हेमपात्राणि दुकूलम् अपि दत्तवान्
+छित्त्वा पर्वतपक्षतीर् अपि नवाः फेणेन हत्वाप्य् अहिं कृत्वा यज्ञशतं त्रिलोकविजयी कीर्त्या न तृप्तिं गतः
+इन्द्रः पीतसितासितारुणहरिद्वर्णं विधत्ते धनुर्ज्योतिर् धूमसमीरनीरघटनामात्रे ऽप्य् असारे घने
+भूतानां भाविनां वापि यद् अशक्यं महीभुजाम्
+तद् इष्टसाहसो राजा कीर्तये कर्तुम् इष्टवान्
+कर्तव्यं साहसं यद् यद् उचितं यद् अयं नृपः
+कालस्यानवधित्वाच् च विपुलत्वेन च क्षितेः
+तत् तत् सम्भाव्य साध्यं स भाविभिर् मेदिनीश्वरैः
+दूराद् अब्धिम् इवायातो रत्नेष्व् अधिकदीप्तिषु
+साहसेष्व् एकम् आदातुम् अपि प्राप न निश्चयम्
+उपचारैर् दरिद्राणां संभवोदारमानसः
+न तोषितश् श्रुतै राज्ञाम् अतीतानां च साहसे
+अगम्येष्व् अपि भूपालश् शैलेषु च सरस्सु च
+शब्देष्व् अर्थेष्व् इव कविस् ततस् समचरन् नृपः
+वणिजाम् इव वाक्यानि व्यवहारसमुत्सुकः
+राजा नीलपुराणादीन् पण्डितेभ्यस् ततो ऽशृणोत्
+चिन्तान्तराणि सन्त्यज्य साहसैकसमुत्सुकः
+कदाचिद् धरणीपालश् चिरम् एवम् अचिन्तयत्
+"""देहस्येव त्रिलोकस्य मुखवत् क्षितिमण्डलम्"
+प्रधानं तत्र कश्मीरमण्डलं नयनं यथा
+शैलराजशिखाः पक्ष्मतुलां यत्र वहन्ति ताः
+तारामण्डलवत् तत्र महापद्मसरोवरः ९१०अब्
+[प्स्-ज्र्त् ११९] शश्वद् उद्भ्रमितो यत्र मैनाकान्वेषणोद्यतः
+प्रतिबिम्बफलाद् भाति जाने हिमगिरीश्वरः समुद्रसदृशे यत्र प्रतिबिम्बच्छलाद् रवेः
+अन्तह्॒ कृतास्पदो दीप्तो लक्ष्यते वडवानलः ज्र्त्_ब्.११९६अब्
+महापद्मास्पदं तत्र ज्योतिर्मण्डलसोदरम्
+तद् आपूर्य कथञ्चिच् चेत् कियन्मात्रम् अपि क्रमात्
+निर्माणं शक्यते कर्तुं तदा राज्यफलोदयः
+अगाधसलिलच्छन्नक्रोशाष्टाविंशतिप्रमः
+"सरोराजस् स हि महान् आशयो महताम् अपि"""
+विचिन्त्येति स विस्रष्टुं तत्रोपायं सरोवरे
+नावास्य गतवान् मध्यं योगीवात्मानम् आत्मना
+सदैवोद्धतकल्लोलं महापद्मसरो महत्
+नागाहन्त नृपाः पू��्वे तरणीभङ्गशङ्किनः
+तपःप्रभावाद् धैर्याद् वा कार्यगौरवतो ऽपि वा
+स्थलवत् सलिले तत्र स राजान्वसरत् सुखम्
+यच् चेतसा चिरतरं परिचिन्त्यमानं चिन्तामणिह्॒ किल ददाति तद् एव नान्यत्
+चित्तस्य चापि यद् अगोचरताम् उपैति तत् तु प्रयच्छतितरां वत बुद्धिरत्नम्
+तस्य हि क्षितिपालस्य निरालम्बमतेस् सतः
+सरसस् स्थलतां कर्तुम् उपायः प्रत्यभाद् अयम्
+"""शिलापूर्णप्रवहणैर् उपर्य् उपरि पातितैः"
+शैलशृङ्गैर् इवाम्भोधिम् एतद् आपूरयाम्य् अहम्
+कृताभिर् लोहनद्धाभिः पट्टीभिर् देवदारुणः
+"न क्लिद्यन्ते ततस् तोये शिलाप्रवहणादिभिः"""
+ततः प्रत्यागतो राजा वृद्धान् आबद्धकौतुकः
+अभ्यगाच् छरणं तत्र ते चैनं नृपम् अभ्यधुः
+"""द्वारिकेव शुभा तस्य पुरी सन्धिमती किल"
+सुदर्शनेन चक्रेण मनुजानां समाश्रिता
+नगर्या देवता तस्य महापद्मः फणीश्वरः
+त्वम् इवैतांश् चतुर्वर्णान् पुत्रवत् पर्यपालयत्
+कलिकालबलात् तत्र दुराचारनिषेविणः
+जनास् तद्देशवास्तव्याः प्रापुर् वृद्धिं दिनाद् दिनम्
+अथ कर्मानुसारेण विपर्यासानुबन्धतः
+क्रोधं नागपतिर् यातो दूषणाद् इव सज्जनः
+अनुज्झितनिजाचारं कुम्भकारं स कञ्चन
+"स्वप्ने ऽवदद् ""दुराचारान् पौरान् मज्जयितास्म्य् अहम्"""
+"""नागः प्रजादुराचारात् प्रजा व्रोडयती"" ति तम्"
+प्रातर् वदन्तम् अहसन् पौराः पशुम् इवाखिलाः
+[प्स्-ज्र्त् १२०]
+तदास्तिके कुम्भकारे गते तस्मात् पुराद् द्रुतम्
+नागेन्द्रो जलपूरेण सर्वम् अव्रोडयत् पुरम्
+यावत् पौराः पुराच् चेलुस् ते सर्वे हरिणा इव तावद् एवाग्रम् आक्रामद् दावाग्निर् इव तज्जलम्
+फणाशतोल्लसद्वारिधाराशब्दभयङ्करः
+नागराजो ऽथ नगरीं वैरीवावेष्टयज् जलैः
+मन्त्रान् पठत्सु विप्रेषु १०जनेषु प्रणमत्स्व् अथ
+रुदत्स्व् अपि च बालेषु नास्याभूद् यमवद् दया
+भयाद् बालेषु पुत्रेषु कण्ठलग्नेषु योषितः
+वाष्पमुक्ताफलैश् चक्रुः पूजां फणिपतेर् इव
+पादाद् अङ्कं ततह्॒ कण्ठं ततस् स्कन्धं ततश् शिरः
+प्राणा इव सुता जग्मुर् मातॄणां भयविह्वलाः
+सर्वाण्य् अङ्गानि नारीणां शृङ्गारीवानुरागवान्
+कम्पमानानि लोलस् स जलपूरस् समस्पृशत्
+ह्रस्वं दीर्घं च सूक्ष्मं च स्थूलं चाणु महत् तथा
+अन्धकार इवाच्छाद्य जलपूरो व्यजृम्भत
+अगाधे सलिले तस्मिन् खलस्पर्शासहस् ततः
+फणिराजस् स्थितिं चक्रे विपिने सज्जनो यथा
+��ालियस् स हि नागेन्द्रः पदाक्रान्तो मुरद्विषा
+शिरस्य् उत्पन्नपद्मत्वान् महापद्माभिधां गतः
+नष्टान् योजयितुं भूयह्॒ कश्मीरान् इच्छतो हरेः
+"अवतारस् त्वम् एतत् ते सिध्यत्य् एव चिकीर्षितम्"""
+राजा श्रुत्वेति स स्वप्ने क्षणम् एवम् अचिन्तयत्
+"""एवंविधानि कार्याणि सिध्येयुह्॒ कथम् अन्यथा"
+प्रजाचारविपर्यासान् नाक्षमिष्ट पुरं फणी
+नानिष्टं सहते ऽल्पो ऽपि तादृशस् तु महान् कथम्
+नागराजोचितं छत्त्रसगोत्रम् अहम् अत्र तु
+स्थलमात्रं यशोरत्नघटिकारभ्यम् आरभे
+उल्लोलसरसो मध्ये वर्तमाने महास्थले
+"पवित्रे विजने चात्र सिद्धिं यास्यन्ति साधकाः"""
+चिन्तयित्वेति भूपालश् शिलाप्रवहणैर् दृढैः
+उल्लोलसरसो मध्यम् अप्य् अगाधम् अपूरयत्
+सरसस् तु ततस् तस्य स्थलीभूते ऽथ भूपतिः
+मध्यदेशे महाराजो जैनलङ्कां विनिर्ममे
+अन्ते तस्यैव सरसो राक्षसेन्द्रप्रसादतः
+जयापीडमहीपालस् स्थलभावम् अदापयत्
+हेमन्ते बिसशृङ्गाटकवुकोद्धरणादिना
+श्रीजयापीडकोट्टस्य ज्ञायते ऽगाधवर्तिता
+उल्लोलस्यान्तभागेषु सुय्याकुण्डलकादयः
+दृश्यन्ते बहवो ग्रामा विशालसदनाङ्किताः
+गिरयो ऽपि निमज्जन्ति यत्र तत्र तु स व्यधात्
+जैनलङ्कां महाटङ्कां तं निधायाधिकारिणम्
+रुय्यभाण्डपतिं शिल्पकौशलाभ्युल्लसन्मतिम्
+राजधानीमहाद्वारं नष्टं यो ऽयोजयत् पुनः
+हिमाचलशिखादर्पच्छेदप्रासादमेदुरम्
+क्रमराज्ये स्फुरद्राज्यस् सुरत्राणपुरं व्यधात्
+जैनकोट्टं घट्टितारिर् अट्टशालि समन्ततः
+नृत्यत्पट्टपताकान्तकान्तं राजा विनिर्ममे
+जीर्णोद्धारेषु सर्वेषु निर्माणेषु नवेषु च
+आज्ञा राज्ञो बभौ हेतू रुय्यभाण्डपतेश् च धीः
+महापद्मसरस्तीरे जैनोपपदशालिनः
+पुरमण्डपिकाघोषांस् तथा श्रीजैनकुण्डलम्
+स जैनपत्तनं चापि विदधे धरणीपतिः
+[प्स्-ज्र्त् १२१]
+कारुण्यात् कीर्तिलोभाच् च स्वयम् एवाथ भूपतिः
+वामपर्श्वे गिरौ वारि विस्रष्टुं चिरम् अभ्रमत्
+दृष्ट्वा निस्सलिलं शैलं लेदर्यानयनोत्सुकः
+अश्रौषीच् छास्त्रवृद्धेभ्यस् तन्मूलम् अमरेश्वरम्
+निर्विघ्नं कार्यसिद्ध्यर्थं प्रसादयितुम् ईश्वरम्
+आरुरोहामरेशाद्रिम् अभिमानम् इवाथ सः
+ते लताभ्य इव म्लेच्छा नागेभ्यश् शङ्कयाकुलाः
+नान्योऽयम् इव संलापं तत्र स्वक इव व्यधुः
+त्वग्रोगिनाम् इव स्वस्थास् तुरुष्काणां वनस्थिताः
+ना���ा दर्शनम् अप्य् अन्तर् नासहन्त कदाचन
+धैर्येणोपद्रुतो राजा शुश्रुवान् नासहिष्ट तान्
+बालो ऽग्निकणविप्लुष्टः पद्मरागम् इवामलम्
+कपीनाम् इव बद्धानां भीतानाम् अपि च ध्रुवम्
+म्लेच्छानां च दुराचारचापल्यं विन्यवर्तत
+यद् उद्गर्जद्भिर् उद्यद्भिस् सविद्युद्भिर् घनैर् घनैः
+कोपेनेवाभवत् तेषु ततह्॒ कालमुखं नभः
+कातरेष्व् इव सङ्ग्रामाद् गिरेस् तूर्णपलायिषु
+म्लेच्छेषु करकावर्षैर् नष्टधैर्येषु तत्क्षणम्
+मानाद् इव कुलीनो ऽथ भक्त्या धैर्याद् अविच्युतः
+अवरूढो न शैलेन्द्रात् कश्मीरेन्द्रह्॒ कथञ्चन
+मान्त्रिकेष्व् इव मेघेषु गर्जत्सु यवनोरगैः
+त्यक्तो निधिर् इव क्ष्मापो देवो नागैर् अशंस्यत
+"""निवृत्यताम् इतो देव कार्यसिद्धिर् भविष्यति"
+"पूजोपकरणं शम्भोः प्राप्तम् एव विसृज्यताम्"""
+स्वप्ने दिव्याकृतेः पुंसश् श्रुत्वेति क्षितिनायकः
+सिद्धकार्यस् ततः प्रातह्॒ कश्मीरान्तरम् आविशत्
+"""लेदरीं गिरिमार्गेणापय मार्ताण्डपत्तनम्"""
+इति राजा समादिक्षद् धार्मिकं शिर्यभट्टकम्
+दयालुत्वात् प्रशस्तत्वान् निर्लोभत्वान् महीभुजा
+नियुक्तस् स नदीकृष्टाव् अलगद् भट्टशिर्यकः
+सो ऽव्याहताज्ञस् सर्वत्र लोकालीपतिभिस् ततः
+लोकम् आनाय्य शैलेन्द्रं सरितः पदवीं व्यधात्
+अवटेषु शिलाबन्धं निम्नेषु ग्रावपूरणम्
+खनीषु कुटिलं मार्गं तस्यास् स सरितो व्यधात्
+तटस्थान् पोषयन्त्य् उच्चैः पुरस्ताच्छाखिनस् सरित्
+सा तु राजसभेवाथ रभसाद् उदपूरयत्
+प्रज्ञेव विदुषस् स्थित्वा चिरं प्रतिपदं सरित्
+लोलीकृततरङ्गभ्रूः प्रातिष्ठत शनैश् शनैः
+राज्ञस् तपःप्रभावेण भट्टशिर्यनयेन च
+प्रजानाम् अपि भाग्येन नास्या विघ्नो ऽभवत् क्वचित्
+सा भजन्ती गिरिं क्वापि त्यजन्ती दूरतह्॒ क्वचित्
+वप्रात् पररतेवाभूत् सशब्दकलहा सरित्
+नवस्य भूमिपालस्य चित्तवृत्तिर् इवाम्भसा
+अवटो दक्षिणे नद्या वामे ऽद्रिर् विकटोपलः
+पुरस् तुङ्गा च दीर्घा च शिलेति क्वाप्य् अदृश्यत
+स्थूलेन गण्डशैलेन पुरतो रुद्धपद्धतिः
+न तस्थौ न ययौ कुल्या कामिनीव विमानिता
+राज्ञा स्वयम् अथाप्य् अत्र गण्डशैले विदारिते
+सरित् तीर्णप्रतिज्ञेन गच्छन्ती क्रमते स्म सा
+नद्या व्याक्रष्टुम् इष्टायाश् शिलया मार्गरोधने
+मिहिराख्यो नृपह्॒ क्रोधात् स्त्रीलक्षाणि जघान सः
+श्रीजैनोल्लाभदीनस् तु सरितो मार्गरोधिनीम्
+दारयित्वा शिलां शस्त्रैर् जनतास् समजीवयत्
+गिरीशमुकुटभ्रष्टां गङ्गाम् इव भगीरथः
+लेदरीम् अब्धिविस्तीर्णां मार्ताण्डक्ष्माम् अवापयत्
+मेखलेव गिरेस् तस्य राज्ञह्॒ कीर्तिर् इवामला
+भूमेर् मुक्तालतेवासौ सरित् परम् अशोभत
+"""समीपस्थो ऽपि मार्ताण्डो न मां शोषयितुं क्षमः"""
+इतीव तरलोद्दामा निनादम् अकरोत् सरित्
+एकश् श्रीजयनोल्लाभदीनो धर्मपरो नृपः
+सरित्प्रवाहकपटाद् इति रेखां विधिर् व्यधात्
+ब्रह्मचर्योपतप्तानां स्त्रीसङ्गाद् इव भूरुहाम्
+सेकात् सरित्कृतात् तत्र किम् अप्य् उदभवत् सुखम्
+दर्शिता वर्तनाभिस् सा गच्छन्ती सुभगं शनैः
+सरित् सफेनहसिता मार्ताण्डम् अहसत्तराम्
+सूर्यो हारिप्रवाहायां सरिति प्रतिबिम्बितः
+मूर्तस् सन्निहितो ज्ञातह्॒ कलाव् अपि चिरं जनैः
+ननु दीनान् पालयन्ती नदान् अभिमुखी सती
+सरित् प्रसिद्धिम् अगमज् जैनधर्मनदीति सा
+सान्द्रं प्रदोषजनितं तिमिरं निवार्य विश्वप्रकाशनपरस्य दिवाकरस्य
+आयाति मण्डलतलं स्वयम् एव तेजः श्रेष्ठौषधीश ऋणम् आस्ततरां चिरं यत्
+त्रिपञ्चाङ्गमिते वर्षवृन्दे याते कलेह्॒ किल
+अथर्वकौशलाद् द्रोणो रणं कुरुबलैर् व्यधात्
+कुरुभिर् निहते द्रोणे तदाथर्वा निराश्रयः
+शरणीकृतवान् वेदह्॒ कर्णाटान् पटुचेतनान्
+शास्त्रेष्व् अथर्ववेदस्य माहात्म्यं परिपश्यताम्
+काश्मीरिकाणां तत्प्राप्त्यै चिरम् आसीन् मनोरथः
+काले ऽथ विपुले याते सूहभट्टभयाकुलः
+युद्धभट्टाभिधो मानी देशान्तरम् अगाद् गुणी
+यजुषः पठनात् प्रीतैह्॒ कर्णाटैस् सो ऽथ पाठितः
+सरहस्यम् अथर्वाणं निजां प्रत्यागतो भुवम्
+श्रीजैनोल्लाभदीनस्य गुणिनो गुणरागिणः
+उपदीकृत्य तं वेदं परां तुष्टिम् अजीजनत्
+दत्तस्वकीयवस्त्रान्नश् शिर्यभट्टो ऽथ धर्मवित्
+तेनैवाथर्ववेदं तं द्विजपुत्रान् अपाठयत्
+सा धर्मिष्ठा शालास्य शिर्यभट्टस्य धीमतः
+कर्णाटाणाम् अपि परम् अगमत् स्पृहणीयताम्
+स्निग्धा विद्युच् छ्रवणमधुरं गर्जितं वृष्टिर् इष्टा छाया भास्वत्क्लमभरहरी मारुतो मन्दमन्दः
+वर्षाकालं विधिर् अनुदिनं वर्धयन् स्वैर् गुणौघैर् ग्रीष्मार्तासु प्रथयति दयादक्षिणत्वं प्रजासु
+दशाविधुरभावेन विपक्षस्य बलेन वा
+दानसंस्कारमानादाव् अनुरूपे पराङ्मुखः
+यस्मिन्न् आधमखानाख्ये ज्येष्ठे पुत्रे ऽप��� भूपतिः
+अप्रसन्नो विदग्धत्वहीनैस् सम्भावितश् चिरम्
+हाज्यखानादिपुत्रेभ्यो विशेषाद् विहितादरः
+विभासितस् स राज्ञापि तिलको मधुना यथा
+आदौ पादतले सन्तं करालम्बं ततह्॒ कृतम्
+यं दर्शनान्तरे च द्राग् उत्तमाङ्गोपरि स्थितम्
+अवर्धयत् क्रमाद् एव कलानां निधिम् ईश्वरः
+मल्लादर्यावखानस् स सर्वत्राधिकृतह्॒ कृतः
+समो वैश्रवणस्यासीद् भट्टवैश्रवणो गुणैः ईश्वरस्य प्रसादेन राजभिर् यद् अवर्त्स्यत
+भूपतेह्॒ कोमलकरा मनोज्ञाचरणाञ्चिता
+अभिराममहोदन्ता करुणा वल्लभाभवत्
+अनिघ्नन् करुणानिघ्नो नरेन्द्रो डोम्बतस्करान्
+बन्धयन् निगडैर् गाढं मृत्कर्माकारयत् सदा
+निर्दिशन् यशसा शुभ्रा दिशो नृपतिर् आदिशत्
+अवधं खगमत्स्यानाम् अनेकेषु सरस्सु सः
+अथ जातु हृतां चौरैर् गां परिज्ञाय कञ्चन
+क्रन्दन्तं भूमिपः पृच्छंस् चौरांश् चाथाप्य् अढौकयत्
+वयोलक्षणसंवादं विना गोर् भुग्नशृङ्गताम्
+सभाक्षोभेण हेतुं स सत्यवाग् ब्राह्मणो ऽब्रवीत्
+"""तिलकादिवद् एवास्यास् सहजा भुग्नशृङ्गता"""
+राज्ञा पृष्टे वदत्य् एवं चौरे मूका सभाभवत्
+परीक्षार्थं तिमिस्वेदे राज्ञा गोशृङ्गयोह्॒ कृते
+कुटिलत्वं व्यपैति स्म प्राक् चौरस्याथ शृङ्गयोः
+एवं बुद्धिप्रकर्षेण व्यवहारविमर्शतः
+अमात्यपर्षदो हर्षचित्तोत्कर्षम् अजीजनत्
+प्राड्विवाकह्॒ क्षमाबुद्धिर् युक्तदण्डत्वरञ्जकः
+राज्ञो ऽवहत् प्रजाभारं गणनापतिगौरकः
+यैर् दत्तम् उपकारित्वाद् उत्कोचद्रविणं स्वयम्
+कालान्तरे कृतघ्नेषु तेष्व् एवास्थानमण्डपे
+प्रकाशयत्सु तद्दानं कुपितेन महीभुजा
+मौलानो मल्ल एसाकस् तेभ्यस् तत् प्रतिदापितः
+आदौ पादतले तिष्ठन् करालम्बीकृतस् ततः
+अथ चक्षुष्यतां गच्छन्न् उत्तमाङ्गोर्ध्ववर्तिताम्
+क्रीतो दर्यावखानो ऽथ कृतज्ञेनेश्वरेण सः
+कलानिधिर् हिमरुचिह्॒ कौमुदीं हि ततो वहन्
+दिनपतिर् न रसातलगं तमश् शमयितुं यतते यद् अवेक्ष्य सः
+अतिवलद्रुचि कालघनावृतेर् हरति तत्प्रतिबिम्बम् अहो जगत्
+राजा भूभारखिन्नो ऽपि खड्गधाराध्वगो ऽपि सन्
+स्वदत्तं विभवं यस्य दृष्ट्वा विश्रामम् आप्तवान्
+अस्तं मह्मदखानस् स कलानिधिर् अथागमत्
+अत्यन्तरमणीयानां सुचिरस्थायिता कुतः
+प्रत्यब्दं प्रतिहार्याद्यैर् यो व्यधात् प्रीतिम् अर्थिनाम्
+सत्यव्रतो दिवम् अगान् महिमश्रीस् स ठक्कुरः
+तद��गोत्रजेभ्यस् स किलागूढं तस्य वधं व्यधात्
+यो दूत्यच्छलतो राज्ञा स्वदेशान् निरवास्यत
+राज्ञस् सैन्धवशुल्कादिस्थाने सोन्ध्याभिधे पुरे
+प्रत्यागतस् स तीर्थाध्वखिन्नो विन्नो दिवं ययौ
+राज्ञो धर्माधिकारेषु प्रत्यवेक्षापरस् सदा
+महाश्रीशिर्यभट्टो ऽपि तस्मिन् काले दिवं ययौ
+गतेष्व् अप्य् एषु धर्मो ऽस्य राज्ञो नैवाल्पतां गतः
+क्ष्मां दधानस्य शेषस्य दिग्गजा हि परिच्छदः
+एकाह एव दीन्नारकोटिर् एका महीभुजा
+बालेभ्य एव दत्तासीज् जय्यभट्टमुखेन यत्
+अद्भूतानां पदार्थानां तद्राज्ये सङ्ग्रहो ऽभवत्
+नारायणावतारो ऽयं ज्ञायेत कथम् अन्यथा
+येषां हिमांशुपीयूषप्रवाहा नित्यभिक्षवः
+इक्षवस् तेन मार्ताण्डदेशभूमिषु रोपिताः
+त्यजता योगमाहात्म्याद् वलीपलितविक्रियाम्
+श्रीजैनोल्लाभदेनेन विबुधत्वं प्रकाशितम्
+उदीपे सस्यसम्पत्तेर् उपप्लवकरीं व्यधात्
+तूलमूलाद् अपाकृष्य सिन्धुं भारोसगामिनीम्
+[प्स्-ज्र्त् १२२]
+पूर्वाब्दतिथिवारर्क्षसङ्क्रान्त्याद्येकसाधनः
+तिथिवारर्क्षसङ्क्रान्तीर् भाविन्यब्दे क्षणाल् लिखन्
+तद्राज्ये रुय्यभट्टो ऽभूद् राजवाल्लभ्यविश्रुतः
+अनादरं खण्डखाद्ये कारयन् गणितागमे
+चन्द्रे ऽस्तं गत एव दैववशतश् शोकाग्निशान्त्यै निशा तत्कान्ता रविकान्तवह्निम् उदयात् कष्टं प्रविष्टा सती
+द्याम् आरुह्य तदीयधूमकपटात् प्राप्ता पुनस् तन्महो यत् सो ऽयं ग्रहराजपादमहिमप्राप्तः प्रसादोदयः
+ऋतुपतिश् शिशिरेण समत्सरो ऽप्य् अतिविरुद्धकरो न हितस् स्थितः
+यदि भुवं शिशिरो न विनाशयेत् किम् इव नाम मधुर् वत योजयेत्
+सूहभट्टो ऽथ शास्त्रार्थमण्डितो ऽप्य् अथ पण्डितः
+दर्शनद्वेषतः प्रेतदाहं वत निषिद्धवान्
+प्रेतदेहास् तदा केचित् त्यक्ता गूढं जलान्तरे
+अरण्ये केचन त्यक्ता निखाता बन्धुभिः परे
+कालधर्मम् उपेते ऽथ सूहभट्टे शनैश् शनैः
+प्रजा वीतभया कांश्चित् प्रेतान् गूढम् अदाहयन्
+दोषान् दृष्ट्वा स्वयं राज्ञा सैदमक्के निराकृते
+अदहन् प्रकटं प्रेतदेहान् अहनि बान्धवाः
+अथानुसरणात् पत्न्यः पत्युस् सुकृतशालिनः
+स्वर्गाङ्गनाङ्गसंसर्गात् पुण्यक्षयम् अवारयन्
+भोक्तुं राज्यं पैतृकं तद् धात्रा दत्तं सठक्कुरः
+जयनोल्लाभदीनो ऽसौ कश्मीरान् प्रत्युपाययौ
+हतानां वसुवासोऽस्त्रशिरस्त्रादि प्रगृह्य तत्
+सदनं सधनं जस्सरथो ऽप्य् आगाद् विमुच्यताम्
+शुक्ले शुक्ले ब्रह्मणो ऽह्नि रसाङ्के ऽब्दे शशाङ्कगे
+जयनोल्लाभदीनो ऽसौ राजधानीं विवेश सः
+दानातकथनेशस्य तनूजाय हनूमते
+सर्वस्वकर्षणग्रामाधिपत्यं प्रददौ नृपः
+मेरकाय ददौ भूभृद् आस्थानासनसंविदम्
+कर्तुं विचारदक्षाय सत्यासत्यपरीक्षणम्
+विवृद्धयवनाधिकारवरविप्रवीरैर् विटैर् भट्टैह्॒ कुटिलवर्त्मगैर् मथितमोहिताश् च प्रजाः
+सुरेज्यधिषणं विचारचतुरं परं ठक्कुरं निरीक्ष्य युयुजे विचारपदनिर्णये मेरकम्
+सेनाधिपत्यं वीराय ठक्कुरायोग्रतेजसे
+विन्नकपरमल्लेकनौरुजाय ददौ नृपः
+लेदर्यां सव्यपारं सताजराजाय सो ऽदिशत्
+मल्लेशराजाय ददौ महाग्रामपरम्पराम्
+विषयं देयनिर्मुक्तं नृपो ऽप्य् अर्धवनाभिधम्
+आदमाख्याय स ददौ महाविक्रमशालिने
+प्रवरेशपुराधीशत्वं परं परमेश्वरः
+वीराय मार्गपतये मह्मदाख्याय धीमते
+भाङ्गिलविषयं भूभृत् स तुलायां ददौ नृपः
+तस्यानुजान् मार्गपतींस् ताजकप्रमुखान् बहून्
+पञ्चग्रामीं महार्घांश् च दत्त्वाश्वान् समतूतुषत्
+श्रीजाकोट्टाधिपत्यं च मेरेष्कारपदं ददौ
+ठक्कुरायाह्मदाख्याय महाग्रामांश् च पत्तलाम् ठक्कुरेभ्यो ऽपरेभ्यो ऽसाव् अपि मान्यतया समम् महाग्रामसहस्राणि यथेष्टं प्रददौ नृपः