diff --git "a/gitagovinda_clean.csv" "b/gitagovinda_clean.csv"
new file mode 100644--- /dev/null
+++ "b/gitagovinda_clean.csv"
@@ -0,0 +1,290 @@
+id,sanskrit,sanskrit_devanagari
+gg_1.1,Jayadeva: Gītagovinda # Text śrī-gīta-govinda-kāvyam (1) meghair meduraṃ ambaraṃ vana-bhuvaḥ śyāmās tamāla-drumair naktaṃ bhīrur ayaṃ tvam eva tad imaṃ rādhe gṛhaṃ prāpaya | itthaṃ nanda-nideśataś calitayoḥ praty-adhva-kuñja-drumaṃ rādhā-mādhavayor jayanti yamunā-kūle rahaḥ-kelayaḥ,जयदेव: गीतगोविन्द # तेxत् श्री-गीत-गोविन्द-काव्यम् (१) मेघैर् मेदुरं अम्बरं वन-भुवः श्यामास् तमाल-द्रुमैर् नक्तं भीरुर् अयं त्वम् एव तद् इमं राधे गृहं प्रापय । इत्थं नन्द-निदेशतश् चलितयोः प्रत्य्-अध्व-कुञ्ज-द्रुमं राधा-माधवयोर् जयन्ति यमुना-कूले रहः-केलयः
+gg_1.2,vāg-devatā-carita-citrita-citta-sadmā padmāvatī-caraṇa-cāraṇa-cakravartī | śrī-vāsudeva-rati-keli-kathā-sametaṃ etaṃ karoti jayadeva-kaviḥ prabandhaṃ,वाग्-देवता-चरित-चित्रित-चित्त-सद्मा पद्मावती-चरण-चारण-चक्रवर्ती । श्री-वासुदेव-रति-केलि-कथा-समेतं एतं करोति जयदेव-कविः प्रबन्धं
+gg_1.3,yadi hari-smaraṇe sarasaṃ mano yadi vilāsa-kalāsu kutūhalaṃ | madhura-komala-kānta-padāvalīṃ śṛṇu tadā jayadeva-sarasvatīm,यदि हरि-स्मरणे सरसं मनो यदि विलास-कलासु कुतूहलं । मधुर-कोमल-कान्त-पदावलीं शृणु तदा जयदेव-सरस्वतीम्
+gg_1.4,vacaḥ pallavayaty umāpatidharaḥ sandarbha-śuddhiṃ girāṃ jānītejayadeva eva śaraṇaḥ ślāghyo durūha-druteḥ | śṛṅgārottara-sat-prameya-racanair ācārya-govardhana-spardhī ko'pi na viśrutaḥ srutidharo dhoyī kavi-kṣmāpatiḥ,वचः पल्लवयत्य् उमापतिधरः सन्दर्भ-शुद्धिं गिरां जानीतेजयदेव एव शरणः श्लाघ्यो दुरूह-द्रुतेः । शृङ्गारोत्तर-सत्-प्रमेय-रचनैर् आचार्य-गोवर्धन-स्पर्धी कोऽपि न विश्रुतः स्रुतिधरो धोयी कवि-क्ष्मापतिः
+gg_1.5,| aṣṭāpadī | pralaya-payodhijale dhṛtavān asi vedaṃ vihita-vahitra-caritram akhedam | keśava dhṛta-mīna-śarīra jaya jagadīśa hare,। अष्टापदी । प्रलय-पयोधिजले धृतवान् असि वेदं विहित-वहित्र-चरित्रम् अखेदम् । केशव धृत-मीन-शरीर जय जगदीश हरे
+gg_1.6, kṣitir ativipulatare tava tiṣṭhati pṛṣṭhe dharaṇī-dharaṇa-kiṇa-cakra-gariṣṭhe | keśava dhṛta-kacchapa-rūpa jaya jagadīśa hare, क्षितिर् अतिविपुलतरे तव तिष्ठति पृष्ठे धरणी-धरण-किण-चक्र-गरिष्ठे । केशव धृत-कच्छप-रूप जय जगदीश हरे
+gg_1.7, vasati daśana-śikhare dharaṇī tava lagnā śaśini kalaṅka-kaleva nimagnā | keśava dhṛta-sūkara-rūpa jaya jagadīśa hare, वसति दशन-शिखरे धरणी तव लग्ना शशिनि कलङ्क-कलेव निमग्ना । केशव धृत-सूकर-रूप जय जगदीश हरे
+gg_1.8, tava kara-kamala-vare nakhaṃ adbhuta-śṛṅgaṃ dalita-hiraṇyakaśipu-tanu-bhṛṅgaṃ | keśava dhṛta-nara-hari-rūpa jaya jagad-īśa hare, तव कर-कमल-वरे नखं अद्भुत-शृङ्गं दलित-हिरण्यकशिपु-तनु-भृङ्गं । केशव धृत-नर-हरि-रूप जय जगद्-ईश हरे
+gg_1.9, chalayasi vikramaṇe balim adbhuta-vāmana pada-nakha-nīra-janita-jana-pāvana | keśava dhṛta-vāmana-rupa jaya jagad-īśa hare, छलयसि विक्रमणे बलिम् अद्भुत-वामन पद-नख-नीर-जनित-जन-पावन । केशव धृत-वामन-रुप जय जगद्-ईश हरे
+gg_1.10, kṣatrīya-rudhira-maye jagad apagata-pāpaṃ snapayasi payasi śamita-bhava-tāpam | keśava dhṛta-bhṛgu-pati-rūpa jaya jagad-īśa hare, क्षत्रीय-रुधिर-मये जगद् अपगत-पापं स्नपयसि पयसि शमित-भव-तापम् । केशव धृत-भृगु-पति-रूप जय जगद्-ईश हरे
+gg_1.11, vitarasi dikṣu raṇe dik-pati-kamanīyaṃ daśa-mukha-mauli-bali ramaṇīyam | keśava dhṛta-rāma-śarīra jaya jagad-īśa hare, वितरसि दिक्षु रणे दिक्-पति-कमनीयं दश-मुख-मौलि-बलि रमणीयम् । केशव धृत-राम-शरीर जय जगद्-ईश हरे
+gg_1.12, vahasi vapuṣi viśade vasanaṃ jaladābhaṃ hala-hati-bhīti-milita-yamunābham | keśava dhṛta-hala-dhara-rūpa jaya jagad-īśa hare, वहसि वपुषि विशदे वसनं जलदाभं हल-हति-भीति-मिलित-यमुनाभम् । केशव धृत-हल-धर-रूप जय जगद्-ईश हरे
+gg_1.13, nindasi yajña-vidher ahaha śruti-jātam sadaya-hṛdaya darśita-paśu-ghātam | keśava dhṛta-buddha-śarīra jaya jagad-īśa hare, निन्दसि यज्ञ-विधेर् अहह श्रुति-जातम् सदय-हृदय दर्शित-पशु-घातम् । केशव धृत-बुद्ध-शरीर जय जगद्-ईश हरे
+gg_1.14, mleccha-nivaha-nidhane kalayasi karavālaṃ dhūma-ketum iva kim api karālam | keśava dhṛta-kalki-śarīra jaya jagad-īśa hare, म्लेच्छ-निवह-निधने कलयसि करवालं धूम-केतुम् इव किम् अपि करालम् । केशव धृत-कल्कि-शरीर जय जगद्-ईश हरे
+gg_1.15,(10) śrī-jayadeva-kaver idam uditam udāraṃ śṛṇu sukhadaṃ śubhadaṃ bhava-sāram | keśava dhṛta-daśa-vidha-rūpa jaya jagad-īśa hare,(१०) श्री-जयदेव-कवेर् इदम् उदितम् उदारं शृणु सुखदं शुभदं भव-सारम् । केशव धृत-दश-विध-रूप जय जगद्-ईश हरे
+gg_1.16,(11) * * * * * vedān uddharate jaganti vahate bhūgolam udbibhrate daityaṃ dārayate baliṃ chalayate kṣatra-kṣayaṃ kurvate | paulastyaṃ jayate halaṃ kalayate kāruṇyam ātanvate mlecchān mūrcchayate daśākṛti-kṛte kṛṣṇāya tubhyaṃ namaḥ,(११) * * * * * वेदान् उद्धरते जगन्ति वहते भूगोलम् उद्बिभ्रते दैत्यं दारयते बलिं छलयते क्षत्र-क्षयं कुर्वते । पौलस्त्यं जयते हलं कलयते कारुण्यम् आतन्वते म्लेच्छान् मूर्च्छयते दशाकृति-कृते कृष्णाय तुभ्यं नमः
+gg_1.17,(5) || prabandhaḥ 2 || gurjarī-rāga-niḥsāra-tālābhyāṃ gīyate | śrita-kamalā-kuca-maṇḍala dhṛta-kuṇḍala e kalita-lalita-vana-māla jaya jaya deva hare,(५) ॥ प्रबन्धः २ ॥ गुर्जरी-राग-निःसार-तालाभ्यां गीयते । श्रित-कमला-कुच-मण्डल धृत-कुण्डल ए कलित-ललित-वन-माल जय जय देव हरे
+gg_1.18,dina-maṇi-maṇḍala-maṇḍana bhava-khaṇḍana e muni-jana-mānasa-haṃsa jaya jaya deva hare,दिन-मणि-मण्डल-मण्डन भव-खण्डन ए मुनि-जन-मानस-हंस जय जय देव हरे
+gg_1.19,kāliya-viṣa-dhara-gañjana jana-rañjana e yadukula-nalina-dineśa jaya jaya deva hare,कालिय-विष-धर-गञ्जन जन-रञ्जन ए यदुकुल-नलिन-दिनेश जय जय देव हरे
+gg_1.20,madhu-mura-naraka-vināśana garuḍāsana e | sura-kula-keli-nidāna jaya jaya deva hare,मधु-मुर-नरक-विनाशन गरुडासन ए । सुर-कुल-केलि-निदान जय जय देव हरे
+gg_1.21,amala-kamala-dala-locana bhava-mocana e tribhuvana-bhuvana-nidhāna jaya jaya deva hare,अमल-कमल-दल-लोचन भव-मोचन ए त्रिभुवन-भुवन-निधान जय जय देव हरे
+gg_1.22,janaka-sutā-kṛta-bhūṣaṇa jita-dūṣaṇa e samara-śamita-daśa-kaṇṭha jaya jaya deva hare,जनक-सुता-कृत-भूषण जित-दूषण ए समर-शमित-दश-कण्ठ जय जय देव हरे
+gg_1.23,abhinava-jala-dhara-sundara dhṛta-mandara e śrī-mukha-candra-cakora jaya jaya deva hare,अभिनव-जल-धर-सुन्दर धृत-मन्दर ए श्री-मुख-चन्द्र-चकोर जय जय देव हरे
+gg_1.24,tava caraṇaṃ praṇatā vayam iti bhāvaya e kuru kuśalaṃ praṇateṣu jaya jaya deva hare,तव चरणं प्��णता वयम् इति भावय ए कुरु कुशलं प्रणतेषु जय जय देव हरे
+gg_1.25,śrī-jayadeva-kaver idaṃ kurute mudam e maṅgalam ujjvala-gītaṃ jaya jaya deva hare,श्री-जयदेव-कवेर् इदं कुरुते मुदम् ए मङ्गलम् उज्ज्वल-गीतं जय जय देव हरे
+gg_1.26,* * * * * padmā-payodhara-taṭī-parirambha-lagna-kāśmīra-mudritam uro madhusūdanasya | vyaktānurāgam iva khelad-anaṅga-kheda-svedāmbu-pūram anupūrayatu priyaṃ vaḥ,* * * * * पद्मा-पयोधर-तटी-परिरम्भ-लग्न-काश्मीर-मुद्रितम् उरो मधुसूदनस्य । व्यक्तानुरागम् इव खेलद्-अनङ्ग-खेद-स्वेदाम्बु-पूरम् अनुपूरयतु प्रियं वः
+gg_1.27,vasante vāsantī-kusuma-sukumārair avayavair bhramantīṃ kāntāre bahu-vihita-kṛṣṇānusaraṇām | amandaṃ kandarpa-jvara-janita-cintākulatayā valad-bādhāṃ rādhāṃ sarasam idam ūce sahacarī,वसन्ते वासन्ती-कुसुम-सुकुमारैर् अवयवैर् भ्रमन्तीं कान्तारे बहु-विहित-कृष्णानुसरणाम् । अमन्दं कन्दर्प-ज्वर-जनित-चिन्ताकुलतया वलद्-बाधां राधां सरसम् इदम् ऊचे सहचरी
+gg_1.28,|| prabandhaḥ 3 || vasanta-rāga-yati-tālābhyāṃ gīyate | lalita-lavaṅga-latā-pariśīlana-komala-malaya-samīre | madhukara-nikara-karambita-kokila-kūjita-kuñja-kuṭīre,॥ प्रबन्धः ३ ॥ वसन्त-राग-यति-तालाभ्यां गीयते । ललित-लवङ्ग-लता-परिशीलन-कोमल-मलय-समीरे । मधुकर-निकर-करम्बित-कोकिल-कूजित-कुञ्ज-कुटीरे
+gg_1.29,viharati harir iha sarasa-vasante nṛtyati yuvatī-janena samaṃ sakhi virahi-janasya durante ||dhr|| unmada-madana-manoratha-pathika-vadhū-jana-janita-vilāpe | ali-kula-saṅkula-kusuma-samūha-nirākula-bakula-kalāpe,विहरति हरिर् इह सरस-वसन्ते नृत्यति युवती-जनेन समं सखि विरहि-जनस्य दुरन्ते ॥ध्र्॥ उन्मद-मदन-मनोरथ-पथिक-वधू-जन-जनित-विलापे । अलि-कुल-सङ्कुल-कुसुम-समूह-निराकुल-बकुल-कलापे
+gg_1.30,mṛga-mada-saurabha-rabhasa-vaśaṃvada-nava-dala-māla-tamāle | yuva-jana-hṛdaya-vidāraṇa manasija-nakha-ruci-kiṃśuka-jāle,मृग-मद-सौरभ-रभस-वशंवद-नव-दल-माल-तमाले । युव-जन-हृदय-विदारण मनसिज-नख-रुचि-किंशुक-जाले
+gg_1.31,madana-mahīpati-kanaka-daṇḍa-ruci-keśara-kusuma-vikāśe | milita-śili-mukha-pāṭala-paṭala-kṛta-smara-tūṇa-vilāse,मदन-महीपति-कनक-दण्ड-रुचि-केशर-कुसुम-विकाशे । मिलित-शिलि-मुख-पाटल-पटल-कृत-स्मर-तूण-विलासे
+gg_1.32,vigalita-lajjita-jagad-avalokana-taruṇa-karuṇa-kṛta-hāse | virahi-nikṛntana-kunta-mukhākṛti-ketaka-danturitāśe,विगलित-लज्जित-जगद्-अवलोकन-तरुण-करुण-कृत-हासे । विरहि-निकृन्तन-कुन्त-मुखाकृति-केतक-दन्तुरिताशे
+gg_1.33,mādhavikā-parimala-lalite nava-mālati-jāti-sugandhau | muni-manasām api mohana-kārīṇi taruṇa||-karaṇa-bandhau,माधविका-परिमल-ललिते नव-मालति-जाति-सुगन्धौ । मुनि-मनसाम् अपि मोहन-कारीणि तरुण॥-करण-बन्धौ
+gg_1.34,sphurad-atimukta-latā-parirambhana-mukulita-pulakita-cūte | vṛndāvana-vīpine parīsara-parigata-yamunā-jala-pūte,स्फुरद्-अतिमुक्त-लता-परिरम्भन-मुकुलित-पुलकित-चूते । वृन्दावन-वीपिने परीसर-परिगत-यमुना-जल-पूते
+gg_1.35,śrī-jayadeva-bhaṇitam idam udayati hari-caraṇa-smṛti-sāram | sarasa-vasanta-samaya-vana-varṇanam anugata-madana-vikāram,श्री-जयदेव-भणितम् इदम् उदयति हरि-चरण-स्मृति-सारम् । सरस-वसन्त-समय-वन-वर्णनम् अनुगत-मदन-विकारम्
+gg_1.36,* * * * * dara-vidalita-mallī-valli-cañcat-parāga-prakaṭita-paṭa-vāsair vāsayan kānanāni | iha hi dahati cetaḥ ketakī-gandha-bandhuḥ prasarad-asama-bāṇa-prāṇavad gandhavāhaḥ,* * * * * दर-विदलित-मल्ली-वल्लि-चञ्चत्-पराग-प्रकटित-पट-वासैर् वासयन् काननानि । इह हि दहति चेतः केतकी-गन्ध-बन्धुः प्रसरद्-असम-बाण-प्राणवद् गन्धवाहः
+gg_1.37,unmīlan-madhu-gandha-lubdha-madhupa-vyādhūta-cūtāṅkura-krīḍat-kokila-kākalī-kalakalair udgīrṇa-karṇa-jvaraḥ | nīyante pathikaiḥ kathaṃ katham api dhyānāvadhāna-kṣaṇa prāpta-prāṇa-samāgama-rasollāsair amī vāsarāḥ,उन्मीलन्-मधु-गन्ध-लुब्ध-मधुप-व्याधूत-चूताङ्कुर-क्रीडत्-कोकिल-काकली-कलकलैर् उद्गीर्ण-कर्ण-ज्वरः । नीयन्ते पथिकैः कथं कथम् अपि ध्यानावधान-क्षण प्राप्त-प्राण-समागम-रसोल्लासैर् अमी वासराः
+gg_1.38,aneka-nārī-parirambha-sambhrama-sphuraṇ-manohāri-vilāsa-lālasam | murārim ārād upadarśayanty asau sakhī samakṣaṃ punar āha rādhikām,अनेक-नारी-परिरम्भ-सम्भ्रम-स्फुरण्-मनोहारि-विलास-लालसम् । मुरारिम् आराद् उपदर्शयन्त्य् असौ सखी समक्षं पुनर् आह राधिकाम्
+gg_1.39,|| prabandhaḥ 4 || rāmakarī-rāga-yati-tālābhyāṃ gīyate | candana-carcita-nīla-kalevara-pīta-vasana-vana-mālī | keli-calan-maṇi-kuṇḍala-maṇḍita-gaṇḍa-yuga-smita-śālī,॥ प्रबन्धः ४ ॥ रामकरी-राग-यति-तालाभ्यां गीयते । चन्दन-चर्चित-नील-कलेवर-पीत-वसन-वन-माली । केलि-चलन्-मणि-कुण्डल-मण्डित-गण्ड-युग-स्मित-शाली
+gg_1.40,harir iha mugdha-vadhū-nikare vilāsini vilāsati kelī-pare ||dhr|| pīna-payodhara-bhāra-bhareṇa hariṃ parirabhya sarāgam | gopa-vadhūr anugāyati kācid udañcita-pañcama-rāgam,हरिर् इह मुग्ध-वधू-निकरे विलासिनि विलासति केली-परे ॥ध्र्॥ पीन-पयोधर-भार-भरेण हरिं परिरभ्य सरागम् । गोप-वधूर् अनुगायति काचिद् उदञ्चित-पञ्चम-रागम्
+gg_1.41,kāpi vilāsa-vilola-vilocana-khelana-janita-manojam | dhyāyati mugdha-vadhūr adhikaṃ madhusūdana-vadana-sarojam,कापि विलास-विलोल-विलोचन-खेलन-जनित-मनोजम् । ध्यायति मुग्ध-वधूर् अधिकं मधुसूदन-वदन-सरोजम्
+gg_1.42,kāpi kapola-tale militā lapituṃ kim api śruti-mūle | cāru cucumba nitambavatī dayitaṃ pulakair anukūle,कापि कपोल-तले मिलिता लपितुं किम् अपि श्रुति-मूले । चारु चुचुम्ब नितम्बवती दयितं पुलकैर् अनुकूले
+gg_1.43,keli-kalā-kutukena ca kācid amuṃ yamunā-jala-kūle | mañjula-vañjula-kuñja-gataṃ vicakarṣa kareṇa dukūle,केलि-कला-कुतुकेन च काचिद् अमुं यमुना-जल-कूले । मञ्जुल-वञ्जुल-कुञ्ज-गतं विचकर्ष करेण दुकूले
+gg_1.44,kara-tala-tāla-tarala-valayāvali-kalita-kalasvana-vaṃśe | rāsa-rase saha-nṛtya-parā hariṇā yuvatī praśaśaṃse,कर-तल-ताल-तरल-वलयावलि-कलित-कलस्वन-वंशे । रास-रसे सह-नृत्य-परा हरिणा युवती प्रशशंसे
+gg_1.45,śliṣyati kām api cumbati kām api kām api ramayati rāmām | paśyati sa smita-cāru-tarām aparām anugacchati vāmām,श्लिष्यति काम् अपि चुम्बति काम् अपि काम् अपि रमयति रामाम् । पश्यति स स्मित-चारु-तराम् अपराम् अनुगच्छति वामाम्
+gg_1.46,śrī-jayadeva-bhaṇitam idam adbhuta-keśava-keli-rahasyam | vṛndāvana-vipine lalitaṃ vitanotu śubhāni yaśasyam,श्री-जयदेव-भणितम् इदम् अद्भुत-केशव-केलि-रहस्यम् । वृ��्दावन-विपिने ललितं वितनोतु शुभानि यशस्यम्
+gg_1.47,* * * * * viśveṣām anurañjanena janayann ānandam indīvara-śreṇī-śyāmala-komalair upanayann aṅgair anaṅgotsavam | svacchandaṃ vraja-sundarībhir abhitaḥ praty-aṅgam āliṅgitaḥ śṛṅgāraḥ sakhi mūrtimān iva madhau mugdho hariḥ krīḍati,* * * * * विश्वेषाम् अनुरञ्जनेन जनयन्न् आनन्दम् इन्दीवर-श्रेणी-श्यामल-कोमलैर् उपनयन्न् अङ्गैर् अनङ्गोत्सवम् । स्वच्छन्दं व्रज-सुन्दरीभिर् अभितः प्रत्य्-अङ्गम् आलिङ्गितः शृङ्गारः सखि मूर्तिमान् इव मधौ मुग्धो हरिः क्रीडति
+gg_1.48,nijotsaṅga-vasad-bhujaṅga-kavala-kleśād iveśācalaṃ prāleya-plavanecchayānusarati śrī-khaṇḍa-śailānilaḥ | kiṃ ca snigdha-rasāla-mauli-mukulāny ālokya harṣodayād unmīlanti kuhūḥ kuhūr iti kalottālāḥ pikānāṃ giraḥ,निजोत्सङ्ग-वसद्-भुजङ्ग-कवल-क्लेशाद् इवेशाचलं प्रालेय-प्लवनेच्छयानुसरति श्री-खण्ड-शैलानिलः । किं च स्निग्ध-रसाल-मौलि-मुकुलान्य् आलोक्य हर्षोदयाद् उन्मीलन्ति कुहूः कुहूर् इति कलोत्तालाः पिकानां गिरः
+gg_1.49,rāsollāsa-bhareṇa vibhrama-bhṛtām ābhīra-vāma-bhruvām abhyarṇaṃ parirabhya nirbharam uraḥ premāndhayā rādhayā | sādhu tvad-vadanaṃ sudhā-mayam iti vyāhṛtya gīta-stuti-vyājād udbhaṭa-cumbitaḥ smita-manohāri hariḥ pātu vaḥ,रासोल्लास-भरेण विभ्रम-भृताम् आभीर-वाम-भ्रुवाम् अभ्यर्णं परिरभ्य निर्भरम् उरः प्रेमान्धया राधया । साधु त्वद्-वदनं सुधा-मयम् इति व्याहृत्य गीत-स्तुति-व्याजाद् उद्भट-चुम्बितः स्मित-मनोहारि हरिः पातु वः
+gg_2.1,|| iti śrī-gīta-govinde sāmoda-dāmodaro nāma (2) dvitīyaḥ sargaḥ akleśa-keśavaḥ viharati vane rādhā sādhāraṇa-praṇaye harau vigalita-nijotkarṣād īrṣyā-vaśena gatā'nyataḥ | kvacid api latā-kuñje guñjan-madhu-vrata-maṇḍalī mukhara-śikhare līna dīnāpy uvāca rahaḥ sakhīm,॥ इति श्री-गीत-गोविन्दे सामोद-दामोदरो नाम (२) द्वितीयः सर्गः अक्लेश-केशवः विहरति वने राधा साधारण-प्रणये हरौ विगलित-निजोत्कर्षाद् ईर्ष्या-वशेन गताऽन्यतः । क्वचिद् अपि लता-कुञ्जे गुञ्जन्-मधु-व्रत-मण्डली मुखर-शिखरे लीन दीनाप्य् उवाच रहः सखीम्
+gg_2.2,|| prabandhaḥ 5 || gurjarī-rāgeṇa yati-tālena gīyate | sañcarad-adhara-sudhā-madhura-dhvani-mukharita-mohana-vaṃśam | calita-dṛg-añcala-cañcala-mauli-kapola-vilola-vataṃsam | rāse harim iha vihita-vilāsaṃ smarati mano mama kṛta-parihāsam || dhru.,॥ प्रबन्धः ५ ॥ गुर्जरी-रागेण यति-तालेन गीयते । सञ्चरद्-अधर-सुधा-मधुर-ध्वनि-मुखरित-मोहन-वंशम् । चलित-दृग्-अञ्चल-चञ्चल-मौलि-कपोल-विलोल-वतंसम् । रासे हरिम् इह विहित-विलासं स्मरति मनो मम कृत-परिहासम् ॥ ध्रु.
+gg_2.3,candraka-cāru-mayūra-śikhaṇḍaka-maṇḍala-valayita-keśam | pracura-purandara-dhanur-anurañjita-medura-mudira-suveśam,चन्द्रक-चारु-मयूर-शिखण्डक-मण्डल-वलयित-केशम् । प्रचुर-पुरन्दर-धनुर्-अनुरञ्जित-मेदुर-मुदिर-सुवेशम्
+gg_2.4,gopa-kadamba-nitambavatī-mukha-cumbana-lambhita-lobham | bandhujīva-madhurādhara-pallavam ullasita-smita-śobham,गोप-कदम्ब-नितम्बवती-मुख-चुम्बन-लम्भित-लोभम् । बन्धुजीव-मधुराधर-पल्लवम् उल्लसित-स्मित-श��भम्
+gg_2.5,vipula-pulaka-bhuja-pallava-valayita-ballava-yuvati-sahasram | kara-caraṇorasi maṇi-gaṇa-bhūṣaṇa-kiraṇa-vibhinna-tamisram,विपुल-पुलक-भुज-पल्लव-वलयित-बल्लव-युवति-सहस्रम् । कर-चरणोरसि मणि-गण-भूषण-किरण-विभिन्न-तमिस्रम्
+gg_2.6,jalada-paṭala-calad-indu-vinindaka-candana-tilaka-lalāṭam | pīna-payodhara-parisara-mardana-nirdaya-hṛdaya-kapāṭam,जलद-पटल-चलद्-इन्दु-विनिन्दक-चन्दन-तिलक-ललाटम् । पीन-पयोधर-परिसर-मर्दन-निर्दय-हृदय-कपाटम्
+gg_2.7,maṇi-maya-makara-manohara-kuṇḍala-maṇḍita-gaṇḍam udāram | pīta-vasanam anugata-muni-manuja-surāsura-vara-parivāram,मणि-मय-मकर-मनोहर-कुण्डल-मण्डित-गण्डम् उदारम् । पीत-वसनम् अनुगत-मुनि-मनुज-सुरासुर-वर-परिवारम्
+gg_2.8,viśada-kadamba-tale militaṃ kali-kaluṣa-bhayaṃ śamayantam | mām api kim api tarala-taraṅgad-anaṅga-dṛśā manasā ramayantam,विशद-कदम्ब-तले मिलितं कलि-कलुष-भयं शमयन्तम् । माम् अपि किम् अपि तरल-तरङ्गद्-अनङ्ग-दृशा मनसा रमयन्तम्
+gg_2.9,śrī-jayadeva-bhaṇitam atisundara-mohana-madhu-ripu-rūpam | hari-caraṇa-smaraṇaṃ prati samprati puṇyavatām anurūpam,श्री-जयदेव-भणितम् अतिसुन्दर-मोहन-मधु-रिपु-रूपम् । हरि-चरण-स्मरणं प्रति सम्प्रति पुण्यवताम् अनुरूपम्
+gg_2.10,* * * * * gaṇayati guṇa-grāmaṃ bhāmaṃ bhrāmād api nehate vahati ca paritoṣaṃ doṣaṃ vimuñcati dūrataḥ | yuvatiṣu valat-tṛṣṇe kṛṣṇe vihāriṇi māṃ vinā punar api mano vāmaṃ kāmaṃ karoti karomi kim,* * * * * गणयति गुण-ग्रामं भामं भ्रामाद् अपि नेहते वहति च परितोषं दोषं विमुञ्चति दूरतः । युवतिषु वलत्-तृष्णे कृष्णे विहारिणि मां विना पुनर् अपि मनो वामं कामं करोति करोमि किम्
+gg_2.11,|| prabandhaḥ 6 || mālava-gauḍa-rāgena ekatālī-tālena ca gīyate | nibhṛta-nikuñja-gṛhaṃ gatayā niśi rahasi nilīya vasantam | cakīta-vilokita-sakala-diśā rati-rabhasa-bhareṇa hasantam,॥ प्रबन्धः ६ ॥ मालव-गौड-रागेन एकताली-तालेन च गीयते । निभृत-निकुञ्ज-गृहं गतया निशि रहसि निलीय वसन्तम् । चकीत-विलोकित-सकल-दिशा रति-रभस-भरेण हसन्तम्
+gg_2.12,sakhi he keśī-mathanam udāram ramaya mayā saha madana-manoratha-bhāvitayā sa-vikāram ||dhruvam || prathama-samāgama-lajjitayā paṭu-cāṭu-śatair anukūlam | mṛdu-madhura-smita-bhāṣitayā śithilī-kṛta-jaghana-dukūlam,सखि हे केशी-मथनम् उदारम् रमय मया सह मदन-मनोरथ-भावितया स-विकारम् ॥ध्रुवम् ॥ प्रथम-समागम-लज्जितया पटु-चाटु-शतैर् अनुकूलम् । मृदु-मधुर-स्मित-भाषितया शिथिली-कृत-जघन-दुकूलम्
+gg_2.13,kīsala-śayana-niveśitayā ciram urasi mamaiva śayānam | kṛta-parirambhaṇa-cumbanayā parirabhya kṛtādhara-pānam,कीसल-शयन-निवेशितया चिरम् उरसि ममैव शयानम् । कृत-परिरम्भण-चुम्बनया परिरभ्य कृताधर-पानम्
+gg_2.14,alasa-nimīlita-locanayā pulakāvali-lalita-kapolam | śrama-jala-sakala-kalevarayā vara-madana-madād atilolam,अलस-निमीलित-लोचनया पुलकावलि-ललित-कपोलम् । श्रम-जल-सकल-कलेवरया वर-मदन-मदाद् अतिलोलम्
+gg_2.15,kokila-kala-rava-kūjitayā jita-manasija-tantra-vicāram | ślatha-kusumākula-kuntalayā nakha-likhita-ghana-stana-bhāram,कोकिल-कल-रव-कूजितया जित-मनसिज-तन्त्र-विचारम् । श्लथ-कुसुमाकुल-कुन्तलया नख-लिखित-घन-स्तन-भारम्
+gg_2.16,caraṇa-raṇita-maṇi-nūpurayā paripūrita-surata-vitānam | mukhara-viśṛṅkhala-mekhalayā sa-kaca-graha-cumbana-dānam,चरण-रणित-मणि-नूपुरया परिपूरित-सुरत-वितानम् । मुखर-विशृङ्खल-मेखलया स-कच-ग्रह-चुम्बन-दानम्
+gg_2.17,rati-sukha-samaya-rasālasayā dara-mukulita-nayana-sarojam | niḥsaha-nipatita-tanu-latayā madhusūdanam udita-manojam,रति-सुख-समय-रसालसया दर-मुकुलित-नयन-सरोजम् । निःसह-निपतित-तनु-लतया मधुसूदनम् उदित-मनोजम्
+gg_2.18,śrī-jayadeva-bhaṇitam idam atiśaya-madhu-ripu-nidhuvana-śīlam | sukham utkaṇṭhita-gopa-vadhū-kathitaṃ vitanotu salīlaṃ,श्री-जयदेव-भणितम् इदम् अतिशय-मधु-रिपु-निधुवन-शीलम् । सुखम् उत्कण्ठित-गोप-वधू-कथितं वितनोतु सलीलं
+gg_2.19,* * * * * hasta-srasta-vilāsa-vaṃśam anṛju-bhrū-vallimad-ballavī-vṛndotsāri-dṛganta-vīkṣitam atisvedārdra-gaṇḍa-sthalam | mām udvīkṣya vilajjitaṃ smṛta-sudhā-mugdhānana-kānane govindaṃ vraja-sundarī-gaṇa-vṛtaṃ paśyāmi hṛṣyāmi ca,* * * * * हस्त-स्रस्त-विलास-वंशम् अनृजु-भ्रू-वल्लिमद्-बल्लवी-वृन्दोत्सारि-दृगन्त-वीक्षितम् अतिस्वेदार्द्र-गण्ड-स्थलम् । माम् उद्वीक्ष्य विलज्जितं स्मृत-सुधा-मुग्धानन-कानने गोविन्दं व्रज-सुन्दरी-गण-वृतं पश्यामि हृष्यामि च
+gg_2.20,durāloka-stoka-stavaka-navakāśoka-latikā-vikāsaḥ kāsāropavana-pavano'pi vyathayati | api bhrāmyad-bhṛṅgī-raṇita-ramaṇīyā na mukula-prasūtiś cūtānāṃ sakhi śikhariṇīyaṃ sukhayati,दुरालोक-स्तोक-स्तवक-नवकाशोक-लतिका-विकासः कासारोपवन-पवनोऽपि व्यथयति । अपि भ्राम्यद्-भृङ्गी-रणित-रमणीया न मुकुल-प्रसूतिश् चूतानां सखि शिखरिणीयं सुखयति
+gg_2.21,sakūta-smitam ākulākula-galad-dhammillam ullāsita-bhrū-vallīkam alīka-darśita-bhujā-mūlārdha-hasta-stanam | gopīnāṃ nibhṛtaṃ nirīkṣya gamitākāṅkṣaś ciraṃ cintayann antar mugdha-manoharaṃ haratu vaḥ kleśaṃ navaḥ keśavaḥ,सकूत-स्मितम् आकुलाकुल-गलद्-धम्मिल्लम् उल्लासित-भ्रू-वल्लीकम् अलीक-दर्शित-भुजा-मूलार्ध-हस्त-स्तनम् । गोपीनां निभृतं निरीक्ष्य गमिताकाङ्क्षश् चिरं चिन्तयन्न् अन्तर् मुग्ध-मनोहरं हरतु वः क्लेशं नवः केशवः
+gg_3.1,iti śrī-gīta-govinda-mahā-kāvye akleśa-keśavo nāma dvitīyaḥ sargaḥ ||2|| (3) tṛtīyaḥ sargaḥ mugdha-madhusūdanaḥ kaṃsārir api saṃsāra-vāsanābaddha-śṛṅkhalām | rādhām ādhāya hṛdaye tatyāja vraja-sundarīḥ,इति श्री-गीत-गोविन्द-महा-काव्ये अक्लेश-केशवो नाम द्वितीयः सर्गः ॥२॥ (३) तृतीयः सर्गः मुग्ध-मधुसूदनः कंसारिर् अपि संसार-वासनाबद्ध-शृङ्खलाम् । राधाम् आधाय हृदये तत्याज व्रज-सुन्दरीः
+gg_3.2,itas tatas tām anusṛtya rādhikām anaṅga-bāṇa-vraṇa-khinna-mānasaḥ | kṛtānutāpaḥ sa kalinda-nandinī-taṭānta-kuñje viṣasāda mādhavaḥ,इतस् ततस् ताम् अनुसृत्य राधिकाम् अनङ्ग-बाण-व्रण-खिन्न-मानसः । कृतानुतापः स कलिन्द-नन्दिनी-तटान्त-कुञ्जे विषसाद माधवः
+gg_3.3,|| prabandhaḥ 7 || gurjarī-rāga-yati-tālābhyāṃ gīyate | mām iyaṃ calitā vilokya vṛtaṃ vadhū-nicayena | sāparādhatayā mayāpi na vāritā'tibhayena,॥ प्रबन्धः ७ ॥ गुर्जरी-राग-यति-तालाभ्यां गीयते । माम् इयं चलिता विलोक्य वृतं वधू-निचयेन । सापराधतया मयापि न वारिताऽतिभयेन
+gg_3.4,hari hari hatādaratayā gatā sā kupiteva ||dhruva-padam || kiṃ kariṣyati kiṃ vadiṣyati sā ciraṃ viraheṇa | kiṃ dhanena janena kiṃ mama jīvitena gṛheṇa,हरि हरि हतादरतया गता सा कुपितेव ॥ध्रुव-पदम् ॥ किं करिष्यति किं वदिष्यति सा चिरं विरहेण । किं धनेन जनेन किं मम जीवितेन गृहेण
+gg_3.5,cintayāmi tad-ānanaṃ kuṭila-bhru kopa-bhareṇa | śona-padmam ivopari-bhramatākulaṃ bhramareṇa,चिन्तयामि तद्-आननं कुटिल-भ्रु कोप-भरेण । शोन-पद्मम् इवोपरि-भ्रमताकुलं भ्रमरेण
+gg_3.6,tām ahaṃ hṛdi saṅgatām aniśaṃ bhṛśaṃ ramayāmi | kiṃ vane'nusarāmi tām iha kiṃ vṛthā vilapāmi,ताम् अहं हृदि सङ्गताम् अनिशं भृशं रमयामि । किं वनेऽनुसरामि ताम् इह किं वृथा विलपामि
+gg_3.7,tanvi khinnam asūyayā hṛdayaṃ tavākalayāmi | tan na vedmi kuto gatāsi na tena te'nunayāmi,तन्वि खिन्नम् असूयया हृदयं तवाकलयामि । तन् न वेद्मि कुतो गतासि न तेन तेऽनुनयामि
+gg_3.8,dṛśyase purato gatāgatam eva me vidadhāsi | kiṃ pureva sasambhramaṃ parirambhaṇaṃ na dadāsi,दृश्यसे पुरतो गतागतम् एव मे विदधासि । किं पुरेव ससम्भ्रमं परिरम्भणं न ददासि
+gg_3.9,kṣamyatām aparaṃ kadāpi tavedṛśaṃ na karomi | dehi sundari darśanaṃ mama manmathena dunomi,क्षम्यताम् अपरं कदापि तवेदृशं न करोमि । देहि सुन्दरि दर्शनं मम मन्मथेन दुनोमि
+gg_3.10,varṇitaṃ jayadevakena harer idaṃ praṇatena | kindubilva-samudra-sambhava-rohiṇī-ramaṇena,वर्णितं जयदेवकेन हरेर् इदं प्रणतेन । किन्दुबिल्व-समुद्र-सम्भव-रोहिणी-रमणेन
+gg_3.11,* * * * * hṛdi bisa-latā-hāro nāyaṃ bhujaṅgama-nāyakaḥ kuvalaya-dala-śreṇī kaṇṭhe na sā garala-dyutiḥ | malayaja-rajo nedaṃ bhasma priyā-rahite mayi prahara na hara-bhrāntyā'naṅga krudhā kim u dhāvasi,* * * * * हृदि बिस-लता-हारो नायं भुजङ्गम-नायकः कुवलय-दल-श्रेणी कण्ठे न सा गरल-द्युतिः । मलयज-रजो नेदं भस्म प्रिया-रहिते मयि प्रहर न हर-भ्रान्त्याऽनङ्ग क्रुधा किम् उ धावसि
+gg_3.12,pāṇau mā kuru cūta-sāyakam amuṃ mā cāpam āropaya kṛīḍā-nirjita-viśva mūrcchita-janāghātena kiṃ pauruṣam | tasyā eva mṛgī-dṛśo manasija preṇkhat-katākṣāśuga-śreṇī-jarjaritaṃ manāg api mano nādyāpi sandhukṣate,पाणौ मा कुरु चूत-सायकम् अमुं मा चापम् आरोपय कृईडा-निर्जित-विश्व मूर्च्छित-जनाघातेन किं पौरुषम् । तस्या एव मृगी-दृशो मनसिज प्रेण्खत्-कताक्षाशुग-श्रेणी-जर्जरितं मनाग् अपि मनो नाद्यापि सन्धुक्षते
+gg_3.13,bhrū-pallavaṃ dhanur apāṅga-taraṇgitāni bāṇā guṇaḥ śravaṇa-pālir iti smareṇa | tasyām anaṅga-jaya-jaṅgama-devatāyām astrāṇi nirjita-jaganti kim arpitāni,भ्रू-पल्लवं धनुर् अपाङ्ग-तरण्गितानि बाणा गुणः श्रवण-पालिर् इति स्मरेण । तस्याम् अनङ्ग-जय-जङ्गम-देवतायाम् अस्त्राणि निर्जित-जगन्ति किम् अर्पितानि
+gg_3.14,bhrū-cāpe nihitaḥ kaṭākṣa-viśikho nirmātu marma-vyathāṃ śyāmātmā kuṭilaḥ karotu kabarī-bhāro'pi mārodyamam | mohaṃ tāvad ayaṃ ca tanvi tanutāṃ bimba-dharo rāgavān sad-vṛttaḥ stana-maṇḍalas tava kathaṃ prāṇair mama krīḍati,भ्रू-चापे निहितः कटाक्ष-विशिखो निर्मातु मर्म-व्यथां श्यामात्मा कुटिलः करोतु कबरी-भारोऽपि मारोद्यमम् । मोहं तावद् अयं च तन्वि तनुतां बिम्ब-धरो रागवान् सद्-वृत्तः स्तन-मण्डलस् तव कथं प्राणैर् मम क्रीडति
+gg_3.15,tāni sparśa-sukhāni te ca taralāḥ snigdhā dṛśor vibhramās tad-vaktrāmbuja-saurabhaṃ sa ca sudhā-syandi girāṃ vakrimā | sa bimbādhara-mādhurīti viṣayāsaṅge'pi cen mānasaṃ tasyāṃ lagna-samādhi hanta viraha-vyādhiḥ kathaṃ vardhate,तानि स्पर्श-सुखानि ते च तरलाः स्निग्धा दृशोर् विभ्रमास् तद्-वक्त्राम्बुज-सौरभं स च सुधा-स्यन्दि गिरां वक्रिमा । स बिम्बाधर-माधुरीति विषयासङ्गेऽपि चेन् मानसं तस्यां लग्न-समाधि हन्त विरह-व्याधिः कथं वर्धते
+gg_3.16,tiryak-kaṇṭha-vilola-mauli-taralottaṃsasya vamśoccarad-gīti-sthāna-kṛtāvadhāna-lalanā-lakṣair na saṃlakṣitāḥ | saṃmugdhe madhusūdanasya madhure rādhā-mukhendau sudhā-sāre kandalitāś ciraṃ dadatu vaḥ kṣemaṃ kaṭākṣormayaḥ,तिर्यक्-कण्ठ-विलोल-मौलि-तरलोत्तंसस्य वम्शोच्चरद्-गीति-स्थान-कृतावधान-ललना-लक्षैर् न संलक्षिताः । संमुग्धे मधुसूदनस्य मधुरे राधा-मुखेन्दौ सुधा-सारे कन्दलिताश् चिरं ददतु वः क्षेमं कटाक्षोर्मयः
+gg_4.1,iti śrī-gīta-govinda-mahā-kāvye mugdha-madhusūdano nāma tṛtīyaḥ sargaḥ ||3|| (4) caturthaḥ sargaḥ snigdha-madhusūdanaḥ yamunā-tīra-vānīra-nikuñje mandaṃ āsthitaṃ | prāha prema-bharodbhrāntaṃ mādhavaṃ rādhikā-sakhī,इति श्री-गीत-गोविन्द-महा-काव्ये मुग्ध-मधुसूदनो नाम तृतीयः सर्गः ॥३॥ (४) चतुर्थः सर्गः स्निग्ध-मधुसूदनः यमुना-तीर-वानीर-निकुञ्जे मन्दं आस्थितं । प्राह प्रेम-भरोद्भ्रान्तं माधवं राधिका-सखी
+gg_4.2,|| prabandhaḥ 8 || karṇāṭa-rāgaika-tālī-tālābhyāṃ gīyate | nindati candanam indu-kiraṇam anu vindati khedam adhīram | vyāla-nilaya-milanena garalam iva kalayati malaya-samīram,॥ प्रबन्धः ८ ॥ कर्णाट-रागैक-ताली-तालाभ्यां गीयते । निन्दति चन्दनम् इन्दु-किरणम् अनु विन्दति खेदम् अधीरम् । व्याल-निलय-मिलनेन गरलम् इव कलयति मलय-समीरम्
+gg_4.3,mādhava manasija-viśikha-bhayād iva bhāvanayā tvayi līnā | sā virahe tava dīnā || dhruva-padam || avirala-nipatita-madana-śarād iva bhavad-avanāya vīśālam | sva-hṛdaya-marmaṇi varma karoti sajala-nalinī-dala-jālam,माधव मनसिज-विशिख-भयाद् इव भावनया त्वयि लीना । सा विरहे तव दीना ॥ ध्रुव-पदम् ॥ अविरल-निपतित-मदन-शराद् इव भवद्-अवनाय वीशालम् । स्व-हृदय-मर्मणि वर्म करोति सजल-नलिनी-दल-जालम्
+gg_4.4,kusuma-viśikha-śara-talpam analpa-vilāsa-kalā-kamaṇīyam | vratam iva tava parirambha-sukhāya karoti kusuma-śayanīyam,कुसुम-विशिख-शर-तल्पम् अनल्प-विलास-कला-कमणीयम् । व्रतम् इव तव परिरम्भ-सुखाय करोति कुसुम-शयनीयम्
+gg_4.5,vahati ca calita-vilocana-jaladhāram ānana-kamalam udāram | vidhum iva vikaṭa-vidhuntuda-danta-dalana-galitāmṛta-dhāram,वहति च चलित-विलोचन-जलधारम् आनन-कमलम् उदारम् । विधुम् इव विकट-विधुन्तुद-दन्त-दलन-गलितामृत-धारम्
+gg_4.6,vilikhati rahasi kuraṅga-madena bhavantam asama-śara-bhūtam | praṇamati makaram adho vinidhāya kare ca śaraṃ nava-cūtam,विलिखति रहसि कुरङ्ग-मदेन भवन्तम् असम-शर-भूतम् । प्रणमति मकरम् अधो विनिधाय करे च शरं नव-चूतम्
+gg_4.7,dhyāna-layena puraḥ parikalpya bhavantam atīva durāpam | vilapati hasati viṣīdati roditi cañcati muñcati tāpam,ध्यान-लयेन पुरः परिकल्प्य भवन्तम् अतीव दुरापम् । विलपति हसति विषीदति रोदिति चञ्चति मुञ्चति तापम्
+gg_4.8,prati-padam idam api nigadati mādhava tava caraṇe patitāham | tvayi vimukhe mayi sapadi sudhā-nidhir api tanute tanu-dāham,प्रति-पदम् इदम् अपि निगदति माधव तव चरणे पतिताहम् । त्वयि विमुखे मयि सपदि सुधा-निधिर् अपि तनुते तनु-दाहम्
+gg_4.9,śrī-jayadeva-bhaṇitam idam adhikaṃ yadi manasā naṭaṇīyam | hari-virahākula-ballava-yuvati-sakhī-vacanaṃ paṭhanīyam,श्री-जयदेव-भणितम् इदम् अधिकं यदि मनसा नटणीयम् । हरि-विरहाकुल-बल्लव-युवति-सखी-वचनं पठनीयम्
+gg_4.10,* * * * * āvāso vipināyate priya-sakhī-mālāpi jālāyate tāpo'pi śvasitena dāva-dahana-jvāla-kalāpāyate | sāpi tvad-viraheṇa hanta hariṇī-rūpāyate hā kathaṃ kandarpo'pi yamāyate viracayan śārdūla-vikrīḍitam,* * * * * आवासो विपिनायते प्रिय-सखी-मालापि जालायते तापोऽपि श्वसितेन दाव-दहन-ज्वाल-कलापायते । सापि त्वद्-विरहेण हन्त हरिणी-रूपायते हा कथं कन्दर्पोऽपि यमायते विरचयन् शार्दूल-विक्रीडितम्
+gg_4.11,|| prabandhaḥ 9 || deśākhya-rāgaika-tālī-tālābhyāṃ gīyate | stana-vinihitam api hāram udāram | sa manute kṛśā-tanur iva bhāram,॥ प्रबन्धः ९ ॥ देशाख्य-रागैक-ताली-तालाभ्यां गीयते । स्तन-विनिहितम् अपि हारम् उदारम् । स मनुते कृशा-तनुर् इव भारम्
+gg_4.12,rādhikā tava virahe keśava || dhruvam || sa-rasa-masṛṇam api malayaja-paṅkam | paśyati viṣam iva vapuṣi sa-śaṅkam,राधिका तव विरहे केशव ॥ ध्रुवम् ॥ स-रस-मसृणम् अपि मलयज-पङ्कम् । पश्यति विषम् इव वपुषि स-शङ्कम्
+gg_4.13,śvasita-pavanam anupama-pariṇāham | madana-dahanam iva vahati sa-dāham,श्वसित-पवनम् अनुपम-परिणाहम् । मदन-दहनम् इव वहति स-दाहम्
+gg_4.14,diśi diśi kirati sajala-kaṇa-jālam | nayana-nalinam iva vigalita-nālam,दिशि दिशि किरति सजल-कण-जालम् । नयन-नलिनम् इव विगलित-नालम्
+gg_4.15,tyajati na pāṇi-talena kapolam | bāla-śaśinam iva sāyam alolam,त्यजति न पाणि-तलेन कपोलम् । बाल-शशिनम् इव सायम् अलोलम्
+gg_4.16,nayana-viṣayam api kiśalaya-talpaṃ | kalayati vihita-hutāśa-vikalpam,नयन-विषयम् अपि किशलय-तल्पं । कलयति विहित-हुताश-विकल्पम्
+gg_4.17,harir iti harir iti japati sa-kāmam | viraha-vihita-maraṇeva nikāmaṃ,हरिर् इति हरिर् इति जपति स-कामम् । विरह-विहित-मरणेव निकामं
+gg_4.18,śrī-jayadeva-bhaṇitam iti gītam | sukhayatu keśava-padam upanītam,श्री-जयदेव-भणितम् इति गीतम् । सुखयतु केशव-पदम् उपनीतम्
+gg_4.19,* * * * * sā romāñcati śītkaroti vilapaty utkampate tāmyati dhyāyaty udbhramati pramīlati pataty udyāti mūrcchaty api | etāvaty atanu-jvare vara-tanur jīven na kiṃ te rasāt svar-vaidya-pratima prasīdasi yadi tyakto'nyathā hastakaḥ,* * * * * सा रोमाञ्चति शीत्करोति विलपत्य् उत्कम्पते ताम्यति ध्यायत्य् उद्भ्रमति प्रमीलति पतत्य् उद्याति मूर्च्छत्य् अपि । एतावत्य् अतनु-ज्वरे वर-तनुर् जीवेन् न किं ते रसात् स्वर्-वैद्य-प्रतिम प्रसीदसि यदि त्यक्तोऽन्यथा हस्तकः
+gg_4.20,smarāturaṃ daivata-vaidya-hṛdya tvad-aṅga-saṅgāmṛta-mātra-sādhyam | nivṛtta-bādhāṃ kuruṣe na rādhām upendra-vajrād api dāruṇo'si,स्मरातुरं दैवत-वैद्य-हृद्य त्व��्-अङ्ग-सङ्गामृत-मात्र-साध्यम् । निवृत्त-बाधां कुरुषे न राधाम् उपेन्द्र-वज्राद् अपि दारुणोऽसि
+gg_4.21,kandarpa-jvara-saṃjvarātura-tanor aścaryam asyāś ciraṃ cetaś candana-candramaḥ-kamalinī-cintāsu santāmyati | kintu klānti-vaśena śītala-tanuṃ tvām ekam eva priyaṃ dhyāyantī rahasi sthitā katham api kṣīṇā kṣaṇaṃ prāṇiti,कन्दर्प-ज्वर-संज्वरातुर-तनोर् अश्चर्यम् अस्याश् चिरं चेतश् चन्दन-चन्द्रमः-कमलिनी-चिन्तासु सन्ताम्यति । किन्तु क्लान्ति-वशेन शीतल-तनुं त्वाम् एकम् एव प्रियं ध्यायन्ती रहसि स्थिता कथम् अपि क्षीणा क्षणं प्राणिति
+gg_4.22,kṣaṇam api virahaḥ purā na sehe nayana-nimīlana-khinnayā yayā te | śvasiti katham asau rasāla-śākhāṃ cira-viraheṇa vilokya puṣpitāgram,क्षणम् अपि विरहः पुरा न सेहे नयन-निमीलन-खिन्नया यया ते । श्वसिति कथम् असौ रसाल-शाखां चिर-विरहेण विलोक्य पुष्पिताग्रम्
+gg_4.23,vṛṣṭi-vyākula-gokula-vana-rasād uddhṛtya govardhanaṃ bibhrad ballava-vallabhābhir adhikānandāc ciraṃ cumbitaḥ | darpeṇeva tad-arpitādhara-taṭī-sindūra-mudrāṅkito bāhur gopa-tanos tanotu bhavatāṃ śreyāṃsi kaṃsa-dviṣaḥ,वृष्टि-व्याकुल-गोकुल-वन-रसाद् उद्धृत्य गोवर्धनं बिभ्रद् बल्लव-वल्लभाभिर् अधिकानन्दाच् चिरं चुम्बितः । दर्पेणेव तद्-अर्पिताधर-तटी-सिन्दूर-मुद्राङ्कितो बाहुर् गोप-तनोस् तनोतु भवतां श्रेयांसि कंस-द्विषः
+gg_5.1,iti śrī-gīta-govinde snigdha-madhusūdano nāma caturthaḥ sargaḥ ||4|| (5) pañcamaḥ sargaḥ sākāṅkṣa-puṇḍarīkākṣaḥ aham iha nivasāmi yāhi rādhām anunaya mad-vacanena cānayethāḥ | iti madhu-rīpuṇā sakhī niyuktā svayam idam etya punar jagāda rādhām,इति श्री-गीत-गोविन्दे स्निग्ध-मधुसूदनो नाम चतुर्थः सर्गः ॥४॥ (५) पञ्चमः सर्गः साकाङ्क्ष-पुण्डरीकाक्षः अहम् इह निवसामि याहि राधाम् अनुनय मद्-वचनेन चानयेथाः । इति मधु-रीपुणा सखी नियुक्ता स्वयम् इदम् एत्य पुनर् जगाद राधाम्
+gg_5.2,|| prabandhaḥ 10 || deśīvarāḍi-rāgeṇa rūpaka-tālena gīyate | vahati malaya-samīre madanam upanidhāya | sphuṭati kusuma-nikare virahi-hṛdaya-dalanāya,॥ प्रबन्धः १० ॥ देशीवराडि-रागेण रूपक-तालेन गीयते । वहति मलय-समीरे मदनम् उपनिधाय । स्फुटति कुसुम-निकरे विरहि-हृदय-दलनाय
+gg_5.3,tava virahe vana-mālī sakhi sīdati | dhruva-padam || dahati śiśira-mayūkhe maraṇam anukaroti | patati madana-viśikhe vilapati vikalataro'ti,तव विरहे वन-माली सखि सीदति । ध्रुव-पदम् ॥ दहति शिशिर-मयूखे मरणम् अनुकरोति । पतति मदन-विशिखे विलपति विकलतरोऽति
+gg_5.4,dhvanati madhupa-samūhe śravaṇam apidadhāti | manasi kalita-virahe niśi nisi rujam upayāti,ध्वनति मधुप-समूहे श्रवणम् अपिदधाति । मनसि कलित-विरहे निशि निसि रुजम् उपयाति
+gg_5.5,vasati vipina-vitāne tyajati lalita-dhāma | luṭhati dharaṇi-śayane bahu vilapati tava nāma,वसति विपिन-विताने त्यजति ललित-धाम । लुठति धरणि-शयने बहु विलपति तव नाम
+gg_5.6,bhaṇati kavi-jayadeve viraha-vilasitena | manasi rabhasa-vibhave harir udayatu sukṛtena,भणति कवि-जयदेवे विरह-विलसितेन । मनसि रभस-विभवे हरिर् उदयतु सुकृतेन
+gg_5.7,* * * * * pūrvaṃ yatra samaṃ tvayā rati-pater āsāditāḥ siddhayas tasminn eva nikuñja-manmatha-mahā-tīrthe punar mādhavaḥ | dhyāyaṃs tvām aniśaṃ japann api tavaivālāpa-mantrāvaliṃ bhūyas tvat-kuca-kumbha-nirbhara-parīrambhāmṛtaṃ vāñchati,* * * * * पूर्वं यत्र समं त्वया रति-पतेर् आसादिताः सिद्धयस् तस्मिन्न् एव निकुञ्ज-मन्मथ-महा-तीर्थे पुनर् माधवः । ध्यायंस् त्वाम् अनिशं जपन्न् अपि तवैवालाप-मन्त्रावलिं भूयस् त्वत्-कुच-कुम्भ-निर्भर-परीरम्भामृतं वाञ्छति
+gg_5.8,|| prabandhaḥ 11 || gurjarī-rāgeṇa ekatāli-tālena gīyate | rati-sukha-sāre gatam abhisāre madana-manohara-veśam | na kuru nitambini gamana-vilambanam anusara taṃ hṛdayeśam,॥ प्रबन्धः ११ ॥ गुर्जरी-रागेण एकतालि-तालेन गीयते । रति-सुख-सारे गतम् अभिसारे मदन-मनोहर-वेशम् । न कुरु नितम्बिनि गमन-विलम्बनम् अनुसर तं हृदयेशम्
+gg_5.9,dhīra-samīre yamunā-tīre vasati vane vana-mālī | pīna-payodhara-parisara-mardana-cañcala-kara-yuga-śālī || dhruva|| nāma-sametaṃ kṛta-saṅketaṃ vādayate mṛdu-veṇum | bahu manute'tanu te tanu-saṅgata-pavana-calitam api reṇum,धीर-समीरे यमुना-तीरे वसति वने वन-माली । पीन-पयोधर-परिसर-मर्दन-चञ्चल-कर-युग-शाली ॥ ध्रुव॥ नाम-समेतं कृत-सङ्केतं वादयते मृदु-वेणुम् । बहु मनुतेऽतनु ते तनु-सङ्गत-पवन-चलितम् अपि रेणुम्
+gg_5.10,patati patatre vicalati patre śaṅkita-bhavad-upayānam | racayati śayanaṃ sacakita-nayanaṃ paśyati tava panthānam,पतति पतत्रे विचलति पत्रे शङ्कित-भवद्-उपयानम् । रचयति शयनं सचकित-नयनं पश्यति तव पन्थानम्
+gg_5.11,mukharam adhīraṃ tyaja mañjīraṃ ripum iva keli-sulolam | cala sakhi kuñjaṃ satimira-puñjaṃ śīlaya nīla-nicolam,मुखरम् अधीरं त्यज मञ्जीरं रिपुम् इव केलि-सुलोलम् । चल सखि कुञ्जं सतिमिर-पुञ्जं शीलय नील-निचोलम्
+gg_5.12,urasi murārer upahita-hāre ghana iva tarala-balāke | taḍid iva pīte rati-viparīte rājasi sukṛta-vipāke,उरसि मुरारेर् उपहित-हारे घन इव तरल-बलाके । तडिद् इव पीते रति-विपरीते राजसि सुकृत-विपाके
+gg_5.13,vigalita-vasanaṃ parihṛta-raśanaṃ ghaṭaya jaghanam apidhānam | kiśalaya-śayane paṅkaja-nayane nidhim iva harṣa-nidhānam,विगलित-वसनं परिहृत-रशनं घटय जघनम् अपिधानम् । किशलय-शयने पङ्कज-नयने निधिम् इव हर्ष-निधानम्
+gg_5.14,harir abhimāṇī rajanir idānīm iyam api yāti virāmam | kuru mama vacanaṃ satvara-racanaṃ pūraya madhu-ripu-kāmam,हरिर् अभिमाणी रजनिर् इदानीम् इयम् अपि याति विरामम् । कुरु मम वचनं सत्वर-रचनं पूरय मधु-रिपु-कामम्
+gg_5.15,śrī-jayadeve kṛta-hari-seve bhaṇati parama-ramaṇīyam | pramudita-hṛdayaṃ harim atisadayaṃ namata sukṛta-kamanīyaṃ,श्री-जयदेवे कृत-हरि-सेवे भणति परम-रमणीयम् । प्रमुदित-हृदयं हरिम् अतिसदयं नमत सुकृत-कमनीयं
+gg_5.16,* * * * * vikirati muhuḥ śvāsān āśāḥ puro muhur īkṣate praviśati muhuḥ kuñjaṃ gūñjan muhur bahu tāmyati | racayati muhuḥ śayyāṃ paryākulaṃ muhur īkṣate madana-kadana-klāntaḥ kānte priyas tava vartate,* * * * * विकिरति मुहुः श्वासान् आशाः पुरो मुहुर् ईक्षते प्रविशति मुहुः कुञ्जं गूञ्जन् मुहुर् बहु ताम्यति । रचयति मुहुः शय्यां पर्याकुलं मुहुर् ईक्षते मदन-कदन-क्लान्तः कान्ते प्रियस् तव वर्तते
+gg_5.17,tvad-vāmyena samaṃ samagram adhunā tigmāṃśur astaṃ gato govindasya manorathena ca samaṃ prāptaṃ tamaḥ sāndratām | kokānāṃ karuṇa-svanena sadṛśī dīrgha-mad-abhyarthanā tan mugdhe viphalaṃ vilambanam asau ramyo'bhisāra-kṣaṇaḥ,त्वद्-वाम्येन समं समग्रम् अधुना तिग्मांशुर् अस्तं गतो गोविन्दस्य मनोरथेन च समं प्राप्तं तमः सान्द्रताम् । कोकानां करुण-स्वनेन सदृशी दीर्घ-मद्-अभ्यर्थना तन् मुग्धे विफलं विलम्बनम् असौ रम्योऽभिसार-क्षणः
+gg_5.18,āśleṣād anu cumbanād anu nakho-lekhād anu svāntaja-prodbodhād anu sambhramād anu ratārambhād anu prītayoḥ | anyārthaṃ gatayor bhramān militayoḥ sambhāṣaṇair jānator dampatyor iha ko na ko na tamasi vrīḍā-vimiśro rasaḥ,आश्लेषाद् अनु चुम्बनाद् अनु नखो-लेखाद् अनु स्वान्तज-प्रोद्बोधाद् अनु सम्भ्रमाद् अनु रतारम्भाद् अनु प्रीतयोः । अन्यार्थं गतयोर् भ्रमान् मिलितयोः सम्भाषणैर् जानतोर् दम्पत्योर् इह को न को न तमसि व्रीडा-विमिश्रो रसः
+gg_5.19,sa-bhaya-cakitaṃ vinyasyantīṃ dṛśaṃ timire pathi pratitaru muhuḥ sthitvā mandaṃ padāni vitanvatīm | katham api rahaḥ prāptām aṅgair anaṅga-taraṇgibhiḥ sumukhi subhagaḥ paśyan sa tvām upaitu kṛtārthatām,स-भय-चकितं विन्यस्यन्तीं दृशं तिमिरे पथि प्रतितरु मुहुः स्थित्वा मन्दं पदानि वितन्वतीम् । कथम् अपि रहः प्राप्ताम् अङ्गैर् अनङ्ग-तरण्गिभिः सुमुखि सुभगः पश्यन् स त्वाम् उपैतु कृतार्थताम्
+gg_5.20,rādhā-mugdha-mukhāravinda-madhupas trailokya-mauli-sthalī nepathyocita-nīla-ratnam avanī-bhārāvatārāntakaḥ | svacchandaṃ vraja-sundarī-jana-manas-toṣa-pradoṣodayaḥ kaṃsa-dhvaṃsana-dhūma-ketur avatu tvāṃ devakī-nandanaḥ,राधा-मुग्ध-मुखारविन्द-मधुपस् त्रैलोक्य-मौलि-स्थली नेपथ्योचित-नील-रत्नम् अवनी-भारावतारान्तकः । स्वच्छन्दं व्रज-सुन्दरी-जन-मनस्-तोष-प्रदोषोदयः कंस-ध्वंसन-धूम-केतुर् अवतु त्वां देवकी-नन्दनः
+gg_6.1,iti śrī-gīta-govinde'bhisārikā-varṇane sākāṅkṣa-puṇḍarīkākso nāma pañcamaḥ sargaḥ ||5|| (6) ṣaṣṭhaḥ sargaḥ sotkaṇṭha-vaikuṇṭhaḥ atha tāṃ gantum aśaktāṃ ciram anuraktāṃ latā-gṛhe dṛṣṭvā | tac-caritaṃ govinde manasija-mande sakhī prāha,इति श्री-गीत-गोविन्देऽभिसारिका-वर्णने साकाङ्क्ष-पुण्डरीकाक्सो नाम पञ्चमः सर्गः ॥५॥ (६) षष्ठः सर्गः सोत्कण्ठ-वैकुण्ठः अथ तां गन्तुम् अशक्तां चिरम् अनुरक्तां लता-गृहे दृष्ट्वा । तच्-चरितं गोविन्दे मनसिज-मन्दे सखी प्राह
+gg_6.2,|| prabandhaḥ 12 || guṇakarī-rāgena rūpaka-tālena gīyate | paśyati diśi diśi rahasi bhavantam | tad-adhara-madhura-madhūni pibantam,॥ प्रबन्धः १२ ॥ गुणकरी-रागेन रूपक-तालेन गीयते । पश्यति दिशि दिशि रहसि भवन्तम् । तद्-अधर-मधुर-मधूनि पिबन्तम्
+gg_6.3,nātha hare sīdati rādhā vāsa-gṛhe || dhru. || tvad-abhisaraṇa-rabhasena valantī | patati padāni kiyantī calantī,नाथ हरे सीदति राधा वास-गृहे ॥ ध्रु. ॥ त्वद्-अभिसरण-रभसेन वलन्ती । पतति पदानि कियन्ती चलन्ती
+gg_6.4,vihita-viśada-bisa-kiśalaya-valayā | jīvati param iha tava rati-kalayā,विहित-विशद-बिस-किशलय-वलया । जीवति परम् इह तव रति-कलया
+gg_6.5,muhur avalokita-maṇḍana-līlā | madhu-ripur aham iti bhāvana-śīlā,मुहुर् अवलोकित-मण्डन-लीला । मधु-रिपुर् अहम् इति भावन-शीला
+gg_6.6,tvaritam upaiti na katham abhisāram | harir iti vadati sakhīm anuvāram,त्वरितम् उपैति न कथम् अभिसारम् । हरिर् इति वदति सखीम् अनुवारम्
+gg_6.7,śliṣyati cumbati jala-dhara-kalpam | harir upagata iti timiram analpam,श्लिष्यति चुम्बति जल-धर-कल्पम् । हरिर् उपगत इति तिमिरम् अनल्पम्
+gg_6.8,bhavati vilambini vigalita-lajjā | vilapati roditi vāsaka-sajjā,भवति विलम्बिनि विगलित-लज्जा । विलपति रोदिति वासक-सज्जा
+gg_6.9,śrī-jayadeva-kaver idam uditam | rasika-janaṃ tanutām atimuditam,श्री-जयदेव-कवेर् इदम् उदितम् । रसिक-जनं तनुताम् अतिमुदितम्
+gg_6.10,* * * * * vipula-pulaka-pāliḥ sphīta-sīt-kāram antar-janita-jaḍimam-kāku-vyākulaṃ vyāharantī | tava kitava vidhāyāmanda-kandarpa-cintāṃ rasa-jala-nidhi-magnā dhyāna-lagnā mṛgakṣī,* * * * * विपुल-पुलक-पालिः स्फीत-सीत्-कारम् अन्तर्-जनित-जडिमम्-काकु-व्याकुलं व्याहरन्ती । तव कितव विधायामन्द-कन्दर्प-चिन्तां रस-जल-निधि-मग्ना ध्यान-लग्ना मृगक्षी
+gg_6.11,aṅgeṣv ābharaṇaṃ karoti bahuśaḥ patre'pi sañcāriṇī prāptaṃ tvāṃ pariśaṅkate vitanute śayyāṃ ciraṃ dhyāyati | ity ākalpa-vikalpa-talpa-racanā-saṅkalpa-līlā-śata-vyāsaktāpi vinā tvayā vara-tanur naiṣā niśāṃ neṣyati,अङ्गेष्व् आभरणं करोति बहुशः पत्रेऽपि सञ्चारिणी प्राप्तं त्वां परिशङ्कते वितनुते शय्यां चिरं ध्यायति । इत्य् आकल्प-विकल्प-तल्प-रचना-सङ्कल्प-लीला-शत-व्यासक्तापि विना त्वया वर-तनुर् नैषा निशां नेष्यति
+gg_6.12,kiṃ viśrāmyasi kṛṣṇa-bhogi-bhavane bhāṇḍīra-bhūmī-ruhi bhrātar yāsi na dṛṣṭi-gocaram itaḥ sānanda-nandāspadam | rādhāyā vacanaṃ tad adhvaga-mukhān nandāntike gopato govindasya jayanti sāyam atithi-prāśastya-garbhā giraḥ,किं विश्राम्यसि कृष्ण-भोगि-भवने भाण्डीर-भूमी-रुहि भ्रातर् यासि न दृष्टि-गोचरम् इतः सानन्द-नन्दास्पदम् । राधाया वचनं तद् अध्वग-मुखान् नन्दान्तिके गोपतो गोविन्दस्य जयन्ति सायम् अतिथि-प्राशस्त्य-गर्भा गिरः
+gg_7.1,iti śrī-gīta-govinde'bhisārikā-varṇane dhanya-vaikuṇṭho nāma ṣaṣṭhaḥ sargaḥ ||6|| (7) saptamaḥ sargaḥ nāgara-nārāyaṇaḥ atrāntare ca kulaṭā-kula-vartma-ghāṭa-sañjāta-pātaka iva sphuṭa-lāñchana-śrīḥ | vṛndāvanāntaram adīpayad aṃśu-jālair dik-sundarī-vadana-candana-bindur induḥ,इति श्री-गीत-गोविन्देऽभिसारिका-वर्णने धन्य-वैकुण्ठो नाम षष्ठः सर्गः ॥६॥ (७) सप्तमः सर्गः नागर-नारायणः अत्रान्तरे च कुलटा-कुल-वर्त्म-घाट-सञ्जात-पातक इव स्फुट-लाञ्छन-श्रीः । वृन्दावनान्तरम् अदीपयद् अंशु-जालैर् दिक्-सुन्दरी-वदन-चन्दन-बिन्दुर् इन्दुः
+gg_7.2,prasarati śaśa-dhara-bimbe vihita-vilambe ca mādhave vidhurā | viracita-vividha-vilāpaṃ saparitāpaṃ cakāroccaiḥ,प्रसरति शश-धर-बिम्बे विहित-विलम्बे च माधवे विधुरा । विरचित-विविध-विलापं सपरितापं चकारोच्चैः
+gg_7.3,|| prabandhaḥ 13 || mālava-rāga-yati-tālābhyāṃ gīyate | kathita-samaye'pi harir ahaha na yayau vanam | mama viphalam idam amala-rūpam api yauvanam,॥ प्रबन्धः १३ ॥ मालव-राग-यति-तालाभ्यां गीयते । कथित-समयेऽपि हरिर् अहह न ययौ वनम् । मम विफलम् इदम् अमल-रूपम् अपि यौवनम्
+gg_7.4,yāmi he kam iha śaraṇaṃ sakhī-jana-vacana-vañcitā ||dhruva|||| yad-anugamanāya niśi gahanam api śīlitam | tena mama hṛdayam idam asama-śara-kīlitam,यामि हे कम् इह शरणं सखी-जन-वचन-वञ्चिता ॥ध्रुव॥॥ यद्-अनुगमनाय निशि गहनम् अपि शीलितम् । तेन मम हृदयम् इदम् असम-शर-कीलितम्
+gg_7.5,mama maraṇam eva varam iti vitatha-ketanā | kim iha viṣahāmi virahānalam acetanā,मम मरणम् एव वरम् इति वितथ-केतना । किम् इह विषहामि विरहानलम् अचेतना
+gg_7.6,mām ahaha vidhurayati madhura-madhu-yāminī | kāpi harim anubhavati kṛta-sukṛta-kāminī,माम् अहह विधुरयति मधुर-मधु-यामिनी । कापि हरिम् अनुभवति कृत-सुकृत-कामिनी
+gg_7.7,ahaha kalayāmi valayādi-maṇi-bhūṣaṇam | hari-viraha-dahana-vahanena bahu-dūṣaṇam,अहह कलयामि वलयादि-मणि-भूषणम् । हरि-विरह-दहन-वहनेन बहु-दूषणम्
+gg_7.8,kusuma-sukumāra-tanum atanu-śara-līlayā | srag api hṛdi hanti mām ativiṣama-śilayā,कुसुम-सुकुमार-तनुम् अतनु-शर-लीलया । स्रग् अपि हृदि हन्ति माम् अतिविषम-शिलया
+gg_7.9,aham iha nivasāmi na-gaṇita-vana-vetasā | smarati madhusūdano mām api na cetasā,अहम् इह निवसामि न-गणित-वन-वेतसा । स्मरति मधुसूदनो माम् अपि न चेतसा
+gg_7.10,hari-caraṇa-śaraṇa-jayadeva-kavi-bhāratī | vasatu hṛdi yuvatir iva komala-kalāvatī,हरि-चरण-शरण-जयदेव-कवि-भारती । वसतु हृदि युवतिर् इव कोमल-कलावती
+gg_7.11,* * * * * tat kiṃ kām api kāminīm abhisṛtaḥ kiṃ vā kalā-kelibhir baddho bandhubhir andhakāriṇi vanābhyarṇe kim udbhrāmyati | kāntaḥ klānta-manā manāg api pathi prasthātum evākṣamaḥ saṅketī-kṛta-mañju-vāñjula-latā-kuñje'pi yan nāgataḥ,* * * * * तत् किं काम् अपि कामिनीम् अभिसृतः किं वा कला-केलिभिर् बद्धो बन्धुभिर् अन्धकारिणि वनाभ्यर्णे किम् उद्भ्राम्यति । कान्तः क्लान्त-मना मनाग् अपि पथि प्रस्थातुम् एवाक्षमः सङ्केती-कृत-मञ्जु-वाञ्जुल-लता-कुञ्जेऽपि यन् नागतः
+gg_7.12,athāgatāṃ mādhavam antareṇa sakhīm iyaṃ vīkṣya viṣāda-mūkām | viśaṅkamānā ramitaṃ kayāpi janārdanaṃ dṛṣṭavad etad āha,अथागतां माधवम् अन्तरेण सखीम् इयं वीक्ष्य विषाद-मूकाम् । विशङ्कमाना रमितं कयापि जनार्दनं दृष्टवद् एतद् आह
+gg_7.13,|| prabandhaḥ 14 || vasanta-rāga-yati-tālābhyāṃ gīyate | smara-samarocita-viracita-veśā | galita-kusuma-dara-vilulita-keśā,॥ प्रबन्धः १४ ॥ वसन्त-राग-यति-तालाभ्यां गीयते । स्मर-समरोचित-विरचित-वेशा । गलित-कुसुम-दर-विलुलित-केशा
+gg_7.14,kāpi madhuripuṇā vilasati yuvatir adhika-guṇā ||dhruva|||| hari-parirambhana-calita-vikārā | kuca-kalaśopari taralita-hārā,कापि मधुरिपुणा विलसति युवतिर् अधिक-गुणा ॥ध्रुव॥॥ हरि-परिरम्भन-चलित-विकारा । कुच-कलशोपरि तरलित-हारा
+gg_7.15,vicalad-alaka-lalitānana-candrā | tad-adhara-pāna-rabhasa-kṛta-tandrā,विचलद्-अलक-ललितानन-चन्द्रा । तद्-अधर-पान-रभस-कृत-तन्द्रा
+gg_7.16,cañcala-kuṇḍala-dalita-kapolā | mukharita-raśana-jaghana-gati-lolā,चञ्चल-कुण्डल-दलित-कपोला । मुखरित-रशन-जघन-गति-लोला
+gg_7.17,dayita-vilokita-lajjita-hasitā | bahu-vidha-kūjita-rati-rasa-rasitā,दयित-विलोकित-लज्जित-हसिता । बहु-विध-कूजित-रति-रस-रसिता
+gg_7.18,vipula-pulaka-pṛthu-vepathu-bhaṅgā | śvasita-nimīlita-vikasad-anaṅgā,विपुल-पुलक-पृथु-वेपथु-भङ्गा । श्वसित-निमीलित-विकसद्-अनङ्गा
+gg_7.19,śrama-jala-kaṇa-bhara-subhaga-śarīrā | paripatitorasi rati-raṇa-dhīrā,श्रम-जल-कण-भर-सुभग-शरीरा । परिपतितोरसि रति-रण-धीरा
+gg_7.20,śrī-jayadeva-bhaṇita-hari-ramitam | kali-kaluṣaṃ janayatu pariśamitam,श्री-जयदेव-भणित-हरि-रमितम् । कलि-कलुषं जनयतु परिशमितम्
+gg_7.21,* * * * * viraha-pāṇḍu-murāri-mukhāmbuja-dyutir ayaṃ tirayann api vedanām | vidhur atīva tanoti mano-bhuvaḥ suhṛd aye hṛdaye madana-vyathām,* * * * * विरह-पाण्डु-मुरारि-मुखाम्बुज-द्युतिर् अयं तिरयन्न् अपि वेदनाम् । विधुर् अतीव तनोति मनो-भुवः सुहृद् अये हृदये मदन-व्यथाम्
+gg_7.22,|| prabandhaḥ 15 || gurjarī-rāgaika-tāli-tālena gīyate | samudita-madane ramaṇī-vadane cumbana-valitādhare | mṛga-mada-tilakaṃ likhati sapulakaṃ mṛgam iva rajanī-kare,॥ प्रबन्धः १५ ॥ गुर्जरी-रागैक-तालि-तालेन गीयते । समुदित-मदने रमणी-वदने चुम्बन-वलिताधरे । मृग-मद-तिलकं लिखति सपुलकं मृगम् इव रजनी-करे
+gg_7.23,ramate yamunā-pulina-vane vijayī murārir adhunā ||dhruva|||| ghana-caya-rucire racayati cikure taralita-taruṇānane | kurubaka-kusumaṃ capalā suṣamaṃ rati-pati-mṛga-kānane,रमते यमुना-पुलिन-वने विजयी मुरारिर् अधुना ॥ध्रुव॥॥ घन-चय-रुचिरे रचयति चिकुरे तरलित-तरुणानने । कुरुबक-कुसुमं चपला सुषमं रति-पति-मृग-कानने
+gg_7.24,ghaṭayati sughane kuca-yuga-gagaṇe mṛga-mada-ruci-rūṣite | maṇi-saram amalaṃ tāraka-paṭalaṃ nakha-pada-śaśi-bhūṣite,घटयति सुघने कुच-युग-गगणे मृग-मद-रुचि-रूषिते । मणि-सरम् अमलं तारक-पटलं नख-पद-शशि-भूषिते
+gg_7.25,jita-bisa-śakale mṛdu-bhuja-yugale kara-tala-nalinī-dale | marakata-valayaṃ madhukara-nicayaṃ vitarati hima-śītale,जित-बिस-शकले मृदु-भुज-युगले कर-तल-नलिनी-दले । मरकत-वलयं मधुकर-निचयं वितरति हिम-शीतले
+gg_7.26,rati-gṛha-jaghane vipulāpaghane manasija-kanakāsane | maṇi-maya-raśanaṃ toraṇa-hasanaṃ vikirati kṛta-vāsane,रति-गृह-जघने विपुलापघने मनसिज-कनकासने । मणि-मय-रशनं तोरण-हसनं विकिरति कृत-वासने
+gg_7.27,caraṇa-kiśalaye kamalā-nilaye nakha-maṇi-gaṇa-pūjite | bahir-apavaraṇaṃ yāvaka-bharaṇaṃ janayati hṛdi yojite,चरण-किशलये कमला-निलये नख-मणि-गण-पूजिते । बहिर्-अपवरणं यावक-भरणं जनयति हृदि योजिते
+gg_7.28,ramayati subhṛśaṃ kam api sudṛśaṃ khala-haladhara-sodare | kim aphalam avasaṃ ciram iha virasaṃ vada sakhi viṭapodare,रमयति सुभृशं कम् अपि सुदृशं खल-हलधर-सोदरे । किम् अफलम् अवसं चिरम् इह विरसं वद सखि विटपोदरे
+gg_7.29,iha rasa-bhaṇane kṛta-hari-guṇane madhuripu-pada-sevake | kali-yuga-caritaṃ na vasatu duritaṃ kavi-nṛpa-jayadevake,इह रस-भणने कृत-हरि-गुणने मधुरिपु-पद-सेवके । कलि-युग-चरितं न वसतु दुरितं कवि-नृप-जयदेवके
+gg_7.30,* * * * * nāyātaḥ sakhi nirdayo yadi śaṭhas tvaṃ dūti kiṃ dūyase svacchandaṃ bahu-vallabhaḥ sa ramate kiṃ tatra te dūṣaṇam | paśyādya priya-saṅgamāya dayitasyākṛṣyamāṇaṃ guṇair utkaṇṭhārti-bharād iva sphuṭad idaṃ cetaḥ svayam yāsyati,* * * * * नायातः सखि निर्दयो यदि शठस् त्वं दूति किं दूयसे स्वच्छन्दं बहु-वल्लभः स रमते किं तत्र ते दूषणम् । पश्याद्य प्रिय-सङ्गमाय दयितस्याकृष्��माणं गुणैर् उत्कण्ठार्ति-भराद् इव स्फुटद् इदं चेतः स्वयम् यास्यति
+gg_7.31,|| prabandhaḥ 16 || deśavarāḍi-rāgeṇa rūpaka-tālena gīyate | anila-tarala-kuvalaya-nayanena | tapati na sā kiśalaya-śayanena,॥ प्रबन्धः १६ ॥ देशवराडि-रागेण रूपक-तालेन गीयते । अनिल-तरल-कुवलय-नयनेन । तपति न सा किशलय-शयनेन
+gg_7.32,sakhi yā ramitā vana-mālinā ||dhruva-padam || vikasita-sarasija-lalita-mukhena | sphuṭati na sā manasija-viśikhena,सखि या रमिता वन-मालिना ॥ध्रुव-पदम् ॥ विकसित-सरसिज-ललित-मुखेन । स्फुटति न सा मनसिज-विशिखेन
+gg_7.33,amṛta-madhura-mṛdu-tara-vacanena | jvalati na sā malayaja-pavanena,अमृत-मधुर-मृदु-तर-वचनेन । ज्वलति न सा मलयज-पवनेन
+gg_7.34,sthala-jala-ruha-ruci-kara-caraṇena | luṭhati na sā hima-kara-kiraṇena,स्थल-जल-रुह-रुचि-कर-चरणेन । लुठति न सा हिम-कर-किरणेन
+gg_7.35,sajala-jalada-samudaya-rucireṇa | dalati na sā hṛdi cira-viraheṇa,सजल-जलद-समुदय-रुचिरेण । दलति न सा हृदि चिर-विरहेण
+gg_7.36,kanaka-nikaṣa-ruci-śuci-vasanena | śvasiti na sā parijana-hasanena,कनक-निकष-रुचि-शुचि-वसनेन । श्वसिति न सा परिजन-हसनेन
+gg_7.37,sakala-bhuvana-jana-vara-taruṇena | vahati na sā rujam atikaruṇena,सकल-भुवन-जन-वर-तरुणेन । वहति न सा रुजम् अतिकरुणेन
+gg_7.38,śrī-jayadeva-bhaṇita-vacanena | praviśatu harir api hṛdayam anena,श्री-जयदेव-भणित-वचनेन । प्रविशतु हरिर् अपि हृदयम् अनेन
+gg_7.39,* * * * * mano-bhavānandana candanānila prasīda re dakṣiṇa muñca vāmatām | kṣaṇaṃ jagat-prāṇa nidāya mādhavaṃ puro mama prāṇa-haro bhaviṣyasi,* * * * * मनो-भवानन्दन चन्दनानिल प्रसीद रे दक्षिण मुञ्च वामताम् । क्षणं जगत्-प्राण निदाय माधवं पुरो मम प्राण-हरो भविष्यसि
+gg_7.40,ripur iva sakhi-saṃvāso'yaṃ śikhīva himānilo viṣam iva sudhā-raśmir yasmin dunoti mano-gate | hṛdayam adaye tasmin naivaṃ punar valate balāt kuvalaya-dṛśāṃ vāmaḥ kāmo nikāma-niraṇkuśaḥ,रिपुर् इव सखि-संवासोऽयं शिखीव हिमानिलो विषम् इव सुधा-रश्मिर् यस्मिन् दुनोति मनो-गते । हृदयम् अदये तस्मिन् नैवं पुनर् वलते बलात् कुवलय-दृशां वामः कामो निकाम-निरण्कुशः
+gg_7.41,bādhāṃ vidhehi malayānila pañca-bāṇa prāṇān gṛhāṇa na gṛhaṃ punar āśrayiṣye | kiṃ te kṛtānta-bhagini kṣamayā taraṅgair aṅgāni siñca mama śāmyatu deha-dāhaḥ,बाधां विधेहि मलयानिल पञ्च-बाण प्राणान् गृहाण न गृहं पुनर् आश्रयिष्ये । किं ते कृतान्त-भगिनि क्षमया तरङ्गैर् अङ्गानि सिञ्च मम शाम्यतु देह-दाहः
+gg_7.42,prātar nīla-nicolam acyutam uraḥ saṃvīta-pītāṃśukaṃ rādhāyāś cakitaṃ vilokya hasati svairaṃ sakhi-maṇḍale | vrīḍā-cañcalam añcalaṃ nayanayor ādhāya rādhānane svādu-smera-mukho'yam astu jagad-ānandāya nandātmajaḥ,प्रातर् नील-निचोलम् अच्युतम् उरः संवीत-पीतांशुकं राधायाश् चकितं विलोक्य हसति स्वैरं सखि-मण्डले । व्रीडा-चञ्चलम् अञ्चलं नयनयोर् आधाय राधानने स्वादु-स्मेर-मुखोऽयम् अस्तु जगद्-आनन्दाय नन्दात्मजः
+gg_8.1,iti śrī-gīta-govinda-mahākāvye vipralabdhā-varṇane nāgara-nārāyaṇo nāma saptamaḥ sargaḥ ||7|| (8) aṣṭamaḥ sargaḥ vilakṣa-lakṣmīpatiḥ atha katham api yāminīṃ vinīya smara-śara-jarjaritāpi sā prabhāte | anunaya-vacanaṃ vadantam agre praṇatam api priyaṃ āha sābhyasūyam,इति श्री-गीत-गोविन्द-महाकाव्ये विप्रलब्धा-वर्णने नागर-नारायणो नाम सप्तमः सर्गः ॥७॥ (८) अष्टमः सर्गः विलक्ष-लक्ष्मीपतिः अथ कथम् अपि यामिनीं विनीय स्मर-शर-जर्जरितापि सा प्रभाते । अनुनय-वचनं वदन्तम् अग्रे प्रणतम् अपि प्रियं आह साभ्यसूयम्
+gg_8.2,|| prabandhaḥ 17 || bhairavi-rāga-yati-tālābhyāṃ gīyate | rajani-janita-guru-jāgara-rāga-kaṣāyitam alasa-nimeṣam | vahati nayanam anurāgam iva sphuṭam udita-rasābhiniveśam,॥ प्रबन्धः १७ ॥ भैरवि-राग-यति-तालाभ्यां गीयते । रजनि-जनित-गुरु-जागर-राग-कषायितम् अलस-निमेषम् । वहति नयनम् अनुरागम् इव स्फुटम् उदित-रसाभिनिवेशम्
+gg_8.3,hari hari yāhi mādhava yāhi keśava mā vada kaitava-vādam | tām anusara sarasīruha-locana yā tava harati viṣādam || dhru. || kajjala-malina-vilocana-cumbana-viracita-nīlima-rūpam | daśana-vasanam aruṇ aṃ tava krsṇa tanoti tanor anurūpam,हरि हरि याहि माधव याहि केशव मा वद कैतव-वादम् । ताम् अनुसर सरसीरुह-लोचन या तव हरति विषादम् ॥ ध्रु. ॥ कज्जल-मलिन-विलोचन-चुम्बन-विरचित-नीलिम-रूपम् । दशन-वसनम् अरुण् अं तव क्र्स्ण तनोति तनोर् अनुरूपम्
+gg_8.4,vapur anuharati tava smara-saṅgara-khara-nakhara-kṣata-rekham | marakata-śakala-kalita-kala-dhauta-liper iva rati-jaya-lekham,वपुर् अनुहरति तव स्मर-सङ्गर-खर-नखर-क्षत-रेखम् । मरकत-शकल-कलित-कल-धौत-लिपेर् इव रति-जय-लेखम्
+gg_8.5,caraṇa-kamala-galad-alaktaka-siktam idaṃ tava hṛdayam udāram | darsayatīva bahir madana-druma-nava-kiśalaya-parivāram,चरण-कमल-गलद्-अलक्तक-सिक्तम् इदं तव हृदयम् उदारम् । दर्सयतीव बहिर् मदन-द्रुम-नव-किशलय-परिवारम्
+gg_8.6,daśana-padaṃ bhavad-adhara-gataṃ mama janayati cetasi khedam | kathayati katham adhunāpi mayā saha tava vapur etad abhedam,दशन-पदं भवद्-अधर-गतं मम जनयति चेतसि खेदम् । कथयति कथम् अधुनापि मया सह तव वपुर् एतद् अभेदम्
+gg_8.7,bahir iva malinataraṃ tava kṛṣṇa mano'pi bhaviṣyati nūnam | katham atha vañcayase janam anugatam asama-śara-jvara-dūnam,बहिर् इव मलिनतरं तव कृष्ण मनोऽपि भविष्यति नूनम् । कथम् अथ वञ्चयसे जनम् अनुगतम् असम-शर-ज्वर-दूनम्
+gg_8.8,bhramati bhavān abalā-kavalāya vaneṣu kim atra vicitram | prathayati pūtanikaiva vadhū-vadha-nirdaya-bāla-caritram,भ्रमति भवान् अबला-कवलाय वनेषु किम् अत्र विचित्रम् । प्रथयति पूतनिकैव वधू-वध-निर्दय-बाल-चरित्रम्
+gg_8.9,śrī-jayadeva-bhaṇita-rati-vañcita-khaṇḍita-yuvati-vilāpam | śṛṇuta sudhā-madhuraṃ vibudhā vibudhālayato'pi durāpam,श्री-जयदेव-भणित-रति-वञ्चित-खण्डित-युवति-विलापम् । शृणुत सुधा-मधुरं विबुधा विबुधालयतोऽपि दुरापम्
+gg_8.10,* * * * * tavedaṃ paśyantyāḥ prasarad-anurāgaṃ bahir iva priyā-pādālakta-cchuritam aruṇa-cchāya-hṛdayam | mamādya prakhyāta-praṇaya-bhara-bhaṅgena kitava tvad-ālokaḥ śokād api kim api lajjāṃ janayati,* * * * * तवेदं पश्यन्त्याः प्रसरद्-अनुरागं बहिर् इव प्रिया-पादालक्त-च्छुरितम् अरुण-च्छाय-हृदयम् । ममाद्य प्रख्यात-प्रणय-भर-भङ्गेन कितव त्वद्-आलोकः शोकाद् अपि किम् अपि लज्जां जनयति
+gg_8.11,antar-mohana-mauli-ghūrṇana-calan-mandāra-visraṃśana-stambhākarṣaṇa-dṛṣṭi-harṣaṇa-mahā-mantraḥ kuraṅgī-dṛśām | dṛpyad-dānava-dūyamāna-diviṣad-durvāra-duḥkhāpadāṃ bhraṃśaḥ kaṃsa-ripor vyapohayatu vaḥ śreyāṃsi vaṃśī-ravaḥ,अन्तर्-मोहन-मौलि-घूर्णन-चलन्-मन्दार-विस्रंशन-स्तम्भाकर्षण-दृष्टि-हर्षण-महा-मन्त्रः कुरङ्गी-दृशाम् । दृप्यद्-दानव-दूयमान-दिविषद्-दुर्वार-दुःखापदां भ्रंशः कंस-रिपोर् व्यपोहयतु वः श्रेयांसि वंशी-रवः
+gg_9.1,iti śrī-śrī-gīta-govinde mahā-kāvye khaṇḍitā-varṇane vilakṣa-lakṣmīpatir nāma aṣṭamaḥ sargaḥ ||8|| (9) navamaḥ sargaḥ mugdha-mukundaḥ tām atha manmatha-khinnāṃ rati-rasa-bhinnāṃ viṣāda-sampannām | anucintita-hari-caritāṃ kalahāntaritām uvāca rahasi sakhī,इति श्री-श्री-गीत-गोविन्दे महा-काव्ये खण्डिता-वर्णने विलक्ष-लक्ष्मीपतिर् नाम अष्टमः सर्गः ॥८॥ (९) नवमः सर्गः मुग्ध-मुकुन्दः ताम् अथ मन्मथ-खिन्नां रति-रस-भिन्नां विषाद-सम्पन्नाम् । अनुचिन्तित-हरि-चरितां कलहान्तरिताम् उवाच रहसि सखी
+gg_9.2,|| prabandhaḥ 18 || gurjarī-rāga-yati-tālābhyāṃ gīyate | harir abhisarati vahati madhu-pavane | kim aparam adhika-sukhaṃ sakhi bhavane,॥ प्रबन्धः १८ ॥ गुर्जरी-राग-यति-तालाभ्यां गीयते । हरिर् अभिसरति वहति मधु-पवने । किम् अपरम् अधिक-सुखं सखि भवने
+gg_9.3,mādhave mā kuru mānini mānam aye || dhruva-padam || tāla-phalād api gurum atisarasam | kiṃ viphalī-kuruṣe kuca-kalaśam,माधवे मा कुरु मानिनि मानम् अये ॥ ध्रुव-पदम् ॥ ताल-फलाद् अपि गुरुम् अतिसरसम् । किं विफली-कुरुषे कुच-कलशम्
+gg_9.4,kati na kathitam idam anupadam aciram | mā parihara harim atīśaya-ruciram,कति न कथितम् इदम् अनुपदम् अचिरम् । मा परिहर हरिम् अतीशय-रुचिरम्
+gg_9.5,kim iti viṣīdasi rodiṣi vikalā | vihasati yuvatī-sabhā tava sakalā,किम् इति विषीदसि रोदिषि विकला । विहसति युवती-सभा तव सकला
+gg_9.6,sajala-nalinī-dala-śīlita-śayane | harim avalokaya saphalaya nayane,सजल-नलिनी-दल-शीलित-शयने । हरिम् अवलोकय सफलय नयने
+gg_9.7,janayasi manasi kim iti guru-khedam | śṛṇu mama vacanam anīhita-bhedam,जनयसि मनसि किम् इति गुरु-खेदम् । शृणु मम वचनम् अनीहित-भेदम्
+gg_9.8,harir upayātu vadatu bahu-madhuram | kim iti karoṣi hṛdayam atividhuram,हरिर् उपयातु वदतु बहु-मधुरम् । किम् इति करोषि हृदयम् अतिविधुरम्
+gg_9.9,śrī-jayadeva-bhaṇitam atilalitaṃ | sukhayatu rasika-janaṃ hari-caritaṃ,श्री-जयदेव-भणितम् अतिललितं । सुखयतु रसिक-जनं हरि-चरितं
+gg_9.10,* * * * * snigdhe yat paruṣāsi praṇamati stabdhāsi yad rāgiṇi dveṣa-sthāsi yad unmukhe vimukhatāṃ yātāsi tasmin priye | tad yuktaṃ viparīta-kāriṇi tava śrīkhaṇḍa-carcā viṣaṃ śītāṃśus tapano himaṃ hutavahaḥ krīḍā-mudo yātanāḥ,* * * * * स्निग्धे यत् परुषासि प्रणमति स्तब्धासि यद् रागिणि द्वेष-स्थासि यद् उन्मुखे विमुखतां यातासि तस्मिन् प्रिये । तद् युक्तं विपरीत-कारिणि तव श्रीखण्ड-चर्चा विषं शीतांशुस् तपनो हिमं हुतवहः क्रीडा-मुदो यातनाः
+gg_9.11,sāndrānanda-purandarādi-diviṣad-vṛndair amandādarād ānamrair mukuṭendra-nīla-maṇibhiḥ sandarśitendindiram | svacchandaṃ makaranda-sundara-galan-mandākinī-meduraṃ śrī-govinda-padāravindam aśubha-skandāya vandāmahe,सान्द्रानन्द-पुरन्दरादि-दिविषद्-वृन्दैर् अमन्दादराद् ���नम्रैर् मुकुटेन्द्र-नील-मणिभिः सन्दर्शितेन्दिन्दिरम् । स्वच्छन्दं मकरन्द-सुन्दर-गलन्-मन्दाकिनी-मेदुरं श्री-गोविन्द-पदारविन्दम् अशुभ-स्कन्दाय वन्दामहे
+gg_10.1,(10) daśamaḥ sargaḥ catura-catur-bhujaḥ atrāntare'masṛṇa-roṣa-vaśām apāra-niḥśvāsa-niḥsaha-mukhīṃ sumukhīm upetya | savrīḍam īkṣita-sakhī-vadanāṃ dinānte sānanda-gadgada-padaṃ harir ity uvaca,(१०) दशमः सर्गः चतुर-चतुर्-भुजः अत्रान्तरेऽमसृण-रोष-वशाम् अपार-निःश्वास-निःसह-मुखीं सुमुखीम् उपेत्य । सव्रीडम् ईक्षित-सखी-वदनां दिनान्ते सानन्द-गद्गद-पदं हरिर् इत्य् उवच
+gg_10.2,|| prabandhaḥ 19 || deśavarāḍi-rāgāṣṭātālī-tālābhyāṃ gīyate | vadasi yadi kiñcid api danta-ruci-kaumudī harati dara-timiram atighoram | sphurad-adhara-sīdhave tava vadana-candramā rocayatu locana-cakoraṃ,॥ प्रबन्धः १९ ॥ देशवराडि-रागाष्टाताली-तालाभ्यां गीयते । वदसि यदि किञ्चिद् अपि दन्त-रुचि-कौमुदी हरति दर-तिमिरम् अतिघोरम् । स्फुरद्-अधर-सीधवे तव वदन-चन्द्रमा रोचयतु लोचन-चकोरं
+gg_10.3,priye cāru-śīle muñca mayi mānam anidānaṃ | sapadi madanānalo dahati mama mānasam dehi mukha-kamala-madhu-pānaṃ ||dhruva-padaṃ || satyam evāsi yadi sudati mayi kopinī dehi khara-nakhara-śara-ghātam | ghaṭaya bhuja-bandhanaṃ janaya rada-khaṇḍanaṃ yena vā bhavati sukha-jātaṃ,प्रिये चारु-शीले मुञ्च मयि मानम् अनिदानं । सपदि मदनानलो दहति मम मानसम् देहि मुख-कमल-मधु-पानं ॥ध्रुव-पदं ॥ सत्यम् एवासि यदि सुदति मयि कोपिनी देहि खर-नखर-शर-घातम् । घटय भुज-बन्धनं जनय रद-खण्डनं येन वा भवति सुख-जातं
+gg_10.4,tvam asi mama bhūṣaṇaṃ tvam asi mama jīvanaṃ tvam asi mama bhava-jaladhi-ratnam | bhavatu bhavatīha mayi satatam anurodhinī tatra mama hṛdayam atiyatnaṃ,त्वम् असि मम भूषणं त्वम् असि मम जीवनं त्वम् असि मम भव-जलधि-रत्नम् । भवतु भवतीह मयि सततम् अनुरोधिनी तत्र मम हृदयम् अतियत्नं
+gg_10.5,nīla-nalinābham api tanvi tava locanaṃ dhārayati kokanada-rūpaṃ | kusuma-śara-bāṇa-bhāvena yadi rañjayasi kṛṣṇam idam etad-anurūpam,नील-नलिनाभम् अपि तन्वि तव लोचनं धारयति कोकनद-रूपं । कुसुम-शर-बाण-भावेन यदि रञ्जयसि कृष्णम् इदम् एतद्-अनुरूपम्
+gg_10.6,sphuratu kuca-kumbhayor upari maṇi-mañjarī rañjayatu tava hṛdaya-deśam | rasatu raśanāpi tava ghana-jaghana-maṇḍale ghoṣayatu manmatha-nideśam,स्फुरतु कुच-कुम्भयोर् उपरि मणि-मञ्जरी रञ्जयतु तव हृदय-देशम् । रसतु रशनापि तव घन-जघन-मण्डले घोषयतु मन्मथ-निदेशम्
+gg_10.7,sthala-kamala-gañjanaṃ mama hṛdaya-rañjanaṃ janita-rati-raṅga-parabhāgam | bhaṇa masṛṇa-vāṇi karavāṇi caraṇa-dvayaṃ sarasa-lasad-alaktaka-rāgam,स्थल-कमल-गञ्जनं मम हृदय-रञ्जनं जनित-रति-रङ्ग-परभागम् । भण मसृण-वाणि करवाणि चरण-द्वयं सरस-लसद्-अलक्तक-रागम्
+gg_10.8,smara-garala-khaṇḍanaṃ mama śirasi maṇḍanaṃ dehi pada-pallavam udāram | jvalati mayi dāruṇo madana-kadanāruṇo haratu tad-upāhita-vikāram,स्मर-गरल-खण्डनं मम शिरसि मण्डनं देहि पद-पल्लवम् उदारम् । ज्वलति मयि दारुणो मदन-कदनारुणो हरतु तद्-उपाहित-विकारम्
+gg_10.9,iti caṭula-cāṭu-paṭu-cāru mura-vairiṇo rādhikām adhi vacana-jātam | jayatu jayadeva-kavi-bhāratī-bhūṣitaṃ māninī-jana-janita-śātam,इति चटुल-चाटु-पटु-चारु मुर-वैरिणो राधिकाम् अधि वचन-जातम् । जयतु जयदेव-कवि-भारती-भूषितं मानिनी-जन-जनित-शातम्
+gg_10.10,* * * * * parihara kṛtātaṅke śaṅkāṃ tvayā satataṃ ghana-stana-jaghanayākrānte svānte parānavakāśinī | viśati vitanor anyo dhanyo na ko'pi mamāntaraṃ praṇayini parīrambhārambhe vidhehi vidheyatām,* * * * * परिहर कृतातङ्के शङ्कां त्वया सततं घन-स्तन-जघनयाक्रान्ते स्वान्ते परानवकाशिनी । विशति वितनोर् अन्यो धन्यो न कोऽपि ममान्तरं प्रणयिनि परीरम्भारम्भे विधेहि विधेयताम्
+gg_10.11,mugdhe vidhehi mayi nirdaya-danta-daṃśa-dor-valli-bandha-niviḍa-stana-pīḍanāni | caṇḍi tvam eva mudam udvaha pañca-bāṇa-cāṇḍāla-kāṇḍa-dalanād asavaḥ prayāntu,मुग्धे विधेहि मयि निर्दय-दन्त-दंश-दोर्-वल्लि-बन्ध-निविड-स्तन-पीडनानि । चण्डि त्वम् एव मुदम् उद्वह पञ्च-बाण-चाण्डाल-काण्ड-दलनाद् असवः प्रयान्तु
+gg_10.12,śaśi-mukhi tava bhāti bhaṅgura-bhrūr yuva-jana-moha-karāla-kāla-sarpī | tad-udita-bhaya-bhañjanāya yūnāṃ tvad-adhara-sīdhu-sudhaiva siddha-mantraḥ,शशि-मुखि तव भाति भङ्गुर-भ्रूर् युव-जन-मोह-कराल-काल-सर्पी । तद्-उदित-भय-भञ्जनाय यूनां त्वद्-अधर-सीधु-सुधैव सिद्ध-मन्त्रः
+gg_10.13,vyathayati vṛthā maunaṃ tanvi prapañcaya pañcamaṃ taruṇi madhurālāpais tāpaṃ vinodaya dṛṣṭibhiḥ | sumukhi vimukhī-bhāvaṃ tāvad vimuñca na muñca māṃ svayam atiśaya-snigdho mugdhe priyo'yam upasthitaḥ,व्यथयति वृथा मौनं तन्वि प्रपञ्चय पञ्चमं तरुणि मधुरालापैस् तापं विनोदय दृष्टिभिः । सुमुखि विमुखी-भावं तावद् विमुञ्च न मुञ्च मां स्वयम् अतिशय-स्निग्धो मुग्धे प्रियोऽयम् उपस्थितः
+gg_10.14,bandhūka-dyuti-bāndhavo'yam adharaḥ snigdho madhūka-cchavir gaṇḍaś caṇḍi cakāsti nīla-nalina-śrī-mocanaṃ locanam | nāsābhyeti tila-prasūna-padavīṃ kundābha-danti priye prāyas tvan-mukha-sevayā vijayate viśvaṃ sa puṣpāyudhaḥ,बन्धूक-द्युति-बान्धवोऽयम् अधरः स्निग्धो मधूक-च्छविर् गण्डश् चण्डि चकास्ति नील-नलिन-श्री-मोचनं लोचनम् । नासाभ्येति तिल-प्रसून-पदवीं कुन्दाभ-दन्ति प्रिये प्रायस् त्वन्-मुख-सेवया विजयते विश्वं स पुष्पायुधः
+gg_10.15,dṛśau tava madālase vadanam indu-sandīpanaṃ gatir jana-manoramā vijita-rambhaṃ ūru-dvayam | ratis tava kalāvatī rucira-citra-lekhe bhruvāv aho vibudha-yauvataṃ vahasi tanvi pṛthvī-gatā,दृशौ तव मदालसे वदनम् इन्दु-सन्दीपनं गतिर् जन-मनोरमा विजित-रम्भं ऊरु-द्वयम् । रतिस् तव कलावती रुचिर-चित्र-लेखे भ्रुवाव् अहो विबुध-यौवतं वहसि तन्वि पृथ्वी-गता
+gg_10.16,sa prītiṃ tanutāṃ hariḥ kuvalayāpīḍena sārdhaṃ raṇe rādhā-pīna-payodhara-smaraṇa-kṛt-kumbhena sambhedavān | yatra svidyati mīlati kṣaṇam api kṣipraṃ tad-ālokana-vyāmohena jitaṃ jitaṃ jitam abhūt kaṃsasya kolāhalaḥ,स प्रीतिं तनुतां हरिः कुवलयापीडेन सार्धं रणे राधा-पीन-पयोधर-स्मरण-कृत्-कुम्भेन सम्भेदवान् । यत्र स्विद्यति मीलति क्षणम् अपि क्षिप्रं तद्-आलोकन-व्यामोहेन जितं जितं जितम् अभूत् कंसस्य कोलाहलः
+gg_11.1,(11) ekādaśaḥ sargaḥ sānanda-dāmodaraḥ suciram anunayena prīṇayitvā mṛgākṣīṃ gatavati kṛtaveśe keśave kuñja-śayyām | racita-rucira-bhūṣāṃ dṛṣṭi-moṣe pradoṣe sphurati niravasādāṃ kāpi rādhāṃ jagāda,(११) एकादशः सर्गः सानन्द-दामोदरः सुचिरम् अनुनयेन प्रीणयित्वा मृगाक्षीं गतवति कृतवेशे केशवे कुञ्ज-शय्याम् । रचित-रुचिर-भूषां दृष्टि-मोषे प्रदोषे स्फुरति निरवसादां कापि राधां जगाद
+gg_11.2,|| prabandhaḥ 20 || vasanta-rāga-yati-tālābhyāṃ gīyate | viracita-cāṭu-vacana-racanaṃ caraṇe racita-praṇipātam | samprati mañjula-vañjula-sīmani keli-śayanam anuyātaṃ,॥ प्रबन्धः २० ॥ वसन्त-राग-यति-तालाभ्यां गीयते । विरचित-चाटु-वचन-रचनं चरणे रचित-प्रणिपातम् । सम्प्रति मञ्जुल-वञ्जुल-सीमनि केलि-शयनम् अनुयातं
+gg_11.3,mugdhe madhu-mathanam anugatam anusara rādhike ||dhruva|||| ghana-jaghana-stana-bhāra-bhare dara-manthara-caraṇa-vihāram | mukharita-maṇi-mañjīram upaihi vidhehi marāla-vikāram,मुग्धे मधु-मथनम् अनुगतम् अनुसर राधिके ॥ध्रुव॥॥ घन-जघन-स्तन-भार-भरे दर-मन्थर-चरण-विहारम् । मुखरित-मणि-मञ्जीरम् उपैहि विधेहि मराल-विकारम्
+gg_11.4,śṛṇu ramaṇīyataraṃ taruṇī-jana-mohana-madhupa-virāvam | kusuma-śarāsana-śāsana-vandini pika-nikare bhaja bhāvam,शृणु रमणीयतरं तरुणी-जन-मोहन-मधुप-विरावम् । कुसुम-शरासन-शासन-वन्दिनि पिक-निकरे भज भावम्
+gg_11.5,anila-tarala-kiśalaya-nikareṇa kareṇa latā-nikurambam | preraṇam iva karabhoru karoti gatiṃ prati muñca vilambam,अनिल-तरल-किशलय-निकरेण करेण लता-निकुरम्बम् । प्रेरणम् इव करभोरु करोति गतिं प्रति मुञ्च विलम्बम्
+gg_11.6,sphuritam anaṅga-taraṅga-vaśād iva sūcita-hari-parirambham | pṛccha manohara-hāra-vimala-jala-dhāram amuṃ kuca-kumbham,स्फुरितम् अनङ्ग-तरङ्ग-वशाद् इव सूचित-हरि-परिरम्भम् । पृच्छ मनोहर-हार-विमल-जल-धारम् अमुं कुच-कुम्भम्
+gg_11.7,adhigatam akhila-sakhībhir idaṃ tava vapur api rati-raṇa-sajjam | caṇḍi rasita-raśanā-rava-ḍiṇḍimam abhisara sarasam alajjam,अधिगतम् अखिल-सखीभिर् इदं तव वपुर् अपि रति-रण-सज्जम् । चण्डि रसित-रशना-रव-डिण्डिमम् अभिसर सरसम् अलज्जम्
+gg_11.8,smara-śara-subhaga-nakhena sakhīm avalambya kareṇa salīlam | cala valaya-kvaṇitair avabodhaya harim api nija-gati-śīlaṃ,स्मर-शर-सुभग-नखेन सखीम् अवलम्ब्य करेण सलीलम् । चल वलय-क्वणितैर् अवबोधय हरिम् अपि निज-गति-शीलं
+gg_11.9,śrī-jayadeva-bhaṇitam adharīkṛta-hāram udāsita-vāmam | hari-vinihita-manasām adhitiṣṭhatu kaṇṭha-taṭīm avirāmam,श्री-जयदेव-भणितम् अधरीकृत-हारम् उदासित-वामम् । हरि-विनिहित-मनसाम् अधितिष्ठतु कण्ठ-तटीम् अविरामम्
+gg_11.10,* * * * * sā māṃ drakṣyati vakṣyati smara-kathāṃ praty-aṅgam āliṅganaiḥ prītiṃ yāsyati raṃsyate sakhi samāgatyeti cintākulaḥ | sa tvāṃ paśyati vepate pulakayaty ānandati svidyati pratyudgacchati mūrcchati sthira-tamah-puñje nikuñje prīyaḥ,* * * * * सा मां द्रक्ष्यति वक्ष्यति स्मर-कथां प्रत्य्-अङ्गम् आलिङ्गनैः प्रीतिं यास्यति रंस्यते सखि समागत्येति चिन्ताकुलः । स त्वां पश्यति वेपते पुलकयत्य् आनन्दति स्विद्यति प्रत्युद्गच्छति मूर्च्छति स्थिर-तमह्-पुञ्जे निकुञ्जे प्रीयः
+gg_11.11,akṣṇor nikṣipad añjanaṃ ��ravaṇayos tāpiñcha-gucchāvalīṃ mūrdhni śyāma-saroja-dāma kucayoḥ kastūrikā-patrakam | dhūrtānām abhisāra-sambhrama-jūṣāṃ viṣvaṅ-nikuñje sakhi dhvāntaṃ nīla-nicola-cāru sudṛśāṃ praty-aṅgam aliṅgati,अक्ष्णोर् निक्षिपद् अञ्जनं श्रवणयोस् तापिञ्छ-गुच्छावलीं मूर्ध्नि श्याम-सरोज-दाम कुचयोः कस्तूरिका-पत्रकम् । धूर्तानाम् अभिसार-सम्भ्रम-जूषां विष्वङ्-निकुञ्जे सखि ध्वान्तं नील-निचोल-चारु सुदृशां प्रत्य्-अङ्गम् अलिङ्गति
+gg_11.12,kāśmīra-gaura-vapuṣām abhisārikāṇāṃ ābaddha-rekham abhito ruci-mañjarībhiḥ | etat tamāla-dala-nīlatamaṃ tamisraṃ tat-prema-hema-nikaṣopalatāṃ tanoti,काश्मीर-गौर-वपुषाम् अभिसारिकाणां आबद्ध-रेखम् अभितो रुचि-मञ्जरीभिः । एतत् तमाल-दल-नीलतमं तमिस्रं तत्-प्रेम-हेम-निकषोपलतां तनोति
+gg_11.13,hārāvalī-tarala-kāñcana-kāñci-dāma-keyūra-kaṅkaṇa-maṇi-dyuti-dīpitasya | dvāre nikuñja-nilayasya hariṃ nirīkṣya vrīḍāvatīm atha sakhīṃ īyam ity uvaca,हारावली-तरल-काञ्चन-काञ्चि-दाम-केयूर-कङ्कण-मणि-द्युति-दीपितस्य । द्वारे निकुञ्ज-निलयस्य हरिं निरीक्ष्य व्रीडावतीम् अथ सखीं ईयम् इत्य् उवच
+gg_11.14,|| prabandhaḥ 21 || varāḍi-rāga-rūpaka-tālābhyāṃ gīyate | mañjutara-kuñja-tala-keli-sadane | vilasa rati-rabhasa-hasita-vadane,॥ प्रबन्धः २१ ॥ वराडि-राग-रूपक-तालाभ्यां गीयते । मञ्जुतर-कुञ्ज-तल-केलि-सदने । विलस रति-रभस-हसित-वदने
+gg_11.15,praviśa rādhe mādhava-samīpam iha || dhruva-padaṃ || nava-lasad-aśoka-dala-śayana-sāre | vilasa kuca-kalaśa-tarala-hāre,प्रविश राधे माधव-समीपम् इह ॥ ध्रुव-पदं ॥ नव-लसद्-अशोक-दल-शयन-सारे । विलस कुच-कलश-तरल-हारे
+gg_11.16,kusuma-caya-racita-śuci-vāsa-gehe | vilasa kusuma-sukumāra-dehe,कुसुम-चय-रचित-शुचि-वास-गेहे । विलस कुसुम-सुकुमार-देहे
+gg_11.17,mṛdu-cala-malaya-pavana-surabhi-śīte | vilasa madana-śara-nikara-bhīte,मृदु-चल-मलय-पवन-सुरभि-शीते । विलस मदन-शर-निकर-भीते
+gg_11.18,vitata-bahu-valli-nava-pallava-ghane | vilasa ciram alasa-pīna-jaghane,वितत-बहु-वल्लि-नव-पल्लव-घने । विलस चिरम् अलस-पीन-जघने
+gg_11.19,madhu-mudita-madhupa-kula-kalita-rāve | vilasa madana-rasa-sarasa-bhāve,मधु-मुदित-मधुप-कुल-कलित-रावे । विलस मदन-रस-सरस-भावे
+gg_11.20,madhuratara-pika-nikara-ninada-mukhare | vilasa daśana-ruci-rucira-śikhare,मधुरतर-पिक-निकर-निनद-मुखरे । विलस दशन-रुचि-रुचिर-शिखरे
+gg_11.21,vihita-padmāvatī-sukha-samāje | kuru murāre maṅgala-śatāni | bhaṇati jayadeva-kavi-rāja-rāje,विहित-पद्मावती-सुख-समाजे । कुरु मुरारे मङ्गल-शतानि । भणति जयदेव-कवि-राज-राजे
+gg_11.22,* * * * * tvāṃ cittena ciraṃ vahann ayam atiśrānto bhṛśaṃ tāpitaḥ kandarpeṇa ca pātum icchati sudhā-sambādha-bimbādharam | asyāṅkaṃ tad alaṅkuru kṣaṇam iha bhrū-kṣepa-lakṣmī-lava-krīte dāsa ivopasevita-padāmbhoje kutaḥ sambhramaḥ,* * * * * त्वां चित्तेन चिरं वहन्न् अयम् अतिश्रान्तो भृशं तापितः कन्दर्पेण च पातुम् इच्छति सुधा-सम्बाध-बिम्बाधरम् । अस्याङ्कं तद् अलङ्कुरु क्षणम् इह भ्रू-क्षेप-लक्ष्मी-लव-क्रीते दास इवोपसेवित-पदाम्भोजे कुतः सम्भ्रमः
+gg_11.23,sā sa-sādhvasa-sānandaṃ govinde lola-locanā | siñjānā mañju-mañjīraṃ praviveśa niveśanam,सा स-साध्वस-स��नन्दं गोविन्दे लोल-लोचना । सिञ्जाना मञ्जु-मञ्जीरं प्रविवेश निवेशनम्
+gg_11.24,|| prabandhaḥ 22 || varāḍi-rāga-yati-tālābhyāṃ gīyate | rādhā-vadana-vilokana-vikasita-vividha-vikāra-vibhaṅgam | jala-nidhim iva vidhu-maṇḍala-darśana-taralita-tuṅga-taraṅgam,॥ प्रबन्धः २२ ॥ वराडि-राग-यति-तालाभ्यां गीयते । राधा-वदन-विलोकन-विकसित-विविध-विकार-विभङ्गम् । जल-निधिम् इव विधु-मण्डल-दर्शन-तरलित-तुङ्ग-तरङ्गम्
+gg_11.25,harim eka-rasaṃ ciram abhilaṣita-vilāsam | sā dadarśa guru-harṣa-vaśaṃvada-vadanam anaṅga-nivāsaṃ || [dhru.] hāram amalatara-tāram urasi dadhataṃ parilambya vidūram | sphuṭatara-phena-kadamba-karambitam iva yamunā-jala-pūram,हरिम् एक-रसं चिरम् अभिलषित-विलासम् । सा ददर्श गुरु-हर्ष-वशंवद-वदनम् अनङ्ग-निवासं ॥ [ध्रु.] हारम् अमलतर-तारम् उरसि दधतं परिलम्ब्य विदूरम् । स्फुटतर-फेन-कदम्ब-करम्बितम् इव यमुना-जल-पूरम्
+gg_11.26,śyāmala-mṛdula-kalevara-maṇḍalam adhigata-gaura-dukūlam | nīla-nalinam iva pita-parāga-paṭala-bhara-valayita-mūlam,श्यामल-मृदुल-कलेवर-मण्डलम् अधिगत-गौर-दुकूलम् । नील-नलिनम् इव पित-पराग-पटल-भर-वलयित-मूलम्
+gg_11.27,tarala-dṛg-añcala-calana-manohara-vadana-janita-rati-rāgam | sphuṭa-kamalodara-khelita-khañjana-yugam iva śaradi taḍāgam,तरल-दृग्-अञ्चल-चलन-मनोहर-वदन-जनित-रति-रागम् । स्फुट-कमलोदर-खेलित-खञ्जन-युगम् इव शरदि तडागम्
+gg_11.28,vadana-kamala-pariśīlana-milita-mihira-sama-kuṇḍala-śobham | smita-ruci-rucira-samullasitādhara-pallava-kṛta-rati-lobham,वदन-कमल-परिशीलन-मिलित-मिहिर-सम-कुण्डल-शोभम् । स्मित-रुचि-रुचिर-समुल्लसिताधर-पल्लव-कृत-रति-लोभम्
+gg_11.29,śaśi-kiraṇa-cchuritodara-jaladhara-sundara-sakusuma-keśam | timirodita-vidhu-maṇḍala-nirmala-malayaja-tilaka-niveśam,शशि-किरण-च्छुरितोदर-जलधर-सुन्दर-सकुसुम-केशम् । तिमिरोदित-विधु-मण्डल-निर्मल-मलयज-तिलक-निवेशम्
+gg_11.30,vīpula-pulaka-bhara-danturitaṃ rati-keli-kalābhir adhīraṃ | maṇi-gaṇa-kiraṇa-samūha-samujjvala-bhūṣaṇa-subhaga-śarīram,वीपुल-पुलक-भर-दन्तुरितं रति-केलि-कलाभिर् अधीरं । मणि-गण-किरण-समूह-समुज्ज्वल-भूषण-सुभग-शरीरम्
+gg_11.31,śrī-jayadeva-bhaṇita-vibhava-dviguṇīkṛta-bhūṣaṇa-bhāram | praṇamata hṛdi vinidhāya hariṃ suciraṃ sukṛtodaya-sāram,श्री-जयदेव-भणित-विभव-द्विगुणीकृत-भूषण-भारम् । प्रणमत हृदि विनिधाय हरिं सुचिरं सुकृतोदय-सारम्
+gg_11.32,* * * * * atikramyāpāṅgaṃ śravaṇa-patha-paryanta-gamana-prayāsenevākṣṇos taralatara-tāraṃ gamitayoḥ | idānīṃ rādhāyāḥ priyatama-samāloka-samaye papāta svedāmbu-prasara iva harṣāśru-nikaraḥ,* * * * * अतिक्रम्यापाङ्गं श्रवण-पथ-पर्यन्त-गमन-प्रयासेनेवाक्ष्णोस् तरलतर-तारं गमितयोः । इदानीं राधायाः प्रियतम-समालोक-समये पपात स्वेदाम्बु-प्रसर इव हर्षाश्रु-निकरः
+gg_11.33,bhajantyās talpāntaṃ kṛta-kapaṭa-kaṇḍūti-pihita-smitaṃ yāte gehād bahir avahitālī-parijane | priyāsyaṃ paśyantyāḥ smara-paravaśākūta-subhagaṃ salajjā lajjāpi vyagamad iva dūraṃ mṛga-dṛśaḥ,भजन्त्यास् तल्पान्तं कृत-कपट-कण्डूति-पिहित-स्मितं याते गेहाद् बहिर् अवहिताली-परिजने । प्रियास्यं पश्यन्त्याः स्मर-परवशाकूत-सुभगं सलज्जा लज्जापि व्यगमद् इव दूरं मृग-दृशः
+gg_11.34,sānandaṃ nanda-sūnur diśatu mitaparaṃ saṃmadaṃ manda-mandaṃ rādhām ādhāya bāhvor vivaram anu drḍhaṃ pīḍayan prīti-yogāt | tuṅgau tasyā urojāv atanu-varatanor nirgatau mā sma bhūtāṃ pṛṣṭhaṃ nirbhidya tasmād bahir iti valita-grīvam ālokayan vaḥ,सानन्दं नन्द-सूनुर् दिशतु मितपरं संमदं मन्द-मन्दं राधाम् आधाय बाह्वोर् विवरम् अनु द्र्ढं पीडयन् प्रीति-योगात् । तुङ्गौ तस्या उरोजाव् अतनु-वरतनोर् निर्गतौ मा स्म भूतां पृष्ठं निर्भिद्य तस्माद् बहिर् इति वलित-ग्रीवम् आलोकयन् वः
+gg_11.35,jaya-śrī-vinyastair mahita iva mandāra-kusumaiḥ svayaṃ sindūreṇa dvipa-raṇa-mudā mudrita iva | bhujāpīḍa-krīḍā-hata-kuvalayāpīḍa-kariṇaḥ prakīrṇāsṛg-bindur jayati bhuja-daṇḍo murajitaḥ,जय-श्री-विन्यस्तैर् महित इव मन्दार-कुसुमैः स्वयं सिन्दूरेण द्विप-रण-मुदा मुद्रित इव । भुजापीड-क्रीडा-हत-कुवलयापीड-करिणः प्रकीर्णासृग्-बिन्दुर् जयति भुज-दण्डो मुरजितः
+gg_11.36,saundaryaika-nidher anaṅga-lalanā-lāvaṇya-līlā-juṣo rādhāyā hṛdi palvale manasija-krīḍaika-raṅga-sthale | ramyoroja-saroja-khelana-rasitvād ātmanaḥ khyāpayan dhyātur mānasa-rāja-haṃsa-nibhatāṃ deyān mukundo mudam,सौन्दर्यैक-निधेर् अनङ्ग-ललना-लावण्य-लीला-जुषो राधाया हृदि पल्वले मनसिज-क्रीडैक-रङ्ग-स्थले । रम्योरोज-सरोज-खेलन-रसित्वाद् आत्मनः ख्यापयन् ध्यातुर् मानस-राज-हंस-निभतां देयान् मुकुन्दो मुदम्
+gg_12.1,(12) dvādaśaḥ sargaḥ suprīta-pītāmbaraḥ gatavati sakhī-vṛnde'manda-trapā-bhara-nirbhara-smara-paravaśākūta-sphīta-smita-snapitādharam | sarasa-manasaṃ dṛṣṭvā rādhāṃ muhur nava-pallava-prasava-śayane nikṣiptākṣīm uvāca hariḥ priyām,(१२) द्वादशः सर्गः सुप्रीत-पीताम्बरः गतवति सखी-वृन्देऽमन्द-त्रपा-भर-निर्भर-स्मर-परवशाकूत-स्फीत-स्मित-स्नपिताधरम् । सरस-मनसं दृष्ट्वा राधां मुहुर् नव-पल्लव-प्रसव-शयने निक्षिप्ताक्षीम् उवाच हरिः प्रियाम्
+gg_12.2,|| prabandhaḥ 23 || vibhāsa-rāgaikatāli-tālābhyāṃ gīyate | kiśalaya-śayana-tale kuru kāmini caraṇa-nalina-viniveśam | tava pada-pallava-vairi-parābhavam idam anubhavatu suveśaṃ,॥ प्रबन्धः २३ ॥ विभास-रागैकतालि-तालाभ्यां गीयते । किशलय-शयन-तले कुरु कामिनि चरण-नलिन-विनिवेशम् । तव पद-पल्लव-वैरि-पराभवम् इदम् अनुभवतु सुवेशं
+gg_12.3,kṣaṇam adhunā nārāyaṇam anugatam anusara rādhike || dhruva || kara-kamalena karomi caraṇam aham āgamitāsi vidūram | kṣaṇam upakuru śayanopari mām iva nūpuram anugati-śūram,क्षणम् अधुना नारायणम् अनुगतम् अनुसर राधिके ॥ ध्रुव ॥ कर-कमलेन करोमि चरणम् अहम् आगमितासि विदूरम् । क्षणम् उपकुरु शयनोपरि माम् इव नूपुरम् अनुगति-शूरम्
+gg_12.4,vadana-sudhā-nidhi-galitam amṛtam iva racaya vacanam anukūlam | viraham ivāpanayāmi payodhara-rodhakam urasi dukūlaṃ,वदन-सुधा-निधि-गलितम् अमृतम् इव रचय वचनम् अनुकूलम् । विरहम् इवापनयामि पयोधर-रोधकम् उरसि दुकूलं
+gg_12.5,priya-parirambhaṇa-rabhasa-valitam iva pulakitam atiduravāpam | mad-urasi kuca-kalaśaṃ viniveśaya śoṣaya manasija-tāpam,प्रिय-परिरम्भण-रभस-वलितम् इव पुलकितम् अतिदुरवापम् । मद्-उरसि कुच-कलशं विनिवेशय शोषय मनसिज-तापम्
+gg_12.6,adhara-sudhā-rasam upanaya bhāmini jīvaya mṛtam iva dāsam | tvayi vinihita-manasaṃ virahānala-dagdha-vapuṣam avilāsam,अधर-सुधा-रसम् उपनय भामिनि जीवय मृतम् इव दासम् । त्वयि विनिहित-मनसं विरहानल-दग्ध-वपुषम् अविलासम्
+gg_12.7,śaśi-mukhi mukharaya maṇi-raśanā-guṇam anuguṇa-kaṇṭha-ninādam | śruti-yugale pika-ruta-vikale mama śamaya cirād avasādam,शशि-मुखि मुखरय मणि-रशना-गुणम् अनुगुण-कण्ठ-निनादम् । श्रुति-युगले पिक-रुत-विकले मम शमय चिराद् अवसादम्
+gg_12.8,mām ativiphala-ruṣā vikalī-kṛtam avalokitum adhunedam | lajjitam iva nayanaṃ tava viramati visṛja vṛthā rati-khedam,माम् अतिविफल-रुषा विकली-कृतम् अवलोकितुम् अधुनेदम् । लज्जितम् इव नयनं तव विरमति विसृज वृथा रति-खेदम्
+gg_12.9,śrī-jayadeva-bhaṇitam idam anupada-nigadita-madhuripu-modam | janayatu rasika-janeṣu manorama-rati-rasa-bhāva-vinodam,श्री-जयदेव-भणितम् इदम् अनुपद-निगदित-मधुरिपु-मोदम् । जनयतु रसिक-जनेषु मनोरम-रति-रस-भाव-विनोदम्
+gg_12.10,* * * * * pratyūhaḥ pulakāṅkureṇa niviḍa-leśa-nimeṣeṇa ca krīḍākūta-vilokite'dhara-sudhā-pāne kathā-kelibhiḥ | ānandādhigamena manmatha-kalā-yuddhe'pi yasminn abhūd udbhūtaḥ sa tayor babhūva suratārambhaḥ priyambhāvukaḥ,* * * * * प्रत्यूहः पुलकाङ्कुरेण निविड-लेश-निमेषेण च क्रीडाकूत-विलोकितेऽधर-सुधा-पाने कथा-केलिभिः । आनन्दाधिगमेन मन्मथ-कला-युद्धेऽपि यस्मिन्न् अभूद् उद्भूतः स तयोर् बभूव सुरतारम्भः प्रियम्भावुकः
+gg_12.11,dorbhyāṃ saṃyamitaḥ payodhara-bhareṇāpīḍitaḥ pāṇijair āviddho daśanaiḥ kṣatādhara-puṭaḥ śroṇī-taṭenāhataḥ | hastenānamitaḥ kace'dhara-madhu-syandena saṃmohitaḥ kāntaḥ kām api tṛptim āpa tad aho kāmasya vāmā gatiḥ,दोर्भ्यां संयमितः पयोधर-भरेणापीडितः पाणिजैर् आविद्धो दशनैः क्षताधर-पुटः श्रोणी-तटेनाहतः । हस्तेनानमितः कचेऽधर-मधु-स्यन्देन संमोहितः कान्तः काम् अपि तृप्तिम् आप तद् अहो कामस्य वामा गतिः
+gg_12.12,mārāṅke rati-keli-saṅkula-raṇārambhe tayā sāhasa-prāyaṃ kānta-jayāya kiṃcid upari prārambhi yat-sambhramāt | niṣpandā jaghana-sthalī śithilitā dor-vallir utkampitaṃ vakṣo mīlitam akṣi pauruṣa-rasaḥ strīṇāṃ kutaḥ sidhyati,माराङ्के रति-केलि-सङ्कुल-रणारम्भे तया साहस-प्रायं कान्त-जयाय किंचिद् उपरि प्रारम्भि यत्-सम्भ्रमात् । निष्पन्दा जघन-स्थली शिथिलिता दोर्-वल्लिर् उत्कम्पितं वक्षो मीलितम् अक्षि पौरुष-रसः स्त्रीणां कुतः सिध्यति
+gg_12.13,tasyāḥ pāṭala-pāṇijāṅkitam uro nidrā-kaṣāye dṛśau nirdhautādhara-śonimā vilulita-srasta-srajo mūrdha-jaḥ | kāñcī-dāma dara-ślathāñcalam iti prātar nikhātair dṛśor ebhiḥ kāma-śarais tad adbhutam abhūt patyur manaḥ kīlitaṃ,तस्याः पाटल-पाणिजाङ्कितम् उरो निद्रा-कषाये दृशौ निर्धौताधर-शोनिमा विलुलित-स्रस्त-स्रजो मूर्ध-जः । काञ्ची-दाम दर-श्लथाञ्चलम् इति प्रातर् निखातैर् दृशोर् एभिः काम-शरैस् तद् अद्भुतम् अभूत् पत्युर् मनः कीलितं
+gg_12.14,vyālolaḥ keśa-pāśas taralitam alakaiḥ sveda-mokṣau kapolau kliṣṭā bimbādhara-śrīḥ kuca-kalaśa-rucā hāritā hāra-yaṣṭiḥ | kāñcī-kāntir hatāśā stana-jaghana-padaṃ pāṇinācchādya sadyaḥ paśyantī satrapā sā tad api vilulitā mugdha-kantir dhinoti,व्यालोलः केश-पाशस् तरलितम् अलकैः स्वेद-मोक्षौ कपोलौ क्लिष्टा बिम्बाधर-श्रीः कुच-कलश-रुचा हारिता हार-यष्टिः । काञ्ची-कान्तिर् हताशा स्तन-जघन-पदं पाणिनाच्छाद्य सद्यः पश्यन्ती सत्रपा सा तद् अपि विलुलिता मुग्ध-कन्तिर् धिनोति
+gg_12.15,īṣan-mīlita-dṛṣṭi mugdha-vilasat-śītkāra-dhārā-vaśād avyaktākula-keli-kāku-vikasad-dantāṃśu-dhautādharam | śānta-stabdha-payodharaṃ bhṛśa-pariṣvaṅgāt kuraṅgī-dṛśo harṣotkarṣa-vimukta-niḥsaha-tanor dhanyo dhayaty ānanaṃ,ईषन्-मीलित-दृष्टि मुग्ध-विलसत्-शीत्कार-धारा-वशाद् अव्यक्ताकुल-केलि-काकु-विकसद्-दन्तांशु-धौताधरम् । शान्त-स्तब्ध-पयोधरं भृश-परिष्वङ्गात् कुरङ्गी-दृशो हर्षोत्कर्ष-विमुक्त-निःसह-तनोर् धन्यो धयत्य् आननं
+gg_12.16,atha sahasā suprītaṃ suratānte sā nitānta-khinnāṅgi | rādhā jagāda sādaram idam ānandena govindam,अथ सहसा सुप्रीतं सुरतान्ते सा नितान्त-खिन्नाङ्गि । राधा जगाद सादरम् इदम् आनन्देन गोविन्दम्
+gg_12.17,|| prabandhaḥ 24 || rāmakari-rāga-yati-tālābhyāṃ gīyate | kuru yadu-nandana candana-śiśiratareṇa kareṇa payodhare | mṛga-mada-patrakam atra mano-bhava-maṅgala-kalaśa-sahodare,॥ प्रबन्धः २४ ॥ रामकरि-राग-यति-तालाभ्यां गीयते । कुरु यदु-नन्दन चन्दन-शिशिरतरेण करेण पयोधरे । मृग-मद-पत्रकम् अत्र मनो-भव-मङ्गल-कलश-सहोदरे
+gg_12.18,nijagāda sā yadu-nandane krīḍati hṛdaya-nandane ||dhruva|||| ali-kula-gañjanam añjanakaṃ rati-nāyaka-sāyaka-mocane | tvad-adhara-cumbana-lambita-kajjalam ujjvalaya priya locane,निजगाद सा यदु-नन्दने क्रीडति हृदय-नन्दने ॥ध्रुव॥॥ अलि-कुल-गञ्जनम् अञ्जनकं रति-नायक-सायक-मोचने । त्वद्-अधर-चुम्बन-लम्बित-कज्जलम् उज्ज्वलय प्रिय लोचने
+gg_12.19,nayana-kuraṅga-taraṅga-vikasa-nirāsa-kare śruti-maṇḍale | manasija-pāśa-vilāsa-dhare śubha-veśa niveśaya kuṇḍale,नयन-कुरङ्ग-तरङ्ग-विकस-निरास-करे श्रुति-मण्डले । मनसिज-पाश-विलास-धरे शुभ-वेश निवेशय कुण्डले
+gg_12.20,bhramara-cayaṃ racayantam upari ruciraṃ suciraṃ mama sammukhe | jita-kamale vimale parikarmaya narma-janakam alakaṃ mukhe,भ्रमर-चयं रचयन्तम् उपरि रुचिरं सुचिरं मम सम्मुखे । जित-कमले विमले परिकर्मय नर्म-जनकम् अलकं मुखे
+gg_12.21,mṛga-mada-rasa-valitaṃ lalitaṃ kuru tilakam alika-rajani-kare | vihita-kalaṅka-kalaṃ kamalānana viśramita-śrama-sīkare,मृग-मद-रस-वलितं ललितं कुरु तिलकम् अलिक-रजनि-करे । विहित-कलङ्क-कलं कमलानन विश्रमित-श्रम-सीकरे
+gg_12.22,mama rucire cikure kuru mānada manasija-dhvaja-cāmare | rati-galite lalite kusumāni śikhaṇḍi-śikhaṇḍaka-ḍāmare,मम रुचिरे चिकुरे कुरु मानद मनसिज-ध्वज-चामरे । रति-गलिते ललिते कुसुमानि शिखण्डि-शिखण्डक-डामरे
+gg_12.23,sarasa-ghane jaghane mama śambara-dāraṇa-vāraṇa-kandare | maṇi-raśanā-vasanābharaṇāni śubhāśaya vāsaya sundare,सरस-घने जघने मम शम्बर-दारण-वारण-कन्दरे । मणि-रशना-वसनाभरणानि शुभाशय वासय सुन्दरे
+gg_12.24,śrī-jayadeva-vacasi rucire sadayaṃ hṛdayaṃ kuru maṇḍane | hari-caraṇa-smaraṇāmṛta-nirmita-kali-kaluṣa-jvara-khaṇḍane,श���री-जयदेव-वचसि रुचिरे सदयं हृदयं कुरु मण्डने । हरि-चरण-स्मरणामृत-निर्मित-कलि-कलुष-ज्वर-खण्डने
+gg_12.25,* * * * * racaya kucayoś citraṃ patraṃ kuruṣva kapolayor ghaṭaya jaghane kāñcīṃ mugdha-srajā kavarī-bharaṃ | kalaya valaya-śreṇīṃ pāṇau pade maṇi-nūpurāv iti nigaditaḥ prītaḥ pitāmbaro'pi tathākarot,* * * * * रचय कुचयोश् चित्रं पत्रं कुरुष्व कपोलयोर् घटय जघने काञ्चीं मुग्ध-स्रजा कवरी-भरं । कलय वलय-श्रेणीं पाणौ पदे मणि-नूपुराव् इति निगदितः प्रीतः पिताम्बरोऽपि तथाकरोत्
+gg_12.26,paryaṅkī-kṛta-nāga-nāyaka-phaṇā-śreṇī-maṇīnāṃ gaṇe saṅkrānta-pratibimba-saṃvalanayā bibhrad-vibhu-prakriyām | pādāmbho-ruha-dhāri-vāridhi-sutām akṣṇāṃ didṛkṣuḥ śataiḥ kāya-vyūham iva-carann apacitau bhūyo hariḥ pātu vaḥ,पर्यङ्की-कृत-नाग-नायक-फणा-श्रेणी-मणीनां गणे सङ्क्रान्त-प्रतिबिम्ब-संवलनया बिभ्रद्-विभु-प्रक्रियाम् । पादाम्भो-रुह-धारि-वारिधि-सुताम् अक्ष्णां दिदृक्षुः शतैः काय-व्यूहम् इव-चरन्न् अपचितौ भूयो हरिः पातु वः
+gg_12.27,tvām aprāpya mayi svayaṃvara-parāṃ kṣīroda-tīrodare śaṅke sundari kālakūṭam apiban mūḍho mṛḍānī-patiḥ | itthaṃ pūrva-kathābhir anya-manasā vikṣipya vakṣo'ñcalaṃ rādhāyāḥ stana-korakopari-milan-netro hariḥ pātu vaḥ,त्वाम् अप्राप्य मयि स्वयंवर-परां क्षीरोद-तीरोदरे शङ्के सुन्दरि कालकूटम् अपिबन् मूढो मृडानी-पतिः । इत्थं पूर्व-कथाभिर् अन्य-मनसा विक्षिप्य वक्षोऽञ्चलं राधायाः स्तन-कोरकोपरि-मिलन्-नेत्रो हरिः पातु वः
+gg_12.28,yad gāndharva-kalāsu kauśalam anudhyānaṃ ca yad vaiṣṇavaṃ yac chṛṅgāra-viveka-tattva-racanā-kāvyeṣu līlāyitam | tat sarvaṃ jayadeva-paṇḍita-kaveḥ kṛṣṇaika-tānātmanaḥ sānandāḥ pariśodhayantu sudhiyaḥ śrī-gīta-govindataḥ,यद् गान्धर्व-कलासु कौशलम् अनुध्यानं च यद् वैष्णवं यच् छृङ्गार-विवेक-तत्त्व-रचना-काव्येषु लीलायितम् । तत् सर्वं जयदेव-पण्डित-कवेः कृष्णैक-तानात्मनः सानन्दाः परिशोधयन्तु सुधियः श्री-गीत-गोविन्दतः
+gg_12.29,sādhūnāṃ svata eva saṃmatir iha syād eva bhaktyārthinām ālocya grathana-śramaṃ ca vidusām asmin bhaved ādaraḥ | ye kecit para-kṛty-upaśruti-parās tān arthaye mat-kṛtiṃ bhūyo vīkṣya vadanto avadyam iha cet sā vāsanā sthāsyati,साधूनां स्वत एव संमतिर् इह स्याद् एव भक्त्यार्थिनाम् आलोच्य ग्रथन-श्रमं च विदुसाम् अस्मिन् भवेद् आदरः । ये केचित् पर-कृत्य्-उपश्रुति-परास् तान् अर्थये मत्-कृतिं भूयो वीक्ष्य वदन्तो अवद्यम् इह चेत् सा वासना स्थास्यति
+gg_12.30,śrī-bhojadeva-prabhavasya rāmādevī-suta-śrī-jayadevakasya | parāśarādi-priya-varga-kaṇṭhe śrī-gīta-govinda-kavitvam astu,श्री-भोजदेव-प्रभवस्य रामादेवी-सुत-श्री-जयदेवकस्य । पराशरादि-प्रिय-वर्ग-कण्ठे श्री-गीत-गोविन्द-कवित्वम् अस्तु
+gg_12.31,sādhvī mādhvīka cintā na bhavati bhavataḥ śarkare karkaśāsi drākṣe drakṣyanti ke tvām amṛta mṛtam asi kṣīra nīraṃ rasaste | mākanda kranda kāntādhara dhara na tulāṃ gaccha yacchanti bhāvaṃ yāvac chṛṅgāra-sāraṃ śubham iva jayadevasya vaidagdhya-vācaḥ,साध्वी माध्वीक चिन्ता न भवति भवतः शर्करे कर्कशासि द��राक्षे द्रक्ष्यन्ति के त्वाम् अमृत मृतम् असि क्षीर नीरं रसस्ते । माकन्द क्रन्द कान्ताधर धर न तुलां गच्छ यच्छन्ति भावं यावच् छृङ्गार-सारं शुभम् इव जयदेवस्य वैदग्ध्य-वाचः
+gg_12.32,itthaṃ keli-tatir vihṛtya yamunā-kūle samaṃ rādhayā tad-romāvali-mauktikāvali-yuge veṇī-bhramaṃ bibhrati | tatrāhlādi-kuca-prayāga-phalayor lipsāvator hastayor vyāpārāḥ puruṣottamasya dadatu sphītāṃ mudaṃ sampadaṃ,इत्थं केलि-ततिर् विहृत्य यमुना-कूले समं राधया तद्-रोमावलि-मौक्तिकावलि-युगे वेणी-भ्रमं बिभ्रति । तत्राह्लादि-कुच-प्रयाग-फलयोर् लिप्सावतोर् हस्तयोर् व्यापाराः पुरुषोत्तमस्य ददतु स्फीतां मुदं सम्पदं