Split (3)

train · 78.8k rows

url stringlengths 40 43	title stringlengths 8 257	content stringlengths 0 29.2k
https://freshnewsasia.com/localnews/102003-	មន្ត្រីជំនាញកំពុងរង់ចាំគោលការណ៍ពី អភិបាលខេត្តកំពង់ចាម ដើម្បីចាត់ការលើសំណង់ស្ថានីយ៍ប្រេងអត់ច្បាប់មួយកន្លែង នៅស្រុកព្រៃឈរ ខណៈកំពុងលួចសាងសង់ដោយគ្មានការអនុញ្ញាត	( កំពង់ចាម ) ៖ មន្ត្រីជំនាញកំពុងរង់ចាំគោលការណ៍ ពីលោកអភិបាលខេត្តកំពង់ចាម លោក គួច ចំរើន ដើម្បីចាត់ការទៅលើសំណង់ស្ថានីយ៍ប្រេងឥន្ធនៈមួយកន្លែងនៅភូមិដៃបួន ឃុំជ្រៃវៀន ស្រុកព្រៃឈរ ដែលបាននិងកំពុងសាងសង់ដោយគ្មានច្បាប់ ។ នេះបើតាមលោក ធួន ជេដ្ឋា ប្រធានមន្ទីររៀបចំដែនដី នគររូបនីយកម្ម និងសំណង់ខេត្តកំពង់ចាម បានប្រាប់ភ្នាក់ងារព័ត៌មាន fresh news នៅថ្ងៃទី ១៦ ខែតុលា ឆ្នាំ ២០១៨ ។ លោក ធួន ជេដ្ឋា បានឲ្យដឹងថា ចំពោះសំណង់ស្ថានីយ៍ប្រេងឥន្ធនៈ ដែលកំពុងសាងសង់ដោយមិនមានច្បាប់អនុញ្ញាតខាងលើនេះ លោកបានធ្វើរបាយការណ៍ជូនទៅអភិបាលខេត្តកំពង់ចាមរួចហើយ ។ រហូតមកដល់ពេលនេះ លោកកំពុងរង់ចាំគោលការណ៍សម្រេចពីលោកអភិបាលខេត្តកំពង់ចាម ដើម្បីចាត់ការ ក្នុងករណីសំណង់អត់ច្បាប់នោះ ។ បើតាមលោក ឡោ ចាន់ឡី អភិបាលស្រុកព្រៃឈរ បានប្រាប់ភ្នាក់ងារព័ត៌មាន fresh news នៅព្រឹកថ្ងៃទី ១៦ ខែតុលា ឆ្នាំ ២០១៨ នេះដែរថា ចំណាត់ការបន្តរបស់អង្គភាពមន្ទីររៀបចំដែនដី នគររូបនីយកម្ម និងសំណង់ គឺមានតែការផ្តល់លិខិតឲ្យសាម៉ីម្ចាស់សំណង់ ដើម្បីបញ្ឈប់ការសាងសង់នោះ ហើយក្រោយពីផុតកំណត់បើម្ចាស់សំណង់នៅតែបំពានសាងសង់បន្តទៀត គឺមានតែ ក្រុមគណៈកម្មការ ធ្វើការវាយកម្ទេចចោលនូវសំណង់នោះតែប៉ុណ្ណោះ ។ ប៉ុន្តែយ៉ាងណាក៏ដោយ មកដល់ពេលនេះ លោកមិនទាន់បានទទួលគោលការណ៍ថ្មីពីប្រធានមន្ទីរដែនដី នគររូបនីយកម្ម និងសំណង់ក្រៅពីបានផ្តល់ដំណឹងជូនម្ចាស់សំណង់នោះ ចំនួន ៣ លើកមកហើយនោះ ។ សូមរំលឹកថា សំណង់ស្ថានីយ៍ប្រេងឥន្ធនៈមួយកន្លែងស្ថិតក្នុងភូមិដៃបួន ឃុំជ្រៃវៀន ស្រុកព្រៃឈរ ខេត្តកំពង់ចាម បានលួចសាងសង់ដោយគ្មានច្បាប់អនុញ្ញាត បើទោះជាមានការហាមឃាត់ពី អភិបាលស្រុកព្រៃឈរ ចំនួន ៣ លើកមកហើយក្តី ហើយបច្ចុប្បន្នម្ចាស់សំណង់នៅតែបន្តសាងសង់យ៉ាងគឃ្លើន ដោយគ្មានញញើតមន្ត្រីជំនាញ ឬអាជ្ញាធរដែនដីបន្តិចសោះឡើយ ។ ពាក់ព័ន្ធនិងសំណង់នេះដែរ តាមមន្ត្រីជំនាញថា ស្ថានីយ៍ថ្មីអាចអនុញ្ញតឲ្យសាងសង់បានលុះត្រាតែមានគម្លាតពីគ្នាចាប់ ២០០ ម៉ែត្រឡើងទៅ ដូច្នេះសម្រាប់ស្ថានីយ៍ថ្មី គឺនៅទល់មុខគ្នា ជាមួយស្ថានីយ៍ចាស់ ពោលគឺមន្ត្រីជំនាញមិនអនុញ្ញតឲ្យធ្វើការសាងសង់នោះទេ ។ ប្រការនេះលោក ធួន ជេដ្ឋា បានឲ្យដឹងផងដែរថា លោកធ្លាប់បានធ្វើលិខិតហាមឃាត់ម្ចាស់សំណង់នោះដែរ និងធ្លាប់អញ្ជើញម្ចាស់សំណង់មកធ្វើកិច្ចសន្យារួចហើយ ឲ្យគាត់រុះរើសំណង់នោះវិញ ដោយមិនអនុញ្ញតឲ្យសាងសង់បន្តទេ ។ បើម្ចាស់ស្ថានីយ៍នៅតែបន្តការសាងសង់ទៀត ខាងលោកមានតែរង់ចាំគោលការណ៍ពីលោកអភិបាលខេត្តកំពង់ចាម ដើម្បីចាត់ការទៅតាមនិតិវិធី ៕
https://freshnewsasia.com/localnews/18010-	សាលារាជធានីថា មិនទាន់ទទួលបាន លិខិតសុំធ្វើបាតុកម្ម របស់ក្រុមសម្ព័ន្ធយុវជនគាំទ្រ គណបក្សប្រជាជននៅឡើយ	( ភ្នំពេញ ) ៖ សាលារាជធានីភ្នំពេញ នៅមិនទាន់ទទួលបានលិខិតជាផ្លូវការណាមួយ ដើម្បីស្នើធ្វើបាតុកម្ម ពីក្រុមសម្ព័ន្ធយុវជនគាំទ្រ គណបក្សប្រជាជនកម្ពុជា ដើម្បីប្រឆាំងនឹងគណបក្សសង្គ្រោះជាតិ នៅឡើយទេ ។ នេះបើតាមលោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានថ្លែងប្រាប់ fresh news នៅព្រឹកថ្ងៃចន្ទនេះ ។ សូមជំរាបថា នាថ្មីៗនេះក្រុមសម្ព័ន្ធយុវជនគណបក្សប្រជាជនកម្ពុជា បានប្រកាសថា ពួកគេនឹងធ្វើបាតុកម្ម ប្រឆាំងគណបក្សសង្គ្រោះជាតិ ហើយទាមទារឱ្យរដ្ឋសភារំលាយបក្សនេះចោលតែម្តង ក្នុងករណីមានបាតុកម្មប្រឆាំង សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អំឡុងកិច្ចប្រជុំ អាស៊ាន - អាមេរិក នៅរដ្ឋកាលីហ្វរញ៉ា សហរដ្ឋអាមេរិក នៅថ្ងៃទី ១៥ - ១៦ ខែកុម្ភៈនេះ ៕
https://freshnewsasia.com/localnews/68616-	ក្រុមហ៊ុន samsung នឹងប្រកាសលក់ note fan edition នៅពេលឆាប់ៗនេះ	( ភ្នំពេញ ) ៖ ក្រុមហ៊ុន samsung នឹងប្រកាសលក់ទូរស័ព្ទ note fan edition ក្នុងពេលដ៏ឆាប់ខាងមុខនេះ ដែលនឹងបង្ហាញពីភាពសម្រិតសម្រាំងដ៏ប៉ិនប្រសប់ ការរចនាប្រកបដោយ ភាពផ្ចិតផ្ចង់នៃឧបករណ៍ដ៏ទំនើបគ្មានគូប្រជែង ។ ទូរស័ព្ទ note fan edition ថ្មី ក៏មានបំពាក់ដោយប្រព័ន្ធ ip 68 ធន់នឹងទឹក ទាំងទូរស័ព្ទ និងប៊ិក s pen ដែលជាប្រព័ន្ធការពារលំដាប់កំពូល និងការកម្សាន្ត គ្មានដែនកំណត់ ។ ទូរស័ព្ទ note fan edition ថ្មី ផ្តល់នូវតុល្យភាពយ៉ាងឥតខ្ចោះ រវាងមុខងារបំពេញការងារ និងការកម្សាន្ត ដើម្បីអត្ថប្រយោជន៍នៃការប្រើប្រាស់ច្រើនលើសពីស្មាតហ្វូនធម្មតា ។ លក្ខណៈពិសេស បន្ថែមពីលើការផ្តោតទៅលើការធានាគុណភាព មានលក្ខណៈពិសេសនៃទូរស័ព្ទ note fan edition ដែលផ្តល់ជូនអ្នកប្រើប្រាស់ ៖ * s pen : របស់ចាំបាច់បំផុតរបស់ note fan edition គឺប៊ិក s pen ។ ប៊ិក s pen គឺដូចជាប៊ិកពិតៗ ជាមួយនឹងភាពច្បាស់ និងអានុភាព ដូច្នេះ អ្នកប្រើប្រាស់អាចប្រើវា ដើម្បីកត់ត្រាបង្ហាញគំនិតនៅក្នុង ជីវភាពប្រចាំថ្ងៃ ទោះបីជានៅពេលទូរស័ព្ទរលត់ screen ក៏ដោយ ដោយប្រើមុខងារ screen off memo និងដាក់វាឲ្យភ្លឺជានិច្ច តាមរយៈមុខងារ always on display ។ ប៊ិក s pen ក៏អាចឲ្យអ្នកប្រើប្រាស់ បង្កើត និងចែកចាយរូបមានចលនា gif ដោយប្រើ smart select នៅលើមុខងារ air command ព្រមទាំងការប្រើប្រាស់ magnify and translate ដែលអាចឲ្យអ្នកប្រើប្រាស់អាចពង្រីកពង្រួមរូប នៅលើអេក្រង់ ឬប្តូរភាសាបាន * ការកម្សាន្តល្អផ្តាច់គេ ៖ ជាមួយអេក្រង់ qhd super amoled ទំហំ 5 . 7 - inch នៃទូរស័ព្ទដៃ note fan edition អាចឲ្យអ្នកទស្សនាវីដេអូ ជាមួយរូបភាព និងពណ៌ភ្លឺច្បាស់ល្អកម្រិតខ្ពស់ ។ ទូរស័ព្ទដៃ note fan edition អាចឲ្យអ្នកបង្ហោះវីដេអូក្នុងកម្រិត hdr ដើម្បីផ្តល់នូវភាពងាយស្រួលដល់អ្នកផលិតកុន ។ * សុវត្ថិភាព ៖ ទូរស័ព្ទដៃ note fan edition ផ្តល់ជូនលោកអ្នកសុវត្ថិភាពលំដាប់កំពូល ជាមួយ បច្ចេកវិទ្យាស្គេនប្រស្រីភ្នែក និងស្គេនម្រាមដៃ ព្រមជាមួយមុខងារ samsung knox ដែលជាមុខងារ សុវត្ថិភាពលំដាប់ពិភពលោក ។ មិនតែប៉ុណ្ណោះ អ្នកអាចចូលទៅកាន់វេបសាយ ឬប្រើប្រាស់សេវា ធនាគារកាន់តែងាយស្រួល និងមានសុវត្ថិភាពតាមរយៈកម្មវិធី samsung pass ។ note fan edition នឹងមកដល់ប្រទេសកម្ពុជា គឺនៅពាក់កណ្តាលខែវិច្ឆិការ ដែលមានតែ ២ ពណ៌គឺ ពណ៌ខ្មៅ និងពណ៌ទឹកសមុទ្រ ៕
https://freshnewsasia.com/localnews/69306-	ព័ត៌មានថ្មី ! ទីបំផុតកូរ៉េខាងត្បូង « ដាក់សម្ពោធនាវាកងទ័ពថ្មី ដែលអាចឲ្យនាវាផ្សេងចូលសំចត និងឧទ្ធម្ភាគចក្រចុះចត »	( សេអ៊ូល ) ៖ រង់ចាំអស់ជាយូរឆ្នាំ ទីបំផុតកងទ័ពជើងទឹកកូរ៉េខាងត្បូង បានសម្រេចដាក់សម្ពោធនាវាដែលអាចឲ្យនាវាផ្សេង ធ្វើការចូលចតដែលអាចធ្វើការទទួលនាវាផង និងឧទ្ធម្ភាគចក្រចុះចតផង ក្នុងចំនួនបីគ្រឿងបាន ព្រមទាំងអាចដឹកកងយោធារហូតដល់ទៅ ៣០០ នាក់ បានថែមទៀតផង ។ នេះបើតាមទីភ្នាក់ងារព័ត៌មានចិន ស៊ីនហួរ ចេញផ្សាយនារសៀលថ្ងៃព្រហស្បតិ៍ ទី ០២ ខែវិច្ឆិកា ឆ្នាំ ២០១៧ ។ ពិធីសម្ពោធខាងលើនេះ ត្រូវបានប្រារព្ធឡើងនៅការដ្ឋានផលិតនាវាធុនធ្ងន់ របស់ក្រុមហ៊ុនក្នុងស្រុក hyundai ដែលបច្ចុប្បន្នជា ក្រុមហ៊ុនផលិតនាវាធំបំផុតនៅកូរ៉េខាងត្បូង ស្ថិតនៅកំពង់ផែនៃទីក្រុង ulsan ភាគអាគ្នេយ៍ប្រទេស ។ សម្រាប់លក្ខណៈសម្បត្តិត្រួសៗ គឺនាវានេះមានទម្ងន់ ៤ , ៩០០ តោន ដែលវាជានាវាប្រភេទទីបួន នៅក្នុងគំរោង lst - ii របស់រដ្ឋាភិបាលកូរ៉េខាងត្បូង ។ វាអាចមានលទ្ធភាព ឲ្យនាវាខ្នាតតូចមួយ ចូលចតនៅក្នុងខ្លួនវាបាន ដោយខ្លួនវាមានប្រវែង ១២៧ ម៉ែត្រ និងអាចបើកបានល្បឿន ២៣ knots ឬក៏ ៤០ គីឡូម៉ែត្រក្នុងមួយម៉ោង ជាមួយនឹងអ្នកបម្រើការងារលើនោះ ១២០ នាក់ ។ បន្ថែមពីនេះវាក៏អាចផ្ទុកយន្តហោះចម្បាំងល្បឿនលឿន រថក្រោះ រថពាសដែក និងយោធាសរុប ៣០០ នាក់បានទៀតផង ។ ដោយឡែក នាវាប្រភេទនេះ អាចឲ្យឧទ្ធម្ភាគចក្រពីរគ្រឿងចុះចត និងហោះឡើងក្នុងពេលតែមួយ ហើយសម្រាប់កន្លែងចូលចតរបស់វា ដែលមាននាវាមួយទៀតនៅក្នុងនោះស្រាប់ ក៏អាចធ្វើការចុះចតឧទ្ធម្ភាគចក្របានមួយដែរ ។ នាវានេះនឹងត្រូវបញ្ជូនទៅកងនាវាជើងទឹក នៅចុងឆ្នាំ ២០១៨ ហើយចេញប្រតិបត្តិការនៅឆ្នាំ ២០១៩ ៕
https://freshnewsasia.com/localnews/52317-	គ . ជ . ប ទទួលបានអ្នកជំនាញការបោះឆ្នោតថ្មីមួយរូប ជានាយិកាអង្គការ ifes	( ភ្នំពេញ ) ៖ គណៈកម្មាធិការជាតិរៀបចំការបោះឆ្នោត ( គ . ជ . ប ) កាលពីម្សិលមិញ បានទទួលស្វាគមន៍វត្តមាន លោកស្រី សូហ្វី ឡាហ្គេនី នាយិកាអង្គការ ifes ( international foundation for electoral systems ) ធ្វើជាអ្នកជំនាញការបោះឆ្នោត នៅទីស្តីការរបស់ខ្លួន នេះបើតាមសេចក្តីសេចក្តីប្រកាសព័ត៌មានរបស់ គ . ជ . ប ។ គ . ជ . ប បានបញ្ជាក់ថា ការមកដល់របស់អ្នកជំនាញការបោះឆ្នោតអង្គការ ifes រូបនេះ បន្ទាប់ពីលោក អាដាម ស៊ូម៉ាកឃើ នាយកការិយាល័យប្រជាធិបតេយ្យ និងអភិបាលកិច្ចរបស់អង្គការ usaid បានផ្តល់ថវិកាតាមរយៈអង្គការ ifes ដើម្បីធ្វើការងារលើគម្រោងចំនួន ៣ ក្នុងការជួយលើកកម្ពស់ការបោះឆ្នោតនៅកម្ពុជា ។ គម្រោងទាំង ៣ នោះ រួមមាន ៖ ការកសាងសមត្ថភាពមន្ត្រីរបស់ គ . ជ . ប , ការបណ្តុះបណ្តាលមន្ត្រី គ . ជ . ប ក្នុងការដោះស្រាយវិវាទបោះឆ្នោត និងការជួយផ្សព្វផ្សាយព័ត៌មាន ស្តីពីការបោះឆ្នោតតាមប្រព័ន្ធសារឆ្លើយតបជាសម្លេង ( ivr ) និងតាមធ្យោបាយផ្សេងទៀត ។ ម្យ៉ាងទៀត usaid ក៏បានស្នើឱ្យ គ . ជ . ប ផ្តល់ការិយាល័យមួយដល់អង្គការ ifes នៅទីស្តីការ គ . ជ . ប ដើម្បីធ្វើការជាមួយ គ . ជ . ប ដោយផ្ទាល់ ។ លោក ស៊ិក ប៊ុនហុក ប្រធាន គ . ជ . ប បានឲ្យដឹងថា ដោយសារពេលវេលា សម្រាប់ការរៀបចំការបោះឆ្នោតជ្រើសរើសក្រុមប្រឹក្សាឃុំ - សង្កាត់ អាណត្តិទី ៤ ឆ្នាំ ២០១៧ នៅសល់ពេលវេលាខ្លី ដូចនេះលោកបានស្នើឱ្យអង្គការ ifes ជួយពន្លឿនគម្រោងទាំង ៣ ខាងលើ ដើម្បីដំណើរការបានឆាប់ទាន់ពេលវេលា ៕ ខាងក្រោមនេះ ជាសេចក្តីប្រកាសព័ត៌មានរបស់ គ . ជ . ប ៖
https://freshnewsasia.com/localnews/64440-	មេបញ្ជាការ និងកងទ័ពនៅយោធភូមិភាគទី ១ គាំទ្រចំណាត់ការរាជរដ្ឋាភិបាល និងថ្កោលទោសទង្វើក្បត់ជាតិរបស់លោក កឹម សុខា	( ស្ទឹងត្រែង ) ៖ លោកឧត្តមសេនីយ៍ឯក ហួត ឈាង មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី ១ រួមជាមួយកងទ័ពនៅយោធភូមិភាគទី ១ ទាំងអស់ បានសម្តែងការគាំទ្រពេញទំហឹង ចំពោះចំណាត់ការរបស់រាជរដ្ឋាភិបាលកម្ពុជា ដែលបានចាប់ខ្លួនលោក កឹម សុខា ដើម្បីទប់ស្កាត់ភាពវឹកវរ និងមហន្តរាយចំពោះសង្គមជាតិ ។ លោកឧត្តមសេនីយ៍ឯក ហួត ឈាង និងកងទ័ពនៅយោធភូមិភាគទី ១ ក៏បានសម្តែងការខឹងសម្បា និងថ្កោលទោសដាច់អហង្ការចំពោះទង្វើរបស់លោក កឹម សុខា ដែលបានឃុបឃិតជាមួយបរទេស ដើម្បីផ្តួលរំលំរាជរដ្ឋាភិបាលស្របច្បាប់របស់កម្ពុជា ។ សេចក្តីថ្លែងការណ៍ដែលបណ្តាញព័ត៌មាន fresh news ទទួលបាននៅព្រឹកថ្ងៃអាទិត្យ ទី ០៣ ខែកញ្ញា ឆ្នាំ ២០១៧ នេះ បានគូសបញ្ជាក់ថា « យើងខ្ញុំទាំងអស់គ្នា ជាកងទ័ពទូទាំងយោធភូមិភាគទី ១ ដែលកំពុងបំពេញភារកិច្ចការពារបូរណភាពទឹកដីតាមព្រំដែន និងរក្សាសន្តិសុខសណ្តាប់ធ្នាប់នៅក្នុងភូមិសាស្ត្រយោធភូមិភាគទី ១ ទាំងមូល ពិតជាមានការខកចិត្តជាខ្លាំងចំពោះលោក កឹម សុខា ដែលជាអ្នកនយោយបាបញ្ច្រាស់ទិសហ៊ានឃុបឃិតជាមួយពួកបរទេសប៉ុនប៉ងផ្តួលរំលំរាជរដ្ឋាភិបាលស្របច្បាប់តាមបដិវត្តន៍ពណ៌ ដែលជាទង្វើក្បត់ជាតិមិនអាចអត់ឱនបានឡើយ » ។ សូមបញ្ជាក់ថា លោក កឹម សុខា ត្រូវបានកម្លាំងសមត្ថកិច្ចចាប់ខ្លួននៅវេលាម៉ោងប្រមាណ ០០ ៖ ៣៥ នាទីរំលងអាធ្រាត្រឈានចូលថ្ងៃទី ០៣ ខែកញ្ញា ឆ្នាំ ២០១៧ នៅគេហដ្ឋានរបស់លោកស្ថិតនៅក្នុងសង្កាត់បឹងកក់ ២ ខណ្ឌទួលគោក រាជធានីភ្នំពេញ ។ ការចាប់ខ្លួនមេបក្សប្រឆាំងរូបនេះធ្វើឡើងបន្ទាប់ពីលោក កឹម សុខា បានបង្ហាញពីផែនការមួយចំនួនក្នុងការផ្តួលរំលំរាជរដ្ឋាភិបាលកម្ពុជាកំពុងគ្រប់គ្រងអំណាចដោយមានការគាំទ្រពីសហរដ្ឋអាមេរិក តាមរយៈវីដេអូមួយនៅលើបណ្តាញព័ត៌មាន cbn ដែលមានមូលដ្ឋាននៅប្រទេសអូស្ត្រាលី ។ ក្នុងវីដេអូនេះ លោក កឹម សុខា បានបង្ហាញពីផែនការជាច្រើនដែលផ្តល់គំនិត និងបង្ហាត់បង្រៀនដោយសហរដ្ឋអាមេរិកតាំងពីឆ្នាំ ១៩៩៣ មកម្ល៉េះ ក្នុងការប្រើអំណាចមហាជនឆ្ពោះទៅរកការក្តោបក្តាប់អំណាច ។ រាជរដ្ឋាភិបាលកម្ពុជា បានចាត់ទុកកាយវិការ និងសកម្មភាពរបស់មេបក្សប្រឆាំងតាមរយៈការនិយាយដោយផ្ទាល់មាត់នៅក្នុងវីដេអូនេះថា ជាអំពើក្បត់ជាតិ ដែលមានចែង និងផ្តន្ទាទោសតាមបញ្ញត្តិនៃមាត្រា ៤៤៣ ( បទសន្ទិដ្ឋិភាពជាមួយបរទេស ) ក្នុងផ្នែកទី ១ ស្តីពីអំពើក្បត់ជាតិ និងអំពើចារកម្ម ជំពូកទី ២ ស្តីពីការប៉ះពាល់សន្តិសុខនៃរដ្ឋ មាតិកាទី ១ ស្តីពីអំពើក្បត់ជាតិ និងអំពើចារកម្មជំពូកទី ២ ស្តីពីការប៉ះពាល់ដល់សន្តិសុខនៃរដ្ឋ មាតិកាទី ១ ស្តីពីការប៉ះពាល់ដល់ស្ថាប័នចម្បងរបស់រដ្ឋ គន្ថីទី ៤ ស្តីពីបទល្មើសប្រឆាំងនឹងជាតិ នៃក្រមព្រហ្មទណ្ឌរបស់ប្រទេសកម្ពុជា ។ តាមរយៈសេចក្តីថ្លែងការណ៍រាជរដ្ឋាភិបាល បានអំពាវនាវដល់ប្រជាពលរដ្ឋរក្សាភាពស្ងប់ស្ងាត់ និងទុកករណីនេះជូនតុលាការ ដើម្បីចាត់ការបន្ត ។ ក្រោយការចាប់ខ្លួនលោក កឹម សុខា ត្រូវបាននាំខ្លួនទៅកាន់ពន្ធនាគារ ត្រពាំងថ្លុងក្នុងខេត្តត្បូងឃ្មុំ ដែលមានចម្ងាយប្រមាណ ១៥០ គីឡូម៉ែត្រពីរាជធានីភ្នំពេញ ៕
https://freshnewsasia.com/localnews/103128-	ទូលព្រះបង្គំជាខ្ញុំ ហ៊ឹម ឆែម សូមថ្វាយព្រះពរ ព្រះមហាក្សត្រ ក្នុងឱកាសព្រះរាជពិធីបុណ្យខួបគម្រប់ ១៤ ឆ្នាំ នៃការយាងគ្រងព្រះរាជសម្បត្តិ	( ភ្នំពេញ ) ៖ ទូលព្រះបង្គំជាខ្ញុំ ហ៊ឹម ឆែម ទេសរដ្ឋមន្ត្រី រដ្ឋមន្ត្រីក្រសួងធម្មការ និងសាសនា និងភរិយា ព្រមទាំងថ្នាក់ដឹកនាំ មន្ត្រីរាជការក្រោមឱវាទទាំងអស់ សូមក្រាបបង្គំទូលថ្វាយព្រះពរ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងឱកាសព្រះរាជពិធីបុណ្យខួបគម្រប់ ១៤ ឆ្នាំ នៃការយាងគ្រងរាជសម្បត្តិ ( ២៩ - តុលា - ២០១៨ ) ។ ក្នុងឱកាសដ៏មហានក្ខត្តឫក្សវិសេសវិសាលនេះ ទូលព្រះបង្គំយើងខ្ញុំទាំងអស់ សូមព្រះបរមរាជានុញ្ញាតទូលថ្វាយព្រះសព្ទសាធុការពរជ័យ និងសម្តែងនូវអំណរសារទរ សប្បាយរីករាយជាអនេកប្បការដ៏ជ្រាលជ្រៅបំផុត និងសូមក្រាបបង្គំទូលថ្វាយព្រះពរជ័យ ព្រះករុណាជាអម្ចាស់ជីវិតលើត្បូង មានព្រះពលនុភាពខ្លាំងក្លា ព្រះបញ្ញាញាណភ្លឺថ្លា ព្រះកាយពលមាំមួន ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ក្នុងព្រះបរមសិរីរាជសម្បត្តិ ជាម្លប់ដ៏ត្រជាក់ត្រជំ សុខដុមរមនា ដល់ប្រជានុរាស្ត្ររួមរស់ក្នុងសុខសន្តិភាព និងភាពចម្រុងចម្រើន ថ្កុំថ្កើនរុងរឿង ទូទាំងព្រះរាជាណាចក្រកម្ពុជាជានិច្ចនិរន្តរ៍តរៀងទៅ ៕
https://freshnewsasia.com/localnews/65608-	មេបញ្ជាការ និងទាហានទាំងអស់ នៅយោធភូមិភាគទី ៥ ប្រកាសអនុវត្តន៍តាមប្រសាសន៍សម្តេចតេជោ ក្នុងការកម្ចាត់ពួកបរទេសឈ្លានពាន និងប្តេជ្ញាកម្ទេចជនធ្វើបដិវត្តន៍	( បាត់ដំបង ) ៖ មេបញ្ជាការ មេបញ្ជាការរង និងកងទ័ពខ្ទង់ពាន់នាក់នៅកងយោធភូមិភាគទី ៥ ខេត្តបាត់ដំបង បានប្រកាសគាំទ្រពេញទំហឹង និងអនុវត្តន៍ពេញទំហឹងតាម ប្រសាសន៍របស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងការកម្ចាត់បរទេសទាំងឡាយ ដែលប៉ុនប៉ងឈ្លានពានប្រទេសកម្ពុជា ។ ក្រុមកងទ័ពទាំងអស់ ក៏បានប្តេជ្ញាកម្ទេចរាល់ជនទាំងឡាយ ដែលប៉ុនប៉ងធ្វើបដិវត្តន៍ពណ៍ផងដែរ ។ ក្នុងសេចក្តីថ្លែងការណ៍របស់ លោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី ៥ ដែលតំណាងឲ្យទាហានខ្ទង់ពាន់នាក់ ដែល fresh news ទទួលបាននៅថ្ងៃទី ១៥ ខែកញ្ញា ឆ្នាំ ២០១៧ នេះ បានបញ្ជាក់ថា « យើងខ្ញុំទាំងអស់គ្នាជាកងទ័ព ដែលកតព្វកិច្ចការពារបូរណភាពទឹកដី សូមគាំទ្រទាំងស្រុងប្រសាសន៍ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាមេដឹកនាំដែលបានស្រោចស្រង់ប្រទេសកម្ពុជា ចេញពីភ្លើងសង្គ្រាម ដោយត្រូវរួបរួមគ្នាជាធ្លុង ដើម្បីកម្ចាត់ពួកបរទេសឈ្លានពាន » ។ ក្នុងសេចក្តីថ្លែងការណ៍បន្តថា « ពួកយើងខ្ញុំនឹងលើកកម្ពស់ស្មារតីជាតិនិយម សូមប្តេជ្ញាដាច់ខាតកម្ទេចចោលរាល់ការព្យាយាមផ្តួលរំលំកម្ពុជាតាមបដិវត្តន៍ពណ៌ មិនអនុញ្ញាតឲ្យបរទេសណារំលោភលើអធិបតេយ្យភាពនៃប្រទេសកម្ពុជាបានឡើយ ទោះជាត្រូវលះបង់ក្នុងតម្លៃណាក៏ដោយ » ។ សម្តេចតេជោ ហ៊ុន សែន ក្នុងកិច្ចសំណេះសំណាលជាមួយកម្មករ កម្មការិនី នៅសួនឧស្សាហកម្មវឌ្ឍនៈទី ១ នាព្រឹកថ្ងៃទី ១៥ ខែកញ្ញា នេះ បានថ្លែងអំពាវនាវដល់ប្រជាពលរដ្ឋខ្មែរទាំងអស់ ត្រូវរួបរួមគ្នាស្រឡាញ់ជាតិ ស្រឡាញ់មាតុភូមិ ហើយត្រូវប្រឆាំងដាច់ខាត រាល់បរទេសទាំងឡាយដែលឈ្លានពាន ដែនអធិបតេយ្យរបស់កម្ពុជា ៕
https://freshnewsasia.com/localnews/48557-	កងទ័ពកូរ៉េខាងជើង ០៦ នាក់ រត់ចូលក្នុងទឹកដីចិនដោយខុសច្បាប់ ! អាជ្ញាធរចិនប្រាប់ប្រជាជនឲ្យប្រយ័ត្នរឿងអំពើប្លន់ និងកាប់សម្លាប់ !	( សេអ៊ូល ) ៖ កងទ័ពកូរ៉េខាងជើង ០៦ នាក់បានឆ្លងកាត់ព្រំដែនចូលក្នុងទឹកដីចិន ខណៈក្រុមអាជ្ញាធរចិន កំពុងធ្វើប្រតិបត្តិការតាមរកទីតាំងដែលពួកគេស្ថិតនៅ ហើយសម្រាប់រឿងបែបនេះ មិនមែនទើបតែកើតឡើងជាលើកទី ១ នោះទេ ត្បិតកងទ័ពកូរ៉េខាងជើងមួយចំនួន ធ្លាប់បានប្រព្រឹត្តអំពើឆក់ប្លន់ក្នុងទឹកដីចិនទៀតផង ។ នេះបើតាមការចេញផ្សាយដោយទីភ្នាក់ងារសារព័ត៌មានយ៉ុនហាប់ នៅល្ងាចថ្ងៃព្រហស្បតិ៍ ទី ០២ ខែមីនា ឆ្នាំ ២០១៧ ។ យោងតាមប្រភពដែលយ៉ុនហាប់ទទួលបាន កងទ័ពកូរ៉េខាងជើងទាំង ០៦ នាក់ខាងលើ បានចាកចេញពីប៉ុស្តិ៍ត្រួតពិនិត្យរបស់ពួកគេ នៅក្បែរតំបន់ព្រំដែនកូរ៉េខាងជើង និងចិនហើយបានឆ្លងកាត់ព្រំដែនដោយខុសច្បាប់ចូលមកកាន់តំបន់ changbai នៃ ខេត្ត jilin ប្រទេសចិន កាលពីថ្ងៃអង្គារកន្លងទៅ ។ ទន្ទឹមគ្នានោះដែរ អាជ្ញាធរចិនបានព្រមានឱ្យប្រជាជននៅក្នុងតំបន់មានការប្រុងប្រយ័ត្នខ្ពស់ ក៏ដូចជាត្រូវរាយការណ៍ជាបន្ទាន់ បើសិនជាបានឃើញជនសង្ស័យទាំងនេះ ។ គួររំលឹកថាកាលពីខែកក្កដា ឆ្នាំ ២០១៦ កងទ័ពកូរ៉េខាងជើង ០៥ នាក់បានចូលប្លន់ផ្ទះអ្នកភូមិនៅក្នុងតំបន់ changbai ។ ចំណែកឯកាលពីខែធ្នូ ឆ្នាំ ២០១៤ កងទ័ពកូរ៉េខាងជើងម្នាក់បានសម្លាប់ជនជាតិចិន ០៤ នាក់ នៅក្នុងអំពើប្លន់មួយនៅឯតំបន់ព្រំដែនចិននៃទីក្រុង helong ។ ជាងនេះទៅទៀតនៅក្នុងឆ្នាំដដែលជនជាតិ កូរ៉េខាងជើងម្នាក់ផ្សេងទៀត ក៏បានសម្លាប់ប្តីប្រពន្ធចិន ០២ នាក់ផងដែរ នៅតំបន់ yangji និងបានប្លន់យកប្រាក់ពីជនរងគ្រោះអស់ ២ . ៩០០ ដុល្លារអាមេរិក មុននឹងត្រូវបានអាជ្ញាធរចាប់ខ្លួន នៅពេលព្យាយាមរត់ទៅកាន់ទីក្រុងប៉េកាំង ៕
https://freshnewsasia.com/localnews/70933-	និស្សិតនៃសាកលវិទ្យាល័យ ume ខេត្តកំពង់ចាម ទទួលចំណេះដឹងថ្មីៗ ពីមជ្ឈមណ្ឌលបណ្តុះបណ្តាល	( កំពង់ចាម ) ៖ ក្រុមនិស្សិតជាង ២០០ នាក់ នៃសាកលវិទ្យាល័យ គ្រប់គ្រង និងសេដ្ឋកិច្ច ខេត្តកំពង់ចាម នៅព្រឹកថ្ងៃទី ១៩ ខែវិច្ឆិកា ឆ្នាំ ២០១៧ នេះ បានទទួលវគ្គបណ្តុះបណ្តាលចំណេះដឹងថ្មី ពីក្រុមមគ្គុទេសរបស់មជ្ឈមណ្ឌលបណ្តុះបណ្តាល ( one academy ) ដែលបានរៀបចំធ្វើឡើងរយៈពេលមួយថ្ងៃ នៅសាកលវិទ្យាល័យគ្រប់គ្រង និងសេដ្ឋកិច្ច ខេត្តកំពង់ចាម ។ លោក ឈុំ សុខនៅ ជាវិគ្មិន នៃមជ្ឈមណ្ឌលបណ្តុះបណ្តាល ( one academy ) បានថ្លែងឲ្យដឹងថា សិក្ខាសាលាក្នុងរយៈពេលមួយថ្ងៃនេះ គឺផ្តោតទៅលើវិធីសាស្ត្រ ទ្រឹស្តី និងការអនុវត្តដែលអ្នកជំនួញ ភាគច្រើននៅជុំវិញពិភពលោកបានប្រើ ហើយចំណេះដឹងនេះ វានិងជួយឲ្យនិស្សិតមានភាពប៉ិនប្រសប់លើការប្រើឧបករណ៍ និងជំនាញផ្សេងៗ ដើម្បីទទួលផលចំណែញពីការជួញដូរ លើទីផ្សារហិរញ្ញវត្ថុនានា ។ លើសពីនេះទៅទៀត ការចែករំលែកនេះ និងបញ្ជ្រៀបទៅលើចំណេះដឹង ដែលគួរឲ្យចាប់អារម្មណ៍មួយ ក្នុងចំណោមទ្រព្យសម្បត្តិ ដែលពេញនិយមបំផុតលើទីផ្សារហិរញ្ញវត្ថុ ដែលទទួលបានប្រជាប្រិយភាពខ្លាំងនៅប៉ុន្មានឆ្នាំចុងក្រោយនេះ គឺរូបបិយប័ណ្ណឌីជីថល ( crypto currency ) ។ លោក មួន វាសនា ប្រធានគណៈគ្រប់គ្រងសាកលវិទ្យាល័យ គ្រប់គ្រង និងសេដ្ឋកិច្ច បានលើកឡើងថា សិក្ខាសាលានាថ្ងៃនេះ មានប្រធានបទ ៤ សំខាន់ៗ ដូចជា ប្រភេទទ្រព្យសម្បត្តិ , ប្រភេទទីផ្សារហិរញ្ញវត្ថុ , ប្រភេទនៃការវិភាគ និងឧបករណ៍ហិរញ្ញវត្ថុ ។ ការរៀបចំឲ្យមានសិក្ខាសាលានេះឡើង ក្នុងគោលបំណង ឲ្យនិស្សិតទាំងអស់ ទទួលចំណេះដឹងថ្មីៗ ឈានទៅដល់ក្លាយជាអ្នកវិនិយោគដែលមានចំណេះដឹង និងការវៃឆ្លាត សម្រាប់អនាគតរបស់ពួកគេ និងការអភិវឌ្ឍន ប្រទេសជាតិផងដែរ ៕
https://freshnewsasia.com/localnews/31879-	អាជ្ញាធរអប្សរា អំពាវនាវឱ្យអ្នកលេងហ្គេម « pokemon go » ប្រុងប្រយ័ត្នពេលចូលតំបន់អង្គរ , ហាមចូលកន្លែងហាមឃាត់	( ភ្នំពេញ ) ៖ អាជ្ញាធរជាតិអប្សរា នៅថ្ងៃសុក្រនេះបានអំពាវនាវឱ្យអ្នកលេងហ្គេម pokemon go ទាំងអស់ត្រូវមានស្មារតីទទួលខុសត្រូវ និងប្រុងប្រយ័ត្នខ្ពស់ ពេលចូលលេងនៅតំបន់អង្គរ ជាពិសេសនៅតំបន់ប្រាសាទបុរាណ ហើយមិនអនុញ្ញាតឱ្យចូលលេងល្បែងនេះ នៅតំបន់ហាមឃាត់បរិវេណប្រាសាទនោះទេ ។ ការប្រកាសរបស់អាជ្ញាធរអប្សរា បានធ្វើឡើងបន្ទាប់ពីសន្ទុះនៃការលេងល្បែង pokemon go ដែលកំពុងពេញនិយមនៅលើពិភពលោក បានចូលលុកលុយប្រទេសកម្ពុជា ។ យុវជនកម្ពុជា បានចាប់ផ្តើមលេងល្បែង pokemon go នៅតាមទីសាធារណៈមួយចំនួនដូចជានៅមុខព្រះបរមរាជវាំង កោះពេជ្រ និងតំបន់អង្គរជាដើម ។ នៅក្នុងសេចក្តីជូនដំណឹងរបស់ អាជ្ញាធរជាតិអប្សរា ដែលចេញនៅថ្ងៃទី ១៩ ខែសីហា ឆ្នាំ ២០១៦ នេះ បានសរសេរថា « ដូច្នេះដើម្បីរក្សាសុវត្ថិភាពប្រាសាទ និងសុវត្ថិភាពផ្ទាល់ខ្លួន អគ្គនាយកដ្ឋានអាជ្ញាធរជាតិអប្សរា សូមអំពាវនាវឱ្យភ្ញៀវទេសចរជាតិ - អន្តរជាតិ និងសាធារណជនទាំងអស់ មេត្តាមានស្មារតីទទួលខុសត្រូវ ក្នុងការលេងល្បែង pokemon go នៅតំបន់អង្គរ ជាពិសេសក្នុងបរិវេណបុរាណ និងសូមគោរពតាមការណែនាំរបស់ភ្នាក់ងារទេសចរ ក៏ដូចជាគោរពស្លាកសញ្ញាសម្គាល់នានានៅក្នុងប្រសាទ ជាពិសេសមិនអនុញ្ញាតឱ្យចូលក្នុងតំបន់ហាមឃាត់ ឬទីតាំងមិនអនុញ្ញាតនៅតាមប្រាសាទ » ។ ល្បែង pokemon go ដែលប្រើប្រាស់ជាមួយបច្ចេកវិទ្យាស្មាតហ្វូន កំពុងទទួលបានការចាប់អារម្មណ៍ពីមជ្ឈដ្ឋាននានានៅជុំវិញពិភពលោក ។ ល្បែងនេះតម្រូវឱ្យអ្នកលេងត្រូវសម្លឹងមើលទូរស័ព្ទដៃ និងដើរតាមទីតាំងនានា ដើម្បីស្វែងរក និងដេញចាប់តុក្កតា pokemon ដែលបង្កប់ខ្លួននៅទីសាធារណៈទាំងនោះ ប៉ុន្តែវាអាចមើលឃើញតែនៅលើអេក្រង់ទូរស័ព្ទ ឬបច្ចេកវិទ្យាទំនើបប៉ុណ្ណោះ ។ យុវវ័យដែលឆ្លក់វង្វេងនឹងការលេងល្បែងនេះហើយខ្វះការប្រុងប្រយ័ត្ន នៅតាមបណ្តាប្រទេសមួយចំនួន បានប្រឈមនឹងគ្រោះថ្នាក់ផងដែរ ក្នុងនោះរួមមានដូចជាគ្រោះថ្នាក់ចរាចរណ៍ ការឆក់ទូរស័ព្ទ និងការដើរបុកវត្ថុអ្វីមួយ ឬបុកមនុស្សជាដើម ៕
https://freshnewsasia.com/localnews/56703-	គ . ជ . ប ចេញសេចក្តីបញ្ជាក់ជាថ្មី ៖ ប្រជាជនជាង ៧ លាននាក់ ស្មើនឹង ៨៩ . ៥២ % បានទៅបោះឆ្នោតជ្រើសរើស ក្រុមប្រឹក្សាឃុំសង្កាត់ នៅថ្ងៃម្សិលមិញ	( ភ្នំពេញ ) ៖ គណៈកម្មាធិការជាតិរៀបចំ ការបោះឆ្នោត ( គ . ជ . ប ) នៅថ្ងៃទី ០៥ ខែមិថុនា ឆ្នាំ ២០១៧ នេះ បានចេញសេចក្តីប្រកាស ព័ត៌មានមួយ ដោយបញ្ជាក់ជាថ្មី ពីចំនួនប្រជាជនដែលបានអញ្ជើញទៅបោះឆ្នោត ជ្រើសរើសក្រុមប្រឹក្សាឃុំសង្កាត់ថា មានចំនួនរហូតដល់ ៧ , ០៤០៥៩៤ នាក់ ស្មើនឹង ៨៩ . ៥២ ភាគរយ ។ សូមជម្រាបថា ប្រជាពលរដ្ឋដែលមានឈ្មោះ ក្នុងបញ្ជីឈ្មោះបោះឆ្នោតឆ្នាំ ២០១៦ មានចំនួន ៧ , ៨៦៥ , ០៣៣ នាក់ ៕
https://freshnewsasia.com/localnews/46776-	សម្តេចតេជោ ហ៊ុន សែន ៖ ចាប់ពីខែមេសា ឆ្នាំ ២០១៧ តទៅ តម្លៃអគ្គិសនីតំបន់មួយចំនួន ខេត្តព្រៃវែងនឹងធ្លាក់ចុះ	( ភ្នំពេញ ) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងឱកាសជួបសំណេះសំណាល ជាមួយមន្ត្រីរាជការ កម្លាំងប្រដាប់អាវុធ នៅសាលាខេត្តព្រៃវែង នាព្រឹកថ្ងៃទី ១០ ខែកុម្ភៈនេះ សម្តេចបានបញ្ជាក់ថា ចាប់ពីខែមេសា ឆ្នាំ ២០១៧ ខាងមុខ តម្លៃអគ្គិសនី នៅតំបន់មួយចំនួន ក្នុងខេត្តព្រៃវែង នឹងធ្លាក់ចុះទៅតាមចំនួននៃការប្រើប្រាស់ថាមពល ។ សម្តេចតេជោ ហ៊ុន សែន បានបញ្ជាក់ដូច្នេះថា « ចាប់ពីខែមេសា ឆ្នាំ ២០១៧ តទៅ តំបន់មួយចំនួន នៅក្នុងខេត្តព្រៃវែង តម្លៃអគ្គីសនីក្នុង ១ គីឡូវ៉ាត់ម៉ោង ត្រូវបានធ្លាក់មកនៅត្រឹម ៤៨០ រៀល សម្រាប់អ្នកប្រើប្រាស់ ក្រោម ១០ គីឡូវ៉ាត់ម៉ោង ៦១០ រៀល សម្រាប់អ្នកប្រើប្រាស់ក្រោម ៥០ គីឡូវ៉ាត់ម៉ោងនិង ៧៩០ រៀល សម្រាប់អ្នកប្រើប្រាស់ លើស ៥០ គីឡូវ៉ាត់ ម៉ោង » ។ សូមជម្រាបថា នៅព្រឹកព្រលឹមថ្ងៃទី ១០ ខែកុម្ភៈ ឆ្នាំ ២០១៧ នេះ សម្តេចតេជោ ហ៊ុន សែន បានធ្វើដំណើរតាមរថយន្ត ពីភ្នំពេញឆ្ពោះទៅកាន់ខេត្តព្រៃវែង ដើម្បីជួបសំណេះសំណាល ជាមួយប្រជាពលរដ្ឋ មន្ត្រីរាជការកម្លាំងប្រដាប់អាវុធ ។ ក្នុងឱកាសចុះជួបសំណេះសំណាលនោះ សម្តេចតេជោ ហ៊ុន សែន បានចុះតាមសាលាដើម្បីជួបសួរសុខទុក្ខ និងដោះស្រាយ សំណូមពររបស់សិស្សានុសិស្ស និងលោកគ្រូអ្នក ជុំវិញការសាងសង់សាលារៀន ទីចាត់ការ និងអគារស្នាក់នៅជាដើម ។ សម្តេចតេជោ ហ៊ុន សែន បានដាក់ចេញនូវយុទ្ធនាការ ចុះជួបសំណេះសំណាលជាមួយប្រជាពលរដ្ឋ មន្ត្រីរាជការ និងកម្លាំងប្រដាប់អាវុធ គ្រប់ខេត្តទូទាំងប្រទេសកម្ពុជា ដោយគិតមកដល់ពេលនេះ សម្តេចតេជោ បានចុះសំណេះសំណាលចំនួន ២៤ រាជធានី - ខេត្តរួចហើយ នៅតែខេត្តកោះកុងមួយប៉ុណ្ណោះ ៕
https://freshnewsasia.com/localnews/95729-	ប្រជាពលរដ្ឋរាប់សិបគ្រួសារនៅឃុំសំរោង ខេត្តស្វាយរៀង សុំឲ្យអាជ្ញាធរជួយដោះស្រាយបញ្ហាទឹកដក់លើផ្លូវ និងជួយដាក់លូដើម្បីរំដោះទឹក	( ស្វាយរៀង ) ៖ ពលរដ្ឋរស់នៅក្នុងភូមិចេក ឃុំសំរោង ស្រុកចន្ទ្រា ខេត្តស្វាយរៀង បានរកបទអន្តរាគមន៍ពីអាជ្ញាធរដែនដី និងផ្នែកដែលការពាក់ព័ន្ធធ្វើការជួសជុលផ្លូវឡើងវិញ និងដើម្បីជួយសម្រួលដល់ ការធ្វើដំណើរ និងដឹកកសិផលពីជនបទ ឆ្ពោះទីកាន់ទីផ្សារ ខណៈដែលផ្លូវនៅក្នុងភូមិត្រូវខូចខាតដោយទឹកភ្លៀង និងទឹកហូរចេញពីក្លឹបការស៊ីណូ និងផ្ទះពលរដ្ឋហូរចូលបំផ្លាញផ្លូវផងនោះ ។ បើតាមការបញ្ជាក់ពីពលរដ្ឋ បានឲ្យដឹងថា ផ្លូវលំមួយខ្សែនេះដែលមានប្រវែងជិត ៣០០ ម៉ែត្រ ស្ថិតនៅក្នុងភូមិចេក ឃុំសំរោង ស្រុកចន្ទ្រា ខេត្តស្វាយរៀង ត្រូវទទួលរងនូវការខូចខាតស្ទើទាំងស្រុង ខណៈដែលទឹកភ្លៀង រួមនិងសំណល់រាវចេញពីក្លឹបកំសាន្តការស៊ីណូ និងផ្ទះពលរដ្ឋដែលសង់នៅសងខាងផ្លូវហូរចូលបន្ថែម ខណៈដែលតំបន់មួយនេះ គ្មានប្រព័ន្ធផ្លូវរំដោះទឹកចេញបានឡើយ ។ បើតាមពលរដ្ឋដែលធ្វើដំណើរឆ្លងកាត់នៅតំបន់នេះ បានលើកឡើងទៀតថា កាលដើមឡើយផ្លូវមួយខ្សែ ដែលស្ថិតនៅស្រប និងខ្សែបន្ទាត់ព្រំដែនកម្ពុជា - វៀតណាម ក្នុងភូមិចេក អាជ្ញាធរដែនដី និងផ្នែកពាក់ព័ន្ធបានស្ថាបនាឡើងបានល្អ ដើម្បីធ្វើដំណើរតែក្រោយៗ មកផ្លូវបានរងនូវការប្រើប្រាស់ច្រើនគួបផ្សំទៅ និងពលរដ្ឋបន្តមករស់នៅរកស៊ីបន្ថែម ហើយបន្តសាងសង់ផ្ទះកាន់តែច្រើន ធ្វើឲ្យកំណើនសំណល់រាវមានការកើនឡើង បានហូរចាក់មករកផ្លូវ គួបនិងនៅតំបន់នេះគ្មានព្រែក , បឹង , អូរ ដើម្បីរំដោះទឹក បានក៏បណ្តាលឲ្យមានទឹកលិចផ្លូវរងការខូចខាតខ្លាំងតែម្តង ។ ជុំវិញនៃការលំបាក់ធ្វើដំណើរ និងការរស់នៅរងនូវសំណល់រាវចេញពីផ្ទះបាយ បង្គន់ បង្ហើរក្លិនអសោច ពិបាកទ្រាំផងនោះ តំណាងពលរដ្ឋបានស្នើដល់អាជ្ញាធរ និងផ្នែកពាក់ព័ន្ធជួយជួសជុលស្ថាបនាផ្លូវ ដែលរងការខូចខាត់នេះឡើងវិញផង ។ ទាក់ទងទៅ និងការអំពាវនាវរបស់ពលរដ្ឋ ស្នើដល់អាជ្ញាធរដែនដី ជួយពន្លឿននូវការជួសជុលផ្លូវ រំដោះទឹក លោក ងួន រ៉ាំ អភិបាលស្រុកចន្ទ្រា បានបញ្ជាក់ថា កន្លងមកលោក បានឲ្យអភិបាលរងស្រុក និងក្រុមការងារស្រុក ចុះទៅពិនិត្យមើលផ្លូវនេះ ពិតជាមានការលំបាកក្នុងការធ្វើដំណើរ និងការរស់នៅរបស់ពលរដ្ឋពិតមែនពីព្រោះតំបន់នេះ ពុំមានផ្លូវណាមួយអាចរំដោះទឹកចេញ នៅរដូវវស្សាបាននោះទេ ។ លោកបានបន្តថា ផ្លូវរងនូវការខូចខាតធ្ងន់ធ្ងរគួសមដោយទឹកភ្លៀងបន្ថែម ពីលើសំណល់រាវចេញពីផ្ទះពលរដ្ឋ និងការស៊ីណូនោះដែល អាជ្ញាធរស្រុក - ឃុំ និងក្លឹបកាស៊ីណូ បន្តពិភាក្សាស្វែងរកការរំដោះទឹកនៅពេលខាងមុខ ពីព្រោះស្រុក និងឃុំពុំមានកញ្ចប់ថវិកាសម្រាប់ស្ថាបនា កែលំអរនៅពេលនេះទេ ៕
https://freshnewsasia.com/localnews/46651-	សម្តេចតេជោ ហ៊ុន សែន ៖ « បើចៅបំភ្លេចអតីតកាលមិន ខុសពីបំភ្លេចម្តាយខ្លួនឯងទេ ហើយក៏មិនខុសពីមេអំបៅបំភ្លេចកំណើតខ្លួន ដែលចេញពីដង្កូវដែរ »	( ភ្នំពេញ ) ៖ « គិតឱយច្បាស់ចៅអតីតកាលនោះហើយដែលរុញ យើងឱយមកដល់បច្ចុប្បន្ន ។ ម្តាយចៅបង្កើត ចៅមកក៏ជាអតីតកាល បើចៅបំភ្លេចអតីតកាលមិន ខុសពីបំភ្លេចម្តាយខ្លួនឯងទេ ហើយក៏មិនខុសពីមេអំបៅបំភ្លេចកំណើតខ្លួនដែលចេញពីដង្កូវដែរ ។ តាជូនយោបល់ចៅដោយចិត្តស្មោះ ទ្រឹស្តីចៅមិនគួរប្រើវាទេ » នេះជាសាររបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បង្ហាញនៅលើ facebook ឆ្លើយតបនឹងយុវជនម្នាក់ដែលបង្ហោះរូបភាពនិងពាក្យថា « អតីតត្រឹមជាស្រមោលបំភ្លេចវាចោលហើយបង្កើតបច្ចុប្បន្ន » ។ ជុំវិញការបង្ហោះរបស់យុវជនម្នាក់នេះ ក៏ត្រូវបានអ្នកប្រើប្រាស់ facebook ( cherry hing ) ប្រតិកម្មទៅវិញថា ៖ « ទ្រឹស្តីនេះគេប្រើវាសំរាប់តែរឿងបរាជ័យ ក្នុងអតីតកាលប៉ុណ្ណោះ យើងមិនអាចយកវាមកប្រើជាទូទៅបានទេប្អូន » ។ ចំណែកអ្នកប្រើប្រាស់ facebook ម្នាក់ទៀតក៏បានឡើងថា ៖ « សូមកុំគិតថា អតីតកាលគ្មានន័យសម្រាប់បច្ចុប្បន្នកាលឲ្យសោះ ត្រូវចាំថាអតីតកាលមានន័យសម្រាប់បច្ចុប្បន្នកាល / បច្ចុប្បន្នកាលមានន័យសម្រាប់អនាគតកាល ( ចូលចងចាំទុកជានិច្ច ) ៕
https://freshnewsasia.com/localnews/60744-	ទស្សនាជម្រើសរូបភាពសំខាន់ៗ ស្តែងពីព្រឹត្តិការណ៍អន្តរជាតិប្រចាំថ្ងៃទី ២៤ ខែកក្កដា ឆ្នាំ ២០១៧ ! ( photo inside )	( ពិភពលោក ) ៖ នៅថ្ងៃចន្ទ ទី ២៤ ខែកក្កដា ឆ្នាំ ២០១៧ នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោក ដ៏គួរឲ្យចាប់អារម្មណ៍ជាច្រើន ។ ដូច្នេះបើចង់ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម ៖ ១ ៖ អ្នកតវ៉ាម្នាក់ប្រឆាំងនឹងប្រធានាធិបតីវេណេស៊ុយអេឡា លោក នីកូឡាស់ ម៉ាឌូរ៉ូ លុតជង្គង់ ជូនផ្កាដល់អាជ្ញាធរដែលបិទផ្លូវរារាំងក្រុមបាតុករ ៕ ២ ៖ រូបភាពកីឡាករស៊ូម៉ូជប៉ុន hayato លោតពីលើកីឡាករអ៊ុយក្រែន oleksandr veresiuk នៅអំឡុងការប្រកួតកីឡាស៊ូម៉ូ open weight men's competition of the wold games នៅសាលកីឡា orbita ក្នុងទីក្រុង wroclaw ប្រទេសប៉ូឡូញ ៕ http :// www . telegraph . co . uk / content / dam / news / 2017 / 07 / 23 / telemmglpict 000135565894 - large _ trans _ nvbqzqnjv 4 bqncia 7 bkdsl 5 uc 5 dkbik 1 rxvrojcfkf 6 phw 8 xupnf 30 e . jpeg ៣ ៖ ព្រែកពោរពេញដោយសំរាម និងប្លាស្ទិចនៅក្នុងទីក្រុង dhaka ប្រទេសបង់ក្លាដែស ៕ http :// www . telegraph . co . uk / content / dam / news / 2017 / 07 / 23 / telemmglpict 000135463717 - large _ trans _ nvbqzqnjv 4 bqek 9 vkm 18 v _ rkiph 9 w 2 gmntm 3 najpw - 2 _ ovjcis 6 cocu . jpeg ៤ ៖ មនុស្សម្នានាំគ្នាសម្រាកលំហែកាយនៅឆ្នេរសមុទ្រ rabat ប្រទេស morocco ៕ http :// www . telegraph . co . uk / content / dam / news / 2017 / 07 / 23 / telemmglpict 000135565448 - large _ trans _ nvbqzqnjv 4 bqdgzgdyqhqusxl 972 - ifqftx 4 owtlqdnux 2 mg 4 tuilk 4 . jpeg ៥ ៖ អាជ្ញាធរអាហ្វហ្គានីស្ថាននៅថ្ងៃចន្ទនេះបានអះអាងថា ចំនួនអ្នកស្លាប់នៅក្នុងការវាយប្រហារ ដោយបំផ្ទុះរថយន្តអត្តឃាត ដោយក្រុមតាលីបង់នៅឯទីក្រុងកាប៊ុល បានកើនដល់ ៣៥ នាក់ និងច្រើនជាង ៤០ នាក់ផ្សេងទៀតរងរបួស ៕ ៦ ៖ ចិនព្រមានយ៉ាងទទូចឲ្យឥណ្ឌាដកកងទ័ពទាំងអស់ ដែលបានចូលមកកាន់ទឹកដីចិនដោយខុសច្បាប់ នៅឯតំបន់ភ្នំហិមាល័យ ហើយថាទីក្រុងញូដេលីគួរតែបោះបង់ចោលក្តីសម្រើស្រមៃរបស់ខ្លួនដែលថាដែនដីមានបញ្ហាវិវាទនេះ គឺជារបស់ឥណ្ឌានោះចោលទៅ ៕ ៧ ៖ កងទ័ពរុស្ស៊ី ដែលមានមូលដ្ឋាននៅតំបន់ northern caucasus និង south ossetia ភាគនិរតីប្រទេស បានចាប់ផ្តើមធ្វើសមយុទ្ធទ្រង់ទ្រាយធំរបស់ពួកគេហើយ ដែលមានការចូលរួមពីពលទាហានជាងមួយម៉ឺននាក់ និងសព្វាវុធក៏ដូចជាបរិក្ខាយោធា ៤ , ០០០ ពាន់គ្រឿង ៕
https://freshnewsasia.com/localnews/81530-	សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ផ្តល់អគារសិក្សាមួយខ្នង ជូនសហគមន៍ខ្មែរឥស្លាមអ្នកឃុំជំនីក ខេត្តត្បូងឃ្មុំ តាមរយៈលោក ហ៊ុន ម៉ានី	( ត្បូងឃ្មុំ ) ៖ លោក ហ៊ុន ម៉ានី តំណាងសម្តេចសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អញ្ជើញសម្ពោធសមិទ្ធផលរបស់ វិទ្យាល័យ ម៉ាអាហាទហាជ្ជីហ្វិកក្រី ឃុំជំនីក ស្រុកក្រូចឆ្មារ ខេត្តត្បូងឃ្មុំ ដែលមានតម្លៃជាង ១៤ ម៉ឺនដុល្លា លោកបានប្រកាសប្រគល់បន្ថែមនូវអាគារសិក្សា ១ ខ្នង ទៀតដែល មានកំពស់ ៤ ជាន់ ២៤ បន្ទប់ជាកាដូរចំណងដៃពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនសហគមន៍អ្នកឃុំជំនីក ដែលសាងសង់នៅក្នុងបរិវេណវិហារឥស្លាមភូមិបន្ទាយ ឃុំជំនីក នៅជាប់វិទ្យាល័យម៉ាអាហាទហាជ្ជីហ្វិកក្រី ។ អំណោយដ៏ថ្លៃថ្លានេះ បានផ្តល់នូវការរំភើបចិត្តកាន់តែខ្លាំងឡើងដល់សហគមន៍ខ្មែរឥស្លាមអ្នកឃុំជំនីក ស្របពេលនឹងសហគមន៍មួយនេះ ក៏បានទទួលនូវសមិទ្ធផលអាគារសិក្សាសរុប ២០ រួច ពីសប្បុរសជនម៉ាឡេស៊ី ប៉ុន្តែនៅតែមិនទាន់គ្រប់គ្រាន់សម្រាប់តម្រូវការជាក់ស្តែងរបស់ពួកគាត់ ខណៈសិស្សានុសិស្សកាន់តែមានការកើនឡើងពី ១ ឆ្នាំ ទៅ ១ ឆ្នាំ ។ លោកឧកញ៉ា អូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រី បានបង្ហាញសុទិដ្ឋិនិយមចំពោះសមិទ្ធផលច្រើន ដែលសហគមន៍ខ្មែរឥស្លាមរបស់លោក បាននិងកំពុងទទួលបានជារឿយៗ ពីប្រមុខរាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន ។ បន្ទាប់ពីបានថ្លែងអំណរគុណ ដល់ប្រមុខរាជរដ្ឋាភិបាល លោកឧកញ៉ា បានក្រើនរំលឹកដល់ប្រជាពលរដ្ឋសហគមន៍របស់ខ្លួន ឲ្យរួបរួមសហការគ្នាបំពេញតួនាទីជាពលរដ្ឋមានតម្លៃ គុណធម៌ ក្នុងសង្គម និងដឹងគុណជានិច្ចដល់គណបក្សប្រជាជនកម្ពុជា ដែលជាអ្នកផ្តល់កំណើតទី ២ ដល់អ្នកគ្រប់គ្នា ។ ស្របពេលជាមួយនឹងការប្រកាសសម្ពោធអាគារសិក្សា និងសមិទ្ធផលនានារបស់វិទ្យាល័យ ម៉ាអាហាទហាជ្ជីហ្វិកគ្រី ក៏ដូចជាការផ្តល់ជូនបន្ថែមចំណងដៃ ពីសម្តេចតេជោ នូវអាគារសិក្សា ២៤ បន្ទប់បន្ថែមទៀត លោក ហ៊ុន ម៉ានី បានលើកឡើងថា ទោះក្នុងកាលៈទេសៈណាក៏ដោយ រាជរដ្ឋាភិបាលកម្ពុជា នៅតែឈរលើឆន្ទៈមួយដែលយករាស្ត្រជាធំ និងបន្តកសាងរួមសុខ រួមទុក្ខជាមួយប្រជាពលរដ្ឋ ត្បិតយើងទទួលស្គាល់ថា ចំណុចខ្វះចន្លោះមួយចំនួន វាតែងតែមាន ហើយប្រទេសណាមួយដែលគ្មានចំណុចខ្វះខាតនោះ ? តែយើងនៅតែមានមោទនៈភាព ចំពោះស្នាដៃនៃការខិតខំប្រឹងប្រែងរបស់រាជរដ្ឋាភិបាល បានបំពេញនូវភាពខ្វះខាតស្ទើរទាំងស្រុង ហើយធ្វើឲ្យប្រទេសជាតិទាំងមូលកាន់តែមានការរីកចម្រើនទៅមុខពី ១ ឆ្នាំទៅ ១ ឆ្នាំ ពី ១ អាណត្តិទៅ ១ អាណត្តិ ។ លោក ហ៊ុន ម៉ានី បន្តថាសមិទ្ធផលទាំងអស់នេះ មិនមែនកើតឡើងដោយចៃដន្យនោះទេ គឺវាកើតឡើងដោយកិច្ចខិតខំស្តារប្រទេសជាតិ ដោយមានការលះបង់ខ្ពស់ របស់ថ្នាក់ដឹកនាំគណបក្សប្រជាជនកម្ពុជា ពីប្រទេសអសន្តិសុខប្រទេសមានសង្គ្រាម ទៅជាសុខសន្តិភាព ពេញលេញ ។ ជាចុងក្រោយលោក ហ៊ុន ម៉ានី បានរំលឹកផងដែរថា យើងជាខ្មែរ យើងត្រូវមានគុណធម៌មួយ កុំសូវមើលឃើញតែចំណុចខ្វះខាត ចំនុចខ្សោយខ្លះ ក្នុងសង្គមជាក់ស្តែង ព្រោះចំណុចវិជ្ជមានចំណុចខ្លាំងជាច្រើនលើសលុប នៅជុំវិញខ្លួនយើងដែលត្រូវមើលរំលងសោះឡើយ ខណៈបើយើងនៅតែគិតតែពី ចំណុចអវិជ្ជមានពេក តើមានអ្វីជាដើមទុនផ្ទាល់ខ្លួន ជាឆន្ទៈផ្ទាល់ខ្លួនចូលរួមជាមួយគ្នាដោយសន្តិភាព សន្តិវិធីក្នុងការកសាងសង្គមជាតិរបស់យើង ?។ លោក ហ៊ុន ម៉ានី ក៏បាននាំអណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ចែកជូនចាស់ជរាជនក្រីក្រ ១០០ នាក់ ក្នុងម្នាក់ទទួលបានថវិកា ៤ ម៉ឺនរៀល លោកគ្រូអ្នកគ្រូ ៦៣ នាក់ ម្នាក់ៗទទួលបាន ៣ ម៉ឺនរៀល យុវជនកាកបាទក្រហមកម្ពុជា ៥០ នាក់ ម្នាក់ៗ ១ ម៉ឺនរៀល យុវជនកាយរិទ្ធ ៥០ នាក់ ម្នាក់ៗ ១ ម៉ឺនរៀល យុវជនសសយក ១០០ នាក់ ម្នាក់ៗ ១ ម៉ឺនរៀល សម្ព័ន្ធយុវជនមុស្លិមកម្ពុជា ១០០ នាក់ ម្នាក់ៗ ១ ម៉ឺនរៀល សិស្សានុសិស្ស ៧២៨ នាក់ ម្នាក់ៗសៀវភៅ ២ ក្បាល ប៊ិច ២ ថវិកា ៥០០០ រៀល ។ សូមជម្រាបថា វិទ្យាល័យម៉ាអាហាទហាជីហ្វីកក្រី ចាប់ផ្តើមកសាង ក្នុងឆ្នាំ ២០១៤ អគារចំនួន ០១ ខ្នង ពីរជាន់មាន ១២ បន្ទប់ ដែលមានទីតាំងនៅភូមិបន្ទាយ ឃុំជំនីក ស្រុកក្រូចឆ្មារ ខេត្តត្បូងឃ្មុំ បានដំណើរការរៀនបង្រៀនចាប់ពីឆ្នាំ ២០១៤ រហូតដល់បច្ចុប្បន្ន ។ សិស្សានុសិស្សកាន់តែកើនឡើង ជាមួយសិស្សមកពីបណ្តា ឃុំផ្សេងៗមករៀនសាលានេះដែរ ធ្វើឲ្យសាលាខ្វះបន្ទប់រៀន ហើយគណៈកម្មការសាលាបានធ្វើការស្នើសុំជាលើកទី ២ ដោយម្ចាស់ជំនួយបាន ឃើញជាក់ស្តែងអំពីខ្វះបន្ទប់រៀន ក៏សម្រេចផ្តល់បន្ថែមនូវសមិទ្ធផលដែលត្រូវដាក់សម្ពោធថ្ងៃនេះ ៕
https://freshnewsasia.com/localnews/68784-	ទូលព្រះបង្គំជាខ្ញុំ ជា ចាន់តូ សូមថ្វាយព្រះពរ ព្រះមហាក្សត្រ ក្នុងឱកាសព្រះរាជពិធីបុណ្យខួបលើកទី ១៣ នៃការយាងគ្រងព្រះបរមសិរីរាជសម្បត្តិ	( ភ្នំពេញ ) ៖ ទូលព្រះបង្គំជាខ្ញុំ ជា ចាន់តូ អគ្គទេសាភិបាល ធនាគារជាតិនៃកម្ពុជា និងភរិយា ព្រមទាំងថ្នាក់ដឹកនាំ មន្ត្រី បុគ្គលិកក្រោមឱវាទទាំងអស់ សូមក្រាបបង្គំទូលថ្វាយព្រះពរ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ក្នុងឱកាសព្រះរាជពិធីបុណ្យខួបលើកទី ១៣ នៃការយាងគ្រងព្រះបរមសិរីរាជសម្បត្តិ ( ២៩ - តុលា - ២០១៧ ) ។ ក្នុងឱកាសដ៏មហានក្ខត្តឫក្សវិសេសវិសាលនេះ ទូលព្រះបង្គំយើងខ្ញុំទាំងអស់ សូមព្រះបរមរាជានុញ្ញាតថ្វាយព្រះពរ ព្រះករុណាជាអម្ចាស់ជីវិតលើត្បូង សូមព្រះអង្គប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះជន្មាយុយឺនយូរ ព្រះបញ្ញាញាណវាងវៃ ដើម្បីទ្រង់គង់ប្រថាប់ជាម្លប់ដ៏ត្រជាក់ និងសេចក្តីសុខ ដល់ប្រជានុរាស្ត្ររបស់ព្រះអង្គ ជានិច្ចនិរន្តរ៍ ។ ទូលព្រះបង្គំយើងខ្ញុំទាំងអស់ សូមលើកហត្ថប្រណម្យបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក មានទេវតារក្សាព្រះមហាស្វេតច្ឆ័ត្រ បុណ្យបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេសបុណ្យបារមីព្រះករុណាព្រះមហាវីរក្សត្រ ព្រះវររាជបិតា ព្រះបរមរតនកោដ្ឋ និងទេវតាថែរក្សាឆ្នាំថ្មី សូមតាមបីបាច់ថែរក្សា ប្រោះព្រំសព្ទសាធុការពរ សិរីសួស្តី ជ័យមង្គល វិបុលសុខ បវរមហាប្រសើរថ្វាយ ព្រះករុណាជាអម្ចាស់ជីវិតលើត្បូង សូមបានប្រកបដោយពុទ្ធពរ ទាំងបួនប្រការគឺ អាយុ វណ្ណៈ សុខៈ ពលៈ ជាភិយ្យោភាព តរៀងទៅ ៕ សូមព្រះបរមរាជានុញ្ញាតទូលថ្វាយពី ទូលព្រះបង្គំជាខ្ញុំ ជា ចាន់តូ អគ្គទេសាភិបាល ធនាគារជាតិនៃកម្ពុជា និងភរិយា ព្រមទាំងថ្នាក់ដឹកនាំ មន្ត្រី បុគ្គលិកក្រោមឱវាទទាំងអស់ ៖
https://freshnewsasia.com/localnews/94998-	គ . ជ . ប នឹងបើកសវនាការនៅថ្ងៃទី ០៨ ខែសីហា ដើម្បីជំនុំជម្រះសំណុំរឿងលេខ ០០១ ពាក់ព័ន្ធនឹងយុទ្ធនាការម្រាមដៃស្អាត ( video inside )	( ភ្នំពេញ ) ៖ គណៈកម្មាធិការជាតិរៀបចំការបោះឆ្នោត ( គ . ជ . ប ) បានចេញសេចក្តីសម្រេចមួយ ដោយនឹងបើកសវនាការនៅវេលាម៉ោង ៨ ព្រឹក ថ្ងៃទី ០៨ ខែសីហា ឆ្នាំ ២០១៨ ខាងមុខនេះ ដើម្បីជំនុំជម្រះលើសំណុំរឿងលេខ ០០១ ដែលពាក់ព័ន្ធនឹងយុទ្ធនាការម្រាមដៃស្អាត ។ បើតាមលោក ឌឹម សុវណ្ណារុំ អ្នកនាំពាក្យ គ . ជ . ប បានឱ្យដឹងថា សំណុំរឿងលេខ ០០១ គឺពាក់ព័ន្ធនឹងយុទ្ធនាការម្រាមដៃស្អាតដែលគណកម្មការរៀបចំការបោះឆ្នោត ( គខប ) ខេត្តបាត់ដំបង បានសម្រេចផាកពិន័យទៅលើបុគ្គលចំនួន ៥ នាក់ ក្នុងម្នាក់ៗ ចំនួន ១០ លានរៀល ពីបទធ្វើឲ្យភាន់ច្រឡំនាំឲបាត់ទំនុកចិត្តលើការបោះឆ្នោត យោងតាមមាត្រា ១៤២ នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ ។ លោកបានបន្តថា បុគ្គលទាំង ៥ រូបនោះ គឺមានឈ្មោះ ជា ជីវថោង សារឿន ម៉ាង ឈុន ពៅ តាំង និង គ្រុយ គឹមសាំង ។ ភាគីចុងចម្លើយ បានប្តឹងបន្តមក គ . ជ . ប ជំទាស់នឹងសេចក្តីសម្រេចលេខ ០០១ នេះចុះថ្ងៃទី ២៦ ខែកក្កដា ឆ្នាំ ២០១៨ របស់ គ . ខ . ប បាត់ដំបង ៕
https://freshnewsasia.com/localnews/96122-	បាញ់ប្រហារទៀតហើយក្នុងរដ្ឋផ្លូរីដា សហរដ្ឋអាមេរិក ខណៈសិស្សសាលាកំពុងទស្សនាការប្រកួតកីឡាបាល់ទាត់ !	( ផ្លូរីដា ) ៖ ប៉ូលិសអាមេរិកបានឱ្យដឹងថា សិស្សសាលាពីរនាក់បានរងរបួសនៅក្នុងហេតុការណ៍បាញ់ប្រហារមួយ ដែលបានកើតឡើងនៅអំឡុងពេលការប្រកួតកីឡាបាល់ទាត់ នៅឯវិទ្យាល័យមួយកន្លែងនៅក្នុងរដ្ឋផ្លូរីដា នៅថ្ងៃសុក្រសប្តាហ៍នេះ ( ម៉ោងនៅភាគខាងត្បូងអាមេរិក ) ។ នេះបើតាមការចេញផ្សាយដោយសារព័ត៌មាន sputnik នៅព្រឹកថ្ងៃសៅរ៍ ទី ១៨ ខែសីហា ឆ្នាំ ២០១៨ ។ យោងតាមប៉ូលិសអាមេរិក ហេតុការណ៍ផ្ទុះអាវុធខាងលើបានកើតឡើង នៅអំឡុងពេលការប្រកួតកីឡាបាល់ទាត់រវាងវិទ្យាល័យ ផាមប៊ីចសេនត្រា ( palm beach centra ) និងវិទ្យាល័យឌីវ៉ាយឺ ( dwyer high school ) ។ គួរបញ្ជាក់តាមសម្តីមន្ត្រីប៉ូលិសក្នុងតំបន់ទៀតថា ការបាញ់ប្រហារនេះបានផ្ទុះឡើង ក្រោយក្មេងសិស្សសាលាមួយក្រុមវាយតប់គ្នា ។ ប៉ុន្តែភ្លាមៗ គេមិនទាន់ដឹងពីស្ថានភាពរបស់សិស្សសាលា ដែលបានរងរបួសទាំងពីរនាក់នៅឡើយទេ ខណៈពួកគេកំពុងទទួលការព្យាបាលនៅមន្ទីរពេទ្យ ៕
https://freshnewsasia.com/localnews/96919-	មុននឹងស្លាប់ ! លោក mccain ផ្តាំមិនឱ្យលោក ដូណាល់ ត្រាំ ចូលរួមក្នុងពិធីបុណ្យសពរបស់លោកឡើយ ( video inside )	( វ៉ាស៊ីនតោន ) ៖ សមាជិកព្រឹទ្ធសភា និងជាអតីតបេក្ខជនប្រធានាធិបតីអាមេរិក មកពីបក្សសាធារណរដ្ឋ លោក john mccain បានទទួលមរណភាពហើយ ក្នុងវ័យ ៨១ ឆ្នាំ ក្រោយទទួលការព្យាបាលជំងឺដុះដំសាច់ក្នុងខួរក្បាលអស់រយៈជាយូរ ។ នេះបើតាមការ ចេញផ្សាយដោយសារព័ត៌មាន channel news asia នៅថ្ងៃអាទិត្យ ទី ២៦ ខែសីហា ឆ្នាំ ២០១៨ ។ ប៉ុន្តែបើគេនៅចាំមិនភ្លេចទេ កាលពីខែឧសភាកន្លងទៅ លោក mccain ធ្លាប់បានបង្ហើបពីគោលបំណងចុងក្រោយរបស់ខ្លួន នោះគឺ ថាលោកមិនចង់ឱ្យប្រធានាធិបតីអាមេរិក លោក ដូណាល់ ត្រាំ ចូលរួមក្នុងពិធីបុណ្យសពរបស់លោកឡើយ ។ លោក ដូណាល់ ត្រាំ និងលោក mccain ដែលសុទ្ធតែជាអ្នកនយោបាយមកពីគណបក្សសាធារណរដ្ឋបានបង្ហាញពីការមិនពេញចិត្តដាក់គ្នា និងខ្វែង គំនិតគ្នាជាច្រើន ។ ជាពិសេស នៅពេលដែលលោក ត្រាំ ត្រូវបានតែងតាំងជាបេក្ខជនប្រធានាធិបតីអាមេរិក កាលពីឆ្នាំ ២០១៥ និងនៅក្រោយ ប្រធានាធិបតីអាមេរិកបច្ចុប្បន្នរូបនេះ និយាយថាជនអន្តោប្រវេសន៍មិចស៊ីកូមួយចំនួនគឺជាឧក្រិដ្ឋជន ។ លោក mccain នៅពេល នោះ ក៏បានថ្កោលទោសយ៉ាងខ្លាំងលើលោកត្រាំផងដែរ ថាបានប្រើភាសាឆ្កួតលាលី ។ ចំណែកឯ លោកត្រាំ វិញក៏មិនបានបង្អង់យូរដែរ ដោយលោកហៅលោក mccain ថាជាមនុស្សល្ងង់ដែលសឹងតែមិនអាចបញ្ចប់ ការសិក្សាពីបណ្ឌិតសភាកងទ័ពជើងទឹកអាមេរិក ។ ចាប់ពីពេលនោះមក អ្នកទាំងពីរនៅតែបន្តខ្វែងគំនិតគ្នាជាបន្តបន្ទាប់ រហូតដល់ ប្រភពស្និទនឹងលោក mccain បានប្រាប់ប្រព័ន្ធផ្សព្វផ្សាយអាមេរិកថា លោកបានដាក់លោក ត្រាំ នៅក្នុងបញ្ជីខ្មៅដែលលោកផ្ទាល់ មិនចង់ឱ្យចូលរួមក្នុងពិធីបុណ្យសពរបស់លោក ។ គួរបញ្ជាក់ថា លោក mccain បានទទួលមរណភាព នៅថ្ងៃអាទិត្យនេះ ( ត្រូវនឹងថ្ងៃសៅរ៍ម៉ោងនៅសហរដ្ឋអាមេរិក ) ។ លោក mccain ត្រូវបានគ្រូពេទ្យធ្វើរោគវិនិច្ឆ័យរកឃើញថា មានជំងឺដុះដុំសាច់ក្នុងខួរក្បាលកាលពីឆ្នាំ ២០១៧ ។ ដោយឡែក គ្រួសាររបស់លោកវិញ ក៏បានឱ្យដឹងផងដែរថា សមាជិកព្រឹទ្ធសភារូបនេះដែលបានចាកចេញពីទីក្រុងវ៉ាស៊ីនតោន កាលពីខែធ្នូកន្លងទៅ បានសម្រេចបញ្ឈប់ការព្យាបាល កាលពីថ្ងៃសុក្រ ៕
https://freshnewsasia.com/localnews/41004-	អគ្គនាយកដ្ឋានបច្ចេក វិទ្យាគមនាគមន៍ និងព័ត៌មាន សហការជាមួយអង្គការ icann បើកវគ្គបណ្តុះបណ្តាលស្តីពី domain name system security extensions	( ភ្នំពេញ ) ៖ អគ្គនាយកដ្ឋានបច្ចេកវិទ្យា គមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាគមន៍ បានសហការជាមួយអង្គការ icann ( internet corporation for assigned names and numbers ) បើកសិក្ខាសាលាបណ្តុះបណ្តាលមួយ មានរយៈពេល ០៥ ថ្ងៃ ស្តីពី dns / dnssec ( domain name system security extensions ) ។ សិក្ខាសាលនេះ រៀបចំឡើងចាប់ពីថ្ងៃទី ០៥ ខែធ្នូ ឆ្នាំ ២០១៦ ដែលប្រារព្ធពិធីបើកដោយ លោក ឈី សុខា អគ្គនាយករង នៃអគ្គនាយកដ្ឋានបច្ចេកវិទ្យា គមនាគមន៍និងព័ត៌មាន និងមានការអញ្ជើញចូលរួមពីសិក្ខាកាម មកពីបណ្តាលក្រសួង - ស្ថាប័ន ក្រុមហ៊ុនឯកជន និងប្រតិបត្តិករ ទូគមនាគមន៍នានាសរុបចំនួន ៥០ រូប ។ សូមជម្រាបថា dns / dnssec ជាធនធានដ៏សំខាន់របស់អ៊ីនធឺណិត ដែលមិនអាចខ្វះបាន និងមានតួនាទីយ៉ាងសំខាន់ ក្នុងការផ្តល់ភាពងាយស្រួល សម្រាប់អ្នកប្រើប្រាស់អ៊ីនធឺណិត ដូចជាការប្រើប្រាស់ឈ្មោះគេហទំព័រ ដោយមិនចាំបាច់ចងចាំ អាសយដ្ឋានជាលេខ ( ip address ) ។ សិក្ខាសាលានេះមានគោលបំណង បណ្តុះបណ្តាលជូនដល់សិក្ខាកាម អំពីដំណើរការការតម្លើង ការកំណត់រចនាសម្ព័ន្ធ និងការពិសោធន៍សាកល្បងផ្ទាល់ ទៅលើការប្រើប្រាស់ dns / dnssec ។ បន្ទាប់ពីបញ្ចប់វគ្គបណ្តុះបណ្តាលខាងលើ សិក្ខាកាមទាំងអស់នឹងទទួលបាននូវចំណេះដឹងថ្មីៗ ដែលជាប្រយោជន៍ដល់ការគ្រប់គ្រង dns / dnssec នៅតាមបណ្តាក្រសួង - ស្ថាប័ន ក្រុមហ៊ុនឯកជន និងប្រតិបត្តិករទូរគមនាគមន៍នានាប្រកបដោយប្រសិទ្ធិភាពខ្ពស់ និងមានសន្តិសុខល្អប្រសើរ ៕
https://freshnewsasia.com/localnews/71699-	រហូតមកដល់ថ្ងៃនេះ សម្រាប់ស្រុកត្បូងឃ្មុំទាំងមូល អតីតមន្ត្រីបក្សសង្គ្រោះជាតិ ដែលទើបរលាយសរុប ២១ នាក់ទៀត បានប្រកាសចុះចូលជាមួយ គណបក្សប្រជាជន	( ត្បូងឃ្មុំ ) ៖ រហូតមកដល់ថ្ងៃទី ២៦ ខែវិច្ឆិកា ឆ្នាំ ២០១៧ នេះ អតីតជំទប់ទី ១ ជំទប់ទី ២ សមាជិកក្រុមប្រឹក្សាឃុំ និងបេក្ខជនបម្រុងឃុំ ក្នុងស្រុកត្បូងឃ្មុំទាំងមូល សរុប ២១ នាក់ មានស្រី ២ នាក់ របស់គណបក្សសង្គ្រោះជាតិ ដែលទើបរលាយ បានប្រកាសចុះចូលជាមួយ គណបក្សប្រជាជនកម្ពុជា ដោយសារតែពួកគាត់បានឃើញ នូវអំពើក្បត់ជាតិរបស់មេគណបក្សសង្គ្រោះជាតិ ដែលបម្រើបរទេស ។ នេះបើតាមលិខិតដែលអង្គភាព fresh news ទទួលបាននៅថ្ងៃទី ២៦ ខែវិច្ឆិកានេះ ។ ការសម្រេចដើរចេញរបស់ អតីតមន្ត្រីគណបក្សសង្គ្រោះជាតិទាំង ២១ រូបនេះ បានធ្វើឡើងបន្ទាប់ពីតុលាការកំពូល បានកាត់រំលាយគណបក្សសង្គ្រោះជាតិ ដែលពាក់ព័ន្ធនឹង ការប្រព្រឹត្តអំពើក្បត់ជាតិ ព្រមទាំងបានហាមឃាត់សមាជិកជាន់ខ្ពស់របស់គណបក្សនេះ ចំនួន ១១៨ រូប មិនឱ្យធ្វើនយោបាយ រយៈពេល ៥ ឆ្នាំផងដែរ កាលពីថ្ងៃទី ១៦ ខែវិច្ឆិកា ឆ្នាំ ២០១៧ ។ អតីតមន្ត្រីគណបក្សសង្គ្រោះជាតិទាំង ២១ រូបរួមមាន ៖ ជំទប់ទី ១ ម្នាក់ , ជំទប់ទី ២ ម្នាក់ , សមាជិកក្រុមប្រឹក្សាឃុំចំនួន ៦ នាក់ , បេក្ខជនពេញសិទ្ធិចំនួន ១២ នាក់ និងបេក្ខជនបម្រុងម្នាក់ ។ ប្រធានគណបក្សប្រជាជនកម្ពុជាស្រុកត្បូងឃ្មុំ ខេត្តត្បូងឃ្មុំ លោក កេង ប៊ុនណា បានប្រកាសស្វាគមន៍ និងទទួលសមាជិកសមាជិកាថ្មី មកពីអតីតគណបក្សសង្គ្រោះជាតិទាំង ២១ រូបនោះ ដែលសុំចូលរួមរស់ជីវភាពនយោបាយជាមួយ គណបក្សប្រជាជនកម្ពុជា បន្ទាប់ពីបានជ្រួតជ្រាបនូវអំពើក្បត់ជាតិរបស់មេបក្សខ្លួន ។ សូមជម្រាបថា ដោយសារតែសន្ទុះនៃការសម្រុកចុះចូលបាននិងកំពុងកើនឡើងយ៉ាងខ្លាំង ហើយម្យ៉ាងទៀតថ្ងៃកំណត់ទី ២៤ ខែវិច្ឆិកា អាចមានការរៀបចំមិនទាន់ ដូច្នេះសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានប្រកាសផ្តល់ឱកាសបន្តជូនមន្ត្រីគណបក្សសង្គ្រោះជាតិ នៅថ្នាក់មូលដ្ឋានទាំងអស់ មកចូលរួមជីវភាពនយោបាយ ជាមួយគណបក្សប្រជាជន រហូតដល់ម៉ោង ៩ យប់ ថ្ងៃទី ២៦ ខែវិច្ឆិកា ឆ្នាំ ២០១៧ ។ សម្តេចតេជោ ហ៊ុន សែន បានអំពាវនាវឲ្យអតីតមន្ត្រីគណបក្សសង្គ្រោះជាតិ ដែលត្រូវបានតុលាការកំពូលកាត់រំលាយ សូមប្រញាប់ប្រញាល់ចុះចូលជាមួយ គណបក្សប្រជាជនកម្ពុជា ដើម្បីទទួលបាននូវតួនាទីឋានៈអ្វីៗដដែល ព្រោះការកំណត់ពេលវេលាត្រឹមយប់ថ្ងៃទី ២៦ ធ្វើឡើងតាមលក្ខខណ្ឌរបស់គ . ជ . ប ៕ < iframe src="https :// www . facebook . com / plugins / video . php ? href=https % 3 a % 2 f % 2 fwww . facebook . com % 2 ffreshnewsasia % 2 fvideos % 2 f 837304103108049 % 2 f&show _ text= 0 &width= 730 " width=" 730 " height=" 410 " style="border : none ; overflow : hidden" scrolling="no" frameborder=" 0 " allowtransparency="true" allowfullscreen="true" > < / iframe > " >
https://freshnewsasia.com/localnews/60270-	afc u - 23 ៖ កម្ពុជា ប៉ះចិន ខណៈជប៉ុន ជួបហ្វីលីពីនល្ងាចនេះ ក្រុមណាបាន ៣ ពិន្ទុមុនគេ ?	( ភ្នំពេញ ) ៖ វគ្គជម្រុះពានរង្វាន់ afc u - 23 championship 2018 ពូល j នៅលើទឹកដីកម្ពុជា នឹងចាប់ផ្តើមការប្រកួតនាថ្ងៃទី ១៩ ខែកក្កដានេះហើយ ដោយក្រុមជម្រើសជាតិក្រោមអាយុ ២៣ ឆ្នាំជប៉ុន ត្រូវជួបក្រុម u - 23 ហ្វីលីពីន នាវេលាម៉ោង ៣ ៖ ៣០ នាទីរសៀល ខណៈក្រុមម្ចាស់ផ្ទះ u - 23 កម្ពុជា ត្រូវប៉ះចិន នាវេលាម៉ោង ៦ ៖ ៣០ នាទីល្ងាច នៅលើទីលានពហុកីឡដ្ឋានជាតិតែមួយគត់ ។ ចាំមើលតើក្រុមណាខ្លះ នឹងទទួលបាន ៣ ពិន្ទុពីការប្រកួតបើកឆាកល្ងាចនេះ ? ចំពោះជំនួបរវាងក្រុម u - 23 កម្ពុជា និងចិន គ្រូបង្វឹកក្រុមទាំងពីរ សុទ្ធតែរំពឹងឈ្នះរៀងៗខ្លួន ។ លោក leonardo vitorino គ្រូបង្វឹកក្រុមម្ចាស់ផ្ទះកម្ពុជា បាននិយាយថា លោកមិនខ្វល់ចិនជាក្រុមខ្លាំង ឬយ៉ាងណាឡើង សំខាន់គឺលោកដឹកនាំក្រុមត្រូវការឈ្នះ ដូច្នេះលោកទាមទារឲ្យកូនក្រុមព្យាយាមឲ្យអស់ពីសមត្ថភាព ដើម្បីស្វែងរក ៣ ពិន្ទុដំបូង ។ ចំណែកគ្រូ u - 23 ចិន លោក massimiliano maddaloni បានថ្លែងថា លោកមិនមើលរំលងសមត្ថភាពលោកគ្រូ leonardo ឡើយ ។ តែយ៉ាងណាលោកត្រូវការឈ្នះ ទោះបីប្រកួតក្នុងនាមកម្តៅសាច់ដុំក៏ដោយ ។ គួរបញ្ជាក់ថា ពូល j នៃវគ្គជម្រុះពានរង្វាន់ជើងឯកអាស៊ីនេះ គឺមាន ៤ ប្រទេសចូលរួម ដូចជាក្រុម្ចាស់ផ្ទះ u - 23 កម្ពុជា , ហ្វីលីពីន , ជប៉ុន និងក្រុម u - 23 ចិន ដែលជាម្ចាស់ផ្ទះដំណាក់កាលផ្តាច់ព្រ័ត្រ ដែលគ្រោងធ្វើឡើង នាឆ្នាំ ២០១៨ ខាងមុខ ៕
https://freshnewsasia.com/localnews/102693-	ធ្លាប់បោះតង់ហើយឬនៅ ? ក្រុមហ៊ុនស្រាបៀរ ganzberg រៀបចំដំណើរកម្សាន្តបោះតង់លើភ្នំបូកគោ និងចែកមួកសុវត្ថិភាព ១០០០ មួក ដល់ប្រជាពលរដ្ឋ នៅខេត្តកំពត	( ភ្នំពេញ ) ៖ សាកល្បងបទពិសោធន៍ថ្មីជាមួយ ganzberg giant winner adventure ដំណើរកម្សាន្តបោះតង់នៅលើកំពូលភ្នំបូកគោលើកទី ២ ជាមួយក្រុមហ៊ុនស្រាបៀរ ganzberg នឹងប្រព្រឹត្តិទៅនៅថ្ងៃទី ២៨ ខែតុលា ឆ្នាំ ២០១៨ នេះហើយ ដោយមានអ្នកចូលរួមយ៉ាងច្រើនកុះករ ។ ជាមួយគ្នានេះដែរ ក្រុមហ៊ុនស្រាបៀររបស់អាល្លឺម៉ង់មួយនេះ ក៏បានរៀបចំកម្មវិធីមនុស្សធម៌ ចែកមួយសុវត្ថិភាពចំនួន ១០០០ មួក ជូនដល់ប្រជាពលរដ្ឋ ដែលរស់នៅក្នុងខេត្តកំពតផ្ទាល់តែម្តង ដើម្បីចូលរួមកម្មវិធីសុវត្ថិភាពតាមដងផ្លូវរបស់រដ្ឋាភិបាល ។ មិនត្រឹមតែប៉ុណ្ណោះ ក៏មានក្បួនដង្ហែររថយន្ត និងម៉ូតូអតិថិជនមហាសំណាងអ្នកឈ្នះរង្វាន់យក្សស្រាបៀរ ganzberg ជិះដង្ហែរយ៉ាងសប្បាយរីករាយ ។ ចូលរួមជាមួយក្រុមហ៊ុនស្រាបៀរ ganzberg ដើម្បីធ្វើការបោះតង់ និងញ៉ាំអាហារបែបភិចនិច នៅលើកំពូលភ្នំបូកគោទាំងអស់គ្នា ដើម្បីទទួលយកបទពិសោធន៍ដ៏រីករាយ ។ គួរបញ្ជាក់ផងដែរថា នេះជាលើកទី ២ ហើយដែលក្រុមហ៊ុនស្រាបៀរ ganzberg ធ្វើកម្មវិធីចែកមួកសុវត្ថិភាពខ្នាតធំ ជូនដល់ប្រជាពលរដ្ឋខ្មែរ ដោយលើកទី ១ ធ្វើឡើងនៅរាជធានីភ្នំពេញ និងលើកទី ២ នេះធ្វើឡើងនៅខេត្តកំពត ។ មួកសុវត្ថិភាពទាំងនេះ ក៏មាននៅក្នុងក្រវិលកំប៉ុងស្រាបៀរ ganzberg ដែលមានអ្នកឈ្នះរង្វាន់រាប់ម៉ឺនមួកសុវត្ថិភាព រួចមកហើយ ៕
https://freshnewsasia.com/localnews/81269-	ឧត្តមសេនីយ៍ទោ កឹង ឃន ប្រធានសមាគមអតីតយុទ្ធជនកម្ពុជាខេត្តស្វាយរៀង និងអតីតយុទ្ធជនទាំងអស់ ប្រកាសថ្កោលទោសទង្វើក្បត់ជាតិរបស់ទណ្ឌិត សម រង្សី និងគាំទ្រចំណាត់ការតាមផ្លូវច្បាប់ លើជនក្បត់ជាតិរូបនេះ	( ស្វាយរៀង ) ៖ លោកឧត្តមសេនីយ៍ទោ កឹង ឃន ប្រធានសមាគមអតីតយុទ្ធជនកម្ពុជាខេត្តស្វាយរៀង និងអតីតយុទ្ធជនទាំងអស់នៅក្នុងខេត្ត បានសម្តែងការខឹងសម្បា និងថ្កោលទោសយ៉ាងដាច់អហង្ការ ចំពោះទង្វើក្បត់ជាតិ ក្បត់ទឹកដីរបស់ទណ្ឌិត សម រង្ស៊ី ។ ក្នុងញត្តិថ្កោលទោសចំពោះទង្វើក្បត់ជាតិនេះ លោកឧត្តមសេនីយ៍ទោ កឹង ឃន បានគូសបញ្ជាក់ថា « ទង្វើរបស់ទណ្ឌិត គឺជាទង្វើក្បត់ជាតិ និងប្រជាជនកម្ពុជា ផ្ទុយស្រឡះពីច្បាប់រដ្ឋធម្មនុញ្ញ » ។ លោកឧត្តមសេនីយ៍ទោ កឹង ឃន ជាស្នងការនគរបាលខេត្តស្វាយរៀងផងនោះ បានគូសបញ្ជាក់ថា « បងប្អូនយើងប្រឆាំងដាច់ខាតចំពោះទណ្ឌិត សម រង្ស៊ី អ្នកនយោបាយបញ្ច្រាស់ទិស ដែលបានចុះហត្ថលេខាកាត់ដី ៤ ខេត្ត ( ស្ទឹងត្រែង រតនគិរី មណ្ឌលគីរី ក្រចេះ ) ឲ្យចលនាជនជាតិដើមភាគតិចវៀតណាម ម៉ុងតាញ៉ា បើខ្លួនបានឈ្នះឆ្នោតកាន់រដ្ឋាភិបាល ដែលនេះគឺជាអំពើក្បត់ជាតិ ក្បត់ប្រជាជនយ៉ាងជាក់ស្តែងមិនអាចប្រកែកបាន ដែលពួកយើងខ្ញុំ មិនអាចនៅស្ងៀមបានឡើយ ។ ទង្វើនេះ គឺជាទង្វើដ៏កខ្វក់ក្បត់ជាតិ ក្បត់ទឹកដី ក្បត់ប្រជាជនខ្មែរ ក្បត់ដែនអធិបតេយ្យជាតិ ដែលប្រជាជនខ្មែរ និងកងទ័ពមិនអាចលើកលែង ឲ្យបាននោះឡើយ ។ យើងខ្ញុំទាំងអស់គ្នាដែលជាកងទ័ពការពារជាតិ ការពារបូរណភាពទឹកដីសូមប្រឆាំងដាច់ខាត និងមិនអាចអត់ឱនឲ្យបាននោះឡើយ » ។ ទន្ទឹមនឹងបង្ហាញការខឹងសម្បា និងថ្កោលទោសហើយនោះ អតីតយុទ្ធជនទាំងអស់ដែលជាអ្នកបានពលីសព្វបែបយ៉ាង ដើម្បីបុព្វហេតុជាតិនោះ ក៏បានប្រកាសគាំទ្រ ព្រមទាំងអំពាវនាវដល់រាជរដ្ឋាភិបាល ឲ្យចាត់វិធានការតាមផ្លូវច្បាប់ដ៏ម៉ឹងម៉ាត់បំផុតមិនអាចអត់ឱនឲ្យទណ្ឌិត សម រង្ស៊ី នោះឡើយ ។ « សូមគាំទ្រយ៉ាងពេញទំហឹងឲ្យរាជរដ្ឋាភិបាលចាត់វិធានការផ្លូវច្បាប់ចំពោះទណ្ឌិត សម រង្ស៊ី ដោយគ្មានការលើកលែងនោះឡើយ » ។ លោក សម រង្ស៊ី កាលពីឆ្នាំ ២០១៣ បានធ្វើកិច្ចព្រមព្រៀងបែងចែកទឹកដីចំនួន ៤ ខេត្តទៅលោក kok ksor ( កុក សរ ) មេដឹកនាំវៀតណាមជនជាតិភាគតិច degar ( ដេកា ) ឬម៉ុងតាញ៉ា ( វៀតណាមសេរី ) នៅពេលដែលរូបលោកឈ្នះឆ្នោតដឹកនាំរាជរដ្ឋាភិបាលកម្ពុជា ។ សម្តេចតេជោ ហ៊ុន សែន ក្នុងពិធីសម្ពោធស្ពានកោះប៉ែននៅថ្ងៃទី ១៤ ខែមីនា ឆ្នាំ ២០១៨ បានថ្លែងថា ការចុះកិច្ចព្រមព្រៀងរវាងទណ្ឌិត សម រង្ស៊ី ជាមួយមេដឹកនាំជនជាតិភាគតិចវៀតណាម កុក សរ គឺជាទង្វើក្បត់ជាតិដ៏ធ្ងន់ធ្ងរ ។ សម្តេចតេជោ បានបញ្ជាឲ្យក្រសួងយុត្តិធម៌ និងក្រសួងមហាផ្ទៃពិនិត្យលើបញ្ហានេះ ហើយត្រូវចាត់វិធានការទៅតាមផ្លូវច្បាប់ ។ កាលពីថ្ងៃទី ១៤ ខែមីនា ឆ្នាំ ២០១៨ អគ្គស្នងការដ្ឋាននគរបាលជាតិ ក៏បានដាក់ពាក្យបណ្តឹងទៅតំណាងអយ្យការអមសាលាដំបូងរាជធានីភ្នំពេញ ដើម្បីប្តឹងទណ្ឌិត សម រង្ស៊ី ក្រោមការចោទប្រកាន់ពីបទ « ក្បត់ជាតិ » ពាក់ព័ន្ធនឹងកិច្ចព្រមព្រៀងសម្ងាត់កាត់ទឹកដីកម្ពុជា ទៅឱ្យជនជាតិភាគតិចវៀតណាមម៉ុងតាញ៉ាផងដែរ ។ អគ្គស្នងការដ្ឋាននគរបាលជាតិ បានចាត់ទុកថា វីដេអូសកម្មភាព និងទង្វើដែលចុះហត្ថលេខា ប្រគល់ឱ្យរដ្ឋបរទេសនូវដែនដី ដែលធ្វើឡើងដោយទណ្ឌិត សម រង្ស៉ី គឺជាអំពើក្បត់ជាតិយ៉ាងពិតប្រាកដ ។ ដូច្នេះស្នើឱ្យតំណាងអយ្យការ ទទួលចាត់ការចំពោះអំពើក្បត់ជាតិ ឃុបឃិតកាត់ទឹកដីឱ្យជនបរទេសរវាងឈ្មោះ សម រង្ស៉ី និងបរទេស ប៉ះពាល់ដល់អធិបតេយ្យភាពរបស់ប្រទេសកម្ពុជា ដើម្បីផ្តន្ទាទោសតាមច្បាប់ ៕
https://freshnewsasia.com/localnews/98777-	ទេសរដ្ឋមន្ត្រី អូស្មាន ហាស្សាន់ ប្រាប់ទូតអារ៉ាប់ប្រចាំកម្ពុជា ឲ្យជំរុញអ្នកវិនិយោគមកកម្ពុជាបន្ថែមទៀត	( ថៃ ) ៖ លោក អូស្មាន ហាស្សាន់ ទេសរដ្ឋមន្ត្រី ទទួលបន្ទុកបេសកកម្មពិសេស បានជម្រាបដល់បណ្តាអគ្គរាជទូតប្រទេសអារ៉ាប់ អំពីវឌ្ឍនភាព និងការរីកចម្រើនរបស់កម្ពុជាបច្ចុប្បន្នលើគ្រប់វិស័យ ដោយជំរុញឲ្យស្ថានទូតទាំងអស់ ផ្សព្វផ្សាយឲ្យកាន់តែទូលំទូលាយ ទៅកាន់ពាណិជ្ជករ និងអ្នកវិនិយោគតូច ធំរបស់ខ្លួនមកយកចិត្តទុកដាក់ ក្នុងការបណ្តាក់ទុននៅកម្ពុជា ជាប្រទេសដែលមានធនធានគ្រប់គ្រាន់ទាំងវត្ថុធាតុដើម កម្លាំងពលកម្ម និងលក្ខខណ្ឌអំណោយផល ផ្សេងៗទៀត ។ បើតាមទេសរដ្ឋមន្ត្រី អូស្មាន ហាស្សាន់ កត្តាសុខសន្តិភាព ប្រជាធិបតេយ្យពិតប្រាកដនៅកម្ពុជា ជាមូលហេតុចម្បង ដែលកម្ពុជាទទួលបានកំណើនទំហំវិនិយោគ និងកំណើនសេដ្ឋកិច្ច មិនក្រោម ៧ % ជារៀងរាល់ឆ្នាំ ហើយកម្ពុជាបានកំពុងស្វាគមន៍ក្រុមហ៊ុនវិនិយោគទាំងក្នុង និងក្រៅតំបន់ ដែលធានាបាននិរន្តរភាព និងការរីកចម្រើនដល់ក្រុមហ៊ុនដៃគូវវិនិយោគ ។ លោកទេសរដ្ឋមន្ត្រី បានលើកឡើងបែបនេះ ក្នុងឱកាសទទួលជួប ជាមួយអគ្គរាជទូតអារ៉ាប់រួមអេមីរ៉េតប្រចាំកម្ពុជា ដែលមាននិវេសនដ្ឋាននៅទីក្រុងបាងកក លោក saif alshamisi ដែលមានការចូលរួមពីប្រតិភូធុរជនវិនិយោគខ្នាតធំរបស់អារ៉ាប់រួម រួមមាន ក្រុមហ៊ុនប្រេងឥន្ទនៈ អគ្គីសនី mubadala petroleum uae និងនាយកប្រតិបត្តិអាកាសចរណ៍ emirates airlines ប្រចាំអាស៊ីអាគ្នេណ៍ ។ ជំនួបនេះធ្វើឡើងនៅរាត្រីថ្ងៃទី ១០ ខែកញ្ញា ឆ្នាំ ២០១៨ នៅសណ្ឋាគារ el mearaz ក្រុងបាងកក ខណៈជំនួបជាមួយ តំណាងអគ្គរាជទូតម៉ារ៉ុកប្រចាំកម្ពុជា មន្ត្រីការទូតអារ៉ាប៊ីសាអូឌីត និងធុរជន នៅទីតាំងដដែលខាងលើនាព្រឹកថ្ងៃទី ១១ ខែកញ្ញា ឆ្នាំ ២០១៨ មុនគណៈប្រតិភូចេញដំណើរនិវត្តន៍ ។ គួរបញ្ជាក់ថា ក្នុងដំណើរអញ្ជើញដល់របស់គណៈប្រតិភូកម្ពុជា ទៅកាន់ទីក្រុងបាងកក កាលពីថ្ងៃទី ១០ ខែកញ្ញា ឆ្នាំ ២០១៨ ក៏ត្រូវបានអគ្គរាជទូតនៃកម្ពុជា ប្រចាំក្រុងបាងកក លោក ឡុង វិសាឡូ ជាមួយសហការី បានអញ្ជើញទទួលស្វាគមន៍យ៉ាងកក់ក្តៅ ព្រមទាំងអញ្ជើញជួបសម្តែងការគួរសម និងពិភាក្សាការងារជាមួយ លោកទេសរដ្ឋមន្ត្រី អូស្មាន ហាស្សាន់ ផងដែរ ៕
https://freshnewsasia.com/localnews/81344-	កងរាជអាវុធហត្ថខេត្តព្រះសីហនុ ប្រកាសគាំទ្រញត្តិរបស់ នាយឧត្តមសេនីយ៍ សៅ សុខា ប្រកាសថ្កោលទោសទង្វើក្បត់ជាតិរបស់ទណ្ឌិតសម រង្ស៊ី កាត់ដីឲ្យជនជាតិភាគតិចវៀតណាម	( ព្រះសីហនុ ) ៖ នៅថ្ងៃព្រហស្បតិ៍ ១៤ រោច ខែផល្គុន ឆ្នាំរកា នព្វស័ក ព . ស . ២៥៦១ ត្រូវនឹងថ្ងៃទី ១៦ ខែមីនា ឆ្នាំ ២០១៨ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ ព្រមទាំងនាយទាហាន នាយទាហានរង នៃកងរាជអាវុធហត្ថខេត្តព្រះសីហនុ បានប្រកាសគាំទ្រញត្តិរបស់ នាយឧត្តមសេនីយ៍ សៅ សុខា អគ្គមេញ្ជាការរង និងជាមេបញ្ជាការកងរាជអាវុធហត្ថលើផ្ទៃប្រទេស ដែលមានខ្លឹមសារដូចខាងក្រោម ៖ * កងរាជអាវុធហត្ថ ធ្វើការថ្កោលទោសដាច់អហង្ការ ចំពោះទង្វើថោកទាប ក្បត់ជាតិ ក្បត់ប្រជាជនរបស់ទណ្ឌិត សម រង្ស៊ី ក្នុងការចុះហត្ថលេខា លើកិច្ចព្រមព្រៀងកាត់ទឹកដីខ្មែរចំនួន ៤ ខេត្តឲ្យទៅវៀតណាម ។ * កងរាជអាវុធហត្ថ គាំទ្រទាំងស្រុង ចំណាត់ការផ្នែកនីតិវិធីរបស់រាជរដ្ឋាភិបាល ទៅលើជនក្បត់ជាតិរបស់ទណ្ឌិត សម រង្ស៊ី ។ * កងរាជអាវុធហត្ថ ត្រៀមខ្លួនធ្វើពលិកម្មដោយទឹកចិត្តអង់អាចក្លាហាន ដើម្បីការពាររដ្ឋធម្មនុញ្ញ ការពារទឹកដី ប្រជាជន និងសន្តិភាព ក្រោមការដឹកនាំរបស់រាជរដ្ឋាភិបាលស្របច្បាប់ ដែលមានសម្តេចតេជោ ហ៊ុន សែន ជាប្រមុខដឹកនាំ ។ សូមជម្រាបថា លោក សម រង្ស៊ី កាលពីឆ្នាំ ២០១៣ បានធ្វើកិច្ចព្រមព្រៀងបែងចែកទឹកដីចំនួន ៤ ខេត្តទៅលោក kok ksor ( កុក ស ) មេដឹកនាំវៀតណាមជនជាតិភាគតិច degar ( ដេកា ) រឺម៉ុងតាញ៉ា ( វៀតណាមសេរី ) នៅពេលដែលរូបលោកឈ្នះឆ្នោតដឹកនាំរាជរដ្ឋាភិបាលកម្ពុជា ។ កាលពីថ្ងៃទី ១៤ ខែមីនា ឆ្នាំ ២០១៨ ម្សិលមិញនេះ អគ្គស្នងការដ្ឋាននគរបាលជាតិ ក៏បានដាក់ពាក្យបណ្តឹងទៅតំណាងអយ្យការអមសាលាដំបូងរាជធានីភ្នំពេញ ដើម្បីប្តឹងទណ្ឌិត សម រង្ស៊ី ក្រោមការចោទប្រកាន់ពីបទ « ក្បត់ជាតិ » ពាក់ព័ន្ធនឹងកិច្ចព្រមព្រៀងសម្ងាត់កាត់ទឹកដីកម្ពុជា ទៅឲ្យជនជាតិភាគតិចវៀតណាមម៉ុងតាញ៉ាផងដែរ ។ អគ្គស្នងការដ្ឋាននគរបាលជាតិ បានចាត់ទុកថា វីដេអូសកម្មភាព និងទង្វើដែលចុះហត្ថលេខា ប្រគល់ឲ្យរដ្ឋបរទេសនូវដែនដី ដែលធ្វើឡើងដោយទណ្ឌិត សម រង្ស៉ី គឺជាអំពើក្បត់ជាតិយ៉ាងពិតប្រាកដ ។ ដូច្នេះស្នើឲ្យតំណាងអយ្យការ ទទួលចាត់ការចំពោះអំពើក្បត់ជាតិ ឃុបឃិតកាត់ទឹកដីឲ្យជនបរទេសរវាងឈ្មោះ សម រង្ស៉ី និងបរទេស ប៉ះពាល់ដល់អធិបតេយ្យភាពរបស់ប្រទេសកម្ពុជា ដើម្បីផ្តន្ទាទោសតាមច្បាប់ ៕
https://freshnewsasia.com/localnews/50147-	លោក ចាន់ វ៉ាន់ធឿន ដឹកនាំក្រុមការងារ ប្រជុំដោះស្រាយបញ្ហាប្រឈមជាច្រើន ជូនប្រជាពលរដ្ឋនៅឃុំគោកគង់កើត និងឃុំជាខ្លាង	( ព្រៃវែង ) ៖ លោក ចាន់ វ៉ាន់ធឿន ប្រធានក្រុមការងារឃុំគោកគង់កើត និងឃុំជាខ្លាង រួមជាមួយសហការី និងគណៈកម្មាធិការបក្សភូមិ - ឃុំគោកគង់កើត និងបក្សស្រុកកញ្ជ្រៀច បានចូលប្រជុំដោះស្រាយនូវបញ្ហាប្រឈម របស់ប្រជាពលរដ្ឋនាថ្ងៃទី ១៨ ខែមីនា ឆ្នាំ ២០១៧ ។ បញ្ហាប្រឈមរបស់ប្រជាពលរដ្ឋ បានស្នើ និងសំណូមពរ រួមមាន ៖ ការជួសជុលផ្លូវដែលខូចជូនប្រជាជន « សុំគណៈកម្មាធិការបក្សឃុំពិនិត្យ និងធ្វើគម្រោងជួសជុល ផ្លូវជាបន្ទាន់ » ។ បន្ថែមពីនោះមានដូចជា បញ្ហាជនខិលខូចប្រើប្រាស់ឧបករណ៍ឆក់ត្រី « សុំមេប៉ុស្តិ៍ឃុំគោក គង់កើតត្រូវធ្វើការស្រាវជ្រាវ រកឲ្យឃើញ ហើយអញ្ជើញមកធ្វើការណែនាំ អប់រំជាបន្ទាន់ ។ ចំពោះឧបករណ៍ចាប់យកជាភស្តុតាងបាន ត្រូវប្រមូលទុក ហើយលើកក្រោយធ្វើវេទិកាចប់ យកដុតកំទេចចោលនៅចំពោះមុខពួកគាត់ » ។ បញ្ហាជីកស្រះទឹកនៅមាត់ស្ទឹងយកធ្វើជាឯកជន និងបញ្ហាធ្វើបៀដាក់សំរាស់យកត្រីក្នុងស្រះត្រពាំងនោះ គណៈកម្មាធិការបក្សឃុំ បានស្រាវ ជ្រាវឃើញមានចំនួន ០៩ នាក់ ដែលបានធ្វើរំលោភយកធ្វើជាឯកជននោះ សុំឲ្យឃុំ និងស្រុកកំណត់ឲ្យច្បាស់ឆាប់ អនុវត្តភ្លាម ជៀសវាងប្រជាពលរដ្ឋមានសតិអារម្មណ៍ព្រោះស្រះត្រពាំងនោះជារបស់រដ្ឋ ។ បន្ទាប់មកក្រុមការងារបានបន្តចុះពិនិត្យការជួសជុល សាលាមតេយ្យភូមិជ័យមុន្នី ។ ជាមួយគ្នានោះដែរ លោក ចាន់ វ៉ាន់ធឿន និងគណៈកម្មាធិការបក្សភូមិ - ឃុំ បានបន្តចុះសាកសួរសុខទុក្ខប្រជាពលរដ្ឋក្រីក្រលំបាកចំនួន ០៥ គ្រួសារ ដោយនាំយកនូវគ្រឿងឧបភោគបរិភោគមួយចំនួន ក្នុងនោះ ១ គ្រួសារទទួលបាន អង្ករ ០១ បាវ ទំងន់ ២៥ kg , ភួយ ០១ , មុង ០១ , ប៊ីចេងកន្លះគីឡូ , មី ១០ កញ្ចប់ , អំបិល ០២ គីឡូក្រោម , ទឹកត្រី ០២ ដប , ទឹកស៊ីអ៉ីវ ០២ ដប , ទឹកសុទ្ធ ០២ ដប , ទឹកក្រូច ០២ កំប៉ុង ។ នៅថ្ងៃដដែលនោះ លោក ចាន់ វ៉ាន់ធឿន និងគណៈកម្មាធិការបក្សភូមិ - ឃុំ បានចុះទៅពិនិត្យមើលការជួសជុលផ្លូវលំមួយខ្សែ នៅភូមិខ្លាពារ ឃុំជាខ្លាង ស្រុកស្វាយអន្ទរផងដែរ ៕
https://freshnewsasia.com/localnews/55366-	ស្ថានទូតខ្មែរនៅម៉ាឡេស៊ី បន្តជួយអន្តរាគមន៍ពលការិនីខ្មែរ ៤ នាក់ទៀត ឲ្យវិលត្រឡប់មកស្រុកកំណើតវិញ	( ភ្នំពេញ ) ៖ ស្ថានទូតកម្ពុជាប្រចាំនៅម៉ាឡេស៊ី បានអន្តរាគមន៍ជួយពលការិនីខ្មែរ ៤ នាក់ទៀតហើយ ឲ្យវិលត្រឡប់មកស្រុកកំណើតវិញ បន្ទាប់ពីពួកគេមិនអាចទ្រាំទ្រជាមួយការងារបាន ។ នេះបើតាមការបញ្ជាក់របស់លោក ជុំ សុន្ទរី អ្នកនាំពាក្យ ក្រសួងការបរទេស និងសហប្រតិបត្តិការអន្តរជាតិនៅថ្ងៃទី ១៩ ខែឧសភា ឆ្នាំ ២០១៧ ។ លោក ជុំ សុន្ទរី បានឲ្យដឹងថា ពលការិនីខ្មែរទាំង ៤ នាក់ ដែលជួយសង្គ្រោះឲ្យបានវិលមកស្រុកកំណើតវិញនេះរួមមាន ៖ ទី ១ . ពលការិនី ឈ្មោះ ន . ស . ខ អាយុ ៣៣ ឆ្នាំ មកពីស្រុកមេមត់ ខេត្តកំពង់ចាម បានទៅម៉ាឡេស៊ី ធ្វើការជាអ្នកបោសសំអាត កាលពីថ្ងៃទី ០៨ ខែមករា ឆ្នាំ ២០១៦ តាមរយៈក្រុមហ៊ុនមួយនៅកម្ពុជា ។ ដោយសារនិយោជកមិនបើកប្រាក់ខែឲ្យ ពលការិនីបានទៅស្ថានទូត នៅថ្ងៃទី ០៥ ខែឧសភា ឆ្នាំ ២០១៧ ដើម្បីស្នើស្ថានទូតជួយទាមទារប្រាក់ខែ ដែលនៅសល់ពីនិយោជក និងជួយនាងឲ្យបានវិលត្រឡប់មកកម្ពុជាវិញ ។ ទី ២ . ពលការិនី អ . ម . ឌ អាយុ ១៨ ឆ្នាំ មកពីខេត្តព្រៃវែង , ទី ៣ . ពលការិនី ម . ស . ជ អាយុ ២១ ឆ្នាំ មកពីស្រុកតំបែរ ខេត្តកំពង់ចាម ។ ពលការិនីទាំង ២ នាក់ បានទៅម៉ាឡេស៊ី ដោយខុសច្បាប់ជាអ្នកបោសសំអាត កាលពីខែកក្កដា ឆ្នាំ ២០១៦ តាមរយៈក្រុមហ៊ុនមួយនៅកម្ពុជា ។ ដោយចង់ត្រឡប់មកកម្ពុជាវិញ អ្នកទាំងពីរបានស្នើសុំកិច្ចសម្របសម្រួលពីស្ថានទូត នៅថ្ងៃទី ០៤ ខែឧសភា ឆ្នាំ ២០១៧ ។ ទី ៤ . ពលការិនី ឃ . ខ អាយុ ៣១ ឆ្នាំ មកពីស្រុកសណ្តាន់ ខេត្តកំពង់ធំ បានទៅម៉ាឡេស៊ីដោយខុសច្បាប់ធ្វើការជាអ្នកបោសសំអាត កាលពីខែកុម្ភៈ ឆ្នាំ ២០១៧ តាមរយៈក្រុមហ៊ុនមួយនៅកម្ពុជា ។ ដោយចង់ត្រឡប់ទៅកម្ពុជាវិញ ពលការិនីបានទៅស្ថានទូតនៅថ្ងៃទី ០៤ ខែឧសភា ឆ្នាំ ២០១៧ ពលការិនីទាំង ៤ នាក់ខាងលើ នឹងមកដល់អាកាសយានដ្ឋានអន្តរជាតិភ្នំពេញ នៅថ្ងៃទី ២១ ខែឧសភា ឆ្នាំ ២០១៧ វេលាម៉ោង ១០ ៖ ០០ នាទីព្រឹក តាមជើងយន្តហោះ mh 754 ។ ក្នុងអំឡុងពេលរង់ចាំត្រឡប់មកកម្ពុជាវិញ ស្ថានទូតបានផ្តល់កន្លែងស្នាក់នៅ និងអាហារបរិភោគជូនពួកគេផងដែរ ៕
https://freshnewsasia.com/localnews/52825-	បន្ទប់ជួលរបស់កម្មករ សិស្ស - និស្សិត ជាង ២៥ ម៉ឺនបន្ទប់ នៅភ្នំពេញ និងក្រុងតាខ្មៅ ទទួលបានអគ្គិសនីប្រើក្នុងតម្លៃថោក	( ភ្នំពេញ ) ៖ លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី ២០ ខែមេសា ឆ្នាំ ២០១៧ នេះ បានបញ្ជាក់ថា បន្ទប់ជួលរបស់កម្មករនិយោជិត សិស្ស - និស្សិត ជាង ២៥ ម៉ឺនបន្ទប់ នៅរាជធានីភ្នំពេញ និងក្រុងតាខ្មៅ ខេត្តកណ្តាល ទទួលបានអគ្គិសនី ប្រើប្រាស់ក្នុងតម្លៃថោក គឺ ៦១០ រៀល ក្នុង ១ គីឡូវ៉ាត់ម៉ោង ។ ថ្លែងក្នុងសិក្ខាសាលាពិគ្រោះយោបល់ស្តីពី « សេចក្តីព្រាងច្បាប់ស្តីពីប្រាក់ឈ្នួលអប្បបរមា » នៅសណ្ឋាគារភ្នំពេញ លោករដ្ឋមន្ត្រីបាន លើកឡើងថា លក្ខខណ្ឌការងារត្រូវបានកែលម្អជាបន្តបន្ទាប់ ដូចជា បានដំឡើងកម្រិតអប្បបរមា នៃប្រាក់បៀវត្សន៍ជាប់ពន្ធ ឱ្យឡើងដល់ ១ , ០០០ , ០០០ រៀល និងលើកលែងពន្ធលើអត្ថប្រយោជន៍បន្ថែម លើថ្លៃធ្វើដំណើរ ថ្លៃស្នាក់នៅ ប្រាក់ថ្លៃបាយ មូលនិធិបេឡាជាតិ របបសន្តិសុខសង្គម ប្រាក់ឧបត្ថម្ភទារក ប្រាក់បំណាច់បញ្ចប់កិច្ចសន្យា ឬប្រាក់បំណាច់នៃការបញ្ឈប់លែងឱ្យធ្វើការ ចាប់ឆ្នាំ ២០១៧ តទៅ ។ លោកថ្លែងយ៉ាងដូច្នេះ « រដ្ឋបានតភ្ជាប់បណ្តាញអគ្គិសនីដោយតម្លៃថោក ជូនកម្មករនិយោជិត សិស្ស - និស្សិត តាមផ្ទះជួលនៅ រាជធានីភ្នំពេញ និងក្រុងតាខ្មៅ បានជាង ២៥០ , ០០០ បន្ទប់ និងបានភ្ជាប់បណ្តាញទឹកស្អាតផងដែរ » ។ លោក អ៊ិត សំហេង បានបញ្ជាក់ថា គិតត្រឹមថ្ងៃ ០១ ខែមករា ឆ្នាំ ២០១៧ កម្ពុជាមានប្រាក់ឈ្នួលអប្បបរមា ខ្ពស់ជាងប្រទេសនាំចេញ ផលិតផលកាត់ដេរ និងផលិតស្បែកជើង ដែលជាដៃគូប្រកួតប្រជែងរបស់កម្ពុជា ដូចជា បង់ក្លាដេស ស្រីលង្កា ឥណ្ឌា មីយ៉ាន់ម៉ា ប៉ាគីស្ថាន ឡាវ តំបន់មួយចំនួននៃប្រទេសឥណ្ឌូនេស៊ី និងខ្ពស់ជាងតំបន់ទី ២ ទី ៣ និងទី ៤ នៃប្រទេសវៀតណាម ផងដែរ ។ ស្របតាមយុទ្ធសាស្ត្រចតុកោណ ដំណាក់កាលទី ៣ របស់រាជរដ្ឋាភិបាលកម្ពុជា តម្លៃប្រើប្រាស់អគ្គិសនី ក្នុង ១ គីឡូវ៉ាត់ម៉ោង ៦១០ រៀល ៕
https://freshnewsasia.com/localnews/83368-	សរុបព័ត៌មានពិសេសៗ ជាតិ - អន្តរជាតិ ប្រចាំថ្ងៃទី ០៥ ខែមេសា ឆ្នាំ ២០១៨ ( video inside )	( ភ្នំពេញ ) ៖ សរុបព័ត៌មានជាតិ - អន្តរជាតិ ប្រចាំថ្ងៃទី ០៥ ខែមេសា ឆ្នាំ ២០១៨ ( ផ្សាយពីថ្ងៃចន្ទ - សុក្រ ចាប់ពីម៉ោង ៧ ៖ ០០ នាទីយប់ ) ។ រាយការណ៍ព័ត៌មានដោយ ៖ កញ្ញា ឆេង សូរិយា , កញ្ញា សំ ស្រីនីត , កញ្ញា យ៉ង់ សក្គុណា , អ្នកនាង កេត សត្យា , លោក ពោជ លីគឹមហ៊ុន , លោក និល រដ្ឋា , កញ្ញា កុសល ជីឡាង , លោក អាន គន្ធធារ៉ា , លោក វៃ ជីវ័ន្ត ៖ * ព័ត៌មានជាតិ ( cambodia news ) ១ ៖ មេដឹកនាំប្រទេសទន្លេមេគង្គ ដាក់ចេញផែនការស្នូលចំនួន ៧ ដើម្បីសម្រេចគោលដៅអភិវឌ្ឍន៍ដោយចីរភាពក្នុងអាងទន្លេមេគង្គ ២ ៖ សំណុំរឿងកាត់ដី ៤ ខេត្តឲ្យវៀតណាម ៖ ប្រជាពលរដ្ឋមួយក្រុមរស់នៅខេត្តមណ្ឌលគិរី ចេញមុខប្រឆាំងជាមួយទណ្ឌិត សម រង្ស៊ី ៣ ៖ មេដឹកនាំកម្ពុជា - ឡាវ - ថៃ - វៀតណាម ប្តេជ្ញារួមគ្នាបន្ត គ្រប់គ្រងនិងអភិវឌ្ឍ ធនធានទន្លេមេគង្គ ឱ្យបានយូរអង្វែង ៤ ៖ នាយករដ្ឋមន្ត្រីថៃ ប្តេជ្ញាចំពោះមុខសម្តេចតេជោ ហ៊ុន សែន ធ្វើយ៉ាងណាឲ្យកិច្ចប្រជុំគណៈកម្មការទន្លេមេគង្គលើកទី ៣ ទទួលបាននូវភាពជោគជ័យ ដើម្បីបម្រើផលប្រយោជន៍រួម ៥ ៖ ពលរដ្ឋអាមេរិក ដើមកំណើតខ្មែរចំនួន ៤៣ នាក់ បានបញ្ជូនមកដល់កម្ពុជា ៦ ៖ កាដូថ្មីមួយទៀតមុនបុណ្យចូលឆ្នាំ ! នាយករដ្ឋមន្ត្រីចេញអនុក្រឹត្យកាត់ដីជាង ៥០០ ហិកតា ពីរដ្ឋប្រគល់ជូនប្រជាពលរដ្ឋជិត ៣០០ គ្រួសារ រស់នៅលើកោះរ៉ុង និងកោះរ៉ុងសន្លឹម ៧ ៖ ក្រសួងសុខាភិបាល អំពាវនាវឱ្យពលរដ្ឋយកចិត្តទុកដាក់បង្ការជំងឺឆ្លង និងពុលចំណីអាហារ ក្នុងឱកាសបុណ្យចូលឆ្នាំថ្មីប្រពៃណីខ្មែរ ៨ ៖ អ្នកវិភាគ ៖ អ្នកក្បត់កម្ពុជា មិនអាចគេចពីសំណាញ់ច្បាប់បានឡើយ * ព័ត៌មានអន្តរជាតិ ( international news ) ១ ៖ ទីបំផុត facebook ទម្លាយព័ត៌មានរសើបធំមួយ ពាក់ព័ន្ធការលួចមើលទិន្នន័យអ្នកប្រើប្រាស់ រាប់ពាន់លាននាក់ដោយបាតដៃទីបី . ២ ៖ លោក ដូណាល់ ត្រាំ « សម្រេចបញ្ជូនកងកម្លាំង ទៅការពារព្រំដែនអាមេរិក - ម៉ិចស៊ីកូ » ៣ ៖ ទីក្រុងប៉េកាំង « មិនព្រឺខ្លួនចំពោះសង្គ្រាមពាណិជ្ជកម្មនោះឡើយ » ប៉ុន្តែចិនអំពាវនាវឲ្យមានកិច្ចពិភាក្សា និងដោះស្រាយជម្លោះនេះ . ៤ ៖ ប្រធានាធិបតីរុស្ស៊ី ៖ ពួក isis អាចវាយប្រហារលើបណ្តាប្រទេស នៅជុំវិញពិភពលោក ៥ ៖ ដូណាល់ ត្រាំ ធ្លាប់និយាយថា « នឹងដកទ័ពអាមេរិកចេញពីស៊ីរី » តែពេលនេះសេតវិមានបែរជាអះអាងថា ពុំទាន់មានការបរិច្ឆេទជាក់លាក់ . ៦ ៖ អតីតប្រធានាធិបតីប្រេស៊ីល លោក lula អាចនឹងត្រូវប៉ូលិសចាប់ខ្លួន និងបញ្ជូនទៅពន្ធនាគារ ពីបទពុករលួយ .
https://freshnewsasia.com/localnews/22348-	ធនាគារជាតិនៃកម្ពុជា នឹងដាក់ដំណើរការប្រព័ន្ធទូទាត់រាយភ្លាមៗ ( fast system ) នៅថ្ងៃទី ២២ ខែមេសាខាងមុខនេះ	( ភ្នំពេញ ) ៖ ធនាគារជាតិនៃកម្ពុជា នៅថ្ងៃទី ២០ ខែមេសានេះបានប្រកាសថា នៅថ្ងៃទី ២២ ខែមេសា ឆ្នាំ ២០១៦ ខាងមុខនេះ ខ្លួននឹងដាក់ឲ្យដំណើរការ ប្រព័ន្ធទូទាត់រាយភ្លាមៗ ( fast system ) ដែលជាប្រព័ន្ធទូទាត់ទំនើបថ្មីមួយ សម្រាប់ផ្ទេរមូលនិធីអន្តរគ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុ ។ បើយោងតាមប្រភពព័ត៌មានពី facebook page ផ្លូវការរបស់ធនាគារជាតិនៃកម្ពុជា បានបញ្ជាក់ថា ធនាគារជាតិនៃកម្ពុជាបាន អភិវឌ្ឍប្រព័ន្ធទូទាត់រាយភ្លាមៗ ( fast system ) ដែលជាប្រព័ន្ធទូទាត់ទំនើបថ្មីមួយ សម្រាប់ប្រតិបត្តិការផ្ទេរមូលនិធិអន្តរគ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុ ទទួលប្រាក់បញ្ញើជាប្រាក់រៀល ដែលនឹងអាចឲ្យអតិថិជនទទួលបានមូលនិធិភ្លាមៗ ( real time ) ។ ប្រភពដដែលបន្តថា « ការដាក់ឱ្យដំណើរការប្រព័ន្ធនេះ នឹងរួមចំណែកជំរុញការប្រើប្រាស់ប្រាក់រៀល និងការទូទាត់សងប្រាក់ ជាអេឡិចត្រូនិក ព្រមទាំងធ្វើឲ្យសកម្មភាពទូទាត់ទាំង ក្នុងវិស័យឯកជន និងរដ្ឋាភិបាលកាន់តែមានប្រសិទ្ធភាព ឆាប់រហ័សនិងមានសុវត្ថិភាព អតិថិជនអាចទទួលបាន សាច់ប្រាក់ទាន់ពេលវេលា និងមានតម្លាភាពខ្ពស់ ដែលធ្វើឲ្យអតិថិជនកាន់តែ មានជំនឿទុកចិត្តលើសេវា និងប្រព័ន្ធធនាគារ នៅក្នុងប្រទេសកម្ពុជា ព្រមទាំងលើកកម្ពស់ ការធ្វើទំនើបកម្មប្រព័ន្ធទូទាត់នៅកម្ពុជា ។ ប្រព័ន្ធនេះនឹងដាក់ឲ្យដំណើរការជាបប្រព័ន្ធនេះ នឹងដាក់ឲ្យដំណើរការជាបឋម ( soft launch ) ចាប់ពីថ្ងៃទី ២២ ខែមេសា ឆ្នាំ ២០១៦ នេះតទៅ » ។ គួរបញ្ជាក់ថា បើតាមគេហទំព័ធនគារជាតិនៃកម្ពុជា បច្ចុប្បន្ននេះប្រទេសកម្ពុជា មានធនគារពាណិជ្ជចំនួន ៣៦ ធនាគារឯកទេសចំនួន ១១ និងគ្រឹះស្ថានមីក្រូហិរញ្ញវត្ថុចំនួន ៣៤ ដែលកំពុងប្រតិបត្តិការផ្តល់ប្រាក់កម្ចី និងបញ្ញើ ៕
https://freshnewsasia.com/localnews/99128-	ក្រសួងអប់រំ ចេញមកសម្តែងការសុំទោស ចំពោះកំហុសដោយអចេតនា ពាក់ព័ន្ធនឹងលទ្ធផលប្រឡង ( video inside )	( ភ្នំពេញ ) ៖ ក្រសួងអប់រំ យុវជន និងកីឡា នៅថ្ងៃទី ១៥ ខែកញ្ញា ឆ្នាំ ២០១៨ បានចេញមកសម្តែងការសុំទោស ចំពោះកំហុសដោយអចេតនា ជុំវិញការប្រកាសលទ្ធផលប្រឡង សញ្ញាបត្រមធ្យមសិក្សាទុតិយភូមិ ឬសញ្ញាបត្របាក់ឌុប កន្លងទៅ ។ តាមរយៈទំព័រ facebook ផ្លូវការរបស់ខ្លួន ក្រសួងអប់រំ បានចេញមុខឱនលំទោន និងថ្លែងសារសុំអភ័យទោស ដោយបញ្ជាក់យ៉ាងដូច្នេះថា « ក្រសួងសុំទោស និងសោកស្តាយ ចំពោះកំហុស ដោយអចេតនា » ។ សូមជម្រាបថា ក្រសួងអប់រំ យុវជន និងកីឡា កាលពីថ្ងៃទី ១៤ ខែកញ្ញា ឆ្នាំ ២០១៨ បានចេញសេចក្តីប្រកាសព័ត៌មានមួយ បញ្ជាក់ពីការសម្រេច « មោឃៈ » លទ្ធផលប្រឡងសញ្ញាបត្រមធ្យមសិក្សាទុតិយភូមិ ( បាក់ឌុប ) ឆ្នាំ ២០១៨ សម្រាប់ថ្នាក់វិទ្យាសាស្ត្រ ដែលប្រកាសលទ្ធផលលើកទី ១ កាលពីថ្ងៃទី ០៩ ខែកញ្ញា ក្រោយក្រសួងទើបបានប្រកាសលទ្ធផលថ្មីរួច ។ ក្រសួងបានបញ្ជាក់ថា មានតែបេក្ខជនចំនួន ៩៧៥ នាក់ប៉ុណ្ណោះ ដែលបានប្រែប្រួលពីនិទ្ទេស f ( ធ្លាក់ ) មកនិទ្ទេស e ( ជាប់ ) វិញ ។ ការលើកយកលំដាប់ពិន្ទុនៃការប្រកាសលើកទី ១ និងលើកទី ២ មកប្រៀបធៀបគ្នា ជាការប្រកាសមិនមានន័យទេ ដោយសារតាមបច្ចេកទេស លំដាប់ពិន្ទុ មិនមែនជា ពិន្ទុសរុប នោះទេ ។ ក្រសួងអប់រំបញ្ជាក់ថា បន្ទាប់រកឃើញកំហុសបច្ចេកទេសនេះ ធ្វើឲ្យលទ្ធផលនៃការប្រឡងសញ្ញាបត្របាក់ឌុបប្រែប្រួល ដោយចំនួនអ្នកជាប់កើតឡើងដល់ ៧៦ , ០៣៤ នាក់ ស្មើនឹង ៦៧ . ០៧ ភាគរយ ។ បេក្ខជនជាប់និទ្ទេស a មានចំនួន ៤០៨ នាក់ និទ្ទេស b ចំនួន ២ , ២២២ នាក់ និទ្ទេស c ចំនួន ៦ , ០៤១ នាក់ និទ្ទេស d ចំនួន ១៥ , ១៨០ នាក់ និងនិទ្ទេស e ចំនួន ៥ , ២១៨៣ នាក់ ៕
https://freshnewsasia.com/localnews/76936-	លិខិតចំហរ ៖ សូមលោក សម រង្ស៊ី បញ្ឈប់ចលនាសង្គ្រោះជាតិជាបន្ទាន់ !	( ភ្នំពេញ ) ៖ បន្ទាប់ពីមានការប្រកាសបង្កើតចលនាសង្គ្រោះជាតិរបស់លោក សម រង្ស៊ី អតីតមេដឹកនាំគណបក្សសង្គ្រោះជាត ដែលកំពុងរត់គេចពីសំណាញ់ច្បាប់របស់កម្ពុជា នៅពេលនេះ ស្ថានភាពផ្ទៃក្នុងរបស់អតីតមន្ត្រីនៃគណបក្សប្រឆាំងដែលត្រូវបានរំលាយដោយតុលាការកំពូល បាននឹងកំពុងរង្គោះរង្គើយ៉ាងខ្លាំង និងក៏បានធ្វើឲ្យក្រុមមនុស្សរបស់លោក កឹម សុខា មានការមិនសប្បាយចិត្តចំពោះការប្រកាសបង្កើតចលនានេះ ។ ជាមួយនឹងការមិនសប្បាយចិត្តនេះ ក្រុមអ្នកគាំទ្រគណបក្សសង្គ្រោះជាតិ ដែលមានឈ្មោះនៅលើ facebook ឈ្មោះ « យុវតីសង្គ្រោះជាតិ » បានសរសេរលិខិតជំហរមួយច្បាប់ផ្ញើមកកាន់ការិយាល័យ fresh news នៅថ្ងៃទី ២៥ ខែមករា ឆ្នាំ ២០១៨ ។ ខ្លឹមសារនៃលិខិតចំហរនេះមានទាំងស្រុងដូចខាងក្រោម ៖ ពួកយើងខ្ញុំជាអ្នកគាំទ្រគណបក្សសង្គ្រោះជាតិមានក្តីទោមនស្សយ៉ាងខ្លាំង បន្ទាប់ពីបានដំណឹងថា លោក សម រង្ស៊ី បានប្រកាសបង្កើតចលនាសង្គ្រោះជាតិស្អីគេនោះពីក្រៅប្រទេស ។ ចលនានេះមិនត្រឹមតែជាការបំផ្លាញគណបក្សសង្គ្រោះជាតិតែប៉ុណ្ណោះទេ តែវាក៏ជាអន្ទាក់ដែលនាំទុក្ខទោសដល់ពួកយើងខ្ញុំដែលជាអ្នកគាំទ្របក្សសង្គ្រោះជាតិថែមទៀតផង ។ តើលោក សម រង្ស៊ី ដឹងឬមិនដឹងថា ការប្រកាសបង្កើតចលនាសង្គ្រោះជាតិមានន័យស្មើនឹងការទទួលស្គាល់ថា គណបក្សសង្គ្រោះជាតិរលាយបាត់រូបរាងហើយ ។ ក្នុងកិច្ចសម្ភាសន៍ជាមួយវិទ្យុអាស៊ីសេរីកាលពីថ្មីៗនេះ លោក សម រង្ស៊ី ទទួលស្គាល់ច្បាស់ៗថា បក្សសង្គ្រោះជាតិរលាយ មេៗខាងលើខ្ចាត់ខ្ចាយ មិនអាចទាក់ទងគ្នាបាន មិនដឹងនិយាយគ្នាយ៉ាងម៉េច ចំណែកឯមន្ត្រី និងសកម្មជនថ្នាក់ក្រោមរងារឯកោ ? ពាក្យសម្តីរបស់លោក សម រង្ស៊ី បានធ្វើឲ្យពួកយើងខ្ញុំរងការចុកចាប់យ៉ាងខ្លាំង ។ កាលពីមុននេះ លោក សម រង្ស៊ី បាននិយាយពេញៗមាត់ថា បក្សសង្គ្រោះជាតិនៅរស់ ហើយអំពាវនាវឲ្យអ្នកគាំទ្រ និងមន្ត្រីថ្នាក់ក្រោមបន្តគាំទ្រ ហើយថា សហគមន៍អន្តរជាតិនឹងជួយ ។ ប៉ុន្តែពេលនេះបែរជាក្រឡាស់សម្តី ១៨០ អង្សា និយាយបាតដៃ ខ្នងដៃ ហើយទទួលស្គាល់ដោយពេញមាត់ថា បក្សសង្គ្រោះជាតិរលាយអស់ហើយពេលនេះមិនអាចធ្វើអ្វីកើតទេ ។ រីឯការរំពឹងលើសហគមន៍អន្តរជាតិ ក៏មិនអាចទទួលបានផលអ្វីដែរ ។ ម្យ៉ាងទៀត ការបង្កើតចលនាសង្គ្រោះជាតិមិនគ្រាន់តែមិនបានការទេ តែនឹងនាំទុក្ខទោសដល់ពួកយើងខ្ញុំអ្នកគាំទ្រពីព្រោះតែនេះជាចលនាខុសច្បាប់ ។ ដូច្នេះ បើអ្នកណាហ៊ានចូលរួម អាជ្ញាធរនឹងចាត់វិធានការផ្លូវច្បាប់មិនខាន ។ តើលោក សម រង្ស៊ី ដឹងឬមិនដឹងអំពីបញ្ហានេះ ? ហេតុអ្វីបានជាធ្វើអំពើបែបនេះទៅកើត ? អាងតែខ្លួនឯងនៅក្រៅប្រទេស ហើយចុះអ្នកដែលកំពុងរស់នៅក្នុងប្រទេសឲ្យគេចូលរួមគាំទ្រចលនាបែបនេះម្តេចកើត ? ឬមួយលោក សម រង្ស៊ី ចង់ឲ្យអ្នកគាំទ្ររបស់ខ្លួនជាប់គុកកាន់តែច្រើនដើម្បីងាយស្រួល យកធ្វើលេសដុតកំហឹងពង្រឹងចលនាសង្គ្រោះជាតិរបស់លោក ? តើលោក សម រង្ស៊ី ពិតជាកំពុងបម្រើនយោបាយឲ្យនាយករដ្ឋមន្ត្រី ហ៊ុន សែន ដូចគេថាមែនទេដឹងបានជាទៅបង្កើតចលនាថ្មីមួយដោយមិនបានសួរយោបល់លោកប្រធាន កឹម សុខា សោះ ? លោក សម រង្ស៊ី សូមលោកសួរខ្លួនឯងថា តើលោកបានបំផ្លាញបក្សប្រឆាំងអស់ប៉ុន្មានហើយ ? ក្រោមការដឹកនាំរបស់លោក គណបក្សបក្សជាតិខ្មែរបានរលាយ , គណបក្សសម រង្ស៊ី រលាយ , ទីបំផុតគណបក្សសង្គ្រោះជាតិក៏រលាយទៀត ។ ការរលាយជាបន្តបន្ទាប់នេះព្រោះ លោក សម រង្ស៊ី ជាអ្នកនយោបាយពូកែខាងដុតគឺដុតរហូតរលាយគណបក្សខ្លួនឯង ។ អ្វីដែលច្បាស់លាស់បំផុតនៅពេលនេះគឺ លោក សម រង្ស៊ី មានបំណងរំលាយគណបក្សសង្គ្រោះជាតិចោលយ៉ាងពិតប្រាកដខណៈដែលពួកយើងខ្ញុំគ្រប់គ្នាខិតខំការពារគណបក្សនេះនិងចាត់ទុកថា វាមិនទាន់ស្លាប់នៅឡើយ ។ ក្នុងមួយជីវិតនយោបាយរបស់ខ្លួន គឺលោក សម រង្ស៊ី ធ្វើនយោបាយដោយយកឈាមនិងទឹកភ្នែកប្រជាជនធ្វើដើមទុនរហូត ។ តើមានមនុស្សប៉ុន្មាននាក់ហើយដែលបានស្លាប់ រងរបួស ជាប់ពន្ធនាគារ និងបានធ្លាក់ខ្លួនក្រដោយសារតែបម្រើនយោបាយរបស់លោក ? សូមលោក សម រង្ស៊ី ចាំទុកចុះថា មេទ័ពដែលរត់ចោលសមរភូមិតែរហូតដូចរូបលោក គឺប្រយុទ្ធមួយរយដង ចាញ់មួយរយដង ! ពួកយើងនៅចាំបានយ៉ាងច្បាស់ថា ចាប់តាំងពីលោក សម រង្ស៊ី បាត់បង់តំណែងជាប្រធានគណបក្សសង្គ្រោះជាតិមក បើទោះជាលោក សម រង្ស៊ី ខំអួតអាងថា ជាការលះបង់តំណែងដើម្បី សង្គ្រោះបក្សក៏ដោយ ក៏ប៉ុន្តែ តាមការពិត សោកស្តាយខ្លាំងណាស់ចំពោះតំណែងនេះ ។ លោកបានដុតសភាពការណ៍រហូតក្នុងគោលបំណងធ្វើឲ្យសង្គ្រោះជាតិដឹកនាំដោយលោកប្រធាន កឹម សុខា ជួបនឹងបញ្ហា ដើម្បីលោកមានលេសថា អស់ពីលោកទៅ គ្មានអ្នកណាអាចមានសមត្ថភាពដឹកនាំគណបក្សនេះបានទេ ។ ឥឡូវនេះ លោកបានសម្រេចបំណងហើយ គឺកម្ទេចគណបក្សសង្គ្រោះជាតិចោលទាំងស្រុង ។ ការបង្កើតចលនាសង្គ្រោះជាតិនេះ បានធ្វើឲ្យអ្នកគាំទ្រ និងមន្ត្រីបក្សសង្គ្រោះជាតិបែកបាក់ខ្ទេចខ្ទីគ្មានសល់ ។ ក្នុងន័យនេះ ពួកយើងខ្ញុំសូមអំពាវនាវឲ្យលោក សម រង្ស៊ី និងបក្សពួករបស់គាត់ពិចារណាឡើងវិញជាបន្ទាន់ដោយរំលាយចោលនូវចលនាសង្គ្រោះជាតិនោះភ្លាម ហើយវិលមកបន្តការតស៊ូក្រោមស្លាកបក្សសង្គ្រោះជាតិដដែល ។ ម្យ៉ាងទៀត បើមុននឹងសម្រេចអ្វីមួយ សូមលោក សម រង្ស៊ី ពិគ្រោះយោបល់ជាមួយលោកប្រធាន កឹម សុខា ជាមុនសិន ដោយមិនត្រូវយកលេសថា មិនអាចទាក់ទងគ្នាបាន ឬក៏ថាលោក កឹម សុខា កំពុងជាប់ពន្ធនាគារមិនអាចនិយាយអ្វីបាននោះឡើយ ។ តាមពិត លោកប្រធាន កឹម សុខា នៅតែមានស្មារតីរឹងមាំ និងនៅតែជាប្រធានបក្សដែលអាចសម្រេចកិច្ចការអ្វីបានគ្រប់យ៉ាងដែលគ្មានអ្នកណាអាចរំលងតួនាទីរបស់គាត់បានឡើយ ។ ប្រសិនបើនៅតែបន្តប្រកាសចលនាសង្គ្រោះជាតិ គឺលោក សម រង្ស៊ី ត្រូវទទួលខុសត្រូវទាំងស្រុងចំពោះការរលំរលាយរបស់គណបក្សសង្គ្រោះជាតិ និងការបែកបាក់នៃមន្ត្រី និងអ្នកគាំទ្រគណបក្សប្រឆាំងទាំងមូលតែម្តង ។ ពួកយើងខ្ញុំសូមប្រកាសជាឧឡារឹកថា នឹងមិនចូលរួមជាមួយចលនាដែលលោក សម រង្ស៊ី បង្កើតឡើងនោះឡើយ ហើយនៅតែចាត់ទុកថា លោកប្រធាន កឹម សុខា នៅតែជាប្រធានគណបក្សសង្គ្រោះជាតិដដែលដោយគ្មានងាករេ ។ ប្រសិនបើលោក សម រង្ស៊ី នៅតែរឹងទទឹងប្រកាសចលនាសង្គ្រោះជាតិ ពួកយើងខ្ញុំសូមថ្កោលទោសយ៉ាងដាច់អហង្ការ និងចាត់ទុកលោក សមរង្ស៊ី ថាជាអ្នកបំផ្លាញបក្សសង្គ្រោះជាតិដោយមិនអាចប្រកែកបានឡើយ ។ បើមិនចង់មានឈ្មោះថាជាអ្នកបំផ្លាញបក្សសង្គ្រោះជាតិទេ សូមលោក សម រង្ស៊ី បញ្ឈប់ចលនាសង្គ្រោះជាតិជាបន្ទាន់ ៕ ពីសកម្មជន និងអ្នកគាំទ្រគណបក្សសង្គ្រោះជាតិ ( យុវតីសង្គ្រោះជាតិ )
https://freshnewsasia.com/localnews/85941-	យុទ្ធនាការប្រយុទ្ធប្រឆាំងគ្រឿងញៀនខុសច្បាប់ ទូទាំងប្រទេសសម្រាប់ថ្ងៃទី ០៤ ខែឧសភាលទ្ធផល ៖ បង្ក្រាប ២៩ ករណី ឃាត់ខ្លួន ៣២ នាក់	( ភ្នំពេញ ) ៖ យុទ្ធនាការប្រយុទ្ធប្រឆាំង គ្រឿងញៀនខុសច្បាប់ទូទាំងប្រទេស សម្រាប់ថ្ងៃទី ០៤ ខែឧសភា ឆ្នាំ ២០១៨ បានបង្ហាញថា កម្លាំងសមត្ថកិច្ចបានបង្ក្រាប ៖ * លទ្ធផលបង្ក្រាបរួមមាន ៖ ២៩ ករណី ឃាត់ខ្លួន ៣២ នាក់ ( ស្រី ៤ នាក់ ) ។ ១ ៖ ករណីជួញដូរគ្រឿងញៀន ១៥ ករណី ឃាត់ខ្លួន ១៧ នាក់ ( ស្រី ៤ នាក់ ) ។ ២ ៖ ករណីប្រើប្រាស់គ្រឿងញៀន ១៤ ករណី ឃាត់ខ្លួន ១៥ នាក់ ( ស្រី ០ នាក់ ) ៕
https://freshnewsasia.com/localnews/89784-	លោក ឈាង វុន ៖ ប្រសិនបើអាមេរិកមិនបានជួយអ្វីសម្រាប់កម្ពុជា គួរតែដកខ្លួនឲ្យឆ្ងាយពីកម្ពុជា	( ភ្នំពេញ ) ៖ លោក ឈាង វុន ប្រធានគណៈកម្មាធិការកិច្ចការបរទេស និងជាអ្នកនាំពាក្យនៃរដ្ឋសភា បានចាត់ទុកចំណាត់ការរបស់សហរដ្ឋអាមេរិកលើនាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការនៃបញ្ជាការដ្ឋានអង្គរក្សសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺជាសេរីយោនយោបាយដ៏ទុច្ចរិតមួយរបស់សហរដ្ឋមន្ត្រីក្រោមខ្សែញ៉ាក់របស់មេដឹកនាំអតីតបក្សប្រឆាំងនៅកម្ពុជា ក្នុងការវាយបំបាក់ស្មារតីកងទ័ពអ្នកស្នេហាជាតិនៅមុនពេលការបោះឆ្នោតឈានចូលមកដល់ ។ លោក ឈាង វុន បានថ្លែងបញ្ជាក់បែបនេះនៅចំពោះមុខក្រុមអ្នកព័ត៌មាននាព្រឹកថ្ងៃទី ១៥ ខែមិថុនា ឆ្នាំ ២០១៨ នេះ បន្ទាប់ពីបញ្ចប់កិច្ចប្រជុំគណៈកម្មការអចិន្ត្រៃយ៍នៃរដ្ឋសភា ។ លោក ឈាង វុន បានថ្លែងគូសបញ្ជាក់យ៉ាងដូច្នេះ « នេះជាការជ្រៀតជ្រែកចូលកិច្ចការផ្ទៃក្នុងរបស់កម្ពុជា ហើយជាការវាយបំបាក់ស្មារតីស្នេហាជាតិកងកម្លាំងទ័ពរបស់យើង ព្រោះឯកឧត្តម ហ៊ីង ប៊ុនហៀង គាត់ជាមេទ័ពមួយ ដែលការពារដាច់ខាតប្រជាធិបតេយ្យនៅកម្ពុជា ការពារសន្តិភាពរបស់កម្ពុជា ការពារអធិបតេយ្យជាតិរបស់កម្ពុជា ។ ជាទ័ពឈានមុខក្នុងការទប់ស្កាត់មិនឲ្យមានការជ្រៀតជ្រែកពីក្រៅ អ៊ីចឹងហើយគេត្រូវវាយបំបាក់គាត់ ដើម្បីឲ្យកងកម្លាំងប្រដាប់អាវុធរបស់យើង យោធិនរបស់យើងហ្នឹង បាត់ស្មារតី ជាពិសេសមុនពេលបោះឆ្នោត ដែលយើងមិនអាចទទួលយកបានទេ » ។ លោក ឈាង វុន បានថ្លែងទៅកាន់សហរដ្ឋអាមេរិកថា ប្រសិនបើពួកគេមិនបានជួយអ្វីសម្រាប់កម្ពុជា គួរតែដកខ្លួនឲ្យឆ្ងាយពីកម្ពុជា ។ បន្ថែមពីលើនោះមុននឹងចេញវិធានការបង្កកប្រាក់របស់នាយឧត្តមសេនីយ៍ ហ៊ីង ប៊ុនហៀង ទាំងពួកគេដឹងថា នាយឧត្តមសេនីយ៍ ហ៊ីង ប៊ុនហៀង គ្មានប្រាក់ទុកនៅអាមេរិកនោះ អាមេរិកគួរតែក្រឡេកមើលអតីតកាល ក្រឡេកមើលគ្រាប់បែករបស់ពួកគេនៅលើដីកម្ពុជា ហើយគួរតែយកចេញឲ្យអស់ពីដីកម្ពុជា ។ អ្នកនាំពាក្យរូបនេះ បានអំពាវនាវឲ្យពលរដ្ឋខ្មែរក្រោកឡើងប្រឆាំងល្បិចពិសពុលរបស់អាមេរិក ដើម្បីបញ្ចៀសកម្ពុជាកុំឲ្យមានវិនាសកម្មដូចពីអតីតកាលបន្តទៅទៀត ។ ប្រតិកម្មភ្លាមរបស់លោក ឈាង វុន បានធ្វើឡើងបន្ទាប់ពីរតនាគារសហរដ្ឋអាមេរិកនៅថ្ងៃទី ១២ ខែមិថុនា ឆ្នាំ ២០១៨ បានសម្រេចដាក់ទណ្ឌកម្មបង្កប្រាក់ នាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរងនៃកងយោធពលខេមភូមិន្ទ និងជាមេបញ្ជាការនៃបញ្ជាការដ្ឋានអង្គរក្សសម្តេចតេជោ ហ៊ុន សែន ។ នេះគឺជាចំណាត់ការដំបូងគេរបស់សហរដ្ឋអាមេរិកមកលើមន្ត្រីជាន់ខ្ពស់ក្នុងជួរកងយោធពលខេមរភូមិន្ទ បន្ទាប់ពីមានការតវ៉ាច្រើនពីក្រុមអតីតមេដឹកនាំអតីតគណបក្សសង្គ្រោះ ដែលត្រូវបានរំលាយពីទោសក្បត់ជាតិនោះ ។ ចំណាត់ការរបស់អាមេរិកនេះ បានធ្វើឲ្យមានការប្រតិកម្មយ៉ាងខ្លាំងក្លាពីរាជរដ្ឋាភិបាលកម្ពុជា និងកងទ័ពរបស់កម្ពុជាផងដែរ ៕
https://freshnewsasia.com/localnews/26233-	កុមារកំព្រារ របស់អង្គការលើកស្ទួយប្រជាពលរដ្ឋ នៅស្ទឹងមានជ័យ ទទួលអំណោយសប្បុរសធម៌ ពីក្រុមហ៊ុនភេសជ្ជៈ okf	( ភ្នំពេញ ) ៖ រោងចក្រផលិតភេសជ្ជៈ លំដាប់លេខ ១ នៅលើពិភពលោក okf នៅរសៀលថ្ងៃទី ១០ ខែមិថុនា ឆ្នាំ ២០១៦ នេះ បានចុះចែកអំណោយសប្បុរសធម៌ ជូនទៅដល់ក្មេងកំព្រា ដែលកំពុងរស់នៅ ក្នុងអង្គការលើកស្ទួយប្រជាពរដ្ឋ ស្ថិតនៅក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។ លោក lee sang sin អគ្គនាយកក្រុមហ៊ុនភេសជ្ជៈ okf បានដឹកនាំបុគ្គលិកទៅចែកជូនអំណោយនេះដោយផ្ទាល់ ដែលអំណោយទាំងនោះរួមមាន ៖ ភេសជ្ជៈ សម្ភារៈសម្រាប់សិស្សសិក្សា អង្ករ ភេសជ្ជៈ មី ថវិកាមួយចំនួន និងសម្ភារៈជាច្រើនមុខទៀត ។ លោកស្រី នួន ភីមាន ជាប្រធានអង្គការលើកស្ទួយប្រជាពលរដ្ឋ បានបង្ហាញនៅក្តីសប្បាយរីករាយជាពន់ពេក និងថ្លែងអំណរគុណយ៉ាងជ្រាលជ្រៅ ទៅដល់ក្រុមហ៊ុន okf ដែលបានផ្តល់ជូនអំណោយសប្បុរសធម៌ ដល់អង្គការរបស់លោកស្រី ។ លោកស្រីបានឲ្យដឹងទៀតថា ហេតុផលដែលបណ្តាលឲ្យ លោកស្រីមានគំនិតបង្កើតអង្គការ សម្រាប់ជួយកុមារកំព្រានេះ ដោយសារតែលោកស្រីធ្លាប់បានឆ្លងកាត់ នៅជីវិតជាក្មេងកំព្រា និងដឹងថា កុមារទាំងអស់ត្រូវការជម្រក ការហូបចុកគ្រប់គ្រាន់ ការស្លៀកពាក់ និងត្រូវការការអប់រំ ព្រោះមានតែការអប់រំទេ ដែលជួយឲ្យប្រទេសជាតិរីកចំរើនបាន ។ លោកស្រីបានបញ្ជាក់ទៀតថា សព្វថ្ងៃអង្គការលើកស្ទួយប្រជាពលរដ្ឋ របស់លោកស្រីមាន ៣ សាខា និងមានកុមារទាំងអស់ចំនួន ១៤៤៥ នាក់ ដែលក្នុងនោះមានស្រីចំនួនពាក់កណ្តាល ។ សូមបញ្ជាក់ថា ក្រុមហ៊ុន okf ជាក្រុមហ៊ុនលំដាប់លេខ ១ លើពិភពលោក និងមានភេសជ្ជៈជាង ៧៥០ ប្រភេទ និងបានចរាចរណ៍ ទីផ្សារចំនួន ១៦០ ប្រទេស និងជារោងចក្រ ដែលទទួលបាននូវមេដាយមាស និងវិញ្ញាបនប័ត្រ បញ្ជាក់ពីគុណភាព និងរសជាតិលំដាប់អន្តរជាតិផងដែរ ៕
https://freshnewsasia.com/localnews/18399-	វេទិកាហ្វ្រេសញូ ៖ អគ្គនាយករងគយ ២ រូប ជិតដល់អាយុចូលនិវត្តន៍ កំពុងនាំគ្នារត់ការពន្យារកំណើត .!	( ភ្នំពេញ ) ៖ ព្រឹកមិញសុំលុយប្រពន្ធបាន ៣ ម៉ឺនរៀល ក៏នឹកឃើញបាយភ្លៅមាន់ជាប់កញ្ចូញ នៅហាងក្បែរហ្សង់កុង ព្រោះនាយខ្វែកព្រឹកឡើងមានលទ្ធភាពត្រឹមបាយ ជាមួយត្រីប្រឡាក់នៅផ្ទះ ឬបាយសាច់ជ្រូកចៀននៅតាមចិញ្ចើមផ្លូវប៉ុណ្ណោះ យូរៗទើបហ៊ានចូលហាងបាយមាន់ថ្លៃនឹងគេម្តង ។ កំពុងខាំទាញសាច់មាន់ឆ្ងាញ់ជាមួយជ្រក់ ស្រាប់តែមានសំលេងស្រែកឡើងថា ៖ អាខ្វែក ! ថ្ងៃសៅរ៍នេះមិនទៅណាទេឬ បានមកអង្គុយស៊ីបាយមាន់ម្នាក់ឯងទៅវិញ ។ នាយខ្វែកក្រឡេករកប្រភពសំលេងទើបស្គាល់ថា អាខ្វៃសោះ ! យី ! អានេះឥឡូវធ្វើគយទៀត បានស្លៀកឯកសណ្ឋានគយបែបនេះ ! វាក៏ឆ្លើយថា អញធ្វើគយយូរហើយ អាខ្វែកឯងមិនដឹងទេអី ! ថ្ងៃនេះអញប្រចាំការបានជាស្លៀកឯកសណ្ឋានទាំងថ្ងៃសៅរ៍ ។ ក្រោយពីសួរសុខទុក្ខគ្នាអស់មួយសន្ទុះធំនឹងដឹងថា នាយខ្វែកជាអ្នកសរសេរកាសែតរួចមក ស្រាប់តែវាលាន់មាត់ថា វារកមុខអ្នកកាសែតយូរហើយ ព្រោះចង់ទម្លាយរឿងខ្លះ តែខ្លាចបែករឿងថា វាជាអ្នកបញ្ចេញ ឥឡូវបានមិត្តភក្តិសំឡាញ់អាប់ធ្វើអ្នកកាសែត អញ្ចឹងវាមិនខ្លាចទម្លាយរឿងទេ ដើម្បីអោយវាធូរទ្រូងខ្លះ ។ អាខ្វៃវាថា តាំងពីរាជរដ្ឋាភិបាលប្រកាសធ្វើកំណែទម្រង់ ជាពិសេសនៅក្រោយការបោះឆ្នោតឆ្នាំ ២០១៣ ដែលក្រុមយុវជនត្រូវបានថ្នាក់ដឹកនាំ ទាំងរាជរដ្ឋាភិបាល ទាំងគណបក្សយកចិត្តទុកដាក់ខ្ពស់ក្នុងការចូលរួមការងារសង្គម ការងារជាតិកាលណាមក រាជរដ្ឋាភិបាលបានប្រកាន់ជំហរប្តូរផ្តាច់ ដោយកំណត់ឲ្យមន្ត្រីចាស់ៗដែលដល់អាយុចូលនិវត្តន៍ ត្រូវតែដាក់ឲ្យចូលនិវត្តន៍ដោយមិនយោគយល់ ឬលើកលែងអនុញ្ញាតឲ្យពន្យារអាយុនោះឡើយ ។ តាំងពីរាជរដ្ឋាភិបាលធ្វើការប្តេជ្ញាចិត្តមកឃើញថា មិនថាមន្ត្រីថ្នាក់ណាឬថ្នាក់ណាទេ ឲ្យតែដល់អាយុចូលនិវត្តន៍ត្រូវតែដាក់ឲ្យចូលនិវត្តន៍ ទោះជាមានស្ថាប័នខ្លះនៅឃុបឃិតលួចលាក់ពន្យារ ឬបន្ថយអាយុក៏ដោយ ។ ឥឡូវនៅស្ថាប័នគយរបស់វាស្រាប់តែមានមន្ត្រីជាន់ខ្ពស់ចំនួន ២ នាក់ ដែលកាន់សុទ្ធតែកន្លែងខ្លាញ់ឡើងដុះស្លែមកហើយនោះ កំពុងនាំគ្នារត់ ការពន្យារអាយុចូលនិវត្តន៍ ខណៈពួកគាត់ដល់អាយុចូលនិវត្តន៍ឆាប់ៗនេះទៅហើយ ។ អាខ្វៃវាថា មន្ត្រីគយដែលកំពុងនាំគ្នារត់ការ ពន្យារកំណើតខាងលើនេះ បច្ចុប្បន្នមានតួនាទីសុទ្ធតែអគ្គនាយករងគយឯណោះ ។ ក្នុងនោះម្នាក់ម្នាក់ជាប្អូនប្រុសរបស់អតីតមេគយចាស់ ត្រូវដល់អាយុចូលនិវត្តន៍នៅថ្ងៃទី ២៩ ខែកក្កដា ឆ្នាំ ២០១៦ ខាងមុខ និងម្នាក់ទៀតអតីតជាប្រធានសាខាគយ ខេត្តបន្ទាយមានជ័យ និងមានប្រពន្ធជាឈ្មួញរកស៊ីនាំស្ករសដ៏ល្បីល្បាញ គ្មានអ្នកណាហ៊ានប៉ះនោះ ត្រូវដល់អាយុចូលនិវត្តន៍នៅថ្ងៃទី ២០ ខែកុម្ភៈ ឆ្នាំ ២០១៦ នេះហើយ ( ថ្ងៃនេះតែម្តង ) ។ អាខ្វៃវាខ្សឹបថា បើប្រមុខរាជរដ្ឋាភិបាល មិនមានវិធានការទប់ស្កាត់ទេ គម្រោងការរត់ការសុំពន្យារអាយុរបស់មន្ត្រីថ្នាក់ អគ្គនាយករងគយទាំង ២ នាក់ខាងលើនេះ គ្មានអ្វីរារាំងបានទេ ព្រោះទឹកលុយ និងឥទ្ធិពលបក្ខពួករបស់ លោកអគ្គនាយករងទាំង ២ នាក់ខាងលើនេះ មិនអាចធ្វើអោយអ្នកល្មមៗទប់ស្កាត់នូវផែនការរបស់ពួកគាត់បានឡើយ ក្រៅតែពីប្រមុខរាជរដ្ឋាភិបាលនោះ ព្រោះកុំថាឡើយមន្ត្រីស្ថាប័នក្រសួងជាមួយ សូម្បីតែមន្ត្រីនៅក្រសួងមុខងារសាធារណៈក៏ងងឹតមុខឈឹង ដោយសារដុំដុល្លាររបស់ពួកគាត់ដែរ ។ ខាងលើនេះវាគ្រាន់តែជាសំដីដែលអាខ្វៃមាត់ដាច វាលួចខ្សឹបពេលជួបនាយខ្វែក នៅហាងបាយមាន់ហ្សង់កុងប៉ុណ្ណោះ ឯរឿងលោកអគ្គនាយករងគយ ពិតជានាំគ្នារត់ការពន្យារកំណើត ឬយ៉ាងណានោះគ្មានអ្នកណាដឹងឡើយ ព្រោះសុទ្ធតែជារឿងសម្ងាត់ក្រោមតុតែនាយខ្វែកសង្ឃឹមថា ពួកគាត់នឹងមិនរត់ការពន្យារកំណើតបន្តធ្វើការ ធ្វើបាបខ្លួនតទៅទៀតចុះ ទុកឲ្យក្មេងៗជំនាន់ក្រោយគេមានឱកាស ធ្វើការងារបង្កើតស្នាដៃជូនជាតិផង ៕
https://freshnewsasia.com/localnews/78040-	សូមកុំបើកបរហួសល្បឿនកំណត់ ! ស្លាប់ ៩ នាក់ និងរបួស ៥ នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី ០៦ ខែកុម្ភៈម្សិលមិញ	( ភ្នំពេញ ) ៖ យោងតាមរបាយការណ៍ ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី ០៦ ខែកុម្ភៈ ឆ្នាំ ២០១៨ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៩ លើក បណ្តាលឲ្យមនុស្សស្លាប់ ៩ នាក់ របួសស្រាល ៣ នាក់ និងរបួសធ្ងន់ ២ នាក់ ។ ប្រភពព័ត៌មានដដែលបញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍ទាំង ៩ លើកនេះ បណ្តាលឲ្យខូតខាតម៉ូតូចំនួន ៨ គ្រឿង រថយន្តតូច ៤ គ្រឿង , រថយន្តធុនធំ ២ គ្រឿង ហើយមូលហេតុដែលបណ្តាលឲ្យកើត មានគ្រោះថ្នាក់ចរាចរណ៍រួមមានមិនប្រកាន់ស្តាំ , ល្មើសល្បឿន , មិនគោរពសិទ្ធិ និងបត់គ្រោះថ្នាក់ ។ សូមបញ្ជាក់ថារយៈ ០៦ ថ្ងៃ ខែមករា ឆ្នាំ ២០១៨ នេះ មានការណីគ្រោះថ្នាក់ចរាចរណ៍ ទូទាំងប្រទេសកើតឡើងចំនួន ៥៣ លើក បណ្តាលឲ្យមនុស្សស្លាប់ចំនួន ៤០ នាក់ រងរបួសស្រាលចំនួន ៣៨ នាក់ និងរបួសធ្ងន់ចំនួន ៤២ នាក់ ៕
https://freshnewsasia.com/localnews/76147-	នគរបាលខេត្តកំពង់ធំ បើកប្រតិបត្តិការ ចុះបង្ក្រាបសង្វៀនជល់មាន់ និងបាញ់អាប៉ោងដ៏ធំ នៅស្រុកសន្ទុក ដកហូតម៉ូតូជាង ៦០ គ្រឿង និងមាន់ជល់ជាង ១០ ក្បាល ខណៈអ្នកលេងច្រើននាក់ រត់បាតជើងសព្រាត	( កំពង់ធំ ) ៖ កម្លាំងនគរបាលខេត្តកំពង់ធំ ក្រោមការបញ្ជាពីលោក សុខ លូ ប្រធានគណៈបញ្ជាការឯកភាពខេត្ត និងក្រោមការសម្របសម្រួលពីព្រះរាជអាជ្ញា នៅរសៀលថ្ងៃទី ១៥ ខែមករា ឆ្នាំ ២០១៨ នេះ បានបើកប្រតិបត្តិការ ចុះទៅបង្ក្រាបសង្វៀនជល់មាន់ និងបាញ់អាប៉ោងដ៏ធំមួយកន្លែង ស្ថិតនៅមូលដ្ឋានស្រុកសន្ទុក ដោយដកហូតម៉ូតូចំនួន ៦៥ គ្រឿង និងមាន់ជល់ចំនួន ១១ ក្បាល ខណៈអ្នកញៀនល្បែងមួយនេះ ទាំងហ្វូងបានរត់បាតជើងសព្រាត និងខ្លះចោលស្បែកជើងទៀតផង ពោលឃាត់ខ្លួនបានតែ ៣ នាក់ប៉ុណ្ណោះ ដែលរត់មិនទាន់ ។ ស្នងការនគរបាលខេត្តកំពង់ធំ លោកឧត្តមសេនីយ៍ត្រី អ៊ុក កុសល បានបញ្ជាក់ថា បន្ទាប់ពីទទួលបានព័ត៌មាននៃល្បែងស៊ីសងខាងលើនេះ មកលោកបានបញ្ជាឲ្យកងកម្លាំងជំនាញផែនព្រហ្មទណ្ឌ នៃស្នងការដ្ឋាននគរបាលខេត្តកំពង់ធំ សហការជាមួយកងកម្លាំង នៃអធិការដ្ឋាននគរបាលស្រុកសន្ទុក ចុះកិច្ចប្រតិបត្តិការបង្ក្រាប នៅរសៀលម្សិលមិញ ស្ថិតនៅចំណុចភ្នំក្រហម ភូមិសាស្ត្រឃុំបឹងល្វា ស្រុកសន្ទុក ខេត្តកំពង់ធំ ។ បើតាមលោកស្នងការ ក្រៅពីការដកហូតម៉ូតូ និងមាន់ជល់នោះកម្លាំងនគរបាលរបស់លោក បានដកហូតនូវវត្ថុតាងមួយចំនួនទៀតរួមមាន ៖ ស៊ុមគ្រប ( ដែក ) ៨ , កន្ត្រកច្រកមាន់ ២៧ , ជញ្ជីងថ្លឹងមាន់ ០២ , ចានអាប៉ោង ១ , ចានទម្រ ១ , ផ្តិលគ្រប ១ និងបានឃាត់ខ្លួនមនុស្ស ៣ នាក់ស្រី ០១ ផងដែរ ៕
https://freshnewsasia.com/localnews/23670-	មេ អ . ហ ខេត្តបន្ទាយមានជ័យ ៖ សម័យនេះពលរដ្ឋជាឪពុកម្តាយ ត្រូវបំរើ និងមិនប៉ះពាល់ពួកគាត់ ឬគម្រាមកំហែងឡើយ	( បន្ទាយមានជ័យ ) ៖ មន្ត្រីអាវុធហត្ថខេត្តបន្ទាយមានជ័យ ចំនួន ២៧ នាក់ត្រូវ បានប្រកាសមុខតំណែង និង ១៣៤ នាក់ ត្រូវបានបំពាក់ ឋានន្តរស័ក្តិនាព្រឹកថ្ងៃទី ០៧ ខែឧសភា ឆ្នាំ ២០១៦ នៅសាលប្រជុំទីបញ្ជាការកងរាជអាវុធហត្ថ ខេត្តបន្ទាយមានជ័យ ។ លោក ស៊ុន សម្បត្តិ មេបញ្ជការរងកងរាជអាវុធហត្ថ ខេត្តបន្ទាយមានជ័យ បានប្រកាសថា ក្រសួងការពារជាតិ បានសម្រេចជ្រើសរើស ពលអាវុធហត្ថចំនួន ៣០០ នាក់បន្ថែមទៀត ដើម្បីបំពេញក្របខណ្ឌឲ្យបញ្ជាការដ្ឋាន កងរាជអាវុធហត្ថលើផ្ទៃប្រទេស និងបញ្ជាការដ្ឋាន កងរាជអាវុធហត្ថរាជធានីភ្នំពេញ ។ ចំពោះបងប្អូនដែលមានកូនគ្រប់លក្ខខណ្ឌ ជ្រើសរើសអាចដាក់ពាក្យប្រគួតប្រជែងបាន ។ តែលោក បានបញ្ជាក់ថា ករណីបងប្អូននៅតាមបណ្តាខេត្ត ដែលជាប់ក្នុងការជ្រើសរើសនេះ គឺមិនអាចវិលមកបំពេញការងារ នៅក្នុងខេត្តរបស់ខ្លួន វិញទេ ។ លោកឧត្តមសេនីយ៍ត្រី ឱ បូរិន្ទ មេបញ្ជាកាអាវុធហត្ថខេត្ត បានផ្តាំផ្ញើដល់មន្ត្រីអាវុធហត្ថទាំងអស់ ដែលទើបទទួលបានភារកិច្ចថ្មីនិងបំពាក់ ឋានន្តរស័ក្តិបន្ថែមនេះត្រូវតែអនុវត្តន៍ ឲ្យខ្ជាប់ខ្ជួននូវបទបញ្ជាផ្ទៃក្នុង និងវិន័យរបស់កងរាជអាវុធហត្ថ ពិសេសត្រូវអនុវត្តឲ្យបានរាល់ភារកិច្ច ដែលថ្នាក់លើប្រគល់ជូន ។ ជាងនេះទៅទៀតត្រូវទទួលខុសត្រូវ ក្តាប់ឲ្យបាននូវមុខសញ្ញាប្រព្រឹត្តបទល្មើសផ្សេងៗដែលមាននៅក្នុងមូលដ្ឋាន របស់ខ្លួនគ្រប់គ្រង អនុវត្តឲ្យបាននូវគោលនយោបាយ ភូមិ - ឃុំសុវត្ថិភាព របស់រាជរដ្ឋាភិបាល ។ លោកបានសង្កត់ធ្ងន់ៗបន្ថែមថា កិត្តិយស គឺបានមកពីការតស៊ូ និងប្រតិបត្តិ សីលធម៌ បំពេញការងារ គោរពតួនាទី ឲ្យអស់លោក នៅសកម្មភាពដឹកនាំ សម្របតាមថ្នាក់លើដាក់ ជាពិសេសយើងត្រូវរក្សាតួនាទី សម័យមុន គឺពលរដ្ឋគឺយើងជាមើលថែ និងដឹកនាំ តែសម័យនេះពលរដ្ឋជាឪពុកម្តាយ បំរើ និងមិនប៉ះពាល់ជាមួយពួកគាត់ ឬគម្រាមកំហែង ដោយយើងអនុវត្តិតាមប្រជាធិបតេយ្យ ។ អាវុធហត្ថត្រូវគោរពតាមវិជ្ជាជីវៈ រក្សាភាពផ្ទៃក្នុងលាក់ការ ហើយអាវុធមានតួនាទីពិសេសការពារ បាវចនា ព្រះមហាក្សត្រ ជាតិសាសនា និងរាជរដ្ឋាភិបាលជាប់ឆ្នោត ដែលពលរដ្ឋបានបោះឆ្នោតជូន ។ ស័ក្តិពាក់ស្នាយើង មានតម្លៃណាស់តែប្រសិនបើយើងមិនឲ្យតម្លៃសក្តិ នោះគឺ គ្មានតម្លៃឡើយ ៕
https://freshnewsasia.com/localnews/31349-	cnrp ប្រកាសលែងធ្វើសន្និសីទសារព័ត៌មានរាល់ថ្ងៃ ដូចមុនទៀតហើយ	( ភ្នំពេញ ) ៖ លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានប្រកាសឲ្យដឹងថា គណបក្សសង្គ្រោះជាតិ សម្រេចផ្អាកការធ្វើសន្និសីទសារព័ត៌មាន រៀងរាល់ថ្ងៃដូចមុននេះទៀតហើយ ។ លោកថា គណបក្សនឹងធ្វើសន្និសីទតែថ្ងៃណា ដែលមានព្រឹត្តិការណ៍សំខាន់ៗប៉ុណ្ណោះ ។ នៅក្នុងសន្និសីទកាសែត នៅព្រឹក ថ្ងៃទី ១៣ ខែសីហា ឆ្នាំ ២០១៦ នេះ លោក យឹម សុវណ្ណ បានបញ្ជាក់ឲ្យដឹងថា « ចាប់ពីថ្ងៃនេះ តទៅគណបក្សសង្គ្រោះជាតិ នឹងមិនរៀបចំសន្និសីទសារព័ត៌មាន ជារៀងរាល់ថ្ងៃទៀតទេ គឺយើងធ្វើឡើង តែថ្ងៃណា ដែលមានព្រឹត្តិការណ៍ សំខាន់ៗកើតឡើងតែប៉ុណ្ណោះ » ។ គួរបញ្ជាក់ថា ចាប់តាំងពីតុលាការអនុវត្តនីតិវិធីលើ លោក កឹម សុខា ប្រធានស្តីទីគណបក្សសង្គ្រោះជាតិ កាលពីខែឧសភាមក គណបក្សប្រឆាំងមួយនេះ បានរៀបចំឲ្យមានការធ្វើសន្និសីទសារព័ត៌មាន ជារៀងរាល់ថ្ងៃ ដើម្បីប្រាប់ពីស្ថានភាព និងការវិវត្តន៍នយោបាយ ជារៀងរាល់ថ្ងៃទៅដល់ប្រជាពលរដ្ឋ និងអ្នកគាំទ្ររបស់គណបក្សសង្គ្រោះជាតិ ៕
https://freshnewsasia.com/localnews/20712-	រថយន្តយីឌុបចតទទឹងបាំងផ្លូវជិត ឲ្យកម្មករទម្លាក់ស៊ីម៉ង់ត៍ដាក់ដេប៉ូនៅព្រែកលៀប បង្កការរិះគន់ផ្អើល facebook	( ភ្នំពេញ ) ៖ ឃ្លីបវីដេអូ និងរូបថតជាច្រើនសន្លឹក បង្ហាញពីសកម្មភាពរថយន្តប្រភេទយីឌុបធុនធំអស់លេខមួយគ្រឿង ចតច្រង៉ាងៗកាត់ទទឹងបាំងផ្លូវជាតិលេខ ៦ a នៅតំបន់ព្រែកលៀប ខណ្ឌជ្រោយចង្វារ អស់ចំណែកផ្លូវឯកទិសម្ខាង ត្រូវបានអ្នកដំណើរឃើញថតបង្ហោះធ្វើការរិះគន់យ៉ាងខ្លាំង ដោយម្នាក់ៗហួសចិត្តមិនគួរណាអ្នកបើកបរក៏ដូចផ្ទះលក់គ្រឿងសំណង់ខាងលើនេះ អន់ចរិតហ៊ានធ្វើដូច្នេះ មិនចេះខ្មាសគេសោះ ។ រថយន្តយីឌុបដែលចតកាត់ទទឹងផ្លូវ បិទជិតផ្លូវឯកទិសដើម្បីទម្លាក់ស៊ីម៉ង់ត៍ដាក់ដេប៉ូខាងលើនេះ ពាក់ស្លាកលេខ តាកែវ 3 a - 2133 មានបិទឡូហ្គោ កងដឹកជញ្ជូន ឆ . ន រីឯម្ចាស់ដេប៉ូលក់គ្រឿងសំណង់ដែលទិញស៊ីម៉ង់ត៍យកមកលក់នេះមានឈ្មោះ ច័ន្ទ ណាវ័យ មានទីតាំងនៅតាមបណ្តោយផ្លូវជាតិលេខ ៦ a ក្នុងសង្កាត់ព្រែកលៀប ខណ្ឌឫស្សីកែវ ។ ក្នុងនោះក្រោយចតបិទផ្លូវធ្វើអោយកកស្ទះដល់អ្នកដំណើរច្រើនម៉ោងរួចមក គេក៏បានឃើញនគរបាលចរាចរណ៍ចុះទៅអន្តរាគមន៍ផងដែរ តែមិនដឹងមានចំណាត់ការយ៉ាងណានោះទេ ទៅលើអ្នកបើកបរជម្លើយខាងលើនេះ ។ អ្នកឃើញហេតុការណ៍បាននាំគ្នារិះគន់ថា កោតតែអ្នកបើកបរ និងម្ចាស់ផ្ទះលក់គ្រឿងសំណង់ធ្វើអញ្ចឹងទៅរួច ! អត់ចេះខ្មាសគេសោះ រកស៊ីប៉ុណ្ណឹងដែរ ! ហេតុអ្វីមិនចតស្របបណ្តោយផ្លូវចាំឲ្យកម្មករលើកចុះទៅ ឬមួយខ្លាចកម្មករហត់ ខាតថ្លៃឈ្នួល ? ៕ ខាងក្រោមនេះជារូបថត និងឃ្លីបវីដេអូសកម្មភាពរថយន្តដឹកស៊ីម៉ង់ត៍ ចតទទឹងង៉ាងបិទផ្លូវជាតិលេខ ៦ a បង្កការរិះគន់ពីអ្នកធ្វើដំណើរ និងអ្នកឃើញហេតុការណ៍ ៖ រថយន្តយីឌុបចតទទឹងបាំងផ្លូវជិត ឲ្យកម្មករទម្លាក់ស៊ីម៉ង់ត៍ដាក់ដេប . រថយន្តយីឌុបចតទទឹងបាំងផ្លូវជិត ឲ្យកម្មករទម្លាក់ស៊ីម៉ង់ត៍ដាក់ដេប៉ូនៅព្រែកលៀប បង្កការរិះគន់ផ្អើល facebook ( ភ្នំពេញ ) ៖ ឃ្លីបវីដេអូ និងរូបថតជាច្រើនសន្លឹក បង្ហាញពីសកម្មភាពរថយន្តប្រភេទយីឌុបធុនធំអស់លេខមួយគ្រឿង ចតច្រង៉ាងៗកាត់ទទឹងបាំងផ្លូវជាតិលេខ ៦ a នៅតំបន់ព្រែកលៀប ខណ្ឌជ្រោយចង្វារ អស់ចំណែកផ្លូវឯកទិសម្ខាង ត្រូវបានអ្នកដំណើរឃើញថតបង្ហោះធ្វើការរិះគន់យ៉ាងខ្លាំង ដោយម្នាក់ៗហួសចិត្តមិនគួរណាអ្នកបើកបរក៏ដូចផ្ទះលក់គ្រឿងសំណង់ខាងលើនេះ អន់ចរិតហ៊ានធ្វើដូច្នេះ មិនចេះខ្មាសគេសោះ ។ http :// www . freshnewsasia . com / index . php / en / 20712 - 2016 - 03 - 24 - 11 - 56 - 14 . html posted by fresh news on thursday , march 24 , 2016
https://freshnewsasia.com/localnews/30155-	ចំណូលបានពីការលក់ប័ណ្ណ ចូលទស្សនាតំបន់អង្គរ នៅខែកក្កដាមានជាង ៤ លានដុល្លារ ខណៈ ៧ ខែបានជិត ៣៦ លានដុល្លារ	( សៀមរាប ) ៖ គ្រឹះស្ថានអង្គរ នៅថ្ងៃទី ០១ ខែសីហា ឆ្នាំ ២០១៦ នេះ បានចេញសេចក្តីប្រកាសព័ត៌មានមួយ ស្តីពីចំនួនភ្ញៀវទេសចរ ដែលទិញប័ណ្ណចូលទស្សនា រមណីយដ្ឋានអង្គរ នាខែកក្កដា ឆ្នាំ ២០១៦ នេះ ថាមានចំនួន ១៦៨ , ២១៥ នាក់ ទទួលបានចំណូលចំនួន ៤ , ៦០៥ , ២៨០ ដុល្លារ ។ គ្រឹះស្ថានអង្គរបានឲ្យដឹងថា ក្នុងរយៈពេល ៧ ខែដើមឆ្នាំ ២០១៦ ដោយចាប់ពីខែមករា ដល់ខែកក្កដា មានភ្ញៀវបរទេសចំនួន ១ , ២៦០ , ២៧០ នាក់ បានទិញប័ណ្ណចូលទស្សនារមណីយដ្ឋានអង្គរ ទទួលបានចំណូលចំនួន ៣៥ , ៨៧៦ , ៩៨០ ដុល្លារ ៕ សូមអានសេចក្តីប្រកាសព័ត៌មាន របស់គ្រឹះស្ថានអង្គរទាំងស្រុង ៖
https://freshnewsasia.com/localnews/96151-	ខ្ញុំបាទ ប៉ាន សូរស័ក្តិ ផ្ញើសារលិខិតអបអរសាទរ សម្តេចតេជោ ហ៊ុន សែន ដែលត្រូវបានព្រះមហាក្សត្រត្រាស់បង្គាប់ចាត់តាំង ជានាយករដ្ឋមន្ត្រី នៃកម្ពុជា សម្រាប់អាណត្តិទី ៦	( ភ្នំពេញ ) ៖ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅថ្ងៃទី ១៧ ខែសីហា ឆ្នាំ ២០១៨ បានចេញព្រះរាជក្រឹត្យត្រាស់បង្គាប់ចាត់តាំង សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី នៃព្រះរាជាណាចក្រកម្ពុជា សម្រាប់អាណត្តិទី ៦ ។ ឆ្លៀតក្នុងឱកាសដ៏វិសេសថ្លៃថ្លានេះ ខ្ញុំបាទ ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ព្រមទាំងថ្នាក់ដឹកនាំ និងមន្ត្រីរាជការក្រោមឱវាទទាំងអស់ សូមគោរពជូនពរ សម្តេចតេជោ ហ៊ុន សែន សូមសមប្រកបដោយសុខភាពល្អបរិបូរណ៍ កាយពលមាំមួនខ្លាំងក្លាជានិច្ច ជន្មាយុយឺនយូរ បញ្ញាញាណភ្លឺថ្លា ដើម្បីបន្តដឹកនាំប្រទេសកម្ពុជា ក្នុងបេសកកម្មជាតិដ៏ឧត្តុង្គឧត្តមរបស់សម្តេចតេជោនាយករដ្ឋមន្ត្រី សម្រាប់សុខសន្តិភាព ការអភិវឌ្ឍ វិបុលភាព និងកិត្យានុភាព ដ៏រុងរឿងនៃព្រះរាជាណាចក្រកម្ពុជា ។ ជាថ្មីម្តងទៀត យើងខ្ញុំសូមគោរពប្រសិទ្ធពរសព្ទសាធុការមហាប្រសើរបំផុតគ្រប់បែបយ៉ាង គោរពជូន សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត បុត្រា បុត្រី និងចៅៗទាំងអស់ សូមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕
https://freshnewsasia.com/localnews/91752-	នគរបាលខណ្ឌមានជ័យ ឃាត់ខ្លួនជនសង្ស័យជួញដូរ និងប្រើប្រាស់គ្រឿងញៀនម្នាក់ ដកហូតថ្នាំញៀន ១១ កញ្ចប់	( ភ្នំពេញ ) ៖ ក្រោយមានការបញ្ជាពីលោកវរសេនីយ៍ឯក តេង ស៊ីណូ អធិការនគរបាលខណ្ឌមានជ័យ កម្លាំងនគរបាលប៉ុស្តិ៍ចាក់អង្រែលើ ក្រោមដឹកនាំដោយលោកអនុសេនីយ៍ទោ អ៊ំ រតនា នាយប៉ុស្តិ៍ បានឃាត់ខ្លួនជនសង្ស័យម្នាក់ ដកហូតបានក្រាមសថ្លាជាថ្នាំញៀន ចំនួន ១១ កញ្ចប់ថង់តូច នៅក្បែរសំណង់មិនរៀបរយ ស្ថិតនៅក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ នាវេលាម៉ោង ០៥ ៖ ៣០ នាទីទាបភ្លឺ ថ្ងៃអង្គារ ៦ រោច ខែបឋមាសាឍ ឆ្នាំច សំរឹទ្ធិស័ក ព . ស ២៥៦២ ត្រូវនឹងថ្ងៃទី ០៣ ខែកក្កដា ឆ្នាំ ២០១៨ នេះ ។ លោកអនុសេនីយ៍ទោ អ៊ំ រតនា នាយនគរបាលប៉ុស្តិ៍ចាក់អង្រែលើ បញ្ជាក់ថា ជនសង្ស័យដែលត្រូវឃាត់ខ្លួនពីបទជួញដូរដោយខុសច្បាប់នូវសារធាតុញៀនមានឈ្មោះ មាស ថនវុត្ថា ហៅជា ភេទប្រុស អាយុ ១៩ ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះខ្ទមលើវាលខ្សាច់ ផ្លូវលំ ភូមិព្រែកតាគង់ ៣ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។ លោកអនុសេនីយ៍ទោ អ៊ំ រតនា នាយនគរបាលប៉ុស្តិ៍ចាក់អង្រែលើ បញ្ជាក់ទៀតថា បន្ទាប់ពីទទួលបានបទបញ្ជាពីលោកវរសេនីយ៍ឯក តេង ស៊ីណូ អធិការនគរបាលខណ្ឌមានជ័យ ក្នុងការយាមល្បាតពួនស្ទាក់រក្សាសន្តិសុខ ដើម្បីត្រួតពិនិត្យរាល់សកម្មភាពមិនប្រក្រតីទាំងឡាយក្នុងមូលដ្ឋាន ទើបឈានដល់ការបង្ក្រាបឃាត់ខ្លួនជនសង្ស័យខាងលើ និងរកឃើញដកហូតបានថ្នាំញៀន ចំនួន ១១ កញ្ចប់ថង់តូច ហើយក៍ឃាត់ខ្លួនយកមកធ្វើការសាកសួរ និងបញ្ជូនទៅកាន់អធិការដ្ឋាននគរបាលខណ្ឌមានជ័យ ក្នុងការកសាងសំណុំរឿង ដើម្បីចាត់ការតាមនិតិវិធីច្បាប់តែម្តង ៕
https://freshnewsasia.com/localnews/49079-	អភិបាលខេត្តកំពង់ស្ពឺ ៖ ស្ត្រីមានតួនាទីយ៉ាងសំខាន់ សំរាប់អប់រំកូនចៅ ឲ្យគេចផុតពីគ្រឿងញៀន និងអំពើអបាយមុខផ្សេងៗទៀត	( កំពង់ស្ពឺ ) ៖ ថ្លែងនៅក្នុងពិធីអបអរសាទរខួបលើកទី ១០៦ ទិវានារីអន្តរជាតិ ០៨ មីនា ក្រោមប្រធានបទ « ស្ត្រីដើម្បីសុខភាព និងវឌ្ឍនភាព » នៅព្រឹកថ្ងៃទី ០៨ ខែមីនា ឆ្នាំ ២០១៧ នេះ លោក វ៉ី សំណាង អភិបាលខេត្តកំពង់ស្ពឺ បានឲ្យដឹងថា ក្នុងនាមយើងជាស្ត្រីជាម្ចាស់គ្រួសារ មានតួនាទីយ៉ាងសំខាន់ ក្នុងការអប់រំកូនចៅ ក្នុងក្រុមគ្រួសារឲ្យបានគេចផុតពីបញ្ហាគ្រឿង និងអំពើអបាយមុខផ្សេងៗទៀតឲ្យខានតែបាន ។ ពិធីអបអរសាទរខួបលើកទី ១០៦ ទិវានារីអន្តរជាតិ ០៨ មីនានេះ បានធ្វើឡើងនៅក្រុមហ៊ុន សាប្រីណា ខេមបូឌា ស្ថិតនៅភូមិត្រពាំងឬស្សី ឃុំសំបូរ ស្រុកសំរោងទង ខេត្តកំពង់ស្ពឺ ដោយមានការចូលរួមពីថ្នាក់ដឹកនាំមន្ទីរ អង្គភាពជុំវិញសាលាខេត្ត អភិបាលស្រុក ថ្នាក់ដឹកនាំមន្ទីរអង្គភាពជុំវិញសាលាខេត្ត អភិបាលស្រុក និងកម្មករកម្មការនីចំនួន ៥៨០០ នាក់ ។ ថ្លែងនៅក្នុងឱកាសនោះ លោក វ៉ី សំណាង បានលើកឡើងទៀតថា បងប្អូនជាកម្មការិនីទាំងគឺជាម្តាយ ជាបងស្រី ជាយាយ ដែលបច្ចុប្បន្នរាជរដ្ឋភិបាលបានយកចិត្តទុកដាក់ជាចម្បង ក្នុងកិច្ចខិតខំស្វែករកការវិនិយោគដើម្បីការងារជូនដល់បងប្អូនជាស្ត្រី ក្នុងន័យនេះបានបង្ហាញថាស្ត្រីមានការងារធ្វើហើយ ឲ្យបាននៅជិតផ្ទះថែមទៀត ។ ក្នុងពិធីនោះផងដែរ ក៏មានការចាប់ឆ្នោតផ្តល់រង្វាន់ជាច្រើនមានដូចជា ៖ ថវិកា ១០០ $ ចំនួន ២០ រង្វាន់ ២០០ $ ចំនួន ១ រង្វាន់ ម៉ូតូឌ្រីម ២០១៧ ចំនួន ១ គ្រឿង ម៉ូតូធូឌេ ចំនួន ២ គ្រឿង ព្រមទាំងរង្វាន់ជាច្រើនទៀត ៕
https://freshnewsasia.com/localnews/89646-	អគ្គលេខាធិការដ្ឋានរដ្ឋសភារៀបចំកម្មវិធីបរិច្ចាគឈាម ជួយសង្គ្រោះជនរងគ្រោះជាលើកទី ៥	( ភ្នំពេញ ) ៖ អគ្គលេខាធិការដ្ឋានរដ្ឋសភា សហការជាមួយមជ្ឈមណ្ឌលជាតិផ្តល់ឈាម បានរួមគ្នាផ្តល់ឈាម ដើម្បីជាគុណប្រយោជន៍ក្នុងការជួយសង្គ្រោះជីវិតជនរងគ្រោះដោយប្រការនានា ហើយត្រូវការឈាមជាចាំបាច់នោះ ។ ថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានរដ្ឋសភាជាច្រើននាក់ បានចូលរួមបរិច្ចាគឈាមដោយស្ម័គ្រចិត្ត នៅព្រឹកថ្ងៃទី ១៤ ខែមិថុនា ឆ្នាំ ២០១៨ ។ នេះជាលើកទី ៥ ដែលអគ្គលេខាធិការដ្ឋានរដ្ឋសភា ក្រោមការដឹកនាំរបស់លោក ឡេង ប៉េងឡុង អគ្គលេខាធិការ បានរៀបចំឲ្យមានការបរិច្ចាគឈាម ដែលជាសកម្មភាពមនុស្សធម៌ដ៏មានតម្លៃនេះ ។ លោកអគ្គលេខាធិការបានលើកឡើងថា ការបរិច្ចាគឈាមជាសកម្មភាពមនុស្សធម៌ដ៏ប្រពៃ ហើយជាបុណ្យកុសលដ៏ធំធេង ពីព្រោះបានជួយសង្គ្រោះជីវិតមនុស្ស ។ លោកបានអំពាវនាវដល់មន្ត្រីរាជការទាំងអស់ ចូលរួមសកម្មភាពនេះទាំងអស់គ្នា ហើយឲ្យក្លាយជាទម្លាប់ល្អ ដែលត្រូវធ្វើជាប្រចាំ ជាគុណធម៌ និងវប្បធម៌នៃការចែករំលែកដ៏ថ្លៃថ្លាមិនអាចកាត់ថ្លៃបាន ក្នុងការចូលរួមចំណែកជួយសង្គ្រោះជីវិតមនុស្ស នៅក្នុងសង្គម ។ លោកវេជ្ជបណ្ឌិត ហុក គឹមចេង ប្រធានមជ្ឈមណ្ឌលជាតិផ្តល់ឈាម បានថ្លែងអំណរគុណដល់ថ្នាក់ដឹកនាំ និងមន្ត្រីរាជការនៃអគ្គលេខាធិ ការដ្ឋានរដ្ឋសភាទាំងអស់ ដែលបានស្ម័គ្រចិត្តចូលរួមបរិច្ចាគឈាមជាទៀងទាត់ ។ លោកវេជ្ជបណ្ឌិត បានគូសបញ្ជាក់ថា នៅតាមមន្ទីរពេទ្យមានអ្នកជំងឺត្រូវការឈាមសម្រាប់សង្គ្រោះជីវិតមនុស្សរៀងរាល់ថ្ងៃ ហើយនេះជាបញ្ហាប្រឈម ដែលទាមទារនូវជំនួយឈាមស្រស់ពីសប្បុរសជន ដើម្បីត្រៀមទុកជួយសង្គ្រោះជីវិតមនុស្សពីការបាត់បង់ឈាមច្រើន ដោយមិនបាច់បង់ថ្លៃ ។ ជាការកត់សម្គាល់ឆ្នាំដំបូងៗ នៃការផ្តើមកម្មវិធីបរិច្ចាគឈាមនេះ អគ្គលេខាធិការដ្ឋានរដ្ឋសភា បានរៀបចំមួយឆ្នាំមួយលើក ហើយចាប់ពីឆ្នាំ ២០១៧ មក អគ្គលេខាធិការដ្ឋានរដ្ឋសភាបានជំរុញឲ្យមានកម្មវិធី មនុស្សធម៌នេះពីរលើកក្នុងមួយឆ្នាំ ៕
https://freshnewsasia.com/localnews/18517-	នាយឧត្តមសេនីយ៍ សៅ សុខា អញ្ជើញជាអធិបតីក្នុងពិធី បិទវគ្គបណ្តុះបណ្តាល មន្ត្រីនគរបាលយុត្តិធម៌ជំនាន់ទី ២១	( ភ្នំពេញ ) ៖ នៅព្រឹកថ្ងៃទី ២៣ ខែកុម្ភៈ ឆ្នាំ ២០១៦ នេះ នៅសាលាកំបូល បាននឹងកំពុងប្រារព្ធពិធី បិទវគ្គបណ្តុះបណ្តាលមន្ត្រីនគរបាល យុត្តិធម៌ជំនាន់ទី ២១ ក្រោមអធិបតីភាព នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរៈភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស និងលោកស្រី ជា លាង អគ្គព្រះរាជអាជ្ញាអមតុលាការកំពូល ។ នៅក្នុងពិធីនេះក៏មានការចូលរួមពី ឧត្តមសេនីយ៍ មេបញ្ជាការរង ឧត្តមសេនីយ៍ ស្នងការ នាយកសាលា លោកនាយការិយាល័យ នាយអាវុធហត្ថជាច្រើនរូបផងដែរ ។ លោក ឧត្តមសេនីយ៍ទោ អឿ សាវ៉ន បានប្រាប់ឱ្យដឹងថា សិក្ខាកាមមានចំនួន ១០៣ នាក់ កម្មវិធីហ្វឹកហ្វឺនសម្រាប់វគ្គនេះ មានរយះសរុបចំនួន ៥ ខែ ស្មើនឹង ២២ សប្តាហ៍ ១ ថ្ងៃ ស្មើនឹង ១៥៥ ថ្ងៃ ស្មើនឹង ៩៣០ ម៉ោង ដោយចាប់ផ្តើមពីថ្ងៃទី ៧ ខែកញ្ញា ឆ្នាំ ២០១៥ ដល់ថ្ងៃទី ៨ ខែកុម្ភៈ ឆ្នាំ ២០១៦ ។ សិក្ខាកាមបានប្រឡងជាប់ស្ថាពរ ចំនួន ៩៩ នាក់ស្មើនឹង ៩៥ , ១៩ ភាគរយនៃចំនួនសរុប ៕
https://freshnewsasia.com/localnews/96448-	កិច្ចពិគ្រោះយោបល់រវាងសម្តេចតេជោ ហ៊ុន សែន និងថ្នាក់ដឹកនាំគណបក្សនយោបាយចំនួន ១៦ បានចាប់ផ្តើមហើយនៅវិមានសន្តិភាព	( ភ្នំពេញ ) ៖ សម្តេចតេជោ ហ៊ុន សែន ក្នុងនាមជានាយករដ្ឋមន្ត្រីនៃកម្ពុជាឈ្នះឆ្នោតក្នុងអាណត្តិថ្មី នៅវេលាម៉ោង ៩ ព្រឹកថ្ងៃទី ២១ ខែសីហា ឆ្នាំ ២០១៨ នេះ បានអញ្ជើញជួបជាមួយថ្នាក់ដឹកនាំគណបក្សនយោបាយចំនួន ១៦ ដែលចូលរួមបោះឆ្នោត ដើម្បីពិគ្រោះយោបល់គ្នាលើការងារកសាង និងអភិវឌ្ឍន៍ជាតិឲ្យកាន់តែប្រសើរ ។ កិច្ចពិគ្រោះយោបល់នេះធ្វើឡើងនៅវិមានរាជរដ្ឋាភិបាលតែម្តង ។ ថ្នាក់ដឹកនាំគណបក្សនយោបាយទាំង ១៦ ដែលចូលរួមកិច្ចពិគ្រោះយោបល់នេះរួមមាន ៖ ១ ៖ គណបក្សខ្មែររួបរួមជាតិ ២ ៖ គណបក្សពន្លឺថ្មី ៣ ៖ គណបក្សសញ្ជាតិកម្ពុជា ៤ ៖ គណបក្សខ្មែរក្រោក ៥ ៖ គណបក្សសំបុកឃ្មុំសង្គមប្រជាធិបតេយ្យ ៦ ៖ គណបក្សសាធារណរដ្ឋប្រជាធិបតេយ្យ ៧ ៖ គណបក្សសាធារណរដ្ឋខ្មែរ ៨ ៖ គណបក្សរស្មីខេមរា ៩ ៖ គណបក្សហ្វ៊ុនស៊ិនប៉ិច ១០ ៖ គណបក្សខ្មែរអភិវឌ្ឍសេដ្ឋកិច្ច ១១ ៖ គណបក្សយុវជនកម្ពុជា ១២ ៖ គណបក្សធម្មាធិបតេយ្យ ១៣ ៖ គណបក្សឆន្ទៈខ្មែរ ១៤ ៖ គណបក្សជនជាតិដើមប្រជាធិបតេយ្យកម្ពុជា ១៥ ៖ គណបក្សខ្មែរតែមួយ ១៦ ៖ គណបក្សប្រជាជនកម្ពុជា ដោយឡែកគណបក្សនយោបាយចំនួន ៤ ផ្សេងទៀតមិនបានចូលរួមនោះទេ រួមមាន ៖ ១ ៖ គណបក្សមាតុភូមិយើង , ២ ៖ គណបក្សប្រជាធិបតេយ្យមូលដ្ឋាន , ៣ ៖ គណបក្សសម្ព័ន្ធដើម្បីប្រជាធិបតេយ្យ និង ទី ៤ ៖ គណបក្សខ្មែរឈប់ក្រ ជំនួបពិគ្រោះយោបល់រវាងប្រមុខរាជរដ្ឋាភិបាល និងមេដឹកនាំបក្សនយោបាយនេះ ត្រូវបានគេចាត់ទុកជាការវិវឌ្ឍន៍ថ្មីមួយនៅក្នុងឆាកនយោបាយរបស់កម្ពុជា និងជារឿងកម្រមួយនៅក្នុងប្រវត្តិសាស្ត្ររបស់កម្ពុជា ។ គេបានចាត់ទុកការវិវឌ្ឍន៍នេះជារឿងដ៏ល្អប្រសើរសម្រាប់សង្គមកម្ពុជា ក៏ដូចជាដំណើរការលទ្ធិប្រជាធិបតេយ្យនៅកម្ពុជាផងដែរ ។ ជាពិសេសជាដំណើរវិវឌ្ឍន៍ផ្នែកនយោបាយដែលនាំមកនូវប្រយោជន៍សម្រាប់ប្រទេសជាតិ និងប្រជាពលរដ្ឋកម្ពុជាតែម្តង ។ សម្តេចតេជោ ហ៊ុន សែន ធ្លាប់បានបញ្ជាក់ថា ការជួបពិគ្រោះយោបល់នេះ ជាការបង្ហាញឲ្យឃើញពីការឯកភាពជាតិយ៉ាងពិតប្រាកដ តាមគន្លងលទ្ធិប្រជាធិបតេយ្យ នៅក្នុងប្រទេសកម្ពុជា និងឈានដល់ការបង្កើត ឧត្តមក្រុមប្រឹក្សាពិគ្រោះយោបល់រវាងរាជរដ្ឋាភិបាល និងគណបក្សនយោបាយ ។ សម្តេចតេជោ ហ៊ុន សែន ក៏បានបញ្ជាក់ផងដែរថា ការបង្កើតកិច្ចពិគ្រោះយោបល់នេះ ដើម្បីបានទទួលស្តាប់នូវគំនិតយោបល់នានា ពីមេដឹកនាំគណបក្សនយោបាយមិនឈ្នះឆ្នោត យកធ្វើជាធាតុចូលក្នុងដឹកនាំ និងអភិវឌ្ឍជាតិកម្ពុជាឱ្យកាន់តែរីកចម្រើនថែមទៀត ។ បើតាមសម្តេចតេជោ ហ៊ុន សែន កិច្ចពិគ្រោះយោបល់នេះ ក៏ដើម្បីផ្តល់ឱកាសឲ្យគណបក្សនយោបាយ ដែលបានចូលរួមប្រកួតប្រជែងការបោះឆ្នោតហើយ មិនទទួលបានអាសនៈនោះ បានចូលរួមកែលំអរគោលនយោបាយ និងផ្តល់ជាគំនិតយោបល់ល្អៗ សម្រាប់ចង្អុលបង្ហាញដល់រាជរដ្ឋាភិបាលក្នុងការដឹកនាំ និងអភិវឌ្ឍន៍ជាតិ ។ សម្តេចនាយករដ្ឋមន្ត្រី ធ្លាប់បានអះអាងថា នៅក្នុងអាណត្តិថ្មីនេះសម្តេចតេជោ ហ៊ុន សែន ចង់ប្រមូលរាល់ធនធានទាំងអស់មករួមគ្នាអភិវឌ្ឍន៍ជាតិ ៕
https://freshnewsasia.com/localnews/105158-	ចាប់រំលោភកូនស្រីចុង អាយុទើបតែ ៥ ឆ្នាំ ត្រូវកម្លាំងនគរបាលខណ្ឌឬស្សីកែវ ចាប់វាយខ្នោះភ្លាមៗ បញ្ជូនទៅតុលាការកាត់ទោស	( ភ្នំពេញ ) ៖ ក្មេងស្រីម្នាក់មានវ័យទើបតែ ៥ ឆ្នាំប៉ុណ្ណោះ ត្រូវឪពុកចុងចាប់រំលោភបានសម្រេចជាច្រើនដង រហូតដាច់ចិត្តទម្លាយរឿងនេះប្រាប់ម្តាយ ហើយស្ត្រីជាម្តាយបានទៅប្តឹងលោកវរសេនីយ៍ឯក គល់ យី អធិការខណ្ឌឬស្សីកែវ រហូតឈានដល់ការឃាត់ខ្លួនភ្លាមៗ នៅចំណុចផ្ទះជួលគ្មានលេខ តាមបណ្តោយផ្លូវបេតុង ក្រុម ១៣ ភូមិក្រោលគោ សង្កាត់គីឡូម៉ែត្រលេខ ៦ ខណ្ឌឬស្សីកែវ រាជធានីភ្នំពេញ នាថ្ងៃទី ១៨ ខែវិច្ឆិកា ឆ្នាំ ២០១៨ ។ លោកវរសេនីយ៍ឯក គល់ យី បានបញ្ជាក់ថា ក្មេងស្រីរងគ្រោះមានឈ្មោះ គ . ច . ណ អាយុទើបតែ ៥ ឆ្នាំប៉ុណ្ណោះ ស្នាក់នៅចំណុចកើតហេតុខាងលើ ជាមួយស្ត្រីជាម្តាយឈ្មោះ សូ ម៉ាណែត អាយុ ៣៨ ឆ្នាំ មុខរបរកម្មករ ជាមួយនិងជនសង្ស័យជាឪពុកចុងឈ្មោះ ឯក វ៉ាន់ដូច ហៅរ៉ា អាយុ ២៨ ឆ្នាំ មុខរបរកម្មករដូចគ្នា ។ លោកអធិការខណ្ឌឬស្សីកែវ បានបញ្ជាក់ទៀតថា មុនឈានដល់ការឃាត់ខ្លួនភ្លាមៗ បន្ទាប់ពីទទួលបានពាក្យបណ្តឹងពីស្ត្រីជាប្រពន្ធ និងជាម្តាយ តាមរយៈកូនស្រីដែលរងគ្រោះបានខ្សឹបប្រាប់ ថា ឪពុកចុងរបស់នាង បានបង្ខំរំលោភសេពសន្ធវៈលើរូបរាងកាយនាងបានសម្រេចជាច្រើនដង មកហើយនាពេលកន្លងមក ។ លោកអធិការខណ្ឌឬស្សីកែវបន្តថា ក្រោយពីឃាត់ខ្លួនបុរសជាប្តី និងជាឪពុកចុង ដើម្បីយកមកធ្វើការសួនាំជាច្រើនម៉ោង រូបគេបានឆ្លើយសារភាពមុខសមត្ថកិច្ចថា មិនបានចាំថ្ងៃណានោះទេ ក្នុងអំឡុងខែ ៧ ឆ្នាំ ២០១៨ នេះ គេបានរំលោភលើកូនស្រីចុងរបស់ខ្លួន នៅខាងលើផ្ទះក្នុងបន្ទប់ដេក បានសម្រេច ១ ដងទៅហើយ ។ ជនសង្ស័យបានឆ្លើយសារភាពប្រាប់សមត្ថកិច្ចទៀតថា ក្រោយមកទៀត ក៏ពុំបានចាំថ្ងៃខែនោះដែរ រូបគេបានព្យាយាមរំលោភសេពសន្ធវៈម្តងហើយ ម្តងទៀតលើរូបរាងកាយកូនស្រីចុង ដែលមានវ័យទើបតែ ៥ ឆ្នាំនេះ បានសម្រេចរហូតដល់ ៣ ទៅ ៤ ដងបន្តទៀត ទើបបណ្តាលឲ្យក្មេងស្រីរងគ្រោះទ្រាំពុំបាន និងទង្វើរបែបនេះ ក៏សម្រេចចិត្តទម្លាយរឿងទាំងអស់ប្រាប់ឲ្យស្ត្រីជាម្តាយបានដឹង និងឈានដល់ការដាក់ពាក្យប្តឹងសុំកិច្ចអន្តរាគមន៍ពីកម្លាំងនគរបាលឲ្យឃាត់ខ្លួនតែម្តង ។ លោកវរសេនីយ៍ឯក អធិការខណ្ឌឬស្សីកែវ បច្ចុប្បន្ននេះជនសង្ស័យដែលឃាត់ខ្លួន ក្នុងអំពើរំលោភសេពសន្ធវៈ លើកូនស្រីចុងរបស់ខ្លួន បាននិងកំពុងស្ថិតនៅក្រោមការឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌ ក្នុងការកសាងសំណុំរឿង ដើម្បីបញ្ជូនទៅកាន់សាលាដំបូងរាជធានីភ្នំពេញ ចាត់ការទៅតាមនិតិវិធី ៕
https://freshnewsasia.com/localnews/99073-	ចិន និងរុស្ស៊ី ឯកភាពគ្នាលើការពង្រឹងសហប្រតិបត្តិការថ្នាក់ក្រោមជាតិ ( video inside )	( ចិន ) ៖ ប្រធានាធិបតីចិន លោក ស៊ី ជីនពីង និងប្រធានាធិបតីរុស្ស៊ី លោក វ្ល៉ាឌីមា ពូទីន បានអំពាវនាវឱ្យប្រទេសទាំងពីរ មានចំណងមិត្តភាពជាមួយគ្នាកាន់តែជិតស្និទ្ធ តាមរយៈសហប្រតិបត្តិការថ្នាក់ក្រោមជាតិ ។ ថ្នាក់ដឹកនាំនៃប្រទេសទាំងពីរ បានថ្លែងយ៉ាងដូច្នេះនៅក្នុងអង្គប្រជុំតុមូលមួយ ស្តីអំពីសហប្រតិបត្តិការថ្នាក់តំបន់ រវាងប្រទេសចិននិងប្រទេសរុស្ស៊ី ដែលបានធ្វើឡើងនៅក្នុងវេទិកាសេដ្ឋកិច្ចលោកខាងកើត ( eastern economic forum ) ដែលហៅកាត់ថា eef នៅឯទីក្រុង វ្ល៉ាឌីវ៉ូស្តុក ដែលស្ថិតនៅចុងប៉ែកខាងកើតប្រទេសរុស្ស៊ី ។ លោកប្រធានាធិបតីចិន បានមានប្រសាសន៍ថា សហប្រតិបត្តិការថ្នាក់ក្រោមជាតិ ដើរតួនាទីដ៏សំខាន់លើចំណងទ្វេភាគី ហើយសហប្រតិបត្តិការរវាងប្រទេសទាំងពីរ គួរតែពឹងផ្អែកលើធនធាន ដែលមាននៅក្នុងតំបន់មូលដ្ឋាន អនុវត្តនៅតំបន់មូលដ្ឋាន និងផ្តល់ប្រយោជន៍ដល់តំបន់មូលដ្ឋានទាំងនោះ ។ លោក ស៊ី បានអំពាវនាវឱ្យមានការដោះដូរគ្នាទៅវិញទៅមកបន្ថែមទៀត រវាងប្រជាជននិងប្រជាជន រវាងវប្បធម៌និងវប្បធម៌ ដើម្បីឱ្យសាធារណៈជនទូទៅនៃប្រទេសទាំងពីរ អាចស្គាល់គ្នាបានកាន់តែស៊ីជម្រៅ និងបង្កើតបានជាគ្រឹះមួយនៅក្នុងសង្គម ដែលនឹងផ្តល់អំណោយផលដល់សហប្រតិបត្តិការរវាងប្រទេសទាំងពីរ ។ លោក ស៊ី ក៏បានទទូចឱ្យប្រទេសទាំងពីរ លើកស្ទួយដល់ការដោះដូរគ្នាទៅវិញទៅមក ជាលក្ខណៈស្ថាប័ន លើការងារផ្នែកវប្បធម៌ ទេសចរ អប់រំ និងសារព័ត៌មាន នៅកម្រិតថ្នាក់ក្រោមជាតិ ឱ្យបានទៀងទាត់ ។ លោកប្រធានាធិបតីរុស្ស៊ី ឯណោះវិញ ក៏បានគូសបញ្ជាក់ថា រដ្ឋាភិបាលរុស្ស៊ីស្វាគមន៍អ្នកជំនួញចិន ឱ្យមកវិនិយោគនៅក្នុងប្រទេសរុស្ស៊ី ហើយរដ្ឋាភិបាលរុស្ស៊ីមានឆន្ទៈចង់បន្តផ្តល់លក្ខខណ្ឌធ្វើអាជីវកម្មដ៏អំណោយផលដល់អ្នកជំនួញចិន ដើម្បីពង្រឹងសហប្រតិបត្តិការថ្នាក់ក្រោមជាតិ រវាងប្រទេសទាំងពីរ ។ កិច្ចប្រជុំតុមូលនេះ ក៏មានការចូលរួមពីថ្នាក់ដឹកនាំថ្នាក់ក្រោមជាតិរបស់ចិនមកពី ៩ តំបន់ និងថ្នាក់ដឹកនាំថ្នាក់ក្រោមជាតិរបស់រុស្ស៊ីមកពី ១៣ តំបន់ផងដែរ ។ វេទិកាសេដ្ឋកិច្ចលោកខាងកើត បានចាប់ផ្តើមរៀបចំឡើងជាលើកដំបូង កាលពីឆ្នាំ ២០១៥ ដោយសារមានការផ្តើមគំនិតដោយផ្ទាល់ពីលោកប្រធានាធិបតីរុស្ស៊ី ពូទីន ។ ហើយលោកប្រធានាធិបតី ស៊ី គឺជាប្រធានាធិបតីចិនដំបូងគេបង្អស់ ដែលបានចូលរួមក្នុងវេទិកានេះ ៕
https://freshnewsasia.com/localnews/48586-	គ . ជ . ប ៖ សមាជិកក្រុមប្រឹក្សាឃុំ - សង្កាត់ សម្រាប់ការបោះឆ្នោតអាណត្តិទី ៤ មាន ១១ , ៥៧២ នាក់ ខណៈចំនួនឃុំ - សង្កាត់នៅទូទាំងរាជធានី - ខេត្ត មាន ១ , ៦៤៦	( ភ្នំពេញ ) ៖ គណៈកម្មាធិការជាតិរៀបចំការបោះឆ្នោត ( គ . ជ . ប ) បានចេញសេចក្តីប្រកាសបញ្ជាក់ថា សម្រាប់ការបោះឆ្នោតជ្រើសរើសក្រុមប្រឹក្សាឃុំ - សង្កាត់ អាណត្តិទី ៤ ឆ្នាំ ២០១៧ នេះ សមាជិកក្រុមប្រឹក្សាឃុំ - សង្កាត់ មានចំនួន ១១ , ៥៧២ នាក់ ដែលនឹងឈរឈ្មោះបោះឆ្នោត នៅឃុំ - សង្កាត់ចំនួន ១ , ៦៤៦ ទូទាំង ២៥ រាជធានី - ខេត្ត ។ តាមសេចក្តីប្រកាសរបស់ គ . ជ . ប ដែលអង្គភាព fresh news ទទួលបាននៅថ្ងៃទី ០៣ ខែមីនា ឆ្នាំ ២០១៧ នេះ បានបង្ហាញថា សមាជិកក្រុមប្រឹក្សាឃុំ - សង្កាត់ ដែលមានចំនួនច្រើនជាងគេនោះ គឺនៅខេត្តកណ្តាល មានចំនួន ៩១៥ នាក់ បន្ទាប់មកនៅរាជធានីភ្នំពេញ មានចំនួន ៨៩៩ នាក់ ៕ សូមអានខ្លឹមសារលម្អិត ក្នុងសេចក្តីប្រកាសរបស់ គ . ជ . ប ដូចខាងក្រោម ៖
https://freshnewsasia.com/localnews/67966-	ក្តៅគគុក ! កងទ័ពរដ្ឋាភិបាលអ៊ីរ៉ាក់ « ដណ្តើមបានតំបន់សំខាន់ៗពីរ ពីក្រុមឃើដ » ខណៈការវាយសម្រុកនៅតែបន្ត !	( បាកដាដ ) ៖ កងទ័ពរដ្ឋាភិបាលអ៊ីរ៉ាក់ បានក្រសោបយកតំបន់សំខាន់ៗចំនួនពីរពីក្រុមឃើដដោយជោគជ័យ ស្ថិតនៅក្នុងខេត្ត ឌីយ៉ាឡា ( diyala ) ដែលស្ថិតនៅក្បែរទីក្រុងម៉ូស៊ូល ដែលក្រុមឃើដស្វះស្វែងដណ្តើមបានពីពួក isis ។ នេះបើតាមការចេញផ្សាយដោយ សារព័ត៌មានរុស្ស៊ី sputnik នាព្រឹកថ្ងៃព្រហស្បតិ៍ ទី ១៩ ខែតុលា ឆ្នាំ ២០១៧ ។ សម្រាប់តំបន់ដែលត្រូវបានដណ្តើមយកមកគ្រប់គ្រងទាំងស្រុងនោះ គឺជាទីតាំងដែលស្ថិតនៅក្នុងជម្លោះជាយូរណាស់មកហើយ រវាងកងទ័ពឃើដ និងអ៊ីរ៉ាក់ ។ រដ្ឋមន្ត្រីមួយរូបរបស់ក្រុមឃើដ គឺលោក ហ្សាប់បារ យ៉ាវ៉ា ( jabbar yawar ) បានប្រាប់បណ្តាញព័ត៌មានខាងលើនេះ យ៉ាងដូច្នេះថា « ប្រតិបត្តិការយោធានៅតែបន្ត ជាពិសេសេនៅតំបន់ទាំងពីរ ។ មានការសម្លាប់រង្គាលជាច្រើន កើតឡើងនៅតំបន់នានានៃខេត្ត ឌីយ៉ាឡា ហើយប្រតិបត្តិផ្សេងៗទៀតក៏កំពុងសំដៅមុខព្រួញ មកកាន់តំបន់ទីក្រុងម៉ូស៊ុលផងដែរ » ។ គួរបញ្ជាក់ផងដែរថា ភាពតានតឹងរវាងក្រុមឃើដ និងរដ្ឋាភិបាលអ៊ីរ៉ាក់ បានកើតមានឡើងបន្ទាប់ពីក្រុមឃើដ នៅតែបង្ហាញចេតនាចង់ប្រកាសឯករាជ្យ ដោយមិនស្តាប់តាមឱសានវាទរបស់ទីក្រុងបាកដាដ ។ នេះគឺជាក្តីព្រួយបារម្ភតាំងពីការដួលរលំភ្លាមៗរបស់ពួក isis នៅទីក្រុងម៉ូស៊ូលមកម្ល៉េះ ដោយក្រុមឃើដដែលជាអ្នកមានស្នាដៃក្នុងរឿងនេះ បានបញ្ចេញចេតនារាប់រយឆ្នាំរបស់ខ្លួន ក្នុងការបង្កើតប្រទេសឯករាជ្យមួយ ដោយយកទីក្រុងអឺប្រ៊ីល ( erbril ) នៅក្នុងទឹកដីអ៊ីរ៉ាក់ ធ្វើជារដ្ឋធានី ។ ឆ្លើយតបនឹងការចង់ហែកយកទឹកដីរបស់ខ្លួន រដ្ឋាភិបាលអ៊ីរ៉ាក់បានព្រមានថា ខ្លួននឹងប្រើប្រាស់កម្លាំងបាយទប់ទល់ចេតនាចង់ធ្វើឲ្យមានការបែងចែកទឹកដី ហើយទឹកដីរបស់ឃើដបានអះអាង នោះគឺជាទឹកដីរបស់អ៊ីរ៉ាក់ ទោះបីជាជនជាតិឃើដនៅទីនោះ ៩០ ភាគរយ បានបោះឆ្នោតទាមទារឯករាជ្យ ផ្តាច់ខ្លួនពីអ៊ីរ៉ាក់ក៏ដោយ ៕
https://freshnewsasia.com/localnews/27231-	ស្លាប់ ៣ នាក់ រងរបួសធ្ងន់ស្រាល ១៣ នាក់ ក្នុងគ្រោះថ្នាក់ចរាចរណ៍ ទូទាំងប្រទេសថ្ងៃទី ២២ ខែមិថុនាម្សិលមិញ	( ភ្នំពេញ ) ៖ យោងតាមរបាយការណ៍ ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាន នគរបាលជាតិប្រាប់ឲ្យដឹងថា នៅថ្ងៃទី ២២ ខែមិថុនា ឆ្នាំ ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៩ លើក ( យប់ ៤ លើក ) បណ្តាលឲ្យមនុស្សស្លាប់ ៣ នាក់ រងរបួសធ្ងន់ ១០ នាក់ និងរបួសស្រាល ៣ នាក់ ។ ប្រភពព័ត៌មានដដែលបញ្ជាក់ទៀតថា នៅក្នុងហេតុការណ៍គ្រោះថ្នាក់ចរាចរណ៍ ៩ លើកនេះ បណ្តាលឲ្យខូចខាតយានយន្តសរុប ចំនួន ១៦ គ្រឿង រួមមានម៉ូតូចំនួន ១០ គ្រឿង រថយន្តធុនតូចចំនួន ២ គ្រឿង , រថយន្តធុនធំ ៣ គ្រឿង , គោយន្ត ១ គ្រឿង មូលហេតុដែលបណ្តាលឲ្យកើត មានករណីគ្រោះថ្នាក់ចរាចរណ៍ រួមមានល្មើសល្បឿន ៤ លើក , ប្រជែង ២ លើក , បត់គ្រោះថ្នាក់ ១ លើក , មិនគោរពសិទ្ធិ ១ លើក , ស្រវឹង ១ លើក ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៧ នាក់ ( យប់ ៥ នាក់ ) ។ នៅថ្ងៃទី ២២ ខែមិថុនា ឆ្នាំ ២០១៦ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែល្មើសសរុបទូទាំងប្រទេសមានចំនួន ៤ , ១៣០ គ្រឿង ក្នុងនោះបានធ្វើការអប់រំចំនួន ១ , ៧៤៦ គ្រឿង និងពិន័យសរុប ២ , ៣៨៤ គ្រឿង ៕
https://freshnewsasia.com/localnews/89384-	សម្តេចតេជោ ហ៊ុន សែន នឹងស្នើរដ្ឋាភិបាលចិនជួយធ្វើផ្លូវភ្ជាប់ពីកោះកុង - ថ្មដា - សំឡូត ដែលមានតម្លៃ ២០០ លានដុល្លារ ( video inside )	( កំពង់ធំ ) ៖ សម្តេចតេជោ ហ៊ុន សែន នាយរដ្ឋមន្ត្រីនៃកម្ពុជា បានថ្លែងថា ក្នុងពេលឆាប់ៗនេះ សម្តេចនឹងស្នើគម្រោងអាទិភាពមួយដល់រដ្ឋាភិបាលចិន ឱ្យជួយសាងសង់ផ្លូវក្រាលកៅស៊ូ ភ្ជាប់ផ្លូវពីខេត្តកោះកុង ឆ្លងកាត់ឃុំថ្មដា នៃស្រុកវាលវែង ខេត្តពោធិ៍សាត់ ឆ្ពោះទៅកាន់ស្រុកសំឡូត នៃខេត្តបាត់ដំបង ដែលមានតម្លៃប្រហាក់ប្រហែល ២០០ លានដុល្លារអាមេរិក ។ ការបញ្ជាក់បែបនេះរបស់សម្តេចតេជោ ធ្វើឡើងក្នុងពិធីសម្ពោធបើកឲ្យប្រើប្រាស់ជាផ្លូវការនូវកំណាត់ផ្លូវជាតិលេខ ៦ ដែលមានប្រវែង ២៦៤ . ៥៣ គីឡូម៉ែត្រ ចាប់ពីតំបន់ថ្នល់កែង ស្រុកបាធាយ ខេត្តកំពង់ចាម រហូតដល់តំបន់អង្គ្រង ស្រុកបាគង ខេត្តសៀមរាប នាព្រឹកថ្ងៃចន្ទ ទី ១១ ខែមិថុនា ឆ្នាំ ២០១៨ ។ នៅចំពោះមុខលោក ស្សង់ ប៉ូ ឯកអគ្គរដ្ឋទូតចិនប្រចាំកម្ពុជា ដែលមានវត្តមានក្នុងពិធីខាងលើដែរនោះ សម្តេចតេជោ ហ៊ុន សែន បានថ្លែងថា រាជរដ្ឋាភិបាលកម្ពុជា នឹងដាក់សំណើជូនរដ្ឋាភិបាលចិន ដើម្បីសុំការគាំទ្រលើការអនុវត្តគម្រោងសាងសង់ផ្លូវក្រាលកៅស៊ូភ្ជាប់ផ្លូវពីខេត្តកោះកុង ទៅកាន់ឃុំថ្មដា ( ជាប់ព្រំដែនកម្ពុជា - ថៃ ) នៃស្រុកវាលវែង ខេត្តពោធិ៍សាត់ និងទៅកាន់ស្រុកសំឡូត នៃខេត្តបាត់ដំបង ។ សម្តេចតេជោបានថ្លែងយ៉ាងដូច្នេះថា « ទាក់ទងនឹងរឿងផ្លូវថ្នល់នេះ វាស្ថិតនៅក្នុងខួរក្បាលខ្ញុំជាប់ប៉ុន្មានថ្ងៃនេះ ហើយសូមឯកឧត្តមអគ្គរដ្ឋទូតបានដឹងផងដែរ យើងខ្ញុំនឹងដាក់គម្រោងមួយជាគម្រោងឆាប់ ដើម្បីសុំការគាំទ្រជាបេក្ខភាពគម្រោងសម្រាប់ឆ្នាំហ្នឹង និងឆ្នាំក្រោយ ទៅលើការតភ្ជាប់ផ្លូវពីកោះកុងទៅកាន់ថ្មដា និងទៅកាន់សំឡូត ដើម្បីភ្ជាប់ព្រំដែនកម្ពុជាថៃ ព្រោះនៅចន្លោះតែកន្លែងហ្នឹងទេ ក្រៅពីនោះមិត្តចិនបានជួយ ចន្លោះហ្នឹងមិនដល់ ២០០ គីឡូមែត្រទេ ហើយតម្លៃប្រហាក់ប្រហែល ២០០ លានដុល្លារអាមេរិក ដែលយើងសាងសង់ » ។ សម្តេចនាយករដ្ឋមន្ត្រី បានរំឭកថា តំបន់ដែលកម្ពុជាស្នើចិនជួយសាងសង់ផ្លូវក្នុងភូមិសាស្ត្រខេត្តកោះកុង ខេត្តពោធិ៍សាត់ និងខេត្តបាត់ដំបងខាងលើនេះ សុទ្ធតែជាតំបន់ដែលធ្លាប់មានការប្រយុទ្ធជាមួយកងទ័ពខ្មែរក្រហមយ៉ាងខ្លាំងក្លា ប៉ុន្តែបច្ចុប្បន្ននេះ ប្រទេសកម្ពុជាមានសុខសន្តិភាព មានស្ថិរភាព មានតំបន់ត្រួតត្រាតែមួយ ប្រជាពលរដ្ឋមានជីវភាពធូរធា មមាញឹកនឹងរបររកទទួលទាន ចាំបាច់ត្រូវការប្រព័ន្ធគមនាគមន៍ដឹកជញ្ជូនផលិតផល និងធ្វើដំណើរជាដើម ទើបរាជរដ្ឋាភិបាលត្រូវការកសាងផ្លូវថ្នល់បន្ថែមជូនប្រជាពលរដ្ឋធ្វើដំណើរ ។ ជាមួយនឹងទឹកមុខសប្បាយរីករាយ សម្តេចបានថ្លែងបន្តថា តាំងពីស្រុកម៉ាឡៃ នៃខេត្តបន្ទាយមានជ័យ រហូតដល់ខេត្តប៉ៃលិន និងទៅដល់ស្រុកសំឡូត នៃខេត្តបាត់ដំបង មានផ្លូវធ្វើដំណើរខ្វាត់ខ្វែងខ្លះហើយ ហើយពីខេត្តពោធិ៍សាត់ទៅដល់ឃុំថ្មដា នៃស្រុកវាលវែង ខេត្តពោធិ៍សាត់ ក៏មានខ្លះហើយដែរ ប៉ុន្តែពីឃុំថ្មដា នៃខេត្តពោធិ៍សាត់ ឆ្ពោះទៅកាន់ស្រុកសំឡូត នៃខេត្តបាត់ដំបង និងពីឃុំថ្មដា នៃខេត្តពោធិ៍សាត់ ទៅកាន់ខេត្តកោះកុង នៅមិនទាន់មានផ្លូវក្រាលកៅស៊ូនៅឡើយទេ ដូច្នេះហើយទើបប្រមុខរាជរដ្ឋាភិបាលកម្ពុជា នឹងដាក់សំណើទៅរដ្ឋាភិបាលចិន ដើម្បីសុំការគាំទ្រជួយសាងសង់ផ្លូវដែលមិនទាន់មាននេះ ។ ទន្ទឹមនឹងការសាទរចំពោះសមិទ្ធផលដែលមានដូចបច្ចុប្បន្ននេះ រាជរដ្ឋាភិបាលកម្ពុជា ក៏នៅតែត្រូវការដៃគូយុទ្ធសាស្ត្រដែលតែងតែផ្តល់លក្ខណៈងាយស្រួលដល់កម្ពុជា ដូចជាមហាមិត្តចិនជាដើម ។ សម្តេចតេជោ ហ៊ុន សែន បានថ្លែងថា ភាពរីកចម្រើនផ្នែកសេដ្ឋកិច្ចរបស់ចិន មិនមែនត្រឹមតែជួយប្រទេសចិនខ្លួនឯងទេ តែបានជួយអភិវឌ្ឍន៍ប្រទេសជាច្រើនផ្សេងទៀត ក្នុងនោះក៏មានកម្ពុជាផងដែរ ។ តាមរយៈគោលនយោបាយខ្សែក្រវាត់មួយ ផ្លូវមួយ របស់ប្រធានាធិបតី ស៊ី ជិនពីង កម្ពុជាបានទទួលផលប្រយោជន៍ជាច្រើន ។ នាឱកាសនោះដែរ សម្តេចក៏បានលើកឡើងថា នាពេលអនាគត កម្ពុជានឹងមានផ្លូវថ្មី ២ ខ្សែបន្ថែមទៀត ដែលខ្សែទីមួយតភ្ជាប់ពីខេត្តកំពង់ធំទៅខេត្តក្រចេះ មានប្រវែង ១០០ គីឡូម៉ែត្រ ហើយនឹងត្រូវធ្វើស្ពានឆ្លងទន្លេមេគង្គមួយនៅទីរួមខេត្តក្រចេះ ដើម្បីស្រួលតភ្ជាប់រវាងខេត្តក្រចេះ និងខេត្តកំពង់ធំ ។ រីឯផ្លូវមួយខ្សែទៀត គឺផ្លូវ និងស្ពានឆ្លងកាត់ទន្លេសាប ដែលតភ្ជាប់ពីខេត្តកំពង់ឆ្នាំងទៅខេត្តកំពង់ធំ ( ឡើងទៅជាប់នឹងផ្លូវជាតិលេខ ៦ ត្រង់តំបន់កំពង់ថ្ម នៃឃុំបល្ល័ង្ក ស្រុកបារាយណ៍ ) ។ ប៉ុន្តែសម្រាប់ការសាងសង់ផ្លូវ និងស្ពានដែលតភ្ជាប់ផ្លូវពីខេត្តកំពង់ធំទៅខេត្តកំពង់ឆ្នាំងនេះ គឺត្រូវផ្អាកជាបណ្តោះអាសន្នសិន ព្រោះមានការព្រួយបារម្ភពីផលប៉ះពាល់ទៅលើបឹងទន្លេសាប និងការធ្វើដំណើររបស់ប្រជានេសាទ ដែលត្រូវការធ្វើដំណើរតាមទូក - កាណូតតាមបណ្តោយបឹងទន្លេសាប ។ តែទោះជាយ៉ាងណា គម្រោងកសាងប្រព័ន្ធគមនាគមន៍កំពង់ធំ - កំពង់ឆ្នាំងនេះ នឹងមានការសិក្សាលម្អិតឲ្យបានច្បាស់លាស់ទៅថ្ងៃក្រោយបន្ថែមទៀត ហើយសម្តេចបានផ្តល់ជាអនុសាសន៍ឱ្យយករូបមន្តសាងសង់ផ្លូវកាត់សមុទ្រ នៅទីក្រុងហ្ស៊ិនចិន នៃខេត្តក្វាងចូវ ប្រទេសចិន មកអនុវត្តនៅកម្ពុជាលើការកសាងប្រព័ន្ធគមនាគមន៍ខាងលើនេះ ដោយធ្វើជាស្ពានបណ្តុះសសរឱ្យបានច្រើន ព្រោះមិនអាចលើកជាផ្លូវបិទចរន្តទឹកកាត់បឹងទន្លេសាបបាននោះឡើយ ។ សម្តេចតេជោនាយករដ្ឋមន្ត្រី ក៏បានបញ្ជាក់ដែរថា គិតមកដល់បច្ចុប្បន្ននេះ ភាគីចិនបានជួយសាងសង់ផ្លូវនៅទូទាំងប្រទេសកម្ពុជាជាច្រើនខ្សែ ដែលមានប្រវែងសរុបប្រមាណ ៣ , ០០០ គីឡូម៉ែត្រ ៕
https://freshnewsasia.com/localnews/37670-	ប្រជាពលរដ្ឋរងគ្រោះដោយសារគ្រោះទឹកជំនន់ ១៥៩ គ្រួសារ នៅខណ្ឌមានជ័យ ទទួលបានអង្ករពីអង្គការមូលនិធិ ឆឺជី - កម្ពុជា	( ភ្នំពេញ ) ៖ អាជ្ញាធរខណ្ឌមានជ័យ និងអង្គការមូលនិធិឆឺជី - កម្ពុជា នៅថ្ងៃទី ២៤ ខែតុលា ឆ្នាំ ២០១៦ នេះ បានបន្តនាំយកអំណោយ ទៅចែកជូនប្រជាពលរដ្ឋ ដែលរងគ្រោះដោយទឹកភ្លៀង ជន់លិចផ្ទះសម្បែងចំនួន ១៥៩ គ្រួសារ រស់នៅតាមសហគមន៍ទាំង ៨ សង្កាត់ស្ទឹងមានជ័យ ខណ្ឌមានជ័យ ។ សកម្មភាពមនុស្សធម៌នាំអំណោយផ្តល់ ជូនពលរដ្ឋរងគ្រោះដោយជំនន់ទឹកភ្លៀងនេះដឹកនាំដោយ លោក ពេជ្រ កែវមុនី អភិបាលខណ្ឌមានជ័យ និង លោក ឡុង ង៉ែត អភិបាលរងខណ្ឌមានជ័យ និងលោក សេង សាញ់ ចៅសង្កាត់ស្ទឹងមានជ័យ និងមានការចូលរួមពីក្រុមយុវជន ស . ស . យ . ក ខណ្ឌ និងសង្កាត់ផងដែរ ។ ក្នុងនោះបានចែកជាក្រុមៗ ដើម្បីចុះផ្ទាល់ដល់ខ្នងផ្ទះតែម្តង ។ ខណៈចុះពិនិត្យពីការរស់នៅរបស់ប្រជាសហគមន៍តាមខ្នងផ្ទះនេះ លោក ពេជ្រ កែវមុនី ត្រូវបានប្រជាជនស្វាគមន៍ យ៉ាងរាក់ទាក់កក់ក្តៅ និងថ្លែងរៀបរាប់ពីការរស់នៅក្នុងសហគមន៍មាន ភាពរីករាយ ដែលមានអាជ្ញាធរតែងតែចុះ មកសួរសុខទុក្ខពួកគាត់ផ្ទាល់បែបនេះ ។ ជាកិច្ចឆ្លើយតបលោកអភិបាលខណ្ឌ បានទទូចដល់បងប្អូនប្រជាជនត្រូវមានការប្រុងប្រយ័ត្នខ្ពស់ ចំពោះកូនចៅកុំឲ្យ ចុះលេងទឹក និងសូមរស់នៅប្រកបដោយអនាម័យ បរិស្ថានល្អ កុំចោលសម្រាមដាក់ ក្នុងប្រឡាយវាអាចនាំឲ្យកកស្ទះចរន្តទឹកហូរ ហើយបណ្តាលឲ្យជន់លិច លំនៅឋានបងប្អូនវិញ ។ លោក ឡុង ង៉ែត អភិបាលរងខណ្ឌមានជ័យ បានឲ្យដឹងថា សកម្មភាពរបស់អង្គការអង្គការមូលនិធិ ឆឺជី - កម្ពុជា ដែលបានសហការជាមួយអាជ្ញាធរខណ្ឌមានជ័យនេះ បាន ៩ លើកមកហើយ ដែល នាំយកអំណោយសប្បុរសជន មកចែកជូនបងប្អូនរងគ្រោះ ក្នុងមូលដ្ឋានខណ្ឌមានជ័យ ។ លោក ឆុង មីងជឺ ប្រធានអង្គការមូលនិធិពុទ្ធសាសនា ឆឺជី - កម្ពុជា បានឲ្យដឹងថា អង្គការនេះបានចូលមកដល់កម្ពុជា ក្នុងដើមឆ្នាំ ២០១១ ហើយគិតមកត្រឹមពេលនេះ ឆឺជី មានអាយុកាល ៦ ឆ្នាំហើយនៅក្នុងប្រទេសមួយនេះ ។ មូលនិធិ ឆឺជី បង្កើតឡើង ក្នុងគោលបំណងសំដៅទៅរកដំណោះស្រាយក្នុងការដោះទុក្ខលំបាករបស់ ប្រជាជនមិនថា ក្នុងតំបន់អាស៊ី ឬអឺរ៉ុបឡើយ ។ អង្គការមូលនិធិពុទ្ធសាសនា ឆឺជី - កម្ពុជា អាចដំណើរការជួយបងប្អូនទៅបាន គឺដោយមានការចាំផ្គត់ផ្គង់ជំនួយជាបន្តបន្ទាប់ពី ភិក្ខុនី ដែលរស់នៅក្រៅប្រទេស ដូចជា តៃវ៉ាន់ និងចិនជាដើម ។ ជាមួយគ្នានេះ លោក ពេជ្រ កែវមុនី បានថ្លែងថា ក្នុងនាមអាជ្ញាធរខណ្ឌ លោកពិតជាមានក្តីសោមនោសរីករាយយ៉ាងក្រៃលែង ចំពោះ អង្គការមូលនិធិពុទ្ធសាសនា ឆឺជី - កម្ពុជា ដែលបាន យកចិត្តទុកដាក់គិតគូរពីសុខទុក្ខលំបាករបស់ ប្រជាពលរដ្ឋកម្ពុជា ក្នុងខណ្ឌមានជ័យរបស់យើង ។ អំណោយដែលត្រូវបានចែកជូនបងប្អូនប្រជាពលរដ្ឋ យើងនៅពេលនេះ គឺជាសក្ខីភាព មួយដែល ស បញ្ជាក់អោយឃើញថា ជាការជួយសង្គ្រោះដោយគ្មានការ ប្រកាន់ទៅលើពណ៌សប្បុរ ឬ សាសនា ឡើយ ពោល ធ្វើឡើងដោយទឹកចិត្តអាណិត ស្រាលាញ់ រាប់អាន ជាទីបំផុត គ្មានគិតគុណគូរលើផលតបស្នងអ្វីទាំងអស់ ៕
https://freshnewsasia.com/localnews/83622-	breaking news : អតីតប្រធានាធិបតីកូរ៉េខាងត្បូង លី ម្យុងបាក់ « ប្រឈមមុខជាប់ពន្ធនាគារ អស់មួយជីវិត » បើតុលាការរកឃើញកំហុស ដូចការចោទប្រកាន់ !	( សេអ៊ូល ) ៖ អតីតប្រធានាធិបតីកូរ៉េខាងត្បូង លោក លី ម្យុងបាក់ ( lee myung - bak ) នាថ្ងៃចន្ទនេះត្រូវបានចោទប្រកាន់ជាផ្លូវការ ពីបទពុករលួយ រួមមានការសូកប៉ាន់ ការកេងបន្លំថវិកា និងការគេចវេសមិនបង់ពន្ធជាដើម ដែលទោសកំហុសទាំងអស់ បើសិនជាតុលាការរកឃើញ លោក លី ពិតជាប្រព្រឹត្តមែននោះ លោកនឹងអាចជាប់ពន្ធនាគារអស់មួយជីវិត ។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ីនហួរ នៅសៀលថ្ងៃចន្ទ ទី ០៩ ខែមេសា ឆ្នាំ ២០១៨ ។ ការិយាល័យរដ្ឋអាជ្ញា នៃទីក្រុងសេអ៊ូល បានឲ្យដឹងក្នុងសេចក្តីថ្លែងការណ៍មួយថា ខ្លួនបានរកឃើញថា លោក lee គឺជាម្ចាស់ពិតប្រាកដ នៃក្រុមហ៊ុន das ដែលជាក្រុមហ៊ុនផលិតគ្រឿងបន្លាស់រថយន្តក្នុងស្រុក បន្ទាប់ពីបានបើកការស៊ើបអង្កេត អស់រយៈពេល ០៣ ខែ កន្លងមកនេះ ។ តាមរយៈក្រុមហ៊ុន das ដែលលោក lee បានកាន់កាប់ដោយខុសច្បាប់ ក្រោមឈ្មោះកម្ចីនោះ អតីតមេដឹកនាំកូរ៉េខាងត្បូងរូបនេះ បានកេងបន្លំថវិកាប្រមាណ ៣៤ . ៩ ពាន់លានវ៉ុន ( ៣២ . ៧ លានដុល្លារ ) និងបានគេចមិនបង់ពន្ធសាជីវកម្ម ក្នុងចំនួនប្រហែល ៣ . ១ ពាន់លានវ៉ុន ( ២ . ៩ លានដុល្លារ ) ។ ក្រៅពីនេះ លោក lee ត្រូវគេសង្ស័យថា បានទទួលសំណូកជាទឹកប្រាប់ចំនួន ៥ . ៨៥ លានដុល្លារ ពីក្រុមហ៊ុន samsung ថែមទៀតផង ខណៈលោកក៏ត្រូវគេជឿជាក់ថា បានទទួលលុយរាប់លានដុល្លារ ពីបណ្តាពាណិជ្ជករ និងអ្នកនយោបាយនៅក្នុងប្រទេស ជាថ្នូរនឹងការជួយជ្រោមជ្រែងផ្នែកនយោបាយ ព្រមទាំងអាជីវកម្មផងដែរ ។ គួរជម្រាបថា លោក lee ត្រូវបានឃាត់ខ្លួនកាលពីអំឡុងចុងខែមីនា កន្លងទៅនេះ ហើយចាប់តាំងពីពេលនោះមក លោក បានបដិសេធមិនព្រមឲ្យរដ្ឋអាជ្ញាកូរ៉េខាងត្បូង ធ្វើការសាកសួរឡើយ ដោយលោក lee បានច្រានចោទរាល់ការចោទប្រកាន់ទាំងអស់ និងបានថ្កោលទោសការស៊ើបអង្កេតនេះថា ជាការសងសឹកពីរដ្ឋាភិបាល លោក មូន ជែអ៊ីន ។ បើតាមសេចក្តីរាយការណ៍ ពីសារព័ត៌មានក្នុងស្រុករបស់កូរ៉េខាងត្បូង សវនាការទាក់ទិននឹងសំណុំរឿងពុករលួយ របស់លោក lee ត្រូវគេរំពឹងថា នឹងចាប់ផ្តើមនៅខែក្រោយនេះ ហើយប្រសិនបើតុលាការរកឃើញថា មានកំហុសដូចការចោទប្រកាន់ទាំងអស់មែននោះ លោក lee myung - ban អាចប្រឈមមុខនឹងការជាប់ពន្ធនាគារអស់មួយជីវិត ៕
https://freshnewsasia.com/localnews/69052-	សរុបព័ត៌មានពិសេសៗ ជាតិ - អន្តរជាតិ ប្រចាំថ្ងៃទី ៣០ ខែតុលា ឆ្នាំ ២០១៧ ( video inside )	( ភ្នំពេញ ) ៖ សរុបព័ត៌មានពិសេសៗ ជាតិ - អន្តរជាតិ ប្រចាំថ្ងៃទី ២៦ ខែតុលា ឆ្នាំ ២០១៧ ( ផ្សាយពីថ្ងៃចន្ទ ដល់ថ្ងៃសុក្រ រៀងរាល់ម៉ោង ៧ - ៨ យប់ ) ។ រាយការណ៍ព័ត៌មានដោយ ៖ កញ្ញា ឆេង សូរិយា , សៀរ សៀកឡេង , លោក អាន គន្ធធារ៉ា , កញ្ញា សំ ស្រីនីត , លោក វង់ វុធ និងកញ្ញា យ៉ង់ សក្គុណា ៖ * ព័ត៌មានជាតិ ( cambodia news ) ១ ៖ តុលាការកំពូល នឹងបើកសវនាការកាត់ក្តីរឿងករណីប្តឹងរំលាយគណបក្សសង្គ្រោះជាតិ នៅថ្ងៃទី ១៦ ខែវិច្ឆិកាខាងមុខនេះ ២ ៖ តុលាការកំពូល បានសម្រេចកាត់រំលាយគណបក្សនយោបាយចំនួន ៩ ដែលបានចុះបញ្ជីនៅក្រសួងមហាផ្ទៃ ៣ ៖ សម្តេចក្រឡាហោម ស ខេង ជំរុញឲ្យមន្ត្រីសមត្ថកិច្ចទាំងអស់ នៅតាមបន្ទាត់ព្រំដែនកម្ពុជា - ថៃ ពង្រឹងការងារជូនប្រជាពលរដ្ឋឲ្យបានទាន់ចិត្ត និងទប់ស្កាត់ពលករឆ្លងដែនខុសច្បាប់ ៤ ៖ លោក ឃួង ស្រេង ដាក់កំហិតឲ្យអាជ្ញាធរទាំង ១២ ខណ្ឌ ទប់ស្កាត់បាតុកម្មដែលប្រឆាំងការកាត់ទោសមេបក្សក្បត់ជាតិ ដើម្បីសេចក្តីសុខរបស់ពលរដ្ឋ ៥ ៖ ប្រតិភូសភាអឺរ៉ុបមិនបង្ហាញប្រតិកម្មលើស្ថានការណ៍នយោបាយនៅកម្ពុជា និងប្តេជ្ញាពង្រឹងទំនាក់ទំនងជាមួយកម្ពុជាឲ្យកាន់តែប្រសើរ ៦ ៖ ករណីផ្ទុះឡកម្តៅនៅរោងចក្រ « គ័ងស៊ុន » បណ្តាលមកពីដុតភ្លើងខ្លាំងលើសកម្រិត , កម្មករសរុប ១៩ នាក់រងរបួសធ្ងន់ស្រាល និងខូចខាតសម្ភារៈយ៉ាងច្រើន ៧ ៖ កម្ពុជាបើក « យុទ្ធនាការពាក់មួកសុវត្ថិភាព » , មួកសុវត្ថិភាព ១២ , ៥០០ មួក ត្រូវបានចែកជូនអ្នកបើកបរមិនពាក់មួកសុវត្ថិភាព ៨ ៖ ក្រុមហ៊ុនអាកាសចរជាតិ បើកសម្ពោធជើងហោះហើរត្រង់ហុងកុង - សៀមរាបលើកដំបូង ជាមួយអ្នកដំណើរ ១០០ នាក់ * ព័ត៌មានអន្តរជាតិ ( world news ) ១ ៖ រដ្ឋាភិបាលអេស្ប៉ាញសម្រេច ៖ « មេដឹកនាំ catalonia និងមន្ត្រីក្រោមឱវាទគ្រប់ផ្នែកជាង ១៦០ នាក់ ត្រូវតែទម្លាក់ចេញពីតំណែង » ២ ៖ អតីតមេដឹកនាំតំបន់ catalonia អាចនឹងជាប់ពន្ធនាគារ ៣០ ឆ្នាំ ខណៈការបោះឆ្នោតថ្មី នឹងធ្វើឡើងនៅចុងខែធ្នូ កំណត់ដោយអាជ្ញាធរអេស្ប៉ាញ ! ៣ ៖ ទីបំផុតមេដឹកនាំឃើដ « ប្រកាសថានឹងលាលែងពីតំណែង » ព្រមទាំងសម្តែងការខកចិត្តបំផុតចំពោះ ដូណាល់ ត្រាំ ! ៤ ៖ មុន ដូណាល់ ត្រាំ មកទស្សនកិច្ចទ្វីបអាស៊ី « អាមេរិកបញ្ជូនយន្តហោះទម្លាក់គ្រាប់បែក - នុយក្លេអ៊ែរ b - 2 ដើម្បីត្រៀមការពាររួចជាស្រេច . » ៥ ៖ មេដឹកនាំកោះតៃវ៉ាន់អះអាងថា « ត្រូវការវិស័យយោធា ខ្លាំងជាងមុន » ខណៈខ្លួនកំពុងស្ថិតនៅដែនដីអាមេរិក ! ៦ ៖ ប្រទេសរុស្ស៊ីគ្រោង « កាត់បន្ថយចំនួនទ័ព និងយន្តហោះចម្បាំងនៅស៊ីរី » បន្ទាប់ពីភេរវករជាច្រើន ត្រូវបានកម្ចាត់ ! ៧ ៖ អ៊ីរ៉ង់ដាក់មួយឃ្លាទៅអាមេរិក ៖ « យើងនឹងបន្តផលិតគ្រាប់មីស៊ីលដើម្បីការពារខ្លួន ព្រោះវាមិនខុសច្បាប់អន្តរជាតិទេ » ៨ ៖ ប្រមុខអង្គការ nato បញ្ជាក់មុខជប៉ុន ៖ « កូរ៉េខាងជើង ជាគ្រោះមហន្តរាយធំបំផុត សម្រាប់ពិភពលោកទាំងមូល » ៕
https://freshnewsasia.com/localnews/38576-	ថ្ងៃនេះ ! សម្តេចតេជោ ហ៊ុន សែន បង្ហាញការឈឺចាប់ ដែលមិនអាចបំភ្លេចបានក្នុងជីវិត ពេលបាត់បង់កូនប្រុស « ហ៊ុន កំសត់ »	( ភ្នំពេញ ) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកព្រលឹមថ្ងៃទី ០៤ ខែវិច្ឆិកា ឆ្នាំ ២០១៦ នេះ បានសរសេរនៅលើ facebook របស់សម្តេចដោយបង្ហាញនូវ ការឈឺឆាប់ ដែលមិនអាចបំភ្លេចបាន ក្នុងឆាកជីវិតរបស់សម្តេច នៅពេលបាត់បង់កូនប្រុសដំបូង « ហ៊ុន កំសត់ » ក្នុងរបបប្រល័យពូជសាសន៍ ប៉ុល ពត ។ ក្នុងអត្ថបទដែលសម្តេចតេជោ ដាក់ចំណងជើងថា « ការឈឺចាប់ដែលមិនអាចបំភ្លេចបាន » បានបង្ហាញនូវទុក្ខវេទនា ខ្លោចផ្សា ការព្រាត់ប្រាស់ប្រពន្ធកូន ដែលអានរួចស្រក់ទឹកភ្នែកដោយមិនដឹងខ្លួន ខណៈដែលសល់តែ ៦ ថ្ងៃទៀតប៉ុណ្ណោះ ដល់ថ្ងៃខួប ៤០ ឆ្នាំ នៃការស្លាប់របស់កូនប្រុស ហ៊ុន កំសត់ របស់សម្តេច ។ សូមអានអត្ថបទទាំងស្រុងរបស់សម្តេចតេជោ ហ៊ុន សែន ដូចខាងក្រោម ៖ ការឈឺចាប់ដែលមិនអាចបំភ្លេចបាន កូនប្រុសដ៏កំសត់របស់ពុក នៅសល់តែប៉ុន្មានថ្ងៃទៀតទេ គឺដល់ខួប ៤០ ឆ្នាំ នៃការស្លាប់យ៉ាងវេទនារបស់កូន នៅក្នុងរបបប្រល័យពូជសាសន៍ប៉ុលពត ( ១០ វិច្ឆិកា ១៩៧៦ - ១០ វិច្ឆិកា ២០១៦ ) ។ ពុក និងម៉ែកូន មិនដែលភ្លេចទេនូវសោកនាដកម្ម ដែលបានកើតឡើងចំពោះរូបកូន ព្រមទាំងពុកនិងម៉ែនោះទេ ។ ការរៀបចំឡើងនូវផ្នូររបស់កូន និងចម្រៀង « អនិច្ចារកូនកំសត់ប្រវត្តិម្តាយកម្ម » « ទំនួញកំសត់ប្រវត្តិវិទ្យាល័យ » និង « ព្រលឹងកំសត់ » ដែលពុកម៉ែបានធ្វើឡើង ក្នុងបំណងរំលឹកដល់វិញ្ញាណក្ខន្ធកូន និងការឈឺចាប់នាពេលនោះ ។ ពុកនៅចាំបានយ៉ាងច្បាស់ថា ក្រោយម៉ោង ៦ ព្រឹក ថ្ងៃទី ១០ ខែវិច្ឆិកា ឆ្នាំ ១៩៧៦ ក្រោយពេលកូនប្រសូត្រចាកផ្ទៃម្តាយកូន គ្រូពេទ្យបានធ្វើឱ្យកូនរបូតធ្លាក់ពីដៃ ត្រូវនឹងជ្រុងគ្រែធ្វើឱ្យកូនបាក់ឆ្អឹងខ្នង ធ្លាក់ដល់ដីគាប់ជួនពុកបានធ្វើដំណើរពីភូមិ ក្តុល ឃុំទន្លូង ទៅដល់មន្ទីរពេទ្យតំបន់ដែលតាំង នៅអតីតអនុវិទ្យាល័យស្រុកមេមត់ ។ ម្តាយកូនឆ្លងទន្លេម្នាក់ឯង ដោយមិនមានពុកនៅមើលថែទេ ។ ពុកមិនបានបំពេញការងារជាប្តី ជាឪពុកទេ ព្រោះពេលនោះមិនថាតែពុកនោះទេ គឺប្រជាជនទូទាំងប្រទេស មានសិទ្ធិតិចជាងសត្វឆ្កែ ឬឆ្មាទៅទៀត ។ ឆ្កែ ឆ្មាវាមានសិទ្ធិការពារកូនវាច្រើនជាងមនុស្ស ។ តែដូចទេវតាបានជួយរៀបចំ ឱ្យពុកបានធ្វើដំណើរជាមួយ មេបញ្ជាការទៅកាន់ស្រុកត្បូងឃ្មុំនាពេលនោះ ដែលពុកមានឱកាសចូលមើល ម្តាយកូននៅមន្ទីរពេទ្យប្រចាំស្រុកមេមត់ ។ ភាពតក់ស្លុតបានកើតឡើង ចំពោះរូបពុកនៅពេលដែល ពុកឈានជើងចូលដល់មន្ទីរពេទ្យ ហើយត្រូវអ្នកជម្ងឺដែល សម្រាកជាមួយម្តាយកូនស្រែកប្រាប់ថា « រ៉ានីឆ្លងទន្លេ ហើយកូនស្លាប់ហើយ » ។ ពុកប្រឹងរត់ទៅរកកូនឃើញឈាមកូន កំពុងហូរចេញតាមមាត់ ពុកប្រឹងស្រែកឱ្យគេជួយ ដើម្បីសង្គ្រោះជីវិតកូន ក្នុងពេលដែលម្តាយកូនសន្លប់មិនទាន់ដឹងខ្លួន និងមិនទាន់ដឹងថា កូនស្លាប់នៅឡើយ អាស្រ័យដោយនៅបន្ទប់នៅផ្សេងគ្នា ។ ពុកអត់ធ្វើអ្វីបានទេកូន ពុកបានសុំមេបញ្ជាការឃោរឃៅ ដើម្បីយកសពកូនទៅកប់នឹងនៅមើលថែទាំ ម្តាយកូនក្រោយឆ្លងទន្លេ ។ មិនត្រឹមតែមិនបានទទួល ការអនុញ្ញាតប៉ុណ្ណោះទេ តែពុកត្រូវរងនូវការប្រមាថយ៉ាងធ្ងន់ធ្ងរទៀតផង « កម្មសិទ្ធិមនោសញ្ចេតនាក្រាស់ » « មិត្តឯងមិនមែនគ្រូពេទ្យទេ » « បើមិត្តឯងនៅ ក៏អាកូននេះមិនរស់ឡើងវិញដែរ » « មានពេទ្យយកខ្មោចកូននេះ ទៅកប់ហើយ មិនបាច់កប់ខ្លួនឯងទេ » « ការងារអង្គការសំខាន់ជាងការងារបុគ្គល » ។ ល ។ ឈឺចាប់ណាស់កូន តែពុកត្រូវទ្រាំអត់ធ្មត់ ព្រោះការងារដែលពុកត្រូវធ្វើ គឺរំដោះប្រជាជនកម្ពុជាទូទាំងប្រទេស ចេញពីរបបឃោរឃៅនេះ ។ ពុកពុំមានអ្វីផ្តល់ឱ្យកូនក្រៅតែពីក្រម៉ា ១ ដែលដោះចេញពីកពុក ដើម្បីរុំខ្មោចកូននោះទេ ។ ពុកខំប្រឹងទៅរកម្តាយកូន ដែលទើបដឹងខ្លួនបន្ទាប់ពីសន្លប់ ហើយប្រាប់គាត់ថា កូនស្លាប់ហើយនឹងដាក់ឈ្មោះកូនថា « កំសត់ » ។ ឈ្មោះនេះនៅជាប់ជានិច្ចក្នុងវិញ្ញាណពុក ហើយកូន កំសត់នេះហាក់តាមថែរក្សាពុកម៉ែគ្រប់ពេលវេលា ។ ពួកគេបង្ខំឱ្យពុកចាកចេញ ពីម្តាយកូន និងខ្មោចកូនទាំងការឈឺចាប់ជាមួយ ទឹកភ្នែករាប់ម៉ឺនដំណក់ ។ ៣ ថ្ងៃក្រោយមកទើបពុក បានការអនុញ្ញាតទៅជួបម្តាយកូនសារជាថ្មី ដែលកំពុងមានជម្ងឺជាទម្ងន់ ដែលខ្មែរយើងនិយមហៅថា « សល់សុក » ។ ពុកត្រូវយកម្តាយកូនចេញពីពេទ្យ ដើម្បីឱ្យឆ្មបបូរាណខ្មែរកាយទម្លាក់សុកចេញ ទើបសង្គ្រោះជីវិតម្តាយកូនបាន ។ ពុកសុំទោសកូន ដែលពុកមិនដឹងថា សាកសពកូនគេយកទៅកប់ ឬបោះចោលនៅទីណា ព្រោះការងារបន្ទាន់របស់ពុក គឺត្រូវយកម្តាយកូនចេញពី មន្ទីរពេទ្យទៅព្យាបាលតាមបែបបូរាណវិញ ។ ពុកពុំមានពេលស្វែងរកសាកសពកូន នៅពេលនោះទេ សង្ឃឹមថាកូនយោគយល់ ហើយមកនៅផ្នូរដែលពុកម៉ែ បានសាងសង់សំរាប់កូនតាំងពីទសវត្សឆ្នាំ ១៩៨០ មក ។ រៀងរាល់ពេលដែលពុកនឹក ដល់រឿងដ៏ឈឺចាប់នេះ ទឹកភ្នែកពុកតែងតែហូរចេញមក នេះជាទឹកភ្នែកនឹកដល់កូនកំសត់ ជាទឹកភ្នែកនឹកដល់ការឈឺចាប់លើស ពីការអត់ធ្មត់បានរបស់មនុស្ស ជាទឹកភ្នែកនឹកដល់ប្រជាជនកម្ពុជា រាប់លាននាក់ដែលត្រូវពួកប៉ុលពត សម្លាប់ និងធ្វើបាបដូចក្រុមគ្រួសារយើងដែរ ។ កន្លងមកប្អូនប្រុសប្អូនស្រី និងក្មួយៗរបស់កូនបានទៅដល់ផ្នូរកូន ហើយពុកម៉ែក៏បានរៀបចំបង្សុកូលឱ្យ កូនផងដែរ ។ កូន កំសត់ សូមព្រលឹងកូនបន្តតាមថែរក្សាពុក ម៉ែ ប្អូនៗ និងក្មួយៗរបស់កូនតទៅទៀត ៕
https://freshnewsasia.com/localnews/94085-	លោកស្រី ម៉ែន សំអន ដឹកនាំសមាជិក សមាជិកាគណបក្សប្រជាជនជិត ១០ , ០០០ នាក់ ឃោសនារកសំឡេងឆ្នោតនៅថ្ងៃចុងក្រោយ នៅខេត្តស្វាយរៀង	( ស្វាយរៀង ) ៖ លោកស្រី ម៉ែន សំអន ប្រធានក្រុមការងារចុះជួយខេត្តស្វាយរៀង និងជាអ្នកតំណាងរាស្ត្រមណ្ឌលស្វាយរៀង នៅព្រឹកថ្ងៃទី ២៧ ខែកក្កដា ឆ្នាំ ២០១៨ បានដឹកនាំសមាជិក សមាជិកាគណបក្សប្រជាជនកម្ពុជា ប្រមាណជិត ១ ម៉ឺននាក់ ដើម្បីជួបជុំគ្នាស្តាប់ប្រសាសន៍របស់សម្តេចតេជោ ហ៊ុន សែន ប្រធានគណបក្សប្រជាជន នៅក្នុងបរិវេណស្នាក់ការគណបក្សប្រជាជនកម្ពុជា ខេត្តស្វាយរៀង និងចេញដង្ហែក្បួនឃោសនាតាមដងផ្លូវនានា នៅខេត្តស្វាយរៀង ។ គណបក្សប្រជាជនកម្ពុជាខេត្តស្វាយរៀង មានការជួបជុំស្តាប់ប្រសាសន៍សម្តេចតេជោ ហ៊ុន សែន និងដង្ហែរក្បួនតាមផ្លូវចំនួនជិត ១ ម៉ឺននាក់ មធ្យោបាយរថយន្ត ៣៥០ គ្រឿង ម៉ូតូ ១ ពាន់គ្រឿង មេក្រូ ២៥ គ្រឿង ហើយក្នុងនោះស្រុកស្វាយជ្រំ ដឹកនាំដោយលោក ចៅ ភិរុណ និងស្រុកចន្ទ្រា ដឹកនាំលោក ម៉ឹង សំផន ក៏មានការដង្ហែក្បួន និងជួបជុំគ្នាសម្រាប់ស្រុកផ្សេងៗទៀត ក៏ដង្ហែក្បួនរកសំឡេងឆ្នោតដឹកនាំដោយ ប្រធានក្រុមការងារចុះជួយស្រុកនីមួយៗផងដែរ ។ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានប្រកាសជូនជនរួមជាតិ និងសុំការគាំទ្រពីជនរួមជាតិលើ « កម្មវិធីនយោបាយ សម្រាប់ការកសាង និងការពារមាតុភូមិ ឆ្នាំ ២០១៨ - ២០២៣ » ដែលជាត្រីវិស័យសម្រាប់ទម្រង់ទិសសកម្មភាពរបស់គណបក្ស ក្នុងការបន្តបំពេញភារកិច្ចចបម្រើជាតិ និងប្រជាជន រយៈពេល ៥ ឆ្នាំទៅមុខ ។ កម្មវិធីនយោបាយនេះ បានកំណត់គោលដៅធំៗ ជាយុទ្ធសាស្ត្រ ដូចខាងក្រោម ៖ ទី ១ ៖ គោរព និងការពាររដ្ឋធម្មនុញ្ញ នៃព្រះរាជាណាចក្រកម្ពុជា ការពាររបបរាជានិយម និងរាល់សមិទ្ធផលរបស់ជាតិឱ្យបានគង់វង្សស្ថិតស្ថិរជានិរន្តរ៍ លើកកម្ពស់លទ្ធិប្រជាធិបតេយ្យ សេរីពហុបក្ស និងការគោរពសិទ្ធិមនុស្ស ។ ទី ២ ៖ ការពារឯករាជ្យ អធិបតេយ្យ បូរណភាពទឹកដី និងសន្តិភាពយ៉ាយរឹងមាំ មិនឱ្យកម្លាំងណាមួយមករំលោភបំពាន និងបំផ្លាញបានឡើយ ប្រឆាំងដាច់ខាតការជ្រៀតជ្រែករបស់បរទេស ចូលកិច្ចការផ្ទៃក្នុងរបស់កម្ពុជា ។ ទី ៣ ៖ កសាងព្រះរាជាណាចក្រកម្ពុជា ជារដ្ឋដ៏រឹងមាំ និងជឿលឿនដោយផ្អែកលើច្បាប់ ធានាការអនុវត្តច្បាប់ដោយស្មើភាពសម្រាប់ពលរដ្ឋគ្រប់រូប ពលរដ្ឋម្នាក់ៗ មានសិទ្ធិពេញលេញ និងមានភារកិច្ចចូលរួមយ៉ាងសកម្មក្នុងការកសាង និងការពារមាតុភូមិ ។ ទី ៤ ៖ បន្តអភិវឌ្ឍសេដ្ឋកិច្ច - សង្គម ឱ្យកាន់តែរីកចម្រើនខ្លាំងក្លា និងកាន់តែមានមូលដ្ឋានរឹងមាំ ដែលធានាឱ្យប្រជាជនមានជីវភាពរស់នៅយ៉ាងសមរម្យ ថ្លៃថ្នូរ ដោយចាកផុតពីភាពក្រីក្រ , ពីគ្រោះអវិជ្ជា , ពីជំងឺតម្កាត់នានា , ពីការកេងប្រវ័ញ្ច និងអំពើហិង្សាគ្រប់រូបភាព ។ ទី ៥ ៖ ពង្រឹងពង្រីកចំណងមិត្តភាព និងកិច្ចសហប្រតិបបត្តិការល្អប្រសើរ រវាងព្រះរាជាណាចក្រកម្ពុជា ជាមួយគ្រប់ប្រទេស និងអង្គការអន្តរជាតិនានា ដើម្បីជមរុញការអភិវឌ្ឍប្រទេស និងបង្កើនការចូលរួមយ៉ាងសកម្មរបស់កម្ពុជា ក្នុងបុព្វហេតុសន្តិភាព សន្តិសុខ ស្ថិរភាព និងវិបុលភាពនៅក្នុងតំបន់ និងភពលោក ៕
https://freshnewsasia.com/localnews/68811-	afc u 19 ៖ តើ u 19 កម្ពុជាអាចលត់ហ្វីលីពីន ដូចគ្រូមីយ៉ាន់ម៉ានិយាយបានទេល្ងាចនេះ ?	( ភ្នំពេញ ) ៖ ជោគវាសនាក្រុមខ្លាំងប្រចាំពូល g នៃវគ្គជម្រុះពានរង្វាន់ afc u 19 championship 2018 លើទឹកដីកម្ពុជានឹងដឹងល្ងាចនេះហើយ ដោយក្រុមទាំង ៤ ត្រូវជួបគ្នាបង្ហើយកិច្ច ខណៈក្រុមម្ចាស់ផ្ទះ u 19 កម្ពុជា ត្រូវជួបក្រុមជម្រើសជាតិក្រោមអាយុ ១៩ ឆ្នាំហ្វីលីពីន ដែលជាការប្រកួតដ៏សំខាន់ ស្របពេលលោក chit naing ទើបដឹកនាំក្រុម u 19 មីយ៉ាន់ម៉ា យកឈ្នះហ្វីលីពីន ៦ - ០ កាលពីពេលថ្មីៗរំពឹងថា កម្ពុជានឹងមានសមត្ថភាពយកឈ្នះក្រុមយុវជនក្នុងតំបន់អាស៊ានដូចគ្នានេះ យ៉ាងតិចក៏ ៤ គ្រាប់ដែរ ។ កម្មវិធីប្រកួតល្ងាចនេះ ក្រុមមីយ៉ាន់ម៉ា ត្រូវជួបក្រុមកំពូលតារាង u 19 ចិន វេលាម៉ោង ៣ ៖ ៣០ នាទីរសៀល បន្ទាប់មកទើបក្រុមគោព្រៃជំទង់កម្ពុជា ប៉ះក្រុមបាតតារាង u 19 ហ្វីលីពីន ពោលគឺអាចនិយាយបានថា កម្ពុជាចាំអ៊ុតលទ្ធផលគូទី ១ ហើយអ្វីដែលកម្ពុជាចង់បាននោះ គឺចិន យកឈ្នះមីយ៉ាន់ម៉ា ឬក្រុមទាំងពីរស្មើគ្នា ដើម្បីផ្តល់ឱកាសឲ្យកម្ពុជាក្នុងការស្វែងរកកៅអីក្រុមលេខ ២ ល្អជាងគេ ក្នុងចំណោម ១០ ពូល ដើម្បីបានឡើងទៅលេងវគ្គ ១៦ ក្រុមចុងក្រោយ នាឆ្នាំ ២០១៨ ដែលឥណ្ឌូនេស៊ីធ្វើជាម្ចាស់ផ្ទះ ករណីកម្ពុជា ឈ្នះក្រុមភ្ញៀវហ្វីលីពីនល្ងាចនេះ ។ សម្រាប់ជំនួបរវាងក្រុមជម្រើសជាតិក្រោមអាយុ ១៩ ឆ្នាំកម្ពុជា និងហ្វីលីពីន គឺជាការប្រកួតមួយដ៏សំខាន់ ព្រោះអាចកំណត់ជោគវាសនាក្រុមម្ចាស់ផ្ទះកម្ពុជាបាន ពោលបើកម្ពុជាឈ្នះអាចមានសង្ឃឹមឡើងវគ្គបន្ត តែបើចាញ់ កម្ពុជាទំនងត្រូវហាលអាវដូច u 19 ហ្វីលពីនដែរ ។ តែយ៉ាងណាគ្រូបង្វឹកក្រុម u 19 កម្ពុជា លោក inoue kazunori ហាក់មិនសូវបារម្ភ ដូចកាលជួបចិន និងមីយ៉ាន់ម៉ាទេ ហើយលោកថែមសន្យា នឹងមិនធ្វេសប្រហែស ព្រោះលោកគិតថា ជ័យជម្នះមិនមែនចេះតែចង់បានៗនោះទេ ស្របពេលខ្សែការពារហ្វីលីពីន ក៏មានគុណភាពមិនធម្មតាដែរ ។ គួរបញ្ជាក់ថា មុនការប្រកួតបង្ហើយកិច្ចពូល g ថ្ងៃនេះ លទ្ធផលបណ្តោះអាសន្ន ក្រុម u 19 ចិន កំពុងឈរកំពូលតារាងមាន ៦ ពិន្ទុ ខណៈក្រុមម្ចាស់ផ្ទះកម្ពុជាមាន ៣ ពិន្ទុឈរលេខ ២ និងមីយ៉ាន់ម៉ាឈរលេខ ៣ មាន ៣ ពិន្ទុស្មើគ្នា បើគិតតាមរូបមន្តធ្លាប់ជួបគ្នា ( head to heat ) ។ ប៉ុន្តែក្រោយចប់ការប្រកួតល្ងាចនេះ លទ្ធផលអាចនឹងមានការប្រែប្រួល ដោយអាស្រ័យលើការកំណត់រូបមន្តប្រកួតផ្លូវការរបស់សហព័ន្ធកីឡាបាល់ទាត់អាស៊ី ( afc ) តែបើសិនចិន ឈ្នះមីយ៉ាន់ម៉ា ហើយកម្ពុជា ឈ្នះហ្វីលីពីនវិញ រូបមន្តងាយៗ គឺចិន ឈរកំពូលតារាងមាន ៩ ពិន្ទុ ហើយកម្ពុជា បន្តឈរលេខ ២ មាន ៦ ពិន្ទុ គ្រាន់តែមិនគិតពិន្ទុ ឬគ្រាប់បាល់ពេលប៉ះក្រុមបាត់តារាងហ្វីលីពីននោះទេ ៕
https://freshnewsasia.com/localnews/48301-	ព្រឹទ្ធសភា អនុម័តទាំងស្រុងលើ សេចក្តីស្នើវិសោធនកម្មច្បាប់ ស្តីពីគណបក្សនយោបាយ	( ភ្នំពេញ ) ៖ បន្ទាប់ពីបើកកិច្ចប្រជុំ រយៈពេលជាង ១ ម៉ោង នៅម៉ោង ៩ ៖ ១០ នាទីព្រឹកថ្ងៃទី ២៨ ខែកុម្ភៈ ឆ្នាំ ២០១៧ នេះ ព្រឹទ្ធសភានៃកម្ពុជា បានអនុម័តទាំងស្រុងហើយ លើសេចក្តីស្នើច្បាប់ វិសោធនកម្មច្បាប់ស្តីពីគណបក្សនយោបាយ ដោយសំឡេងសមាជិកព្រឹទ្ធសភា ៤៤ រូប ។ កិច្ចប្រជុំព្រឹទ្ធសភាវិសាមញ្ញ នៅព្រឹកមិញនេះ ត្រូវបានធ្វើឡើងក្រោមអធិបតីភាព សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ដោយមានសមាជិកព្រឹទ្ធសភាចូលរួមចំនួន ៤៤ រូប ក្នុងនោះ សមាជិកមកពីគណបក្សសមរង្ស៊ី មិនបានចូលរួមកិច្ចប្រជុំនេះឡើយ ។ សូមបញ្ជាក់ថា សេចក្តីស្នើវិសោធនកម្មច្បាប់ស្តីពីគណបក្សនយោបាយ ដែលស្នើដោយតំណាងរាស្ត្រ ៦០ រូប ត្រូវបានរដ្ឋសភា អនុម័តទាំងស្រុង ដោយសំឡេងសមាជិករដ្ឋសភា ៦៦ រូប នៅព្រឹកថ្ងៃទី ២០ ខែកុម្ភៈ ឆ្នាំ ២០១៧ បន្ទាប់ពីបើកកិច្ចប្រជុំវិសាមញ្ញអស់រយៈពេលជិត ២ ម៉ោង ។ ការរៀបចំសំណើសុំធ្វើវិសោធនកម្មច្បាប់នេះ បានធ្វើបន្ទាប់ពីមានការលើកឡើង ដោយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងកិច្ចប្រជុំសភាវិសាមញ្ញ កាលពីថ្ងៃទី ៣១ ខែមករា ឆ្នាំ ២០១៧ ។ មាត្រា ១៨ ថ្មី នៃសេចក្តីស្នើវិសោធនកម្មច្បាប់នេះ បានកំណត់ដោយសង្កត់ធ្ងន់ថា ៖ ប្រធាននិងអនុប្រធាន និងសមាសភាពនៃគណៈកម្មាធិការនាយក ឬគណៈកម្មាធិការអចិន្ត្រៃយ៍ ឬអង្គការសមមូលនឹងគណៈកម្មការទាំងពីរនេះ មិនត្រូវជាបុគ្គលដែលជាទណ្ឌិតជាប់ទោសដាក់ពន្ធនាគារពីបទឧក្រិដ្ឋ ឬបទមជ្ឈឹម ដោយគ្មានការព្យួរទោសឡើយ ៕
https://freshnewsasia.com/localnews/25829-	acu សម្រេចមិនទទួលយកពាក្យបណ្តឹង របស់ស្ត្រី ២ នាក់ម្តាយកូន ដែលចោទប្រកាន់ លោក កឹម សុខា លើករណីឆបោក	( ភ្នំពេញ ) ៖ បន្ទាប់ពីបើកកិច្ចពិភាក្សា នៅព្រឹកថ្ងៃទី ០៦ ខែមិថុនា ឆ្នាំ ២០១៦ នេះ លោកទេសរដ្ឋមន្ត្រី ឱម យ៉ិនទៀង បានសម្រេចមិនចាត់ការ និងមិនទទួលយកពាក្យបណ្តឹងរបស់ស្ត្រី ២ នាក់ម្តាយកូន ដែលបានមកប្តឹងអង្គភាពប្រឆាំងអំពើពុករលួយ អំពីករណីឆបោក និងរំលោភសេចក្តីទុកចិត្តរបស់ លោក កឹម សុខា ។ ស្ត្រី ២ នាក់ខាងលើបានអះអាងថា ជាប្រពន្ធចុង និងម្តាយក្មេក ( ចុង ) របស់លោក កឹម សុខា ប្រធានស្តីទីគណបក្សសង្គ្រោះជាតិ ។ នៅព្រឹកនេះពួកគេ បានទៅកាន់អង្គភាពប្រឆាំងអំពើពុករលួយ ដើម្បីផ្តល់ព័ត៌មានជូនលោកទេសរដ្ឋមន្ត្រី ឱម យ៉ិនទៀង ក្នុងនាមជាដើមបណ្តឹង ។ ស្ត្រី ២ នាក់ម្តាយ និងកូន ( កូនស្រីអះអាងថា ជាប្រពន្ធចុងលោក កឹម សុខា ) បានរៀបរាប់ប្រាប់ acu ថា លោក កឹម សុខា បានលួងលោមពួកគាត់ ឱ្យលក់ផ្ទះសម្បែង ហើយយកលុយឱ្យគាត់ធ្វើការងារបក្សដោយសន្យាផ្តល់សំណងមកវិញឱ្យសមរម ប៉ុន្តែបន្ទាប់ពីលក់ ស្ត្រី ២ នាក់ខាងលើ អះអាងថា មិនបានទទួលសំណងអ្វីទេពីលោក កឹម សុខា ។ ក្រោយពីស្តាប់ការរៀបរាប់របស់ស្ត្រីខាងលើ លោកទេសរដ្ឋមន្ត្រី ឱម យ៉ិនទៀង បានអះអាងថា ការលើកឡើងរបស់ស្ត្រី ២ នាក់ខាងលើ មិនមានពាក់ព័ន្ធទៅនឹងករណីពុករលួយទេ ប៉ុន្តែជាករណីព្រហ្មទណ្ឌផ្សេងដូចជា រំលោភលើសេចក្តីទុកចិត្ត និងបទល្មើសឆបោកជាដើម ។ លោកទេសរដ្ឋមន្ត្រី បានលើកយកច្បាប់អង្គភាពប្រឆាំងអំពើពុករលួយ មកបញ្ជាក់ថា ច្បាប់ប្រឆាំងអំពើពុករលួយ បានបញ្ជាក់ថា អង្គភាពប្រឆាំងអំពើពុករលួយ មិនអាចចាប់ផ្តើមស៊ើបអង្កេត លើករណីដែលមិនពាក់ព័ន្ធនឹងអំពើពុករលួយបានទេ លុះត្រាតែមានការអនុញ្ញាតពីតុលាការជាមុនសិន ។ សូមជំរាបថា អ្នកស្រី កែវ សុផាន់ណារី អាយុ ៤៤ ឆ្នាំ ដែលអះអាងថាជាប្រពន្ធចុងរបស់ លោក កឹម សុខា រហូតដល់មានកូន ២ នាក់ និងម្តាយរបស់គាត់ នាពេលកន្លងមក ធ្លាប់បានទៅទាមទារឱ្យ លោក កឹម សុខា ទទួលខុសត្រូវលើរូបគាត់រួចទៅហើយ កាលពីមុនការបោះឆ្នោតជាតិ ជ្រើសតាំងតំណាងរាស្ត្រ កាលពីឆ្នាំ ២០១៣ ហើយថែមទៀតធ្លាប់ទទួលរងការប្រើអំពើហិង្សា ពីសំណាក់អង្គរក្សរបស់លោក កឹម សុខា ផងដែរ ។ ប៉ុន្តែចំពោះករណីហិង្សានេះ ស្ត្រី ២ នាក់ម្តាយកូនបានដាក់ពាក្យបណ្តឹង ទៅតុលាការផងដែរ ។ លោក ឱម យ៉ិនទៀង បានអះអាងថា ចំពោះរឿងនេះកាលពីឆ្នាំ ២០១៤ តុលាការ បានចេញសេចក្តីសម្រេចមួយ លើកលែងការចោទប្រកាន់លើ លោក កឹម សុខា ក្រោមហេតុផលថា រកអ្នកប្រើហិង្សាលើអ្នកវ៉ៃស្ត្រី ២ នាក់ខាងលើមិនឃើញ ៕
https://freshnewsasia.com/localnews/92043-	សម្តេចតេជោ ហ៊ុន សែន ៖ យុទ្ធនាការឃោសនាបោះឆ្នោត នឹងបើកជាផ្លូវការនៅថ្ងៃស្អែក , គណបក្សប្រជាជនកម្ពុជា ក៏ប្រារព្ធខួបកំណើតលើកទី ៦៧ នៅថ្ងៃសៅរ៍ស្អែកនេះដែរ ( video inside )	( ភ្នំពេញ ) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានគណបក្សប្រជាជនកម្ពុជា នៅព្រឹកថ្ងៃទី ០៦ ខែកក្កដា ឆ្នាំ ២០១៨ នេះ បានបញ្ជាក់តាមរយៈ facebook ថា យុទ្ធនាការឃោសនាបោះឆ្នោត សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី ០៦ នឹងត្រូវបើកជាផ្លូវការនៅថ្ងៃសៅរ៍ ទី ០៧ ខែកក្កដា ឆ្នាំ ២០១៨ ស្អែកនេះ ។ សម្តេចតេជោ ហ៊ុន សែន បានបញ្ជាក់ទៀតថា ព្រមជាមួយនឹងថ្ងៃបើកយុទ្ធនាការឃោសនាបោះឆ្នោតនេះ គណបក្សប្រជាជនកម្ពុជា ក៏ប្រារព្ធខួបកំណើតលើកទី ៦៧ នៅថ្ងៃសៅរ៍ស្អែកនេះផងដែរ ។ សម្តេចតេជោប្រមុខរាជរដ្ឋាភិបាល ក៏បានបង្ហាញនូវក្តីសប្បាយរីករាយ ចំពោះបងប្អូនជនរួមជាតិ ដែលបាននិងកំពុងរង់ចាំព្រឹត្តិការណ៍ដ៏សំខាន់ គឺការបោះឆ្នោតជ្រើសតាំងតំណាងរាស្ត្រ ដែលនឹងចូលមកដល់នៅពេលដ៏ខ្លីខាងមុខនេះ ។ សម្តេចសូមលើកទឹកចិត្តឲ្យបងប្អូនជនរួមជាតិ ទៅបោះឆ្នោតឲ្យបានគ្រប់ៗគ្នា នៅថ្ងៃទី ២៩ ខែកក្កដា ឆ្នាំ ២០១៨ ហើយជម្រើសដ៏ល្អបំផុត គឺបោះឆ្នោតជូនគណបក្សប្រជាជនកម្ពុជា លេខរៀងទី ២០ ។ សម្តេចតេជោ ហ៊ុន សែន បានសរសេរក្នុង facebook របស់សម្តេចយ៉ាងដូច្នេះថា « សុខសប្បាយជាទេ បងប្អូនជនរួមជាតិនិងក្មួយៗយុវជនយុវតី ? ថ្ងៃបើកយុទ្ធនាការឃោសនាបោះឆ្នោតផ្លូវការ គឺនឹងមកដល់នៅថ្ងៃសៅរ៍ទី ៧ កក្កដានេះហើយ ។ រីឯចំពោះគណបក្សប្រជាជនយើងវិញ ការប្រារព្ធខួបកំណើតបក្សលើកទី ៦៧ ក៏នឹងប្រារព្ធធ្វើនៅថ្ងៃសៅរ៍ខាងមុខនេះដែរ ។ តើបងប្អូនបានរៀបចំ និងត្រៀមខ្លួនហើយឬនៅ ? ខ្ញុំរំភើបនឹងសប្បាយរីករាយជាខ្លាំង ដែលបានឃើញជនរួមជាតិ និងក្មួយៗសស្រាក់សស្រាំគ្រប់ៗគ្នា ចាប់តាំងពីទីក្រុងដល់ជនបទ ដោយទឹកមុខសប្បាយរីករាយរង់ចាំថ្ងៃដ៏សំខាន់បំផុត សម្រាប់ប្រទេសជាតិ ដែលនឹងមកដល់ឆាប់ៗក្នុងខែកក្កដានេះ ។ ខ្ញុំសូមលើកទឹកចិត្តបងប្អូន ទៅបោះឆ្នោតអោយបានគ្រប់ៗគ្នា ដើម្បីប្រទេសជាតិយើងទាំងអស់គ្នា ។ ជម្រើសដ៏ល្អបំផុត គឺសូមបងប្អូនបោះឆ្នោតឲ្យ គណបក្សប្រជាជនកម្ពុជា លេខរៀងទី ២០ នៅថ្ងៃបោះឆ្នោត ២៩ កក្កដា ២០១៨ ខាងមុខនេះ ។ សូមជូនពរជនរួមជាតិ និងក្មួយៗយុវជនយុវតីជួបតែសេចក្តីសុខ និងសំណាងល្អគ្រប់ៗគ្នា » ។ សូមជម្រាបថា យុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី ០៦ ឆ្នាំ ២០១៨ មានរយៈពេល ២០ ថ្ងៃ ចាប់ពីថ្ងៃទី ០៧ ដល់ ២៧ ខែកក្កដា ឆ្នាំ ២០១៨ ។ សម្រាប់ការបោះឆ្នោតនេះមានគណបក្សនយោបាយចំនួន ២០ គណបក្សចូលរួមប្រកួតប្រជែង ៕
https://freshnewsasia.com/localnews/45875-	ប៉ូលិសត្រួតពិនិត្យអ្នកបើកបរស្រវឹងស្រាយប់ថ្ងៃទី ៣០ ខែមករា ៖ អ្នកស្រវឹងល្មើសច្បាប់ចំនួន ៦ នាក់ មិនមានឃាត់ខ្លួនទេ !	( ភ្នំពេញ ) ៖ នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បានបញ្ជាក់ឲ្យដឹងថា កម្លាំងនគរបាលអនុវត្ត ច្បាប់ចរាចរណ៍បានត្រួតពិនិត្យអ្នកបើកបរ មានជាតិស្រវឹងទូទាំងប្រទេសនៅយប់ថ្ងៃទី ៣០ ខែមករា ឆ្នាំ ២០១៧ ចាប់ពីម៉ោង ១១ ដល់ ៣ រំលងអាធ្រាត ៖ * អ្នកបើកបរមានជាតិស្រវឹង ៦ នាក់ ស្រវឹងដល់កម្រិតផាកពិន័យ * ធ្វើការអប់រំ ៥ នាក់ មានអ្នកបើកបររថយន្ត ២ នាក់ និងម៉ូតូ ៣ នាក់ * ពិន័យ ១ នាក់ មានអ្នកបើកបរម៉ូតូ * ឃាត់ខ្លួនគ្មាន ប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ លោកឧត្តមសេនីយ៍ឯក រុន រ័ត្នវាសនា បានអំពាវនាវឲ្យអ្នកបើកបរទាំងអស់ សូមកុំសេពគ្រឿងស្រវឹង ជៀសវាងការបង្កគ្រោះថ្នាក់ចរាចរណ៍ ប៉ះពាល់ដល់អាយុជីវិតខ្លួនឯង និងអ្នកដទៃ ៕
https://freshnewsasia.com/localnews/32136-	អភិបាលខេត្តកំពង់ស្ពឺ ចុះសួរសុខទុក្ខអណាព្យាបាលសិស្ស មកប្រឡងបាក់ឌុប និងផ្តល់កន្លែងស្នាក់នៅ ដោយឥតគិតថ្លៃ	( កំពង់ស្ពឺ ) ៖ អភិបាលខេត្តកំពង់ស្ពឺ លោក វ៉ី សំណាង នៅព្រឹកថ្ងៃទី ២៣ ខែសីហា ឆ្នាំ ២០១៦ នេះ បានធ្វើដំណើរចុះសួរសុខទុក្ខដោយផ្ទាល់ ជាមួយអណាព្យាបាលសិស្សមកប្រឡងបាក់ឌុប នាតាមបណ្ឌលប្រឡងទាំងអស់ នៅទីរួមខេត្តកំពង់ស្ពឺ ។ សូមបញ្ជាក់ថា លោកអភិបាលខេត្តកំពង់ស្ពឺ បានចេញសេចក្តីជូនដំណឹង ដោយមានកិច្ចសហការរវាងស្ថាប័ន និងមន្ទីរពាក់ព័ន្ធផ្តល់ទីកន្លែងស្នាក់នៅដោយឥតគិតថ្លៃ ជូនអណាព្យាបាល និងសិស្សដែលមកនៅតំបន់ឆ្ងាយៗ ហើយមកប្រឡងនៅទីរួមខេត្តកំពង់ស្ពឺ ។ ជាមួយគ្នានេះ លោក វ៉ី សំណាង បានអញ្ជើញបើកវិញ្ញាសាប្រឡង ទុតិយភូមិថ្ងៃទី ២ នាព្រឹកថ្ងៃទី ២៣ ខែសីហាឆ្នាំ ២០១៦ នេះ នៅមណ្ឌលអនុវិទ្យាទីរួមខេត្តហៅតាំងទន្លេ ស្ថិតក្នុងភូមិតាំងទន្លេ សង្កាត់រកាធំ ក្រុងច្បារមន ខេត្តកំពង់ស្ពឺ ។ លោកអភិបាលខេត្តបានផ្តាំផ្ញើដល់ មន្ត្រីលោកគ្រូ អ្នកគ្រូ ជាគណៈកម្មាធិការមេប្រយោគ ក្នុងពេលបើកវិញ្ញាសាថា ត្រូវមើលការខុសត្រូវដោយឈលើស្មារតី ទទួលខុសត្រូវខ្ពស់ មិនត្រូវឲ្យមានបែកធ្លាយ នៅវិញ្ញាសា ឬប្រើប្រាស់អប្បកិរិយាមិនសមរម្យដល់សិស្សជាបេក្ខជនដែរ ។ នៅពេលចុះសួរសុខទុក្ខ លោក វ៉ី សំណាង អភិបាលខេត្តបានផ្តាំផ្ញើដល់ប្អូនៗថា ឆ្នាំនេះសូមឲ្យប្អូនប្រឡងដោយ យកចិត្តទុកដាក់ ធ្វើវិញ្ញសាឲ្យពេញម៉ោងមិនត្រូវធ្វេសប្រហែសក្នុងពេលធ្វើសំណួរ ។ សូមបញ្ជាក់ថា ខេត្តកំពង់ស្ពឺ មានមណ្ឌលប្រឡងចំនួន ០៩ កន្លែងស្មើ ៣២ បន្ទប់ ៕
https://freshnewsasia.com/localnews/24033-	ស្លាប់ ៦ នាក់ រងរបួសធ្ងន់ស្រាល ១៥ នាក់ ក្នុងគ្រោះថ្នាក់ចរាចរណ៍ ទូទាំងប្រទេសថ្ងៃទី ១១ ខែឧសភាម្សិលមិញ	( ភ្នំពេញ ) ៖ នៅថ្ងៃទី ១១ ខែឧសភា ឆ្នាំ ២០១៦ ម្សិលមិញ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៨ លើក ( យប់ ២ លើក ) បណ្តាលឲ្យមនុស្សស្លាប់ ៦ នាក់ រងរបួសធ្ងន់ ១២ នាក់ និងរបួសស្រាល ៣ នាក់ នេះបើតាមការចុះផ្សាយរបស់គេហទំព័រ អគ្គស្នងការនគរបាលជាតិ ។ ប្រភពព័ត៌មានដដែលបញ្ជាក់ថា នៅក្នុងហេតុការណ៍គ្រោះថ្នាក់ចរាចរណ៍ ៨ លើកនេះ បណ្តាលឲ្យខូចខាតយានយន្តសរុបចំនួន ១៤ គ្រឿង រួមមានម៉ូតូចំនួន ៧ គ្រឿង រថយន្តធុនតូចចំនួន ៥ គ្រឿង រថយន្តធុនធំចំនួន ១ គ្រឿង យានផ្សេងៗ ១ គ្រឿង និងអ្នកថ្មើរជើងម្នាក់ ហើយមូលហេតុដែលបណ្តាល ឲ្យកើតមានករណីគ្រោះថ្នាក់ចរាចរណ៍ រួមមានល្មើសល្បឿន ៤ លើក ( ស្លាប់ ៣ នាក់ ) , មិនប្រកាន់ស្តាំ ៣ លើក ( ស្លាប់ ៣ នាក់ ) និងមិនគោរពសិទ្ធិ ១ លើក ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៧ នាក់ ( យប់ ៤ នាក់ ) ។ ជាមួយគ្នានេះ នៅថ្ងៃទី ១១ ខែឧសភា ឆ្នាំ ២០១៦ ម្សិលមិញ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែល្មើសសរុបទូទាំងប្រទេសមាន ចំនួន ៥៤៦៩ គ្រឿង ក្នុងនោះបានធ្វើការអប់រំចំនួន ២២២១ គ្រឿង និងពិន័យសរុប ៣២៤៨ គ្រឿង ៕
https://freshnewsasia.com/localnews/29411-	កម្លាំងនគរបាលខណ្ឌជ្រោយចង្វារ បង្ក្រាបគ្រឿងញៀនឃាត់ខ្លួន ៩ នាក់ ដកហូតថ្នាំញៀន ៣ កញ្ចប់ និងម៉ូតូ ៥ គ្រឿង	( ភ្នំពេញ ) ៖ ជនសង្ស័យ ៩ នាក់ត្រូវបានកម្លាំង នគរបាលខណ្ឌជ្រោយចង្វារបង្ក្រាប និងឃាត់ខ្លួនជាបន្តបន្ទាប់ ដោយដកហូតបានថ្នាំញៀន ៣ កញ្ចប់និងម៉ូតូ ៥ គ្រឿង នៅវេលាម៉ោង ១២ ៖ ៣០ នាទីយប់ ឈានចូលថ្ងៃទី ២១ ខែកក្កដា ឆ្នាំ ២០១៦ នៅចំណុចតាមបណ្តោយ ផ្លូវជាតិលេខ ៦ ស្ថិតក្នុងព្រែកលៀប សង្កាត់ព្រែកលៀប ខណ្ឌជ្រោយចង្វារ ។ លោកវរសេនីយ៍ត្រី ឯក សេរីវុធ អធិការរងនគរបាលយុត្តិធម៌ ខណ្ឌជ្រោយចង្វារ បានបញ្ជាក់ថា ខណៈកម្លាំងនគរបាលយើងបានសហការបន្តដាក់ គោលដៅក្នុងភូមិសាស្ត្រខណ្ឌ ទាំងមូលដើម្បីយាមល្បាត ក៏ប្រទះឃើញ យុវជនទាំង ៩ នាក់ជិះ ម៉ូតូ ៥ គ្រឿង ដោយគួរសង្ស័យទើបឃាត់ដើម្បីត្រួតពិនិត្យជាបន្តបន្ទាប់ បានរកឃើញថ្នាំញៀនជាប្រភេទ ម៉ាទឹកកកចំនួន ៣ កញ្ចប់ ដែលជនទាំងនេះបានលាក់ទុក នូវនិងខ្លួនបម្រុង យកទៅប្រើប្រាស់ ។ លោក ឯក សេរីវុធ បានបញ្ជាក់ទៀតថា បន្ទាប់ពីឃាត់ខ្លួនសួ រនាំជាបន្តបន្ទាប់ ជនត្រូវសង្ស័យទាំង ៩ នាក់ បានឆ្លើយសារ ភាពប្រាប់ស មត្ថកិច្ចថា ពួកគេបានទិញគ្រឿងញៀននេះ ដើម្បីយកទៅជក់រួមជាមួយគ្នា ។ ជាមួយគ្នានោះ កម្លាំងនគរបាលយើង បានធ្វើការដកហូតម៉ូតូចំនួន ៥ គ្រឿង ដែលជ នទាំងនេះ ជិះធ្វើសកម្មភាពផងដែរ ។ លោក ឯក សេរីវុធ បានបន្ថែមថា ជនត្រូវសង្ស័យ ៖ ឈ្មោះ អ៊ុន សុធារ័ត្ន ភេទប្រុស អាយុ ២០ ឆ្នាំ មានមុខរបរបើករថយ ន្តដឹកឥដ្ឋ ទី ២ - ឈ្មោះ យ៉ុន សីហា ភេទប្រុស អាយុ ២៥ ឆ្នាំ មានមុខរបរកម្មករឡឥដ្ឋ ទី ៣ - ឈ្មោះ សុខ ខា ភេទប្រុស អាយុ ១៧ ឆ្នាំ មានមុខរបរកម្មករសំណង់ ទី ៤ - ឈ្មោះ គង់ វិចា ភេទប្រុស អាយុ ១៨ ឆ្នាំ មានមុខរបរកម្មករសំណង់ ទី ៥ - ឈ្មោះ យឹម វុទ្ធី ភេទប្រុស អាយុ ២៤ ឆ្នាំ មានមុខរបរជាង ដេរពូក ទី ៦ - ឈ្មោះ ពៅ ដារូ ភេទប្រុស អាយុ ១៧ ឆ្នាំ មាន មុខរបរជាងតោន ទី ៧ - ឈ្មោះ កែវ រ៉ា ភេទប្រុស អាយុ ១៤ ឆ្នាំ មានមុខរបរជាសិស្ស ទី ៨ - ឈ្មោះ កែវ រិទ្ធ ភេទប្រុស អា យុ ១៧ ឆ្នាំ មានមុខរបរមិនពិតប្រាកដ ទី ៩ - ឈ្មោះ អៀង ដាំងសឺត ភេទប្រុស អាយុ ១៧ ឆ្នាំ មានមុខរបរមិនពិតប្រាក ប្រាកដ ។ លោក ឯក សេរីវុធ បានបន្ថែមទៀតថា បច្ចុប្បន្ន ជនសង្ស័យ ទាំង ៩ នាក់រួមជាមួយវត្ថុតាង បាននិងកំពុងបន្តសាកសួរនៅ អធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿ ងចាត់ការតាមនិតិវិធី ៕
https://freshnewsasia.com/localnews/103810-	ព្រឹកថ្ងៃនេះសម្តេចតេជោ ហ៊ុន សែន អញ្ជើញជាអធិបតីបើកសន្និសីទអន្តរជាតិថ្នាក់តំបន់ស្តីពី « ការប្រយុទ្ធប្រឆាំងឱសថក្លែងក្លាយ និងអន់គុណភាព »	( ភ្នំពេញ ) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អញ្ជើញជាអធិបតីបើកសន្និសីទអន្តរជាតិថ្នាក់តំបន់ស្តីពី « ការប្រយុទ្ធប្រឆាំងឱសថក្លែងក្លាយ និងអន់គុណភាព » ដែលប្រារព្ធធ្វើឡើងនៅព្រឹកថ្ងៃចន្ទ ទី ០៥ ខែវិច្ឆិកា ឆ្នាំ ២០១៨ នេះ នៅសណ្ឋាគារសូហ្វីតែលភូគីត្រា ។ សន្និសីទអន្តរជាតិថ្នាក់តំបន់ជាលើកដំបូងស្តីពី « ការប្រយុទ្ធប្រឆាំងឱសថក្លែងក្លាយ និងអន់គុណភាព » ត្រូវបានបង្កើតឡើងបន្ទាប់ពីមានការផ្តួចផ្តើមគំនិតរវាងសម្តេចតេជោ ហ៊ុន សែន និងលោក ហ្សង់ ឡឺវីត ប្រធានក្រុមប្រឹក្សាភិបាល នៃវិទ្យាស្ថានស្រាវជ្រាវប្រឆាំងឱសថក្លែងក្លាយរបស់ប្រទេសបារាំងកាលពីឆ្នាំ ២០១៦ កន្លងទៅនេះ ។ សន្និសីទនេះ នឹងធ្វើឡើងរយៈពេលពីរថ្ងៃចាប់ពីថ្ងៃទី ០៥ - ០៦ ខែវិច្ឆិកា ដោយមានការអញ្ជើញចូលរួមពីមន្ត្រីពាក់ព័ន្ធនៃប្រទេសបារាំង ប្រទេសតំបន់ទន្លេមេគង្គរួមមាន កម្ពុជា ឡាវ មីយ៉ាន់ ថៃ និងវៀតណាម រួមនិងចិន ព្រមទាំងអង្គការអន្តរជាតិចំនួន ២០ ផ្សេងទៀត ។ សន្និសីទនេះធ្វើឡើង ដើម្បីរិះរកនូវយន្តការផ្សេងៗ ដើម្បីរួមចំណែកក្នុងការប្រយុទ្ធប្រឆាំង និងទប់ស្កាត់ចំពោះការចរាចរណ៍ឱសថក្លែងក្លាយ និងអន់គុណភាព ដែលជាបញ្ហាដ៏បារម្ភមួយសម្រាប់ប្រទេសកម្ពុជា និងប្រទេសក្នុងតំបន់ទន្លេមេគង្គដទៃទៀត ។ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានលើកឡើងថា ឱសថក្លែងក្លាយ និងអន់គុណភាព បានបង្កើតជាបញ្ហាសុខភាពសាធារណៈ សម្រាប់បណ្តាប្រទេសនានាលើសកលលោក និងនៅក្នុងតំបន់ ដែលទាមទារនូវការដោះស្រាយរួមគ្នា ដើម្បីទប់ស្កាត់នូវហានិភ័យសុខភាពដល់ប្រជាពលរដ្ឋ ។ លោករដ្ឋមន្ត្រី បានប្រាប់អង្គភាពព័ត៌មាន fresh news ឲ្យដឹងថា ក្រសួងសុខាភិបាលបានសហការជាមួយគណៈកម្មការប្រយុទ្ធប្រឆាំងផលិតផលក្លែងក្លាយ រៀបចំសន្និសីទអន្តរជាតិថ្នាក់តំបន់ស្តីពី « ការប្រយុទ្ធប្រឆាំងឱសថក្លែងក្លាយ និងអន់គុណភាព » នេះឡើងជាការបង្ហាញនូវការយកចិត្តទុកដាក់ខ្ពស់បន្ថែមទៀតរបស់រាជរដ្ឋាភិបាលកម្ពុជា លើកិច្ចខិតខំប្រឹងប្រែងប្រយុទ្ធប្រឆាំងឱសថក្លែងក្លាយ និងឱសថអន់គុណភាពនៅក្នុងតំបន់ និងនៅក្នុងប្រទេស សំដៅរក្សាសុវត្ថិភាពនៃការប្រើប្រាស់ផលិតផលឱសថជូនប្រជាជន ។ លោក ម៉ម ប៊ុនហេង ក៏បានបញ្ជាក់ផងដែរថា រាជរដ្ឋាភិបាលបានដាក់ចេញនូវយន្តការជាច្រើន ដើម្បីគ្រប់គ្រង ត្រួតពិនិត្យ ប្រយុទ្ធប្រឆាំងឱសថក្លែងក្លាយ និងអន់គុណភាពនៅក្នុងប្រទេសស ។ យន្តការទាំងនោះរួមមាន ៖ ១ . បង្កើតច្បាប់ស្តីពីការគ្រប់គ្រងឱសថ នៅថ្ងៃទី ១៧ ខែមិថុនា ឆ្នាំ ១៩៩៦ និងវិសោធនកម្មច្បាប់នេះនៅថ្ងៃទី ២៨ ខែធ្នូ ឆ្នាំ ២០០៧ ។ ២ . ការត្រួតពិនិត្យលើការផលិតក្នុងស្រុក ការនាំចូល និងចែកចាយឱសថ ដោយតម្រូវឲ្យមានការចុះបញ្ជិកាឱសថគ្រប់ប្រភេទទាំងឱសថសម័យនិងបុរាណរួមទាំងឱសថបំប៉នសុខភាពផង ទៅតាមច្បាប់គ្រប់គ្រងឱសថ និងគោលការណ៍អនុវត្តរបស់អាស៊ាន ។ ៣ . ការចុះត្រួតពិនិត្យជាប្រចាំនៅតាមឃ្លាំងឱសថ រោងចក្រផលិតឱសថ ឱសថស្ថាន ឬទីតាំងលក់ផលិតផលឱសថនានា ព្រមទាំងចាត់វិធានការតាមច្បាប់ជាធរមាន ។ ៤ . ការចុះធ្វើការស្រាវជ្រាវ និងវិភាគគុណភាពផលិតផលឱសថលើទីផ្សារជាប្រចាំ ដោយមានកិច្ចសហការជិតស្និទ្ធជាមួយអង្គការអន្តរជាតិដៃគូ ។ ៥ . ការបង្កើតមណ្ឌលព័ត៌មានឱសថកម្ពុជា ដែលជាសមាជិកពេញសិទ្ធិរបស់មជ្ឈមណ្ឌលសហប្រតិបត្តិការអង្គការសុខភាពពិភពលោក ក្នុងការតាមដានសុវត្ថិភាពឱសថ ( adr monitoring ) ដែលមានទីតាំងនៅទីក្រុង uppsala នៃប្រទេសស៊ុយអែត ដើម្បីទទួល និងបញ្ជូនព័ត៌មានឱសថដែលត្រូវបានរកឃើញថា មានផលប៉ះពាល់សុខភាព ឬបង្កគ្រោះថ្នាក់ដល់អាយុជីវិតមនុស្ស ។ ៦ . ការបង្ក្រាបកន្លែងផលិត និងស្តុកទុកគ្រឿងសម្អាងគ្មានច្បាប់អនុញ្ញាតពីក្រសួងសុខាភិបាល ។ ៧ . ទន្ទឹមនឹងការរីកចម្រើនយ៉ាងឆាប់រហ័សផ្នែកបច្ចេកវិទ្យាព័ត៌មាននៅកម្ពុជា យើងបានជួបប្រទះនូវការលក់ផលិតផលតាម online ដែលមួយចំនួនជាផលិតផលគ្មានប្រភពច្បាស់លាស់ និងគ្មានការទទួលស្គាល់ពីក្រសួងសុខាភិបាល ដែលអាចបង្កគ្រោះថ្នាក់ដល់សុខភាពប្រជាពលរដ្ឋ ដែលក្រសួងកំពុងតែខិតខំលុបបំបាត់ ។ ៨ . ការលើកកម្ពស់ការយល់ដឹងរបស់ប្រជាពលរដ្ឋ ជាកិច្ចការចាំបាច់ដែលបានអនុវត្ត និងត្រូវធ្វើបន្ថែមទៀត ដើម្បីកាត់បន្ថយ និងឈានទៅលុបបំបាត់នូវការប្រើប្រាស់ផលិតផលឱសថក្លែងក្លាយ និងអន់គុណភាព ។ ៩ . ពង្រឹង និងពង្រីកកិច្ចសហប្រតិបត្តិការក្នុងតំបន់ និងអន្តរជាតិ ដើម្បីលុបបំបាត់ឱសថក្លែងក្លាយ និងអន់គុណភាព ៕
https://freshnewsasia.com/localnews/50663-	គោរពច្បាប់ចរាចរណ៍ បើកបរត្រឡប់មកផ្ទះវិញ ដោយសុវត្ថិភាព ! ស្លាប់ម្នាក់ និងរបួស ១៣ នាក់ ក្នុងគ្រោះថ្នាក់ចរាចរណ៍ទូទាំងប្រទេស ថ្ងៃម្សិលមិញ	( ភ្នំពេញ ) ៖ យោងតាមរបាយការណ៍ ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី ២៤ ខែមីនា ឆ្នាំ ២០១៧ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៧ លើក បណ្តាលឲ្យមនុស្សស្លាប់ម្នាក់ និង ១៣ នាក់របួសធ្ងន់ស្រាល ។ ប្រភពព័ត៌មានដដែលបញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍ ៧ លើកនេះ បណ្តាលឲ្យខូតខាតម៉ូតូ ចំនួន ៩ គ្រឿង រថយន្តធុនតូចចំនួន ៣ គ្រឿង ហើយមូលហេតុដែលបណ្តាលឲ្យកើត មានគ្រោះថ្នាក់ចរាចរណ៍ រួមមានល្មើសល្បឿន , ប្រជែង , មិនប្រកាន់ស្តាំ , បត់គ្រោះថ្នាក់ , ស្រវឹង , កត្តាយានយន្ត ។ សូមបញ្ជាក់ថា រយៈពេល ២៤ ថ្ងៃ ចាប់ពីថ្ងៃទី ០១ រហូតដល់ថ្ងៃទី ២៤ ខែមីនា ឆ្នាំ ២០១៧ មានករណីគ្រោះថ្នាក់ចរាចរណ៍កើតឡើង ចំនួន ២៣៧ លើក បណ្តាលឲ្យស្លាប់ ១១៨ នាក់ របួសធ្ងន់ចំនួន ២១៩ នាក់ និងរងរបួសស្រាលចំនួន ១១១ នាក់ ៕
https://freshnewsasia.com/localnews/82092-	តម្លៃប្រេងឥន្ធនៈត្រូវលក់រាយតាមស្ថានីយ ចាប់ពីថ្ងៃនេះ ដល់ថ្ងៃទី ០១ ខែមេសា ៖ សាំងធម្មតាលក់មិនឲ្យលើសពី ៣ , ៨៥០ រៀល និងម៉ាស៊ូត ៣ , ៦០០ រៀលក្នុង ១ លីត្រ	( ភ្នំពេញ ) ៖ ក្រសួងពាណិជ្ជកម្ម បានចេញសេចក្តីប្រកាសព័ត៌មានមួយ ស្តីពីការកំណត់ថ្លៃលក់រាយប្រេងឥន្ទនៈ នៅតាមស្ថានីយទាំងអស់ ដែលតម្លៃសាំងធម្មតាត្រូវលក់មិនឲ្យលើសពី ៣ , ៨៥០ រៀល ក្នុង ១ លីត្រ និងម៉ាស៊ូត ត្រូវលក់មិនឲ្យលើសពីថ្លៃ ៣ , ៦០០ រៀល ក្នុង ១ លីត្រ ដែលតម្លៃនេះ ចាប់អនុវត្តន៍ពីថ្ងៃនេះ ដល់ថ្ងៃទី ០១ ខែមេសា ឆ្នាំ ២០១៨ ៕ ព័ត៌មានលម្អិត សូមអានសេចក្តីជូនដំណឹង របស់ក្រសួងពាណិជ្ជកម្មទាំងស្រុង ៖
https://freshnewsasia.com/localnews/18766-	លោក ហ៊ុន ម៉ានី ជាប់ឆ្នោតជាប្រធានថ្មី នៃក្រុមប្រឹក្សាយុវជនអាស៊ី	( ភ្នំពេញ ) ៖ ជាជោគជ័យថ្មីមួយទៀតដែល លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ត្រូវបានគណៈកម្មាធិការប្រតិបត្តិ របស់ក្រុមប្រឹក្សាបោះឆ្នោត ជ្រើសតាំងជាប្រធានថ្មីនៃក្រុមប្រឹក្សាយុវជនអាស៊ី កាលពីយប់ថ្ងៃទី ២៥ ខែកុម្ភៈ ឆ្នាំ ២០១៦ ។ នេះបើតាមការគូសបញ្ជាក់របស់ លោក គីម រិទ្ធី អនុប្រធានសហភាពសហព័ន្ធយុវជនកម្ពុជា ដែលបានថ្លែងក្នុងឱកាសបើកវេទិកាយុវជនអាស៊ី នាព្រឹកថ្ងៃទី ២៦ ខែកុម្ភៈ ឆ្នាំ ២០១៦ នេះ ។ នៅមុនភាពជោគជ័យនៃការទទួលបានតំណែងប្រធានអង្គការយុវជនកម្រិតតំបន់នេះ លោក ហ៊ុន ម៉ានី ក្នុងនាមប្រធានសហភាព សហព័ន្ធយុវជនកម្ពុជា ទើបទទួលបានពានរង្វាន់អន្តរជាតិមួយ គឺពានរង្វាន់សន្តិភាព gusi ដែលមានមូលដ្ឋាននៅទីក្រុងម៉ានីល ប្រទេសហ្វីលីពីន ចំពោះការខិតខំប្រឹងប្រែងរបស់ លោក ហ៊ុន ម៉ានី ក្នុងការងារពាក់ព័ន្ធការថែរក្សាសន្តិភាពសកល ភាពជាអ្នកដឹកនាំយុវជនសកល ការងារមនុស្សធម៌ និងការងារអភិរក្សសម្បត្តិបេតិកភណ្ឌវប្បធម៌ ។ សូមបញ្ជាក់ថា ក្រុមប្រឹក្សាយុវជនអាស៊ី ( ayc ) គឺជាអង្គការយុវជនតំបន់ក្រៅរដ្ឋាភិបាល ដែលត្រូវបានបង្កើតឡើងកាលពីថ្ងៃទី ១៤ ខែសីហា ឆ្នាំ ១៩៧២ ក្នុងគោលបំណងផ្តល់វេទិការួមមួយដល់ថ្នាក់ដឹកនាំយុវជន និងយុវជនអាស៊ី ដែលមានគោលបំណងដូចគ្នាក្នុងការអភិវឌ្ឍសេដ្ឋកិច្ច និង សង្គម ។ សមាជិកភាពរបស់ក្រុមប្រឹក្សាយុវជនអាស៊ី រួមមានអង្គការយុវជនជាតិ ដែលទទួលស្គាល់ដោយរដ្ឋាភិបាលរបស់ខ្លួន ។ ក្រុមប្រឹក្សាយុវជនអាស៊ី តែងតែរៀបចំនូវសន្និបាតប្រចាំឆ្នាំរបស់ខ្លួនជារៀងរាល់ឆ្នាំ ហើយនៅឆ្នាំ ២០១៦ នេះ សន្និបាតប្រចាំឆ្នាំរបស់ ក្រុមប្រឹក្សាយុវជនអាស៊ី ត្រូវបានរៀបចំឡើងនៅព្រះរាជាណាចក្រកម្ពុជា ៕
https://freshnewsasia.com/localnews/73839-	ក្រសួងទេសចរណ៍ ៖ អាជីវករ និងប្រតិបត្តិករទេសចរណ៍ ត្រូវពង្រឹងគុណភាពផលិតផល និងសេវាកម្ម ក្នុងឱកាសឆ្លងឆ្នាំសកល ២០១៨	( ភ្នំពេញ ) ៖ ក្រសួងទេសចរណ៍ នាថ្ងៃទី ១៩ ខែធ្នូ ឆ្នាំ ២០១៧ នេះ បានចេញសារាចរណែនាំដល់អាជ្ញាធរពាក់ព័ន្ធ ត្រូវចុះផ្សព្វផ្សាយដល់អាជីវករ និងប្រតិបត្តិករទេសចរណ៍ ជុំវិញការពង្រឹងគុណភាពផលិតផល និងសេវាកម្មទេសចរណ៍របស់ខ្លួន ក្នុងឱកាសឆ្លងឆ្នាំសកល ២០១៧ ចូល ២០១៨ ។ ក្នុងសារាចរណែនាំដដែល ក្រសួងទេសចរណ៍បានបញ្ជាក់ថា « ត្រូវបញ្ឈប់ការបោះចោលសំរាម ឬក្រដាសជូតមាត់ក្រោមតុ ដោយត្រូវជំនួសវិញនូវកន្សែងត្រជាក់ ឬម្ចាស់ហាងត្រូវចាត់មនុស្ស ដើម្បីចាប់យកសំរាមដែលគេបោះចោលដាក់ក្នុងធុង » ៕ សូមអានខ្លឹមសារក្នុងសារាចរណែនាំរបស់ក្រសួងទេសចរណ៍ដូចខាងក្រោម ៖
https://freshnewsasia.com/localnews/63972-	ក្រសួងទេសចរណ៍ បន្តវាយតម្លៃសមត្ថភាពយុវជនកំពុងបម្រើការផ្នែកឆុងកាហ្វេ ឲ្យស្របតាមស្តង់ដាសមត្ថភាពអាស៊ាន	( ភ្នំពេញ ) ៖ ក្រសួងទេសចរណ៍ នាថ្ងៃទី ២៨ ខែសីហា ឆ្នាំ ២០១៧ នេះ បានសហការជាមួយក្រុមហ៊ុន kofi រៀបចំវាយតម្លៃសមត្ថភាពយុវជន ដែលកំពុងបម្រើការងារតាមភោជនីយដ្ឋាន ហាងកាហ្វេ ឬសណ្ឋាគារ ដែលមានជំនាញឆុងកាហ្វេ ( barista ) ដើម្បីលើកកម្ពស់ជំនាញទេសចរណ៍ និងផ្តល់ការតម្រង់ទិសលើការអភិវឌ្ឍជំនាញបន្ថែម ។ ការវាយតម្លៃបានប្រព្រឹត្តទៅដោយមានពីរវិញ្ញាសា គឺវិញ្ញាសាសរសេរ រយៈពេល ១ ម៉ោង និងវិញ្ញាសាអនុវត្តជាក់ស្តែង រយៈពេល ១៥ នាទី មានយុវជន ៣៦ នាក់ ( វគ្គទី ១ ) នៅទីស្នាក់ការគណៈកម្មាធិការជាតិអូឡាំពិកកម្ពុជា និងការិយាល័យក្រុមហ៊ុនខូហ្វី ។ នីតិវិធី និងវិធីសាស្ត្រវាយតម្លៃនេះស្របតាមយន្តការវាយតម្លៃជាតិ និងអាស៊ាន ហើយអ្នកវាយតម្លៃក៏បានទទួលការបណ្តុះបណ្តាល ពីលេខាធិការដ្ឋានអាស៊ានផងដែរ ។ ជ័យលាភីនឹងទទួលបានវិញ្ញាបនបត្របញ្ជាក់សមត្ថភាពលើជំនាញឆុងកាហ្វេ ពីក្រសួងទេសចរណ៍ ដោយមានការទទួលស្គាល់ពីលេខាធិការដ្ឋានអាស៊ានប្រចាំនៅទីក្រុងចាកាតា ប្រទេសឥណ្ឌូនេស៊ី ព្រមទាំងទទួលបានការកត់ត្រាសមត្ថភាពចូលទៅក្នុងសៀវភៅជំនាញ ទេសចរណ៍ ( tourism skill passport ) សម្រាប់ប្រើប្រាស់ក្នុងអាជីពការងាររបស់ខ្លួន ទាំងក្នុងប្រទេស និងតំបន់អាស៊ាន ។ កន្លងមក ក្រសួងទេសចរណ៍ក៏បានធ្វើការវាយតម្លៃលើជំនាញមួយចំនួនផ្សេងៗទៀត ផ្នែកសណ្ឋាគារផងដែរ ស្របតាមយន្តការខាងលើ ។ ការវាយតម្លៃសមត្ថភាពបុគ្គលិកកំពុងបម្រើការងារនេះ ជាកម្មវិធីការងារមួយរបស់ក្រសួងទេសចរណ៍ ដើម្បីលើកទឹកចិត្តដល់យុវជនឱ្យខិតខំអភិវឌ្ឍជំនាញរបស់ខ្លួន ក៏ដូចជាការតម្រង់ទិសវិជ្ជាជីវៈ ទៅថ្ងៃអនាគត ស្របតាមវិថីអភិវឌ្ឍន៍ជំនាញទេសចរណ៍ ( tourism skill path ) ។ កម្មវិធីវាយតម្លៃសមត្ថភាពខាងលើ ក៏ស្ថិតក្នុងក្របខណ្ឌនៃមុំយុទ្ធសាស្ត្រ « បុគ្គលិកម្នាក់ ជំនាញមួយ » ដែលក្រសួងទេសចរណ៍បានដាក់ចុះ ដើម្បីសម្រេចចក្ខុវិស័យ នៃផែនការយុទ្ធសាស្ត្រអភិវឌ្ឍន៍ធនធានមនុស្សក្នុងវិស័យទេសចរណ៍កម្ពុជា ឆ្នាំ ២០១៧ - ២០២៥ របស់ខ្លួន ។ សូមរំលឹកថា បច្ចុប្បន្នយុវជនប្រមាណ ៦២ ម៉ឺននាក់ កំពុងបម្រើការងារដោយផ្ទាល់ក្នុងវិស័យទេសចរណ៍ ហើយនៅឆ្នាំ ២០២០ ជាមួយនឹងការរំពឹងទទួលភ្ញៀវទេសចរអន្តរជាតិប្រមាណ ៧ លាននាក់ កម្ពុជាត្រូវការកម្លាំងពលកម្មផ្ទាល់ប្រមាណជិត ១ លាននាក់ ដែលនេះជាឱកាសដ៏ធំធេង សម្រាប់យុវជនចាប់យកជំនាញទេសចរណ៍ និងខិតខំអភិវឌ្ឍសមត្ថភាពរបស់ខ្លួនតាមវិថីអភិវឌ្ឍន៍ជំនាញ ដែលក្រសួងទេសចរណ៍បានដាក់ចុះ ។ ព័ត៌មានស្តីពីការសិក្សា និងការងារជំនាញទេសចរណ៍ សូមទំនាក់ទំនង ០៧៧ ៤៤៤ ០០៧ ឬ ០៩៦ ៦៩ ៦៩ ១០០ ឬតាមរយៈអ៊ីមែល [ email protected ] ៕ [ email protected ]
https://freshnewsasia.com/localnews/78427-	news update : គ្រោះរញ្ជួយដីនៅកោះតៃវ៉ាន់ ៖ មនុស្សស្លាប់កើនដល់ ១៥ នាក់ និង ២៨០ នាក់រងរបួស !	( តៃវ៉ាន់ ) ៖ ចំនួនអ្នកស្លាប់នៅក្នុងគ្រោះរញ្ជួយដីកម្រិត ៦ . ៥ រ៉ិចទ័រ នៅក្នុងទីក្រុងហ័រលៀន ( hualien ) ភាគខាងកើត កោះតៃវ៉ាន់ បានកើនដល់ ១៥ នាក់ហើយ ខណៈមនុស្ស ២៨០ នាក់ រងរបួសធ្ងន់ - ស្រាល និង ០២ នាក់ផ្សេងទៀតនៅតែបន្ត បាត់ខ្លួននៅឡើយ ។ នេះបើតាមសម្តីក្រុមអ្នកជួយសង្គ្រោះ ដកស្រង់ដោយទីភ្នាក់ងារសារព័ត៌មានចិន ស៊ីនហួរ នៅថ្ងៃអាទិត្យ ទី ១១ ខែកុម្ភៈ ឆ្នាំ ២០១៨ ។ គួររំលឹកថា បើតាមមជ្ឈមណ្ឌលគ្រោះរញ្ជួយដីចិន គ្រោះរញ្ជួយដីកម្រិត ៦ . ៥ រ៉ិចទ័រ បានវាយប្រហារលើទីក្រុង hualien នៃកោះតៃវ៉ាន់នៅម៉ោង ១១ ៖ ៥០ នាទីយប់ថ្ងៃអង្គារ ហើយគ្រោះរញ្ជួយដីនេះទៀតសោត បានបង្កការខូចខាតធ្ងន់ធ្ងរបំផុតលើទីក្រុង hualien ក្នុងរយៈពេលជាង ០៥ ទសវត្សរ៍មកនេះ ។ ក្រោយគ្រោះរញ្ជួយដីដ៏កក្រើកខាងលើនេះ ក៏មានគ្រោះរញ្ជួយកម្រិតមធ្យមជាបន្តបន្ទាប់ ចំនួនពីរលើកបន្ថែមទៀត ផងដែរ ប៉ុន្តែវាមិនបានបង្កជាគ្រោះមហន្តរាយ អ្វីនោះឡើយ ៕
https://freshnewsasia.com/localnews/26426-	សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចូលក្រាបថ្វាយបង្គំគាល់ សម្តេចព្រះមហាក្សត្រី ព្រះប្រធានកិត្តិយសកាកបាទក្រហមកម្ពុជា	( ភ្នំពេញ ) ៖ នៅព្រឹកថ្ងៃទី ១៣ ខែមិថុនា ឆ្នាំ ២០១៦ នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានដឹកនាំគណៈប្រតិភូកាកបាទក្រហមកម្ពុជា ចូលក្រាបថ្វាយបង្គំគាល់ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសិរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយសកាកបាទក្រហមកម្ពុជា នៅក្នុងព្រះបរមរាជវាំង រាជធានីភ្នំពេញ ដើម្បីក្រាបបង្គំថ្វាយនូវព្រះសព្ទសាធុការពរ បវរមហាប្រសើរថ្លៃថ្លាបំផុត ជាមួយនឹងមនោសញ្ចេតនា និងទឹកចិត្តស្វាមីភក្តិដ៏ជ្រាលជ្រៅបំផុត ក្នុងឱកាសនៃព្រះរាជពិធីបុណ្យចម្រើនព្រះជន្ម គម្រប់ ៨០ យាងចូល ៨១ ព្រះវស្សា សូមទ្រង់ប្រកបដោយព្រះរាជសុខភាពល្អបរិបូណ៌មានព្រះជន្មាយុយឺនយូរ ។ សម្តេចកិត្តិព្រឹទ្ធបណ្ឌិត បានបញ្ជាក់ថា ៖ « ខ្ញុំម្ចាស់ចងចាំជានិច្ច នូវព្រះរាជលំអានដ៏ប្រសើរថ្លៃថ្លានៃសម្តេចព្រះមហាក្សត្រី ព្រះវររាជមាតា ជាតិខ្មែរដែលបាន បូជាព្រះកាយពល បំពេញព្រះរាជកិច្ចដ៏ឧត្តុង្គឧត្តម យាងដង្ហែរព្រះករុណា ព្រះមហាវីរក្សត្រ ព្រះវររាជ បិតាជាតិខ្មែរ ព្រះបរមរតនកោដ្ឋ ក្នុងព្រះរាជបូនីយកិច្ច ជាប្រវត្តិសាស្ត្រ ដ៏គួរឱ្យស្ងប់ស្ញែង ដើម្បី ឯករាជ្យជាតិ បូរណភាពទឹកដី សុខសន្តិភាព ស្ថេរភាព និងវឌ្ឍនភាពជាតិក្នុងគ្រប់វិស័យ ហើយដែលនេះ គឺជាព្រះគំរូវីរភាព នៃមាគ៌ាដឹកនាំដ៏ត្រចះត្រចង់ គ្មានអ្វីប្រៀបផ្ទឹមឡើយ » ។ ក្នុងឱកាសនោះ សម្តេចព្រះមហាក្សត្រី ព្រះវររាជមាតាជាតិខ្មែរ បានប្រោសប្រទានព្រះរាជទ្រព្យចំនួន ៦ ពាន់ដុល្លារអាមេរិក ដែលជាព្រះរាជូបត្ថម្ភត្រីមាសទី ៣ និងទី ៤ ជូនកាកបាទក្រហមកម្ពុជា ៕
https://freshnewsasia.com/localnews/43166-	លោកឧត្តមសេនីយ៍ទោ តាន់ សុខវិជ្ជា សូមគោរពជូនពរ ឯកឧត្តម នាយឧត្តមសេនីយ៍ សុខ ផល ក្នុងឱកាសចូលឆ្នាំសកល ២០១៧	( ភ្នំពេញ ) ៖ នៅក្នុងឱកាសបុណ្យចូលឆ្នាំសកល ឆ្នាំ ២០១៧ នេះ ខ្ញុំបាទ ឧត្តមសេនីយ៍ទោ តាន់ សុខវិជ្ជា ប្រធាននាយកដ្ឋានជនភៀសខ្លួន នៃអគ្គនាយកដ្ឋានអន្តោប្រវេសន៍ សូមគោរពជូនពរ ឯកឧត្តម នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ សូមមានសុខភាពល្អបរិបូរណ៍ អាយុយឺនយូរ ប្រាជ្ញាញាណភ្លឺថ្លា និងមានកម្លាំងខ្លាំងក្លា ឈ្នះអស់មារសត្រូវគ្រប់ទិសទី ។ ឆ្លៀតក្នុងឱកាសវិសេសថ្លៃថ្លានេះ សូម ឯកឧត្តម នាយឧត្តមសេនីយ៍ សុខ ផល និងលោកជំទាវ ព្រមទាំងក្រុមគ្រួសារជាទីស្រឡាញ់ សូមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕ សូមគោរពជូនពរពី ខ្ញុំបាទ ឧត្តមសេនីយ៍ទោ តាន់ សុខវិជ្ជា ប្រធាននាយកដ្ឋានជនភៀសខ្លួន នៃអគ្គនាយកដ្ឋានអន្តោប្រវេសន៍ ព្រមទាំងមន្ត្រីក្រោមឱវាទ ៖
https://freshnewsasia.com/localnews/68069-	មេបញ្ជាការ និងទាហានទូទាំងខេត្តព្រៃវែង ថ្កោលទោសខ្លាំងៗ សម្តី សម រង្ស៊ី ដែលអំពាវនាវឲ្យកងកម្លាំងប្រដាប់អាវុធ បែរកាណុងផ្តួលរំលំរាជរដ្ឋាភិបាល	( ព្រៃវែង ) ៖ ក្រោយពីវីដេអូមួយដែលទទួលបានពីមន្ត្រីរដ្ឋាភិបាល ជាភស្តុតាងថ្មីមួយទៀតចំពោះលោក សម រង្ស៊ី ដែលប្រកាសអំពាវនាវឲ្យកងកម្លាំងប្រដាប់អាវុធ បែរកាណុងផ្តួលរំលំរាជរដ្ឋាភិបាល ស្របច្បាប់ របស់សម្តេចតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា , នៅថ្ងៃទី ២០ ខែតុលា ឆ្នាំ ២០១៧ នេះ ឧត្តមសេនីយ៍ត្រី មឿន សាម៉ន មេបញ្ជាការតំបន់ប្រតិបត្តិការសឹករងព្រៃវែង ព្រមទាំងមេបញ្ជាការរង នាយទាហាន នាយទាហានរង និងពលទាហានទាំងអស់ទូទាំងខេត្តស្វាយរៀង ព្រមទាំងកងកម្លាំងទាំងបីនៃខេត្តស្វាយរៀង បានប្រកាសតាមរយៈបណ្តាញព័ត៌មាន fresh news ថា សម្តីរបស់លោក សម រង្ស៊ី ខាងលើនេះ ជាអំពើក្បត់ជាតិសុទ្ធសាធ និងធ្ងន់ធ្ងរបំផុត ។ ជំនួសមុខឲ្យកងទ័ពទាំងអស់ លោកមេបញ្ជាការ បាន ប្រកាសយ៉ាងដូច្នេះថា « យើងខ្ញុំទាំងអស់គ្នាជាកងទ័ពនៅក្នុងបញ្ជាការ តំបន់ប្រតិបត្តិការសឹករងខេត្តព្រៃវែង សូមធ្វើការប្រកាសប្រឆាំងដាច់ខាត រាល់សកម្មភាពញុះញង់របស់ពួកអគតិ ដែល ប៉ុនប៉ងផ្តួលរំលំរាជរដ្ឋាភិបាល ទោះជាក្នុងកាលៈទេសៈណាក៏ដោយ យើងខ្ញុំស្មោះត្រង់ដាច់ខាត ចំពោះជាតិ ចំពោះរដ្ឋាភិបាលដែលដឹកនាំដោយសម្តេចតេជោ ហ៊ុន សែន ពួកយើងស្រឡាញ់សម្តេចតេជោ ព្រោះសម្តេចជាអ្នកស្វែងរកសន្តិភាព និងអភិវឌ្ឍន៍ប្រទេសជាតិ ខុសពី សម រង្សី និង កឹម សុខា ដែលចេះតែញុះញង់ធ្វើឲ្យខ្មែរបែកបាក់ » ។ មេបញ្ជាការរូប នេះបានបញ្ជាក់ទៀតថា កងទ័ពទាំងអស់ នៅខេត្តព្រៃវែង ប្តេជ្ញារក្សាសុខសន្តិភាពជូនជាតិមាតុភូមិ ប្រឆាំងរាល់ការប៉ុនប៉ងផ្តួលរំលំ រាជរដ្ឋាភិបាលស្របច្បាប់ ដែលដឹកនាំដោយសម្តេចតេជោ ហ៊ុន សែន ។ ការប្រកាសប្រឆាំង និងកំចាត់ជនក្បត់ជាតិខាងលើនេះ ធ្វើឡើងបន្ទាប់ពីវីដេអូមួយទទួលបានពីមន្ត្រីរដ្ឋាភិបាល ជាភស្តុតាងថ្មីមួយទៀត ដែលលោក សម រង្ស៊ី បានប្រកាសអំពាវនាវឲ្យកងកម្លាំងប្រដាប់អាវុធ បែរកាណុងផ្តួលរំលំរាជរដ្ឋាភិបាលស្របច្បាប់ របស់សម្តេចតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា ។ វីដេអូនេះលោក សម រង្ស៊ី បាននិយាយកាលពីថ្ងៃទី ០៤ ខែមិថុនា ឆ្នាំ ២០១១ ( មុនបង្កើតគណបក្សសង្គ្រោះជាតិ ) នៅទីក្រុងឡូវែល រដ្ឋម៉ាស្សាឈូសែត សហរដ្ឋអាមេរិក ដោយលោក សម រង្ស៊ី បាននិយាយដូច្នេះថា « របប ហ៊ុន សែន ជិតដួលរលំហើយ ការបះបោរយើងត្រូវការរៀបចំ ការណែនាំ ត្រូវការការផ្គត់ផ្គង់ឧបត្ថម្ភ ខ្នងបង្អែក ដើម្បីឲ្យការបះបោរផ្ទុះឡើង និងកងកម្លាំងប្រដាប់អាវុធបែរចុងកាណុងផ្តួលរំលំរបបផ្តាច់ការ ហ៊ុន សែន » ។ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានហៅការថ្លែង របស់លោក សម រង្ស៊ី តាមរយៈវីដេអូនេះថា ជាការផ្សារភ្ជាប់ទៅនឹងវីដេអូរបស់លោក កឹម សុខា ដែលកំពុងជាប់ចោទពីបទក្បត់ជាតិ ព្រោះតែបង្ហាញគម្រោងផ្តួលរំលំរាជរដ្ឋាភិបាល ដោយឃុបឃិតជាមួយសហរដ្ឋអាមេរិក ៕
https://freshnewsasia.com/localnews/52228-	ផ្ទុះប្រព័ន្ធហ្គាស ក្នុងរោងចក្រផលិត hard disk មួយកន្លែង នៅក្រុងប៉ោយប៉ែត របួសកម្មករ ៣ នាក់	( បន្ទាយមានជ័យ ) ៖ នៅម៉ោង ៨ ៖ ៣០ នាទីយប់ ថ្ងៃទី ១១ ខែមេសា ឆ្នាំ ២០១៧ នេះ មានករណីអគ្គិភ័យបានកើតឡើងនៅក្នុងរោងចក្រផលិត hard disk ស្ថិតក្នុងភូមិផ្សារកណ្តាលសង្កាត់ផ្សារកណ្តាល ក្រុងប៉ោយប៉ែត បណ្តាលឲ្យកម្មករ ៣ នាក់របួស ។ ប្រភពពីកន្លែងកើតហេតុបានឲ្យដឹងថា មូលហេតុដែលបណ្តាឲ្យមានអគ្គិភ័យនេះ ដោយសារតែធ្លាយប្រព័ន្ធបណ្តាញបំពង់ហ្គាស ដែលនៅកៀក និងឡស្លរអាលុយមីញូម ។ ក្នុងហេតុការណ៍នេះ ដែលបណ្តាលឲ្យកម្មករ ៣ នាក់រងរបួស ក្នុងស្រីម្នាក់ និងខូចខាតឡស្លរអាលុយមីញ៉ូមចំនួន ២ ផងដែរ ។ តែជាយ៉ាងណាក៏ដោយ គ្រោះអគ្គិភ័យនេះ បានរលត់ទៅវិញដោយសារតែមានការជួយអន្តរាគមន៍ទាន់ពេល ពីកម្លាំងអធិការក្រុងប៉ោយប៉ែត កម្លាំងអាវុធហត្ថក្រុង ។ ក្រោយកើតហេតុ ជនរងគ្រោះត្រូវបានសមត្ថកិច្ចបញ្ជូនទៅសង្គ្រោះនៅមន្ទីរពេទ្យ ៕ \
https://freshnewsasia.com/localnews/49451-	ដុតកម្តៅ ! « អាមេរិកគ្រោងដាក់ពង្រាយ យន្តហោះដ្រូនបំពាក់គ្រាប់មីស៊ីល និងគ្រាប់បែកមាន gps ទៅកាន់កូរ៉េខាងត្បូង ! »	( សេអ៊ូល ) ៖ សហរដ្ឋអាមេរិកបានប្រកាសថា ខ្លួននឹងធ្វើការដាក់ពង្រាយយន្តហោះប្រយុទ្ធគ្មានមនុស្សជិះ ដែលមានឈ្មោះថា grey eagle ទៅក្នុងមូលដ្ឋានយោធានៃប្រទេសកូរ៉េខាងត្បូង ដើម្បីបង្កើនសមត្ថភាពបន្ថែមទៀតប្រឆាំងនឹងទីបញ្ជាការយោធាសំខាន់ៗនៅក្នុងទឹកដីកូរ៉េខាងជើង ខណៈដែលទីក្រុងព្យុងយ៉ាងត្រូវបានគេសង្ស័យថា អាចនឹងធ្វើតេស្តគ្រាប់បែកនុយក្លេអ៊ែរនៅក្នុងពេលឆាប់ៗខាងមុខ ។ នេះបើតាមការទីភ្នាក់ងារព័ត៌មានកូរ៉េខាងត្បូង យ៉ុនហាប់ ដកស្រង់សម្តីពីមន្ត្រីយោធាមួយរូបចេញផ្សាយនៅព្រឹកថ្ងៃចន្ទ ទី ១៣ ខែមីនា ឆ្នាំ ២០១៧ ។ ប្រភពដដែលបានបញ្ជាក់ទៀតថា សហរដ្ឋអាមេរិកនឹងចាប់ផ្តើមដំណើរការបញ្ជូនយន្តហោះគ្មានមនុស្សបើកខាងលើនេះ ដើម្បីឲ្យមកចូលរួមក្នុងសមយុទ្ធទ្រង់ទ្រាយធំរបស់ខ្លួន ហើយដែលពួកវានឹងត្រូវយកទៅទុកនៅមូលដ្ឋានទ័ពអាមេរិកក្នុងតំបន់ gunsan ដែលមានចម្ងាយ ២៧៤ គីឡូម៉ែត្រនៃភាគខាងត្បូងទីក្រុងសេអ៊ូល ។ ដោយឡែកចំពោះប្រតិបត្តិការសមយុទ្ធនៃយន្តហោះខាងលើនេះ កំពុងតែស្ថិតនៅក្នុងការចរចាគ្នានៅឡើយរវាងយោធាកូរ៉េខាងត្បូង និងអាមេរិក ។ គួរបញ្ជាក់ថាយន្តហោះដ្រូន grey eagle អាចមានលទ្ធភាពដឹកនាំគ្រាប់មីស៊ីលប្រភេទ agm - 114 hellfire ដែលសម្រាប់បាញ់ចេញពីដែនអាកាសទៅលើដីចំនួនបួនគ្រាប់ និងគ្រាប់បែកកំណត់ទីតាំងប្រភេទ gps - aided gbu - 44 / b ចំនួនបួនគ្រាប់ថែមទៀត ។ grey eagle ក៏មានលទ្ធភាពបន្ថែមទៀតដែរនៅក្នុងការបំផ្លាញមូលដ្ឋានយោធាជួរមុខសំខាន់ៗរបស់ទីក្រុងព្យុងយ៉ាង ក្នុងនោះរួមមានទីបញ្ជាការរបស់មេដឹកនាំកំពូល លោក គីម ជុងអ៊ុន ផងដែរក្នុងករណីមានសង្គ្រាមផ្ទុះឡើង ៕
https://freshnewsasia.com/localnews/29605-	ខ្យល់កន្ត្រាក់ដួលរលំផ្ទះពលរដ្ឋ ៤៤ ខ្នង និងរបួសធ្ងន់ស្រាល ៦ នាក់ នៅស្រុកឆ្លូង	( ក្រចេះ ) ៖ ខ្យល់កន្ត្រាក់លាយលំជាមួយភ្លៀង បណ្តាលឲ្យដួលផ្ទះប្រជាពលរដ្ឋ ៤៤ ខ្នងដួលរលំ និងមនុស្ស ៦ នាក់រងរបួសធ្ងន់ ស្រាល នៅថ្ងៃទី ២២ ខែកក្តដា ឆ្នាំ ២០១៦ ចំណុចនៅភូមិប្រម៉ា ឃុំកពង់ដំរី ស្រុកឆ្លូង ខេត្តក្រចេះ ។ លោក ហេង សុថា អភិបាលស្រុកឆ្លូង បានឲ្យភ្នាក់ងារ fresh news ដឹងថា ផ្ទះពលរដ្ឋដែលបានដួលរំលំដោយសារខ្យល់កន្ត្រាក់នោះ មានចំនួន ៤៤ ខ្នង ផ្ទះសង់ពីឈើ ប្រកសង្ហ័សីទាបៗ ដួលទាំងស្រុងចំនួន ១២ ផ្ទះ ប៉ើងដំដំបូលចំនួន ២ ផ្ទះ ហើយផ្ទះសង់ពីឈើខ្ពស់ ប្រកសង្ហ័សីដួលទាំងស្រុងចំនួន ២ ខ្នង និងប៉ើងដំបូល ២៨ ខ្នង ។ លោកអភិបាលស្រុក បញ្ជាក់ទៀតថា ក្នុងហេតុការខ្យល់កន្ត្រាក់នេះ បណ្តាលឲ្យមនុស្សរងបួសធ្ងន់ស្រាល ៦ នាក់ ស្រី ៤ នាក់ តែមិនបណ្តាលឲ្យមានគ្រោះថ្នាក់ដល់ជីវិតនោះទេ ហើយអ្នករងរបួស ទី ១ - ឈ្មោះ ថូ វឿន ភេទស្រី អាយុ ៥១ ឆ្នាំ រងរបួសធ្ងន់ត្រូវក្បាល , ទី ២ - ឈ្មោះប៊ន ដាលីន ភេទស្រី អាយុ ១៧ ឆ្នាំ រងរបួសធ្ងន់ត្រូវចំក ទី ៣ - ឈ្មោះស្រី សំអឿន ភេទប្រុស អាយុ ៦៧ ឆ្នាំ រងរបួសធ្ងន់ត្រូវក្បាល ទី ៤ - ឈ្មោះផុន ភីន ភេទស្រី អាយុ ២៥ ឆ្នាំ រងរបួសធ្ងន់ត្រូវដៃ ទី ៥ - ឈ្មោះអួយ សីហា ភេទប្រុស អាយុ ១០ ឆ្នាំ រងបួសស្រាលត្រូវជើង និងទី ៦ - ឈ្មោះអួយ ធីតា ភេទស្រី អាយុ ៨ ឆ្នាំ រងរបួសធ្ងន់ត្រូវខ្នង ហើយអ្នករងរបួសទាំងអស់នេះកំពុងសំរាក់ព្យាលបាលនៅពេទ្យឯកជននៅភូមិកើតហេតុខាងលើ ។ ពាក់ព័ន្ធនឹងគ្រោះធម្មជាតិនេះដែរ លោកអភិបាលស្រុកឆ្លូង បានធ្វើសំណើរមកអភិបាលខេត្ត និងសាខាកាកបាតក្រហមខេត្ត ដើម្បីសុំជំនួយជនរងគ្រោះ ៕
https://freshnewsasia.com/localnews/49045-	nato ដាក់ពង្រាយកងទ័ព ៨ , ០០០ នាក់ នៅក្នុងសមយុទ្ធយោធាប្រចាំឆ្នាំ ក្បែរព្រំដែនរុស្ស៊ី ( video inside )	( ណាតូ ) ៖ សមយុទ្ធយោធា joint viking 2017 របស់អង្គការណាតូ បានចាប់ផ្តើមហើយ ដោយមានការចូលរួមពីសំណាក់ យោធា ៨០០០ នាក់ នៅឯភាគខាងជើងប្រទេសន័រវែស ខណៈទីក្រុងមូស្គូកំពុងតាមដានយកចិត្តទុកដាក់ ត្បិតសម យុទ្ធយោធានេះ ធ្វើឡើងមិនឆ្ងាយប៉ុន្មាននោះទេ ពីព្រំដែនរុស្ស៊ី ។ នេះបើតាមការចេញផ្សាយដោយសារព័ត៌មាន russian today នៅថ្ងៃអង្គារ ទី ០៧ ខែមីនា ឆ្នាំ ២០១៧ ។ សមយុទ្ធយោធា joint viking 2017 មានការចូលរួមដោយយោធាអាមេរិក ន័រវែស និងអង់គ្លេស បានចាប់ផ្តើមកាលពីថ្ងៃទី ០៦ ខែមីនា នៅក្នុងតំបន់ finnmark នៃភាគខាងជើងប្រទេសន័រវែស ស្ថិតនៅចំងាយចន្លោះពី ១៦០ គីឡូម៉ែត្រ និង ៣០០ គីឡូម៉ែត្រពីព្រំដែនរុស្ស៊ី ហើយនឹងត្រូវបញ្ចប់ នៅថ្ងៃទី ១៥ ខែមីនា ។ ចំណែកឯទីក្រុងមូស្គូក៏បានទទួលដំណឹងពី សមយុទ្ធយោធានេះដែរ ។ នេះបើតាមអ្នកនាំពាក្យយោធាន័រវែស ។ គួរបញ្ជាក់ថា យោធាសរុបជាង ៨ , ០០០ នាក់ ក្នុងនោះមានយោធាអាមេរិក និងអង់គ្លេស ៧០០ នាក់ បានចូលរួម នៅក្នុងសមយុទ្ធយោធា joint viking 2017 នៅ ន័រវែស ដែលត្រូវធ្វើឡើងជារៀងរាល់ឆ្នាំ គិតចាប់តាំងពី ឆ្នាំ ២០១៣ មក ។ ប៉ុន្តែជាទម្លាប់ វាក៏តែងតែធ្វើឱ្យរុស្ស៊ីក្តៅស្លឹកត្រចៀកផងដែរ ដោយបានហៅការធ្វើសមយុទ្ធ យោធាបែបនេះ នៅជិតតំបន់ព្រំដែនរបស់ខ្លួន គឺជាសកម្មភាពបង្ករឿង ហើយរុស្ស៊ីបានដឹកនាំសមយុទ្ធយោធា ទ្រង់ទ្រាយធំជាច្រើន ដើម្បីឆ្លើយតបទៅនឹងការធ្វើលំហាត់សឹករបស់ អង្គការណាតូ ៕
https://freshnewsasia.com/localnews/77709-	ស្ថានីយ៍រថភ្លើងអន្តរជាតិប៉ោយប៉ែត នឹងបញ្ចប់ការជួសជុលមុនចូលឆ្នាំខ្មែរ	( ភ្នំពេញ ) ៖ ក្រសួងសាធារណការ និងដឹកជញ្ជូន បានឲ្យដឹងថា ស្ថានីយ៍រថភ្លើងប៉ោយប៉ែត ( កម្ពុជា - ថៃ ) នឹងបញ្ចប់ការជួសជុលទាំងស្រុង មុនពេលបុណ្យចូលឆ្នាំខ្មែរ ឈានមកដល់ ។ ជាមួយនឹងការបង្ហាញសោភណ្ឌភាព នៃស្ថានីយ៍រថភ្លើងប៉ោយប៉ែត បន្ទាប់ពីបានជួសជុលមួយរយៈមក ក្រសួងសាធារណការ និងដឹកជញ្ជូន បានបង្ហោះនៅលើទំព័រ facebook ផ្លូវការរបស់ខ្លួននៅថ្ងៃនេះថា « ស្ថានីយ៍រថភ្លើងប៉ោយប៉ែត មុន និង ក្រោយ ជួសជុល គ្រោងបញ្ចប់ការជួសជុលទាំងស្រុងមុនចូលឆ្នាំខ្មែរ » ។ ស្ថានីយរថភ្លើងប៉ោយប៉ែត ជាស្ថានីយរថភ្លើងអន្តរជាតិ ត្រូវបម្រើការឲ្យប្រតិបត្តិការខ្សែរថភ្លើង រវាងព្រះរាជាណាចក្រកម្ពុជា ជាមួយនឹងព្រះរាជាណាចក្រថៃ ដែលស្ថានីយ៍នេះ មានក្រឡាផ្ទៃដីទំហំ ៧១ , ៨០៧ ម៉ែត្រការ៉េ ៕
https://freshnewsasia.com/localnews/47873-	ក្រុមប្រឹក្សាធុរៈកិច្ចអាស៊ាន - អាមេរិក វាយតម្លៃខ្ពស់ចំពោះស្ថានភាពរីកចំរើនផ្នែកសេដ្ឋកិច្ចនៅកម្ពុជា	( ភ្នំពេញ ) ៖ ក្នុងជំនួបពិភាក្សាការងារ ជាមួយប្រតិភូក្រុមប្រឹក្សាធុរៈកិច្ចអាស៊ាន - អាមេរិក ( usabc ) នៅរសៀលថ្ងៃទី ២២ ខែ កុម្ភៈ ឆ្នាំ ២០១៧ នៅទីស្តីការក្រសួងឧស្សាហកម្ម និងសិប្បកម្ម លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម បានជម្រាបជូនភាគីភ្ញៀវសង្ខេបពីតួនាទីភារកិច្ច ទទួលខុសត្រូវរបស់ក្រសួងលើការងារស្នូលរបស់ខ្លួន ដោយលោកបានលើកពីវិស័យសំខាន់ៗមួយចំនួន ដូចជាៈ វិស័យសហគ្រាសធនតូច និងមធ្យម ទឹកស្អាត បច្ចេកវិទ្យា ស្តង់ដារ មាត្រាសាស្ត្រ វាយតម្លៃទទួលស្គាល់ និងកម្មសិទ្ធិបញ្ញាជាដើម ដែលវិស័យទាំងអស់នេះ ក្រសួងកំពុងយកចិត្តទុកដាក់ជម្រុញយ៉ាងខ្លាំងក្លា ដើម្បីសម្រេចបានតាមគោលដៅអភិវឌ្ឍន៍របស់ក្រសួង ក៏ដូចជាយុទ្ធសាស្ត្រចតុកោណ ដំណាក់កាលទី ៣ របស់រាជរដ្ឋាភិបាល ។ ជាមួយគ្នានេះ លោកទេសរដ្ឋមន្ត្រី ក៏បានលើកឡើងពីលក្ខណៈពិសេស និងសក្តានុពលសេដ្ឋកិច្ចរបស់កម្ពុជា ដោយកម្ពុជាមានច្រកទីផ្សារនាំចេញទៅក្រៅប្រទេសនូវមុខទំនិញរាប់ពាន់មុខដោយមិនជាប់ពន្ធ និងមិនជាប់កូតា ក្នុងលក្ខខ័ណ្ឌកម្ពុជា ជាប្រទេសអភិវឌ្ឍន៍តិចតួច ជាសមាជិកអាស៊ាន និងសមាជិក អង្គការពាណិជ្ជកម្មពិភពលោក ( wto ) ។ លោកទេសរដ្ឋមន្ត្រីបានអំពាវនាវ ឲ្យវិនិយោគិនអាមេរិកចាប់អារម្មណ៍មកបណ្តាក់ទុននៅកម្ពុជាឲ្យបានកាន់តែច្រើនឡើង ស្របពេលដែលកម្ពុជាមានសុខសន្តិភាពពេញលេញ និងតម្លាភាពនៃក្របខ័ណ្ឌច្បាប់ដែលអាចប៉ាន់ប្រមាណបាន ។ លោក mark lewis ប្រធានក្រុមប្រឹក្សាធុរៈកិច្ច អាស៊ាន - អាមេរិក បានវាយតម្លៃខ្ពស់ចំពោះស្ថានភាព សេដ្ឋកិច្ចរីកចម្រើន នៅកម្ពុជា ។ ក្នុងនោះ បានកោតសរសើរនូវការដឹកនាំប្រកបដោយបទពិសោធន៍របស់ លោក ទេសរដ្ឋមន្ត្រី ចម ប្រសិទ្ធ ដែលធ្វើឲ្យវិស័យសំខាន់ៗរបស់ក្រសួង ត្រូវបានលើកកំពស់ និងពង្រឹងគុណភាព ជាពិសេសគឺវិស័យស្តង់ដារ ទឹកស្អាត និងវិស័យកម្មសិទ្ធិបញ្ញា ។ សូមបញ្ជាក់ថាៈ usabc តំណាងដោយក្រុមហ៊ុនធំៗ ជាង ៥០០ ក្រុមហ៊ុន ដូចជាៈក្រុមហ៊ុន ford , coca - cola , microsoft , chevron ជាដើម ។ ក្នុងជំនួបពិភាក្សាថ្ងៃនេះ មានតំណាងក្រុមហ៊ុនចំនួន ១៤ មានដូចជាៈ rma group , ford , microsoft , coca - cola , 3 m , dow , elanco . conocophillips និង ge ជាដើម ។ ស្ថិតក្នុងឱកាសនោះ លោក ទេសរដ្ឋមន្ត្រី ចម ប្រសិទ្ធ ក៏បានឆ្លើយសំណួរភាគីក្រុមហ៊ុន ដែលចង់ស្វែងយល់ពីវិស័យស្តង់ដារ ទំនិញ ស្តង់ដាររថយន្ត និងវិស័យកម្មសិទ្ធិបញ្ញា ។ ទាក់ទងវិស័យកម្មសិទ្ធិបញ្ញានេះផងដែរ លោកទេសរដ្ខមន្ត្រី បានជម្រាប ជូនពីកិច្ចសហការរបស់ក្រសួង ជាមួយការិយាល័យកម្មសិទ្ធិបញ្ញា សឹង្ហបុរី ជប៉ុន និងសហគមន៌អឺរ៉ុប លើការងារចុះបញ្ជី ទទួលស្គាល់ និងកិច្ចការពារផ្នែកប្រកាសនីយបត្រតក្កកម្ម ( patent ) គ្នាទៅវិញទៅមក និងក៏មានបំណងសហការធ្វើជាមួយ សហរដ្ឋអាមេរិកផងដែរ ដើម្បីទាញទំនុកចិត្តវិនិយោគិនអាមេរិកមកបណ្តាក់ទុននៅកម្ពុជា កាន់តែច្រើនឡើង ៕
https://freshnewsasia.com/localnews/90611-	ព្រៃជ្រៅ ចំណោតភ្នំខ្ពស់ គ្រហុកជ្រៅយ៉ាងណាក៏ដោយ ក៏មិនមែនជាឧបសគ្គសម្រាប់រថយន្ត mercedes ឡើយ ( video inside )	( រតនគិរី ) ៖ ក្នុងដំណើរបេសកកម្មលើកទី ៣ ក្រុមការងារមែកសឺដេស និងកំណប់អាថ៌កំបាំង បានធ្វើដំណើរតាមរថយន្ត mercedes - benz ឆ្លងកាត់ព្រៃភ្នំជ្រលងដងអូរបត់បែនដ៏វែងឆ្ងាយ ចុះគ្រហុកតូចធំរាក់ជ្រៅ ឡើងចុះចំណោតទាបខ្ពស់ អស់រយៈពេល ៤ ថ្ងៃ លើទឹកដីនៅខេត្តរតនគិរី ប៉ុន្តែយ៉ាងណាក៏ដោយ ក៏រថយន្ត mercedes - benz នេះ មិនបង្កជាឧបសគ្គដល់អ្នកដំណើរបន្តិចណាឡើយ ពោលគឺមានតែភាពរីករាយ ផាសុកភាព និងអារម្មណ៍ស្រោះស្រាយទៅវិញទេ ដែលទាំងនេះពិតជាសេចក្តីត្រូវការដ៏ចាំបាច់ សម្រាប់អតិថិជនដែលត្រូវការរថយន្តដ៏ពិសេសបែបនេះ ។ រថយន្តម៉ាក mercedes - benz ត្រូវបាននាំចូលផ្តាច់មុខនៅប្រទេសកម្ពុជា ដោយក្រុមហ៊ុន star auto cambodia ដែលមានទីតាំងស្ថិតនៅខណ្ឌមានជ័យ រាជធានីភ្នំពេញ តាមបណ្តោយមហាវិថីសម្តេចតេជោ ហ៊ុន សែន ( ផ្លូវ ៦០ ម៉ែត្រ ) ។ រថយន្តម៉ាក mercedes - benz ដែលប្រើប្រាស់សម្រាប់បេសកកម្មលើកទី ៣ នេះ មានចំនួន ២ គ្រឿង នោះគឺ mercedes - benz gl 400 ពណ៌ខ្មៅ មានទំហំធំបន្តិច ជាមួយរូបរាងដ៏ស្រស់សង្ហារលើបរលោងគួរជាទីទាក់ទាញ ក្នុងរថយន្តអាចផ្ទុកកៅអីបានចំនួន ៧ កៅអី និងមួយគ្រឿងទៀតគឺ mercedes - benz vato ពណ៌ស ជាប្រភេទរថយន្តដឹកអ្នកដំណើរ ហើយក្នុងរថយន្តផ្ទុកកៅអីបានចំនួន ១១ កៅអី ធំទូលាយ អាចផ្ទុកសម្ភារៈនានាបានយ៉ាងច្រើន ។ លោក អូន សំណាង តំណាងក្រុមហ៊ុន star auto cambodia ដែលបានចូលរួមក្នុងដំណើរបេសកកម្ម « មែកសឺដេស និងកំណប់អាថ៌កំបាំង » នេះដែរនោះ បានបង្ហាញភាពជឿជាក់ថា ទោះបីជាផ្លូវលំបាកយ៉ាងណាក៏ដោយ ក៏រថយន្ត mercedes - benz ជម្នះពុះពារឧបសគ្គទៅមុខឱ្យទាល់តែបាន ។ លោក សំណាង បានបន្តថា រថយន្ត mercedes - benz ទាំងពីរគ្រឿងនេះ អាចបើកបរលើផ្លូវ on road និងផ្លូវ off road ឬលើផ្លូវលំបាកក៏បាន លើផ្លូវធម្មជាតិក៏បាន គ្មានបញ្ហាសម្រាប់អ្នកបើកបរ និងអ្នកដំណើរបន្តិចណាឡើយ ។ លោកបានអះអាងទៀតថា ដោយសាររថយន្ត mercedes - benz បំពាក់ដោយបច្ចេកវិទ្យាទំនើប ដូច្នេះអ្នកបើកបរមិនខ្វល់ពីគ្រហុក ឬផុងជ្រៅយ៉ាងណា ឬឡើងចុះចំណោតភ្នំខ្ពស់ៗ ព្រៃជ្រៅយ៉ាងណាក៏ដោយ ក៏រថយន្ត mercedes - benz នៅតែធ្វើដំណើរទៅមុខបានយ៉ាងរំភើយ ។ សូមជម្រាបថា បេសកកម្ម « មែកសឺដេស និងកំណប់អាថ៌កំបាំង » នេះត្រូវបានបង្កើតឡើងក្រោមកិច្ចសហការរវាងក្រុមហ៊ុន star auto cambodia ដែលជាក្រុមហ៊ុននាំចូលរថយន្តទំនើបជាងគេនៅកម្ពុជា mercedes - benz សហការផ្សព្វផ្សាយដោយអង្គភាពព័ត៌មាន fresh news និងសារព័ត៌មានអេឡិចត្រូនិច thmeythmey ក្នុងគោលបំណងចេញប្រតិបត្តិការរុករកតំបន់ទេសចរណ៍នៅព្រហ្មចារីថ្មីៗ ដែលរាយប៉ាយពាសពេញដែនដីសុវណ្ណភូមិនៃប្រទេសកម្ពុជា ហើយគ្មានមនុស្សស្គាល់ ឬមានមនុស្សតិចបំផុតដែលបានស្គាល់ ដើម្បីយកមកផ្សព្វផ្សាយបង្ហាញប្រិយមិត្ត ពិសេសភ្ញៀវទេសចរជាតិ - អន្តរជាតិឱ្យបានទស្សនាឃើញច្បាស់ និងអន្ទងចិត្តបញ្ចុះបញ្ចូលឲ្យពួកគេឲ្យរីករាយក្នុងការធ្វើដំណើរទៅទស្សនានៅទីនោះជាបន្តបន្ទាប់ សំដៅពង្រីកសក្តានុពលទេសចរណ៍ដែលមានស្រាប់នៅកម្ពុជា ឱ្យកាន់តែមានសកម្មភាពរស់រវើក ៕ សូមទស្សនាវីដេអូនៃដំណើរក្រុមបេសកកម្ម និងកំណប់អាថ៌កំបាំង នៅលើរថយន្ត mercedes - benz ទាំងពីរគ្រឿងនោះ ៖
https://freshnewsasia.com/localnews/58712-	អង្គការ nasa « ប្រារព្ធខួប ១៣ ឆ្នាំ នៃបេសកកម្មយានអវកាស cassini » ជុំវិញភពសៅរ៍ !	( អាមេរិក ) ៖ គិតមកទល់ពាក់កណ្តាលឆ្នាំ ២០១៧ នេះ យានអវកាស cassini របស់អង្គការ nasa បានធ្វើដំណើរជុំវិញភពសៅរ៍ ( saturn ) បានរយៈពេល ១៣ ហើយ ។ នេះបើតាមការដកស្រង់ការផ្សាយចេញពី វែបសាយវិទ្យាសាស្ត្រ space . com នៅរសៀលថ្ងៃសៅរ៍ ទី ០១ ខែកក្កដា ឆ្នាំ ២០១៧ ។ យានអវកាស cassini បានធ្វើដំណើរទៅដល់គន្លងតារាវិថី ក្បែរភពដែលមានចិញ្ចៀនហ៊ុមព័ទ្ធជុំវិញនេះ កាលពីវេលាយប់ថ្ងៃទី ០១ ខែកក្កដា ឆ្នាំ ២០០៤ បន្ទាប់ពីបានចំណាយពេលហោះហើរផ្សងព្រេង ឆ្លងកាត់លំហអាកាសដ៏ធំល្វឹងល្វើយអស់រយៈពេលជិត ០៧ ឆ្នាំ ។ ការធ្វើដំណើរជាប្រវត្តិសាស្ត្រ ដែលបានចាប់ផ្តើមជាមួយការបាញ់បង្ហោះគ្រាប់រ៉ុក្កែត titan ivb កាលពីថ្ងៃទី ១៥ ខែតុលា ឆ្នាំ ១៩៩៧ មានចម្ងាយសរុប ៣ . ៥ ពាន់លានគីឡូម៉ែត្រ បើតាមការបញ្ជាក់ពីមន្ត្រីនៃទីភ្នាក់ងារអវកាសអាមេរិក nasa ។ រយៈពេល ០៦ ខែក្រោយការទៅដល់ប្រព័ន្ធនៃភពសៅរ៍ យានចុះចត huygens បានផ្តាច់ខ្លួនចេញពីយានអវកាស cassini ហើយឆ្ពោះទៅកាន់ titan ដែលជាព្រះច័ន្ទដ៏ធំជាងគេបង្អស់របស់ saturn និងលំដាប់ទីពីរ ក្នុងប្រព័ន្ធព្រះអាទិត្យ បន្ទាប់ពីព្រះច័ន្ទ ganymede របស់ភពព្រហស្បតិ៍ ។ នាថ្ងៃទី ១៤ ខែមករា ឆ្នាំ ២០០៥ យាន huygen ក៏បានធ្វើការចុះចតដោយជោគជ័យនៅព្រះច័ន្ទ titan ហើយបានបញ្ជូនរូបភាពនៃផ្ទៃរបស់វា ត្រឡប់មកកាន់ផែនដីវិញ តាមរយៈយាន cassini ដែលជាផ្កាយរណប ។ ស្របពេលជាមួយគ្នា cassini បានបន្តសិក្សាស្រាវជ្រាវទៅលើភពសៅរ៍ រួមជាមួយចិញ្ជៀន ( ខ្សែក្រវ៉ាត់ដុំថ្ម ) ដ៏អាថ៌កំបាំង និងព្រះច័ន្ទជាច្រើនរបស់វា ហើយបានបង្កើតរបកគំហើញដ៏គួរឲ្យរំភើបជាបន្តបន្ទាប់មក ។ តួយ៉ាង cassina បានរកឃើញបឹង និងសមុទ្រដែលពោរពេញទៅដោយសារធាតុរាវអ៊ីដ្រូកាបូន នៅលើផ្ទៃព្រះច័ន្ទ titan និងទឹកផុសនៅលើព្រះច័ន្ទ enceladus របស់ saturn ដែលគ្របដណ្តប់ទៅដោយផ្ទាំងទឹកក ។ ការអង្កេតឃ្លាំមើលរបស់យានផ្កាយរណប cassini បានអនុញ្ញាតឲ្យក្រុមអ្នកស្រាវជ្រាវ ធ្វើការកំណត់ថា កំសួលទឹកផុសទាំងនោះ គឺមានប្រភពមកពីមហាសមុទ្រដ៏ធំមួយ ដែលស្ថិតក្រោមផ្ទៃរបស់ enceladus និងប្រហែលជាអាចទ្រទ្រង់ជីវិតក្នុងទម្រង់ណាមួយបាន ។ ដោយឡែកបើតាមអ្នកវិទ្យសាស្ត្រ ព្រះច័ន្ទ titan ក៏អាចឲ្យជីវិតរស់នៅបានផងដែរ ក៏ប៉ុន្តែប្រព័ន្ធអាកាសធាតុដែលពោរពេញដោយអ៊ីដ្រូកាបូន របស់ព្រះច័ន្ទយក្សនេះទំនងជាស្មានបានថា បើសិនជាមានជីវិតក្នុងទម្រង់ណាមួយនៅទីនោះមែននោះ ពួកវានឹងខុសស្រឡះពីជីវិតដែលមាននៅលើភពផែនដីជាក់ជាពុំខានឡើយ ។ គួរបញ្ជាក់ថា cassini នាពេលនេះ កំពុងឈានជីវិតដល់ទីបញ្ចប់នៃដំណើរផ្សងព្រេង ដ៏យូរអង្វែងរបស់វាហើយ ដោយកាលពីខែមេសា cassini ជាលើកដំបូងបានធ្វើការហោះឆ្វែល ទៅកាន់តំបន់នៅចន្លោះភពសៅរ៍ និងចិញ្ចៀនរបស់វា ដើម្បីសិក្សាលម្អិតពីទីនោះ ហើយវាត្រូវធ្វើបែបនេះជារៀងរាល់សប្តាហ៍រហូតដល់ចំនួន ២២ លើក នៅមុនពេលបេសកកម្មចុងក្រោយរបស់វាត្រូវបិទបញ្ចប់នៅថ្ងៃទី ១៥ កញ្ញា ដោយការទម្លាក់ខ្លួនកម្ទេចចោលរបស់ cassini ចូលទៅក្នុងបរិយាកាសដ៏ក្រាស់ឃ្មឹករបស់ភពសៅរ៍ ក្នុងគោលបំណងបញ្ចៀសមិនឲ្យយានផ្កាយរណបនេះ បំពុលព្រះច័ន្ទ titan ឬ enceladus ជាមួយមីក្រូបមកពីផែនដី ។ បេសកកម្ម cassini - huygens ដែលមានតម្លៃ ៣ . ២ ពាន់លានដុល្លារនេះ គឺជាកិច្ចប្រឹងប្រែងរួមមួយ មានការចូលរួមសហការពីអង្គការ nasa ទីភ្នាក់ងារអវកាសអឺរ៉ុប esa និងទីភ្នាក់ងារអវកាសអ៊ីតាលី ៕
https://freshnewsasia.com/localnews/91528-	សមាជិកបក្សប្រជាជនឃុំទួលសំបូរ ខេត្តកំពង់ចាម ប្តេជ្ញាគៀងគរពលរដ្ឋទៅបោះឆ្នោតជូនបក្សប្រជាជន ដើម្បីរក្សាសន្តិភាព បន្តការអភិវឌ្ឍ	( កំពង់ចាម ) ៖ សមាជិកគណបក្សប្រជាជនកម្ពុជា ក្នុងមូលដ្ឋានឃុំសំបួរ ស្រុកស្ទឹងត្រង់ ខេត្តកំពង់ចាម នៅថ្ងៃទី ០១ ខែកក្កដា ឆ្នាំ ២០១៨ នេះ បានប្តេជ្ញាចិត្តថា នឹងគៀងគរប្រជាពលរដ្ឋក្នុងមូលដ្ឋានទៅបោះឆ្នោតជូនគណបក្សប្រជាជនកម្ពុជា ដើម្បីឲ្យសម្តេចតេជោ ហ៊ុន សែន បន្តដឹកនាំប្រទេស ដែលអាចរក្សាសន្តិភាព និងបន្តការអភិវឌ្ឍ ។ ការប្តេជ្ញាចិត្តរបស់សមាជិកបក្សទាំង ២០០ គ្រួសារ នៅភូមិវាលព្រះ ភូមិស្រែអំពៅ និងភូមិពោន ឃុំទួលសំបួរ បានធ្វើឡើងបន្ទាប់ពី លោក ឯម កុសល សមាជិកគណៈអចិន្ត្រៃយ៍គណបក្សខេត្ត និងជាប្រធានក្រុមការងារចុះជួយឃុំទួលសំបួរ ចាត់ក្រុមការងារចុះសំណេះសំណាល និងសាកសួរសុខទុក្ខ ជាមួយសមាជិកបក្សតាមខ្នងផ្ទះ ។ ក្នុងឱកាសនោះ លោក ឯម កុសល បានចាត់ក្រុមការងារ ធ្វើការផ្សព្វផ្សាយរបៀបគូសសញ្ញាគាំទ្រគណបក្សប្រជនកម្ពុជា ចំណុចលេខរៀងទី ២០ សញ្ញារូបទេវតាបាចផ្កា និងណែនាំត្រួតពិនិត្យឲ្យគាត់មានប័ណ្ណដើម្បីត្រៀមទៅបោះឆ្នោត និងបានជម្រាបណែនាំអំពីឈ្មោះការិយាល័យ ដែលពួកគាត់ត្រូវទៅបោះឆ្នោត នៅថ្ងៃទី ២៩ ខែកក្កដា ឆ្នាំ ២០១៨ ខាងមុខនេះ ។ បន្ថែមពីនេះ លោកប្រធានក្រុមការងារ ក៏បានបញ្ជាក់ថា បច្ចុប្បន្ននេះប្រទេសកម្ពុជា កំពុងតែមានការរីកចម្រើនទៅមុខជាលំដាប់ ក្រោមការដឹកនាំរបស់ គណបក្សប្រជាជនកម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានគណបក្ស ដែលបាននាំមកនូវសន្តិភាព និងសុខសុវត្ថិភាព ជូនប្រជាពលរដ្ឋទូទាំងប្រទេស ។ ជាមួយគ្នានេះ ក្រុមការងារក៏បានចែកជូនអាវយឺត ០១ មួក ០១ និងថវិកា ១០ , ០០០ រៀល ក្នុងសមាជិកម្នាក់ៗ និងជូនប្រធានក្រុមបក្សសរុប រួមមាន អាវយឺតបក្ស ចំនួន ៨០០ អាវ មួកចំនួន ៨០០ មួក និងថវិកា ៥ , ៩២០ , ០០០ រៀល ៕
https://freshnewsasia.com/localnews/31664-	ក្រសួងឧស្សាហកម្ម នឹងប្រគល់ ប្រកាសនីយបត្រតក្កកម្ម ការពារកម្មសិទ្ធបញ្ញា ជូនវិចិត្រករ រឿម ប៊ុនហាក់ រកឃើញវិធីកំឡោចរូបគំនូរលើស្លឹកត្នោត	( ភ្នំពេញ ) ៖ ក្រសួងឧស្សាហកម្ម និងសិប្បកម្មនឹងរៀបចំពិធីប្រគល់វិញ្ញាបនបត្រ ប្រកាសនីយបត្រតក្កកម្ម ការពារកម្មសិទ្ធបញ្ញា ជូនវិចិត្រករ រឿម ប៊ុនហាក់ សម្រាប់ការរកឃើញ វិធីសាស្ត្រកំឡោច រូបគំនូរលើស្លឹកត្នោត ក្រោមអធិបតីភាព លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម នៅថ្ងៃព្រហស្បតិ៍ ទី ១៨ ខែសីហា ឆ្នាំ ២០១៦ នាម៉ោង ០៣ : ៣០ រសៀល នៅសាលប្រជុំ នៃរដ្ឋាករទឹកស្វយ័តក្រុងភ្នំពេញ ។ តាមការឲ្យដឹងពីមន្ត្រីជំនាញ នៃក្រសួងឧស្សាហកម្ម និងសិប្បកម្ម ថានេះជាការទទួលស្គាល់នូវស្នាដៃរកឃើញ របស់វិចិត្រករខ្មែរ គឺលោក រឿម ប៊ុនហាក់ វិចិត្រករនៅខេត្តសៀមរាប ដែលបានរកឃើញ នូវវិធីសាស្ត្រគូរគំនូរ លើស្លឹកត្នោត ដោយយកកម្តៅភ្លើងនៃចំហេះធ្យូង មកគូរឲ្យចេញជារូបគំនូរយ៉ាងរស់រវើក ហើយការរៀបចំពិធីនេះ ក៏ជាការជំរុញ និងលើកទឹកចិត្ត ឲ្យបងប្អូនផលិតករ សិប្បកម្មខ្មែរទាំងឡាយ ឲ្យខិតខំស្វែងការនូវការបង្កើតថ្មី និងរបកគំហើញថ្មីៗ ដែលជាស្នាដៃរបស់ខ្លួន ដើម្បីជាមុខមាត់ និងកិត្តិយសសម្រាប់ជនជាតិយើង និងក៏ជាការរួមចំណែក ក្នុងការបង្កើននូវផលិតកម្ម ក្នុងស្រុកផងដែរ ។ ដូចនេះផលិតករ សិប្បករ និងសាធារណៈជូនទូទៅ ដែលមានចំណាប់អារម្មណ៍ ចំពោះស្នាដៃនៃការកំឡោចរូបគំនូរលើស្លឹកត្នោត របស់វិចិត្រករ រឿម ប៊ុនហាក់ សូមអញ្ជើញចូលរួមក្នុងពិធីប្រគល់វិញ្ញាបនបត្រ ប្រកាសនីយបត្រតក្កកម្ម ការពារកម្មសិទ្ធបញ្ញា ជូនលោក សម្រាប់ការរកឃើញវិធីសាស្ត្រ កំឡោចរូបគំនូរលើស្លឹកត្នោត ក្រោមអធិបតីភាព លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម នៅថ្ងៃព្រហស្បតិ៍ ទី ១៨ ខែសីហា ឆ្នាំ ២០១៦ នាម៉ោង ០៣ : ៣០ រសៀល នៅសាលប្រជុំ នៃរដ្ឋាករទឹកស្វយ័តក្រុងភ្នំពេញ ៕
https://freshnewsasia.com/localnews/95329-	មន្ត្រីជាន់ខ្ពស់ក្រសួងវប្បធម៌ ៖ ភាពយន្តក្នុងស្រុកនៅតែមានការគាំទ្រ ពីសំណាក់ទស្សនិកជន ទោះបីមានការហូរចូល នៃភាពយន្តបរទេសច្រើនក្តី !	( ភ្នំពេញ ) ៖ លោក សោម សុគន្ធ រដ្ឋលេខាធិការក្រសួងវប្បធម៌ និងវិចិត្រសិល្បៈ បានលើកឡើងថា បច្ចុប្បន្ននេះភាពយន្តបរទេសបានហូរចូលមក លើទីផ្សារកម្ពុជាហាក់គួរឲ្យកត់សំគាល់ ទោះបីការហូរច្រើនយ៉ាងណាក៏ដោយ ក៏ពលរដ្ឋកម្ពុជា នៅតែបន្តទស្សនា គាំទ្រភាពយន្តក្នុងស្រុកដដែល ។ ការលើកឡើងបែបនេះ របស់លោក សោម សុគន្ធ ធ្វើឡើងនាឱកាសដែលលោក អញ្ជើញចូលរួមក្នុងកម្មវិធីបណ្តុះបណ្តាល ជំនាញសរសេរអត្ថបទភាពយន្ត , ជំនាញដឹកនាំរឿង និងជំនាញថតភាពយន្ត នាព្រឹកថ្ងៃទី ១០ ខែសីហា ឆ្នាំ ២០១៨ ។ លោក សោម សុគន្ធ បានលើកឡើងថា ១ ឆ្នាំៗ ភាពយន្តក្នុងស្រុកផលិតបាន ប្រមាណជាង ៣០ រឿង ប៉ុន្តែអំណោយផលនៃការទស្សនាភាពយន្ត របស់ទស្សនិកជនកម្ពុជា ខុសពីទស្សនិកជន តាមបណ្តាប្រទេសនានា ដែលពួកគេខ្លាចក្នុងការហូរចូល ភាពយន្តហូលីវូដ ។ ដោយឡែកសម្រាប់ទស្សនជនខ្មែរវិញ ទោះបីជាមានភាពយន្តហូលីវូដ ហូរចូលច្រើនយ៉ាងណាក៏ដោយក៏នៅតែបន្តគាំទ្រភាពយន្ត ក្នុងស្រុកដដែល ។ លោកបានបន្តទៀតថា ដើម្បីឲ្យភាពយន្តក្នុងស្រុក កាន់តែមានការគាំទ្រ ក្រសួងវប្បធម៌ តែងតែរៀបចំវគ្គពិសេសជាច្រើន ក្នុងចែករំលែកចំណេះដឹង ក៏ដូចជាបណ្តុះបណ្តាលជំនាញ ទៅលើអ្នកមិនចេះ និងចេះឲ្យកាន់តែមានសមត្ថភាព ដើម្បីងាយស្រួលក្នុងការថតភាពយន្ត ជាមួយបរទេស ដែលមកថតនៅកម្ពុជា ។ លោកបញ្ជាក់ទៀតថា ច្បាស់ណាស់ការហូរចូលនៃ ភាពយន្តបរទេស គឺប្រាកដជាមានផលប៉ះពាល់ដល់ភាពយន្តកម្ពុជា ។ ប៉ុន្តែប្រសិនបើគិតដល់ការចំណាយវិញ គឺភាពយន្តបរទេស នាំចូលកម្ពុជាមានតម្លៃថោកជាង ការផលិតខ្លួនឯង ដោយឡែកសម្រាប់ គុណភាពវិញកម្ពុជា នៅមានកម្រិតនៅឡើយ ។ តែទោះបីជាយ៉ាងណា ក្រសួងនឹងព្យាយាមបណ្តុះបណ្តាលឲ្យមានគុណភាពល្អឡើងទ្វេរឡើង ។ សូមបញ្ជាក់ថា ឆមាសទី ១ ឆ្នាំ ២០១៨ នេះ មានផលិតករក្នុងស្រុកជាង ៣០ នាក់ ដែលសុំអាជ្ញាបណ្ណថតរឿង ។ ដោយឡែកសម្រាប់ផលិករបរទេស មានប្រមាណ ២០ គម្រោងហើយ ដែលគ្រោងនឹងដាក់ស្នើមកក្រសួង ភាពច្រើនជាភាពយន្ត ឯកសារ ៕
https://freshnewsasia.com/localnews/60792-	ទេសរដ្ឋមន្ត្រី អៀង មូលី ដឹកនាំគណ : ប្រតិភូកម្ពុជា ចូលរួមក្នុងសន្និសីទ អំពីជំងឺអេដស៍នៅប៉ារីស	( ភ្នំពេញ ) ៖ ទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានដឹកនាំគណ : ប្រតិភូកម្ពុជា អញ្ជើញចូលរួមក្នុងសន្និសីទអន្តរជាតិស្តីពីជំងឺអេដស៍ លើកទី ៩ ឆ្នាំ ២០១៧ ( ais 2017 ) នៅទីក្រុងប៉ារីស ប្រទេសបារាំង ដែលប្រារព្ធឡើងពីថ្ងៃទី ២៣ ដល់ ២៦ ខែកក្កដា ឆ្នាំ ២០១៧ ។ សន្និសីទនេះ រៀបចំដោយសង្គមអន្តរជាតិ ស្តីពីជំងឺអេដស៍បារាំង ( international aids society ) មានអ្នកចូលរួមចំនួនប្រមាណ ៦ , ០០០ នាក់ ដែលជាអ្នករៀបចំនយោបាយ និងយុទ្ធសាស្ត្រជាតិ អ្នកស្រាវជ្រាវវេជ្ជសាស្ត្រ អ្នកផ្ទុកជំងឺអេដស៍ ព្រមទាំងតំណាងសង្គមស៊ីវិល មកពីជុំវិញពិភពលោក ដើម្បីចែករំលែកបទពិសោធន៍ និងវិធីសាស្ត្រថ្មីៗក្នុងការប្រយុទ្ធជាមួយជំងឺអេដស៍ ។ បន្ទាប់ពីចួលរួមក្នុងកិច្ចប្រជុំពេញអង្គ ស្តាប់បទអន្តរាគមន៍ ដែលបង្ហាញពីលទ្ធផលថ្មីៗ នៃការសិក្សាស្រាវជ្រាវ អំពីជំងឺអេដស៍រួចមក លោកទេសរដ្ឋមន្ត្រី បានជួបពិភាក្សាការងារជាមួយអ្នកជំនាញបារាំង jean spiri ប្រធានមជ្ឈមណ្ឌលផ្សព្វផ្សាយព័ត៌មានអំពីជំងឺអេដស៍ប្រចាំតំបន់ ile - de - france , antoine peigney ប្រធានផ្នែកសុខភាពនៃ expertise france និងឯកអគ្គរដ្ឋទូត michele boccoz ទទួលបន្ទុកប្រយុទ្ធនឹងមេរោគអេដស៍ / ជំងឺអេដស៍ និងជំងឺឆ្លង ដោយមានការចូលរួមពីវេជ្ជបណ្ឌិត eric fleutelot អ្នកតំណាងរដ្ឋាភិបាលបារាំងផ្នែកជំងឺឆ្លងនៅតំបន់អាស៊ីប៉ាស៊ីហ្វិក ដែលមានទីស្នាក់ការនៅទីក្រុងបាងកក ។ លោកទេសរដ្ឋមន្ត្រី បានពិភាក្សាជាមួយភាគីបារាំង អំពីការរៀបចំមជ្ឈមណ្ឌលព័ត៌មាន ពីជំងឺអេដស៍ ដែលគ្រោងនឹងរៀបចំនៅទីស្តីការអាជ្ញាធរជាតិប្រយុទ្ធនឹងជំងឺអេដស៍ អំពីកម្មវិធីផ្តួចផ្តើម ៥ % ដែលបារាំងរួមចំណែក ក្នុងមូលនិធិសកល និងអំពីកិច្ចហប្រតិបត្តិការរវាងបារាំងនិងកម្ពុជាក្នុងការប្រយុទ្ធនឹងជំងឺអេដស៍ ៕
https://freshnewsasia.com/localnews/52098-	មេធាវី ទូត លុច ចេញសេចក្តីសន្និដ្ឋានជុំវិញការបើកសវនាការលោក ថោង សារ៉ាត់	( ភ្នំពេញ ) ៖ លោកបណ្ឌិត ទូត លុច មេធាវីការពារក្តីរបស់ លោក ថោង សារ៉ាត់ ថៅកែបុរី ៩៩៩ បានចេញសេចក្តីសន្និដ្ឋានមួយនាថ្មីៗនេះដើម្បី បង្ហាញអំណះអំណាង និងភស្តុតាងដោះបន្ទុកថា កូនក្តីរបស់លោកពុំមានការពាក់ព័ន្ធនឹងឃាតកម្មសម្លាប់ឧកញ៉ា អ៊ឹង ម៉េងជឺ ។ ជាមួយគ្នានេះ លោកមេធាវី ទូត លុច បានស្នើតុលាការដើម្បីឱ្យលោក ថោង សារ៉ាត់ រួចផុតពីការចោទប្រកាន់ ។ សូមបញ្ជាក់ថា អតីតឧកញ៉ា ថោង សារ៉ាត់ ថៅកែក្រុមបុរី ៩៩៩ ត្រូវបានតុលាការចោទប្រកាន់ពីបទផ្តើមគំនិតក្នុងការបាញ់សម្លាប់ ឧកញ៉ា អ៊ឹង ម៉េងជឺ ថៅកែក្រុមហ៊ុនស៊ីម៉ងតិ៍ត្បូងពេជ្រ និងជាថៅកែហាងមាសហុងកុង នៅរាជធានីភ្នំពេញ កាលពីថ្ងៃទី ២២ ខែវិច្ឆិកា ឆ្នាំ ២០១៤ នៅក្នុងសង្កាត់ទួលស្វាយព្រៃ ខណ្ឌចំការមន រាជធានីភ្នំពេញ ។ ខាងក្រោមនេះជាសេចក្តីសន្និដានរបស់មេធាវីលោក ថោង សារ៉ាត់ ៖
https://freshnewsasia.com/localnews/55852-	លោកជំទាវ ដោក សុទ្ធា និងឯកឧត្តម ឈួរ ច័ន្ទឌឿន ផ្ញើសារលិខិតគោរពជូនពរ សម្តេច ហេង សំរិន ក្នុងឱកាសពិធីបុណ្យចម្រើនជន្មាយុគម្រប់ ៨៣ ឆ្នាំ ឈានចូល ៨៤ ឆ្នាំ	( ភ្នំពេញ ) ៖ ក្នុងឱកាសដ៏មហានក្ខត្តឫក្ស នៃ ពិធីបុណ្យចម្រើនជន្មាយុគម្រប់ ៨៣ ឆ្នាំ ឈានចូល ៨៤ ឆ្នាំ របស់សម្តេចអគ្គមហាពញាចក្រី ហេង សំរិន ប្រធានរដ្ឋសភានៃកម្ពុជា នៅថ្ងៃទី ២៥ ខែឧសភា ឆ្នាំ ២០១៧ នេះ , លោកជំទាវ ដោក សុទ្ធា ប្រធានក្រុមប្រឹក្សាខេត្ត និងឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង ព្រមទាំងមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទូទាំងខេត្តកំពង់ឆ្នាំង សូមគោរពជូនពរ សម្តេចអគ្គមហាពញាចក្រី មានសុខភាពបរិបូរណ៍ កម្លាំងពលំមាំមួន ឈ្នះអស់មារសត្រូវគ្រប់ទិសទី ដើម្បីសម្តេចបន្តបេសកកម្មដ៏ថ្លៃថ្លា ដឹកនាំស្ថាប័នរដ្ឋសភា និងប្រទេសជាតិ ឆ្ពោះទៅរកភាពរីកចម្រើនតរៀងទៅ ។ សូមបួងសួងដល់វត្ថុស័ក្តិសិទ្ធិ ទាំងអស់ក្នុងលោក និងជាពិសេស ទេវតាឆ្នាំថ្មី សូមប្រសិទ្ធពរបវរមហាប្រសើរជូន សម្តេចអគ្គមហាពញាចក្រី ហេង សំរិន និង លោកជំទាវ សៅ ទី ហេង សំរិន ព្រមទាំង បុត្រា បុត្រី និងចៅប្រុស ចៅស្រី សូមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕
https://freshnewsasia.com/localnews/53946-	តំណាងរាស្ត្រលោក ជា វ៉ាន់ដេត ៖ ជ័យជំនះរបស់គណបក្សប្រជាជន គឺជា « ជ័យជំនះរបស់យើងទាំងអស់គ្នា »	( តាកែវ ) ៖ លោក ជា វ៉ាន់ដេត សមាជិកសភាថ្មី ដែលទើបចូលកាន់តំណែង បានថ្លែងប្រាប់ប្រជាពលរដ្ឋថា « ជ័យជំនះរបស់គណបក្សប្រជាជន គឺជាជ័យជំនះរបស់យើងទាំងអស់គ្នា » ហើយនេះគឺជាក្តីសង្ឃឹមយ៉ាងធំធេងថា គណបក្សប្រជាជន នឹងឈ្នះឆ្នោតតទៅទៀត ។ ជាមួយនឹងក្តីសង្ឃឹមនេះ លោក ជា វ៉ាន់ដេត ប្តេជ្ញាថា នឹងបន្តបង្កើតស្នាដៃថ្មីៗ បន្ថែមទៀតរបស់គណបក្សប្រជាជននៅក្នុងខេត្តតាកែវ បើទោះបីខេត្តមួយនេះ មិនមែនជាស្រុកកំណើតរបស់លោក តែនេះជាកាតព្វកិច្ចរបស់គណបក្សប្រជាជន ។ លោក វ៉ាន់ ដេត បានបន្ថែមថា លោកបានចុះជួបជាមួយប្រជាពលរដ្ឋ នៅមណ្ឌលរបស់ខ្លួនបានជិត ៣ ម៉ឺននាក់ហើយ ហើយលោកនឹងបន្តជួបទាល់តែអស់ទើបលោកស្ងប់ចិត្ត ៕ ( សូមស្តាប់សម្លេងរបស់លោកខាងក្រោម )
https://freshnewsasia.com/localnews/100151-	ថ្ងៃនេះ ជាថ្ងៃកាន់បិណ្ឌទី ២ , សូមស្វែងយល់អំពីប្រវត្តិពិធីបុណ្យភ្ជុំបិណ្ឌ ដែលជាទំនៀមទម្លាប់របស់បងប្អូនប្រជាជនខ្មែរ	( ភ្នំពេញ ) ៖ នៅថ្ងៃពុធ ២ រោច ខែភទ្របទ ឆ្នាំច សំរិទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី ២៦ ខែកញ្ញា ឆ្នាំ ២០១៨ នេះ គឺជាថ្ងៃកាន់បិណ្ឌទី ២ ។ នៅពេលនេះបណ្តាញព័ត៌មាន fresh news សូមលើកយកនូវប្រវត្តិនៃពិធីបុណ្យភ្ជុំបិណ្ឌ ដែលជាទំនៀមទម្លាប់របស់ប្រជាជនខ្មែរ មកចែកជូនប្រិយមិត្តស្វែងយល់ ។ បុណ្យភ្ជុំបិណ្ឌ ជាពិធីបុណ្យមួយដែលធំជាងគេ នៅក្នុងចំណោមពិធីបុណ្យទាំងអស់ ចំពោះអ្នកកាន់ព្រះពុទ្ធសាសនា ។ ជារៀងរាល់ឆ្នាំនៅពេលដល់ថ្ងៃខែ ដែលត្រូវប្រារព្ធពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្តានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នា ជាពិសេសឪពុកម្តាយនៅស្រុកកណើត ដើម្បីរៀបចំម្ហូបអាហារ បាយសម្ល ចង្ហាន់យកទៅប្រគេនព្រះសង្ឃ ដែលគង់នៅវត្តអារាម ។ ទាំងនេះ គឺជាទម្លាប់មួយដែលគេនិយមធ្វើតៗគ្នា របស់ជនជាតិខ្មែរជាយូរមកហើយ ។ ប្រវត្តិបុណ្យភ្ជុំបិណ្ឌ បើតាមតម្រាចារតាមប្រវត្តិសាស្ត្រនៃប្រទេសកម្ពុជា បានបង្ហាញថា ពិធីបុណ្យភ្ជុំបិណ្ឌ គឺកើតមានតាំងពីបុរាណកាលមកម្ល៉េះ ។ ប៉ុន្តែទាស់ត្រង់ថា កាលពីសម័យមុនគេមិនហៅថា បុណ្យភ្ជុំទេ ដោយនៅក្នុងពិធីនេះ គេមានបែងចែកចេញជាពីរថ្នាក់ ។ ថ្នាក់ដំបូង គឺគេចាប់ផ្តើមធ្វើចាប់ពីថ្ងៃ ១ រោច រហូតដល់ថ្ងៃ ១៤ រោច ជាវារកភត្ត ( ភត្តធ្វើតាមថ្ងៃ ) ជាបន្តបន្ទាប់ ។ ចំណែកមួយថ្នាក់ទៀតគេធ្វើនៅថ្ងៃ ១៥ រោច ដែលគេហៅថាបុណ្យភ្ជុំ ។ ពិធីបុណ្យទាំងពីរថ្នាក់នេះ បច្ចុប្បន្នត្រូវបានយើងបូកបញ្ចូលគ្នា ហើយហៅកាត់ថា ពិធីបុណ្យបិណ្ឌភ្ជុំ ។ មូលហេតុដែលប្រារព្ធពិធីបុណ្យភ្ជុំ កាលពីសម័យបុរាណកាល គេធ្វើពិធីបុណ្យនេះ គឺដើម្បីរៀបចំធ្វើសង្ឃភត្ត ទំនុកបម្រុងព្រះសង្ឃ ដែលគង់ចាំវស្សាក្នុងវត្តរយៈពេល ៣ ខែ ចាប់តាំងពីថ្ងៃចូលវស្សារហូតដល់ថ្ងៃចេញវស្សា ។ នៅក្នុងចំណេរកាលបុរាណបានចារថា ដោយនៅក្នុងរដូវវស្សាមានភ្លៀងធ្លាក់ជោកជាំ រលឹមពព្រិច ធ្វើឲ្យមានការលំបាកដល់ព្រះសង្ឃក្នុងពេលធ្វើគោចរ ( ដើរ ) បិណ្ឌបាត ។ ហេតុដូច្នេះ ទើបបណ្តាពុទ្ធបរិស័ទនាំគ្នារៀបចំពិធីនេះ ដើម្បីផ្គត់ផ្គង់ព្រះសង្ឃប្រចាំថ្ងៃរហូតដល់ថ្ងៃចេញវស្សា ។ ម្យ៉ាងវិញទៀត នៅក្នុងពិធីបុណ្យនេះ គឺធ្វើឡើងដើម្បីផ្សាយឧទ្ទិសកុសលដល់ពពួក ប្រេតជនញាតិ និងញាតិទាំង ៧ សណ្តាន ព្រមទាំងតំណញាតិច្រើនមហាកប្បនោះផងដែរ តាមរយៈអនុភាពនៃសង្ឃគតាទក្ខិណាទាន ដែលរស់រងទុក្ខវេទនា កើតជាប្រេតមានកម្មពៀរជាប់ទោសធ្ងន់ រងកម្មក្រហល់ក្រហាយអត់ឃ្លានទាំងអស់នោះ បានរួចផុតពីក្តីលំបាកសោកសៅ ។ រដូវបុណ្យភ្ជុំបិណ្ឌ ចាប់តាំងពីសម័យបុរាណកាលរហូតមកដល់បច្ចុប្បន្ននេះ ពិធីបុណ្យភ្ជុំបិណ្ឌនេះ គេតែងតែប្រារព្ធនៅក្នុងរដូវវស្សា ព្រោះនៅក្នុងរដូវនេះពពួកប្រេតអាចមានឱកាសច្រើនក្នុងការស្វែងរក ចំណីអាហារជាងរដូវផ្សេងៗទាំងអស់ ។ ម្យ៉ាងវិញទៀតនៅក្នុងវស្សានរដូវ អាហាររបស់ពួកប្រេត ដូចជាភក់ជ្រាំ ស្លេស្ម៍ កំហាក សាកសព និងកាកសំណល់អសោច សម្បូរនៅក្នុងខែភ្លៀងផ្គរពព្រិច ។ នៅក្នុងរដូវបុណ្យភ្ជុំបិណ្ឌរយៈពេល ១៥ ថ្ងៃនេះ មានពពួកប្រេតជន ( ពួកប្រេត ) សាច់ញាតិទាំងប្រាំពីរសណ្តាន ព្រមទាំងតំណញាតិច្រើនមហាកប្ប ដែលអត់ឃ្លានអាហារអស់រយៈពេលជាច្រើនខែមកហើយនោះ ត្រូវបានរួចផុតពីការឃុំឃាំង អនុញ្ញាតឲ្យមកស្វែងរកសាច់ញាតិនៅតាមវត្តអារាមផ្សេងៗ ដែលនាំយកចំណីអាហារផ្សេងៗ មកឧទ្ទិសកុសលឲ្យខ្លួន ។ ម្យ៉ាងវិញទៀត បើតាមសម្តីចាស់ៗបុរាណនិយាយតៗគ្នាថា ក្នុងរយៈពេល ១៥ ថ្ងៃ បើពពួកប្រេតជនទាំងអស់នោះ ដើរស្វែងរកញាតិចំនួន ៧ វត្ត នៅតែមិនឃើញនោះ ពពួកប្រេតទាំងអស់នោះនឹងស្រែកយំទន្ទ្រាំជើង ព្រោះតែការខកបំណង និងភាពស្រែកឃ្លានក្រហល់ក្រហាយក្នុងចិត្ត ។ ជាពិសេសពពួកប្រេតជនទាំងអស់នោះ នឹងជេរដាក់បណ្តាសាដល់សាច់ញាតិ កូនចៅជាមិនខាន ។ ការប្រារព្ធពិធីបុណ្យបិណ្ឌភ្ជុំ ចំពោះបុណ្យបិណ្ឌភ្ជុំនេះ បុរាណាចារ្យរាជបណ្ឌិតខ្មែរយើងបានរៀបចំរយៈពេល ១៥ ថ្ងៃ ដោយចាប់គិតពីថ្ងៃទី ១ រោច ដល់ថ្ងៃទី ១៥ រោច ខែភទ្របទ ជាពិធីមួយសម្រាប់ឧទ្ទិសកុសលទៅដល់ប្រេតជនញាតិដែលបានស្លាប់ទៅ ។ នៅក្នុងរយៈពេល ១៤ ថ្ងៃ នៃការកាន់បិណ្ឌ ឬដាក់បិណ្ឌនេះ ពុទ្ធបរិស័ទចំណុះជើងវត្តទាំងអស់ជាពិសេសក្រុមនីមួយៗ ដែលបានរៀបចំជា ក្រុមដោយលោកតាអាចារ្យចាត់ចែងនោះ ត្រូវបែងចែកចេញ ៣ ឬ ៤ ក្រុមតូចៗ ដើម្បីរៀបចំធ្វើយាគូ ( បបរ ) ឬធ្វើភត្តាហារជា ៣ ទៅ ៤ ឆ្នាំង ស្មើនឹង ៣ ទៅ ៤ មុខម្ហូប ។ ពេលទូងស្គរចំណាំវស្សា អ្នកនៅក្នុងក្រុមវេននីមួយៗ ត្រូវចាប់ផ្តើមធ្វើចង្ហាន់ ហើយយាយតាចាស់ៗ ក្នុងក្រុមវេន ត្រូវជ្រើសរើសយកផ្ទះណាមួយ ដើម្បីប្រមូលនំរៀបចំបាយបិណ្ឌ បាយបត្តបូរ ។ រៀបចំរួចហើយត្រូវនាំគ្នាទៅវត្តស្តាប់លោកសង្ឃសូត្រថ្វាយ បង្គំធម៌ សុខោ និង ធម៌បរាភវសូត្រ ។ ចំណែកឯកូនចៅដែលនៅផ្ទះ ត្រូវនាំគ្នាខិតខំដុតដៃដុតជើងបបរ ឬស្លតាមមុខម្ហូបនីមួយៗ ដោយឡែកពីគ្នា ។ លុះដល់ពេលព្រឹកព្រាងអរុណោទ័យ ( ពេលព្រះអាទិត្យរះឡើង ) ត្រូវនាំគ្នារៀប ចំខ្លួន កណ្តៀត យួរ កាន់ ទូល រែកចង្ហាន់ទៅវត្ត ។ នៅក្នុងវត្ត លោកតាអាចារ្យត្រូវរៀបចំពិធីរាប់បាត្រ នៅលើឧបដ្ឋានសាលា ។ បន្ទាប់មកលោកអាចារ្យជាប្រធាន ត្រូវនាំពុទ្ធបរិស័ទវេរ ( ប្រគល់ ) ចង្ហាន់ប្រគេនព្រះសង្ឃ វេរបាយបត្តបូរ ។ ល ។ លុះដល់ពេលព្រះសង្ឃធ្វើបត្តានុមោទនគាថាចប់ មេវេនក្រុមនីមួយៗត្រូវរៀបចំម្ហូបអាហារ ចំណីចូលគំនាប់ជូនលោកតាអាចារ្យវត្ត ព្រមទាំងចាត់ចែងភោជ នាហារទទួលភ្ញៀវដែលអញ្ជើញទៅបុណ្យ នៅក្នុងថ្ងៃវេនរបស់ខ្លួននោះផងដែរ ៕ < p
https://freshnewsasia.com/localnews/22915-	លោក ប៉ា សុជាតិវង្ស ជួបពិភាក្សាការងារជាមួយ ឯកអគ្គរដ្ឋទូតឥណ្ឌា ព្រមព្រៀមគ្នារៀបចំកម្មវិធីចំនួន ២ នៅរាជធានីភ្នំពេញ	( ភ្នំពេញ ) ៖ លោក ប៉ា សុជាតិវង្ស អភិបាលរាជធាណីភ្នំពេញ នៅព្រឹកថ្ងៃទី ២៧ ខែមេសា ឆ្នាំ ២០១៦ បានជួបពិភាក្សាសំណេះសំណាល ជាមួយនឹងលោក naveen srivastaca ឯកអគ្គរាជទូតឥណ្ឌា ដើម្បីពិភាក្សាលើបញ្ហា និងគម្រោងមួយចំនួន ។ យោងតាមគេហទំព័រ facebook page ផ្លូវការរបស់លោក ប៉ា សុជាតិវង្ស បានបញ្ជាក់ថា ក្នុងកិច្ចពិពិភាក្សាដ៏មានតំលៃនេះ ភាគីទាំង ២ ទទួលបានលទ្ធផងដ៏ល្អចំនួនពីរចំណុច ៖ ១ - ព្រមព្រៀងអនុញ្ញាតិឲ្យរៀបចំពិធីហាត់យូហ្គាអន្តរជាតិ នាថ្ងៃទី ១៩ ខែមិថុនា ឆ្នាំ ២០១៦ នៅមុខវត្តឧណ្ណាលោម ។ ២ - អនុញ្ញាតិឲ្យមានការរៀបចំតាំងពិពណ៌រូបភាព ចាប់ពីថ្ងៃទី ៣០ ខែឧសភា ដល់ថ្ងៃទី ២២ ខែមិថុនា ឆ្នាំ ២០១៦ ក្នុងបរិវេណរមណីយដ្ឋានប្រវត្តិសាស្ត្រវត្តភ្នំ ៕
https://freshnewsasia.com/localnews/105539-	លោក គង់ គាំ បង្ហោះសារដៀមដាម លោក សម រង្ស៉ី ដែលជាអតីតមេជំនិតរបស់ខ្លួន ( video inside )	( ភ្នំពេញ ) ៖ លោក គង់ គាំ អតីតប្រធានគណបក្សសមរង្ស៉ី នៅថ្ងៃទី ២៤ ខែវិច្ឆិកា ឆ្នាំ ២០១៨ នេះ បានបង្ហោះសារមួយ ដែលទំនងចង់ដៀមដាមទៅកាន់ លោក សម រង្ស៉ី ដែលអតីតជាមេដ៏ល្អូកល្អិនរបស់ខ្លួន ។ នៅក្នុងខ្លឹមសារស្រដៀងនឹងកំណាព្យនេះ លោកគង់ គាំ បានប្រើប្រាស់ខ្លឹមសារថា « មមាច ( ខ្លួនល្អិត ខួរល្អោច ) ឃើញភ្លើងមិនញោច ព្រោះស្មានថាផ្កា ដេញរោមរហូត ឆេះក្ស័យជន្មា នៅមិនដឹងថា ពន្លឺមួយណា អាចជួយជីវិត ។ គិតមិនដែលត្រូវ យល់មិនដែលច្បាស់ ធ្វើមិនដែលកើត ស្រមៃផ្តេសផ្តាស គ្មានខ្លួនជាម្ចាស់ គេរស់មិនបាន ។ មាននឹកឃើញទេ ( រដ្ឋសភាខ្វះម្នាក់ + រដ្ឋសភាខ្វះមួយគណបក្ស ) មិនអាចរស់បាន ព្រមបង្គ្រប់ទឹក មិនអាចនឹកស្មាន ព្រោះមេបានអ្វីៗដូចចិត្ត » ។ ជាមួយគ្នានេះលោកក៏បានតិះដៀលទៀតថា « លើកនេះអស់លក្ខណ៍ ( ដេកផ្ទះ ឈ្នះស្អាត រុញស៊ីក្លូចូលឡាន ភ្នាល់ឲ្យចូលអន្ទាក់ ) បាក់បែករូបកាយ ឱ្យតែមូលព្រលឹង ។ ដៃជើងថាហត់ ឯក្បាលនិងមាត់ អញគិត អញស៊ី ។ ម្នាក់ថាទុកឲ្យរលំ ម្នាក់ថាផ្សះផ្សា ម្នាក់ថាសងអំណាចពីមុន ម្នាក់ថាបោះឆ្នោតឡើងវិញ ( មហារវើរវាយ មហារញ៉េរញ៉ៃ ) ។ សុទ្ធតែខ្យល់ » ៕ ខាងក្រោមនេះជាខ្លឹមសារទាំងស្រុងដែលបង្ហោះដោយ លោក គង់ គាំ ៖ មមាច ( ខ្លួនល្អិត ខួរល្អោច ) ឃើញភ្លើងមិនញោច ព្រោះស្មានថាផ្កា ដេញរោមរហូត ឆេះក្ស័យជន្មា នៅមិនដឹងថា ពន្លឺមួយណា អាចជួយជីវិត ។ គិតមិនដែលត្រូវ យល់មិនដែលច្បាស់ ធ្វើមិនដែលកើត ស្រមៃផ្តេសផ្តាស គ្មានខ្លួនជាម្ចាស់ គេរស់មិនបាន ។ មាននឹកឃើញទេ ( រដ្ឋសភាខ្វះម្នាក់ + រដ្ឋសភាខ្វះមួយគណបក្ស ) មិនអាចរស់បាន ព្រមបង្គ្រប់ទឹក មិនអាចនឹកស្មាន ព្រោះមេបានអ្វីៗដូចចិត្ត ។ លើកនេះ អស់លក្ខណ៍ ( ដេកផ្ទះ ឈ្នះស្អាត រុញស៊ីក្លូចូលឡាន ភ្នាល់ឲ្យចូលអន្ទាក់ ) បាក់បែករូបកាយ អោយតែមូលព្រលឹង ។ ដៃជើងថាហត់ ឯក្បាល និងមាត់ អញគិត អញស៊ី ។ ម្នាក់ថាទុកឲ្យរលំ ម្នាក់ថាផ្សះផ្សា ម្នាក់ថាសងអំណាចពីមុន ម្នាក់ថាបោះឆ្នោតឡើងវិញ ( មហារវើរវាយ មហារញ៉េរញ៉ៃ ) ។ សុទ្ធតែខ្យល់ ។ រវាងពួកក្បាលមិនទើសមេឃ ខ្ញុំឲ្យតម្លៃពួកជើងជាប់ដី ៕
https://freshnewsasia.com/localnews/45924-	នគរបាលខណ្ឌពោធិ៍សែនជ័យ ឃាត់ខ្លួនស្ត្រីកោសជប់ម៉ាស្សា ២ នាក់ ជំនាញខាងលួចទ្រព្យសម្បត្តិភ្ញៀវ ហើយបញ្ជូនទៅតុលាការ	( ភ្នំពេញ ) ៖ កម្លាំងនគរបាលខណ្ឌពោធិ៍សែនជ័យ បានឃាត់ខ្លួនស្ត្រីកោសជប់ម៉ាស្សាចំនួន ២ នាក់ ជំនាញខាងលួចទ្រព្យសម្បត្តិ លុយកាក់ភ្ញៀវ ជាញឹកញ៉ាប់ ហើយពាក្យបណ្តឹងជនរងគ្រោះក៏ច្រើន និងលួចលើកចុងក្រោយ បានលុយជិត ២ លានរៀល ។ ជនសង្ស័យត្រូវបាននាំទៅសាកសួរ កសាងសំណុំរឿង និងបញ្ជូនទៅតុលាកា ដើម្បីចោទប្រកាន់ និងដាក់បន្ទុកជាផ្លូវការ នៅសៀលថ្ងៃទី ៣១ ខែមករា ឆ្នាំ ២០១៧ ។ មន្ត្រីនគរបាលបានឲ្យដឹងថា ជនសង្ស័យទាំង ២ នាក់ ទី ១ ឈ្មោះ សៅ សុខហេង អាយុ ១៨ ឆ្នាំ មុខរបរ នារីម៉ាស្សា ស្នាក់នៅផ្ទះលេខ ១៣០ អា ផ្លូវ ២០០៤ ភូមិត្រពាំងល្វា សង្កាត់កាកាប ខណ្ឌពោធិសែនជ័យ មានស្រុកកំណើតភូមិពាមរ៍ ឃុំរកាកោង ១ ស្រុកមុខកំពូល ខេត្តកណ្តាល ។ ទី ២ ឈ្មោះ ហេង ធូ អាយុ ៣០ ឆ្នាំ មុខរបរ នារីម៉ាស្សា ស្នាក់នៅជាមួយគ្នាមានស្រុកកំណើត ភូមិអង្គរបុរី ឃុំអង្គរបុរី ស្រុកអង្គរបុរី ខេត្តតាកែវ ។ ស្ត្រីជនសង្ស័យទាំង ២ នាក់ បានជួលផ្ទះខាងលើ ប្រកបរបរកោសជប់ម៉ាស្សា និងប្រព្រឹត្តសញ្ចាកម្ម ។ មន្ត្រីនគរបាលដដែល បានបន្ថែមទៀតថា ជនសង្ស័យបានរួមគំនិតគ្នាលួចលុយទ្រព្យសម្បត្តិភ្ញៀវចូលម៉ាស្សា ចំនួន ២ ដងផ្ទួនៗគ្នា លើកចុងក្រោយ កាលពីព្រឹកថ្ងៃទី ២៦ ខែមករា កន្លងមកនេះ ត្រូវបានកម្លាំងនគរបាលខណ្ឌពោធិសែនជ័យ ចុះបង្ក្រាបចាប់ខ្លួន យកទៅសាកសួរ និងកសាងសំណុំរឿង រហូតដល់រសៀលថ្ងៃទី ៣១ ខែមករានេះ ជនសង្ស័យត្រូវបានបញ្ជូនខ្លួន ទៅតុលាការ ដើម្បីឲ្យព្រះរាជអាជ្ញា ចោទដាក់បន្ទុកជាផ្លូវការ ។ ជនសង្ស័យទាំង ២ នាក់កន្លងមក ទោះជាមានបណ្តឹងជនរងគ្រោះ ប៉ូលីសហៅចូលប៉ុស្តិ៍ដោះស្រាយហើយចេះតែវិលវិញ ចាំមើលលើកនេះ ប៉ូលីសនាំទៅដល់តុលាការ តើពេលណាវិលវិញ ?៕
https://freshnewsasia.com/localnews/51875-	លិខិតមិត្តអ្នកអាន ៖ រូបភាព ៤ សន្លឹក ធ្វើឲ្យនឹកឃើញពីគុណតម្លៃនៃសន្តិភាព	( ពិភពលោក ) ៖ រូបភាព ៤ ទាំងក្នុងអតីតកាល និងបច្ចុប្បន្នកាលដែលធ្វើឱ្យពិភពលោក ចងចាំក្នុងចិត្តប្រកបដោយភាពតក់ស្លុតក្នុងប្រវត្តិសាស្ត្រ មនុស្សជាតិ ៖ គឺទី ១ ៖ រូបភាពនៃកុមារាកុមារីរត់ប្រសេចប្រសាចគេចចេញពីការ វាយប្រយុទ្ធគ្នាក្នុងសង្គ្រាមរវាងវៀតណាម និងអាមេរិកនៅឥណ្ឌូចិន ទី ២ ៖ រូបភាពនៃការជម្លៀសប្រជាជន ចាស់ក្មេងរាប់លាននាក់ចេញពីទីក្រុងភ្នំពេញពេលរបបខ្មែរក្រហម ឡើងកាន់អំណាចថ្ងៃទី ១៧ ខែមេសា ឆ្នាំ ១៩៧៥ ទី ៣ ៖ រូបភាពសាកសពកុមារាជនភៀសខ្លួនដេកស្លាប់នៅលើវាលខ្សាច់ក្រោយពីរត់ភៀសខ្លួនតាម ទូកគេចពីសង្គ្រាម និងទី ៤ ៖ រូបភាព កុមារដែលបានដេកស្លាប់រណូករណែល ខ្លះកំពុងត្រដរខ្យល់រៀបនឹងស្លាប់ដោយសារតែការប្រើប្រាស់អាវុធគីមី នៅក្នុងសង្គ្រាមនៃប្រទេសស៊ីរីប៉ុន្មាន ថ្ងៃកន្លងមកនេះ ។ រូបភាពដ៏គួរឱ្យរន្ធត់ មហាសែនតក់ស្លុត សោកសង្រេងទាំងនេះ បានដាស់អារម្មណ៍ មនុស្សជាតិអំពីលទ្ធផលនៃសង្គ្រាមមិនថា ជាសង្គ្រាមស៊ីវិល រវាងជាតិសាសន៍ឯង ឬសង្គ្រាមលោកឡើយ សោកនាដកម្មដ៏មហាធំធេងពិតជាកើតឡើងដោយមិននឹកស្មានដល់ ។ ប្រជាជនស៊ីរីដែលធ្លាប់តែ សុខសប្បាយ ជួបជុំគ្រួសារ សើចក្អាកក្អាយបានបែកបាក់គ្នា និរាសព្រាត់ប្រាស់ ជួនកាលព្រាត់រស់ព្រាត់ស្លាប់ ឈាមនិងទឹកភ្នែកហូររាល់វិនាទី ។ ទីក្រុងដែលឈរត្រឈឹងត្រឈៃ ស្រស់ស្អាត បំភ្លឺដោយភ្លើងពណ៌ល្អស្រស់ទេសចរអាចដើរកម្សាន្ត ប្រែជាដួលរាបស្ទើរដល់ដីដោយសារតែ ការទម្លាក់គ្រាប់បែករបស់ក្រុមសម្ព័ន្ធមិត្ត នៅសល់តែគំនរផេះផង់ ឮតែសំឡេងគ្រាប់កាំភ្លើងតូចធំសំឡេងទម្លាក់គ្រាប់បែក ផ្សែងហុយទ្រលោម បន្សល់ទុកនូវគំនរអគារបាក់បែក សាកសព និងមនុស្សរបួសជាច្រើន និងឮតែសម្រែកយំសោក បរិហារអំពីវិនាសកម្មនៃសង្គ្រាម ។ ហេតុអ្វីបានជាសង្គ្រាមកើតឡើងនៅលើទឹកដីដែលពួកគេធ្លាប់រស់នៅដ៏សុខសាន្តដូច្នេះ ? ឥឡូវនេះ សូម្បីតែសិទ្ធិសេរីភាពនៃការដើរហើរក៏គ្មាន ព្រោះពោរពេញដោយសមរភូមិ សូម្បីនិយាយពីក្តីសប្បាយរីករាយ ក៏មិនហ៊ាននឹកដល់ព្រោះជុំវិញខ្លួនព័ទ្ធដោយកងទ័ព សព្វាវុធគ្រប់ប្រភេទ ត្រៀមធ្វើសង្គ្រាមគ្រប់ពេលវេលា ។ មិនហ៊ាននឹកដល់យុត្តិធម៌សង្គម និងសេរីភាពនៃការបញ្ចេញមតិ ព្រោះសូម្បីតែជីវិតរបស់ខ្លួនក៏រក្សាមិនគង់ មិនដឹងថា ត្រូវស្លាប់នៅពេលណាផង ហើយសូម្បីតែទីជម្រកដែលខ្លួនរស់នៅក៏ត្រូវបានកម្ទេចដែរ ។ នេះគឺជាលទ្ធផលនៃការផ្លាស់ប្តូរដោយតក់ ក្រហល់ក្រោមឥទ្ធិពលបរទេសនៅពីក្រោយខ្នង ។ យុវជន mouawiya syasneh ដែលជាសិស្សសាលាស៊ីរី ដែលបានចាប់ផ្តើមចលនាប្រឆាំងលោកប្រធានាធិបតី អាល់ អាសាឌ នៅប្រទេសស៊ីរី មុនគេបង្អស់ នៅឆ្នាំ ២០១១ បានឆ្លើយតបនឹងសំណួររបស់អ្នកកាសែត the daily telegraph របស់អង់គ្លេសដែលសួរថា បើសិនជាដឹងថាស្ថានភាពប្រទេសខ្លួនដូចបែបនេះ ពួកគេនឹងចាប់ផ្តើមចលនាបះបោរនេះដែរទេ ? យុវជននេះឆ្លើយថា ៖ « បើសិនជាខ្ញុំដឹងដូចដែលខ្ញុំដឹងនៅពេលនេះ ខ្ញុំគិតថា ខ្ញុំនឹងមិនធ្វើទេ ។ ខ្ញុំមិនបានគិតថា វាដល់ថ្នាក់ហ្នឹងឡើយ ។ ខ្ញុំមិនបានគិតថាឪ ពុកខ្ញុំ ហើយនឹងឪពុករបស់កុមាររាប់ពាន់នាក់ទៀតនឹងត្រូវបានសម្លាប់ឡើយ ។ ខ្ញុំស្តាយណាស់ដែលមនុស្សស្លូតត្រង់ជាច្រើន ត្រូវស្លាប់យ៉ាងនេះ » ។ វិប្បដិសារីនេះមិនមែនមានសម្រាប់តែប្រជាជនស៊ីរីទេ ពលរដ្ឋនៅក្នុងប្រទេសលីប៊ី អេហ្ស៊ីប ទុយនីស៊ី អ៊ីរ៉ាក់ជាដើម ដែលចង់បានការផ្លាស់ប្តូរតាមរយៈបដិវត្តន៍ពណ៌ ការជ្រៀតជ្រែករបស់បរទេស មានការសោកស្តាយយ៉ាងខ្លាំង ប៉ុន្តែភាពសោកស្តាយនេះមិនអាចជួយឱ្យមាតុភូមិខ្លួនវិលត្រឡប់ទៅរកសភាពដើមវិញឡើយ ។ ទោះបីចង់ឱ្យប្រទេសជាទីស្រឡាញ់របស់ខ្លួន និងជីវិតសាច់ញាតិខ្លួនបានវិលមកភាពដើមមកវិញ ក៏ហួសពេលហើយដែរ ។ គ្មានពាក្យអ្វីក្រៅពីពាក្យថាសោកស្តាយឡើយ ។ នៅកម្ពុជា វិប្បដិសារីរបៀបនេះក៏បានកើតមានឡើងដែរចំពោះមេដឹកនាំរដ្ឋប្រហារទម្លាក់សម្តេចព្រះ នរោត្តម សីហនុ កាលពីថ្ងៃទី ១៨ ខែមីនា ឆ្នាំ ១៩៧០ នាំយកកម្ពុជាចូលក្នុងសង្គ្រាមឥណ្ឌូចិន និងទាញ ទម្លាក់កម្ពុជាចូលក្នុងសង្គ្រាមស៊ីវិលជិតបីទសវត្សរ៍ ។ ព្រះអង្គម្ចាស់ ស៊ីសុវត្ថិ សិរិមតៈ ដែលជាអ្នកផ្តួចផ្តើម ធ្វើរដ្ឋប្រហារជាមួយសេនាប្រមុខ លន់ នល់ បានសរសេរលិខិតឆ្លើយតបទៅកាន់ឯកអគ្គរដ្ឋទូតអាមេរិក ដែលចង់សង្គ្រោះជីវិតព្រះអង្គ និងចង់ឱ្យនិរទេសទៅកាន់សហរដ្ឋអាមេរិកដូចសេនាប្រមុខ លន់ នល់ ថា ៖ « ខ្ញុំសូមថ្លែងអំណរគុណយ៉ាងស្មោះស្ម័គ្រចំពោះសារលិខិត ក្នុងការអញ្ជើញនាំខ្ញុំទៅកាន់ប្រទេសឯកឧត្តម ដែលពោរពេញដោយសេរីភាព ។ ប៉ុន្តែគួរ ឱ្យសោកស្តាយ ខ្ញុំមិនអាចចាកចេញពីប្រទេសនេះក្នុងស្ថានភាពកំសាកបែបនេះ ។ សម្រាប់រូបឯកឧត្តម និងជាពិសេសប្រទេសមហាអំណាច របស់ឯកឧត្តម ខ្ញុំមិនដែលជឿ ក្នុងមួយនាទីណាដែលឯកឧត្តមមានគំនិត បោះបង់ប្រជាជនមួយដែលជ្រើសរើសយកសេរីភាពឡើយ ។ ឯកឧត្តមបានបដិសេធមិនផ្តល់ការគាំពារដល់ពួកគេ ហើយយើងក៏មិនអាចធ្វើអ្វីបានដែរចំពោះរឿងនេះ ។ ឯកឧត្តមបានចាកចោលពួកយើង ហើយខ្ញុំសូមឱ្យឯកឧត្តម និងប្រទេសម្ចាស់ឯកឧត្តមរស់នៅដោយសេចក្តីសុខ ។ ប៉ុន្តែឯកឧត្តមត្រូវចងចាំថា ខ្ញុំសុខចិត្តស្លាប់នៅទីនេះ នៅក្នុងប្រទេសដែលខ្ញុំស្រឡាញ់ វាជារឿង អាក្រក់ណាស់ព្រោះយើងត្រូវកើត និងស្លាប់ថ្ងៃណាចៀសមិនរួច ។ ខ្ញុំមានកំហុសតែមួយប៉ុណ្ណោះ គឺជឿជាក់លើឯកឧត្តមដែលជាជនជាតិអាមេរិក » ។ មេរៀនប្រវត្តិសាស្ត្រទាំងនេះអាចជាទឡ្ហីករណ៍គ្រប់គ្រាន់ ដែលអាចបញ្ជាក់ប្រាប់មនុស្សជាតិទាំងមូលថា សង្គ្រាមមិនបាននាំមកនូវសេរីភាព យុត្តិធម៌ ការអភិវឌ្ឍ ការគោរពសិទ្ធិមនុស្ស សិទ្ធិរស់រានមានជីវិត សិទ្ធិពលរដ្ឋ និងសិទ្ធិនយោបាយ ហើយក៏គ្មានលទ្ធិប្រជាធិបតេយ្យ គ្មានកន្លែងចន្លោះ សម្រាប់សុភមង្គលសម្រាប់សង្គមជាតិ និងសន្តិសុខផ្លូវកាយ និងផ្លូវចិត្តឡើយ ។ សង្គ្រាមមានតែទាញនូវអ្វីៗទាំងអស់ចូលទៅក្នុងភ្នក់ភ្លើង ដុតកម្ទេចបំផ្លាញចោលស្ទើរគ្មានសល់នូវសមិទ្ធផល ដែលមនុស្សរាប់ជំនាន់បានកសាង និងបន្សល់ទុកមកត្រឹមតែមួយពព្រិចភ្នែកប៉ុណ្ណោះ បំផ្លាញពីសន្តិភាពមកអសន្តិសុខទាំងផ្លូវកាយផ្លូវចិត្ត បង្កវិនាសកម្មដល់ជីវិតមនុស្សសត្វ បំផ្លិចបំផ្លាញទ្រព្យសម្បត្តិដែលយើងមានតែរយៈពេលខ្លី ។ កម្ពុជានៅពេលនេះ ទើបនឹងមានសុខសន្តិភាពបានរយៈពេលពីរទសវត្សរ៍ប៉ុណ្ណោះ បន្ទាប់ពីរងគ្រោះ ដោយសារតែសង្គ្រាមបំផ្លិចបំផ្លាញ ។ គណបក្សប្រជាជនកម្ពុជា បានដើរតួនាទីសំខាន់ក្នុងការផ្តួលរំលំរបបខ្មែរក្រហម ប៉ុលពត សង្គ្រោះជីវិតប្រជារាស្ត្រ និងបន្ទាប់មកដើរតួនាទីក្នុងការ ចរចាបង្កើតសន្តិភាព រំលាយ អង្គការចាត់តាំងនយោបាយ និងយោធាខ្មែរក្រហម ។ គណបក្សប្រជាជន បានដើរតួនាទីរបស់អ៊ុនតាក់ ដែលមិនអាច បំពេញបានគឺបញ្ចប់សង្គ្រាមនៅកម្ពុជា ជាមួយការអនុវត្តនយោបាយឈ្នះ - ឈ្នះ ។ នយោបាយ ឈ្នះ - ឈ្នះបាននាំមកនូវឯកភាពជាតិ ឯកភាពទឹកដី អធិបតយ្យភាពពេញលេញមួយ និងបានកាត់បន្ថយ ភាពក្រីក្ររបស់ប្រជាជនកម្ពុជា និងអភិវឌ្ឍប្រទេសឱ្យរីកចម្រើន ។ ទោះបីជាមិនល្អឥតខ្ចោះ ប៉ុន្តែគឺជាដំណើរការផ្លាស់ប្តូរមុខមាត់ប្រទេសមួយ ប្រកបដោយភាពវិជ្ជមានជាមួយកំណើនសេដ្ឋកិច្ចក្នុងរង្វង់ ៧ % ក្នុងមួយឆ្នាំជាប់ៗគ្នា ដែលគ្មានប្រទេសណាដូចឡើយ ។ គេមិនអាចនិយាយពីសិទ្ធិសេរីភាព ប្រជាធិបតេយ្យ និងការអភិវឌ្ឍបាន ឡើយនៅពេលប្រទេស មានសង្គ្រាមហែកហួរ អសន្តិសុខ ។ បច្ចុប្បន្ន គណបក្សប្រឆាំងបានប្រើប្រាស់គ្រប់មធ្យោបាយទាំងអស់ ដើម្បីបម្រើមហិច្ឆតាអំណាចដោយមិនគិតថាមធ្យោបាយទាំងនោះ បង្កហានិភ័យ ដល់សន្តិភាព ស្ថិរភាព ឯកភាពជាតិឡើយ ខណៈពួក គេមិនបានជួយសង្គ្រោះជាតិដូចឈ្មោះបក្សខ្លួន និងជួយកសាងជាតិដូច គោលនយោបាយខ្លួនឡើយ ។ ពួកគេបានប្រើគ្រប់ល្បិចកល ទោះភូតកុហកបោកប្រាស់រាស្ត្រ ឬពឹងពាក់បរទេសដើម្បីជួយខ្លួនពីក្រោយ គឺធ្វើ ទាំងអស់ រាប់ទាំងអំពាវនាវឱ្យមានបដិវត្តន៍ពណ៌ ស្នើសុំអន្តរាគមន៍បរទេស ។ បក្សប្រឆាំងបានត្រឹមតែបង្កនូវចលាចលក្នុងសង្គម បាតុកម្មតវ៉ាគ្រប់រូបភាព លាបពណ៌នៅក្នុងចេតនាទាញកម្ពុជាឱ្យធ្លាក់ចូលក្នុងភ្នក់ ភ្លើងសង្គ្រាមជាថ្មី តាមរយៈការទាមទារការផ្លាស់ប្តូរ ដែលគ្មានទិសដៅច្បាស់លាស់ និងធ្វើតាមខ្សែញាក់របស់បរទេសដែលមិនសប្បាយចិត្ត នឹងកម្ពុជា ដែលមិនស្ថិតក្រោមឥទ្ធិពលរបស់ខ្លួន មិនចង់ឃើញកម្ពុជាមានសន្តិភាព ការអភិវឌ្ឍ រីកចម្រើន ។ តែពួកគេនឹងសប្បាយចិត្តនៅពេលឃើញកម្ពុជាវិលទៅរកអតីតកាលនិងមានភាពច្រំដែលនៃប្រវត្តិសាស្ត្រសន្តិភាពបាន ២០ ឬ ៣០ ឆ្នាំ វិលទៅរក សង្គ្រាមបំផ្លិចបំផ្លាញម្តង និងបំផ្លាញនូវកិច្ចខិតខំប្រឹងប្រែងរបស់យើងទាំងអស់ ។ សន្តិភាពពិតជាមានតម្លៃមិនអាចកាត់ថ្លៃបានដើម្បីការអភិវឌ្ឍប្រទេស ។ ពេលមានសន្តិភាព នោះ យើងនឹងអាចចាប់ផ្តើមនិយាយពីសិទ្ធិ សេរីភាព ប្រជាធិបតេយ្យ ការអភិវឌ្ឍ ។ ការប៉ុនប៉ងណាមួយទាញ កម្ពុជាឱ្យចូលក្នុងការផ្លាស់ប្តូរអវិជ្ជមាន ទាញប្រទេសឱ្យចូលភ្នក់ភ្លើងសង្គ្រាម គឺជាសត្រូវរបស់ប្រជាជន ។ ការដើរនយោបាយខុស គឺនាំឱ្យរាស្ត្ររងទុក្ខស្លាប់ របួស រត់ចោលប្រទេសកំណើត សុំប្រទេសដទៃជ្រកកោន រស់នៅរងារឯកោ ។ ដូច្នេះទោះបីជាក្នុងតម្លៃណាក៏ដោយ កម្ពុជាត្រូវរក្សាឱ្យបាននូវសន្តិភាព ហើយប្រវត្តិសាស្ត្របាននិងកំពុងបង្ហាញថា មានតែគណបក្សប្រជាជនកម្ពុជាតែប៉ុណ្ណោះ ដែលអាចធ្វើការងារដ៏លំបាកទាំងអស់នេះបាន ដើម្បីបម្រើផលប្រយោជប្រជាជាតិ និងប្រជាជនខ្មែរ ។ ការថែរក្សាបានសន្តិភាពនៅកម្ពុជា គឺប្រៀបបាននឹងការថែទាំស្ថិរភាពតំបន់ និងពិភពលោកផងដែរ ។ បក្សប្រឆាំងថាខ្លួនគ្មានអាវុធ កុំទៅឆ្ងល់ ! ឧទាហរណ៍ជាក់ស្តែង តើបក្សប្រឆាំងនៅស៊ីរីនិងនៅប្រទេសដទៃទៀតដែលមានបដិវត្តន៍ពណ៌ ដំបូងឡើយពួកគេមានអាវុធទេ ? គឺគ្មានឡើយ ! ប៉ុន្តែនៅពេលដែលបង្កចលាចល អសន្តិសុខនិងបង្កើត សង្គ្រាមបានសម្រេច បរទេសខ្លះរង់ចាំតែផ្គត់ផ្គង់ឱ្យតែប៉ុណ្ណោះ ។ ហេតុដូច្នេះហើយបានជា ប្រមុខរដ្ឋាភិបាលកម្ពុជា សម្តេច ហ៊ុន សែន ដែលជាស្ថាបនិកសន្តិភាពនៅកម្ពុជា បានថ្លែងថា ៖ « ការឈឺចាប់របស់ប្រជាជនយើងល្មមគ្រប់គ្រាន់ ដើម្បីការយល់ដឹងរបស់យើង និងថាយើងត្រូវរក្សាសន្តិភាពដើម្បីធានាដល់ការអភិវឌ្ឍ លើកកម្ពស់ជីវភាពរស់នៅរបស់ប្រជាជន » ។ រាស្ត្រខ្មែរមិនត្រូវការសង្គ្រាមឡើយ ហើយក៏មិនចង់ឃើញ រូបភាពនៃសោកនាដកម្ម ការនិរាសព្រាត់ប្រាសការបាត់បង់ជីវិតមនុស្សលើលោកនេះ ទៀតទេ ! អ្វីដែលរាស្ត្រខ្មែរប្រាថ្នាគឺសន្តិភាព និងការអភិវឌ្ឍ ឯកភាពជាតិ ឯកភាពទឹកដី ពលរដ្ឋខ្មែរដែលជាឈាមជ័រតែមួយ មានសាមគ្គីភាពនឹងគ្នា រាប់អានគ្នាប្រកបដោយភាតរភាព និងរួមគ្នាថែរក្សាសន្តិភាពដែលរកបានដោយកម្រ និងប្រកបដោយការពលីជីវិតសាច់ស្រស់ ឈាមស្រស់របស់រាស្ត្រខ្មែរ ៕ ដោយ ៖ ចៅចាក់ស្មុគ

Subsets and Splits

No community queries yet

The top public SQL queries from the community will appear here once available.