headline
stringlengths 5
185
| date
stringlengths 19
19
⌀ | author
stringlengths 6
16
⌀ | mail
stringlengths 15
30
⌀ | category
stringclasses 9
values | sub_category
stringlengths 3
20
| body
stringlengths 25
116k
| link
stringlengths 30
34
|
|---|---|---|---|---|---|---|---|
TASS: “Росатом” Монголд эрчим хүч, өндөр технологийн төсөл хэрэгжүүлнэ
|
2023-06-22 16:03:29
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ЭДИЙН ЗАСАГ
|
МОСКВА. /TASS/. ОХУ-ын "Росатом" корпорац Монгол Улсын эрчим хүчний бие даасан байдлыг хангах, эрчим хүчний бус өндөр технологийг хөгжүүлэхэд чиглэсэн төслүүдийг хэрэгжүүлнэ гэж тус корпорацын хэвлэлийн алба мэдээлжээ.“Росатом-Олон улсын сүлжээ” компанийн ерөнхийлөгч Вадим Титов, Монголын “Даян дээрх энержи” компанийн ерөнхий захирал Бямбаагийн Мөнхбаатар нар зургаадугаар сарын 15-нд Санкт-Петербургийн олон улсын эдийн засгийн чуулга уулзалтын үеэр стратегийн хамтын ажиллагааны гэрээнд гарын үсэг зурсан байна. “Талууд Монгол Улсын эрчим хүчний бие даасан байдлыг хангахад чиглэсэн цөмийн, салхин болон усан цахилгаан станцын чиглэлээр эрчим хүчний төслүүдийг хамтран хэрэгжүүлэх сонирхолтой байгаагаа илэрхийлэв" гэж төрийн өмчит тус корпорацын мэдээнд дурджээ.Түүнчлэн цөмийн анагаах ухаан, нийлмэл материалууд, хотын дэд бүтцийн дижитал шийдэл зэрэг эрчим хүчний бус төслүүд ч хэлэлцээрийн сэдэв болсон гэдгийг онцолсон байна. “Стратегийн гэрээнд гарын үсэг зурснаар Монгол Улсын эрчим хүчний бие даасан байдлыг бэхжүүлэх, өндөр технологийн бусад салбарыг хөгжүүлэх шинэ боломжийг нээх томоохон төслүүдийг эхлүүлж байна. “Росатом” нь түншүүддээ юуны түрүүнд хүмүүсийн амьдралын чанарыг нэмэгдүүлэхэд чиглэсэн шийдлүүдийг санал болгоход бэлэн байна" гэж “Русатом-Олон улсын сүлжээ” компанийн ерөнхийлөгч Вадим Титов хэлснийг корпорацын хэвлэлийн алба эш татжээ.
|
https://montsame.mn/mn/read/321816
|
ДЭЗЧУ: Дэлхийн хүйсийн тэгш бус байдлыг арилгахад 131 жил шаардлагатай
|
2023-06-22 15:55:11
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
НИЙГЭМ
|
ЛОНДОН. /CNN/. Дэлхий дээр хүйсийн тэгш бус байдлыг арилгах ахиц дэвшил өнөөгийн хурдацтайгаар үргэлжилбэл энэ ялгааг 2154 он гэхэд, өөрөөр хэлбэл 131 жилийн дараа л арилгах боломжтой гэж Дэлхийн засгийн чуулга уулзалтын /ДЭЗЧУ/ шинэ тайланд дурджээ. “Дэлхийн хүйсийн ялгаа 2023” нэртэй уг тайланд 146 орны хүйсийн тэнцвэртэй байдлыг "эдийн засгийн оролцоо ба боломж", "боловсролын салбарын ололт амжилт", "эрүүл мэнд ба эсэн мэнд үлдэх", "улс төрийн эрх мэдэл" гэсэн үндсэн дөрвөн шалгуур үзүүлэлтээр хэмжсэн байна. Энэхүү тайланд дурдсанаар, дэлхийн хэмжээнд хүйсийн тэгш бус байдлын асуудлыг шийдвэрлэх хурд янз бүрийн хямралын улмаас мэдэгдэхүйц удааширсан байна.Хүйсийн тэгш бус ялгаатай байдал энэ онд өмнөх оныхоос 0.3 хувиар багасжээ. Боловсролын салбарт хүйсийн эрх тэгш байдлыг хангахад гарсан ололт амжилт нь ахиц дэвшлийн гол үзүүлэлт болсон байна. ДЭЗЧУ-аас 2006 онд уг тайланг нийтэлж эхэлснээс хойш хүйсийн эрх тэгш байдлыг хангахад гарсан ахиц дэвшил дөнгөж 4.1 хувиар өсжээ.Дэлхий дээр хүйсийн тэгш бус байдлыг арилгах ахиц дэвшил өнөөгийн хурдацтай үргэлжилбэл энэ ялгааг 2154 он гэхэд, өөрөөр хэлбэл 131 жилийн дараа л арилгах боломжтой гэдгийг тогтоожээ. Үүнээс гадна, эдийн засгийн салбарт тэгш бус байдлыг арилгахад 169 жил, улс төрийн боломж дахь ялгааг арилгахад 162 жил шаардагдаж магадгүй байна. Хүйсийн тэгш бус байдлыг дэлхийн нэг ч улсад 100 хувь арилгаагүй байна. 91.2 хувийн үзүүлэлтээр Исланд улс нэгдүгээр бичигдэж, хүйсийн эрх тэгш байдлаар 14 жил дараалан тэргүүлжээ. Энэ үзүүлэлт Норвегид 87.9 хувь, Финландад 86.3 хувь, Шинэ Зеландад 85.6 хувь, Шведэд 81.5 хувьтай байна. Германд хүйсийн тэнцвэртэй байдал 81.5 хувь, Никарагуад 81.1 хувь, Намиби 80.2 хувь, Литва 80 хувь, Бельгид 79.6 хувийн үзүүлэлттэй байгаа бөгөөд Бельги улс анх удаа хүйсийн тэнцвэртэй байдал хамгийн өндөр түвшинд байгаа эхний 10 орны тоонд багтжээ.Энэ үзүүлэлт Афганистанд хамгийн бага буюу 40 хувьтай байгаа бол Чад, Алжир, Иран, Пакистан улсууд 57 хувийн үзүүлэлтээр тус улсын өмнө бичигдсэн байна.
|
https://montsame.mn/mn/read/321811
|
Дэлхийн банк Украинд нэмэлт санхүүгийн тусламж үзүүлнэ
|
2023-06-22 13:11:34
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /The World Bank/. Дэлхийн банк Украинд 1.75 тэрбум ам.долларын тусламж үзүүлнэ
гэж лхагва гарагт цахим хуудсандаа мэдээлжээ.Тусламжийн багцад
Их Британи улсын баталгаатайгаар Дэлхийн банкнаас олгох 500 сая ам.долларын зээл, АНУ-ын 1.25 тэрбум
ам.долларын буцалтгүй зээл, Финлянд улсын 15
сая ам.долларын буцалтгүй зээл багтаж байна гэж мэдээнд онцлон тэмдэглэсэн байна. Энэ санхүүжилтийг
"эрүүл мэндийн салбар, боловсрол, тэтгэвэр, нийгмийн тусламжийн хөтөлбөрийн зардал, төрийн үндсэн үйлчилгээ үзүүлж буй ажилтнуудын цалинд зарцуулна".Дэлхийн банк 2022
оны зургаадугаар сараас эхлэн Киевт ийм санхүүгийн тусламж үзүүлэх хөтөлбөрийн
хүрээнд нийт 19.745 тэрбум ам.долларыг олгоод байна. Украины ард
түмнийг дэмжих зорилгоор Австри, Бельги, Их Британи, Герман, Дани, Ирланд,
Исланд, Испани, Канад, Латви, Литва, Нидерланд, Норвеги, АНУ, Финланд, Швейцарь, Швед, Япон зэрэг улсуудаас
амласан онцгой байдлын үеийн санхүүжилтийг оролцуулан Дэлхийн банк нийтдээ 35 тэрбум ам.доллар босгож чаджээ.
Украины Ерөнхий сайд
Денис Шмыгаль Дэлхийн банкнаас авсан
зээлийг аврагчид, багш нарын цалинг тавих, тэтгэвэр тэтгэмж олгох, бага орлоготой
гэр бүл, хөгжлийн бэрхшээлтэй хүүхдүүд, дотоодын дүрвэгсэд, ганц бие эхчүүдэд үзүүлэх
тусламж, түүнчлэн эмнэлгийн баталгааны
хөтөлбөрийн дагуу үзүүлсэн эмнэлгийн үйлчилгээний хөлсийг төлөхөд
зарцуулна гэж лхагва гаригт мэдэгдсэн байна.
|
https://montsame.mn/mn/read/321784
|
Ирланд улс төвийг сахих асуудлаар олон нийтийн хэлэлцүүлэг зохион байгуулна
|
2023-06-22 11:57:19
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
ЛОНДОН. /Reuters/. Ирландын Засгийн газар олон жилийн турш баримталж ирсэн тус улсын цэргийн төвийг сахих бодлогын талаар олон нийтийн хэлэлцүүлгийг пүрэв гарагт Корк хотод эхлүүлнэ. Дөрвөн өдөр үргэлжлэх хэлэлцүүлэг Ирландын гурван хотод болно."Олон улсын аюулгүй байдлын бодлогын асуудлаар зөвлөлдөх чуулга уулзалт" хэмээн албан ёсоор нэрлэж буй энэхүү хэлэлцүүлгийн үеэр дэлхийн өнөөгийн байдал, олон улсын тавцанд Ирландын гүйцэтгэх үүрэг, дэлхий нийтэд одоо тулгарч байгаа болон шинээр бий болж буй аюул занал зэрэг сэдвээр 18 салбар хэлэлцүүлэг болно. Үүнээс гадна, НАТО-гийн талаар цаашид баримтлах бодлого, аюулгүй байдлын асуудлаарх Европын Холбооны /ЕХ/ нийтлэг бодлогод Дублиний оролцох зарчмуудыг тодорхойлоход энэхүү чуулга уулзалт нь хувь нэмрээ оруулах ёстой юм.Ирландын Гадаад хэргийн болон Батлан хамгаалахын сайд Мишоль Мартин чуулга уулзалтыг зохион байгуулахаар төлөвлөж байгаагаа дөрөвдүгээр сард зарлахдаа, одоогийн Засгийн газар "Ирландын төвийг сахих бодлогыг өөрчлөх" эсвэл тус улсыг Умард Атлантын эвсэлд элсэх асуудлыг хөндөхөөр төлөвлөөгүй, гэхдээ Ирланд улс ялангуяа Украинд үргэлжилж буй мөргөлдөөнтэй холбоотойгоор бусад улс, үндэстэн, ард түмэн, угсаатны бүлгүүдийн хэрэгт оролцохгүй байх үзэл дээр үндэслэсэн гадаад бодлогын чиглэлийг /Isolationism/ баримтлах боломжгүй гэдэгт итгэлтэй байгаагаа цохон тэмдэглэжээ.Түүний хэлснээр, хэлэлцүүлэгт бусад орны шинжээчид, төлөөлөгчдийг урьж оролцуулах бөгөөд Ирланд улс олон улсын аюулгүй байдлын салбарт бодлогоо хэрхэн тохируулах вэ гэдэг асуудлыг нарийвчлан авч үзэх зорилготой юм. Тус улсын сөрөг хүчний олон төлөөлөгч энэ чуулга уулзалт нь төвийг сахих зарчмыг хэсэгчлэн алдагдуулах, ялангуяа Ирландын өөрийгөө хамгаалах хүчнийг гадаадад ашиглах хатуу шалгуурыг эргэн харах талаар олон нийтийн санаа бодлыг бэлтгэх зорилготой гэж үзэж байна.Өнгөрсөн оны гуравдугаар сард тухайн үед шадар сайдын албыг хашиж байсан Лео Варадкар Украинд болж буй үйл явдал нь Ирландын Засгийн газрыг цэргийн төвийг сахих бодлогыг эргэн харахаас аргагүйд хүргэж байна гэж мэдэгдэж байв.
|
https://montsame.mn/mn/read/321781
|
Украиныг сэргээн босгоход 60 орчим орон дэмжлэг үзүүлнэ
|
2023-06-22 10:57:24
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
КИЕВ. /Xinhua/. Украины хот, суурин, тосгоныг сэргээн босгох үйл хэргийг
60 орчим улс орон дэмжиж байна гэж Украины Ерөнхий сайд Денис Шмигаль лхагва
гарагт мэдэгдсэнийг Засгийн газрын хэвлэлийн алба уламжилжээ.Украиныг сэргээн
босгох асуудлаарх олон улсын бага хурлын үеэр Д.Шмигаль мэдэгдэхдээ, суурин
газрууд, бүс нутгуудыг сэргээн босгоход зохион байгуулалттай тусламж үзүүлэх
санаачилгыг дэмжсэн тунхаглалд 30 орон хэдийнээ гарын үсэг зураад байна гэжээ. Украин улс түнш
орнууд, олон улсын байгууллагуудтай хамтран 214 орчим төслийг хэрэгжүүлж байгаа
бөгөөд заримыг нь хэрэгжүүлж дууссныг тэрбээр онцолсон байна. Энэ оны хоёрдугаар
сарын 24-ний байдлаар, Украиныг сэргээн босгоход шаардлагатай санхүүжилтыг 411
тэрбум ам.доллар гэж тооцоолсныг Д.Шмигаль эш татаад, тус улсыг түргэн сэргээн
босгоход энэ онд 14.1 тэрбум ам.долларт шаардлагатай байгааг нэмж хэлжээ. Түүний хэлснээр, гадаадын түншүүд Украиныг түргэн сэргээн босгох үйлсэд хэдийнээ 4.3 тэрбум ам.долларын дэмжлэг үзүүлэхээ амласан байна.Украиныг сэргээн босгох асуудлаарх хоёр өдрийн бага хурал Их Британийн нийслэл Лондон хотноо лхагва гарагт эхэлсэн юм.
|
https://montsame.mn/mn/read/321775
|
Уур амьсгалын өөрчлөлт, ядууралтай тэмцэх санхүүгийн шинэ гэрээний талаар Парист хэлэлцэнэ
|
2023-06-22 10:52:37
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
ПАРИС. /France24/. Дэлхийн улс орнуудын төр, засгийн тэргүүн нар, олон улсын байгууллага, иргэний нийгмийн төлөөлөгчид пүрэв гарагт Парис хотноо цугларч, дэлхийн санхүүгийн шинэ гэрээний асуудлаарх дээд хэмжээний уулзалтад оролцоно. Францын Гадаад хэргийн яамнаас мэдээлснээр, баасан гараг
хүртэл үргэлжлэх энэхүү дээд хэмжээний
уулзалтад 130 орны төлөөлөгчид оролцох бөгөөд тэдний дотор 50 гаруй улсын төр, засгийн тэргүүн нар хүрэлцэн ирнэ.Өндөр дээд түвшний энэхүү уулзалтын гол сэдэв нь “Умард-Өмнөдийн шинэ гэрээ” хэмээн Елисейн ордны нэрлэсэн баримт бичгийг боловсруулах тухай байх юм. Уг баримт бичиг нь уур амьсгалын өөрчлөлттэй тэмцэх, ядуурлыг арилгах чиглэлээр хөгжиж буй орнуудтай хамтран ажиллах үндэс суурийг тавих зорилготой ажээ. НҮБ-ын Ерөнхий нарийн бичгийн дарга Антониу Гутерреш Францын Ерөнхийлөгч Эммануэл Макронтой лхагва гарагт уулзах үеэрээ, "нүүрстөрөгчийн ялгаруулалтыг бууруулах, олон улсын санхүүгийн байгууллагуудыг шинэчлэх амлалтыг яг одооноос тууштай хэрэгжүүлэх ёстой" гэж хэлсэн байна.Энэхүү дээд
хэмжээний уулзалтыг зохион
байгуулах санаачилгыг өнгөрсөн оны 11 дүгээр сард Египетэд болсон Уур
амьсгалын өөрчлөлтийн тухай НҮБ-ын Суурь конвенцод оролцогч талуудын 27 дугаар чуулганы үеэр Э.Макрон анх гаргажээ. Тэрбээр "өнөөгийн ядууралтай тэмцэх, ногоон эдийн засаг, биологийн олон янз байдлыг
хангах нь хоорондоо маш нягт холбоотой” гэж
дөрөвдүгээр сард онцлон тэмдэглэж байв.Энэхүү дээд хэмжээний уулзалт нь мөн хөгжиж буй орнуудын эдийн засагт өрийн хямралыг даван туулах, хөрөнгө оруулалтыг өргөжүүлэхэд чиглэсэн замын зураглалыг боловсруулах зорилготой юм.Хоёр өдөр
үргэлжлэх уулзалт XIX зууны эхээр баригдсан алдарт Броньярын ордонд болно.
|
https://montsame.mn/mn/read/321772
|
Европын Холбоо Оросын эсрэг 11 дэх багц хориг арга хэмжээг баталжээ
|
2023-06-22 09:30:55
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
БРЮССЕЛЬ. /CNBC/. Европын Холбоо /ЕХ/ Украинд өдүүлсэн дайнтай холбогдуулан Оросын эсрэг 11 дэх багц хориг арга хэмжээг баталжээ.ЕХ-г даргалж буй
Шведийн эрх баригчид энэ талаар лхагва гарагт мэдэгдэхдээ, “Энэ удаагийн багцад хориг арга хэмжээг
тойрон гарахтай тэмцэхэд чиглэсэн арга хэмжээнүүд, хувь хүмүүсийн жагсаалт
багтсан” гэв. Европын Комиссын
тэргүүн Урсула фон дер Ляйены хэлснээр, энэхүү алхам нь “Кремлийг дэмжигч
байгууллагуудад чиглэсэн экспортын хязгаарлалтыг чангатгаснаар Путины дайны
машинд дахин цохилт өгөх” аж. ЕХ авч хэрэгжүүлж
буй хориг арга хэмжээнүүд нь аливаа улс орон, хүн амыг чиглэдэггүй харин
тодорхой бодлого, үйл ажиллагаа руу үргэлж чиглэдэг гэдгийг онцолсон байна. “Associated Press”
агентлагийн мэдээлснээр, энэ удаагийн багц хориг арга хэмжээ нь Оросын цэрэг,
аюулгүй байдлын салбарт ашиглах магадлалтай өргөтгөсөн жагсаалтад оруулсан бараа
бүтээгдэхүүн, технологийг Оросоор дамжин өнгөрүүлэхийг хориглоно. Хамгийн гол
нь эмзэг, давхар зориулалттай бараа, технологийг Орост худалдаж магадгүй гуравдагч орнуудад
хязгаарлалт тогтоох юм байна.Түүнчлэн украин
хүүхдүүдийг Орос руу хууль бусаар шилжүүлэхэд оролцсон 71 хүн, 33 хуулийн
этгээдийг ЕХ руу нэвтрэхийг хориглох, ЕХ-н дахь хөрөнгийг нь царцаах жагсаалтад
нэмж оруулжээ.
|
https://montsame.mn/mn/read/321764
|
Токио “Formula E” уралдааныг зохион байгуулна
|
2023-06-21 16:37:52
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
СПОРТ
|
ТОКИО. /Kyodo/.
Японд болох анхны цахилгаан
хөдөлгүүртэй тээврийн хэрэгслүүдийн дэлхийн аварга шалгаруулах “Formula
E” уралдааныг Токио хот ирэх оны
хавар зохион байгуулахаар боллоо гэж тус хотын засаг захиргаанаас мэдээлэв.Токио 2050 он
гэхэд нүүрстөрөгчийн давхар ислийн шингээлт, ялгарлын зөрүүг тэглэх зорилтынхоо
хүрээнд хүчин чармайлтаа эрчимжүүлж буй үед дээрх шийдвэрийг гаргажээ. “The ABB
FIA Formula E World Championship”
уралдаан 2024 оны гуравдугаар сарын 30-нд болох бөгөөд 11 багийн 22 нисэгч
гуравдугаар үеийн цахилгаан хөдөлгүүртэй уралдааны машинаар Токиогийн зам дээр
уралдана гэж зохион байгуулагч мэдээллээ. Токио хот нь “F1” уралдааныг хариуцдаг Олон улсын
автомашины холбооноос /IAF/ зөвшөөрөгдсөн
мото спортын дэлхийн аварга шалгаруулах тэмцээнийг анх удаа зохион байгуулах
гэж буй нь энэ юм. “Formula E” уралдааныг уур амьсгалын өөрчлөлтийн эсрэг
цахилгаан тээврийн хэрэгслүүдийн хэрэглээг сурталчлан таниулах зорилгоор 2014
оноос зохион байгуулж эхэлсэн юм. Ийм машинуудын
хөдөлгүүрүүд нь уралдааны машинуудынхаас чимээ багатай байдаг бөгөөд Лондон,
Сан-Паулу зэрэг томоохон хотуудад зохион байгуулж байв.
Токио хотын
захирагч Койке Юрико уралдааны талаар хэлэхдээ, цахилгаан тээврийн
хэрэгслүүдийн хэрэглээг зах зээлд нэвтрүүлэхэд хувь нэмрээ оруулаад зогсохгүй олон улсын
тавцан дахь Токиогийн оролцоог өргөжүүлэх боломж болж байгааг онцолжээ.
|
https://montsame.mn/mn/read/321740
|
Хималайн нурууны мөсөн голуудын хайлах явц түргэсжээ
|
2023-06-21 16:28:12
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
КАТМАНДУ. /Reuters/. Дэлхийн
дулаарлын улмаас энэ зууны эцэс гэхэд Хималайн нурууны мөсөн голуудын 75 хүртэлх хувь нь хайлж болзошгүй байна. Мөсөн голууд
хайлснаар энэхүү уулархаг
бүс нутагт амьдардаг 240 сая хүн усны хомсдолд орж, үер усны аюул нүүрлэх эрсдэлтэй байгааг шинэ
тайланд дурджээ.Эверест, К2 зэрэг
алдартай оргилууд орших тус бүс нутагт мөсөн голууд хурдацтай хайлж байгааг олон улсын эрдэмтдийн баг
тогтоожээ. Катманду хотноо төвтэй бүс нутгийн засгийн газар хоорондын шинжлэх ухааны байгууллага болох "Уулын бүсийн нэгдсэн хөгжлийн олон улсын төв"-ийн (“ICIMOD”) судалгаагаар, 2010-2020 онд мөсөн голууд өмнөх арван жилийнхээс 65 хувиар илүү түргэн хайлсан байна."Мөсөн голууд маань хайлж байна. Бид мөсөн голуудаа 100
жилийн дараа бүрэн алдана" гэж уг судалгааны багийн ахлагч, “ICIMOD”-ийн байгаль орчны судлаач Филиппус Вестер хэлжээ.Хималайн нуруу нь
Афганистан, Балба, Бангладеш, Бутан, Мьянмар, Пакистан, Хятад, Энэтхэг улсын нутаг
дэвсгэрийг дамжин 3500 км үргэлжилдэг.Аж үйлдвэржилтийн
эриний өмнөх үеийн агаарын температураас Цельсийн 1.5 буюу 2 хэмээр дулаарвал, 2100 он гэхэд тус бүс нутгийн мөсөн
голуудын 30-50 хувь нь хайлна гэж
тайланд тэмдэглэжээ. Гэхдээ мөсөн голуудын
хайлах явц тэдгээрийн газар зүйн байршлаас хамаарна. Агаарын температур Цельсийн
3 хэмээр дулаарвал Балба, Бутан зэрэг Зүүн Гималайн мөсөн голуудын
75 хүртэлх хувь нь хайлна. Хэрэв 4 хэмээр дулаарвал энэ үзүүлэлт 80 хүртэл хувь болж нэмэгдэх
аж.Цаг уурын
өөрчлөлт Хималайн нуруунд хэрхэн нөлөөлж байгааг тогтооход эрдэмтэд бэрхшээлтэй тулгарч
байжээ. Европын Альпийн нуруу болон Хойд Америкийн чулуурхаг уул нуруудаас ялгаатай
нь энэ бүс нутагт мөсөн гол нэмэгдэж байна уу, багасаж байна уу гэдгийг илтгэх хэмжилтийн
түүхэн бүртгэл баримт дутагддаг байна. 1970 оноос хойших
АНУ-ын тагнуулын хиймэл дагуулын авсан тус бүс нутгийн мөсөн голуудын зургийг 2019
онд нууцын зэрэглэлээс гаргаснаар шинжлэх ухааны судалгааны шинэ суурь үзүүлэлт
болжээ.Үүнээс гадна, сүүлийн
таван жилд хиймэл дагуулын технологийн ахиц дэвшил, мөн бүс нутгийн хэмжээнд
хийж буй газар дээр нь
хийсэн бодит хэмжилтийг бүртгэлжүүлэх хүчин чармайлтын үр дүнд мөсөн голуудын
өөрчлөлтүүдийн талаарх эрдэмтдийн ойлголт тодорхой болсон байна. Дээр дурдсан
тайланд 2022 оны 12 дугаар сар хүртэлх мэдээллийг ашиглажээ.
|
https://montsame.mn/mn/read/321736
|
Криштиану Роналду Гиннессийн дээд амжилтын номд бичигджээ
|
2023-06-21 16:14:45
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
СПОРТ
|
РЕЙКЬЯВИК. /championat/. Криштиану Роналду шигшээ багийнхаа төлөө хамгийн олон тоглолтод оролцсон түүхэн дэх анхны хөл бөмбөгчин боллоо. Өдгөө 38 настай португал хөлбөмбөгчин 200 дахь тоглолтоо мягмар гаргийн орой Европын хөл бөмбөгийн аварга шалгаруулах тэмцээний урьдчилсан шатанд Исландын шигшээ багтай хийжээ. Исландын нийслэл хот дахь "Laugardalsvöllur" цэнгэлдэх хүрээлэнд болсон тоглолтын 89 дэх минутад Роналду цорын ганц гоолыг оруулсан байна. Энэ гоол нь түүний хувьд Португалын шигшээ багийн төлөө хийсэн 123 дахь гоол нь болсон бөгөөд мөн л дээд амжилт юм. Тоглолт эхлэхийн өмнө Криштиануд шигшээ багийнхаа бүрэлдэхүүнд хийсэн тоглолтын тоогоор дээд амжилтыг эзэмшигчийн батламжийг гардуулан өгчээ. Роналду шигшээ багийнхаа төлөө анхны тоглолтоо 2003 онд хийсэн байна. Ташрамд, Олон улсын хөл бөмбөгийн түүх, статистикийн холбоо (IFFHS) Малайзын Сон Чин Аннаг (219 тоглолт) энэхүү дээд амжилтын эзэн гэж үздэг аж. Тэрбээр албан ёсоор тооцогдоогүй 24 тоглолтод оролцжээ.Португалын хөл бөмбөгийн шигшээ баг Европын аварга шалгаруулах тэмцээний урьдчилсан шатны дөрвөн тоглолтод бүгдэд нь хожиж, J хэсгийг тэргүүлж байна. "Евро 2024" тэмцээний шувтаргын тоглолт ирэх оны зургаадугаар сарын 14-нөөс долоодугаар сарын 14-ний хооронд Германд болно. Роналду шигшээ багийнхаа хамтаар 2016 онд Европын аварга болж, 2018/19 оны Үндэстнүүдийн лигт түрүүлжээ.
|
https://montsame.mn/mn/read/321738
|
НҮБ: Хар тэнгисээр тээвэрлэсэн хүнсний экспорт эрс буураад байна
|
2023-06-21 14:49:32
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
НИЙГЭМ
|
НЬЮ-ЙОРК. /Reuters/.
Хар тэнгисээр үр тариа тээвэрлэх
гэрээний хүрээнд хийсэн хүнсний экспортын хэмжээ тавдугаар сард 1.3 саяд тоннд хүрснээр
өнгөрсөн 10 дугаар сард оргилдоо /4.2 сая/ хүрч байсантай
харьцуулахад эрс буурлаа гэж НҮБ мягмар гарагт мэдээлэв.НҮБ-ын тэргүүн Антонио
Гутерриш хяналт шалгалтын ажил удааширч, Хар тэнгисээр үр тариа тээвэрлэх
санаачилгаас Южный боомтыг хассанд “сэтгэл дундуур” байгаагаа илэрхийлснийг
түүний хэвлэлийн төлөөлөгчийн орлогч Фархан Хак уламжилсан байна. А.Гутерриш Орос,
Украины талуудад үйл ажиллагаагаа түргэсгэж, долоодугаар сарын 17-нд дуусах үр
тарианы гэрээг үргэлжлүүлэн хэрэгжүүлэхийн тулд чадах бүхнээ хийхийг уриалсан
байна. Украин, Оросын аль алинд ургац хураалтын шинэ улирал эхлэх гэж буй энэ
үед энэ нь онцгой чухал болохыг Ф.Хак тэмдэглэжээ.
Турк, НҮБ, Орос,
Украин өнгөрсөн оны долоодугаар сард Истанбул хотноо Украины боомтуудаас үр
тарианы экспортыг үргэлжлүүлэх тухай гэрээ байгуулсан бөгөөд хамгийн сүүлд гэрээг энэ
оны тавдугаар сарын 18-нд дахин 60 хоногийн хугацаатай сунгасан билээ.
|
https://montsame.mn/mn/read/321726
|
Украиныг сэргээн босгох асуудлаар олон улс хуралдана
|
2023-06-21 13:08:06
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
ЛОНДОН. /urc-international/. Украиныг сэргээн босгох асуудлаарх олон улсын бага
хурал Их Британийн нийслэлд өнөөдөр эхэлнэ.Хоёр өдөр
үргэлжлэх энэхүү бага хурлын зорилго нь "Украины эдийн засаг, нийгмийг тогтворжуулах, дайны үр дагаврыг арилгахад олон улсын дэмжлэг
үзүүлэх" явдал юм.Уг бага хуралд Европын Комиссын дарга Урсула фон дер Ляйен, АНУ-ын
Төрийн нарийн бичгийн дарга Энтони
Блинкен, Их Британийн Ерөнхий сайд Риши Сунак, Туркийн Гадаад хэргийн сайд
Хакан Фидан нар оролцоно. Их Британийн засгийн газрын мэдээлснээр, Украины Ерөнхийлөгч Владимир Зеленский цахимаар оролцох төлөвтэй байна.Улс
орнуудын төрийн тэргүүн, сайд нараас гадна, төрийн бус байгууллагуудын
төлөөлөгчид болон бизнесийн хэдэн зуун төлөөлөгч оролцох аж.Энэхүү бага хурлыг
зохион байгуулагч орны удирдагчийн хувьд Р.Сунак үг хэлж, хөрөнгө
оруулалт, инновацаар дамжуулан Украиныг сэргээн босгох үйл явцыг
түргэтгэх талаар уриалга гаргана. Тэрбээр мөн хөрөнгө
оруулагч, бизнес эрхлэгч нарт хандан Киевт урт
хугацааны дэмжлэг үзүүлэхийг уриална.
|
https://montsame.mn/mn/read/321697
|
Дэлхийн хүн амын 3.6 хувь нь эх орноосоо гадна амьдарч байна
|
2023-06-21 12:36:42
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
НИЙГЭМ
|
ЖЕНЕВ. /Anadolu/. Дэлхийн хүн амын 3.6 хувь буюу 281 сая хүн 2020
оны байдлаар эх орон, төрсөн нутгаасаа гадна амьдарч байгаа бөгөөд олон улсын шилжилт
хөдөлгөөн нь дэлхий нийтийн хойшлуулшгүй асуудал болоод байна гэж НҮБ-ын
Дүрвэгсдийн асуудал эрхэлсэн дээд комиссарын газар /UNHCR/ мэдээлжээ.Хүн төрөлхтний
түүхэнд тулгамдсан асуудал байсаар ирсэн шилжилт хөдөлгөөн нь сүүлийн 20 жилд
янз бүрийн таагүй үйл явдлуудын улмаас дэлхийн өнцөг булан бүрд мэдрэгдсэн томоохон
асуудал болж, улмаар шийдвэрлэх үйл явц нь олон улсын байгууллагууд, засгийн
газруудын чадал чансаанаас хэтрээд байна. Дайн дажин,
зөрчил мөргөлдөөн, орлогын тэгш бус байдал, муу засаглал зэрэг түгээмэл
шалтгааны улмаас төрсөн улс орноо орхин явахаас өөр аргагүйд хүрсэн хүний тоо урьд
хожид үзэгдээгүй түвшинд хүрээд байгаа бөгөөд дэлхийн дулаарал, байгалийн
гамшигт үзэгдлүүд ч мөн нэрмээс болж байна.НҮБ-ын
Дүрвэгсдийн асуудал эрхэлсэн дээд комиссарын газрын мэдээллээр, 2020 оны байдлаар
ойролцоогоор 281 сая хүн буюу дэлхийн хүн амын 3.6 хувь нь янз бүрийн шалтгааны
улмаас төрсөн улс орон, бүс нутгаа орхин цагаачлахаас өөр аргагүйд хүрчээ. Тодруулбал, тэдний
86.7 сая нь Европ тив рүү, 85.6 сая нь Ази руу, 58.7 сая нь Хойд Америк руу,
25.4 сая нь Африк руу, 14.8 сая нь Латин Америк, Карибын тэнгисийн орнууд руу,
9.4 сая нь Австрали зэрэг далайн орнууд руу цагаачилсан байна. Өнгөрсөн долоо
хоногт Дүрвэгсдийн асуудал эрхэлсэн дээд комиссарын газар мөн дэлхийн хэмжээнд 108.4
сая хүн зөрчил мөргөлдөөн, хавчлага, хүний эрхийн зөрчлийн улмаас орон гэрээ
орхин явахаас өөр аргагүйд хүрээд байгаа талаар мэдээлсэн юм. Тэдгээр хүмүүсийн
62.5 сая нь дотооддоо, 35.3 сая нь бусад улс орон руу дүрвэсэн бол 5.4 сая нь
орогнол хүсэгч байна. Улмаар дэлхий даяарх дүрвэгсдийн 76 хувийг хүлээн аваад
буй бага, дунд орлоготой орнууд “нуруун дээрээ хамгийн хүнд ачааг үүрч байна”.
Түүнчлэн нийт
орогнол хүсэгчдийн 20 хувьд нь буурай хөгжилтэй орнууд зөвшөөрөл олгосон бол 70
хувийг нь хөрш орнууд нь хүлээн авсан байна. Харин дүрвэгсдийн тоог улс орнуудаар авч үзвэл, Турк улс хамгийн
олон буюу 3.6 сая дүрвэгч хүлээн авчээ.
|
https://montsame.mn/mn/read/321700
|
Европын Холбооны эдийн засгийн аюулгүй байдлын стратегийг танилцууллаа
|
2023-06-21 11:23:23
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ЭДИЙН ЗАСАГ
|
БРЮССЕЛЬ. /euronews/. Европын Комисс түүхэндээ анх удаа Европын Холбооны /ЕХ/ эдийн засгийн аюулгүй байдлын протекционист стратегийг танилцууллаа. Энэхүү стратеги нь Брюсселийн эрх мэдлийг өргөжүүлж, Өрнөдийн орнуудтай найрсаг бус харилцаатай улс орнуудтай худалдаа, технологийн солилцоог хязгаарлах юм. Стратегийн багц баримт бичгийг EХ-ны цахим хуудсанд нийтэлжээ.Брюссельд болсон хэвлэлийн бага хурлын үеэр уг төслийг Европын Комиссын дарга Урсула фон дер Ляйен, ЕХ-ны гадаад бодлогын албаны тэргүүн Жозеп Боррель, Европын Комиссын орлогч дарга нар болох Валдис Домабровскис, Маргрет Вестагер нар танилцуулсан байна. Энэхүү стратегийг хүчин төгөлдөр хэрэгжүүлэхийн тулд одоо ЕХ-ны Зөвлөл, Европын парламентаар батлуулах ёстой.Ийм стратеги боловсруулах болсон шалтгаан нь цар тахал, Украинд өдүүлсэн Оросын дайн, "эдийн засгийн дайсагнасан үйл ажиллагаа, кибер халдлага, сонгуульд хөндлөнгөөс оролцох явдал, түүнчлэн дэлхийн тавцанд хурцадмал байдал өсөн нэмэгдэхийн хэрээр Европын нийгэм, компаниуд, иргэдийн хувьд хэдэн жилийн өмнө байхгүй байсан эрсдэл, эмзэг байдал ил болсонтой холбоотой” гэж Европын Комисс цохон тэмдэглэв.Эдийн засгийн эрсдэлүүдийн тухайдЕХ нь энэхүү стратегийнхаа хүрээнд "худалдааны хамгаалалтын арга хэмжээ хэрэгжүүлж, гадаадын хөрөнгө оруулалт болон өөрийн экспортыг хянахын сацуу 5G ба 6G сүлжээний аюулгүй байдлыг хангах, шинэ хэрэгслийг ашиглан гадаад эдийн засгийн дарамт шахалттай /ЕХ-ны эсрэг авах гадаадын хориг арга хэмжээ/ тэмцэх зэргээр эдийн засгийн эрсдэлээс өөрийгөө хамгаалахыг зорьж байна. Энэхүү стратегийн зорилгыг дараах байдлаар томьёолжээ: "Нийлүүлэлтийн сүлжээг илүү тогтвортой болгох, технологи, аж үйлдвэрийн чадавхыг хөгжүүлэх, Европын нэгдсэн зах зээл, нийгэмд чиглэсэн эдийн засгийг хадгалах замаар ЕХ-ны өрсөлдөх чадварыг нэмэгдүүлэх явдал" юм. Үүнд ялангуяа "чухал материалуудаас хараат байдлыг багасгах, чухал материалуудын эх үүсвэр, экспортыг төрөлжүүлэх, дэвшилтэт хагас дамжуулагч, квант компьютер, биотехнологи зэрэг стратегийн технологиудыг хөгжүүлэхэд тэргүүлэх ач холбогдол өгнө".Технологийн хязгаарлалтын тухайдВестагерын хэлснээр, ЕХ найрсаг бус бүх улс оронд экспортлохыг хязгаарлах давхар зориулалттай технологиудын жагсаалтыг есдүгээр сар гэхэд батална."Технологиудыг бид хүний эрх зөрчигдөхөд ашиглах эсэх эсвэл цэргийн зориулалтаар ашиглах эрсдэлээс хамаарч тодорхойлно. Бид жагсаалтыг есдүгээр сар гэхэд бэлтгэж дуусгана. Ингэснээр жилийн эцэс гэхэд эрсдэлийн үнэлгээний үр дүнтэй механизмтай болно" гэж тэрбээр онцлон тэмдэглээд энэ ажлыг ЕХ-той илүү нягт харилцаатай орнуудтай, түүний дотор АНУ-тай хамтран хийнэ" гэдгийг тэмдэглэсэн байна. Харин фон дер Ляйен мэдэгдэхдээ, энэ жагсаалтад "хамгийн дэвшилтэт технологиуд орно" гээд Европын экспортод тавихаар санал болгож буй хязгаарлалт нь "гадаадын улс орнууд технологийн давуу тал олж авах эсвэл Европын дэвшилтэт технологийг цэргийн зориулалтаар ашиглахаас урьдчилан сэргийлэх зорилготой" гэж онцлон тэмдэглэв. Эдийн засгийн хамтын ажиллагааны тухайдЭнэхүү стратегийг боловсруулагчид ЕХ-г "нийтлэг асуудал, нийтлэг эрсдэл, нийтлэг ашиг сонирхол бүхий хамгийн олон улс орнуудтай эдийн засгийн хамтын ажиллагаанд оролцуулахыг зорьж байна".Үүний зэрэгцээ нийтлэгдсэн баримт бичгийн багцад Европын Комисс хамтран ажиллахад тохиромжтой улсуудыг хэрхэн сонгохыг зорьж байгаа нь тодорхойгүй байна. Стратегийг боловсруулагчид ба хэрэгжүүлэх аргуудШинэ стратегийг Европын Комиссын эдийн засгийн асуудал эрхэлсэн хэд хэдэн газар болон ЕХ-ны гадаад бодлогын алба Боррелийн удирдлага дор хамтран боловсруулсан байна. Европын Зөвлөлөөс баталсан тохиолдолд уг стратегийг дагаж мөрдөж байгаа эсэхэд Европын Комисс хяналт тавих бол хэрэгжилтийг ЕХ-ны гадаад бодлогын алба хариуцах бөгөөд энэ нь түүний эрх мэдэл мэдэгдэхүйц өргөжнө гэсэн үг юм. Эдийн засгийн аюулгүй байдлын шинэ стратеги нь "түнш орнуудтай байгуулсан худалдааны хэлэлцээр, дүрэм журамд суурилсан олон улсын дэлхийн дэг журам, Дэлхийн худалдааны байгууллага зэрэг олон талт байгууллагуудын хүрээнд, мөн “Дэлхийн портал” хөтөлбөрийн хүрээнд хөрөнгө оруулалт хийх замаар хэрэгжинэ гэдгийг Европын Комисс онцолж байна. “Дэлхийн портал” хөтөлбөрийг ЕХ Хятадын "Бүс ба зам" төслийн хариу болгон баталсан юм. Уг хөтөлбөр нь ногоон шилжилттэй холбоотой дэд бүтцийн төслүүдэд хөрөнгө оруулах замаар гуравдагч орнуудад ЕХ-ны нөлөөг сэргээх зорилготой. Энэ хөтөлбөрийг Хятад, Оростой эдийн засгийн өрсөлдөөнд ашиглах бодолтой байгаагаа Боррель дөрөвдүгээр сарын сүүлчээр Европын парламентад хэлсэн үгэндээ шулуухан мэдэгджээ.
|
https://montsame.mn/mn/read/321685
|
“Titan” шумбагч аппаратад 30 орчим цагийн хүчилтөрөгчийн нөөц үлдээд байна
|
2023-06-21 11:15:42
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
НИЙГЭМ
|
ВАШИНГТОН. /DW/. Атлантын далайн ёроолд буй "Титаник" хөлгийг үзүүлэхээр жуулчдыг суулган далайн гүн рүү шумбасан “Titan” шумбагч аппаратыг эрэн хайх ажиллагаа үргэлжилж байна. АНУ-ын Эргийн
хамгаалалтын албанаас мэдээлснээр, уг аппаратад ердөө 30 орчим цагийн хүчилтөрөгчийн нөөц үлдээд байна. Сүйрсэн Титаник
хөлгийг үзэхээр аялалд гарсныхаа дараа холбоо тасарсан шумбагч аппаратыг аврах
багийнхан мягмар гаргийн байдлаар гурав дахь өдрөө эрэн хайж байна.Шумбагч аппарат өнгөрсөн ням гаргийн өглөө далайн гүн рүү шумбах үедээ 96 цагийн хүчилтөрөгчийн нөөцтэй байсан тул уг аппаратад сууж яваа таван хүнд санаа зовниж эхлээд байна. Хамгийн сүүлийн
үеийн мэдээллээр, шумбагч аппаратад 30 цагийн хүчилтөрөгч үлдээд байгаа
бөгөөд одоогоор эрэн хайх ажиллагаа ямар нэгэн үр дүнд хүрээгүй байна.Уг аппаратад ямар
хүмүүс сууж яваа вэ?Пакистаны нэрт
бизнес эрхлэгч Шахзада Давуд, хүү Сулеманы хамт гүний шумбагч аппарат дотор байгаа гэж
тэдний гэр бүлийнхэн мэдээлжээ. Мөн Британийн тэрбумтан Хэмиш Хардинг байгаа талаар гэр бүлийнх нь нэгэн гишүүн нийгмийн сүлжээндээ
нийтэлсэн байна. Өдгөө 58
настай нисгэгч, сансрын жуулчин, “Action Aviation” компанийн захирал Х.Хардинг ням гарагт “Instagram” хуудсандаа, “OceanGate” компанийн зохион байгуулж буй,
Титаникийг үзэх аяллын бүрэлдэхүүнд багтаж байгаадаа баяртай байгаагаа илэрхийлсэн нийтлэл оруулжээ. Х.Хардинг мөн
хөлгийн багт домогт хоёр судлаач байгааг дурдаад, тэдний нэг нь 1980-аад оноос
хойш Титаник руу 30 гаруй удаа шумбасан гэдгийг онцолсон байна. Хожим нь “OceanGate” компани энэхүү компанийг үүсгэн
байгуулагч, гүйцэтгэх захирал Стоктон Раш шумбагч аппаратын бүхээгт байгааг баталжээ.Эрэн хайх, аврах ажиллагааг АНУ, Канадын цэргийнхэн явуулж байгаа бөгөөд тэдэнд энгийн далайчид ч тусалж байна. Түүнчлэн Франц улс эрэн
хайх, аврах ажиллагаанд туслалцаа үзүүлэхээр гүний шумбагч хөлгөө илгээж
байгаагаа мэдэгджээ. Францын Засгийн газрын эх сурвалжийн мэдээлснээр, шумбагч аппаратын бүхээгт байгаа хүмүүсийн нэг нь тус улсын иргэн, 77 настай судлаач Поль-Анри Наржеоле аж.Шумбагч аппаратад
юу тохиолдсон бэ?6.5 метрийн
урттай “Titan” шумбагч аппарат ням гаргийн өглөө далайн гүн рүү шумбасан бөгөөд шумбаснаас нэг цаг 45 минутын дараа холбоо тасарчээ. "Титаник" хөлөг онгоцны сэг
Атлантын далайн ёроолд 3810 метрийн гүнд буй. АНУ-ын Эргийн
хамгаалалтын албаны төлөөлөгч Жон Маугер сэтгүүлчдэд мэдээлэл өгөх
үеэрээ, “Ийм гүн рүү эрэн хайх ажиллагаа явуулах нь хэцүү ч бид шумбагч аппаратын байршлыг тогтоож, дотор нь байгаа хүмүүсийг аврахын тулд боломжтой бүх
техник хэрэгслээ дайчилж байна” хэмээн мэдэгджээ. Титаникийн
байршил 70 гаруй жил тодорхойгүй байсан “Жившгүй” хэмээн алдаршуулан тодорхойлж байсан "Титаник" хөлөг 1912 оны
дөрөвдүгээр сарын 14-ний шөнө дунд болохын өмнөхөн мөсөн уултай мөргөлдөж, гурван цаг
хүрэхгүй хугацааны дараа живжээ.
Уг гамшигт явдлын улмаас 1500 гаруй хүн амиа алдсан бөгөөд хөлөг онгоц 1985 оныг хүртэл
олдоогүй юм. Тэр цагаас хойш далайн ёроолд үзэгдэх орчин хязгаарлагдмал хэдий ч сүйрсэн онгоц руу олон экспедиц хийжээ.
|
https://montsame.mn/mn/read/321682
|
Хантер Байден татварын асуудлаар буруутай гэдгээ хүлээн зөвшөөрчээ
|
2023-06-21 10:20:30
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
НИЙГЭМ
|
НЬЮ ЙОРК. /CNN/.
АНУ-ын Ерөнхийлөгч Жо Байдены хүү
Хантер Байден АНУ-ын прокуроруудтай хийж буй хэлэлцээний хүрээнд зарим хэрэгт буруутай гэдгээ хүлээсэн талаар “CNN” мягмар гарагт мэдээлжээ.Америкийн төрийн тэргүүний
хүү татвараас санаатай зайлсхийсэн хоёр хэрэгт буруутай гэдгээ хүлээн зөвшөөрч, харин зэвсэг
хадгалах журмыг зөрчсөн хэрэгт буруутгаж байгаа асуудлаар талууд тохиролцоонд хүрсэн байна.“Энэ алхам нь
хэргийг шийдвэрлэх явцыг түргэтгэхэд тус дөхөм болно”
гэж Хантер Байдены өмгөөлөгч Кристофер Кларк онцлон тэмдэглэсэн байна. "Хантер амьдралынхаа төөрөгдөлд автаж, донтсон үедээ гаргасан алдааныхаа хариуцлагыг хүлээх нь чухал гэж үзэж байна" гэж К.Кларк хэлжээ.Эцэг эх нь Хантерыг "амьдралаа шинэчилж өөрчлөгдөхөд нь тусалж дэмжиж байгаа"
гэж Цагаан ордон мэдээлсэн байна. Харин АНУ-ын Ерөнхийлөгч асан Дональд Трамп Цагаан ордны тэргүүний 53 настай хүү болон
Америкийн шүүхийн хооронд хийгдэж буй хэлэлцээг эрс
шүүмжилж, "олон зуун жил хоригдох ял хүлээлгэхийн" оронд АНУ-ын Хууль
зүйн яам Хантер Байденд "замын хөдөлгөөний дүрэм зөрчсөний төлөө ноогдуулдаг хэмжээний торгууль тавьж байна" гэж "Truth Social" олон нийтийн сүлжээндээ бичжээ.Хантер Байдены зэвсэг эзэмшихтэй холбоотой мөрдөн шалгах ажил 2018 онд эхэлсэн бөгөөд тухайн үед тэрбээр “Colt
Cobra” буутай
байхдаа хар
тамхи хэрэглэж байсан нь мэдэгдсэн аж.
АНУ-ын хуулиар мансууруулах бодис хэрэглэх эсвэл хадгалах үедээ хүмүүс зэр
зэвсэг худалдаж авах, эзэмшихийг хориглодог. Тэрбээр мөн тухайн үед эрх баригчдын татвар төлөх шаардлагыг үл
тоомсорложээ.“Associated Press” агентлагийн мэдээлснээр, Байдены хүүд зэвсэг хадгалах журмыг зөрчсөн хэргээр 10 хүртэл жилээр хорих ял оноож болно. Харин татварын зөрчлийн асуудлаар АНУ-ын Хууль зүйн
яам Америкийн төрийн тэргүүний хүүд тэнсэн өгөх бололтой. АНУ-ын Ерөнхийлөгчийн хүүд оногдуулах ялын талаарх эцсийн шийдвэрийг Делавар муж улсын шүүх гаргана.
|
https://montsame.mn/mn/read/321683
|
НҮБ Дэлхийн далай тэнгисийг хамгаалах тухай түүхэн гэрээг баталжээ
|
2023-06-20 16:04:25
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
НҮБ. /un.org/. НҮБ-ын гишүүн 193 орон 20 орчим жил хэлэлцсэний эцэст өөрийн улсын харьяа бүсээс гадна далайн биологийн олон янз байдлыг хамгаалах түүхэн гэрээг баталлаа гэж тус байгууллагын цахим хуудсанд мэдээлжээ.НҮБ-ын Ерөнхий нарийн бичгийн дарга Антониу Гутерриш далай тэнгисийг хамгаалах хүчин чармайлтыг нэгтгэж өгсөн олон улсын хамтын ажиллагааг өндрөөр үнэлж, улс орнууд нийтлэг сайн сайхны төлөө нэгдэж чаддагийг энэхүү гэрээ харуулж байна” гэж мэдэгджээ. Далайн эрх зүйн тухай НҮБ-ын Конвенцод тусгагдсан зарчмуудад тулгуурлан энэхүү гэрээ нь далай тэнгисийн гуравны хоёрыг хамгаалах эрх зүйн орчныг ихээхэн бэхжүүлж байгаа ажээ. Тодруулбал, далай тэнгис, түүний нөөц баялгийг ашиглах чиглэлээр олон улсын болон байгууллага хоорондын хамтын ажиллагаанд шаардлагатай тогтолцоог бий болгож буй юм. Уг гэрээг үр дүнтэй, цаг тухайд нь хэрэгжүүлэх нь далайтай холбоотой Тогтвортой хөгжлийн зорилтууд болон биологийн олон янз байдлын тухай Кунмин-Монреалийн суурь хөтөлбөрийг хэрэгжүүлэхэд чухал хувь нэмэр оруулна.Химийн хорт бодис, олон сая тонн хуванцар хог хаягдал далайн эргийн экосистемийг алдагдуулж, загас, далайн яст мэлхий, далайн шувууд, далайн хөхтөн амьтдыг устгаж, их хэмжээний хохирол учруулж байна. Үүнээс гадна аюултай бичил хэсгүүд хүний идэж буй хоол хүнсэнд орж байна.Энэхүү гэрээ нь далайг бохирдуулж буй хүмүүст хариуцлага хүлээлгэж, болзошгүй маргааныг шийдвэрлэх механизмыг бий болгожээ. Баримт бичгийн заалтын дагуу өөрийн улсын харьяа бүсээс гадна явуулахаар төлөвлөсөн аливаа үйл ажиллагаанд талууд үйл ажиллагааныхаа хүрээлэн буй орчинд үзүүлж болзошгүй нөлөөллийг үнэлэх үүрэгтэй.Үүнээс гадна, загасны нөөцийг хэт их ашиглахтай тэмцэх олон улсын хамтын ажиллагааг өргөжүүлэхээр тусгасан байна. Түүнчлэн уур амьсгалын өөрчлөлт, далай тэнгисийн хүчиллэгжилтийн сөрөг нөлөөллийг тэсвэрлэх чадварыг нь нэмэгдүүлэх цогц арга замыг санал болгожээ.Энэхүү баримт бичиг нь 2023 оны есдүгээр сарын 20-ноос эхлэн хоёр жилийн хугацаанд гарын үсэг зурахад нээлттэй байх бөгөөд 60 улс соёрхон баталсны дараа хүчин төгөлдөр болно.Хүчин төгөлдөр болсноос хойш нэг жилийн дотор НҮБ-ын Ерөнхий нарийн бичгийн дарга Гэрээнд оролцогч талуудын анхны бага хурлыг хуралдуулах ёстой байна.
|
https://montsame.mn/mn/read/321636
|
Европ бусад тивээс илүү хурдан дулаарч байна
|
2023-06-20 13:58:54
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
БРЮССЕЛЬ. /Anadolu/.
Европ сүүлийн хэдэн арван жилд бусад
тивээс илүү хурдан дулаарч, агаарын температур дэлхийн дунджаас хоёр дахин хурдан нэмэгдэж байна гэж Дэлхийн цаг уурын байгууллагын шинэ тайланд мэдээллээ.Өнгөрсөн найман
жилд дэлхийн температур тогтмол дээд үзүүлэлтэд хүрснээр түүхэнд хамгийн халуун үе
болж тэмдэглэгдэн үлдсэнийг “Европын Уур амьсгалын байдлын тайлан-2022”
харуулсан байна.Тухайлбал, 2022
он дэлхийн түүхэнд тавдугаарт бичигдэх хамгийн халуун жил байсан бөгөөд дэлхийн
янз бүрийн бүс нутгуудад урьд өмнө бүртгэгдэж байгаагүй халуун температур ажиглагдсан юм. Ялангуяа, Европт
хамгийн халуун зун тохиож, 2021 онд бүртгэгдсэн өмнөх дээд үзүүлэлтийг 0.3-0.4
хэмээр эвдсэн байна. Мөн Их
Британи зэрэг орнууд орших Баруун Европт хэт халж, агаарын температур
түүхэндээ анх удаа 40 хэм давжээ. Түүнчлэн Европын эргэн
тойрны далай тэнгисийн гадаргуу орчмын дундаж температур түүхэн дээд үзүүлэлтэд
хүрсэн байна.Өнгөрсөн онд
тивийн хэмжээнд цаг агаарын үзэгдлүүдийн улмаас 16 мянган хүн амиа алдсаны 99.6
хувь нь хэт халууны улмаас нас баржээ. Дэлхийн далайн
дундаж түвшин 1993-2022 онд ойролцоогоор 9.7 см-ээр нэмэгдсэн байна. Тайланд
дурдсанаар, далайн түвшин нэмэгдэх явц ч мөн хурдасаж байгаа бөгөөд өнгөрсөн 10
жилийн хугацаанд жилд дунджаар 4.2 мм-ээр нэмэгджээ. Цаг уурын мэргэжилтнүүд цаашид температурын өсөлт үргэлжилнэ гэж таамаглаж
байгааг Европын Холбооны /ЕХ/ Коперникийн нэрэмжит Уур амьсгалын өөрчлөлт судлалын газрын дарга Карло Буонтемпо тэмдэглэсэн байна. “Харамсалтай нь үүнийг
нэг удаагийн үзэгдэл эсвэл цаг уурын гаж үзэгдэл гэж үзэж болохгүй” хэмээн
тэрбээр хэлээд, хэт халалтын давтамж, эрч цаашид улам нэмэгдэх
магадлалтай байгааг сэрэмжлүүлжээ.
|
https://montsame.mn/mn/read/321602
|
Хятад улс сансрын аялал жуулчлалын төсөл хэрэгжүүлнэ
|
2023-06-20 12:07:26
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ЭДИЙН ЗАСАГ
|
БЭЭЖИН. /Xinhua/. Хятад улсад сансрын жолоодлогот нислэг хурдацтай хөгжиж байгаагийн ачаар сансрын аялал жуулчлалын төсөл хэрэгжүүлэхээр төлөвлөж байна. Төслийн зорилго нь энгийн хүмүүсийг сансарт гаргах явдал юм гэж Синьхуа агентлаг мэдээлжээ. Энэхүү төслийн талаар Бээжин хотноо саяхан болсон Хятадын арилжааны сансрын нислэгийн хөгжлийн бага хурлын үеэр зарлажээ. Төслийн хүрээнд ирээдүйд сансрын аялал жуулчлалын үйлчилгээг үзүүлэхийн тулд тойрог замын туршилтын нислэгийг хийх ажээ. Дээр дурдсан бага хурлын зохион байгуулах хорооны болон "Жунгуанцун" шинжлэх ухаан, технологийн төвийн арилжааны сансрын аж үйлдвэрийн инновацын хөгжлийн холбооны хариуцлагатай нарийн бичгийн дарга Лун Кайцуны хэлснээр, энэхүү төслийг хэрэгжүүлэх ажлыг бага хурлын үеэр байгуулсан Сансрын тээвэр, сансар огторгуйг хамтран хөгжүүлэх төв удирдан явуулна.Уг төлөвлөгөөг үе шаттайгаар хэрэгжүүлэхээр төлөвлөж байна. Эхлээд бага оврын ашигтай ачааг сансарт хүргэх зорилтыг биелүүлж, дараа нь сансрын ачаа, эцэст нь аялал жуулчлалын зорилгоор сансрын нислэг хийнэ гэж Лун Кайцун хэлжээ.
|
https://montsame.mn/mn/read/321601
|
“IndiGo”, “Airbus” нисэхийн түүхэн дэх хамгийн том захиалгын гэрээ байгуулжээ
|
2023-06-20 11:32:14
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
ЭДИЙН ЗАСАГ
|
ШИНЭ ДЕЛИ. /Hindustan Times/. Энэтхэгийн агаарын тээврийн хамгийн том компани болох “IndiGo” Европын нисэх онгоц үйлдвэрлэгч “Airbus” компаниас 500 ширхэг “A320” нисэх онгоц худалдан авахаар болсон нь арилжааны агаарын тээврийн түүхэн дэх хамгийн том захиалга болж байна. “Энэхүү шинэ
захиалга нь “IndiGo”, “Airbus”-ын стратегийн харилцааг урьд хожид
байгаагүй гүн гүнзгий, өргөн цар хүрээтэй болгоно. Шинэ захиалгаар 2006
онд байгуулагдсанаасаа хойш манай компани “Airbus”-аас 1330 нисэх онгоц захиалаад байна” гэж “IndiGo” компани мэдэгджээ. Түлшинд хэмнэлттэй
“A320NEO Family” нисэх онгоц нь үйл ажиллагааны зардлыг
бууруулах, найдвартай байдлын өндөр стандарт бүхий түлшний хэмнэлт гаргах
боломжийг бүрдүүлнэ гэдгийг компанийн мэдэгдэлд онцолсон байна. Одоогоор “IndiGo” 300 гаруй нисэх онгоцоор үйлчилгээ
үзүүлж байгаа бөгөөд урьд нь захиалсан 480 онгоцыг 2030 он гэхэд хүлээн авч
дуусна. Харин шинээр захиалсан 500 онгоцыг “Airbus” 2030-2035 онд нийлүүлэх
ажээ.
|
https://montsame.mn/mn/read/321598
|
Энэтхэгийн Ерөнхий сайд АНУ-д албан ёсны айлчлал хийнэ
|
2023-06-20 10:27:56
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
ШИНЭ ДЕЛИ. /interfax/. Энэтхэгийн Ерөнхий сайд Нарендра Моди мягмар гарагт Нью-Йоркт хүрэлцэн ирэх бөгөөд АНУ-ын Ерөнхийлөгч Жо Байдентай хэлэлцээ хийхээр энэ долоо хоногийн сүүлээр Вашингтоныг зорино.Мягмар гарагт Н.Моди Эндрюс нисэх хүчний баазад зочилж, энэтхэг гаралтай америкчуудтай уулзах төлөвтэй байна. Лхагва гарагт тэрбээр Нью-Йорк хот дахь НҮБ-ын төв байранд болох Олон улсын йогийн өдрийг тэмдэглэх үйл ажиллагаанд оролцсоныхоо дараа Вашингтоныг зорино. Зургаадугаар сарын 22-ны пүрэв гарагт Цагаан ордонд Н.Модиг угтан авах албан ёсны ёслол болно. Энэхүү ёслолд 1000 гаруй хүн уригдсан байна. Үүний дараа Н.Моди, Ж.Байден нар хэлэлцээ хийх бөгөөд Энэтхэгийн Ерөнхий сайд мөн АНУ-ын Конгресст үг хэлнэ.Н.Модигийн айлчлал нь “АНУ, Энэтхэгийн гүн гүнзгий, нягт хамтын ажиллагаа, хоёр орны ард түмнүүдийг холбодог халуун дулаан, найрсаг харилцааг дахин батлан болно” гэж Цагаан ордон Энэтхэгийн Ерөнхий сайдын айлчлалтай холбогдуулан гаргасан мэдэгдэлдээ дурджээ. Америкийн засаг захиргаанаас мэдээлснээр, хоёр орны удирдагчид хамтын ажиллагаагаа бэхжүүлэх талаар, тэр дундаа боловсролын салбарын хамтын ажиллагааг, мөн “нийтлэг сорилтыг сөрөн зогсохын тулд хамтран ажиллах” талаар хэлэлцэнэ. Н.Моди, Ж.Байден нар хэлэлцээнийхээ үеэр батлан хамгаалахын болон технологийн салбарын хамтын ажиллагаатай холбоотой сэдвийг хөндөнө гэж Өрнөдийн хэвлэл мэдээллийн хэрэгслүүд мөн мэдээлж байна."Энэ бол манай хоёр орны харилцааны чухал үе шат юм. Энэ бол чухал айлчлал, маш чухал айлчлал" гэж Энэтхэгийн Гадаад хэргийн дэд сайд Винай Куатра даваа гарагт мэдэгджээ.Баасан гарагт Н.Моди АНУ-ын дэд ерөнхийлөгч Камала Харрис, АНУ-ын Төрийн нарийн бичгийн дарга Энтони Блинкен нартай үдийн зоог барих аж.Н.Моди 2014 онд Энэтхэгийн Ерөнхий сайдын албыг хашиж эхэлснээсээ хойш АНУ-д хийсэн зургаа дахь айлчлал нь энэ болно.АНУ-д айлчилсныхаа дараа тэрбээр Египетийг зорино.
|
https://montsame.mn/mn/read/321593
|
Бангладеш улс БРИКС-т элсэх хүсэлт гаргажээ
|
2023-06-20 09:40:26
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ДАКА. /Xinhua/. Бангладеш улс БРИКС-т гишүүнээр элсэх хүсэлтээ
албан ёсоор гаргажээ. БРИКС нь Бразил, Орос, Энэтхэг, Хятад, Өмнөд Африк гэсэн
хөгжиж буй таван орныг эгнээндээ нэгтгэдэг бүлэг бөгөөд энэ таван улсын англи
нэрийн эхний үсгээс бүрдсэн товчлол юм.Өнгөрсөн долоо хоногийн лхагва гарагт Швейцарын Женев хотноо Бангладешийн
Ерөнхий сайд Шейх Хасина, ӨАБНУ-ын Ерөнхийлөгч Сирил Рамафоса нарыг уулзсаны дараа дээрх хүсэлтийг
гаргасан гэж Бангладешийн “Dhaka Tribune” сонинд даваа гарагт мэдээлжээ.
Энэ жил БРИКС-ийн дээд хэмжээний уулзалт Өмнөд Африкт наймдугаар сард болох бөгөөд энэ
үеэр шинэ гишүүнчлэлийн талаар хэлэлцэж магадгүй гэж тус хэвлэл мэдээлсэн
байна.
|
https://montsame.mn/mn/read/321587
|
БНХАУ-ын шинэ Ерөнхий сайд анхны гадаад айлчлалаа эхлүүлжээ
|
2023-06-20 09:19:20
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
БЕРЛИН. /ABCNews/. БНХАУ-ын Төрийн Зөвлөлийн Ерөнхий сайд Ли Чян Хятад, Европын эдийн засаг, улс төрийн харилцааг бэхжүүлэх зорилгоор Герман, Францад хийх айлчлалаа эхлүүлжээ. Ли Чян ням гарагт Берлинд хүрэлцэн ирсэн бөгөөд даваа гаргийн өглөө Германы Ерөнхийлөгч Франк-Вальтер Штайнмайертай уулзжээ. Тэрбээр мягмар гарагт Канцлер Олаф Шольцтой уулзана. ХБНГУ-ын Ерөнхийлөгч Франк-Вальтер Штайнмайер БНХАУ-ын Төрийн Зөвлөлийн Ерөнхий сайдтай уулзах үеэрээ Украинд шударга энх тайван тогтоохын тулд Хятад улсыг дэлхийн улс төрийн тавцан дахь байр суурь болон Орост үзүүлэх нөлөөгөө ашиглахыг уриалсан гэж түүний хэвлэлийн нарийн бичгийн дарга Серстин Гаммелин мэдэгдсэн байна. Түүний хэлснээр, талууд мөн Хятад, АНУ-ын харилцааны талаар хэлэлцжээ. Штайнмайер "дэлхийн аюулгүй байдал, хамтын ажиллагаанд хоёр улсын харилцаа онцгой ач холбогдолтой" гэдгийг онцолж, "хоёр орны харилцаа холбооны сувгуудыг бэхжүүлэхийг" уриалсан гэж Гаммелин твиттер хуудсандаа бичжээ.Ли Чян Германд хүрэлцэн ирэх үеэрээ мэдэгдэхдээ, Бээжин Берлинтэй хамтын ажиллагааны нөөц бололцоог цаашид судалж, хоёр орны харилцааг шинэ шатанд гаргахад хамтран ажиллахад бэлэн байна гэсэн байна. Тэрбээр мөн ХБНГУ нь БНХАУ-ын Төрийн Зөвлөлийн Ерөнхий сайдын хувиар хийж буй анхны гадаад айлчлалынх нь эхний цэг болсныг онцлоод, энэхүү айлчлал хоёр орны уламжлалт найрамдлыг бэхжүүлж, хамтын ажиллагаагаа гүнзгийрүүлэхэд хувь нэмрээ оруулах болно гэж тэмдэглэжээ.Айлчлалын үеэр мөн Хятад-Германы Засгийн газар хоорондын долоо дахь удаагийн зөвлөлдөх уулзалт болох бөгөөд энэ нь хоёр орны шинээр байгуулагдсан Засгийн газруудын хувьд анхны ийм иж бүрэн түвшинд хийж буй уулзалт юм.Европын Холбооны хамгийн том эдийн засагтай Герман улсад айлчилсныхаа дараа Ли Чян хоёр дахь том эдийн засагтай Францад айлчлалаа үргэлжлүүлнэ. Тэрбээр Францын Ерөнхийлөгч Эммануэл Макроны санаачилсан “Дэлхийн санхүүгийн шинэ гэрээний дээд хэмжээний уулзалт”-д оролцохоор төлөвлөжээ.
|
https://montsame.mn/mn/read/321582
|
Япон, АНУ, БНСУ-ын удирдагчид уулзана
|
2023-06-20 08:42:18
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ТОКИО. /NHK/. Япон, АНУ, БНСУ-ын удирдагчид ойрын хугацаанд
АНУ-д уулзаж, БНАСАУ удаа дараа пуужин харваж байгаатай холбогдуулан авах
хариу арга хэмжээний талаар хэлэлцэхээр төлөвлөж байна.Японы Ерөнхий
сайд Кишида Фүмио даваа гарагт болсон эрх баригч Либерал Ардчилсан намын
удирдлагуудын уулзалтын үеэр дээрх төлөвлөгөөний талаар танилцуулжээ. К.Фүмио БНАСАУ-ын
өнгөрсөн пүрэв гарагт харвасан хоёр баллистик пуужин Японы эдийн засгийн онцгой
бүсэд унасныг тэвчих аргагүй явдал хэмээн тэмдэглэсэн байна. Тэрбээр Япон,
БНСУ-ын харилцаа хурдацтай сайжирч байгааг онцлоод, гурван улсын нягт харилцаатай
эвслийн хүрээнд мэдээлэл солилцох замаар аюулгүй байдлын ярвигтай нөхцөл
байдалд илүү эрчимтэй хариу арга хэмжээ авахад бэлэн байгаагаа илэрхийлжээ.
К.Фүмиогийн
хэлснээр, гурван орны удирдагчид Хирошима хотноо тавдугаар сард болсон “Долоогийн
бүлэг”-ийн дээд хэмжээний уулзалтын үеэр уулзсаныхаа дараа АНУ-д ойрын
хугацаанд нарийн дэлгэрэнгүй хэлэлцээ хийхээр тохиролцсон ажээ.
|
https://montsame.mn/mn/read/321578
|
БНХАУ-ын дарга Ши Жиньпин Э.Блинкентэй уулзлаа
|
2023-06-19 16:56:28
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
БЭЭЖИН. /Xinhua/.
БНХАУ-ын дарга Ши Жиньпин АНУ-ын
Төрийн нарийн бичгийн дарга Энтони Блинкенийг Бээжин хотын Ардын их хурлын
танхимд даваа гарагт хүлээн авч уулзлаа.Хятадын Коммунист намын Төв хорооны Гадаад хэргийн хорооны дарга Ван И, Хятадын
Төрийн зөвлөлийн гишүүн, Гадаад хэргийн сайд Чинь Ган нар Э.Блинкентэй хийсэн
хэлэлцээгээ илэн далангүй, гүн гүнзгий агуулгатай болсон хэмээн тодорхойлсныг Ши Жиньпин уулзалтын үеэр онцолжээ.“Хятадын тал
өөрийн байр суурийг тодорхой илэрхийлж, хоёр тал Ерөнхийлөгч Байден бид хоёрын
Балид хүрсэн тохиролцоог хэрэгжүүлэхээр санал нэгдсэн” гэж БНХАУ-ын дарга хэлээд,
талууд мөн тодорхой асуудлуудаар ахиц дэвшил гаргаж, тохиролцоонд хүрснийг нэмж
дурдсан байна.
“Улс орнууд хоорондын харилцаа харилцан хүндэтгэх, чин сэтгэлээсээ хандах зарчимд
тулгуурлах ёстой. Төрийн нарийн бичгийн дарга Э.Блинкений энэхүү айлчлал Хятад, АНУ-ын харилцааг тогтворжуулахад нааштай хувь нэмэр оруулна гэдэгт
найдаж байна” гэж Ши Жиньпин тэмдэглэжээ.
|
https://montsame.mn/mn/read/321559
|
Австралид уугуул иргэдийг хүлээн зөвшөөрөх талаар бүх нийтийн санал асуулга явуулна
|
2023-06-19 16:55:51
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
НИЙГЭМ
|
СИДНЕЙ. /DW/. Австралийн парламентын Сенатын танхим аборигенүүд болон Торресын хоолойн арлуудын оршин суугчдыг тивийн уугуул иргэд гэж хүлээн зөвшөөрөх, хууль тогтоох байгууллагад дуу хоолойгоо хүргэх эрхийг нь Үндсэн хуулиар баталгаажуулах талаар бүх нийтийн санал асуулга явуулах тухай хуулийн төслийг баталлаа.Зургаадугаар сарын 19-ний даваа гарагт болсон санал хураалтаар 52 сенатч санал асуулгыг явуулахыг дэмжсэн бол 19 нь эсэргүүцжээ.Бүх нийтийн санал асуулга энэ онд болох ёстой. Австралийн Ерөнхий сайд Энтони Альбанезе сэтгүүлчдэд мэдэгдэхдээ, "Манай парламент бүх нийтийн санал асуулга явуулахыг дэмжлээ, одоо Австралийн ард түмэн уугуул иргэдийг Үндсэн хуулиар хүлээн зөвшөөрч "тийм" гэж хэлэх боломжтой болж байна" гэжээ. Тэрбээр мөн удахгүй болох санал асуулга нь "үндэсний эв нэгдлийг харуулах, үндэстнийг улам агуу болгох мөч болно" гэж онцлон тэмдэглэсэн байна. Тус улсын парламентын доод танхим бүх нийтийн санал асуулга явуулахыг хэдийн дэмжжээ. Санал асуулгыг хэдийд явуулахыг хараахан товлоогүй байгаа боловч энэ оны 10-12 дугаар сарын хооронд явагдах төлөвтэй байна. Санал хураалтаар оруулсан саналыг австраличуудын дийлэнх нь дэмжвэл Австралийн Үндсэн хуульд нэмэлт өөрчлөлт оруулна.Нэмэлт өөрчлөлтийн дагуу Австралийн уугуул иргэд парламентад дуу хоолойгоо хүргэх эрхтэй зөвлөх хороогоо байгуулах боломжтой болно. Энэ хороо нь парламентын гишүүдэд уугуул иргэдтэй холбоотой асуудлаар зөвлөгөө өгөх юм байна.
|
https://montsame.mn/mn/read/321555
|
Дэлхийн агаарын тээврийн зорчигчдын урсгал цар тахлын өмнөх түвшинд дөхөж өснө
|
2023-06-19 15:39:38
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
ЭДИЙН ЗАСАГ
|
МОНРЕАЛЬ. /Kyodo/. Дэлхийн агаарын тээврийн зорчигчдын урсгал 2023 онд
28.3 хувиар өсөж, зорчигчдын тоо 4.54 тэрбумд хүрснээр цар тахлын өмнөх 2019
оны түвшинд дөхөх төлөвтэй байна гэж Олон улсын агаарын тээвэрлэгчдийн
холбооноос /IATA/ мэдээлжээ.Тус байгууллагын
тайланд дурдсанаар, энэ онд зорчигчдын тоо 2022 онд 3.39 тэрбум
байсантай харьцуулахад өсөж, дөрвөн жилийн өмнөх үзүүлэлтийн /4.54 тэрбум/ 96 хувьтай тэнцэнэ гэж урьдчилан таамаглаж байна. Ийнхүү нэмэгдэх төлөвтэй байгаа нь “COVID-19” халдварын улмаас тогтоож байсан хилийн
хяналтын арга хэмжээнүүдийг цуцалсантай холбоотой аж. Мөн агаарын
тээврийн эрэлт дэлхий даяар нэмэгдэх төлөвтэй байна. Тодруулбал, Ази-Номхон далайн
бүс нутгийн бүх орон цар тахлын улмаас зорчигч тээврийн хөдөлгөөнд тогтоогоод
байсан хязгаарлалтуудаа цуцалсантай холбоотойгоор тус бүс нутагт байрладаг
агаарын тээврийн компаниудын эрэлт хамгийн их буюу 63 хувиар өсөх тооцоо
гарчээ. “Хятад улс “COVID-19”-тэй тэмцэх хязгаарлалтуудаа энэ
оны эхээр буюу урьдчилан таамаглаж байснаас эрт цуцалсан нь энэхүү
салбарын ашиг орлого илүү хурдан өсөхөд нөлөөлж байна” гэж Олон улсын агаарын
тээвэрлэгчдийн холбооны тэргүүн Вилли Уолш мэдэгджээ.Түүнчлэн Африк,
Ойрхи Дорнодын агаарын тээврийн компаниудын зорчигч тээврийн урсгал 30.1, 20.8
хувиар, Европ, Хойд Америкт 19.6, 16.5 хувиар тус тус өсөх төлөвтэй байна.
Агаарын тээврийн эрэлт өөдрөг байгаа нь 2023 оны орлогын төсөөллийг ахиулахад
нөлөөлж байна гэж дэлхийн агаарын зорчигч тээврийн 83 хувийг бүрдүүлдэг 300
агаарын тээврийн компанийг төлөөлдөг тус байгууллага мэдээлжээ. Тодруулбал, 2023
онд салбарын цэвэр ашиг 9.8 тэрбум ам.долларт хүрэх төлөвтэй байгаа нь өнгөрсөн оны 12 дугаар сард танилцуулж байсан төсөөллөөс /4.7 тэрбум ам.доллар/ хоёр дахин өссөн байна. Тус салбар нь 2022 онд нийт
3.6 тэрбум ам.долларын цэвэр алдагдал хүлээжээ. Хойд Америкийн
агаарын тээврийн компаниуд дээр дурдсан өсөлтийг түүчээлж, 11.5 тэрбум
ам.долларын цэвэр ашиг олох төлөвтэй байгаа нь 2022 оныхоос 26.4 хувиар өссөн
үзүүлэлт болох бол Европын компаниудын цэвэр ашиг 24.4 хувиар өсөж, 5.1 тэрбум
ам.долларт хүрэх тооцоотой байна. Улмаар нийт
орлого өмнөх оныхоос 9.7 хувиар өсөж, 803 тэрбум ам.долларт хүрэх тооцоо гарсан
нь 2019 оны түвшинтэй харьцуулахад 96 хувьд нь хүрнэ гэсэн үг юм. Гэхдээ салбарын
хэтийн төлөвт тулгарах эдийн засаг, геополитикийн зарим эрсдэл байгааг мөн тайланд
анхааруулсан байна.
Томоохон Төв
банкууд инфляцтай тэмцэхийн тулд бодлогын хүүгээ огцом өсгөж байгаа нь эдийн
засгийн хямрал үүсэх эрсдэлийг үүсгэж байгаагаас гадна Украинд өдүүлсэн
Оросын дайн хурцдах нь дэлхийн агаарын тээврийн салбарт сөргөөр нөлөөлөх
магадлалтай гэж Олон улсын агаарын тээвэрлэгчдийн холбоо мэдээлжээ.
|
https://montsame.mn/mn/read/321546
|
“Juno” аппарат Бархасбадь гаргийн аянга цахилгааны зургийг авчээ
|
2023-06-19 15:19:23
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ШИНЖЛЭХ УХААН
|
ВАШИНГТОН. /NASA/. АНУ-ын Агаарын нислэг, сансрын уудмыг шинжлэн судлах үндэсний төвийн /NASA/ “Juno” сансрын аппарат Бархасбадь гаргийн аянга цахилгааны зургийг анх удаа авсан байна. Зургийг NASA цахим хуудсандаа нийтэлсэн бөгөөд дэлхийгээс 1300 дахин том, массаараа 318 дахин их, нарны аймгийн хамгийн том уг гараг дээр аянга цахидаг байж магадгүйн анхны нотолгоо болжээ.Дэлхий дээр аянга цахилгаан ихэнхдээ экваторын ойролцоо тохиолддог бол Бархасбадь гаргийн хувьд туйлуудынх нь ойролцоо цахидаг гэж таамаглаж байна. NASA-гийн танилцуулсан зургийг 2020 оны 12 дугаар сарын 30-нд уг гаргийн хойд туйлын орчмоор өнгөрөх 31 дэх нислэгийн үеэр авчээ. “Juno” -гоос хүлээж авсан мэдээллийг 2022 онд л боловсруулсан бөгөөд чухам энэ үед Америкийн эрдэмтэд 38 мянган км-ын өндрөөс авсан энэ зургийг илрүүлсэн байна. “Juno” аппаратыг Бархасбадийн таталцал, соронзон орон, мөн гаргийн агаар мандлыг судлах зорилгоор 2011 оны наймдугаар сарын 5-нд хөөргөсөн билээ.
|
https://montsame.mn/mn/read/321543
|
Япон, Бразилын компаниуд нисдэг автомашины хөдөлгүүрийн үйлдвэр байгуулна
|
2023-06-19 13:32:03
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ТЕХНОЛОГИ
|
ТОКИО. /Nikkei/. Японы Киото хотод төвтэй “Nidec”, Бразилын нисэх онгоц үйлдвэрлэгч “Embraer” компаниуд нисдэг цахилгаан автомашины хөдөлгүүр үйлдвэрлэх хамтарсан үйлдвэр байгуулахаар болсноо мэдэгджээ. Энэ тухай “Nidec” компанийн цахим хуудсанд ням гарагт мэдээлсэн байна. "Nidec Aerospace" гэж нэрлэх хамтарсан үйлдвэр АНУ-ын Миссури муж улсын Сент-Луис хотод төвтэй байх бөгөөд үйлдвэрлэл нь Бразил, Мексик дэх тус хоёр компанийн үйлдвэрүүдэд явагдана. Шинэ үйлдвэрээс гарах бүтээгдэхүүний анхны үйлчлүүлэгч нь 2026 онд нисдэг цахилгаан автомашины арилжааны үйл ажиллагааг эхлүүлэхээр төлөвлөж буй Бразилын "Eva Air Mobility" компани байх аж. Японы Nikkei сонинд мэдээлснээр, хамтарсан үйлдвэрийн хувьцааны 51 хувийг “Nidec”, 49 хувийг "Embraer" компани эзэмших төлөвтэй байна. Хяналтын байгууллагууд холбогдох шалгалтыг хийсний дараа гэрээг 2023 оны хоёрдугаар хагаст албан ёсоор байгуулна.
|
https://montsame.mn/mn/read/321528
|
БНСУ-ын цэргүүд “Хааны эрэлд-2023” сургуулилалтад оролцож байна
|
2023-06-19 12:40:03
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
НИЙГЭМ
|
СӨҮЛ. /Yonhap/. БНСУ-ын армийн тусгай хүчний командлал хамтарсан ажиллагааныхаа чадавхыг дээшлүүлэх зорилгоор Монгол Улсад
болж буй НҮБ-ын энхийг сахиулах ажиллагааны олон улсын хамтарсан сургуулилалтад
оролцож байна.“Хааны эрэлд”
сургуулилалтад тус командлалын 35 алба хаагч оролцож байна гэж БНСУ-ын Зэвсэгт
хүчин мэдээлжээ. Даваа гарагт эхэлсэн энэхүү сургуулилалт нь долоодугаар сарын
2-ны өдрийг хүртэл үргэлжлэх бөгөөд АНУ, Энэтхэг, Катар зэрэг 35 орны 1100 алба хаагч
оролцоно. Сургуулилалтад оролцогчид гар хийцийн тэсэрч дэлбэрэх төхөөрөмжийг аюулгүй болгох, шархадсан хүмүүсийг эмчлэх,
цувааг дагалдан хамгаалах, хүмүүнлэгийн тусламж үзүүлэх ажиллагаа явуулах зэрэг
энхийг сахиулах ажиллагаанд оролцох ур чадвараа дээшлүүлэхэд анхаарлаа
хандуулна. “Цэргүүд хилийн
чанад дахь энхийг сахиулах ажиллагааны үеэр тохиолдож болох хувилбаруудын дагуу
олон үндэстний хүчнүүдийн хамт бэлтгэл сургууль хийх явцдаа энхийг сахиулах
ажиллагаа явуулах нэгдсэн ажиллагааныхаа чадавхыг бэхжүүлэхээр төлөвлөж байна” гэж
БНСУ-ын армийн хэвлэлийн мэдээнд дурджээ.АНУ, Монгол Улс "Хааны эрэлд" хамтарсан сургуулилалтыг 2003 оноос хийж эхэлсэн юм. Харин БНСУ-ын арми
анх 2006 онд буюу олон улсын энхийг сахиулах хөтөлбөр болон өргөжих үеэс нь
оролцож эхэлжээ.
БНСУ 2019 оноос
хойш сондгой тоогоор төгссөн жилүүдэд тусгай хүчний командлалын бие бүрэлдэхүүнээ, тэгш
тоотой жилүүдэд тэнгисийн явган цэргүүдээ сургуулилалтад илгээсээр ирсэн
байна.
|
https://montsame.mn/mn/read/321509
|
Их Британид 3D хэвлэгчээр бүтээсэн пуужингийн хөдөлгүүрийн туршилтыг эхлүүлжээ
|
2023-06-19 11:04:46
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ТЕХНОЛОГИ
|
ЛОНДОН. /Sky News/. Их Британийн Эдинбург хотын “Skyrora” компани 3D хэвлэгчээр бүтээсэн пуужингийн хөдөлгүүрийн туршилтыг эхлүүлжээ. "3D принтерээр "хэвлэсэн" шинэ хөдөлгүүрийг Шотландын Мидлотиан тойргийн туршилтын төвд туршиж эхэллээ" гэж "Sky News" суваг мэдээлжээ. Тус сувгаар мэдээлснээр, гурван хэмжээст хэвлэгчийг ашигласнаар хөдөлгүүрийг бүтээх хугацаа хоёр дахин багасаж, өмнөх загваруудтай харьцуулахад зардал буурсан байна. Хөдөлгүүрийн туршилт амжилттай болбол тус компани үйлдвэрлэлээ нэмэгдүүлэхээр төлөвлөж байгаа ажээ. "Skyrora" компани нь пуужингийн хөдөлгүүрээ "Skyprint 2" хэвлэгчээрээ анх удаа бүтээсэн байна.Ташрамд дурдахад, өнгөрсөн гуравдугаар сард АНУ-д 3D хэвлэгчээр бүтээсэн “Terran 1” пуужинг хөөргөсөн боловч хөдөлгүүрүүдийн нэг нь доголдсоноос тойрог замд хүрч чадаагүй юм. Уг пуужинг бүтээгч “Relativity Space” компани вэб хуудсандаа мэдээлэхдээ, есөн хөдөлгүүрийг нь оруулаад “Terran 1”-ийн 85 хувийг 3D принтерээр бүтээсэн хэмээн онцолсон байна.
|
https://montsame.mn/mn/read/321506
|
Энэтхэгт хэт халсны улмаас 100 орчим хүн амиа алджээ
|
2023-06-19 10:26:02
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
ШИНЭ ДЕЛИ. /Xinhua/.
Энэтхэгийн хойд нутгийн Уттар-Прадеш
болон тус мужтай залгаа оршдог Бихар мужид сүүлийн өдрүүдэд хэт халсны улмаас амиа алдсан хүний тоо 98-д хүрлээ
гэж орон нутгийн эрх баригчид ням гарагт мэдээлжээ.Тодруулбал, Уттар-Прадешт 54 хүн, Бихарт 44 хүн хэт халууны улмаас амиа алдсан бөгөөд
тэдгээрийн дийлэнх нь 60-аас дээш насныхан байсан гэж эрх баригчид мэдээлсэн
байна.Энэтхэгийн Цаг
уурын газрын мэдээллээр, өнгөрсөн баасан, бямба гарагт нутгийн зарим хэсгээр агаарын температур 42.2 хэмд хүрсэн нь ердийнхөөс 4.7 хэмээр халсан үзүүлэлт болжээ.Хэт халууны улмаас амиа алдсан хамгийн олон тохиолдол Уттар Прадеш мужийн Баллиа дүүрэгт бүртгэгдсэн бөгөөд пүрэв гарагт 23 хүн,
баасан гарагт 20 хүн, бямба гарагт 11 хүн амиа алдсан байна. Түүнчлэн сүүлийн
гурван хоногт тус дүүргийн эмнэлэгт 400 орчим хүн хэвтэн эмчлүүлжээ. Өвчтөнүүдэд
халуурах, амьсгал давчдах, мөн наранд цохиулсан бусад шинж тэмдэг илэрсэн
байна.Баллиа дүүргийн
удирдлагуудын мэдээлснээр, улсын эмнэлэгт өвчтөнүүд, ажилтнуудыг халуунд цохиулахаас сэргийлэхийн тулд сэнс, агааржуулагч зэргийг байрлуулжээ. Өвчтөнүүдийн тоо эрс нэмэгдсэнтэй холбогдуулан эмч, эмнэлгийн ажилтнуудын тоог мөн нэмэгдүүлсэн байна.
|
https://montsame.mn/mn/read/321496
|
KCNA: БНАСАУ “цөмийн хүчирхэг зэвсгийн” үйлдвэрлэлээ нэмэгдүүлнэ
|
2023-06-19 09:30:49
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ПЁНЬЯН. /Kyodo/. БНАСАУ “цөмийн хүчирхэг зэвсгийн үйлдвэрлэлээ
нэмэгдүүлэх” бодлогоо үргэлжлүүлнэ гэж тус улсын төрийн мэдлийн
хэвлэл өнөө өглөө мэдээлжээ.Эрх баригч Солонгосын
Хөдөлмөрийн намын нэгдсэн хуралдаан ням гарагт дууссаны дараа дээрх мэдэгдлийг хийсэн
байна. Пёньян мөн өнгөрсөн сарын сүүлээр цэргийн тагнуулын хиймэл дагуул хөөргөх
оролдлого нь амжилтгүй болсныг “үл тоомсорлож болохгүй ноцтой алдаа дутагдал” гэж
үзжээ.
Хөдөлмөрийн намын Төв хорооны Улс төрийн товчоо “үндэсний батлан хамгаалах салбарт цөмийн зэвсэг бүтээх, цөмийн хүчирхэг зэвсгийн үйлдвэрлэлийг нэмэгдүүлэх замаар цөмийн хүчнийг бэхжүүлэх чиг шугамыг тууштай баримтлахыг” уриаллаа гэж
Солонгосын төв цахилгаан мэдээний агентлаг /KCNA/ мэдээлсэн байна.
|
https://montsame.mn/mn/read/321490
|
Э.Блинкен, Чинь Ган нар хоёр талын асуудлыг шийдэх ажлын түвшний уулзалт хийхээр тохиролцжээ
|
2023-06-19 08:51:31
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /WP/. АНУ-ын Төрийн нарийн бичгийн дарга Энтони Блинкен, БНХАУ-ын Гадаад хэргийн сайд Чинь Ган нар ням гарагт Бээжинд хийсэн хэлэлцээнийхээ үеэр хоёр талын тодорхой асуудлуудыг шийдвэрлэх ажлын түвшний хэд хэдэн уулзалт хийхээр тохиролцсон байна.Энэ тухай “The Washington Post” сонин Америкийн төлөөлөгчдийн бүрэлдэхүүн дэх эх сурвалжуудаасаа эш татан мэдээлэв.Эх сурвалжуудын мэдээлснээр, талууд "өндөр дээд түвшний харилцаа холбоог сэргээх, хоёр талын асуудлуудыг хэлэлцэх, хамтын ажиллагааны чиглэлийг судлах гэсэн гурван үндсэн ажлыг шийдвэрлэхэд ахиц дэвшилд хүрчээ". Хоёр талын харилцааны сувгуудыг сайжруулах асуудлаас гадна, Америкийн төлөөлөгчид АНУ, БНХАУ-ын хооронд арилжааны нислэгийн тоог нэмэгдүүлэх талаар ажиллах сонирхолтой байна гэж “The Washington Post” онцолсон байна. Э.Блинкен, Чинь Ган нарын хэлэлцээ долоон цаг гаруй үргэлжилжээ. Талууд мөн Хятадын Гадаад хэргийн сайдын Вашингтонд хийх айлчлалыг төлөвлөхөөр тохиролцсон байна. АНУ-ын Төрийн департамент хоёр талын хэлэлцээг "илэн далангүй, ажил хэрэгч, гүн гүнзгий агуулгатай болсон" гэж тодорхойлжээ. Э.Блинкен зургаадугаар сарын 18-19-нд Хятадад айлчилж байгаа юм. Тэрбээр Бээжинд хоёрдугаар сард айлчлахаар төлөвлөж байсан боловч Хятадын тагнуулын гэх агаарын бөмбөлөг АНУ-ын нутаг дэвсгэрийн дээгүүр ниссэний дараа айлчлалаа хойшлуулсан билээ.
|
https://montsame.mn/mn/read/321483
|
Угандад болсон халдлагыг эрс зэмлэн буруушаажээ
|
2023-06-18 13:01:45
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
НИЙГЭМ
|
НЬЮ-ЙОРК. /UN/. НҮБ-ын Ерөнхий нарийн бичгийн дарга
Антонио Гутерриш Уганда улсын баруун нутгийн бага сургуульд “Ардчилсан
холбоотны хүчин” бүлэглэлийн /ADF/
үйлдсэн халдлагыг эрс зэмлэн буруушаав.Уганда улсын эрх баригчдын мэдээлснээр, “Ардчилсан
холбоотны хүчин”-ий босогчид Бүгд Найрамдах Ардчилсан Конго Улстай /БНАКУ/ хил
залгаа оршдог Мпондве мужийн ахлах сургууль руу халдсаны улмаас 37 сурагч амиа
алдсан байна. Түүнчлэн найман сурагчийн биеийн байдал хүнд байгаагаас гадна
зургаан сурагч босогчдод барьцаалагджээ.
НҮБ-ын тэргүүн амиа алдагсдын ар гэрийнхэнд болон Уганда
улсын Засгийн газар, ард түмэнд гүн эмгэнэл илэрхийлээд, барьцаалагдсан
хүүхдүүдийг нэн даруй суллахыг уриалсан байна. Мөн аймшигтай халдлагыг үйлдсэн
этгээдүүдэд шүүхийн хариуцлага хүлээлгэх ёстойг цохон тэмдэглэжээ. “Ардчилсан холбоотны хүчин” нь БНАКУ-ын зүүн нутгийн
ширэнгэн ойд байрладаг Угандагийн босогчдын бүлэг бөгөөд “Лалын улс”
бүлэглэлийн Төв Африк дахь салбар аж. Уганда, Конго улсын цэргийнхэн 2021
оны 11 сараас уг бүлэглэлийн эсрэг хамтарсан ажиллагаа явуулж эхэлжээ.
|
https://montsame.mn/mn/read/321471
|
Э.Блинкен БНХАУ-д айлчилж байна
|
2023-06-18 10:13:23
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
БЭЭЖИН. /CNN/.
АНУ-ын Төрийн нарийн бичгийн дарга
Энтони Блинкен БНХАУ-ын нийслэл Бээжин хотноо өнөө өглөө хүрэлцэн иржээ. Тэрбээр Хятадад 2018 оноос хойш буюу сүүлийн таван жилийн хугацаанд айлчилж буй АНУ-ын анхны Төрийн нарийн бичгийн дарга
болж буй юм. АНУ-ын Төрийн департаментын хэвлэлийн төлөөлөгч Мэтью Миллер лхагва гарагт сэтгүүлчдэд мэдээлэл хийх үеэрээ, Э.Блинкен Хятадын өндөр түвшний төлөөлөгчидтэй Бээжин хотноо уулзаж, АНУ-Хятадын харилцааг хариуцлагатайгаар зохицуулахын тулд харилцаа холбооны шугамыг нээлттэй байлгахын ач холбогдлын талаар хэлэлцэнэ гэсэн байна.“Талууд хоёр
талын анхаарал татсан асуудлуудыг хөндөж, дэлхий дахин, бүс нутагт тулгамдаж
буй асуудлуудыг хэлэлцэх бөгөөд Хятадын тал мөн Хятад-АНУ-ын харилцааны талаарх
байр сууриа илэрхийлж, “ашиг сонирхлоо тууштай хамгаална” гэж Хятадын Гадаад
хэргийн яамны хэвлэлийн төлөөлөгч Ван Вэньбинь баасан гарагт мэдэгджээ.
Э.Блинкен албан
тушаалдаа томилогдоод удаагүй байгаа Гадаад хэргийн сайд Чинь Гантай уулзахаар Хятадад энэ
оны хоёрдугаар сард айлчлахаар төлөвлөж байсан боловч Хятадын тагнуулынх байж
болзошгүй агаарын бөмбөлгийг АНУ-ын агаарын орон зайд илрүүлсний дараа
айлчлалаа хойшлуулсан юм.
|
https://montsame.mn/mn/read/321467
|
Суданы сөргөлдөгч талууд гал зогсоохоор тохиролцжээ
|
2023-06-18 08:52:22
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ХАРТУМ. /Reuters/.
Суданы сөргөлдөгч талууд 72 цагийн
хугацаатай гал зогсоохоор тохиролцсон талаар Саудын Араб, АНУ-ын эрх баригчид
бямба гарагт мэдэгдлээ.Саудын Араб,
АНУ-ын хамтарсан мэдэгдэлд дурдсанаар, Суданд гал зогсоох дэглэм орон нутгийн
цагаар ням гаргийн өглөөний 06:00 цагаас хэрэгжиж эхэлнэ. Сөргөлдөгч талууд
гал зогсоох хугацаандаа давших, харилцан дайралт хийхгүй байхаар тохиролцсон байна.
Мөн хүмүүнлэгийн тусламжийг орон даяар саадгүй хүргэхийг зөвшөөрчээ. Хамтарсан мэдэгдэлд
мөн талууд гал зогсоох дэглэмийг зөрчсөн тохиолдолд Жиддагийн
хэлэлцээг түр зогсоож магадгүй хэмээн тэмдэглэсэн байна. Суданы арми болон Шуурхай хариу арга хэмжээ авах хүчний хооронд үүсээд буй зэвсэгт мөргөлдөөн нийслэл Хартум
болон бусад бүс нутагт дөрөвдүгээр сарын 15-нд эхэлсэн юм.
Лхагва гарагт Суданы
Эмч нарын холбооноос мэдээлснээр, улсын хэмжээнд мөргөлдөөний улмаас 958 энгийн
иргэн амиа алдаж, 4746 хүн шархадсан байна.
|
https://montsame.mn/mn/read/321464
|
Украины Ерөнхийлөгч Африкийн орнуудын удирдагчидтай уулзжээ
|
2023-06-17 15:22:52
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
КИЕВ. /DW/. Украины Ерөнхийлөгч Владимир Зеленский Африкийн орнуудтай удирдагчидтай дайныг зогсоох арга замын талаар хэлэлцэхээр Киев хотноо баасан гарагт уулзжээ. Уг бүрэлдэхүүнд Коморосын Ерөнхийлөгч Азали Ассумани, Өмнөд Африкийн Ерөнхийлөгч Сирил Рамафоса, Замбийн Ерөнхийлөгч Хакаинде Хичилема, Сенегалын Ерөнхийлөгч Маки Салл нар багтсан байна. Мөн Египет, Бүгд Найрамдах Конго, Уганда улс төлөөлөгчдөө илгээжээ. Африкийн удирдагчид Оросын цэргүүдийн гарт амиа алдсан гэх 458 энгийн иргэнийг оршуулсан Буча дахь оршуулгын газарт хүндэтгэл үзүүлсэн байна. Мөн Михайливскийн талбайд очиж, дайны үед сүйрсэн Оросын цэргийн техникийг дэлгэн үзүүлсэн үзэсгэлэнг үзжээ. Дараа нь тэд В.Зеленскийтэй уулзсан байна.Хамтарсан хэвлэлийн бага хурлын үеэр В.Зеленский хэлсэн үгэндээ, Оросын цэргүүд Украины нутаг дэвсгэрт байгаа үед хэлэлцээр хийх боломжийг бүрдүүлэхийн тулд дайныг зогсоох хэрэгтэй гэдгийг цохон тэмдэглээд, “Орос одоо хууран мэхлэх хуучны арга тактикаа хэрэгжүүлэхийг хичээж байгаа нь илт байна. Бидэнд жинхэнэ энх тайван хэрэгтэй, тиймээс Оросын цэргийг манай тусгаар тогтносон газар нутгаас бодитойгоор гаргах хэрэгтэйг дахин онцолж байна” гэж хэлжээ.Өмнөд Африкийн Ерөнхийлөгч С.Рамафосагийн хувьд, дайныг дипломат аргаар шийдвэрлэх ёстой хэмээн мэдэгдээд, талууд хурцадмал байдлыг намжаах шаардлагатай байгааг онцлон хэлсэн байна. Украин, Оросын үр тариа, бордооны экспортын талаар тэрбээр хэлэхдээ, дайны сөрөг үр дагаварт Африк ч нэрвэгдэж буй явдал нь Украинд ирэх өөр нэгэн шалтгаан болсныг тэмдэглэжээ. Африкт үр тарианы үнэ нэмэгдэж, бордоо хомсдож, улмаар үнэ нь ч мөн нэмэгдээд байгааг тэрбээр эш татсан байна.
|
https://montsame.mn/mn/read/321453
|
Ши Жиньпин Билл Гейтстэй уулзав
|
2023-06-17 10:23:45
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
БЭЭЖИН. /Xinhua/.
БНХАУ-ын дарга Ши Жиньпин “Билл ба
Мелинда Гейтс” сангийн тэргүүн Билл Гейтстэй Бээжин хотноо баасан гарагт уулзав.Ши Жиньпин дэлхий
даяар ядуурлыг бууруулах, эрүүл мэнд, хөгжил, хүмүүнлэгийн үйлсийг дэмжих
чиглэлээр олон жилийн турш тууштай хүчин чармайлт гаргаж буй Б.Гейтс болон Гейтсийн
сангийн үйл ажиллагааг сайшаажээ. Ши Жиньпин хэлсэн
үгэндээ, “Өдгөө дэлхийн хэмжээнд зуунд үзэгдэж байгаагүй чухал өөрчлөлтүүд гарч байна. Миний бие дэлхий дахинд тулгамдаж буй сорилтуудыг даван туулахад Хятад
улсын зүгээс шийдэл санал болгохын тулд “Даян дэлхийн хөгжлийн санаачилга”, “Даян
дэлхийн аюулгүй байдлын санаачилга”, “Даян дэлхийн соёл иргэншлийн санаачилга”-ыг
дэвшүүлээд байна” хэмээн тэмдэглэжээ.Тэрбээр үргэлжлүүлэн
хэлэхдээ, Хятад улс юун түрүүнд улс орондоо тулгамдаж буй асуудлуудыг
шийдвэрлэхэд түлхүү анхаарч байна хэмээгээд, 1.4 тэрбум гаруй хүн амтай томоохон
орны хувьд урт хугацааны тогтвортой байдал, тогтвортой хөгжлийг хангах нь
дэлхийн энх тайван, тогтвортой байдал, хөгжил цэцэглэлтэд оруулж байгаа томоохон
хувь нэмэр юм гэв. “Хятад улс
бүх оронтой шинжлэх ухаан, технологийн инновацын чиглэлд өргөн
хүрээтэй хамтын ажиллагаа өрнүүлж, уур
амьсгалын өөрчлөлт, цар тахлын
эсрэг тэмцэл, нийгмийн эрүүл мэнд зэрэг дэлхий нийтийн сорилт бэрхшээлийг
даван туулахад идэвхтэй оролцож,
хариу арга хэмжээгээ ахиулахад бэлэн байна” гэж БНХАУ-ын дарга хэлжээ. Мөн Хятад
улс Гейтсийн сантай холбогдох салбаруудад хамтын ажиллагаагаа үргэлжлүүлэн бэхжүүлж, бусад хөгжиж буй
орнуудад хүчин чадлынхаа хэрээр
дэмжлэг туслалцаа үзүүлнэ хэмээн
тэрбээр нэмж хэлэв. Түүнчлэн та бол энэ жил Бээжинд уулзсан миний анхны Америк найз гэж Б.Гейтст хандан хэлээд, дэлхий нийт “COVID-19” цар тахлыг даван туулаад
байгаа энэ үед хүмүүс илүү их аялж зорчиж, харилцан ойлголцлоо нэмэгдүүлэх хэрэгтэйг тэмдэглэв.Үүний хариуд Б.Гейтс, Хятад улстай өрнүүлж буй хамтын
ажиллагааны ахиц дэвшил, цаашдын хэтийн төлөвийн талаар хэлсэн үгэндээ цохон тэмдэглэсэн байна. Мөн Хятад улс ядуурлыг
бууруулах, “COVID-19”-ийн эсрэг тэмцэлд гайхалтай
амжилт гаргаж, дэлхий дахинд
сайн үлгэр дууриал үзүүлж байгааг
онцолжээ. Тэрбээр
хэлэхдээ, сүүлийн жилүүдэд Гейтсийн
сангийн Хятад улстай өрнүүлж буй хамтын ажиллагаанд гайхалтай ахиц дэвшил гарсан бөгөөд Хятадын хөгжил дэвшил, инновацын хөгжил нь Хятад
улсдаа төдийгүй хөгжиж буй
орнууд болон дэлхий дахинд үр нөлөөтэй болохыг тэмдэглэсэн байна.
Гейтсийн сан нь Хятад улстай инновац, дэлхий даяар ядуурлыг бууруулах, нийгмийн эрүүл
мэнд, эм, эмийн бүтээгдэхүүний судалгаа хөгжүүлэлт, хөдөө аж ахуйн салбарт
хамтын ажиллагаагаа бэхжүүлж, амжилттай туршлага, технологийг хөгжиж буй бусад
орнуудад түгээн дэлгэрүүлэхийн төлөө
ажиллахад бэлэн байна гэж Б.Гейтс
хэлжээ.
|
https://montsame.mn/mn/read/321447
|
ОХУ Беларусьт цөмийн зэвсгийнхээ эхний багцыг байрлуулсныг мэдэгджээ
|
2023-06-17 09:17:42
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
САНКТ-ПЕТЕРБУРГ. /BBC/. ОХУ
Беларусьт тактикийн цөмийн зэвсгийнхээ эхний багцыг хэдийнээ байрлуулсан гэж ОХУ-ын
Ерөнхийлөгч Владимир Путин баасан гарагт мэдэгджээ.Тэрбээр Санкт-Петербургийн
олон улсын эдийн засгийн чуулга уулзалтын үеэр хэлсэн үгэндээ, тэдгээр зэвсгийг
улс орон болон нутаг дэвсгэрийнх нь бүрэн бүтэн байдалд аюул занал учирсан
тохиолдолд л хэрэглэнэ гэсэн байна. Харин АНУ-ын
Засгийн газрын зүгээс мэдэгдэхдээ, Кремль Украин руу довтлохдоо цөмийн зэвсэг
хэрэглэхээр төлөвлөж байна гэж үзэх нөхцөл байдал ажиглагдахгүй байна гэжээ. “Орос
цөмийн зэсвэг хэрэглэхээр бэлтгэж байгаа гэх ямар ч шинж тэмдэг ажиглагдаагүй
байна” гэж АНУ-ын Төрийн нарийн бичгийн дарга Энтони Блинкен В.Путиний
мэдэгдлийн дараа хэлсэн үгэндээ тэмдэглэжээ.
В.Путиний мэдэгдсэнээр,
тактикийн цөмийн цэнэгт хошуунуудыг шилжүүлэх ажил зуны эцэс гэхэд дуусах юм
байна.
|
https://montsame.mn/mn/read/321443
|
Украины боомтуудаас 32 сая орчим тонн үр тариа экспортолжээ
|
2023-06-16 16:39:58
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
ЭДИЙН ЗАСАГ
|
ЖЕНЕВ. /Anadolu/. Хар тэнгисээр үр тариа тээвэрлэх санаачилга 2022 оны долоодугаар сараас хэрэгжиж эхэлснээс хойш 31.9 сая тонн үр тариа, хөдөө аж ахуйн бүтээгдэхүүнийг уг санаачилгын хүрээнд экспортолжээ. Швейцарын Женев
хот дахь НҮБ-ын Хэвлэл мэдээллийн албанаас мэдээлснээр, энэхүү тоон үзүүлэлтэд Афганистан,
Этиоп, Кени, Сомали, Судан, Йеменд явуулж буй хүмүүнлэгийн ажиллагаанд дэмжлэг
үзүүлэхээр Дэлхийн хүнсний хөтөлбөрийн захиалгаар тээвэрлэсэн 625
169 тонн үр тариа орсон байна.2022 онд Украин улс 2021 оныхтой адил Дэлхийн хүнсний хөтөлбөрийн улаан буудайн худалдан авалтын талаас илүү хувийг нийлүүлсэн гэж хэвлэлийн мэдээнд дурджээ.Энэхүү санаачилгын
хүрээнд энэ оны тавдугаар сард экспортолсон хүнсний бүтээгдэхүүний хэмжээ хэрэгжиж
эхэлснээс нь хойших “хамгийн доод хэмжээнд” хүрсэн бөгөөд "Украины тээвэр, экспортын хүчин чадлаас хамаагүй бага байна".Түүнчлэн гэрээнд
бордоо, тэр дундаа аммиак экспортлох талаар мөн тусгасан болохыг дурдаад,
одоогоор ийм төрлийн экспорт хийгээгүй байна хэмээн бичжээ. Улмаар Украины
Южный боомт руу ОХУ-аас аммиак дамжуулах хоолойг дахин нээсний дараа уг
санаачилгын хүрээнд аммиакийн экспортыг эхлүүлэх боломжтой гэжээ.
Өнгөрсөн долоодугаар сард
Турк, НҮБ, Орос, Украины талууд Истанбул хотноо Украины Хар тэнгисийн гурван
боомтоос үр тарианы экспортыг үргэлжлүүлэх тухай гэрээнд гарын үсэг зурсан юм. Мөн ачаа тээвэрлэлтэд хяналт тавих зорилгоор гурван улс болон
НҮБ-ын төлөөлөл бүхий Хамтарсан зохицуулалтыг төвийг Истанбулд байгуулсан билээ.
|
https://montsame.mn/mn/read/321419
|
Токиод “Харри Поттер” киноноос сэдэвчилсэн парк нээгдлээ
|
2023-06-16 16:00:39
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
НИЙГЭМ
|
ТОКИО. /Kyodo/. “Харри Поттер” уран зөгнөлт киноноос сэдэвчилсэн парк Японы нийслэл Токио хотноо нээгдэж, цуврал кинонд гардаг гайхалтай ертөнцөөр аялах хүсэлтэй шүтэн бишрэгчдээ хүлээн авлаа. “The
Warner Bros. Studio Tour Tokyo-The Making of Harry Potter” хэмээх энэхүү парк нь уран зөгнөлт цуврал киноноос сэдэвлэсэн хоёр дахь парк юм. Их
Британи дахь нөгөө сэдэвчилсэн паркийг 2012 онд байгуулсан бөгөөд нээгдсэн цагаас нь хойш 17 сая
гаруй хүн үзэж сонирхжээ.Уран зөгнөлт уг цувралд Харри Поттерын
өрсөлдөгч Драко Малфойн дүрийг бүтээсэн Их Британийн жүжигчин Том Фелтон паркийн нээлтийн ёслолд оролцож, тууз хайчлах ёслолын ажиллагаанд оролцсон бусад япон хүүхдүүдийн хамтаар “шидэт
шившлэг хийжээ”.Паркийг үзэж
сонирхохоор ирсэн хүмүүсийн нэг болох Токиогийн оффисын ажилтан, 26 настай Аяка
Мүраямагийн хувьд нөмрөг зүүж, шидэт саваа, Их Британийн зохиолч Ж.К.Роулингийн бичсэн Харри Поттерын тухай цуврал зохиолоос нэгийг нь барин иржээ. Тэрбээр, “Миний
хувьд бага ангид байхаасаа эхлэн энэхүү цувралын шүтэн бишрэгч байсаар
ирсэн. Шидтэний ертөнцийг ийм ойроос мэдрэх боломжтой болсондоо маш их баяртай
байна” хэмээн сэтгэгдлээ хуваалцсан байна.Үзэгчид киноноос
сэдэвлэсэн гайхалтай ертөнцөөр аялахаас гадна паркийн зоогийн газар, кафенуудад
үдийн цай уух, мөн загас, чипс, шарсан үхрийн мах зэрэг британи маягийн хоол
ундыг зооглож, зохиол, киноноос сэдэвлэсэн янз бүрийн ундааг амтлах боломжтой байна. Паркийн үйл ажиллагааг “Warner
Bros. Studios Japan” компани хариуцаж байгаа бөгөөд 18 болон
түүнээс дээш насныханд 6300 иен /45 ам.доллар/, 12-17
насныханд 5200 иен, 4-11 насныханд 3800 иенийн үнэтэй тасалбаар үйлчлэх юм байна.
Токио хотын
Нэрима дүүрэгт байрлах уг паркийг нийслэл хотын хамгийн том соёл амралтын хүрээлэн
болох “Toshimaen” байрлаж байсан 30
мянган хавтгай дөрвөлжин метр талбайд байгуулжээ. “Toshimaen” парк нь 2020 оны наймдугаар сард хаагдах
хүртлээ 100 орчим жил үйл ажиллагаа явуулсан байна.
|
https://montsame.mn/mn/read/321414
|
The Hu: Babymetal-тай дахин хамтран ажиллана гэдэгт эргэлзэхгүй байна
|
2023-06-16 15:24:05
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
ДЭЛХИЙД БИДНИЙ ТУХАЙ
|
ЛОНДОН. /Metal Hammer/. Монголын “Хү” хамтлаг металл хөгжмийн ертөнцийн тайзнаа анх 2018 онд гарч ирсэн цагаасаа хойш хүчээ авч, дэлхий даяар аялан тоглож, 2019 онд гаргасан “The Gereg” цомгоороо чартуудыг тэргүүлсэн билээ. Бид шүтэн бишрэгчдээс нь бөөгийн шашин мөн “Babymetal”-тай “Хү” хамтлаг дахин хамтрах эсэх зэрэг олон зүйлийн талаар хамтлагийн ахлагч Галаагаас тодруулсныг хүргэж байна. -Та хэдэн насандаа морь унаж сурсан бэ? (Жэк Дюдфилд, и-мэйл)-"Бид их хурдан морь унаж сурдаг, магадгүй бидний гентэй холбоотой байх. Гурван настай хүүхэд морь унах нь Монголд ердийн л зүйл. Миний хувьд бага сургуульд орохоосоо өмнө морь унаж сурч байлаа. Энэ мөч хамгийн хөгжилтэй зуны дурсамж болж үлдсэн. Анх морь унаж сурахдаа морьтойгоо харьцаж сурах, морь унах аюулгүй техникийг эзэмших нь маш чухал. Тиймээс багачуудыг морьтойгоо харьцаж, унаж сурах хүртэл нь ихэвчлэн аавууд, эсвэл ахмад настнууд зааж сургадаг”.-Та бүхнийг үлдсэн амьдралынхаа турш ганцхан уран бүтээлчийг сонс гэвэл, Та хэнийг сонгох вэ? (Стратосферий, Твиттер)-“Энэ чинь их хэцүү асуулт байна! Бид маш олон уран бүтээлчийг нэгэн зэрэг сонсдог. Үлдсэн амьдралынхаа турш ганцхан уран бүтээлчийг сонго! гэхээр хэн нэгнийг онцолж сонгохгүй л болов уу".-Пиццан дээр хан боргоцой байх ёстой юу? Та юу гэж бодож байна? (Раду Патрою, Фэйсбүүк)"Бид итали хүмүүс биш болохоор пиццаны талаар сайн хэлж мэдэхгүй юм! (инээв) Пиццаг юутай ч хийсэн амттай. Бид махтай пиццанд илүү дуртай".-2019 онд “Babymetal”-тай хамтран гурван тоглолт хийх ямар байсан бэ? (Паркер Буиссов, Фэйсбүүк)-“Babymetal бол гайхалтай хамтлаг. Тоглолтын үеэр өгч буй урам зориг, эрч хүчийг нь юутай ч зүйрлэшгүй. “Babymetal”-тай дахин хамтран ажиллана гэдэгтээ эргэлзэхгүй байна, тэд гайхалтай уран бүтээлчид төдийгүй аялан тоглолтын сайн хамтрагчид”. - Та бөө мөргөл шүтдэг үү? Орчин цагийн Монголд бөөгийн шашин хэр нөлөөтэй вэ? (Рут Харрис, Твиттер)-"Үгүй ээ, гэхдээ бид бөөгийн шашныг хүндэтгэдэг. Бусдад хор хөнөөл учруулахгүй л бол энэ дэлхийн бүх шашныг бид хүндэтгэнэ. Орчин үеийн Монголд хуучин цагийнх шиг шашин бүрийг хүлээн зөвшөөрч, хүндэлдэг учраас бид бие биенийгээ хүлээн зөвшөөрч зэрэгцэн амьдардаг. Бөө удган, христийн номлогч, лам хувраг бүгд нэг хотод амьдарч болно. Хэн ч үүнд санаа зовдоггүй. Монголчуудын хувьд сайн хүн үү, муу хүн үү гэдгийг л чухалчилдаг”.-Таны хамгийн дуртай Монгол ардын үлгэр юу вэ? (Кэти Ли, и-мэйл)-“Миний дуртай хоёр үлгэр бол Гэсэрийн тууль ба Жангарын тууль юм. Эдгээр гайхалтай туульсыг уншаарай гэж хүмүүст зөвлөмөөр байна. Бид бүхний, Монголын соёлын хамгийн үнэт зүйлсийг агуулсан учраас бидний оюун санааны талаар хосгүй ойлголтыг өгнө".-Би яаж хөөмийлж сурах вэ? (Сенаж_01, Tвиттер)-"Юун түрүүнд хөөмийний талаар анхны мэдэгдэхүүнтэй байх ёстой. Тиймээс хөөмийн гарын авлагаас эхлэн суралцахыг зөвлөж байна. Хөөмийлөх техникийг сурсны дараа, олон удаа давтаж дадлагажих нь маш чухал. Энэ бол нэг шөнийн дотор сурчих техник биш учраас хэдий чинээ удаан давтана, төдий чинээ дуу хоолойгоо чичиргэж хөөмийлж сурна”.-Та бүхний уран бүтээлүүд “Star Wars Jedi: Fallen Order”, “The Sims 4” зэрэг тоглоомуудад эгшиглэдэг. Бүх цаг үеийн хамгийн дуртай видео тоглоом чинь юу вэ? (Луис Фостер, и-мэйл)-“Бидний хувьд аялан тоглолтын шахуу хуваарьтай байдаг учраас видео тоглоомууд оргилсон их эрч хүчээ дарахад гол туслах болдог. “UFC”, хөл бөмбөгийг одоогоор бид илүүтэй дурлан тоглож байгаа, “Fallen Order”-ыг анх гарах үед нь бид байнга тоглодог байсан учраас “Star Wars”-ын тоглоомоор зогсохгүй ертөнцөд нь зориулан илүү олон уран бүтээл гаргана гэж найдаж байгаа”.- Хилийн чанадтай харьцуулахад хамтлагийн тань Монгол дахь нэр хүнд хэр вэ? (Хью Маннити, Фэйсбүүк)-"Монголчууд биднийг маш их дэмждэг. "Хү"-г мэдэхгүй эсвэл бидний тухай сонсоогүй хүмүүс байдаг гэдэгт эргэлзэж байна. Бид үндэснийхээ уламжлалыг шингээсэн рок хөгжим зохиож, дэлхий нийтэд түгээхийг эрмэлзэж байгаа учир бидэнд талархаж, урам өгдөг хүмүүстэй байнга таардаг”.-Хоббиныхоо талаар хуваалцаач? (Энди Бөрнс,и-мэйл)-"Бид бүгд спортод дуртай. Тэмка (Н.Тэмүүлэн, товшуур хөгжимчин) хөл бөмбөгт дуртай, харин Энхүүш (Б.Энхсайхан, гоцлол морин хуурч, хөөмийч) бөхийн спортоор хичээллэдэг, холимог тулааны урлаг сонирхдог. Жааяа (Г.Нямжанцан, аман хуурч, цуур, лимбэчин, хөөмийч) хөдөө очихдоо морь унах илүү дуртай. Би пауэрлифтингээр хичээллэж байгаа, бас нэлээд сайн сурч байгаа. Бид хамт олноороо явган аялал хийх дуртай. Цүнхээ баглаад л зүрх сэтгэлийнхээ дуудлагыг даган аялдаг даа. Монгол бол үгээр хэлэхийн аргагүй үзэсгэлэнтэй байгальтай орон юм”.-Танай хамтлагийн олон дуу дайчин мэдрэмжийг төрүүлдэг. Сэтгэл гутралд орсон хүнд Та ямар зөвлөгөө өгөх вэ? (Жэй Жонс, и-мэйл)-"Юуны өмнө өөрийгөө болон мэдрэмжээ хүлээн зөвшөөрөх хэрэгтэй. Дараа нь амьд байгааг чинь мэдрүүлдэг зүйлсийг хийх хэрэгтэй. Өөрөөр хэлбэл, дуртай хөгжмөө сонсож, дуртай уран бүтээлээ хийж, хүсэж тэмүүлж буй бүхнээ хийх хэрэгтэй. Сэтгэл гутрал нь цөхрөлд хүргэж, түүнээс гарахад маш хэцүү болгодог. Заримдаа дотоод хүч чадлаа буцаан олж авахаас нааш уг мэдрэмж салдаггүй. Тиймээс бидний дуу хөгжим танд хүчтэй, өөртөө итгэлтэй байдлыг үргэлж мэдрүүлж байх болно". -Танай хамтлагийн гайхалтай хувцсыг хэн оёдог вэ? (Жесс Алсоп, и-мэйл)-"Бид Монголын олон уран бүтээлчтэй хамтран ажилладаг. Дизайны үндсэн санааг манай продюсер гаргаж, дизайнерууд өөрсдийн санаагаа нэмж баяжуулдаг. Тиймээс тайзан дээр таны харж байгаа хувцаснууд бол энэ хамтын ажиллагааны үр дүн юм. Бид тайзны хувцаслалтдаа цаашид илүү гүн гүнзгий санааг тусгахаар ажиллаж байгаа”.-Та бүхэнд металл хамтлагаа байгуулахад юу нөлөөлж, ямар хамтлагууд урам өгсөн бэ? (Присцилла Клариса Стэнфорт, Фэйсбүүк)-"Металл, рок хоёрын аль аль нь бидний зүрх сэтгэлд үргэлж эрхэм байсаар ирсэн. Бид хүүхэд байхаасаа л гитар, бөмбөр тоглож, үүнээсээ маш их баяр баясгалан, эрх чөлөөг мэдэрдэг байлаа. Хүннү рок жанрын тухай мэдсэн цагаасаа хойш уламжлалт хөгжмийн зэмсэг, рок хөгжмийг хослуулж уран бүтээл туурвих нь бидний хүсэл тэмүүлэл болсон".-Хэдэн жилийн өмнө Та бидэнтэй монгол буузны гайхалтай жорыг хуваалцаж байсан шүү дээ. Та өөр ямар монгол хоол санал болгомоор байна? (Харри Мэтүэс, Фэйсбүүк)-"Хөдөөгийн амтыг мэдрүүлсэн хорхог гэдэг монгол хоол бий. Үндсэндээ энэ хоол нь даралтаар жигнэсэн хонины мах л даа. Гэхдээ бид илүү амттай болгохын тулд махандаа халуун чулуу нэмж хийдэг. Зэрлэг гоньд, зэрлэг сонгино зэргийг нэмнэ. Энэ хоолны шөл нь хаван хөөх, стресс тайлах ач тустай. Мах нь маш зөөлөн, амин дэмээр баялаг, амт нь юутай ч зүйрлэшгүй. Та манай хөдөө нутагт зочилж, хорхог амсаж үзээрэй!” -Монголын соёлын талаарх хамгийн том ташаа ойлголтын тухайд? (Мэтт Пеннингтон, и-мэйл)-"Нүүдэлчин соёлтой учраас “хөгжсөн" нийгмийн бүх зүйлс байхгүй гэсэн үг биш шүү дээ. Ийм ташаа ойлголт хүмүүсийн дунд түгээмэл байдаг. Манайд бусад том хот, улс орнуудын адил бүтээн байгуулалтууд бий. Та манай улсад очоод үзээрэй, нийгэмд хадгалагдаж буй нарийн тэнцвэрт байдлыг нүдээрээ хараад гайхна даа. "Танай гэрт цахилгаан байдаг уу?", “Та интернэт хэрэглэдэг үү?” гэх зэрэг маш олон асуулт биднээс асуудаг. Монголд Барууны соёлын юм бүхэн илүү биш ч дутахгүй л болов уу!”.- “Хү” хамтлаг концепт цомгоо хэзээ гаргах вэ? (Жоаким Сноп, и-мэйл)-"Концепт цомог гаргахад уран бүтээлчид, продюсерээс маш нарийн төлөвлөлт, уран сэтгэмж хосолсон олон чадварыг шаарддаг. Сайн концепт цомог гаргахад их цаг хугацаа хэрэгтэй. Аз болоход, бид хэдийн нэг концепт цомгоо эхэлчихсэн ажиллаж байна!”.- ЮНЕСКО-гийн “энх тайвны төлөөх уран бүтээлч” байх нь ямар утга учиртай вэ? (Энди Бентон, Фэйсбүүк)-"Бид ЮНЕСКО-той хамтран уугуул хэл, тэдгээрийн хэрэглээний талаар илүү их мэдлэг мэдээлэл түгээж, улс орнуудын соёлын ялгаатай байдлыг хэвээр хадгалах үйлсэд хувь нэмэр оруулна. Дуу, шүлэг, хөгжим бол тухайн бүс нутгийн аялга, соёлыг хадгалахад тусалдаг. Ялангуяа, дуу хөгжмийн түүх соёлын онцлогийг нь хадгалан тоглохын тулд уламжлалт хөгжмийн зэмсгийг ашиглах нь чухал. Аливаа соёлыг дээдлэхдээ хөгжмийн чухал ач холбогдлыг мартаж болохгүй. Тийм ч учраас бид дэлхий даяар уугуул иргэдийн соёлыг хадгалж, хамгаалахаар ЮНЕСКО-той хамтран ажиллаж байгаадаа баяртай байна".-Монгол соёлоос суралцвал зохих хамгийн чухал зүйл? (Ажет Мансүхани, Твиттер)-"Тэсвэр тэвчээр, няцашгүй зориг бол Монголын соёлоос олж харах хамгийн чухал шинж чанар юм. Бидний амьдарч буй орчин, ахуй байдал маань байгалийг ойлгож, маш их тэвчээртэй байхыг шаарддаг. Бид дуу болгондоо энэ мессежийг оруулж өгдөг”.
|
https://montsame.mn/mn/read/321143
|
Судалгаа: Амьсгалын замын эрхтэнд цагт 16 орчим бичил хуванцар ордог
|
2023-06-16 11:40:07
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
ШИНЖЛЭХ УХААН
|
ВАШИНГТОН. /AIP/. Олон улсын физикчдийн баг анх удаа хүний амьсгалын дээд замаар дамжин өнгөрөх хуванцрын бичил хэсгүүдийн хөдөлгөөнийг
судалж, амьсгалын замын эрхтэнд цаг тутамд дунджаар 16 орчим бичил хуванцар ордог болохыг тогтоожээ. Энэ нь дэлхийн нийт хуванцрын бохирдолтой тэмцэх шаардлагатайг дахин нотолж байна гэж Америкийн физикийн хүрээлэнгийн (“AIP”) хэвлэлийн алба мэдээлэв.Тайван ба түргэн амьсгалах үед янз бүрийн хэмжээ (1.6, 2.56 ба 5.56 микрометр), хэлбэр дүрс бүхий бичил хуванцрууд хүний амьсгалын замд орсны дараах хөдөлгөөнийг эрдэмтэд судалжээ. Ингэхдээ амьсгалын замын дээд хэсгээр өнгөрөх бичил хуванцрууд үлдэж байгаа эсэхийг мэдэхийн тулд тооцон бодох шингэний динамикийн загвар боловсруулсан байна. Эдгээр бичил хуванцрын нэлээд хэсэг нь амьсгалын замын зарим хэсэгт, тухайлбал хамрын хөндий болон амны хөндийн залгиур хоолой орчимд үлддэг болохыг тооцоолол харуулжээ. Сүүлийн хэдэн арван жилийн хугацаанд судлаачид асар их хэмжээний хуванцар хог хаягдал болон бичил хуванцруудыг гол мөрөн, нууруудаас төдийгүй аварга том "хогон толбо" үүсээд байгаа дэлхийн далай тэнгисийн алслагдсан бүсээс илрүүлсэн. Мөн салхи, хур тунадас, далайн гүний урсгалаар зөөгдсөн бичил хуванцрыг саяхан Марианы хонхроос, Эверест уулын оройгоос олсон билээ. Сиднейн Технологийн их сургуулийн ахлах судлаач Мохаммед Исламаар удирдуулсан
Австрали, Хятад, Ираны физикчид хүний амьсгалын замын эрхтэнд орсныхоо
дараа бичил хуванцрууд "хэрхдэг" болохыг судалжээ. Эрдэмтэд энэ асуудлыг сонирхох болсон нь жилийн өмнө эмч нар хуванцрын бичил хэсгүүд заримдаа амьсгалын замд маш гүн нэвтэрдгийг нотлох анхны нотолгоог олж илрүүлсэн холбоотой ажээ.Судлаачид цаашид хүний амьсгалын замд тогтож үлдсэн янз бүрийн хэлбэртэй бичил хуванцрууд эрүүл, өвчтэй уушгинд хэрхэн нөлөөлж байгааг судлахаар төлөвлөж байна.
|
https://montsame.mn/mn/read/321356
|
Илон Маск Италийн Ерөнхий сайдтай уулзжээ
|
2023-06-16 11:37:10
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
РОМ. /CNBC/. Америкийн “Tesla” компанийн гүйцэтгэх захирал Илон
Маск Италийн Ерөнхий сайд Жоржиа Мелонитой пүрэв гарагт уулзаж, хиймэл оюун
ухаанаас учрах эрсдэл, төрөлтийн түвшин зэрэг бусад асуудлаар хэлэлцсэн талаар
Италийн удирдагч пүрэв гарагт “Twitter” хуудсандаа нийтэлжээ.И.Маск Ром хотноо
пүрэв гарагт ирснийг тэрбумтны хувийн нисдэг тэрэгний мэдээллийг нийтэлдэг “Instagram”
хуудас мэдээлсэн байна. Энэ нь түүний Европт хийх богино хугацааны айлчлалын эхлэлийг
тавьж байгаа бөгөөд тэрбээр Францын технологийн салбарын хамгийн том үйл ажиллагаа болох
“Viva Tech” бага хуралд оролцохоор баасан гарагт Парисыг зорино.Ж.Мелони италиар бичсэн жиргээндээ, И.Масктай “инновац, хиймэл оюун ухаанаас үүдэн бий болох боломж хийгээд эрсдэл, Европын зах зээлийн зохицуулалт, төрөлтийн түвшний”
талаар хэлэлцлээ хэмээн бичжээ. И.Маск хиймэл
оюун ухаанаас учрах эрсдэлийн талаар удаа дараалан анхааруулсаар ирсэн юм.
Тухайлбал, энэ оны хоёрдугаар сард хиймэл оюун ухааныг “соёл иргэншлийн
ирээдүйд учрах хамгийн том эрсдэлүүдийн нэг” гэж тодорхойлжээ. Урьд нь тэрбээр
мөн төрөлтийн түвшин хурдацтай буурч байгааг “соёл иргэншилд тулгарах хамгийн
том эрсдэлүүдийн нэг” гэж нэрлэж байсан юм. Европын орнуудын
удирдагчид “Tesla”-гийн автомашины шинэ үйлдвэрийг өөрсдийн улсдаа байгуулахаар
И.Маскийг ятгахыг оролдож буй үед дээрх уулзалт болжээ. Францын Дижиталчлалын асуудал эрхэлсэн сайд Жан-Ноэль Барро “CNBC” телевизэд энэ долоо хоногт ярилцлага өгөх үеэрээ, манай улсын Засгийн газар “Франц бол “Tesla”-гийн дараагийн үйлдвэрийг байгуулахад Европ дахь хамгийн тохиромжтой газар” хэмээн И.Маскийг ятгахыг оролдож байгаа гэж мэдээлсэн байна.И.Маск баасан гарагт Парист “Viva Tech” бага хурлын үеэр үг хэлэх төлөвтэй байгаа бөгөөд энэхүү арга хэмжээнд Францын Ерөнхийлөгч Эммануэл Макрон энэ долоо хоногт оролцжээ. “Tesla”-гийн гүйцэтгэх захирал мөн Э.Макронтой уулзах төлөвтэй байна.
|
https://montsame.mn/mn/read/321376
|
Суданд зэвсэгт мөргөлдөөн үргэлжилсээр байна
|
2023-06-16 09:55:49
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ХАРТУМ. /Anadolu/. Суданы арми болон Шуурхай хариу арга хэмжээ авах
хүчний хооронд зэвсэгт мөргөлдөөн эхэлснээс хойш хоёр сарын хугацаа өнгөрч
байгаа ч нийслэл хот болон эргэн тойрны бүсэд мөргөлдөөн үргэлжилсээр байна. Дөрөвдүгээр сарын
15-нд нийслэл Хартум болон бусад хотуудад Суданы арми, хагас цэрэгжсэн
бүлэглэлийн хооронд мөргөлдөөн эхэлснээс хойш 958 хүн амиа алдаж, 4746 хүн
шархаджээ. Цэргийнхэн Шуурхай хариу арга хэмжээ авах хүчнийг босогч бүлэглэл
гэж зарлаад буй. Суданы армийн
командлагч, генерал Абдель Фаттах аль-Бурхан, Шуурхай хариу арга хэмжээ авах
хүчний командлагч, генерал Мухаммед Хамдан Дагало нарын эрх мэдлийн төлөөх
тэмцэл улс орноо иргэний дайны ирмэгт авчраад байна. 2019, 2021 онд болсон
цэргийн эргэлт, түүнчлэн 2018 онд амьжиргааны өртөг огцом нэмэгдэж байгааг
эсэргүүцсэн жагсаал өрнөсний дараа улс төр, эдийн засгийн байдал тогтворгүй
болоод байгаа үед ийм явдал болжээ.
НҮБ-ын
мэдээллээр, Суданд хамгийн багаар тооцоход есөн сая хүнд хүмүүнлэгийн тусламж шаардлагатай
байгаа бөгөөд хоёр сая гаруй хүн орон гэрээ орхин явахаас өөр аргагүйд хүрснээс
гадна 1.5 сая гаруй иргэн хөрш орнууд руу дүрвэсэн байна. Суданд үүсээд буй
хямралыг зохицуулахын тулд АНУ, Саудын Арабын санаачилсан найрамдлын хэлэлцээ үр
дүнгээ өгөөгүй бөгөөд гал зогсоох дэглэм удаа дараа зөрчигджээ.
|
https://montsame.mn/mn/read/321369
|
Африкийн орнуудын удирдагчид Украины мөргөлдөөнийг зохицуулах шинэ төлөвлөгөө санал болгоно
|
2023-06-16 09:38:37
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
ЛОНДОН. /Reuters/. Африкийн хэд хэдэн орны удирдагчид Украины мөргөлдөөнийг зохицуулах төлөвлөгөөнийхээ хүрээнд “илтгэлцлийг бэхжүүлэх хэд хэдэн арга хэмжээг” санал болгож магадгүй талаар “Reuters” агентлаг баримт бичгийн төслөөс эш татан мэдээлжээ. Тус агентлагийн мэдээлснээр, уг төлөвлөгөөнд Оросын цэргийг Украины нутаг дэвсгэрээс татах, Беларусиас тактикийн цөмийн зэвсгийг шилжүүлэх, ОХУ-ын Ерөнхийлөгч Владимир Путинийг баривчлах ОУЭШ-ийн шийдвэрийг түдгэлзүүлэх, түүнчлэн Оросын эсрэг Барууны зарим хориг арга хэмжээг цуцлах зэрэг арга хэмжээг санал болгохоор төлөвлөж байгаа аж. Африкийн орнуудын төлөвлөгөөнд мөн үр тариа, бордооны талаар байгуулсан бүх гэрээг хадгалах шаардлагатай гэсэн заалт орсон байна.Үүний дараа байлдааны ажиллагааг зогсоох тухай гэрээ байгуулж, Орос, Өрнөдийн хооронд хэлэлцээ хийж эхэлж магадгүй гэж тэмдэглэжээ.“Reuters”-ийн мэдээлснээр, зургаадугаар сарын 16-ны өдөр ӨАБНУ, Замби, Коморын арлууд, Египет, Сенегал, Конго, Уганда улсын удирдагчид Украинд айлчилсныхаа дараа 17-ны өдөр ОХУ-д хүрэлцэн очих бөгөөд төлөөлөгчдийг Сенегалийн Ерөнхийлөгч Маки Солл, ӨАБНУ-ын Ерөнхийлөгч Сирил Рамафоса нар тэргүүлж байна.
|
https://montsame.mn/mn/read/321367
|
БНАСАУ-ын харвасан хоёр баллистик пуужин Японы эдийн засгийн онцгой бүсэд унажээ
|
2023-06-16 09:10:42
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ПЁНЬЯН. /Kyodo/.
БНАСАУ-ын зүүн эргээс пүрэв гаргийн
орой харвасан ойрын зайн тусгалт хоёр баллистик пуужин Японы эдийн засгийн
онцгой бүсийн дотор унасан гэж Япон, БНСУ-ын эрх баригчид мэдээлэв.БНАСАУ-ын тал БНСУ,
АНУ-ын явуулж буй байлдааны гал нээх томоохон сургуулилалтын хариуд арга хэмжээ
авна гэж пүрэв гаргийн өглөө анхааруулсныхаа дараа пуужин харвасан байна. Түүнчлэн АНУ-ын
Ерөнхийлөгч Жо Байдены үндэсний аюулгүй байдлын зөвлөх уулзалт хийхээр Токиод
хүрэлцэн ирээд байх үед энэ явдал болжээ. Японы Батлан хамгаалах яамны мэдээлснээр, эхний пуужин 850 орчим км, хоёр дахь пуужин 900 орчим км
зайд нисэж, Японы эдийн засгийн онцгой бүсэд унасан бөгөөд пуужингуудын
нислэгийн өндөр 50 орчим км байжээ. БНАСАУ-ын харвасан пуужин хамгийн
сүүлд хоёрдугаар сард уг бүсэд унаж байв. “Пүрэв гарагт
БНАСАУ-ын харвасан пуужингууд өнгөрсөн сарын сүүлээр бидэнд мэдээлэл
хүргүүлсэн хиймэл дагуул хөөргөх оролдлоготой нь “холбоогүй байсан” гэж Японы
Сайд нарын танхимын ерөнхий нарийн бичгийн дарга Мацүно Хироказү хэвлэлийн бага
хурлын үеэр мэдэгджээ. Японы Ерөнхий
сайд Кишида Фүмио сэтгүүлчдэд мэдээлэл өгөх үеэрээ, пуужингуудын улмаас ямар
нэгэн хохирол учирсан талаар мэдээлэл алга байна хэмээгээд, Токиогийн засаг
захиргаа уг явдалтай холбогдуулан БНАСАУ-д эсэргүүцлээ илэрхийлсэн гэдгийг
мэдэгдсэн байна. Тагнуулын хиймэл дагуул хөөргөх дараагийн оролдлогоо аль болох ойрын хугацаанд
хийхээ Пёньяны зүгээс мэдэгдсэн юм.М.Хироказүгийн
мэдээлснээр, Японы эрх баригчид Япон тэнгис рүү харвасан пуужингуудыг устгах
тушаал өгөөгүй байна. Пуужингууд Японы
төв нутгийн Ишикава мужийн эргээс 50 орчим км зайд оршдог Хегүра арлаас 250
орчим км зайд унасныг Батлан хамгаалах яамнаас мэдээлжээ.
БНСУ-ын Зэвсэгт хүчний Штабуудын
дарга нарын хорооны мэдээллээр, ойрын зайн тусгалт баллистик пуужин хэмээн тодорхойлсон пуужингуудыг Пёньяны Сунан бүсээс 19:25-19:37 цагийн хооронд
харвасан байна.
|
https://montsame.mn/mn/read/321360
|
Санчир гаргийн дагуулаас фосфор илрүүлжээ
|
2023-06-15 16:55:22
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
ШИНЖЛЭХ УХААН
|
ВАШИНГТОН. /AFP/. Эрдэмтэд амьдрал үүсэхэд чухал үүрэг гүйцэтгэдэг элементүүдийн нэг болох фосфор Санчир гаргийн сар Энцеладын мөсөн гадаргуугийн доорх далайд агуулагдаж байгааг илрүүлжээ.Энэхүү нээлтийг
АНУ-ын Агаарын нислэг, сансрын уудмыг
шинжлэн судлах үндэсний төвийн /NASA/ “Cassini” аппаратын цуглуулсан мэдээлэлд
тулгуурлан хийсэн бөгөөд энэ талаарх нийтлэлээ лхагва гарагт “Nature” шинжлэх ухааны сэтгүүлд
нийтлүүлсэн байна. “Cassini” аппарат Санчир гараг болон түүний цагариг,
дагуулуудыг 2004 оноос судалж эхэлсэн бөгөөд 2017 онд тус гаргийн агаар мандалд
шатах хүртлээ даалгавраа гүйцэтгэжээ. “Энэ бол астробиологийн
гайхалтай нээлт юм. Бид Санчирын дагуулын мөсөн давхаргаас цацагдсан жижиг хэлтэрхийнүүдэд их хэмжээний фосфор агуулагдаж байгааг нотлох нотолгоог илрүүлсэн” гэж “Southwest
Research" хүрээлэнгийн судлаач, судалгааг ахлан явуулсан хүмүүсийн нэг болох Кристофер Глейн
мэдээлжээ.Эрдэмтэд өмнө нь
мөсний хэлтэрхийнүүдээс өөр элементүүд, органик нэгдлүүдийг илрүүлж байсан ч ДНХ,
РНХ-гийн үүсэлд чухал үүрэг гүйцэтгэдэг, түүнчлэн хүн, амьтан яс, шүд, цаашлаад далайн
планктонд хүртэл агуулагддаг фосфор илрүүлж байгаагүй юм. Энгийнээр хэлбэл,
бидний мэдэх амьдрал фосфоргүйгээр үүсэх боломжгүй байсан гэсэн үг.Геохимийн загварчлалаар
фосфор байх магадлалтайг өмнө нь тогтоож байсан хэдий ч таамаглах нь нэг хэрэг, харин
батлах нь өөр асуудал гэж К.Глейн ярилаа. “Дэлхийгээс
гаднах далайгаас энэхүү чухал элемент олдсон анхны тохиолдол энэ болж байна”
гэж “Freie Universitat Berlin” их сургуулийн гараг судлаач Френк Постберг хэлснийг “NASA”-гийн мэдэгдэлд эш татсан байна. Энэхүү судалгааг
хийсэн судлаачид шинэ нээлт хийхийн тулд “Cassini”-гийн сансрын тоосонцрын судалгааны багажийн цуглуулсан
мэдээллийг нарийвчлан судалжээ. Өнгөрсөн 25
жилийн хугацаанд гараг судлаачид манай нарны аймагт мөсөн гадаргуугийнхаа доор
далайтай ертөнц олон байдгийг тогтоосон юм. Үүнд Бархасбадь гаргийн дагуул Европа,
Санчирын хамгийн том дагуул Титан болон алслагдмал гараг болох Дэлхий ван хүртэл багтдаг.Дэлхий шиг далайтай гаргууд амьдрахад тохиромжтой температурыг хадгалахын тулд өөрийн нарнаас хол зайд байрлах ёстой боловч гүний далайтай ертөнцийг нээсэн нь амьдрал байх боломжтой гаргуудын тоог нэмэгдүүлж байна.“Энэхүү нээлтээр Энцеладын далай нь амьдралын үүслийн "хамгийн хатуу гэгддэг шаардлагыг" хангаж байгааг тогтоолоо. Одоо хүн төрөлхтний хийх дараагийн алхам тодорхой байна, бид уг далай үнэхээр амьдрал байх боломжтой эсэхийг олж мэдэхийн тулд Энцелад руу дахин очих хэрэгтэй” гэж К.Глейн хэлжээ.
|
https://montsame.mn/mn/read/321321
|
НҮБ-ын Аюулгүйн Зөвлөл хуурамч мэдээлэл, ялгаварлан гадуурхалттай тэмцэх тухай тогтоолыг батлав
|
2023-06-15 15:37:53
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
НЬЮ-ЙОРК. /un.org/.
НҮБ-ын Аюулгүйн Зөвлөл хүлээцтэй байх, олон улсын энх тайван, аюулгүй байдлыг
сахин хамгаалах асуудлаар 2686 дугаар
тогтоолыг лхагва гарагт санал
нэгтэйгээр баталжээ.Уг баримт бичигт
НҮБ-ын гишүүн орнуудын энх тайвнаар
зэрэгцэн орших үүрэг амлалтыг онцлон тэмдэглэж, эдийн засаг, нийгэм,
соёл, хүмүүнлэгийн асуудлыг шийдвэрлэхэд олон улсын хамтын ажиллагаа
шаардлагатай байгааг дахин баталжээ.
Түүнчлэн бүх бүс нутагт зэвсэгт мөргөлдөөн гарахаас урьдчилан сэргийлэх хүчин
чармайлтаа үргэлжлүүлэхийг НҮБ-ын
Аюулгүйн Зөвлөлд уриалсан
байна.Гишүүн орнуудын төлөөлөгчид үзэн ядах үг хэллэг, олныг төөрөгдүүлсэн хуурамч мэдээллээс үүдэлтэй хүчирхийлэл, ялангуяа олон нийтийн сүлжээнд газар
авч буйд гүнээ сэтгэл зовниж
байгаагаа илэрхийллээ.НҮБ-ын Аюулгүйн Зөвлөл олон улсын болон бүс нутгийн
бүх байгууллагуудад хандан "арьсны өнгө, үндэс угсаа, хүйс, шашин шүтлэг, төрөлх хэлээр нь ялгаварлан гадуурхах явдлаас үүдэлтэй хүчирхийлэл, үзэн ядах үг хэллэг, хэт туйлшралыг ил тод буруушаахыг"
уриалсан байна.
|
https://montsame.mn/mn/read/321305
|
“Microsoft”-ийг үүсгэн байгуулагч Б.Гейтс Ши Жиньпинтэй уулзана
|
2023-06-15 15:14:53
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /Reuters/. Америкийн “Microsoft” компанийг үүсгэн байгуулагч Билл Гейтс БНХАУ-ын дарга Ши Жиньпинтэй баасан гарагт уулзахаар төлөвлөж байна
гэж энэ талаарх мэдээлэлд ойр хоёр эх сурвалж мэдээлжээ.Энэхүү уулзалт нь
Ши Жиньпиний хувьд сүүлийн жилүүдэд гадаадын бизнес эрхлэгчтэй хийсэн анхны
уулзалт болох юм. Эх сурвалжуудын мэдээлснээр, талууд ганцаарчлан уулзаж
магадгүй байна. Гурав дахь эх сурвалж тэднийг уулзана гэдгийг баталсан ч өөр
дэлгэрэнгүй мэдээлэл өгөөгүй байна.Талууд юун тухай
хэлэлцэх талаар эх сурвалжууд мэдээлээгүй байна. Лхагва гарагт Б.Гейтс “Twitter” хуудсандаа Бээжин хотноо 2019 оноос хойш
анх удаагаа ирсэн талаараа нийтлээд, “Bill & Melinda Gates” сантай хамтран дэлхий нийтийн эрүүл
мэнд, хөгжил дэвшилд тулгарч буй сорилтуудыг даван туулах чиглэлд ажиллаж буй
түншүүдтэйгээ уулзана хэмээн бичжээ. Одоогоор тус сан
болон Хятадын Төрийн зөвлөлийн хэвлэл мэдээллийн алба “Reuters” агентлагийн тодруулга авах хүсэлтэд хариу
өгөөгүй байна. Б.Гейтс дэлхий
нийтийн эрүүл мэнд, боловсрол, уур амьсгалын өөрчлөлттэй холбоотой буяны үйлсэд
түлхүү анхаарлаа хандуулахын тулд “Microsoft”-ийн удирдах зөвлөлөөс 2020 онд гарсан юм. Тэрбээр
2008 оноос “Microsoft” компанид байнгын удирдах албан
тушаал хашихаа больжээ. Ши Жиньпин,
Б.Гейтс нар хамгийн сүүлд 2015 онд Боаогийн чуулга уулзалтын хүрээнд уулзсан
юм. Түүнчлэн 2020 оны эхээр Ши Жиньпин Б.Гейтс захидал илгээж, “COVID-19” цар тахалтай тэмцэхэд Хятад улсад дэмжлэг үзүүлэхээ илэрхийлсэнд түүнд болон “Bill & Melinda Gates” санд талархаж буйгаа илэрхийлж байв. Хятад улс энэ оны
эхээр хилээ нээснээс хойш гадаадын хэд хэдэн компанийн гүйцэтгэх захирлууд тус
улсад айлчилсан ч тэдний дийлэнх нь Засгийн газрын сайд нартай голчлон уулзсан
юм.Тухайлбал, Төрийн
зөвлөлийн Ерөнхий сайд Ли Чян гуравдугаар сард “Apple”
компанийн гүйцэтгэх захирал Тим Кук тэргүүтэй гадаадын компаниудын
удирдлагуудтай уулзсан. Мөн “Tesla” компанийн гүйцэтгэх захирал Илон Маск
Шадар сайд Ди Сюсянтай өнгөрсөн сард уулзжээ. Гэсэн хэдий ч Хятад-АНУ-ын
харилцаа улам хурцдаж, Ши Жиньпин улсынхаа үндэсний аюулгүй байдалд анхаарал
хандуулах нь нэмэгдэж байгаа тул гадаадын бизнес эрхлэгчдийн Хятадад хандах хандлага нь болгоомжилсон шинжтэй болсон гэж шинжээчид үзэж байна. Б.Гейтсийн
айлчлал мөн АНУ-ын Төрийн нарийн бичгийн дарга Энтони Блинкений Хятадад хийх
айлчлалын өмнө болж буйгаараа онцлогтой юм. Э.Блинкен дэлхийн хамгийн том эдийн
засагтай хоёр орон, стратегийн өрсөлдөгчдийн харилцааг тогтворжуулахаар энэ
сарын 18-19-ний өдрүүдэд Хятадад айлчилна.
Э.Блинкен лхагва
гарагт Хятадын Гадаад хэргийн сайд Чинь Гантай утсаар ярьсан бөгөөд энэ үеэр
Чинь Ган Хятадын дотоод хэрэгт хөндлөнгөөс оролцож, аюулгүй байдалд хохирол
учруулахаа зогсоохыг уриалсан байна.
|
https://montsame.mn/mn/read/321312
|
АНУ-ын Төв банк бодлогын хүүгээ хэвээр үлдээлээ
|
2023-06-15 13:04:00
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
ЭДИЙН ЗАСАГ
|
ВАШИНГТОН. /CNBC/. АНУ-ын Төв банкны үүргийг гүйцэтгэдэг Холбооны нөөцийн сан /ХНС/ 2022 оны гуравдугаар сараас хойш 10 дараалан өсгөөд байсан бодлогын хүүгээ 5-5.25 хувьд хэвээр үлдээх шийдвэрийг лхагва гарагт гаргажээ.“Бодлогын хүүг хэвээр хадгалснаар мөнгөний бодлогод үзүүлэх нөлөө
болон нэмэлт мэдээлэлд дүн шинжилгээ хийх боломжийг бүрдүүлнэ” гэж Нээлттэй зах
зээлийн үйл ажиллагааны хороо хоёр өдрийн хуралдааныхаа дараа мэдэгдсэн байна.АНУ-д тавдугаар
сард хэрэглээний үнийн индекс 2022 оны зургаадугаар сард дээд цэгтээ буюу 9.1 хувьд хүрч
байсантай харьцуулахад 4 хувьд хүрч саарсантай холбогдуулан ХНС бодлогын
хүүг өсгөхөө түр зогсооно хэмээн шинжээчид таамаглаж байв.Төв банкны үүргийг гүйцэтгэдэг тус байгууллага инфляцыг зорилтот 2 хувьд хүргэж бууруулахын тулд тууштай хүчин чармайлт гаргахаа дахин нотолжээ. ХНС инфляцыг бууруулахын тулд бодлогын хүүгээ 500 суурь нэгжээр өсгөөд байгаа юм. Гэхдээ ХНС-гийн мөнгөний бодлого боловсруулагчид 2023 оны бодлогын хүүгийн таамаглалыг гуравдугаар сард 5.1 хувь байсныг 5.6 хувьд хүргэж ахиулсан нь түр завсарласны дараа хүүгээ дахин өсгөж магадгүй байгааг харуулж байна.
|
https://montsame.mn/mn/read/321299
|
Европын Холбоо хиймэл оюун ухаанаас учрах эрсдэлээс хамгаалах анхны хуулийг батална
|
2023-06-15 11:47:17
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
БРЮССЕЛЬ. /BBC/. Европын Холбоо /ЕХ/ хиймэл оюун ухааны системийн хөгжлийг
зохицуулах, иргэдийг хамгаалах хуулийг дэлхийд анх удаа батлах гэж байна. Уг хуулийн төслийг Европын парламент лхагва гарагт дэмжжээ. Одоо эцсийн хувилбарыг ЕХ-ны удирдах гол гурван байгууллага болох Европын Комисс, Парламент, Зөвлөл зөвшилцөх ёстой бөгөөд 2025 оноос өмнө хүчин төгөлдөр болох төлөвтэй байна.Дээрх хуулийн төсөлд заасны дагуу хиймэл оюун ухааны системийг Европын иргэд, хэрэглэгчдэд учруулах эрсдэлийн зэрэглэлээр нь бүлэг болгон хуваах бөгөөд бүлэг бүр зохих хязгаарлалт, хяналтын арга хэмжээтэй байх ажээ.Тухайлбал, хүмүүсийн
далд ухамсарт нөлөөлөх зорилготой системүүд, түүнчлэн бодит цагт биометрийн мэдээллийг таних системийг бүрэн хориглох гэнэ.Мөн “СhatGPT” гэх зэрэг контент бүтээгч системүүдийн хувьд бүтээгдэхүүнүүд нь тодорхой шошготой байх, хүний хийсэн ажил гэж бусдад дамжуулахгүй байх ёстой байна. "Европын парламентын гишүүд хиймэл оюун ухааны системийг хүмүүс хянадаг байх, аюулгүй, ил тод, мөшгих боломжтой, хэрэглэгчдийг ялгаварлан гадуурхдаггүй, байгаль орчныг
хамгаалахад хувь нэмрээ оруулдаг байлгахад баталгаа гаргуулахыг хүсэж”
гэж хуулийн төслийг боловсруулж байх үеэр Европын парламентын хэвлэлийн алба тавдугаар сард мэдээлж байв.Гишүүд зургаадугаар сарын 13-нд болсон хэлэлцүүлгийн үеэр нүүр царай таних системтэй холбоотой заалтуудад онцгойлон анхаарал хандуулжээ. Хуулийн төсөлд ийм системийг зөвхөн "үйл явдал болж өнгөрсний дараа" (бодит цагийн бус), зөвхөн шүүхийн шийдвэрийн дагуу гэмт хэрэгтэн, террористууд, сураггүй болсон хүмүүсийг л эрж хайхад ашиглахыг санал болгосон байна.Парламентын гишүүдийн олонх нь энэ заалтыг дэмжиж, цөөн тооны гишүүд л нүүр царай таних системийг бүрмөсөн хориглохыг уриалжээ.
|
https://montsame.mn/mn/read/321279
|
НАТО-гийн гишүүн орнуудын Батлан хамгаалахын сайд нар уулзана
|
2023-06-15 10:41:21
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
БРЮССЕЛЬ. /unian/. НАТО-гийн гишүүн орнуудын Батлан хамгаалахын сайд нарын хоёр өдрийн уулзалт Брюссельд өнөөдөр эхэлнэ. Уулзалтын үеэр мөн Украинд зэвсэг нийлүүлэх асуудлаар холбоо тогтоох бүлгийн уулзалт, НАТО-Украины комиссын хуралдаан болно.НАТО-гийн ерөнхий нарийн бичгийн дарга Йенс Столтенберг лхагва гарагт Брюссельд болсон хэвлэлийн бага хурлын үеэр мэдэгдэхдээ, сайд нар Украины Зэвсэгт хүчний сөрөх довтолгооны явц, учирсан хохирлын талаарх тус улсын Батлан хамгаалахын сайд Алексей Резниковын илтгэлийг сонсож, Киевт шинээр зэвсэг нийлүүлэх талаар мэдэгдэл хийнэ гэжээ. Мөн НАТО-гийн цөмийн төлөвлөлтийн бүлгийн ээлжит бус хурал болох бөгөөд хурлын үеэр хэлэлцэх гол сэдэв нь Беларусьт цөмийн зэвсэг байрлуулах ОХУ-ын шийдвэр байх аж.
|
https://montsame.mn/mn/read/321270
|
В.Путин Африкийн орнуудын удирдагчидтай үр тарианы гэрээний талаар хэлэлцэнэ
|
2023-06-15 10:25:47
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
МОСКВА. /Anadolu/. ОХУ-ын Ерөнхийлөгч Владимир Путин Санкт-Петербургийн
олон улсын эдийн засгийн чуулга уулзалтын хүрээнд зургаадугаар сарын 17-нд Африкийн
удирдагчидтай Хар тэнгисээр үр тариа тээвэрлэх санаачилгын талаар хэлэлцэнэ гэж
түүний туслах лхагва гарагт мэдээлжээ.Африкийн орнуудын удирдагчид тивдээ үр тариаг тогтвортой нийлүүлэх сонирхолтой байгаа, харин одоогийн
үр тарианы гэрээний дагуу ийм нөхцөл хангагдахгүй байна гэж ОХУ-ын төрийн
тэргүүний туслах Юрий Ушаков лхагва гарагт эхэлсэн чуулганы үеэр сэтгүүлчдэд
мэдээлсэн байна.“Энэхүү гэрээний ОХУ-тай холбоотой нөхцөлүүд хэрхэн биелж байгаад бид сэтгэл дундуур
байна. Үнэндээ сэтгэл хангалуун бус байна. Иймд гэрээг үргэлжлүүлэн сунгах эсэх талаар бид тунгаан бодох болно” гэж Ю.Ушаков хэлжээ.Тэрбээр мэдэгдэхдээ,
Орос-Африкийн хоёр дахь дээд хэмжээний уулзалт Африкийн орнуудад барууныхны үзүүлж буй “туйлын хүчтэй” шахалтыг үл харгалзан Санкт-Петербург хотноо
долоодугаар сарын 27-28-ны өдрүүдэд болно гэжээ. Хэдийгээр шахалт үзүүлж байгаа ч ихэнх улс орнууд манай дээд хэмжээний уулзалтад оролцохоо батлан мэдэгдсэн гэж тэрбээр нэмж
хэлсэн байна. Түүнчлэн дээд
хэмжээний уулзалтын бэлтгэл ажил “идэвхтэй” явагдаж байгааг дурдаад, энэхүү
уулзалт нь Орос-Африк тивийн орнуудын цаашдын харилцаанд чухал ач холбогдолтойг
тэмдэглэсэн байна.
|
https://montsame.mn/mn/read/321266
|
Умард Солонгос Хятадад болох Азийн наадамд оролцохоор бүртгүүлжээ
|
2023-06-15 09:36:32
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
СПОРТ
|
БЭЭЖИН. /Kyodo/. БНХАУ-ын зүүн нутгийн Ханжоу хотод энэ намар болох бүс нутгийн наадамд оролцохоор Ази тивийн болон бүс нутгийн бүх Олимпын хороо, тэдгээрийн дотор БНАСАУ бүртгүүлсэн тухай Хятадын Үндэсний биеийн тамир, спортын ерөнхий газраас лхагва гарагт мэдээлжээ.Пёньян коронавирусний тархалтыг зогсоохын тулд 2020 оноос хойш хилээ үндсэндээ бүрэн хаасан билээ. Есдүгээр сарын сүүлчээс 10 дугаар сарын эхэн хүртэл үргэлжлэх Азийн наадмын өмнө БНАСАУ-ын эрх баригчид хилээр зорчих хоригийг сулруулах эсэх нь тодорхойгүй хэвээр байна.Азийн Олимпын Зөвлөлд нийт 45 улсын Үндэсний олимпын хороо багтдаг.БНХАУ-ын Үндэсний биеийн тамир, спортын ерөнхий газрын дэд дарга Жоу Жиньчян Бээжин хотноо болсон хэвлэлийн хурлын үеэр хэлэхдээ, “COVID-19” цар тахлын улмаас нэг жил хойшлогдсон энэхүү наадам нь өнгөрсөн оны 10 дугаар сард болсон Коммунист намын их хурлаас хойш Хятад улсын зохион байгуулах "хамгийн том хэмжээний, хамгийн өндөр түвшний олон улсын спортын арга хэмжээ" болно гэжээ.Ханжоугийн наадмын бэлтгэл ажил бүрэн хангагдсан бөгөөд Азийн олон улс түүхэндээ хамгийн олон тамирчнаа илгээнэ гэж тэрбээр хэлжээ. Энэхүү наадамд Хятадын 900 орчим тамирчин оролцоно гэж Жоу Жиньчян нэмж хэлэв.
|
https://montsame.mn/mn/read/321249
|
Э.Блинкен Хятад, Их Британид айлчилна
|
2023-06-15 09:03:39
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /AP/.
АНУ-ын Төрийн нарийн бичгийн дарга Энтони
Блинкен энэ баасан гаргаас ирэх лхагва гаргийн хооронд Хятад, Их Британид
айлчилна гэж Төрийн департамент лхагва гарагт мэдээлэв.Э.Блинкен Хятадын
эрх баригчидтай Бээжин хотноо уулзана. Төрийн департаментын мэдээлснээр,
тэрбээр АНУ-Хятадын харилцааг хариуцлагатайгаар зохицуулахын тулд харилцаа
холбооны шугамыг нээлттэй байлгахын ач холбогдлын талаар хэлэлцэх ажээ."Хятад, АНУ-ын хэлэлцэн тохиролцсоны дагуу АНУ-ын Төрийн нарийн бичгийн дарга Энтони Блинкен зургаадугаар сарын 18-19-нд Хятадад айлчилна" гэж тус улсын Гадаад хэргийн яамны хэвлэлийн төлөөлөгч Ван Вэньбинь мөн мэдэгджээ. Энэ нь Э.Блинкений хувьд АНУ-ын Төрийн нарийн бичгийн даргын хувиар Хятадад хийх анхны айлчлал болно. Тэрбээр Хятадад
энэ оны хоёрдугаар сард айлчлахаар төлөвлөж байсан юм. Гэвч Хятадын тагнуулын
гэх агаарын бөмбөлөг АНУ-ын нутаг дэвсгэрийн дээгүүр ниссэний дараа айлчлалаа
хойшлуулсан билээ.
Их Британийн
нийслэл Лондон хотноо айлчлах үеэрээ Э.Блинкен Украиныг сэргээн
босгох бага хуралд оролцоно. Мөн Их Британи,
Украин болон бусад түнш, холбоотон орнуудынхаа төлөөлөгчидтэй уулзах ажээ.
|
https://montsame.mn/mn/read/321253
|
Европт сүүлийн 40 жилд цаг агаарын гамшигт үзэгдлийн улмаас 195 мянган хүн амиа алджээ
|
2023-06-14 17:12:33
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
БРЮССЕЛЬ. /AFP/. Европ тивд 1980 оноос хойш цаг агаарын гамшигт үзэгдлийн улмаас 195 мянга орчим хүн амиа алдаж, 560 тэрбум гаруй
еврогийн эдийн засгийн хохирол учирсан гэж Европын Байгаль орчны агентлаг /EAA/ өнөөдөр мэдээллээ.Тус тивд 1980-2021
оны хооронд үер, хар салхи, хэт халалт, цочир хүйтрэлт, ойн түймэр, хөрсний
гулгалтын улмаас 195 мянга орчим хүн амиа алдсан гэж тус
агентлагийн тайланд цохон тэмдэглэжээ.Түүнчлэн 560
тэрбум еврогийн (605 тэрбум ам.доллар) хохирлын дөнгөж 170 тэрбум буюу 30 хувь нь л даатгалуулсан байсан гэж “EAA” цаг агаарын гамшигт үзэгдлийн нөлөөллийн талаарх мэдээллийг нэгтгэсэн шинэ цахим порталыг
нээх үеэрээ мэдээлсэн байна.“Цаашид гарз
хохирол учрахаас урьдчилан сэргийлэхийн тулд хүн төрөлхтөн бид цаг уурын гамшигт үзэгдлүүдэд хариу арга хэмжээ авахаас илүүтэй урьдчилан бэлтгэхэд нэн
даруй шилжих хэрэгтэй байна” гэж Байгаль орчны агентлагийн мэргэжилтэн
Александра Казмерчак “AFP”
агентлагт ярилцлага өгөх үеэрээ хэлжээ. Хамгийн сүүлийн
тайлан мэдээллээс үзэхэд, хэт халах үзэгдэл нь нийт нас баралтын 81 хувийг,
санхүүгийн хохирлын 15 хувийг эзэлсэн байна.Европ насжиж буй
хүн амаа, ялангуяа хэт халалтад эмзэг ахмад настнуудаа хамгаалахын тулд
холбогдох арга хэмжээнүүдийг хэрэгжүүлэх шаардлагатай байна гэж тайланд
дурджээ. Ихэнх үндэсний
дасан зохицох бодлого, эрүүл мэндийн стратегид хэт халалтаас зүрх судас,
амьсгалын тогтолцоонд үзүүлэх нөлөөллийг хүлээн зөвшөөрдөг ч шингэн дутагдах,
наранд цохиулах зэргийг тал хүрэхгүй хувьд л тусгасан байдаг байна. 2022 оны зун
Европ хэт халах үзэгдэлд удаа дараа нэрвэгдсэний дараа ердийн үеийнхээс хавьгүй
олон хүн нас барсан ч тухайн оны тоон үзүүлэлт лхагва гарагт танилцуулсан
тайланд ороогүй байна. Байгаль орчны
агентлагийн мэдээлснээр, 2022 оны долоодугаар сард 2016-2019 оны сарын дунджаас
даруй 53 мянгаар олон хүн нас баржээ. Тухайлбал, Испанид 6, 7, 8 дугаар
сард хэт халалтын улмаас 4600 гаруй хүн нас барсан байна. Харин судлаачдын
гаргаж буй уур амьсгалын загварчлалуудаас үзэхэд, цаашид хэт халалт илүү удаан,
илүү аагим болж, давтамж нь нэмэгдэх төлөвтэй байна.2022 оны
хоёрдугаар сард “EAA” цаг
уурын гамшигт үзэгдлийн улмаас 1980-2020 оны хооронд 142 мянган хүн амиа алдаж,
510 тэрбум ам.долларын хохирол учирсан гэж мэдээлж байв. Сүйтгэлт үр
дагаварХүний буруутай
үйлдлээс үүдэлтэй уур амьсгалын өөрчлөлт нь 2022 онд ган гачиг нүүрлэх
эрсдэлийг 5-6 дахин нэмэгдүүлсэн бөгөөд тухайн онд ойн түймэр сүүлийн жилүүдтэй
харьцуулахад хоёр дахин их газар нутгийг сүйтгэсэн байна. Ган гачиг нь
эдийн засгийн ихээхэн гарз хохирол дагуулдаг. Хэрэв дэлхий Цельсийн 1.5 хэмээр
дулаарвал өдгөө есөн тэрбум евро байгаа жилд учрах санхүүгийн хохирол энэ зууны
эцэс гэхэд 25 тэрбум еврод хүрч өсөх тооцоо гарчээ. Улмаар манай гараг Цельсийн 2 хэмээр дулаарвал уг хөрөнгө мөнгөний хэмжээ
31 тэрбум евро, цаашлаад 3 хэмээр дулаарвал 45 тэрбум еврод хүрэхийг шинжлэх
ухааны тооцоолол харуулсан байна. Ган гачгийн аюул нь хөдөө аж ахуйн салбарт “сүйтгэлт” үр дагавар учруулахыг
Байгаль орчны агентлаг анхааруулж байна. Фермерүүдийн хувьд тариалангийн сорт,
тариалалтын хугацааг тохируулах, усалгааны горимыг өөрчлөх замаар температурын
өсөлт, ган гачгийн нөлөөллийг хязгаарлах боломжтойг тайланд дурджээ.
Түүнчлэн ямар
нэгэн өөрчлөлт хийхгүй бол ургац, газар тариалангийн орлого ирээдүйд ихээхэн буурах тооцоо
гарсан байна. Үүнээс гадна хэдийгээр үерийн гамшгийн улмаас хүний амь эрсдэх нь
харьцангуй бага буюу нийт нас баралтын хоёр хүрэхгүй хувийг эзэлж байгаа ч
эдийн засгийн хохирлын 56 хувийг эзэлж байгааг судлаачид анхааруулжээ.
|
https://montsame.mn/mn/read/321223
|
Шведийг НАТО-д “аль болох ойрын хугацаанд” элсүүлэх хүсэлтэй байгаагаа илэрхийлжээ
|
2023-06-14 16:03:18
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /CNN/. АНУ-ын Ерөнхийлөгч Жо Байден, НАТО-гийн тэргүүн Йенс
Столтенберг нар мягмар гарагт уулзах үеэрээ Шведийг НАТО-д элсүүлэх хүсэлтэй
байгаагаа дахин нотолжээ.Ж.Байден, Й.Столтенберг нар Вашингтон
хотноо болсон уулзалтынхаа үеэр “Шведийг Умард Атлантын эвсэлд аль болох ойрын хугацаанд элсүүлэх
хүсэлтэй байгаагаа цохон тэмдэглэсэн” гэж Цагаан ордны мэдэгдэлд дурдсан байна.Швед улс НАТО-д
элсэх хүсэлтээ ОХУ-ыг Украин руу довтолсны дараа өнгөрсөн оны тавдугаар сард гаргасан
ч Турк, Унгар улс элсэх хүсэлтийг нь соёрхон батлаагүй байгаа юм.Цагаан ордноос мэдэгдсэнээр, Ж.Байден, Й.Столтенберг нар мөн “Атлантын далай дамнасан аюулгүй
байдалд Украинд өдүүлсэн Оросын дайнаас үүдэн учрах үр дагаврын талаар хийгээд
НАТО-гийн тогтоон барих, батлан хамгаалах хүчийг үргэлжлүүлэн бэхжүүлэхийн ач
холбогдлын” талаар хэлэлцжээ.“Түүнчлэн Украинд
Оросын түрэмгийллээс өөрийгөө хамгаалахад туслалцаа үзүүлж буй холбоотнууд,
түншүүдийнхээ дэмжлэгийг сайшаасан” гэж уг мэдэгдэлд мөн дурдсан байна.Й.Столтенберг саяхан
мэдэгдэхдээ, сүүлийн үед байлдааны талбарт гаргасан Украины амжилтууд нь ирээдүйд Москватай хийх аливаа хэлэлцээнд Киевийн "байр суурийг илүү хүчтэй болгохын тулд" Барууны орнууд үргэлжлүүлэн дэмжлэг
үзүүлэх шаардлагатайг харуулж байна гэжээ.Мягмар гарагт
болсон энэхүү уулзалт нь ирэх сард Литва улсын нийслэл Вильнюс хотод болох
НАТО-гийн дээд хэмжээний уулзалтын өмнө болсноороо онцлогтой юм.
|
https://montsame.mn/mn/read/321215
|
Лондоны өмнөд хэсгээс Ромын үеийн ховор бунхан олджээ
|
2023-06-14 15:41:49
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
СОНИН ХАЧИН
|
ЛОНДОН. /ВВС/. Археологичид Их Британийн нийслэл Лондон хотын өмнөд хэсгээс маш сайн хадгалагдан үлдсэн Ромын үеийн бунхан олжээ. Тус хотын Саутуорк дүүргээс олдсон Ромын үеийн энэхүү бунхны үлдэгдлийг "үлэмж ховор" олдвор гэж тодорхойлсон
бөгөөд уг байгууламжийн шал, хана нь харьцангуй бүрэн бүтэн хадгалагдан үлдсэн байна. Археологчид энэ
газрыг Ромын нийгмийн чинээлэг хүмүүст зориулсан оршуулгын газар юм уу эсвэл булш
байсан болов уу гэж үзэж байгаа аж. Малтлагыг Лондоны археологийн музей (“MOLA”) явуулжээ.Энэхүү олдвор нь Их Британид урьд өмнө нь олдсон Ромын үеийн бунханууд
дотроос хамгийн бүрэн бүтэн хадгалагдаж үлдсэн бунхан гэж “MOLA”-гийн судлаачид үзэж байна. Байгууламжийн төв хэсэгт байрлах шигтгэмэл зураг, түүнийг хүрээлсэн өргөгдмөл
тавцан, мөн хамгийн доод талын шатнууд гэмтээгүй хадгалагдан үлджээ.Археологичид малтлагынхаа үеэр эхний давхрын дороос яг ижил загвартай шигтгэмэл зураг бүхий хавтан олж, уг байгууламж нь хоёр
давхар болохыг илрүүлжээ. Энэ газрыг
оршуулгын газар гэж үзэж байгаа хэдий ч ямар ч авс олдоогүй байна. Харин 100 гаруй
зоос, шавраар хийсэн эдлэлийн хэлтэрхий, дээврийн хавтангууд мөн төмрийн хэлтэрхийнүүд олджээ.
Энэ газарт өргөн хэмжээний малтлага хийж байгаа бөгөөд 2022 онд Лондоноос сүүлийн 50 гаруй жилийн хугацаанд олдож байгаагүй Ромын үеийн хамгийн том шигтгэмэл зургийг илрүүлсэн юм.“MOLA”- гийн археологчид уг бунхны насыг тодорхойлж, тухайн газрын
гурван хэмжээст загварыг боловсруулж
чадна гэж найдаж байна.Мөн энэ газрыг
сэргээн засварлаж, олон нийтэд зориулсан байнгын үзмэр болгохоор төлөвлөж байна.
|
https://montsame.mn/mn/read/321203
|
НҮБ: Дэлхий даяар орон гэрээ орхин явахаас аргагүйд хүрсэн хүний тоо 110 саяд дөхжээ
|
2023-06-14 14:08:39
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
НИЙГЭМ
|
ЖЕНЕВ. /AP/. Дэлхий даяар зөрчил мөргөлдөөн, хавчлага, хүний эрхийн зөрчлийн улмаас орон гэрээ орхин явахаас өөр аргагүйд хүрсэн хүмүүсийн тоо 110 саяд дөхөж байна гэж НҮБ-ын Дүрвэгсдийн асуудал эрхэлсэн дээд комиссарын газраас өнөөдөр мэдээллээ. Дүрвэгсдийн тоог түүхэн дээд үзүүлэлтэд хүрэхэд нөлөөлсөн олон хямралын урт жагсаалтын сүүлийг Суданы дайн мушгиж байгаа бөгөөд зөвхөн энэ дайны улмаас л гэхэд энэ оны дөрөвдүгээр сараас хойш хоёр сая орчим хүн дүрвэхээс өөр аргагүйд хүрчээ. “Дүрвэгсдийн тоо ийм хэмжээнд хүрсэн нь манай дэлхийн хувьд жинхэнэ "ялын тогтоол" болж байна” гэж Дүрвэгсдийн асуудал эрхэлсэн дээд комиссар Филиппо Гранди Швейцарын Женев хотноо тайланг танилцуулах үеэрээ сэтгүүлчдэд мэдээлсэн байна. Өнгөрсөн онд л гэхэд дүрвэгсдийн тоо 19 саяар нэмэгдсэний дотор Украины 11 сая гаруй иргэн багтаж байна. Ингэснээр Украины дайн нь Дэлхийн II дайнаас хойш хамгийн богино хугацаанд, хамгийн олон хүнийг дүрвэхэд хүргэсэн мөргөлдөөн болж байна.Дэлхий даяар орон гэрээ орхин явахаас өөр аргагүйд хүрсэн хүмүүсийн дийлэнх нь дотооддоо дүрвэсэн хүмүүс бол гуравны нэг буюу 35 сая нь бусад улс орон руу дүрвэн гарчээ. Дүрвэгсдийн дийлэнхийг Европ, Хойд Америкийн чинээлэг орнууд бус харин Ази, Африкийн бага, дунд орлоготой орнууд хүлээн авч байна гэж Ф.Гранди хэлсэн байна. Одоогийн байдлаар,
Турк улс хамгийн олон буюу 3.8 сая гаруй дүрвэгчийг хүлээн аваад байгаагийн дийлэнх
нь иргэний дайнаас дүрвэсэн сиричүүд байна. Тус улсын араас афганчууд голдуу
3.4 сая дүрвэгчийг хүлээн авсан Иран бичигдэж байна. Үүний зэрэгцээ Украины 5.7
сая иргэнЕвроп тивийн болон бусад орнууд руу дүрвэжээ. 2022 онд мөн харьяалалгүй
хүмүүсийн тоо 4.4 саяд хүрч өссөнийг Дүрвэгсдийн асуудал эрхэлсэн дээд
комиссарын газрын тайлан мэдээлэл харуулсан ч бодит тоон үзүүлэлт үүнээс ч хавьгүй өндөр байж магадгүй байна.
|
https://montsame.mn/mn/read/321201
|
Украины арми долоон сууринг чөлөөлснөө мэдэгджээ
|
2023-06-14 13:09:48
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
КИЕВ. /NHK/.
Украины цэргүүд улсынхаа зүүн болон өмнөд
хэсэгт нийт долоон сууринг чөлөөлөөд байна гэж тус улсын Батлан хамгаалахын
яам мэдээлжээ.Батлан
хамгаалахын дэд сайд Ханна Малиарын олон нийтийн сүлжээнүүдэд мэдээлснээр, Украины
тал Оросын цэргүүдээс 90 орчим хавтгай дөрвөлжин км-тэй тэнцэх хэмжээний газар
нутгийг буцаан авчээ. Тодруулбал, Донецк мужийн баруун хэсэгт орших Макаривка, Запорожье мужийн баруун нутгийн Новодаривка зэрэг сууринг чөлөөлсөн байна. Украины тал мөн цэргүүдээ
Бахмут хотын Донецкийн бэхлэлтийн эргэн тойронд давшиж байгаа талаар мэдээлээд,
зарим газар нутгийг эргүүлэн авсан гэж мэдэгдсэн байна. Өнгөрсөн сард ОХУ тус хотыг
хяналтдаа оруулснаа зарлаад байсан юм.Украины Ерөнхийлөгч Владимир Зеленский даваа гарагт хэлсэн үгэндээ сөрөх довтолгоо нь амжилттай болно гэдэгт итгэлтэй байгаагаа илэрхийлээд, “Манай цэргүүдийн эрч хүч
үр дүнгээ өгсөөр байна” гэж тэрбээр хэлсэн байна.Харин Оросын
Батлан хамгаалах яам цэргүүд нь янз бүрийн байрлалд Украины цэргүүдийг хориглон тулалдаж
байна гэж мэдээлжээ. Түүнчлэн Макаривкад тулалдаан үргэлжилсээр байгаа тухай
мэдээлэл Орост цацагдаж байна. Үүнээс гадна, Украины агаарын цэргийн хүчин мягмар гарагт мэдээлэхдээ, Орос 14 далавчит пуужин ашиглан дайралт
хийсэн гэжээ. Пуужинуудын нэг нь Украины зүүн нутгийн Кривой
Рог хотын орон сууцны барилгад туссан гэж мөн мэдээлсэн байна. Кривой Рог нь
В.Зеленскийн төрөлх хот аж.
Украины эрх баригчдын
мэдээлснээр, уг дайралтын үеэр зургаан хүн амиа алдаж, 25 хүн шархадсан байна.
|
https://montsame.mn/mn/read/321176
|
“Disney” компани “The Little Mermaid”-ээс сэдэвлэсэн телевизийн цуврал гаргана
|
2023-06-14 10:47:31
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
СОЁЛ УРЛАГ
|
ВАШИНГТОН. /France24/.
Америкийн “Disney” компани 1989 онд үзэгчдийн хүртээл болсон “The Little Mermaid”
хүүхэлдэйн киноноос сэдэвлэн хүүхдүүдэд зориулсан шинэ хүүхэлдэйн цуврал гаргахаар болсон талаараа мягмар гарагт мэдэгдлээ.Энэхүү цувралд
өнгөрсөн сард нээлтээ хийсэн “The Little
Mermaid” уран сайхны киноны
нэгэн адил өнгөт арьст Ариель дүр бүтээх ажээ. Одоогоор мюзикл цувралыг бүтээх
ажил үргэлжилж байгаа бөгөөд ирэх онд бяцхан үзэгчдийн хүртээл болох төлөвтэй
байна. “Disney
Junior's Ariel” нэртэй цувралд усан доорх Атлантика хаант улсын ертөнцөд найман
настай лусын гүнж Ариель болон түүний Флаундер зэрэг найз нарт тохиолдох адал явдлыг өгүүлнэ.
“Ариелийн тухай
цуврал гарах гэж байгаад сэтгэл их хөдөлж байна, сургуулийн өмнөх насныхны ертөнцөд
Ариель шиг гайхалтай дүр бий болно гэж төсөөлж байсангүй. Миний хувьд ч охиноо өөрийгөө адилтгаж харах дүртэй болж байгаад их баяртай байна” гэж “Disney” компанийн телевизийн контент хариуцсан охин компани болох “Disney
Branded Television”-ий захирал Айо Дэвис ярьжээ.
|
https://montsame.mn/mn/read/321191
|
Нууц баримт бичгийн хэрэгт Дональд Трамп буруугүй гэдгээ мэдэгджээ
|
2023-06-14 10:01:23
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
МАЙАМИ. /Reuters/. АНУ-ын Ерөнхийлөгч асан Дональд Трамп нууц баримт бичигтэй зүй бус харьцсан гэх хэрэгт буруугүй гэдгээ Майамигийн шүүхэд мэдэгджээ.АНУ-ын хууль сахиулах байгууллагууд Д.Трампыг 37 зүйл ангиар буруутгасан бөгөөд худал мэдүүлэг өгсөн, хуйвалдаан зохион байгуулсан, нууцын зэрэглэлтэй материал хадгалсан, нуун дарагдуулсан хэрэгт сэжиглэж байгаа юм.Түүнийг буруутгасан ихэнх хэрэг нь 2022 оны наймдугаар сард Флорида дахь Мар-а-Лаго эдлэнд нь нэгжлэг хийх үеэр хураан авсан 100 гаруй баримт
бичигтэй холбоотой байна. Д.Трампаас гадна түүний туслах Уолт Наутыг мөн буруутгаад байгаа юм.Дараагийн шүүх хурлын тов хараахан гараагүй байгаа ч Д.Трампын томилсон, Өмнөд Флорида муж улсын тойргийн шүүгч Эйлин Кэннон хэргийг хариуцсан хэвээр байна.
|
https://montsame.mn/mn/read/321149
|
В.Путин ОХУ үр тарианы хэлэлцээрээс гарахыг үгүйсгэсэнгүй
|
2023-06-14 09:17:07
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
МОСКВА. /RIA Novosti/. ОХУ-ын Ерөнхийлөгч Владимир Путин дайны сурвалжлагч нартай Кремльд уулзах үеэрээ Оросыг үр тарианы хэлэлцээрээс гарахыг үгүйсгэсэнгүй."Бид одоо энэ үр тарианы хэлэлцээрээс гарах талаар бодож байна. Ялангуяа хөлөг онгоцууд явдаг эдгээр коридорыг Украин нисгэгчгүй онгоц, далайн нисгэгчгүй онгоц хөөргөхөд байнга ашиглаж байна" гэж тэрбээр хэлжээ.Түүний хэлснээр, ОХУ уг хэлэлцээрээс гарсан тохиолдолд Украинаас тээвэрлэсэн хэмжээний үр тариаг ядуу буурай орнуудад үнэ төлбөргүй нийлүүлэхэд бэлэн байна. "ОХУ Украины төлөө биш, харин ядуу буурай орнуудын төлөө үр тарианы хэлэлцээрт оролцож байна" гэж ОХУ-ын Ерөнхийлөгч хэлжээ. В.Путин мөн Африкийн хэд хэдэн орны удирдагчид тус улсад айлчлах гэж байгааг мэдээлээд, тэдэнтэй үр тарианы хэлэлцээрийн талаар хэлэлцэнэ гэж мэдэгдсэн байна.Украины үр тариа, хүнс, бордоог Одесса зэрэг гурван боомтоос Хар тэнгисээр экспортлох тухай энэхүү гэрээг Орос, Турк, Украин, НҮБ-ын төлөөлөгчид 2022 оны долоодугаар сарын 22-нд анх байгуулсан бөгөөд энэ оны гуравдугаар сард 60 хоногоор, тавдугаар сард дахин хоёр сараар сунгасан. Хөлөг онгоцуудын хөдөлгөөнийг Истанбул дахь Хамтарсан зохицуулах төв зохицуулж байгаа юм.ОХУ-ын Ерөнхийлөгч В.Путин дайны сурвалжлагч нартай даваа гарагт уулзсан байна. Уулзалт хэдэн цаг үргэлжилсэн бөгөөд энэ үеэр тэрбээр өргөн хүрээний асуудлаар санал бодлоо илэрхийлжээ. Тухайлбал, өнөөдрийн байдлаар Орост дайчилгаа явуулах шаардлагагүй байгаа, Оросын дайны цаашдын үйл ажиллагаа нь "Украины сөрөх довтолгоо дуусах үеийн нөөцийн харьцаанаас шалтгаална" гэж тэрбээр үзэж байна.
|
https://montsame.mn/mn/read/321172
|
Японы нийслэлийн харьяа бүх байгууллагын үйл ажиллагаанд "ChatGPT"-ийг нэвтрүүлнэ
|
2023-06-13 16:30:18
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
НИЙГЭМ
|
ТОКИО. /Kyodo/. Японы нийслэл Токио хотын захиргаа хиймэл оюун ухаанд суурилсан “ChatGPT” чатботыг наймдугаар сараас эхлэн харьяа бүх байгууллагынхаа үйл ажиллагаанд нэвтрүүлэхээр төлөвлөж байгааг тус хотын захирагч Коикэ Юрико мягмар гарагт буюу өнөөдөр сэтгүүлчдэд мэдэгдэв."ChatGPT-ийг наймдугаар сараас эхлэн бүх байгууллагад ашиглаж эхэлнэ. Энэхүү шинэлэг технологийг бид давуу талыг нь хэрэгжүүлж, сул талыг харгалзан засаг захиргааны хэд хэдэн чиглэлд ашиглахыг зорьж байна. Тухайлбал, орон нутгийн иргэдэд зориулсан баримт бичгийг боловсруулах, мэдээллийн товхимол бэлтгэхэд ашиглана" гэж хотын захирагч хэлжээ. Японы Харилцаа холбооны сайд Мацүмото Такэаки мөн байгууллагынхаа өдөр тутмын үйл ажиллагаанд “ChatGPT”-ийг ашиглахаар төлөвлөж байгаагаа өмнө нь мэдэгдсэн байна. Үүнтэй холбоотойгоор тус улсын Эдийн засгийн аюулгүй байдлын сайд Такаити Санаэ мэдэгдэхдээ, эрх баригчид "ChatGPT" болон хиймэл оюун ухаанд суурилсан бусад программуудыг ашиглахыг нэн даруй хориглох эсвэл өөр аргаар зохицуулах бодолгүй байна гэж онцлон тэмдэглэжээ. "ChatGPT"-ийг Америкийн "OpenAI" компани 2022 оны сүүлээр гаргасан билээ.
|
https://montsame.mn/mn/read/321146
|
НАТО-гийн түүхэн дэх хамгийн том агаарын цэргийн сургуулилалт эхэлжээ
|
2023-06-13 15:13:21
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
БЕРЛИН. /DPA/. НАТО-гийн агаарын цэргийн хүчний "Air Defender 23" сургуулилалт зургаадугаар сарын 12-ны даваа гарагт Германд эхэллээ. Энэ удаагийн сургуулилалт нь 1949 онд үүсгэн байгуулснаас хойших буюу НАТО-гийн түүхэн дэх хамгийн том агаарын цэргийн сургууль болж байгаа бөгөөд тогтоон барих хүчээ харуулах зорилготой юм.Уг сургуулилалтад НАТО-гийн түнш 25 орны 10 мянган цэрэг, мөн АНУ, Нидерландын нисэх хүчний “F-35” сөнөөгч, “AWACS” тагнуулын онгоц, Японы Өөрийгөө хамгаалах агаарын цэргийн хүчний тээврийн онгоц зэрэг 250 орчим нисэх онгоц оролцож байна.Японы Өөрийгөө хамгаалах агаарын цэргийн хүчний командлалын офицерууд ажиглагчийн хувиар оролцох бөгөөд тус улс энэ сургуулилалтад Ази тивээс оролцож буй цорын ганц орон юм. Зургаадугаар сарын 23-ны өдрийг хүртэл үргэлжлэх сургуулилалтын үеэр оролцогч орнууд агаарын цэргийн хүчнийхээ уялдаа холбоог бэхжүүлэхээр төлөвлөж байна. Сургуулилалтын үеэр нисгэгчгүй нисэх онгоц болон баллистик пуужингаар өгсөн цохилтыг няцаах тактик боловсруулна. Сургуулилтууд Германы дөрвөн байршилд, мөн Нидерланд, Чехийн нутаг дэвсгэрт үргэлжилнэ.
|
https://montsame.mn/mn/read/321140
|
Пакистан Оросын газрын тосны төлбөрийг юаниар хийжээ
|
2023-06-13 14:20:25
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ЭДИЙН ЗАСАГ
|
ИСЛАМАБАД. /Reuters/. Пакистаны тал Оросоос нийлүүлсэн эхний багц түүхий газрын тосны төлбөрийг юаниар хийжээ. Энэ тухай Пакистаны Газрын тосны сайд Мусади Малик “Reuters” агентлагт ярилцлага өгөхдөө мэдэгдсэн байна. Түүний хэлснээр, эхний багцын хэмжээ 100 мянган тонн болсон бөгөөд үүний 45 мянган тонн нь Карачи боомтод ирээд байгаа аж. Гэхдээ тэрбээр нийлүүлэлтийн үнэ, хөнгөлөлтийн талаар мэдээлэл өгөөгүй байна.Оросын түүхий газрын тосыг Пакистаны “Refinery Limited” компани боловсруулна гэж сайд нэмж хэлжээ. Исламабад, Москвагийн хооронд байгуулсан шинэ гэрээний дагуу хөнгөлөлттэй үнээр нийлүүлэх ОХУ-ын түүхий газрын тосны эхний багц Карачи боомтод ирснийг Пакистаны Ерөнхий сайд Шахбаз Шариф энэ сарын 11-нд мэдэгдсэн байна. Тэрбээр энэ үйл явдлыг чухал утгатай хэмээн тодорхойлоод Пакистан, Оросын шинэ харилцааны эхлэл болж байна гэж нэмж хэлжээ.Пакистан ОХУ-ын газрын тосыг худалдан авах урт хугацааны гэрээ байгуулах сонирхолтой байгаа талаар хэвлэлүүд өнгөрсөн тавдугаар сард мэдээлж байв. Пакистан нь Хятадтай валютын своп хэлцэл хийсэн тул цаашид Оросын газрын тосны худалдан авалтын төлбөрийг юаниар хийх хүсэлтэй байна гэж тус улсын Эрчим хүчний сайд Хуррам Дастгир Хан мэдэгдсэн байна.
|
https://montsame.mn/mn/read/321132
|
“Toyota” 2027 он гэхэд шинэ үеийн цэнэг хураагуураа танилцуулна
|
2023-06-13 12:12:28
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ТЕХНОЛОГИ
|
ТОКИО. /Kyodo/. Японы автомашин үйлдвэрлэгч “Toyota Motor” компани цахилгаан тээврийн хэрэгслийн хамгийн сүүлийн үеийн хатуу төлөвт цэнэг хураагуураа 2027 он гэхэд танилцуулахаар төлөвлөж байгаагаа мэдэгджээ. Ийм цэнэг хураагууртай цахилгаан тээврийн хэрэгсэл нь нэг цэнэглэлтээр дор хаяж 1000 км замыг туулах чадвартай байх бөгөөд нэг удаагийн цэнэглэлтэд 10 хүрэхгүй минутын хугацаа шаардагдана гэж онцолжээ. Үүний зэрэгцээ тус компани энэ үзүүлэлтийг 1200 км, алсдаа 1500 км-т хүргэхээр чармайна гэдгээ тэмдэглэсэн байна. Түүнчлэн 2030 он гэхэд дэлхий даяар зарагдаж буй автомашиных нь тал орчим хувь нь ийм цэнэг хураагуураар тоноглогдсон байх болно гэж найдаж байна. “Toyota” мөн устөрөгчийн хөдөлгүүрийн технологийг үргэлжлүүлэн хөгжүүлж, нүүрсхүчлийн хийг бууруулах ажлыг иж бүрэн дэмжинэ гэдгээ онцолжээ.Япон улс устөрөгч, сэргээгдэх эрчим хүчний эх үүсвэрүүдийг ашиглах болон аж үйлдвэрийн салбараас ялгарч буй нүүрстөрөгчийн давхар ислийг дахин боловсруулах замаар 2050 гэхэд хүлэмжийн хийн ялгарал, шингээлтийн зөрүүг тэглэх зорилт тавиад байгаа юм.
|
https://montsame.mn/mn/read/321118
|
Европын Холбоо Бразил улстай газрын ховор элемент олборлох стратегийн түншлэлийг эхлүүлж байна
|
2023-06-13 11:12:50
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ЭДИЙН ЗАСАГ
|
БРЮССЕЛЬ. /FT/. Европын Холбоо /ЕХ/ газрын ховор элемент олборлох чиглэлээр хамтран ажилласны хариуд Латин Америкийн орнуудад 10 тэрбум еврогийн хөрөнгө оруулахаа амлалаа. Энэ талаар Европын комиссын тэргүүн Урсула фон дер Ляйен даваа гарагт Бразилд айлчлахдаа хийсэн хэвлэлийн бага хурлын үеэр мэдэгдсэн байна. Европын хөрөнгө оруулалтыг эн түрүүнд уур амьсгалын өөрчлөлттэй тэмцэх, ногоон эрчим хүч, дижитал эдийн засгийг хөгжүүлэх төслүүдэд хийх аж. "ЕХ нь Латин Америкийн орнуудад 10 тэрбум еврогийн хөрөнгө оруулж байгаа нь хувийн хэвшлийн хөрөнгө оруулалтыг улам ихээр татах үндэс суурь болно" гэж фон дер Ляйен хэлээд "Бид Бразилтай газрын ховор элемент олборлох стратегийн түншлэлийг эхлүүлж байна. Энэхүү түншлэл ногоон шилжилтийн гол хүчин зүйл болох эдгээр нөөцөөр манай тивүүдийн хэрэгцээг хангахад хувь нэмэр оруулах ёстой” гэж цохон тэмдэглэжээ. Тэрбээр мөн Бразилын "эрчим хүч, бордооны салбарт тулгарч буй асуудалд ЕХ-ны хориг арга хэмжээ бус Оросыг буруутгаж, Украин дахь мөргөлдөөний талаар баримталж буй Брюсселийн байр суурийг Бразил дэмжинэ гэдэгт найдаж байгаагаа илэрхийлсэн байна. ЕХ нь Бразилд байгаль орчинд ээлтэй устөрөгчийн түлшний үйлдвэрлэлд 2 тэрбум евро, ширэнгэн ойг хамгаалах төслүүдэд 430 сая еврогийн хөрөнгө оруулж байгааг тэрбээр онцолсон байна. Үүнээс гадна, "Бразилыг дахин үйлдвэржүүлэх худалдааны хамтын ажиллагаа өрнүүлж, "зөвхөн эдийн засгийн салбарын төдийгүй хамгийн өргөн хүрээний яриа хэлэлцээний платформ болохоо" амлажээ.
|
https://montsame.mn/mn/read/321115
|
Филиппинд галт уул идэвхэжсэний улмаас 13 мянга орчим хүнийг нүүлгэн шилжүүлжээ
|
2023-06-13 10:07:20
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
МАНИЛА. /BBC/. Филиппиний зүүн хойд нутагт Майон галт уулнаас халуун хайлмаг урссаар байгаа тул 13 000 орчим хүнийг нүүлгэн шилжүүлжээ. Эрх баригчид галт уулаас 6 километрийн радиуст буй бүх оршин суугчийг нүүлгэн шилжүүлнэ гэж мэдэгджээ. Одоогоор 13 мянга орчим хүнийг хоргодох байр луу шилжүүлсэн байна.Филиппиний хамгийн идэвхтэй галт уул болох Майон зургаадугаар сарын 5-наас идэвхжиж, ням гарагт халуун хайлмаг урсаж эхэлжээ. “Галт уулын лаав, чулуулгууд тогооноосоо хурдацтай урсах аюултай байна. Энэ урсгалыг гүйцэж гарахад хэцүү байх болно” гэж Филиппиний галт уул, газар хөдлөл судлалын хүрээлэнгийн захирал Тересито Баколкола хэвлэлүүдэд мэдэгдсэн байна. Түүний хэлснээр, хэрэв ойрын өдрүүдэд галт уулын дэлбэрэлт эрчимжвэл илүү олон хүнийг нүүлгэн шилжүүлэхээр төлөвлөж байгаа аж.Одоогоор бүс нутагт гуравдугаар зэрэглэлийн аюулын түвшин зарлажээ. Майон галт уул нь 2462 метр өндөр бөгөөд хамгийн сүүлд 2018 оны нэгдүгээр сард дэлбэрчээ. Сүүлийн 500 жилийн хугацаанд дор хаяж 50 удаа дэлбэрсэн байна.1814 онд болсон хамгийн хүчтэй дэлбэрэлтээр 1200 хүн амиа алдаж, Кагсава хот тэр чигтээ галт уулын үнс нурамд дарагдаж байжээ.
|
https://montsame.mn/mn/read/321105
|
Украины сөрөх довтолгоо хэдэн долоо хоног эсвэл хэдэн сар үргэлжилнэ гэж үзэж байна
|
2023-06-13 08:52:41
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
ПАРИС. /AFP/. Францын Ерөнхийлөгч Эммануэл Макрон Украины цэргүүдийн хэдхэн хоногийн өмнө эхлүүлсэн сөрөх довтолгоо хэдэн долоо эсвэл хэдэн сар үргэлжилж, мөргөлдөөнийг зогсоох талаар цаашдын хэлэлцээ хийх нөхцлийг бүрдүүлнэ гэж үзэж байна. Тэрбээр Германы Канцлер Олаф Шольц, Польшийн Ерөнхийлөгч Анджей Дуда нартай хэлэлцээ хийсний дараа хийсэн хэвлэлийн бага хурлын үеэр дээрх мэдэгдлийг хийжээ. "Украины сөрөх довтолгоо хэд хоногийн өмнө эхэлсэн, довтолгоог сайтар төлөвлөсөн. Энэхүү сөрөх довтолгоо хэдэн долоо хоног эсвэл хэдэн сар үргэлжлэх ёстой. Цэргийн хүчин чармайлтыг нь зогсоохын тулд Оросыг залхаах, Украинд дайснаа эсэргүүцэх, эзлэгдсэн газраа байлдан авахад нь туслах, гэхдээ хэзээ ч Орос руу довтлохгүй байх, энэ мөргөлдөөнийг хурцатгах аливаа хэлбэрээс зайлсхийх гэх зэрэг мөргөлдөөн эхэлснээс хойш бидний тодорхойлсон хүрээнд сөрөх довтолгоог эхлүүлэхэд Киевт туслахын тулд бид бүхнийг хийсэн" гэж Э.Макрон хэлсэн байна. Үүнтэй холбогдуулан тэрбээр Киевийг тууштай дэмжихээ онцлон тэмдэглээд, Украины Зэвсэгт хүчний давших ажиллагаа "аль болох ялалтад хүргэнэ" гэж найдаж байгаагаа илэрхийлэв. Түүний хэлснээр, "таатай нөхцөлд хэлэлцээ хийх үе шатанд шилжих эсэх нь" сөрөх довтолгооны "ялалт"-аас хамаарна."Веймарын гурвалжин" буюу Франц, Герман, Польшийн удирдагчдын уулзалт Парис хотноо даваа гарагт болжээ. Францын Ерөнхийлөгч Э.Макроны санаачилгаар зохион байгуулсан тус уулзалтаар “Украины бүрэн эрхт байдал, нутаг дэвсгэрийн бүрэн бүтэн байдлыг хангахын тулд удаан хугацаагаар үзүүлж болох аюулгүй байдлын баталгаа”, мөн украинчуудад сөрөх довтолгоогоо амжилттай явуулахад хэрхэн туслах талаар хэлэлцсэн байна.
|
https://montsame.mn/mn/read/321102
|
Хорт хавдар үүсгэдэг шинэ шалтгааныг илрүүлжээ
|
2023-06-12 16:34:24
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
ШИНЖЛЭХ УХААН
|
АДЕЛАИД. /Flinders University/. Австралийн судлаачид хорт хавдраар өвчлөх эрсдэл болон саяхан нээсэн, хүний эс дэх генийн бүлгийн нөлөөлөл хоёр хоорондоо холбоотой болохыг тогтоожээ. Энэ талаар “Flinders”-ийн их сургуулийн цахим хуудсанд баасан гарагт нийтэлжээ.Тодруулбал, Флиндерсийн их сургуулийн
эрдэмтэд өвөрмөц цагираг хэлбэрийн рибонуклейны хүчил буюу РНХ нь ДНХ-д наалдаж, эцэст нь хорт хавдар үүсгэдэг мутаци үүсгэдэг болохыг илрүүлжээ. Тэдний судалгааны тайланг “Cancer
Cell” сэтгүүлд нийтэлсэн байна. "Хүрээлэн буй орчин, генийн хүчин зүйлс нь хорт хавдрын гол шалтгаан гэж үздэг байсан бол энэхүү шинэ нээлт нь анагаах ухаан, молекул биологийн цоо шинэ
салбарыг нээж байна" гэж судалгааны удирдагч Саймон Конн хэлсэн байна."Энэ бол олон
хүний биед тохиолддог өвөрмөц генийн молекул нь ДНХ-тэй мутац үүсгэж, дотроос нь
хорт хавдар үүсгэдгийн анхны жишээ юм. Мөн энэхүү нээлт нь
эдгээр молекулын талаарх мэдлэгийг ашиглан хорт хавдрыг "эмчлэх
магадлал хамаагүй өндөр байдаг эрт үед нь" эмчлэх боломжийг нээж байна" гэж доктор С.Конн нэмж хэлжээ.
|
https://montsame.mn/mn/read/321087
|
Италийн Ерөнхий сайд асан Сильвио Берлускони таалал төгсжээ
|
2023-06-12 15:51:18
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
УЛС ТӨР
|
РОМ. /RT/. Италийн улс төрийн зүтгэлтэн, "Урагшаа Итали" намын үүсгэн байгуулагч Сильвио Берлускони 87 насандаа таалал төгссөн тухай “Corriere della Sera” сонин мэдээлэв. Тэрбээр Милан хотын эмнэлэгт таалал төгсжээ. Италийн Засгийн газрыг дөрвөн удаа тэргүүлж байсан Сильвио Берлусконид цусны хорт хавдар оношлогдсон тухай эх сурвалжууд дөрөвдүгээр сарын эхээр мэдээлж байв. Тэрбээр химийн эмчилгээ хийлгэж байсан бөгөөд Милан хотын "Сан-Рафаэле" эмнэлэгт сар гаруй эмчлүүлээд гарсныхаа дараа зургаадугаар сарын 9-нд тус эмнэлэгт дахин хүргэгджээ.
|
https://montsame.mn/mn/read/321088
|
Энэтхэгийн Ерөнхий сайд хөгжлийн асуудлаарх "G20"-ийн сайд нарын уулзалтыг нээжээ
|
2023-06-12 15:14:13
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
НИЙГЭМ
|
ШИНЭ-ДЕЛИ. /indiatoday/ “Хорийн бүлэг”-ийн /G20/ орнууд тогтвортой хөгжлийн зорилгод хөрөнгө оруулалтаа нэмэгдүүлэх ёстой гэж Энэтхэгийн Ерөнхий сайд Нарендра Моди хөгжлийн асуудлаар сайд нарын түвшинд хийж буй “G20”-ийн уулзалтыг нээж үг хэлэхдээ мэдэгдлээ. Тогтвортой хөгжлийн зорилго нь НҮБ-ын Ерөнхий Ассамблейгаас 2015 онд боловсруулан танилцуулсан харилцан уялдаа бүхий 17 зорилт бүхий "бүх хүнд илүү сайн, илүү тогтвортой ирээдүйг бий болгох төлөвлөгөө" юм."Тогтвортой хөгжлийн зорилтуудыг биелүүлэхэд хэнийг ч орхигдуулахгүй байх нь бидний хамтын үүрэг гэдэгт би бат итгэдэг. Энэ зорилгод хүрэх үйл ажиллагааны төлөвлөгөө бидэнд байгаа талаар дэлхий нийтэд хүчтэй дохио өгөх нь "G20"-ийн хувьд туйлын чухал юм. Бидний хүчин чармайлт цогц, хүртээмжтэй, шударга, тогтвортой байх ёстой. Бид тогтвортой хөгжлийн зорилтуудыг хэрэгжүүлэх хөрөнгө оруулалтыг нэмэгдүүлж, олон улс оронд тулгарч буй өрийн эрсдэлийг арилгах шийдлийг олох ёстой. Шаардлагатай хүмүүст санхүүжилт олгох боломжийг хангаж, шалгуурыг өргөжүүлэхийн тулд олон талт санхүүгийн байгууллагуудыг шинэчлэх ёстой" гэж Н.Моди хэлэв.Тэрбээр “G20”-ийн сайд нарт хандан буурай хөгжилтэй 100 гаруй бүс нутгаа өсөлтийн хурдасгуур болгон хувиргасан Энэтхэгийн туршлагыг судлахыг уриалж, технологийг дижиталчлах, ардчилах шаардлагатай байгааг цохон тэмдэглэжээ."Энэтхэгт дижиталчлал нь хувьсгалт өөрчлөлтөд хүргэсэн. Технологийг хүмүүсийн эрх, боломжийг өргөжүүлэх, мэдээллийн хүртээмжтэй байдлыг хангах хэрэгсэл болгон ашиглаж байна. Энэтхэг улс түнш орнуудтай туршлагаа хуваалцахад бэлэн байна" гэж Ерөнхий сайд нэмж хэлсэн байна.Тэрбээр мөн уур амьсгалын өөрчлөлтэй тэмцэх чиглэлээр “бодитой зарчмуудыг” боловсруулж, жендэрийн тэгш байдал, эмэгтэйчүүдийн эрх, боломжийг нэмэгдүүлэх үйл ажиллагааны хөтөлбөр батлахыг уриаллаа. Энэтхэг улс өнгөрсөн оны 12 дугаар сарын 1-нээс эхлэн “Хорийн бүлэг”-ийг даргалж байгаа бөгөөд даргалагч орны хувиар ирэх есдүгээр сарын 9-10-нд Энэтхэгийн нийслэлд болох тус бүлгийн удирдагчдын дээд хэмжээний уулзалтын өмнө 200 гаруй хурал уулзалт зохион байгуулах юм. Энэхүү дээд хэмжээний уулзалтын дараа “Хорийн бүлэг”-ийг даргалах эрхийг Бразил улсад шилжүүлэн өгнө.
|
https://montsame.mn/mn/read/321078
|
Новак Жокович "Их дуулга"-д 23 дахь удаагаа түрүүллээ
|
2023-06-12 15:11:25
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
СПОРТ
|
ПАРИС. /France24/. Сербийн
теннисчин Новак Жокович “Roland Garros” тэмцээний шувтаргын тоглолтод Норвегийн
Каспер Рудыг 7:6 (7:1), 6:3, 7:5 онооны харьцаагаар хожлоо. Тоглолт ням гарагт Парис хотноо болжээ. Н.Жокович 23 дахь удаага “Их дуулгын” тэмцээнд түрүүлж, эрэгтэйчүүдийн ганцаарчилсан төрөлд хамгийн олон түрүү авсан дээд амжилтын эзэн болжээ. Тэрбээр өмнө нь Испанийн теннисчин Рафаэль Надалийн хамт энэ үзүүлэлтээр нэгдүгээрт эрэмбэлэгдэж байсан юм. “Их дуулгын” ганцаарчилсан төрөлд хожлын
тоогоороо Н.Жокович Германы эмэгтэй теннисчин Штеффи Графыг гүйцэж,
Америкийн эмэгтэй теннисчин Серена Уильямстай тэнцээд байна.Энэхүү үзүүлэлтийн дээд
амжилтыг Австралийн эмэгтэй теннисчин Маргарет Корт эзэмшдэг хэдий ч тэрбээр 24 хожлынхоо 13 -ыг нь “Нээлттэй үеийн” өмнө (сонирхогчдын болон мэргэжлийн теннис салангид
байсан үед) авсан аж.Серб теннисчин “Roland
Garros” тэмцээнд гурав дахь удаагаа түрүүлж байгаа бөгөөд өмнө нь 2016,
2021 онд хожиж байсан юм. Тэрбээр
мөн АНУ-ын нээлттэй тэмцээнд гурван удаа, Уимблдонд долоон удаа, Австралийн
нээлттэй тэмцээнд арав түрүүлжээ.
|
https://montsame.mn/mn/read/321067
|
Казахстанд үндэсний гашуудлын өдөр зарлажээ
|
2023-06-12 13:45:04
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
НИЙГЭМ
|
АСТАНА. /Kazinform/. Казахстаны Ерөнхийлөгч Касым-Жомарт Токаев Абай мужид
гарсан ойн түймрийн улмаас амиа алдсан хүмүүсийн дурсгалыг хүндэтгэн өнөөдөр буюу зургаадугаар сарын 12-ныг үндэсний гашуудлын өдөр
болгон зарлажээ. Энэ талаар тус улсын
төрийн тэргүүний хэвлэлийн алба мэдээлсэн байна."Энэ
даваа гаргийг би үндэсний гашуудлын өдөр болгон зарлаж байна. Бид та бүхэнтэй хамт
гашуудаж, амиа алдсан хүмүүсийг санан дурсана. Та бүхнээс хүчтэй байж,
тайван амгалан байхыг хүсэж байна. Хууль сахиулах байгууллагууд, яамд гэх зэрэг бүх
чиглэлээр холбогдох арга хэмжээ авах болно" гэж тэрбээр "Семей орманы" байгалийн нөөц газарт гарсан их хэмжээний түймэрт амиа алдсан хүмүүсийн
гэр бүлийнхэнтэй уулзах үеэрээ хэлжээ.Хамгийн сүүлийн
үеийн мэдээгээр, Абай мужид гарсан түймрийн улмаас 14 хүн амиа алдсан байна.Казахстаны төрийн тэргүүн амиа алдсан хүмүүсийн ар гэрийнхэнд бүх талын дэмжлэг тусламж үзүүлэхийг Засгийн газарт даалгажээ.Казахстаны Онцгой байдлын яамнаас мэдээлснээр, Абай мужид гарсан ойн түймэр 60 мянган га талбайг хамарсан бөгөөд 300 орчим
техник хэрэгсэл, 1500 орчим хүн, 11 нисдэг тэрэг түймрийг унтраахад
оролцож байна. Мужийн засаг захиргааны төв Семей хотод орон нутгийн хэмжээнд онцгой
байдал зарлажээ.
|
https://montsame.mn/mn/read/321065
|
Хятад улс газрын тосны олборлолтоо нэмэгдүүлж, импортоос хараат байдлаа бууруулна
|
2023-06-12 12:31:39
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
ЭДИЙН ЗАСАГ
|
БЭЭЖИН. /Bloomberg/. Хятад улс импортоос хараат байдлаа бууруулахын тулд газрын тосны олборлолтын хэмжээг нэмэгдүүлж, далайн гүний өрөмдлөгт ихээхэн хөрөнгө оруулж байна гэж “Bloomberg” агентлаг мэдээлэв.Тус агентлагийн мэдээлснээр, далайн гүний өрөмдлөгийг эрчимжүүлэхээр болсон нь Хятадад газрын тосны хэрэглээ өсөн нэмэгдэж, импортоос улам бүр хараат болсонтой холбоотой аж. Газрын тосны импортоор дэлхийд тэргүүлэгч тус улс нийлүүлэлтийнхээ 70 гаруй хувийг гадаадын орнуудаас авч байна. Хятадын төрийн өмчит газрын тосны гурван том компанийн нэг болох “China National Offshore Oil Corp” гүний өрөмдлөгийн технологийг хөгжүүлэхэд ихээхэн хэмжээний хөрөнгө зарцуулж эхэлжээ. Тус компани нь Хятад, Солонгосын хойгийн дунд орших Бохайн буланг Хятадын газрын тосны хамгийн том орд болгон хувиргаад байгаа бөгөөд төрийн өмчит бусад компаниуд мөн Өмнөд Хятадын тэнгисийн зүүн хэсэгт орших Люхуа болон бусад ордуудыг өргөтгөж байгаа аж. Өнгөрсөн онд Хятадын газрын тосны 60 хувийг далайн гүн дэх цооногуудаас олборложээ. “Chevron”, “Shell” зэрэг газрын тосны томоохон компаниуд илүү хүнд нөхцөлд, илүү гүний өрөмдлөг хийх технологитой, салбарын хамгийн дэвшилтэт тоглогч хэвээр байгаа хэдий ч Хятадын компаниуд энэ ялгааг хурдацтай арилгаж байгааг Америкийн шинжээчид онцолж байна.
|
https://montsame.mn/mn/read/321060
|
Дональд Трамп шүүх хурлын дараа дэмжигчдэдээ хандаж үг хэлнэ
|
2023-06-12 11:10:00
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /CNN/.
АНУ-ын Ерөнхийлөгч асан
Дональд Трамп зургаадугаар сарын 13-нд дэмжигчдэдээ хандаж үг хэлнэ гэж түүний
хэвлэлийн төлөөлөгч Лиз Харингтон “Twitter” хуудсандаа ням гарагт мэдээлжээ. Үүнээс өмнө нууц баримт бичгийн хэргээр Д.Трампад шинэ ял тулгах шүүх хурал Майами муж улсад болох юм."Дональд
Трамп зургаадугаар сарын 13-нд Нью-Жерси муж улсын Бедминстер хотын гольфийн
клубт 20.15 цагт үг хэлнэ" гэж түүний хэвлэлийн төлөөлөгч бичжээ.Флоридагийн Өмнөд тойргийн шүүхийн цахим мэдээллийн санд өнгөрсөн долоо хоногийн баасан гарагт тавигдсан яллах дүгнэлтэд дурдсанаар, АНУ-ын хууль сахиулах байгууллагууд Д.Трамп болон түүний туслах Уолт Наутыг 38 зүйл
ангиар буруутгажээ. Өнгөрсөн оны наймдугаар сард
Флорида дахь Д.Трампын Мар-а-Лаго эдлэнд хийсэн нэгжлэгийн үеэр Холбооны улсын мөрдөх товчоо нийт 102
баримт бичгийг хураан авсны 27 нь АНУ-ын Ерөнхийлөгч асны албан өрөөнд, 75 нь агуулахын өрөөнд хадгалагдаж байсан бөгөөд 17 нь
“маш нууц” гэсэн тэмдэглэгээтэй байсан гэж уг дүгнэлтэд дурдсан байна. Бүгд найрамдах
намын улс төрч Д.Трамп төрийн тэргүүний хувьд
өөрт буй бүх баримт бичгийг задруулах эрх мэдэлтэй байсан тул ямар нэгэн хууль зөрчөөгүй гэдгээ мэдэгджээ. Гэсэн хэдий ч цөмийн салбартай холбоотой баримт бичиг нь түүний эрх мэдэлд хамаарахгүй байна. Чухамхүү ийм ангилалд хамаарах баримт бичгүүдийг Мар-а-Лагогоос олсон гэж шүүхийн мэдэгдэлд дурджээ. Ирэх онд болох ерөнхийлөгчийн сонгуульд дахин өрсөлдөнө гэдгээ мэдэгдээд байгаа Д.Трамп өөрт нь тулгаж буй ялыг Ардчилсан намын Жо
Байден тэргүүтэй АНУ-ын одоогийн засаг захиргаанаас өдөөн хатгасан улс
төрийн шийдвэр хэмээн тодорхойлжээ.
|
https://montsame.mn/mn/read/321046
|
АНУ ЮНЕСКО-д эргэн нэгдэнэ
|
2023-06-12 08:44:10
|
Жаргал.Д
|
Jargal.d@montsame.mn
|
ДЭЛХИЙН МЭДЭЭ
|
НИЙГЭМ
|
ВАШИНГТОН. /Axios/. НҮБ-ын Боловсрол, шинжлэх ухаан, соёлын байгууллага буюу ЮНЕСКО-д эргэн нэгдэх төлөвлөгөөтэй байгаагаа АНУ тус байгууллагад мэдэгджээ. Энэ талаар Төрийн департаментын төлөөлөгч “Axios” цахим хэвлэлд мэдээлжээ.АНУ-ын эрх баригчид 2011 онд Палестиныг эгнээндээ элсүүлсэнтэй нь холбогдуулан тус байгууллагыг санхүүжүүлэхээс татгалзаж, 2018 онд Израилын эсрэг бодлого явуулж байна хэмээн буруутган ЮНЕСКО-гоос гарсан юм.АНУ-ын Төрийн нарийн бичгийн даргын удирдлага, нөөцийн асуудал эрхэлсэн орлогч Ричард Верма эргэн нэгдэх төлөвлөгөөгөө ЮНЕСКО-гийн Ерөнхий захирал Одри Азулед энэ сарын 8-нд илгээсэн гэж “Axios” бичжээ. Тус хэвлэлийн мэдээлснээр, энэхүү төлөвлөгөө нь талуудын урт удаан хэлэлцээний үр дүнд юм. Ерөнхийлөгч Жо Байден ЮНЕСКО-д “Хятадын нөлөө өсөн нэмэгдэж буйг” ийнхүү сөрөхийг оролдож байна гэж сэтгүүлчид үзэж байна. ЮНЕСКО нь боловсрол, соёл, шинжлэх ухааны салбарын хамтын ажиллагаагаар дамжуулан хууль, хүний эрхийг хүндэтгэн дээдлэх, дэмжих зорилгоор 1945 онд НҮБ-ын ивээл дор байгуулагдсан олон улсын байгууллага юм.
|
https://montsame.mn/mn/read/321032
|
Нобелийн шагналтнууд энх тайвны тунхаглалд гарын үсэг зурав
|
2023-06-11 14:32:07
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
НИЙГЭМ
|
ВАТИКАН. /DW/. Бүх хүн төрөлхтний нөхөрлөл, эв нэгдлийн
бэлгэдэлд зориулсан "Ганцаараа биш" нэртэй дэлхийн хэмжээний уулзалт Ватиканд болж, олон мянган хүн оролцжээ. Зургаадугаар сарын 10-ны бямба гарагт Гэгээн Петрийн талбайд болсон уг арга хэмжээнд мөн Нобелийн 30 шагналтан оролцож, дэлхий даяар энх тайван, эв нэгдлийг уриалсан тунхаглалд гарын үсэг зуржээ."Зэвсэгт
мөргөлдөөнийг зогсооцгооё. Цөмийн зэвсэг, бөмбөгөөс ангид
байж, хүмүүсийг дахиж нутаг орноос нь цөлөхгүй,
яс үндэстнээр нь ялгаварлан хоморголохгүй байхын
төлөө, дарангуйлал,
авлига, боолчлолгүй байхын төлөө бид үзэл бодлоо илэрхийлж байна" гэж тунхаг бичигт дурджээ. Тунхаглалд Польшийн
Ерөнхийлөгч асан Лех Валенса,
Колумбын Ерөнхийлөгч асан Хуан Мануэл Сантос, Коста-Рикагийн Ерөнхийлөгч асан Оскар Ариас
Санчес зэрэг хүмүүс гарын
үсэг зурсан байна.Гэгээн Петрийн талбайд цугласан олонд тунхаглалыг Ирак дахь бэлгийн хүчирхийллийн эсрэг тэмцэлд оруулсан хүчин чармайлтынхаа төлөө 2018 онд Нобелийн энх тайвны шагнал хүртсэн Надя Мурад уншиж сонсгожээ. Тэрбээр бэлгийн хүчирхийлэл, зэвсэгт мөргөлдөөнийг зогсоохыг уриалаад "энх тайван, шударга ёс, эрх тэгш байдал хүн төрөлхтний хувь заяаг шийднэ" хэмээн мэдэгдсэн байна. Ромын Пап Францис мөн энэхүү уулзалтад үг хэлэхээр төлөвлөж байсан боловч тэрбээр эмнэлэгт мэс заслын дараах эмчилгээ хийлгэж байгаа тул хамба Мауро Гамбетти түүний илгээлтийг уншиж сонсгожээ. Францис илгээлтдээ, "Хүчирхийлэл,
дайн дажинд хуваагдсан манай дэлхийд жижиг өөрчлөлтүүд ч хангалтгүй байна. Зөвхөн зүрх
сэтгэлийн угаас төрсөн, мөн эв найрамдал нөхөрлөлийн харилцаанд суурилсан агуу оюун санааны
хийгээд нийгмийн харилцаа л хүний нэр төрийн цэвэр ариун, халдашгүй байдлыг дахин тэргүүн эгнээнд тавьж чадна" хэмээн дурдсан байна.
|
https://montsame.mn/mn/read/321012
|
“Manchester City” Аваргуудын лигт анх удаа түрүүллээ
|
2023-06-11 12:40:31
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
СПОРТ
|
ЛОНДОН. /ВВС/. Английн хөл бөмбөгийн “Manchester
City” клуб Италийн “Inter Milan”-ийг 1:0 онооны харьцаагаар хожиж “UEFA”-гийн Аваргуудын лигт анх удаа түрүүлжээ.Тэмцээний финалын тоглолт бямба гарагт Истанбул хотын “Ататурк” цэнгэлдэх хүрээлэнд болсон байна. Тоглолтын 68 дахь минутад цорын ганц гоолыг Родриго Эрнандес оруулжээ.Үүнээс өмнө тус баг Аваргуудын лигт нэг удаа буюу 2021 онд
тоглож, улмаар Английн “Chelsea” клубт хожигдож байсан юм. Энэ улиралд “Manchester City” Английн Цом, Премьер
лигт түрүүлсэн бөгөөд ийнхүү тус клуб 21 дүгээр зуунд гурван тэмцээний цомыг өргөсөн Британийн анхны клуб болжээ.
|
https://montsame.mn/mn/read/321011
|
Б.Жонсон парламентын гишүүний бүрэн эрхээсээ татгалзлаа
|
2023-06-10 11:53:40
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
ЛОНДОН./BBC/. Их Британийн Ерөнхий сайд асан Борис Жонсон парламентын Нийтийн танхимын гишүүний
бүрэн эрхээсээ татгалзлаа.Тэрбээр
парламентын гишүүдийн халдашгүй байдлын хорооны хөл хорионы үеэр Даунингийн
гудамжинд үдэшлэг зохион байгуулсан гэх хэргийн шалгалтын тайланг хүлээн авсныхаа
дараа огцорчээ. Б.Жонсон баасан
гаргийн орой хийсэн мэдэгдэлдээ “Энэ бол намайг зайлуулах гэсэн оролдлого” гэж
хэлсэн байна.Парламентын гишүүдийн
халдашгүй байдлын хороо ноён Б.Жонсоныг парламентын Нийтийн танхимын
"шударга нэгдмэл байдалд халдсан" гэж үзсэн байна. "Нийтийн
танхимын журам, бүрэн эрхийг чандлан мөрдөж ажилласан" гэж тус хороо мэдэгдэлдээ дурдаад даваа гарагт хуралдаж, тайлангаа нийтэлнэ гэж мэдээлжээ. Тэрбээр өнгөрсөн
гуравдугаар сард болсон маргаан дагуулсан сонсголын үеэр Парламентын гишүүдийн халдашгүй
байдлын хороонд мэдүүлэг өгөхдөө парламентад төөрөгдүүлсэн мэдээлэл хийсэн
гэдгээ хүлээн зөвшөөрсөн ч санаатайгаар хийсэн гэдгийг үгүйсгэсэн юм.Б.Жонсон огцорсноор, түүний сонгогдсон Уксбриж, Өмнөд
Руислип тойргийн нөхөн сонгууль болно.
|
https://montsame.mn/mn/read/320992
|
KYODO: Озэки Киришима төрсөн нутагтаа зочилж байна
|
2023-06-10 11:53:38
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
ДЭЛХИЙД БИДНИЙ ТУХАЙ
|
ТОКИО. /Kyodo/. Мэргэжлийн сүмогийн Нацү башёд озэки цол хүртсэн Монголын бөх Киришима төрсөн нутагтаа айлчлахаар өнгөрсөн даваа гарагт Нарита нисэх онгоцны
буудлаас Улаанбаатарыг зорьжээ.Өнгөрсөн сард озэки болохоосоо өмнө Кирибаяма дэвжээний
нэрээр барилдаж байсан 27 настай Киришима
цар тахлын хөл хорионы улмаас төрөлх нутаг руугаа дөрвөн жил очиж чадаагүй юм.Хаврын тэмцээний аварга тэрбээр Монголоос төрсөн зургаа дахь, Ёкозүнагийн
дараа хоёрт эрэмбэлэгдсэн бөх болж эх орондоо ирлээ.Киришима лхагва гарагт нийслэл Улаанбаатараас зүүн тийш 700
км-ийн зайд орших Дорнод аймаг буюу төрсөн нутагтаа очсон бөгөөд түүнийг нутгийнхан нь халуун
дотноор угтан авчээ.
186 см өндөр,
143 кг жинтэй Озэки Киришима зургаадугаар сарын 14-нд Японд буцаж ирнэ.
|
https://montsame.mn/mn/read/320994
|
Японы тоглоомын борлуулалт анх удаа нэг их наяд иен давжээ
|
2023-06-09 16:57:56
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
ЭДИЙН ЗАСАГ
|
ТОКИО. /Kyodo/. Японы тоглоомын зах зээлийн борлуулалт 2023 оны гуравдугаар сард дууссан санхүүгийн жилд анх удаа их наяд иений /7 тэрбум ам.доллар/ босго давжээ. Үүнд “Pokemon” зэрэг Японы аниме баатруудын бараа бүтээгдэхүүний эрэлт
хэрэгцээ гадаадын жуулчдын дунд их
байсан нь нөлөөлсөн байна. Японы Тоглоомын
холбооны мэдээлснээр, хөзөр, чихмэл тоглоом, машины загварууд болон бусад төрлийн тоглоомын
борлуулалт 952.5
тэрбум иен болж, өмнөх жилийнхээс 6.7 хувиар өсжээ. Түүнчлэн “капсул тоглоом” буюу автомат машинаас хуванцар капсултай зарагддаг жижиг
тоглоомуудын борлуулалт 35.6
хувиар өсөж, 61 тэрбум иен болсон байна.
Үүний зэрэгцээ,
Японы хүн амын насжилтын сөрөг
нөлөөллийг сааруулдаг галт
тэрэгний багц зэрэг насанд
хүрэгчдэд зориулсан тоглоомын
борлуулалт ч мөн уг өсөлтөд нөлөөлсөн байна. Мөн “Pokemon”-ы баатруудыг
дүрсэлсэн жижиг хуванцар тоглоом, чихмэл тоглоомууд гадаадын
жуулчдын сонирхлыг ихэд татжээ.
|
https://montsame.mn/mn/read/320971
|
Bloomberg: АНУ Украинд 2 тэрбум ам.долларын цэргийн тусламж үзүүлнэ
|
2023-06-09 16:55:01
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /Bloomberg/.
АНУ Украинд 2 тэрбум ам.долларын
цэргийн шинэ багц тусламж үзүүлэхээ зарлахаар бэлтгэж байгаа талаар “Bloomberg” агентлаг засаг захиргааны төлөөлөгчдийг
эш татан пүрэв гаргийн орой мэдээлжээ.Шинэ багц тусламжийг Украины
аюулгүй байдлыг хангах Америкийн санаачилгын хүрээнд /Ukraine Security Assistance Initiative/ хүрээнд олгоно гэж уг мэдээнд
дурдсан байна.
Пентагон шинэ багцын талаарх мэдэгдлийг баасан гарагт хийх төлөвтэй байна. АНУ
Украинд хэдий чинээ шаардагдана төдий хэмжээгээр тусламж үзүүлнэ гэдэгт
итгэлтэй байгаагаа Ерөнхийлөгч Жо Байден пүрэв гарагт илэрхийлсэн байна.
|
https://montsame.mn/mn/read/320982
|
АНУ-д утааны нөлөөгөөр агаарын бохирдолд өртсөн хүмүүсийн тоо ихээхэн нэмэгджээ
|
2023-06-09 15:47:29
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
НЬЮ-ЙОРК. /NYT/. АНУ-д сүүлийн арван жилийн хугацаанд утааны
нөлөөгөөр агаарын бохирдолд өртсөн хүмүүсийн тоо 27 дахин нэмэгдсэн талаар “The
New York Times” сонинд мэдээлжээ. Ой
хээрийн түймрийн утаа нь амьсгалын замын өвчний эрсдэлийг нэмэгдүүлдэг байна. Стэнфордын их
сургуулийн судлаачдын тогтоосноор, утааны нөлөөгөөр агаарын бохирдолд өртсөн
хүмүүсийн тоо сүүлийн 10 жилд 27 дахин нэмэгдсэн байна. Канадад гарсан олон ойн
түймрийн утаа АНУ-ын хэд хэдэн муж улсад агаарын чанарын сэрэмжлүүлэг гаргахад
хүргээд байгаа юм. Тухайлбал, Нью-Йорк хотын тэнгэр лхагва гаргийн үдээс хойш
харанхуйлж, Нью-Йорк муж улсын захирагч Кэти Хокул агаарын чанар муудсаныг “онцгой
байдал” хэмээн тодорхойлжээ.
Нью-Йорк муж улсын
засаг захиргааны мэдээлснээр, Канадад гарсан ойн түймрийн улмаас агаар
бохирдсон тул лхагва гарагт муж улсын төв болон зүүн хэсэгт агаарын чанарын
сэрэмжлүүлэг гаргажээ. “АНУ-ын зүүн эргийн оршин суугчид энэ жил баруун
эргийнхэнтэй харьцуулахад ойн түймрээс үүдэлтэй агаарын бохирдолд илүү их өртөнө”
гэж “Heatmap” компани мягмар гарагт утаа нэмэгдэж эхлэхээс ч өмнө тооцоолоод
байсныг “NYT”-ын мэдээнд дурдсан байна.
|
https://montsame.mn/mn/read/320944
|
Эмэгтэйчүүдийн хөл бөмбөгийн ДАШТ-ий тасалбарын борлуулалт нэг сая давжээ
|
2023-06-09 14:46:22
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
СПОРТ
|
КАНБЕРРА. /Reuters/. Эмэгтэйчүүдийн хөл бөмбөгийн 2023
оны дэлхийн аварга шалгаруулах
тэмцээний /ДАШТ/ тасалбарын борлуулалт нэг саяын босго
даваад байгаа талаар Олон улсын хөл бөмбөгийн холбооноос /ОУХБХ/ өнөөдөр мэдээлжээ. ОУХБХ-ны тэргүүн
Жианни Инфантиногийн мэдээлснээр, Австрали, Шинэ Зеландад энэ оны долоодугаар
сарын 20-ноос наймдугаар сарын 20-ны өдрүүдэд болох эмэгтэйчүүдийн хөл бөмбөгийн ес дэх
удаагийн ДАШТ-ий 1.03 сая гаруй тасалбар худалдаалагдсанаар Францад 2019 онд
болсон эмэгтэйчүүдийн ДАШТ-ий нийт борлуулалтыг давсан байна.
Ингэснээр спортын
түүхэн дэх хамгийн олон үзэгчтэй эмэгтэйчүүдийн спортын тэмцээн болоход тун
ойртож байна. Энэхүү тэмцээн нь 32 баг өрсөлдөх анхны тэмцээн гэдгээрээ онцлогтой.
ДАШТ долоодугаар сарын 20-ны өдөр Шинэ Зеланд болон 1995 оны аварга Норвегийн
шигшээ багуудын тоглолтоор эхлэхэд ердөө 41-хэн хоногийн хугацаа үлдээд байна. Мөн
тухайн өдрийн орой тэмцээнийг хамтран зохион байгуулагч Австралийн баг
Ирландын баг тамирчидтай хүчээ сорино.
|
https://montsame.mn/mn/read/320959
|
Африк тив нэгдсэн мөнгөн тэмдэгттэй болно
|
2023-06-09 14:21:26
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
ЭДИЙН ЗАСАГ
|
ЛУСАКА. /Xinhua/. Африк тивд нэгдсэн мөнгөн тэмдэгт нэвтрүүлэх төлөвлөгөө хэрэгжих шатандаа явж байна гэж Африкийн Холбооны /АХ/ Эдийн засгийн хөгжил, худалдаа, аялал жуулчлал, аж үйлдвэр, уул уурхайн асуудал эрхэлсэн дээд комиссар Альберт Мючанга пүрэв гарагт мэдээлжээ. Түүний хэлснээр, нэгдсэн мөнгөн тэмдэгттэй болох хүчин чармайлтын хүрээнд макро эдийн засгийн нийлэмжтэй байдлын шалгуурыг гишүүн орнуудын удирдагчид 2021 онд баталсан бөгөөд уг шалгуурыг Африкийн валютын хүрээлэн хэрэгжүүлэх ажээ. Тус хүрээлэнгийн төв байр Нигерид байрлах юм байна. АХ-г Африкийн валютын хүрээлэнг байгуулах асуудлаар нөөц бололцоогоо дайчлахад Африкийн хөгжлийн банк /AfDB/ хувь нэмрээ оруулна гэдгийг А.Мючанга нэмж хэлээд, улмаар уг хүрээлэн үйл ажиллагаагаа эхлүүлсний дараа АХ-ны бүх гишүүн орон макро эдийн засгийн нийлэмжтэй байдлын хэрэгжилтийнхээ талаар илтгэнэ гэсэн байна.Кенийн Ерөнхийлөгч Уильям Руто Африкт өөр өөр мөнгөн тэмдэгт ашиглаж байгаа нь тив доторх худалдаанд саад болж байгаад санаа зовниж буйгаа өмнө нь илэрхийлж байжээ. Тэрбээр тус тивд төлбөрийн хэд хэдэн бүс нутгийн дэд бүтэц бий болсныг хүлээн зөвшөөрөхийн сацуу худалдааг хөнгөвчлөх нэгдсэн систем байхгүй, мөн янз бүрийн мөнгөн тэмдэгт хэрэглэж буй зэрэг асуудлыг шийдвэрлэх шаардлагатай хэмээн хэлсэн байна.
|
https://montsame.mn/mn/read/320922
|
Испанид энэ жил хамгийн халуун хавар тохиожээ
|
2023-06-09 12:13:26
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
МАДРИД. /DW/. Испанид энэ жил хамгийн халуун хавар тохиосон талаар
тус улсын Цаг уурын агентлаг мэдээллээ. Мөн цаг уурын
ажиглалтын түүхэнд хоёрдугаарт бичигдэх хуурайшилттай хавар болж өнгөрчээ. Испанийн
Байгаль орчны яамнаас мэдээлснээр, энэ оны гуравдугаар сарын 1-нээс
зургаадугаар сарын 1-ний хооронд агаарын дундаж температур цельсийн 14.2 хэм
байжээ.Энэ нь 1991-2020
оны дунджаас 1.8 хэмээр халуун байсан гэсэн үг юм. Түүнчлэн 1997 онд бүртгэгдэж
байсан өмнөх дээд үзүүлэлтээс 0.3 хэмээр халуун байжээ. Гэхдээ эдгээр тоон
үзүүлэлт нь эх газрын Испанид хамаарах бөгөөд Канад, Балеарын арлуудыг
оруулаагүй байна. “Өнгөрсөн дөрвөн
улирлын гурав нь түүхэн дэх хамгийн халуун улирал болж бүртгэгдлээ. Температурын дээд
үзүүлэлт эвдэгдэхэд бид дасаж эхэлж байна” гэж Цаг уурын агентлагийн хэвлэлийн
төлөөлөгч Рубен дель Кампо ярьжээ. Цаг уурын
агентлагийн цаг уурч Эстрелла Гутьерресийн мэдээлснээр, Испанид энэ жил ер
бусын халуун зун болох “өндөр магадлалтай” байгаа бөгөөд ялангуяа эх газрын
зүүн хагас, Канар, Балеарын арлуудад халуун байх төлөвтэй байна. Гэхдээ Д.Кампо
хэлэхдээ, энэ жил 2022 оны зуны халууныг давж халах магадлал бага байна гэжээ.
Испанид энэ он
гарсаар эхний томоохон ойн түймэр гуравдугаар сард буюу ердийнхөөс эрт гарсан
юм. Түүнчлэн ган гачиг нүүрлэж байгаа нь хөдөө аж ахуйн салбарын үйлдвэрлэлийг
эрс багасгаж байна. Газар дундын тэнгисийн энэхүү улс нь оливын тосны томоохон
экспортлогч бөгөөд дэлхийн нийт үйлдвэрлэлийн тэн хагас орчимтой тэнцэх хувийг
бүрдүүлдгээс гадна Европын Холбооны жимс, хүнсний ногооны хамгийн том нийлүүлэгч
юм.
|
https://montsame.mn/mn/read/320926
|
АНУ-ын Төрийн нарийн бичгийн дарга Хятадад ирэх долоо хоногт айлчлахаар төлөвлөж байна
|
2023-06-09 10:45:19
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /Politico/. АНУ-ын Төрийн нарийн бичгийн дарга Энтони Блинкен Хятадын нийслэл Бээжин хотыг
ирэх долоо хоногт зорихоор төлөвлөж байна гэж уг төлөвлөгөөний талаар мэдээлэл
бүхий хоёр хүн “Politicо” сонинд
мэдээлжээ.Э.Блинкен энэ оны хоёрдугаар сард Бээжинд айлчлахаар
төлөвлөж байсан боловч АНУ-ын цэргийн
чухал объектын дээгүүр нисэж байсан Хятадын агаарын бөмбөлгийг илрүүлсний дараа айлчлалаа хойшлуулсан
юм.
Төрийн департамент хөтөлбөрийг нь эцэслэн боловсруулж буй Э.Блинкений айлчлал нь 2018
онд тухайн үеийн Төрийн нарийн бичгийн дарга Майк Помпеогийн айлчлалаас хойших Хятад улсад хийж буй АНУ-ын хамгийн өндөр
түвшний айлчлал болно.
|
https://montsame.mn/mn/read/320906
|
В.Зеленский далан нурсны улмаас үерт автсан бүсэд очжээ
|
2023-06-09 10:33:24
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
КИЕВ. /NHK/. Украины Ерөнхийлөгч Владимир Зеленский өмнөд
нутгийн Нова Каховка хотод далан нурсны улмаас үерт автсан бүсийн байдалтай биечлэн танилцаж, үүсээд буй нөхцөл байдалд авах хариу арга хэмжээний
талаар орон нутгийн эрх баригчидтай хэлэлцжээ.Херсон мужийн
Нова Каховка хотын усан цахилгаан станцын далан мягмар гарагт нурж, улмаар ойролцоох бүсүүдэд үерийн
аюул нүүрлээд байгаа юм. В.Зеленский олон нийтийн сүлжээн дэх хуудсандаа, Херсон мужид
очиж, үерийн улмаас учирсан хохирлыг үнэлэх, оршин суугчдыг нүүлгэн шилжүүлэх,
тэдэнд дэмжлэг үзүүлэх, түүнчлэн цаашид явуулах цэргийн ажиллагааны талаар холбогдох албаныхантай хэлэлцлээ хэмээн нийтэлсэн байна.АНУ-ын “Дайны судалгааны
хүрээлэн” -гээс лхагва гарагт гаргасан тайланд дурдсанаар, Нова
Каховкагийн далан сүйдсэн нь Днепр мөрний зүүн эрэг дэх Оросын цэргийн байрлалд
нөлөөлж байгаа бөгөөд үер Украины довтолгооны эсрэг ашиглахаар
төлөвлөж байсан Оросын армийн бэхлэлтүүдийг сүйтгэжээ. Мөн эргийн дагуух Оросын минын
талбайнууд сүйдсэн байна.Тайланд мөн, “Оросын
арми болон эзлэгдсэн бүс нутгийн эрх баригчид Херсонд болсон үерт зохион
байгуулалт муутай хариу арга хэмжээ авч, улмаар эзлэгдсэн бүс нутгийн энгийн
ард иргэдэд учрах хохирлыг улам бүр хүндрүүлж байна” хэмээн бичжээ. Түүнчлэн Их Британийн
Батлан хамгаалах яамнаас пүрэв гарагт мэдээлэхдээ, “Байлдааны ээдрээтэй дүр
зургаас үзэхэд, фронтын олон хэсэгт ширүүн тулаан үргэлжилсээр байна. Ихэнх бүсэд
Украин санаачилгыг гартаа авч байна” гэсэн байна. Украины армийн сөрөх
довтолгоо эрчимжиж байгааг энэ мэдээлэл харуулжээ.
|
https://montsame.mn/mn/read/320918
|
НҮБ-ын Аюулгүйн Зөвлөл Сомали дахь цэргийн бааз руу халдсан явдлыг зэмлэн буруушаажээ
|
2023-06-09 09:36:42
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
НЬЮ-ЙОРК. /UN/. НҮБ-ын
Аюулгүйн Зөвлөл Сомали дахь Африкийн Холбооны энхийг сахиулах ажиллагааны
/ATMIS/ Доод Шабелле мужийн Було-Мареер суурин дахь цэргийн баазад “Аль-Шабааб” бүлэглэл тавдугаар сарын
26-нд террорист халдлага үйлдсэнийг эрс зэмлэн буруушаажээ.Аюулгүйн
Зөвлөлийн гишүүд халдлагын үеэр амь насаа алдсан Уганда улсын энхийг
сахиулагчдад хүндэтгэл илэрхийлээд, хохирогчдын ар гэрийнхэнд болон Уганда улсын
Засгийн газар, ард түмэнд гүн эмгэнэл илэрхийлсэн байна.Мөн Аюулгүйн Зөвлөл Сомали улсад үүргээ нэр хүндтэйгээр үргэлжлүүлэн гүйцэтгэж буй
“ATMIS”-ийн бүх алба хаагчдад хүндэтгэл үзүүлж, Сомали улсад энх тайван,
тогтвортой байдлыг хангах үйлсэд хүчин зүтгэж буйд талархал
илэрхийлжээ.Түүнчлэн террорист
халдлага үйлдсэн гэмт этгээдүүд, зохион байгуулагчид, санхүүжүүлэн ивээн
тэтгэгчдэд шүүхийн хариуцлага хүлээлгэх шаардлагатайг цохон тэмдэглээд, энэ
асуудлаар Сомали улсын Засгийн газар болон бусад холбогдох эрх бүхий
байгууллагуудтай идэвхтэй хамтран ажиллахыг бүх улс оронд уриалсан байна. Терроризм, түүний бүх хэлбэр нь олон улсын энх тайван,
аюулгүй байдалд заналхийлж буй хамгийн ноцтой аюулын нэг гэдгийг Аюулгүйн Зөвлөлийн
гишүүд дахин нотолжээ.
Сомали улсын нийслэл Могадишо хотоос баруун өмнөд зүгт 120 орчим км-ийн зайд орших “ATMIS”-ын Було-Мареер дахь цэргийн бааз тавдугаар сарын
26-нд “Аль-Шабааб” бүлэглэлийн босогчдын халдлагад өртсөн
байна. Улмаар Угандагийн цэргүүд баазыг эргүүлэн хяналтдаа авсны
дараа тус улсын энхийг
сахиулагчдын 54 цогцос олджээ.
|
https://montsame.mn/mn/read/320889
|
АНУ, Их Британи цэвэр эрчим хүч, хиймэл оюун ухааны салбарт хамтын ажиллагаагаа гүнзгийрүүлнэ
|
2023-06-09 09:09:50
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ВАШИНГТОН. /Reuters/.
АНУ-ын Ерөнхийлөгч Жо Байден, Их
Британийн Ерөнхий сайд Риши Сунак нар АНУ, Их Британийн эдийн засгийн нягт
харилцааг гүнзгийрүүлэхээр тохиролцож, цэвэр эрчим хүчний шилжилтийг түргэсгэж,
нэн чухал ашигт малтмалын нийлүүлэлтийн сүлжээг бэхжүүлэхээ амлав.Хоёр орны
удирдагчид мөн “Украины ард түмэнд тууштай дэмжлэг үзүүлэх” талаар хэлэлцсэн
гэж Ж.Байден Их Британийн удирдагчтай хийсэн хамтарсан хэвлэлийн бага хурлын
үеэр сэтгүүлчдэд мэдээлжээ. Ж.Байден, Р.Сунак
нар уулзалтынхаа үеэр “Атлантын тунхаглал”-д гарын үсэг зурсан бөгөөд Их
Британийн Ерөнхий сайд уг баримт бичгийг хиймэл оюун ухаан болон эдийн засаг,
арилжааны харилцааны бусад асуудлаарх ирээдүйн хамтын ажиллагааг тодорхойлсон
анхны эдийн засгийн түншлэл гэж тодорхойлсон байна. “Европын
Холбооноос гарсныхаа дараа Их Британи ямар түнш байх вэ гэж хүмүүс гайхаж байсан. Биднийг үйл хэрэг, үйлдлээр маань дүгнээрэй гэж хэлмээр байна. Урьдын адил бид үнэт зүйлдээ үнэнч, найдвартай холбоотон, хөрөнгө оруулагчдын
сонирхлыг татдаг хэвээр байгаа” гэж Р.Сунак хэлжээ. Талууд мөн хиймэл
оюун ухаан, Умард Ирландын талаар хийгээд эдийн засаг, аюулгүй байдлын салбарын
харилцан сонирхсон асуудлуудаар хэлэлцсэн байна. Украины Нова
Каховка хотод далан сүйдсэн явдалд Орос буруутай эсэхийг барууны холбогдох албаныхан тогтоохоор ажиллаж буй үед энэхүү уулзалт болжээ. Далан нурсны улмаас олон
арван мянган хүнийг нүүлгэн шилжүүлэхэд хүрээд байгаагаас гадна эдийн засаг,
байгаль орчинд ноцтой хохирол учраад байна. Украин, Оросын талууд уг хэрэг явдалд
харилцан бие биеэ буруутгасаар буй. Ж.Байден, Р.Сунак
нар хамгийн сүүлд Японы Хирошима хотод өнгөрсөн сард болсон “Долоогийн бүлэг”-ийн
дээд хэмжээний уулзалтын үеэр уулзсан юм. Мөн дөрөвдүгээр сард Умард Ирландын
нийслэл Белфаст хотод, гуравдугаар сард АНУ-ын Сан-Диего хотод уулзсан билээ.
Пүрэв гаргийн
хэлэлцээний үеэр Р.Сунак хиймэл оюун ухааны салбарын аюулгүй байдалтай
холбоотой асуудлыг хөндөөд, Их Британи энэ намар энэ асуудлаарх анхны дээд
хэмжээний уулзалтыг зохион байгуулна гэж мэдэгджээ. Уг уулзалтын үеэр хиймэл
оюун ухаанаас учрах эрсдэлийг олон улсын зохицуулалтын тусламжтайгаар хэрхэн
бууруулах талаар хэлэлцэх ажээ.
|
https://montsame.mn/mn/read/320908
|
“Danuri” урьдчилан тооцоолсноос хоёр жилээр сунаж ажиллах төлөвтэй байна
|
2023-06-08 18:46:07
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
ШИНЖЛЭХ УХААН
|
СӨҮЛ. /Yonhap/. БНСУ-ын “Danuri” сансрын автомат төхөөрөмж эрчим хүч хэмнэх
горимынхоо ачаар урьдчилан тооцоолж байснаас хоёр жилээр сунаж ажиллах төлөвтэй
байгаа талаар тус улсын Засгийн газрын өндөр албан тушаалтан лхагва гарагт
мэдээлжээ.“Эрчим хүчний
хэрэглээ, үлдсэн түлшний хэмжээнээс нь үзэхэд “Danuri” 2025 он хүртэл ажиллах боломжтой гэж бид үзэж
байна” хэмээн Шинжлэх ухааны яамны дэд сайд О Тэ Сог Сежон хотод болсон
хэвлэлийн хурлын үеэр сэтгүүлчдэд мэдээлсэн байна. “Korea
Pathfinder Lunar Orbiter” гэж мөн нэрлэгддэг
“Danuri” нь дэлхийн тойрог
замаас цааш гарсан БНСУ-ын анхны сансрын аппарат бөгөөд сансарт 145 хоног
аялсныхаа дараа өнгөрсөн оны 12 дугаар сарын 27-нд Сарны тойрог замд орсон юм.
Улмаар нэг сар орчмын турш туршилт хийсний эцэст хоёрдугаар сарын 4-нөөс үндсэн
ажиллагаагаа эхлүүлжээ. Энэхүү төхөөрөмж нь манай гаргийн
дагуулын гадаргаас 100 гаруй км зайнаас зургаан багаж ашиглан гадаргуу, соронзон хүч, гамма туяа болон бусад шинж
чанарыг нь нэг жилийн турш хэмжиж, судалгаа
шинжилгээ хийх ажээ. Мөн ирээдүйд
хөөргөх төхөөрөмжүүдийн буух боломжтой газруудыг тодорхойлно.
Албаны төлөөлөгчийн
мэдээлснээр, “Danuri” жилд 30
орчим кг түлш зарцуулдаг бөгөөд өнгөрсөн оны 10 дугаар сарын байдлаар 86 кг
түлштэй байжээ. Үүнээс үзэхэд уг төхөөрөмж дахин хоёр жил даалгавраа биелүүлэх
боломжтой хэмээн тэрбээр ярьсан байна.
|
https://montsame.mn/mn/read/320881
|
CNBC: И.Маск Ерөнхий сайд Л.Оюун-Эрдэнэтэй Монголд үйл ажиллагаагаа тэлэх талаар ярилцжээ
|
2023-06-08 18:45:13
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
ДЭЛХИЙД БИДНИЙ ТУХАЙ
|
ВАШИНГТОН. /CNBC/. Монгол Улсын Ерөнхий сайд Л.Оюун-Эрдэнэ, “Tesla” компанийн
гүйцэтгэх захирал Илон Маск нар даваа гарагт цахимаар уулзаж, Ази тивийн тус улсад үйл ажиллагаагаа тэлэх, хөрөнгө оруулах боломжийн талаар
ярилцав.“Талууд цахилгаан
автомашины цэнэг хураагуурын гол түүхий эд болох
зэс, газрын ховор элементийн нөөцийг ашиглан “Tesla”-гийн цэнэг хураагуурын үйлдвэрийг Монголд байгуулах боломжийн талаар
ярилцлаа” гэж Монгол Улсын
Засгийн газрын мэдэгдэлд дурджээ. Зүүн Азийн тус улс нь эрдэс баялгаар арвин бөгөөд зэс,
алт, нүүрсний томоохон орд
газруудтай юм. “Монголын Засгийн газар ногоон технологийг хөгжүүлэх, хөрөнгө оруулалтыг
нэмэгдүүлэхэд хувь нэмрээ оруулах
олон улсын байгууллагуудтай хамтран ажиллана” гэж уг мэдэгдэлд дурджээ.Засгийн газрын хэрэг эрхлэх газрын мэдэгдэлд мөн, Ерөнхий сайд цахилгаан автомашины хэрэглээг дэмжиж байгаагаа
онцлон тэмдэглэж, иргэдээ ийм тээврийн хэрэгсэл хэрэглэхийг уриалсныг онцолжээ.И.Маск, Л.Оюун-Эрдэнэ нар мөн “SpaceX” компанийн хиймэл дагуулуудад суурилсан интернэтийн үйлчилгээ
үзүүлэгч “Starlink”-ийн салбарыг Монголд нээх талаар ярилцжээ. “Starlink” нь 2022 онд Монголд компаниа бүртгүүлсэн бөгөөд энэ онд үйл ажиллагаагаа
эхлүүлэх төлөвтэй байна.
Өнгөрсөн долоо
хоногт И.Маск Хятадын Шадар сайд Дин Сюэсян тэргүүтэй өндөр түвшний төлөөлөгчидтэй уулзсан
юм. “Tesla”-гийн гүйцэтгэх захирал Хятадад очих үеэрээ тус улсын
технологийн дэвшлийг сайшааж, Шанхай дахь “Tesla”-гийн гига-үйлдвэрт зочилжээ.
|
https://montsame.mn/mn/read/320858
|
Индонезийн баруун нутагт хүчтэй газар хөдөлжээ
|
2023-06-08 16:23:35
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
ЖАКАРТА. /Xinhua/. Индонезийн баруун нутгийн Зүүн Ява мужид өнөө өглөө 6.0 магнитудын хүчтэй газар
хөдлөлт болсон хэдий ч цунамийн аюул нүүрлээгүй гэж тус улсын Цаг уур, орчны шинжилгээ,
геофизикийн агентлаг мэдээлжээ.Газар хөдлөлтийн голомт Пацитан дүүргээс баруун өмнө зүгт 117 км-т, далайн дор 10 км-ийн гүнд байжээ. Харин Европ-Газар Дундын тэнгисийн газар хөдлөл судлалын төв 5.6 магнитудын хүчтэй газар хөдөлсөн гэж мэдээлсэн байна.
Уг газар
хөдлөлтийн чичирхийлэл нь далайн томоохон давлагаа үүсгээгүй байна. Индонез нь Номхон далайн “Галт цагираг” гэж нэрлэдэг бүсэд оршдог тул газар хөдлөлт, галт уулын дэлбэрэлт, цунамийн гамшигт үе үе нэрвэгддэг.
|
https://montsame.mn/mn/read/320866
|
НҮБ-ын тэргүүн байгаль дэлхийтэйгээ эвлэрэн найрамдахыг уриалжээ
|
2023-06-08 14:26:17
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
БАЙГАЛЬ ОРЧИН
|
НЬЮ-ЙОРК. /The
Guardian/. Канадад дэгдсэн ойн
түймрийн улмаас Хойд Америкийн олон сая оршин суугчийн амьсгалж буй агаарын
чанар муудаад байгаа энэ үед НҮБ-ын тэргүүн ойн түймрийн эрсдэлийг бууруулахын
тулд яаралтай арга хэмжээ авахыг уриаллаа.А.Гутерреш “Twitter” хуудсандаа ийнхүү нийтлэхдээ Нью-Йорк
хот дахь НҮБ-ын төв байрны 38 дугаар давхар дахь ажлын өрөөнийхөө цонхоор харж
буй зургаа хавсаргасан байна. Уг зурагт улбар шар өнгөтэй түймрийн утаа хотыг бүрхсэн
байгаа нь харагдаж байжээ. “Канадын түймрийн
утааны улмаас агаарын чанар муудаж байгаа нь Нью-Йорк дахь НҮБ-ын байранд байгаа
бидэнд мэдрэгдэж байна. Дэлхийн температур өсөхийн хэрээр ойн түймрийн
эрсдэлийг бууруулах шаардлага улам бүр нэмэгдэж байна. Бид байгаль дэлхийтэйгээ
эвлэрэн найрамдах хэрэгтэй” гэж НҮБ-ын тэргүүн мэдэгджээ.
Канад улс
тавдугаар сарын эхэн үеэс ойн түймэртэй тэмцэж байгаа бөгөөд түймрийн 400 гаруй
голомт идэвхтэй хэвээр байна. Ойн түймэр дэгдсэнээс хойш 3.8 сая гаруй га талбай шатаж, 20 мянга гаруй хүнийг
нүүлгэн шилжүүлээд байна.
|
https://montsame.mn/mn/read/320862
|
Турк улсыг ЕХ-нд элсүүлэх тухай яриа хэлэлцээг урагшлуулахыг уриалжээ
|
2023-06-08 13:49:23
|
Одон.Д
|
odondarjaa@montsame.gov.mn
|
ДЭЛХИЙН МЭДЭЭ
|
УЛС ТӨР
|
АНКАРА. /Anadolu/. Туркийн Ерөнхийлөгч Режеп Тайип Эрдоган лхагва гарагт Европын Зөвлөлийн тэргүүн Шарль Мишельтэй утсаар ярих үеэрээ Турк улсыг Европын Холбоонд /ЕХ/ элсүүлэх тухай яриа хэлэлцээг урагшлуулах шаардлагатай байгааг онцолжээ.“Европын хувьд стратегийн
ач холбогдол бүхий Турк улсыг ЕХ-нд бүрэн эрхт
гишүүнээр элсүүлэх чиглэлээр тодорхой,
бодитой хөтөлбөр бүхий яриа хэлэлцээг бүх түвшинд өргөжүүлэх шаардлагатай”
гэж Р.Эрдоган хэлсэн байна.Түүнчлэн Анкара,
Брюссель хоорондын гаалийн холбооны
хэлэлцээрийг шинэчлэх, Турк иргэдийг ЕХ-нд визгүй зорчих боломжоор хангах, мөн шилжин суурьших асуудлыг зохицуулах, терроризмтой тэмцэх асуудлаар хоёр талын
хамтын ажиллагааг бэхжүүлэх нь чухал болохыг Туркийн төрийн тэргүүн онцлон тэмдэглэжээ.
Турк улс нь ЕХ-нд элсэх тухай яриа хэлэлцээг 2005
онд эхлүүлсэн хэдий ч 2016
онд болсон төрийн эргэлт
хийх оролдлогын дараа Р.Эрдоганы зарласан онц
байдал удаан үргэлжилснээс хойш уг
хэлэлцээ хэдэн жилийн турш зогсонги байдалд ороод байгаа юм.
|
https://montsame.mn/mn/read/320840
|
Ж.Трюдо “Долоогийн бүлэг”-ийн уулзалтын үеэр Хирошимагийн музейд хоёр удаа зочилжээ
|
2023-06-08 11:36:14
|
Хулан.Э
|
khulan@montsame.gov.mn
|
ДЭЛХИЙН МЭДЭЭ
|
УЛС ТӨР
|
ТОКИО. /NHK/.
Канадын Ерөнхий сайд Жастин Трюдо
өнгөрсөн сард “Долоогийн бүлэг”-ийн дээд хэмжээний уулзалтад оролцох үеэрээ
Хирошима хотын Энх тайвны дурсгалын музейд хоёр удаа зочилжээ.“Долоогийн бүлэг”-ийн
удирдагчид 1945 онд атомын бөмбөгдөлтөд өртөх үеийн Хирошимагийн бодит байдлыг дэлгэрэнгүй
харуулсан музейг дээд хэмжээний уулзалтын эхний өдөр буюу тавдугаар сарын 19-нд
үзэж сонирхсон юм. Тэд музейг үзэхэд 40 орчим минут зарцуулжээ.Харин Токио дахь
Канадын Элчин сайдын яамнаас мэдээлснээр, Ж.Трюдо Япон дахь айлчлалынхаа
сүүлийн өдөр буюу тавдугаар сарын 21-нд үзмэрүүдийг нь илүү анхааралтай үзэхээр музейд
дахин зочилжээ. Гэхдээ энэ нь хувийн айлчлал байсан тул ЭСЯ өөр дэлгэрэнгүй
мэдээлэл өгөөгүй байна.
Ж.Трюдо тавдугаар
сарын 21-нд болсон дээд хэмжээний уулзалтын дараах хэвлэлийн бага хурлынхаа
үеэр, Орос Украин руу довтолсон явдал хийгээд БНАСАУ-аас учрах цөмийн аюул
заналыг нухацтай авч үзэх хэрэгтэй хэмээн мэдэгджээ. Түүнчлэн энэ удаагийн дээд
хэмжээний уулзалт нь цөмийн зэвсгээс ангид дэлхий ертөнцийг цогцлоогоод
зогсохгүй зөрчил мөргөлдөөнийг арилгах чиглэлд хүчин чармайлт тавихаа амлах
боломжийг удирдагчдад бүрдүүлснийг онцолсон байна.
|
https://montsame.mn/mn/read/320843
|
Subsets and Splits
No community queries yet
The top public SQL queries from the community will appear here once available.