Lk 1:1 quoniam quidem multi conati sunt ordinare narrationem quae in nobis conpletae sunt rerum Lk 1:2 sicut tradiderunt nobis qui ab initio ipsi viderunt et ministri fuerunt sermonis Lk 1:3 visum est et mihi adsecuto a principio omnibus diligenter ex ordine tibi scribere optime Theophile Lk 1:4 ut cognoscas eorum verborum de quibus eruditus es veritatem Lk 1:5 fuit in diebus Herodis regis Iudaeae sacerdos quidam nomine Zaccharias de vice Abia et uxor illi de filiabus Aaron et nomen eius Elisabeth Lk 1:6 erant autem iusti ambo ante Deum incedentes in omnibus mandatis et iustificationibus Domini sine querella Lk 1:7 et non erat illis filius eo quod esset Elisabeth sterilis et ambo processissent in diebus suis Lk 1:8 factum est autem cum sacerdotio fungeretur in ordine vicis suae ante Deum Lk 1:9 secundum consuetudinem sacerdotii sorte exiit ut incensum poneret ingressus in templum Domini Lk 1:10 et omnis multitudo erat populi orans foris hora incensi Lk 1:11 apparuit autem illi angelus Domini stans a dextris altaris incensi Lk 1:12 et Zaccharias turbatus est videns et timor inruit super eum Lk 1:13 ait autem ad illum angelus ne timeas Zaccharia quoniam exaudita est deprecatio tua et uxor tua Elisabeth pariet tibi filium et vocabis nomen eius Iohannem Lk 1:14 et erit gaudium tibi et exultatio et multi in nativitate eius gaudebunt Lk 1:15 erit enim magnus coram Domino et vinum et sicera non bibet et Spiritu Sancto replebitur adhuc ex utero matris suae Lk 1:16 et multos filiorum Israhel convertet ad Dominum Deum ipsorum Lk 1:17 et ipse praecedet ante illum in spiritu et virtute Heliae ut convertat corda patrum in filios et incredibiles ad prudentiam iustorum parare Domino plebem perfectam Lk 1:18 et dixit Zaccharias ad angelum unde hoc sciam ego enim sum senex et uxor mea processit in diebus suis Lk 1:19 et respondens angelus dixit ei ego sum Gabrihel qui adsto ante Deum et missus sum loqui ad te et haec tibi evangelizare Lk 1:20 et ecce eris tacens et non poteris loqui usque in diem quo haec fiant pro eo quod non credidisti verbis meis quae implebuntur in tempore suo Lk 1:21 et erat plebs expectans Zacchariam et mirabantur quod tardaret ipse in templo Lk 1:22 egressus autem non poterat loqui ad illos et cognoverunt quod visionem vidisset in templo et ipse erat innuens illis et permansit mutus Lk 1:23 et factum est ut impleti sunt dies officii eius abiit in domum suam Lk 1:24 post hos autem dies concepit Elisabeth uxor eius et occultabat se mensibus quinque dicens Lk 1:25 quia sic mihi fecit Dominus in diebus quibus respexit auferre obprobrium meum inter homines Lk 1:26 in mense autem sexto missus est angelus Gabrihel a Deo in civitatem Galilaeae cui nomen Nazareth Lk 1:27 ad virginem desponsatam viro cui nomen erat Ioseph de domo David et nomen virginis Maria Lk 1:28 et ingressus angelus ad eam dixit have gratia plena Dominus tecum benedicta tu in mulieribus Lk 1:29 quae cum vidisset turbata est in sermone eius et cogitabat qualis esset ista salutatio Lk 1:30 et ait angelus ei ne timeas Maria invenisti enim gratiam apud Deum Lk 1:31 ecce concipies in utero et paries filium et vocabis nomen eius Iesum Lk 1:32 hic erit magnus et Filius Altissimi vocabitur et dabit illi Dominus Deus sedem David patris eius Lk 1:33 et regnabit in domo Iacob in aeternum et regni eius non erit finis Lk 1:34 dixit autem Maria ad angelum quomodo fiet istud quoniam virum non cognosco Lk 1:35 et respondens angelus dixit ei Spiritus Sanctus superveniet in te et virtus Altissimi obumbrabit tibi ideoque et quod nascetur sanctum vocabitur Filius Dei Lk 1:36 et ecce Elisabeth cognata tua et ipsa concepit filium in senecta sua et hic mensis est sextus illi quae vocatur sterilis Lk 1:37 quia non erit inpossibile apud Deum omne verbum Lk 1:38 dixit autem Maria ecce ancilla Domini fiat mihi secundum verbum tuum et discessit ab illa angelus Lk 1:39 exsurgens autem Maria in diebus illis abiit in montana cum festinatione in civitatem Iuda Lk 1:40 et intravit in domum Zacchariae et salutavit Elisabeth Lk 1:41 et factum est ut audivit salutationem Mariae Elisabeth exultavit infans in utero eius et repleta est Spiritu Sancto Elisabeth Lk 1:42 et exclamavit voce magna et dixit benedicta tu inter mulieres et benedictus fructus ventris tui Lk 1:43 et unde hoc mihi ut veniat mater Domini mei ad me Lk 1:44 ecce enim ut facta est vox salutationis tuae in auribus meis exultavit in gaudio infans in utero meo Lk 1:45 et beata quae credidit quoniam perficientur ea quae dicta sunt ei a Domino Lk 1:46 et ait Maria magnificat anima mea Dominum Lk 1:47 et exultavit spiritus meus in Deo salutari meo Lk 1:48 quia respexit humilitatem ancillae suae ecce enim ex hoc beatam me dicent omnes generationes Lk 1:49 quia fecit mihi magna qui potens est et sanctum nomen eius Lk 1:50 et misericordia eius in progenies et progenies timentibus eum Lk 1:51 fecit potentiam in brachio suo dispersit superbos mente cordis sui Lk 1:52 deposuit potentes de sede et exaltavit humiles Lk 1:53 esurientes implevit bonis et divites dimisit inanes Lk 1:54 suscepit Israhel puerum suum memorari misericordiae Lk 1:55 sicut locutus est ad patres nostros Abraham et semini eius in saecula Lk 1:56 mansit autem Maria cum illa quasi mensibus tribus et reversa est in domum suam Lk 1:57 Elisabeth autem impletum est tempus pariendi et peperit filium Lk 1:58 et audierunt vicini et cognati eius quia magnificavit Dominus misericordiam suam cum illa et congratulabantur ei Lk 1:59 et factum est in die octavo venerunt circumcidere puerum et vocabant eum nomine patris eius Zacchariam Lk 1:60 et respondens mater eius dixit nequaquam sed vocabitur Iohannes Lk 1:61 et dixerunt ad illam quia nemo est in cognatione tua qui vocetur hoc nomine Lk 1:62 innuebant autem patri eius quem vellet vocari eum Lk 1:63 et postulans pugillarem scripsit dicens Iohannes est nomen eius et mirati sunt universi Lk 1:64 apertum est autem ilico os eius et lingua eius et loquebatur benedicens Deum Lk 1:65 et factus est timor super omnes vicinos eorum et super omnia montana Iudaeae divulgabantur omnia verba haec Lk 1:66 et posuerunt omnes qui audierant in corde suo dicentes quid putas puer iste erit etenim manus Domini erat cum illo Lk 1:67 et Zaccharias pater eius impletus est Spiritu Sancto et prophetavit dicens Lk 1:68 benedictus Deus Israhel quia visitavit et fecit redemptionem plebi suae Lk 1:69 et erexit cornu salutis nobis in domo David pueri sui Lk 1:70 sicut locutus est per os sanctorum qui a saeculo sunt prophetarum eius Lk 1:71 salutem ex inimicis nostris et de manu omnium qui oderunt nos Lk 1:72 ad faciendam misericordiam cum patribus nostris et memorari testamenti sui sancti Lk 1:73 iusiurandum quod iuravit ad Abraham patrem nostrum Lk 1:74 daturum se nobis ut sine timore de manu inimicorum nostrorum liberati serviamus illi Lk 1:75 in sanctitate et iustitia coram ipso omnibus diebus nostris Lk 1:76 et tu puer propheta Altissimi vocaberis praeibis enim ante faciem Domini parare vias eius Lk 1:77 ad dandam scientiam salutis plebi eius in remissionem peccatorum eorum Lk 1:78 per viscera misericordiae Dei nostri in quibus visitavit nos oriens ex alto Lk 1:79 inluminare his qui in tenebris et in umbra mortis sedent ad dirigendos pedes nostros in viam pacis Lk 1:80 puer autem crescebat et confortabatur spiritu et erat in deserto usque in diem ostensionis suae ad Israhel Lk 2:1 factum est autem in diebus illis exiit edictum a Caesare Augusto ut describeretur universus orbis Lk 2:2 haec descriptio prima facta est praeside Syriae Cyrino Lk 2:3 et ibant omnes ut profiterentur singuli in suam civitatem Lk 2:4 ascendit autem et Ioseph a Galilaea de civitate Nazareth in Iudaeam civitatem David quae vocatur Bethleem eo quod esset de domo et familia David Lk 2:5 ut profiteretur cum Maria desponsata sibi uxore praegnate Lk 2:6 factum est autem cum essent ibi impleti sunt dies ut pareret Lk 2:7 et peperit filium suum primogenitum et pannis eum involvit et reclinavit eum in praesepio quia non erat eis locus in diversorio Lk 2:8 et pastores erant in regione eadem vigilantes et custodientes vigilias noctis supra gregem suum Lk 2:9 et ecce angelus Domini stetit iuxta illos et claritas Dei circumfulsit illos et timuerunt timore magno Lk 2:10 et dixit illis angelus nolite timere ecce enim evangelizo vobis gaudium magnum quod erit omni populo Lk 2:11 quia natus est vobis hodie salvator qui est Christus Dominus in civitate David Lk 2:12 et hoc vobis signum invenietis infantem pannis involutum et positum in praesepio Lk 2:13 et subito facta est cum angelo multitudo militiae caelestis laudantium Deum et dicentium Lk 2:14 gloria in altissimis Deo et in terra pax in hominibus bonae voluntatis Lk 2:15 et factum est ut discesserunt ab eis angeli in caelum pastores loquebantur ad invicem transeamus usque Bethleem et videamus hoc verbum quod factum est quod fecit Dominus et ostendit nobis Lk 2:16 et venerunt festinantes et invenerunt Mariam et Ioseph et infantem positum in praesepio Lk 2:17 videntes autem cognoverunt de verbo quod dictum erat illis de puero hoc Lk 2:18 et omnes qui audierunt mirati sunt et de his quae dicta erant a pastoribus ad ipsos Lk 2:19 Maria autem conservabat omnia verba haec conferens in corde suo Lk 2:20 et reversi sunt pastores glorificantes et laudantes Deum in omnibus quae audierant et viderant sicut dictum est ad illos Lk 2:21 et postquam consummati sunt dies octo ut circumcideretur vocatum est nomen eius Iesus quod vocatum est ab angelo priusquam in utero conciperetur Lk 2:22 et postquam impleti sunt dies purgationis eius secundum legem Mosi tulerunt illum in Hierusalem ut sisterent eum Domino Lk 2:23 sicut scriptum est in lege Domini quia omne masculinum adaperiens vulvam sanctum Domino vocabitur Lk 2:24 et ut darent hostiam secundum quod dictum est in lege Domini par turturum aut duos pullos columbarum Lk 2:25 et ecce homo erat in Hierusalem cui nomen Symeon et homo iste iustus et timoratus expectans consolationem Israhel et Spiritus Sanctus erat in eo Lk 2:26 et responsum acceperat ab Spiritu Sancto non visurum se mortem nisi prius videret Christum Domini Lk 2:27 et venit in Spiritu in templum et cum inducerent puerum Iesum parentes eius ut facerent secundum consuetudinem legis pro eo Lk 2:28 et ipse accepit eum in ulnas suas et benedixit Deum et dixit Lk 2:29 nunc dimittis servum tuum Domine secundum verbum tuum in pace Lk 2:30 quia viderunt oculi mei salutare tuum Lk 2:31 quod parasti ante faciem omnium populorum Lk 2:32 lumen ad revelationem gentium et gloriam plebis tuae Israhel Lk 2:33 et erat pater eius et mater mirantes super his quae dicebantur de illo Lk 2:34 et benedixit illis Symeon et dixit ad Mariam matrem eius ecce positus est hic in ruinam et resurrectionem multorum in Israhel et in signum cui contradicetur Lk 2:35 et tuam ipsius animam pertransiet gladius ut revelentur ex multis cordibus cogitationes Lk 2:36 et erat Anna prophetissa filia Phanuhel de tribu Aser haec processerat in diebus multis et vixerat cum viro suo annis septem a virginitate sua Lk 2:37 et haec vidua usque ad annos octoginta quattuor quae non discedebat de templo ieiuniis et obsecrationibus serviens nocte ac die Lk 2:38 et haec ipsa hora superveniens confitebatur Domino et loquebatur de illo omnibus qui expectabant redemptionem Hierusalem Lk 2:39 et ut perfecerunt omnia secundum legem Domini reversi sunt in Galilaeam in civitatem suam Nazareth Lk 2:40 puer autem crescebat et confortabatur plenus sapientia et gratia Dei erat in illo Lk 2:41 et ibant parentes eius per omnes annos in Hierusalem in die sollemni paschae Lk 2:42 et cum factus esset annorum duodecim ascendentibus illis in Hierosolymam secundum consuetudinem diei festi Lk 2:43 consummatisque diebus cum redirent remansit puer Iesus in Hierusalem et non cognoverunt parentes eius Lk 2:44 existimantes autem illum esse in comitatu venerunt iter diei et requirebant eum inter cognatos et notos Lk 2:45 et non invenientes regressi sunt in Hierusalem requirentes eum Lk 2:46 et factum est post triduum invenerunt illum in templo sedentem in medio doctorum audientem illos et interrogantem Lk 2:47 stupebant autem omnes qui eum audiebant super prudentia et responsis eius Lk 2:48 et videntes admirati sunt et dixit mater eius ad illum fili quid fecisti nobis sic ecce pater tuus et ego dolentes quaerebamus te Lk 2:49 et ait ad illos quid est quod me quaerebatis nesciebatis quia in his quae Patris mei sunt oportet me esse Lk 2:50 et ipsi non intellexerunt verbum quod locutus est ad illos Lk 2:51 et descendit cum eis et venit Nazareth et erat subditus illis et mater eius conservabat omnia verba haec in corde suo Lk 2:52 et Iesus proficiebat sapientia aetate et gratia apud Deum et homines Lk 3:1 anno autem quintodecimo imperii Tiberii Caesaris procurante Pontio Pilato Iudaeam tetrarcha autem Galilaeae Herode Philippo autem fratre eius tetrarcha Itureae et Trachonitidis regionis et Lysania Abilinae tetrarcha Lk 3:2 sub principibus sacerdotum Anna et Caiapha factum est verbum Dei super Iohannem Zacchariae filium in deserto Lk 3:3 et venit in omnem regionem Iordanis praedicans baptismum paenitentiae in remissionem peccatorum Lk 3:4 sicut scriptum est in libro sermonum Esaiae prophetae vox clamantis in deserto parate viam Domini rectas facite semitas eius Lk 3:5 omnis vallis implebitur et omnis mons et collis humiliabitur et erunt prava in directa et aspera in vias planas Lk 3:6 et videbit omnis caro salutare Dei Lk 3:7 dicebat ergo ad turbas quae exiebant ut baptizarentur ab ipso genimina viperarum quis ostendit vobis fugere a ventura ira Lk 3:8 facite ergo fructus dignos paenitentiae et ne coeperitis dicere patrem habemus Abraham dico enim vobis quia potest Deus de lapidibus istis suscitare filios Abrahae Lk 3:9 iam enim securis ad radicem arborum posita est omnis ergo arbor non faciens fructum exciditur et in ignem mittitur Lk 3:10 et interrogabant eum turbae dicentes quid ergo faciemus Lk 3:11 respondens autem dicebat illis qui habet duas tunicas det non habenti et qui habet escas similiter faciat Lk 3:12 venerunt autem et publicani ut baptizarentur et dixerunt ad illum magister quid faciemus Lk 3:13 at ille dixit ad eos nihil amplius quam quod constitutum est vobis faciatis Lk 3:14 interrogabant autem eum et milites dicentes quid faciemus et nos et ait illis neminem concutiatis neque calumniam faciatis et contenti estote stipendiis vestris Lk 3:15 existimante autem populo et cogitantibus omnibus in cordibus suis de Iohanne ne forte ipse esset Christus Lk 3:16 respondit Iohannes dicens omnibus ego quidem aqua baptizo vos venit autem fortior me cuius non sum dignus solvere corrigiam calciamentorum eius ipse vos baptizabit in Spiritu Sancto et igni Lk 3:17 cuius ventilabrum in manu eius et purgabit aream suam et congregabit triticum in horreum suum paleas autem conburet igni inextinguibili Lk 3:18 multa quidem et alia exhortans evangelizabat populum Lk 3:19 Herodes autem tetrarcha cum corriperetur ab illo de Herodiade uxore fratris sui et de omnibus malis quae fecit Herodes Lk 3:20 adiecit et hoc supra omnia et inclusit Iohannem in carcere Lk 3:21 factum est autem cum baptizaretur omnis populus et Iesu baptizato et orante apertum est caelum Lk 3:22 et descendit Spiritus Sanctus corporali specie sicut columba in ipsum et vox de caelo facta est tu es Filius meus dilectus in te conplacuit mihi Lk 3:23 et ipse Iesus erat incipiens quasi annorum triginta ut putabatur filius Ioseph qui fuit Heli Lk 3:24 qui fuit Matthat qui fuit Levi qui fuit Melchi qui fuit Iannae qui fuit Ioseph Lk 3:25 qui fuit Matthathiae qui fuit Amos qui fuit Naum qui fuit Esli qui fuit Naggae Lk 3:26 qui fuit Maath qui fuit Matthathiae qui fuit Semei qui fuit Iosech qui fuit Ioda Lk 3:27 qui fuit Iohanna qui fuit Resa qui fuit Zorobabel qui fuit Salathihel qui fuit Neri Lk 3:28 qui fuit Melchi qui fuit Addi qui fuit Cosam qui fuit Helmadam qui fuit Her Lk 3:29 qui fuit Iesu qui fuit Eliezer qui fuit Iorim qui fuit Matthat qui fuit Levi Lk 3:30 qui fuit Symeon qui fuit Iuda qui fuit Ioseph qui fuit Iona qui fuit Eliachim Lk 3:31 qui fuit Melea qui fuit Menna qui fuit Matthata qui fuit Nathan qui fuit David Lk 3:32 qui fuit Iesse qui fuit Obed qui fuit Booz qui fuit Salmon qui fuit Naasson Lk 3:33 qui fuit Aminadab qui fuit Aram qui fuit Esrom qui fuit Phares qui fuit Iudae Lk 3:34 qui fuit Iacob qui fuit Isaac qui fuit Abraham qui fuit Thare qui fuit Nachor Lk 3:35 qui fuit Seruch qui fuit Ragau qui fuit Phalec qui fuit Eber qui fuit Sale Lk 3:36 qui fuit Cainan qui fuit Arfaxat qui fuit Sem qui fuit Noe qui fuit Lamech Lk 3:37 qui fuit Mathusalae qui fuit Enoch qui fuit Iared qui fuit Malelehel qui fuit Cainan Lk 3:38 qui fuit Enos qui fuit Seth qui fuit Adam qui fuit Dei Lk 4:1 Iesus autem plenus Spiritu Sancto regressus est ab Iordane et agebatur in Spiritu in desertum Lk 4:2 diebus quadraginta et temptabatur a diabolo et nihil manducavit in diebus illis et consummatis illis esuriit Lk 4:3 dixit autem illi diabolus si Filius Dei es dic lapidi huic ut panis fiat Lk 4:4 et respondit ad illum Iesus scriptum est quia non in pane solo vivet homo sed in omni verbo Dei Lk 4:5 et duxit illum diabolus et ostendit illi omnia regna orbis terrae in momento temporis Lk 4:6 et ait ei tibi dabo potestatem hanc universam et gloriam illorum quia mihi tradita sunt et cui volo do illa Lk 4:7 tu ergo si adoraveris coram me erunt tua omnia Lk 4:8 et respondens Iesus dixit illi scriptum est Dominum Deum tuum adorabis et illi soli servies Lk 4:9 et duxit illum in Hierusalem et statuit eum supra pinnam templi et dixit illi si Filius Dei es mitte te hinc deorsum Lk 4:10 scriptum est enim quod angelis suis mandabit de te ut conservent te Lk 4:11 et quia in manibus tollent te ne forte offendas ad lapidem pedem tuum Lk 4:12 et respondens Iesus ait illi dictum est non temptabis Dominum Deum tuum Lk 4:13 et consummata omni temptatione diabolus recessit ab illo usque ad tempus Lk 4:14 et regressus est Iesus in virtute Spiritus in Galilaeam et fama exiit per universam regionem de illo Lk 4:15 et ipse docebat in synagogis eorum et magnificabatur ab omnibus Lk 4:16 et venit Nazareth ubi erat nutritus et intravit secundum consuetudinem suam die sabbati in synagogam et surrexit legere Lk 4:17 et traditus est illi liber prophetae Esaiae et ut revolvit librum invenit locum ubi scriptum erat Lk 4:18 Spiritus Domini super me propter quod unxit me evangelizare pauperibus misit me Lk 4:19 praedicare captivis remissionem et caecis visum dimittere confractos in remissionem praedicare annum Domini acceptum et diem retributionis Lk 4:20 et cum plicuisset librum reddidit ministro et sedit et omnium in synagoga oculi erant intendentes in eum Lk 4:21 coepit autem dicere ad illos quia hodie impleta est haec scriptura in auribus vestris Lk 4:22 et omnes testimonium illi dabant et mirabantur in verbis gratiae quae procedebant de ore ipsius et dicebant nonne hic filius est Ioseph Lk 4:23 et ait illis utique dicetis mihi hanc similitudinem medice cura te ipsum quanta audivimus facta in Capharnaum fac et hic in patria tua Lk 4:24 ait autem amen dico vobis quia nemo propheta acceptus est in patria sua Lk 4:25 in veritate dico vobis multae viduae erant in diebus Heliae in Israhel quando clusum est caelum annis tribus et mensibus sex cum facta est fames magna in omni terra Lk 4:26 et ad nullam illarum missus est Helias nisi in Sareptha Sidoniae ad mulierem viduam Lk 4:27 et multi leprosi erant in Israhel sub Heliseo propheta et nemo eorum mundatus est nisi Neman Syrus Lk 4:28 et repleti sunt omnes in synagoga ira haec audientes Lk 4:29 et surrexerunt et eiecerunt illum extra civitatem et duxerunt illum usque ad supercilium montis supra quem civitas illorum erat aedificata ut praecipitarent eum Lk 4:30 ipse autem transiens per medium illorum ibat Lk 4:31 et descendit in Capharnaum civitatem Galilaeae ibique docebat illos sabbatis Lk 4:32 et stupebant in doctrina eius quia in potestate erat sermo ipsius Lk 4:33 et in synagoga erat homo habens daemonium inmundum et exclamavit voce magna Lk 4:34 dicens sine quid nobis et tibi Iesu Nazarene venisti perdere nos scio te qui sis Sanctus Dei Lk 4:35 et increpavit illi Iesus dicens obmutesce et exi ab illo et cum proiecisset illum daemonium in medium exiit ab illo nihilque illum nocuit Lk 4:36 et factus est pavor in omnibus et conloquebantur ad invicem dicentes quod est hoc verbum quia in potestate et virtute imperat inmundis spiritibus et exeunt Lk 4:37 et divulgabatur fama de illo in omnem locum regionis Lk 4:38 surgens autem de synagoga introivit in domum Simonis socrus autem Simonis tenebatur magnis febribus et rogaverunt illum pro ea Lk 4:39 et stans super illam imperavit febri et dimisit illam et continuo surgens ministrabat illis Lk 4:40 cum sol autem occidisset omnes qui habebant infirmos variis languoribus ducebant illos ad eum at ille singulis manus inponens curabat eos Lk 4:41 exiebant autem etiam daemonia a multis clamantia et dicentia quia tu es Filius Dei et increpans non sinebat ea loqui quia sciebant ipsum esse Christum Lk 4:42 facta autem die egressus ibat in desertum locum et turbae requirebant eum et venerunt usque ad ipsum et detinebant illum ne discederet ab eis Lk 4:43 quibus ille ait quia et aliis civitatibus oportet me evangelizare regnum Dei quia ideo missus sum Lk 4:44 et erat praedicans in synagogis Galilaeae Lk 5:1 factum est autem cum turbae inruerent in eum ut audirent verbum Dei et ipse stabat secus stagnum Gennesareth Lk 5:2 et vidit duas naves stantes secus stagnum piscatores autem descenderant et lavabant retia Lk 5:3 ascendens autem in unam navem quae erat Simonis rogavit eum a terra reducere pusillum et sedens docebat de navicula turbas Lk 5:4 ut cessavit autem loqui dixit ad Simonem duc in altum et laxate retia vestra in capturam Lk 5:5 et respondens Simon dixit illi praeceptor per totam noctem laborantes nihil cepimus in verbo autem tuo laxabo rete Lk 5:6 et cum hoc fecissent concluserunt piscium multitudinem copiosam rumpebatur autem rete eorum Lk 5:7 et annuerunt sociis qui erant in alia navi ut venirent et adiuvarent eos et venerunt et impleverunt ambas naviculas ita ut mergerentur Lk 5:8 quod cum videret Simon Petrus procidit ad genua Iesu dicens exi a me quia homo peccator sum Domine Lk 5:9 stupor enim circumdederat eum et omnes qui cum illo erant in captura piscium quam ceperant Lk 5:10 similiter autem Iacobum et Iohannem filios Zebedaei qui erant socii Simonis et ait ad Simonem Iesus noli timere ex hoc iam homines eris capiens Lk 5:11 et subductis ad terram navibus relictis omnibus secuti sunt illum Lk 5:12 et factum est cum esset in una civitatum et ecce vir plenus lepra et videns Iesum et procidens in faciem rogavit eum dicens Domine si vis potes me mundare Lk 5:13 et extendens manum tetigit illum dicens volo mundare et confestim lepra discessit ab illo Lk 5:14 et ipse praecepit illi ut nemini diceret sed vade ostende te sacerdoti et offer pro emundatione tua sicut praecepit Moses in testimonium illis Lk 5:15 perambulabat autem magis sermo de illo et conveniebant turbae multae ut audirent et curarentur ab infirmitatibus suis Lk 5:16 ipse autem secedebat in deserto et orabat Lk 5:17 et factum est in una dierum et ipse sedebat docens et erant Pharisaei sedentes et legis doctores qui venerant ex omni castello Galilaeae et Iudaeae et Hierusalem et virtus erat Domini ad sanandum eos Lk 5:18 et ecce viri portantes in lecto hominem qui erat paralyticus et quaerebant eum inferre et ponere ante eum Lk 5:19 et non invenientes qua parte illum inferrent prae turba ascenderunt supra tectum per tegulas submiserunt illum cum lecto in medium ante Iesum Lk 5:20 quorum fidem ut vidit dixit homo remittuntur tibi peccata tua Lk 5:21 et coeperunt cogitare scribae et Pharisaei dicentes quis est hic qui loquitur blasphemias quis potest dimittere peccata nisi solus Deus Lk 5:22 ut cognovit autem Iesus cogitationes eorum respondens dixit ad illos quid cogitatis in cordibus vestris Lk 5:23 quid est facilius dicere dimittuntur tibi peccata an dicere surge et ambula Lk 5:24 ut autem sciatis quia Filius hominis potestatem habet in terra dimittere peccata ait paralytico tibi dico surge tolle lectum tuum et vade in domum tuam Lk 5:25 et confestim surgens coram illis tulit in quo iacebat et abiit in domum suam magnificans Deum Lk 5:26 et stupor adprehendit omnes et magnificabant Deum et repleti sunt timore dicentes quia vidimus mirabilia hodie Lk 5:27 et post haec exiit et vidit publicanum nomine Levi sedentem ad teloneum et ait illi sequere me Lk 5:28 et relictis omnibus surgens secutus est eum Lk 5:29 et fecit ei convivium magnum Levi in domo sua et erat turba multa publicanorum et aliorum qui cum illis erant discumbentes Lk 5:30 et murmurabant Pharisaei et scribae eorum dicentes ad discipulos eius quare cum publicanis et peccatoribus manducatis et bibitis Lk 5:31 et respondens Iesus dixit ad illos non egent qui sani sunt medico sed qui male habent Lk 5:32 non veni vocare iustos sed peccatores in paenitentiam Lk 5:33 at illi dixerunt ad eum quare discipuli Iohannis ieiunant frequenter et obsecrationes faciunt similiter et Pharisaeorum tui autem edunt et bibunt Lk 5:34 quibus ipse ait numquid potestis filios sponsi dum cum illis est sponsus facere ieiunare Lk 5:35 venient autem dies et cum ablatus fuerit ab illis sponsus tunc ieiunabunt in illis diebus Lk 5:36 dicebat autem et similitudinem ad illos quia nemo commissuram a vestimento novo inmittit in vestimentum vetus alioquin et novum rumpit et veteri non convenit commissura a novo Lk 5:37 et nemo mittit vinum novum in utres veteres alioquin rumpet vinum novum utres et ipsum effundetur et utres peribunt Lk 5:38 sed vinum novum in utres novos mittendum est et utraque conservantur Lk 5:39 et nemo bibens vetus statim vult novum dicit enim vetus melius est Lk 6:1 factum est autem in sabbato secundoprimo cum transiret per sata vellebant discipuli eius spicas et manducabant confricantes manibus Lk 6:2 quidam autem Pharisaeorum dicebant illis quid facitis quod non licet in sabbatis Lk 6:3 et respondens Iesus ad eos dixit nec hoc legistis quod fecit David cum esurisset ipse et qui cum eo erant Lk 6:4 quomodo intravit in domum Dei et panes propositionis sumpsit et manducavit et dedit his qui cum ipso erant quos non licet manducare nisi tantum sacerdotibus Lk 6:5 et dicebat illis quia dominus est Filius hominis etiam sabbati Lk 6:6 factum est autem et in alio sabbato ut intraret in synagogam et doceret et erat ibi homo et manus eius dextra erat arida Lk 6:7 observabant autem scribae et Pharisaei si in sabbato curaret ut invenirent accusare illum Lk 6:8 ipse vero sciebat cogitationes eorum et ait homini qui habebat manum aridam surge et sta in medium et surgens stetit Lk 6:9 ait autem ad illos Iesus interrogo vos si licet sabbato bene facere an male animam salvam facere an perdere Lk 6:10 et circumspectis omnibus dixit homini extende manum tuam et extendit et restituta est manus eius Lk 6:11 ipsi autem repleti sunt insipientia et conloquebantur ad invicem quidnam facerent Iesu Lk 6:12 factum est autem in illis diebus exiit in montem orare et erat pernoctans in oratione Dei Lk 6:13 et cum dies factus esset vocavit discipulos suos et elegit duodecim ex ipsis quos et apostolos nominavit Lk 6:14 Simonem quem cognominavit Petrum et Andream fratrem eius Iacobum et Iohannem Philippum et Bartholomeum Lk 6:15 Mattheum et Thomam Iacobum Alphei et Simonem qui vocatur Zelotes Lk 6:16 Iudam Iacobi et Iudam Scarioth qui fuit proditor Lk 6:17 et descendens cum illis stetit in loco campestri et turba discipulorum eius et multitudo copiosa plebis ab omni Iudaea et Hierusalem et maritimae Tyri et Sidonis Lk 6:18 qui venerunt ut audirent eum et sanarentur a languoribus suis et qui vexabantur ab spiritibus inmundis curabantur Lk 6:19 et omnis turba quaerebant eum tangere quia virtus de illo exiebat et sanabat omnes Lk 6:20 et ipse elevatis oculis in discipulos suos dicebat beati pauperes quia vestrum est regnum Dei Lk 6:21 beati qui nunc esuritis quia saturabimini beati qui nunc fletis quia ridebitis Lk 6:22 beati eritis cum vos oderint homines et cum separaverint vos et exprobraverint et eiecerint nomen vestrum tamquam malum propter Filium hominis Lk 6:23 gaudete in illa die et exultate ecce enim merces vestra multa in caelo secundum haec enim faciebant prophetis patres eorum Lk 6:24 verumtamen vae vobis divitibus quia habetis consolationem vestram Lk 6:25 vae vobis qui saturati estis quia esurietis vae vobis qui ridetis nunc quia lugebitis et flebitis Lk 6:26 vae cum bene vobis dixerint omnes homines secundum haec faciebant prophetis patres eorum Lk 6:27 sed vobis dico qui auditis diligite inimicos vestros benefacite his qui vos oderunt Lk 6:28 benedicite maledicentibus vobis orate pro calumniantibus vos Lk 6:29 ei qui te percutit in maxillam praebe et alteram et ab eo qui aufert tibi vestimentum etiam tunicam noli prohibere Lk 6:30 omni autem petenti te tribue et qui aufert quae tua sunt ne repetas Lk 6:31 et prout vultis ut faciant vobis homines et vos facite illis similiter Lk 6:32 et si diligitis eos qui vos diligunt quae vobis est gratia nam et peccatores diligentes se diligunt Lk 6:33 et si benefeceritis his qui vobis benefaciunt quae vobis est gratia siquidem et peccatores hoc faciunt Lk 6:34 et si mutuum dederitis his a quibus speratis recipere quae gratia est vobis nam et peccatores peccatoribus fenerantur ut recipiant aequalia Lk 6:35 verumtamen diligite inimicos vestros et benefacite et mutuum date nihil desperantes et erit merces vestra multa et eritis filii Altissimi quia ipse benignus est super ingratos et malos Lk 6:36 estote ergo misericordes sicut et Pater vester misericors est Lk 6:37 nolite iudicare et non iudicabimini nolite condemnare et non condemnabimini dimittite et dimittemini Lk 6:38 date et dabitur vobis mensuram bonam confersam et coagitatam et supereffluentem dabunt in sinum vestrum eadem quippe mensura qua mensi fueritis remetietur vobis Lk 6:39 dicebat autem illis et similitudinem numquid potest caecus caecum ducere nonne ambo in foveam cadent Lk 6:40 non est discipulus super magistrum perfectus autem omnis erit sicut magister eius Lk 6:41 quid autem vides festucam in oculo fratris tui trabem autem quae in oculo tuo est non consideras Lk 6:42 et quomodo potes dicere fratri tuo frater sine eiciam festucam de oculo tuo ipse in oculo tuo trabem non videns hypocrita eice primum trabem de oculo tuo et tunc perspicies ut educas festucam de oculo fratris tui Lk 6:43 non est enim arbor bona quae facit fructus malos neque arbor mala faciens fructum bonum Lk 6:44 unaquaeque enim arbor de fructu suo cognoscitur neque enim de spinis colligunt ficus neque de rubo vindemiant uvam Lk 6:45 bonus homo de bono thesauro cordis sui profert bonum et malus homo de malo profert malum ex abundantia enim cordis os loquitur Lk 6:46 quid autem vocatis me Domine Domine et non facitis quae dico Lk 6:47 omnis qui venit ad me et audit sermones meos et facit eos ostendam vobis cui similis est Lk 6:48 similis est homini aedificanti domum qui fodit in altum et posuit fundamenta supra petram inundatione autem facta inlisum est flumen domui illi et non potuit eam movere fundata enim erat supra petram Lk 6:49 qui autem audivit et non fecit similis est homini aedificanti domum suam supra terram sine fundamento in quam inlisus est fluvius et continuo concidit et facta est ruina domus illius magna Lk 7:1 cum autem implesset omnia verba sua in aures plebis intravit Capharnaum Lk 7:2 centurionis autem cuiusdam servus male habens erat moriturus qui illi erat pretiosus Lk 7:3 et cum audisset de Iesu misit ad eum seniores Iudaeorum rogans eum ut veniret et salvaret servum eius Lk 7:4 at illi cum venissent ad Iesum rogabant eum sollicite dicentes ei quia dignus est ut hoc illi praestes Lk 7:5 diligit enim gentem nostram et synagogam ipse aedificavit nobis Lk 7:6 Iesus autem ibat cum illis et cum iam non longe esset a domo misit ad eum centurio amicos dicens Domine noli vexari non enim dignus sum ut sub tectum meum intres Lk 7:7 propter quod et me ipsum non sum dignum arbitratus ut venirem ad te sed dic verbo et sanabitur puer meus Lk 7:8 nam et ego homo sum sub potestate constitutus habens sub me milites et dico huic vade et vadit et alio veni et venit et servo meo fac hoc et facit Lk 7:9 quo audito Iesus miratus est et conversus sequentibus se turbis dixit amen dico vobis nec in Israhel tantam fidem inveni Lk 7:10 et reversi qui missi fuerant domum invenerunt servum qui languerat sanum Lk 7:11 et factum est deinceps ibat in civitatem quae vocatur Naim et ibant cum illo discipuli eius et turba copiosa Lk 7:12 cum autem adpropinquaret portae civitatis et ecce defunctus efferebatur filius unicus matri suae et haec vidua erat et turba civitatis multa cum illa Lk 7:13 quam cum vidisset Dominus misericordia motus super ea dixit illi noli flere Lk 7:14 et accessit et tetigit loculum hii autem qui portabant steterunt et ait adulescens tibi dico surge Lk 7:15 et resedit qui erat mortuus et coepit loqui et dedit illum matri suae Lk 7:16 accepit autem omnes timor et magnificabant Deum dicentes quia propheta magnus surrexit in nobis et quia Deus visitavit plebem suam Lk 7:17 et exiit hic sermo in universam Iudaeam de eo et omnem circa regionem Lk 7:18 et nuntiaverunt Iohanni discipuli eius de omnibus his Lk 7:19 et convocavit duos de discipulis suis Iohannes et misit ad Dominum dicens tu es qui venturus es an alium expectamus Lk 7:20 cum autem venissent ad eum viri dixerunt Iohannes Baptista misit nos ad te dicens tu es qui venturus es an alium expectamus Lk 7:21 in ipsa autem hora curavit multos a languoribus et plagis et spiritibus malis et caecis multis donavit visum Lk 7:22 et respondens dixit illis euntes nuntiate Iohanni quae vidistis et audistis quia caeci vident claudi ambulant leprosi mundantur surdi audiunt mortui resurgunt pauperes evangelizantur Lk 7:23 et beatus est quicumque non fuerit scandalizatus in me Lk 7:24 et cum discessissent nuntii Iohannis coepit dicere de Iohanne ad turbas quid existis in desertum videre harundinem vento moveri Lk 7:25 sed quid existis videre hominem mollibus vestimentis indutum ecce qui in veste pretiosa sunt et deliciis in domibus regum sunt Lk 7:26 sed quid existis videre prophetam utique dico vobis et plus quam prophetam Lk 7:27 hic est de quo scriptum est ecce mitto angelum meum ante faciem tuam qui praeparabit viam tuam ante te Lk 7:28 dico enim vobis maior inter natos mulierum propheta Iohanne Baptista nemo est qui autem minor est in regno Dei maior est illo Lk 7:29 et omnis populus audiens et publicani iustificaverunt Deum baptizati baptismo Iohannis Lk 7:30 Pharisaei autem et legis periti consilium Dei spreverunt in semet ipsos non baptizati ab eo Lk 7:31 cui ergo similes dicam homines generationis huius et cui similes sunt Lk 7:32 similes sunt pueris sedentibus in foro et loquentibus ad invicem et dicentibus cantavimus vobis tibiis et non saltastis lamentavimus et non plorastis Lk 7:33 venit enim Iohannes Baptista neque manducans panem neque bibens vinum et dicitis daemonium habet Lk 7:34 venit Filius hominis manducans et bibens et dicitis ecce homo devorator et bibens vinum amicus publicanorum et peccatorum Lk 7:35 et iustificata est sapientia ab omnibus filiis suis Lk 7:36 rogabat autem illum quidam de Pharisaeis ut manducaret cum illo et ingressus domum Pharisaei discubuit Lk 7:37 et ecce mulier quae erat in civitate peccatrix ut cognovit quod accubuit in domo Pharisaei adtulit alabastrum unguenti Lk 7:38 et stans retro secus pedes eius lacrimis coepit rigare pedes eius et capillis capitis sui tergebat et osculabatur pedes eius et unguento unguebat Lk 7:39 videns autem Pharisaeus qui vocaverat eum ait intra se dicens hic si esset propheta sciret utique quae et qualis mulier quae tangit eum quia peccatrix est Lk 7:40 et respondens Iesus dixit ad illum Simon habeo tibi aliquid dicere at ille ait magister dic Lk 7:41 duo debitores erant cuidam feneratori unus debebat denarios quingentos alius quinquaginta Lk 7:42 non habentibus illis unde redderent donavit utrisque quis ergo eum plus diliget Lk 7:43 respondens Simon dixit aestimo quia is cui plus donavit at ille dixit ei recte iudicasti Lk 7:44 et conversus ad mulierem dixit Simoni vides hanc mulierem intravi in domum tuam aquam pedibus meis non dedisti haec autem lacrimis rigavit pedes meos et capillis suis tersit Lk 7:45 osculum mihi non dedisti haec autem ex quo intravit non cessavit osculari pedes meos Lk 7:46 oleo caput meum non unxisti haec autem unguento unxit pedes meos Lk 7:47 propter quod dico tibi remittentur ei peccata multa quoniam dilexit multum cui autem minus dimittitur minus diligit Lk 7:48 dixit autem ad illam remittuntur tibi peccata Lk 7:49 et coeperunt qui simul accumbebant dicere intra se quis est hic qui etiam peccata dimittit Lk 7:50 dixit autem ad mulierem fides tua te salvam fecit vade in pace Lk 8:1 et factum est deinceps et ipse iter faciebat per civitatem et castellum praedicans et evangelizans regnum Dei et duodecim cum illo Lk 8:2 et mulieres aliquae quae erant curatae ab spiritibus malignis et infirmitatibus Maria quae vocatur Magdalene de qua daemonia septem exierant Lk 8:3 et Iohanna uxor Chuza procuratoris Herodis et Susanna et aliae multae quae ministrabant eis de facultatibus suis Lk 8:4 cum autem turba plurima conveniret et de civitatibus properarent ad eum dixit per similitudinem Lk 8:5 exiit qui seminat seminare semen suum et dum seminat aliud cecidit secus viam et conculcatum est et volucres caeli comederunt illud Lk 8:6 et aliud cecidit supra petram et natum aruit quia non habebat humorem Lk 8:7 et aliud cecidit inter spinas et simul exortae spinae suffocaverunt illud Lk 8:8 et aliud cecidit in terram bonam et ortum fecit fructum centuplum haec dicens clamabat qui habet aures audiendi audiat Lk 8:9 interrogabant autem eum discipuli eius quae esset haec parabola Lk 8:10 quibus ipse dixit vobis datum est nosse mysterium regni Dei ceteris autem in parabolis ut videntes non videant et audientes non intellegant Lk 8:11 est autem haec parabola semen est verbum Dei Lk 8:12 qui autem secus viam sunt qui audiunt deinde venit diabolus et tollit verbum de corde eorum ne credentes salvi fiant Lk 8:13 nam qui supra petram qui cum audierint cum gaudio suscipiunt verbum et hii radices non habent qui ad tempus credunt et in tempore temptationis recedunt Lk 8:14 quod autem in spinis cecidit hii sunt qui audierunt et a sollicitudinibus et divitiis et voluptatibus vitae euntes suffocantur et non referunt fructum Lk 8:15 quod autem in bonam terram hii sunt qui in corde bono et optimo audientes verbum retinent et fructum adferunt in patientia Lk 8:16 nemo autem lucernam accendens operit eam vaso aut subtus lectum ponit sed supra candelabrum ponit ut intrantes videant lumen Lk 8:17 non enim est occultum quod non manifestetur nec absconditum quod non cognoscatur et in palam veniat Lk 8:18 videte ergo quomodo auditis qui enim habet dabitur illi et quicumque non habet etiam quod putat se habere auferetur ab illo Lk 8:19 venerunt autem ad illum mater et fratres eius et non poterant adire ad eum prae turba Lk 8:20 et nuntiatum est illi mater tua et fratres tui stant foris volentes te videre Lk 8:21 qui respondens dixit ad eos mater mea et fratres mei hii sunt qui verbum Dei audiunt et faciunt Lk 8:22 factum est autem in una dierum et ipse ascendit in naviculam et discipuli eius et ait ad illos transfretemus trans stagnum et ascenderunt Lk 8:23 navigantibus autem illis obdormiit et descendit procella venti in stagnum et conplebantur et periclitabantur Lk 8:24 accedentes autem suscitaverunt eum dicentes praeceptor perimus at ille surgens increpavit ventum et tempestatem aquae et cessavit et facta est tranquillitas Lk 8:25 dixit autem illis ubi est fides vestra qui timentes mirati sunt dicentes ad invicem quis putas hic est quia et ventis imperat et mari et oboediunt ei Lk 8:26 enavigaverunt autem ad regionem Gerasenorum quae est contra Galilaeam Lk 8:27 et cum egressus esset ad terram occurrit illi vir quidam qui habebat daemonium iam temporibus multis et vestimento non induebatur neque in domo manebat sed in monumentis Lk 8:28 is ut vidit Iesum procidit ante illum et exclamans voce magna dixit quid mihi et tibi est Iesu Fili Dei altissimi obsecro te ne me torqueas Lk 8:29 praecipiebat enim spiritui inmundo ut exiret ab homine multis enim temporibus arripiebat illum et vinciebatur catenis et conpedibus custoditus et ruptis vinculis agebatur a daemonio in deserta Lk 8:30 interrogavit autem illum Iesus dicens quod tibi nomen est at ille dixit Legio quia intraverunt daemonia multa in eum Lk 8:31 et rogabant illum ne imperaret illis ut in abyssum irent Lk 8:32 erat autem ibi grex porcorum multorum pascentium in monte et rogabant eum ut permitteret eos in illos ingredi et permisit illos Lk 8:33 exierunt ergo daemonia ab homine et intraverunt in porcos et impetu abiit grex per praeceps in stagnum et suffocatus est Lk 8:34 quod ut viderunt factum qui pascebant fugerunt et nuntiaverunt in civitatem et in villas Lk 8:35 exierunt autem videre quod factum est et venerunt ad Iesum et invenerunt hominem sedentem a quo daemonia exierant vestitum ac sana mente ad pedes eius et timuerunt Lk 8:36 nuntiaverunt autem illis et qui viderant quomodo sanus factus esset a Legione Lk 8:37 et rogaverunt illum omnis multitudo regionis Gerasenorum ut discederet ab ipsis quia timore magno tenebantur ipse autem ascendens navem reversus est Lk 8:38 et rogabat illum vir a quo daemonia exierant ut cum eo esset dimisit autem eum Iesus dicens Lk 8:39 redi domum tuam et narra quanta tibi fecit Deus et abiit per universam civitatem praedicans quanta illi fecisset Iesus Lk 8:40 factum est autem cum redisset Iesus excepit illum turba erant enim omnes expectantes eum Lk 8:41 et ecce venit vir cui nomen Iairus et ipse princeps synagogae erat et cecidit ad pedes Iesu rogans eum ut intraret in domum eius Lk 8:42 quia filia unica erat illi fere annorum duodecim et haec moriebatur et contigit dum iret a turbis conprimebatur Lk 8:43 et mulier quaedam erat in fluxu sanguinis ab annis duodecim quae in medicos erogaverat omnem substantiam suam nec ab ullo potuit curari Lk 8:44 accessit retro et tetigit fimbriam vestimenti eius et confestim stetit fluxus sanguinis eius Lk 8:45 et ait Iesus quis est qui me tetigit negantibus autem omnibus dixit Petrus et qui cum illo erant praeceptor turbae te conprimunt et adfligunt et dicis quis me tetigit Lk 8:46 et dixit Iesus tetigit me aliquis nam ego novi virtutem de me exisse Lk 8:47 videns autem mulier quia non latuit tremens venit et procidit ante pedes illius et ob quam causam tetigerit eum indicavit coram omni populo et quemadmodum confestim sanata sit Lk 8:48 at ipse dixit illi filia fides tua te salvam fecit vade in pace Lk 8:49 adhuc illo loquente venit a principe synagogae dicens ei quia mortua est filia tua noli vexare illum Lk 8:50 Iesus autem audito hoc verbo respondit patri puellae noli timere crede tantum et salva erit Lk 8:51 et cum venisset domum non permisit intrare secum quemquam nisi Petrum et Iohannem et Iacobum et patrem et matrem puellae Lk 8:52 flebant autem omnes et plangebant illam at ille dixit nolite flere non est mortua sed dormit Lk 8:53 et deridebant eum scientes quia mortua esset Lk 8:54 ipse autem tenens manum eius clamavit dicens puella surge Lk 8:55 et reversus est spiritus eius et surrexit continuo et iussit illi dari manducare Lk 8:56 et stupuerunt parentes eius quibus praecepit ne alicui dicerent quod factum erat Lk 9:1 convocatis autem duodecim apostolis dedit illis virtutem et potestatem super omnia daemonia et ut languores curarent Lk 9:2 et misit illos praedicare regnum Dei et sanare infirmos Lk 9:3 et ait ad illos nihil tuleritis in via neque virgam neque peram neque panem neque pecuniam neque duas tunicas habeatis Lk 9:4 et in quamcumque domum intraveritis ibi manete et inde ne exeatis Lk 9:5 et quicumque non receperint vos exeuntes de civitate illa etiam pulverem pedum vestrorum excutite in testimonium supra illos Lk 9:6 egressi autem circumibant per castella evangelizantes et curantes ubique Lk 9:7 audivit autem Herodes tetrarcha omnia quae fiebant ab eo et haesitabat eo quod diceretur Lk 9:8 a quibusdam quia Iohannes surrexit a mortuis a quibusdam vero quia Helias apparuit ab aliis autem quia propheta unus de antiquis surrexit Lk 9:9 et ait Herodes Iohannem ego decollavi quis autem est iste de quo audio ego talia et quaerebat videre eum Lk 9:10 et reversi apostoli narraverunt illi quaecumque fecerunt et adsumptis illis secessit seorsum in locum desertum qui est Bethsaida Lk 9:11 quod cum cognovissent turbae secutae sunt illum et excepit illos et loquebatur illis de regno Dei et eos qui cura indigebant sanabat Lk 9:12 dies autem coeperat declinare et accedentes duodecim dixerunt illi dimitte turbas ut euntes in castella villasque quae circa sunt devertant et inveniant escas quia hic in loco deserto sumus Lk 9:13 ait autem ad illos vos date illis manducare at illi dixerunt non sunt nobis plus quam quinque panes et duo pisces nisi forte nos eamus et emamus in omnem hanc turbam escas Lk 9:14 erant autem fere viri quinque milia ait autem ad discipulos suos facite illos discumbere per convivia quinquagenos Lk 9:15 et ita fecerunt et discumbere fecerunt omnes Lk 9:16 acceptis autem quinque panibus et duobus piscibus respexit in caelum et benedixit illis et fregit et distribuit discipulis suis ut ponerent ante turbas Lk 9:17 et manducaverunt omnes et saturati sunt et sublatum est quod superfuit illis fragmentorum cofini duodecim Lk 9:18 et factum est cum solus esset orans erant cum illo et discipuli et interrogavit illos dicens quem me dicunt esse turbae Lk 9:19 at illi responderunt et dixerunt Iohannem Baptistam alii autem Heliam alii quia propheta unus de prioribus surrexit Lk 9:20 dixit autem illis vos autem quem me esse dicitis respondens Simon Petrus dixit Christum Dei Lk 9:21 at ille increpans illos praecepit ne cui dicerent hoc Lk 9:22 dicens quia oportet Filium hominis multa pati et reprobari a senioribus et principibus sacerdotum et scribis et occidi et tertia die resurgere Lk 9:23 dicebat autem ad omnes si quis vult post me venire abneget se ipsum et tollat crucem suam cotidie et sequatur me Lk 9:24 qui enim voluerit animam suam salvam facere perdet illam nam qui perdiderit animam suam propter me salvam faciet illam Lk 9:25 quid enim proficit homo si lucretur universum mundum se autem ipsum perdat et detrimentum sui faciat Lk 9:26 nam qui me erubuerit et meos sermones hunc Filius hominis erubescet cum venerit in maiestate sua et Patris et sanctorum angelorum Lk 9:27 dico autem vobis vere sunt aliqui hic stantes qui non gustabunt mortem donec videant regnum Dei Lk 9:28 factum est autem post haec verba fere dies octo et adsumpsit Petrum et Iohannem et Iacobum et ascendit in montem ut oraret Lk 9:29 et factum est dum oraret species vultus eius altera et vestitus eius albus refulgens Lk 9:30 et ecce duo viri loquebantur cum illo erant autem Moses et Helias Lk 9:31 visi in maiestate et dicebant excessum eius quem conpleturus erat in Hierusalem Lk 9:32 Petrus vero et qui cum illo gravati erant somno et evigilantes viderunt maiestatem eius et duos viros qui stabant cum illo Lk 9:33 et factum est cum discederent ab illo ait Petrus ad Iesum praeceptor bonum est nos hic esse et faciamus tria tabernacula unum tibi et unum Mosi et unum Heliae nesciens quid diceret Lk 9:34 haec autem illo loquente facta est nubes et obumbravit eos et timuerunt intrantibus illis in nubem Lk 9:35 et vox facta est de nube dicens hic est Filius meus electus ipsum audite Lk 9:36 et dum fieret vox inventus est Iesus solus et ipsi tacuerunt et nemini dixerunt in illis diebus quicquam ex his quae viderant Lk 9:37 factum est autem in sequenti die descendentibus illis de monte occurrit illi turba multa Lk 9:38 et ecce vir de turba exclamavit dicens magister obsecro te respice in filium meum quia unicus est mihi Lk 9:39 et ecce spiritus adprehendit illum et subito clamat et elidit et dissipat eum cum spuma et vix discedit dilanians eum Lk 9:40 et rogavi discipulos tuos ut eicerent illum et non potuerunt Lk 9:41 respondens autem Iesus dixit o generatio infidelis et perversa usquequo ero apud vos et patiar vos adduc huc filium tuum Lk 9:42 et cum accederet elisit illum daemonium et dissipavit Lk 9:43 et increpavit Iesus spiritum inmundum et sanavit puerum et reddidit illum patri eius Lk 9:44 stupebant autem omnes in magnitudine Dei omnibusque mirantibus in omnibus quae faciebat dixit ad discipulos suos ponite vos in cordibus vestris sermones istos Filius enim hominis futurum est ut tradatur in manus hominum Lk 9:45 at illi ignorabant verbum istud et erat velatum ante eos ut non sentirent illud et timebant interrogare eum de hoc verbo Lk 9:46 intravit autem cogitatio in eos quis eorum maior esset Lk 9:47 at Iesus videns cogitationes cordis illorum adprehendens puerum statuit eum secus se Lk 9:48 et ait illis quicumque susceperit puerum istum in nomine meo me recipit et quicumque me recipit recipit eum qui me misit nam qui minor est inter omnes vos hic maior est Lk 9:49 respondens autem Iohannes dixit praeceptor vidimus quendam in nomine tuo eicientem daemonia et prohibuimus eum quia non sequitur nobiscum Lk 9:50 et ait ad illum Iesus nolite prohibere qui enim non est adversum vos pro vobis est Lk 9:51 factum est autem dum conplerentur dies adsumptionis eius et ipse faciem suam firmavit ut iret Hierusalem Lk 9:52 et misit nuntios ante conspectum suum et euntes intraverunt in civitatem Samaritanorum ut pararent illi Lk 9:53 et non receperunt eum quia facies eius erat euntis Hierusalem Lk 9:54 cum vidissent autem discipuli eius Iacobus et Iohannes dixerunt Domine vis dicimus ut ignis descendat de caelo et consumat illos Lk 9:55 et conversus increpavit illos Lk 9:56 et abierunt in aliud castellum Lk 9:57 factum est autem ambulantibus illis in via dixit quidam ad illum sequar te quocumque ieris Lk 9:58 et ait illi Iesus vulpes foveas habent et volucres caeli nidos Filius autem hominis non habet ubi caput reclinet Lk 9:59 ait autem ad alterum sequere me ille autem dixit Domine permitte mihi primum ire sepelire patrem meum Lk 9:60 dixitque ei Iesus sine ut mortui sepeliant mortuos suos tu autem vade adnuntia regnum Dei Lk 9:61 et ait alter sequar te Domine sed primum permitte mihi renuntiare his qui domi sunt Lk 9:62 ait ad illum Iesus nemo mittens manum suam in aratrum et aspiciens retro aptus est regno Dei Lk 10:1 post haec autem designavit Dominus et alios septuaginta duos et misit illos binos ante faciem suam in omnem civitatem et locum quo erat ipse venturus Lk 10:2 et dicebat illis messis quidem multa operarii autem pauci rogate ergo Dominum messis ut mittat operarios in messem Lk 10:3 ite ecce ego mitto vos sicut agnos inter lupos Lk 10:4 nolite portare sacculum neque peram neque calciamenta et neminem per viam salutaveritis Lk 10:5 in quamcumque domum intraveritis primum dicite pax huic domui Lk 10:6 et si ibi fuerit filius pacis requiescet super illam pax vestra sin autem ad vos revertetur Lk 10:7 in eadem autem domo manete edentes et bibentes quae apud illos sunt dignus enim est operarius mercede sua nolite transire de domo in domum Lk 10:8 et in quamcumque civitatem intraveritis et susceperint vos manducate quae adponuntur vobis Lk 10:9 et curate infirmos qui in illa sunt et dicite illis adpropinquavit in vos regnum Dei Lk 10:10 in quamcumque civitatem intraveritis et non receperint vos exeuntes in plateas eius dicite Lk 10:11 etiam pulverem qui adhesit nobis de civitate vestra extergimus in vos tamen hoc scitote quia adpropinquavit regnum Dei Lk 10:12 dico vobis quia Sodomis in die illa remissius erit quam illi civitati Lk 10:13 vae tibi Corazain vae tibi Bethsaida quia si in Tyro et Sidone factae fuissent virtutes quae in vobis factae sunt olim in cilicio et cinere sedentes paeniterent Lk 10:14 verumtamen Tyro et Sidoni remissius erit in iudicio quam vobis Lk 10:15 et tu Capharnaum usque in caelum exaltata usque ad infernum demergeris Lk 10:16 qui vos audit me audit et qui vos spernit me spernit qui autem me spernit spernit eum qui me misit Lk 10:17 reversi sunt autem septuaginta duo cum gaudio dicentes Domine etiam daemonia subiciuntur nobis in nomine tuo Lk 10:18 et ait illis videbam Satanan sicut fulgur de caelo cadentem Lk 10:19 ecce dedi vobis potestatem calcandi supra serpentes et scorpiones et supra omnem virtutem inimici et nihil vobis nocebit Lk 10:20 verumtamen in hoc nolite gaudere quia spiritus vobis subiciuntur gaudete autem quod nomina vestra scripta sunt in caelis Lk 10:21 in ipsa hora exultavit Spiritu Sancto et dixit confiteor tibi Pater Domine caeli et terrae quod abscondisti haec a sapientibus et prudentibus et revelasti ea parvulis etiam Pater quia sic placuit ante te Lk 10:22 omnia mihi tradita sunt a Patre meo et nemo scit qui sit Filius nisi Pater et qui sit Pater nisi Filius et cui voluerit Filius revelare Lk 10:23 et conversus ad discipulos suos dixit beati oculi qui vident quae videtis Lk 10:24 dico enim vobis quod multi prophetae et reges voluerunt videre quae vos videtis et non viderunt et audire quae auditis et non audierunt Lk 10:25 et ecce quidam legis peritus surrexit temptans illum et dicens magister quid faciendo vitam aeternam possidebo Lk 10:26 at ille dixit ad eum in lege quid scriptum est quomodo legis Lk 10:27 ille respondens dixit diliges Dominum Deum tuum ex toto corde tuo et ex tota anima tua et ex omnibus viribus tuis et ex omni mente tua et proximum tuum sicut te ipsum Lk 10:28 dixitque illi recte respondisti hoc fac et vives Lk 10:29 ille autem volens iustificare se ipsum dixit ad Iesum et quis est meus proximus Lk 10:30 suscipiens autem Iesus dixit homo quidam descendebat ab Hierusalem in Hiericho et incidit in latrones qui etiam despoliaverunt eum et plagis inpositis abierunt semivivo relicto Lk 10:31 accidit autem ut sacerdos quidam descenderet eadem via et viso illo praeterivit Lk 10:32 similiter et Levita cum esset secus locum et videret eum pertransiit Lk 10:33 Samaritanus autem quidam iter faciens venit secus eum et videns eum misericordia motus est Lk 10:34 et adpropians alligavit vulnera eius infundens oleum et vinum et inponens illum in iumentum suum duxit in stabulum et curam eius egit Lk 10:35 et altera die protulit duos denarios et dedit stabulario et ait curam illius habe et quodcumque supererogaveris ego cum rediero reddam tibi Lk 10:36 quis horum trium videtur tibi proximus fuisse illi qui incidit in latrones Lk 10:37 at ille dixit qui fecit misericordiam in illum et ait illi Iesus vade et tu fac similiter Lk 10:38 factum est autem dum irent et ipse intravit in quoddam castellum et mulier quaedam Martha nomine excepit illum in domum suam Lk 10:39 et huic erat soror nomine Maria quae etiam sedens secus pedes Domini audiebat verbum illius Lk 10:40 Martha autem satagebat circa frequens ministerium quae stetit et ait Domine non est tibi curae quod soror mea reliquit me solam ministrare dic ergo illi ut me adiuvet Lk 10:41 et respondens dixit illi Dominus Martha Martha sollicita es et turbaris erga plurima Lk 10:42 porro unum est necessarium Maria optimam partem elegit quae non auferetur ab ea Lk 11:1 et factum est cum esset in loco quodam orans ut cessavit dixit unus ex discipulis eius ad eum Domine doce nos orare sicut et Iohannes docuit discipulos suos Lk 11:2 et ait illis cum oratis dicite Pater sanctificetur nomen tuum adveniat regnum tuum Lk 11:3 panem nostrum cotidianum da nobis cotidie Lk 11:4 et dimitte nobis peccata nostra siquidem et ipsi dimittimus omni debenti nobis et ne nos inducas in temptationem Lk 11:5 et ait ad illos quis vestrum habebit amicum et ibit ad illum media nocte et dicit illi amice commoda mihi tres panes Lk 11:6 quoniam amicus meus venit de via ad me et non habeo quod ponam ante illum Lk 11:7 et ille de intus respondens dicat noli mihi molestus esse iam ostium clausum est et pueri mei mecum sunt in cubili non possum surgere et dare tibi Lk 11:8 dico vobis et si non dabit illi surgens eo quod amicus eius sit propter inprobitatem tamen eius surget et dabit illi quotquot habet necessarios Lk 11:9 et ego vobis dico petite et dabitur vobis quaerite et invenietis pulsate et aperietur vobis Lk 11:10 omnis enim qui petit accipit et qui quaerit invenit et pulsanti aperietur Lk 11:11 quis autem ex vobis patrem petet panem numquid lapidem dabit illi aut piscem numquid pro pisce serpentem dabit illi Lk 11:12 aut si petierit ovum numquid porriget illi scorpionem Lk 11:13 si ergo vos cum sitis mali nostis bona data dare filiis vestris quanto magis Pater vester de caelo dabit spiritum bonum petentibus se Lk 11:14 et erat eiciens daemonium et illud erat mutum et cum eiecisset daemonium locutus est mutus et admiratae sunt turbae Lk 11:15 quidam autem ex eis dixerunt in Beelzebub principe daemoniorum eicit daemonia Lk 11:16 et alii temptantes signum de caelo quaerebant ab eo Lk 11:17 ipse autem ut vidit cogitationes eorum dixit eis omne regnum in se ipsum divisum desolatur et domus supra domum cadet Lk 11:18 si autem et Satanas in se ipsum divisus est quomodo stabit regnum ipsius quia dicitis in Beelzebub eicere me daemonia Lk 11:19 si autem ego in Beelzebub eicio daemonia filii vestri in quo eiciunt ideo ipsi iudices vestri erunt Lk 11:20 porro si in digito Dei eicio daemonia profecto praevenit in vos regnum Dei Lk 11:21 cum fortis armatus custodit atrium suum in pace sunt ea quae possidet Lk 11:22 si autem fortior illo superveniens vicerit eum universa arma eius aufert in quibus confidebat et spolia eius distribuit Lk 11:23 qui non est mecum adversum me est et qui non colligit mecum dispergit Lk 11:24 cum inmundus spiritus exierit de homine perambulat per loca inaquosa quaerens requiem et non inveniens dicit revertar in domum meam unde exivi Lk 11:25 et cum venerit invenit scopis mundatam Lk 11:26 et tunc vadit et adsumit septem alios spiritus nequiores se et ingressi habitant ibi et sunt novissima hominis illius peiora prioribus Lk 11:27 factum est autem cum haec diceret extollens vocem quaedam mulier de turba dixit illi beatus venter qui te portavit et ubera quae suxisti Lk 11:28 at ille dixit quippini beati qui audiunt verbum Dei et custodiunt Lk 11:29 turbis autem concurrentibus coepit dicere generatio haec generatio nequam est signum quaerit et signum non dabitur illi nisi signum Ionae Lk 11:30 nam sicut Ionas fuit signum Ninevitis ita erit et Filius hominis generationi isti Lk 11:31 regina austri surget in iudicio cum viris generationis huius et condemnabit illos quia venit a finibus terrae audire sapientiam Salomonis et ecce plus Salomone hic Lk 11:32 viri ninevitae surgent in iudicio cum generatione hac et condemnabunt illam quia paenitentiam egerunt ad praedicationem Ionae et ecce plus Iona hic Lk 11:33 nemo lucernam accendit et in abscondito ponit neque sub modio sed supra candelabrum ut qui ingrediuntur lumen videant Lk 11:34 lucerna corporis tui est oculus tuus si oculus tuus fuerit simplex totum corpus tuum lucidum erit si autem nequam fuerit etiam corpus tuum tenebrosum erit Lk 11:35 vide ergo ne lumen quod in te est tenebrae sint Lk 11:36 si ergo corpus tuum totum lucidum fuerit non habens aliquam partem tenebrarum erit lucidum totum et sicut lucerna fulgoris inluminabit te Lk 11:37 et cum loqueretur rogavit illum quidam Pharisaeus ut pranderet apud se et ingressus recubuit Lk 11:38 Pharisaeus autem coepit intra se reputans dicere quare non baptizatus esset ante prandium Lk 11:39 et ait Dominus ad illum nunc vos Pharisaei quod de foris est calicis et catini mundatis quod autem intus est vestrum plenum est rapina et iniquitate Lk 11:40 stulti nonne qui fecit quod de foris est etiam id quod de intus est fecit Lk 11:41 verumtamen quod superest date elemosynam et ecce omnia munda sunt vobis Lk 11:42 sed vae vobis Pharisaeis quia decimatis mentam et rutam et omne holus et praeteritis iudicium et caritatem Dei haec autem oportuit facere et illa non omittere Lk 11:43 vae vobis Pharisaeis quia diligitis primas cathedras in synagogis et salutationes in foro Lk 11:44 vae vobis quia estis ut monumenta quae non parent et homines ambulantes supra nesciunt Lk 11:45 respondens autem quidam ex legis peritis ait illi magister haec dicens etiam nobis contumeliam facis Lk 11:46 at ille ait et vobis legis peritis vae quia oneratis homines oneribus quae portari non possunt et ipsi uno digito vestro non tangitis sarcinas Lk 11:47 vae vobis quia aedificatis monumenta prophetarum patres autem vestri occiderunt illos Lk 11:48 profecto testificamini quod consentitis operibus patrum vestrorum quoniam quidem ipsi eos occiderunt vos autem aedificatis eorum sepulchra Lk 11:49 propterea et sapientia Dei dixit mittam ad illos prophetas et apostolos et ex illis occident et persequentur Lk 11:50 ut inquiratur sanguis omnium prophetarum qui effusus est a constitutione mundi a generatione ista Lk 11:51 a sanguine Abel usque ad sanguinem Zacchariae qui periit inter altare et aedem ita dico vobis requiretur ab hac generatione Lk 11:52 vae vobis legis peritis quia tulistis clavem scientiae ipsi non introistis et eos qui introibant prohibuistis Lk 11:53 cum haec ad illos diceret coeperunt Pharisaei et legis periti graviter insistere et os eius opprimere de multis Lk 11:54 insidiantes et quaerentes capere aliquid ex ore eius ut accusarent eum Lk 12:1 multis autem turbis circumstantibus ita ut se invicem conculcarent coepit dicere ad discipulos suos adtendite a fermento Pharisaeorum quae est hypocrisis Lk 12:2 nihil autem opertum est quod non reveletur neque absconditum quod non sciatur Lk 12:3 quoniam quae in tenebris dixistis in lumine dicentur et quod in aurem locuti estis in cubiculis praedicabitur in tectis Lk 12:4 dico autem vobis amicis meis ne terreamini ab his qui occidunt corpus et post haec non habent amplius quod faciant Lk 12:5 ostendam autem vobis quem timeatis timete eum qui postquam occiderit habet potestatem mittere in gehennam ita dico vobis hunc timete Lk 12:6 nonne quinque passeres veneunt dipundio et unus ex illis non est in oblivione coram Deo Lk 12:7 sed et capilli capitis vestri omnes numerati sunt nolite ergo timere multis passeribus pluris estis Lk 12:8 dico autem vobis omnis quicumque confessus fuerit in me coram hominibus et Filius hominis confitebitur in illo coram angelis Dei Lk 12:9 qui autem negaverit me coram hominibus denegabitur coram angelis Dei Lk 12:10 et omnis qui dicit verbum in Filium hominis remittetur illi ei autem qui in Spiritum Sanctum blasphemaverit non remittetur Lk 12:11 cum autem inducent vos in synagogas et ad magistratus et potestates nolite solliciti esse qualiter aut quid respondeatis aut quid dicatis Lk 12:12 Spiritus enim Sanctus docebit vos in ipsa hora quae oporteat dicere Lk 12:13 ait autem quidam ei de turba magister dic fratri meo ut dividat mecum hereditatem Lk 12:14 at ille dixit ei homo quis me constituit iudicem aut divisorem super vos Lk 12:15 dixitque ad illos videte et cavete ab omni avaritia quia non in abundantia cuiusquam vita eius est ex his quae possidet Lk 12:16 dixit autem similitudinem ad illos dicens hominis cuiusdam divitis uberes fructus ager adtulit Lk 12:17 et cogitabat intra se dicens quid faciam quod non habeo quo congregem fructus meos Lk 12:18 et dixit hoc faciam destruam horrea mea et maiora faciam et illuc congregabo omnia quae nata sunt mihi et bona mea Lk 12:19 et dicam animae meae anima habes multa bona posita in annos plurimos requiesce comede bibe epulare Lk 12:20 dixit autem illi Deus stulte hac nocte animam tuam repetunt a te quae autem parasti cuius erunt Lk 12:21 sic est qui sibi thesaurizat et non est in Deum dives Lk 12:22 dixitque ad discipulos suos ideo dico vobis nolite solliciti esse animae quid manducetis neque corpori quid vestiamini Lk 12:23 anima plus est quam esca et corpus quam vestimentum Lk 12:24 considerate corvos quia non seminant neque metunt quibus non est cellarium neque horreum et Deus pascit illos quanto magis vos pluris estis illis Lk 12:25 quis autem vestrum cogitando potest adicere ad staturam suam cubitum unum Lk 12:26 si ergo neque quod minimum est potestis quid de ceteris solliciti estis Lk 12:27 considerate lilia quomodo crescunt non laborant non nent dico autem vobis nec Salomon in omni gloria sua vestiebatur sicut unum ex istis Lk 12:28 si autem faenum quod hodie in agro est et cras in clibanum mittitur Deus sic vestit quanto magis vos pusillae fidei Lk 12:29 et vos nolite quaerere quid manducetis aut quid bibatis et nolite in sublime tolli Lk 12:30 haec enim omnia gentes mundi quaerunt Pater autem vester scit quoniam his indigetis Lk 12:31 verumtamen quaerite regnum Dei et haec omnia adicientur vobis Lk 12:32 nolite timere pusillus grex quia conplacuit Patri vestro dare vobis regnum Lk 12:33 vendite quae possidetis et date elemosynam facite vobis sacculos qui non veterescunt thesaurum non deficientem in caelis quo fur non adpropiat neque tinea corrumpit Lk 12:34 ubi enim thesaurus vester est ibi et cor vestrum erit Lk 12:35 sint lumbi vestri praecincti et lucernae ardentes Lk 12:36 et vos similes hominibus expectantibus dominum suum quando revertatur a nuptiis ut cum venerit et pulsaverit confestim aperiant ei Lk 12:37 beati servi illi quos cum venerit dominus invenerit vigilantes amen dico vobis quod praecinget se et faciet illos discumbere et transiens ministrabit illis Lk 12:38 et si venerit in secunda vigilia et si in tertia vigilia venerit et ita invenerit beati sunt servi illi Lk 12:39 hoc autem scitote quia si sciret pater familias qua hora fur veniret vigilaret utique et non sineret perfodiri domum suam Lk 12:40 et vos estote parati quia qua hora non putatis Filius hominis venit Lk 12:41 ait autem ei Petrus Domine ad nos dicis hanc parabolam an et ad omnes Lk 12:42 dixit autem Dominus quis putas est fidelis dispensator et prudens quem constituet dominus super familiam suam ut det illis in tempore tritici mensuram Lk 12:43 beatus ille servus quem cum venerit dominus invenerit ita facientem Lk 12:44 vere dico vobis quia supra omnia quae possidet constituet illum Lk 12:45 quod si dixerit servus ille in corde suo moram facit dominus meus venire et coeperit percutere pueros et ancillas et edere et bibere et inebriari Lk 12:46 veniet dominus servi illius in die qua non sperat et hora qua nescit et dividet eum partemque eius cum infidelibus ponet Lk 12:47 ille autem servus qui cognovit voluntatem domini sui et non praeparavit et non fecit secundum voluntatem eius vapulabit multas Lk 12:48 qui autem non cognovit et fecit digna plagis vapulabit paucis omni autem cui multum datum est multum quaeretur ab eo et cui commendaverunt multum plus petent ab eo Lk 12:49 ignem veni mittere in terram et quid volo si accendatur Lk 12:50 baptisma autem habeo baptizari et quomodo coartor usque dum perficiatur Lk 12:51 putatis quia pacem veni dare in terram non dico vobis sed separationem Lk 12:52 erunt enim ex hoc quinque in domo una divisi tres in duo et duo in tres Lk 12:53 dividentur pater in filium et filius in patrem suum mater in filiam et filia in matrem socrus in nurum suam et nurus in socrum suam Lk 12:54 dicebat autem et ad turbas cum videritis nubem orientem ab occasu statim dicitis nimbus venit et ita fit Lk 12:55 et cum austrum flantem dicitis quia aestus erit et fit Lk 12:56 hypocritae faciem terrae et caeli nostis probare hoc autem tempus quomodo non probatis Lk 12:57 quid autem et a vobis ipsis non iudicatis quod iustum est Lk 12:58 cum autem vadis cum adversario tuo ad principem in via da operam liberari ab illo ne forte trahat te apud iudicem et iudex tradat te exactori et exactor mittat te in carcerem Lk 12:59 dico tibi non exies inde donec etiam novissimum minutum reddas Lk 13:1 aderant autem quidam ipso in tempore nuntiantes illi de Galilaeis quorum sanguinem Pilatus miscuit cum sacrificiis eorum Lk 13:2 et respondens dixit illis putatis quod hii Galilaei prae omnibus Galilaeis peccatores fuerunt quia talia passi sunt Lk 13:3 non dico vobis sed nisi paenitentiam habueritis omnes similiter peribitis Lk 13:4 sicut illi decem et octo supra quos cecidit turris in Siloam et occidit eos putatis quia et ipsi debitores fuerunt praeter omnes homines habitantes in Hierusalem Lk 13:5 non dico vobis sed si non paenitentiam egeritis omnes similiter peribitis Lk 13:6 dicebat autem hanc similitudinem arborem fici habebat quidam plantatam in vinea sua et venit quaerens fructum in illa et non invenit Lk 13:7 dixit autem ad cultorem vineae ecce anni tres sunt ex quo venio quaerens fructum in ficulnea hac et non invenio succide ergo illam ut quid etiam terram occupat Lk 13:8 at ille respondens dixit illi domine dimitte illam et hoc anno usque dum fodiam circa illam et mittam stercora Lk 13:9 et si quidem fecerit fructum sin autem in futurum succides eam Lk 13:10 erat autem docens in synagoga eorum sabbatis Lk 13:11 et ecce mulier quae habebat spiritum infirmitatis annis decem et octo et erat inclinata nec omnino poterat sursum respicere Lk 13:12 quam cum videret Iesus vocavit ad se et ait illi mulier dimissa es ab infirmitate tua Lk 13:13 et inposuit illi manus et confestim erecta est et glorificabat Deum Lk 13:14 respondens autem archisynagogus indignans quia sabbato curasset Iesus dicebat turbae sex dies sunt in quibus oportet operari in his ergo venite et curamini et non in die sabbati Lk 13:15 respondit autem ad illum Dominus et dixit hypocritae unusquisque vestrum sabbato non solvit bovem suum aut asinum a praesepio et ducit adaquare Lk 13:16 hanc autem filiam Abrahae quam alligavit Satanas ecce decem et octo annis non oportuit solvi a vinculo isto die sabbati Lk 13:17 et cum haec diceret erubescebant omnes adversarii eius et omnis populus gaudebat in universis quae gloriose fiebant ab eo Lk 13:18 dicebat ergo cui simile est regnum Dei et cui simile esse existimabo illud Lk 13:19 simile est grano sinapis quod acceptum homo misit in hortum suum et crevit et factum est in arborem magnam et volucres caeli requieverunt in ramis eius Lk 13:20 et iterum dixit cui simile aestimabo regnum Dei Lk 13:21 simile est fermento quod acceptum mulier abscondit in farinae sata tria donec fermentaretur totum Lk 13:22 et ibat per civitates et castella docens et iter faciens in Hierusalem Lk 13:23 ait autem illi quidam Domine si pauci sunt qui salvantur ipse autem dixit ad illos Lk 13:24 contendite intrare per angustam portam quia multi dico vobis quaerunt intrare et non poterunt Lk 13:25 cum autem intraverit pater familias et cluserit ostium et incipietis foris stare et pulsare ostium dicentes Domine aperi nobis et respondens dicet vobis nescio vos unde sitis Lk 13:26 tunc incipietis dicere manducavimus coram te et bibimus et in plateis nostris docuisti Lk 13:27 et dicet vobis nescio vos unde sitis discedite a me omnes operarii iniquitatis Lk 13:28 ibi erit fletus et stridor dentium cum videritis Abraham et Isaac et Iacob et omnes prophetas in regno Dei vos autem expelli foras Lk 13:29 et venient ab oriente et occidente et aquilone et austro et accumbent in regno Dei Lk 13:30 et ecce sunt novissimi qui erunt primi et sunt primi qui erunt novissimi Lk 13:31 in ipsa die accesserunt quidam Pharisaeorum dicentes illi exi et vade hinc quia Herodes vult te occidere Lk 13:32 et ait illis ite dicite vulpi illi ecce eicio daemonia et sanitates perficio hodie et cras et tertia consummor Lk 13:33 verumtamen oportet me hodie et cras et sequenti ambulare quia non capit prophetam perire extra Hierusalem Lk 13:34 Hierusalem Hierusalem quae occidis prophetas et lapidas eos qui mittuntur ad te quotiens volui congregare filios tuos quemadmodum avis nidum suum sub pinnis et noluisti Lk 13:35 ecce relinquitur vobis domus vestra dico autem vobis quia non videbitis me donec veniat cum dicetis benedictus qui venit in nomine Domini Lk 14:1 et factum est cum intraret in domum cuiusdam principis Pharisaeorum sabbato manducare panem et ipsi observabant eum Lk 14:2 et ecce homo quidam hydropicus erat ante illum Lk 14:3 et respondens Iesus dixit ad legis peritos et Pharisaeos dicens si licet sabbato curare Lk 14:4 at illi tacuerunt ipse vero adprehensum sanavit eum ac dimisit Lk 14:5 et respondens ad illos dixit cuius vestrum asinus aut bos in puteum cadet et non continuo extrahet illum die sabbati Lk 14:6 et non poterant ad haec respondere illi Lk 14:7 dicebat autem et ad invitatos parabolam intendens quomodo primos accubitus eligerent dicens ad illos Lk 14:8 cum invitatus fueris ad nuptias non discumbas in primo loco ne forte honoratior te sit invitatus ab eo Lk 14:9 et veniens is qui te et illum vocavit dicat tibi da huic locum et tunc incipias cum rubore novissimum locum tenere Lk 14:10 sed cum vocatus fueris vade recumbe in novissimo loco ut cum venerit qui te invitavit dicat tibi amice ascende superius tunc erit tibi gloria coram simul discumbentibus Lk 14:11 quia omnis qui se exaltat humiliabitur et qui se humiliat exaltabitur Lk 14:12 dicebat autem et ei qui se invitaverat cum facis prandium aut cenam noli vocare amicos tuos neque fratres tuos neque cognatos neque vicinos divites ne forte et ipsi te reinvitent et fiat tibi retributio Lk 14:13 sed cum facis convivium voca pauperes debiles claudos caecos Lk 14:14 et beatus eris quia non habent retribuere tibi retribuetur enim tibi in resurrectione iustorum Lk 14:15 haec cum audisset quidam de simul discumbentibus dixit illi beatus qui manducabit panem in regno Dei Lk 14:16 at ipse dixit ei homo quidam fecit cenam magnam et vocavit multos Lk 14:17 et misit servum suum hora cenae dicere invitatis ut venirent quia iam parata sunt omnia Lk 14:18 et coeperunt simul omnes excusare primus dixit ei villam emi et necesse habeo exire et videre illam rogo te habe me excusatum Lk 14:19 et alter dixit iuga boum emi quinque et eo probare illa rogo te habe me excusatum Lk 14:20 et alius dixit uxorem duxi et ideo non possum venire Lk 14:21 et reversus servus nuntiavit haec domino suo tunc iratus pater familias dixit servo suo exi cito in plateas et vicos civitatis et pauperes ac debiles et caecos et claudos introduc huc Lk 14:22 et ait servus domine factum est ut imperasti et adhuc locus est Lk 14:23 et ait dominus servo exi in vias et sepes et conpelle intrare ut impleatur domus mea Lk 14:24 dico autem vobis quod nemo virorum illorum qui vocati sunt gustabit cenam meam Lk 14:25 ibant autem turbae multae cum eo et conversus dixit ad illos Lk 14:26 si quis venit ad me et non odit patrem suum et matrem et uxorem et filios et fratres et sorores adhuc autem et animam suam non potest esse meus discipulus Lk 14:27 et qui non baiulat crucem suam et venit post me non potest esse meus discipulus Lk 14:28 quis enim ex vobis volens turrem aedificare non prius sedens conputat sumptus qui necessarii sunt si habet ad perficiendum Lk 14:29 ne posteaquam posuerit fundamentum et non potuerit perficere omnes qui vident incipiant inludere ei Lk 14:30 dicentes quia hic homo coepit aedificare et non potuit consummare Lk 14:31 aut qui rex iturus committere bellum adversus alium regem non sedens prius cogitat si possit cum decem milibus occurrere ei qui cum viginti milibus venit ad se Lk 14:32 alioquin adhuc illo longe agente legationem mittens rogat ea quae pacis sunt Lk 14:33 sic ergo omnis ex vobis qui non renuntiat omnibus quae possidet non potest meus esse discipulus Lk 14:34 bonum est sal si autem sal quoque evanuerit in quo condietur Lk 14:35 neque in terram neque in sterquilinium utile est sed foras mittetur qui habet aures audiendi audiat Lk 15:1 erant autem adpropinquantes ei publicani et peccatores ut audirent illum Lk 15:2 et murmurabant Pharisaei et scribae dicentes quia hic peccatores recipit et manducat cum illis Lk 15:3 et ait ad illos parabolam istam dicens Lk 15:4 quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam Lk 15:5 et cum invenerit eam inponit in umeros suos gaudens Lk 15:6 et veniens domum convocat amicos et vicinos dicens illis congratulamini mihi quia inveni ovem meam quae perierat Lk 15:7 dico vobis quod ita gaudium erit in caelo super uno peccatore paenitentiam habente quam super nonaginta novem iustis qui non indigent paenitentia Lk 15:8 aut quae mulier habens dragmas decem si perdiderit dragmam unam nonne accendit lucernam et everrit domum et quaerit diligenter donec inveniat Lk 15:9 et cum invenerit convocat amicas et vicinas dicens congratulamini mihi quia inveni dragmam quam perdideram Lk 15:10 ita dico vobis gaudium erit coram angelis Dei super uno peccatore paenitentiam agente Lk 15:11 ait autem homo quidam habuit duos filios Lk 15:12 et dixit adulescentior ex illis patri pater da mihi portionem substantiae quae me contingit et divisit illis substantiam Lk 15:13 et non post multos dies congregatis omnibus adulescentior filius peregre profectus est in regionem longinquam et ibi dissipavit substantiam suam vivendo luxuriose Lk 15:14 et postquam omnia consummasset facta est fames valida in regione illa et ipse coepit egere Lk 15:15 et abiit et adhesit uni civium regionis illius et misit illum in villam suam ut pasceret porcos Lk 15:16 et cupiebat implere ventrem suum de siliquis quas porci manducabant et nemo illi dabat Lk 15:17 in se autem reversus dixit quanti mercennarii patris mei abundant panibus ego autem hic fame pereo Lk 15:18 surgam et ibo ad patrem meum et dicam illi pater peccavi in caelum et coram te Lk 15:19 et iam non sum dignus vocari filius tuus fac me sicut unum de mercennariis tuis Lk 15:20 et surgens venit ad patrem suum cum autem adhuc longe esset vidit illum pater ipsius et misericordia motus est et adcurrens cecidit supra collum eius et osculatus est illum Lk 15:21 dixitque ei filius pater peccavi in caelum et coram te iam non sum dignus vocari filius tuus Lk 15:22 dixit autem pater ad servos suos cito proferte stolam primam et induite illum et date anulum in manum eius et calciamenta in pedes Lk 15:23 et adducite vitulum saginatum et occidite et manducemus et epulemur Lk 15:24 quia hic filius meus mortuus erat et revixit perierat et inventus est et coeperunt epulari Lk 15:25 erat autem filius eius senior in agro et cum veniret et adpropinquaret domui audivit symphoniam et chorum Lk 15:26 et vocavit unum de servis et interrogavit quae haec essent Lk 15:27 isque dixit illi frater tuus venit et occidit pater tuus vitulum saginatum quia salvum illum recepit Lk 15:28 indignatus est autem et nolebat introire pater ergo illius egressus coepit rogare illum Lk 15:29 at ille respondens dixit patri suo ecce tot annis servio tibi et numquam mandatum tuum praeterii et numquam dedisti mihi hedum ut cum amicis meis epularer Lk 15:30 sed postquam filius tuus hic qui devoravit substantiam suam cum meretricibus venit occidisti illi vitulum saginatum Lk 15:31 at ipse dixit illi fili tu semper mecum es et omnia mea tua sunt Lk 15:32 epulari autem et gaudere oportebat quia frater tuus hic mortuus erat et revixit perierat et inventus est Lk 16:1 dicebat autem et ad discipulos suos homo quidam erat dives qui habebat vilicum et hic diffamatus est apud illum quasi dissipasset bona ipsius Lk 16:2 et vocavit illum et ait illi quid hoc audio de te redde rationem vilicationis tuae iam enim non poteris vilicare Lk 16:3 ait autem vilicus intra se quid faciam quia dominus meus aufert a me vilicationem fodere non valeo mendicare erubesco Lk 16:4 scio quid faciam ut cum amotus fuero a vilicatione recipiant me in domos suas Lk 16:5 convocatis itaque singulis debitoribus domini sui dicebat primo quantum debes domino meo Lk 16:6 at ille dixit centum cados olei dixitque illi accipe cautionem tuam et sede cito scribe quinquaginta Lk 16:7 deinde alio dixit tu vero quantum debes qui ait centum choros tritici ait illi accipe litteras tuas et scribe octoginta Lk 16:8 et laudavit dominus vilicum iniquitatis quia prudenter fecisset quia filii huius saeculi prudentiores filiis lucis in generatione sua sunt Lk 16:9 et ego vobis dico facite vobis amicos de mamona iniquitatis ut cum defeceritis recipiant vos in aeterna tabernacula Lk 16:10 qui fidelis est in minimo et in maiori fidelis est et qui in modico iniquus est et in maiori iniquus est Lk 16:11 si ergo in iniquo mamona fideles non fuistis quod verum est quis credet vobis Lk 16:12 et si in alieno fideles non fuistis quod vestrum est quis dabit vobis Lk 16:13 nemo servus potest duobus dominis servire aut enim unum odiet et alterum diliget aut uni adherebit et alterum contemnet non potestis Deo servire et mamonae Lk 16:14 audiebant autem omnia haec Pharisaei qui erant avari et deridebant illum Lk 16:15 et ait illis vos estis qui iustificatis vos coram hominibus Deus autem novit corda vestra quia quod hominibus altum est abominatio est ante Deum Lk 16:16 lex et prophetae usque ad Iohannem ex eo regnum Dei evangelizatur et omnis in illud vim facit Lk 16:17 facilius est autem caelum et terram praeterire quam de lege unum apicem cadere Lk 16:18 omnis qui dimittit uxorem suam et ducit alteram moechatur et qui dimissam a viro ducit moechatur Lk 16:19 homo quidam erat dives et induebatur purpura et bysso et epulabatur cotidie splendide Lk 16:20 et erat quidam mendicus nomine Lazarus qui iacebat ad ianuam eius ulceribus plenus Lk 16:21 cupiens saturari de micis quae cadebant de mensa divitis sed et canes veniebant et lingebant ulcera eius Lk 16:22 factum est autem ut moreretur mendicus et portaretur ab angelis in sinum Abrahae mortuus est autem et dives et sepultus est in inferno Lk 16:23 elevans oculos suos cum esset in tormentis videbat Abraham a longe et Lazarum in sinu eius Lk 16:24 et ipse clamans dixit pater Abraham miserere mei et mitte Lazarum ut intinguat extremum digiti sui in aqua ut refrigeret linguam meam quia crucior in hac flamma Lk 16:25 et dixit illi Abraham fili recordare quia recepisti bona in vita tua et Lazarus similiter mala nunc autem hic consolatur tu vero cruciaris Lk 16:26 et in his omnibus inter nos et vos chasma magnum firmatum est ut hii qui volunt hinc transire ad vos non possint neque inde huc transmeare Lk 16:27 et ait rogo ergo te pater ut mittas eum in domum patris mei Lk 16:28 habeo enim quinque fratres ut testetur illis ne et ipsi veniant in locum hunc tormentorum Lk 16:29 et ait illi Abraham habent Mosen et prophetas audiant illos Lk 16:30 at ille dixit non pater Abraham sed si quis ex mortuis ierit ad eos paenitentiam agent Lk 16:31 ait autem illi si Mosen et prophetas non audiunt neque si quis ex mortuis resurrexerit credent Lk 17:1 et ad discipulos suos ait inpossibile est ut non veniant scandala vae autem illi per quem veniunt Lk 17:2 utilius est illi si lapis molaris inponatur circa collum eius et proiciatur in mare quam ut scandalizet unum de pusillis istis Lk 17:3 adtendite vobis si peccaverit frater tuus increpa illum et si paenitentiam egerit dimitte illi Lk 17:4 et si septies in die peccaverit in te et septies in die conversus fuerit ad te dicens paenitet me dimitte illi Lk 17:5 et dixerunt apostoli Domino adauge nobis fidem Lk 17:6 dixit autem Dominus si haberetis fidem sicut granum sinapis diceretis huic arbori moro eradicare et transplantare in mare et oboediret vobis Lk 17:7 quis autem vestrum habens servum arantem aut pascentem qui regresso de agro dicet illi statim transi recumbe Lk 17:8 et non dicet ei para quod cenem et praecinge te et ministra mihi donec manducem et bibam et post haec tu manducabis et bibes Lk 17:9 numquid gratiam habet servo illi quia fecit quae sibi imperaverat non puto Lk 17:10 sic et vos cum feceritis omnia quae praecepta sunt vobis dicite servi inutiles sumus quod debuimus facere fecimus Lk 17:11 et factum est dum iret in Hierusalem transiebat per mediam Samariam et Galilaeam Lk 17:12 et cum ingrederetur quoddam castellum occurrerunt ei decem viri leprosi qui steterunt a longe Lk 17:13 et levaverunt vocem dicentes Iesu praeceptor miserere nostri Lk 17:14 quos ut vidit dixit ite ostendite vos sacerdotibus et factum est dum irent mundati sunt Lk 17:15 unus autem ex illis ut vidit quia mundatus est regressus est cum magna voce magnificans Deum Lk 17:16 et cecidit in faciem ante pedes eius gratias agens et hic erat Samaritanus Lk 17:17 respondens autem Iesus dixit nonne decem mundati sunt et novem ubi sunt Lk 17:18 non est inventus qui rediret et daret gloriam Deo nisi hic alienigena Lk 17:19 et ait illi surge vade quia fides tua te salvum fecit Lk 17:20 interrogatus autem a Pharisaeis quando venit regnum Dei respondit eis et dixit non venit regnum Dei cum observatione Lk 17:21 neque dicent ecce hic aut ecce illic ecce enim regnum Dei intra vos est Lk 17:22 et ait ad discipulos venient dies quando desideretis videre unum diem Filii hominis et non videbitis Lk 17:23 et dicent vobis ecce hic ecce illic nolite ire neque sectemini Lk 17:24 nam sicut fulgur coruscans de sub caelo in ea quae sub caelo sunt fulget ita erit Filius hominis in die sua Lk 17:25 primum autem oportet illum multa pati et reprobari a generatione hac Lk 17:26 et sicut factum est in diebus Noe ita erit et in diebus Filii hominis Lk 17:27 edebant et bibebant uxores ducebant et dabantur ad nuptias usque in diem qua intravit Noe in arcam et venit diluvium et perdidit omnes Lk 17:28 similiter sicut factum est in diebus Loth edebant et bibebant emebant et vendebant plantabant aedificabant Lk 17:29 qua die autem exiit Loth a Sodomis pluit ignem et sulphur de caelo et omnes perdidit Lk 17:30 secundum haec erit qua die Filius hominis revelabitur Lk 17:31 in illa hora qui fuerit in tecto et vasa eius in domo ne descendat tollere illa et qui in agro similiter non redeat retro Lk 17:32 memores estote uxoris Loth Lk 17:33 quicumque quaesierit animam suam salvare perdet illam et qui perdiderit illam vivificabit eam Lk 17:34 dico vobis illa nocte erunt duo in lecto uno unus adsumetur et alter relinquetur Lk 17:35 duae erunt molentes in unum una adsumetur et altera relinquetur duo in agro unus adsumetur et alter relinquetur Lk 17:36 respondentes dicunt illi ubi Domine Lk 17:37 qui dixit eis ubicumque fuerit corpus illuc congregabuntur aquilae Lk 18:1 dicebat autem et parabolam ad illos quoniam oportet semper orare et non deficere Lk 18:2 dicens iudex quidam erat in quadam civitate qui Deum non timebat et hominem non verebatur Lk 18:3 vidua autem quaedam erat in civitate illa et veniebat ad eum dicens vindica me de adversario meo Lk 18:4 et nolebat per multum tempus post haec autem dixit intra se et si Deum non timeo nec hominem revereor Lk 18:5 tamen quia molesta est mihi haec vidua vindicabo illam ne in novissimo veniens suggillet me Lk 18:6 ait autem Dominus audite quid iudex iniquitatis dicit Lk 18:7 Deus autem non faciet vindictam electorum suorum clamantium ad se die ac nocte et patientiam habebit in illis Lk 18:8 dico vobis quia cito faciet vindictam illorum verumtamen Filius hominis veniens putas inveniet fidem in terra Lk 18:9 dixit autem et ad quosdam qui in se confidebant tamquam iusti et aspernabantur ceteros parabolam istam Lk 18:10 duo homines ascenderunt in templum ut orarent unus Pharisaeus et alter publicanus Lk 18:11 Pharisaeus stans haec apud se orabat Deus gratias ago tibi quia non sum sicut ceteri hominum raptores iniusti adulteri vel ut etiam hic publicanus Lk 18:12 ieiuno bis in sabbato decimas do omnium quae possideo Lk 18:13 et publicanus a longe stans nolebat nec oculos ad caelum levare sed percutiebat pectus suum dicens Deus propitius esto mihi peccatori Lk 18:14 dico vobis descendit hic iustificatus in domum suam ab illo quia omnis qui se exaltat humiliabitur et qui se humiliat exaltabitur Lk 18:15 adferebant autem ad illum et infantes ut eos tangeret quod cum viderent discipuli increpabant illos Lk 18:16 Iesus autem convocans illos dixit sinite pueros venire ad me et nolite eos vetare talium est enim regnum Dei Lk 18:17 amen dico vobis quicumque non acceperit regnum Dei sicut puer non intrabit in illud Lk 18:18 et interrogavit eum quidam princeps dicens magister bone quid faciens vitam aeternam possidebo Lk 18:19 dixit autem ei Iesus quid me dicis bonum nemo bonus nisi solus Deus Lk 18:20 mandata nosti non occides non moechaberis non furtum facies non falsum testimonium dices honora patrem tuum et matrem Lk 18:21 qui ait haec omnia custodivi a iuventute mea Lk 18:22 quo audito Iesus ait ei adhuc unum tibi deest omnia quaecumque habes vende et da pauperibus et habebis thesaurum in caelo et veni sequere me Lk 18:23 his ille auditis contristatus est quia dives erat valde Lk 18:24 videns autem illum Iesus tristem factum dixit quam difficile qui pecunias habent in regnum Dei intrabunt Lk 18:25 facilius est enim camelum per foramen acus transire quam divitem intrare in regnum Dei Lk 18:26 et dixerunt qui audiebant et quis potest salvus fieri Lk 18:27 ait illis quae inpossibilia sunt apud homines possibilia sunt apud Deum Lk 18:28 ait autem Petrus ecce nos dimisimus omnia et secuti sumus te Lk 18:29 qui dixit eis amen dico vobis nemo est qui reliquit domum aut parentes aut fratres aut uxorem aut filios propter regnum Dei Lk 18:30 et non recipiat multo plura in hoc tempore et in saeculo venturo vitam aeternam Lk 18:31 adsumpsit autem Iesus duodecim et ait illis ecce ascendimus Hierosolyma et consummabuntur omnia quae scripta sunt per prophetas de Filio hominis Lk 18:32 tradetur enim gentibus et inludetur et flagellabitur et conspuetur Lk 18:33 et postquam flagellaverint occident eum et die tertia resurget Lk 18:34 et ipsi nihil horum intellexerunt et erat verbum istud absconditum ab eis et non intellegebant quae dicebantur Lk 18:35 factum est autem cum adpropinquaret Hiericho caecus quidam sedebat secus viam mendicans Lk 18:36 et cum audiret turbam praetereuntem interrogabat quid hoc esset Lk 18:37 dixerunt autem ei quod Iesus Nazarenus transiret Lk 18:38 et clamavit dicens Iesu Fili David miserere mei Lk 18:39 et qui praeibant increpabant eum ut taceret ipse vero multo magis clamabat Fili David miserere mei Lk 18:40 stans autem Iesus iussit illum adduci ad se et cum adpropinquasset interrogavit illum Lk 18:41 dicens quid tibi vis faciam at ille dixit Domine ut videam Lk 18:42 et Iesus dixit illi respice fides tua te salvum fecit Lk 18:43 et confestim vidit et sequebatur illum magnificans Deum et omnis plebs ut vidit dedit laudem Deo Lk 19:1 et ingressus perambulabat Hiericho Lk 19:2 et ecce vir nomine Zaccheus et hic erat princeps publicanorum et ipse dives Lk 19:3 et quaerebat videre Iesum quis esset et non poterat prae turba quia statura pusillus erat Lk 19:4 et praecurrens ascendit in arborem sycomorum ut videret illum quia inde erat transiturus Lk 19:5 et cum venisset ad locum suspiciens Iesus vidit illum et dixit ad eum Zacchee festinans descende quia hodie in domo tua oportet me manere Lk 19:6 et festinans descendit et excepit illum gaudens Lk 19:7 et cum viderent omnes murmurabant dicentes quod ad hominem peccatorem devertisset Lk 19:8 stans autem Zaccheus dixit ad Dominum ecce dimidium bonorum meorum Domine do pauperibus et si quid aliquem defraudavi reddo quadruplum Lk 19:9 ait Iesus ad eum quia hodie salus domui huic facta est eo quod et ipse filius sit Abrahae Lk 19:10 venit enim Filius hominis quaerere et salvum facere quod perierat Lk 19:11 haec illis audientibus adiciens dixit parabolam eo quod esset prope Hierusalem et quia existimarent quod confestim regnum Dei manifestaretur Lk 19:12 dixit ergo homo quidam nobilis abiit in regionem longinquam accipere sibi regnum et reverti Lk 19:13 vocatis autem decem servis suis dedit illis decem mnas et ait ad illos negotiamini dum venio Lk 19:14 cives autem eius oderant illum et miserunt legationem post illum dicentes nolumus hunc regnare super nos Lk 19:15 et factum est ut rediret accepto regno et iussit vocari servos quibus dedit pecuniam ut sciret quantum quisque negotiatus esset Lk 19:16 venit autem primus dicens domine mna tua decem mnas adquisivit Lk 19:17 et ait illi euge bone serve quia in modico fidelis fuisti eris potestatem habens supra decem civitates Lk 19:18 et alter venit dicens domine mna tua fecit quinque mnas Lk 19:19 et huic ait et tu esto supra quinque civitates Lk 19:20 et alter venit dicens domine ecce mna tua quam habui repositam in sudario Lk 19:21 timui enim te quia homo austeris es tollis quod non posuisti et metis quod non seminasti Lk 19:22 dicit ei de ore tuo te iudico serve nequam sciebas quod ego austeris homo sum tollens quod non posui et metens quod non seminavi Lk 19:23 et quare non dedisti pecuniam meam ad mensam et ego veniens cum usuris utique exegissem illud Lk 19:24 et adstantibus dixit auferte ab illo mnam et date illi qui decem mnas habet Lk 19:25 et dixerunt ei domine habet decem mnas Lk 19:26 dico autem vobis quia omni habenti dabitur ab eo autem qui non habet et quod habet auferetur ab eo Lk 19:27 verumtamen inimicos meos illos qui noluerunt me regnare super se adducite huc et interficite ante me Lk 19:28 et his dictis praecedebat ascendens in Hierosolyma Lk 19:29 et factum est cum adpropinquasset ad Bethfage et Bethania ad montem qui vocatur Oliveti misit duos discipulos suos Lk 19:30 dicens ite in castellum quod contra est in quod introeuntes invenietis pullum asinae alligatum cui nemo umquam hominum sedit solvite illum et adducite Lk 19:31 et si quis vos interrogaverit quare solvitis sic dicetis ei quia Dominus operam eius desiderat Lk 19:32 abierunt autem qui missi erant et invenerunt sicut dixit illis stantem pullum Lk 19:33 solventibus autem illis pullum dixerunt domini eius ad illos quid solvitis pullum Lk 19:34 at illi dixerunt quia Dominus eum necessarium habet Lk 19:35 et duxerunt illum ad Iesum et iactantes vestimenta sua supra pullum inposuerunt Iesum Lk 19:36 eunte autem illo substernebant vestimenta sua in via Lk 19:37 et cum adpropinquaret iam ad descensum montis Oliveti coeperunt omnes turbae discentium gaudentes laudare Deum voce magna super omnibus quas viderant virtutibus Lk 19:38 dicentes benedictus qui venit rex in nomine Domini pax in caelo et gloria in excelsis Lk 19:39 et quidam Pharisaeorum de turbis dixerunt ad illum magister increpa discipulos tuos Lk 19:40 quibus ipse ait dico vobis quia si hii tacuerint lapides clamabunt Lk 19:41 et ut adpropinquavit videns civitatem flevit super illam dicens Lk 19:42 quia si cognovisses et tu et quidem in hac die tua quae ad pacem tibi nunc autem abscondita sunt ab oculis tuis Lk 19:43 quia venient dies in te et circumdabunt te inimici tui vallo et circumdabunt te et coangustabunt te undique Lk 19:44 ad terram prosternent te et filios qui in te sunt et non relinquent in te lapidem super lapidem eo quod non cognoveris tempus visitationis tuae Lk 19:45 et ingressus in templum coepit eicere vendentes in illo et ementes Lk 19:46 dicens illis scriptum est quia domus mea domus orationis est vos autem fecistis illam speluncam latronum Lk 19:47 et erat docens cotidie in templo principes autem sacerdotum et scribae et principes plebis quaerebant illum perdere Lk 19:48 et non inveniebant quid facerent illi omnis enim populus suspensus erat audiens illum Lk 20:1 et factum est in una dierum docente illo populum in templo et evangelizante convenerunt principes sacerdotum et scribae cum senioribus Lk 20:2 et aiunt dicentes ad illum dic nobis in qua potestate haec facis aut quis est qui dedit tibi hanc potestatem Lk 20:3 respondens autem dixit ad illos interrogabo vos et ego verbum respondete mihi Lk 20:4 baptismum Iohannis de caelo erat an ex hominibus Lk 20:5 at illi cogitabant inter se dicentes quia si dixerimus de caelo dicet quare ergo non credidistis illi Lk 20:6 si autem dixerimus ex hominibus plebs universa lapidabit nos certi sunt enim Iohannem prophetam esse Lk 20:7 et responderunt se nescire unde esset Lk 20:8 et Iesus ait illis neque ego dico vobis in qua potestate haec facio Lk 20:9 coepit autem dicere ad plebem parabolam hanc homo plantavit vineam et locavit eam colonis et ipse peregre fuit multis temporibus Lk 20:10 et in tempore misit ad cultores servum ut de fructu vineae darent illi qui caesum dimiserunt eum inanem Lk 20:11 et addidit alterum servum mittere illi autem hunc quoque caedentes et adficientes contumelia dimiserunt inanem Lk 20:12 et addidit tertium mittere qui et illum vulnerantes eiecerunt Lk 20:13 dixit autem dominus vineae quid faciam mittam filium meum dilectum forsitan cum hunc viderint verebuntur Lk 20:14 quem cum vidissent coloni cogitaverunt inter se dicentes hic est heres occidamus illum ut nostra fiat hereditas Lk 20:15 et eiectum illum extra vineam occiderunt quid ergo faciet illis dominus vineae Lk 20:16 veniet et perdet colonos istos et dabit vineam aliis quo audito dixerunt illi absit Lk 20:17 ille autem aspiciens eos ait quid est ergo hoc quod scriptum est lapidem quem reprobaverunt aedificantes hic factus est in caput anguli Lk 20:18 omnis qui ceciderit supra illum lapidem conquassabitur supra quem autem ceciderit comminuet illum Lk 20:19 et quaerebant principes sacerdotum et scribae mittere in illum manus illa hora et timuerunt populum cognoverunt enim quod ad ipsos dixerit similitudinem istam Lk 20:20 et observantes miserunt insidiatores qui se iustos simularent ut caperent eum in sermone et traderent illum principatui et potestati praesidis Lk 20:21 et interrogaverunt illum dicentes magister scimus quia recte dicis et doces et non accipis personam sed in veritate viam Dei doces Lk 20:22 licet nobis dare tributum Caesari an non Lk 20:23 considerans autem dolum illorum dixit ad eos quid me temptatis Lk 20:24 ostendite mihi denarium cuius habet imaginem et inscriptionem respondentes dixerunt Caesaris Lk 20:25 et ait illis reddite ergo quae Caesaris sunt Caesari et quae Dei sunt Deo Lk 20:26 et non potuerunt verbum eius reprehendere coram plebe et mirati in responso eius tacuerunt Lk 20:27 accesserunt autem quidam Sadducaeorum qui negant esse resurrectionem et interrogaverunt eum Lk 20:28 dicentes magister Moses scripsit nobis si frater alicuius mortuus fuerit habens uxorem et hic sine filiis fuerit ut accipiat eam frater eius uxorem et suscitet semen fratri suo Lk 20:29 septem ergo fratres erant et primus accepit uxorem et mortuus est sine filiis Lk 20:30 et sequens accepit illam et ipse mortuus est sine filio Lk 20:31 et tertius accepit illam similiter et omnes septem et non reliquerunt semen et mortui sunt Lk 20:32 novissima omnium mortua est et mulier Lk 20:33 in resurrectione ergo cuius eorum erit uxor siquidem septem habuerunt eam uxorem Lk 20:34 et ait illis Iesus filii saeculi huius nubunt et traduntur ad nuptias Lk 20:35 illi autem qui digni habebuntur saeculo illo et resurrectione ex mortuis neque nubunt neque ducunt uxores Lk 20:36 neque enim ultra mori poterunt aequales enim angelis sunt et filii sunt Dei cum sint filii resurrectionis Lk 20:37 quia vero resurgant mortui et Moses ostendit secus rubum sicut dicit Dominum Deum Abraham et Deum Isaac et Deum Iacob Lk 20:38 Deus autem non est mortuorum sed vivorum omnes enim vivunt ei Lk 20:39 respondentes autem quidam scribarum dixerunt magister bene dixisti Lk 20:40 et amplius non audebant eum quicquam interrogare Lk 20:41 dixit autem ad illos quomodo dicunt Christum Filium David esse Lk 20:42 et ipse David dicit in libro Psalmorum dixit Dominus Domino meo sede a dextris meis Lk 20:43 donec ponam inimicos tuos scabillum pedum tuorum Lk 20:44 David ergo Dominum illum vocat et quomodo filius eius est Lk 20:45 audiente autem omni populo dixit discipulis suis Lk 20:46 adtendite a scribis qui volunt ambulare in stolis et amant salutationes in foro et primas cathedras in synagogis et primos discubitus in conviviis Lk 20:47 qui devorant domos viduarum simulantes longam orationem hii accipient damnationem maiorem Lk 21:1 respiciens autem vidit eos qui mittebant munera sua in gazofilacium divites Lk 21:2 vidit autem et quandam viduam pauperculam mittentem aera minuta duo Lk 21:3 et dixit vere dico vobis quia vidua haec pauper plus quam omnes misit Lk 21:4 nam omnes hii ex abundanti sibi miserunt in munera Dei haec autem ex eo quod deest illi omnem victum suum quem habuit misit Lk 21:5 et quibusdam dicentibus de templo quod lapidibus bonis et donis ornatum esset dixit Lk 21:6 haec quae videtis venient dies in quibus non relinquetur lapis super lapidem qui non destruatur Lk 21:7 interrogaverunt autem illum dicentes praeceptor quando haec erunt et quod signum cum fieri incipient Lk 21:8 qui dixit videte ne seducamini multi enim venient in nomine meo dicentes quia ego sum et tempus adpropinquavit nolite ergo ire post illos Lk 21:9 cum autem audieritis proelia et seditiones nolite terreri oportet primum haec fieri sed non statim finis Lk 21:10 tunc dicebat illis surget gens contra gentem et regnum adversus regnum Lk 21:11 terraemotus magni erunt per loca et pestilentiae et fames terroresque de caelo et signa magna erunt Lk 21:12 sed ante haec omnia inicient vobis manus suas et persequentur tradentes in synagogas et custodias trahentes ad reges et praesides propter nomen meum Lk 21:13 continget autem vobis in testimonium Lk 21:14 ponite ergo in cordibus vestris non praemeditari quemadmodum respondeatis Lk 21:15 ego enim dabo vobis os et sapientiam cui non poterunt resistere et contradicere omnes adversarii vestri Lk 21:16 trademini autem a parentibus et fratribus et cognatis et amicis et morte adficient ex vobis Lk 21:17 et eritis odio omnibus propter nomen meum Lk 21:18 et capillus de capite vestro non peribit Lk 21:19 in patientia vestra possidebitis animas vestras Lk 21:20 cum autem videritis circumdari ab exercitu Hierusalem tunc scitote quia adpropinquavit desolatio eius Lk 21:21 tunc qui in Iudaea sunt fugiant in montes et qui in medio eius discedant et qui in regionibus non intrent in eam Lk 21:22 quia dies ultionis hii sunt ut impleantur omnia quae scripta sunt Lk 21:23 vae autem praegnatibus et nutrientibus in illis diebus erit enim pressura magna supra terram et ira populo huic Lk 21:24 et cadent in ore gladii et captivi ducentur in omnes gentes et Hierusalem calcabitur a gentibus donec impleantur tempora nationum Lk 21:25 et erunt signa in sole et luna et stellis et in terris pressura gentium prae confusione sonitus maris et fluctuum Lk 21:26 arescentibus hominibus prae timore et expectatione quae supervenient universo orbi nam virtutes caelorum movebuntur Lk 21:27 et tunc videbunt Filium hominis venientem in nube cum potestate magna et maiestate Lk 21:28 his autem fieri incipientibus respicite et levate capita vestra quoniam adpropinquat redemptio vestra Lk 21:29 et dixit illis similitudinem videte ficulneam et omnes arbores Lk 21:30 cum producunt iam ex se fructum scitis quoniam prope est aestas Lk 21:31 ita et vos cum videritis haec fieri scitote quoniam prope est regnum Dei Lk 21:32 amen dico vobis quia non praeteribit generatio haec donec omnia fiant Lk 21:33 caelum et terra transibunt verba autem mea non transient Lk 21:34 adtendite autem vobis ne forte graventur corda vestra in crapula et ebrietate et curis huius vitae et superveniat in vos repentina dies illa Lk 21:35 tamquam laqueus enim superveniet in omnes qui sedent super faciem omnis terrae Lk 21:36 vigilate itaque omni tempore orantes ut digni habeamini fugere ista omnia quae futura sunt et stare ante Filium hominis Lk 21:37 erat autem diebus docens in templo noctibus vero exiens morabatur in monte qui vocatur Oliveti Lk 21:38 et omnis populus manicabat ad eum in templo audire eum Lk 22:1 adpropinquabat autem dies festus azymorum qui dicitur pascha Lk 22:2 et quaerebant principes sacerdotum et scribae quomodo eum interficerent timebant vero plebem Lk 22:3 intravit autem Satanas in Iudam qui cognominatur Scarioth unum de duodecim Lk 22:4 et abiit et locutus est cum principibus sacerdotum et magistratibus quemadmodum illum traderet eis Lk 22:5 et gavisi sunt et pacti sunt pecuniam illi dare Lk 22:6 et spopondit et quaerebat oportunitatem ut traderet illum sine turbis Lk 22:7 venit autem dies azymorum in qua necesse erat occidi pascha Lk 22:8 et misit Petrum et Iohannem dicens euntes parate nobis pascha ut manducemus Lk 22:9 at illi dixerunt ubi vis paremus Lk 22:10 et dixit ad eos ecce introeuntibus vobis in civitatem occurret vobis homo amphoram aquae portans sequimini eum in domum in qua intrat Lk 22:11 et dicetis patri familias domus dicit tibi magister ubi est diversorium ubi pascha cum discipulis meis manducem Lk 22:12 et ipse vobis ostendet cenaculum magnum stratum et ibi parate Lk 22:13 euntes autem invenerunt sicut dixit illis et paraverunt pascha Lk 22:14 et cum facta esset hora discubuit et duodecim apostoli cum eo Lk 22:15 et ait illis desiderio desideravi hoc pascha manducare vobiscum antequam patiar Lk 22:16 dico enim vobis quia ex hoc non manducabo illud donec impleatur in regno Dei Lk 22:17 et accepto calice gratias egit et dixit accipite et dividite inter vos Lk 22:18 dico enim vobis quod non bibam de generatione vitis donec regnum Dei veniat Lk 22:19 et accepto pane gratias egit et fregit et dedit eis dicens hoc est corpus meum quod pro vobis datur hoc facite in meam commemorationem Lk 22:20 similiter et calicem postquam cenavit dicens hic est calix novum testamentum in sanguine meo quod pro vobis funditur Lk 22:21 verumtamen ecce manus tradentis me mecum est in mensa Lk 22:22 et quidem Filius hominis secundum quod definitum est vadit verumtamen vae illi homini per quem traditur Lk 22:23 et ipsi coeperunt quaerere inter se quis esset ex eis qui hoc facturus esset Lk 22:24 facta est autem et contentio inter eos quis eorum videretur esse maior Lk 22:25 dixit autem eis reges gentium dominantur eorum et qui potestatem habent super eos benefici vocantur Lk 22:26 vos autem non sic sed qui maior est in vobis fiat sicut iunior et qui praecessor est sicut ministrator Lk 22:27 nam quis maior est qui recumbit an qui ministrat nonne qui recumbit ego autem in medio vestrum sum sicut qui ministrat Lk 22:28 vos autem estis qui permansistis mecum in temptationibus meis Lk 22:29 et ego dispono vobis sicut disposuit mihi Pater meus regnum Lk 22:30 ut edatis et bibatis super mensam meam in regno et sedeatis super thronos iudicantes duodecim tribus Israhel Lk 22:31 ait autem Dominus Simon Simon ecce Satanas expetivit vos ut cribraret sicut triticum Lk 22:32 ego autem rogavi pro te ut non deficiat fides tua et tu aliquando conversus confirma fratres tuos Lk 22:33 qui dixit ei Domine tecum paratus sum et in carcerem et in mortem ire Lk 22:34 et ille dixit dico tibi Petre non cantabit hodie gallus donec ter abneges nosse me Lk 22:35 et dixit eis quando misi vos sine sacculo et pera et calciamentis numquid aliquid defuit vobis at illi dixerunt nihil Lk 22:36 dixit ergo eis sed nunc qui habet sacculum tollat similiter et peram et qui non habet vendat tunicam suam et emat gladium Lk 22:37 dico enim vobis quoniam adhuc hoc quod scriptum est oportet impleri in me et quod cum iniustis deputatus est etenim ea quae sunt de me finem habent Lk 22:38 at illi dixerunt Domine ecce gladii duo hic at ille dixit eis satis est Lk 22:39 et egressus ibat secundum consuetudinem in montem Olivarum secuti sunt autem illum et discipuli Lk 22:40 et cum pervenisset ad locum dixit illis orate ne intretis in temptationem Lk 22:41 et ipse avulsus est ab eis quantum iactus est lapidis et positis genibus orabat Lk 22:42 dicens Pater si vis transfer calicem istum a me verumtamen non mea voluntas sed tua fiat Lk 22:43 apparuit autem illi angelus de caelo confortans eum et factus in agonia prolixius orabat Lk 22:44 et factus est sudor eius sicut guttae sanguinis decurrentis in terram Lk 22:45 et cum surrexisset ab oratione et venisset ad discipulos suos invenit eos dormientes prae tristitia Lk 22:46 et ait illis quid dormitis surgite orate ne intretis in temptationem Lk 22:47 adhuc eo loquente ecce turba et qui vocabatur Iudas unus de duodecim antecedebat eos et adpropinquavit Iesu ut oscularetur eum Lk 22:48 Iesus autem dixit ei Iuda osculo Filium hominis tradis Lk 22:49 videntes autem hii qui circa ipsum erant quod futurum erat dixerunt ei Domine si percutimus in gladio Lk 22:50 et percussit unus ex illis servum principis sacerdotum et amputavit auriculam eius dextram Lk 22:51 respondens autem Iesus ait sinite usque huc et cum tetigisset auriculam eius sanavit eum Lk 22:52 dixit autem Iesus ad eos qui venerant ad se principes sacerdotum et magistratus templi et seniores quasi ad latronem existis cum gladiis et fustibus Lk 22:53 cum cotidie vobiscum fuerim in templo non extendistis manus in me sed haec est hora vestra et potestas tenebrarum Lk 22:54 conprehendentes autem eum duxerunt ad domum principis sacerdotum Petrus vero sequebatur a longe Lk 22:55 accenso autem igni in medio atrio et circumsedentibus illis erat Petrus in medio eorum Lk 22:56 quem cum vidisset ancilla quaedam sedentem ad lumen et eum fuisset intuita dixit et hic cum illo erat Lk 22:57 at ille negavit eum dicens mulier non novi illum Lk 22:58 et post pusillum alius videns eum dixit et tu de illis es Petrus vero ait o homo non sum Lk 22:59 et intervallo facto quasi horae unius alius quidam adfirmabat dicens vere et hic cum illo erat nam et Galilaeus est Lk 22:60 et ait Petrus homo nescio quod dicis et continuo adhuc illo loquente cantavit gallus Lk 22:61 et conversus Dominus respexit Petrum et recordatus est Petrus verbi Domini sicut dixit quia priusquam gallus cantet ter me negabis Lk 22:62 et egressus foras Petrus flevit amare Lk 22:63 et viri qui tenebant illum inludebant ei caedentes Lk 22:64 et velaverunt eum et percutiebant faciem eius et interrogabant eum dicentes prophetiza quis est qui te percussit Lk 22:65 et alia multa blasphemantes dicebant in eum Lk 22:66 et ut factus est dies convenerunt seniores plebis et principes sacerdotum et scribae et duxerunt illum in concilium suum dicentes si tu es Christus dic nobis Lk 22:67 et ait illis si vobis dixero non creditis mihi Lk 22:68 si autem et interrogavero non respondebitis mihi neque dimittetis Lk 22:69 ex hoc autem erit Filius hominis sedens a dextris virtutis Dei Lk 22:70 dixerunt autem omnes tu ergo es Filius Dei qui ait vos dicitis quia ego sum Lk 22:71 at illi dixerunt quid adhuc desideramus testimonium ipsi enim audivimus de ore eius Lk 23:1 et surgens omnis multitudo eorum duxerunt illum ad Pilatum Lk 23:2 coeperunt autem accusare illum dicentes hunc invenimus subvertentem gentem nostram et prohibentem tributa dari Caesari et dicentem se Christum regem esse Lk 23:3 Pilatus autem interrogavit eum dicens tu es rex Iudaeorum at ille respondens ait tu dicis Lk 23:4 ait autem Pilatus ad principes sacerdotum et turbas nihil invenio causae in hoc homine Lk 23:5 at illi invalescebant dicentes commovet populum docens per universam Iudaeam et incipiens a Galilaea usque huc Lk 23:6 Pilatus autem audiens Galilaeam interrogavit si homo Galilaeus esset Lk 23:7 et ut cognovit quod de Herodis potestate esset remisit eum ad Herodem qui et ipse Hierosolymis erat illis diebus Lk 23:8 Herodes autem viso Iesu gavisus est valde erat enim cupiens ex multo tempore videre eum eo quod audiret multa de illo et sperabat signum aliquod videre ab eo fieri Lk 23:9 interrogabat autem illum multis sermonibus at ipse nihil illi respondebat Lk 23:10 stabant etiam principes sacerdotum et scribae constanter accusantes eum Lk 23:11 sprevit autem illum Herodes cum exercitu suo et inlusit indutum veste alba et remisit ad Pilatum Lk 23:12 et facti sunt amici Herodes et Pilatus in ipsa die nam antea inimici erant ad invicem Lk 23:13 Pilatus autem convocatis principibus sacerdotum et magistratibus et plebe Lk 23:14 dixit ad illos obtulistis mihi hunc hominem quasi avertentem populum et ecce ego coram vobis interrogans nullam causam inveni in homine isto ex his in quibus eum accusatis Lk 23:15 sed neque Herodes nam remisi vos ad illum et ecce nihil dignum morte actum est ei Lk 23:16 emendatum ergo illum dimittam Lk 23:17 necesse autem habebat dimittere eis per diem festum unum Lk 23:18 exclamavit autem simul universa turba dicens tolle hunc et dimitte nobis Barabban Lk 23:19 qui erat propter seditionem quandam factam in civitate et homicidium missus in carcerem Lk 23:20 iterum autem Pilatus locutus est ad illos volens dimittere Iesum Lk 23:21 at illi succlamabant dicentes crucifige crucifige illum Lk 23:22 ille autem tertio dixit ad illos quid enim mali fecit iste nullam causam mortis invenio in eo corripiam ergo illum et dimittam Lk 23:23 at illi instabant vocibus magnis postulantes ut crucifigeretur et invalescebant voces eorum Lk 23:24 et Pilatus adiudicavit fieri petitionem eorum Lk 23:25 dimisit autem illis eum qui propter homicidium et seditionem missus fuerat in carcerem quem petebant Iesum vero tradidit voluntati eorum Lk 23:26 et cum ducerent eum adprehenderunt Simonem quendam Cyrenensem venientem de villa et inposuerunt illi crucem portare post Iesum Lk 23:27 sequebatur autem illum multa turba populi et mulierum quae plangebant et lamentabant eum Lk 23:28 conversus autem ad illas Iesus dixit filiae Hierusalem nolite flere super me sed super vos ipsas flete et super filios vestros Lk 23:29 quoniam ecce venient dies in quibus dicent beatae steriles et ventres qui non genuerunt et ubera quae non lactaverunt Lk 23:30 tunc incipient dicere montibus cadite super nos et collibus operite nos Lk 23:31 quia si in viridi ligno haec faciunt in arido quid fiet Lk 23:32 ducebantur autem et alii duo nequam cum eo ut interficerentur Lk 23:33 et postquam venerunt in locum qui vocatur Calvariae ibi crucifixerunt eum et latrones unum a dextris et alterum a sinistris Lk 23:34 Iesus autem dicebat Pater dimitte illis non enim sciunt quid faciunt dividentes vero vestimenta eius miserunt sortes Lk 23:35 et stabat populus expectans et deridebant illum principes cum eis dicentes alios salvos fecit se salvum faciat si hic est Christus Dei electus Lk 23:36 inludebant autem ei et milites accedentes et acetum offerentes illi Lk 23:37 dicentes si tu es rex Iudaeorum salvum te fac Lk 23:38 erat autem et superscriptio inscripta super illum litteris graecis et latinis et hebraicis hic est rex Iudaeorum Lk 23:39 unus autem de his qui pendebant latronibus blasphemabat eum dicens si tu es Christus salvum fac temet ipsum et nos Lk 23:40 respondens autem alter increpabat illum dicens neque tu times Deum quod in eadem damnatione es Lk 23:41 et nos quidem iuste nam digna factis recipimus hic vero nihil mali gessit Lk 23:42 et dicebat ad Iesum Domine memento mei cum veneris in regnum tuum Lk 23:43 et dixit illi Iesus amen dico tibi hodie mecum eris in paradiso Lk 23:44 erat autem fere hora sexta et tenebrae factae sunt in universa terra usque in nonam horam Lk 23:45 et obscuratus est sol et velum templi scissum est medium Lk 23:46 et clamans voce magna Iesus ait Pater in manus tuas commendo spiritum meum et haec dicens exspiravit Lk 23:47 videns autem centurio quod factum fuerat glorificavit Deum dicens vere hic homo iustus erat Lk 23:48 et omnis turba eorum qui simul aderant ad spectaculum istud et videbant quae fiebant percutientes pectora sua revertebantur Lk 23:49 stabant autem omnes noti eius a longe et mulieres quae secutae erant eum a Galilaea haec videntes Lk 23:50 et ecce vir nomine Ioseph qui erat decurio vir bonus et iustus Lk 23:51 hic non consenserat consilio et actibus eorum ab Arimathia civitate Iudaeae qui expectabat et ipse regnum Dei Lk 23:52 hic accessit ad Pilatum et petiit corpus Iesu Lk 23:53 et depositum involvit sindone et posuit eum in monumento exciso in quo nondum quisquam positus fuerat Lk 23:54 et dies erat parasceves et sabbatum inlucescebat Lk 23:55 subsecutae autem mulieres quae cum ipso venerant de Galilaea viderunt monumentum et quemadmodum positum erat corpus eius Lk 23:56 et revertentes paraverunt aromata et unguenta et sabbato quidem siluerunt secundum mandatum Lk 24:1 una autem sabbati valde diluculo venerunt ad monumentum portantes quae paraverant aromata Lk 24:2 et invenerunt lapidem revolutum a monumento Lk 24:3 et ingressae non invenerunt corpus Domini Iesu Lk 24:4 et factum est dum mente consternatae essent de isto ecce duo viri steterunt secus illas in veste fulgenti Lk 24:5 cum timerent autem et declinarent vultum in terram dixerunt ad illas quid quaeritis viventem cum mortuis Lk 24:6 non est hic sed surrexit recordamini qualiter locutus est vobis cum adhuc in Galilaea esset Lk 24:7 dicens quia oportet Filium hominis tradi in manus hominum peccatorum et crucifigi et die tertia resurgere Lk 24:8 et recordatae sunt verborum eius Lk 24:9 et regressae a monumento nuntiaverunt haec omnia illis undecim et ceteris omnibus Lk 24:10 erat autem Maria Magdalene et Iohanna et Maria Iacobi et ceterae quae cum eis erant quae dicebant ad apostolos haec Lk 24:11 et visa sunt ante illos sicut deliramentum verba ista et non credebant illis Lk 24:12 Petrus autem surgens cucurrit ad monumentum et procumbens videt linteamina sola posita et abiit secum mirans quod factum fuerat Lk 24:13 et ecce duo ex illis ibant ipsa die in castellum quod erat in spatio stadiorum sexaginta ab Hierusalem nomine Emmaus Lk 24:14 et ipsi loquebantur ad invicem de his omnibus quae acciderant Lk 24:15 et factum est dum fabularentur et secum quaererent et ipse Iesus adpropinquans ibat cum illis Lk 24:16 oculi autem illorum tenebantur ne eum agnoscerent Lk 24:17 et ait ad illos qui sunt hii sermones quos confertis ad invicem ambulantes et estis tristes Lk 24:18 et respondens unus cui nomen Cleopas dixit ei tu solus peregrinus es in Hierusalem et non cognovisti quae facta sunt in illa his diebus Lk 24:19 quibus ille dixit quae et dixerunt de Iesu Nazareno qui fuit vir propheta potens in opere et sermone coram Deo et omni populo Lk 24:20 et quomodo eum tradiderunt summi sacerdotum et principes nostri in damnationem mortis et crucifixerunt eum Lk 24:21 nos autem sperabamus quia ipse esset redempturus Israhel et nunc super haec omnia tertia dies hodie quod haec facta sunt Lk 24:22 sed et mulieres quaedam ex nostris terruerunt nos quae ante lucem fuerunt ad monumentum Lk 24:23 et non invento corpore eius venerunt dicentes se etiam visionem angelorum vidisse qui dicunt eum vivere Lk 24:24 et abierunt quidam ex nostris ad monumentum et ita invenerunt sicut mulieres dixerunt ipsum vero non viderunt Lk 24:25 et ipse dixit ad eos o stulti et tardi corde ad credendum in omnibus quae locuti sunt prophetae Lk 24:26 nonne haec oportuit pati Christum et ita intrare in gloriam suam Lk 24:27 et incipiens a Mose et omnibus prophetis interpretabatur illis in omnibus scripturis quae de ipso erant Lk 24:28 et adpropinquaverunt castello quo ibant et ipse se finxit longius ire Lk 24:29 et coegerunt illum dicentes mane nobiscum quoniam advesperascit et inclinata est iam dies et intravit cum illis Lk 24:30 et factum est dum recumberet cum illis accepit panem et benedixit ac fregit et porrigebat illis Lk 24:31 et aperti sunt oculi eorum et cognoverunt eum et ipse evanuit ex oculis eorum Lk 24:32 et dixerunt ad invicem nonne cor nostrum ardens erat in nobis dum loqueretur in via et aperiret nobis scripturas Lk 24:33 et surgentes eadem hora regressi sunt in Hierusalem et invenerunt congregatos undecim et eos qui cum ipsis erant Lk 24:34 dicentes quod surrexit Dominus vere et apparuit Simoni Lk 24:35 et ipsi narrabant quae gesta erant in via et quomodo cognoverunt eum in fractione panis Lk 24:36 dum haec autem loquuntur Iesus stetit in medio eorum et dicit eis pax vobis ego sum nolite timere Lk 24:37 conturbati vero et conterriti existimabant se spiritum videre Lk 24:38 et dixit eis quid turbati estis et cogitationes ascendunt in corda vestra Lk 24:39 videte manus meas et pedes quia ipse ego sum palpate et videte quia spiritus carnem et ossa non habet sicut me videtis habere Lk 24:40 et cum hoc dixisset ostendit eis manus et pedes Lk 24:41 adhuc autem illis non credentibus et mirantibus prae gaudio dixit habetis hic aliquid quod manducetur Lk 24:42 at illi obtulerunt ei partem piscis assi et favum mellis Lk 24:43 et cum manducasset coram eis sumens reliquias dedit eis Lk 24:44 et dixit ad eos haec sunt verba quae locutus sum ad vos cum adhuc essem vobiscum quoniam necesse est impleri omnia quae scripta sunt in lege Mosi et prophetis et psalmis de me Lk 24:45 tunc aperuit illis sensum ut intellegerent scripturas Lk 24:46 et dixit eis quoniam sic scriptum est et sic oportebat Christum pati et resurgere a mortuis die tertia Lk 24:47 et praedicari in nomine eius paenitentiam et remissionem peccatorum in omnes gentes incipientibus ab Hierosolyma Lk 24:48 vos autem estis testes horum Lk 24:49 et ego mitto promissum Patris mei in vos vos autem sedete in civitate quoadusque induamini virtutem ex alto Lk 24:50 eduxit autem eos foras in Bethaniam et elevatis manibus suis benedixit eis Lk 24:51 et factum est dum benediceret illis recessit ab eis et ferebatur in caelum Lk 24:52 et ipsi adorantes regressi sunt in Hierusalem cum gaudio magno Lk 24:53 et erant semper in templo laudantes et benedicentes Deum amen Ml 1:1 onus verbi Domini ad Israhel in manu Malachi Ml 1:2 dilexi vos dicit Dominus et dixistis in quo dilexisti nos nonne frater erat Esau Iacob dicit Dominus et dilexi Iacob Ml 1:3 Esau autem odio habui et posui montes eius in solitudinem et hereditatem eius in dracones deserti Ml 1:4 quod si dixerit Idumea destructi sumus sed revertentes aedificabimus quae deserta sunt haec dicit Dominus exercituum isti aedificabunt et ego destruam et vocabuntur Termini impietatis et Populus cui iratus est Dominus usque in aeternum Ml 1:5 et oculi vestri videbunt et vos dicetis magnificetur Dominus super terminum Israhel Ml 1:6 filius honorat patrem et servus dominum suum si ergo pater ego sum ubi est honor meus et si dominus ego sum ubi est timor meus dicit Dominus exercituum ad vos o sacerdotes qui despicitis nomen meum et dixistis in quo despeximus nomen tuum Ml 1:7 offertis super altare meum panem pollutum et dicitis in quo polluimus te in eo quod dicitis mensa Domini despecta est Ml 1:8 si offeratis caecum ad immolandum nonne malum est et si offeratis claudum et languidum nonne malum est offer illud duci tuo si placuerit ei aut si susceperit faciem tuam dicit Dominus exercituum Ml 1:9 et nunc deprecamini vultum Dei ut misereatur vestri de manu enim vestra factum est hoc si quo modo suscipiat facies vestras dicit Dominus exercituum Ml 1:10 quis est in vobis qui claudat ostia et incendat altare meum gratuito non est mihi voluntas in vobis dicit Dominus exercituum et munus non suscipiam de manu vestra Ml 1:11 ab ortu enim solis usque ad occasum magnum est nomen meum in gentibus et in omni loco sacrificatur et offertur nomini meo oblatio munda quia magnum nomen meum in gentibus dicit Dominus exercituum Ml 1:12 et vos polluistis illud in eo quod dicitis mensa Domini contaminata est et quod superponitur contemptibile est cum igni qui illud devorat Ml 1:13 et dixistis ecce de labore et exsuflastis illud dicit Dominus exercituum et intulistis de rapinis claudum et languidum et intulistis munus numquid suscipiam illud de manu vestra dicit Dominus Ml 1:14 maledictus dolosus qui habet in grege suo masculum et votum faciens immolat debile Domino quia rex magnus ego dicit Dominus exercituum et nomen meum horribile in gentibus Ml 2:1 et nunc ad vos mandatum hoc o sacerdotes Ml 2:2 si nolueritis audire et si nolueritis ponere super cor ut detis gloriam nomini meo ait Dominus exercituum mittam in vos egestatem et maledicam benedictionibus vestris et maledicam illis quoniam non posuistis super cor Ml 2:3 ecce ego proiciam vobis brachium et dispergam super vultum vestrum stercus sollemnitatum vestrarum et adsumet vos secum Ml 2:4 et scietis quia misi ad vos mandatum istud ut esset pactum meum cum Levi dicit Dominus exercituum Ml 2:5 pactum meum fuit cum eo vitae et pacis et dedi ei timorem et timuit me et a facie nominis mei pavebat Ml 2:6 lex veritatis fuit in ore eius et iniquitas non est inventa in labiis eius in pace et in aequitate ambulavit mecum et multos avertit ab iniquitate Ml 2:7 labia enim sacerdotis custodient scientiam et legem requirent ex ore eius quia angelus Domini exercituum est Ml 2:8 vos autem recessistis de via et scandalizastis plurimos in lege irritum fecistis pactum Levi dicit Dominus exercituum Ml 2:9 propter quod et ego dedi vos contemptibiles et humiles omnibus populis sicut non servastis vias meas et accepistis faciem in lege Ml 2:10 numquid non pater unus omnium nostrum numquid non Deus unus creavit nos quare ergo despicit unusquisque nostrum fratrem suum violans pactum patrum nostrorum Ml 2:11 transgressus est Iuda et abominatio facta est in Israhel et in Hierusalem quia contaminavit Iudas sanctificationem Domini quam dilexit et habuit filiam dei alieni Ml 2:12 disperdat Dominus virum qui fecerit hoc magistrum et discipulum de tabernaculis Iacob et offerentem munus Domino exercituum Ml 2:13 et hoc rursum fecistis operiebatis lacrimis altare Domini fletu et mugitu ita ut ultra non respiciam ad sacrificium nec accipiam placabile quid de manu vestra Ml 2:14 et dixistis quam ob causam quia Dominus testificatus est inter te et uxorem pubertatis tuae quam tu despexisti et haec particeps tua et uxor foederis tui Ml 2:15 nonne unus fecit et residuum spiritus eius est et quid unus quaerit nisi semen Dei custodite ergo spiritum vestrum et uxorem adulescentiae tuae noli despicere Ml 2:16 cum odio habueris dimitte dicit Dominus Deus Israhel operiet autem iniquitas vestimentum eius dicit Dominus exercituum custodite spiritum vestrum et nolite despicere Ml 2:17 laborare fecistis Dominum in sermonibus vestris et dixistis in quo eum fecimus laborare in eo cum diceretis omnis qui facit malum bonus est in conspectu Domini et tales ei placent aut certe ubi est Deus iudicii Ml 3:1 ecce ego mittam angelum meum et praeparabit viam ante faciem meam et statim veniet ad templum suum dominator quem vos quaeritis et angelus testamenti quem vos vultis ecce venit dicit Dominus exercituum Ml 3:2 et quis poterit cogitare diem adventus eius et quis stabit ad videndum eum ipse enim quasi ignis conflans et quasi herba fullonum Ml 3:3 et sedebit conflans et emundans argentum et purgabit filios Levi et colabit eos quasi aurum et quasi argentum et erunt Domino offerentes sacrificia in iustitia Ml 3:4 et placebit Domino sacrificium Iuda et Hierusalem sicut dies saeculi et sicut anni antiqui Ml 3:5 et accedam ad vos in iudicio et ero testis velox maleficis et adulteris et periuris et qui calumniantur mercedem mercennarii viduas et pupillos et opprimunt peregrinum nec timuerunt me dicit Dominus exercituum Ml 3:6 ego enim Dominus et non mutor et vos filii Iacob non estis consumpti Ml 3:7 a diebus enim patrum vestrorum recessistis a legitimis meis et non custodistis revertimini ad me et revertar ad vos dicit Dominus exercituum et dixistis in quo revertemur Ml 3:8 si adfiget homo Deum quia vos configitis me et dixistis in quo confiximus te in decimis et in primitivis Ml 3:9 et in penuria vos maledicti estis et me vos configitis gens tota Ml 3:10 inferte omnem decimam in horreum et sit cibus in domo mea et probate me super hoc dicit Dominus si non aperuero vobis cataractas caeli et effudero vobis benedictionem usque ad abundantiam Ml 3:11 et increpabo pro vobis devorantem et non corrumpet fructum terrae vestrae nec erit sterilis vinea in agro dicit Dominus exercituum Ml 3:12 et beatos vos dicent omnes gentes eritis enim vos terra desiderabilis dicit Dominus exercituum Ml 3:13 invaluerunt super me verba vestra dicit Dominus Ml 3:14 et dixistis quid locuti sumus contra te dixistis vanus est qui servit Deo et quod emolumentum quia custodivimus praecepta eius et quia ambulavimus tristes coram Domino exercituum Ml 3:15 ergo nunc beatos dicimus arrogantes siquidem aedificati sunt facientes impietatem et temptaverunt Deum et salvi facti sunt Ml 3:16 tunc locuti sunt timentes Deum unusquisque cum proximo suo et adtendit Dominus et audivit et scriptus est liber monumenti coram eo timentibus Dominum et cogitantibus nomen eius Ml 3:17 et erunt mihi ait Dominus exercituum in die qua ego facio in peculium et parcam eis sicut parcit vir filio suo servienti sibi Ml 3:18 et convertemini et videbitis quid sit inter iustum et impium et inter servientem Deo et non servientem ei Ml 4:1 ecce enim dies veniet succensa quasi caminus et erunt omnes superbi et omnes facientes impietatem stipula et inflammabit eos dies veniens dicit Dominus exercituum quae non relinquet eis radicem et germen Ml 4:2 et orietur vobis timentibus nomen meum sol iustitiae et sanitas in pinnis eius et egrediemini et salietis sicut vituli de armento Ml 4:3 et calcabitis impios cum fuerint cinis sub planta pedum vestrorum in die qua ego facio dicit Dominus exercituum Ml 4:4 mementote legis Mosi servi mei quam mandavi ei in Choreb ad omnem Israhel praecepta et iudicia Ml 4:5 ecce ego mittam vobis Heliam prophetam antequam veniat dies Domini magnus et horribilis Ml 4:6 et convertet cor patrum ad filios et cor filiorum ad patres eorum ne forte veniam et percutiam terram anathemate Mk 1:1 Initium evangelii Iesu Christi Filii Dei Mk 1:2 sicut scriptum est in Esaia propheta ecce mitto angelum meum ante faciem tuam qui praeparabit viam tuam Mk 1:3 vox clamantis in deserto parate viam Domini rectas facite semitas eius Mk 1:4 fuit Iohannes in deserto baptizans et praedicans baptismum paenitentiae in remissionem peccatorum Mk 1:5 et egrediebatur ad illum omnis Iudaeae regio et Hierosolymitae universi et baptizabantur ab illo in Iordane flumine confitentes peccata sua Mk 1:6 et erat Iohannes vestitus pilis cameli et zona pellicia circa lumbos eius et lucustas et mel silvestre edebat Mk 1:7 et praedicabat dicens venit fortior me post me cuius non sum dignus procumbens solvere corrigiam calciamentorum eius Mk 1:8 ego baptizavi vos aqua ille vero baptizabit vos Spiritu Sancto Mk 1:9 et factum est in diebus illis venit Iesus a Nazareth Galilaeae et baptizatus est in Iordane ab Iohanne Mk 1:10 et statim ascendens de aqua vidit apertos caelos et Spiritum tamquam columbam descendentem et manentem in ipso Mk 1:11 et vox facta est de caelis tu es Filius meus dilectus in te conplacui Mk 1:12 et statim Spiritus expellit eum in desertum Mk 1:13 et erat in deserto quadraginta diebus et quadraginta noctibus et temptabatur a Satana eratque cum bestiis et angeli ministrabant illi Mk 1:14 postquam autem traditus est Iohannes venit Iesus in Galilaeam praedicans evangelium regni Dei Mk 1:15 et dicens quoniam impletum est tempus et adpropinquavit regnum Dei paenitemini et credite evangelio Mk 1:16 et praeteriens secus mare Galilaeae vidit Simonem et Andream fratrem eius mittentes retia in mare erant enim piscatores Mk 1:17 et dixit eis Iesus venite post me et faciam vos fieri piscatores hominum Mk 1:18 et protinus relictis retibus secuti sunt eum Mk 1:19 et progressus inde pusillum vidit Iacobum Zebedaei et Iohannem fratrem eius et ipsos in navi conponentes retia Mk 1:20 et statim vocavit illos et relicto patre suo Zebedaeo in navi cum mercennariis secuti sunt eum Mk 1:21 et ingrediuntur Capharnaum et statim sabbatis ingressus synagogam docebat eos Mk 1:22 et stupebant super doctrina eius erat enim docens eos quasi potestatem habens et non sicut scribae Mk 1:23 et erat in synagoga eorum homo in spiritu inmundo et exclamavit Mk 1:24 dicens quid nobis et tibi Iesu Nazarene venisti perdere nos scio qui sis Sanctus Dei Mk 1:25 et comminatus est ei Iesus dicens obmutesce et exi de homine Mk 1:26 et discerpens eum spiritus inmundus et exclamans voce magna exivit ab eo Mk 1:27 et mirati sunt omnes ita ut conquirerent inter se dicentes quidnam est hoc quae doctrina haec nova quia in potestate et spiritibus inmundis imperat et oboediunt ei Mk 1:28 et processit rumor eius statim in omnem regionem Galilaeae Mk 1:29 et protinus egredientes de synagoga venerunt in domum Simonis et Andreae cum Iacobo et Iohanne Mk 1:30 decumbebat autem socrus Simonis febricitans et statim dicunt ei de illa Mk 1:31 et accedens elevavit eam adprehensa manu eius et continuo dimisit eam febris et ministrabat eis Mk 1:32 vespere autem facto cum occidisset sol adferebant ad eum omnes male habentes et daemonia habentes Mk 1:33 et erat omnis civitas congregata ad ianuam Mk 1:34 et curavit multos qui vexabantur variis languoribus et daemonia multa eiciebat et non sinebat loqui ea quoniam sciebant eum Mk 1:35 et diluculo valde surgens egressus abiit in desertum locum ibique orabat Mk 1:36 et persecutus est eum Simon et qui cum illo erant Mk 1:37 et cum invenissent eum dixerunt ei quia omnes quaerunt te Mk 1:38 et ait illis eamus in proximos vicos et civitates ut et ibi praedicem ad hoc enim veni Mk 1:39 et erat praedicans in synagogis eorum et omni Galilaea et daemonia eiciens Mk 1:40 et venit ad eum leprosus deprecans eum et genu flexo dixit si vis potes me mundare Mk 1:41 Iesus autem misertus eius extendit manum suam et tangens eum ait illi volo mundare Mk 1:42 et cum dixisset statim discessit ab eo lepra et mundatus est Mk 1:43 et comminatus ei statim eiecit illum Mk 1:44 et dicit ei vide nemini dixeris sed vade ostende te principi sacerdotum et offer pro emundatione tua quae praecepit Moses in testimonium illis Mk 1:45 at ille egressus coepit praedicare et diffamare sermonem ita ut iam non posset manifeste in civitatem introire sed foris in desertis locis esse et conveniebant ad eum undique Mk 2:1 et iterum intravit Capharnaum post dies Mk 2:2 et auditum est quod in domo esset et convenerunt multi ita ut non caperet neque ad ianuam et loquebatur eis verbum Mk 2:3 et venerunt ferentes ad eum paralyticum qui a quattuor portabatur Mk 2:4 et cum non possent offerre eum illi prae turba nudaverunt tectum ubi erat et patefacientes submiserunt grabattum in quo paralyticus iacebat Mk 2:5 cum vidisset autem Iesus fidem illorum ait paralytico fili dimittuntur tibi peccata Mk 2:6 erant autem illic quidam de scribis sedentes et cogitantes in cordibus suis Mk 2:7 quid hic sic loquitur blasphemat quis potest dimittere peccata nisi solus Deus Mk 2:8 quo statim cognito Iesus spiritu suo quia sic cogitarent intra se dicit illis quid ista cogitatis in cordibus vestris Mk 2:9 quid est facilius dicere paralytico dimittuntur tibi peccata an dicere surge et tolle grabattum tuum et ambula Mk 2:10 ut autem sciatis quia potestatem habet Filius hominis in terra dimittendi peccata ait paralytico Mk 2:11 tibi dico surge tolle grabattum tuum et vade in domum tuam Mk 2:12 et statim ille surrexit et sublato grabatto abiit coram omnibus ita ut admirarentur omnes et honorificarent Deum dicentes quia numquam sic vidimus Mk 2:13 et egressus est rursus ad mare omnisque turba veniebat ad eum et docebat eos Mk 2:14 et cum praeteriret vidit Levin Alphei sedentem ad teloneum et ait illi sequere me et surgens secutus est eum Mk 2:15 et factum est cum accumberet in domo illius multi publicani et peccatores simul discumbebant cum Iesu et discipulis eius erant enim multi qui et sequebantur eum Mk 2:16 et scribae et Pharisaei videntes quia manducaret cum peccatoribus et publicanis dicebant discipulis eius quare manducat et bibit magister vester cum publicanis et peccatoribus Mk 2:17 hoc audito Iesus ait illis non necesse habent sani medicum sed qui male habent non enim veni vocare iustos sed peccatores Mk 2:18 et erant discipuli Iohannis et Pharisaei ieiunantes et veniunt et dicunt illi cur discipuli Iohannis et Pharisaeorum ieiunant tui autem discipuli non ieiunant Mk 2:19 et ait illis Iesus numquid possunt filii nuptiarum quamdiu sponsus cum illis est ieiunare quanto tempore habent secum sponsum non possunt ieiunare Mk 2:20 venient autem dies cum auferetur ab eis sponsus et tunc ieiunabunt in illa die Mk 2:21 nemo adsumentum panni rudis adsuit vestimento veteri alioquin aufert supplementum novum a veteri et maior scissura fit Mk 2:22 et nemo mittit vinum novellum in utres veteres alioquin disrumpet vinum utres et vinum effunditur et utres peribunt sed vinum novum in utres novos mitti debet Mk 2:23 et factum est iterum cum sabbatis ambularet per sata et discipuli eius coeperunt praegredi et vellere spicas Mk 2:24 Pharisaei autem dicebant ei ecce quid faciunt sabbatis quod non licet Mk 2:25 et ait illis numquam legistis quid fecerit David quando necessitatem habuit et esuriit ipse et qui cum eo erant Mk 2:26 quomodo introiit in domum Dei sub Abiathar principe sacerdotum et panes propositionis manducavit quos non licet manducare nisi sacerdotibus et dedit eis qui cum eo erant Mk 2:27 et dicebat eis sabbatum propter hominem factum est et non homo propter sabbatum Mk 2:28 itaque dominus est Filius hominis etiam sabbati Mk 3:1 et introivit iterum synagogam et erat ibi homo habens manum aridam Mk 3:2 et observabant eum si sabbatis curaret ut accusarent illum Mk 3:3 et ait homini habenti manum aridam surge in medium Mk 3:4 et dicit eis licet sabbatis bene facere an male animam salvam facere an perdere at illi tacebant Mk 3:5 et circumspiciens eos cum ira contristatus super caecitatem cordis eorum dicit homini extende manum tuam et extendit et restituta est manus illi Mk 3:6 exeuntes autem statim Pharisaei cum Herodianis consilium faciebant adversus eum quomodo eum perderent Mk 3:7 et Iesus cum discipulis suis secessit ad mare et multa turba a Galilaea et Iudaea secuta est eum Mk 3:8 et ab Hierosolymis et ab Idumea et trans Iordanen et qui circa Tyrum et Sidonem multitudo magna audientes quae faciebat venerunt ad eum Mk 3:9 et dixit discipulis suis ut navicula sibi deserviret propter turbam ne conprimerent eum Mk 3:10 multos enim sanabat ita ut inruerent in eum ut illum tangerent quotquot habebant plagas Mk 3:11 et spiritus inmundi cum illum videbant procidebant ei et clamabant dicentes Mk 3:12 tu es Filius Dei et vehementer comminabatur eis ne manifestarent illum Mk 3:13 et ascendens in montem vocavit ad se quos voluit ipse et venerunt ad eum Mk 3:14 et fecit ut essent duodecim cum illo et ut mitteret eos praedicare Mk 3:15 et dedit illis potestatem curandi infirmitates et eiciendi daemonia Mk 3:16 et inposuit Simoni nomen Petrus Mk 3:17 et Iacobum Zebedaei et Iohannem fratrem Iacobi et inposuit eis nomina Boanerges quod est Filii tonitrui Mk 3:18 et Andream et Philippum et Bartholomeum et Mattheum et Thomam et Iacobum Alphei et Thaddeum et Simonem Cananeum Mk 3:19 et Iudam Scarioth qui et tradidit illum Mk 3:20 et veniunt ad domum et convenit iterum turba ita ut non possent neque panem manducare Mk 3:21 et cum audissent sui exierunt tenere eum dicebant enim quoniam in furorem versus est Mk 3:22 et scribae qui ab Hierosolymis descenderant dicebant quoniam Beelzebub habet et quia in principe daemonum eicit daemonia Mk 3:23 et convocatis eis in parabolis dicebat illis quomodo potest Satanas Satanan eicere Mk 3:24 et si regnum in se dividatur non potest stare regnum illud Mk 3:25 et si domus super semet ipsam dispertiatur non poterit domus illa stare Mk 3:26 et si Satanas consurrexit in semet ipsum dispertitus est et non potest stare sed finem habet Mk 3:27 nemo potest vasa fortis ingressus in domum diripere nisi prius fortem alliget et tunc domum eius diripiet Mk 3:28 amen dico vobis quoniam omnia dimittentur filiis hominum peccata et blasphemiae quibus blasphemaverint Mk 3:29 qui autem blasphemaverit in Spiritum Sanctum non habet remissionem in aeternum sed reus erit aeterni delicti Mk 3:30 quoniam dicebant spiritum inmundum habet Mk 3:31 et veniunt mater eius et fratres et foris stantes miserunt ad eum vocantes eum Mk 3:32 et sedebat circa eum turba et dicunt ei ecce mater tua et fratres tui foris quaerunt te Mk 3:33 et respondens eis ait quae est mater mea et fratres mei Mk 3:34 et circumspiciens eos qui in circuitu eius sedebant ait ecce mater mea et fratres mei Mk 3:35 qui enim fecerit voluntatem Dei hic frater meus et soror mea et mater est Mk 4:1 et iterum coepit docere ad mare et congregata est ad eum turba multa ita ut in navem ascendens sederet in mari et omnis turba circa mare super terram erat Mk 4:2 et docebat eos in parabolis multa et dicebat illis in doctrina sua Mk 4:3 audite ecce exiit seminans ad seminandum Mk 4:4 et dum seminat aliud cecidit circa viam et venerunt volucres et comederunt illud Mk 4:5 aliud vero cecidit super petrosa ubi non habuit terram multam et statim exortum est quoniam non habebat altitudinem terrae Mk 4:6 et quando exortus est sol exaestuavit et eo quod non haberet radicem exaruit Mk 4:7 et aliud cecidit in spinas et ascenderunt spinae et offocaverunt illud et fructum non dedit Mk 4:8 et aliud cecidit in terram bonam et dabat fructum ascendentem et crescentem et adferebat unum triginta et unum sexaginta et unum centum Mk 4:9 et dicebat qui habet aures audiendi audiat Mk 4:10 et cum esset singularis interrogaverunt eum hii qui cum eo erant cum duodecim parabolas Mk 4:11 et dicebat eis vobis datum est mysterium regni Dei illis autem qui foris sunt in parabolis omnia fiunt Mk 4:12 ut videntes videant et non videant et audientes audiant et non intellegant nequando convertantur et dimittantur eis peccata Mk 4:13 et ait illis nescitis parabolam hanc et quomodo omnes parabolas cognoscetis Mk 4:14 qui seminat verbum seminat Mk 4:15 hii autem sunt qui circa viam ubi seminatur verbum et cum audierint confestim venit Satanas et aufert verbum quod seminatum est in corda eorum Mk 4:16 et hii sunt similiter qui super petrosa seminantur qui cum audierint verbum statim cum gaudio accipiunt illud Mk 4:17 et non habent radicem in se sed temporales sunt deinde orta tribulatione et persecutione propter verbum confestim scandalizantur Mk 4:18 et alii sunt qui in spinis seminantur hii sunt qui verbum audiunt Mk 4:19 et aerumnae saeculi et deceptio divitiarum et circa reliqua concupiscentiae introeuntes suffocant verbum et sine fructu efficitur Mk 4:20 et hii sunt qui super terram bonam seminati sunt qui audiunt verbum et suscipiunt et fructificant unum triginta et unum sexaginta et unum centum Mk 4:21 et dicebat illis numquid venit lucerna ut sub modio ponatur aut sub lecto nonne ut super candelabrum ponatur Mk 4:22 non enim est aliquid absconditum quod non manifestetur nec factum est occultum sed ut in palam veniat Mk 4:23 si quis habet aures audiendi audiat Mk 4:24 et dicebat illis videte quid audiatis in qua mensura mensi fueritis remetietur vobis et adicietur vobis Mk 4:25 qui enim habet dabitur illi et qui non habet etiam quod habet auferetur ab illo Mk 4:26 et dicebat sic est regnum Dei quemadmodum si homo iaciat sementem in terram Mk 4:27 et dormiat et exsurgat nocte ac die et semen germinet et increscat dum nescit ille Mk 4:28 ultro enim terra fructificat primum herbam deinde spicam deinde plenum frumentum in spica Mk 4:29 et cum se produxerit fructus statim mittit falcem quoniam adest messis Mk 4:30 et dicebat cui adsimilabimus regnum Dei aut cui parabolae conparabimus illud Mk 4:31 sicut granum sinapis quod cum seminatum fuerit in terra minus est omnibus seminibus quae sunt in terra Mk 4:32 et cum seminatum fuerit ascendit et fit maius omnibus holeribus et facit ramos magnos ita ut possint sub umbra eius aves caeli habitare Mk 4:33 et talibus multis parabolis loquebatur eis verbum prout poterant audire Mk 4:34 sine parabola autem non loquebatur eis seorsum autem discipulis suis disserebat omnia Mk 4:35 et ait illis illa die cum sero esset factum transeamus contra Mk 4:36 et dimittentes turbam adsumunt eum ita ut erat in navi et aliae naves erant cum illo Mk 4:37 et facta est procella magna venti et fluctus mittebat in navem ita ut impleretur navis Mk 4:38 et erat ipse in puppi supra cervical dormiens et excitant eum et dicunt ei magister non ad te pertinet quia perimus Mk 4:39 et exsurgens comminatus est vento et dixit mari tace obmutesce et cessavit ventus et facta est tranquillitas magna Mk 4:40 et ait illis quid timidi estis necdum habetis fidem et timuerunt magno timore et dicebant ad alterutrum quis putas est iste quia et ventus et mare oboediunt ei Mk 5:1 et venerunt trans fretum maris in regionem Gerasenorum Mk 5:2 et exeunti ei de navi statim occurrit ei de monumentis homo in spiritu inmundo Mk 5:3 qui domicilium habebat in monumentis et neque catenis iam quisquam eum poterat ligare Mk 5:4 quoniam saepe conpedibus et catenis vinctus disrupisset catenas et conpedes comminuisset et nemo poterat eum domare Mk 5:5 et semper nocte ac die in monumentis et in montibus erat clamans et concidens se lapidibus Mk 5:6 videns autem Iesum a longe cucurrit et adoravit eum Mk 5:7 et clamans voce magna dicit quid mihi et tibi Iesu Fili Dei summi adiuro te per Deum ne me torqueas Mk 5:8 dicebat enim illi exi spiritus inmunde ab homine Mk 5:9 et interrogabat eum quod tibi nomen est et dicit ei Legio nomen mihi est quia multi sumus Mk 5:10 et deprecabatur eum multum ne se expelleret extra regionem Mk 5:11 erat autem ibi circa montem grex porcorum magnus pascens Mk 5:12 et deprecabantur eum spiritus dicentes mitte nos in porcos ut in eos introeamus Mk 5:13 et concessit eis statim Iesus et exeuntes spiritus inmundi introierunt in porcos et magno impetu grex praecipitatus est in mare ad duo milia et suffocati sunt in mare Mk 5:14 qui autem pascebant eos fugerunt et nuntiaverunt in civitatem et in agros et egressi sunt videre quid esset facti Mk 5:15 et veniunt ad Iesum et vident illum qui a daemonio vexabatur sedentem vestitum et sanae mentis et timuerunt Mk 5:16 et narraverunt illis qui viderant qualiter factum esset ei qui daemonium habuerat et de porcis Mk 5:17 et rogare eum coeperunt ut discederet de finibus eorum Mk 5:18 cumque ascenderet navem coepit illum deprecari qui daemonio vexatus fuerat ut esset cum illo Mk 5:19 et non admisit eum sed ait illi vade in domum tuam ad tuos et adnuntia illis quanta tibi Dominus fecerit et misertus sit tui Mk 5:20 et abiit et coepit praedicare in Decapoli quanta sibi fecisset Iesus et omnes mirabantur Mk 5:21 et cum transcendisset Iesus in navi rursus trans fretum convenit turba multa ad illum et erat circa mare Mk 5:22 et venit quidam de archisynagogis nomine Iairus et videns eum procidit ad pedes eius Mk 5:23 et deprecabatur eum multum dicens quoniam filia mea in extremis est veni inpone manus super eam ut salva sit et vivat Mk 5:24 et abiit cum illo et sequebatur eum turba multa et conprimebant illum Mk 5:25 et mulier quae erat in profluvio sanguinis annis duodecim Mk 5:26 et fuerat multa perpessa a conpluribus medicis et erogaverat omnia sua nec quicquam profecerat sed magis deterius habebat Mk 5:27 cum audisset de Iesu venit in turba retro et tetigit vestimentum eius Mk 5:28 dicebat enim quia si vel vestimentum eius tetigero salva ero Mk 5:29 et confestim siccatus est fons sanguinis eius et sensit corpore quod sanata esset a plaga Mk 5:30 et statim Iesus cognoscens in semet ipso virtutem quae exierat de eo conversus ad turbam aiebat quis tetigit vestimenta mea Mk 5:31 et dicebant ei discipuli sui vides turbam conprimentem te et dicis quis me tetigit Mk 5:32 et circumspiciebat videre eam quae hoc fecerat Mk 5:33 mulier autem timens et tremens sciens quod factum esset in se venit et procidit ante eum et dixit ei omnem veritatem Mk 5:34 ille autem dixit ei filia fides tua te salvam fecit vade in pace et esto sana a plaga tua Mk 5:35 adhuc eo loquente veniunt ab archisynagogo dicentes quia filia tua mortua est quid ultra vexas magistrum Mk 5:36 Iesus autem verbo quod dicebatur audito ait archisynagogo noli timere tantummodo crede Mk 5:37 et non admisit quemquam sequi se nisi Petrum et Iacobum et Iohannem fratrem Iacobi Mk 5:38 et veniunt in domum archisynagogi et videt tumultum et flentes et heiulantes multum Mk 5:39 et ingressus ait eis quid turbamini et ploratis puella non est mortua sed dormit Mk 5:40 et inridebant eum ipse vero eiectis omnibus adsumit patrem et matrem puellae et qui secum erant et ingreditur ubi erat puella iacens Mk 5:41 et tenens manum puellae ait illi talitha cumi quod est interpretatum puella tibi dico surge Mk 5:42 et confestim surrexit puella et ambulabat erat autem annorum duodecim et obstipuerunt stupore maximo Mk 5:43 et praecepit illis vehementer ut nemo id sciret et dixit dari illi manducare Mk 6:1 et egressus inde abiit in patriam suam et sequebantur illum discipuli sui Mk 6:2 et facto sabbato coepit in synagoga docere et multi audientes admirabantur in doctrina eius dicentes unde huic haec omnia et quae est sapientia quae data est illi et virtutes tales quae per manus eius efficiuntur Mk 6:3 nonne iste est faber filius Mariae frater Iacobi et Ioseph et Iudae et Simonis nonne et sorores eius hic nobiscum sunt et scandalizabantur in illo Mk 6:4 et dicebat eis Iesus quia non est propheta sine honore nisi in patria sua et in cognatione sua et in domo sua Mk 6:5 et non poterat ibi virtutem ullam facere nisi paucos infirmos inpositis manibus curavit Mk 6:6 et mirabatur propter incredulitatem eorum Mk 6:7 et circumibat castella in circuitu docens et convocavit duodecim et coepit eos mittere binos et dabat illis potestatem spirituum inmundorum Mk 6:8 et praecepit eis ne quid tollerent in via nisi virgam tantum non peram non panem neque in zona aes Mk 6:9 sed calciatos sandaliis et ne induerentur duabus tunicis Mk 6:10 et dicebat eis quocumque introieritis in domum illic manete donec exeatis inde Mk 6:11 et quicumque non receperint vos nec audierint vos exeuntes inde excutite pulverem de pedibus vestris in testimonium illis Mk 6:12 et exeuntes praedicabant ut paenitentiam agerent Mk 6:13 et daemonia multa eiciebant et unguebant oleo multos aegrotos et sanabant Mk 6:14 et audivit Herodes rex manifestum enim factum est nomen eius et dicebat quia Iohannes Baptista resurrexit a mortuis et propterea inoperantur virtutes in illo Mk 6:15 alii autem dicebant quia Helias est alii vero dicebant propheta est quasi unus ex prophetis Mk 6:16 quo audito Herodes ait quem ego decollavi Iohannem hic a mortuis resurrexit Mk 6:17 ipse enim Herodes misit ac tenuit Iohannem et vinxit eum in carcere propter Herodiadem uxorem Philippi fratris sui quia duxerat eam Mk 6:18 dicebat enim Iohannes Herodi non licet tibi habere uxorem fratris tui Mk 6:19 Herodias autem insidiabatur illi et volebat occidere eum nec poterat Mk 6:20 Herodes enim metuebat Iohannem sciens eum virum iustum et sanctum et custodiebat eum et audito eo multa faciebat et libenter eum audiebat Mk 6:21 et cum dies oportunus accidisset Herodes natalis sui cenam fecit principibus et tribunis et primis Galilaeae Mk 6:22 cumque introisset filia ipsius Herodiadis et saltasset et placuisset Herodi simulque recumbentibus rex ait puellae pete a me quod vis et dabo tibi Mk 6:23 et iuravit illi quia quicquid petieris dabo tibi licet dimidium regni mei Mk 6:24 quae cum exisset dixit matri suae quid petam et illa dixit caput Iohannis Baptistae Mk 6:25 cumque introisset statim cum festinatione ad regem petivit dicens volo ut protinus des mihi in disco caput Iohannis Baptistae Mk 6:26 et contristatus rex propter iusiurandum et propter simul recumbentes noluit eam contristare Mk 6:27 sed misso speculatore praecepit adferri caput eius in disco et decollavit eum in carcere Mk 6:28 et adtulit caput eius in disco et dedit illud puellae et puella dedit matri suae Mk 6:29 quo audito discipuli eius venerunt et tulerunt corpus eius et posuerunt illud in monumento Mk 6:30 et convenientes apostoli ad Iesum renuntiaverunt illi omnia quae egerant et docuerant Mk 6:31 et ait illis venite seorsum in desertum locum et requiescite pusillum erant enim qui veniebant et rediebant multi et nec manducandi spatium habebant Mk 6:32 et ascendentes in navi abierunt in desertum locum seorsum Mk 6:33 et viderunt eos abeuntes et cognoverunt multi et pedestre et de omnibus civitatibus concurrerunt illuc et praevenerunt eos Mk 6:34 et exiens vidit multam turbam Iesus et misertus est super eos quia erant sicut oves non habentes pastorem et coepit docere illos multa Mk 6:35 et cum iam hora multa fieret accesserunt discipuli eius dicentes desertus est locus hic et iam hora praeterivit Mk 6:36 dimitte illos ut euntes in proximas villas et vicos emant sibi cibos quos manducent Mk 6:37 et respondens ait illis date illis manducare et dixerunt ei euntes emamus denariis ducentis panes et dabimus eis manducare Mk 6:38 et dicit eis quot panes habetis ite et videte et cum cognovissent dicunt quinque et duos pisces Mk 6:39 et praecepit illis ut accumbere facerent omnes secundum contubernia super viride faenum Mk 6:40 et discubuerunt in partes per centenos et per quinquagenos Mk 6:41 et acceptis quinque panibus et duobus piscibus intuens in caelum benedixit et fregit panes et dedit discipulis suis ut ponerent ante eos et duos pisces divisit omnibus Mk 6:42 et manducaverunt omnes et saturati sunt Mk 6:43 et sustulerunt reliquias fragmentorum duodecim cofinos plenos et de piscibus Mk 6:44 erant autem qui manducaverunt quinque milia virorum Mk 6:45 et statim coegit discipulos suos ascendere navem ut praecederent eum trans fretum ad Bethsaidam dum ipse dimitteret populum Mk 6:46 et cum dimisisset eos abiit in montem orare Mk 6:47 et cum sero esset erat navis in medio mari et ipse solus in terra Mk 6:48 et videns eos laborantes in remigando erat enim ventus contrarius eis et circa quartam vigiliam noctis venit ad eos ambulans super mare et volebat praeterire eos Mk 6:49 at illi ut viderunt eum ambulantem super mare putaverunt fantasma esse et exclamaverunt Mk 6:50 omnes enim eum viderunt et conturbati sunt et statim locutus est cum eis et dixit illis confidite ego sum nolite timere Mk 6:51 et ascendit ad illos in navem et cessavit ventus et plus magis intra se stupebant Mk 6:52 non enim intellexerant de panibus erat enim cor illorum obcaecatum Mk 6:53 et cum transfretassent pervenerunt in terram Gennesareth et adplicuerunt Mk 6:54 cumque egressi essent de navi continuo cognoverunt eum Mk 6:55 et percurrentes universam regionem illam coeperunt in grabattis eos qui se male habebant circumferre ubi audiebant eum esse Mk 6:56 et quocumque introibat in vicos vel in villas aut civitates in plateis ponebant infirmos et deprecabantur eum ut vel fimbriam vestimenti eius tangerent et quotquot tangebant eum salvi fiebant Mk 7:1 et conveniunt ad eum Pharisaei et quidam de scribis venientes ab Hierosolymis Mk 7:2 et cum vidissent quosdam ex discipulis eius communibus manibus id est non lotis manducare panes vituperaverunt Mk 7:3 Pharisaei enim et omnes Iudaei nisi crebro lavent manus non manducant tenentes traditionem seniorum Mk 7:4 et a foro nisi baptizentur non comedunt et alia multa sunt quae tradita sunt illis servare baptismata calicum et urceorum et aeramentorum et lectorum Mk 7:5 et interrogant eum Pharisaei et scribae quare discipuli tui non ambulant iuxta traditionem seniorum sed communibus manibus manducant panem Mk 7:6 at ille respondens dixit eis bene prophetavit Esaias de vobis hypocritis sicut scriptum est populus hic labiis me honorat cor autem eorum longe est a me Mk 7:7 in vanum autem me colunt docentes doctrinas praecepta hominum Mk 7:8 relinquentes enim mandatum Dei tenetis traditionem hominum baptismata urceorum et calicum et alia similia his facitis multa Mk 7:9 et dicebat illis bene irritum facitis praeceptum Dei ut traditionem vestram servetis Mk 7:10 Moses enim dixit honora patrem tuum et matrem tuam et qui maledixerit patri aut matri morte moriatur Mk 7:11 vos autem dicitis si dixerit homo patri aut matri corban quod est donum quodcumque ex me tibi profuerit Mk 7:12 et ultra non dimittitis eum quicquam facere patri suo aut matri Mk 7:13 rescindentes verbum Dei per traditionem vestram quam tradidistis et similia huiusmodi multa facitis Mk 7:14 et advocans iterum turbam dicebat illis audite me omnes et intellegite Mk 7:15 nihil est extra hominem introiens in eum quod possit eum coinquinare sed quae de homine procedunt illa sunt quae communicant hominem Mk 7:16 si quis habet aures audiendi audiat Mk 7:17 et cum introisset in domum a turba interrogabant eum discipuli eius parabolam Mk 7:18 et ait illis sic et vos inprudentes estis non intellegitis quia omne extrinsecus introiens in hominem non potest eum communicare Mk 7:19 quia non introit in cor eius sed in ventrem et in secessum exit purgans omnes escas Mk 7:20 dicebat autem quoniam quae de homine exeunt illa communicant hominem Mk 7:21 ab intus enim de corde hominum cogitationes malae procedunt adulteria fornicationes homicidia Mk 7:22 furta avaritiae nequitiae dolus inpudicitia oculus malus blasphemia superbia stultitia Mk 7:23 omnia haec mala ab intus procedunt et communicant hominem Mk 7:24 et inde surgens abiit in fines Tyri et Sidonis et ingressus domum neminem voluit scire et non potuit latere Mk 7:25 mulier enim statim ut audivit de eo cuius habebat filia spiritum inmundum intravit et procidit ad pedes eius Mk 7:26 erat autem mulier gentilis Syrophoenissa genere et rogabat eum ut daemonium eiceret de filia eius Mk 7:27 qui dixit illi sine prius saturari filios non est enim bonum sumere panem filiorum et mittere canibus Mk 7:28 at illa respondit et dicit ei utique Domine nam et catelli sub mensa comedunt de micis puerorum Mk 7:29 et ait illi propter hunc sermonem vade exiit daemonium de filia tua Mk 7:30 et cum abisset domum suam invenit puellam iacentem supra lectum et daemonium exisse Mk 7:31 et iterum exiens de finibus Tyri venit per Sidonem ad mare Galilaeae inter medios fines Decapoleos Mk 7:32 et adducunt ei surdum et mutum et deprecantur eum ut inponat illi manum Mk 7:33 et adprehendens eum de turba seorsum misit digitos suos in auriculas et expuens tetigit linguam eius Mk 7:34 et suspiciens in caelum ingemuit et ait illi eppheta quod est adaperire Mk 7:35 et statim apertae sunt aures eius et solutum est vinculum linguae eius et loquebatur recte Mk 7:36 et praecepit illis ne cui dicerent quanto autem eis praecipiebat tanto magis plus praedicabant Mk 7:37 et eo amplius admirabantur dicentes bene omnia fecit et surdos facit audire et mutos loqui Mk 8:1 in illis diebus iterum cum turba multa esset nec haberent quod manducarent convocatis discipulis ait illis Mk 8:2 misereor super turba quia ecce iam triduo sustinent me nec habent quod manducent Mk 8:3 et si dimisero eos ieiunos in domum suam deficient in via quidam enim ex eis de longe venerunt Mk 8:4 et responderunt ei discipuli sui unde istos poterit quis hic saturare panibus in solitudine Mk 8:5 et interrogavit eos quot panes habetis qui dixerunt septem Mk 8:6 et praecepit turbae discumbere supra terram et accipiens septem panes gratias agens fregit et dabat discipulis suis ut adponerent et adposuerunt turbae Mk 8:7 et habebant pisciculos paucos et ipsos benedixit et iussit adponi Mk 8:8 et manducaverunt et saturati sunt et sustulerunt quod superaverat de fragmentis septem sportas Mk 8:9 erant autem qui manducaverunt quasi quattuor milia et dimisit eos Mk 8:10 et statim ascendens navem cum discipulis suis venit in partes Dalmanutha Mk 8:11 et exierunt Pharisaei et coeperunt conquirere cum eo quaerentes ab illo signum de caelo temptantes eum Mk 8:12 et ingemescens spiritu ait quid generatio ista quaerit signum amen dico vobis si dabitur generationi isti signum Mk 8:13 et dimittens eos ascendens iterum abiit trans fretum Mk 8:14 et obliti sunt sumere panes et nisi unum panem non habebant secum in navi Mk 8:15 et praecipiebat eis dicens videte cavete a fermento Pharisaeorum et fermento Herodis Mk 8:16 et cogitabant ad alterutrum dicentes quia panes non habemus Mk 8:17 quo cognito Iesus ait illis quid cogitatis quia panes non habetis nondum cognoscitis nec intellegitis adhuc caecatum habetis cor vestrum Mk 8:18 oculos habentes non videtis et aures habentes non auditis nec recordamini Mk 8:19 quando quinque panes fregi in quinque milia et quot cofinos fragmentorum plenos sustulistis dicunt ei duodecim Mk 8:20 quando et septem panes in quattuor milia quot sportas fragmentorum tulistis et dicunt ei septem Mk 8:21 et dicebat eis quomodo nondum intellegitis Mk 8:22 et veniunt Bethsaida et adducunt ei caecum et rogabant eum ut illum tangeret Mk 8:23 et adprehendens manum caeci eduxit eum extra vicum et expuens in oculos eius inpositis manibus suis interrogavit eum si aliquid videret Mk 8:24 et aspiciens ait video homines velut arbores ambulantes Mk 8:25 deinde iterum inposuit manus super oculos eius et coepit videre et restitutus est ita ut videret clare omnia Mk 8:26 et misit illum in domum suam dicens vade in domum tuam et si in vicum introieris nemini dixeris Mk 8:27 et egressus est Iesus et discipuli eius in castella Caesareae Philippi et in via interrogabat discipulos suos dicens eis quem me dicunt esse homines Mk 8:28 qui responderunt illi dicentes Iohannem Baptistam alii Heliam alii vero quasi unum de prophetis Mk 8:29 tunc dicit illis vos vero quem me dicitis esse respondens Petrus ait ei tu es Christus Mk 8:30 et comminatus est eis ne cui dicerent de illo Mk 8:31 et coepit docere illos quoniam oportet Filium hominis multa pati et reprobari a senioribus et a summis sacerdotibus et scribis et occidi et post tres dies resurgere Mk 8:32 et palam verbum loquebatur et adprehendens eum Petrus coepit increpare eum Mk 8:33 qui conversus et videns discipulos suos comminatus est Petro dicens vade retro me Satana quoniam non sapis quae Dei sunt sed quae sunt hominum Mk 8:34 et convocata turba cum discipulis suis dixit eis si quis vult post me sequi deneget se ipsum et tollat crucem suam et sequatur me Mk 8:35 qui enim voluerit animam suam salvam facere perdet eam qui autem perdiderit animam suam propter me et evangelium salvam eam faciet Mk 8:36 quid enim proderit homini si lucretur mundum totum et detrimentum faciat animae suae Mk 8:37 aut quid dabit homo commutationem pro anima sua Mk 8:38 qui enim me confusus fuerit et mea verba in generatione ista adultera et peccatrice et Filius hominis confundetur eum cum venerit in gloria Patris sui cum angelis sanctis Mk 8:39 et dicebat illis amen dico vobis quia sunt quidam de hic stantibus qui non gustabunt mortem donec videant regnum Dei veniens in virtute Mk 9:1 et post dies sex adsumit Iesus Petrum et Iacobum et Iohannem et ducit illos in montem excelsum seorsum solos et transfiguratus est coram ipsis Mk 9:2 et vestimenta eius facta sunt splendentia candida nimis velut nix qualia fullo super terram non potest candida facere Mk 9:3 et apparuit illis Helias cum Mose et erant loquentes cum Iesu Mk 9:4 et respondens Petrus ait Iesu rabbi bonum est hic nos esse et faciamus tria tabernacula tibi unum et Mosi unum et Heliae unum Mk 9:5 non enim sciebat quid diceret erant enim timore exterriti Mk 9:6 et facta est nubes obumbrans eos et venit vox de nube dicens hic est Filius meus carissimus audite illum Mk 9:7 et statim circumspicientes neminem amplius viderunt nisi Iesum tantum secum Mk 9:8 et descendentibus illis de monte praecepit illis ne cui quae vidissent narrarent nisi cum Filius hominis a mortuis resurrexerit Mk 9:9 et verbum continuerunt apud se conquirentes quid esset cum a mortuis resurrexerit Mk 9:10 et interrogabant eum dicentes quid ergo dicunt Pharisaei et scribae quia Heliam oporteat venire primum Mk 9:11 qui respondens ait illis Helias cum venerit primo restituet omnia et quomodo scriptum est in Filium hominis ut multa patiatur et contemnatur Mk 9:12 sed dico vobis quia et Helias venit et fecerunt illi quaecumque voluerunt sicut scriptum est de eo Mk 9:13 et veniens ad discipulos suos vidit turbam magnam circa eos et scribas conquirentes cum illis Mk 9:14 et confestim omnis populus videns eum stupefactus est et adcurrentes salutabant eum Mk 9:15 et interrogavit eos quid inter vos conquiritis Mk 9:16 et respondens unus de turba dixit magister adtuli filium meum ad te habentem spiritum mutum Mk 9:17 qui ubicumque eum adprehenderit adlidit eum et spumat et stridet dentibus et arescit et dixi discipulis tuis ut eicerent illum et non potuerunt Mk 9:18 qui respondens eis dicit o generatio incredula quamdiu apud vos ero quamdiu vos patiar adferte illum ad me Mk 9:19 et adtulerunt eum et cum vidisset illum statim spiritus conturbavit eum et elisus in terram volutabatur spumans Mk 9:20 et interrogavit patrem eius quantum temporis est ex quo hoc ei accidit at ille ait ab infantia Mk 9:21 et frequenter eum et in ignem et in aquas misit ut eum perderet sed si quid potes adiuva nos misertus nostri Mk 9:22 Iesus autem ait illi si potes credere omnia possibilia credenti Mk 9:23 et continuo exclamans pater pueri cum lacrimis aiebat credo adiuva incredulitatem meam Mk 9:24 et cum videret Iesus concurrentem turbam comminatus est spiritui inmundo dicens illi surde et mute spiritus ego tibi praecipio exi ab eo et amplius ne introeas in eum Mk 9:25 et clamans et multum discerpens eum exiit ab eo et factus est sicut mortuus ita ut multi dicerent quia mortuus est Mk 9:26 Iesus autem tenens manum eius elevavit illum et surrexit Mk 9:27 et cum introisset in domum discipuli eius secreto interrogabant eum quare nos non potuimus eicere eum Mk 9:28 et dixit illis hoc genus in nullo potest exire nisi in oratione et ieiunio Mk 9:29 et inde profecti praetergrediebantur Galilaeam nec volebat quemquam scire Mk 9:30 docebat autem discipulos suos et dicebat illis quoniam Filius hominis tradetur in manus hominum et occident eum et occisus tertia die resurget Mk 9:31 at illi ignorabant verbum et timebant eum interrogare Mk 9:32 et venerunt Capharnaum qui cum domi esset interrogabat eos quid in via tractabatis Mk 9:33 at illi tacebant siquidem inter se in via disputaverant quis esset illorum maior Mk 9:34 et residens vocavit duodecim et ait illis si quis vult primus esse erit omnium novissimus et omnium minister Mk 9:35 et accipiens puerum statuit eum in medio eorum quem cum conplexus esset ait illis Mk 9:36 quisquis unum ex huiusmodi pueris receperit in nomine meo me recipit et quicumque me susceperit non me suscipit sed eum qui me misit Mk 9:37 respondit illi Iohannes dicens magister vidimus quendam in nomine tuo eicientem daemonia qui non sequitur nos et prohibuimus eum Mk 9:38 Iesus autem ait nolite prohibere eum nemo est enim qui faciat virtutem in nomine meo et possit cito male loqui de me Mk 9:39 qui enim non est adversum vos pro vobis est Mk 9:40 quisquis enim potum dederit vobis calicem aquae in nomine meo quia Christi estis amen dico vobis non perdet mercedem suam Mk 9:41 et quisquis scandalizaverit unum ex his pusillis credentibus in me bonum est ei magis si circumdaretur mola asinaria collo eius et in mare mitteretur Mk 9:42 et si scandalizaverit te manus tua abscide illam bonum est tibi debilem introire in vitam quam duas manus habentem ire in gehennam in ignem inextinguibilem Mk 9:43 ubi vermis eorum non moritur et ignis non extinguitur Mk 9:44 et si pes tuus te scandalizat amputa illum bonum est tibi claudum introire in vitam aeternam quam duos pedes habentem mitti in gehennam ignis inextinguibilis Mk 9:45 ubi vermis eorum non moritur et ignis non extinguitur Mk 9:46 quod si oculus tuus scandalizat te eice eum bonum est tibi luscum introire in regnum Dei quam duos oculos habentem mitti in gehennam ignis Mk 9:47 ubi vermis eorum non moritur et ignis non extinguitur Mk 9:48 omnis enim igne sallietur et omnis victima sallietur Mk 9:49 bonum est sal quod si sal insulsum fuerit in quo illud condietis habete in vobis sal et pacem habete inter vos Mk 10:1 et inde exsurgens venit in fines Iudaeae ultra Iordanen et conveniunt iterum turbae ad eum et sicut consueverat iterum docebat illos Mk 10:2 et accedentes Pharisaei interrogabant eum si licet viro uxorem dimittere temptantes eum Mk 10:3 at ille respondens dixit eis quid vobis praecepit Moses Mk 10:4 qui dixerunt Moses permisit libellum repudii scribere et dimittere Mk 10:5 quibus respondens Iesus ait ad duritiam cordis vestri scripsit vobis praeceptum istud Mk 10:6 ab initio autem creaturae masculum et feminam fecit eos Deus Mk 10:7 propter hoc relinquet homo patrem suum et matrem et adherebit ad uxorem suam Mk 10:8 et erunt duo in carne una itaque iam non sunt duo sed una caro Mk 10:9 quod ergo Deus iunxit homo non separet Mk 10:10 et in domo iterum discipuli eius de eodem interrogaverunt eum Mk 10:11 et dicit illis quicumque dimiserit uxorem suam et aliam duxerit adulterium committit super eam Mk 10:12 et si uxor dimiserit virum suum et alii nupserit moechatur Mk 10:13 et offerebant illi parvulos ut tangeret illos discipuli autem comminabantur offerentibus Mk 10:14 quos cum videret Iesus indigne tulit et ait illis sinite parvulos venire ad me et ne prohibueritis eos talium est enim regnum Dei Mk 10:15 amen dico vobis quisque non receperit regnum Dei velut parvulus non intrabit in illud Mk 10:16 et conplexans eos et inponens manus super illos benedicebat eos Mk 10:17 et cum egressus esset in viam procurrens quidam genu flexo ante eum rogabat eum magister bone quid faciam ut vitam aeternam percipiam Mk 10:18 Iesus autem dixit ei quid me dicis bonum nemo bonus nisi unus Deus Mk 10:19 praecepta nosti ne adulteres ne occidas ne fureris ne falsum testimonium dixeris ne fraudem feceris honora patrem tuum et matrem Mk 10:20 et ille respondens ait illi magister omnia haec conservavi a iuventute mea Mk 10:21 Iesus autem intuitus eum dilexit eum et dixit illi unum tibi deest vade quaecumque habes vende et da pauperibus et habebis thesaurum in caelo et veni sequere me Mk 10:22 qui contristatus in verbo abiit maerens erat enim habens possessiones multas Mk 10:23 et circumspiciens Iesus ait discipulis suis quam difficile qui pecunias habent in regnum Dei introibunt Mk 10:24 discipuli autem obstupescebant in verbis eius at Iesus rursus respondens ait illis filioli quam difficile est confidentes in pecuniis regnum Dei introire Mk 10:25 facilius est camelum per foramen acus transire quam divitem intrare in regnum Dei Mk 10:26 qui magis admirabantur dicentes ad semet ipsos et quis potest salvus fieri Mk 10:27 et intuens illos Iesus ait apud homines inpossibile est sed non apud Deum omnia enim possibilia sunt apud Deum Mk 10:28 coepit Petrus ei dicere ecce nos dimisimus omnia et secuti sumus te Mk 10:29 respondens Iesus ait amen dico vobis nemo est qui reliquerit domum aut fratres aut sorores aut matrem aut patrem aut filios aut agros propter me et propter evangelium Mk 10:30 qui non accipiat centies tantum nunc in tempore hoc domos et fratres et sorores et matres et filios et agros cum persecutionibus et in saeculo futuro vitam aeternam Mk 10:31 multi autem erunt primi novissimi et novissimi primi Mk 10:32 erant autem in via ascendentes in Hierosolyma et praecedebat illos Iesus et stupebant et sequentes timebant et adsumens iterum duodecim coepit illis dicere quae essent ei ventura Mk 10:33 quia ecce ascendimus in Hierosolyma et Filius hominis tradetur principibus sacerdotum et scribis et senioribus et damnabunt eum morti et tradent eum gentibus Mk 10:34 et inludent ei et conspuent eum et flagellabunt eum et interficient eum et tertia die resurget Mk 10:35 et accedunt ad illum Iacobus et Iohannes filii Zebedaei dicentes magister volumus ut quodcumque petierimus facias nobis Mk 10:36 at ille dixit eis quid vultis ut faciam vobis Mk 10:37 et dixerunt da nobis ut unus ad dexteram tuam et alius ad sinistram tuam sedeamus in gloria tua Mk 10:38 Iesus autem ait eis nescitis quid petatis potestis bibere calicem quem ego bibo aut baptismum quo ego baptizor baptizari Mk 10:39 at illi dixerunt ei possumus Iesus autem ait eis calicem quidem quem ego bibo bibetis et baptismum quo ego baptizor baptizabimini Mk 10:40 sedere autem ad dexteram meam vel ad sinistram non est meum dare sed quibus paratum est Mk 10:41 et audientes decem coeperunt indignari de Iacobo et Iohanne Mk 10:42 Iesus autem vocans eos ait illis scitis quia hii qui videntur principari gentibus dominantur eis et principes eorum potestatem habent ipsorum Mk 10:43 non ita est autem in vobis sed quicumque voluerit fieri maior erit vester minister Mk 10:44 et quicumque voluerit in vobis primus esse erit omnium servus Mk 10:45 nam et Filius hominis non venit ut ministraretur ei sed ut ministraret et daret animam suam redemptionem pro multis Mk 10:46 et veniunt Hierichum et proficiscente eo de Hiericho et discipulis eius et plurima multitudine filius Timei Bartimeus caecus sedebat iuxta viam mendicans Mk 10:47 qui cum audisset quia Iesus Nazarenus est coepit clamare et dicere Fili David Iesu miserere mei Mk 10:48 et comminabantur illi multi ut taceret at ille multo magis clamabat Fili David miserere mei Mk 10:49 et stans Iesus praecepit illum vocari et vocant caecum dicentes ei animaequior esto surge vocat te Mk 10:50 qui proiecto vestimento suo exiliens venit ad eum Mk 10:51 et respondens illi Iesus dixit quid vis tibi faciam caecus autem dixit ei rabboni ut videam Mk 10:52 Iesus autem ait illi vade fides tua te salvum fecit et confestim vidit et sequebatur eum in via Mk 11:1 et cum adpropinquarent Hierosolymae et Bethaniae ad montem Olivarum mittit duos ex discipulis suis Mk 11:2 et ait illis ite in castellum quod est contra vos et statim introeuntes illuc invenietis pullum ligatum super quem nemo adhuc hominum sedit solvite illum et adducite Mk 11:3 et si quis vobis dixerit quid facitis dicite quia Domino necessarius est et continuo illum dimittet huc Mk 11:4 et abeuntes invenerunt pullum ligatum ante ianuam foris in bivio et solvunt eum Mk 11:5 et quidam de illic stantibus dicebant illis quid facitis solventes pullum Mk 11:6 qui dixerunt eis sicut praeceperat illis Iesus et dimiserunt eis Mk 11:7 et duxerunt pullum ad Iesum et inponunt illi vestimenta sua et sedit super eo Mk 11:8 multi autem vestimenta sua straverunt in via alii autem frondes caedebant de arboribus et sternebant in via Mk 11:9 et qui praeibant et qui sequebantur clamabant dicentes osanna benedictus qui venit in nomine Domini Mk 11:10 benedictum quod venit regnum patris nostri David osanna in excelsis Mk 11:11 et introivit Hierosolyma in templum et circumspectis omnibus cum iam vespera esset hora exivit in Bethania cum duodecim Mk 11:12 et alia die cum exirent a Bethania esuriit Mk 11:13 cumque vidisset a longe ficum habentem folia venit si quid forte inveniret in ea et cum venisset ad eam nihil invenit praeter folia non enim erat tempus ficorum Mk 11:14 et respondens dixit ei iam non amplius in aeternum quisquam fructum ex te manducet et audiebant discipuli eius Mk 11:15 et veniunt Hierosolymam et cum introisset templum coepit eicere vendentes et ementes in templo et mensas nummulariorum et cathedras vendentium columbas evertit Mk 11:16 et non sinebat ut quisquam vas transferret per templum Mk 11:17 et docebat dicens eis non scriptum est quia domus mea domus orationis vocabitur omnibus gentibus vos autem fecistis eam speluncam latronum Mk 11:18 quo audito principes sacerdotum et scribae quaerebant quomodo eum perderent timebant enim eum quoniam universa turba admirabatur super doctrina eius Mk 11:19 et cum vespera facta esset egrediebatur de civitate Mk 11:20 et cum mane transirent viderunt ficum aridam factam a radicibus Mk 11:21 et recordatus Petrus dicit ei rabbi ecce ficus cui maledixisti aruit Mk 11:22 et respondens Iesus ait illis habete fidem Dei Mk 11:23 amen dico vobis quicumque dixerit huic monti tollere et mittere in mare et non haesitaverit in corde suo sed crediderit quia quodcumque dixerit fiat fiet ei Mk 11:24 propterea dico vobis omnia quaecumque orantes petitis credite quia accipietis et veniet vobis Mk 11:25 et cum stabitis ad orandum dimittite si quid habetis adversus aliquem ut et Pater vester qui in caelis est dimittat vobis peccata vestra Mk 11:26 quod si vos non dimiseritis nec Pater vester qui in caelis est dimittet vobis peccata vestra Mk 11:27 et veniunt rursus Hierosolymam et cum ambularet in templo accedunt ad eum summi sacerdotes et scribae et seniores Mk 11:28 et dicunt illi in qua potestate haec facis et quis tibi dedit hanc potestatem ut ista facias Mk 11:29 Iesus autem respondens ait illis interrogabo vos et ego unum verbum et respondete mihi et dicam vobis in qua potestate haec faciam Mk 11:30 baptismum Iohannis de caelo erat an ex hominibus respondete mihi Mk 11:31 at illi cogitabant secum dicentes si dixerimus de caelo dicet quare ergo non credidistis ei Mk 11:32 sed dicemus ex hominibus timebant populum omnes enim habebant Iohannem quia vere propheta esset Mk 11:33 et respondentes dicunt Iesu nescimus respondens Iesus ait illis neque ego dico vobis in qua potestate haec faciam Mk 12:1 et coepit illis in parabolis loqui vineam pastinavit homo et circumdedit sepem et fodit lacum et aedificavit turrem et locavit eam agricolis et peregre profectus est Mk 12:2 et misit ad agricolas in tempore servum ut ab agricolis acciperet de fructu vineae Mk 12:3 qui adprehensum eum ceciderunt et dimiserunt vacuum Mk 12:4 et iterum misit ad illos alium servum et illum capite vulneraverunt et contumeliis adfecerunt Mk 12:5 et rursum alium misit et illum occiderunt et plures alios quosdam caedentes alios vero occidentes Mk 12:6 adhuc ergo unum habens filium carissimum et illum misit ad eos novissimum dicens quia reverebuntur filium meum Mk 12:7 coloni autem dixerunt ad invicem hic est heres venite occidamus eum et nostra erit hereditas Mk 12:8 et adprehendentes eum occiderunt et eiecerunt extra vineam Mk 12:9 quid ergo faciet dominus vineae veniet et perdet colonos et dabit vineam aliis Mk 12:10 nec scripturam hanc legistis lapidem quem reprobaverunt aedificantes hic factus est in caput anguli Mk 12:11 a Domino factum est istud et est mirabile in oculis nostris Mk 12:12 et quaerebant eum tenere et timuerunt turbam cognoverunt enim quoniam ad eos parabolam hanc dixerit et relicto eo abierunt Mk 12:13 et mittunt ad eum quosdam ex Pharisaeis et Herodianis ut eum caperent in verbo Mk 12:14 qui venientes dicunt ei magister scimus quoniam verax es et non curas quemquam nec enim vides in faciem hominis sed in veritate viam Dei doces licet dari tributum Caesari an non dabimus Mk 12:15 qui sciens versutiam eorum ait illis quid me temptatis adferte mihi denarium ut videam Mk 12:16 at illi adtulerunt et ait illis cuius est imago haec et inscriptio dicunt illi Caesaris Mk 12:17 respondens autem Iesus dixit illis reddite igitur quae sunt Caesaris Caesari et quae sunt Dei Deo et mirabantur super eo Mk 12:18 et venerunt ad eum Sadducaei qui dicunt resurrectionem non esse et interrogabant eum dicentes Mk 12:19 magister Moses nobis scripsit ut si cuius frater mortuus fuerit et dimiserit uxorem et filios non reliquerit accipiat frater eius uxorem ipsius et resuscitet semen fratri suo Mk 12:20 septem ergo fratres erant et primus accepit uxorem et mortuus est non relicto semine Mk 12:21 et secundus accepit eam et mortuus est et nec iste reliquit semen et tertius similiter Mk 12:22 et acceperunt eam similiter septem et non reliquerunt semen novissima omnium defuncta est et mulier Mk 12:23 in resurrectione ergo cum resurrexerint cuius de his erit uxor septem enim habuerunt eam uxorem Mk 12:24 et respondens Iesus ait illis non ideo erratis non scientes scripturas neque virtutem Dei Mk 12:25 cum enim a mortuis resurrexerint neque nubent neque nubentur sed sunt sicut angeli in caelis Mk 12:26 de mortuis autem quod resurgant non legistis in libro Mosi super rubum quomodo dixerit illi Deus inquiens ego sum Deus Abraham et Deus Isaac et Deus Iacob Mk 12:27 non est Deus mortuorum sed vivorum vos ergo multum erratis Mk 12:28 et accessit unus de scribis qui audierat illos conquirentes et videns quoniam bene illis responderit interrogavit eum quod esset primum omnium mandatum Mk 12:29 Iesus autem respondit ei quia primum omnium mandatum est audi Israhel Dominus Deus noster Deus unus est Mk 12:30 et diliges Dominum Deum tuum ex toto corde tuo et ex tota anima tua et ex tota mente tua et ex tota virtute tua hoc est primum mandatum Mk 12:31 secundum autem simile illi diliges proximum tuum tamquam te ipsum maius horum aliud mandatum non est Mk 12:32 et ait illi scriba bene magister in veritate dixisti quia unus est et non est alius praeter eum Mk 12:33 et ut diligatur ex toto corde et ex toto intellectu et ex tota anima et ex tota fortitudine et diligere proximum tamquam se ipsum maius est omnibus holocaustomatibus et sacrificiis Mk 12:34 Iesus autem videns quod sapienter respondisset dixit illi non es longe a regno Dei et nemo iam audebat eum interrogare Mk 12:35 et respondens Iesus dicebat docens in templo quomodo dicunt scribae Christum Filium esse David Mk 12:36 ipse enim David dicit in Spiritu Sancto dixit Dominus Domino meo sede a dextris meis donec ponam inimicos tuos scabillum pedum tuorum Mk 12:37 ipse ergo David dicit eum Dominum et unde est filius eius et multa turba eum libenter audivit Mk 12:38 et dicebat eis in doctrina sua cavete a scribis qui volunt in stolis ambulare et salutari in foro Mk 12:39 et in primis cathedris sedere in synagogis et primos discubitus in cenis Mk 12:40 qui devorant domos viduarum sub obtentu prolixae orationis hii accipient prolixius iudicium Mk 12:41 et sedens Iesus contra gazofilacium aspiciebat quomodo turba iactaret aes in gazofilacium et multi divites iactabant multa Mk 12:42 cum venisset autem una vidua pauper misit duo minuta quod est quadrans Mk 12:43 et convocans discipulos suos ait illis amen dico vobis quoniam vidua haec pauper plus omnibus misit qui miserunt in gazofilacium Mk 12:44 omnes enim ex eo quod abundabat illis miserunt haec vero de penuria sua omnia quae habuit misit totum victum suum Mk 13:1 et cum egrederetur de templo ait illi unus ex discipulis suis magister aspice quales lapides et quales structurae Mk 13:2 et respondens Iesus ait illi vides has omnes magnas aedificationes non relinquetur lapis super lapidem qui non destruatur Mk 13:3 et cum sederet in montem Olivarum contra templum interrogabant eum separatim Petrus et Iacobus et Iohannes et Andreas Mk 13:4 dic nobis quando ista fient et quod signum erit quando haec omnia incipient consummari Mk 13:5 et respondens Iesus coepit dicere illis videte ne quis vos seducat Mk 13:6 multi enim venient in nomine meo dicentes quia ego sum et multos seducent Mk 13:7 cum audieritis autem bella et opiniones bellorum ne timueritis oportet enim fieri sed nondum finis Mk 13:8 exsurget autem gens super gentem et regnum super regnum et erunt terraemotus per loca et fames initium dolorum haec Mk 13:9 videte autem vosmet ipsos tradent enim vos conciliis et in synagogis vapulabitis et ante praesides et reges stabitis propter me in testimonium illis Mk 13:10 et in omnes gentes primum oportet praedicari evangelium Mk 13:11 et cum duxerint vos tradentes nolite praecogitare quid loquamini sed quod datum vobis fuerit in illa hora id loquimini non enim estis vos loquentes sed Spiritus Sanctus Mk 13:12 tradet autem frater fratrem in mortem et pater filium et consurgent filii in parentes et morte adficient eos Mk 13:13 et eritis odio omnibus propter nomen meum qui autem sustinuerit in finem hic salvus erit Mk 13:14 cum autem videritis abominationem desolationis stantem ubi non debet qui legit intellegat tunc qui in Iudaea sunt fugiant in montes Mk 13:15 et qui super tectum ne descendat in domum nec introeat ut tollat quid de domo sua Mk 13:16 et qui in agro erit non revertatur retro tollere vestimentum suum Mk 13:17 vae autem praegnatibus et nutrientibus in illis diebus Mk 13:18 orate vero ut hieme non fiant Mk 13:19 erunt enim dies illi tribulationes tales quales non fuerunt ab initio creaturae quam condidit Deus usque nunc neque fient Mk 13:20 et nisi breviasset Dominus dies non fuisset salva omnis caro sed propter electos quos elegit breviavit dies Mk 13:21 et tunc si quis vobis dixerit ecce hic est Christus ecce illic ne credideritis Mk 13:22 exsurgent enim pseudochristi et pseudoprophetae et dabunt signa et portenta ad seducendos si potest fieri etiam electos Mk 13:23 vos ergo videte ecce praedixi vobis omnia Mk 13:24 sed in illis diebus post tribulationem illam sol contenebrabitur et luna non dabit splendorem suum Mk 13:25 et erunt stellae caeli decidentes et virtutes quae sunt in caelis movebuntur Mk 13:26 et tunc videbunt Filium hominis venientem in nubibus cum virtute multa et gloria Mk 13:27 et tunc mittet angelos suos et congregabit electos suos a quattuor ventis a summo terrae usque ad summum caeli Mk 13:28 a ficu autem discite parabolam cum iam ramus eius tener fuerit et nata fuerint folia cognoscitis quia in proximo sit aestas Mk 13:29 sic et vos cum videritis haec fieri scitote quod in proximo sit in ostiis Mk 13:30 amen dico vobis quoniam non transiet generatio haec donec omnia ista fiant Mk 13:31 caelum et terra transibunt verba autem mea non transibunt Mk 13:32 de die autem illo vel hora nemo scit neque angeli in caelo neque Filius nisi Pater Mk 13:33 videte vigilate et orate nescitis enim quando tempus sit Mk 13:34 sicut homo qui peregre profectus reliquit domum suam et dedit servis suis potestatem cuiusque operis et ianitori praecipiat ut vigilet Mk 13:35 vigilate ergo nescitis enim quando dominus domus veniat sero an media nocte an galli cantu an mane Mk 13:36 ne cum venerit repente inveniat vos dormientes Mk 13:37 quod autem vobis dico omnibus dico vigilate Mk 14:1 erat autem pascha et azyma post biduum et quaerebant summi sacerdotes et scribae quomodo eum dolo tenerent et occiderent Mk 14:2 dicebant enim non in die festo ne forte tumultus fieret populi Mk 14:3 et cum esset Bethaniae in domo Simonis leprosi et recumberet venit mulier habens alabastrum unguenti nardi spicati pretiosi et fracto alabastro effudit super caput eius Mk 14:4 erant autem quidam indigne ferentes intra semet ipsos et dicentes ut quid perditio ista unguenti facta est Mk 14:5 poterat enim unguentum istud veniri plus quam trecentis denariis et dari pauperibus et fremebant in eam Mk 14:6 Iesus autem dixit sinite eam quid illi molesti estis bonum opus operata est in me Mk 14:7 semper enim pauperes habetis vobiscum et cum volueritis potestis illis benefacere me autem non semper habetis Mk 14:8 quod habuit haec fecit praevenit unguere corpus meum in sepulturam Mk 14:9 amen dico vobis ubicumque praedicatum fuerit evangelium istud in universum mundum et quod fecit haec narrabitur in memoriam eius Mk 14:10 et Iudas Scariotis unus de duodecim abiit ad summos sacerdotes ut proderet eum illis Mk 14:11 qui audientes gavisi sunt et promiserunt ei pecuniam se daturos et quaerebat quomodo illum oportune traderet Mk 14:12 et primo die azymorum quando pascha immolabant dicunt ei discipuli quo vis eamus et paremus tibi ut manduces pascha Mk 14:13 et mittit duos ex discipulis suis et dicit eis ite in civitatem et occurret vobis homo laguenam aquae baiulans sequimini eum Mk 14:14 et quocumque introierit dicite domino domus quia magister dicit ubi est refectio mea ubi pascha cum discipulis meis manducem Mk 14:15 et ipse vobis demonstrabit cenaculum grande stratum et illic parate nobis Mk 14:16 et abierunt discipuli eius et venerunt in civitatem et invenerunt sicut dixerat illis et praeparaverunt pascha Mk 14:17 vespere autem facto venit cum duodecim Mk 14:18 et discumbentibus eis et manducantibus ait Iesus amen dico vobis quia unus ex vobis me tradet qui manducat mecum Mk 14:19 at illi coeperunt contristari et dicere ei singillatim numquid ego Mk 14:20 qui ait illis unus ex duodecim qui intinguit mecum in catino Mk 14:21 et Filius quidem hominis vadit sicut scriptum est de eo vae autem homini illi per quem Filius hominis traditur bonum ei si non esset natus homo ille Mk 14:22 et manducantibus illis accepit Iesus panem et benedicens fregit et dedit eis et ait sumite hoc est corpus meum Mk 14:23 et accepto calice gratias agens dedit eis et biberunt ex illo omnes Mk 14:24 et ait illis hic est sanguis meus novi testamenti qui pro multis effunditur Mk 14:25 amen dico vobis quod iam non bibam de genimine vitis usque in diem illum cum illud bibam novum in regno Dei Mk 14:26 et hymno dicto exierunt in montem Olivarum Mk 14:27 et ait eis Iesus omnes scandalizabimini in nocte ista quia scriptum est percutiam pastorem et dispergentur oves Mk 14:28 sed posteaquam resurrexero praecedam vos in Galilaeam Mk 14:29 Petrus autem ait ei et si omnes scandalizati fuerint sed non ego Mk 14:30 et ait illi Iesus amen dico tibi quia tu hodie in nocte hac priusquam bis gallus vocem dederit ter me es negaturus Mk 14:31 at ille amplius loquebatur et si oportuerit me simul conmori tibi non te negabo similiter autem et omnes dicebant Mk 14:32 et veniunt in praedium cui nomen Gethsemani et ait discipulis suis sedete hic donec orem Mk 14:33 et adsumit Petrum et Iacobum et Iohannem secum et coepit pavere et taedere Mk 14:34 et ait illis tristis est anima mea usque ad mortem sustinete hic et vigilate Mk 14:35 et cum processisset paululum procidit super terram et orabat ut si fieri posset transiret ab eo hora Mk 14:36 et dixit Abba Pater omnia possibilia tibi sunt transfer calicem hunc a me sed non quod ego volo sed quod tu Mk 14:37 et venit et invenit eos dormientes et ait Petro Simon dormis non potuisti una hora vigilare Mk 14:38 vigilate et orate ut non intretis in temptationem spiritus quidem promptus caro vero infirma Mk 14:39 et iterum abiens oravit eundem sermonem dicens Mk 14:40 et reversus denuo invenit eos dormientes erant enim oculi illorum ingravati et ignorabant quid responderent ei Mk 14:41 et venit tertio et ait illis dormite iam et requiescite sufficit venit hora ecce traditur Filius hominis in manus peccatorum Mk 14:42 surgite eamus ecce qui me tradit prope est Mk 14:43 et adhuc eo loquente venit Iudas Scarioth unus ex duodecim et cum illo turba cum gladiis et lignis a summis sacerdotibus et a scribis et a senioribus Mk 14:44 dederat autem traditor eius signum eis dicens quemcumque osculatus fuero ipse est tenete eum et ducite Mk 14:45 et cum venisset statim accedens ad eum ait rabbi et osculatus est eum Mk 14:46 at illi manus iniecerunt in eum et tenuerunt eum Mk 14:47 unus autem quidam de circumstantibus educens gladium percussit servum summi sacerdotis et amputavit illi auriculam Mk 14:48 et respondens Iesus ait illis tamquam ad latronem existis cum gladiis et lignis conprehendere me Mk 14:49 cotidie eram apud vos in templo docens et non me tenuistis sed ut adimpleantur scripturae Mk 14:50 tunc discipuli eius relinquentes eum omnes fugerunt Mk 14:51 adulescens autem quidam sequebatur illum amictus sindone super nudo et tenuerunt eum Mk 14:52 at ille reiecta sindone nudus profugit ab eis Mk 14:53 et adduxerunt Iesum ad summum sacerdotem et conveniunt omnes sacerdotes et scribae et seniores Mk 14:54 Petrus autem a longe secutus est eum usque intro in atrium summi sacerdotis et sedebat cum ministris et calefaciebat se ad ignem Mk 14:55 summi vero sacerdotes et omne concilium quaerebant adversum Iesum testimonium ut eum morti traderent nec inveniebant Mk 14:56 multi enim testimonium falsum dicebant adversus eum et convenientia testimonia non erant Mk 14:57 et quidam surgentes falsum testimonium ferebant adversus eum dicentes Mk 14:58 quoniam nos audivimus eum dicentem ego dissolvam templum hoc manufactum et per triduum aliud non manufactum aedificabo Mk 14:59 et non erat conveniens testimonium illorum Mk 14:60 et exsurgens summus sacerdos in medium interrogavit Iesum dicens non respondes quicquam ad ea quae tibi obiciuntur ab his Mk 14:61 ille autem tacebat et nihil respondit rursum summus sacerdos interrogabat eum et dicit ei tu es Christus Filius Benedicti Mk 14:62 Iesus autem dixit illi ego sum et videbitis Filium hominis a dextris sedentem Virtutis et venientem cum nubibus caeli Mk 14:63 summus autem sacerdos scindens vestimenta sua ait quid adhuc desideramus testes Mk 14:64 audistis blasphemiam quid vobis videtur qui omnes condemnaverunt eum esse reum mortis Mk 14:65 et coeperunt quidam conspuere eum et velare faciem eius et colaphis eum caedere et dicere ei prophetiza et ministri alapis eum caedebant Mk 14:66 et cum esset Petrus in atrio deorsum venit una ex ancillis summi sacerdotis Mk 14:67 et cum vidisset Petrum calefacientem se aspiciens illum ait et tu cum Iesu Nazareno eras Mk 14:68 at ille negavit dicens neque scio neque novi quid dicas et exiit foras ante atrium et gallus cantavit Mk 14:69 rursus autem cum vidisset illum ancilla coepit dicere circumstantibus quia hic ex illis est Mk 14:70 at ille iterum negavit et post pusillum rursus qui adstabant dicebant Petro vere ex illis es nam et Galilaeus es Mk 14:71 ille autem coepit anathematizare et iurare quia nescio hominem istum quem dicitis Mk 14:72 et statim iterum gallus cantavit et recordatus est Petrus verbi quod dixerat ei Iesus priusquam gallus cantet bis ter me negabis et coepit flere Mk 15:1 et confestim mane consilium facientes summi sacerdotes cum senioribus et scribis et universo concilio vincientes Iesum duxerunt et tradiderunt Pilato Mk 15:2 et interrogavit eum Pilatus tu es rex Iudaeorum at ille respondens ait illi tu dicis Mk 15:3 et accusabant eum summi sacerdotes in multis Mk 15:4 Pilatus autem rursum interrogavit eum dicens non respondes quicquam vide in quantis te accusant Mk 15:5 Iesus autem amplius nihil respondit ita ut miraretur Pilatus Mk 15:6 per diem autem festum dimittere solebat illis unum ex vinctis quemcumque petissent Mk 15:7 erat autem qui dicebatur Barabbas qui cum seditiosis erat vinctus qui in seditione fecerant homicidium Mk 15:8 et cum ascendisset turba coepit rogare sicut semper faciebat illis Mk 15:9 Pilatus autem respondit eis et dixit vultis dimittam vobis regem Iudaeorum Mk 15:10 sciebat enim quod per invidiam tradidissent eum summi sacerdotes Mk 15:11 pontifices autem concitaverunt turbam ut magis Barabban dimitteret eis Mk 15:12 Pilatus autem iterum respondens ait illis quid ergo vultis faciam regi Iudaeorum Mk 15:13 at illi iterum clamaverunt crucifige eum Mk 15:14 Pilatus vero dicebat eis quid enim mali fecit at illi magis clamabant crucifige eum Mk 15:15 Pilatus autem volens populo satisfacere dimisit illis Barabban et tradidit Iesum flagellis caesum ut crucifigeretur Mk 15:16 milites autem duxerunt eum intro in atrium praetorii et convocant totam cohortem Mk 15:17 et induunt eum purpuram et inponunt ei plectentes spineam coronam Mk 15:18 et coeperunt salutare eum have rex Iudaeorum Mk 15:19 et percutiebant caput eius harundine et conspuebant eum et ponentes genua adorabant eum Mk 15:20 et postquam inluserunt ei exuerunt illum purpuram et induerunt eum vestimentis suis et educunt illum ut crucifigerent eum Mk 15:21 et angariaverunt praetereuntem quempiam Simonem Cyreneum venientem de villa patrem Alexandri et Rufi ut tolleret crucem eius Mk 15:22 et perducunt illum in Golgotha locum quod est interpretatum Calvariae locus Mk 15:23 et dabant ei bibere murratum vinum et non accepit Mk 15:24 et crucifigentes eum diviserunt vestimenta eius mittentes sortem super eis quis quid tolleret Mk 15:25 erat autem hora tertia et crucifixerunt eum Mk 15:26 et erat titulus causae eius inscriptus rex Iudaeorum Mk 15:27 et cum eo crucifigunt duos latrones unum a dextris et alium a sinistris eius Mk 15:28 et adimpleta est scriptura quae dicit et cum iniquis reputatus est Mk 15:29 et praetereuntes blasphemabant eum moventes capita sua et dicentes va qui destruit templum et in tribus diebus aedificat Mk 15:30 salvum fac temet ipsum descendens de cruce Mk 15:31 similiter et summi sacerdotes ludentes ad alterutrum cum scribis dicebant alios salvos fecit se ipsum non potest salvum facere Mk 15:32 Christus rex Israhel descendat nunc de cruce ut videamus et credamus et qui cum eo crucifixi erant conviciabantur ei Mk 15:33 et facta hora sexta tenebrae factae sunt per totam terram usque in horam nonam Mk 15:34 et hora nona exclamavit Iesus voce magna dicens Heloi Heloi lama sabacthani quod est interpretatum Deus meus Deus meus ut quid dereliquisti me Mk 15:35 et quidam de circumstantibus audientes dicebant ecce Heliam vocat Mk 15:36 currens autem unus et implens spongiam aceto circumponensque calamo potum dabat ei dicens sinite videamus si veniat Helias ad deponendum eum Mk 15:37 Iesus autem emissa voce magna exspiravit Mk 15:38 et velum templi scissum est in duo a sursum usque deorsum Mk 15:39 videns autem centurio qui ex adverso stabat quia sic clamans exspirasset ait vere homo hic Filius Dei erat Mk 15:40 erant autem et mulieres de longe aspicientes inter quas et Maria Magdalene et Maria Iacobi minoris et Ioseph mater et Salome Mk 15:41 et cum esset in Galilaea sequebantur eum et ministrabant ei et aliae multae quae simul cum eo ascenderant Hierosolyma Mk 15:42 et cum iam sero esset factum quia erat parasceve quod est ante sabbatum Mk 15:43 venit Ioseph ab Arimathia nobilis decurio qui et ipse erat expectans regnum Dei et audacter introiit ad Pilatum et petiit corpus Iesu Mk 15:44 Pilatus autem mirabatur si iam obisset et accersito centurione interrogavit eum si iam mortuus esset Mk 15:45 et cum cognovisset a centurione donavit corpus Ioseph Mk 15:46 Ioseph autem mercatus sindonem et deponens eum involvit sindone et posuit eum in monumento quod erat excisum de petra et advolvit lapidem ad ostium monumenti Mk 15:47 Maria autem Magdalene et Maria Ioseph aspiciebant ubi poneretur Mk 16:1 et cum transisset sabbatum Maria Magdalene et Maria Iacobi et Salome emerunt aromata ut venientes unguerent eum Mk 16:2 et valde mane una sabbatorum veniunt ad monumentum orto iam sole Mk 16:3 et dicebant ad invicem quis revolvet nobis lapidem ab ostio monumenti Mk 16:4 et respicientes vident revolutum lapidem erat quippe magnus valde Mk 16:5 et introeuntes in monumento viderunt iuvenem sedentem in dextris coopertum stola candida et obstipuerunt Mk 16:6 qui dicit illis nolite expavescere Iesum quaeritis Nazarenum crucifixum surrexit non est hic ecce locus ubi posuerunt eum Mk 16:7 sed ite et dicite discipulis eius et Petro quia praecedit vos in Galilaeam ibi eum videbitis sicut dixit vobis Mk 16:8 at illae exeuntes fugerunt de monumento invaserat enim eas tremor et pavor et nemini quicquam dixerunt timebant enim Mk 16:9 surgens autem mane prima sabbati apparuit primo Mariae Magdalenae de qua eiecerat septem daemonia Mk 16:10 illa vadens nuntiavit his qui cum eo fuerant lugentibus et flentibus Mk 16:11 et illi audientes quia viveret et visus esset ab ea non crediderunt Mk 16:12 post haec autem duobus ex eis ambulantibus ostensus est in alia effigie euntibus in villam Mk 16:13 et illi euntes nuntiaverunt ceteris nec illis crediderunt Mk 16:14 novissime recumbentibus illis undecim apparuit et exprobravit incredulitatem illorum et duritiam cordis quia his qui viderant eum resurrexisse non crediderant Mk 16:15 et dixit eis euntes in mundum universum praedicate evangelium omni creaturae Mk 16:16 qui crediderit et baptizatus fuerit salvus erit qui vero non crediderit condemnabitur Mk 16:17 signa autem eos qui crediderint haec sequentur in nomine meo daemonia eicient linguis loquentur novis Mk 16:18 serpentes tollent et si mortiferum quid biberint non eos nocebit super aegrotos manus inponent et bene habebunt Mk 16:19 et Dominus quidem postquam locutus est eis adsumptus est in caelum et sedit a dextris Dei Mk 16:20 illi autem profecti praedicaverunt ubique Domino cooperante et sermonem confirmante sequentibus signis Mt 1:1 liber generationis Iesu Christi filii David filii Abraham Mt 1:2 Abraham genuit Isaac Isaac autem genuit Iacob Iacob autem genuit Iudam et fratres eius Mt 1:3 Iudas autem genuit Phares et Zara de Thamar Phares autem genuit Esrom Esrom autem genuit Aram Mt 1:4 Aram autem genuit Aminadab Aminadab autem genuit Naasson Naasson autem genuit Salmon Mt 1:5 Salmon autem genuit Booz de Rachab Booz autem genuit Obed ex Ruth Obed autem genuit Iesse Iesse autem genuit David regem Mt 1:6 David autem rex genuit Salomonem ex ea quae fuit Uriae Mt 1:7 Salomon autem genuit Roboam Roboam autem genuit Abiam Abia autem genuit Asa Mt 1:8 Asa autem genuit Iosaphat Iosaphat autem genuit Ioram Ioram autem genuit Oziam Mt 1:9 Ozias autem genuit Ioatham Ioatham autem genuit Achaz Achaz autem genuit Ezechiam Mt 1:10 Ezechias autem genuit Manassen Manasses autem genuit Amon Amon autem genuit Iosiam Mt 1:11 Iosias autem genuit Iechoniam et fratres eius in transmigratione Babylonis Mt 1:12 et post transmigrationem Babylonis Iechonias genuit Salathihel Salathihel autem genuit Zorobabel Mt 1:13 Zorobabel autem genuit Abiud Abiud autem genuit Eliachim Eliachim autem genuit Azor Mt 1:14 Azor autem genuit Saddoc Saddoc autem genuit Achim Achim autem genuit Eliud Mt 1:15 Eliud autem genuit Eleazar Eleazar autem genuit Matthan Matthan autem genuit Iacob Mt 1:16 Iacob autem genuit Ioseph virum Mariae de qua natus est Iesus qui vocatur Christus Mt 1:17 omnes ergo generationes ab Abraham usque ad David generationes quattuordecim et a David usque ad transmigrationem Babylonis generationes quattuordecim et a transmigratione Babylonis usque ad Christum generationes quattuordecim Mt 1:18 Christi autem generatio sic erat cum esset desponsata mater eius Maria Ioseph antequam convenirent inventa est in utero habens de Spiritu Sancto Mt 1:19 Ioseph autem vir eius cum esset iustus et nollet eam traducere voluit occulte dimittere eam Mt 1:20 haec autem eo cogitante ecce angelus Domini in somnis apparuit ei dicens Ioseph fili David noli timere accipere Mariam coniugem tuam quod enim in ea natum est de Spiritu Sancto est Mt 1:21 pariet autem filium et vocabis nomen eius Iesum ipse enim salvum faciet populum suum a peccatis eorum Mt 1:22 hoc autem totum factum est ut adimpleretur id quod dictum est a Domino per prophetam dicentem Mt 1:23 ecce virgo in utero habebit et pariet filium et vocabunt nomen eius Emmanuhel quod est interpretatum Nobiscum Deus Mt 1:24 exsurgens autem Ioseph a somno fecit sicut praecepit ei angelus Domini et accepit coniugem suam Mt 1:25 et non cognoscebat eam donec peperit filium suum primogenitum et vocavit nomen eius Iesum Mt 2:1 cum ergo natus esset Iesus in Bethleem Iudaeae in diebus Herodis regis ecce magi ab oriente venerunt Hierosolymam Mt 2:2 dicentes ubi est qui natus est rex Iudaeorum vidimus enim stellam eius in oriente et venimus adorare eum Mt 2:3 audiens autem Herodes rex turbatus est et omnis Hierosolyma cum illo Mt 2:4 et congregans omnes principes sacerdotum et scribas populi sciscitabatur ab eis ubi Christus nasceretur Mt 2:5 at illi dixerunt ei in Bethleem Iudaeae sic enim scriptum est per prophetam Mt 2:6 et tu Bethleem terra Iuda nequaquam minima es in principibus Iuda ex te enim exiet dux qui reget populum meum Israhel Mt 2:7 tunc Herodes clam vocatis magis diligenter didicit ab eis tempus stellae quae apparuit eis Mt 2:8 et mittens illos in Bethleem dixit ite et interrogate diligenter de puero et cum inveneritis renuntiate mihi ut et ego veniens adorem eum Mt 2:9 qui cum audissent regem abierunt et ecce stella quam viderant in oriente antecedebat eos usque dum veniens staret supra ubi erat puer Mt 2:10 videntes autem stellam gavisi sunt gaudio magno valde Mt 2:11 et intrantes domum invenerunt puerum cum Maria matre eius et procidentes adoraverunt eum et apertis thesauris suis obtulerunt ei munera aurum tus et murram Mt 2:12 et responso accepto in somnis ne redirent ad Herodem per aliam viam reversi sunt in regionem suam Mt 2:13 qui cum recessissent ecce angelus Domini apparuit in somnis Ioseph dicens surge et accipe puerum et matrem eius et fuge in Aegyptum et esto ibi usque dum dicam tibi futurum est enim ut Herodes quaerat puerum ad perdendum eum Mt 2:14 qui consurgens accepit puerum et matrem eius nocte et recessit in Aegyptum Mt 2:15 et erat ibi usque ad obitum Herodis ut adimpleretur quod dictum est a Domino per prophetam dicentem ex Aegypto vocavi filium meum Mt 2:16 tunc Herodes videns quoniam inlusus esset a magis iratus est valde et mittens occidit omnes pueros qui erant in Bethleem et in omnibus finibus eius a bimatu et infra secundum tempus quod exquisierat a magis Mt 2:17 tunc adimpletum est quod dictum est per Hieremiam prophetam dicentem Mt 2:18 vox in Rama audita est ploratus et ululatus multus Rachel plorans filios suos et noluit consolari quia non sunt Mt 2:19 defuncto autem Herode ecce apparuit angelus Domini in somnis Ioseph in Aegypto Mt 2:20 dicens surge et accipe puerum et matrem eius et vade in terram Israhel defuncti sunt enim qui quaerebant animam pueri Mt 2:21 qui surgens accepit puerum et matrem eius et venit in terram Israhel Mt 2:22 audiens autem quod Archelaus regnaret in Iudaea pro Herode patre suo timuit illo ire et admonitus in somnis secessit in partes Galilaeae Mt 2:23 et veniens habitavit in civitate quae vocatur Nazareth ut adimpleretur quod dictum est per prophetas quoniam Nazareus vocabitur Mt 3:1 in diebus autem illis venit Iohannes Baptista praedicans in deserto Iudaeae Mt 3:2 et dicens paenitentiam agite adpropinquavit enim regnum caelorum Mt 3:3 hic est enim qui dictus est per Esaiam prophetam dicentem vox clamantis in deserto parate viam Domini rectas facite semitas eius Mt 3:4 ipse autem Iohannes habebat vestimentum de pilis camelorum et zonam pelliciam circa lumbos suos esca autem eius erat lucustae et mel silvestre Mt 3:5 tunc exiebat ad eum Hierosolyma et omnis Iudaea et omnis regio circa Iordanen Mt 3:6 et baptizabantur in Iordane ab eo confitentes peccata sua Mt 3:7 videns autem multos Pharisaeorum et Sadducaeorum venientes ad baptismum suum dixit eis progenies viperarum quis demonstravit vobis fugere a futura ira Mt 3:8 facite ergo fructum dignum paenitentiae Mt 3:9 et ne velitis dicere intra vos patrem habemus Abraham dico enim vobis quoniam potest Deus de lapidibus istis suscitare filios Abrahae Mt 3:10 iam enim securis ad radicem arborum posita est omnis ergo arbor quae non facit fructum bonum exciditur et in ignem mittitur Mt 3:11 ego quidem vos baptizo in aqua in paenitentiam qui autem post me venturus est fortior me est cuius non sum dignus calciamenta portare ipse vos baptizabit in Spiritu Sancto et igni Mt 3:12 cuius ventilabrum in manu sua et permundabit aream suam et congregabit triticum suum in horreum paleas autem conburet igni inextinguibili Mt 3:13 tunc venit Iesus a Galilaea in Iordanen ad Iohannem ut baptizaretur ab eo Mt 3:14 Iohannes autem prohibebat eum dicens ego a te debeo baptizari et tu venis ad me Mt 3:15 respondens autem Iesus dixit ei sine modo sic enim decet nos implere omnem iustitiam tunc dimisit eum Mt 3:16 baptizatus autem confestim ascendit de aqua et ecce aperti sunt ei caeli et vidit Spiritum Dei descendentem sicut columbam venientem super se Mt 3:17 et ecce vox de caelis dicens hic est Filius meus dilectus in quo mihi conplacui Mt 4:1 tunc Iesus ductus est in desertum ab Spiritu ut temptaretur a diabolo Mt 4:2 et cum ieiunasset quadraginta diebus et quadraginta noctibus postea esuriit Mt 4:3 et accedens temptator dixit ei si Filius Dei es dic ut lapides isti panes fiant Mt 4:4 qui respondens dixit scriptum est non in pane solo vivet homo sed in omni verbo quod procedit de ore Dei Mt 4:5 tunc adsumit eum diabolus in sanctam civitatem et statuit eum supra pinnaculum templi Mt 4:6 et dixit ei si Filius Dei es mitte te deorsum scriptum est enim quia angelis suis mandabit de te et in manibus tollent te ne forte offendas ad lapidem pedem tuum Mt 4:7 ait illi Iesus rursum scriptum est non temptabis Dominum Deum tuum Mt 4:8 iterum adsumit eum diabolus in montem excelsum valde et ostendit ei omnia regna mundi et gloriam eorum Mt 4:9 et dixit illi haec tibi omnia dabo si cadens adoraveris me Mt 4:10 tunc dicit ei Iesus vade Satanas scriptum est Dominum Deum tuum adorabis et illi soli servies Mt 4:11 tunc reliquit eum diabolus et ecce angeli accesserunt et ministrabant ei Mt 4:12 cum autem audisset quod Iohannes traditus esset secessit in Galilaeam Mt 4:13 et relicta civitate Nazareth venit et habitavit in Capharnaum maritimam in finibus Zabulon et Nepthalim Mt 4:14 ut adimpleretur quod dictum est per Esaiam prophetam Mt 4:15 terra Zabulon et terra Nepthalim via maris trans Iordanen Galilaeae gentium Mt 4:16 populus qui sedebat in tenebris lucem vidit magnam et sedentibus in regione et umbra mortis lux orta est eis Mt 4:17 exinde coepit Iesus praedicare et dicere paenitentiam agite adpropinquavit enim regnum caelorum Mt 4:18 ambulans autem iuxta mare Galilaeae vidit duos fratres Simonem qui vocatur Petrus et Andream fratrem eius mittentes rete in mare erant enim piscatores Mt 4:19 et ait illis venite post me et faciam vos fieri piscatores hominum Mt 4:20 at illi continuo relictis retibus secuti sunt eum Mt 4:21 et procedens inde vidit alios duos fratres Iacobum Zebedaei et Iohannem fratrem eius in navi cum Zebedaeo patre eorum reficientes retia sua et vocavit eos Mt 4:22 illi autem statim relictis retibus et patre secuti sunt eum Mt 4:23 et circumibat Iesus totam Galilaeam docens in synagogis eorum et praedicans evangelium regni et sanans omnem languorem et omnem infirmitatem in populo Mt 4:24 et abiit opinio eius in totam Syriam et obtulerunt ei omnes male habentes variis languoribus et tormentis conprehensos et qui daemonia habebant et lunaticos et paralyticos et curavit eos Mt 4:25 et secutae sunt eum turbae multae de Galilaea et Decapoli et Hierosolymis et Iudaea et de trans Iordanen Mt 5:1 videns autem turbas ascendit in montem et cum sedisset accesserunt ad eum discipuli eius Mt 5:2 et aperiens os suum docebat eos dicens Mt 5:3 beati pauperes spiritu quoniam ipsorum est regnum caelorum Mt 5:4 beati mites quoniam ipsi possidebunt terram Mt 5:5 beati qui lugent quoniam ipsi consolabuntur Mt 5:6 beati qui esuriunt et sitiunt iustitiam quoniam ipsi saturabuntur Mt 5:7 beati misericordes quia ipsi misericordiam consequentur Mt 5:8 beati mundo corde quoniam ipsi Deum videbunt Mt 5:9 beati pacifici quoniam filii Dei vocabuntur Mt 5:10 beati qui persecutionem patiuntur propter iustitiam quoniam ipsorum est regnum caelorum Mt 5:11 beati estis cum maledixerint vobis et persecuti vos fuerint et dixerint omne malum adversum vos mentientes propter me Mt 5:12 gaudete et exultate quoniam merces vestra copiosa est in caelis sic enim persecuti sunt prophetas qui fuerunt ante vos Mt 5:13 vos estis sal terrae quod si sal evanuerit in quo sallietur ad nihilum valet ultra nisi ut mittatur foras et conculcetur ab hominibus Mt 5:14 vos estis lux mundi non potest civitas abscondi supra montem posita Mt 5:15 neque accendunt lucernam et ponunt eam sub modio sed super candelabrum ut luceat omnibus qui in domo sunt Mt 5:16 sic luceat lux vestra coram hominibus ut videant vestra bona opera et glorificent Patrem vestrum qui in caelis est Mt 5:17 nolite putare quoniam veni solvere legem aut prophetas non veni solvere sed adimplere Mt 5:18 amen quippe dico vobis donec transeat caelum et terra iota unum aut unus apex non praeteribit a lege donec omnia fiant Mt 5:19 qui ergo solverit unum de mandatis istis minimis et docuerit sic homines minimus vocabitur in regno caelorum qui autem fecerit et docuerit hic magnus vocabitur in regno caelorum Mt 5:20 dico enim vobis quia nisi abundaverit iustitia vestra plus quam scribarum et Pharisaeorum non intrabitis in regnum caelorum Mt 5:21 audistis quia dictum est antiquis non occides qui autem occiderit reus erit iudicio Mt 5:22 ego autem dico vobis quia omnis qui irascitur fratri suo reus erit iudicio qui autem dixerit fratri suo racha reus erit concilio qui autem dixerit fatue reus erit gehennae ignis Mt 5:23 si ergo offeres munus tuum ad altare et ibi recordatus fueris quia frater tuus habet aliquid adversum te Mt 5:24 relinque ibi munus tuum ante altare et vade prius reconciliare fratri tuo et tunc veniens offers munus tuum Mt 5:25 esto consentiens adversario tuo cito dum es in via cum eo ne forte tradat te adversarius iudici et iudex tradat te ministro et in carcerem mittaris Mt 5:26 amen dico tibi non exies inde donec reddas novissimum quadrantem Mt 5:27 audistis quia dictum est antiquis non moechaberis Mt 5:28 ego autem dico vobis quoniam omnis qui viderit mulierem ad concupiscendum eam iam moechatus est eam in corde suo Mt 5:29 quod si oculus tuus dexter scandalizat te erue eum et proice abs te expedit enim tibi ut pereat unum membrorum tuorum quam totum corpus tuum mittatur in gehennam Mt 5:30 et si dextera manus tua scandalizat te abscide eam et proice abs te expedit tibi ut pereat unum membrorum tuorum quam totum corpus tuum eat in gehennam Mt 5:31 dictum est autem quicumque dimiserit uxorem suam det illi libellum repudii Mt 5:32 ego autem dico vobis quia omnis qui dimiserit uxorem suam excepta fornicationis causa facit eam moechari et qui dimissam duxerit adulterat Mt 5:33 iterum audistis quia dictum est antiquis non peierabis reddes autem Domino iuramenta tua Mt 5:34 ego autem dico vobis non iurare omnino neque per caelum quia thronus Dei est Mt 5:35 neque per terram quia scabillum est pedum eius neque per Hierosolymam quia civitas est magni Regis Mt 5:36 neque per caput tuum iuraveris quia non potes unum capillum album facere aut nigrum Mt 5:37 sit autem sermo vester est est non non quod autem his abundantius est a malo est Mt 5:38 audistis quia dictum est oculum pro oculo et dentem pro dente Mt 5:39 ego autem dico vobis non resistere malo sed si quis te percusserit in dextera maxilla tua praebe illi et alteram Mt 5:40 et ei qui vult tecum iudicio contendere et tunicam tuam tollere remitte ei et pallium Mt 5:41 et quicumque te angariaverit mille passus vade cum illo alia duo Mt 5:42 qui petit a te da ei et volenti mutuari a te ne avertaris Mt 5:43 audistis quia dictum est diliges proximum tuum et odio habebis inimicum tuum Mt 5:44 ego autem dico vobis diligite inimicos vestros benefacite his qui oderunt vos et orate pro persequentibus et calumniantibus vos Mt 5:45 ut sitis filii Patris vestri qui in caelis est qui solem suum oriri facit super bonos et malos et pluit super iustos et iniustos Mt 5:46 si enim diligatis eos qui vos diligunt quam mercedem habebitis nonne et publicani hoc faciunt Mt 5:47 et si salutaveritis fratres vestros tantum quid amplius facitis nonne et ethnici hoc faciunt Mt 5:48 estote ergo vos perfecti sicut et Pater vester caelestis perfectus est Mt 6:1 adtendite ne iustitiam vestram faciatis coram hominibus ut videamini ab eis alioquin mercedem non habebitis apud Patrem vestrum qui in caelis est Mt 6:2 cum ergo facies elemosynam noli tuba canere ante te sicut hypocritae faciunt in synagogis et in vicis ut honorificentur ab hominibus amen dico vobis receperunt mercedem suam Mt 6:3 te autem faciente elemosynam nesciat sinistra tua quid faciat dextera tua Mt 6:4 ut sit elemosyna tua in abscondito et Pater tuus qui videt in abscondito reddet tibi Mt 6:5 et cum oratis non eritis sicut hypocritae qui amant in synagogis et in angulis platearum stantes orare ut videantur ab hominibus amen dico vobis receperunt mercedem suam Mt 6:6 tu autem cum orabis intra in cubiculum tuum et cluso ostio tuo ora Patrem tuum in abscondito et Pater tuus qui videt in abscondito reddet tibi Mt 6:7 orantes autem nolite multum loqui sicut ethnici putant enim quia in multiloquio suo exaudiantur Mt 6:8 nolite ergo adsimilari eis scit enim Pater vester quibus opus sit vobis antequam petatis eum Mt 6:9 sic ergo vos orabitis Pater noster qui in caelis es sanctificetur nomen tuum Mt 6:10 veniat regnum tuum fiat voluntas tua sicut in caelo et in terra Mt 6:11 panem nostrum supersubstantialem da nobis hodie Mt 6:12 et dimitte nobis debita nostra sicut et nos dimisimus debitoribus nostris Mt 6:13 et ne inducas nos in temptationem sed libera nos a malo Mt 6:14 si enim dimiseritis hominibus peccata eorum dimittet et vobis Pater vester caelestis delicta vestra Mt 6:15 si autem non dimiseritis hominibus nec Pater vester dimittet peccata vestra Mt 6:16 cum autem ieiunatis nolite fieri sicut hypocritae tristes demoliuntur enim facies suas ut pareant hominibus ieiunantes amen dico vobis quia receperunt mercedem suam Mt 6:17 tu autem cum ieiunas ungue caput tuum et faciem tuam lava Mt 6:18 ne videaris hominibus ieiunans sed Patri tuo qui est in abscondito et Pater tuus qui videt in abscondito reddet tibi Mt 6:19 nolite thesaurizare vobis thesauros in terra ubi erugo et tinea demolitur ubi fures effodiunt et furantur Mt 6:20 thesaurizate autem vobis thesauros in caelo ubi neque erugo neque tinea demolitur et ubi fures non effodiunt nec furantur Mt 6:21 ubi enim est thesaurus tuus ibi est et cor tuum Mt 6:22 lucerna corporis est oculus si fuerit oculus tuus simplex totum corpus tuum lucidum erit Mt 6:23 si autem oculus tuus nequam fuerit totum corpus tuum tenebrosum erit si ergo lumen quod in te est tenebrae sunt tenebrae quantae erunt Mt 6:24 nemo potest duobus dominis servire aut enim unum odio habebit et alterum diliget aut unum sustinebit et alterum contemnet non potestis Deo servire et mamonae Mt 6:25 ideo dico vobis ne solliciti sitis animae vestrae quid manducetis neque corpori vestro quid induamini nonne anima plus est quam esca et corpus plus est quam vestimentum Mt 6:26 respicite volatilia caeli quoniam non serunt neque metunt neque congregant in horrea et Pater vester caelestis pascit illa nonne vos magis pluris estis illis Mt 6:27 quis autem vestrum cogitans potest adicere ad staturam suam cubitum unum Mt 6:28 et de vestimento quid solliciti estis considerate lilia agri quomodo crescunt non laborant nec nent Mt 6:29 dico autem vobis quoniam nec Salomon in omni gloria sua coopertus est sicut unum ex istis Mt 6:30 si autem faenum agri quod hodie est et cras in clibanum mittitur Deus sic vestit quanto magis vos minimae fidei Mt 6:31 nolite ergo solliciti esse dicentes quid manducabimus aut quid bibemus aut quo operiemur Mt 6:32 haec enim omnia gentes inquirunt scit enim Pater vester quia his omnibus indigetis Mt 6:33 quaerite autem primum regnum et iustitiam eius et omnia haec adicientur vobis Mt 6:34 nolite ergo esse solliciti in crastinum crastinus enim dies sollicitus erit sibi ipse sufficit diei malitia sua Mt 7:1 nolite iudicare ut non iudicemini Mt 7:2 in quo enim iudicio iudicaveritis iudicabimini et in qua mensura mensi fueritis metietur vobis Mt 7:3 quid autem vides festucam in oculo fratris tui et trabem in oculo tuo non vides Mt 7:4 aut quomodo dicis fratri tuo sine eiciam festucam de oculo tuo et ecce trabis est in oculo tuo Mt 7:5 hypocrita eice primum trabem de oculo tuo et tunc videbis eicere festucam de oculo fratris tui Mt 7:6 nolite dare sanctum canibus neque mittatis margaritas vestras ante porcos ne forte conculcent eas pedibus suis et conversi disrumpant vos Mt 7:7 petite et dabitur vobis quaerite et invenietis pulsate et aperietur vobis Mt 7:8 omnis enim qui petit accipit et qui quaerit invenit et pulsanti aperietur Mt 7:9 aut quis est ex vobis homo quem si petierit filius suus panem numquid lapidem porriget ei Mt 7:10 aut si piscem petet numquid serpentem porriget ei Mt 7:11 si ergo vos cum sitis mali nostis bona dare filiis vestris quanto magis Pater vester qui in caelis est dabit bona petentibus se Mt 7:12 omnia ergo quaecumque vultis ut faciant vobis homines et vos facite eis haec est enim lex et prophetae Mt 7:13 intrate per angustam portam quia lata porta et spatiosa via quae ducit ad perditionem et multi sunt qui intrant per eam Mt 7:14 quam angusta porta et arta via quae ducit ad vitam et pauci sunt qui inveniunt eam Mt 7:15 adtendite a falsis prophetis qui veniunt ad vos in vestimentis ovium intrinsecus autem sunt lupi rapaces Mt 7:16 a fructibus eorum cognoscetis eos numquid colligunt de spinis uvas aut de tribulis ficus Mt 7:17 sic omnis arbor bona fructus bonos facit mala autem arbor fructus malos facit Mt 7:18 non potest arbor bona fructus malos facere neque arbor mala fructus bonos facere Mt 7:19 omnis arbor quae non facit fructum bonum exciditur et in ignem mittitur Mt 7:20 igitur ex fructibus eorum cognoscetis eos Mt 7:21 non omnis qui dicit mihi Domine Domine intrabit in regnum caelorum sed qui facit voluntatem Patris mei qui in caelis est ipse intrabit in regnum caelorum Mt 7:22 multi dicent mihi in illa die Domine Domine nonne in nomine tuo prophetavimus et in tuo nomine daemonia eiecimus et in tuo nomine virtutes multas fecimus Mt 7:23 et tunc confitebor illis quia numquam novi vos discedite a me qui operamini iniquitatem Mt 7:24 omnis ergo qui audit verba mea haec et facit ea adsimilabitur viro sapienti qui aedificavit domum suam supra petram Mt 7:25 et descendit pluvia et venerunt flumina et flaverunt venti et inruerunt in domum illam et non cecidit fundata enim erat super petram Mt 7:26 et omnis qui audit verba mea haec et non facit ea similis erit viro stulto qui aedificavit domum suam supra harenam Mt 7:27 et descendit pluvia et venerunt flumina et flaverunt venti et inruerunt in domum illam et cecidit et fuit ruina eius magna Mt 7:28 et factum est cum consummasset Iesus verba haec admirabantur turbae super doctrinam eius Mt 7:29 erat enim docens eos sicut potestatem habens non sicut scribae eorum et Pharisaei Mt 8:1 cum autem descendisset de monte secutae sunt eum turbae multae Mt 8:2 et ecce leprosus veniens adorabat eum dicens Domine si vis potes me mundare Mt 8:3 et extendens manum tetigit eum Iesus dicens volo mundare et confestim mundata est lepra eius Mt 8:4 et ait illi Iesus vide nemini dixeris sed vade ostende te sacerdoti et offer munus quod praecepit Moses in testimonium illis Mt 8:5 cum autem introisset Capharnaum accessit ad eum centurio rogans eum Mt 8:6 et dicens Domine puer meus iacet in domo paralyticus et male torquetur Mt 8:7 et ait illi Iesus ego veniam et curabo eum Mt 8:8 et respondens centurio ait Domine non sum dignus ut intres sub tectum meum sed tantum dic verbo et sanabitur puer meus Mt 8:9 nam et ego homo sum sub potestate habens sub me milites et dico huic vade et vadit et alio veni et venit et servo meo fac hoc et facit Mt 8:10 audiens autem Iesus miratus est et sequentibus se dixit amen dico vobis non inveni tantam fidem in Israhel Mt 8:11 dico autem vobis quod multi ab oriente et occidente venient et recumbent cum Abraham et Isaac et Iacob in regno caelorum Mt 8:12 filii autem regni eicientur in tenebras exteriores ibi erit fletus et stridor dentium Mt 8:13 et dixit Iesus centurioni vade et sicut credidisti fiat tibi et sanatus est puer in hora illa Mt 8:14 et cum venisset Iesus in domum Petri vidit socrum eius iacentem et febricitantem Mt 8:15 et tetigit manum eius et dimisit eam febris et surrexit et ministrabat eis Mt 8:16 vespere autem facto obtulerunt ei multos daemonia habentes et eiciebat spiritus verbo et omnes male habentes curavit Mt 8:17 ut adimpleretur quod dictum est per Esaiam prophetam dicentem ipse infirmitates nostras accepit et aegrotationes portavit Mt 8:18 videns autem Iesus turbas multas circum se iussit ire trans fretum Mt 8:19 et accedens unus scriba ait illi magister sequar te quocumque ieris Mt 8:20 et dicit ei Iesus vulpes foveas habent et volucres caeli tabernacula Filius autem hominis non habet ubi caput reclinet Mt 8:21 alius autem de discipulis eius ait illi Domine permitte me primum ire et sepelire patrem meum Mt 8:22 Iesus autem ait illi sequere me et dimitte mortuos sepelire mortuos suos Mt 8:23 et ascendente eo in navicula secuti sunt eum discipuli eius Mt 8:24 et ecce motus magnus factus est in mari ita ut navicula operiretur fluctibus ipse vero dormiebat Mt 8:25 et accesserunt et suscitaverunt eum dicentes Domine salva nos perimus Mt 8:26 et dicit eis quid timidi estis modicae fidei tunc surgens imperavit ventis et mari et facta est tranquillitas magna Mt 8:27 porro homines mirati sunt dicentes qualis est hic quia et venti et mare oboediunt ei Mt 8:28 et cum venisset trans fretum in regionem Gerasenorum occurrerunt ei duo habentes daemonia de monumentis exeuntes saevi nimis ita ut nemo posset transire per viam illam Mt 8:29 et ecce clamaverunt dicentes quid nobis et tibi Fili Dei venisti huc ante tempus torquere nos Mt 8:30 erat autem non longe ab illis grex porcorum multorum pascens Mt 8:31 daemones autem rogabant eum dicentes si eicis nos mitte nos in gregem porcorum Mt 8:32 et ait illis ite at illi exeuntes abierunt in porcos et ecce impetu abiit totus grex per praeceps in mare et mortui sunt in aquis Mt 8:33 pastores autem fugerunt et venientes in civitatem nuntiaverunt omnia et de his qui daemonia habuerant Mt 8:34 et ecce tota civitas exiit obviam Iesu et viso eo rogabant ut transiret a finibus eorum Mt 9:1 et ascendens in naviculam transfretavit et venit in civitatem suam Mt 9:2 et ecce offerebant ei paralyticum iacentem in lecto et videns Iesus fidem illorum dixit paralytico confide fili remittuntur tibi peccata tua Mt 9:3 et ecce quidam de scribis dixerunt intra se hic blasphemat Mt 9:4 et cum vidisset Iesus cogitationes eorum dixit ut quid cogitatis mala in cordibus vestris Mt 9:5 quid est facilius dicere dimittuntur tibi peccata aut dicere surge et ambula Mt 9:6 ut sciatis autem quoniam Filius hominis habet potestatem in terra dimittendi peccata tunc ait paralytico surge tolle lectum tuum et vade in domum tuam Mt 9:7 et surrexit et abiit in domum suam Mt 9:8 videntes autem turbae timuerunt et glorificaverunt Deum qui dedit potestatem talem hominibus Mt 9:9 et cum transiret inde Iesus vidit hominem sedentem in teloneo Mattheum nomine et ait illi sequere me et surgens secutus est eum Mt 9:10 et factum est discumbente eo in domo ecce multi publicani et peccatores venientes discumbebant cum Iesu et discipulis eius Mt 9:11 et videntes Pharisaei dicebant discipulis eius quare cum publicanis et peccatoribus manducat magister vester Mt 9:12 at Iesus audiens ait non est opus valentibus medico sed male habentibus Mt 9:13 euntes autem discite quid est misericordiam volo et non sacrificium non enim veni vocare iustos sed peccatores Mt 9:14 tunc accesserunt ad eum discipuli Iohannis dicentes quare nos et Pharisaei ieiunamus frequenter discipuli autem tui non ieiunant Mt 9:15 et ait illis Iesus numquid possunt filii sponsi lugere quamdiu cum illis est sponsus venient autem dies cum auferetur ab eis sponsus et tunc ieiunabunt Mt 9:16 nemo autem inmittit commissuram panni rudis in vestimentum vetus tollit enim plenitudinem eius a vestimento et peior scissura fit Mt 9:17 neque mittunt vinum novum in utres veteres alioquin rumpuntur utres et vinum effunditur et utres pereunt sed vinum novum in utres novos mittunt et ambo conservantur Mt 9:18 haec illo loquente ad eos ecce princeps unus accessit et adorabat eum dicens filia mea modo defuncta est sed veni inpone manum super eam et vivet Mt 9:19 et surgens Iesus sequebatur eum et discipuli eius Mt 9:20 et ecce mulier quae sanguinis fluxum patiebatur duodecim annis accessit retro et tetigit fimbriam vestimenti eius Mt 9:21 dicebat enim intra se si tetigero tantum vestimentum eius salva ero Mt 9:22 at Iesus conversus et videns eam dixit confide filia fides tua te salvam fecit et salva facta est mulier ex illa hora Mt 9:23 et cum venisset Iesus in domum principis et vidisset tibicines et turbam tumultuantem Mt 9:24 dicebat recedite non est enim mortua puella sed dormit et deridebant eum Mt 9:25 et cum eiecta esset turba intravit et tenuit manum eius et surrexit puella Mt 9:26 et exiit fama haec in universam terram illam Mt 9:27 et transeunte inde Iesu secuti sunt eum duo caeci clamantes et dicentes miserere nostri Fili David Mt 9:28 cum autem venisset domum accesserunt ad eum caeci et dicit eis Iesus creditis quia possum hoc facere vobis dicunt ei utique Domine Mt 9:29 tunc tetigit oculos eorum dicens secundum fidem vestram fiat vobis Mt 9:30 et aperti sunt oculi illorum et comminatus est illis Iesus dicens videte ne quis sciat Mt 9:31 illi autem exeuntes diffamaverunt eum in tota terra illa Mt 9:32 egressis autem illis ecce obtulerunt ei hominem mutum daemonium habentem Mt 9:33 et eiecto daemone locutus est mutus et miratae sunt turbae dicentes numquam paruit sic in Israhel Mt 9:34 Pharisaei autem dicebant in principe daemoniorum eicit daemones Mt 9:35 et circumibat Iesus civitates omnes et castella docens in synagogis eorum et praedicans evangelium regni et curans omnem languorem et omnem infirmitatem Mt 9:36 videns autem turbas misertus est eis quia erant vexati et iacentes sicut oves non habentes pastorem Mt 9:37 tunc dicit discipulis suis messis quidem multa operarii autem pauci Mt 9:38 rogate ergo dominum messis ut eiciat operarios in messem suam Mt 10:1 et convocatis duodecim discipulis suis dedit illis potestatem spirituum inmundorum ut eicerent eos et curarent omnem languorem et omnem infirmitatem Mt 10:2 duodecim autem apostolorum nomina sunt haec primus Simon qui dicitur Petrus et Andreas frater eius Mt 10:3 Iacobus Zebedaei et Iohannes frater eius Philippus et Bartholomeus Thomas et Mattheus publicanus et Iacobus Alphei et Thaddeus Mt 10:4 Simon Cananeus et Iudas Scariotes qui et tradidit eum Mt 10:5 hos duodecim misit Iesus praecipiens eis et dicens in viam gentium ne abieritis et in civitates Samaritanorum ne intraveritis Mt 10:6 sed potius ite ad oves quae perierunt domus Israhel Mt 10:7 euntes autem praedicate dicentes quia adpropinquavit regnum caelorum Mt 10:8 infirmos curate mortuos suscitate leprosos mundate daemones eicite gratis accepistis gratis date Mt 10:9 nolite possidere aurum neque argentum neque pecuniam in zonis vestris Mt 10:10 non peram in via neque duas tunicas neque calciamenta neque virgam dignus enim est operarius cibo suo Mt 10:11 in quamcumque civitatem aut castellum intraveritis interrogate quis in ea dignus sit et ibi manete donec exeatis Mt 10:12 intrantes autem in domum salutate eam Mt 10:13 et siquidem fuerit domus digna veniat pax vestra super eam si autem non fuerit digna pax vestra ad vos revertatur Mt 10:14 et quicumque non receperit vos neque audierit sermones vestros exeuntes foras de domo vel de civitate excutite pulverem de pedibus vestris Mt 10:15 amen dico vobis tolerabilius erit terrae Sodomorum et Gomorraeorum in die iudicii quam illi civitati Mt 10:16 ecce ego mitto vos sicut oves in medio luporum estote ergo prudentes sicut serpentes et simplices sicut columbae Mt 10:17 cavete autem ab hominibus tradent enim vos in conciliis et in synagogis suis flagellabunt vos Mt 10:18 et ad praesides et ad reges ducemini propter me in testimonium illis et gentibus Mt 10:19 cum autem tradent vos nolite cogitare quomodo aut quid loquamini dabitur enim vobis in illa hora quid loquamini Mt 10:20 non enim vos estis qui loquimini sed Spiritus Patris vestri qui loquitur in vobis Mt 10:21 tradet autem frater fratrem in mortem et pater filium et insurgent filii in parentes et morte eos adficient Mt 10:22 et eritis odio omnibus propter nomen meum qui autem perseveraverit in finem hic salvus erit Mt 10:23 cum autem persequentur vos in civitate ista fugite in aliam amen enim dico vobis non consummabitis civitates Israhel donec veniat Filius hominis Mt 10:24 non est discipulus super magistrum nec servus super dominum suum Mt 10:25 sufficit discipulo ut sit sicut magister eius et servus sicut dominus eius si patrem familias Beelzebub vocaverunt quanto magis domesticos eius Mt 10:26 ne ergo timueritis eos nihil enim opertum quod non revelabitur et occultum quod non scietur Mt 10:27 quod dico vobis in tenebris dicite in lumine et quod in aure auditis praedicate super tecta Mt 10:28 et nolite timere eos qui occidunt corpus animam autem non possunt occidere sed potius eum timete qui potest et animam et corpus perdere in gehennam Mt 10:29 nonne duo passeres asse veneunt et unus ex illis non cadet super terram sine Patre vestro Mt 10:30 vestri autem et capilli capitis omnes numerati sunt Mt 10:31 nolite ergo timere multis passeribus meliores estis vos Mt 10:32 omnis ergo qui confitebitur me coram hominibus confitebor et ego eum coram Patre meo qui est in caelis Mt 10:33 qui autem negaverit me coram hominibus negabo et ego eum coram Patre meo qui est in caelis Mt 10:34 nolite arbitrari quia venerim mittere pacem in terram non veni pacem mittere sed gladium Mt 10:35 veni enim separare hominem adversus patrem suum et filiam adversus matrem suam et nurum adversus socrum suam Mt 10:36 et inimici hominis domestici eius Mt 10:37 qui amat patrem aut matrem plus quam me non est me dignus et qui amat filium aut filiam super me non est me dignus Mt 10:38 et qui non accipit crucem suam et sequitur me non est me dignus Mt 10:39 qui invenit animam suam perdet illam et qui perdiderit animam suam propter me inveniet eam Mt 10:40 qui recipit vos me recipit et qui me recipit recipit eum qui me misit Mt 10:41 qui recipit prophetam in nomine prophetae mercedem prophetae accipiet et qui recipit iustum in nomine iusti mercedem iusti accipiet Mt 10:42 et quicumque potum dederit uni ex minimis istis calicem aquae frigidae tantum in nomine discipuli amen dico vobis non perdet mercedem suam Mt 11:1 et factum est cum consummasset Iesus praecipiens duodecim discipulis suis transiit inde ut doceret et praedicaret in civitatibus eorum Mt 11:2 Iohannes autem cum audisset in vinculis opera Christi mittens duos de discipulis suis Mt 11:3 ait illi tu es qui venturus es an alium expectamus Mt 11:4 et respondens Iesus ait illis euntes renuntiate Iohanni quae auditis et videtis Mt 11:5 caeci vident claudi ambulant leprosi mundantur surdi audiunt mortui resurgunt pauperes evangelizantur Mt 11:6 et beatus est qui non fuerit scandalizatus in me Mt 11:7 illis autem abeuntibus coepit Iesus dicere ad turbas de Iohanne quid existis in desertum videre harundinem vento agitatam Mt 11:8 sed quid existis videre hominem mollibus vestitum ecce qui mollibus vestiuntur in domibus regum sunt Mt 11:9 sed quid existis videre prophetam etiam dico vobis et plus quam prophetam Mt 11:10 hic enim est de quo scriptum est ecce ego mitto angelum meum ante faciem tuam qui praeparabit viam tuam ante te Mt 11:11 amen dico vobis non surrexit inter natos mulierum maior Iohanne Baptista qui autem minor est in regno caelorum maior est illo Mt 11:12 a diebus autem Iohannis Baptistae usque nunc regnum caelorum vim patitur et violenti rapiunt illud Mt 11:13 omnes enim prophetae et lex usque ad Iohannem prophetaverunt Mt 11:14 et si vultis recipere ipse est Helias qui venturus est Mt 11:15 qui habet aures audiendi audiat Mt 11:16 cui autem similem aestimabo generationem istam similis est pueris sedentibus in foro qui clamantes coaequalibus Mt 11:17 dicunt cecinimus vobis et non saltastis lamentavimus et non planxistis Mt 11:18 venit enim Iohannes neque manducans neque bibens et dicunt daemonium habet Mt 11:19 venit Filius hominis manducans et bibens et dicunt ecce homo vorax et potator vini publicanorum et peccatorum amicus et iustificata est sapientia a filiis suis Mt 11:20 tunc coepit exprobrare civitatibus in quibus factae sunt plurimae virtutes eius quia non egissent paenitentiam Mt 11:21 vae tibi Corazain vae tibi Bethsaida quia si in Tyro et Sidone factae essent virtutes quae factae sunt in vobis olim in cilicio et cinere paenitentiam egissent Mt 11:22 verumtamen dico vobis Tyro et Sidoni remissius erit in die iudicii quam vobis Mt 11:23 et tu Capharnaum numquid usque in caelum exaltaberis usque in infernum descendes quia si in Sodomis factae fuissent virtutes quae factae sunt in te forte mansissent usque in hunc diem Mt 11:24 verumtamen dico vobis quia terrae Sodomorum remissius erit in die iudicii quam tibi Mt 11:25 in illo tempore respondens Iesus dixit confiteor tibi Pater Domine caeli et terrae quia abscondisti haec a sapientibus et prudentibus et revelasti ea parvulis Mt 11:26 ita Pater quoniam sic fuit placitum ante te Mt 11:27 omnia mihi tradita sunt a Patre meo et nemo novit Filium nisi Pater neque Patrem quis novit nisi Filius et cui voluerit Filius revelare Mt 11:28 venite ad me omnes qui laboratis et onerati estis et ego reficiam vos Mt 11:29 tollite iugum meum super vos et discite a me quia mitis sum et humilis corde et invenietis requiem animabus vestris Mt 11:30 iugum enim meum suave est et onus meum leve est Mt 12:1 in illo tempore abiit Iesus sabbato per sata discipuli autem eius esurientes coeperunt vellere spicas et manducare Mt 12:2 Pharisaei autem videntes dixerunt ei ecce discipuli tui faciunt quod non licet eis facere sabbatis Mt 12:3 at ille dixit eis non legistis quid fecerit David quando esuriit et qui cum eo erant Mt 12:4 quomodo intravit in domum Dei et panes propositionis comedit quos non licebat ei edere neque his qui cum eo erant nisi solis sacerdotibus Mt 12:5 aut non legistis in lege quia sabbatis sacerdotes in templo sabbatum violant et sine crimine sunt Mt 12:6 dico autem vobis quia templo maior est hic Mt 12:7 si autem sciretis quid est misericordiam volo et non sacrificium numquam condemnassetis innocentes Mt 12:8 dominus est enim Filius hominis etiam sabbati Mt 12:9 et cum inde transisset venit in synagogam eorum Mt 12:10 et ecce homo manum habens aridam et interrogabant eum dicentes si licet sabbatis curare ut accusarent eum Mt 12:11 ipse autem dixit illis quis erit ex vobis homo qui habeat ovem unam et si ceciderit haec sabbatis in foveam nonne tenebit et levabit eam Mt 12:12 quanto magis melior est homo ove itaque licet sabbatis benefacere Mt 12:13 tunc ait homini extende manum tuam et extendit et restituta est sanitati sicut altera Mt 12:14 exeuntes autem Pharisaei consilium faciebant adversus eum quomodo eum perderent Mt 12:15 Iesus autem sciens recessit inde et secuti sunt eum multi et curavit eos omnes Mt 12:16 et praecepit eis ne manifestum eum facerent Mt 12:17 ut adimpleretur quod dictum est per Esaiam prophetam dicentem Mt 12:18 ecce puer meus quem elegi dilectus meus in quo bene placuit animae meae ponam spiritum meum super eum et iudicium gentibus nuntiabit Mt 12:19 non contendet neque clamabit neque audiet aliquis in plateis vocem eius Mt 12:20 harundinem quassatam non confringet et linum fumigans non extinguet donec eiciat ad victoriam iudicium Mt 12:21 et in nomine eius gentes sperabunt Mt 12:22 tunc oblatus est ei daemonium habens caecus et mutus et curavit eum ita ut loqueretur et videret Mt 12:23 et stupebant omnes turbae et dicebant numquid hic est Filius David Mt 12:24 Pharisaei autem audientes dixerunt hic non eicit daemones nisi in Beelzebub principe daemoniorum Mt 12:25 Iesus autem sciens cogitationes eorum dixit eis omne regnum divisum contra se desolatur et omnis civitas vel domus divisa contra se non stabit Mt 12:26 et si Satanas Satanan eicit adversus se divisus est quomodo ergo stabit regnum eius Mt 12:27 et si ego in Beelzebub eicio daemones filii vestri in quo eiciunt ideo ipsi iudices erunt vestri Mt 12:28 si autem ego in Spiritu Dei eicio daemones igitur pervenit in vos regnum Dei Mt 12:29 aut quomodo potest quisquam intrare in domum fortis et vasa eius diripere nisi prius alligaverit fortem et tunc domum illius diripiat Mt 12:30 qui non est mecum contra me est et qui non congregat mecum spargit Mt 12:31 ideo dico vobis omne peccatum et blasphemia remittetur hominibus Spiritus autem blasphemia non remittetur Mt 12:32 et quicumque dixerit verbum contra Filium hominis remittetur ei qui autem dixerit contra Spiritum Sanctum non remittetur ei neque in hoc saeculo neque in futuro Mt 12:33 aut facite arborem bonam et fructum eius bonum aut facite arborem malam et fructum eius malum siquidem ex fructu arbor agnoscitur Mt 12:34 progenies viperarum quomodo potestis bona loqui cum sitis mali ex abundantia enim cordis os loquitur Mt 12:35 bonus homo de bono thesauro profert bona et malus homo de malo thesauro profert mala Mt 12:36 dico autem vobis quoniam omne verbum otiosum quod locuti fuerint homines reddent rationem de eo in die iudicii Mt 12:37 ex verbis enim tuis iustificaberis et ex verbis tuis condemnaberis Mt 12:38 tunc responderunt ei quidam de scribis et Pharisaeis dicentes magister volumus a te signum videre Mt 12:39 qui respondens ait illis generatio mala et adultera signum quaerit et signum non dabitur ei nisi signum Ionae prophetae Mt 12:40 sicut enim fuit Ionas in ventre ceti tribus diebus et tribus noctibus sic erit Filius hominis in corde terrae tribus diebus et tribus noctibus Mt 12:41 viri ninevitae surgent in iudicio cum generatione ista et condemnabunt eam quia paenitentiam egerunt in praedicatione Ionae et ecce plus quam Iona hic Mt 12:42 regina austri surget in iudicio cum generatione ista et condemnabit eam quia venit a finibus terrae audire sapientiam Salomonis et ecce plus quam Salomon hic Mt 12:43 cum autem inmundus spiritus exierit ab homine ambulat per loca arida quaerens requiem et non invenit Mt 12:44 tunc dicit revertar in domum meam unde exivi et veniens invenit vacantem scopis mundatam et ornatam Mt 12:45 tunc vadit et adsumit septem alios spiritus secum nequiores se et intrantes habitant ibi et fiunt novissima hominis illius peiora prioribus sic erit et generationi huic pessimae Mt 12:46 adhuc eo loquente ad turbas ecce mater eius et fratres stabant foris quaerentes loqui ei Mt 12:47 dixit autem ei quidam ecce mater tua et fratres tui foris stant quaerentes te Mt 12:48 at ipse respondens dicenti sibi ait quae est mater mea et qui sunt fratres mei Mt 12:49 et extendens manum in discipulos suos dixit ecce mater mea et fratres mei Mt 12:50 quicumque enim fecerit voluntatem Patris mei qui in caelis est ipse meus et frater et soror et mater est Mt 13:1 in illo die exiens Iesus de domo sedebat secus mare Mt 13:2 et congregatae sunt ad eum turbae multae ita ut in naviculam ascendens sederet et omnis turba stabat in litore Mt 13:3 et locutus est eis multa in parabolis dicens ecce exiit qui seminat seminare Mt 13:4 et dum seminat quaedam ceciderunt secus viam et venerunt volucres et comederunt ea Mt 13:5 alia autem ceciderunt in petrosa ubi non habebat terram multam et continuo exorta sunt quia non habebant altitudinem terrae Mt 13:6 sole autem orto aestuaverunt et quia non habebant radicem aruerunt Mt 13:7 alia autem ceciderunt in spinas et creverunt spinae et suffocaverunt ea Mt 13:8 alia vero ceciderunt in terram bonam et dabant fructum aliud centesimum aliud sexagesimum aliud tricesimum Mt 13:9 qui habet aures audiendi audiat Mt 13:10 et accedentes discipuli dixerunt ei quare in parabolis loqueris eis Mt 13:11 qui respondens ait illis quia vobis datum est nosse mysteria regni caelorum illis autem non est datum Mt 13:12 qui enim habet dabitur ei et abundabit qui autem non habet et quod habet auferetur ab eo Mt 13:13 ideo in parabolis loquor eis quia videntes non vident et audientes non audiunt neque intellegunt Mt 13:14 et adimpletur eis prophetia Esaiae dicens auditu audietis et non intellegetis et videntes videbitis et non videbitis Mt 13:15 incrassatum est enim cor populi huius et auribus graviter audierunt et oculos suos cluserunt nequando oculis videant et auribus audiant et corde intellegant et convertantur et sanem eos Mt 13:16 vestri autem beati oculi quia vident et aures vestrae quia audiunt Mt 13:17 amen quippe dico vobis quia multi prophetae et iusti cupierunt videre quae videtis et non viderunt et audire quae auditis et non audierunt Mt 13:18 vos ergo audite parabolam seminantis Mt 13:19 omnis qui audit verbum regni et non intellegit venit malus et rapit quod seminatum est in corde eius hic est qui secus viam seminatus est Mt 13:20 qui autem supra petrosa seminatus est hic est qui verbum audit et continuo cum gaudio accipit illud Mt 13:21 non habet autem in se radicem sed est temporalis facta autem tribulatione et persecutione propter verbum continuo scandalizatur Mt 13:22 qui autem est seminatus in spinis hic est qui verbum audit et sollicitudo saeculi istius et fallacia divitiarum suffocat verbum et sine fructu efficitur Mt 13:23 qui vero in terra bona seminatus est hic est qui audit verbum et intellegit et fructum adfert et facit aliud quidem centum aliud autem sexaginta porro aliud triginta Mt 13:24 aliam parabolam proposuit illis dicens simile factum est regnum caelorum homini qui seminavit bonum semen in agro suo Mt 13:25 cum autem dormirent homines venit inimicus eius et superseminavit zizania in medio tritici et abiit Mt 13:26 cum autem crevisset herba et fructum fecisset tunc apparuerunt et zizania Mt 13:27 accedentes autem servi patris familias dixerunt ei domine nonne bonum semen seminasti in agro tuo unde ergo habet zizania Mt 13:28 et ait illis inimicus homo hoc fecit servi autem dixerunt ei vis imus et colligimus ea Mt 13:29 et ait non ne forte colligentes zizania eradicetis simul cum eis et triticum Mt 13:30 sinite utraque crescere usque ad messem et in tempore messis dicam messoribus colligite primum zizania et alligate ea fasciculos ad conburendum triticum autem congregate in horreum meum Mt 13:31 aliam parabolam proposuit eis dicens simile est regnum caelorum grano sinapis quod accipiens homo seminavit in agro suo Mt 13:32 quod minimum quidem est omnibus seminibus cum autem creverit maius est omnibus holeribus et fit arbor ita ut volucres caeli veniant et habitent in ramis eius Mt 13:33 aliam parabolam locutus est eis simile est regnum caelorum fermento quod acceptum mulier abscondit in farinae satis tribus donec fermentatum est totum Mt 13:34 haec omnia locutus est Iesus in parabolis ad turbas et sine parabolis non loquebatur eis Mt 13:35 ut impleretur quod dictum erat per prophetam dicentem aperiam in parabolis os meum eructabo abscondita a constitutione mundi Mt 13:36 tunc dimissis turbis venit in domum et accesserunt ad eum discipuli eius dicentes dissere nobis parabolam zizaniorum agri Mt 13:37 qui respondens ait qui seminat bonum semen est Filius hominis Mt 13:38 ager autem est mundus bonum vero semen hii sunt filii regni zizania autem filii sunt nequam Mt 13:39 inimicus autem qui seminavit ea est diabolus messis vero consummatio saeculi est messores autem angeli sunt Mt 13:40 sicut ergo colliguntur zizania et igni conburuntur sic erit in consummatione saeculi Mt 13:41 mittet Filius hominis angelos suos et colligent de regno eius omnia scandala et eos qui faciunt iniquitatem Mt 13:42 et mittent eos in caminum ignis ibi erit fletus et stridor dentium Mt 13:43 tunc iusti fulgebunt sicut sol in regno Patris eorum qui habet aures audiat Mt 13:44 simile est regnum caelorum thesauro abscondito in agro quem qui invenit homo abscondit et prae gaudio illius vadit et vendit universa quae habet et emit agrum illum Mt 13:45 iterum simile est regnum caelorum homini negotiatori quaerenti bonas margaritas Mt 13:46 inventa autem una pretiosa margarita abiit et vendidit omnia quae habuit et emit eam Mt 13:47 iterum simile est regnum caelorum sagenae missae in mare et ex omni genere congreganti Mt 13:48 quam cum impleta esset educentes et secus litus sedentes elegerunt bonos in vasa malos autem foras miserunt Mt 13:49 sic erit in consummatione saeculi exibunt angeli et separabunt malos de medio iustorum Mt 13:50 et mittent eos in caminum ignis ibi erit fletus et stridor dentium Mt 13:51 intellexistis haec omnia dicunt ei etiam Mt 13:52 ait illis ideo omnis scriba doctus in regno caelorum similis est homini patri familias qui profert de thesauro suo nova et vetera Mt 13:53 et factum est cum consummasset Iesus parabolas istas transiit inde Mt 13:54 et veniens in patriam suam docebat eos in synagogis eorum ita ut mirarentur et dicerent unde huic sapientia haec et virtutes Mt 13:55 nonne hic est fabri filius nonne mater eius dicitur Maria et fratres eius Iacobus et Ioseph et Simon et Iudas Mt 13:56 et sorores eius nonne omnes apud nos sunt unde ergo huic omnia ista Mt 13:57 et scandalizabantur in eo Iesus autem dixit eis non est propheta sine honore nisi in patria sua et in domo sua Mt 13:58 et non fecit ibi virtutes multas propter incredulitatem illorum Mt 14:1 in illo tempore audiit Herodes tetrarcha famam Iesu Mt 14:2 et ait pueris suis hic est Iohannes Baptista ipse surrexit a mortuis et ideo virtutes inoperantur in eo Mt 14:3 Herodes enim tenuit Iohannem et alligavit eum et posuit in carcere propter Herodiadem uxorem fratris sui Mt 14:4 dicebat enim illi Iohannes non licet tibi habere eam Mt 14:5 et volens illum occidere timuit populum quia sicut prophetam eum habebant Mt 14:6 die autem natalis Herodis saltavit filia Herodiadis in medio et placuit Herodi Mt 14:7 unde cum iuramento pollicitus est ei dare quodcumque postulasset ab eo Mt 14:8 at illa praemonita a matre sua da mihi inquit hic in disco caput Iohannis Baptistae Mt 14:9 et contristatus est rex propter iuramentum autem et eos qui pariter recumbebant iussit dari Mt 14:10 misitque et decollavit Iohannem in carcere Mt 14:11 et adlatum est caput eius in disco et datum est puellae et tulit matri suae Mt 14:12 et accedentes discipuli eius tulerunt corpus et sepelierunt illud et venientes nuntiaverunt Iesu Mt 14:13 quod cum audisset Iesus secessit inde in navicula in locum desertum seorsum et cum audissent turbae secutae sunt eum pedestres de civitatibus Mt 14:14 et exiens vidit turbam multam et misertus est eius et curavit languidos eorum Mt 14:15 vespere autem facto accesserunt ad eum discipuli eius dicentes desertus est locus et hora iam praeteriit dimitte turbas ut euntes in castella emant sibi escas Mt 14:16 Iesus autem dixit eis non habent necesse ire date illis vos manducare Mt 14:17 responderunt ei non habemus hic nisi quinque panes et duos pisces Mt 14:18 qui ait eis adferte illos mihi huc Mt 14:19 et cum iussisset turbam discumbere supra faenum acceptis quinque panibus et duobus piscibus aspiciens in caelum benedixit et fregit et dedit discipulis panes discipuli autem turbis Mt 14:20 et manducaverunt omnes et saturati sunt et tulerunt reliquias duodecim cofinos fragmentorum plenos Mt 14:21 manducantium autem fuit numerus quinque milia virorum exceptis mulieribus et parvulis Mt 14:22 et statim iussit discipulos ascendere in navicula et praecedere eum trans fretum donec dimitteret turbas Mt 14:23 et dimissa turba ascendit in montem solus orare vespere autem facto solus erat ibi Mt 14:24 navicula autem in medio mari iactabatur fluctibus erat enim contrarius ventus Mt 14:25 quarta autem vigilia noctis venit ad eos ambulans supra mare Mt 14:26 et videntes eum supra mare ambulantem turbati sunt dicentes quia fantasma est et prae timore clamaverunt Mt 14:27 statimque Iesus locutus est eis dicens habete fiduciam ego sum nolite timere Mt 14:28 respondens autem Petrus dixit Domine si tu es iube me venire ad te super aquas Mt 14:29 at ipse ait veni et descendens Petrus de navicula ambulabat super aquam ut veniret ad Iesum Mt 14:30 videns vero ventum validum timuit et cum coepisset mergi clamavit dicens Domine salvum me fac Mt 14:31 et continuo Iesus extendens manum adprehendit eum et ait illi modicae fidei quare dubitasti Mt 14:32 et cum ascendissent in naviculam cessavit ventus Mt 14:33 qui autem in navicula erant venerunt et adoraverunt eum dicentes vere Filius Dei es Mt 14:34 et cum transfretassent venerunt in terram Gennesar Mt 14:35 et cum cognovissent eum viri loci illius miserunt in universam regionem illam et obtulerunt ei omnes male habentes Mt 14:36 et rogabant eum ut vel fimbriam vestimenti eius tangerent et quicumque tetigerunt salvi facti sunt Mt 15:1 tunc accesserunt ad eum ab Hierosolymis scribae et Pharisaei dicentes Mt 15:2 quare discipuli tui transgrediuntur traditionem seniorum non enim lavant manus suas cum panem manducant Mt 15:3 ipse autem respondens ait illis quare et vos transgredimini mandatum Dei propter traditionem vestram Mt 15:4 nam Deus dixit honora patrem et matrem et qui maledixerit patri vel matri morte moriatur Mt 15:5 vos autem dicitis quicumque dixerit patri vel matri munus quodcumque est ex me tibi proderit Mt 15:6 et non honorificabit patrem suum aut matrem et irritum fecistis mandatum Dei propter traditionem vestram Mt 15:7 hypocritae bene prophetavit de vobis Esaias dicens Mt 15:8 populus hic labiis me honorat cor autem eorum longe est a me Mt 15:9 sine causa autem colunt me docentes doctrinas mandata hominum Mt 15:10 et convocatis ad se turbis dixit eis audite et intellegite Mt 15:11 non quod intrat in os coinquinat hominem sed quod procedit ex ore hoc coinquinat hominem Mt 15:12 tunc accedentes discipuli eius dixerunt ei scis quia Pharisaei audito verbo scandalizati sunt Mt 15:13 at ille respondens ait omnis plantatio quam non plantavit Pater meus caelestis eradicabitur Mt 15:14 sinite illos caeci sunt duces caecorum caecus autem si caeco ducatum praestet ambo in foveam cadunt Mt 15:15 respondens autem Petrus dixit ei edissere nobis parabolam istam Mt 15:16 at ille dixit adhuc et vos sine intellectu estis Mt 15:17 non intellegitis quia omne quod in os intrat in ventrem vadit et in secessum emittitur Mt 15:18 quae autem procedunt de ore de corde exeunt et ea coinquinant hominem Mt 15:19 de corde enim exeunt cogitationes malae homicidia adulteria fornicationes furta falsa testimonia blasphemiae Mt 15:20 haec sunt quae coinquinant hominem non lotis autem manibus manducare non coinquinat hominem Mt 15:21 et egressus inde Iesus secessit in partes Tyri et Sidonis Mt 15:22 et ecce mulier Chananea a finibus illis egressa clamavit dicens ei miserere mei Domine Fili David filia mea male a daemonio vexatur Mt 15:23 qui non respondit ei verbum et accedentes discipuli eius rogabant eum dicentes dimitte eam quia clamat post nos Mt 15:24 ipse autem respondens ait non sum missus nisi ad oves quae perierunt domus Israhel Mt 15:25 at illa venit et adoravit eum dicens Domine adiuva me Mt 15:26 qui respondens ait non est bonum sumere panem filiorum et mittere canibus Mt 15:27 at illa dixit etiam Domine nam et catelli edunt de micis quae cadunt de mensa dominorum suorum Mt 15:28 tunc respondens Iesus ait illi o mulier magna est fides tua fiat tibi sicut vis et sanata est filia illius ex illa hora Mt 15:29 et cum transisset inde Iesus venit secus mare Galilaeae et ascendens in montem sedebat ibi Mt 15:30 et accesserunt ad eum turbae multae habentes secum mutos clodos caecos debiles et alios multos et proiecerunt eos ad pedes eius et curavit eos Mt 15:31 ita ut turbae mirarentur videntes mutos loquentes clodos ambulantes caecos videntes et magnificabant Deum Israhel Mt 15:32 Iesus autem convocatis discipulis suis dixit misereor turbae quia triduo iam perseverant mecum et non habent quod manducent et dimittere eos ieiunos nolo ne deficiant in via Mt 15:33 et dicunt ei discipuli unde ergo nobis in deserto panes tantos ut saturemus turbam tantam Mt 15:34 et ait illis Iesus quot panes habetis at illi dixerunt septem et paucos pisciculos Mt 15:35 et praecepit turbae ut discumberet super terram Mt 15:36 et accipiens septem panes et pisces et gratias agens fregit et dedit discipulis suis et discipuli dederunt populo Mt 15:37 et comederunt omnes et saturati sunt et quod superfuit de fragmentis tulerunt septem sportas plenas Mt 15:38 erant autem qui manducaverant quattuor milia hominum extra parvulos et mulieres Mt 15:39 et dimissa turba ascendit in naviculam et venit in fines Magedan Mt 16:1 et accesserunt ad eum Pharisaei et Sadducaei temptantes et rogaverunt eum ut signum de caelo ostenderet eis Mt 16:2 at ille respondens ait eis facto vespere dicitis serenum erit rubicundum est enim caelum Mt 16:3 et mane hodie tempestas rutilat enim triste caelum Mt 16:4 faciem ergo caeli diiudicare nostis signa autem temporum non potestis generatio mala et adultera signum quaerit et signum non dabitur ei nisi signum Ionae et relictis illis abiit Mt 16:5 et cum venissent discipuli eius trans fretum obliti sunt panes accipere Mt 16:6 qui dixit illis intuemini et cavete a fermento Pharisaeorum et Sadducaeorum Mt 16:7 at illi cogitabant inter se dicentes quia panes non accepimus Mt 16:8 sciens autem Iesus dixit quid cogitatis inter vos modicae fidei quia panes non habetis Mt 16:9 nondum intellegitis neque recordamini quinque panum quinque milium hominum et quot cofinos sumpsistis Mt 16:10 neque septem panum quattuor milium hominum et quot sportas sumpsistis Mt 16:11 quare non intellegitis quia non de pane dixi vobis cavete a fermento Pharisaeorum et Sadducaeorum Mt 16:12 tunc intellexerunt quia non dixerit cavendum a fermento panum sed a doctrina Pharisaeorum et Sadducaeorum Mt 16:13 venit autem Iesus in partes Caesareae Philippi et interrogabat discipulos suos dicens quem dicunt homines esse Filium hominis Mt 16:14 at illi dixerunt alii Iohannem Baptistam alii autem Heliam alii vero Hieremiam aut unum ex prophetis Mt 16:15 dicit illis vos autem quem me esse dicitis Mt 16:16 respondens Simon Petrus dixit tu es Christus Filius Dei vivi Mt 16:17 respondens autem Iesus dixit ei beatus es Simon Bar Iona quia caro et sanguis non revelavit tibi sed Pater meus qui in caelis est Mt 16:18 et ego dico tibi quia tu es Petrus et super hanc petram aedificabo ecclesiam meam et portae inferi non praevalebunt adversum eam Mt 16:19 et tibi dabo claves regni caelorum et quodcumque ligaveris super terram erit ligatum in caelis et quodcumque solveris super terram erit solutum in caelis Mt 16:20 tunc praecepit discipulis suis ut nemini dicerent quia ipse esset Iesus Christus Mt 16:21 exinde coepit Iesus ostendere discipulis suis quia oporteret eum ire Hierosolymam et multa pati a senioribus et scribis et principibus sacerdotum et occidi et tertia die resurgere Mt 16:22 et adsumens eum Petrus coepit increpare illum dicens absit a te Domine non erit tibi hoc Mt 16:23 qui conversus dixit Petro vade post me Satana scandalum es mihi quia non sapis ea quae Dei sunt sed ea quae hominum Mt 16:24 tunc Iesus dixit discipulis suis si quis vult post me venire abneget semet ipsum et tollat crucem suam et sequatur me Mt 16:25 qui enim voluerit animam suam salvam facere perdet eam qui autem perdiderit animam suam propter me inveniet eam Mt 16:26 quid enim prodest homini si mundum universum lucretur animae vero suae detrimentum patiatur aut quam dabit homo commutationem pro anima sua Mt 16:27 Filius enim hominis venturus est in gloria Patris sui cum angelis suis et tunc reddet unicuique secundum opus eius Mt 16:28 amen dico vobis sunt quidam de hic stantibus qui non gustabunt mortem donec videant Filium hominis venientem in regno suo Mt 17:1 et post dies sex adsumpsit Iesus Petrum et Iacobum et Iohannem fratrem eius et ducit illos in montem excelsum seorsum Mt 17:2 et transfiguratus est ante eos et resplenduit facies eius sicut sol vestimenta autem eius facta sunt alba sicut nix Mt 17:3 et ecce apparuit illis Moses et Helias cum eo loquentes Mt 17:4 respondens autem Petrus dixit ad Iesum Domine bonum est nos hic esse si vis faciamus hic tria tabernacula tibi unum et Mosi unum et Heliae unum Mt 17:5 adhuc eo loquente ecce nubes lucida obumbravit eos et ecce vox de nube dicens hic est Filius meus dilectus in quo mihi bene conplacuit ipsum audite Mt 17:6 et audientes discipuli ceciderunt in faciem suam et timuerunt valde Mt 17:7 et accessit Iesus et tetigit eos dixitque eis surgite et nolite timere Mt 17:8 levantes autem oculos suos neminem viderunt nisi solum Iesum Mt 17:9 et descendentibus illis de monte praecepit Iesus dicens nemini dixeritis visionem donec Filius hominis a mortuis resurgat Mt 17:10 et interrogaverunt eum discipuli dicentes quid ergo scribae dicunt quod Heliam oporteat primum venire Mt 17:11 at ille respondens ait eis Helias quidem venturus est et restituet omnia Mt 17:12 dico autem vobis quia Helias iam venit et non cognoverunt eum sed fecerunt in eo quaecumque voluerunt sic et Filius hominis passurus est ab eis Mt 17:13 tunc intellexerunt discipuli quia de Iohanne Baptista dixisset eis Mt 17:14 et cum venisset ad turbam accessit ad eum homo genibus provolutus ante eum dicens Domine miserere filii mei quia lunaticus est et male patitur nam saepe cadit in ignem et crebro in aquam Mt 17:15 et obtuli eum discipulis tuis et non potuerunt curare eum Mt 17:16 respondens Iesus ait o generatio incredula et perversa quousque ero vobiscum usquequo patiar vos adferte huc illum ad me Mt 17:17 et increpavit ei Iesus et exiit ab eo daemonium et curatus est puer ex illa hora Mt 17:18 tunc accesserunt discipuli ad Iesum secreto et dixerunt quare nos non potuimus eicere illum Mt 17:19 dicit illis propter incredulitatem vestram amen quippe dico vobis si habueritis fidem sicut granum sinapis dicetis monti huic transi hinc et transibit et nihil inpossibile erit vobis Mt 17:20 hoc autem genus non eicitur nisi per orationem et ieiunium Mt 17:21 conversantibus autem eis in Galilaea dixit illis Iesus Filius hominis tradendus est in manus hominum Mt 17:22 et occident eum et tertio die resurget et contristati sunt vehementer Mt 17:23 et cum venissent Capharnaum accesserunt qui didragma accipiebant ad Petrum et dixerunt magister vester non solvit didragma Mt 17:24 ait etiam et cum intrasset domum praevenit eum Iesus dicens quid tibi videtur Simon reges terrae a quibus accipiunt tributum vel censum a filiis suis an ab alienis Mt 17:25 et ille dixit ab alienis dixit illi Iesus ergo liberi sunt filii Mt 17:26 ut autem non scandalizemus eos vade ad mare et mitte hamum et eum piscem qui primus ascenderit tolle et aperto ore eius invenies staterem illum sumens da eis pro me et te Mt 18:1 in illa hora accesserunt discipuli ad Iesum dicentes quis putas maior est in regno caelorum Mt 18:2 et advocans Iesus parvulum statuit eum in medio eorum Mt 18:3 et dixit amen dico vobis nisi conversi fueritis et efficiamini sicut parvuli non intrabitis in regnum caelorum Mt 18:4 quicumque ergo humiliaverit se sicut parvulus iste hic est maior in regno caelorum Mt 18:5 et qui susceperit unum parvulum talem in nomine meo me suscipit Mt 18:6 qui autem scandalizaverit unum de pusillis istis qui in me credunt expedit ei ut suspendatur mola asinaria in collo eius et demergatur in profundum maris Mt 18:7 vae mundo ab scandalis necesse est enim ut veniant scandala verumtamen vae homini per quem scandalum venit Mt 18:8 si autem manus tua vel pes tuus scandalizat te abscide eum et proice abs te bonum tibi est ad vitam ingredi debilem vel clodum quam duas manus vel duos pedes habentem mitti in ignem aeternum Mt 18:9 et si oculus tuus scandalizat te erue eum et proice abs te bonum tibi est unoculum in vitam intrare quam duos oculos habentem mitti in gehennam ignis Mt 18:10 videte ne contemnatis unum ex his pusillis dico enim vobis quia angeli eorum in caelis semper vident faciem Patris mei qui in caelis est Mt 18:11 venit enim Filius hominis salvare quod perierat Mt 18:12 quid vobis videtur si fuerint alicui centum oves et erraverit una ex eis nonne relinquet nonaginta novem in montibus et vadit quaerere eam quae erravit Mt 18:13 et si contigerit ut inveniat eam amen dico vobis quia gaudebit super eam magis quam super nonaginta novem quae non erraverunt Mt 18:14 sic non est voluntas ante Patrem vestrum qui in caelis est ut pereat unus de pusillis istis Mt 18:15 si autem peccaverit in te frater tuus vade et corripe eum inter te et ipsum solum si te audierit lucratus es fratrem tuum Mt 18:16 si autem non te audierit adhibe tecum adhuc unum vel duos ut in ore duorum testium vel trium stet omne verbum Mt 18:17 quod si non audierit eos dic ecclesiae si autem et ecclesiam non audierit sit tibi sicut ethnicus et publicanus Mt 18:18 amen dico vobis quaecumque alligaveritis super terram erunt ligata et in caelo et quaecumque solveritis super terram erunt soluta et in caelo Mt 18:19 iterum dico vobis quia si duo ex vobis consenserint super terram de omni re quacumque petierint fiet illis a Patre meo qui in caelis est Mt 18:20 ubi enim sunt duo vel tres congregati in nomine meo ibi sum in medio eorum Mt 18:21 tunc accedens Petrus ad eum dixit Domine quotiens peccabit in me frater meus et dimittam ei usque septies Mt 18:22 dicit illi Iesus non dico tibi usque septies sed usque septuagies septies Mt 18:23 ideo adsimilatum est regnum caelorum homini regi qui voluit rationem ponere cum servis suis Mt 18:24 et cum coepisset rationem ponere oblatus est ei unus qui debebat decem milia talenta Mt 18:25 cum autem non haberet unde redderet iussit eum dominus venundari et uxorem eius et filios et omnia quae habebat et reddi Mt 18:26 procidens autem servus ille orabat eum dicens patientiam habe in me et omnia reddam tibi Mt 18:27 misertus autem dominus servi illius dimisit eum et debitum dimisit ei Mt 18:28 egressus autem servus ille invenit unum de conservis suis qui debebat ei centum denarios et tenens suffocabat eum dicens redde quod debes Mt 18:29 et procidens conservus eius rogabat eum dicens patientiam habe in me et omnia reddam tibi Mt 18:30 ille autem noluit sed abiit et misit eum in carcerem donec redderet debitum Mt 18:31 videntes autem conservi eius quae fiebant contristati sunt valde et venerunt et narraverunt domino suo omnia quae facta erant Mt 18:32 tunc vocavit illum dominus suus et ait illi serve nequam omne debitum dimisi tibi quoniam rogasti me Mt 18:33 non ergo oportuit et te misereri conservi tui sicut et ego tui misertus sum Mt 18:34 et iratus dominus eius tradidit eum tortoribus quoadusque redderet universum debitum Mt 18:35 sic et Pater meus caelestis faciet vobis si non remiseritis unusquisque fratri suo de cordibus vestris Mt 19:1 et factum est cum consummasset Iesus sermones istos migravit a Galilaea et venit in fines Iudaeae trans Iordanen Mt 19:2 et secutae sunt eum turbae multae et curavit eos ibi Mt 19:3 et accesserunt ad eum Pharisaei temptantes eum et dicentes si licet homini dimittere uxorem suam quacumque ex causa Mt 19:4 qui respondens ait eis non legistis quia qui fecit ab initio masculum et feminam fecit eos Mt 19:5 et dixit propter hoc dimittet homo patrem et matrem et adherebit uxori suae et erunt duo in carne una Mt 19:6 itaque iam non sunt duo sed una caro quod ergo Deus coniunxit homo non separet Mt 19:7 dicunt illi quid ergo Moses mandavit dari libellum repudii et dimittere Mt 19:8 ait illis quoniam Moses ad duritiam cordis vestri permisit vobis dimittere uxores vestras ab initio autem non sic fuit Mt 19:9 dico autem vobis quia quicumque dimiserit uxorem suam nisi ob fornicationem et aliam duxerit moechatur et qui dimissam duxerit moechatur Mt 19:10 dicunt ei discipuli eius si ita est causa homini cum uxore non expedit nubere Mt 19:11 qui dixit non omnes capiunt verbum istud sed quibus datum est Mt 19:12 sunt enim eunuchi qui de matris utero sic nati sunt et sunt eunuchi qui facti sunt ab hominibus et sunt eunuchi qui se ipsos castraverunt propter regnum caelorum qui potest capere capiat Mt 19:13 tunc oblati sunt ei parvuli ut manus eis inponeret et oraret discipuli autem increpabant eis Mt 19:14 Iesus vero ait eis sinite parvulos et nolite eos prohibere ad me venire talium est enim regnum caelorum Mt 19:15 et cum inposuisset eis manus abiit inde Mt 19:16 et ecce unus accedens ait illi magister bone quid boni faciam ut habeam vitam aeternam Mt 19:17 qui dixit ei quid me interrogas de bono unus est bonus Deus si autem vis ad vitam ingredi serva mandata Mt 19:18 dicit illi quae Iesus autem dixit non homicidium facies non adulterabis non facies furtum non falsum testimonium dices Mt 19:19 honora patrem et matrem et diliges proximum tuum sicut te ipsum Mt 19:20 dicit illi adulescens omnia haec custodivi quid adhuc mihi deest Mt 19:21 ait illi Iesus si vis perfectus esse vade vende quae habes et da pauperibus et habebis thesaurum in caelo et veni sequere me Mt 19:22 cum audisset autem adulescens verbum abiit tristis erat enim habens multas possessiones Mt 19:23 Iesus autem dixit discipulis suis amen dico vobis quia dives difficile intrabit in regnum caelorum Mt 19:24 et iterum dico vobis facilius est camelum per foramen acus transire quam divitem intrare in regnum caelorum Mt 19:25 auditis autem his discipuli mirabantur valde dicentes quis ergo poterit salvus esse Mt 19:26 aspiciens autem Iesus dixit illis apud homines hoc inpossibile est apud Deum autem omnia possibilia sunt Mt 19:27 tunc respondens Petrus dixit ei ecce nos reliquimus omnia et secuti sumus te quid ergo erit nobis Mt 19:28 Iesus autem dixit illis amen dico vobis quod vos qui secuti estis me in regeneratione cum sederit Filius hominis in sede maiestatis suae sedebitis et vos super sedes duodecim iudicantes duodecim tribus Israhel Mt 19:29 et omnis qui reliquit domum vel fratres aut sorores aut patrem aut matrem aut uxorem aut filios aut agros propter nomen meum centuplum accipiet et vitam aeternam possidebit Mt 19:30 multi autem erunt primi novissimi et novissimi primi Mt 20:1 simile est enim regnum caelorum homini patri familias qui exiit primo mane conducere operarios in vineam suam Mt 20:2 conventione autem facta cum operariis ex denario diurno misit eos in vineam suam Mt 20:3 et egressus circa horam tertiam vidit alios stantes in foro otiosos Mt 20:4 et illis dixit ite et vos in vineam et quod iustum fuerit dabo vobis Mt 20:5 illi autem abierunt iterum autem exiit circa sextam et nonam horam et fecit similiter Mt 20:6 circa undecimam vero exiit et invenit alios stantes et dicit illis quid hic statis tota die otiosi Mt 20:7 dicunt ei quia nemo nos conduxit dicit illis ite et vos in vineam Mt 20:8 cum sero autem factum esset dicit dominus vineae procuratori suo voca operarios et redde illis mercedem incipiens a novissimis usque ad primos Mt 20:9 cum venissent ergo qui circa undecimam horam venerant acceperunt singulos denarios Mt 20:10 venientes autem et primi arbitrati sunt quod plus essent accepturi acceperunt autem et ipsi singulos denarios Mt 20:11 et accipientes murmurabant adversus patrem familias Mt 20:12 dicentes hii novissimi una hora fecerunt et pares illos nobis fecisti qui portavimus pondus diei et aestus Mt 20:13 at ille respondens uni eorum dixit amice non facio tibi iniuriam nonne ex denario convenisti mecum Mt 20:14 tolle quod tuum est et vade volo autem et huic novissimo dare sicut et tibi Mt 20:15 aut non licet mihi quod volo facere an oculus tuus nequam est quia ego bonus sum Mt 20:16 sic erunt novissimi primi et primi novissimi multi sunt enim vocati pauci autem electi Mt 20:17 et ascendens Iesus Hierosolymam adsumpsit duodecim discipulos secreto et ait illis Mt 20:18 ecce ascendimus Hierosolymam et Filius hominis tradetur principibus sacerdotum et scribis et condemnabunt eum morte Mt 20:19 et tradent eum gentibus ad deludendum et flagellandum et crucifigendum et tertia die resurget Mt 20:20 tunc accessit ad eum mater filiorum Zebedaei cum filiis suis adorans et petens aliquid ab eo Mt 20:21 qui dixit ei quid vis ait illi dic ut sedeant hii duo filii mei unus ad dexteram tuam et unus ad sinistram in regno tuo Mt 20:22 respondens autem Iesus dixit nescitis quid petatis potestis bibere calicem quem ego bibiturus sum dicunt ei possumus Mt 20:23 ait illis calicem quidem meum bibetis sedere autem ad dexteram meam et sinistram non est meum dare vobis sed quibus paratum est a Patre meo Mt 20:24 et audientes decem indignati sunt de duobus fratribus Mt 20:25 Iesus autem vocavit eos ad se et ait scitis quia principes gentium dominantur eorum et qui maiores sunt potestatem exercent in eos Mt 20:26 non ita erit inter vos sed quicumque voluerit inter vos maior fieri sit vester minister Mt 20:27 et qui voluerit inter vos primus esse erit vester servus Mt 20:28 sicut Filius hominis non venit ministrari sed ministrare et dare animam suam redemptionem pro multis Mt 20:29 et egredientibus eis ab Hiericho secuta est eum turba multa Mt 20:30 et ecce duo caeci sedentes secus viam audierunt quia Iesus transiret et clamaverunt dicentes Domine miserere nostri Fili David Mt 20:31 turba autem increpabat eos ut tacerent at illi magis clamabant dicentes Domine miserere nostri Fili David Mt 20:32 et stetit Iesus et vocavit eos et ait quid vultis ut faciam vobis Mt 20:33 dicunt illi Domine ut aperiantur oculi nostri Mt 20:34 misertus autem eorum Iesus tetigit oculos eorum et confestim viderunt et secuti sunt eum Mt 21:1 et cum adpropinquassent Hierosolymis et venissent Bethfage ad montem Oliveti tunc Iesus misit duos discipulos Mt 21:2 dicens eis ite in castellum quod contra vos est et statim invenietis asinam alligatam et pullum cum ea solvite et adducite mihi Mt 21:3 et si quis vobis aliquid dixerit dicite quia Dominus his opus habet et confestim dimittet eos Mt 21:4 hoc autem factum est ut impleretur quod dictum est per prophetam dicentem Mt 21:5 dicite filiae Sion ecce rex tuus venit tibi mansuetus et sedens super asinam et pullum filium subiugalis Mt 21:6 euntes autem discipuli fecerunt sicut praecepit illis Iesus Mt 21:7 et adduxerunt asinam et pullum et inposuerunt super eis vestimenta sua et eum desuper sedere fecerunt Mt 21:8 plurima autem turba straverunt vestimenta sua in via alii autem caedebant ramos de arboribus et sternebant in via Mt 21:9 turbae autem quae praecedebant et quae sequebantur clamabant dicentes osanna Filio David benedictus qui venturus est in nomine Domini osanna in altissimis Mt 21:10 et cum intrasset Hierosolymam commota est universa civitas dicens quis est hic Mt 21:11 populi autem dicebant hic est Iesus propheta a Nazareth Galilaeae Mt 21:12 et intravit Iesus in templum Dei et eiciebat omnes vendentes et ementes in templo et mensas nummulariorum et cathedras vendentium columbas evertit Mt 21:13 et dicit eis scriptum est domus mea domus orationis vocabitur vos autem fecistis eam speluncam latronum Mt 21:14 et accesserunt ad eum caeci et claudi in templo et sanavit eos Mt 21:15 videntes autem principes sacerdotum et scribae mirabilia quae fecit et pueros clamantes in templo et dicentes osanna Filio David indignati sunt Mt 21:16 et dixerunt ei audis quid isti dicant Iesus autem dicit eis utique numquam legistis quia ex ore infantium et lactantium perfecisti laudem Mt 21:17 et relictis illis abiit foras extra civitatem in Bethaniam ibique mansit Mt 21:18 mane autem revertens in civitatem esuriit Mt 21:19 et videns fici arborem unam secus viam venit ad eam et nihil invenit in ea nisi folia tantum et ait illi numquam ex te fructus nascatur in sempiternum et arefacta est continuo ficulnea Mt 21:20 et videntes discipuli mirati sunt dicentes quomodo continuo aruit Mt 21:21 respondens autem Iesus ait eis amen dico vobis si habueritis fidem et non haesitaveritis non solum de ficulnea facietis sed et si monti huic dixeritis tolle et iacta te in mare fiet Mt 21:22 et omnia quaecumque petieritis in oratione credentes accipietis Mt 21:23 et cum venisset in templum accesserunt ad eum docentem principes sacerdotum et seniores populi dicentes in qua potestate haec facis et quis tibi dedit hanc potestatem Mt 21:24 respondens Iesus dixit illis interrogabo vos et ego unum sermonem quem si dixeritis mihi et ego vobis dicam in qua potestate haec facio Mt 21:25 baptismum Iohannis unde erat e caelo an ex hominibus at illi cogitabant inter se dicentes si dixerimus e caelo dicet nobis quare ergo non credidistis illi Mt 21:26 si autem dixerimus ex hominibus timemus turbam omnes enim habent Iohannem sicut prophetam Mt 21:27 et respondentes Iesu dixerunt nescimus ait illis et ipse nec ego dico vobis in qua potestate haec facio Mt 21:28 quid autem vobis videtur homo habebat duos filios et accedens ad primum dixit fili vade hodie operare in vinea mea Mt 21:29 ille autem respondens ait nolo postea autem paenitentia motus abiit Mt 21:30 accedens autem ad alterum dixit similiter at ille respondens ait eo domine et non ivit Mt 21:31 quis ex duobus fecit voluntatem patris dicunt novissimus dicit illis Iesus amen dico vobis quia publicani et meretrices praecedunt vos in regno Dei Mt 21:32 venit enim ad vos Iohannes in via iustitiae et non credidistis ei publicani autem et meretrices crediderunt ei vos autem videntes nec paenitentiam habuistis postea ut crederetis ei Mt 21:33 aliam parabolam audite homo erat pater familias qui plantavit vineam et sepem circumdedit ei et fodit in ea torcular et aedificavit turrem et locavit eam agricolis et peregre profectus est Mt 21:34 cum autem tempus fructuum adpropinquasset misit servos suos ad agricolas ut acciperent fructus eius Mt 21:35 et agricolae adprehensis servis eius alium ceciderunt alium occiderunt alium vero lapidaverunt Mt 21:36 iterum misit alios servos plures prioribus et fecerunt illis similiter Mt 21:37 novissime autem misit ad eos filium suum dicens verebuntur filium meum Mt 21:38 agricolae autem videntes filium dixerunt intra se hic est heres venite occidamus eum et habebimus hereditatem eius Mt 21:39 et adprehensum eum eiecerunt extra vineam et occiderunt Mt 21:40 cum ergo venerit dominus vineae quid faciet agricolis illis Mt 21:41 aiunt illi malos male perdet et vineam locabit aliis agricolis qui reddant ei fructum temporibus suis Mt 21:42 dicit illis Iesus numquam legistis in scripturis lapidem quem reprobaverunt aedificantes hic factus est in caput anguli a Domino factum est istud et est mirabile in oculis nostris Mt 21:43 ideo dico vobis quia auferetur a vobis regnum Dei et dabitur genti facienti fructus eius Mt 21:44 et qui ceciderit super lapidem istum confringetur super quem vero ceciderit conteret eum Mt 21:45 et cum audissent principes sacerdotum et Pharisaei parabolas eius cognoverunt quod de ipsis diceret Mt 21:46 et quaerentes eum tenere timuerunt turbas quoniam sicut prophetam eum habebant Mt 22:1 et respondens Iesus dixit iterum in parabolis eis dicens Mt 22:2 simile factum est regnum caelorum homini regi qui fecit nuptias filio suo Mt 22:3 et misit servos suos vocare invitatos ad nuptias et nolebant venire Mt 22:4 iterum misit alios servos dicens dicite invitatis ecce prandium meum paravi tauri mei et altilia occisa et omnia parata venite ad nuptias Mt 22:5 illi autem neglexerunt et abierunt alius in villam suam alius vero ad negotiationem suam Mt 22:6 reliqui vero tenuerunt servos eius et contumelia adfectos occiderunt Mt 22:7 rex autem cum audisset iratus est et missis exercitibus suis perdidit homicidas illos et civitatem illorum succendit Mt 22:8 tunc ait servis suis nuptiae quidem paratae sunt sed qui invitati erant non fuerunt digni Mt 22:9 ite ergo ad exitus viarum et quoscumque inveneritis vocate ad nuptias Mt 22:10 et egressi servi eius in vias congregaverunt omnes quos invenerunt malos et bonos et impletae sunt nuptiae discumbentium Mt 22:11 intravit autem rex ut videret discumbentes et vidit ibi hominem non vestitum veste nuptiali Mt 22:12 et ait illi amice quomodo huc intrasti non habens vestem nuptialem at ille obmutuit Mt 22:13 tunc dixit rex ministris ligatis pedibus eius et manibus mittite eum in tenebras exteriores ibi erit fletus et stridor dentium Mt 22:14 multi autem sunt vocati pauci vero electi Mt 22:15 tunc abeuntes Pharisaei consilium inierunt ut caperent eum in sermone Mt 22:16 et mittunt ei discipulos suos cum Herodianis dicentes magister scimus quia verax es et viam Dei in veritate doces et non est tibi cura de aliquo non enim respicis personam hominum Mt 22:17 dic ergo nobis quid tibi videatur licet censum dare Caesari an non Mt 22:18 cognita autem Iesus nequitia eorum ait quid me temptatis hypocritae Mt 22:19 ostendite mihi nomisma census at illi obtulerunt ei denarium Mt 22:20 et ait illis Iesus cuius est imago haec et suprascriptio Mt 22:21 dicunt ei Caesaris tunc ait illis reddite ergo quae sunt Caesaris Caesari et quae sunt Dei Deo Mt 22:22 et audientes mirati sunt et relicto eo abierunt Mt 22:23 in illo die accesserunt ad eum Sadducaei qui dicunt non esse resurrectionem et interrogaverunt eum Mt 22:24 dicentes magister Moses dixit si quis mortuus fuerit non habens filium ut ducat frater eius uxorem illius et suscitet semen fratri suo Mt 22:25 erant autem apud nos septem fratres et primus uxore ducta defunctus est et non habens semen reliquit uxorem suam fratri suo Mt 22:26 similiter secundus et tertius usque ad septimum Mt 22:27 novissime autem omnium et mulier defuncta est Mt 22:28 in resurrectione ergo cuius erit de septem uxor omnes enim habuerunt eam Mt 22:29 respondens autem Iesus ait illis erratis nescientes scripturas neque virtutem Dei Mt 22:30 in resurrectione enim neque nubent neque nubentur sed sunt sicut angeli Dei in caelo Mt 22:31 de resurrectione autem mortuorum non legistis quod dictum est a Deo dicente vobis Mt 22:32 ego sum Deus Abraham et Deus Isaac et Deus Iacob non est Deus mortuorum sed viventium Mt 22:33 et audientes turbae mirabantur in doctrina eius Mt 22:34 Pharisaei autem audientes quod silentium inposuisset Sadducaeis convenerunt in unum Mt 22:35 et interrogavit eum unus ex eis legis doctor temptans eum Mt 22:36 magister quod est mandatum magnum in lege Mt 22:37 ait illi Iesus diliges Dominum Deum tuum ex toto corde tuo et in tota anima tua et in tota mente tua Mt 22:38 hoc est maximum et primum mandatum Mt 22:39 secundum autem simile est huic diliges proximum tuum sicut te ipsum Mt 22:40 in his duobus mandatis universa lex pendet et prophetae Mt 22:41 congregatis autem Pharisaeis interrogavit eos Iesus Mt 22:42 dicens quid vobis videtur de Christo cuius filius est dicunt ei David Mt 22:43 ait illis quomodo ergo David in spiritu vocat eum Dominum dicens Mt 22:44 dixit Dominus Domino meo sede a dextris meis donec ponam inimicos tuos scabillum pedum tuorum Mt 22:45 si ergo David vocat eum Dominum quomodo filius eius est Mt 22:46 et nemo poterat respondere ei verbum neque ausus fuit quisquam ex illa die eum amplius interrogare Mt 23:1 tunc Iesus locutus est ad turbas et discipulos suos Mt 23:2 dicens super cathedram Mosi sederunt scribae et Pharisaei Mt 23:3 omnia ergo quaecumque dixerint vobis servate et facite secundum opera vero eorum nolite facere dicunt enim et non faciunt Mt 23:4 alligant autem onera gravia et inportabilia et inponunt in umeros hominum digito autem suo nolunt ea movere Mt 23:5 omnia vero opera sua faciunt ut videantur ab hominibus dilatant enim phylacteria sua et magnificant fimbrias Mt 23:6 amant autem primos recubitus in cenis et primas cathedras in synagogis Mt 23:7 et salutationes in foro et vocari ab hominibus rabbi Mt 23:8 vos autem nolite vocari rabbi unus enim est magister vester omnes autem vos fratres estis Mt 23:9 et patrem nolite vocare vobis super terram unus enim est Pater vester qui in caelis est Mt 23:10 nec vocemini magistri quia magister vester unus est Christus Mt 23:11 qui maior est vestrum erit minister vester Mt 23:12 qui autem se exaltaverit humiliabitur et qui se humiliaverit exaltabitur Mt 23:13 vae autem vobis scribae et Pharisaei hypocritae quia clauditis regnum caelorum ante homines vos enim non intratis nec introeuntes sinitis intrare Mt 23:14 Mt 23:15 vae vobis scribae et Pharisaei hypocritae quia circuitis mare et aridam ut faciatis unum proselytum et cum fuerit factus facitis eum filium gehennae duplo quam vos Mt 23:16 vae vobis duces caeci qui dicitis quicumque iuraverit per templum nihil est qui autem iuraverit in aurum templi debet Mt 23:17 stulti et caeci quid enim maius est aurum an templum quod sanctificat aurum Mt 23:18 et quicumque iuraverit in altari nihil est quicumque autem iuraverit in dono quod est super illud debet Mt 23:19 caeci quid enim maius est donum an altare quod sanctificat donum Mt 23:20 qui ergo iurat in altare iurat in eo et in omnibus quae super illud sunt Mt 23:21 et qui iuraverit in templo iurat in illo et in eo qui inhabitat in ipso Mt 23:22 et qui iurat in caelo iurat in throno Dei et in eo qui sedet super eum Mt 23:23 vae vobis scribae et Pharisaei hypocritae quia decimatis mentam et anethum et cyminum et reliquistis quae graviora sunt legis iudicium et misericordiam et fidem haec oportuit facere et illa non omittere Mt 23:24 duces caeci excolantes culicem camelum autem gluttientes Mt 23:25 vae vobis scribae et Pharisaei hypocritae quia mundatis quod de foris est calicis et parapsidis intus autem pleni sunt rapina et inmunditia Mt 23:26 Pharisaee caece munda prius quod intus est calicis et parapsidis ut fiat et id quod de foris est mundum Mt 23:27 vae vobis scribae et Pharisaei hypocritae quia similes estis sepulchris dealbatis quae a foris parent hominibus speciosa intus vero plena sunt ossibus mortuorum et omni spurcitia Mt 23:28 sic et vos a foris quidem paretis hominibus iusti intus autem pleni estis hypocrisi et iniquitate Mt 23:29 vae vobis scribae et Pharisaei hypocritae quia aedificatis sepulchra prophetarum et ornatis monumenta iustorum Mt 23:30 et dicitis si fuissemus in diebus patrum nostrorum non essemus socii eorum in sanguine prophetarum Mt 23:31 itaque testimonio estis vobismet ipsis quia filii estis eorum qui prophetas occiderunt Mt 23:32 et vos implete mensuram patrum vestrorum Mt 23:33 serpentes genimina viperarum quomodo fugietis a iudicio gehennae Mt 23:34 ideo ecce ego mitto ad vos prophetas et sapientes et scribas ex illis occidetis et crucifigetis et ex eis flagellabitis in synagogis vestris et persequemini de civitate in civitatem Mt 23:35 ut veniat super vos omnis sanguis iustus qui effusus est super terram a sanguine Abel iusti usque ad sanguinem Zacchariae filii Barachiae quem occidistis inter templum et altare Mt 23:36 amen dico vobis venient haec omnia super generationem istam Mt 23:37 Hierusalem Hierusalem quae occidis prophetas et lapidas eos qui ad te missi sunt quotiens volui congregare filios tuos quemadmodum gallina congregat pullos suos sub alas et noluisti Mt 23:38 ecce relinquitur vobis domus vestra deserta Mt 23:39 dico enim vobis non me videbitis amodo donec dicatis benedictus qui venit in nomine Domini Mt 24:1 et egressus Iesus de templo ibat et accesserunt discipuli eius ut ostenderent ei aedificationes templi Mt 24:2 ipse autem respondens dixit eis videtis haec omnia amen dico vobis non relinquetur hic lapis super lapidem qui non destruatur Mt 24:3 sedente autem eo super montem Oliveti accesserunt ad eum discipuli secreto dicentes dic nobis quando haec erunt et quod signum adventus tui et consummationis saeculi Mt 24:4 et respondens Iesus dixit eis videte ne quis vos seducat Mt 24:5 multi enim venient in nomine meo dicentes ego sum Christus et multos seducent Mt 24:6 audituri autem estis proelia et opiniones proeliorum videte ne turbemini oportet enim haec fieri sed nondum est finis Mt 24:7 consurget enim gens in gentem et regnum in regnum et erunt pestilentiae et fames et terraemotus per loca Mt 24:8 haec autem omnia initia sunt dolorum Mt 24:9 tunc tradent vos in tribulationem et occident vos et eritis odio omnibus gentibus propter nomen meum Mt 24:10 et tunc scandalizabuntur multi et invicem tradent et odio habebunt invicem Mt 24:11 et multi pseudoprophetae surgent et seducent multos Mt 24:12 et quoniam abundabit iniquitas refrigescet caritas multorum Mt 24:13 qui autem permanserit usque in finem hic salvus erit Mt 24:14 et praedicabitur hoc evangelium regni in universo orbe in testimonium omnibus gentibus et tunc veniet consummatio Mt 24:15 cum ergo videritis abominationem desolationis quae dicta est a Danihelo propheta stantem in loco sancto qui legit intellegat Mt 24:16 tunc qui in Iudaea sunt fugiant ad montes Mt 24:17 et qui in tecto non descendat tollere aliquid de domo sua Mt 24:18 et qui in agro non revertatur tollere tunicam suam Mt 24:19 vae autem praegnatibus et nutrientibus in illis diebus Mt 24:20 orate autem ut non fiat fuga vestra hieme vel sabbato Mt 24:21 erit enim tunc tribulatio magna qualis non fuit ab initio mundi usque modo neque fiet Mt 24:22 et nisi breviati fuissent dies illi non fieret salva omnis caro sed propter electos breviabuntur dies illi Mt 24:23 tunc si quis vobis dixerit ecce hic Christus aut illic nolite credere Mt 24:24 surgent enim pseudochristi et pseudoprophetae et dabunt signa magna et prodigia ita ut in errorem inducantur si fieri potest etiam electi Mt 24:25 ecce praedixi vobis Mt 24:26 si ergo dixerint vobis ecce in deserto est nolite exire ecce in penetrabilibus nolite credere Mt 24:27 sicut enim fulgur exit ab oriente et paret usque in occidente ita erit et adventus Filii hominis Mt 24:28 ubicumque fuerit corpus illuc congregabuntur aquilae Mt 24:29 statim autem post tribulationem dierum illorum sol obscurabitur et luna non dabit lumen suum et stellae cadent de caelo et virtutes caelorum commovebuntur Mt 24:30 et tunc parebit signum Filii hominis in caelo et tunc plangent omnes tribus terrae et videbunt Filium hominis venientem in nubibus caeli cum virtute multa et maiestate Mt 24:31 et mittet angelos suos cum tuba et voce magna et congregabunt electos eius a quattuor ventis a summis caelorum usque ad terminos eorum Mt 24:32 ab arbore autem fici discite parabolam cum iam ramus eius tener fuerit et folia nata scitis quia prope est aestas Mt 24:33 ita et vos cum videritis haec omnia scitote quia prope est in ianuis Mt 24:34 amen dico vobis quia non praeteribit haec generatio donec omnia haec fiant Mt 24:35 caelum et terra transibunt verba vero mea non praeteribunt Mt 24:36 de die autem illa et hora nemo scit neque angeli caelorum nisi Pater solus Mt 24:37 sicut autem in diebus Noe ita erit et adventus Filii hominis Mt 24:38 sicut enim erant in diebus ante diluvium comedentes et bibentes nubentes et nuptum tradentes usque ad eum diem quo introivit in arcam Noe Mt 24:39 et non cognoverunt donec venit diluvium et tulit omnes ita erit et adventus Filii hominis Mt 24:40 tunc duo erunt in agro unus adsumetur et unus relinquetur Mt 24:41 duae molentes in mola una adsumetur et una relinquetur Mt 24:42 vigilate ergo quia nescitis qua hora Dominus vester venturus sit Mt 24:43 illud autem scitote quoniam si sciret pater familias qua hora fur venturus esset vigilaret utique et non sineret perfodiri domum suam Mt 24:44 ideoque et vos estote parati quia qua nescitis hora Filius hominis venturus est Mt 24:45 quis putas est fidelis servus et prudens quem constituit dominus suus supra familiam suam ut det illis cibum in tempore Mt 24:46 beatus ille servus quem cum venerit dominus eius invenerit sic facientem Mt 24:47 amen dico vobis quoniam super omnia bona sua constituet eum Mt 24:48 si autem dixerit malus servus ille in corde suo moram facit dominus meus venire Mt 24:49 et coeperit percutere conservos suos manducet autem et bibat cum ebriis Mt 24:50 veniet dominus servi illius in die qua non sperat et hora qua ignorat Mt 24:51 et dividet eum partemque eius ponet cum hypocritis illic erit fletus et stridor dentium Mt 25:1 tunc simile erit regnum caelorum decem virginibus quae accipientes lampadas suas exierunt obviam sponso et sponsae Mt 25:2 quinque autem ex eis erant fatuae et quinque prudentes Mt 25:3 sed quinque fatuae acceptis lampadibus non sumpserunt oleum secum Mt 25:4 prudentes vero acceperunt oleum in vasis suis cum lampadibus Mt 25:5 moram autem faciente sponso dormitaverunt omnes et dormierunt Mt 25:6 media autem nocte clamor factus est ecce sponsus venit exite obviam ei Mt 25:7 tunc surrexerunt omnes virgines illae et ornaverunt lampades suas Mt 25:8 fatuae autem sapientibus dixerunt date nobis de oleo vestro quia lampades nostrae extinguntur Mt 25:9 responderunt prudentes dicentes ne forte non sufficiat nobis et vobis ite potius ad vendentes et emite vobis Mt 25:10 dum autem irent emere venit sponsus et quae paratae erant intraverunt cum eo ad nuptias et clausa est ianua Mt 25:11 novissime veniunt et reliquae virgines dicentes domine domine aperi nobis Mt 25:12 at ille respondens ait amen dico vobis nescio vos Mt 25:13 vigilate itaque quia nescitis diem neque horam Mt 25:14 sicut enim homo proficiscens vocavit servos suos et tradidit illis bona sua Mt 25:15 et uni dedit quinque talenta alii autem duo alii vero unum unicuique secundum propriam virtutem et profectus est statim Mt 25:16 abiit autem qui quinque talenta acceperat et operatus est in eis et lucratus est alia quinque Mt 25:17 similiter qui duo acceperat lucratus est alia duo Mt 25:18 qui autem unum acceperat abiens fodit in terra et abscondit pecuniam domini sui Mt 25:19 post multum vero temporis venit dominus servorum illorum et posuit rationem cum eis Mt 25:20 et accedens qui quinque talenta acceperat obtulit alia quinque talenta dicens domine quinque talenta mihi tradidisti ecce alia quinque superlucratus sum Mt 25:21 ait illi dominus eius euge bone serve et fidelis quia super pauca fuisti fidelis super multa te constituam intra in gaudium domini tui Mt 25:22 accessit autem et qui duo talenta acceperat et ait domine duo talenta tradidisti mihi ecce alia duo lucratus sum Mt 25:23 ait illi dominus eius euge serve bone et fidelis quia super pauca fuisti fidelis supra multa te constituam intra in gaudium domini tui Mt 25:24 accedens autem et qui unum talentum acceperat ait domine scio quia homo durus es metis ubi non seminasti et congregas ubi non sparsisti Mt 25:25 et timens abii et abscondi talentum tuum in terra ecce habes quod tuum est Mt 25:26 respondens autem dominus eius dixit ei serve male et piger sciebas quia meto ubi non semino et congrego ubi non sparsi Mt 25:27 oportuit ergo te mittere pecuniam meam nummulariis et veniens ego recepissem utique quod meum est cum usura Mt 25:28 tollite itaque ab eo talentum et date ei qui habet decem talenta Mt 25:29 omni enim habenti dabitur et abundabit ei autem qui non habet et quod videtur habere auferetur ab eo Mt 25:30 et inutilem servum eicite in tenebras exteriores illic erit fletus et stridor dentium Mt 25:31 cum autem venerit Filius hominis in maiestate sua et omnes angeli cum eo tunc sedebit super sedem maiestatis suae Mt 25:32 et congregabuntur ante eum omnes gentes et separabit eos ab invicem sicut pastor segregat oves ab hedis Mt 25:33 et statuet oves quidem a dextris suis hedos autem a sinistris Mt 25:34 tunc dicet rex his qui a dextris eius erunt venite benedicti Patris mei possidete paratum vobis regnum a constitutione mundi Mt 25:35 esurivi enim et dedistis mihi manducare sitivi et dedistis mihi bibere hospes eram et collexistis me Mt 25:36 nudus et operuistis me infirmus et visitastis me in carcere eram et venistis ad me Mt 25:37 tunc respondebunt ei iusti dicentes Domine quando te vidimus esurientem et pavimus sitientem et dedimus tibi potum Mt 25:38 quando autem te vidimus hospitem et colleximus te aut nudum et cooperuimus Mt 25:39 aut quando te vidimus infirmum aut in carcere et venimus ad te Mt 25:40 et respondens rex dicet illis amen dico vobis quamdiu fecistis uni de his fratribus meis minimis mihi fecistis Mt 25:41 tunc dicet et his qui a sinistris erunt discedite a me maledicti in ignem aeternum qui paratus est diabolo et angelis eius Mt 25:42 esurivi enim et non dedistis mihi manducare sitivi et non dedistis mihi potum Mt 25:43 hospes eram et non collexistis me nudus et non operuistis me infirmus et in carcere et non visitastis me Mt 25:44 tunc respondebunt et ipsi dicentes Domine quando te vidimus esurientem aut sitientem aut hospitem aut nudum aut infirmum vel in carcere et non ministravimus tibi Mt 25:45 tunc respondebit illis dicens amen dico vobis quamdiu non fecistis uni de minoribus his nec mihi fecistis Mt 25:46 et ibunt hii in supplicium aeternum iusti autem in vitam aeternam Mt 26:1 et factum est cum consummasset Iesus sermones hos omnes dixit discipulis suis Mt 26:2 scitis quia post biduum pascha fiet et Filius hominis tradetur ut crucifigatur Mt 26:3 tunc congregati sunt principes sacerdotum et seniores populi in atrium principis sacerdotum qui dicebatur Caiaphas Mt 26:4 et consilium fecerunt ut Iesum dolo tenerent et occiderent Mt 26:5 dicebant autem non in die festo ne forte tumultus fieret in populo Mt 26:6 cum autem esset Iesus in Bethania in domo Simonis leprosi Mt 26:7 accessit ad eum mulier habens alabastrum unguenti pretiosi et effudit super caput ipsius recumbentis Mt 26:8 videntes autem discipuli indignati sunt dicentes ut quid perditio haec Mt 26:9 potuit enim istud venundari multo et dari pauperibus Mt 26:10 sciens autem Iesus ait illis quid molesti estis mulieri opus bonum operata est in me Mt 26:11 nam semper pauperes habetis vobiscum me autem non semper habetis Mt 26:12 mittens enim haec unguentum hoc in corpus meum ad sepeliendum me fecit Mt 26:13 amen dico vobis ubicumque praedicatum fuerit hoc evangelium in toto mundo dicetur et quod haec fecit in memoriam eius Mt 26:14 tunc abiit unus de duodecim qui dicitur Iudas Scarioth ad principes sacerdotum Mt 26:15 et ait illis quid vultis mihi dare et ego vobis eum tradam at illi constituerunt ei triginta argenteos Mt 26:16 et exinde quaerebat oportunitatem ut eum traderet Mt 26:17 prima autem azymorum accesserunt discipuli ad Iesum dicentes ubi vis paremus tibi comedere pascha Mt 26:18 at Iesus dixit ite in civitatem ad quendam et dicite ei magister dicit tempus meum prope est apud te facio pascha cum discipulis meis Mt 26:19 et fecerunt discipuli sicut constituit illis Iesus et paraverunt pascha Mt 26:20 vespere autem facto discumbebat cum duodecim discipulis Mt 26:21 et edentibus illis dixit amen dico vobis quia unus vestrum me traditurus est Mt 26:22 et contristati valde coeperunt singuli dicere numquid ego sum Domine Mt 26:23 at ipse respondens ait qui intinguit mecum manum in parapside hic me tradet Mt 26:24 Filius quidem hominis vadit sicut scriptum est de illo vae autem homini illi per quem Filius hominis traditur bonum erat ei si natus non fuisset homo ille Mt 26:25 respondens autem Iudas qui tradidit eum dixit numquid ego sum rabbi ait illi tu dixisti Mt 26:26 cenantibus autem eis accepit Iesus panem et benedixit ac fregit deditque discipulis suis et ait accipite et comedite hoc est corpus meum Mt 26:27 et accipiens calicem gratias egit et dedit illis dicens bibite ex hoc omnes Mt 26:28 hic est enim sanguis meus novi testamenti qui pro multis effunditur in remissionem peccatorum Mt 26:29 dico autem vobis non bibam amodo de hoc genimine vitis usque in diem illum cum illud bibam vobiscum novum in regno Patris mei Mt 26:30 et hymno dicto exierunt in montem Oliveti Mt 26:31 tunc dicit illis Iesus omnes vos scandalum patiemini in me in ista nocte scriptum est enim percutiam pastorem et dispergentur oves gregis Mt 26:32 postquam autem resurrexero praecedam vos in Galilaeam Mt 26:33 respondens autem Petrus ait illi et si omnes scandalizati fuerint in te ego numquam scandalizabor Mt 26:34 ait illi Iesus amen dico tibi quia in hac nocte antequam gallus cantet ter me negabis Mt 26:35 ait illi Petrus etiam si oportuerit me mori tecum non te negabo similiter et omnes discipuli dixerunt Mt 26:36 tunc venit Iesus cum illis in villam quae dicitur Gethsemani et dixit discipulis suis sedete hic donec vadam illuc et orem Mt 26:37 et adsumpto Petro et duobus filiis Zebedaei coepit contristari et maestus esse Mt 26:38 tunc ait illis tristis est anima mea usque ad mortem sustinete hic et vigilate mecum Mt 26:39 et progressus pusillum procidit in faciem suam orans et dicens mi Pater si possibile est transeat a me calix iste verumtamen non sicut ego volo sed sicut tu Mt 26:40 et venit ad discipulos et invenit eos dormientes et dicit Petro sic non potuistis una hora vigilare mecum Mt 26:41 vigilate et orate ut non intretis in temptationem spiritus quidem promptus est caro autem infirma Mt 26:42 iterum secundo abiit et oravit dicens Pater mi si non potest hic calix transire nisi bibam illum fiat voluntas tua Mt 26:43 et venit iterum et invenit eos dormientes erant enim oculi eorum gravati Mt 26:44 et relictis illis iterum abiit et oravit tertio eundem sermonem dicens Mt 26:45 tunc venit ad discipulos suos et dicit illis dormite iam et requiescite ecce adpropinquavit hora et Filius hominis traditur in manus peccatorum Mt 26:46 surgite eamus ecce adpropinquavit qui me tradit Mt 26:47 adhuc ipso loquente ecce Iudas unus de duodecim venit et cum eo turba multa cum gladiis et fustibus a principibus sacerdotum et senioribus populi Mt 26:48 qui autem tradidit eum dedit illis signum dicens quemcumque osculatus fuero ipse est tenete eum Mt 26:49 et confestim accedens ad Iesum dixit have rabbi et osculatus est eum Mt 26:50 dixitque illi Iesus amice ad quod venisti tunc accesserunt et manus iniecerunt in Iesum et tenuerunt eum Mt 26:51 et ecce unus ex his qui erant cum Iesu extendens manum exemit gladium suum et percutiens servum principis sacerdotum amputavit auriculam eius Mt 26:52 tunc ait illi Iesus converte gladium tuum in locum suum omnes enim qui acceperint gladium gladio peribunt Mt 26:53 an putas quia non possum rogare Patrem meum et exhibebit mihi modo plus quam duodecim legiones angelorum Mt 26:54 quomodo ergo implebuntur scripturae quia sic oportet fieri Mt 26:55 in illa hora dixit Iesus turbis tamquam ad latronem existis cum gladiis et fustibus conprehendere me cotidie apud vos sedebam docens in templo et non me tenuistis Mt 26:56 hoc autem totum factum est ut implerentur scripturae prophetarum tunc discipuli omnes relicto eo fugerunt Mt 26:57 at illi tenentes Iesum duxerunt ad Caiaphan principem sacerdotum ubi scribae et seniores convenerant Mt 26:58 Petrus autem sequebatur eum a longe usque in atrium principis sacerdotum et ingressus intro sedebat cum ministris ut videret finem Mt 26:59 principes autem sacerdotum et omne concilium quaerebant falsum testimonium contra Iesum ut eum morti traderent Mt 26:60 et non invenerunt cum multi falsi testes accessissent novissime autem venerunt duo falsi testes Mt 26:61 et dixerunt hic dixit possum destruere templum Dei et post triduum aedificare illud Mt 26:62 et surgens princeps sacerdotum ait illi nihil respondes ad ea quae isti adversum te testificantur Mt 26:63 Iesus autem tacebat et princeps sacerdotum ait illi adiuro te per Deum vivum ut dicas nobis si tu es Christus Filius Dei Mt 26:64 dicit illi Iesus tu dixisti verumtamen dico vobis amodo videbitis Filium hominis sedentem a dextris virtutis et venientem in nubibus caeli Mt 26:65 tunc princeps sacerdotum scidit vestimenta sua dicens blasphemavit quid adhuc egemus testibus ecce nunc audistis blasphemiam Mt 26:66 quid vobis videtur at illi respondentes dixerunt reus est mortis Mt 26:67 tunc expuerunt in faciem eius et colaphis eum ceciderunt alii autem palmas in faciem ei dederunt Mt 26:68 dicentes prophetiza nobis Christe quis est qui te percussit Mt 26:69 Petrus vero sedebat foris in atrio et accessit ad eum una ancilla dicens et tu cum Iesu Galilaeo eras Mt 26:70 at ille negavit coram omnibus dicens nescio quid dicis Mt 26:71 exeunte autem illo ianuam vidit eum alia et ait his qui erant ibi et hic erat cum Iesu Nazareno Mt 26:72 et iterum negavit cum iuramento quia non novi hominem Mt 26:73 et post pusillum accesserunt qui stabant et dixerunt Petro vere et tu ex illis es nam et loquella tua manifestum te facit Mt 26:74 tunc coepit detestari et iurare quia non novisset hominem et continuo gallus cantavit Mt 26:75 et recordatus est Petrus verbi Iesu quod dixerat priusquam gallus cantet ter me negabis et egressus foras ploravit amare Mt 27:1 mane autem facto consilium inierunt omnes principes sacerdotum et seniores populi adversus Iesum ut eum morti traderent Mt 27:2 et vinctum adduxerunt eum et tradiderunt Pontio Pilato praesidi Mt 27:3 tunc videns Iudas qui eum tradidit quod damnatus esset paenitentia ductus rettulit triginta argenteos principibus sacerdotum et senioribus Mt 27:4 dicens peccavi tradens sanguinem iustum at illi dixerunt quid ad nos tu videris Mt 27:5 et proiectis argenteis in templo recessit et abiens laqueo se suspendit Mt 27:6 principes autem sacerdotum acceptis argenteis dixerunt non licet mittere eos in corbanan quia pretium sanguinis est Mt 27:7 consilio autem inito emerunt ex illis agrum figuli in sepulturam peregrinorum Mt 27:8 propter hoc vocatus est ager ille Acheldemach ager sanguinis usque in hodiernum diem Mt 27:9 tunc impletum est quod dictum est per Hieremiam prophetam dicentem et acceperunt triginta argenteos pretium adpretiati quem adpretiaverunt a filiis Israhel Mt 27:10 et dederunt eos in agrum figuli sicut constituit mihi Dominus Mt 27:11 Iesus autem stetit ante praesidem et interrogavit eum praeses dicens tu es rex Iudaeorum dicit ei Iesus tu dicis Mt 27:12 et cum accusaretur a principibus sacerdotum et senioribus nihil respondit Mt 27:13 tunc dicit illi Pilatus non audis quanta adversum te dicant testimonia Mt 27:14 et non respondit ei ad ullum verbum ita ut miraretur praeses vehementer Mt 27:15 per diem autem sollemnem consueverat praeses dimittere populo unum vinctum quem voluissent Mt 27:16 habebat autem tunc vinctum insignem qui dicebatur Barabbas Mt 27:17 congregatis ergo illis dixit Pilatus quem vultis dimittam vobis Barabban an Iesum qui dicitur Christus Mt 27:18 sciebat enim quod per invidiam tradidissent eum Mt 27:19 sedente autem illo pro tribunali misit ad illum uxor eius dicens nihil tibi et iusto illi multa enim passa sum hodie per visum propter eum Mt 27:20 princeps autem sacerdotum et seniores persuaserunt populis ut peterent Barabban Iesum vero perderent Mt 27:21 respondens autem praeses ait illis quem vultis vobis de duobus dimitti at illi dixerunt Barabban Mt 27:22 dicit illis Pilatus quid igitur faciam de Iesu qui dicitur Christus Mt 27:23 dicunt omnes crucifigatur ait illis praeses quid enim mali fecit at illi magis clamabant dicentes crucifigatur Mt 27:24 videns autem Pilatus quia nihil proficeret sed magis tumultus fieret accepta aqua lavit manus coram populo dicens innocens ego sum a sanguine iusti huius vos videritis Mt 27:25 et respondens universus populus dixit sanguis eius super nos et super filios nostros Mt 27:26 tunc dimisit illis Barabban Iesum autem flagellatum tradidit eis ut crucifigeretur Mt 27:27 tunc milites praesidis suscipientes Iesum in praetorio congregaverunt ad eum universam cohortem Mt 27:28 et exuentes eum clamydem coccineam circumdederunt ei Mt 27:29 et plectentes coronam de spinis posuerunt super caput eius et harundinem in dextera eius et genu flexo ante eum inludebant dicentes have rex Iudaeorum Mt 27:30 et expuentes in eum acceperunt harundinem et percutiebant caput eius Mt 27:31 et postquam inluserunt ei exuerunt eum clamydem et induerunt eum vestimentis eius et duxerunt eum ut crucifigerent Mt 27:32 exeuntes autem invenerunt hominem cyreneum nomine Simonem hunc angariaverunt ut tolleret crucem eius Mt 27:33 et venerunt in locum qui dicitur Golgotha quod est Calvariae locus Mt 27:34 et dederunt ei vinum bibere cum felle mixtum et cum gustasset noluit bibere Mt 27:35 postquam autem crucifixerunt eum diviserunt vestimenta eius sortem mittentes Mt 27:36 et sedentes servabant eum Mt 27:37 et inposuerunt super caput eius causam ipsius scriptam hic est Iesus rex Iudaeorum Mt 27:38 tunc crucifixi sunt cum eo duo latrones unus a dextris et unus a sinistris Mt 27:39 praetereuntes autem blasphemabant eum moventes capita sua Mt 27:40 et dicentes qui destruit templum et in triduo illud reaedificat salva temet ipsum si Filius Dei es descende de cruce Mt 27:41 similiter et principes sacerdotum inludentes cum scribis et senioribus dicentes Mt 27:42 alios salvos fecit se ipsum non potest salvum facere si rex Israhel est descendat nunc de cruce et credemus ei Mt 27:43 confidet in Deo liberet nunc eum si vult dixit enim quia Dei Filius sum Mt 27:44 id ipsum autem et latrones qui fixi erant cum eo inproperabant ei Mt 27:45 a sexta autem hora tenebrae factae sunt super universam terram usque ad horam nonam Mt 27:46 et circa horam nonam clamavit Iesus voce magna dicens Heli Heli lema sabacthani hoc est Deus meus Deus meus ut quid dereliquisti me Mt 27:47 quidam autem illic stantes et audientes dicebant Heliam vocat iste Mt 27:48 et continuo currens unus ex eis acceptam spongiam implevit aceto et inposuit harundini et dabat ei bibere Mt 27:49 ceteri vero dicebant sine videamus an veniat Helias liberans eum Mt 27:50 Iesus autem iterum clamans voce magna emisit spiritum Mt 27:51 et ecce velum templi scissum est in duas partes a summo usque deorsum et terra mota est et petrae scissae sunt Mt 27:52 et monumenta aperta sunt et multa corpora sanctorum qui dormierant surrexerunt Mt 27:53 et exeuntes de monumentis post resurrectionem eius venerunt in sanctam civitatem et apparuerunt multis Mt 27:54 centurio autem et qui cum eo erant custodientes Iesum viso terraemotu et his quae fiebant timuerunt valde dicentes vere Dei Filius erat iste Mt 27:55 erant autem ibi mulieres multae a longe quae secutae erant Iesum a Galilaea ministrantes ei Mt 27:56 inter quas erat Maria Magdalene et Maria Iacobi et Ioseph mater et mater filiorum Zebedaei Mt 27:57 cum sero autem factum esset venit quidam homo dives ab Arimathia nomine Ioseph qui et ipse discipulus erat Iesu Mt 27:58 hic accessit ad Pilatum et petiit corpus Iesu tunc Pilatus iussit reddi corpus Mt 27:59 et accepto corpore Ioseph involvit illud sindone munda Mt 27:60 et posuit illud in monumento suo novo quod exciderat in petra et advolvit saxum magnum ad ostium monumenti et abiit Mt 27:61 erat autem ibi Maria Magdalene et altera Maria sedentes contra sepulchrum Mt 27:62 altera autem die quae est post parasceven convenerunt principes sacerdotum et Pharisaei ad Pilatum Mt 27:63 dicentes domine recordati sumus quia seductor ille dixit adhuc vivens post tres dies resurgam Mt 27:64 iube ergo custodiri sepulchrum usque in diem tertium ne forte veniant discipuli eius et furentur eum et dicant plebi surrexit a mortuis et erit novissimus error peior priore Mt 27:65 ait illis Pilatus habetis custodiam ite custodite sicut scitis Mt 27:66 illi autem abeuntes munierunt sepulchrum signantes lapidem cum custodibus Mt 28:1 vespere autem sabbati quae lucescit in primam sabbati venit Maria Magdalene et altera Maria videre sepulchrum Mt 28:2 et ecce terraemotus factus est magnus angelus enim Domini descendit de caelo et accedens revolvit lapidem et sedebat super eum Mt 28:3 erat autem aspectus eius sicut fulgur et vestimentum eius sicut nix Mt 28:4 prae timore autem eius exterriti sunt custodes et facti sunt velut mortui Mt 28:5 respondens autem angelus dixit mulieribus nolite timere vos scio enim quod Iesum qui crucifixus est quaeritis Mt 28:6 non est hic surrexit enim sicut dixit venite videte locum ubi positus erat Dominus Mt 28:7 et cito euntes dicite discipulis eius quia surrexit et ecce praecedit vos in Galilaeam ibi eum videbitis ecce praedixi vobis Mt 28:8 et exierunt cito de monumento cum timore et magno gaudio currentes nuntiare discipulis eius Mt 28:9 et ecce Iesus occurrit illis dicens havete illae autem accesserunt et tenuerunt pedes eius et adoraverunt eum Mt 28:10 tunc ait illis Iesus nolite timere ite nuntiate fratribus meis ut eant in Galilaeam ibi me videbunt Mt 28:11 quae cum abissent ecce quidam de custodibus venerunt in civitatem et nuntiaverunt principibus sacerdotum omnia quae facta fuerant Mt 28:12 et congregati cum senioribus consilio accepto pecuniam copiosam dederunt militibus Mt 28:13 dicentes dicite quia discipuli eius nocte venerunt et furati sunt eum nobis dormientibus Mt 28:14 et si hoc auditum fuerit a praeside nos suadebimus ei et securos vos faciemus Mt 28:15 at illi accepta pecunia fecerunt sicut erant docti et divulgatum est verbum istud apud Iudaeos usque in hodiernum diem Mt 28:16 undecim autem discipuli abierunt in Galilaeam in montem ubi constituerat illis Iesus Mt 28:17 et videntes eum adoraverunt quidam autem dubitaverunt Mt 28:18 et accedens Iesus locutus est eis dicens data est mihi omnis potestas in caelo et in terra Mt 28:19 euntes ergo docete omnes gentes baptizantes eos in nomine Patris et Filii et Spiritus Sancti Mt 28:20 docentes eos servare omnia quaecumque mandavi vobis et ecce ego vobiscum sum omnibus diebus usque ad consummationem saeculi