text stringlengths 10 247k |
|---|
TAGDUDA TAZZAYRIT TAMAGDAYT TAƔERFANT AGMAM AƔELNAW N UMESTEN D USNERNI N UGRUD Asaḍuf Un 15-12 n 28 remḍan 1436 yemtawan d 15 yulyu 2015 yerzan AMESTEN N UGRUD Tasuqilt ddaw tenmehla n : Mokrane CHIKHI akked Nabil MEHDIOUI - 2019 AGBUR AḤRIC I Izarafen imatuyen 10 AḤRIC II Amesten n ugrud deg umihi 15 Ixef 1u Amesten ... |
Amagrad 2 - Deg usaḍuf-a, nessawal : “Agrud“ : i kra n umdan ur newwiḍ ara tmenṭac (18) n yiseggasen di leɛmer-is. |
Awal “ameẓyan” yesɛa anamek n ugrud. |
“Agrud yellan deg umihi” : d agrud umi tadawsa-s, taɣara-s, asegmi-s neɣ taɣellist-is ma llan deg umihi neɣ ires anda i yezmer ad t-iḥaz umihi, tiwtilin n tudert-is neɣ tikli-s zemrent ad t-sersent anda ara t-iḥaz umihi neɣ ad dawint lemḍerra i yimal-is neɣ ad yili di tegnit ara isersen abaɣur n tfekka-s, n yiman-is ne... |
Addaden i yesrusayen agrud i umihi : 11 -Mi ara yesruḥ ugrud imarrawen-is ad yeqqim mebla asaned n twacult ; -Tiǧǧin n ugrud i yiman-is neɣ ad iruḥ ad yettcali ; -Aḥazi n uzref-is deg ulmad ; -Asemres n ugrud neɣ asiweḍ-ines ɣer tuttra ; -War tazmert n yimerrawen neɣ wid yellan i lmendad n ugrud ad bedden i tikliwin-is... |
12 “Agrud irmeggi” : d agrud ixedmen kra n twaɣit anda leɛmer-is ur yelli ara ddaw n 10 n yiseggasen. |
Leɛmer yettuneḥsaben d win n wass ideg yexdem tawaɣit. |
“Agrud amerwal”: d agrud iɣef yettuḥettem ad yerwel seg tmurt-is, yezger i tlisa tigraɣlanin, isuter azref n uzwag neɣ kra n talɣa-nniḍen n umesten agraɣlan. |
“Agensas azerfan n ugrud” : win yellan fell-as d lwali neɣ win yellan fell-as d lewṣaya neɣ win yettkeflen yes-s neɣ win yettukelfen akken ad as-yuɣal i lmendad neɣ win iqamen yes-s ; “Tabdammast” : d tasemseddut tazerfant i d-yellan ilmend n usiweḍɣer umtawa gar ugrud irmeggi d ugensas-is azerfan seg tama, seg tama-nn... |
Iswi-ines d aḥbas n yiḍfaren d useggem n lemḍerra i iḥuzan ungus d usrusi n tilist i later n twaɣit d leqdic ilmend n uɛiwed n usadef n ugrud. |
“Imeẓla n tewnaḍt yeldin” : d imeẓla n tamawt d usegmi di tewnaḍt yeldin. |
“Ablaɣ anefgur” : d awwaḍ ɣer leɛmer n tmenṭac (18) n yiseggasen kemlen. |
Leɛmer ara yettwaddmen ilmend n ublaɣ anefgur d win n ugrud irmeggi deg wass ideg yexdem tawaɣit. |
Amagrad 03 - Yal agrud ad yidir deg ubaɣur war meḥyaf ilmend n yini neɣ aẓar neɣ tutlayt neɣ tannayt neɣ war tazmert neɣ kra n talɣiwin-nniḍen n meḥyaf, ad yidir s meṛṛa izerfan i d-yeddan deg umtawa n yizerfan n ugrud 13 d yimtawayen igraɣlanen-nniḍen i yesɛan assaɣ i yettwasleknen, rnu ɣur-s izerfan i d-yeddan deg uz... |
Amagrad 04 - Tawacult d nettat i d tawnaḍt tagamant i gemmu n ugrud ; Yettwagdel beṭṭu n ugrud ɣef twacult-is ala di tegnit anda i d-tewwi lmaṣlaḥa-s tunnigt annect-nni. |
Beṭṭu-ya ur d-yettili ara ḥaca ma tella-d teɣtest tazerfant ilmend n yizarafen iɣef ttweṣṣin yisuḍaf. |
Amagrad 05 - Tasayt n umesten n ugrud tella gar yifassen n yimerrawen. |
Am wakken i d-yewwi fell-asen ad kesben ttawilat n tudert iwulmen i gemmu-ines ɛlaḥsab n tedrimt-nsen d tzemmar-nsen. |
Awanek ad yefk tallelt tangant iwulmen aḍman n uzref n ugrud deg umesten d uḥader. |
14 Zemrent tnegrawin tidiganin ad qedcent ilmend n tallelt n yigerdan ɛlaḥsab n uzzraf yettuseqdacen. |
Awanek ad yeḍmen i ugrud yettwaḥermen seg twacult azref deg uḥader ubdil. |
Tiwtilin d yiberdan n usnas n umagrad-a ad d-ilin s ttawil n uslugen. |
Amagrad 06 - Ad yetkefel uwanek s uzref nugrud deg umesten seg kra n talɣa n lemḍerra neɣ tiǧǧin neɣ atɛeddi neɣ yir amɛamal neɣ asemres neɣ atɛeddi ɣef tfekka neɣɣef yiman neɣɣef tuzzuft, ilmend n waya ad yexdem akk ayen iwulmen i useḥbiber fell-as d usrusi n tewtilin iwulmen i gemmu-ines d uḥader-is d useḥbiber ɣef t... |
Awanek, ad yeseḥbiber s yakk ttawilat akken isallen i d-yellan ilmend n ugrud ur d-ttawin ara lemḍerra i umnekni-s afekkan d umnekni-s aktan. |
Amagrad 07 - Yewwi-d ad tili lmaṣlaḥa tunnigt n ugrud d nettat i d iswi di kra tarrayt neɣ azzraf neɣ taɣtest n tezreft neɣ taɣtest tadeblant yettwaddmen ilmend-is. |
Deg uktili n lmaṣlaḥa tunnigt n ugrud, ad d-tili tmuɣli ɣer tuzzuft-is, leɛmer-is, tadawsa-s, ayen yuḥwaǧ ilmend n tektiwin-is d uḥussu-s d tfekka-s d tewnaḍt-is n twacult d meṛṛa iɣiren icudden ɣer tegnit ideg yedder. |
15 Amagrad 08 - Agrud ɣur-s azref deg usenfali ɣef tannaytis s tlelli ilmend n lɛemr-is d temɣer-is deg uqader n usaḍuf d uslugen azayez d lemqadra n lɛama d yizerfan n wiyaḍ. |
Amagrad 09 - Agrud yettutehmen s uxdam neɣ aɛraḍ n uxdam n twaɣit ɣur-s azref deg ucareɛ uɣdim. |
Amagrad 10 - Yettwagdel, d ayen ara d-yawin atbaɛ di ccreɛ, asemres n ugrud deg tegzumin n ususen, isura, tiwlafin neɣ asekles i tebɣu tili talɣa-nsen mebla ttesriḥ n yigensasen-is izerfanen yerna berra i wakud n uɣerbaz aya ilmend n uzref d uslugen yettuseqdacen. |
AḤRIC II AMESTEN N UGRUD DEG UMIHI IXEF 1U AMESTEN IMETTI ASMIL 1 AGMAM AƔELNAW N UMESTEN D USNERNI N UGRUD Amagrad 11 - Ad d-yettwasbedd ɣer uɣlif amezwaru ugmam aɣelnaw i umesten d usnerni n ugrud ad yili fellas d aselway unesmigel aɣelnaw i umesten n ugrud, agmam-a ad yettukelef s leqdic ɣef umesten d usnerni n 16 y... |
Ad yesres uwanek gar n yifassen n ugmam aɣelnaw n umesten d usnerni n yigerdan akk ttawilat alsanen d ttawilat inganen iwulmen akken agmam-a ad iqam s leqdic-ines. |
Tiwtilin d yiberdan n uslugen n ugmam aɣelnaw n umesten d usnerni n ugrud ad ilin s lmendad n usaḍuf. |
Amagrad 12 - Ad yettwasbed unesmigel aɣelnaw i umesten n ugrud s tanaḍt n tselwit seg wudmawen iɣelnawen yesɛan tirmit i yettwasnen s wazal i fkan i yigerdan. |
Amagrad 13 - Ad iqam unesmigel aɣelnaw i umesten n yigerdan s twuri n usnerni n yizerfan n ugrud ladɣa deg wayen yerzan : -Asrusi n wahilen iɣelnawen d yidiganen i umesten d usnerni n yizerfan n ugrud s uzday akked tdeblin d yiɣsuren d tsudwin tizuyaz yemxalafen d yimdanen yettukelfen s uḥader n yigerdan ; -Atbaɛ n tig... |
Amagrad 14 - Anesmigel aɣelnaw n umesten n yigerdan ad yerzu ɣef yimeẓla yettukelfen s umesten n yigerdan umi ara yefk akk isumar i ara yesnernin aseddu-nsen neɣ asuddes-nsen. |
Amagrad 15 - Amesmugel aɣelnaw n umesten n yigerdan, ad yecetki ɣur-s kra n ugrud neɣ agensas-ines azefran neɣ kra n uniman agaman neɣ aktan ɣef uteɛedi i d-yettilin ɣef yizerfan n ugrud. |
Amagrad 16 - Ad yefk umesmugel aɣelnaw n umesten n yigerdan icetkiyen i d-yettwabedren deg umagrad 15 i uweẓlu n tewnaḍt yeldin i yesɛan tazmert ilmend n usesten d tigin n wayen ilaqen ilmend n tarrayin i dyeddan deg usaḍuf-a. |
Ad yawi icetkiyen ideg yezmer ad yili uglam icudden ɣer tefgurin i uneɣlaf n teɣdemt amḍaf n yitliyen ara yesutren seg uneflus amatu uzzig ilmend n usmussu n ucareɛ ma yewwi-d lḥal. |
18 Amagrad 17 - Yewwi-d ɣef tdeblin d tsudwin tizuyaz d yakk imdanen yettukelfen s uḥader n ugrud ad sisehlen amahil n umesmugel aɣelnaw ad as-fken isallen i sen-dyesuter netta yewwi-d fell-as ur ten-yettak ara i wiyiḍ. |
Agdal i d-yettwabedren deg tseddart tamezwarut n usaḍuf-a ur yettwasnas ara ɣef udabu azerfan. |
Amagrad 18 - Tuffra tamsadurt ur tettili ara d timentilt sdat n umesmugel aɣelnaw n umesten n ugrud. |
Inimanen iɣaranen d yiktanen i yefkan isallen i umedmugel aɣelnaw, ideg d-seknen atɛeddi ɣef yizerfan n ugrud, ttwaɛfan seg kra n tassayt tadeblant, ataɣarimt neɣ tanefgurt ɣas ma tisestanin ur ssawḍent ara ɣer kra n ugemmuḍ. |
Amagrad 19 - Ad yeqdec unesmigel aɣelnaw n umesten n yigerdan ilmend n tigin n yineqqisen yerzan izerfan n ugrud ara yefk uwanek i tsudwin tigraɣlanin d tdiganin tuzzigin. |
Amagrad 20 - Ad yeg unesmigel aɣelnaw n umesten n yigerdan yal asggas aneqqis ɣef waddad n yizerfan n ugrud d waddad n usnas n umtawa n yizerfan n ugrud ara yefk i uselway n tegduda. |
Aneqqis-a ad yettwazreg, ad yettwazuzerdeg 03 n waguren ara d-iḍefren alɣu-ya. |
19 ASMIL 2 AMESTEN IMETTI ƔEF USWIR ADIGAN Amagrad 21 - Amesten imetti n yigerdan ɣef uswir adigan yettunefk i yimeẓla n tewnaḍt yeldin, aya ad d-yili s uzday akked tsudwin d yiɣsuren izuyaz yemxalafen d yimdanen yettukelfen s useḥbiber ɣef yigerdan. |
Imeẓla n tewnaḍt yeldin ad ttusbedden ilmend n yiwen n uweẓlu i twilayt. |
Yezmer daɣen ad ttusbedden waṭas n yimeẓla deg twilayin i yesɛan aṭas n yimezdaɣ. |
Yewwi-d ad ilin deg-en yinawaren uzzigen ladɣa imsegmiyen, imawasen imettiyen imusnawen n tnefsit, imusnawen n tmetti n yimusnawen n uzref. |
Tiwetlin d tarrayin n usnas n umagrad-a ad ilint s ubrid n uslugen. |
Amagrad 22 - Imeẓla n tewnaḍt yeldin ad ḍefren addad n yigerdan yellan deg umihi ad rnun ad fken tallelt i twaculin-nsen. |
Ad yecetki ɣur-sen ugrud d/neɣ agensas-is azerfan, imsulta iɣedmanen, lwali, aselway n useqqamu aɣerfan aɣiwan, kra n tdukla neɣ tasudut tazayezt neɣ tusligt i iqeddcen deg wayen yerzan amesten n ugrud, imawasen imettiyen, imsegmiyen, iselmaden, imejjayen neɣ kra n uniman agaman neɣaktan, ɣef kra izemren ad yili d amih... |
Ur zmiren ara ad agin atkeffel s ugrud izedɣen berra i udabu-nsen adigan, am awakken i zemren deg waddad-a 20 ad sutren tallelt deg uweẓlu n tewnaḍt yeldin n wadeg n tmezduɣt neɣ n tmezduɣt n ugrud d/neɣ aggay-ines ɣer dinna. |
Ur d-yewwi ara ad d-kecfen tamagit n umdan i senyecektan ala di ma yeqbel. |
Tiwetlin d tarrayin n usnas n umagrad-a ad ilint s ubrid n uslugen. |
Amagrad 23 - Imeẓla n tewnaḍt yeldin ad ḥeqqen ɣef tilin s tidet n tegnit n umihi, s uxdam n tsestanin timettiyin anda ara d-tili tirza ɣer waddeg ideg yella ugrud d usteqsi-ines netta d ugensas-is azerfan ɣef yineḍruyen iɣef d-yella acetki ilmend n usufeɣ n waddad ideg yella ugrud d tigin n wayen ilaqen ilmend-is. |
Ma yewwi-d lḥal, imeẓla n tewnaḍt yeldin ad rzun srid ɣer wanda yella ugrud. |
Ma yewwi-d lḥal, zemren yimeẓla n tewnaḍt yeldin ad sutren akken ad tger iman-is teɣdemt neɣ anezarfu n wazzanen. |
Amagrad 24 - Ma yella imeẓla n tewnaḍt yeldinḍemnen war tilin n tegnit n umihi, ad sɛelmen s waya agrud d ugensas-is azerfan. |
Ma yella walan tilin n tegnit n umihi, ad siwlen i ugensas azerfan n ugrud akken ad siwḍen yid-s ɣer umtawa ɣef wayen ilaqen ad yemmag ilmend n ugrud d waddad ideg yella akken ad yettwawexxer ɣef umihi. |
21 Yewwi-d ad yili ucawer n ugrud i yesɛan seg 13 n yiseggasen d asawen ɣef kra n wayen yettuṛegmen ad yemmag ilmend-is. |
Imeẓla n tewnaḍt yeldin yewwi-d fell-asen aseɛlem n ugrud yesɛan 13 n yiseggasen di leɛmer-is neɣ ugar d ugensas-is azerfan ɣef uzref-nsen deg tugin n umtawa. |
Ad yettwaru umtawa deg uzmaẓ imawi, ad yettwasezmel sɣur meṛṛa idisan mbeɛd taɣuri-s. |
Amagrad 25 - Yewwi-d ɣef yimeẓla n tewnaḍt yeldin ad ǧǧen agrud ɣer twacult-is ad rnun ad d-sumren yiwen seg yimtawayen-a : -Aḥettem ɣef twacult ad texdem ayen akk iwulmen seg wayen iɣef d-yella umtawa i usibɛed n umihi ɣef ugrud deg yiwen n wakud ara d-yefk uweẓlu n tewnaḍt yeldin ; -Tukci n tallelt iwulmen i twacult ... |
Amagrad 26 - Zemren yal tikkelt yimeẓla n tewnaḍt yeldin neɣ mbeɛd asuter i d-yellan sɣur agrud neɣ agensas-is azerfan ad ɛiwden tamuɣli i teɣtest iɣef d-yella umtawa ama ɣef umur deg-s neɣ d takemmalit. |
22 Amagrad 27 - Yewwi-d ɣef yimeẓla n tewnaḍt yeldin ad cetkin i unezarfu n wazzanen i izemren deg waddaden-a : -Ma ur d-yelli kra n umtawa deg wakud n 10 n wussan seg d-yella useɛlem d ucetki ; -Ma yella agrud n agensas-is azerfan uɣalen deg ucetkinsen ; -Ma yella ur yessaweḍ ara ɣer tifrat s ubrid n umtawa ɣas yella-... |
Amagrad 28 - Yewwi-d ɣef yimeẓla n tewnaḍt yeldin ad cetkin s lɛejlan i unezarfu n wazzanen i izemren deg waddad n umihi neɣ deg waddad anda d awezɣi tiǧǧin n ugrud ɣer twacult-is, ladɣa mi ara yili ugrud d ungus n twaɣit yexdem ugensas-is azerfan. |
Amagrad 29 - Yewwi-d ɣef yimeẓla n tewnaḍt yeldin ad sɛelmen anezarfu n wazzanen seg teswiɛt ɣer tayeḍ s yigerdan iɣef d-yella utkefel d wayen akk yemmugen ilmend-nsen. |
Am wakken daɣen i d-yewwi fell-asen ad sɛelmen anesmigel aɣelnaw ɣef uḍfar n yicektiyen i sen-d-yewḍen, rnu ɣur-s ad as-fken yal tlata (03) n waguren aneqqis yemmugen s ttfasil ɣef meṛṛa igerdan i s ttkelfen. |
Amagrad 30 - Ad yefk Uwanek i yimeẓla n tewnaḍt yeldin akk ttawilat alsanen d yinganen i uḥwaǧen i tigin n tuɣdaḍin-nsen. |
23 Amagrad 31 - Yewwi-d ɣef tdeblin d tsudwin tizuyaz d yimdanen yetukelfen s useḥbiber ɣef ugrud, ad sisehlen tagnit i leqdic n yimeẓla n tewnaḍt yeldin, yewwi-d daɣen ad sen-fken akk isallen i sen-d-sutren, nutni yettuḥettem fell-asen ur sufuɣen ara isallen-a i wiyiḍ. |
Agdal i d-yettwabedren deg tseddart tamezwarut n usaḍuf-a ur yettwasnas ara ɣef udabu azerfan. |
Inimanen iɣaranen neɣ aktanen i yesɛelmen s nniya ameẓlu n tewnaḍt yeldin ɣef waddaden ideg d-yella utɛeddi ɣef yizerfan n ugrud, ttwaɛfan seg tassayt tadeblant taɣarant d tnefgurt ɣas ma tisestanin ur ssawḍent ara ɣer kra n ugemmuḍ. |
IXEF WIS 2 AMESTEN AƔEDMAN ASMIL 1 AKEČČUM N UNEZARFU N WAZZANEN Amagrad 32 - Anezarfu n wazzanen n wadeg n tmezduɣt neɣ n tmezduɣt n ugrud yellan deg umihi neɣ n wadeg n tmezduɣt neɣ n tmezduɣt n ugensas-is azerfan, ma yewwi-d lḥal anezarfu n wazzanen n wanda i ufan agrud, ɣur-s tazmert ad yeg tamuɣli i usuter i yexde... |
24 Yezmer daɣen unezarfu n wazzanen ad d-iger iman-is di yal taswiɛt. |
Icetkiyen n ugrud zemren ad ttwaqeblen s ubrid n timawit. |
Amagrad 33 - Ad yeseɛlem unezarfu n wazzanen s lɛejlan agrud d/neɣ agensas-is azerfan s usuter i yeṭṭef. |
Ad isel i umeslay-nsen, ad yejmeɛ tannayin-nsen ɣef waddad ideg yella ugrud d yimal-is. |
Agrud yezmer ad yettwalel sɣur amastan. |
Amagrad 34 - Ad yeg tazrawt unezarfu n wazzanen i tnimant n ugrud ladɣa s ttawil n tsestant timettit, isekyaḍen isnajyanen n tdawsa n wallaɣ d tnefsit d uraqeb n tikli-s. |
Yezmer daɣen ma yesɛa akk iferdisen i yuḥwaǧ ɣef ugrud, ur ixeddem ara akk tazrawt ilaqen neɣ ad yefk lamer akken ad yemmag kra seg-s. |
Ad yeṭṭef unezarfu n wazzanen akk isallen d yineqqisen yerzan addad n ugrud rnu daɣen alɣuten n kra n umdan i iwala wulmen. |
Yezmer ad as fken tallelt yimeẓla n tewnaḍt yeldin. |
Amagrad 35 - Yezmer unezarfu n wazzanen di tegnit n tsestant ilmend n ugrud ad d-yefk taneḍt n waḍaf n leɛḍil, ad yeddem tiɣtasin-a : -Tiǧǧin n ugrud ɣer twacult-is ; -Tukci n ugrud i ubabat-is neɣ tayemmat-is ur nessemras azref n utkefel yes-s, ma ur as-yettwakkes ara s uzarraf ; 25 -Tukci n ugrud i yiwen seg wid i t-... |
Yezmer daɣen ad ikellef imeẓla n tewnaḍt yeldin s tigin n tmuɣli i ugrud deg tewnaḍt-is n twacult, n uɣerbaz d/neɣ deg tawnaḍt-is tamsadurt. |
Amagrad 36 - Yezmer unezarfu n wazzanen ad d-yefk lameṛ s urusi n ugrud di leɛḍil deg : -Wammas uzzig deg umesten n yigerdan yellan deg umihi ; -Ameẓlu yettukelfen s tallelt i yigerdan ; -Ammas neɣ aɣsur n udawi, ma yella agrud yuḥwaǧ atkefel s tdawsa-s neɣ tnefsit-is. |
Amagrad 37 - Ur d-yewwi ara ad iɛeddi wakud n teɣtesin n leɛḍil i d-yettwabedren deg yimagraden 35 d 36 setta (06) n waguren. |
Ad yesseɛlem unezarfu s meṛṛa ttawilat, agrud d/neɣ agensas-is azerfan ɣef teɣtesin n leɛḍil i yettwaddmen deg tmanya urebɛin (48) n tsaɛtin segmi ara d-ffɣent. |
Amagrad 38 - Ɣer taggara n testant, ad yefk unezarfu n wazzanen akaram n taluft i Uneflus n Tegduda ilmend n useɛlem. |
Ad d-yessiwel i ugrud, agensas-is azerfan d umastan-is ma yewwi-d lḥal s ttawil n tebrat timwelleht s wulɣu n wawwaḍ tmanya (08) n wussan send amuqel di taluft. |
26 Amagrad 39 - Ad isel unezarfu n wazzanen deg usira-ines i meṛṛa idisan, ad isel daɣen i kra n umdan i iwala iwulem. |
Yezmer unezarfu n wazzanen, ilmend n lmaṣlaḥa n ugrud, ad as-yanef ur yettbedday ara sdat-s neɣ ad yameṛ s tuffɣa-s di lawan n yakk iskasiyen neɣ kra seg-sen kan. |
Amagrad 40 - Ad d-yamer unezarfu n wazzanen s tuddma n yiwet seg teɣtesin-a : -Agrud ad yeqqim ɣer twacult-is ; -Agrud ad yettunefk i ubabat-is neɣ tayemmat-is ur nessemras ara azref n utkefel, ma ur as-tettwakkes ara s uzzraf ; -Agrud ad yettunefk i umdan-nniḍen seg wid i tiqerben ; -Agrud ad yettunefk i umdan neɣ taw... |
Yezmer daɣen unezarfu n wazzanen di yakk tignatin ad ikellef imeẓla n tewnaḍt yeldin s utbaɛ d tigin n tmuɣli i ugrud d umesten-is s tukci n tallelt i iwulmen asegmi-s d usileɣ-is d useḥbiber fell-as, rnu daɣen yal taswiɛt ad dssisnen aneqqis i xedmen ɣef unerni n waddad n ugrud. |
Tiwtilin i ilaq ad ilint ɣer yimdanen d twaculin ideg yella laman ad beddent s ubrid n uslugen. |
Amagrad 41 - Yezmer unezarfu n wazzanen ad yameṛ s usrusi n ugrud deg : -Wammas uzzig deg umesten n yigerdan yellan deg umihi ; 27 -Umeẓlu yettukelfen s tallelt n yigerdan. |
Amagrad 42 - Tiɣetsin i d-yettwabedren deg yimagraden 40 d 41 n usaḍuf-a, ur ilaq ara ad ttwidment nnig n tallit n sin (02) n yiseggasen yettuɛawaden, maca ur zmirent ara ad ɛeddint azemz n wawwaḍ n ugrud leɛmer n ublaɣ anefgur. |
Am wakken daɣen, ma yewwi-d lḥal, yezmer unezarfu n wazzanen ad yessiɣzef amesten i d-yettwabedren deg umagrad-a arma d leɛmer n 21 n yiseggasen s usuter n umdan i wumi i yettunefk ugrud, win terza temsalt neɣ war asuter. |
Amesten-a yezmer ad yeḥbes uqbel azemz-a, s tanaḍt n unezarfu n wazzanen i s ara d-yerr i usuter n win terza temsalt mi ara d-yesken dakken yezmer i yiman-is. |
Amdan i yerza usiɣzef n umesten ad yesfaydi seg tallelt i d-yettwabedren deg umagrad 44 n usaḍuf-a. |
End of preview. Expand in Data Studio
README.md exists but content is empty.
- Downloads last month
- 4