audio audioduration (s) 26.8 47 | transcription stringlengths 48 520 |
|---|---|
كله يقف مكانه كله يقف مكانه يلا يا ابني بسرعة الخزنه ما عادش فيها و لا جنيه يلا بينا نتحرك ايه يا اسطي مالك يا اسطي معلش جالي دور برد و انت عارفني ما ليش في الدوا بس الحمد لله خلاص حطيت جورنال في صدري طب ركز معايا الرهينه دي اخر امل لينا إننا نهرب ارجوكم ما تموتونيش أنا راجل غلبان ما تقلقش | |
أنا مظبط خطة الخروج هتعمل ايه هتعمل ايه يا مجنون | |
يا نهار أبيض يا لهوي يا جدعان الحمد لله كنت اشرب لمون يا اسطي اشرب لمون اشرب لمون أعزائي المشاهدين السلام عليكم و رحمة الله و بركاته اهلا بكم في حلقة جديده من برنامج الدحيح في ساعة عصاري في يوليو سنة 1924 في البيت الأبيض و ما ادراك ما ساعة العصاري بقى في يوليو 1900 | |
البيت الأبيض قبل كام يوم بالاحتفال بذكري يوم الاستقلال شابين صغيرين كانوا بيلعبوا تنس ولاد الرئيس الأمريكي كالفين كوليدج و فجأة بدأ اصغرهم كالفين كوليدج junior يتالم بسبب فسفوسه صغيرة جدا في صباع رجله غالبا سببها انه لبس جزمه التنس من غير شراب و لكن يا عزيزي الواد كالفين junior ده كان حظه اسوا من أي توقعات خلال ساعات الواد بدأ يسخن و حالته تدهورت بسرعة و خلال تلت أيام مات و بالرغم ان الاطباء وفروله احدث ما قدمه الطب وقتها و لكن هذه الفس | |
فوسه اصيبت بالعدوي و العدوي قتلته عزيزي المشاهد الجميل اهلا بيك في عصر ما قبل المضادات الحيويه عصر ممكن يموت فيه ابن الرئيس الأمريكي شخصيا بسبب فسفوسه جتله و هو بيلعب تنس امن مطمئن لمجرد انها اتلوثت بالبكتيريا سبب العدوي اللي مات بيها ابن الرئيس الأمريكي كانت بكتيريا إسمها staphylococcus aureus ده افتحها ذوقها غمسها يا أبو حميد البكتيريا دي يا عزيزي شائعه جدا بتعيش عادة على جلدنا أو في المناخير و المفروض ان في العادي نا | |
درا ما بتسبب مشاكل اما لو دخلت الجسم نفسه عن طريق جرح مثلا ممكن تسبب أنواع مختلفة من العدوي ممكن تادي لحاله وفاه زي الحالة اللي لسه قايلك عليها البكتيريا دخلت عن طريق الفسفوسه و بدأت تدمر في خلايا الجسم أي بكتيريا بتعمل ده بتعمله عن طريق افراز سموم معينة أو بمجرد انها تتكاثر بمعدلات كبيرة يعني بالبلدي كده يا تقتل يا تتجوز و تجيب ناس تقتل تفضل البكتيريا تتكاثر لدرجة الضغط على الانسجه و الخلايا لحد ما حرفيا تخنقها طبعا وارد الوفاه تكون نتيجة | |
الاثار الجانبيه للدوا نفسه تذكر يا عزيزي ان خيارات العلاج وقتها كانت محدوده جدا تلاقي حبايتين بيعملوا كل حاجة مخاطرها كان شيء لازم أي دكتور يحطه في الحسبان كمان في حالات العدوي الشديده جدا ممكن الجهاز المناعي نفسه يتجنن فيبدا يفرز مواد كيميائية معينة بدل ما تقضي على البكتيريا تسبب التهابات في اماكن مختلفة من الجسم ما هو ماسك رشاش و بيلوش أو اللي الدكاتره بيقولوا عليها systematic inflammatory response syndrome خد بالك يا عزيزي انت جايلي في منطقتي العلميه فأنا هاعرضلك تقوم انت شايط أنا biology و ده تخ | |
صصي في المرحله دي المريض بتكون اعراضه مبهمه اعراض مش مفهومه ممكن درجه حرارته ترتفع أو تنخفض وارد ممكن يزيد معدل ضربات القلب معدل التنفس لكن الناس اللي حواليه كل اللي هييجي في بالهم ان ده العادي بتاع أي عدوي عشان بعدها تبدأ المرحله التانيه بعد الاعراض الغريبه بيحصل عطل حاد في اجهزة الجسم يقل مثلا انتاج الكليه للبول و تقل قدرة الرئه على التنفس و قدرة القلب على ضخ الدم و العرض الأكثر شيوعا هو تشوش الحالة الذهنيه للمريض اللي طبعا كتير من الـ | |
بيطنشوه خصوصا لو المريض كبير في السن يقولك ده بيخرف وفي النهاية بنوصل لاسوا مراحل تسمم الدم و هي الصدمه ضغط الدم بيقل لدرجة ان ما بيبقاش فيه دم كفايه لاجهزة الجسم عشان تشتغل دي مرحلة من الـ sepsis أو تسمم الدم فرص الموت منها في وقتنا ده 63% انت بتتكلم في حاجة خطر ما بالك بقى فرص النجاه منها كانت عاملة إزاي في اوائل القرن الـ 20 عشان كده كان موت ابن الرئيس حدث غير استثنائي شيء عادي و طبيعي و وارد انه يحصل في زمن كان متوسط عمر الإنسان 47 سنة و كان تلت الوفيات في أمريكا ناتجة عن أمر | |
اض معديه و أغلبها كان بسبب الدرن و النزلات المعويه و الالتهاب الرئوي 1 من كل 10 مواليد كان بيموت قبل ما يكمل سنة و من كل ألف ولادة كانت بتموت من 6 لـ 9 امهات بسبب عدوي بعد الولادة بلد زي استراليا سنة 1900 مثلا يا عزيزي كانت الـ 4 أسباب الرئيسيه للوفاه فيها هي الدرن و الالتهاب الرئوي و التيفويد و معاهم كده الجرايم و العنف فين حوادث السيارات يا أبو حميد هاه عزيزي احنا سنة 1900 لسه غبور ما كانش موجود و لا غندور و لا بتاع أبو غالي و لا لسه التوكيلات دي ما كانتش | |
العالم وقتها كان عالم تاني خالص رغم ان كل ده يبدو مش زمان أوي بالنسبالنا الا انه كان مختلف جدا عن الواقع العالم ده كان فيه الـ villain قادر الشرير كان أيده طايله و الكل في انتظار بطل superhero يغير كل شيء في افلام كتير بتكون الصدفه سبب ظهور هذا الـ superhero عضة العنكبوت اللي حولت بيتر باركر لـ spiderman صاعقة تضرب باري الين اللي هو فلاش دكتور بيرم يخبط عصفور يطلع الرجل العناب أهو كله و بطلنا الخارق في هذه القصة ليس استثناء خالص و الصدفه كذلك كانت بداية لقصته بعد 4 سنين بس من موت كالفين junior ابن الرئيس | |
الأمريكي سنة 1928 و ما ادراك ما 1928 ساعة العصاري بالاخص لاحظ ألكسندر فليمينج انه نسي العينات بتاعته من غير غطا لحد ما عفنت زي رغيف عيش نسيته على الترابيزة يومين 3 كده في الصيف ياه ده أنا كنت فاكره زعتر يا أبو حميد ألكسندر فليمينج لما جه بص على العينات بتاعته البايظه قال يوه ده أنا هارميها بقى لاحظ ان العفن دمر كل البكتيريا اللي في العينات دي قالك ثانية واحدة كده فقام راح استخلص الماده اللي تسببت في ده و قالك هي دي العفن اللي بيقتل البكتيريا يقدر | |
يقتل البكتيريا اللي بتصيبنا بتترجم معايا و لا ايه يا عزيزي فبالتالي محتاج أبقى معفن عشان انتصر على الأمراض تحريات كلب اخراج ساندرا نشات هو الصراحة يا عزيزي ما قالش كده بس باهزر بجد يا أبو حميد افتكرتك بتتكلم بجد ألكسندر فليمينج سمي هذه الماده السحريه بالـ penicillin البنسيلين نسبة إلى الـ penicillium الفطر اللي سبب هذا العفن العظيم الحقيقة ما توقعتش التقدير ده كله بس شكرا فليمينج اكتشف كمان ان الماده دي بتقتل أنواع كتير من البكتيريا زي بكتيريا الالتهاب السحائي و الـ | |
دفتيريا و سنة 1929 نشر ابحاثه في مجلة الـ british journal of experimental pathology و كان وقتها شايف ان الإستخدام الاهم للـ penicillin مش قتل البكتيريا بل عزل أنواع معينة منها في المعمل حسب حساسيتها للـ penicillin يعني البكتيريا الحساسه للـ penicillin تموت و تفضل البكتيريا اللي مش حساسه ليه و لكن في سنة 1939 بدأ هوارد فلوري و ارنست تشاين في جامعه اكسفورد ابحاثهم عن الـ penicillin و إستخدامه في علاج الجنود اللي هما احوج ناس لحاجه زي كده الناس دي طول الن | |
تتصاب و يتعدوا فيموتوا جرحي كتير في الحرب العالميه التانيه كانوا محتاجين هذا الاختراع و بالفعل نجح الـ 2 في ابتكار طريقة أفضل لاستخلاص الـ penicillin ادت في النهاية لطرحه في السوق كأول مضاد حيوي حديث وفي مارس 1942 و ما ادراك ما 1942 شهد هذا الشهر اول حالة تخف بسبب البنسيلين كانت شابه إسمها ان ميلر ان كانت مصابه بتسمم الدم بعد تعرضها لاجهاض و كانت على وشك انها تموت الدكاتره كانوا خلاص جربوا كل حاجة ممكنه أدويه و جراحه و نقل دم | |
كل ده من غير أي فايده لكن ان كانت عندها واسطه مين يا أبو حميد مدير المنطقه التعليميه لا يا عزيزي كان شخص أقل أهميه شويه ده كان الدكتور صديق هوارد فلوري شخصيا صاحب محاولات استخلاص الـ penicillin وقتها فلوري عمل اعتبار للصداقه و تكرم و تعطف في لفته كريمه و سخيه جدا على صديقه بما يعادل معلقه واحدة كبيرة من الـ penicillin يا سلام هو تاعب نفسه كده ليه يا أبو حميد ده كتر خيره و الله كتر خيره و الله ان ما قالوش روح الحس رغيف بايت يا عزيزي يا أه | |
وج قبل ما تشتم الراجل و تغلط فيه المعلقه دي وقتها كانت حرفيا نص مخزون المضاد الحيوي في أمريكا كلها التأثير لعلاج الـ penicillin كان صادم حتي للاطباء نفسهم لدرجة ان 1 منهم لما شاف تأثيره على ان ميلر كان مصمم ان اللي بيحصل ده بالتاكيد سحر اسود و فجأة الناس بقى عندها superhero الدواء المعجزة the wonder drug بقولكم ايه هاتغر عليكم و الله أنا عارفني أنا معفن و بدأت الجرايد تنشر حكايات عن أطفال نجيوا من الموت بعدوي في القلب و عن ممثله زي | |
ديتريتش نجيت من التهاب رئوي غير الجنود اللي نجيوا من عدوي الجروح كل ده يا عزيزي بفضل البنسيلين احنا قدام 1 من اختراعات قليلة جدا نقدر نقول عنها بثقه ان العالم قبلها غير بعدها خالص عارف زي مين تاني يا عزيزي مدحت صالح كان طبيعي جدا يا عزيزي ان بعدها فليمينج يفوز بجايزة نوبل للطب سنة 1945 تخيل يا عزيزي ان الحرب العالميه التانيه بتنتهي و انت بتحاول تحتفل بجايزتك و تنشر مجله time صورته على غلافها و تقول ان اكتشافه ده قد يكون أهم حتي من نجاح الحلفاء في الق | |
ضاء على هتلر يعني شوية العفن دول أهم من هبوط طيارات الحلفاء بقواتهم جوه أوروبا لاحظ يا عزيزي ان الكلام ده كان لسه جوه الحرب العالميه التانيه يعني وارد يكون فيه شيء من المبالغه و لكن يا عزيزي زي أي superhero يجب ان يظهرله villain الوحش الشرير اللي على نفس مستوي القوة و سنة 1945 و أثناء خطبة استلام فليمينج جايزة نوبل للطب و هو فرحان بقى و بيشكر اهله و بيشكر الجمهور على صوت الجمهور و بيسالوه البدلة دي جبتها منين بنشوف اول ظهور له | |
ذا الشرير لما بيقول فليمينج ان ممكن ييجي وقت يقدر أي شخص يشتري الـ penicillin من أي صيدليه هو شايف كده بالرغم من ان ده أنا اللي لقيته انه في منتهي الخطوره يعني أنا عملت البضاعه الحلوه دي بس مش عايزها تبقى في متناول الجميع لانهم سوف يسيئون استخدامها الإستخدام السهل لجرعات أقل من اللازم هيعرض الميكروب لكميات غير قاتله من الدوا و بالتالي فيه بكتيريات هتكون مقاومة ضد المضاد الحيوي و هنا لازم نقول stop ده خطر لكن للأسف يا عزيزي يا | |
تنا بنتعلم من كلام الراجل البشر ما بيتعلموش انت عارف و هو ده بالظبط اللي حصل من الاربعينيات لحد الستينيات في القرن الـ 20 شهدت المضادات الحيويه عصرها الذهبي لدرجة خلت 1 زي ويليام ستيوارت الجراح العام بالولايات المتحدة واهم مسؤول عن الصحه العامة في أمريكا يصرح سنة 1969 انه قد حان الوقت لغلق كتاب الأمراض المعديه و لكن في أمريكا نفسها بعد 54 سنة من تصريحه مش بس أمريكا اللي اضطرت تفتح كتاب الأمراض المعديه اللي ما كانش اتقف | |
أصلا لا ده اضطرت تفتح كمان كتاب التاريخ يا ساتر يا رب ده midterm ده و لا ايه يا أبو حميد يا ريت يا عزيزي العالم كله كان داخل على الـ final في 25 سبتمبر 2023 و ما ادراك باللي حصل 2023 اعلن مسئولي الصحه العامة في ولايه كلورادو الأمريكيه وفاة شخص بعدوي الطاعون انت قلت 2023 و لا 1323 الخبر يا عزيزي كان صادم جدا وقت نشره ناس كتير كانت متخيله ان الطاعون انقرض خلاص أسماء زي الطاعون دي | |
بنقولها على أساس انها افيهات ايه اللي رجعها في 2023 الحقيقة يا عزيزي الطاعون لم ينقرض بشكل كامل وكل سنة بتظهر ما بين ألف لـ 2000 حالة أغلبها في افريقيا في دول زي الكونغو و مدغشقر و أحيانا بيرو وفي أمريكا نفسها أمريكا بيظهر فيها حوالي 7 حالات كل سنة أبو حميد سؤال بديهي بس أنا محتاج اتأكد من حاجة هو الطاعون أصلا ما لوش تطعيم للأسف يا عزيزي ما فيش أي لقاح يحميك من الطاعون لحد دلوقتي و لكن عندنا المضادات الحيويه اللي قللت نسبة الوفاه بسبب الطاعون لـ 11% بس اما بقى في غياب المضادات الح | |
يويه لو سبنا المرض بدون علاج فنسبة الوفاه هتكون من 30 لـ 60% 30% دي تبان كنسبه صغيرة و لكن دي لما تكون مش فرص نجاتك ساعتها 30% كتير نسبه زي دي كانت السبب في حجم الوفيات الكبير بسبب وباء الطاعون في أوروبا خصوصا في الفترة من 1346 لـ 1353 تخيل يا عزيزي احتماليات وفاتك من 30 لـ 60% الوباء ده اتشهر وقتها باسم black death الموت الاسود و قتل ما بين 75 مليون لم | |
مليون بني آدم ايه ده مصري و منهم من 30 لـ 60% من سكان أوروبا كلها و تلتهم تقريبا من سكان الشرق الاوسط عشان تقدر حجم الكارثه دي أكتر قارنه بوباء كورونا الاخير اللي نيمنا كلنا في البيوت و لحد وقت اذاعة هذه الحلقة تسبب في حوالي 7 مليون حالة وفاه قد تظن للحظة ان تمام يعني تمام يا عم يعني عادي الحمد لله اتولدنا في هذا الزمن الجميل انت مالك يا أبو حميد ما تتكلم كويس اه عادي يعني ايه اللي جاب سيرة الموت الاسود دلوقتي و مالنا و مال الق | |
رون الوسطي المشكلة يا عزيزي يا جميل ان العلماء اكتشفوا في مدغشقر من فترة ليست بعيده فصيلتين جداد من بكتيريا الطاعون يا حفيظ الفصيلتين دول ما شاء الله تبارك الله بيتمرنوا و عاملين فورمه لا تقاوم بيقدروا يقاوموا عدد كبير جدا من المضادات الحيويه الاكتشاف ده وصفه المركز الوطني للمعلومات التقنيه الحيويه الـ ncbi انه تهديد عالمي للصحه العامة طب ما ايه المشكلة يا أبو حميد مرض جديد بيظهر نعمله علاج جديد نعالجه يبقى مرض قديم و العلاج يبقى قديم عادي يعني أسف يا عزيزي ان | |
أقولك ان فهمك لطبيعة الاشياء مزري للغايه صحيح المضادات الحيويه خلقتلنا عالم جديد لكنها أيضا خلقت عالم جديد للبكتيريا كمان عن طريق ما يسمي بالـ selective pressure أو الضغط الانتقائي ببساطه البكتيريا اللي ما عندهاش جينات تساعدها على المقاومة بتموت بواحده من 3 طرق اما ان المضادات الحيويه تستهدف جدار الخليه البكتيريه يا اما تضربها من بره البيت يعني أو استهداف مكن انتاج حمضها النووي تولع في أوضة الأطفال أو تستهدف مكن عمل البروتين أو الـ ribosomes الـ ribosome ـات ت | |
كسر المطبخ على دماغهم ادي الـ 3 طرق اضربهم من بره أوضة الأطفال المطبخ أغلب المضادات الحيويه في العالم من وقت اكتشاف الـ penicillin لحد دلوقتي بتشتغل بواحده من الـ 3 طرق دول و لكن البكتيريا على درجه كبيرة من التنوع لاحظ يا عزيزي ان احنا هنا بنتكلم على 35 الف نوع بكتيريا عشان كده دايما هناك نوع محظوظ من البكتيريا كمان الجين ده ممكن يساعد البكتيريا دي على مقاومة كل المضادات الحيويه اللي بتشتغل بنفس الطريقه و طبعا هو ده النوع اللي بيقدر يعيش و يتكاثر لحد ما يبقى majority اغلبيه ده يا عزيزي 1 من أهم أسب | |
نصيحة الدكاتره دايما انك لازم تكمل course المضاد الحيوي لاخره و يجب ان تستخدم الجرعه المحدده بالظبط لانك لو ما قضتش على البكتيريا دي و فضل جزء منها عايش فالبكتيريا دي هتتحول مع الوقت إلى super بكتيريا انت طبعا تشغلي دماغك و تقول أكيد بقى الدكتور بينفع الصيدلي و مع اول حبايتين المضاد الحيوي يشتغلوا تقوم مبطل أنا مش هقدر أقولك أكتر من ان فليمينج في قبره بيتالم يا جاهل كده البكتيريا اللي اكتسبت مناعه عايشه جواك هتفضل عايشه تتكاثر ت | |
كاثر تتكاثر تتكاثر زي ماضيك المنيل اللي بيبتلعك ده كمل كورس الـ antibiotic خليني أقولك يا عزيزي ان كل الكائنات الحيه بتتكاثر اما جنسيا زي البشر ايه يا أبو حميد احنا بنتكاثر جنسيا يعني يا عزيزي بيقولوا كده ان البشر بيحاولوا ينتجوا كائن تالت غير الاب و الام تتجمع في هذا الابن حصيلة هذه الجينات وفيه كائنات تانية بتتكاثر لاجنسيا الكائنات دي بتتكاثر لاجنسيا بانتاج نسخ طبق الاصل من الخليه الام بدون الحاجة لشريك حياه زي البكتيريا كده البكتيريا بتعمل ده عن طريق الـ | |
انشطار الثنائي و لكن يا عزيزي خلال عملية التكاثر دي بتحصل اخطاء أو طفرات بتغير من الحمض النووي الطفرات دي كمان ممكن تحصل بسبب عوامل بيئيه زي مثلا الاشعاع لما تحصل طفره في كائن حي بتنتقل لنسله ده طبعا لو تكاثر لو الطفره دي حلوة و مفيده النسل هيزدهر لو ضاره أو غير مفيده النسل هيقل بالتدريج لحد ما يختفي هذا الجين في النهاية لكن في حالة البكتيريا دي يا عزيزي الجينات مش بس بتنتقل راسيا يعني من جيل للجيل اللي بعده من فوق لتحت كده لا دي كمان الجينات بتنتق | |
بالعرض horizontal يا عزيزي بعض الجينات اللي موجودة في البكتيريا بتكون موجودة في جزء من الخليه إسمه الـ plasmids أو الـ plasmid ـات الـ plasmids دي ممكن تنتقل من بكتيريا للتانيه من مجرد انهم جنب بعض صباح الخير يا بكتيريا خدي باعتالك بلازميدايه يعني تخيل يا عزيزي روحت البيت عند 1 صاحبك خدت منه الصلع الوراثي هي الجينات عندهم بتتنقل كده أي حاجة قريبه بتروح مش بس كده الجينات الموجوده على الـ plasmids دي ممكن تنتشر اصعب بكتير من الجينات الموجوده على الكروموسومات يعني يا عزيزي لو الطريق زحمه شويه ممكن تورث من كابتن u | |
ber أكتر من أبوك لا دي كمان ممكن تتنقل لانواع تانية من البكتيريا يعني ببساطه ممكن بكتيرية التهاب رئوي يبقى عندها gene لمقاومة المضادات الحيويه تنقله لبكتيريا تانية بتسبب النزلات المعويه فتتحول هي كمان لـ super بكتيريا أو بكتيريا قاتله سبب تاني يا عزيزي لشيوع المقاومة في البكتيريا هو الـ generational interval أي الفاصل الزمني بين كل جيل و التاني عندنا مثلا كبشر المدة دي ممكن تبقى 30 سنة الإنسان العادي يا عزيزي بيحتاج من 20 لـ 30 سنة عشان يتكاثر ويجيب أطفال الـ | |
مدة دي يا عزيزي في البكتيريا من 20 لـ 60 دقيقه يعني بعد ما تتولد بنص ساعة كده بنبدأ نسالها فيه حاجة جاية في السكه و لا ايه يعني عدد اجيال البشر في 2 مليون سنة ممكن يتحول بكتيريا في سنتين و نص و عشان ده كل ما نكتشف مضاد حيوي جديد تقوم طالعه فصيله جديده للبكتيريا المقاومة ليه نكتشف الـ penicillin مثلا فتطلع بكتيريا بتفرز انزيم يكسره ننتج الجيل التاني من الـ penicillin زي الـ meticillin فتطلع بكتيريا مقاومة ليه و تبقى واحدة من اشنع أنواع البكتيريا اللي واجهها البشر نسكت لا نجيب مضاد حيوي تاني الكاربابينيمات ننتج الـ | |
كاربابينيمات سنة 1985 عشان تكون خط الدفاع الاخير ضد البكتيريا المقاومة و لحد سنة 2018 الاطباء يتعمدوا انها تتاخد بس في الوريد عشان يضمنوا ان استخدامها غالبا هيكون في المستشفي فبكدا نقدر نوعا ما نقلل فرص اساءة استخدامها لكن برضه تظهر بكتيريا مقاومة ليه و تتضاعف اعداد المقاومة ليه في أمريكا 5 مرات من 2008 لـ 2012 أغلب أنواع المضادات الحيويه بتفشل في قتل هذه البكتيريا في 50% من الحالات و 2 بس من الـ antibiotics فعا | |
لين في الـ 50% الباقية لكن دواء 1 بس نسبه فشله أقل من 10% الدواء ده هو الـ colistin طب ما حلو ده بقى يا أبو حميد بقى عاش عاش يا إنسانية عاش يا كوليسيتين و الله يا عزيزي الموضوع مش زي ما انت متخيل الـ colistin له اعراض جانبية منيله بنيله ممكن مثلا تسبب فشل كلوي ممكن تدمر اعصاب ايه ده يا أبو حميد ده دواء و لا سم هيكون عندي ايه اخطر من اني أروح للفشل الكلوي و تدمير الاعصاب دي حاجة تتعب الاعصاب ما تعرفش يا عزيزي دايما بيبقي فيه أمراض اخطر من أمراض و ربنا يحفظنا في الحا | |
دي الدكتور بيكون قدامه سؤال صعب هل نختار الدواء الاقل فعاليه والاكثر امانا و لا الدواء الأكثر فعاليه والاكثر خطوره هاه الـ back اللي بيدافع و لا الـ back اللي بيزيد ارنولد و لا اكرم توفيق دي المعادله و الاكيد يا عزيزي بما إننا بنسال هذا السؤال يبقى أكيد فيه مشكلة في كتابه superbugs بيحسب ويليام هال عدد الوفيات سنويا بسبب مقاومة البكتيريا للمضادات الحيويه و بيوصل لرقم مليون و نص حالة مليون و نص 1 البكت | |
يا فيهم قاومت المضاد الحيوي المليون و نص دول من بين أكتر من 75 مليون حالة وفاه بسبب البكتيريا المصيبة يا عزيزي ان هذا الوضع لو استمر منظمة الصحه العالميه بتتوقع ان العدد ده ممكن يوصل لـ 10 مليون حالة وفاه سنة 2050 كمان التكلفة الاقتصاديه لمقاومة البكتيريا مهوله تكلفة علاج عدوي بكتيريه حساسه للمضاد الحيوي 16 الف دولار لكن لو البكتيريا دي مقاومة و عاملة فورمه كده التكلفة هتوصل لـ 35 الف دولار فداك الفلوس بس احتمالية الوفاه ممكن توصل لـ 24% | |
ده غير طبعا الحاجات الاقتصاديه زي الاجازات و الايام اللي ما فيهاش شغل و الايام اللي فيها اقامه في المستشفي كل دي خساير على الدوله ده ممكن يكلف العالم تقريبا 864 مليار دولار كل سنة معلش يا أبو حميد انت عملت حلقة عن الموضوع ده قبل كده عشان يعني اكون صريح معاك ليه المشاكل دي لسه موجودة لحد دلوقتي هاه العالم طالما هو عارف ليه ما بنحلش بتبصلي كده ليه انت الانسانيه يا عزيزي فشلت في إستخدام الـ superhero بتاعها أي حد مفركش مقريف جايله برد بقى يكلمه الحقني يا superhero انقذني يا s | |
uperhero استغلينا امه اسوا استغلال في حين ان ده سلاحنا الاهم ضد البكتيريا احنا محتاجين نحافظ على هذا السلاح ده بيحصل إزاي إننا نقنن إستهلاك المضادات الحيويه الحاليه عشان نهدي و نبطا من rhythm المقاومة الـ cdc في أمريكا بيقدر ان 28% من روشتات المضادات الحيويه في العيادات ما لهاش أي داعي و ده في أمريكا يعني التقدم و الاقتصاد و العلم و الـ cdc خليني أقولك يا عزيزي ان في مصر حصل سوء إستخدام رهيب للمضادات الحيويه فيه تقارير قدرت ان | |
74% من حالات الكورونا اتصرفلها مضادات حيويه في الوقت اللي 19% بس من حالات الكورونا كانوا فعلا محتاجينها 74% ده رقم مهول عشان نواجه فيروس تاني فيه حاجات بتحتاجه لان الفيروس ده ممكن يخلي عدوي تخش أسهل عدوي بكتيريه كمان يا عزيزي احنا بس مش محتاجين نحافظ على الحاجات اللي عندنا احنا محتاجين نفضل نبتكر نجيب مضادات حيويه جديده و يا سلام لو بتشتغل بطريقة جديده طب و ماله يا أبو حميد ما نبتكر احنا في عصر الـ large language models و الابتكار و الشا | |
شه اللي بتطبق يا عزيزي المسأله ليست بهذه البساطة المضادات الحيويه ما بقيتش بنفس الجاذبية لشركات الأدوية عشان دواء 1 ينزل السوق فدا محتاج لـ 5 سنين من التطوير و الاختبارات و تجارب سريريه ممكن توصل بالمده دي لـ 10 أو 15 سنة لا و وارد عادي جدا التجارب دي تفشل كمان المضادات الحيويه دي بيكون استخدامها لمدة محدده على عكس أدوية الضغط و السكر مثلا مش life style و بالتالي طبيعي ان شركات الأدوية تعتبر عملية تطوير المضادات الحيويه الجديده مش مناسبة للتكلفه ث | |
م فلنفترض ان شركة أدويه نجحت في انتاج أفضل مضاد حيوي في العالم يقضي على 99 فاصله 9999 من أي بكتيريا لا superbug يهمه و لا مقاومة بكتيريا تهمه هنا هيكون التصرف الأنسب عشان نحمي المجتمع منه إننا نقلل و نقنن من إستخدامه عشان ما يبقاش زي اخواته ده حتة الدهب اللي الام بتبيعها في اخر الـ film كل ده عشان نقدر نستفيد منه لاطول وقت ممكن و طبعا ده هيخلي سعره عالي جدا عشان يعوض التكلفة قصاد الإستخدام المحدود و جايز ما يبقاش متاح للجميع أو تض | |
طر الدوله انها تقدم حوافز للشركات لدعم تطوير مضادات حيويه جديده و باسعار تكون مناسبة التحدي التاني يا عزيزي اللي بيواجه العلم هو تطوير اسلحه جديده ضد البكتيريا غير المضادات الحيويه نفسها هيعيشلنا لحد امتي الراجل يعني و هنا المجتمع العلمي بيفكر انه يستخدم مثلا حاجة زي الـ bacteriophage دي يا عزيزي فيروسات قاتله للبكتيريا حاجة كده زي ضرب الظالمين بالظالمين و لكن ما زالت يا عزيزي الطريقه صعبة جدا تقنيا و مكلفة ماديا ده غير طبعا ان انت رايح تاجر رجاله من حاره عوء انت يا عزيزي مش رايح تجيبه من هندسه الز | |
زيق و بالتالي الاختيارات محدوده و عدد الفيروسات اللي ممكن نستخدمها من غير ما نسبب ضرر للمريض قليلة كمان يا عزيزي فيه سبب إضافي مستفز جدا هو ان الباحثين نفسهم ما بقوش مهتمين بما يكفي بالمضادات الحيويه باعتبارها يعني مش cool enough anymore عايزين نشتغل على الخلايات الجذعيه عايزين نشتغل على الـ cyborgs و الـ neuralink ده زي ما تقول لحد من gen z ما تعملك account على الـ face هيقولك face ايه يا عم face ايه الله يرحمك طب فلنتفرض يا أبو حميد نفترض ان ماما قررت انها هتبطل تدي ابنها مضادات | |
حيويه على الفاضيه و على المليانه و تيته كملت جرعات المضاد الحيوي بتاعها حتي بعد ما خفت من عندها الاعراض و الدكاتره بطلوا يوصفوا المضاد الحيوي بدون داعي و الصيدليات بطلت تصرف المضاد الحيوي بدون روشيته و حطينا قوانين تقلل من إستخدام المضادات الحيويه والتوعيه انه دواء عند الضروره ينزل جدول زي الترامادول السؤال بقى هنا هل وقتها هيكون كفايه و الله يا عزيزي أنا مش عايزك تقول عليا متشائم لا يا أبو حميد تشاؤم ايه يا أبو حميد ده انت ما شاء الله رجعتلي الطاعون تاني و خليتني اكره المضادات الحيويه و | |
احبها و ارجع اكرهها و الدواء اللي حيلتنا بيجيب ضمور في الاعصاب و فشل كلوي و نروح ناجر فيروسات من على الناصيه و نعمل جداول تشاؤم ايه تشاؤم ايه ده انت متفائل اخص يا عزيزي اهدا الله بصراحة يا عزيزي للأسف كل اللي بقولهولك ده ممكن ما يبقاش كافي فعلا لان المضادات الحيويه بتستخدم بكميات كبيرة في الزراعه و تربية الحيوانات اما لتحسين نمو النباتات و الحيوانات أو لعلاج أنواع من العدوي و الوقايه منها و ده معناه ان اه مهم تلتزم بكل اللي قلناه ده | |
لكن المحشي اللي بتاكله من ايد الحاجة والدتك ده الخلطه بتاعته فيها شبت و رز و بصل و مضادات حيويه ده بيضغط على البكتيريا فتتطور و تقاوم المضاد الحيوي ده و تنقل المقاومة لغيرها و يفضل يتكرر كل اللي قلناه ده العلم يا عزيزي اشبه بالة زمن ممكن تنقلنا للمستقبل بسرعة الصاروخ بس لو فيها خطأ أو bug ـايه صغيرة ممكن ترجعنا مية سنة ورا نرجع لورا لعالم أبسط إجراء جراحي فيه فسفوسه صغيرة ممكن فيه تموت صاحبها بعدوي عالم مستحيل فيه تعمل عملي | |
ية زي زرع الأعضاء مثلا لان تكلفة ده ممكن تبقى تدمير الجهاز المناعي للأبد في عصر ما تقدرش تعيش فيه من غير جهاز مناعي عالم الـ sepsis اللي فيه بدل ما بتهدد كبار السن و الاطفال بس ممكن تموت شاب رياضي عنده 16 سنة في اسبوع عزيزي المشاهد الجميل احنا كبشر مش مركز الكون و العالم له قوانين بتمشيه طبقات الأرض بتتحرك فبيحصل زلزال زلزال بيحصل في المحيط فيحصل تسونامي هواء سخن يقابل هواء بارد فيحصل اعصار النار بتحرق عشان هي نار و الميه بتغرق عشان هي مية مش لأنها بتتامر | |
ضدنا و نفس الكلام بينطبق على البكتيريا كائنات حيه دقيقه قد تكون من اقدم الكائنات الحيه عايشه على الكوكب من 3 و نص مليار سنة بينما اول كائن عديد الخلايا ظهر على كوكب الأرض كان من حوالي 900 مليون سنة يعني لمدة أكتر من 25 مليار سنة كانت الكائنات احادية الخليه اللي زي البكتيريا هي شكل الحياة الوحيد على الأرض احنا قدام كائنات قدرت تتاقلم مع اسوا الظروف من أعلى نقطة في الغلاف الجوي لاعمق اعماق المحيط و حتي جوه البراكين نفسها لملايين السنين و لسه قادره لحد دلوقتي ان | |
تكمل عزيزي احنا في العالم ده ضيوف على البكتيريا مش العكس و باللي بنعمله ده هنبقى ضيوف خفاف كل اللي البكتيريا عايزاه انها تلاقي مصدر غذاء و تتكاثر وديه حاجات ممكن تتوفر في التربه أو في ورق الشجر أو في جسم حشره أو فار أو في حلة شوربه أو في كباية شاي أو في جسم إنسان البكتيريا يا عزيزي ليست في حرب معانا و لا عايزه تقتلنا و لا تعرفنا أصلا يمكن لما نفكر بالطريقة دي يقل غرورنا البشري و نعرف إننا مجرد جزء من الطبيعة جزء صغير من قوانينها و عشان نعيش فيها محتاجين نتاقلم مع الطبيعة بدل ما نحاول نسيطر عليها بايدينا و برجلينا و | |
بكل الطرق و ندخل في حرب مفتوحة معاها متخيلين إننا هنكسبها و لكن يا عزيزي أحيانا بتكون كل خطوة قدام هي خطوة لورا صحيح ممكن نكسب معارك و نحرق غابات و نزرع مكانها و نصطاد حيوانات لحد ما تنقرض و نعيش مبسوطين ونتمرمرغ في الموارد و لكن كل ده له مقابل و هو خلل توازن العالم اللي احنا عايشين فيه بشكل جايز جدا يدمرنا في المستقبل خلينا نتامل يا عزيزي و نفكر ليه البكتيريا هي اللي عاشت لحد دلوقتي و الديناصورات هي اللي انقرضت بس و احنا بنجاوب يا عزيزي خلينا نفتكر كويس ان احنا لسنا أفضل من الديناصورات بس كده يا عزيزي أخ | |
و ليس اخرا ما تنساش تشوف الحلقات اللي فاتت تشوف الحلقات الجديده تنزل تبص على المصادر لو احنا على الـ youtube نشترك على القناة انت عارف يا عزيزي ان 90% 90% من خلايا جسمك خلايا بكتيريا فانت لا مؤاخذه بكتيريا تطلعلها إنسان ما أنا قلتلكم من الأول ان انتم مكبرين من حقي قعدت اقولكم قننوني قننوني اخص يا بشريه يا زباله |
README.md exists but content is empty.
- Downloads last month
- 4