audio audioduration (s) 0.99 42.5 | transcription stringlengths 0 533 |
|---|---|
اقسم بالله ما هسيبه غير اما يعتذر اهدا يا عم اهدا هشرحلك هشرحلك يا استاذ هو عملك ايه يا عم بتكلم معاه عادي قام مطلعلي صوت من مناخيره يا باشا و الله مش من مناخيري يا استاذ بعد اذنك امسكه كويس اوعى يفلت من ايدك أنا الأول افتكرته نام استنيت شويه فضل مكمل بقولك ايه مش أنا اللي يتعملي صوت من مناخيرك يا باشا و الله ما بعملك اصوات أنا صوتي كده ده صوتي هو ايه اللي صوتك كده عندك اللحميه يعني لا أنا خنزير | |
ما تزعلش مني لا ما تغلطنيش فيك أنا ما قلتش كده ما اطلعش العيبه دي من بقى لا يا استاذ أنا خنزير حيوان مش قصدي يا أخويا هدي نفسك خلاص ما حصلش حاجة يا عم أنا باكل زباله كل يوم لا حول ولا قوة الا بالله يا عم خلاص أنا مش متضايق طب انت عارف أنا شويه و هحط وشي في الطينه ما تقطعش في نفسك كده يا عم الخنزير أنا مسامحك يا عم بجد انت قلبك طيب أوي يا استاذ أنا هتكل أنا علي الله سلام عليكم و الله لاقتله | |
أعزائي المشاهدين السلام عليكم و رحمة الله و بركاته اهلا بكم في حلقة جديده من برنامج الدحيح ما أعرفش يا عزيزي الخنزير بيعمل صوت ايه دايما يا عزيزي بشوفه ميوت عمري ما أعرف صوته بس ممكن اقلدلك بومبا دكتور نيك هاسلام من جامعه ملبورن الاستراليه في مقال ليه عن الشتيمه باسامي الحيوانات بيقول ان ساعات الشتيمه بتكون دلاله علي صفه معينه في هذا الحيوان الفار أو الفرخه لو حد جبان الافعي بتلدغ و انت مش مدي خوانه لو 1 متلون و مش سالك بتقول عليه حربايه ده يا عزيزي النوع الأول من الشتايم اما | |
النوع التاني ان انت تشتم بالحيوان ذاته مش عشان صفه معينه ده هو كده في كينونته عموما بينقل شعور بالقرف والكره للحيوان ده زي ما تشتم حد تقوله يلا يا خنزير شفت يا عزيزي تقيله إزاي يا خنزير و هنا يا عزيزي تكتشف ان الخنزير مكروه بدون تفاصيل مشهور ان هو كائن قذر و غبي و كسول المستثمر الجشع اللي مش راضي يبيع pig يتقال عليه مخلوق جشع بياكل كل حاجة في طريقة حتي الزباله في film سناتش بريك توب كان بينصحهم ان هما يتخلصوا من الجثه عن طريق ان هما ياكلوها | |
للخنازير ودا لان فعلا الخنازير بتاكل أي حاجة تتحط قدامها حشرات زباله جثث ميته و الناس يا عزيزي اللي بيربوا خنازير بيحكوا ان هما كائنات متسوله متطلبه الله ايه يا أبو حميد بيفتحوا الدواليب و المخازن يعني والتلاجه كده ويقعدوا يبصوا عليها اه يا عزيزي الناس قالت كده فعلا و أحيانا الخنازير بتبقي عدوانيه مع الاشخاص اللي في ايديها اكل طفسين الخنزير يا عزيزي طوله قايم عن الأرض 70 سم و مع ذلك يا عزيزي وزنه بيوصل ل 300 كيلو inshape ده المتوسط ده الخنزير اللي هو وفي بعض الحالات يا عزيزي بيتعدي الطن الخنازير بتعتبر | |
اسمن الثدييات الارضيه نسبه دهون أعلى من أي كائن بري الطفاسه دي يا عزيزي وقعت الخنزير في شر اعماله من حوالي يا عزيزي 10 آلاف سنة لما كل الحيوانات كانت خايفه و حذرة من البشر الخنازير تجاهلوا كل الخطر اللي بيمثله البشر و قربوا منهم عشان بواقي الأكل اللذيذه و المحاصيل والمكسرات اللي بيزرعوها يا ابا وريني البتاعه دي بتقول ايه كده دوقني و هنا راح البشر اسروا الخنازير والبشر يا عزيزي لما لقوه حيوان وزنه بيزيد بسرعة و طفس بياكل أي حاجة قالوا حلو ده أوي نربيه ونستانسه و | |
بالفعل يا عزيزي البشر استانسوا الخنزير البري بومبا و الخنازير البرية مش نوع 1 warthog عندك مثلا الخنزير الوحشي الافريقي أيوه يا عزيزي ده بومبا صاحب تيمون كان عمال ياكل دود طول الـ film اما يا عزيزي النوع التاني pygmy hog فهو الخنزير القزم الـ ودا يا عزيزي صغير ممكن يتحط في الجيب pigdeer أو الـ babirusa و هناك أيضا الـ ودا يا عزيزي خنزير غريب جدا انيابه كانت سنان و طولت لحد ما اخترقت فكه العلوي و خرجت بره من بين بقى يا عزيزي كل هذه الأشكال البشر استانسوا الـ wild boar حتي يا عزيزي تلاقيه شبه الخنازير الاليفه و لكن | |
رجليه اطول و شعره غامق و حتي جلده بني أو غامق ودا عشان التمويه لو بيجري ورا فريسة سواء طيور أو تعابين أو بيستخبي من مفترسين زي النمور والاسود و خصوصا يا عزيزي ان هو بينشط في الليل والفجر اما بقى يا عزيزي الخنازير المستانسه بمبي pink فمعظمها بيكون لونه ودا لان جلدها بطل يفرز الميلانين اللي بيدي الصبغه الملونه ودا بسبب التربيه الانتقائيه و لسبب ما البشر حبوا الخنزير البينك أكتر غالبا عشان يتباهوا بيه قدام القبائل لكن غير بقى الفشخره الخنازير اتربت من الاساس عشان لحمتها وفي المجتمعات الزراعيه زي مصر | |
كانوا بيستغلوها في الاراضي تغرس البذور برجليها و تخصب التربه بفضلاتها و أحيانا بيستخرجوا من سوايل جسمها علاجات للعيون أو يطحنوا سنانه مع مكونات تانية و تتحط علي الجروح البشر يا عزيزي استغلوا الخنزير زمان في كل حاجة الا الأكل ايه يا أبو حميد كان حرام وقتها اه صح الخنزير يا عزيزي في مصر القديمة كمان كان محرم أو علي الاقل في الطبقات العليا أو بين الكهنه هيرودوت المؤرخ الاغريقي بيقول ان المصريين اعتقدوا ان الخنزير وحش نجس و أي مصري يلمس خنزير لازم يطهر نفسه | |
في النيل ده يا عزيزي كان غالبا من اوائل المواقف اللي اتاخد ضد الخنزير ودا غالبا بسبب عاداته مش دايما يقولك يا عزيزي لا تصارع خنزير في الوحل فتتسخ انت و يستمتع هو ما هو من ايه الخنزير يا عزيزي يموت ويتمرمرغ في الطين و ياكل القذاره ما يهمهوش يشوف الزباله والقذاره و ياكل bigtasty يحط عليهم صوص و كمان يا عزيزي الخنزير كان مكروه عشان لحمته بتبوظ بسرعة فكان ثقافات كتير ما تحبش تربية وقت الصيف في حر الجزيره العربية مثلا كان صعب تقتل خنزير و تاكل لحمته قبل ما تبوظ اسهلك | |
تدبح فرخه و تاكلها في نفس اليوم غير كده يا عزيزي الخنازير حيوانات عنيده و مش سهلة في الحركة فكانت عدوه لنظام حياتهم اللي مبني علي التنقل المستمر هو عايز يقعد ويفخد و ياكل لكن في نفس الوقت يا عزيزي الخنازير بتولد بسرعة كبيرة ولو حصل جفاف ممكن تدبحها براحتك و لما المطره ترجع هتجدد اعدادها من تاني اسرع من الغنم و المعيز والبقر لحد القرن الخامس قبل الميلاد الشرق الاوسط كان معتمد علي 4 حيوانات فيما يخص اللحمة كانوا | |
معتمدين بشكل أساسي علي الغنم و المعيز والبقر و الخنازير لحد ما جت اليهوديه و حرمت اكل الخنزير وجه ذكره في سفر التثنيه والخنزير لانه يشق الظلف يعني حوافره مشقوقه زي حوافر الغنم و المعيز لكنه لا يجتر يعني مش من المجترات فهمت أنا يا أبو حميد اللي هي زي البقر و المعيز عندهم جهاز هضمي يخليهم يبلعوا و بعدين لما ييجوا يرتاحوا يرجعوا الأكل لبقهم اللي هو اجي امضغ شويه و بعدين اتعب ينزل الأكل في البطن و بعدين أقعد بقى في حتة كده مع كبايه الشاي و اقوم مطلع الأكل تاني امضغه | |
بقى و اشرب كبايه الشاي كده قدام الحظيره اجتره حتي يا عزيزي تلاقي المعيز والبقر كل شويه قاعدين بيمضغوا كده الخنزير بقى يا عزيزي ما بيجترش معدته بسيطة زي معده الإنسان عشان كده بيقال فهو نجس لكم فمن لحمها لا تاكلوا و جثثها لا تلمسوا و بعد كده ييجي الاسلام ويؤكدلك تحريم اكله الا الضروره انما حرم عليكم الميته والدم و لحم الخنزير مش بس لحمته الامام الرازي بيقول اجمعت الامه علي ان الخنزير بجميع اجزائه محرم لان الخنزير | |
من ساسه لراسه ما فيش حتة فيه بتترمي الفنانه الهولنديه كريستين مايندرشتما تتبعت الخنازير من ساعة ما بتدبح و وجدتها بتخش في 185 منتج كريمات بشره صابون خميره زبده و أدويه و مواد دهان حتي يا عزيزي رصاصات الاسلحه بيخش فيها إزاي يا أبو حميد مش حجمه كبير شويه في صناعتها يا عزيزي في صناعتها يا لذيذ ده غير كمان لحمته اللي بالرغم من تحريمها في ديانتين كبار الا ان لحمه الخنزير يا عزيزي و أسمع هذه المفاجأة أكتر لحمه | |
بتتاكل في العالم cow ايه مش الـ cow مش الـ how أقولك علي التقيله يا عزيزي طبعا cow غير الـ البقره يا عزيزي هي المركز التالت how المركز التالت cow ايه الـ fried chicken نسيت يا عزيزي الـ المهم يا عزيزي التصنيف في المركز الأول الخنزير ثم الفراخ ثم البقر ودا يا عزيزي لان الخنزير انتاجه سهل و غزير و لكن حتي في الثقافات اللي بتاكله بتشوفه برضه حيوان قذر و خسيس الدكتوره ميلاني جوي why we love dogs eat pigs | |
and wear cows ليه بنحب الكلاب و بناكل خنازير و بنلبس بقر بتقول انها سألت طلبه عن صفات الكلب فرصوا صفات زي ان هو لعبي حبوب ذكي بيحرسنا بعدها سالتهم عن الخنزير فقالوا ان ريحته عرق و قذر و غبي و قبيح و كسول و تخين يا عم الله يسامحك يا عم الله يسامحك الدكتوره بعد كده بتسأل الأطفال كام 1 فيكم شاف كلب فكله رفع أيده بعدها سالتهم كام 1 فيكم شاف خنزير طلبه قليلين رفعوا أيديهم طب كونتم انطباعكم عنه إزاي قالك شفناه في الصور و الا | |
فلام والكتب التليفزيون اللي حكالك عني و انت صدقته جه حكالي عنك و أنا صدقته شيء غريب جدا يا عزيزي ان رؤيه الإنسان للخنزير في الحياة تكون نادره كده أنا عارف طبعا ان هو متحرم في المنطقه بتاعتنا و لكنه حتي في معظم الدول سهل تشوف بقره بترعي أكتر ما تشوف خنزير مع ان زي ما قلتلك الخنازير اللي بتتربي عشان الأكل أكتر بكتير من البقر و لكن السبب في ده ان الخنزير بيحتاج ظروف حبس استثنائيه ظروف بتبينه معفن و كسول | |
و غبي لكن الحقيقة يا عزيزي عكس كده من القرن الـ 20 و تصنيف الخنزير علي انه من الماشيه ما بقاش شيء دقيق لانه بدأ يزاحم الكلاب كحيوان اليف لكن تربيته صعبة شويتين 3 ودا بسبب ان احتياجاته معقدة و بيحتاج تتواصل معاه كتير و بيمارس الرياضة و محتاج تديله العاب لانه بيحتاج تحفيز ذهني دائم لانه يا عزيزي علي عكس الاعتقاد السائد الخنزير ليس كسول ما هواش بروطه الخنزير حيوان نشيط و عدواني دولة زي باكستان الخنازير فيها محرمه عشان 96 % منها | |
مسلمين و لكنها عزيزي موطن لعدد كبير جدا من الخنازير البرية الـيوروايشن بورز قارفينهم في عيشتهم الخنازير يا عزيزي مطلعه عينهم بتاكل المحاصيل و بتهاجم الناس و بتخرب الممتلكات فيه حالة يا عزيزي من الشغب الخنزيري في باكستان والنشاط ده يا عزيزي مش دايما في الشر الخنزيره الام في الطبيعة لما بتيجي تولد بتعزل نفسها عن القطيع بتمشي مسافة طويله بتوصل ل 65 كيلومتر ببطنها الكبيرة دي لحد ما تلاقي مكان امن تولد فيه و تقضي ساعات بتبني عش للاطفال و عشان | |
يوصلك الجهد المبذول في بناء العش خليني أقولك ان عش 1 وزنه بيوصل لربع طن من النباتات فالخنزير عموما بيحتاج حريه مطلقه و مساحه واسعه لانه في العادي بيقضي اليوم بيشمشم ويحفر ويحشر مناخيره العجيبه دي في كل حاجة مناخير الخنزير حساسه جدا للمس والشم بيشم بيها روايح تحت الأرض فتحات مناخيرها واسعه عشان تتنفس أكتر و تبرد جسمها فتلاقيها بتشخر علي طول عشان بتخرج كمية هوا كبيرة وفي نفس الوقت المناخير مكونه من غضاريف قويه عشان تزق بيها الحاجات | |
ودا سلوك مشهور عند الخنازير rooting إسمه الـ بيزق بمناخيره التربه و الجمادات و السلوك ده بيتغرس فيهم من و هما أطفال لما بيزقوا و هما أطفال حلمات امهم عشان تنزل لبن و بعد ما بيتفطموا بيفضل السلوك حاجة بتهديهم و كمان يا عزيزي الخنزير مش بيتمرمرغ في الطينه قلة ادب هو ببساطه مسكين ما عندهوش غدد عرقيه للعرق يعني كفايه انها تبرد جسمه فبيعمل زي الفيل بيغطي نفسه بالطينه الخنازير اللي عايشه في بيئات باردة بتكون نضيفه ما بتحتاجش تنزل في الطينه زي يا عزيزي شاطئ الخنازير في جزر الباهاما هي يا أبو حميد الخنازير راحت الباهاما و أنا | |
لا خليك يا عزيزي في سيدي بشر 2 مميز الخنازير هناك يا عزيزي بتتمرمغ في الميه و بياكلوا فريسكا و بينا كولادا و هناك يا عزيزي الفورمه بتبدأ من طن و انت طالع الخنزير يا عزيزي في الحقيقة حيوان نضيف ما بيعملش حمام في مكان قريب من عيشته واكله و لكنه يا عزيزي للاسف في الحبس ما عندهوش اختيارات الخنزير يا عزيزي حيوان ملول بيزهق من الروتين فكر يا عزيزي في احساسك كده و انت مستني دورك في طابور أو صاحبك لاطعك بالـ 4 ساعات و هو بيربط الكوتشي ملل مؤلم تخيل بقى لو بتتعرضله بشكل مزمن ده يا عزيزي اللي بيحس بيه الخنزير في ال | |
حبس ما فيش حاجة تتعمل كل يوم بيكرر نفس الحاجة الملل بيحصل للحيوانات لما تكون مدخلات الاستثاره بتاعتها قليلة بالبلدي كده ما حدش بينكشه وفي نفس الوقت الدافع الاستثاري بتاعها عالي يعني هي عايزه تتنكش انتي خنزيره انتي انتي كلبه ما بتعرقيش تاكلي زباله و هنا يا عزيزي بيحصل للخنزير زي اللي بيحصلنا وقت ما بنزهق قلق و اكتئاب و اعراض نفسيه و مرضيه يبداوا الخنازير يتخانقوا مع بعض بصوت عالي أو يقعدوا ياكلوا لحد ما تجيلهم سمنه و التهاب في المصادر ايه ده بجد يا أبو حميد اقصد التهاب في المفاصل طبعا freudian slip بس هي معلش بفكر في المصادر | |
تجيب حيوان عنده فضول زي الخنزير عايز يستكشف و يشمشم و يشوف دنيا و تحطه في اقفاص حديد ما يقدرش حتي يلف جسمه فيها بياكل و يتسمن و يتكاثر و لما يولد و يقول يا رب الحمد لله ربنا رزقني بعيال اتسلي بيهم يعزلوا ولاده عنه المهم في هذه البيئة ان انت ترص أكبر عدد من الخنازير ما فيش فرصة لتكوين صداقه أو بحث عن الامان وسط مجموعه خصوصا لو انت محبوس علي أرض خرسانيه صلبه و هنا مع الاكتئاب بيبداوا يعانوا من القرح والاصابات في حالة عصبيه مسجله للخنازير إسمها procine stress syndrome عند البني آدمين ptsd دي يا عزيزي زي الـ أو اضطراب ما بعد الصدمه | |
الخنزير يا عزيزي بيتشنج و بيقلق و بينهج وبيظهر عليه طفح جلدي و أحيانا بيموت من الرعب و الخوف ودا طبعا عكس انطباعنا عنهم ان هما ما بيحسوش خد يا عزيزي مفاجاه و تصريح خاص لبرنامجنا الخنازير مخلوقات حساسه جدا مش بس بيصرخ لو اتالم الخنازير بتصرخ لو حاسه بالاهانه صحيح ما فيش video ـهات كتير للخنازير و هي في مراحل التربيه والانتاج و لكن فيه video انتشر لخنزير و صاحبه بيوجهه بعصايه كده علي كتفه اللي هي يعني الطريقه المثالية في التعامل مع الخنزير والخنزير كان بيصرخ و الناس سألت | |
هو الخنزير بيعمل كده ليه الخنزير يا عزيزي بيعمل 20 صوت مختلف شخير همهمه تحذير و لكن اصعب طبعا هذه الاصوات هي الصريخ الخنزير بيصرخ أكتر شيء مرعب ممكن تسمعه في حياتك هو صراخ الخنازير في المجازر الخنازير يا عزيزي بتواجه ممارسات استثنائيه سواء في التربيه أو الحبس أو الدبح فمثلا لازم ديلها يتقطع لأنها لما بتتوتر بتعض ديلها غالبا بيتقطع من غير تخدير و حتي من غير ادوات حاده كمان مع هشاشه عضمها و تسمينها الخنزير ساعات رجليه بتتكسر و بيتضرب عشان | |
عمرهم ما كانوا متعودين عليه الخنازير في الطبيعة بيعيشوا في قطيع قطيع مكون من عدد معين كل فرد فيه عارف التاني انت شفت يا عزيزي الام لما كانت عايزه تولد مشيت 65 كيلو يعني ممكن تبقى عايزه مكان عايزه مساحه space عايزه اما بقى في الحبس فكل يوم بالنسبالهم بيكون عذاب ما بيسمعوش فيه غير صريخ افراد عيلتهم طول الوقت تقدر تشوف قلة حيله و حزن في عيونهم الله بس اشمعني الخنازير يا أبو حميد ما كل حيوانات المزرعه كده الفراخ ما هي بتقلق أكيد علي كتاكيتها والبقر بيزعل لما بيفصلوه عن ولاده و الخرفان عارفة افراد قطيعها | |
عندك حق يا عزيزي و لكن خليني أقولك ان الخنازير في حتة تانية خالص في الباهاماز يا أبو حميد و لكن يا عزيزي لو عملنا قائمة باذكي 10 حيوانات فالخنزير هيكون غالبا في الخمسه الاوائل مش بين حيوانات المزرعه لا أنا بتكلم علي حيوانات اذكيا زي الدولفين والشمبانزي والفيل الخنازير مثلا اذكي من الكلاب و بتتعلم اسرع من الرئيسيات و الدلافين في أحد التجارب الباحثين جابوا 4 خنازير قدام video جيم يحركوا الدراع بمناخيرهم عشان يخبطوا نقطة في الحيطه الزرقة و لما النقطة بتتخبط في الحيطه الزرقة الخنزير بينزله اكل | |
الخنازير بسرعة فهموا و قدروا يلعبوها و الباحثين بيقولوا ان كون الحيوان قدر يربط بين حركه الدراع و اللي بيظهر علي الشاشه فدي حاجة مش قليلة خصوصا انه حيوان ما عندهوش صباع ابهام joystick يحرك بيه الـ عنده طول نظر far sight و كمان في نص التجربة يا عزيزي الجهاز باظ ما بقاش ينزلهم اكل لما يخبطوا النقطة في الحيطه الزرقة و لكن الخنازير كملت لعب لمجرد ان الباحثين كانوا بيقولولها كلام حلو و كان الخنازير بتتسلي باللعبه مؤلفه الدراسه دكتوره كانديس كروني بتقول ان الخنازير حساسه لطريقة | |
تعاملنا معاهم و بيتاثروا بيها و قالت عن ذكاء الخنازير ان الكلاب بتبصلك والقطط بتبصلك لكن الخنازير بتبصلك في عينيك جرب كده يا عزيزي تبص في عين الخنزير هتشوف ذكاء واضح المناخير كده و بص كده في عينه crop ايه الـاي كيو ده كنت بتلعب لعبه الاختلافات و انت صغير ولا ايه ده انت ذكي جدا و صحيح ان الباحثين منبهرين بسلوك الخنزير و لكن الكلام ده بالنسبه لأي حد شغال في مزرعه خنازير مش مفاجاه خالص الخنازير دايما بيقدروا يتلاعبوا بأي موقف لحد ما يوصلوا للي هما عايزينه يتمسكنوا | |
لحد ما يتمكنوا الخنزير حيوان لمض و عنيد الباحثين في جامعه اوتفس لوراند جابوا كلب و خنزير صغننين عمرهم 4 شهور عشان يشوفوا فرق التعامل بين ده ودا معانا كبشر لما الباحثين بيدوهم اكل كان الكلب والخنزير بيبصوا لوش الباحث و لما وقف توزيع الأكل الكلاب كانت بتبص في وش الباحث برضه اما الخنزير فكان بيتجاهلهم و يعمل حاجة تانية هو هنا فهم يا عزيزي فهم ان الباحث بيحلو عليه طب يلا شوف بقى مين هيمشيلك التجربة و عند بعند هتانسن عليا هخنزر عليك في تجربة تانية الباحثين كانوا | |
بيحطوا طبقين اكل و يجيبوا كلب و خنزير غير مدربين و يشاورولهم علي طبق 1 من الاتنين الكلاب كانت بتروح علي الطبق اللي بيشاورلهم عليه الباحث لكن الخنازير كانت بتروح علي الطبق اللي هما عايزينه بغض النظر اتشاورلهم فين التجربة دي يا عزيزي بعض الناس بتفسرها ان الكلاب مطيعه و الخنازير عنيده هذا الفرق يا عزيزي بيحكي عن تاريخهم التطوري مع البني آدمين الكلاب مستانسه من 15 الف سنة عشان يشتغلوا جنبا لجنب مع البني آدمين يحرسوهم و يصطادوا معاهم الخنازير من أقل من 10 آلاف سنة و مش بتتربي عشان حراسه و لعب و هزار | |
دي بتتربي عشان لحمتها التفرقه دي هي اللي ساهمت في اختلاف الخنازير و الكلاب في تعاملهم مع البشر من و هما في سن صغير الخنزير فعلا من أكتر الحيوانات المظلومه في مملكه الحيوان الممارسات القاسيه بتحصل مع أي حيوان لكن الصورة الذهنيه اللي في دماغنا عن الخنزير انه كتله من الدهن ما بتحسش حيوان شرير يستاهل كل الاذي خلت التعامل معاه يكون في غاية السوء و هو في الآخر مجرد حيوان روح اللي بنعمله يا عزيزي ان احنا بنطلق صفات بشريه علي كائن غير بشري | |
بنصبغه بصبغه اخلاقنا اللي بناء علي الشكل احنا عمرنا ما اتعاملنا معاه anthropomorphism تعاملنا معاه بالانسنه طبقنا حاجات فينا كبشر عليه ودا فضل يزيد مع تطور الحضاره و انعدام اتصالنا بالحياه البرية و العالم الطبيعي و الكائنات الاخري بقينا نكون انطباعاتنا عن الحيوانات عموما من الكرتون والافلام فبقى بالنسبه لناس كتير الخنزير جشع والدب لطيف والتعلب مكار و البومه حكيمه و القط بياكل وينكر مع انه ما كلش و ما انكرش صفات أكثر واقعيه من الحيوان نفسه الإنسان القديم شاف الخنزير حيوان أو | |
مكنه بتحول أي حاجة للحمه دخل له أي حاجة يطلعلك لحمه و دهون و من ساعتها و عجله الانتاج ما وقفتش لكن النهارده احنا نعرف عن الخنازير أكتر و كده كده كل الحيوانات تستاهل الرحمه و أكيد مش الذكاء هو المعيار و لكنه بيزود ادراكه بالالم النفسي و الجسدي فدا ادعي ان انت تبقى رحيم بيه أكتر كل الديانات امرت بالرحمه تحريم اكل الحيوانات يا عزيزي ليس مبرر لاذيتهم فدا يا عزيزي ليس مبرر ان احنا ناذيهم بأي شكل من الأشكال بس كده يا عزيزي أخيرا و ليس اخرا ما تنساس تشوف الحلقات اللي فاتت و الحلقات اللي جاية | |
تنزل تبص علي المصادر ولو احنا علي الـ youtube نشترك علي القناة افتكر دايما يا عزيزي ان فيه ناس في حياتك لو الخنزير شافهم ريقه هيجري ليه يا أبو حميد لان شخصياتهم زباله | |
README.md exists but content is empty.
- Downloads last month
- 5