text stringlengths 0 1.1k |
|---|
Wo wjacerěčnym kubłanju |
Kompetencny a koordinaciski centrum za pólšćinu we Wostrowcu (KoKoPol) zarjadowaše wot 3. do 5. oktobra 2025 w Marijinym dole seminar za pólsko-němske swójby wo temje „Wjacerěčne kubłanje dźěći w pohraničnym regionje“. Na nim wobdźělichu so w Němskej bydlace pólske resp. pólsko-němske swójby, kotrež swoje dźěći (tež) ... |
Wo serbskorěčnym kubłanju w pěstowarnjach |
W awstriskim Celovcu/Klagenfurće wotmě so 25.–27.9.2025 konferenca „Skupno (zhromadnje) 2025“, na kotruž bě towarstwo za pěstowanje a šěrjenje słowjenšćiny w Korutanskej „Mohorjeva/Hermagoras“ k wosmemu razej přeprosyło. Lětsa wěnowaše so temje „Elementarne kubłanje jako zakład za wuknjenje rěče“, kotraž so z najwšelak... |
Płomjo 10-2025 wušło |
Wo čim čitamy w Płomjenju? W aktualnym wudaću zhonimy mjez druhim |
• wo nowej seriji KITO, MAJA A POTAJNA KŘINJA, kotraž změje swoju premjeru njedźelu, 5. oktobra 2025, we zwučenym wusyłanskim času Pěskowčika w telewizijnym programje MDR, |
• kak je so Damianej z kuzłarskeje šule na čaporowych wikach zešło, |
• što je serbska skupina rjadownje 1a zakładneje šule “Handrij Zejler” we Wojerecach w prěnim lětniku wšitko dožiwiła, |
• što hólcy a holcy něhdyšeho 4. lětnika Radworskeje zakładneje šule wo swojich dožiwjenjach z cirkusowym projektom rozprawjeja |
• a čehodla so łopjena w nazymje přebarbjeja. |
8. serbska comicowa dźěłarnička |
Sobotu, 27.09.2025, smy mjeztym 8. serbsku comicowu dźěłarničku přewjedli, tónraz na Radworskim dwórnišću inkluzije. Znaty ilustrator Stefan Hanuš je dohromady 19 šulerjow 3. do 6. lětnika z Budyšina, Radworja, Pozdec, Worklec, Pěskec, Pančic-Kukowa, Prawoćic a Budestec do potajnstwa rysowanja comicsow zawjedł. Tež šul... |
50. jubilej Ralbičanskeje šule |
Lětsa spomina Ralbičanska šula na 50-lětne wobstaće noweje šule. Na projektowym dnju poskićichmy srjedu, 24. septembra 2025, dźěłarničce „Serbske powěsćowe figury“ a „Koleso“. Šulerjo smědźachu sej tři dźěłarnički wupytać a sej tak indiwidualny dźeń zestajić. |
Naša projektowa sobudźěłaćerka Weronika Butendeichowa předstaji w prěnim přeběhu z pomocu kamishibai (powědarske dźiwadło) připołdnicu. W powěsći powěda holca, kak su ludźo w dawnych časach len předźěłali. Tuž wobhladachu sej šulerjo 2. do 4. lětnika symješka, kotrež w suchej hłójčce lenoweje rostliny tča. Woni zeznach... |
Naš socialny dźěłaćer za swójbne kubłanje Křesćan Lebza je ze šulerjemi 4. do 7. lětnika koleso nic jenož teoretisce, ale tež praktisce rozebrał. Při tym złožowaše so na material „Kołowokoło kolesa“, kiž je so w RCW nadźěłał. Spočatnje wospjetowachu šulerjo wobchadne znamješka a jednotliwe dźěle kolesa. W praktiskim dź... |
Płomjo 9-2025 wušło |
Wo čim čitamy w Płomjenju? W aktualnym wudaću zhonimy mjez druhim |
• wšitko wědźenja hódne kołowokoło wolejbula, |
• kak móžemy sej po nawodźe pčołki Pawliny jabłukowu girlandu paslić, |
• po kotrym recepće kuchar Tomaš z tójšto strowymi přidawkami melonowy tykanc přihotuje, |
• zo chcedźa na pasionskich hrach w Chrósćicach nowy system testować, kotryž přełožuje serbšćinu runočasnje do wjacorych cuzych rěčow, tute tež hišće předčita a na słuchatka wukrajnych hosći sćele |
• a kak móžeš testować, hač sy fit kaž črij abo tola lěni a njepohibliwy kaž stary psyk. |
Žiwjenje wobohaćić 2, wučbnica za nabožinu za 7./8. lětnik |
Za šulerjow 7. a 8. lětnika na wyšich šulach w Sakskej předleži k nowemu šulskemu lětu nowa serbska wučbnica za katolsku nabožinu “Žiwjenje wobohaćić 2”. Jedna so wo licencne wudaće nakładnistwa Klett. |
Nowa kniha wobsahuje 9 kapitlow k sćěhowacym temam: 1 Mój Božo – tak njemóže to dale hić! Profetiscy čłowjekojo, 2 Za koho maće mje wy? – Jězusa zrozumić spytać, 3 Biblija – (mój) kompas?, 4 Wobrazy wo Bohu, 5 Cyrkwinske stawizny we wobrazach a słowach, 6 Wuknyć jedyn druheho zrozumić – wot reformacije k ekumenje, 7 Ab... |
Z wučbnicu Žiwjenje wobohaćić 2 předleži nowy, moderny material za šulerjow a wučerjow. Nowa kniha, ze skazanskim čisłom 7/97/25-1A, je za 23,95 € w Smolerjec kniharni w Budyšinje na předań. Dóstanjeće material pak tež přez online-wobchod Ludoweho nakładnistwa Domowina. |
Biosfera 7 |
Za šulerjow 7. lětnika na Serbskim gymnaziju w Budyšinje a za dalšich, kiž wučbu biologije na gymnazijach w Sakskej w serbskej rěči maja, je wušła nowa serbska wučbnica biologije „Biosfera 7”. Po wučbnicomaj Biosfera 5 a Biosfera 6 je to třeća w tutym rjedźe jako licencne wudaće nakładnistwa Cornelsen. |
Biosfera 7 wobsahuje slědowace kapitle: „Bakterije a wiry”; „Krejny wobtok čłowjeka a imunitna biologija”; „Zežiwjenje, wuměsowanje a pohib”; „Wólbne wobłuki”. Tu wobjednawaja so jědźne mylenja, fitnes a strowota kaž tež mikroorganizmy a jich wuznam. Přizamknje so serbsko – němski a němsko – serbski register z najwažni... |
Nazhonitaj serbskaj wučerjej a fachowcaj biologije Rejza Šěnowa a Konrad Lipič staj němsku wučbnicu Biosphäre 7 swědomiće do dobreje a předewšěm do zrozumliweje serbšćiny přełožiłoj. Jimaj na tutym městnje jara wulki dźak za spušćomnu podpěru a radu. |
Biosfera 7 wabi spodobneho wuhotowanja wučbnicy dla do wuknjenja. Tež jara aktualnej temje – jědźne mylenja a strowota a fitnes – so tu nazornje wobjednawatej. Tak zhonja šulerjo wjace wo nerwoznej anoreksiji abo maniji suchosće, musklowej maniji, wo wšelakich formach jědźneje manije a wo adipozitas a zaběraja so z př... |
3. čisło Serbskeje šule 2025 wušło |
W aktualnym wudaću serbskeho fachoweho časopisa Serbska šula |
• rozprawja Aleksander Draguła, rěčny pedagoga RCW w Choćebuzu, wo certifikaciji znajomosćow delnjoserbskeje rěče a analyzy zmylkow w pisanju, kotrež su wotbłyšć wuknjenskeho procesa, |
• předstajamy nowostki, z kotrymiž startuja šulerki a šulerjo w Delnjej a Hornjej Łužicy lětsa do noweho šulskeho lěta, |
• zhonimy w rozprawje nawodnicy Serbskeje wyšeje šule Worklecy Diany Šołćineje, zo maja so MINT-poskitki a kooperacije na šuli zakótwić, zo móhłoj so tam tež w přichodźe zaměraj – wědomosć wobkedźbować a slědźerske wjeselo zbudźić – docpěć, |
• informuje Křesćan Lebza, socialny dźěłaćer za swójbne kubłanje w RCW, mjez druhim wo swojim komunikaciskim blidźe, kotrež poskića stajnje póndźelu popołdnju na Žitnych wikach w Budyšinje, |
• recensuje Justyna Michniuk klanku Lingufino Drježdźanskeje firmy Dialog Toys hladajo na potenciale a hranicy jeje wužiwanja w delnjoserbskej rěčnej wučbje. |
Naša maćeršćina 3 |
Za šulerjow 3. lětnika je wušła nowa wučbnica serbšćiny, Naša maćeršćina 3. Wučbnica ma nadawk, šulerjow rěčnje zdźěłować a zdobom kubłać. Wona rozrjaduje so do 9 kapitlow z temami z bjezposrědneho wobswěta dźěći. Při wuwiwanju wučbnicy su so wšitke wuknjenske wobłuki wučbneho plana wobkedźbowali: rěčenje, pisanje, čit... |
Płomjo 7/8-2025 wušło |
Wo čim čitamy w Płomjenju? W aktualnym wudaću zhonimy mjez druhim |
• wo swjedźenju serbskeje rěče, kiž zarjaduje so kóždolětnje za šulerjow 3. a 4. lětnika, kotřiž wuknu serbšćinu jako cuzu rěč – kaž na přikład w Nowej Wsy blisko Wojerec abo we Wulkich Zdźarach, |
• kak tworjachu šulerjo kuzłarskeje šule dešć, zo bychu wulkej suchoće wotpomhali, |
• wšitko wědźenja hódne kołowokoło olympiskich hrow a zo stej najnowšej disciplinje breakdance a squash, |
• kak su w jutrownych prózdninach młodźi serbscy koparjo a młode serbske koparki zhromadnje trenowali a zo steješe jim při tym wosom trenarjow a jedna trenarka poboku |
• a zo měješe LUTK w muzeju ideju, čitarkam a čitarjam Płomjenja raz powołanja a powołanske perspektiwy w Serbskim muzeju w Budyšinje bliže předstajić. |
Warjenski kurs Płomjenja |
Hač přinjese ličba 13 njezbožo? Při warjenju na zbožo nic. Na póndźeli w poslednim šulskim tydźenju běchu mjenujcy wosom hólcow a holcow do Wjelbika přijěli, zo bychu so na mjeztym hižo 13. warjenskim kursu Płomjenja wobdźělili. Tež lětsa smědźachu dźěći zaso z Tomašom Lukašom hromadźe słódny meni přihotować, kotryž po... |
Lutki 2-2025 wušli |
Nowe wudaće LUTKI-zešiwka wěnuje so prawemu zadźerženju w nadróžnym wobchadźe. We wobrazowej stawiznje k wumolowanju a zasopowědanju by Witko bjezmała do awta zaběžał, njeby dźěd jeho w poslednim wokomiku wotzady hrabnył. Tuž zwučujetaj po puću do płuwarnje, kak so droha wěsće přeprěči. Paslenski nawod za amplu a spěwč... |
W přinošku “Wěsće do šule – kak dźěći šulski puć zmištruja” dóstanu starši wažne pokiwy wot fachowče Niny Tzscherntke, projektoweje referentki Němskeje wobchadneje straže z. t. A skónčnje nańdu starši w zešiwku 2. dźěl wuslědkow interviewow dr. Sary Mičkec ze staršimi a dźěćimi serbsko-němskich swójbow k temje “Serbska... |
W zešiwku za kubłarki a kubłarjow předstajimy serbske rěč spěchowace zaběry za dźěći w horće. Nimo toho wabimy za dalekubłanje k temje “Mimika a gestika w imersiwnym rěčnym kubłanju” z referentom Křesćanom Schröterom, dźiwadłowym pedagogu ze specializaciju na pantomimu a clowneriju kaž tež biografiske a dokumentariske ... |
Nowy material za wučbu serbšćiny: Čitanska sowa |
Za šulerjow zakładneje šule je wušoł nowy material k spěchowanju čitanskeje kompetency w předmjeće serbšćina, Čitanska sowa. Jedna so wo 9 čitanskich hrow, kotrež hodźa so z cyłej rjadownju hromadźe ‘hrać’. Kóžda hra wobsahuje 24 kartkow k rozdźělnym temam: Šulske wěcy, Jutry/Nalěćo, Drasta, Zwěrjata, Kalender, Swjedźe... |
Čitanska hra je koncipowana jako čitanski rjećaz, pola kotrehož maja dźěći w skupinje sej mjez sobu připosłuchać, předčitać a prawje reagować. Dźěćo ze startowej kartu započina. Kóžda kartka so předčita. Ručež dźěćo w předčitanym swójsku kartu spóznaje, wone wotpowědnje reaguje a předčita potom tekst swojeje karty. Tak... |
Terminologija za předmjet biologija |
Wušła je nowa hornjoserbska terminologija za předmjet biologija. Wona je so w našim lektoraće za pedagogisku literaturu na zakładźe płaćacych wučbnicow znowa zestajała a bu wobšěrnje rozšěrjena a aktualizowana. Do noweje terminologije smy zapřijeli wědu ze slědowacych fachowych wučbnicow, kotrež w serbskej rěči předlež... |
• Wučbnicy biologije 5 a 6 za wyše šule w Sakskej, |
• Biologija – Level 7 a 8 za gymnazije w Sakskej, |
• Biosfera 5, 6 a 7 za gymnazije w Sakskej. |
Mjenowana nowa zběrka je za šulerjow wyšich šulow a gymnazijow a njewobsahuje jenož fachowe zapřijeća z registrow horjeka mjenowanych aktualnje płaćiwych wučbnicow, ale kopicu dalšich wažnych a lědma znatych serbskich fachowych zapřijećow. Su to nimo pomjenowanjow za floru a fawnu mjena zwěrjatow a jich stawow ćěła a p... |
Wulki dźak słuša na tutym městnje bywšej fachowej wučerce Rejzy Šěnowej, kotraž je z kritiskim wóčkom a fachowej radu při zestajenju terminologije pomhała a wobšěrne dźěło hač do kónca sobu přewodźała. |
Płomjo 6-2025 wušło |
Wo čim čitamy w Płomjenju? W aktualnym wudaću zhonimy mjez druhim |
• što su šulerki a šulerjo 2. lětnika zakładneje šule we Wulkej Dubrawje při napjatej ekskursiji po wsy wšitko zeznali, |
• wšitko wědźenja hódne kołowokoło tenisa, |
• recept za bananowy chlěb, kiž je cyle jednorje a spěšnje přihotowany, |
• kak móža šulerjo swobodne dny a hodźiny lěćnych prózdninow na lóštne wašnje přežiwić, |
• a zo wozjewja staršiska iniciatiwa Radwor z. t. dwunjedźelski serbski wědomostny podcast za dźěći. |
2. wudaće Serbskeje šule 2025 wušło |
W aktualnym čisle Serbskeje šule 2/2025 čitaće: |
• wo rěčnym planowanju k wuwiću a rewitalizaciji hornjo- a delnjoserbskeje rěče, |
• wo nastaću a nadźěłanju serbsko – čěskeho słownika Mudra 2.0, |
• wo ewaluaciji koncepcije 2plus a wažnosći spěchowanja zrozumjaceho čitanja. |
Dale rozprawjamy wo 57. olympiadźe serbskeje rěče, intensiwnym rěčnym kursu w Budyšinje a předstajimy poskitk w Chrósćicach, hdźež přewjeduje so swójbny sport. Wučerjam – praktikarjam poručimy dźěłowe łopjena k wabjenskim widejam, kotrež staj Karin Schöne a Lubina Hajduk-Veljkovićowa nadźěłałoj. |
Wulět do swěta wědy 1 |
Wušła je 1. mapa noweho rjadu “Wulět do swěta wědy”, kotraž je so w zhromadnym dźěle z koordinatorkami serbskich zakładnych šulow Chrósćicy, Ralbicy, Worklecy a Pančicy-Kukow nadźěłała. Jedna so wo wuknjenske karty za wěcnu wučbu, kotrež móža so jako wudospołnjacy material w 3. a 4. lětniku wužiwać. Jednotliwe karty wu... |
Tutón woblubowany wuknjenski system skića wšitkim dźěćom zwučowanski poskitk, kotryž wjeselo čini a motiwuje. Nadawkowe karty w kombinaciji z kašćikom zmóžnjeja samostatne dźěłanje, wospjetowanje a skrućenje rozdźělnych wuknjenskich wobsahow z bjezposrědnjej samokontrolu. |
Mapu dóstanjeće za 18 eurow w Smolerjec kniharni abo w online-shopje Ludoweho nakładnistwa Domowina. |
End of preview. Expand in Data Studio
README.md exists but content is empty.
- Downloads last month
- -