audio audioduration (s) 0.05 31.5 | transcription stringlengths 1 770 |
|---|---|
عالسلامة الناس الكل | |
آ# كيفما قالكم تعرفوا إسمي ولقبي donc خليني ندخل directement في صلب الموضوع | |
يزينا من آك الكلام اللي ستانستوا بيه صباح وليل في الmotivational speeches اللي يقولوا لكم الدنيا إتطير طيران | |
الدنيا تحفونة الدنيا مفيهاش مشاكل وفلان الفولاني عمل فلان الفولاني قد وإنتوما هي فرحانين وتصفقوا وشايخين | |
عبارة لهنا جايين تاخذوا في نوعية متاع drogue اللي يعطيكم حربوشة تعيش باها نهار ثنين ثلاثة ونهارة لي تتحط قدام أول مشكلة في حياتك تاقف وتتبلنتا | |
donc آنا بيانسير ما دامني ننقد في الحاجة أذيا donc شنعمل العكس متاعها | |
صباح وليل في الmotivational speeches يحكيووا لكم ويقولوا لكم فلان الفولاني قد مارك زوكربيرغ عمل بيل غيتس عمل بيل غيتس وصل | |
لكن ثمة كلمة تحفونة عاللخر تقول لك ليس الشأن في سرد السيرة لكن الشأن في إتباع المسيرة | |
كيفاش إنك صباح وليل تسمع في العباد هذيا شقدت لكن إنت وين موجود مالعباد هذيا؟ | |
صباح وليل يقولوا لكم الدنيا تحفونة عاللخر والدنيا ومفيهاش مشاكل الدنيا لازمكم تكونوا فرحانين برشا في الدنيا هذيا غالط كلام فارغ | |
ثمة كلمة زادا تحفونة عاللخر تقول لكم الأضداد أنداد | |
كيفما ثمة في الدنيا هذيا الخايب ثمة الباهي كيفما ثمة السهل ثمة الشدة كيفما ثمة الفرح ثمة السرور | |
إنت محطوط في الوسط تختار الثنية اللي بش تمشي فاها | |
donc صباح وليل إذا كان بش يقولوا لكم الدنيا تحفونة عاللخر لا الدنيا إنت تختار تردها يا باهية يا خايبة | |
صباح وليل زادا يقولوا لكم في الدنيا هذيا ما لازمكش تخاف ما لازمكش تكون حشام | |
خليني عالأقل نسئلكم شكون فيكم حشام لهنا؟ يهز يده | |
باهي برشا | |
على فكرة الحشام عمره ما يهز يده قدام عباد ما يعرفهاش عالأقل قدام العبد لله | |
يعني حتى إنتوما في نوعية les messages لي توصلوا فيها لرواحكم قاعدين تحكيوا مع رواحكم بالغالط | |
يقولوا لكم في الدنيا هذيا لازمك تكون عندك حاجة مهمة عاللخر اللي هي ما حبتش تتعدى تويكا لي هي dreams | |
صباح وليل يحكيووا لكم عالdreams | |
شكون فيكم لهنا عنده dream ميسالش يهز يده مفيهاش فازة | |
باهي برشا | |
إنحب إنهنيكم ونقول لكم لي آنا نعرف أعز بلاصة تنجموا تحققوا فيها الdreams متاعكم تعرفوا وين؟ | |
برا إمشي أرقد حط راسك عالمخدة هتاو تسربي لك ثمة مسربية إتطير طيران متاع dreams | |
تنجم يتعدى لك dream ديجا عندك زيد عليه des effets خاصين وإلا شوف des dreams أخرين جدد وإنت إستنبط | |
باهي في الدنيا هذيا إنو يكون عندك dream | |
هي مهمة لكن الأهم من هذايا الكل إنو الdream متاعك يتعدى لحقيقة | |
يحكيووا لكم you have to believe in your dreams أوكي | |
you have to believe in your dreams | |
لكن تعرفوا شمعناتها believe in your dreams | |
إنك تؤمن بالحلم متاعك الإيمان بالشيء يقتضي وجود ذاك الشيء في أرض الواقع | |
يعني مش في مخك | |
الحلم هذايا والخيال ما هو إلا مناط الخيال لي موجود في عقلكم | |
لكن في أرض الواقع إنت وين موجود؟ | |
وري لي وين وصلت في الدنيا هذيا | |
يحكيووا لكم يقولوا لكم ما لازمكمش تكونوا ناس خوافة لا لازمك تكون | |
تعرف علاه؟ | |
فطرة | |
الإنسان psychologiquement psychiquement اللي تحب إنت الخوف ما هو إلا ردة فعل يعملها الإنسان بش يحمي نفسه | |
يقول لك في الدنيا هذيا لازمك تكون نية باهي عاللخر مع الناس الكل صحيح لازمك تكون نية لكن ما لازمكش تكون بهلول | |
يجي لهنا يستنبط لك الكلمة اللي نعرفوها أحنا صباح وليل يقول لك مالقرآن إن بعض الظن إثم أي نمشي معاك | |
ربي قال إن بعض الظن ما قالش إن كل الظن إثم | |
donc بعض الظن باهي بش إنك تحمي روحك وما غير_واضح في زمرة البهاليل | |
يعني يخليكم تنظروا للأمور بطريقة أخرى مخالفة لاللي تعرفوه إنتوما في حياتكم | |
يقول القايل أوكي ضياء إنت تحكي لنا لهنا وبرشا مفاهيم بدلتها لنا | |
كنا نؤمنوا بحاجة ولينا نخظروا بطريقة أخرى وننظروا بشي آخر مخالف لي ستانسنا بيه | |
لكن شنوا لهنا لازم نعملوه؟ | |
في الmotivational speeches أكثر حاجة ناقصة في الدنيا هذيا هو أنه يعطيكم الkeys اللي لازم تتصرف بيهم في حياتك | |
الكلكم تتفرجوا في motivational speeches sur internet أدخل يوتيوب تو تلقى ستين مليار ألف فيديو متاع motivational speeches | |
منهم مرة سئلت برشا ناس قالوا لي أي أحنا نتفرجوا سئلت واحد منهم قتله شنوا نوعية الmotivation speeche تفرج فاهم قال لي متاع فيتناس وينه بدنك؟ | |
يعني أوكي تتفرج في فيتناس ودرا شنوا وإنت مسلعف معناتها سبحان ربي ما جات شي معناتها | |
وينك في أرض الواقع؟ | |
طبق في أرض الواقع | |
علاش قلت لكم هي نوعية متاع drogue | |
لكن آنا ما إنحبش إنمدي لكم الdrogue أذايا إنحب إنمد لكم keys | |
في أرض الواقع باهي إنو يكون عندك dreams مهم لكن الأهم إنك إتطبقهم وتشوفهم موجودين | |
ولهنا تتعدى آمنت بالحلم متاعك وتعديت مالخيال وآك الحكايات التافهة والفارغة هذيكا وتعديت لأرض الواقع | |
إنت عايش في واقع يقولوا لكم لازمك تعيش بأمل أي باهي إنك تعيش بأمل | |
لكن باهي إنك تعيش شوية أمل في وسط واقع عيش بواقعك | |
ما تجيش إنت تصور تجيب إنسان من djibouti تجبدوا من تحت صيد يتعارك هو وياه وتحكي له عالأمل آنا أمل متاعك؟ | |
يعني يقو# آنا راني عايش في واقع راني تحت صيد تويكا وبش ياكلني نتفارع آنا وياه وإنت تحكي لي عالأمل والدنيا تحفونة والدنيا مفيهاش مشاكل لا | |
باهي في الدنيا هذيا إنو يكون عندك dream | |
لكن بكيفاش ترده في أرض الواقع موجود | |
هي شعرة صغيرة لكن مهمة برشا | |
هي إنك تعمل ما يسمى بالplanification كيفاش تتعدى في الplanification متاعك the dream متاعك تشوفه في أرض الواقع | |
إنتوما عايشين اليوم ماكمش عايشين البارح صحيح ما تخزرش البارح حتى إذا كان خزرت لماضيك تعلم منه | |
لكن إنت عايش في أرض الواقع اللي هو توا le présent | |
إذا كان إنت بش تتعدى مالpresent متاعك بش تمشي للfuture هي الثنية طويلة لكن شنوا لازمك تعمل فاها؟ | |
لازمك تخطط تبدى إنت عندك حلمة اليوم تحب تشوف الحلمة متاعك هذيكا في المستقبل موجودة وتعيشها | |
أوكي بش تبدا تخطط وبش تبدا تشوف في روحك إنسان فرحان إنسان متبسم إنسان شايخ عامل كيف عامل جو كيف السيد أذاكا | |
لكن إنت تويكا في الوقت الحالي تعرف روحك شكون؟ | |
ما تعرفوش بالقدا | |
إذا كان نعطيكم تويكا نص ساعة الكلكم تكتبوا لي five statements على رواحكم | |
à part إسمك لقبك وعنوانك أتاو تعدي نص ساعة تكتب كان زوز بركا | |
أما كان نسئلك على صاحبك اللي قاعد بجنبك تو تعطيني مش five بركا تو تعطيني مليار | |
علاش؟ على خاطر الوقت اللي تعديها مع أصحابك أكثر مالوقت اللي تعديه مع روحك | |
اللي تفرحه لأصحابك أكثر ماللي تفرحه لروحك | |
اللي تحكي فيه مع أصحابك أكثر ماللي تحكي فيه مع روحك | |
يعني بالرسمي برشا ناس يقول لك تبهليل أذاي نحكي مع روحي لا | |
أكثر العباد اللي تلقاها تعرف تتكلم ومتكلمانية وتعرف إتطبق في أرض الواقع هي العباد لي تحكي مع رواحها لكن تحكي في الكلام الرسمي الصندي اللي بش يوصلها | |
إكتشف روحك في أرض الواقع إنت تويكا شكون إذا كان ما عرفتش روحك شكون حكاية فارغة | |
زادا ثمة حاجة طيارة برشا رد بالك تكون إنسان سريع عاللخر | |
يقولوا لك الدنيا تجري الدنيا طايرة بينا الدنيا فلاش طايرة بالعباد لازمك تكون سريع عاللخر أمهأه | |
آن نعطيكم exemple تصوروا أحنا قاعدين في الصالة هذيا دخل علينا صيد مش مهم إنك تكون أسرع واحد في الصالة لكن لي أهم من هذايا إنك تكون أسرع ماللي بجنبك | |
باش وقت اللي إنت تقطع الصيد يلقاه هو بجنبه | |
هذا شنوا لازم يصير في الدنيا هاذي | |
ما لازمكش تكون سريع خاطر ساعات كي تزرب وكل شي ما وصلت ما عملت شي وجا مليح | |
لكن au moins هوكا كمبصتها لواحد فديته بش الصيد يتلهى فيه والناس الكلها تهرب | |
وخليك ذكي في الدنيا هذيا أعرف روحك إنت شكون غلب لروحك | |
برشا ناس يقول لك آنا نعرف روحي آنا باهي في كذا وباهي في كذا وباهي كذا أي وإمبعد؟ | |
أهم من إنك تعرف ق# فاش إنت تبدع أعرف مواطن الضعف متاعك | |
أعرف وين إنت تفشل في الدنيا أذيا وإخدم عالles points أذوكم | |
على خاطر إذا كان إنت ما خدمتش عالles points faibles متاعك راو لعداء متاعك في الدنيا هذيا ولا اللي يتمناوا لك الفشل بش يخدموا عليك إنت في الpoint هذاكا | |
donc أعرف نقاط القوة متاعك وظفها وأعرف نقاط الضعف متاعك إنت وإستثمرها | |
donc لهنا كيفما قتلكم لازمك تعرف إنت شكون | |
لازمك تكتشف نفسك | |
غربلوا رواحكم | |
أحكي مع روحك | |
آنا شنوا الحاجة اللي قوي فاها |
End of preview. Expand in Data Studio
README.md exists but content is empty.
- Downloads last month
- 166