Datasets:

flagship-ai
/

cameroon_bibles

text stringlengths 2 1.14k
1:À lò mugho Pôl Ǹ tɔɔ̄ wo mwàʼsò kən ko â ghɛ̀. Zə kə̌ fə tsə̂m tsughu nû, kə n nì kɔ̀ʼ mugho enyəa Ǹ doʼò tsughu tùm è Kə̀lestò Yɛso. Ǹ lo fɛ ghàʼ à wàazə̀ waʼa Sɔ̀stɛ̂ns aŋghəa Ǹ tɔɔ̄ mwàʼsò kən ko.
2:Ŋ̌ mwàʼsò kən kə tɔɔ wò â dzeŋe kə ghì a Kəzə ghəla ghe lo an naʼ e Kɔ̀lênt, ghɛ̀ ghî ghəla ghe fə̀ sûw tsughu ghɛ enyəa ghɛ̀ e lo fəgha ko kə mɔ̀ʼ ghèe ghê Kə̀lestò Yɛso aŋghəa Zə̀ kə fə̀ ghəŋlo enyəa ghɛ̀ doʼo ghî a wə̄n à zɔlɔ gho, ghɛ̀ à ghê ghì ghən à dzəm an lùʼù tən tə dzəm ghe tɔɔ̄ŋ tsughuu...
3:To Kə̀zə̀, Tsele ù sɛ̀, ghèe Mughùbè Yɛso Kə̀lestò mò fughu ghɛ â bughuun zo ghe dêe sughò ghɛ̀ â dzɔ̀ e ghee zo.
4:Ǹ tsôo fùghuu tsəghà ko kəzɔ̀ŋlò â Zə kò bòʼ dzɔ̀ zəla kə lo mo kə n dè â ghɛ̀ am bàm e Kə̀lestò Yɛso.
5:À fə̀ lo sugho am bàm e Kə̀lestò Zə̀ kə fə̀ ghəŋlo enyəa ghɛ̀ e kuu alo aghəa a dzə̀m, ghɛ̀ è ki shwaʼ ù dzûŋ wò alo edzughu àsùghò tɔ wo alo ketūw.
6:Zə n dè tsùghù enyəa Tùm è Kə̀lestò zəla ghǎʼ mò bughò naʼà wo â ghɛ̀ lǒ êsəŋò.
7:Zən lò e ghee ghɛ̀ ki mɛʼɛ̄ fughu wəla Zuʼ tə Kəzə̀ tə̀ fughu â ghɛ̀ a dzə̀m, aŋghəa ghɛ̀ ləə̄m ndûw tsuʼ fəla Mughùbè ù sɛ̀ Yɛso Kə̀lestò lo kôom bughōo ebàm a te.
8:Ù kè ghə̌əŋ nù ghɛ̀ è tɔʼ ti alendùw kuʼù ndûw, enyəa ghɛ̀ e ke lo mò ghɛ̀ ki dzʉ ù li wo an Tsuʼ u wəla Mughùbè ù sɛ̀ Yɛso Kə̀lestò kə̀ bugho e bàm a te.
9:Zə̀ kəla kə fə̀ tɔŋɔ ghɛ̀ enyəa ghɛ̀ e lo fəgha ko kə mɔ̀ʼ ghɛ̀ à ghê Wɛ ù wə̄n Yɛso Kə̀lestò tɔɔŋ Mughùbè ù sɛ̀ naaŋ nù dzughu e wə̄n zo am fəgha kəla ù to naŋa enyəa e lo ghəəŋ nù.
10:M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.
11:Ŋ̀ ghəa ghən gho enyə dzàa wò â ghɛ̀ a waazə̂ ghaŋa gho bòʼ ghî à li gho an kɔn u Kəlôes ghə̀ n dzɛ̀ â mùghò enyəa ghɛ̀ zughùu zěe aŋ eghùe zɛʼɛ.
12:Ghəa zəla M̀ moʼnlò alekə̀a wô lò enyəa, chìa am bvʉa zɛʼɛ̄ dzâa tsùghùu enyəa, “Ǹ lo ghùw ù Pôl.” Ŋkāa, “Ǹ lo ghùw ù Àpolòs.” Ŋkāa, “Ǹ lo ghùw Sɛfàs.
13:À lò enyəa Kə̀lestò dzùghùun dòʼò nù à? Ŋkāa à lò enyəa à mò lo Pôl ghe mò təghāa an tuw wɛʼɛ, ŋkāa ghe mò ghɛ a mùghù ŋ Kə̀zə̀ m fughu an zən e Pôl a?
14:M̀ fughûu zɔ̀ɔŋ kə Kəzə enyəa Ŋ̀ ka mō ghùw wɛʼɛ ù lì â mùghù ŋ Kə̀zə̀ n nyɔ̂ʼ fughu mò à gɔ̀ʼɔ̀ ko yo Kə̀lespòs ghèe Gayòs.
15:Êzə̀, ghùw sò yò dzə̂ alevùŋù nîi ndûw enyəa ghe mò ghɛ â mùghù ŋ Kə̀zə̀ m fughu an zən zaŋā.
16:(M̀ maā mùghù ŋ Kə̀zə̀ m fughu ko nû sùghò â Stɛ̀fanàs ghèe ghêe ghì a wə̄n gho a dzəm alo kəbē; Ŋ̀ kôom kwò dzə yo enyəa M̀ maā ghùw ù li â mùghù ŋ Kə̀zə̀ ŋ kôom fùghù kpeʼe sùghò).
17:Kə̀lestò ka fə mugho tùm wò dzə enyəa M̀ bughò mùghò è fughuu mùghù ŋ Kə̀zə̀ mò, ù mò mugho tum wo enyəa M̀ bughò zughòo làbəlà è wə̄n è dzùŋ, Ŋ̀ ka mo làbəlà è te zughòo dzə an dzùghù è kpəŋō zo. Ŋ̀ ka mo ləgha dzə enyəa tùm è dàaŋ kə Kə̀lestò bùghò doʼò kənughùnùghù mò e kì y...
18:Dàaŋ kə Kə̀lestò kə lo elâʼsò â ghì ghəla ghe lo alo kəleŋe, yìa à kuūwn lô daʼa kə Kəzə kò â sɛ̀ ghəla ghe bəghaasəa tsughu.
19:Ghe tɔm naŋa am Mwàʼsò kə Kəzə̀ enyəa, Ǹ lo ghəəŋ tsughu ghî ghəla ghe moʼò enyəa ghe tɔɔ nù e ke yo aleghə̂əŋ ghəa è li zo. Ǹ lo ghəəŋ tsughuu nù ghî ghəla ghe moʼò enyəa ghe ŋgee tɔɔ nù kele tsughu enyəa tɔ u ghee u ki yo fwàʼ kə̀ li ko.
20:
21:Tɔŋlo enyəa ghəa è fə lô enyəa ghî a mbī yo dzə̂ alekele Kə̀zə̀ an tɔ e ghee, Zə kə̀ n ləgha kɔʼ aletsəghàa tsughu an làʼsò zəla sɛ̀ zughòo kaŋlō enyəa kə bəghāsə̄ ghî ghəla ghe boō fughu tsughu â wə̄n.
22:Nu Dzûu tə ləghaa alekòʼ tətsə̌a aledèe tsughu enyəa à làbəlà zən fughu wò Kəzə̀, ghî a Gəlês yia kəŋo ghî ghəla ghe lo alekə̀a wô ghe â tɔ wo.
23:Dzûu tə̀ kuuwn ləghaa yo làbəlà è dzuŋ zəla ghàʼ naʼn wo kùu ndùw Kə̀lestò wəla ghe mò təghāa alo kədàŋlo, làbəlà e te zə̀a è lò elâʼsò zò â ghì a Gəlês ghò,
24:Yia kuūwn bughò â ghì ghəla Zə kə lo mo kə ŋ ghee nî, ŋkāa à lò Dzûu tò, ŋkāa ghî Gə̀leʼ ghò, làbəlà e te lo Kə̀lestò wəla ù ki daʼa kə Kəzə̀ àsùghò tɔ u Kəzə̀ wò.
25:Tɔŋlo enyəa lâʼsò e Kəzə è tughu tsəghà tɔ e aghì ghə̀n a dzə̀m, lɛɛ e Wə̄n zə e tughu tsəghà sə sə̂ŋ e ghì gho a dzə̀m.
26:Waazə̂ ghaŋa gho, kòʼo tsughu aŋghəa ghe mò tɔŋɔ ghɛ a te, ndəm zɛʼɛ mò yo dzə̂ ghî à tɔɔ gho an sə a ghì a mbī gho, ndəm zɛʼɛ ŋ ki dzə yo daʼa kə li ko, ndəm zɛʼɛ ŋ kè seā sughò an ndùm tə səŋò tò.
27:Zə ŋ kə̀ m fwən nì kɔ̀ʼ fəgha kəla kə lo elâʼsò am mbī aledə̀nsò tsughu tuw u ghì à tɔɔ gho, Zə kə̀ n shìaa kɔ̌ʼ bvùʼù mə ŋ ghəanlò am mbī aledə̀nsò tsughu tuw kə ghì à tughu gho a te.
28:Ù n shìaa kɔ̀ʼ ghəa ghəla ghe chwiīlwiī àsùghò lwənso mə ŋ ghə̀an mò, bùʼ shìaa kɔ̀ʼ sùghò ghəa ghəla a buw alo aghəa aletsughuso maʼà ghəa ghəla a lô ghəa gho.
29:Zən mò lo aleghəə̄ŋ tsughu enyəa ghùw è yo aletsɔ̀ fəŋ an sə kə Kəzə.
30:Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.
31:Zən lò e ghee ghe tɔm naŋā am Mwàʼsò kə Kəzə̀ enyəa, “Mò ghùw tsɔ̀ɔ fəŋ, ù è tsɔɔ̄ nduw fə̀ŋ am ghəa zəla Mughu ù te lo mò ù ŋ ghəŋlo.”
1:
2:Ghe m fughu ghee a dzə̀m â mùghù ŋ Kə̀zə̀ mò aŋghəa ghe mò bwîi nduw a bǎà Musî am mbàʼ zə̀ àsùghò an dzùghùntsòʼ e te.
3:Ghee a dzəm n dzeŋe zəa kô fʉ̀ghazəa u shʉ̀ghà
4:mʉa sùghò fəgha kə mʉa kə shʉ̀ghà kə mɔʼɔ̄ ko; nu ghe fə mʉa an Nɛ kə ushʉ̀ghà kəla kə mò bughōo ghèe ghee, Nɛ kə te kə fə̀ lo Kə̀lestò.
5:Ǎ ŋ ŋgəəŋ lò ko êzə mò fəŋ è Kəzə zɔ̀lɔ yo a zəŋò ndə̀mà ghee à li gho; ghe mô è kpuwnlo, gwən a ghee ghə n ndza tsughu ŋgwən e dzəm.
6:Êzə̄ŋ, ghəa ghən fɛ lò alekʉ̀ɛɛn sɛ̀ enyəa to sɛ̀ kâ mò ləghà ndùw dzə ghəa à biigh gho tò aŋghəa ghe fə̀ ghəŋlo.
7:Kà nlò doʼò ndùw ghî ghəla ghe kɔʼso mùʼù mò tò aŋghəa ghee à li a fə̀ ghəŋlo. Ghe tɔm naŋa am Mwàʼsò kə Kəzə̀ enyəa, “Ghì a te ghə̄ n tsùghù dòʼò tsughuu alezə, ghe mo è mʉ, daŋso nùghù kɔ̀ʼ â bən zo.”
8:A ki dzə yo aledzə̀n kə̀ghu aŋ ghəa à nuūŋ kaaŋ gho tò ghee à li a fə̀ ghəə̄ŋ kaŋlo, ghee kam tə aghì ŋghəm m bə̀ghà à kam to tə təgha fə̀ bvʉ̂ kpuw wo alo fətsūʼ.
9:A ki dzə yo naŋā tsughu Mughu ù te enyəa a e mɔɔ̄ koʼō, to ghee à li a fə ghəŋlo zughu tə n nūum wī tsughu ghee.
10:A ki dzə yo aleshwənlo, aŋghəa ghee à li a fə̀ ghəŋlo, tsə̀ndə̄ghā è Kəzə̀ zəla è dzùuw maʼn ghî ghò m bùgho wì màʼà tsughu ghee.
11:Êzə̄ŋ, ghəa ghən fə̀ fɛ a zəŋò ghee sə kɔʼ tǒ ekʉ̂ɛnlò â ghì ghò a dzə̀m, ghe ŋ kuūwn tɔ̄m naŋa tsughu enyəa à dòʼò tsughu etsʉ̂ â sɛ̀ an tì kən êzə̄ŋ a mbī so e bughò mîaa.
12:À fi lo enyəa ghùw wəlà ù kwo enyəa e tɔ̂ʼ tì nû, ù nìi kɔʼ eghômlò, ù lò neē bvʉā.
13:Ghəa è li e yo dzə̂ e fəmsō ghɛ mo e kaām fəmso kòʼ tsə̀ghà ghì à loʼ gho. Zə̀ kə̀ nâaŋ dzughu e wə̄n, vʉ̀a ù yò dzə̂ alebōo enyəa ghəa è li e tsoom ghɛ̀ mo zə n tsə̀ghàsə̄ daʼa kɛʼɛ ko. Abugho ghəa e bughò tsoōm kɔʼ ghɛ, kə n dè wò sùghò dzì zəla ghɛ̀ lo aletiī sə a te, nyəa ghɛ̀ è lo alekɔlɔ ...
14:Waazə̂ ghaŋa ghəla Ŋ̀ ŋgeē ləghaa, ghɛ̀ zəghaa maʼa tsughu alekɔʼsô mùʼù mò.
15:Ŋ̀ ghəa ghən kə̂aa wò tò Ŋ̀ kə̂aa ndùw â ghì à tɔɔ gho, ghɛ̀ lɛɛn tsughu fəgha kəla Ŋ̀ kəaa ghè kò.
16:Wùa zəla sɛ̀ dzeŋe mʉā səa kɔʼ a te abugho a kɔʼsō Zə kò, à mgbàŋ yò kâŋ tə Kə̀lestò a sɛ̀ dzeŋe mʉā a? À m bùghò a boʼn zə kɔʼ bɛ ko, à fi mgbaŋ yò gwən e Kə̀lestò a dzeŋe zəā a?
17:Ghəa bɛ kə lô ko kə mɔ̀ʼ mò sɛ̀ kuūwn lǒ ndə̀m, a fi lo enyəa sɛ̀ lo ko gwən e ughùe e mɔ̀ʼ, nu sɛ̀ a dzəm dzeŋe zəa kô bɛ kə mɔʼɔ̄ kə te ko.
18:Kòʼ nlò ghî ghə Ezə̀lɛ̂ ghò a, ghî ghəla ghe zəā fʉgha wəla ghe sɛ̂ ndûw alo kətsaʼ mgbaŋ yò kəfəgha kə mɔ̀ʼ ghèe ghê ghì ghəla ghe fwaʼa fughu alo kətsāʼ a tsəlà Zə̀ kò à?
19:M̀ fɛ ləghaa aledzɛ̀ èndūghō a? À lò nû enyəa fʉghàzəa wəla ghe kɔʼɔ fughuu nduw â mùʼù fò lò nû fəgha kə̀ li ko a? Ŋkāa à lò enyəa mùʼù fə̀ lo nû fəgha kə̀ li ko a?
20:Ɛ̂ŋgaŋ dzə̂, Ǹ dzɛ̂ enyəa ghî ghəla ghe kwo yo Zə̀ kò, ghe fʉgha u ghee u ndûw fùghuu ndùw â zʉ̀kɔ̂ŋ wò, mò à yò dzə̂. Ǹ ləghaa yo enyəa ghɛ̀ è təmadzəəŋ ghɛ̀ à ghê zə̀a m bǐigh mò.
21:Ghù yò dzə̂ alemʉ̄a aŋ wùa è Mughuù te, ghù è mʉa sugho aŋ wʉ̀a è zə̀a m bǐigh mò. Ghù yò dzə̂ alezə̄a dzəəŋ ghɛ̀ à Mughu ù te zəa dzəəŋ sugho ghɛ̀ ghê zə̀a m bǐigh mò.
22:À lò enyəa a dəmà aleghəŋlo enyəa Zə̀ kə̀ pfʉso kɔʼ unʉghà à? À lǒ mò sɛ̀ tughu tsə̀ghà nǔ Zə̀ kò à?
23:
24:E kwo ko ghùw lò kaā fwaʼà ko an dzughu e wə̄n, ù kì alefwaʼā fughuu nduw sugho â ghì à li gho.
25:E pfʉa nyòm zən e dzə̀m ghe fênlo an tia e nyôm mò ghù kà ghəa gho am fə̂ŋ zəghà bvʉ̀nlo, ghəa a te a lô fəmso fə̀ŋ zə̀ghà.
26:Ghe tɔm naŋa am Mwàʼsò kə Kəzə̀ enyəa, “Ghueekətsə̄ àsùghò fʉghà wən u dzə̀m u lo a te à kì Mughu ù te.”
27:Abugho ghùw tɔŋɔ̄ ghû alo ezə̄, mò ù kà bǒo fughu â Kə̀lestò, ghù vʉ̀a ghù tsəm tsughu alendùw, mò ù nì wò ko kə̀ kwò, zə̂a mò ghù kà ghəa gho a te bvʉnlo am fə̂ŋ zə̀ghà, ghəa a te a lô fəmso ghû.
28:Abugho ghùw ù lì kpaʼ kuūwn dzɛ̂ wo â ghǔ fughu enyəa, “Ghe mô nyòm zən sɛ nduw alo fəmùʼù.” Ghu vʉ̀a ghù zuwkɛlɛ tsughuu ghùw vʉ̀, aleghəŋlo enyəa e kwo fə̀ŋ è ghùw ù li lô fəmso wə̄n,
29:mò M̀ moʼò fə̀ŋ è ghùw vʉ̀, mò à yò dzə fə̀ŋ zə̀ghà, kà zə dzə̀ fʉghàzəa u te wo. Mò à sò lo kwo ndzə̀əm kə emùghù kaŋa kê so lo aŋ ghu kə bəən kə utɔ kə ghùw ù lì a?
30:Abugho Ǹ zə mò mùghò m fughu zɔ̀ɔŋ kò a te â Zə̀ kò, ghe sô mùghò saʼâ kwò alo eghəa mò mùghò m fughu zɔ̀ɔŋ kò a te a?
31:À fi lo enyəa abugho ghù zəā ŋkāa ghù mʉā fəgha kə li ko, e ghəəŋ ghəa a te gho alefughuu nduw zɔ̀ɔŋ kò â Zə̀ kò.
32:Kà e ghəŋlo enyəa fəgha kəla ghù zəa doʼò tsù ù li wo â Dzûu tò ŋkāa â Tòʼò zò ŋkāa â dzeŋe kə ghì a Kəzə ghò.
33:M̀ dəmà sùghò enyəa to ghî ghən à dzəm mò dùʼnlo aŋ ghəa ghəla Ŋ̀ ghəŋlo a dzəm, Ŋ̀ kəŋo dzə yò alekēlê fəgha kə̄la kə dzɔɔ̄ â mùghò, à lǎam lò kəla kə sô dzɔ̂ɔ ndəm è àghì, enyəa to ghe mô zə kətuw.
1:
2:M̀ fughûu kɛɛ wɛʼɛ bòʼ ghɛ̀ moʼn nù mugho alo aghəa a dzəm, ghɛ̀ yia naāŋ sughò ghəa ghəla mùgho mò zoʼn naŋa tsughu â ghɛ̀.
3:Ŋ̀ ləghaa enyəa ghɛ̀ zuwkɛlɛ tsughu enyəa Kə̀lestò lò kətuw a zəŋò wìnû, wìnû vʉ̀a ù lò tuw ko a zəŋò wi ù wə̄n, Zə̀ chia kə lô tuw ko a zəŋò Kə̀lestò.
4:Wìnûu wəlà ù gɔ̀ŋlo ŋkāa ù dzàa shʉghà wò mò ù tsən naŋâ kətuw, ù fi chwiilwīi Kə̀lestò wəla ù lò tuw ko a zəŋò wə̄.
5:Yia kuūwn būghō wìzən wəlà ù gɔ̀ŋlo ŋkāa ù dzàa shʉghà wò mò ù kì tuw kə zum ko, ù fi chwiilwīi num ù wə̄n wəla ù lò tuw ko a zəŋò wə̄n: à lò ko eghəla to ghe lô kɔɔ̄ tsughuu tuw kə wə̄n ko.
6:Abugho wìzən tue aletsəla naŋa tuw kə wə̄n, ghe fi ki alekɔɔ̄ maʼà tuw kə te ko. Abugho à lò ghəa a tùw kə dəla ko â wìzən alekɔ̄m tuw kə wə̄n, u fi ki ko aletsəlā naaŋ tsughu tuw kə te ko.
7:Wìnûu ndòʼ kì dzə yo aletsəlā naŋâ tuw kə wə̄n, nu ù dèe wò fəgha kəla Zə kə lo ghè kò aŋ kòʼ e wə̄n. Wìzən vʉ̀a ù dèe wò kɔʼso məla wìnû ki aŋ kòʼ e wə̄n.
8:Ghe kafə̄ wìnûu bɔm sə kɔ̀ʼ dzə a zəŋò wìzən, à fə lo wìzən ghe fə bɔm sə kɔʼ a zəŋò wìnû.
9:Ŋkāa ghe kafə̄ wìnûu bɔm dzə bòʼ wìzən, à fə lo wìzən ghe fə bɔm bòʼ wìnûu.
10:Zən lò e ghee wìzən ki aletsəla naaŋ tsughu tuw kə wə̄n ko alo kəfəgha tǒ tsə̌a aledèe tsughu enyəa ù lo a tsəlà wìnû àsùghò enyəa tsətəndə̄ghā tə Kəzə tən tə dzəm è koʼō wo.
11:Yia abugho am mùghùu e sɛ̀ â sɛ̀ à ghê Mughu ù te, wìzən yò alemùghù aŋ ŋgəŋ è wə̄n mò wìnû yò, wìnû vʉ̀a ù yò sugho alemùghù aŋ ŋgəŋ è wə̄n mò wìnû.
12:Tɔŋlō enyəa aŋghəa ghe fə bɔm sə kɔʼ wìzən a zəŋò wìnû, à lò sugho eghəla wìzən dzəā wo wìnû. À ghəa a te gho a dzəm ghəəŋ wò Kə̀zə̀.
13:Ghuūghùe zɛʼɛ̄, lɛɛn tsughu nlò enyəa e zɔlɔ nù â wìzən alegɔɔ̄ŋ nduw Zə kò an lùʼù kəla ndə̀mà àghì lò a te mò ù kà tuw ko alo kəfəgha tsən naŋa a?
14:Ghəa a Kəzə̀ ghən fɛ am mbī mgbaŋa dèe wò nù â ghɛ̀ enyəa à lò ghəa a tùw kə dəla ko â wìnû alekī nyûŋ tə̀ dəghà tò alo kə tuw.
15:Yia abugho â wîzən, nyûŋ tə dəghàa tə lo ufwəŋ â wə̄n; tɔŋlo enyəa ghe wə̄n â nyùŋ tə dəghàa tə fughu tsughu tò fəgha kə tsəla kə kətūw ko.
16:Abugho ghùw ù lì dzɛ̀ enyəa e so komso mùghò, ù fi ki alekele tsughu enyəa a kôom kì dzə yo bughōo kə li ko, dzweŋe ù ghì a Kəzə̀ vʉa u kôom ki kpeʼe sugho yo dzì è lòʼ ghe lô alekɔʼso Kə̀zə̀ a te.
17:Tsʉ̂ zəla Ǹ so M̀ fughuu wô â ghɛ̀ lò alekuūwn kûɛɛn naŋā wô ghɛ̀ fɛ a te, Ŋ̀ kɛɛ wò dzə yò ghɛ, nu à mò kì alelō ghəa è dzûŋ zò abugho ghɛ̀ bughò zûuŋ tsughu alekɔʼso Kəzə, à ŋ kòom dòʼò ndùw ghəa è biigh zo.
18:Ghəa e sûesʉ e lo enyəa, Ǹ zuw enyəa abugho ghɛ̀ bughò zûuŋ wô ghue zɛʼɛ zo tò dzeŋe kə ghì a Kəzə̀, ghɛ̀ n ndzughùun lò kaaŋ tsəgha alo eghùe. mùghò m fəm tò mùghò è boō mɛʼɛ̀ ghəa a te gho enyəa à lò êsəŋò.
19:Ghɛ̀ bûʼ kì nû alendzùghùun doʼò alo eghùe to a e lo alekòʼòkɛlɛ̄ wô baabâ ghì ghəla ghe boō fughu â Kə̀lestò.
20:À fi lo enyəa abugho ghɛ̀ bughò zûuŋ tsughu ghue zo, à yò dzə̂ bɛ kə Kə̀zə̀ ghɛ̀ zəa tsəgha.
21:Abugho ghɛ̀ zəā, chìa n ndûuw ko â sə ko alezə̄ fʉghàzə u wə̄n, ghùw ù lì n lo dzə̀ŋ, ù lì ŋ kuūwn kālā.
22:À lò enyəa ghɛ̀ ki yo ndughu to â ghɛ̀ alezəa a te, mʉa ndùw sùghò ù fʉgha a fughu a? Ŋkāa à lò enyəa ghɛ̀ koʼò kèe nù dzeŋe kə ghì a Kəzə̀ ko à, dənsò sùghò tuw u ghì ghəla ghe ki yo kə zəa ko a? Mùghò è buʼù kə̂aa wô êndughō â ghɛ̌ a? À lǒ mò ghɛ̀ ləghaa enyəa Ŋ̀ kɛɛ̄ wô ghɛ̀ aŋ ghəa...
23:Ghəa ghəlà mùgho mò dzɛ̂ fughu wô sughò â ghɛ̀, à dzɛ wo Mughu ù te â mùghò, enyəa: Mughu ù te Yɛso nì kɔ̀ʼ kəbɛ an tsuʼ fəla ghe mò fêe fughu wə̄n a te
24:a m bùghò ù fughu nduw zɔ̀ɔŋ kò â Zə̀ kò, ù m bòʼ è tsughu, dzɛ̀ tsùghù enyəa, “Nì nlò, ghɛ̀ zə, zən lò gwən e ughùe zaŋā M̀ boʼn fughu wo â ghɛ̀. Ghɛ̀ è ghəəŋ tsughuu ghəa ghən gho enyə alezəəŋ tsughuu mugho a te.”
25:A m bùghò ghe zə mɛʼɛ̀ kɔʼ kûun tò, ù m bɔɔm nì kɔ̀ʼ sùghò wʉ̀a zə̀ nlʉ̀ an dziī è mɔ̀ʼɔ, dzɛ̀ tsùghù enyəa, “Wùa è nlʉ̀ zən lo kàa maŋa m fùghu mò aŋ kàŋ taŋa, e ghəəŋ tsughuu nlò ghəa ghə gho abugho ghɛ̀ mʉā ghè mò alezəə̄ŋ tsughu mugho a te.”
26:Tɔŋlo enyəa ghəa ghɛ̀ lò zəā zeē tsəghà bɛ kən ko, mʉa zee sùghò wʉ̀a zən, ghɛ̀ fi zə̂əŋ zěe ghue zɛʼɛ an vʉ e Mughu ù te to ù kè tèlè bughò.
27:À fi lo enyəa ghùw wəlà ù zə bɛ kə Mughu ù te ko ŋkāa ù mʉ aŋ wùa è wə̄n an dziī zəla è fughuu yo kɔ̄ʼsō mò â Mughu ù te, ù ki alekele tsughu enyəa ù fi ghəŋlo èbo â gwən e ughùe e Mughu ù te zo àsùghò â kàŋ tə wə̄n.
28:E fi lo enyəa ghùw kì aletɔʼɔ lɛɛn tsughuu ghue u wə̄n wo sěe ù sə zəā bɛ kə te ko ŋkāa ù mʉā aŋ wùa è te.
29:Tɔŋlo ghùw wəlà ù zə kɔʼ, mʉ̀ kɔ̀ʼ sùghò aŋ wʉ̀a è te mò ù kwò yo enyəa zən lo gwən e ughùe e Mughu ù te àsùghò kàŋ te wə̄n, ù fi zəa, sùghò kəfəm a zəŋo e ughùe u wə̄n.
30:Zən lò e ghee ndəm zɛʼɛ ki yô nûŋ wò, à li yia dzâŋlo, à li yia lo mo ghe m kpūwnlō.
31:Abugho sɛ̀ kuūwn tɔ̂ʼ lɛɛ̄n tsughu ghue e sɛ̀ zò, to Zə̀ kə̀ kâ sɛ̀ saʼ sùghò.
32:Abugho Mughu ù te laām saʼā sɛ̀ ènyə, ù fi ghəŋlo enyəa sɛ̀ kâ bughò bvʉ̀ dzə̌əŋ nduw sāʼ sɛ̀ à ghì mbī.
33:Waazə̂ ghaŋa gho, e fi lo enyəa abugho ghɛ̀ bughò zûuŋ wo alezə kùun tə Mughu ù te, ghɛ̀ n ləma mɛʼɛ̀ tsughu ghue zɛʼɛ.
34:Mò dzə̀ŋ zǎa ghùw wɛʼɛ ù li, ù n zə tən kɔʼ an ndughu alô wə̄n, enyəâ e kwo Zə̀ kə̀ lô saʼā ghɛ abugho ghɛ̀ bughò zûuŋ wo. Abugho Ǹ lo bugho, Ǹ lo bughò fughuu mɛʼɛ̀ wô tsʉ̀ è li zən.
1:Êzəŋ a waazə̂ ghaŋa gho, kùu ndùw ghəa a fughu kəla Zùʼ tə Zɔlɔ â ghì gho, Ǹ ləghaa yo enyəa ghɛ̀ doʼo alo kəŋgòmsò aŋ ghəa a te.
2:Ghɛ̀ kwo nû enyəa ghəa ghɛ̀ mò naām lô Toʼò zò, ghe n sêe mə̀ŋso kaaŋ ghɛ̀, ghɛ̀ ŋ kɔʼso ndùw mmùʼù mò ŋ kə̀aa yò ghəa gho.

End of preview. Expand in Data Studio

Cameroon Bibles — verse-aligned scripture corpus

The text corpus behind Lingo / NativeAI: verse-aligned scripture across 60 Cameroonian languages (64 translation versions). Scripture is one of the few sources of sentence-aligned parallel text for these low-resource languages — the aligned backbone of our corpus (see the research log).

Layout

<Language>/<BOOK>.<chapter>.txt    e.g. Ngi/MAT.2.txt

Each file is one chapter; lines are verse-numbered, alignable across languages by BOOK.chapter.verse.

Versions: Aghem, Ajamiya, Akoose, Awing, Babanki, Bafia, Bakoko, Bakweri, Bidwee, Bulu, Bulu_2, Bum, Cuvok, Denya, Dii, Doyayo, Ejagham, Esimbi, Ewondo, Fufulde, Gbaya, Ghomala, Guge, Guidar, Guidar_2, Guiziga, Isu, Kapsiki, Kenyang, Koonzime, Lamnso, Limbum, Mankon, Massana, Mbembe, Medumba, Meta, Mmen, Mofa, Mofu, Moghamo, Mpumpong, Mundani, Ngi, Ngienboum, Ngomba, Ngombale, Ngwo, Nomaande, Nugunu, Oku, Pana, Peere, Pinyin, Punu, Samba, Tunen, Tupuri, Tupuri_2, Tupuri_3, Vute, Weh, Yambeta, Yemba.

Provenance & licensing

Compiled from existing Bible translations whose rights belong to their respective publishers; released for research and language-preservation. Rights-holders with a concern can reach us via lingo.cm.

— Open data for Cameroonian languages · lingo.cm

Downloads last month: 1,771