Datasets:

thorirhrafn
/

rmh_subset_medium4

Modalities:

Text

Formats:

Size:

Libraries:

Dataset card Data Studio Files Files and versions

xet

Community

Dataset Viewer

Auto-converted to Parquet Duplicate

Split (3)

train · 282k rows

text stringlengths 1 19M
Eftir Einar Fal Ingólfsson efi@mbl.is " MÉR buðust samningar við þrjú óperuhús og ákvað að yfirlögðu ráði að taka samningi um stöðu við húsið í Aachen í Þýskalandi, " segir Hrólfur Sæmundsson barítónsöngvari sem er á leið til starfa í Þýskalandi. Hrólfi bárust tilboð frá óperuhúsunum í Aachen, Leipzig og Salzburg í kjölfar þátttöku í óperusöngkeppni í Sviss í mars. Þar lenti hann í öðru sæti og vakti athygli forsvarsmanna óperuhúsanna. " Hlutverkin sem ég tekst á við þar eru virkilega spennandi. Það eru Papageno í Töfraflautunni, sem er afar vel þekkt, og Pelleas í Pelleas og Melisande, risavaxið titilhlutverk í þessari óperu eftir Debussy. Við bætist síðan Ford í Falstaff eftir Verdi. Þetta er mjög spennandi. " Hrólfur segir óperuhúsið í Aachen ekki mjög stórt á þýskan mælikvarða, með um 900 sæti, en það er rekið með miklum metnaði og þar hafa margir kunnir listamenn komið fram. Meðal annars Herbert von Karajan og bassinn Kurt Moll. Hrólfur stofnaði og rak Sumaróperuna sem setti upp sex sýningar sumrin 2002 til 2007, meðal annars í samstarfi við Listahátíð, Þjóðleikhúsið, Borgarleikhúsið og Íslensku óperuna. " Það var af rælni að ég tók þátt í keppninni í Sviss, " segir Hrólfur. " Ég hef ekki verið að syngja mikið erlendis en fyrir jólin var ég að syngja í Berlín, sá keppnina auglýsta og skráði mig. Þetta voru tvær umferðir og mér fannst mér ekki ganga vel í þeirri fyrri en ég komst áfram, ákvað að gefa allt í þetta og endaði í öðru sæti! " Í dómnefndinni voru bæði umboðsmaður sem tók Hrólf að sér og óperustjórinn í Aachen. " Það hefur dregist mikið saman í söngnum hér heima og þetta er ennþá meira spennandi fyrir vikið. Það er gamall draumur að láta reyna á það hvernig manni getur gengið í Evrópu. Það er ekki leiðinlegt að byrja á þremur mjög bitastæðum hlutverkum, " segir Hrólfur.
Nígeríumaðurinn Moses Akatugba var einungis 16 ára gamall þegar hann var handtekinn í heimalandinu fyrir vopnað rán. Játning var þvinguð fram með pyndingum þar sem Moses játaði að hafa starfað með öðrum dreng sem lögreglan hafði skotið til bana og átti að hafa tekið þátt í ráninu. Við handtökuna var Moses skotinn í handlegginn en hann fékk enga læknisaðstoð við að hreinsa eða græða sárið. Mál hans hefur ekki hlotið jafn mikla athygli og mál Brendans Dassey sem var leystur úr haldi í gærkvöldi en málin eru þó lík að því leyti að þeir voru sviptir frelsi sínu á táningsaldri og dæmdir fyrir glæpi sem þeir frömdu ekki með þeim afleiðingum að þeir glötuðu báðir áratug af lífi sínu. Moses var leystur úr haldi á síðasta ári eftir að mannréttindasamtökin Amnesty International settu mikinn þrýsting á yfirvöld og dómstóla vegna meðferðarinnar, þá hafði hann verið í fangelsi í 10 ár. Hann er nú staddur hér á landi til að ræða um reynslu sína en einnig til að þakka fyrir þær ríflega sextán þúsund kveðjur og stuðningsskeyti sem hann fékk héðan á meðan fangelsisvistinni stóð. „ Ég tel að þau [ stjórnvöld ] hafi gert þetta til að vernda ímynd sína í samfélaginu þegar atburðir á borð við vopnuð rán eru framin og enginn er sóttur til saka lítur út fyrir að löggæslan sé ekki að sinna starfi sínu, “ segir Moses þegar hann er spurður að því hvaða ástæðu hann telji vera fyrir því að honum var kennt um glæpinn. Þá segir hann að menningarlegir þættir spili einnig inní en Nígería er fjölmennasta ríki Afríku með um 180 milljónir íbúa með misjafnan bakgrunn og þegar hann svaraði lögreglumönnunum á ensku brugðust þeir illa við. Þeir voru norðar úr landinu, tala annað mál og Moses segir að þegar hann hafi reynt að útskýra fyrir þeim að hann væri ekki maðurinn sem þeir leituðu að á ensku hafi þeir tekið því sem móðgun. Eru slíkir atburðir algengir? „ Já, í Nígeríu gerast slíkir atburðir reglulega. Ræningjar eru alltaf vopnaðir og jafnvel lögreglumenn sem eru sérstaklega þjálfaðir í vopnuðum átökum fara ekki nálægt þeim þegar þeir eru að störfum. Þegar þeir eru svo farnir þá sér maður lögregluna koma og finna einhvern sem getur ekki varið sig og kenna honum um glæpinn, “ segir Moses sem talar af yfirvegun og nákvæmni en atburðirnir sitja augljóslega enn í honum. Eftir að við höfum rætt saman um stund sýnir hann mér örið á handleggnum eftir lögregluna. Kúlan fór í gegnum handlegginn og örið þar sem sem hún fór inn er lítið og kúlulaga en þar sem hún fór út er það dreifðara og nær yfir mun stærra svæði. „ Ég þurfti að gerast minn eigin læknir því ég þurfti að hreinsa beinflísar sem höfðu dreifst um sárið, “ segir Moses og grípur um andlit sitt þegar hann rifjar þetta upp en þegar hann komst í heitt vatn í gæsluvarðhaldinu notaði hann það til að hreinsa sárið. Svo réttir hann báða handleggina fram og sýnir mér hvernig vinstri handleggurinn afmyndaðist eftir skotið, þrútinn og bólginn. Lögreglumaðurinn sem skaut Moses var síðar yfirheyrður og gaf þá útskýringu að Moses hefði verið með hinum drengnum sem var skotinn til bana. Eftir það hófust pyndingar til þess að fá Moses til að skrifa undir yfirlýsingu þar sem hann játaði tengsl við hinn drenginn. Hann var látinn hanga á hvolfi tímunum saman og neglur voru rifnar af bæði höndum og fótum hans. Stundum þegar Moses lýsir meðferðinni og því sem hann þurfti að ganga í gegnum hlær hann hálfpartinn við af tilhugsuninni um illskuna og mannvonskuna. „ Aðrir sem voru eldri en ég sem var bara 16 ára gamall gátu ekki þolað slíkan sársauka. Því komst ég að þeirri niðurstöðu að játa eitthvað sem var ekki satt til að bjarga lífi mínu. Ég veit að játa það að þekkja einhvern sem ég þekkti ekki voru mikil mistök en ég veit að það var ekki á mínu færi að stöðva þetta. “ Átta saman í klefa á stærð við kústaskáp Fangelsvistina segir Moses hafa verið hreint helvíti. Ég hitti hann á skrifstofu Amnesty International í miðbænum og herbergið er á stærð við rúmgóða stofu á íslensku heimili. Þegar ég spyr hann um fangelsisvistina lítur Moses í kring um sig og segir að líklega sé herbergið á stærð við klefa þar sem á milli 60 og 70 fangar væru vistaðir í gæsluvarðhaldi. Í sjálfri afplánuninni hafi hann verið í 4 - 5 fermetra klefa ásamt 7 öðrum föngum. „ Sumir missa vitið af því að aðstæður eru svo slæmar og fólk einfaldlega ræður ekki við það. Þeir fara á geðsjúkrahús. Sumir deyja vegna þrengslanna. Það er hvergi hægt að hvíla sig og fólk lifir við það árum saman. Ég segi gjarnan að ég hafi farið til helvítis og sé kominn aftur. “ Þegar afplánunin hófst segir hann aðra fanga hafa sagst vera búna að afplána 20 - 25 ár en samt vera saklausa. „ Þá hugsar maður um sig og veit að maður er saklaus en þessi sé það líka og hann hafi verið inni í 20 ár. Hvað verður þá um mig? Slíkar hugsanir geta farið með geðheilsuna, “ segir Moses. Þrátt fyrir að útlitið hafi verið slæmt og aðstæðurnar hræðilegar segist hann hafa haft trú á að samtökin Amnesty International gætu haft áhrif og það hafi gefið honum von. „ Þau stóðu fyrir mótmælum um allan heim og sendu mér bréf ekki bara einn poka af bréfum heldur fullt af pokum. Í mörgum þeirra voru hughreystandi kveðjur : „ Moses þú ert ekki einn, Moses við stöndum með þér, þetta eru ekki endalokin og við komumst í gegnum þetta. “ Slíkar kveðjur héldu í mér lífinu og efldu mig til dáða. Þá vissi ég að ég var ekki einn og að svona myndi þetta ekki enda. “ Áður en Moses var handtekinn dreymdi hann um að fara í læknanám, þann draum segist hann hafa kvatt en hann er sestur aftur á skólabekk og segist vera að hugleiða hvað hann gæti lært þegar hann fer í háskóla. Moses er staddur hér á landi á vegum Amnesty International ásamt Damian Ugwu starfsmanni samtakanna. Þeir munu halda erindi í Norræna húsinu miðvikudaginn 16. nóvember frá kl. 12 til 13. Moses mun fjalla um reynslu sína sem þolandi grófra pyndinga af hálfu lögreglu og hers í Nígeríu, áratuginn sem hann sat á bak við lás og slá, tíma sinn á dauðadeild, langþráða náðun á síðasta ári í kjölfar Bréfamaraþons Amnesty International 2014 og mikilvægi þess að berjast fyrir réttindum annarra þolanda mannréttindabrota. Frá Íslandi bárust 16.000 bréf, sms-aðgerðir og póstkort í Bréfamaraþoninu til stuðnings máli Moses. Damian Ugwu mun greina frá rannsóknum sínum á kerfisbundnum pyndingum af hálfu lögreglu og hers í Nígeríu.
Verð á saltfiski hefur hækkað mikið síðustu misserin á erlendum mörkuðum. Í Morgunpunktum Kaupþings í dag kemur fram að nú virðist hins vegar ákveðin pattstaða vera komin upp þar sem kaupendur eru farnir að halda að sér höndum vegna þess hve verð er hátt. Vísað er í vefrit Intrafish þar sem segir að sumir markaðsaðilar vilji jafnvel ganga svo langt að kalla markaðinn dauðan. Því verði að teljast óhjákvæmilegt að verð taki að lækka á ný. Kaupþing segir, að innflytjendur hafi keypt upp eins mikið magn og þeir mögulega geti en þeir virðist ekki geta selt neitt nú, ekki einu sinni besta og stærsta fiskinn. Þá virðist þeir ekki tilbúnir til þess að ræða verðbreytingar. Verð á smáum þorski er nú þrisvar til fjórum sinnum hærra en á kjúklingi. Sjálfhelda virðist ríkja á flestum mörkuðum þrátt að þessi tími fram að jólum sem yfirleitt er góður sölutími. Eigi þetta einkum við Ítalíu þar sem dregið hefur mjög úr eftirspurn vegna hás verðs. Portúgalski markaðurinn hafi einnig verið óvenju daufur og rólegt sé yfir Spánarmarkaði. Kaupþing segir, að ástandið sé sér í lagi slæmt hvað stærri fiskinn varðar en verð hafi hækkað meira í þeim flokkum en í smáum og millistórum fiski. Verð sé mjög hátt í sögulegu samhengi, bæði í evrum og í íslenskum krónum, og því sé ekki ólíklegt að það komi til leiðréttingar á verði til lækkunar eftir jafn skarpa verðhækkun eins og átt hafi sér stað síðustu mánuði.
Apple hélt kynningu í gær sem var mun styttri en sú síðasta. Kynningin var líka mun látlausari og var haldin í Townhall hjá Apple í stað risa ráðstefnusals. Tim Cook byrjaði og tók föstum tökum á stóra FBI málinu sem er búið að vera mikil í deiglunni. Apple ætlar ekki að taka þátt í því að brjóta niður persónuvernd einstaklinga með því að veikja öryggi iOS snjalltækja. FBI hefur þrýst hart á Apple að hjálpa sér við það að opna dulkóðan læstan iPhone síma manns sem framdi hryðjuverk í San Bernandino. Hægt er að lesa yfirlýsingu Apple hér. Næst tók svo við kynning á því hvernig Apple endurvinnur tæki og fer með umhverfið. Apple er með mjög öfluga umhverfisstefnu og vinnur að því að vera með endurnýjanlega orku í sinni starfssemi. Þeir kynntu svo vélmennið Liam sem tekur iPhone 6S síma í sundur. Nokkuð töff. Apple kynnti svo frekar ljótar nælon ólar fyrir Apple Watch. Svo var ein falleg svört “ Milanese ” ól. Úrið sjálft breytist ekki, nema það lækkaði aðeins í verði erlendis. Það kostar nú $299 í Bandaríkjunum. Apple TV 4 fékk líka smá uppfærslu, eða tvOS. Það voru aðallega svona litlar breytingar sem hefðu eiginlega átt að vera til staðar þegar það fór á markað. Starfsmenn Apple hálf-viðurkenndu að TV 4 hefði verið sett of snemma á markað um daginn í hlaðvarpinu ATP .. Svo kom loksins að “ nýjum ” iPhone, eða iPhone SE ( engin tala ). Þetta er iPhone 5S með innvolsinu og myndavélina úr iPhone 6S. Apple kallar þetta “ öflugasta 4 tommu símann ” .. það er bara enginn annar að framleiða þannig í dag. En þeir segjast selja 30 milljónir 4 ″ síma ár hvert ( iPhone 5S og 5C ), þannig að það hlýtur að vera markaður fyrir þetta. iPhone 5S er með næstum alveg sömu fídusa og 6S, fyrir utan 3D touch og haptic engine. Síminn kemur nú líka í rósargull litinum sem var kynntur með 6S línunni. Svo að lokum var nýr iPad Pro kynntur með 10 ″ skjá. Einnig þekktur sem iPad Air 2 með mun betri hátalara og snertigreiningu ( fyrir Apple pencil ). Það er erfitt að kaupa Air 2 þegar maður ber þessa tvo saman, þannig að Air 2 fær góða verðlækkun. Hann kostar núna frá $399 í Bandaríkjun og gæti því komist undir 80 þúsund hér heima. Flott kynning og það verður gaman að fylgjast með sölunni á iPhone SE. Sérstaklega gaman verður að sjá hvort Bjarni Ben kaupi sér einn eftir að hafa vanist 4,7 ″ síma. Upprunaleg færsla á Símon.is
Slökkvilið Sauðárkróks var kallað út um klukkan þrjú í dag en þá var eldur laus í þaki á Hótel Mælifelli. Þrír menn voru að vinna við lagfæringar á þakinu þegar eldur kviknaði meðal annars í tjörupappa sem fuðraði upp. Mikill reykur steig upp af þakinu, en eldurinn var slokknaði áður en slökkviliðið var komið á vettvang. Skemmdir urðu litlar sem engar á húsinu, að sögn lögreglunnar á Sauðárkróki. Að sögn Guðmundar Óla Pálssonar, lögregluvarðstjóra á Sauðárkróki, var gott veður þegar eldurinn kviknaði og því var ekki talin hætta á að eldurinn læsti sig í nærliggjandi húsum. Hótel Mælifell er tveggja hæða hús í miðbæ Sauðárkróks og var enginn inn í húsinu þegar eldurinn kom upp.
Yfirlýsing íranskra yfirvalda til Alþjóðakjarnorkumálstofnunarinnar, IAEA, varðandi kjarnorkuáætlanir sínar virðist vera heildstæð, sagði Mohamed ElBaradei, yfirmaður IAEA, við blaðamenn í Ottawa. Stofnunin veitti Íransstjórn frest til dagsins í dag til að láta í té upplýsingar um kjarnorkuáætlunina en Bandaríkjastjórn heldur því fram að Íranar séu að reyna að smíða kjarnorkuvopn. Íransstjórn afhenti IAEA yfirlýsinguna 23. október sl. og segir áætlunina vera í friðsamlegum tilgangi. " Ég tel að okkur miði vel áfram. Íransstjórn hefur lagt fram það sem hún fullyrðir að sé nákvæm heildaryfirlýsing, " sagði ElBaradei. " Ég tel að ég geti sagt að við fyrstu sín virðist áætlunin heildstæð en við eigum eftir að fínstilla hana, við þurfum að leggja fram margar spurningar og þess vegna eru okkar menn þar og mikið vopnaeftirlit verður þar næstu mánuðina, " sagði framkvæmdastjórinn. Íranar hafa heimilað vopnaeftirlitsmönnum SÞ að skoða þúsundir vélarhluta til auðgunar úrans sem fluttir hafa verið inn til landsins en markmiðið er að rekja slóð auðgaðs úrans, sem unnt er að nota til kjarnorkuvopnagerðar, sem fannst fyrr á þessu ári. ElBaradei gat þess ekki hvort yfirlýsingin svaraði öllum spurningum IAEA. Diplómatar segja að starfsmenn stofnunarinnar eigi eftir að ganga úr skugga um sannleiksgildi þeirra svara sem Íranar hafa veitt. Íranar samþykktu í síðustu viku að stöðva auðgun úrans og að undirrita viðbótarsáttmála gegn útbreiðslu kjarnorkuvopna sem heimilar fyrirvaralaust vopnaeftirlit. Íran í brennidepli
Skuldabréfavísitalan GAMMA, GBI, hækkaði um 0,3% í dag en velta með skuldabréf nam rúmum 30 milljörðum króna. Hækkunin í dag vekur nokkra athygli þar sem skuldabréfavísitalan lækkaði um 5,4% í gær en þannig þurrkaðist öll ávöxtun sl. mánaðar út. GBI hefur nú lækkað um 6,8% á einni viku en hækkað um 0,2% á einum mánuði. Sem fyrr segir nam velta í dag rúmum 30 milljörðum króna. Velta með verðtryggð skuldabréf nam um 14,6 milljörðum og hækkaði verðtryggði hluti skuldabréfavísitölunnar um 0,9%. Sá hluti hefur hins vegar lækkað um 7,7% á einni viku en hækkað um 1,4% á einum mánuði. Velta með óverðtryggð skuldabréf nam 15,7 milljörðum króna en óverðtryggði hluti skuldabréfavísitölunnar lækkaði í dag um 1,3%. Þannig hafa óverðtryggð skuldabréf lækkað um 4,6% á einni viku og 2,8% á einum mánuði.
Karlmaður hefur verið ákærður fyrir kynferðisbrot gegn barni með því að hafa í tvígang tælt sextán ára stúlku sem var sjúklingur á sjúkrahúsinu Vogi að Stórhöfða. Brotin sem maðurinn er ákærður fyrir áttu sér stað föstudag og laugardag í febrúar 2018. Er manninum gefið að sök að hafa tælt stúlkuna til að hafa við hann munnmök á salerni á Vogi gegn því að gefa henni lyfin Stesolid og Ritalin Uno. Málið var þingfest í Héraðsdómi Reykjavíkur í dag. Krafist er tveggja milljóna króna í skaðabætur fyrir hönd stúlkunnar.
Katrín Jakobsdóttir, forsætisráðherra og formaður Vinstri grænna, vonast til þess að sú staðreynd að ICAN ( International Campaign to Abolish Nuclear Weapons ) hafi fengið friðarverðlaun Nóbels verði til þess að hafa jákvæð áhrif á umræðuna um kjarnorkuafvopnun í heiminum. Telur Katrín að verðlaunin geti jafnvel breytt umræðunni um þessi mál. Samtökin ICAN berjast fyrir banni kjarnorkuvopna og ræddi Vísir á dögunum við þau Ray Acheson og Tim Wright, fulltrúa samtakanna, sem komu hingað til lands eftir að hafa verið viðstödd afhendingu friðarverðlaunanna í Osló. Þau héldu meðal annars fund í Háskóla Íslands þar sem forsætisráðherra mætti og ræddi við þau um þessi mál. Fyrir liggur að Katrín skrifaði undir svokallað þingmannaheit ICAN áður en hún varð forsætisráðherra. Heitið felur það í sér að þeir þingmenn sem skrifa undir það lofa því að vinna undirritun og fullgildingu samnings Sameinuðu þjóðanna um bann við kjarnorkuvopnum. Íslensk stjórnvöld styðja markmiðið en menn verið ósammála um leiðirnar Þá var Katrín ein átta þingmanna sem lögðu fram þingsályktunartillögu um aðild Íslands að yfirlýsingu ICAN um bann við kjarnavopnum þingveturinn 2015 til 21016. Það er því kannski ekki að ástæðulausu sem þau Acheson og Wright binda miklar vonir við Katrínu og telja að hún geti verið sá leiðtogi innan NATO sem skrifi fyrstur undir fyrrnefndan samning SÞ. Vísir spurði Katrínu hvort hún beita sér fyrir því innan ríkisstjórnarinnar að Ísland skrifi undir samninginn. „ Við munum ræða þetta á vettvangi ríkisstjórnarinnar hvernig þessi mál standa almennt, það er kjarnorkuafvopnun. Það liggur fyrir að íslensk stjórnvöld hafa stutt þetta markmið en svo hafa menn verið ósammála um leiðirnar. Íslensk stjórnvöld hafa lagt áherslu á það að fá kjarnorkuveldin að borðinu hingað til og það hefur ekki skilað árangri. Ég tók þessa línu upp á fundinum með þeim Acheson og Wright og bað um þeirra afstöðu til hennar þannig að það var áhugavert samtal, “ segir Katrín. „ Löng vegferð framundan “ Hún vonast til að það að ICAN hafi fengið friðarverðlaun Nóbels verði til þess að heimurinn sjái hraðari framþróun varðandi kjarnorkuafvopnun. „ Við erum öll uggandi yfir þróun mála, nú síðast í Norður-Kóreu en líka bara í sögunni svo við munum ræða þessi mál, hvað við getum gert til þess að beita okkur fyrir þessu markmiði um kjarnorkuvopnalausan heim. “ Katrín bendir á að það hafi ekki verið línan innan NATO að styðja samning SÞ um bann við kjarnorkuvopnum og það liggi fyrir að Ísland eigi aðild að því bandalagi. Sú aðild er meðal annars hluti af þjóðaröryggisstefnu landsins sem ríkisstjórnin vinni eftir. „ En það er líka svo að Ísland verður gestgjafi á fundi NATO-ríkja um kjarnorkuáætlun næsta sumar þar sem þetta verður aðalumræðuefnið, það er hvernig megi stuðla að frekari kjarnorkuafvopnun, en eins og ég sagði við fulltrúa ICAN þá held ég að þetta sé löng vegferð framundan, “ segir Katrín.
Íslenski landsliðsmaðurinn Hörður Axel Vilhjálmsson skoraði 3 stig þegar lið hans, Nymburk sigraði Tajfun Sentjur, 70 : 56, á útivelli í FIBA Europe bikarnum í kvöld. Hörður lék í rúmar 19 mínútur. Staðan var jöfn að loknum fyrri hálfleik, 32 : 32, og leikurinn í járnum lengi fram eftir síðari hálfleik. Það var síðan í lokaleikhlutanum sem Nymburk stakk af og var sigurinn að lokum öruggur. Þetta var fyrsti leikur liðanna en þau leika í F-riðli keppninnar. Hörður og félagar hefja Evrópukeppnina því af krafti. Stutt er síðan Hörður gekk til liðs við Nymburk, sem eru tékkneskir meistarar. Annar íslendingur tekur þátt í FIBA Europe en Jakob Örn Sigurðarson tekur þátt með liði sínu ; Borås Basket frá Svíþjóð. Tvö efstu liðin úr hverjum riðli komast áfram í 32 - liða úrslit, ásamt þeim fjórum liðum sem ná bestum árangri í þriðja sæti riðlanna sem alls eru fjórtán talsins.
Skemmtidagskráin Jólapopp fer fram á Café Haítí við Reykjavíkurhöfn annað kvöld kl. 21. Verður þar m.a. blásið til Popppunkts-keppni undir stjórn Dr. Gunna og hlýtt á tóna hljómsveitarinnar Prinspóló. Þá mun rithöfundurinn Einar Kárason kynna bók sína Mér er skemmt og ljósmyndabókina Poppkorn.
Nú er ljóst hvernig sumaráætlun Herjólfs verður en skipið mun sigla í Landeyjahöfn frá og með 1. júlí næstkomandi. Á tímabilinu 1. júlí til 31. ágúst verða farnar 32 ferðir á viku. Þannig verða farnar fjórar ferðir mánudaga, þriðjudaga og miðvikudaga, fyrsta ferð 7.30 frá Eyjum, svo 10.30, 17.00 og 20.00. Síðasta ferð frá Landeyjahöfn verður svo farin 21.30. Fimmtudaga og föstudaga verða fimm ferðir, fyrsta ferð 7.30, 10.30, 14.00, 17.00 og 20.00. Síðasta ferð er svo farin frá Landeyjahöfn 21.30. Laugardaga og sunnudaga eru einnig fimm ferðir en áætlun breytist lítillega. Fyrsta ferð frá Eyjum er farin 9.00, svo 12.00, 15.00, 18.00 og 21.00. Síðasta ferð er svo farin frá Landeyjahöfn klukkan 22.30. Gjaldskrá Fargjöld án afsláttar eru þannig að fullorðnir greiða 1000 krónur, börn 12 - 15 ára greiða 500, eins og ellilífeyrisþegar og öryrkjar. Fyrir fólksbíl styttri en 5 metra þarf að greiða 1500 krónur en 2000 fyrir bíla sem eru lengri en 5 metrar. Gert er ráð fyrir því að hægt verði að byrja bóka í samræmi við sumaráætlun 20. apríl en afsláttakjör og Þjóðhátíðaráætlun verða auglýst síðar.
Hollenski vængmaðurinn Arjen Robben hefur fullvissað stuðningsmenn Chelsea um að hann verði áfram í herbúðum enska liðsins á næstu leiktíð, en hann hefur lengi verið orðaður við sölu frá félaginu. Robben segist enn fremur hafa fulla trú á að hann verði kominn aftur í sitt besta form áður en næsta tímabil hefst. Robben segir að Chelsea hafi boðið sér nýjan og endurbættan samning sem hann hyggist skrifa undir hið fyrsta. " Þjálfarinn hefur sagt að hann kunni að meta við mig og það sem ég hef upp á að bjóða sem leikmaður. Það skipti mig miklu máli að vita að ég hefði stuðning hans, " sagði Robben og á þar við Jose Mourinho. " Ég hef alltaf sagt að ég vilji vera áfram hjá Chelsea. Mér líður vel hjá félaginu og langar að standa mig vel fyrir liðið. Ég verð hér á næsta ári - það er öruggt. " " Nú þegar tímabilið er búið tekur við löng hvíld, rúmar sex vikur, og ég ætla að koma ferskur til baka eftir það frí. Ég vil sýna öllum hvað ég get og endurtaka frammistöðu mína frá því á mínu fyrsta tímabili með Chelsea. "
Karlmaður, sem í Héraðsdómi Suðurlands var sakfelldur fyrir gróft kynferðisbrot og annað ofbeldi, gegn tólf ára dreng, fyrir sex árum, var sýknaður í Hæstarétti í dag. Drengurinn sagði ekki frá meintri misnotkun fyrr en mörgum árum eftir að meint brot var framið. Framburður drengsins þótti trúverðugur en maðurinn, sem ákærður var, neitaði alllri sök. Drengurinn ber merki þess að hafa orðið fyrir miklu áfallli, en Hæstiréttur telur að ekki hafi tekist að færa fram næga sönnun fyrir því að maðurinn hafi svívirt hann. Hann var því sýknaður í Hæstarétti. Héraðsdómur hafði dæmt manninn til vistunar á viðeigandi stofnun, en maðurinn er alvarlega veikur af geðsjúkdómi.
Selfoss og ÍBV skildu jöfn í þriðja leik sínum á sex dögum en liðin mættust í 1. deild karla í handbolta í kvöld á Selfossi. Eyjamenn náðu að merja jafntefli á lokamínútunni, 25 - 25. Selfoss var ekki með í leiknum fyrstu níu mínútur leiksins þar sem Eyjamenn skoruðu fimm mörk án þess að Selfoss næði að svara fyrir sig. Selfyssingar tóku leikhlé og tókst á rúmum tveimur mínútum að breyta stöðunni úr 0 - 5 í 4 - 5 en þá kom annar sprettur frá Eyjamönnum sem virtust vera komnir í þægileg mál í stöðunni 5 - 9. Selfyssingar gáfust hins vegar ekki upp og Hörður Bjarnarson skoraði tvö síðustu mörk fyrri hálfleiks úr hægra horninu og jafnaði 12 - 12 laust áður en hálfleiksflautan gall. Í byrjun seinni hálfleiks náðu Selfyssingar fjögurra marka forskoti, skoruðu þrjú fyrstu mörk hálfleiksins og virtust til alls líklegir. Eyjamenn hresstu upp á varnarleikinn í kjölfarið og spiluðu frábæra framliggjandi vörn sem Selfossliðið átti í mestu vandræðum með og eini maðurinn sem gat skotið á markið var Hörður Másson – og gerði hann það vel. Helgi Hlynsson volgnaði í markinu og hélt Eyjamönnum í hæfilegri fjarlægð lengst af. Þegar rúmar fimm mínútur voru eftir af leiknum leiddu Selfyssingar með þremur mörkum, 24 - 21. Eyjamenn gefast hins vegar aldrei upp og minnkuðu muninn í 25 - 23 þegar þrjár mínútur voru á klukkunni. Á sama tímapunkti fékk Einar Sverrisson tveggja mínútna brottvísun svo Selfyssingar voru manni færri í tvær af síðustu þremur mínútunum. Það munaði um minna því Selfoss misnotaði þrjár sóknir í röð og Eyjamenn fengu boltann þegar 23 sekúndur voru eftir af leiknum í stöðunni 25 - 25. Þeim brást hins vegar bogalistin í lokasókninni þegar leikmaður þeirra skaut framhjá og enn lifðu átta sekúndur á klukkunni. Selfoss tók leikhlé og er ólíklegt að Arnar Gunnarsson hafi lagt upp með það sem fylgdi í kjölfarið. Eyjamenn spiluðu maður á mann og Selfyssingurinn Einar Pétur Pétursson fékk dæmd á sig skref og leikklukkan rann út. Hörður Másson var markahæstur Selfyssinga en hann var góður í seinni hálfleik þar sem hann tók hverja sleggjuna á fætur annarri utan af velli og þandi netmöskva Eyjamarksins. Hörður skoraði 8 mörk í leiknum en næstur honum kom Sigurður Már Guðmundsson með 5 mörk. Einar Pétur Pétursson sýndi oft á tíðum lipra takta í vinstra horninu og skoraði 4 mörk, Einar Sverrisson skoraði 4/1 mörk, Hörður Bjarnarson 2 og þeir Gunnar Ingi Jónsson og Magnús Már Magnússon skoruðu sitt markið hvor. Helgi Hlynsson varði 10/1 skot í leiknum og var með 40% markvörslu. Sverrir Andrésson varði 2 skot og var með 16,6% markvörslu. Selfoss er nú í 4. sæti deildarinnar, síðasta umspilssætinu, með 17 stig en Gróttumenn fylgja þeim eins og skugginn í 5. sætinu.
Það heitasta í umræðunni í dag er Hringrásargarðurinn sem kynntur var á dögunum en inni í honum er svokölluð Þjóðarbrennsla. Hringrásargarður er mjög gott framtak og er í raun stórgóð hugmynd. Ég veit ekki með ykkur en ég er alfarið á móti því að byggja hér þjóðarbrennslu þessi framkvæmd er dýr, það er hægt að fara í aðra kosti sem ég skýri frá hér að neðan sem eru mun ódýrari, hagkvæmari og umhverfisvænir. Það er mér óskiljanlegt af hverju við hér á Suðurnesjum ættum að fjárfesta í annarri sorpbrennslu þegar sú sem við erum með er fullnægjandi fyrir okkur. Er einhver þörf fyrir okkur að vera með sorpbrennslu Íslands? Ef þessi sorpbrennsla Íslands verður að veruleika verður aukinn umferð flutningabíla á Reykjanesbrautinni eða því sem nemur um 10.000 Toyota Yaris bíla á hverjum degi. Kostnaðurinn við að byggja svona brennslu er um 26 milljarðar, Ég veit ekki hvort þið lesendur gerið ykkur grein fyrir hversu mikið þetta er en til samanburðar þá eru heildar skuldir Reykjanesbæjar um 43 milljarðar. Fjármögnun á verkefninu er nokkuð óljós, en ég hef heyrt því fleygt fram að sveitarfélögin sem koma að Kölku munu keyra verkefnið áfram ef af þessu verður og muni stofnfé muni koma þaðan frá. Einnig er talað um að fá lán hjá lífeyrissjóðum og eða fjárfestum fyrir rest. Sama hvernig fer þá munu bæjarsjóðir viðkomandi sveitarfélaga þurfa að gangast í ábyrgðir fyrir þessu verkefni, nema ef þetta verkefni verði alfarið í einkaframkvæmd, sem ég sé ekki gerast. Ef sami eignarhlutur væri á þjóðarbrennslunni og er í dag á Kölku þá er hlutur Reykjanesbæjar um 73%. Auknar skuldir bæjarins við þessa einu framkvæmd yrði þá um 19 milljarðar. Verandi nýkomin undan eftirlitsnefnd sveitarfélaga þá finnst mér ekki fýsilegt að auka skuldir bæjarins um 19 milljarða. Í umræðunni um Kölku og sameiningaráform við Sorpu fyrir nokkru þá fór ég á stjá til þess að athuga hvaða aðrir kostir væru mögulegir. Ég tel að ákveðin þjónusta eigi að vera á hendi sveitarfélaga á Suðurnesjum, ein af þeim er úrvinnsla á sorpi. Í leit að öðrum kostum komst ég í samband við framkvæmdastjóra Moltu Kristján Ólafsson, en Molta er moltugerð á Norðurlandi sem er með um 27.000 íbúa í sinni þjónustu sem er svipaður íbúafjöldi og er á bakvið þá sem nýta Kölku í dag. Molta hefur um það bil 12.000 tonna framleiðslugetu á ári og eru að taka á móti um 6.000 tonnum af úrgangi og er því ekkert til fyrirstöðu fyrir því að hér á Suðurnesjum geti álíka stöð haft sömu framleiðslugetu og Norðanmenn ef ekki meiri. Talað hefur verið um að allt að 40% af úrgangi sé nothæft til moltugerðar, og er ekkert því til fyrirstöðu að við getum ekki náð því markmiði hér á Suðurnesjum. Með 40% nýtingu sem færi í moltugerð þá þýðir það að í 13.000 tonna brennslustöð Kölku sem er við það að fullnýtast léttum við á þeirri stöð um 5.200 tonn. En þó getum við velt því fyrir okkur hver er ávinningurinn við moltugerð yrði hér á Suðurnesjum. Kostnaður við að byggja þessa stöð er um 500 - 700 milljónir samkvæmt heimildum frá framkvæmdastjóra Moltu. Moltugerðarstöð er því töluvert ódýrari kostur en að byggja nýja sorpbrennslu, það er ef við miðum við vinnslu per tonn. Enn fremur getum við búast við um 20 störfum á byggingartímanum, þá má búast við 4 - 6 stöðugildum þegar að stöðin er komin í gang. Þó er annar ávinningur við moltugerð, það er að efnið sem kemur úr moltugerðinni er hægt að nota í að rækta upp Reykjanesskagann og bæta þar með land sem er örfoka land. Hægt væri að horfa á allan skagan sem heild og gera útivistarsvæði með tiltölulega ódýrum hætti út um allan Reykjanesskagann. Þar má nefna að hægt væri að byggja upp útsýnissvæði fyrir norðurljósa aðdáendur á gamla Rockville svæðinu og koma þar upp norðurljósamiðstöð Íslands. Svæði sem um er rætt er í dag að mestu notað fyrir fólk sem fer með hunda sína þangað, en þó hefur verið mikið af óþrifnaði á svæðinu, og með uppbyggingu á svæðinu má því koma í veg fyrir þeim óþrifnaði sem þekkist á svæðinu í dag. Hægt væri að vera með allskyns gróðursvæði um Reykjanesskagann, þar má nefna svæði sem fjölskyldufólk gæti komið saman, farið í lautarferðir, grillað saman og jafnvel haldið kvöldvökur. Því mælir margt með því að Suðurnesjamenn komi sér saman og byggi hér upp útivistarsvæði bæði fyrir íbúa sína og ferðamenn innlenda jafnt sem erlenda. Auðvelt væri að byggja upp tjarnir á Reykjanesskaganum fyrir fuglalíf sem myndi blómstra þar í kring og ég tala nú ekki um öll þau skógræktarfélög sem gætu fengið úthlutað skipulögð svæði til þess að rækta upp og færa síðan sveitarfélögunum til notkunnar að ræktunartímabilinu loknu. Hér er því verið að tala um að rækta upp Reykjanesskagann með úrgangi sem hefur verið breytt í moltu öllum íbúum Reykjaness til hagsbóta. Eiður Ævarsson
Umdeildu kaupin á Autonomy leiða til málshöfðunar gegn endurskoðendarisum. Í síðustu viku tilkynnti bandaríski tölvuframleiðandinn HP að afskrifa þyrfti 8,8 milljarða dollara af þeim 11,1 milljörðum dollara sem fyrirtækið greiddi fyrir Autonomy. Meg Whitman, forstjóri HP, sagði að fyrirtækið hefði stuðst við ársreikninga Autonomy sem Deloitte hefði séð um að endurskoða. Hún bætti einnig við að fyrirtækið hefði treyst skoðun KPMG á vinnu Deloitte. Phillip Ricciardi, hluthafi í HP stendur fyrir málsókninni. Fyrirtækin eru sögð ekki hafa komið auga á að Autonomy var ekki eins mikils virði og fullyrt var og þannig gefið villandi upplýsingar um virði kaupanna sem var um 11,1 milljarða dollara virði. HP mun einnig höfða mál gegn KPMG og Deloitte til þess að reyna að endurheimta fé hluthafa. Hlutabréf HP hafa lækkað um 60% frá því að kaupin voru tilkynnt í ágúst í fyrra.
Það er ekki auðvelt að mæla áhrif fólks, hvort sem það er í listalífinu eða annars staðar, á hlutlægan hátt. Áhrif eru margþætt og birtast á ólíka vegu, bæði beint og óbeint, í sviðsljósinu og bak við tjöldin. Þau geta falist í að hafa með listrænum innblæstri áhrif á tísku og fegurðarskyn og þannig hvernig listaverk verða sköpuð á morgun, þá geta þau falist í mótandi áhrifum á umgjörð listalífsins og þannig áhrifum á hvort og hvernig listaverk verða sköpuð í framtíðinni, en áhrifin geta einnig falist í mótandi áhrifum á sjálfsmynd þjóðarinnar og ímynd hennar út á við – áhrifum sem ná langt út fyrir menningariðnaðinn. Áhrifamest í íslensku menningarlífi - 1. til 4. sæti 4. Egill Helgason dagskrárgerðarmaður Mynd : DV ehf / Sigtryggur Ari Egill Helgason, dagskrárgerðarmaður á RÚV og þjóðfélagsrýnir, er fæddur árið 1959 og hefur stundað blaðamennsku og ritstörf frá unglingsárum. Hann stýrir eina hreinræktaða bókmenntaþættinum í íslensku sjónvarpi, Kiljunni. „ Áhrif hans eru ótvíræð og ótrúleg. Allur bókabransinn beinlínis bíður milli vonar og ótta. Ég held að útgefandi Íslands, Jóhann Páll Valdimarsson, hafi sagt að það skipti öllu máli fyrir gengi bóka á sölulistum hvernig tökum Egill tekur hana. Og, hvað sem menningarinnar menn vilja nú segja um sölulista, þá eru það nú þeir sem öllu máli skipta, “ segir einn álitsgjafa DV. Aðrir álitsgjafar taka í sama streng : „ Egill hefur skapað sér stöðu eins konar bókmenntapáfa og smekkstjóra meðal dyggra fylgjenda. Hann er fjölfróður súpermiðlari og með smitandi fróðleiksfýsn sem virðist algjörlega óslökkvandi. Að komast eða komast ekki í Kiljuna, það getur skilið á milli bókmenntalegs lífs og dauða fyrir rithöfunda og útgefendur, “ segir einn og annar bætir við : „ … gagnrýnendur í þættinum geta beinlínis stýrt velgengni bóka með umfjöllun sinni. Einnig er hann áberandi bloggari og mikið lesinn og getur því beitt áhrifum sínum á mörgum sviðum. “ 3. Magnús Geir Þórðarson útvarpsstjóri Þótt ítök RÚV í íslensku menningarlífi fari vissulega dvínandi þá er það samt sú stofnun sem nær til langflestra og hefur mest áhrif. Magnús Geir Þórðarson, fæddur árið 1974, er lærður leikhúsfræðingur. Hann tók við sem leikhússtjóri Leikfélags Akureyrar aðeins þrítugur og sló í gegn. Í kjölfarið var hann ráðinn borgarleikhússtjóri þar sem hann tók markaðshlið leikhússins í gegn og tókst hið ómögulega – að fá Reykvíkinga til að mæta í leikhús. Hann var ráðinn útvarpsstjóri Ríkisútvarpsins í mars 2014. Þar með er hann orðinn æðsti yfirmaður og stefnumótandi stærsta framleiðanda íslensks menningarefnis, bæði í sjónvarpi og útvarpi. „ Sem útvarpsstjóri hefur hann mikil áhrif á menningarstefnu útvarpsins og þar sem hann kemur úr listaumhverfinu sem leikhússtjóri Leikfélags Akureyrar og Borgarleikhússins, þar sem hann stóð sig með mikilli prýði, hefur hann allar forsendur til að láta vel til sín taka á sviði menningarmála á vegum Ríkisútvarpsins, “ segir einn álitsgjafi. „ Ef hann vill beita sér markvisst getur hann orðið enn meiri áhrifavaldur í íslensku menningarlífi. Hann hefur virðinguna og metnaðinn, “ segir annar. Þó að útvarpsstjóri hafi alltaf mikil áhrif á hvort og hvernig menningarefni kemst á dagskrá, má færa rök fyrir því að RÚV standi á mikilvægum tímamótum. Þar sem fjárhagserfiðleikar stofnunarinnar eru jafn miklir og raun ber vitni er óhjákvæmilegt að skera þurfi niður í rekstri. Magnús hefur talað um að jafnvel þurfi að skera burt stórar einingar stofnunarinnar til að RÚV geti sinnt lögbundnu hlutverki sínu. Með ákvörðunum um hvar niðurskurðurinn skuli eiga sér stað mun Magnús Geir hafa mikil áhrif á íslenska menningarframleiðslu og -neyslu á næstu árum og áratugum. „ Þótt ítök RÚV í íslensku menningarlífi fari vissulega dvínandi þá er það samt sú stofnun sem nær til langflestra og hefur mest áhrif. Þar hefur útvarpsstjóri einfaldlega ótrúlega mikið að segja og pólitík spilar vissulega einhvern þátt ; það er ekki langt síðan umdeild heimildamynd um svívirðilegar aðgerðir ríkisvaldsins gegn saklausu fólki fékkst ekki sýnd með vísan til reglna sem aldrei stæðust alvarlega skoðun, “ segir einn álitsgjafa DV. Mynd : DV ehf / Sigtryggur Ari 2. Ragnar Kjartansson myndlistarmaður Þar sem myndlistin hefur of lítið vægi í íslenskri menningarumræðu er ekki víst að almenningur átti sig á því hvað Ragnar er orðinn mikill þungavigtarmaður Um Ragnar Kjartansson Ragnar Kjartansson hefur verið áberandi í íslensku listalífi, bæði tónlist og myndlist, um nokkurt skeið en hefur að undanförnu skotist upp á stjörnukort alþjóðlega myndlistarheimsins. Ragnar, sem er fæddur árið 1976, var yngsti íslenski listamaðurinn til að sýna á Feneyjatvíæringnum. Hann hefur sýnt í virtustu leikhúsum og myndlistargalleríum heims. Fyrir utan Ólaf Elíasson er hann sá Íslendingur sem hefur náð lengst í myndlistarheiminum. „ Hann er ótrúlegur listamaður sem hefur mikil áhrif innan listanna. Fólkið úti í samfélaginu er ekki mjög meðvitað um Ragnar en þarna er rísandi stjarna – stórstjarna – á ferð. Það sem Ragnar gerir þykir vandað, frumlegt og ögrandi. Stundum sætt. Tvímælalaust einn af þessum stóru í myndlistarheiminum, “ segir einn álitsgjafa DV. Ragnar er úr mikilli listafjölskyldu, sonur Guðrúnar Ásmundsdóttur leikkonu og Kjartans Ragnarssonar, leikara og leikstjóra. Hann lærði myndlist við LHÍ en hefur alltaf haft meiri áhuga á hinum leikræna þætti listarinnar, gjörningum og lifandi listaverkum. Hann varð fyrst þjóðþekktur sem tónlistarmaður í hljómsveitunum Funerals og Trabant og gekk þá undir listamannsnafninu Rassi Prump. Ef Björk er forgöngumaður pönkaranna á Íslandi hefur Ragnar líklega tekið við kyndlinum sem helsti listamaður krúttkynslóðarinnar af Sigur Rós. Ragnar er ekki aðeins virtur og álitinn spennandi af menningarvitum heldur nýtur hann mikilla vinsælda hjá almenningi, The Visitors var vel sótt og leiksýningin Kraftbirtingarhljómur Guðdómsins, sem var sýnd í Borgarleikhúsinu, vakti mikla athygli. „ Ragnar er kominn í svipaða stöðu og Björk hefur verið í, þar sem hann getur fengið hvaða listamann sem er til að vinna með sér og áhorfendur flykkjast á sýningar á verkum hans. List hans hefur vakið athygli langt út fyrir landsteinana og jafnvel meiri athygli erlendis en hérlendis. Þar sem myndlistin hefur of lítið vægi í íslenskri menningarumræðu er ekki víst að almenningur átti sig á því hvað Ragnar er orðinn mikill þungavigtarmaður, “ segir einn álitsgjafa DV. Álitsgjafarnir tala einnig um að áhrif hans nái út fyrir myndlistarheiminn : „ Hann nær á einstakan hátt að tengja saman myndlist, tónlist og leiklist svo úr verði ný og áhrifarík nálgun í samtímalist, “ segir einn álitsgjafi og annar bætir við : „ Yngri listamenn hljóta að horfa til hans, og það er kannski fyrst og síðast lífsafstaða hans, framkoma og almenn ára sem er að hafa hvað mest áhrif. Hvernig hann dansar á mörkum algerrar einlægni og þessarar séríslensku, gáskafullu kaldhæðni er stórmerkilegt. “ 1. Björk Guðmundsdóttir tónlistarkona Áhrif hennar sýna okkur hvað er mögulegt og hver við gætum orðið Um Björk Guðmundsdóttur Björk Guðmundsdóttir er áhrifamesta manneskjan í íslensku menningarlífi að mati álitsgjafa DV. Björk sem er fædd árið 1965 gaf út sína fyrstu plötu aðeins ellefu ára, var hluti af íslensku pönksenunni og var ein aðalsprauta Sykurmolanna sem öðluðust virðingu í jaðarrokkheiminum á seinni hluta níunda áratugarins. Upp úr þeim félagsskap spratt Smekkleysa, en áhrif þess hóps á listir, stjórnmál og fleiri anga samfélagsins eru gríðarleg. Eftir að Björk hóf sólóferil margfölduðust vinsældir hennar og varð hún þekktasti listamaður sem þjóðin hefur getið af sér. Það var varla álitinn möguleiki að íslenskir tónlistarmenn næðu raunverulegum vinsældum utan landsteinanna áður en Björk tókst það. Það er ljóst að allar tilraunir til að færa íslenska tónlist til umheimsins : útflutningsskrifstofa íslenskrar tónlistar, Kraumur, Iceland Airwaves, eru undir áhrifum frá þessum árangri og tala álitsgjafar um að hún sé brautryðjandi sem hafi „ leitt íslenska tónlistarútrás. “ Hún hefur þó ekki einungis haft gríðarleg áhrif á vinsældametnað íslenskra listamanna heldur einnig listrænan metnað og fagurfræði – sem má til dæmis heyra í söngstíl margra yngri söngkvenna á landinu. „ Áhrifa Bjarkar gætir fyrst og síðast í listinni. Ég fullyrði að það er enginn íslenskur listamaður fæddur eftir 1970 sem lítur ekki til afreka Bjarkar og staðfestu hennar, “ segir einn álitsgjafa DV. Björk fór snemma að nota íslenska náttúru sem bakgrunn í myndböndum sínum og er tala um áhrif kraftanna sem búa í landinu á listsköpun hennar. Þessi nálgun hefur svo verið mjög ráðandi í því hvernig talað er um íslenska tónlistarmenn og hvernig þeir eru kynntir fyrir umheiminum. Það er óhætt að segja að sá stimpill sem Ísland hefur á sér sem skrýtin þjóð listamanna í stórbrotnu landslagi hafi að stórum hluta orðið til vegna ímyndar sem Björk tók þátt í að móta. „ Björk hefur haft mikil áhrif á sjálfsmynd íslenskra tónlistarmanna og okkar Íslendinga, hennar sterka alþjóðlega ímynd hefur áhrif á ímynd okkar allra. Hún hefur sýnt fram á að tilraunakennd popptónlist getur náð fjöldahylli, verið fyrirmynd margra af yngri kynslóð tónlistarmanna og ugglaust haft áhrif á framþróun og tónlistarsköpun á Íslandi, “ segir einn álitsgjafi. „ Björk er mikilvægasti listamaður sem landið hefur alið. Hún hefur mótandi áhrif á sjálfsmynd Íslendinga og þegar hún tekur fyrir málefni, eins og umhverfismál áður og feminísk málefni núna, er hlustað. Áhrif hennar sýna okkur hvað er mögulegt og hver við gætum orðið, og til lengri tíma áhrif á alla umgjörð tónlistar og hvaða tækifæri við höfum til þess að hafa áhrif á heiminn og okkar eigið hlutskipti, “ segir annar álitsgjafi. Á undanförnum árum hefur áhrifa Bjarkar svo farið að gæta víðar en í listalífinu : hún hefur í auknum mæli einbeitt sér að náttúruvernd og veitt málstaðnum rödd sína, hún hefur tekið þátt í að þróa spjaldtölvuforrit til að kenna börnum að virkja sköpunarkraft sinn og kynnast eðli alheimsins, verk hennar eru sýnd í stærstu listasöfnum heims, nánir vinir og samstarfsmenn Bjarkar úr íslensku pönksenunni og Smekkleysuhópnum : Jón Gnarr, Einar Örn Benediktsson og fleiri, eru svo orðnir áhrifamiklir í íslenskri pólitík. „ Björk er drottning sem hefur áhrif langt út fyrir eigin kynslóð. Hún hefur áhrif á pólitíska umræðu, hönnun, tísku, jafnréttisumræðu, náttúruvernd og auðvitað tónlist. Hún er virt og dáð – líka af fólki sem ekki „ nennir “ tónlistinni hennar, “ segir einn álitsgjafi. 5. Úthlutunarnefndir starfslauna listamanna og Birna Þórðardóttir, formaður stjórnar listamannalauna. 6. Baltasar Kormákur kvikmyndagerðarmaður 7. Hafþór Yngvason, safnstjóri Listasafns Reykjavíkur 8. Illugi Gunnarsson menntamálaráðherra 9. Vigdís Finnbogadóttir, fyrrverandi forseti 10. i 8 og Börkur Arnarson galleristi 11. Jóhann Páll Valdimarsson og Egill Jóhannsson, bókaútgefendur hjá Forlaginu 12. Grímur Atlason og Iceland Airwaves-teymið hátíðarhaldarar 13. Arna Kristín Einarsdóttir, framkvæmdastjóri Sinfóníuhljómsveitar Íslands 14. Þórunn Sigurðardóttir, stjórnarformaður Ago rekstrarfélags Hörpu 15. Gísli Örn Garðarsson, leikari, kvikmyndaframleiðandi og aðalsprautan á bak við leikhópinn Vesturport. 16. Þröstur Helgason, dagskrárstjóri Rásar 1 17. Kolbrún Bergþórsdóttir, bókmenntagagnrýnandi Kiljunnar og ritstjóri DV 18. Halldór Björn Runólfsson, safnstjóri Listasafns Íslands 19. Grasrótin 20. Svanhildur Konráðsdóttir, sviðsstjóri menningar - og ferðamálasviðs Reykjavíkurborgar. Lestu meira : Áhrifamest í íslenskri menningu - 5. til 9. sæti Sjá einnig : Áhrifamest í íslenskri menningu - 10. til 20. sæti Aðrir sem voru nefndir : Andri Snær Magnason ( rithöfundur ), Arnaldur Indriðason ( rithöfundur ), Árni Matthíasson ( tónlistarspekingur og blaðamaður á Morgunblaðinu ), Baggalútur ( hljómsveit ), Benedikt Erlingsson ( kvikmyndagerðarmaður ), Björg Stefánsdóttir ( framkvæmdastjóri Kynningarmiðstöðvar íslenskrar myndlistar ), Einar Örn Benediktsson ( tónlistarmaður og borgarfulltrúi ), Friðrik Þór Friðriksson ( kvikmyndagerðarmaður ), Halldór Baldursson ( skopmyndateiknari ), Halldór Guðmundsson ( forstjóri Hörpu ), Hanna Styrmisdóttir ( Listrænn stjórnandi Listahátíðar í Reykjavík ), Hugleikur Dagsson ( grínisti og skopmyndateiknari ), Guðmundur Jörundsson ( fatahönnuður ), Ingibjörg Jóhannesdóttir ( fyrrverandi skólastjóri Myndlistarskólans í Reykjavík ), Ingibjörg Pálmadóttir ( athafnakona og eigandi 365 miðla ), Jakob Frímann Magnússon ( tónlistarmaður og miðborgarstjóri ), Jón Gnarr ( grínisti ), KEX Hostel ( gistiheimili og menningarmiðstöð ), Kolbrún Halldórsdóttir ( forseti Bandalags íslenskra listamanna ), Kjartan Ólafsson ( formaður Tónskáldafélags Ísland ), Kristján Steingrímur Jónsson ( deildarforseti myndlistardeildar Listaháskóla Íslands ), Kvikmyndasjóður ( styrktarsjóður ), Markús Þór Andrésson ( sýningarstjóri ), Ólafur Páll Gunnarsson ( dagskrárgerðarmaður ), Páll Óskar ( tónlistarmaður ), Pétur Arason og Ragna Róbertsdóttir, ( listaverkasafnarar ), Rúrí ( myndlistarkona ), Rás 2 ( útvarpsstöð ), Salka Sól Eyfeld ( tónlistar - og dagskrárgerðarkona ), Sigur Rós ( hljómsveit ), Sjón ( rithöfundur ), Stefán Baldursson ( óperustjóri Íslensku óperunnar ), Steinunn Birna Ragnarsdóttir ( tónlistarstjóri Hörpu ), Yrsa Sigurðardóttir ( rithöfundur ).
Uppgrip ættu almennt að vera fagnaðarefni. Ný fisktegund á Íslandsmiðum, makríll, telst til uppgripa því á örfáum árum hafa útflutningstekjur af makrílveiðum vaxið frá núlli upp í 20 milljarða. Uppsjávarflotinn, sem beinst hefur mestmegnis að síld og loðnu, fékk með þessum nýja aufúsugesti væna viðbót og vill nú festa sér gullið. Ei furða því veiðigjald á makríl er um 4 krónur á kílóið sem síðan er selt á 100 - 150 krónur. Því er auðvelt að skilja áfergju útvegsmanna. Áfergja ráðamanna vekur hins vegar spurningar. Hvers vegna er þessi veiðiréttur ekki boðinn út eins og önnur almannagæði? Útvegsmenn hafa ekkert gert til að laða að þennan fisk, hann er hrein himnasending og ætti því að vera uppbót fyrir þjóðina alla, ekki bara afmarkaðan hóp. Veiðireynsla er góð eins og önnur reynsla, en ekki er verktakafyrirtækjum sjálfkrafa úthlutað opinberum verkefnum vegna reynslu. Alls staðar þarf fólk og fyrirtæki að keppa á almennum markaði en þegar kemur að sjávarútvegi er öllum hliðum lokað og ekkert skeytt um atvinnufrelsi né almenn markaðslögmál. Útgerð sem ekki þolir frjálsa samkeppni er ríkisstyrkt. Eða er einhver munur á einum sem fær brauðið heimsent og öðrum sem étur það í kornhlöðu ríkisins? Með almennu útboði veiðiheimilda, þó ekki væri nema bara í makríl, myndi þjóðin sem í lögum ( 1.38 1990 ) er skráð eigandi fiskiauðlindarinnar, geta vænst tekna upp á 10 milljarða. Þessi tala nemur því veiðigjaldi sem íslensk útgerð greiddi 2011 til Færeyinga fyrir veiðileyfi á makríl. Bara þessi eina fisktegund gæti snúið við nauð Landspítalans. Svo eru ótaldar allar hinar. Af hverju vilja ráðamenn ekki hámarka arð þjóðarinnar af fiskveiðum í stað þess að færa fámennri klíku alla innkomuna á silfurbakka? Og hvernig er hægt að meta hagræðingu af kerfi sem kirfilega er varið fyrir frjálsri samkeppni? Hver segir að þessir gaurar séu endilega bestir? Almennt útboð á nýtingarrétti er langbesta aðferðin til að hámarka arð þjóðarinnar af auðlindum sínum, fiskiauðlindum sem öðrum. Gjaldið yrði þá mótað af frjálsum markaði, í þessu tilfelli af útgerðunum sjálfum. Hægt er að útfæra svona uppboð á ótal vegu, setja þak á hámarkshlutdeild útgerða, setja inn mismunandi tímalengdir nýtingarsamninga, taka tillit til landsvæða og hvaðeina. Meginmarkmiðið er að allir geti tekið þátt og innkoman færi í ríkissjóð en ekki í vasa örfárra fjölskyldna eins og nú er. Lesi fólk yfir ályktanir á síðasta aðalfundi LÍÚ má sjá hvaðan innblástur stjórnvalda kemur. Þar kemur í ljós eindreginn vilji útvegsmanna til að festa veiðirétt makríls á skip og miða við veiðireynslu sem kemur sér best fyrir þá sjálfa. Útvegsmenn vilja ennfremur endurskoðun veiðigjalds. Útvegsmenn vilja kvótasetja rækju á nýjan leik og úthluta, þó ekki eftir veiðireynslu sl. ára, heldur til þeirra sem áður sátu á veiðiréttinum og nýttu ekki. Sem aftur kemur sér best fyrir þá sjálfa. Útvegsmenn gjalda varhug við miðstýrðum, opinberum markaðssjóði, segja opinbert eftirlit tímaskekkju og miklu betra fyrir atvinnugreinina að sjá sjálfir um eigið eftirlit. Útvegsmenn hafna ESB-aðild og vilja fiskimiðin áfram í stjórn samtakanna ( LÍÚ ). Útvegsmenn vilja áfram kvótakerfi og samningsbundinn veiðirétt til langs tíma með skýrum rétti til endurnýjunar. M.ö.o. vilja þeir forgang á veiðirétti allra fisktegunda við Ísland um ókomin ár. Allar þessar ályktanir gætu allt eins verið þingsályktanir eða frumvörp þeirrar ríkisstjórnar sem nú situr. Allar líkur eru á að framundan séu mestu gjafagjörningar frá lýðveldisstofnun. Slíkt mun leggja grunn að samansúrruðu ættarauðveldi sem hrauna mun yfir allt og alla og skapa gríðarlegan aðstöðumun þegar fram í sækir, miklu meiri en þann sem þegar er orðinn. Við erum að búa til skrímsli og þurfum að gera upp við okkur hvort við viljum lúta því í framtíðinni eða gera út samfélag þar sem allir sitja við sama borð. Höfundur er læknir og vaktstjóri Lýðræðisvaktarinnar.
Kjósið mig á Evrópuþingið og ég mun koma fram nakin í Playboy, segir fyrrverandi Ungfrú Belgía. Ég mundi gera allt fyrir frægðina, nema koma nakinn fram, segir í dægurlagatexta Stuðmanna. Anke van Dermeersch, sem var kosin Ungfrú Belgía árið 1991, vill komast á Evrópuþingið fyrir Frjálslynda flokkinn og gerir ýmislegt til þess arna. Í gær skýrði hún frá því að ef hún kæmist á þingið ætlaði hún að láta mynda sig nakta og birta myndirnar í Playboy. Van Dermeersch er lögfræðingur og í 13. sæti listans í kosningunum 13. júní og litlar líkur eru taldar á að hún nái kjöri. Til að verða einn af 626 þingmönnum Evrópuþingsins þarf hún um 200.000 atkvæði. Það var því ærin ástæða til að koma með nýja vídd í kosningabaráttuna. Félagar hennar í flokknum, sérstaklega í eldri kantinum, voru samt ekkert allt of ánægðir með uppátækið. " HA !? Lýðræði og kosningar eru alvarleg mál og svona nokkuð er óviðeigandi, " sagði Ward Beysen, leiðtogi flokksins.
Það vakti nokkra athygli í gær þegar tilkynnt var á vefnum amx.is að báðir ritstjórarnir, Jónas Haraldsson og Óli Björn Kárason, hefðu hætt. Vangaveltur eru uppi um það hvort Óli Björn hafi sett þennan „ fremsta fréttaskýringarvef “ Íslands á hausinn. Eiður Guðnason, fyrrverandi sendiherra, er oddviti þeirrar kenningar : „ Er ÓBK þá líka búinn að setja AMX, sem kallar sig „ fremsta fréttaskýringamiðil landsins “ á hausinn? Það er vissulega afrek, – eða þannig, “ bloggar Eiður á Eyjunni. Vísar Eiður þarna væntanlega til fortíðar kappans í viðskiptum.
Lionel Messi, leikmaður Barcelona, segist eiga enn eftir að ná hápunkti ferlis síns og telur að hann geti orðið enn betri. Messi hefur verið kjörinn besti knattspyrnumaður heims af FIFA undanfarin þrjú ár og er af mörgum talinn besti knattspyrnumaður sögunnar. Argentínumaðurinn hefur látið mikið af sér kveða á leiktíðinni og skorað 51 mark á leiktíðinni með Barcelona og þarf fimm mörk til viðbótar til að verða markahæsti leikmaður Barcelona frá upphafi. Messi, sem hefur nánast alla sína tíð leikið með Barcelona, er fullviss um að hann eigi enn margt ólært og verði betri með hverju ári sem líður. ,, Ár eftir ár ef ég vaxið og dafnað sem knattspyrnumaður. Ég var heppinn að hafa byrjað mjög ungur og ég hafði ávalt góða kollega í kringum mig á meðan ég var að alast upp, það hjálpaði mér að ná langt, ” sagði Messi. ,, Samt sem áður tel ég að ég eigi meira inni. Ég er langt frá hápunkti ferilsins, ég er enn ungur og er enn að þróast sem leikmaður. Ég hætti aldrei að læra. Jafnvel þegar ég legg skóna á hilluna mun ég aldrei segja að ég hafi verið fullkominn leikmaður. Því eldri sem þú verður, því reyndari og betri verður þú. ' Þegar Messi var aðeins þrettán ára gekk hann í raðir Barcelona og flutti til Spánar með föður sínum og segir hann það hafa verið erfitt fyrir hann að yfirgefa Argentínu. ,, Ég vildi alltaf verða atvinnumaður og til að verða það vissi ég að ég yrði fórna miklu. Það gerði ég með því að yfirgefa Argentínu, ég fór frá fjölskyldu minni til að hefja nýtt líf. Ég eignaðist aðra vini, nýtt fólk var í kringum mig og allt breyttist. En allt sem ég gerði, gerði ég fyrir fótboltann og til að láta drauminn rætast. ” bætti Messi við.
Tæplega 400 börn sem sóttu um nám í skólahljómsveitum Reykjavíkur á síðasta ári komust ekki að. Stjórnanda skólahljómsveitarinnar í Árbæ og Breiðholti þykir miður að svo mörg börn fái ekki tækifæri. Í ár stefnir aftur í mikla umfram aðsókn í skólahljómsveitirnar. Nú þegar eru 170 börn á biðlista þótt umsóknarferlinu sé ekki lokið. Reykjavíkurborg rekur fjórar skólahljómsveitir og alls hafa sveitirnar heimild til að kenna 441 nemanda á hverju ári. Um það bil 800 börn sóttu um pláss. Markmið skólahljómsveitanna er meðal annars að jafna tækifæri nemenda til tónlistarnáms. Snorri Heimisson, stjórnandi sveitar í Árbæ og Breiðholti, var með um 150 börn á biðlista í fyrra. Þá var hann með 118 nemendur. Honum þykir sorglegt að mörg börn sem hafi tónlistarhæfileika komist ekki að og hafa stjórnendur óskað eftir því að fá að taka við fleiri börnum. Þeir vilja líka kaupa búnað og bæta kennsluaðstöðu. Reykjavíkurborg jafnaði nýverið fjölda plássa í hverri sveit en plássum hefur hins vegar ekki fjölgað þrátt fyrir mikla aðsókn. Sigfríður Björnsdóttir, deildarstjóri listfræðslu hjá skóla - og frístundasviði, segir rætt hjá borginni um breyttar þarfir vegna þessarar miklu aðsóknar.
KR-ingar hafa fengið undanþágu til að semja við markvörðinn Beiti Ólafsson um að leika með liðinu í Pepsi-deild karla í knattspyrnu. Stefán Logi Magnússon aðalmarkvörður KR-inga er meiddur næsta mánuðinn og Sindri Snær Jensson varamarkvörður meiddist svo í bikarsigrinum á ÍR í fyrrakvöld og verður frá keppni í 5 - 6 vikur. Á heimasíðu KSÍ má sjá staðfesta leikheimild Beitis með KR. Þar sem félagaskiptaglugginn er lokaður til 15. júlí þurfti KR að sækja um undanþágu til að fá leikheimild fyrir Beiti. Beitir sem lengst af hefur spilað með HK á sínum ferli varði mark Keflavíkur í Inkasso-deildinni á síðustu leiktíð, en hefur ekki spilað fótbolta á þessu tímabili. Beitir hefur spilað á annað hundrað deildarleikja í 1., 2. og 3. deild Íslandsmótsins, en á ekki leik í efstu deild. Það gæti þó breyst á mánudag þegar KR mætir Grindavík í Pepsi-deildinni. Beitir mun berjast um markmannsstöðuna hjá KR við hinn 19 ára gamla Jakob Eggertsson, en Jakob kom inn á fyrir Sindra Snæ gegn ÍR á miðvikudag og tryggði ÍR áfram í 8 - liða úrslit bikarkeppninnar með því að verja tvær vítaspyrnur í vítakeppninni.
ÞEKKTUR sérfræðingur á sviði alþjóðasamskipta og öryggismála norðursvæða, dr. Lassi Heininen, talar um alþjóðastjórnmál, efnahagsþróun og bráðnandi norðurslóðir á Félagsvísindatorgi HA í stofu L 201 á Sólborg kl. 12 í dag.
Rúmfatalagerinn hagnaðist um 532 milljónir króna á síðasta rekstrarári og jókst hagnaðurinn um 233 milljónir króna milli ára. Samkvæmt ársreikningi Rúmfatalagersins ehf. fyrir rekstrarárið frá 1. mars 2015 til loka febrúar 2016 námu heildareignir 2,2 milljörðum króna í lok rekstrarársins, eigið fé var jákvætt um rúmar 600 milljónir króna en skuldir námu 1,6 milljörðum króna, þar af ríflega 460 milljónir við tengd félög. Rétt úr kútnum Ljóst er á þessu að tekist hefur að rétta verulega af rekstur Rúmfatalagersins sem árið 2013 tapaði 114 milljónum, auk þess sem eigið fé hans var neikvætt um rúmar 278 milljónir. Skuldastaða félagsins var þá reyndar um 1,7 milljarðar. Annað sem breyst hefur verulega er upphæð ábyrgða sem Rúmfatalagerinn gekkst undir vegna tengdra félaga. Árið 2013 námu þær 15,3 milljörðum króna og gerði endurskoðunarfyrirtækið KPMG athugasemd við þá staðreynd í ársreikningnum – sagði að veruleg óvissa ríkti um áframhaldandi rekstrarhæfi félagsins ef ábyrgðirnar féllu á félagið. Stjórnendur Rúmfatalagersins voru þó vissir um að ábyrgðirnar myndu ekki lenda á félaginu. Þessi ábyrgð hefur lækkað verulega síðan þá. Í ársreikningi 2016 kemur fram að félagið hafi ábyrgst greiðslur vegna tengdra félaga sem nemi um 623 milljónum króna sem stjórnendur telja enn ólíklegt að lendi á félaginu. Skuldugt móðurfélag Móðurfélag Rúmfatalagersins og fleiri fyrirtækja, til dæmis Ilvu, er Lagerinn Iceland ehf. Móðurfélagið hagnaðist um 2,6 milljarða króna á síðasta rekstrarári, þar sem mestu munaði um áhrif dótturfélaga upp á rúman milljarð. Heildareignir námu 5,6 milljörðum króna. Eigið fé þess var þó neikvætt um tæpa 1,4 milljarða króna og skuldir þess námu tæpum 7 milljörðum. Þrátt fyrir stöðu eigin fjár og skuldir segir í ársreikningum að skuldir Lagersins Iceland séu við tengd félög. „ Mun móðurfélag þess halda áfram að styðja við rekstur félagsins og ríkir þar af leiðandi engin óvissa um áframhaldandi rekstrarhæfi félagsins. “ Skakkaföll Jákups Aðaleigandinn er sem fyrr færeyski athafnamaðurinn, Jákup á Dul Jacobsen sem stofnaði meðal annars Rúmfatalagerinn á níunda áratug síðustu aldar. Hann hefur verið umsvifamikill í viðskiptalífinu undanfarin ár en árið 2013 var greint frá því að félag hans, L-Investments ehf., hefði farið í 31 milljarðs króna gjaldþrot þar sem aðeins fengust þrjár milljónir króna greiddar upp í kröfur í þrotabúið. L-Investments hét áður Lagerinn ehf. og kom fyrir í skýrslu rannsóknarnefndar Alþingis sem einn af stærstu skuldurum viðskiptabankanna. Skuldaði félagið Landsbankanum rúma 28,9 milljarða króna og Kaupþingi 1,6 milljarða. Þrátt fyrir skakkaföllin í hruninu virðist Jákup enn sterkefnaður og af afkomu Rúmfatalagersins að dæma er allt á réttri leið.
Demöntum, að verðmæti allt að tíu milljónum bandaríkjadala, var stolið úr skartgripaverslun í New York á dögunum. Verslunareigandinn geymdi þá í ólæstum öryggisskáp að sögn lögreglu. Að sögn breska dagblaðsins Telegraph hefur verslunareigandinn skápinn ólæstan til þess að auðvelda aðgengi að öðrum eðalsteinum. Virði demantanna er á milli fimm og tíu milljóna bandaríkjadala. Það samsvarar 640 til 1280 milljónum íslenskra króna. Vandinn er sá að demantarnir gætu hafa verið teknir hvenær sem er á tímabilinu 24. nóvember og fram til síðastliðins þriðjudags þegar verslunareigandinn tók fyrst eftir því að þeir voru horfnir. Fimm starfsmenn verslunarinnar verða yfirheyrðir af lögreglu ásamt verktökum sem unnu á skrifstofunni á þessu tímabili.
Manchester United sigraði Sunderland 3 : 1 á útivelli í dag. Wayne Rooney skoraði fyrsta markið á 40. mínútu og hann lagði svo upp annað markið fyrir Ruud van Nistelrooy á 76. mínútu. Stephen Elliott minnkaði muninn fyrir heimamenn á 82. mínútu en það var svo varamaðurinn Guiseppe Rossi sem gerði síðasta mark leiksins á 87. mínútu. Sjá einnig enski.is
ÞRÁTT fyrir að olíuframleiðsluríki eins og Sádi-Arabía hafi hagnast mjög vel á hækkandi olíuverði undanfarið ár hafa yfirvöld þar áhyggjur af afleiðingum hás olíuverðs til lengri tíma. Nú þegar er áhugi fyrir raf - og tvinnbifreiðum orðinn töluverður og margir sem ekki vildu heyra á kjarnorku minnst íhuga það alvarlega að reisa fleiri kjarnorkuver til að viðkomandi ríki verði síður háð olíu til orkuframleiðslu. Sádi-Arabía þarf því að íhuga framtíð sína í veröld þar sem eftirspurn eftir helstu auðlind landsins verður hugsanlega mun minni en nú. Sádí-arabískt hagkerfi þyrfti við slíkar aðstæður að vera breiðara og byggja á fleiri stoðum en það gerir nú og vilja stjórnvöld reisa tækni - og þróunarborg skammt frá Medína, sem ætlað er að vera ein slík stoð. Bæta ímynd fjölskyldunnar Í Þekkingarborginni, eins og svæðið hefur verið nefnt, verða háskólar, tæknivædd sjúkrahús og íbúðir fyrir 130.000 manns. Áætlað er að fimm svipuð svæði verið byggð í landinu á næstu 15 árum og verður kostnaðurinn samtals um 8.000 milljarðar íslenskra króna. Er hugsunin sú að í borgunum geti stór hluti þjóðarinnar fundið sér verðmætaskapandi vinnu, en helmingur landsmanna er yngri en 21 árs. Virðast stjórnvöld í Sádi-Arabíu hafa lært sína lexíu af fyrri olíuhækkunartímabilum, þar sem auðnum var sóað í lúxusneyslu prinsa og í uppbyggingu á vegakerfi landsins, en minni áhersla var lögð á uppbyggingu í menntun og atvinnuuppbyggingu. Ríkisstjórninni er því mikið í mun að sýna landsmönnum að olíuauðnum sé í þetta sinn varið í fjárfestingu og uppbyggingu sem komi öllum íbúum landsins til góða og til að bæta ímynd konungsfjölskyldunnar, sem eins og áður segir, hefur orð á sér fyrir eyðslusemi. bjarni@mbl.is
Stjórnarandstaðan vill meiri upplýsingar og meiri tíma til umræðu um Icesave samninginn. Ásbjörn Óttarsson, fulltrúi sjálfstæðismanna í nefndinni, segir að ef einhvern tíma sé ástæða til að gefa sér tíma í mál þá sé það nú. Á fundi fjárlaganefndar í gær óskaði minnihlutinn í nefndinni eftir því að Hagfræðistofnun Háskóla Íslands yrði fengin til að gera óháða úttekt á fylgigögnum með skýrslu Seðlabankans um Icesave málið. Einnig að Davíð Oddsson, fyrrverandi seðlabankastjóri og Björgvin G. Sigurðsson, fyrrverandi viðskiptaráðherra, verði boðaðir fyrir nefndina. Ásbjörn Óttarsson, einn fulltrúa sjálfstæðismanna í fjárlaganefnd : Þetta er bara viða, það viðamikið mál að menn þurfa að gefa sér bara góðan tíma til þess að fara yfir það. Gísli Einarsson : Og er nægur tími? Ásbjörn Óttarsson : Ja ég ætla að vona það að menn gefi sér nægan tíma til þess að fara yfir þetta mál því þetta er nú eitt stærsta mál og stærsta skuldbinding íslensku þjóðar. Ef að menn hafa ekki tíma til þess að gera það að þá veit ég ekki hvert við stefnum og við höfum tíma til 15. september og við höfum nú óskað eftir því í minnihlutanum að menn gæfu sér tíma til þess að og kláruðu málið í september, en það hefur nú ekki fengið góðar undirtektir, en ég bíð ennþá með þá von í brjósti að menn verði við því. Áfram verður fundað í fjárlaganefnd í dag og væntanlega næstu daga. Ásbjörn útilokar ekki að samstaða náist um málið á Alþingi en það taki tíma sem menn verði að gefa sér. Ásbjörn Óttarsson : Þessi samningur eins og hann er í dag og lítur út núna finnst mér algerlega óboðlegur. Menn verða annað hvort að taka hann upp eða styrkja einhver ákvæði inni í honum og setja fyrirvara við lagalegar skyldur okkar um greiðslur og eitthvað svoleiðis. En samningurinn eins og hann er núna og var skrifað undir hann er náttúrulega bara handónýtur.
Nýkjörnar sveitarstjórnir taka við alls staðar í íslenskum sveitarfélögum í dag, 15 dögum eftir kjördag. Fráfarandi sveitarstjórnir hafa haldið umboði sínu hingað til. Meirihlutar hafa verið myndaðir undanfarnar tvær vikur mjög víða um land og daglegt líf í stjórnkerfi sveitarfélaganna að ná á sig mynd á ný. Skulu allar sveitarstjórnir funda eigi síðar en 15 dögum frá því þær taka við, það er að segja í dag. Í lögum um sveitarstjórnir segir að sá fulltrúi í nýkjörinni sveitarstjórn sem á að baki lengsta setu í sveitarstjórninni boði til fyrsta fundar ekki síðar en 15 dögum eftir að hún tekur við störfum eftir kosningar. Hann stýrir fundi þar til oddviti hefur verið kjörinn. Hafi tveir eða fleiri fulltrúar átt jafnlengi setu í sveitarstjórninni fer aldursforseti þeirra með verkefni samkvæmt þessari málsgrein. Fyrsta fund skal boða með minnst fjögurra daga fyrirvara. Í Reykjavík verður fyrsti borgarstjórnarfundur þriðjudaginn 19. júní. Allir nýir borgarfulltrúar og varaborgarfulltrúar sitja nú kynningarnámskeið þar sem þeim er meðal annars kynnt stjórnkerfi borgarinnar, lögbundið hlutverk sem og fjármál sveitarfélaga og fjárhagsáætlanagerð ásamt gerð ársreikninga og fjármálareglur sveitarstjórnarlaga. Umboðsmaður borgarbúa sér um ásamt öðrum að kynna nýja borgarstjórn fyrir sveitarstjórnar - og stjórnsýslulaga. Greint var frá því í morgun að meirihlutaviðræður Samfylkingarinnar, Viðreisnar, Vinstri grænna og Pírata í Reykjavík hafa gengið vel undanfarna daga, og þykir líklegt að nýr meirihluti verði kynntur í vikunni.
Hendrik Antoon Lorentz ( f. 18. júlí 1853 í Arnhem, d. 4. febrúar 1928 í Haarlem ) var hollenskur eðlisfræðingur. Hann hlaut nóbelsverðlaunin í eðlisfræði árið 1902 fyrir rannsóknir sínar á rafsegulgeislun. Lorentz stundaði grunnskólann í Arnhem þangað til hann náði 13 ára aldri, þá fór hann í nýjan menntaskóla þar. Hann hóf nám við Háskólann í Leiden árið 1870 en tveim árum síðar sneri hann aftur til Arnhem til að stunda kvöldkennslu. Á meðan hann kenndi vann hann að doktorsverkefni sinu og hlaut Ph.D. gráðu sína 1875. Í doktorsritgerð sinni endurskilgreindi Lortentz rafsegulfræði Maxwells og útkýrði betur speglun ljóss og ljósbrot. Nafn hans er núna tengt við Lorentz-Lorenz jöfnuna. Hann var settur sem prófessor í stærðfræðilegri eðlisfræði við Háskólann í Leiden árið 1878. Á meðan hann var þar vann hann aðallega að því að finna eina kenningu sem útskýrði sambandið á milli rafmagns, seglunar og ljóss. Lorentz gat sér til um að frumefni væru gerð úr hlöðnum eindum og kom með þá tillögu að sveiflun þessara agna væri uppruni ljóss. Þetta var sannað með tilraun árið 1896 af Pieter Zeeman, sem var lærisveinn Lorentz. Árið 1895 þegar hann reyndi að útskýra niðurstöður Michelson-Morley tilrauninnar innleiddi hann hugmyndina um staðartíma ( þ.e. að tíminn breytist mismunandi eftir staðsetningu ). Hann lagði einnig til að hlutir sem nálguðust ljóshraða degðust saman í þá átt sem hluturinn hreyfðist ( sjá Fitzgerald-Lorentz samdráttur ). Árið 1904 ( ári áður en Einstein birti sína grein ) útvíkkaði Lorentz þessa vinnu og þróaði Lorentz ummyndanirnar. Þessar stærðfræðiformúlur lýstu grunnatriðum afstæðiskenningarinnar nefnilega massaaukningu, lengdarstyttingu og timalengingu sem eru einkennandi fyrir hlut á hreyfingu. Lorentz var formaður fyrstu Solvey ráðstefnunnar sem var haldin í Brussel haustið 1911. Þessi ráðstefna leit á vandræðin sem stöfuðu af því að hafa tvær aðferðir til að lýsa heiminum, nefnilega klassísk aflfræði og skammtafræði. Hins vegar samþykkti Lorentz aldrei skammtafræði og vonaði að hún yrði innlimuð í klassísku aðferðina. Lorentz varð forstöðumaður rannsókna við Teyler stofnunina í Haarlem, hann var þó áfram heiðursprófessor við Leiden og var með fyrirlestra þar í hverri viku. Lorentz var margheiðraður fyrir framlög sín til vísinda. Hann var kosinn meðlimur í Royal Society árið 1905. Þeir veittu Lorentz Rumford orðuna árið 1908 og Copley orðuna árið 1918. Lorentzkraftur er kenndur við hann.
Eftirfarandi frásögn er eftir afa minn og nafna Friðrik Ásmundsson Brekkan frá Ytri Reykjum og Brekkulæk. Friðrik var fæddur árið 1888. Í dalverpi einu í Vatnsnesfjalli í vestanvert við Þrælafell hefir mér verið sagt er tjörn eða vatn, sem kallast Grákollutjörn. Sagt er að frá vissum stöðum í nágrenni tjarnarinnar sjáist þar tveir svartir eða svartgráir fuglar á sundi, en jafnan eru þeir horfnir er betur er aðgætt. - Um orsök þessa fyrirbæris er eftirfarandi saga : Í Hlíðardal á Vatnsnesi er bær sá er Dalkot heitir. Þar bjó einhverntíma endur fyrir löngu ekkja. Hún var fátæk og átti erfitt með að halda vinnufólk, einkum átti hún í basli með að fá fyrirvinnu fyrir búið, sem væri dugandi fjármaður. Fór svo að lokum, að hún stóð uppi ráðalaus, því enginn vildi fara til hennar, enda var til lítils að vinna þar í fátæktinni. Var nú ekki annað sýnna, en að hún myndi flosna upp og fara á verðgang með börn sín. Þá bjó á bæ einum úti á Vatnsnes bóndi, er mikill þótti fyrir sér og margfróður. Til hans leitaði nú konan í vandræðum sínum og bað hann útvega sér vinnumann, sem væri góður fjármaður. Bóndi færðist heldur undan og kvað slíka ekki liggja á lausu. En þó kom svo fyrir þrábeiðni hennar, að hann lofaði að reyna að senda henni pilt, en hún yrði að ábyrgjast, hvernig til tækist með hann. Þakkar hún honum vel og fer heim eftir það. Nú er sagt, að bóndi þessi litlu síðar hafi fundið förupilt, sem Þorlákur hét, úti á víða vangi var hann rétt að gefa upp öndina, er bóndi kom að, hafði orðið úti eða króknað milli bæja. Bóndi vekur hann þegar upp og magnar með særingum eins og honum finnst við þurfa. Síðan sendir hann draug þennan til ekkjunnar í Dalkoti og leggur fyrir hann að hirða fé hennar og vinna annað á heimilinu, sem þörf sé á. Nú víkur sögunni að Dalkoti. Þetta sama kveld kemur þar í baðstofuna piltur heldur gustmikill. Ekki heilsar hann heimafólki né biður Guð að blessa það eins og siður er. En þar segist hann eiga að vera og skuli hann hirða féð og gera annað það, er með þurfi. Konan spyr hann að heiti, en hann nefnist Þorlákur. Meira vill hann ekki segja um sjálfan sig. Konan varð eins og nærri má geta fegin að fá vinnumann. En þó stóð henni og öllu öðru heimilisfólki ótti af honum, því hann leit út fyrir að vera íllhreysingur. Hún bauð honum mat og þá hann það. Tók hann við matnum og hámaði í sig, og þess er ekki getið að hann segði : Guð laun eða signdi sig. ( Aths : 1. Draugar, sem vaktir eru upp volgir, þurfa mat eins og mennskir menn, og er sagt að þeir hafi ekki með öllu glaðtað mannlegu eðli sínu ) Tekur Láki nú við fjárhirðingu og öðrum verkum, og ber ekki á neinu fyrst lengi, duglegur þótti hann að halda fé til beitar og varð aldrei vant neinnar skepnu. En kynlegur þótti hann í háttum og ómannblendin. Ekki átti hann þó í illdeilum, en talaði aldrei að fyrrabragði og svaraði skætingi, ef á hann var yrt. Aldrei vildi hann vera við húslestur og fór aldrei í kirkju. Fannst húsfreyju það illt og vandaði um við hann fyrst, en hann varð þá svo úfinn og illúðlegur að hún þorði aldrei framar að nefna það á nafn. Þegar fram liðu stundir fór meira og meira að bera á því, að Láki var ekki sem mennskur maður. – Þegar skyggja tók færðist hann allur í aukana og sat hann þá oft á rúmfleti sínu í baðstofunni, reri mikinn, tók bakföll og rak bífurnar upp í sperru svo brakaði í hverju tré. Þótti fólki þá ekki dælt að vera í nánd við hann og flýði í eldhús. En þegar tunglsljós var sat hann úti á bæjarkampinum eða á tóftarbroti þar í túninu, geispaði ámátlega og glennti sig og skældi á móti tunglinu. Að síðustu hætti hann að mestu að koma í baðstofuna, en hélt sig þá úti allar nætur, reið húsum og barði fæturna í þekjuna, svo að allt lék á reiði skjálfi. Gat enginn sofið og varð að hið mesta mein. Gerðist hann nú svo illur viðskiptis að hann nálega eirði engu. Meiddi hann og drap hverja skepnu ókunnuga, sem kom í Dalkotslandareign. Heimaféð hirti hann þó lengi án þess að gera því mein, en svo kom, að hann eirði því ekki heldur, kyrkti hann sumt en beinbraut annað. Ekkjan sá nú að svo búið mátti ekki standa. - Í þennan tíma bjó að Tjörn á Vatnsnesi prestur, sem var mjög andheitur og kraftaskáld. Ekkjunni var ráðlagt að fara til hans í vandræðum sínum. Gerði hún það, segir honum upp alla sögu, lýsir háttum vinnumanns síns og biður prest blessaðan að firra sig þessu vandræði. Brázt prestur vel við og gerði þegar ferð sína í Dalkot. Svo er sagt, að Láki kæmi inn á baðstofugólf, er prest bar að garði. Fussaði hann þá mikið og varð síðan að orði : " Já, já, þar kemur þú andskotans kjaftaskurinn á Tjörn, sá held ég nú eigi erindið! " Í sama bili kom prestur í baðstofu dyrnar. Sá hann þegar hvers kyns var, og að hér var hinn rammasti draugur, en enginn mennskur maður. Hefur hann þegar upp rödd sína og tekur að kveða yfir hausmótum Láka. Láki komst fram hjá honum og út. En prestur fer á eftir og kveður nú sem óðast og les fræði sín. En svo var draugurinn magnaður, að hann lét fyrst lengi engan bilbug á sér finna. Þó fór svo að lokum, að hann hörfaði undan og leitaði til fjalls. Prestur fór á eftir, og barst leikurinn upp undir Þrælsfell, og að lokum niður að Grákollutjörn. Er það mjög langur vegur. En er þeir koma að tjörninni snýst draugurinn við og ræðst á prest. Takast þeir glímutökum. Setti prestur klofbragð á draugsa, brá honum á loft og keyrði niður í tjörnina með höfuðið á undan, Mælti prestur nú svo um að þar skyldi Láki bíða dómsdags. ( Aths : 2. Aðrir segja, að prestur hafi komið Láka fyrir í tóftarbroti í túninu á Dalkoti ) Sézt þar jafnan í iljar honum. Eru fuglarnir á tjörninni raunar engir fuglar, heldur sér í iljar Dalkots-Láka. Haukur Halldórsson teiknaði meðfylgjandi myndir.
Tímaritið Shoot hefur valið úrvalslið þriðju umferðar í riðlakeppni Meistaradeildarinnar og má sjá það hér að neðan. Þetta var ekki góð umferð fyrir enska boltann og aðeins Manchester United sem á fulltrúa þaðan. Stillt er upp í leikkerfið 4-3-3. Markvörður : Fraser Forster ( Celtic ) Varði eins og hetja á Nývangi þar sem Celtic var 30 sekúndum frá því að ná í magnað stig. Varnarmenn : Atsuto Uchida ( Schalke ) Átti magnaðan leik gegn Arsenal og hélt Lukas Podolski í skefjum. Þá var þessi ungi Japani sífellt ógnandi sóknarlega. Niklas Moisander ( Ajax ) Stýrði vörninni gegn Englandsmeisturunum og skoraði svo þriðja mark Ajax með frábærum skalla. Ivan Runje ( Nordsjælland ) Enginn bjóst við því að danska liðið gæti náð stigi gegn Ítalíumeisturunum. Joao Pereira ( Valencia ) Átti verulega góðan leik þegar Valencia sýndi allar sínar bestu hliðar. Miðjumenn : Fernandinho ( Shakhtar Donetsk ) Var frábær gegn Evrópumeisturum Chelsea og kórónaði frammistöðuna með marki. Marco Reus ( Borussia Dortmund ) Þvílíkur leikmaður hér á ferð. Var frábær þegar Þjóðverjarnir lögðu Spánarmeistarana. Jeremy Menez ( PSG ) Var potturinn og pannan í spilamennsku PSG sem vann 2 - 0 sigur gegn Dinamo Zagreb. Sóknarmenn : Javier Hernandez ( Manchester United ) Eftir erfiða byrjun á tímabilinu sýndi Chicharito glansframmistöðu og tvö skallamörk í 3 - 2 sigri United á Braga. Roberto Soldado ( Valencia ) Þrenna í 3 - 0 sigri. Það þarf ekki að segja meira. Jackson Martinez ( FC Porto ) Porto er á flugi og tvö mörk frá Martinez tryggðu liðinu 3 - 2 sigur.
Brian McDermott, njósnari Arsenal, býst ekki við því að það verði mikið í gangi hjá félaginu í janúarglugganum. Hann telur að það verði ekki keyptur sóknarmaður. Arsenal var gagnrýnt fyrir að vera eina félagið í fimm sterkustu deildum Evrópu sem fékk ekki útileikmann til sín í sumar. Markvörðurinn Petr Cech var sá eini sem Arsenal keypti. Arsene Wenger hefur sagt að hann muni bara kaupa leikmann ef hann finnur hágæðamann sem styrki liðið klárlega. Hann býst ekki við því að sá leikmaður verði laus í janúarglugganum. â € & #x17E ; Njósnakerfið hjá Arsenal er einstakt og við vitum alveg hverjir bestu sóknarmenn heimsins eru. En enginn af þeim verður laus í janúar. Það er klárt, " segir McDermott.
Ísraelsher gerði loftárásir á landamæri Gasasvæðisins og Egyptalands í morgun en samkvæmt upplýsingum hersins eru árásirnar liður í viðbrögðum hersins við sprengjuárás Palestínumannaá landamærastöð Ísraela í gær. Þetta kemur fram á fréttavef BBC. Þá segja talsmenn hersins skotmörk árásanna vera göng undir landamærin, sem Palestínumenn noti til vopnasmygls inn á Gasasvæðið. Ísraelar lýstu yfir vopnahléi í kjölfar þriggja vikna hernaðaraðgerða á Gasasvæðinu þann 17. janúar og degi síðar lýstu Hamas-samtökin, sem ráða svæðinu, yfir tímabundnu vopnahléi. Ísraelskur hermaður lét lífið og þrír aðrir særðust í sprengjuárásinni við við Kissufim landamærastöðina í gær og í kjölfar þess gerði Ísraelher loftárásir á Gasasvæðið. Þá voru ísraelskir hermenn verið sendir inn fyrir landamærin til Gasa. Að sögn lækna féll einn Palestínumaður í árásum Ísraela í gær. Ísraelsher gerði einnig loftárás á bílalest eins af leiðtogum herskárra Palestínumanna í Khan Yunis í morgun en maðurinn Hussein Abu-Shamaya er sagður hafa skipulagt sprengjuárásina í gær.
Verslunin Edinborg var ein af stærri kaupmannsverslununum í Reykjavík á fyrri hluta 20. aldarinnar en þaðan var einnig gert út.
Á seinni hluta 20. aldarinnar voru þar fyrst og fremst seldar vefnaðarvörur og leikföng.
Verslunin var stofnuð af Ásgeiri Sigurðssyni sem var jafnframt konsúll eða sendiherra Breta.
Verslunin var með útibú á Eskifirði og á Ísafirði þar sem verslunin stóð fyrir byggingu hafskipsbryggju sem varð tilefni deilna í bæjarstjórn.
Fljótlega eftir stofnun, eða uppúr aldamótunum 1900, var hægt að fá vínber og epli í janúar í versluninni.
Fyrsta árið eftir stofnun RÚV árið 1930 leigði það aðstöðu hjá Edinborgarverslun við Hafnarstræti en fluttist svo um set í Landssímahúsið við Austurvöll.
Leigufélagið Heimstaden hyggst ekki taka áskorun varaformanns Íbúðafélagsins Bjargs um að stórlækka leiguna. Framkvæmdastjóri Heimstaden á Íslandi segir að félagið hafi ekki kost á að endurfjármagna öll lán sín með sama hætti og Bjarg. Leiguverð ráðist fyrst og fremst af framboði og eftirspurn. Bjarg, óhagnaðardrifið íbúðafélag ASÍ og BSRB, boðaði í vikunni miklar leigulækkanir. Í september á meðalleiga hjá 190 leigutökum félagsins að lækka úr 180.000 krónum á mánuði í 155.00. Svigrúm skapaðist til lækkananna eftir að félagið samdi um langtímafjármögnun lána við Húsnæðis og mannvirkjastofnun. Við þetta tilefni skoraði Ragnar Þór Ingólfsson, varaformaður Bjargs á stór leigufélög á almennum markaði að skila ávinningi af vaxtalækkunum undanfarinna mánaða til leigutaka sinna. Félögin hafi flest verið að endurfjármagna lán til að fá lægri vexti. Gauti Reynisson, framkvæmdastjóri Heimstaden á Íslandi, sem áður hét Heimavellir bendir á að leiguverð hafi almennt lækkað síðastliðið ár og leigjendur hafi margir notið þess. Gauti segir Heimstaden ekki hafa svigrúm til að ráðast í miklar lækkanir. Framboð og eftirspurn stjórni mestu um verðið, þá eigi félagið ekki kost á að endurfjármagna öll sín lán. Gauti Reynisson, framkvæmdastjóri Heimstaden á Íslandi : Þar sem við höfum endurfjármagnað og lækkað vexti þar höfum við reynt að lækka leiguverðið. Arnhildur Hálfdánardóttir : Ykkar skjólstæðingar eiga ekki von á 10 - 15% lækkun? Gauti Reynisson : Nei, þeir eiga ekki von á slíkri lækkun yfir línuna en aftur á móti erum við að vinna með hverjum og einum og bjóða eins hagstæða leigu og hægt er.
Yevgeny Shevchuk, leiðtogi Transdnestríu héraðs aðskilnaðarsinna í Moldóvu, hvatti í dag Evrópusambandið til að viðurkenna sjálfstæði héraðsins. Hann sagði að slík viðurkenning myndi leiða til aukis stöðugleika á svæðinu. Þing Transdnestíu hefur samþykkt ályktun þar sem hvatt er til að Rússland og Sameinuðu þjóðirnar viðurkenni sjálfstæði héraðsins, en en ekki er farið fram á að héraðið sameinist Rússlandi eins og gerðist á Krimskaga. Shevchuk lagði auk þess á það áherslu að að hann væri einungis að óska viðurkenningar, en kvaðst ekki vilja fara út í vangaveltur um frekari skref. Það væri íbúanna að ákveða. Transdnestría sagði skilið við Moldóvu þegar gömlu Sovétríkin liðuðust í sundur, en nýtur ekki viðurkenningar á alþjóðavettvangi.
Þær fregnir berast af framleiðslu þriðju myndar breska leikstjórans Christopher Nolans um Leðurblökumanninn að Joseph Gordon-Levitt muni leika son glæpaforingjans Carmine Falcone sem kom fyrir í Batman Begins. Sonurinn heitir Alberto Falcone en Gordon-Levitt þykir einn heitasti leikarinn í Hollywood í dag eftir þátttöku sína í myndinni Inception í leikstjórn Christopher Nolan. Þriðja mynd Nolans um Leðurblökumanninn mun heita „ The Dark Knight Rises “ og verður frumsýnd á næsta ári. Óskarsverðlaunahafinn Christian Bale snýr aftur í hlutverki Leðurblökumannsins. Þá mun Anne Hathaway leika kattarkonuna Selena Kyle. Þá mun Tom Hardy, sem lék í Inception, einnig fara með hlutverk í myndinni en hann mun leika illmennið Bane. Það verður eflaust erfitt fyrir Gordon-Levitt að leika illmenni í næstu mynd um Batman þar sem Heath Ledger lék Jókerinn svo eftirminnilega í The Dark Knight árið 2008. Ledger lést eftir að tökum á þeirri mynd lauk og hlaut Óskarsverðlaunin fyrir frammistöðu sína í myndinni. Ledger og Gordon-Levitt léku einmitt saman í unglingaræmunni 10 things i hate about you árið 1999
Leggja á niður starfsstöð hjá Strætó og verður sjö varðstjórum sagt upp störfum í tengslum við það. Júlía Þorvaldsdóttir, sviðsstjóri farþega - og þjónustusviðs Strætó, segir að auglýst verði eftir fólki til starfa í sjö nýjar stöður í nýju þjónustuveri fyrirtækisins. Með skipulagsbreytingum hjá Strætó var stofnað þjónustuver og um leið ákveðið að leggja niður stjórnstöðina. Breytingarnar eru ekki vegna sparnaðar heldur er verið að efla þjónustuna hjá fyrirtækinu. Varðstjórarnir sjö sem sagt verður upp störfuðu á stjórnstöðinni. Mönnunum verður sagt upp um næstu mánaðamót en þeir hafa allir starfað lengi hjá fyrirtækinu. Júlía Þorvaldsdóttir, sviðsstjóri farþega - og þjónustusviðs Strætó : Þeir halda að sjálfsögðu sínum réttindum og vinna út sinn uppsagnarfrest og fá ofan á það sitt orlof eðlilega og svo verða auglýst störf hér, þetta nota bene og ber að halda því til haga að við erum ekki hér að fækka fólki heldur erum við bara að breyta og það verða auglýst störf hér í framhaldinu sem að vonandi þeir sjá sér fært og hag sinn í að sækja um. Bergljót Baldursdóttir : Er, ef að þeir sækja um er þá víst að þeir fái þau störf? Júlía Þorvaldsdóttir : Það er auðvitað ekki víst en það er hins vegar þannig að þeir hafa auðvitað ákveðna reynslu sem að verður mjög líklega falast eftir og þeir fara auðvitað inn í þennan umsækjendahóp.
Eftir að Tottenham rak Andre Villas-Boas úr starfi í morgun hafa alls fimm stjórar í ensku úrvalsdeildinni misst starfið á tímabilinu eða 25% þeirra stjóra sem hófu keppni í ágúst. '
Kaupþing vill nýta kaupréttarákvæði til að kaupa 13% hlut ríkisins í Arion banka en félagið hefur ársfrest til að selja bankann. Eignarhaldsfélagið Kaupþing hyggst nýta kaupréttarákvæði í hluthafasamkomulagi við ríkið frá árinu 2009 til að kaupa 13% hlut ríkisins í Arion banka að því er Fréttablaðið greinir frá. Er sala á hlutnum nú til skoðunar í fjármálaráðuneytinu, en nú þegar á Kaupþing 57% hlut í bankanum í gegnum Kaupskil. Eins og Viðskiptablaðið sagði frá í síðustu viku hefur Kaupþing á ný boðið lífeyrissjóðum að kaupa í Arion banka, en stefnt hefur verið að því að skrá bankann á markað hér á landi sem og í Svíþjóð. Hefur félagið ár til að selja hlut sinn í Arion banka, að öðrum kosti getur ríkið leyst hluta Kaupskila í bankanum, en þá fær ríkið einnig stærstan hluta af söluverði bankans sem hluta af stöðugleikaframlagi Kaupþings. Hafa lífeyrissjóðirnir nú frest til 14. febrúar til að taka afstöðu til tilboðsins sem er rétt yfir genginu 0,8 miðað við eigið fé Arion banka samkvæmt 9 mánaða uppgjöri síðasta árs. Býst lífeyrissjóðunum að kaupa 5% í bankanum að því er Fréttablaðið greinir frá á þessu verði sem jafnframt segir að sjóðirnir gætu fengið stærri hluta en þá líklega á hærra gengi.
Fjölbreytnin á ferðamannamarkaðnum er sífellt að aukast. Ein af nýjustu viðbótunum eru svefnhylki að japanskri fyrirmynd á Galaxy Pod Hostel við Laugaveg. Hylkin eru líklega ekki hentug fyrir þá sem eru með innilokunarkennd en þau eru 2 m. að lengd en rúmur metri á hæð og breidd. Hafi fólk hinsvegar áhuga á upplifa svipaða stemningu og í framtíðar - eða vísindaskáldskap eru þau líklega tilvalin. Sverrir Guðmundsson er eigandi hostelsins og hann segist hafa unnið að verkefninu undanfarin þrjú ár. Til að byrja með eru hylkin 38 en Sverrir stefnir á að fjölga þeim upp í 70 í sumar en nóttin kostar fimm þúsund krónur en 6000 krónur yfir sumartímann. mbl.is kíkti á hylkin.
TALIÐ er að tjónið sem varð er fjórir ljósastaurar lögðust á hliðina við Glerárgötu á Akureyri í óveðrinu á sunnudag, nemi að minnsta kosti einni milljón króna. Að sögn Franz Árnasonar, framkvæmdastjóra Norðurorku, eru staurarnir ónýtir, auk þess sem skipta þarf um kapal á því svæði sem staurarnir stóðu á. Staurarnir sem eyðilögðust voru prýddir stórum hátíðarborðum og tóku því á sig meiri vind en ella með fyrrgreindum afleiðingum. Borðarnir voru settir upp í tilefni hátíðahalda vegna 140 ára afmælis Akureyrarbæjar. Afmælishaldið varð því heldur dýrara en ráð var fyrir gert.
Rán var framið á veitingastað í skemmtigarðinum Dyrehavsbakken norður af Kaupmannahöfn í gærkvöldi. Tveir menn ógnuðu hjónum sem reka veitingastaðinn Lille Peter með veiðibyssu og neyddu þau til að tæma um 400.000 danskar krónur úr peningaskáp staðarins. Að því loknu voru þau bundin á höndum og fótum með límbandi. Lögreglan í Lyngby fer með rannsókn málsins. Að sögn hennar voru hjónin að ganga frá eftir lokun staðarins þegar tveir grímuklæddir menn brutust inn á staðinn um stundarfjórðungi eftir miðnætti í nótt og neyddu þau til að afhenda þeim peninga úr skápnum. Að sögn dönsku fréttastofunnar Ritzau lýsti lögreglan í Lyngby eftir vitnum en fjölmargir gestir voru í skemmtigarðinum um það leyti sem ránið var framið.
Bandaríska kapalsjónvarpsstöðvafyrirtækið Comcast gerði í gær 4.600 milljarða króna tilboð í breiðbandsdeild AT & T -fjarskiptafyrirtækisins. Í fréttaskeyti Reuters segir að ef af kaupunum yrði mundi verða til heimsins stærsta breiðbandsfjarskiptafyrirtæki. Forsvarsmenn Comcast segja sameiningarviðræður við AT & T hafa staðið mánuðum saman en forráðamenn AT & T segjast ekki munu selja breiðbandsdeildina.
Þingflokkur Pírata lýsir yfir „ djúpum vonbrigðum “ með viðbrögð ríkisstjórnarinnar við Samherjamálinu, sem kynnt voru í dag. Í yfirlýsingu frá þingflokki Pírata sem send var út í kvöld segir að aðgerðir ríkisstjórnarinnar einkennist af „ skammsýni og plástrapólitík “. Þá kallar flokkurinn eftir því að Kristján Þór Júlíusson sjávarútvegsráðherra upplýsi um alla fundi sem hann kann að hafa setið með forsvarsmönnum Samherja frá því að hann tók við embætti. Ríkisstjórnin kynnti aðgerðir sínar vegna Samherjamálsins í dag. Meðal þess sem til stendur að gera er að auka gagnsæi í rekstri stærri óskráðra fyrirtækja, stórra sjávarútvegsfyrirtækja, stuðla að úttekt og úrbótum á fiskveiðum á alþjóðavettvangi og ljúka endurskoðun á skilgreiningu á tengdum aðilum fyrir áramót. Þá stendur til að tryggja viðbótarfjárveitingar til skattrannsókna, auka varnir gegn hagsmunaárekstrum og mútubrotum auk þess sem utanríkisráðuneytið fylgist með umfjöllun erlendis í kjölfar Samherjamálsinsog hefur undirbúið viðbrögð vegna hugsanlegs orðsporhnekkis. Umfjöllun Stöðvar 2 um aðgerðirnar má sjá í spilaranum hér að neðan. Þingflokkur Pírata sendi frá sér áðurnefnda yfirlýsingu í kjölfar þessara viðbragða, sem raunar hafa fallið í tiltölulega grýttan jarðveg meðal stjórnarandstöðunnar. Í yfirlýsingu Pírata er ríkisstjórnin m.a. gagnrýnd fyrir að tryggja ekki „ auðlindaákvæði í stjórnarskrá sem verndað getur almenning frá álíka auðlindaráni og namibíska þjóðin upplifir af hálfu Samherja. “ Eins standi ekki til að endurskoða þau ákvæði laga um veiðigjöld um aðskilnað veiða og vinnslu sem „ gera útgerðarrisum eins og Samherja kleift að nota bókhaldsbrellur til þess að komast hjá því að greiða sanngjarnan arð af auðlindum þjóðarinnar. “ „ Í stað þess að ráðast í raunverulegar kerfisbreytingar á íslenska fiskveiðistjórnunarkerfinu til þess að sporna gegn spillingu og misnotkun einkennast viðbrögð ríkisstjórnarinnar af skammsýni og plástrapólitík, “ segir í yfirlýsingu Pírata. Þá er aðkoma Kristjáns Þórs Júlíussonar sjávarútvegsráðherra að Samherjamálinu sérstaklega tekin fyrir. Kristján Þór mun hafa frumkvæði að því að Alþjóðamatvælastofnunun ( FAO ) ynni úttekt á viðskiptaháttum útgerða sem stunda veiðar og eiga í viðskiptum með aflaheimildir þ. á m. í þróunarlöndum. Um er að ræða eina af sjö áðurnefndum aðgerðum ríkisstjórnarinnar í kjölfar Samherjamálsins. Kristján Þór hefur áður sagst hafa verið staddur á skrifstofu Samherja fyrir tilviljun árið 2014 þegar hann var kynntur fyrir háttsettum mönnum sem sagðir eru hafa þegið mútugreiðslur frá Samherja. Þá hefur hann gefið út að þurfi hann að taka ákvarðanir er lúta að þessum málum Samherja muni hann segja sig frá þeim. Píratar gefa lítið fyrir „ tæknilega útúrsnúninga forsætisráðherra “ um að Kristján Þór hafi einungis sagt sig frá stjórnvaldsákvörðunum sem varða Samherja einan. „ Vera hans á fundi ríkisstjórnarinnar og þátttaka í ákvörðunum um Samherja lýsir í besta falli skilningsleysi á afleiðingum þess að segja sig frá málum og í versta falli algjöru skeytingarleysi um sannleikann, “ segir í yfirlýsingunni. Loks kalla Píratar eftir því að Kristján Þór upplýsi um „ alla fundi sem hann hefur setið með forsvarsmönnum Samherja frá því að hann tók við embætti sínu, efni þeirra og fundargerðir ef þeim er að skipta. “ Píratar segja jafnframt mikilvægt að ríkisstjórnin geri gangskör í að tryggja aðgengi fjölmiðla og almennings að upplýsingum um endanlega eigendur fyrirtækja og um íslenska aðila sem eiga eignir erlendis. Sömuleiðis þurfi að efla aðgengi almennings og fjölmiðla að fyrirtækjaskrá, ársreikningaskrá og hlutahafaskrá. Yfirlýsingu Pírata í heild má nálgast hér að neðan.
1 : 0 Allyson Haran 36. með skoti af stuttu færi úr teignum eftir aukaspyrnu Hrafnhildar Hauksdóttur. 1 : 1 Rio Hardy 80. með skoti af stuttu færi eftir langt innkast Madeline Keane. Gul spjöld : Madeline ( Grindavík ) 35. brot. , Sophie ( Grindavík ) 56. brot. , Steffi ( Grindavík ) 64. brot. , Rio ( Grindavík ) 88. brot. M Allyson Haran ( Selfossi ) Magdalena Reimus ( Selfossi ) Hrafnhildur Hauksdóttir ( Selfossi ) María Sól Jakobsdóttir ( Grindavík ) Sophie O'Rourke ( Grindavík ) Linda Eshun ( Grindavík )
Yfirvöld í Montana-ríki í Bandaríkjunum leita grábjarnar sem varð konu að bana á tjaldsvæði í smábænum Ovando. Leah Lokan, 65 ára gamall hjúkrunarfræðingur frá Kaliforníu, var í hjólreiðaferð í ríkinu og gisti ásamt ferðafélögum sínum á tjaldsvæði í bænum. Lokan og félagar gerðu varúðarráðstafanir með sérstöku spreyi sem á að fæla burt birni. Allt kom fyrir ekki og var björninn mjög aðgangsharður og dró Lokan út úr tjaldinu um miðja nótt og drap hana. Bjarnarins er m.a. leitað af sérstakri bjarnaleitarsveit úr lofti sem notar innrauða geisla til að staðsetja dýrið. Gildrur hafa einnig verið settar upp í grennd við hænsnakofa þar sem björninn kom við sömu nótt og drap nokkur hænsni. Lokan var á ferðalagi með systur sinni og vinkonu og gistu þær hver í sínu tjaldi. Þær urðu fyrst varar við björninn um klukkan þrjú um nóttina. Þær fjarlægðu allan mat úr tjöldunum eftir að björninn gerði sig líklegan til árásar en hann hvarf fljótt á braut. Hann sneri hins vegar aftur stuttu síðar með fyrrnefndum afleiðingum. Talið er að björninn vegi um 180 kíló. DNA náðist úr birnunum og verður borið saman við þann björn sem næst. Ef um björninn er að ræða sem drap Lokan verður hann aflífaður. Frétt BBC
Ítalska félagið Roma hefur sett sig í samband við umboðsmenn Maurizio Sarri, knattspyrnustjóra Chelsea, og hefur félagið áhuga á að fá hann til sín eftir tímabilið. Framtíð Sarri hjá Chelsea er í óvissu eftir slakt gengi að undanförnu og búast margir við að Sarri verði rekinn frá Chelsea á næstu vikum. Að sögn Sky á Ítalíu hefur Roma áhuga á að fá Sarri í stað Eusebio Di Francesco, en tímabilið hjá Roma hefur valdið vonbrigðum. Liðið er í fimmta sæti ítölsku deildarinnar og tapaði 7 : 1 fyrir Fiorentina í átta liða úrslitum ítalska bikarsins.
Marel hefur undirritað viljayfirlýsingu með hollenska fjárfestingasjóðnum Nimbus um að Nimbus kaupi Stork Food og Dairy Systems. Að sögn Sigsteins Grétarssonar, forstjóra Marels, er stefnt að því að ljúka sölunni fyrir áramót og er því ekki unnt á þessu stigi að upplýsa um kaupverðið. Um er að ræða rekstur þess hluta Stork Food samstæðunnar sem framleiðir mjólkurvörur og ýmsar drykkjarvörur. Fyrr á árinu voru lóðir og húsnæði fyrirtækisins seld. Marel á eftir sem áður þann hluta Stork Food sem framleiðir matvæli úr kjúklingum og öðru kjöti. Sigsteinn segir ástæðu sölunnar vera að þessi rekstur samræmist ekki kjarnastarfsemi Marels, þetta séu mjólkur og drykkjarvörur en kjarnastarfsemin sé framleiðsla á matvælum úr kjöti og fiski. Marel keypti Stork samstæðuna fyrir tæpum tveimur árum, þá var kaupverð alls fyrirtækisins um 38 milljarðar króna.
Veðurstofan spáir hægri, breytilegri átt um kl. 18 á morgun. Skýjað verður með köflum norðaustantil en annars víða skýjað að mestu og hætt við smáskúrum á víð og dreif. Búast má við þokulofti víðast hvar við sjávarsíðuna í nótt. Hiti verður á bilinu 8 til 18 stig að deginum, en allt að 22 stig norðaustanlands. Hiti 4 til 13 stig í nótt. Á mánudag er gert ráð fyrir hægri austanátt og víða rigningu öðru hverju, en þurrt á Vesturlandi.
Til stóð að Túttífrútturnar yrðu með sjóðheitt brrrrlesk show til að bræða hug og hjörtu fólks í Menningarhúsinu Tjarnarborg 14. febrúar á sjálfan Valentínusatdaginn. Þær sjá sér ekki annað fært en að fresta sýningunni til vors vegna slæmrar veðurspár. Burlesk er sviðslistaform sem einblínir á jákvæða líkamsímynd sem er endurspeglað í gríni, dans og almennum gleðilátum. Oft er því um hold og fullorðinshúmor um að ræða og sýningin ætluð 20 ára og eldri. Mynd : Túttífrútturnar
Serbneski miðjumaðurinn Marko Grujic mun snúa aftur til Liverpool í lok júní eftir að lánssamningnum hans við Herthu Berlín lýkur en þetta staðfesti yfirmaður íþróttamála hjá þýska félaginu. Grujic, sem er 24 ára gamall, gekk til liðs við Liverpool frá Rauðu Stjörnunni árið 2016. Hann fékk að spreyta sig í nokkrum leikjum með Liverpool fyrstu tvö tímabilin áður en hann var lánaður til Cardiff og síðan til Herthu Berlín í Þýskalandi. Hann gekk til liðs við Herthu árið 2018 og gerði þá tveggja ára lánssamning en hann hefur verið einn mikilvægasti leikmaður liðsins síðustu tvö tímabil. Grujic fær nú verðugt verkefni í sumar að sannfæra Jürgen Klopp, stjóra liðsins, að hann sé tilbúinn fyrir aðallið Liverpool. „ Það er 100 prósent öruggt að lánssamningurinn klárast núna í lok júní. Það hefur verið ákveðið að hann snúi aftur til Liverpool, " sagði Micael Preetz, yfirmaður íþróttamála hjá Herthu Berlín. „ Þessi tvö ár hans hjá félaginu hafa verið mjög jákvæð og hann hefur haft jákvæð áhrif á alla sem koma að félaginu. Liverpool fær nú til baka leikmann sem er töluvert reyndari en áður og sem hefur fengið mikilvæga leikreynslu, " sagði hann ennfremur.
Umferðarslys var á Kringlumýrarbraut, sunnan Bústaðarvegar, laust fyrir 10:00. Bíl var ekið aftan á annan bíl með þeim afleiðingum að sá síðastnefndi valt. Gerandi ók af vettvangi en var stöðvaður af lögreglu stuttu síðar og handtekinn. Ekki er hægt að upplýsa nú hvort einhver slys hafi verið á fólki. Lögregla hefur lokað Kringlumýrarbraut til suðurs á meðan vinnu stendur yfir á vettvangi. Opnað verður þegar þeirri vinnu er lokið. Uppfært Kringlumýrarbraut hefur verið opnuð aftur. Minniháttar meiðsl urðu á fólki í slysinu. Hinn handtekni var látinn laus að skýrslutöku lokinni.
Fjöldi fólks beið í röð í Bessastaðastofu eftir að skrá heimsókn sína í gestabókina en vel á annað þúsund manns lagði leið sína á Bessastaði í gær. Fólk á öllum aldri kynnti sér staðinn og sögu hans. Mikið var um fjölskyldufólk og ungt fólk og þótti takast afar vel til samkvæmt upplýsingum frá skrifstofu forseta. Bæði Bessastaðastofa og Bessastaðakirkja voru opnar í tilefni Safnanætur og Vetrarhátíðar í Reykjavík.
Linda Björk Ingimarsdóttir, matgæðingur á eatrvk.com, tók til í frystinum í vikunni og uppgötvaði að hún á fullt af rabarbara frá því í fyrra sem varð að koma í not því nú fer að detta inn næsta rabarbarauppskera. Linda lumaði einnig á dýrindisberjum sem nú fást víða á góðu verði og úr varð þessi stórkostlega rabarbara - og berjabomba. Ákaflega sumarleg og bragðmikil baka sem allir elska. Toppur : 2/3 bolli haframjöl 2/3 bolli heilhveiti 1/3 bolli púðursykur 1/2 tsk. kanill 1/2 tsk. salt 90 g smjör, kalt skorið í litla bita Fylling 2 epli, pink lady 2 stönglar rabarbari 1/2 bolli bláber 1/2 bolli brómber Safi úr 1/2 appelsínu 1/3 bolli sykur Gerið deigið fyrst. Blandið öllum þurrefnum saman og klípið smjörið saman við blönduna, þar til þurrefnin hafa blandast smjörinu alveg. Geymið í kæli meðan fylling er gerð. Skrælið og skerið eplið í bita og setjið í skál, saxið rabarbarann í bita og bætið saman við. Blandið rest af berjum, sykri og safa úr appelsínu og hrærið. Hellið blöndunni í eldfast mót sem búið er að smyrja með smjöri. Myljið deigið yfir og dreifið jafnt, bakið í forhituðum ofni við 180 gráður í 40 - 50 mínútur eða þar til bakan er fallega gyllt Berið fram með rjóma eða ís. Hægt er að breyta uppskriftinni eftir hentugleika og því sem til er hverju sinni og leika sér með hvaða ber eru notuð í bökuna.
Stálbáturinn Eiður ÍS er kominn á flot. Björgunarmenn sem hafa unnið að því undanfarið að ná upp bátunum sem sukku í Flateyrarhöfn í snjóflóðum í síðasta mánuði náðu honum upp í dag. Þar með er búið að ná fimm af sex bátum sem sukku á flot eða koma þeim í land. Aðeins er einn bátur eftir, sá er hálfur á kafi í höfninni, og óvíst hvað verður gert við hann. Tilraunir til að ná stálbátnum Eiði á flot eru langviðamesta verkefnið við að bjarga bátunum sem sukku í snjóflóðunum. Báturinn var á hvolfi. Því þurfti að snúa honum við í höfninni og koma á réttan kjöl áður en lengra yrði haldið. Það tókst í fyrrakvöld.
Bandaríska sjónvarpsstöðin Fox News hefur beðið Gretu Thunberg afsökunar á ummælum sem álitsgjafi lét falla um hana í beinni útsendingu í gærkvöldi. Michael Knowles, sem kom inn sem álitsgjafi í þáttinn The Story with Martha MacCallum í gærkvöldi sagði Thunberg „ andlega veikt sænskt barn “ sem væri verið að misnota í pólitískum tilgangi. Orð Knowles hafa vakið þónokkra reiði og farið víða á samfélagsmiðlum, en Greta Thunberg er eins og flestir vita með Asperger-heilkenni. Christopher Hahn, sem einnig var álitsgjafi í þættinum á Fox í gær, skammaði Knowles fyrir að rægja Thunberg með þessum hætti, eins og sjá má í myndskeiðinu hér að neðan. Af Vísindavefnum : Hvað er Asperger-heilkenni? Thunberg hefur verið nokkuð til umræðu í Bandaríkjunum síðustu daga, en í gær flutti hún innblásna ræðu um loftslagsmál á leiðtogafundi Sameinuðu þjóðanna í New York. Fox News brást við skömmu eftir að þátturinn fór í loftið með því að segja ummælin algjörlega óásættanleg. „ Við biðjum Gretu Thunberg og áhorfendur okkar afsökunar, “ sagði í yfirlýsingu frá stöðinni. Donald Trump hefur einnig verið gagnrýndur í dag fyrir að hæðast að Thunberg í tísti í gærkvöldi.
KNATTSPYRNA Bikarkeppni KSÍ, VISA-bikarkeppni karla, 8 liða úrslit : Fylkisvöllur : Fylkir - Keflavík 18.30 Akureyri : KA - ÍBV 18.30 1. deild kvenna, A-riðill : Víkin : HK / Víkingur - Ægir 19 Bessastaðav. : UMFB - Keflavík 19.30 1. deild kvenna, B-riðill : Akranes : ÍA - Þróttur R. 19 Sauðárk. : Hvöt / Tindastóll - Fylkir 19
Arnór Guðjohnsen var reiður eftir leikinn og sagði brottvísun sína hafa verið út í hött. " Ég mótmælti dómi við línuvörðinn og hann varð svo svekktur að hann kallaði í dómarann nokkru síðar og lét reka mig út af, " sagði hann og bætti því við að það væri grátlegt að svona dómur gæti þýtt eins eða tveggja leikja bann. " Ég hefði kannski skilið áminningu eða tiltal. En brottvísun eins og um gróft brot hefði verið að ræða, er fáránleg og lýsir dómurunum meira en mér. Ég held að það verði að taka dómgæsluna hér á landi svolítið í gegn. Það líður varla sá leikur lengur án þess að menn fái rauð eða gul spjöld. Miðað við reynslu mína erlendis frá eru flestir þessara leikja afar prúðmannlega leiknir og mér finnst allt of mikið um rauð spjöld. Mér finnst skorta mjög á leikskilning hjá mörgum dómurum í deildinni og leikmenn eru að fá eins til tveggja leikja bönn fyrir ekkert að ráði. Slíkar refsingar eru geysiharðar á leiktímabili sem er aðeins fjórir mánuðir. " Að mati Arnórs eru íslenskir dómarar miklu viðkvæmari fyrir orðum leikmanna en erlendir starfsbræður þeirra. " Leikmenn eru að leggja sig alla fram í leikjum og tilfinningarnar eru oft miklar. Því er nauðsynlegt að menn sjái í gegnum fingur sér þótt einhver mótmæli í hita leiksins. Það er ekki illa meint og það sem ég sagði var lítið í samanburði við það sem ég hef heyrt aðra segja við dómara í sumar. Mér finnst að þessi mál verði að taka alvarlega í gegn. Erlendis koma dómarar kannski og ræða málin ef mótmælin ganga of langt. Stundum er jafnvel gefið gult fyrir mótmæli. En skilningsleysið á knattspyrnu, sem kemur fram í brottvísun sem þessari, finnst mér sorglegt. "
Fyrirtækið Hagvangur á rætur að rekja til ársins 1971 en ráðningarþjónustan tók til starfa árið 1978. Katrín S. Óladóttir, annar eigenda ráðningafyrirtækisins Hagvangs, segir ótal margt hafa breyst á þeim áratugum sem eru liðnir síðan hún kynntist þessum geira, meðal annars hvernig fólk kemur sér á framfæri á samskiptamiðlum, en viðvera þeirra þar og „ fótspor “ geta haft áhrif á starfsvonir þess. „ Fólk í dag er auðvitað miklu opnara fyrir samskiptamiðlum, hvort sem það er Facebook eða LinkedIn eða annað, en þó má segja að þetta skiptist í tvo hópa. Annars vegar yngri kynslóðin sem finnst ekkert mál að leggja fram upplýsingar um sjálft sig og notar óhikað samskiptamiðlana í því skyni, og svo hins vegar fólk í stjórnunarstöðum og sérhæfðari störfum sem vill ógjarnan opinbera upplýsingar um sjálft sig hvar sem er. Það er vitað að mörg fyrirtæki skoða sína umsækjendur á samfélagsmiðlum, hvort þeir séu virkir að pósta og hverju þeir pósta, hvaða myndum eða texta, eða haga sér á miðlunum, þannig að það sem gerist í netheimum getur vissulega haft áhrif á möguleika viðkomandi á að fá starf í raunheiminum. Það má kalla þetta eitt af þeim öryggisatriðum sem eru á gátlistanum þegar verið er að sigta út umsækjendur. Það er því ekki óeðlilegt þó að æði mörg fyrirtæki athugi þetta, og það varðar ekki bara starfsráðningar heldur mörg önnur samskipti. Þá er hægt að lesa úr upplýsingunum sem þar birtast hvort viðkomandi eigi samleið með fyrirtækinu eða ekki. Þegar við erum spurð út í þetta ráðleggjum við fólki einfaldlega að vanda sig og fara varlega. Öllum ætti að vera ljóst að það sem sett er inn á Netið er þar fyrir fullt og allt. “ Hafa ráðningarferlin breyst mikið á því tímabili sem þú hefur yfirsýn yfir? „ Alveg gríðarlega og að öllu leyti til batnaðar. Það er miklu meiri vinna lögð í að skanna umsækjendur og í dag er framboðið á fólki allt annað en það var áður fyrr. Og störfin hafa sömuleiðis breyst stórkostlega mikið. Það er meiri vandi nú að gera upp á milli hæfni og þekkingar fólks og það þarf með einhverjum hætti að sannreyna þær upplýsingar sem umsækjandi setur á ferilskrána sína. “ Róbótar taka viðtöl Hvernig sérðu fyrir þér þróunina næstu ár eða áratugi jafnvel í þessum geira? „ Á seinustu árum hafa orðið sífelldar breytingar í þessu fagi, það eru margs konar nýjungar í gangi og margar þeirra til stórra bóta. Tækninni fleygir fram og það snertir líka ráðningarferli eins og aðra þætti samfélagsins. Maður heyrir að sumstaðar erlendis séu róbótar farnir að taka viðtöl við umsækjendur og margs konar hug - og vélbúnaður er nú notaður til að kanna hæfni umsækjenda, sem er áhugaverð þróun. En ég held að það verði alltaf til staðar þörfin fyrir að vanda vel til verka þegar ráðið er í starf, því að það er svo dýrkeypt að gera mistök í ráðningum, og þá verður að treysta á reynslu og hyggjuvit þeirra sem stýra ferlinu. Það verður t.d. að hafa hugfast þegar verið er að leggja persónuleikapróf fyrir fólk, að taka tillit til fleiri þátta en tölfræðilegra. Það er vandmeðfarið að lesa úr slíkum prófum, það þarf að setja þau í samhengi og aldrei hvika frá því að skoða þau í heild sinni. Og þó að slíkt próf gefi kannski til kynna að umsækjandi henti ekki í tiltekið starf getur hann hentað mjög vel í eitthvert annað starf. “ Greinin birtist í tímariti Frjálsrar verslunar um fólk á uppleið í atvinnulífinu. Hægt er að kaupa tölublaðið hér eða gerast áskrifandi að Frjálsri verslun hér.
Björn Ingólfsson sendi nýárskveðju á leirinn, póstlista hagyrðinga, þar sem hann rifjaði upp : " Við lágum samtímis á Landsspítalanum í sumar tveir jafnaldrar, gamlir skólabræður og þess vegna vinir í nær hálfa öld. Ég læknaðist af krabbameini og er heill orðinn, Hreiðar Karlsson átti ekki afturkvæmt. Þetta gerir mann svolítið hugsandi um áramótin og þess vegna eru mínir þankar svona. " Og með hugleiðingunni fylgdi ljóð undir yfirskriftinni " Nýársdagur 2010 " : Gefst mér að líta enn eitt ár angur og gleði, bros og tár, fannbreiður hlána, fjallhnjúka blána, fossandi ár, heiðríkju sumars, hafið blátt, hrímfax á stráum, silfurgrátt, svalvinda nýja, syngjandi hlýja sunnanátt. Enn má ég finna ilm úr jörð, enn má ég líta tinda og skörð, enn má ég ganga gildrög og vanga og gróinn svörð. - - - - Afmörkuð stund er öllum hér. Ætlaður lengdur tími er mér. Vendi því héðan varla á meðan vært mér er.
Birgir Leifur Hafþórsson, atvinnukylfingur úr GKG, byrjar vel á Áskorendamótaröðinni í golfi, en keppt er í Horsens í Danmörku að þessu sinni. Birgir er á meðal efstu manna þegar þetta er skrifað en hann er samtals á 5 höggum undir pari en margir eiga eftir að ljúka leik í dag. Áskorendamótaröðin er næst sterkasta atvinnumótaröð Evrópu en Evrópumótaröðin er sú sterkasta. Birgir lék fyrsta hringinn í gær á 69 höggum eða 3 höggum undir pari vallar. Hann var á 70 höggum í dag eða 2 höggum undir pari. Alls hefur hann fengið 8 fugla ( - 1 ), 22 pör, 5 skolla ( + 1 ) og 1 örn ( - 2 ). Sænski kylfingurinn Klas Eriksson er á besta skorinu það sem af er, -12 samtals, en hann setti vallarmet á fyrsta hringnum þar sem hann lék á 62 höggum eða -10. Birgir er í þriðja sæti á -5. Þriðji keppnisdagur fer fram á morgun og keppni lýkur á laugardaginn.
Viðar Halldórsson formaður FH hefur verið kjörinn í stjórn ECA. Ásamt Viðar eru Sergey Fursenko frá Zenit, Raphael Landthaler frá Rapíd Vín og Stefan Pantović frá FC Crvena zvezda. Um er að ræða samtök fyrir knattspyrnufélög í Evrópu en 230 lið eru í samtökunum. Tvö lið eru frá Íslandi en þar eru FH og KR sem koma frá Íslandi. Viðar þekkir allt sem kemur að boltanum enda átti hann flottan feril sem leikmaður og lengi verið komið að stjórnun hjá FH. Hjá ECA eru mörg af stærstu liðum Evrópu en þar má nefna Real Madrid, Barcelona, Manchester United, Juventus, PSG og fleiri lið. HM 2018 á 433.is er í boði :
Óstaðfestar fregnir herma að víðtækt vopnahlé í Sýrlandi, sem tók gildi klukkan tíu í kvöld að íslenskum tíma, hafi verið rofið innan við tveimur klukkustundum síðar. Sýrlenska mannréttindavaktin, sem er með höfuðstöðvar á Englandi en sækir upplýsingar sínar til sjónarvotta á vettvangi, hefur þetta eftir talsmanni uppreisnarhreyfingar sem kallar sig Jaish al-Nasr. Sá fullyrðir að sveitir stjórnarhersins hafi orðið fyrri til að brjóta ákvæði samkomulagsins, þegar þær hófu skothríð í bæjunum Atshan og Skeik í Idlib-héraði. Enn hafa ekki borist fregnir af fleiri slíkum atburður og standa vonir til að um einangrað atvik sé að ræða.
Bakvörðurinn Luke Shaw í liði Manchester United er allur að braggast eftir þungt höfuðhögg sem hann fékk í leik með Englendingum gegn Spánverjum í Þjóðadeild UEFA í knattspyrnu um síðustu helgi. Enskir fjölmiðlar greina frá því í kvöld að svo getur farið að Shaw verði með Manchester United á laugardaginn þegar það sækir Watford heim í ensku úrvalsdeildinni en talið var að hann myndi missa af næstu tveimur leikjum sinna manna. Shaw hefur verið einn besti leikmaður Manchester United á tímabilinu og var verðlaunaður fyrir það að með vera valinn í enska landsliðshópinn.
Framkvæmdir við nýjar brýr yfir Hólá og Stigá í Öræfum hefjast á næstunni. Hinar nýju brýr verða tvíbreiðar og leysa af hólmi einbreiðar brýr, sem hafa verið slysagildrur. Þess er skemmst að minnast að banaslys varð á brúnni yfir Hólá á annan dag jóla 2015. Framkvæmdin er liður í að fækka einbreiðum brúm á hringveginum. Þær eru nú alls 39, þar af 21 á veginum frá Vík í Mýrdal í Hornafjörð. Að sögn G. Péturs Matthíassonar, upplýsingafulltrúa Vegagerðarinnar, er reiknað með að framkvæmdir við hjáleiðir hefjist næstu daga. Brúarvinnuflokkur Vegagerðarinnar í Vík mun svo mæta á staðinn seinni partinn í nóvember. Nýlega voru opnuð hjá Vegagerðinni tilboð í smíði stálbita fyrir nýju brýrnar. Fjögur tilboð bárust og átti Stálgæði ehf. í Kópavogi lægsta boðið, 19,3 milljónir. Aðrir bjóðendur voru Grímur ehf., vélaverkstæði, Húsavík, Munck Íslandi ehf., Kópavogi, ogVélsmiðja Suðurlands ehf., Selfossi. Verkinu skal að fullu lokið eigi síðar en 12. febrúar 2018. sisi@mbl.is
Héraðsdómur Reykjavíkur hefur dæmt tvo karlmenn, fædda 1981 og 1983, til að greiða 360 þúsund krónur og 380 þúsund krónur í sekt fyrir að hafa í vörslum sínum um 33 grömm af amfetamíni. Mennirnir voru með efnin í sölu - og dreifingarskyni ásamt því að vera sjálfir í neyslu. Lögregla gerði húsleit hjá mönnunum 30. apríl 2011 eftir að hún fékk upplýsingar um að fíkniefni frá þeim hefðu komist í hendur stúlku nóttina áður og hún látist af völdum neyslu þeirra. Þar sem talið hafi verið að um mjög hættuleg fíkniefni væri að ræða hafi verið ráðist inn til mannanna án tafar. Lagt var hald á amfetamín í íbúðinni og á öðrum manninum. Samkvæmt matsgerð rannsóknarstofu í lyfja - og eiturefnafræði frá 12. maí 2011 reyndist styrkur amfetamínbasa í sýni vera 16%, sem samsvari 22% af amfetamínsúlfati. Og samkvæmt annarri matsgerð rannsóknarstofunnar frá sama degi reyndist styrkur amfetamínbasa úr öðru sýni úr geymslu vera 12%, sem samsvari 16% af amfetamínsúlfati. Meðalstyrkur amfetamínsýna á árunum 2006 - 2010 var um sautján prósent og því telst styrkur amfetamínsins undir meðallagi. Mennirnir hafa báðir áður komið við sögu lögreglunnar vegna fíkniefnamála.
Nýja iPhone símans frá Apple var beðið með eftirvæntingu en hann vakti blendnar tilfinningar þegar hann kom á markað nú fyrir helgina.
Páll Einarsson, jarðeðlisprófessor, segir gosið ekki hafa komið á óvart, þjóðin hafi staðið á öndinni í þrjár vikur og fimmtán mánuðir síðan að fyrsta hrinan hófst. Þetta sagði hann í viðtali við fréttastofu RÚV í Sjónvarpinu. „ Það sem benti til að gos gæti verið í spilunum að þessu fylgdi kvikugangur, hann virðist hafa hrundið af stað þessari skjálftahrinu í febrúar. “ Kvikugangurinn hafi verið að troðast þarna inn og fylgst hafi verið með hverju skrefi. Það sé nýlunda að fást við jarðskjálfta og kvikuganginn í einu. Hann segir að gosið sé í miðju kvikugangsins. Hann segir gosið mjög lítið, sprungan sé stutt og gosvirknin ekki áköf. Gosórói hafi verið mjög lítil. Páll segir þetta svipa til gossins á Fimmvörðuhálsi. Hann útilokar ekki að gosið geti hreinlega klárast í nótt en það sé líka einn möguleik að það færist í aukana. „ Þetta er svona dæmigert um byrjun á litlu gosi. “ Páll segir að hægt sé að stroka eina sviðsmynd út, að kvikustreymið myndi hætta og lognast út. Því nú hafi ein sviðsmyndin ræst ; það sé hafið gos. Og það er kannski rétt að kalla það sínu nafni ; Geldingadalsgos. Páll er í löngu viðtali í sjónvarpinu að ræða um gosið. Hann segir Geldingadalinn vera besta staðinn á Reykjanesskaga fyrir pent hraungos. Hann segir ekki voðalega mikið gas koma út en gasmengun verði ekki mikil. „ Það er þó betra að hafa allan varann á, “ segir Páll. Páll segir tvo hraunstrauma vera í gangi, aðalstraumurinn fari niður í Geldingadal sem taki við talsverðu hrauni. Hinn straumurinn stefnir til suðurs og gæti átt það til að ná lengra og fara niður í Nátthaga og Nátthagakrika. Vísindamenn virðast sammála um að þetta gos sé ekki merkilegt og Páll notar orðið ræfilslegt um það
Alls sóttu 24 um embætti forstjóra Vegagerðarinnar. Samgöngu - og sveitarstjórnarráðherra skipar í embættið til fimm ára og er miðað við að skipunin taki gildi 1. júlí næstkomandi. Þriggja manna nefnd hefur verið skipuð til að meta hæfni umsækjenda. Hún starfar í samræmi við lög um réttindi og skyldur starfsmanna ríkisins og hefur til hliðsjónar reglur um ráðgefandi nefndir er meta hæfni umsækjenda um embætti við Stjórnarráð Íslands. Í henni eiga sæti Ari Kristinn Jónsson, rektor Háskólans í Reykjavík, Aðalsteinn Ingólfsson, forstjóri Skinneyjar-Þinganess og Guðný Elísabet Ingadóttir, mannauðsstjóri samgöngu - og sveitarstjórnarráðuneytisins. Umsækjendur : Ásrún Rudolfsdóttir, forstöðumaður Bergþóra Þorkelsdóttir, fyrrv. forstjóri Bjarki Einarsson, sjómaður Bjarni Óskar Halldórsson, sjálfstætt starfandi ráðgjafi Einar Pálsson, kennari Guðmundur Valur Guðmundsson, forstöðumaður Hannes Alfreð Hannesson, fyrrv. framkvæmdastjóri Ingunn Loftsdóttir, verkefnastjóri Kristín Einarsdóttir, sviðsstjóri Kristín Linda Árnadóttir, forstjóri Lilja Guðríður Karlsdóttir, framkvæmdastjóri Magnús Rannver Rafnsson, lektor Magnús Valur Jóhannsson, framkvæmdastjóri Ottó Valur Winther, sérfræðingur, Ólafur Kristinn Guðmundsson, tæknistjóri Ólöf Kristjánsdóttir, fagstjóri Óskar Örn Jónsson, forstöðumaður Ragnheiður I. Þórarinsdóttir, forstöðumaður Róbert Ragnarsson, sjálfstætt starfandi ráðgjafi Runólfur Ágústsson, framkvæmdastjóri Sesselja Traustadóttir, framkvæmdastýra Sigurður Áss Grétarsson, framkvæmdastjóri Steindór Steindórsson, þjónustufulltrúi Þorsteinn Egilsson, svæðisstjóri
Framkvæmdir eru komnar á skrið í reiðhöllinni í Arnargerði en hún verður 20 ára 11. mars næstkomandi. Í síðasta mánuði óskaði stjórn Hestamannafélagsins Neista eftir aðstoð frá félagsmönnum, sem og öðrum, við að koma reiðhöllinni í betra horf og stóð hún fyrir vinnuhelgi um síðustu helgi. Á vef Neista segir að vaskir Neistafélagar hafi mætt og létu þeir hendur standa fram úr ermum og hófu framkvæmdirnar. Þar segir að búið sé að rífa út innréttingar og henda ónýtum húsbúnaði. Salurinn hefur nú verið málaður að mestu leyti og er málningarvinna á salernum í gangi. Frekari málningarvinna er á döfinni þar sem einnig á að mála anddyri reiðhallarinnar. Stjórn Neista þakkar sérstaklega fyrir alla þá aðstoð sem fékkst um helgina en bendir jafnframt á að enn sé mikið verk fyrir höndum. „ Það er hægt að finna verkefni fyrir alla, bæði lengri, styttri, þyngri eða léttari. Margar hendur vinna létt verk! “ segir á vef Neista en þar má sjá myndir frá framkvæmdahelginni. Tengd frétt : Komum reiðhöllinni í betra horf fyrir 20 ára afmælið
-segir 4ra barna faðir úr Sandgerði en fjöldi fólks og barna stóðu í langri röð á leið í Covid - 19 próf „ Það er mjög illa staðið að þessu, hvers lags skipulagning er þetta? Það er ekki bjóðandi að standa með fjögur börn í langri röð í rigningunni. Ég var bókaður í próf kl. 9.15 með fjögur börn og það eru hundrað manns í röð á undan mér. Ég ætla ekki í þessa röð, sjálfur veikur og tvö börn ekki hress. Þetta er bara brandari, “ sagði fjögurra barna faðir úr Sandgerði en hann var boðaður í Covid - 19 próf í húsnæði Heilsugæslu Suðurnesja við Iðavelli í Reykjanesbæ í morgun. Röðin var löng og náði frá húsakynnum HSS að hringtorginu við Aðalgötu. Smit komu upp í Sandgerði fyrir helgina í leikskóla og grunnskóla. „ Það var enginn búinn að gera boð á undan þessum hópum og því var ekki hægt að undirbúa komur þeirra. Við erum að vinna í því að kalla út fleira fólk í sýnatökur í dag, “ sagði Andrea Klara Hauksdóttir, hjúkrunardeildarstjóri heilsugæslu í stuttu svari til vf.is. „ Leikskólinn Sólborg hefur verið lokaður frá því á fimmtudaginn 4. nóvember þar sem upp komu smit meðal starfsmanna og barna. Leikskólinn verður áfram lokaður mánudaginn 8. nóvember. Allir sem eru í sóttkví fara í sýnatöku á mánudaginn og verður staðan því metin aftur á mánudagskvöld þegar allar niðurstöður úr sýnatökum liggja fyrir. Þá féll öll starfsemi féll niður í Sandgerðisskóla föstudaginn 5. nóvember, einnig starfsemi íþróttamiðstöðvarinnar, tónlistarskólans, félagsmiðstöðvar og bókasafns og hefur starfsemi í þessum stofnunum legið niðri yfir helgina, “ segir á heimasíðu Suðurnesjabæjar. Í samráði við stjórnendur Sandgerðisskóla fá nemendur í 1. – 5. bekkjum skólans leyfi leyfi frá skóla mánudaginn 8. nóvember og eiga ekki að mæta í skólann fyrr en niðurstöður fást úr síðari sýnatöku hjá þeim sem eru í smitgát. Kennsla verður í 6. – 10. bekkjum frá morgni mánudags 8. nóvember. Starfsemi íþróttamiðstöðvar, tónlistarskóla, félagsmiðstöðvar og bókasafns hefst að fullu að morgni mánudagsins 8. nóvember. Það hefur gengið á með skúrum í morgun og fólkið í röðinni orðið bæði blautt og kalt.
Guilded er hugbúnaður sem er að notaður til að eiga samskipti yfir netið og kemur frá fyrirtækinu Guilded Inc. ( Núverandi Eigandi : Roblox Corporation ) í San Francisco.
Hægt er að hringja og senda skilaboð í Guilded.
Hugbúnaðurinn er hannaður fyrir rafíþróttir og almenna spilun tölvuleikja.
Hægt er að fá Guilded á Windows, MacOS, Linux, Android og iOS.
= Saga : =
Á 16. Ágúst 2021 Keypti Roblox Corporation Guilded fyrir " 90 milljónir bandaríkjadala. "
Japanskur maður framdi sjálfsvíg fyrir framan japanska þingið í morgun. Japanska lögreglan sagði manninn hafa verið með bréf sem var ætlað forsætisráðherra Japan, Yasuo Fukuda. Maðurinn kom til þingsins í leigubíl, gekk út og skaut sig með skammbyssu. Fram kemur á fréttavef BBC að notkun skammbyssa sé mjög sjaldgæf í Japan þar sem erfitt sé að nálgast þær. Maðurinn er sagður hafa haldið á tveim bréfum. Í öðru þeirra var minnst á Yasukuni helgiskrínið, sem heiðrar hermenn sem létu lífið í stríði, en margir Japanar og nágrannalönd þeirra hafa fordæmt opinberar heimsóknir að Yasukuni þar sem 14 hermenn, er voru dæmdir fyrir stríðsglæpi, eru meðal þeirra sem eru heiðraðir. Í hinu bréfinu hvetur hann fólk og fjölmiðla til þess að stuðla að heimsóknum að Yasukuni. Maðurinn er talinn hafa verið hægrisinnaður aðgerðasinni, sem er minnihlutahópur í Japan, samkvæmt frétt BBC.
Ökumaður, sem lögreglan á Suðurnesjum stöðvaði nýverið vegna gruns um að hann æki undir áhrifum fíkniefna, reyndist með metamfetamín og kókaín í tíu smelluláspokum í fórum sínum. Einnig fundust síðar fíkniefni á heimili mannsins við húsleit, að því er fram kemur í tilkynningu frá lögreglu. Þá lagði lögregla hald á sextíu þúsund krónur vegna gruns um að um væri að ræða ágóða af fíkniefnasölu. Maðurinn viðurkenndi eign sína á fíkniefnunum við skýrslutöku. Lögregla fann jafnframt umtalsvert magn af kannabisefnum við aðra húsleit í umdæminu. Húsráðandi framvísaði kannabisefni við komu lögreglumanna og við leit fundust efni, bæði í íbúðinni og bílskúr í ýmsum ílátum. Einnig fundust vigt og töluvert margir smelluláspokar. Húsráðandi játaði að eiga efnin en neitaði að hafa haft í hyggju að selja þau, að því er segir í tilkynningu lögreglu.
Samningur Sameinuðu þjóðanna um réttindi barnsins sem í daglegu tali er nefndur Barnasáttmálinn var lagður fyrir allsherjarþing Sameinuðu þjóðanna þann 20. nóvember 1989 og fagnar því 30 ára afmæli í ár. Sáttmálinn var fullgiltur á Íslandi árið 1992 og lögfestur 20. febrúar 2013 og er því hluti af íslenskri löggjöf. Þar sem Barnasáttmálinn er lög á Íslandi ber öllum að fara eftir honum, þó eru skyldur þeirra sem starfa með börnum enn ríkari en almennra borgara. UNICEF hefur meðal annars unnið hörðum höndum að því að styðja við innleiðingu á Barnasáttmálanum og hugmyndafræði hans í skóla - og frístundastarfi í borginni og víðar. Reykjavíkurborg hefur nýlega gefið út menntastefnu sem byggir á grunnstefnum Barnasáttmálans um menntun barns þar sem áhersla er lögð á að rækta persónuleika, hæfileika og andlega og líkamlega getu barnsins. Þá mun borgin bjóða upp á fræðslu um réttindi barna til starfsstaða á skóla - og frístundasviði enda mikilvægt að allir sem starfa með börnum þekki til Barnasáttmálans og þeirrar skyldu sem sáttmálinn leggur á hinn fullorðna. Inntaki Barnasáttmálans má í grófum dráttum skipta upp í þrjá réttindaflokka barna sem eru : vernd, umönnun og þátttaka. Þessir flokkar kveða meðal annars á um að börn eigi rétt til friðhelgi, fjölskyldu - og einkalífs, skoðana -, tjáningar - og trúfrelsis. Þá leggur sáttmálinn þær skyldur á aðildarríkin að grípa til aðgerða svo velferð barna á sviði mennta -, heilbrigðis - og félagsmála sé tryggð. Þá á sáttmálinn að tryggja öllum börnum rétt til að láta í ljós skoðanir sínar á öllum þeim málum er þau varða. Almennt er gengið út frá því að fjórar greinar sáttmálans feli í sér svokallaðar grundvallarreglur. Eru það 2. gr. Jafnræði – bann við mismunun, 3. gr. Það sem barninu er fyrir bestu, 6. gr. Réttur til lífs og þroska og 12. gr. Réttur til að láta skoðanir sínar í ljós og til að hafa áhrif. Fullorðnum sem starfa með börnum ber því rík skylda til að vernda börn og tryggja þeim umönnun og velferð og gæta þess að öll börn fái þjónustu við hæfi óháð félagslegri stöðu, fötlun eða öðrum aðstæðum. Tilkynningaskyldan er mikilvæg í þessu samhengi en það er borgaralega skylda okkar allra, samkvæmt barnaverndarlögum nr. 80 / 2002, og enn ríkari hjá þeim sem starfa með börnum, að tilkynna tafarlaust til barnaverndar sé minnsti grunur um að velferð barns, heilsu, líkamlegri eða andlegri sé ógnað með einhverjum hætti af forráðamönnum, foreldrum eða öðrum. Ég vil hvetja alla til að kynna sér Barnasáttmála Sameinuðu þjóðanna og taka höndum saman um að vera meira vakandi fyrir velferð barnanna okkar. Gefum börnum samfélagsins tíma, hlustum á þau, hvetjum og verndum. Ellen Calmon er verkefnisstýra um Barnasáttmála Sameinuðu þjóðanna á Nýsköpunarmiðju skóla - og frístundasviðs Reykjavíkurborgar. Höfundur er einnig formaður stjórnar Mannréttindaskrifstofu Íslands.
Stærstu seðlabönkum heims er vandi á höndum. Horfur í heimshagkerfinu hafa farið versnandi að undanförnu. Spenna í milliríkjaviðskiptum Bandaríkjanna og Kína fer vaxandi, iðnaðarframleiðsla í Evrópu er að dragast saman og afkomu fyrirtækja vestanhafs hefur hrakað. Hlutabréfaverð hefur fallið og fjárfestar flýja með fé sitt í öruggari eignir á borð við ríkisskuldabréf, gull og svissneska frankann og japanska jenið. Svigrúm peningamálayfirvalda, einkum á evrusvæðinu, til að stemma stigu við niðursveiflu með frekari vaxtalækkunum er takmarkað. Neikvæða vexti má nú finna víða í Evrópu – sænska ríkið gaf út tíu ára skuldabréf í fyrradag á neikvæðum vöxtum í fyrsta sinn – og ávöxtunarkrafa bandarískra ríkisskuldabréfa fer hríðlækkandi. Hvað þýðir þetta fyrir Ísland? Ólíkt evruríkjunum, sem hafa fá úrræði með vextina við núllið og eru föst í spennitreyju misheppnaðs myntbandalags, erum við – með stýrivextina í 3,75 prósentum – vel í stakk búin til að takast á við samdrátt. Við núverandi aðstæður er það í reynd heilbrigðismerki að vera með vextina á þeim stað – réttum megin við núllið. Óþarfi er að fjölyrða um hver áhrifin hefðu verið á stöðugleika ef vaxtastigið hefði verið ákvarðað af Evrópska seðlabankanum á sama tíma og Ísland upplifði fordæmalausa uppsveiflu. Þótt flestum ætti að vera ljóst þetta samhengi hlutanna hafa samt verið stofnaðir stjórnmálaflokkar út frá þeirri misráðnu greiningu að flest efnahagsleg vandamál Íslands stafi af því hver sé skammstöfunin á gjaldmiðlinum. Alþjóðahagkerfið hefur ekki verið í veikari stöðu í mörg ár. Verði samdráttur í eftirspurn á erlendum mörkuðum mun það að óbreyttu að skapa forsendur fyrir frekari vaxtalækkunum hér á landi. Verðbólga ætti að haldast lág og ef vextir úti í heimi lækka enn gæti það þýtt aukið innstreymi fjármagns sem mun styðja við krónuna. Fátt bendir því til annars en að langtímavextir á Íslandi lækki verulega á komandi árum, rétt eins og Agnar Tómas Möller, forstöðumaður skuldabréfa hjá Júpiter, benti á í samtali við Markaðinn í vikunni. Með skynsamlegri hagstjórn og hóflegum launahækkunum er ástæða til að ætla að þróunin verði sú hin sama og hjá öðrum litlum ríkjum með sjálfstæða mynt, eins og Nýja-Sjálandi og Ísrael, þar sem langtímavextir hafa hríðlækkað á einum áratug og eru í dag um eitt prósent. Fáir skilja þetta betur en Ásgeir Jónsson, nýskipaður seðlabankastjóri. Hans bíður snúin staða þegar hann tekur við embættinu í næstu viku. Á sama tíma og óveðursskýin hafa hrannast upp á alþjóðamörkuðum, sem mun hafa einhver áhrif á íslenskt efnahagslíf, er margt sem bendir til að samdrátturinn vegna falls WOW verði minni en margir óttuðust. Þótt ferðamönnum hafi fækkað um fimmtung hefur erlend kortavelta ekki dregist saman, gistinóttum útlendinga á hótelum hefur fjölgað og ekki er útlit fyrir sama atvinnuleysi og svartsýnni spár gerðu ráð fyrir. Stóru tíðindin eru hins vegar þau að Seðlabankinn getur nú, sökum sterkrar stöðu þjóðarbúsins, lækkað vexti í niðursveiflu án þess að þurfa að óttast að slíkt valdi gengisfalli og aukinni verðbólgu. Nýr seðlabankastjóri mun að líkindum nýta það tækifæri og mæla fyrir hóflegri lækkun vaxta á fyrsta vaxtaákvörðunarfundi sínum í lok mánaðarins.
Varaforseti Bandaríkjanna, Mike Pence, kemur til landsins í dag. Dagskrá heimsóknarinnar var í gærkvöldi enn nokkuð óljós að öðru leyti en að Pence muni sækja málþing um viðskipti milli ríkjanna tveggja auk fundar með forseta Íslands og utanríkisráðherra, sem haldinn verður klukkan 14 í Höfða. Afar líklegt má telja að varaforsetinn muni einnig vilja ræða öryggis - og varnarmál við íslenska ráðamenn, en viðvera Bandaríkjahers hér við land hefur sl. vikur og mánuði aukist mjög. Þá mun Pence einnig hitta forsætisráðherra áður en hann heldur aftur af landi brott í kvöld. Munu þau hittast á öryggissvæði Landhelgisgæslu Íslands á Keflavíkurflugvelli. Greint hefur verið frá því í Morgunblaðinu að íslenska lögreglan og bandarískar öryggissveitir verða með gríðarlegan viðbúnað í tengslum við heimsóknina. Mun meiri en sést hefur hér á landi í langan tíma. Þannig munu vel á annað hundrað íslenskir lögreglumenn frá hinum ýmsu embættum sinna öryggisgæslu, þ.ám. öll sérsveit ríkislögreglustjóra. Þá munu einnig á þriðja hundrað Bandaríkjamenn, vopnaðir fulltrúar frá leyniþjónustustofnuninni US Secret Service, sem sér um öryggi forseta og varaforseta Bandaríkjanna, og hermenn vera í fylgdarliði Mikes Pence. Að auki mun bæði sprengjusveit og flugdeild Landhelgisgæslunnar verða til taks. Ekki er talið ólíklegt að þyrla verði einnig nýtt til að fylgjast með aðgerðum úr lofti. Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu, segir götum víða í Reykjavík verða lokað vegna heimsóknarinnar, einkum í námunda við Höfða. Verður hluta Sæbrautar, Borgartúns, Kringlumýrarbrautar og Snorrabrautar lokað. " Þetta er mikið inngrip og það verða miklar tafir, " segir hann og bendir á að lokað verði snemma og verði svo lengi dags. " Þetta er flókin aðgerð sem kallar á mikinn liðsstyrk frá öðrum lögregluembættum. Verkefnin eru mörg og öryggiskröfur miklar, " segir Ásgeir Þór enn fremur við Morgunblaðið. Þá má einnig búast við talsverðu inngripi á Reykjanesbraut þegar fjölmenn bílalest varaforseta Bandaríkjanna fer þar um.
Antonio Conte, stjóri Chelsea, hefur greint frá því hvernig töp gegn Arsenal og Liverpool hafi hjálpað liðinu. Chelsea hefur verið óstöðvandi undanfarið í deildinni en byrjaði tímabilið erfiðlega áður en Conte breytti um leikkerfi. ,, Fyrir leikinn gegn Liverpool þá vissi ég að kerfið okkar væri ekki gott og við þurftum að borga fyrir það, “ sagði Conte. ,, Það var það sama gegn Arsenal og við áttum skilið að tapa þessum leikjum Mér líkaði alls ekki við það. “ ,, Þetta breytti einhverju í mér, leikmönnunum og félaginu. Ég vildi breyta til eftir leikin gegn Liverpool. “
Þúsundir hafa verið fluttar í öruggt skjól vegna fellibylsins Willa sem nálgast vesturströnd Mexíkó. Willa telst nú fimmta og efsta stigs fellibylur er þegar farinn að valda flóðum í Michoacan-fylki. Búist við að miðja hans verði komin inn yfir land seinnipartinn í dag eða í kvöld með stormflóðum og mikilli úrkomu allt að 45 sentimetrum. Fellibylurinn stefnir í norðurátt og er gert ráð fyrir að það dragi úr vindi þegar hann er kominn yfir land. Yfirvöld í Nayarit-fylki í Mexíkó segja að um 10.000 manns hafi verið komið fyrir í neyðarskýlum, skólum hefði verið lokað og fólk varað við að vera á ferli.
Franskir læknar segja breska vísindamenn fara með fleipur þegar þeir sögðu svokallaðann G-blett kvenna ekki vera til. Segja Frakkarnir blettinn geta blekkt vísindmamenn því hann er í mörgum tilvikum falinn ef hann er ekki snertur nógu mikið. Frakkarnir segja 60 prósent kvenna hafa G-blett. Frakkarnir kenna lítilli trú Breta á G-blettinn um það að þeir hafi sagt hann ekki vera til í raun og veru. „ Niðurstöður bresku vísindamannanna er byggð á lítilli virðingu þeirra fyrir því sem konur segja, “ sagði Pierre Foldes sem leiddi rannsóknina. Sagði hann Bretana hafa einblínt á genasamsetningu kvenna en Foldes segir kynhegðun kvenna vera flóknari en svo og ekki bara byggjast á einföldu svari sem útiloki tilvist G-blettsins.
Svo virðist vera að samband sé á milli frjálsræðis, eftirlætis, umburðarlyndis, stjórnleysis eða afskiptaleysis foreldra, hvert svo sem réttnefnið er, og þess að börnin eigi erfitt með að setja sér mörk. Baumrind greindi foreldrana í þrjá hópa eftir því hvaða uppeldishættir þeim voru tamastir : Í leiðandi foreldra, skipandi foreldra og eftirláta foreldra. Þannig kann að vera að þeim börnum sem eru einstrengingsleg í lund, ef til vill frá náttúrunnar hendi eða vegna aðstæðna, sé erfitt að stjórna með lýðræðislegum samningaaðferðum. Þeir fá vísbendingu um að leit eftir sjónarmiðum barnanna sé vænlegri leið en valdboðið, að fá börnin til að skýra afstöðu sína og taka þannig sameiginlega ákvörðun. Börn foreldra sem taka mildilega en með vökulli festu á uppeldi sýna mestan tilfinninga - og félagsþroska. Önnur niðurstaða, sem kemur ef til vill fleiri íslenskum foreldrum á óvart en hin fyrri, er sú hversu mikið skortir á að börn sem alin eru upp í miklu frjálsræði séu sjálfstæð, virk eða þroskuð. Í þriðja hópnum voru börn sem höfðu minnsta tiltrú á sjálfum sér, sýndu skort á sjálfsaga og voru árásargjörn. Þeir gerðu líka litlar kröfur til barnanna um þroskaða hegðun, en sýndu þeim þó meiri hlýju en skipandi foreldrar sýndu börnum sínum. Börn afskiptalausra foreldra eru að jafnaði fremur stjórnlaus og börn skipandi foreldra einnig. Þetta svar er hluti greinar af vefsetrinu Persóna.is og birtist örlítið breytt á Vísindavefnum með góðfúslegu leyfi aðstandenda þess. Það kann að vera að vegna óskýrra leiðbeininga eigi börnin erfitt með að greina hvað sé viðeigandi og hvað ekki. eftir Freydísi Jónu Freysteinsdóttur. Í fyrsta hópi voru börn sem voru bæði virk og lipur í samskiptum. Með því að smella hér er hægt að nálgast ítarlegri útgáfu af svarinu. Hefur slæmt uppeldi ( foreldrar hóta þér sífellt einhverju illu ) áhrif á framtíð þína? Þeir hvöttu sömuleiðis börnin til að skýra út sjónarmið sín. Þetta reyndust oftast vera foreldrar barnanna í þriðja hópi, þeirra sem voru þroskaminnst með tilliti til þeirra þátta sem athugaðir voru. Fjölmargar rannsóknir, til dæmis rannsókn Baumrinds, benda þannig til þess að saman fari uppeldisaðferðir foreldra og tilteknir samskiptahættir barna í viðureign þeirra við umheiminn. Þeir fá líka ábendingu um mikilvægi þess að sýna börnum hlýju og virðingu. Í rannsókn Baumrinds voru athugaðir fjórir þættir : Hvernig foreldrar stjórnuðu barninu, hvers konar kröfur – félagslegar, tilfinningalegar og vitsmunalegar – foreldrar gerðu til þroska barnsins, hvernig foreldrar notuðu skýringar í samskiptum við barnið og hvort hlýja og hvatning einkenndi samskiptin. Hvaða ályktanir má draga? Þeir sýndu börnunum einnig mikla hlýju og uppörvun. Niðurstöður úr rannsókn Baumrinds eru athyglisverðar fyrir uppalendur. En jafnframt er rétt að vara við því að alhæfa af of mikilli ákefð á grunni einnar rannsóknar og heimfæra upp á allt uppeldi. Þannig lögðu þeir áherslu á að ræða við börnin þar sem fram komu bæði sjónarmið barna og foreldra, til dæmis þegar reglur voru settar. Með þessi varnaðarorð í huga er sjálfsagt að gefa niðurstöðum rannsókna gaum og huga að því hvort ekki megi nýta sér slíkar niðurstöður til leiðbeiningar um uppeldi. Orð þeirra voru lög sem ekki mátti efast um og þeir refsuðu börnunum fyrir misgjörðir. Baumrind greindi börnin í þrjá hópa eftir sjálfsaga, sjálfstæði og sjálfstrausti þeirra og eftir því hversu athugul og vingjarnleg þau voru. Leiðandi foreldrar kröfðust þroskaðrar hegðunar af börnum sínum. Þessi sannindi eru reyndar bæði gömul og ný. Þau voru sjálfstæð, öguð og höfðu trú á sjálfum sér, auk þess sem þau voru að jafnaði vingjarnleg og samvinnufús. Í fyrsta lagi, ef bornir eru saman uppeldishættir leiðandi foreldra og skipandi foreldra ættu niðurstöðurnar að hvetja stranga foreldra sem stjórna börnum sínum með boðum og bönnum til að nota frekar þá aðferð að skýra út fyrir barninu hvað því sé fyrir bestu. Þeir notuðu því sjaldan röksemdir eða sýndu börnunum hlýju og uppörvun. Þeir settu fáar reglur og gengu lítt eftir því að börnin fylgdu þeim. eftir Sigurlínu Davíðsdóttur. Þetta voru oftast foreldrar barna í öðrum hópi. Eiga skólar að sjá um uppeldi? Börn sem eru ólík í lund kunna að laða fram ólíkar uppeldisaðferðir. Áður en svona rannsóknarniðurstöður eru samt gerðar að uppeldisformúlu er rétt að benda á að þær sýna ekki með óyggjandi hætti að uppeldisaðferðirnar orsaki hegðun barnanna. Eftirlátir foreldrar ólu börnin upp í miklu frjálsræði, jafnvel stjórnleysi, og skiptu sér hvorki mikið af börnum sínum né reyndu að örva sjálfstraust og sjálfstæði þeirra. Einnig voru þau óvinveitt og vantreystu öðrum. Þessir uppeldishættir reyndust tamir foreldrum þeirra barna sem flokkuðust í fyrsta hópinn sem nefndur var hér að ofan. Athuga verður að þroski barns mótast ekki einvörðungu af uppeldisaðferðum, heldur af heildarskilyrðum í uppvexti og af upplagi barnsins. Í Njálu stendur til dæmis að fjórðungi bregði til fósturs. Frekara lesefni á Vísindavefnum Þeir settu greinileg mörk um hvað væri tilhlýðilegt og hvað ekki og notuðu til þess skýringar. Skipandi foreldrar stjórnuðu börnunum með boðum og bönnum. Ein rannsókn verður seint endanleg undirstaða alls uppeldisstarfs í skólum eða á heimilum. eftir Hildigunni Gunnarsdóttur. Bandaríski sálfræðingurinn Diana Baumrind hefur athugað samband þroska barna á forskólaaldri við uppeldishætti foreldra. Er munur á körlum og konum sem uppalendum? Í öðrum hópnum voru börn sem höfðu nokkra trú á sjálfum sér, en voru þó fremur bæld og vansæl.
Benedikt Valsson fjölmiðlamaður á 30 ára afmæli í dag. Hann tók í byrjun apríl við spurningaþættinum Satt og logið sem er sýndur á Stöð 2. " Þetta er búin að vera skemmtileg vegferð og skemmtilegur þáttur og virkilega gaman að vinna í honum. Það er kominn nýr og ferskur kynnir, annars er þátturinn með frekar hefðbundnu sniði. " Benedikt og Fannar Sveinsson sáu um Hraðfréttir á RÚV og unnu síðast saman að þáttunum Hásetar, sem gáfu afar góða innsýn í líf sjómanna á frystitogurum. " Samband okkar Fannars er gott og við erum alltaf í einhverjum pælingum og erum uppfullir af hugmyndum sem er of snemmt að segja frá núna. " Annars er Benedikt að skella sér í sumarfrí í tilefni afmælisins og er á leiðinni til Ameríku með kærustunni sinni, Heiðu Björk Ingimarsdóttur danskennara. " Ég fór í vikunni á Liverpool-Roma, það var smá afmælishopp en svo ætlum að skella okkur til Washington og við ætlum jafnvel að henda okkur eitthvað sunnar, jafnvel til Bahamaeyja. Fá sól í hjartað. " Benedikt var þó ekki búinn að ákveða hvað hann ætlaði að gera í dag þegar blaðamaður ræddi við hann fyrir helgi. " Ég er enginn brjálaður afmæliskall þannig að ég er ekkert að stressa mig á því hvað ég mun gera og leyfi þessu að ráðast. En ég hlýt að henda í góðan dinner. " Hvað um áhugamál? " Ég nýt þess að vera í kringum vini mína og fjölskyldu. Við vinirnir úr Verzló hittumst alltaf alla fimmtudaga sem er mikilvægur partur af vikunni, spilum fótbolta og kíkjum í bæinn. Annars finnst mér notalegt að grípa í playstation eða netflix. Þegar sólin hækkar á lofti hendist ég í folf. Gríðarlega gott hobbí sem tekur stuttan tíma, auðvelt að spjalla og jafnvel fá sér einn kaldan drykk með. "
Eystri-Rangá skilaði ríflega þúsund laxa veiði síðustu viku og er áin komin í 3.308 laxa og hafa þegar veiðst fleiri laxar þar í sumar en allt árið í fyrra. Sumarið 2019 var lokatalan í Eystri-Rangá 3.048. Þá varð Ytri-Rangá önnur áin til að fara yfir þúsund laxa og var vikuveiðin þar 136 laxar. Urriðafoss í Þjórsá er í þriðja sæti og er veiðin þar komin í 792 laxa. Vikuveiðin í Urriðafossi var sú sama og í Ytri-Rangá, eða 136 fiskar. Miðfjarðará gaf 189 laxa nýliðna viku og er í fjórða sæti með 729 laxa. Miðfjarðará er að sækja í sig veðrið miðað við þessar tölur, sem Landssamband veiðifélaga birti á vef sínum, angling.is, í morgun. Í fimmta sæti er Norðurá með vikuveiði upp á 63 laxa og heildartalan er 645 fiskar. Sjötta sætið skipar Haffjarðará með 566 laxa, næst kemur Þverá / Kjarrá með 538 laxa. Í níunda sæti er Selá í Vopnafirði með 482 laxa. Tíunda sætið hefur Langá með 425 veidda laxa. Þar skammt undan er Hofsá sem hefur verið að gefa góða veiði síðustu daga.
FÓTBOLTAKAPPINN David Beckham hefur í hyggju að fjárfesta í sjö milljóna punda einkaþotu svo hann geti ferðast fljótt og örugglega á milli Evrópu og Ameríku. En í bígerð er að bandaríska fótboltaliðið Los Angeles Galaxy láni ítalska liðinu AC Milan Beckham. Meðan hann dvelur á Ítalíu ætlar kona hans, Victoria, og synir þeirra þrír að búa áfram í Los Angeles. " Hann mun fórna miklu er hann flytur aftur til Evrópu í janúar. Svo eina lausnin er að kaupa eða leigja einkaþotu í nokkra mánuði svo hann geti ferðast til Los Angeles á milli leikja á Ítalíu og hitt fjölskyldu sína. Það mun kosta sitt en það er ekki hægt að setja verðmiða á tíma með börnunum sínum, " sagði heimildarmaður dagblaðsins Daily Star. Beckham ætlar að gera stuttan samning við ítalska liðið vegna þess að fótboltatímabilið í Bandaríkjunum er búið og hann vill halda sér í formi til að geta leikið með Englandi í undankeppninni fyrir heimsmeistaramótið. Eiginkonan hefur stutt þessa ákvörðun hans þó fjarbúðin geti sett pressu á níu ára hjónaband þeirra. " Hvar sem ég leik og hvað sem ég geri á ferli mínum þá styður hún mig. Þótt ég leiki í Evrópu þýðir það ekki að fjölskyldan þurfi að rífa sig upp með rótum og fylgja mér, " segir Beckham um málið. Talið er að Victoria Beckham kjósi samt frekar að hann gangi til liðs við enska liðið Tottenham Hotspur svo þau geti verið nær heimahögunum og fjölskyldunni í Englandi. David Beckham mun þegar hafa fundið glæsilegt íbúðarhús á Ítalíu með aðstoð fyrirliða AC Milan, Paolo Maldini, og vonar innilega að liðaskiptin gangi í gegn.
MIELE Extra þvottavél frá árunum 1914 - 20, sem er talin elsta rafknúna þvottavél hér á landi, verður gerð upp á næstunni og síðan höfð til sýnis hjá Eirvík ehf. Fyrirtækið, sem hefur umboð á Íslandi fyrir tæki frá Miele, heldur á þennan hátt upp á 100 ára afmæli Miele þvottavélarinnar. Miele var stofnað í Þýskalandi árið 1899, en fyrsta þvottavélin var framleidd árið 1901. Fyrsta rafstýrða þvottavélin leit dagsins ljós árið 1914 og var hún úr timbri. Vélin sem Eirvík mun gera upp er fengin að láni frá Byggðasafninu á Skógum. Eyjólfur Baldursson, framkvæmdastjóri Eirvíkur, segir að vélin sé í góðu ásigkomulagi. " Það þarf að bæta einum tréstaf inn í tunnuna og yfirfara vélina til að fá hana til að snúast, en þá ætti að vera nóg að stinga henni í samband. " Þvotturinn fór þannig fram í þá daga, að vatni var hellt ofan í tromluna, þvottaefni bætt við og vélinni svo stungið í samband og sett í gang. Ekki er vitað hvort vélin hafi verið flutt notuð eða ný til landsins, en Eyjólfur segir að heimildir séu um að hún hafi verið á bæjunum Ytri-Skógum og Berjanesi í Austur-Eyjafjallahreppi. " Einhvern tímann hefur hópur manna úr sveitinni staðið í kringum þessa trévél, horft á hana snúast og velt því fyrir sér þvílíkt undur og kraftaverk þetta væri, " segir Eyjólfur. " Það hefur örugglega þótt fréttnæmt í sveitinni að slíkt undratæki væri til og hafa menn örugglega komið langt að til að sjá hana vinna. " Hann segir að ef einhver muni eftir einhverju um þessa vél væri gaman að fá frekari upplýsingar um sögu hennar. Eirvík er einnig að reyna að hafa upp á Miele skellinöðru í tengslum við afmælið, en þær voru vinsælar meðal unga fólksins hér á landi í kringum 1950.
Ríkisstjórn Jóhönnu Sigurðardóttir endurheimti aldrei fylgið sem hún naut á fyrstu mánuðum sínum. Það fjaraði fljótt undan henni, og eftir það varð líf hennar eintómur barningur. Svona er líf stjórnmálamanna þessa dagana. Stjórnarandstaða tekur við af stjórn og er fljótt búin að ávinna sér jafn miklar óvinsældir. Við höfum dæmin frá Frakklandi, Spáni, Grikklandi, Danmörku, Írlandi, Bretlandi – jú, og miklu víðar. Ein undantekning er þó, Angela Markel í Þýskalandi, hún heldur velli hvað sem tautar og raular. Flokkur Merkel virðist nær öruggur með að vinna þingkosningar í september. Það er ekki að spyrja að þýska stöðugleikanum. Vinsældir ríkisstjórnarinnar íslensku sem tók við í vor fara stöðugt minnkandi og ekki síst fylgi Framsóknarflokksins. Stjórnarliðar skýra þetta með óþolinmæði kjósenda. En þá óþolinmæði er ekki bara að finna á Íslandi, hún er alþjóðlegt fyrirbæri nú á tímum efnahagsörðugleika. Vandi ríkisstjórna er líka sá að þær geta sáralítið gert, völd þeirra eru mjög takmörkuð – yfirleitt beygja þær sig bara fyrir hagstærðunum. Þeir eru fáir sem ná völdum og endast til að vera í uppreisn gegn ríkjandi kerfi. Ekki bætir úr þegar stjórnarflokkar hafa lofað einhverju sem þeir geta trauðla staðið við og gera svo hugsanlega eitthvað allt annað, eins og virðist vera uppi á teningnum hér. En það er heldur ekki einsdæmi eins og málum er háttað í veröldinni.

End of preview. Expand in Data Studio

README.md exists but content is empty.

Downloads last month: 1

Size of downloaded dataset files:

481 MB

Size of the auto-converted Parquet files:

481 MB

Number of rows:

286,160