Datasets:

Vanda10
/

khmer_text_articles_data

Modalities:

Text

Formats:

Size:

Libraries:

Dataset card Data Studio Files Files and versions

xet

Community

Dataset Viewer

Auto-converted to Parquet Duplicate

Split (1)

train · 10k rows

file_name stringlengths 13 17	summary stringlengths 1 1.09k	full_article stringlengths 5 22k
article_1.txt	ស្ត្រី ជាបុគ្គលដ៏សំខាន់ក្នុងរួមចំណែកដំណើរការដឹកនាំ មិនថាជាកម្រិតដឹកនាំក្នុងគ្រួសារ ឬដល់កម្រិតស្ថាប័នអន្តរជាតិនោះទេ។ ការយល់ដឹងពីសមភាពយ៉េនឌ័រ សិទ្ធិ និងកាតព្វកិច្ចរបស់ស្ត្រីក្នុងកិច្ចការងារសាធារណៈ បានជះឥទ្ធិពលយ៉ាងសំខាន់លើតួនាទីរបស់ស្រ្តី។ បច្ចុប្បន្ន ស្ត្រីមានសមត្ថភាព និងទេពកោសល្យជាច្រើន ហើយបានក្លាយជាអ្នកដឹកនាំស្ថាប័នអន្តរជាតិជាច្រើនក្នុងពិភពលោក។	កាលពីអតីតកាល កិច្ចការងារ និងមុខតំណែងក្នុងអង្គភាព ឬអង្គការអន្តរជាតិ អាចនៅមានការគិតគូរលើភេទ ដែលជាកត្តាចម្បងមួយ ដើម្បីជ្រើសរើសបេក្ខភាពដែលសាកសម។ ហេតុដូចនេះ គ្រប់តំណែងសំខាន់ៗក្នុងអង្គភាព ឬអង្គការទាំងនោះ សឹងតែគ្របដណ្ដប់ និងកាន់កាប់ដោយបុរសទាំងស្រុង។ នៅក្នុងពេលបច្ចុប្បន្ន សង្គមមនុស្ស មានការយល់ដឹងលើសមភាពយ៉េនឌ័រ និងផ្លាស់ប្ដូរផ្នត់គំនិតនៃការមើលឃើញស្រ្តីគ្មានសមត្ថភាពដូចបុរស។ មួយវិញទៀត គួបផ្សំនឹងអត្រានៃការអប់រំ ការយល់ដឹងលើសិទ្ធិ ការទទួលបានឱកាស និងការផ្ដល់តម្លៃឱ្យស្មើភាពជាមួយបុរស ភាពជាអ្នកដឹកនាំរបស់ស្រ្តី បានក្លាយជាការវិវត្តថ្មីមួយ ក្នុងដំណើរការគ្រប់គ្រងរបស់ស្ថាប័នអន្តរជាតិ។ ក្នុងអង្គការអន្តរជាតិសំខាន់ៗ ស្ត្រីដើរតួនាទីយ៉ាងសំខាន់ក្នុងដំណើរការរដ្ឋបាល និងការគ្រប់គ្រង ដើម្បីធានានូវចីរភាព និងប្រសិទ្ធភាពនៃដំណើរការអង្គភាព។ ជាពិសេស វាជាការបង្ហាញពីការយល់ដឹងផ្នែកយ៉ែនឌ័រ ឬការគោរពសិទ្ធបុគ្គលក្នុងការងារដោយគ្មានការរើសអើងភេទ។ ខាងក្រោមនេះ ជាស្ត្រីដែលមានតំណែង និងឥទ្ធិពលទាំង៧រូប ដែលកំពុងកាន់តំណែងសំខាន់ក្នុងស្ថាប័នអន្តរជាតិធំៗ៖ លោកស្រី Ursula von der Leyen លោកស្រី Ursula von der Leyen មានតំណែងជាប្រធានគណៈកម្មការអឺរ៉ុប។ ក្រៅពីកាន់តំណែងនៅអឺរ៉ុបដ៏សំខាន់មួយនេះ លោកស្រីដែលមានសញ្ជាតិអាល្លឺម៉ង់ម្នាក់នេះ ធ្លាប់ជាអ្នកនយោបាយ និងធ្លាប់ជារដ្ឋមន្ត្រីក្នុងរដ្ឋាភិបាលអាល្លឺម៉ង់។ លោកស្រី Roberta Metsola លោកស្រី Roberta Metsola ដែលជាស្រ្តីជនជាតិម៉ាល់ត៍ មានតំណែងបច្ចុប្បន្នជាប្រធានសភាអឺរ៉ុប។ ស្ត្រីមេដឹកនាំវ័យ៤៦ឆ្នាំរូបនេះ ក៏ជាអ្នកនយោបាយក្នុងគណបក្សអ្នកជាតិនិយមនៅម៉ាល់ត៍ផងដែរ។ លោកស្រី Ngozi Okonjo-Iweala លោកស្រី Ngozi Okonjo-Iweala មានសញ្ជាតិនីហ្សេរីយ៉ា និងកំពុងកាន់តំណែងជាអគ្គនាយករបស់អង្គការពាណិជ្ជកម្មពិភពលោក(WTO)។ បន្ថែមពីនេះ លោកស្រី Okonjo-Iweala ជាអ្នកជំនាញផ្នែកសេដ្ឋកិច្ច និងជាប្រេសិតពិសេសសម្រាប់ការប្រមូលជំនួយសេដ្ឋកិច្ចពិភពលោកក្នុងការប្រយុទ្ធប្រឆាំងជំងឺកូវីដ១៩។ លោកស្រី Christine Lagarde លោកស្រី Christine Lagarde ជាស្ត្រីជនជាតិបារាំង និងមានតំណែងជាប្រធាននៃធនាគារកណ្ដាលអឺរ៉ុប(European Central Bank)។ ក្រៅពីនេះ លោកស្រី Lagarde ជាអ្នកនយោបាយ និងជាអ្នកច្បាប់នៅបារាំង។ លោកស្រី Winnie Byanyima លោកស្រី Winnie Byanyima គឺជានាយកប្រតិបត្តិនៃទីភ្នាក់ងារប្រឆាំងជំងឺអេដស៍របស់អង្គការសហប្រជាជាតិ (UNIADS)។ លោកស្រី Byanima ជាស្ត្រីដំបូងដែលមានតួនាទីជានាយកប្រតិបត្តិ UNAIDS ដែលបញ្ជាក់ពីសមត្ថភាពដឹកនាំរបស់លោកស្រី ក្នុងកម្រិតអន្តរជាតិ។ លោកស្រី Sima Sami Bahous លោកស្រី Sima Sami Bahous ជាជនជាតិហ្សកដានី និងជានាយកប្រតិបត្តិនៃអង្គភាពស្ត្រីរបស់អង្គការសហប្រជាជាតិ(UN Women)។ មុនពេលក្លាយជានាយកប្រតិបត្តិរបស់ UN Women លោកស្រី Bahous ធ្លាប់ជាអ្នកតំណាងអចិន្ត្រៃយ៍របស់ហ្សកដានី នៅអង្គការសហប្រជាជាតិ។ លោកស្រី Gita Gopinath លោកស្រី Gita Gopinath ជាជនជាតិអាម៉េរិកដើមកំណើតឥណ្ឌា និងមានតំណែងជាអនុប្រធានគ្រប់គ្រងនៃមូលនិធិរូបិយប័ណ្ណអន្តរជាតិ (IMF)។ លោកស្រីក៏ជាអ្នកជំនាញផ្នែកសេដ្ឋកិច្ច និងហិរញ្ញវត្ថុផងដែរ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_100.txt	អ្នកនាំពាក្យក្រសួងការបរទេសអាម៉េរិក លោក Matthew Miller កាលពីថ្ងៃទី៣ ខែមករា បានប្រកាសថា រដ្ឋមន្ត្រីការបរទេសលោក អាន់តូនី ប្លីងខិន នឹងទៅកូរ៉េខាងត្បូងក្នុងកិច្ចខិតខំប្រឹងប្រែងដើម្បីបញ្ជាក់ឡើងវិញនូវសម្ព័ន្ធភាពដ៏រឹងមាំជាមួយសម្ព័ន្ធមិត្តនៅក្នុងតំបន់អាស៊ី។	ដំណើរទស្សនកិច្ចទៅកាន់ទីក្រុងសេអ៊ូល ជាផ្នែកមួយនៃសកម្មភាពធ្វើដំណើរបរទេសជាបន្តបន្ទាប់របស់រដ្ឋមន្ត្រីការបរទេស ប្លីងខិន ទៅកាន់ប្រទេសចំនួនបីគឺកូរ៉េខាងត្បូង ជប៉ុន និងបារាំង ដែលមានរយៈពេលប្រហែលមួយសប្តាហ៍។ ក្រសួងការបរទេសកូរ៉េខាងត្បូងបានលើកឡើងថា រដ្ឋមន្ត្រីការបរទេសលោក Cho Tae-yul និងលោក ប្លីងខិន នឹងជួបពិភាក្សាគ្នានៅទីក្រុងសេអ៊ូលនៅថ្ងៃទី៦ ខែមករា។ អ្នកនាំពាក្យក្រសួងការបរទេសអាម៉េរិកបានបញ្ជាក់ថា ៖« ប្រមុខការបរទេស ប្លីងខិន នឹងជួបជាមួយមន្ត្រីជាន់ខ្ពស់របស់រដ្ឋាភិបាលកូរ៉េខាងត្បូង ដើម្បីបញ្ជាក់ឡើងវិញនូវភាពរឹងមាំនៃសម្ព័ន្ធភាពអាម៉េរិក-កូរ៉េខាងត្បូង និងពិភាក្សាអំពីវិធានការដែលប្រទេសទាំងពីរនឹងអនុវត្តជុំវិញពិភពលោកដោយផ្អែកលើតម្លៃរួម»។ លោក Miller បានបន្ថែមថា រដ្ឋមន្ត្រីការបរទេសនឹងពិភាក្សាអំពីរបៀបដែលអាម៉េរិក និងកូរ៉េខាងត្បូងអាចពង្រឹងកិច្ចខិតខំប្រឹងប្រែងសំខាន់ៗ ដើម្បីលើកកម្ពស់តំបន់ឥណ្ឌូប៉ាស៊ីហ្វិកសេរី បើកចំហ និងរីកចម្រើន ព្រមទាំងកិច្ចខិតខំប្រឹងប្រែងត្រីភាគីជាមួយជប៉ុន។ ការចរចាទ្វេភាគីរវាងអាម៉េរិក និងកូរ៉េខាងត្បូងធ្វើឡើងស្របពេលមានការព្រួយបារម្ភថា ស្ថានភាពនយោបាយមិនស្ថិតស្ថេរនៅកូរ៉េខាងត្បូងនាពេលបច្ចុប្បន្ន បន្ទាប់ពីច្បាប់អាជ្ញាសឹកអាចធ្វើឱ្យទំនាក់ទំនងកិច្ចសហប្រតិបត្តិការរវាងទីក្រុងសេអ៊ូល និងវ៉ាស៊ីនតោនចុះខ្សោយ រួមទាំងបញ្ហាប្រឈមរបស់កូរ៉េខាងជើងដែរ។ នៅក្នុងបរិបទនោះ ប្រទេសទាំងពីរបានឯកភាពគ្នាយ៉ាងសកម្មក្នុងការបន្តឡើងវិញនូវកាលវិភាគការទូត និងសន្តិសុខទ្វេភាគីដែលត្រូវបានពន្យារពេលបន្ទាប់ពីការរំខាននាពេលថ្មីៗនេះ។ បើតាមភាគីកូរ៉េខាងត្បូង ដំណើរទស្សនកិច្ចរបស់ប្រមុខបេសកកម្មការទូតអាម៉េរិកត្រូវបានគេរំពឹងថា នឹងជួយរដ្ឋាភិបាលរបស់ប្រទេសនេះ បន្ធូរបន្ថយការព្រួយបារម្ភអំពីការចុះខ្សោយនៃសម្ព័ន្ធភាព ក៏ដូចជាជាឱកាសសម្រាប់កូរ៉េខាងត្បូងដើម្បីបង្ហាញថា ប្រទេសនេះនៅតែទទួលបានការគាំទ្រយ៉ាងរឹងមាំពីសម្ព័ន្ធមិត្ត ទោះបីជាស្ថានភាពនយោបាយមិនស្ថិតស្ថេរក៏ដោយ។ ភាគច្រើនទំនងជារដ្ឋមន្ត្រីការបរទេសកូរ៉េខាងត្បូងនឹងឆ្លៀតយកឱកាសនេះដើម្បីបញ្ជាក់ឡើងវិញនូវការប្តេជ្ញាចិត្តចំពោះសម្ព័ន្ធភាពជាមួយទីក្រុងវ៉ាស៊ីនតោនក្នុងការឆ្លើយតបទៅនឹងបញ្ហាប្រឈមដែលពាក់ព័ន្ធដូចជាបញ្ហាកូរ៉េខាងជើង ជាពិសេសការព្រួយបារម្ភអំពីទំនាក់ទំនងដ៏ជិតស្និទ្ធរវាងយោធាកូរ៉េខាងជើង និងរុស្ស៊ីនាពេលថ្មីៗនេះ។ ទាក់ទិននឹងដំណើរទស្សនកិច្ចបីប្រទេសនេះ អ្នកនាំពាក្យក្រសួងការបរទេសអាម៉េរិកបានបន្ថែមថា នៅជប៉ុន លោក ប្លីងខិន ក៏មានគម្រោងជួបជាមួយមន្ត្រីជាន់ខ្ពស់មកពីទីក្រុងតូក្យូ ដើម្បីវាយតម្លៃវឌ្ឍនភាពនៃសម្ព័ន្ធភាពអាម៉េរិក-ជប៉ុន ក្នុងប៉ុន្មានឆ្នាំចុងក្រោយនេះ និងបញ្ជាក់សារជាថ្មីអំពីសារៈសំខាន់នៃសម្ព័ន្ធភាពក្នុងដោះស្រាយបញ្ហាទ្វេភាគី តំបន់ និងពិភពលោក។ នៅបារាំង រដ្ឋមន្ត្រីការបរទេសអាម៉េរិកនឹងជួបជាមួយមន្ត្រីជាន់ខ្ពស់បារាំង ដែលជាផ្នែកមួយនៃភាពជាដៃគូទ្វេភាគី ដើម្បីដោះស្រាយបញ្ហាប្រឈមនៅអឺរ៉ុប មជ្ឈិមបូព៌ា និងតំបន់ជាច្រើនទៀត៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_1000.txt	ព្រឹទ្ធសភាអាមេរិក នៅថ្ងៃទី៩ ខែកុម្ភៈ បានយល់ព្រមបន្តនីតិវិធីសវនាការដកតំណែងលោក ដូណាល់ ត្រាំ ។ ខណៈលោក ត្រាំ លែងជាប្រធានាធិបតីទៅហើយនោះ ក្រុមមេធាវីរបស់លោកអះអាងថា សវនាការនេះ មានអធម្មនុញ្ញភាព។ បក្សប្រជាធិបតេយ្យដែលគ្រប់គ្រងសភាទាំងពីរជាន់ ជំរុញដំណើរការកាត់ក្ដីនេះមិនដកដៃឡើយ ជាមួយគោលដៅហាមឃាត់លោក ត្រាំ ពីការឈរឈ្មោះកាន់តំណែងនានានៅពេលអនាគត។	សវនាការដកតំណែងលើកទីពីរប្រឆាំងអតីតប្រធានាធិបតី ដូណាល់ ត្រាំ បានចាប់ផ្ដើមនៅថ្ងៃទី៩ ខែកុម្ភៈ ដែលធ្វើឱ្យលោកក្លាយជាបុគ្គលម្នាក់គត់ ត្រូវព្រឹទ្ធសភាកាត់ក្ដីរឿងដកតំណែងដល់ទៅពីរដង។ លោក ត្រាំ រងបទចោទថា ញុះញង់ឱ្យមានការបះបោរនៅពេលដែលក្រុមអ្នកគាំទ្ររបស់លោកចូលអុកឡុកអាគារកាពីតូលនៅថ្ងៃទី៦ ខែមករាដែលរំខានកិច្ចប្រជុំរួមរបស់សភាទាំងពីរដើម្បីបញ្ជាក់ជ័យជម្នះលោក ចូ បៃឌិន ។ មេធាវីរបស់លោក ត្រាំ អះអាងថា ព្រឹទ្ធសភាមិនអាចកាត់ក្ដីលោក ត្រាំ បានទេព្រោះលោកមិនមែនជាប្រធាធិបតេយ្យទៀតឡើយតាំងពីថ្ងៃទី២០ ខែមករាមក។ ប៉ុន្តែព្រឹទ្ធសភាអាមេរិកបានបោះឆ្នោតដោយសំឡេង៥៦ទល់៤៤ ដើម្បីបន្តនីតិវិធីរបស់ខ្លួន។ លទ្ធផលនេះបង្ហាញថា សមាជិកព្រឹទ្ធសភា សម្រេចចិត្តតាមគោលការណ៍បក្ស ខណៈសមាជិកបក្សសាធារណរដ្ឋ៦នាក់ គាំទ្រការកាត់ក្ដីអតីតប្រធានាធិបតីរូបនេះ។ ដើម្បីកាត់ទោសលោក ត្រាំ ព្រឹទ្ធសភាអាមេរិក ត្រូវបោះឆ្នោតដោយសំឡេងពីរភាគបីឯណោះ។ វាជារឿងលំបាកសម្រាប់បក្សប្រជាធិបតេយ្យ ព្រោះត្រូវអូសទាញសមាជិកបក្សសាធារណរដ្ឋយ៉ាងហោចណាស់១៧នាក់ឯណោះ។ គោលដៅរបស់បក្សប្រជាធិបតេយ្យ គឺហាមលោក ត្រាំ មិនឱ្យកាន់តំណែងរដ្ឋណាមួយតែម្ដង។ កន្លងទៅ លោក ត្រាំ ធ្លាប់បញ្ចេញជំហរត្រឡប់ចូលនយោបាយវិញនៅការបោះឆ្នោតឆ្នាំ២០២៤ ។ អំឡុងសវនាការ បក្សប្រជាធិបតេយ្យ បានចាក់វីដេអូពីសកម្មភាពអ្នកគាំទ្រលោក ត្រាំ ចូលលុកលុយវិមានកាពីតូល និងការថ្លែងសុន្ទរកថារបស់លោក ត្រាំ មុនកុបកម្មនៅសភា។ កាលនោះ លោក ត្រាំ ប្រាប់ឱ្យអ្នកគាំទ្រលោកបន្តប្រយុទ្ធដើម្បីផ្លាស់ប្ដូរលទ្ធផល។ សមាជិកសភាតំណាងមកពីបក្សប្រជាធិបតេយ្យ លោក Jamie Raskin និយាយថា បើសកម្មភាពបែបនេះមិនមែនជាបទល្មើសដែលត្រូវដកតំណែងទេនោះ គេមិនអាចរកទង្វើណាដែលអាចបានដែរ។ ក្រុមមេធាវីលោក ត្រាំ នៅតែអះអាងថា សម្ដីលោក ត្រាំ កាលពីដើមខែមករា ជាការអនុវត្តសេរីភាបញ្ចេញមតិប៉ុណ្ណោះ។ លោក Bruce Castor សមាជិកក្រុមការពារចុងចោទនិយាយថា ការចូលអុកឡុកវិមានកាពីតូល គួរត្រូវរិះគន់ខ្លាំង ប៉ុន្តែមានតែឧក្រិដ្ឋជនខ្លះ ដែលមិនមែនជាលោក ត្រាំ ឡើយ ជាអ្នកទទួលខុសត្រូវ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10000.txt	សកម្មភាពលក់លំនៅឋាន ដែលមានផ្ទះល្វែង វីឡាភ្លោះ និងទោស មានការថយចុះជាង៦០ភាគរយ ខណៈការលក់ខុនដូ មានកំណើនវិជ្ជមានក្នុងអត្រាជាង១០ភាគរយ។ នេះបើតាមរបាយការណ៍ប្រចាំឆមាសទី១របស់ធនាគារជាតិនៃកម្ពុជា។	របាយការណ៍ដែលយោងតាមនិយ័តករអាជីវករអចលនវត្ថុ និងបញ្ចាំ រួមទាំងការគណនារបស់មន្ត្រីធនាគារជាតិនៃកម្ពុជា បង្ហាញថា សកម្មភាពលក់លំនៅឋាន (ផ្ទះល្វែង វិឡាភ្លោះ និងទោល) ថយចុះប្រមាណ ៦៤,៧ភាគរយ ខណៈការលក់ខុនដូ មានកំណើនវិជ្ជមានឡើងវិញក្នុងអត្រា១២,៩ភាគរយ។ បើគិតតាមទិន្នន័យត្រឹមខែឧសភា ឆ្នាំ២០២៣ សន្ទស្សន៍ថ្លៃលំនៅឋាន (RPPI) បង្ហាញថា តម្លៃលំនៅឋាននៅកម្ពុជាពុំសូវមានការប្រែប្រួលខ្លាំងនោះទេ ដោយនៅភ្នំពេញ មានការកើនឡើង៦,៩ភាគរយ ស្របពេលដែលនៅតាមបណ្តាខេត្តផ្សេងៗទៀតកើន ៥,៣ភាគរយ។ ទោះបីជាយ៉ាងណាក៏ដោយ របាយការណ៍បានបង្ហាញពីការងើបឡើងវិញនៃវិស័យសំណង់ តាមរយៈកំណើននៃការនាំចូលសម្ភារ និងបរិក្ខារសំណង់ក្នុងរង្វង់ ០,៤ភាគរយ។ ចំពោះគម្រោងដែលអនុម័តដោយក្រសួងរៀបចំដែនដី នគរូបនីយកម្ម និងសំណង់, តម្លៃ និងផ្ទៃក្រឡាគម្រោងសាងសង់ ត្រូវបានប៉ាន់ស្មានថាមានកំណើន ១,៣ភាគរយ ខណៈចំនួនគម្រោងថយចុះ ៩ភាគរយ។ ក្រសួងរៀបចំដែនដី នគរូបនីយកម្ម និងសំណង់ ក៏បានផ្សព្វផ្សាយ របាយការណ៍ បូកសរុបលទ្ធផលការងារប្រចាំត្រីមាសទី១ឆ្នាំ២០២៣ និងលើកទិសដៅការងារបន្ត ផងដែរ ប៉ុន្តែសាធារណជនមិនទាន់អាចទាញយកឯកសារពីគេហទំព័រផ្លូវការរបស់ក្រសួងបានឡើយ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10001.txt	ភ្នំពេញ៖ លោក វ៉ាង យី រដ្ឋមន្រ្តីការបរទេសចិន បានសាទរចំពោះកម្ពុជា ដែលទទួលបានការបណ្តាក់ទុនវិនិយោគយ៉ាងច្រើនសន្ធឹកសន្ធាប់ពីបរទេស។ លោកលើកឡើងបែបនេះធ្វើឡើងក្នុងជំនួបពិភាក្សាការងារជាមួយលោក សុខ ចិន្តាសោភា កាលពីថ្ងៃទី១២ សីហា។	ក្នុងជំនួបនេះលោក សុខ ចិន្តាសោភា បានរំលេចពីទំនាក់ទំនងដ៏ល្អប្រសើរ រវាងប្រទេស ទាំងពីរ ដែលមានតាំងពីយូរលង់មកហើយ។ លោក សុខ ចិន្តាសោភា បានលើកឡើង ដូច្នេះ៖ «ទំនាក់ទំនងការទូតដែលបានបង្កើតជាមិត្តភាពដែកថែបនេះ ត្រូវបានឆ្លុះបញ្ចាំង តាមរយៈទំនាក់ទំនងសេដ្ឋកិច្ចយ៉ាងរឹងមាំ ដោយប្រទេសចិនបានក្លាយជាដៃគូពាណិជ្ជកម្ម ប្រភពទុនវិនិយោគ និងទេសចរធំជាងគេរបស់កម្ពុជា។ »។ បើតាមសេចក្ដីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា លោក វ៉ាង យី បានអបអរ សាទរ ចំពោះការរីកចម្រើនដ៏ឆាប់រហ័សរបស់កម្ពុជា និងវាយតម្លៃខ្ពស់ចំពោះសមិទ្ធផល ការងារទាំងឡាយ ដែលរដ្ឋាភិបាលកម្ពុជាសម្រេចបាន។ លើសពីនេះ ការទទួលបានការ បណ្តាក់ទុនវិនិយោគយ៉ាងច្រើនសន្ធឹកសន្ធាប់ពីបរទេស។ រដ្ឋមន្រ្តីការបរទេសចិនរូបនេះ ក៏រំលេចនូវកិច្ចសហប្រតិបត្តិការល្អ រវាងប្រទេសទាំងពីរ តាម រយៈការប្រើប្រាស់នូវយន្តការសម្របសម្រួល កិច្ចសន្ទនាទ្វេភាគី និងការផ្លាស់ប្ដូរទស្សនកិច្ច សិក្សា ដែលឆ្លើយតបយ៉ាងវិជ្ជមានទៅនឹងក្របខណ្ឌ នៃការអនុវត្តគំនិតផ្តួចផ្តើម «ខ្សែក្រវាត់ និងផ្លូវ»ផងដែរ។ តាមរយៈជំនួបនោះ ភាគីទាំងពីរមានជំនឿថា ច្បាប់ស្តីពីវិនិយោគថ្មី និងក្របខណ្ឌគតិយុត្តអនុវត្តច្បាប់នេះ ដែលត្រូវបានដាក់ឱ្យប្រើប្រាស់ជាស្ថាពរ ក៏ដូចការចូលជាធរមាន នៃកិច្ចព្រមព្រៀងពាណិជ្ជកម្មសេរីកម្ពុជា-ចិន និងការលើកកម្ពស់ក្របខណ្ឌកិច្ចសហប្រតិបត្តិការ ត្បូងពេជ្រ នឹងជំរុញឱ្យទំនាក់ទំនងកម្ពុជា-ចិន រឹតតែទទួលបានលទ្ធផលត្រចះត្រចង់ថែមទៀត។ លោក វ៉ាង យី រដ្ឋមន្ត្រីការបរទេស នៃសាធារណរដ្ឋប្រជាមានិតចិន បានបំពេញទស្សនកិច្ច ផ្លូវការនៅកម្ពុជា ពីថ្ងៃទី១២-១៣ សីហា ដើម្បីពង្រឹង និងពង្រីកបន្ថែម ទំនាក់ទំនង និងកិច្ច សហប្រតិបត្តិការ ដែលជាប្រយោជន៍សម្រាប់ ប្រជាជននៃប្រទេសទាំងពីរ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10002.txt	ការអនុវត្តចំណូល-ចំណាយរបស់រដ្ឋាភិបាលរហូតដំណាច់ឆ្នាំ២០២៣ ត្រូវបានប៉ាន់ស្មានថា មានឱនភាពថវិកាជាតិក្នុងរង្វង់៤០០លានដុល្លារអាម៉េរិក។ ដើម្បីបំពេញតុល្យភាពថវិកា និងការចំណាយផ្សេងៗនេះ រដ្ឋគ្រោងប្រើប្រាស់ប្រាក់សន្សំរបស់ខ្លួនរហូតដល់៦០០លានដុល្លារ។ នេះបើយោងតាមរបាយការណ៍ស្តីពី លទ្ធផលនៃការអនុវត្តថវិកាឆមាសទី១ និងការវាយតម្លៃការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ ដែលក្រសួងសេដ្ឋកិច្ច និងហិរញ្ញវត្ថុ ចេញផ្សាយនៅថ្ងៃទី៤សីហា។	ការប្រមូលចំណូលថវិកាថ្នាក់ជាតិក្នុងឆមាសទី១ ឆ្នាំ២០២៣ សម្រេចបាន ១៤ ២០២ ០៦៧ លានរៀល(ប្រមាណ៣ ៥០០លានដុល្លារ) ដែលស្មើនឹង៥០,៧ភាគរយនៃច្បាប់ហិរញ្ញវត្ថុ គឺមានសម្ទុះយឺតជាង ៧,៥ពិន្ទុ ធៀបនឹងរយៈពេលដូចគ្នាក្នុងឆ្នាំ២០២២។ ក្រសួងសេដ្ឋកិច្ច បានបញ្ជាក់ថា ភាពយឺតនៃការប្រមូលចំណូលជាតិនេះ កើតឡើងដោយសារស្លាកស្នាមនៃវិបត្តិជំងឺកូវីដ-១៩ជាសកលនៅតែបន្តមានផលប៉ះពាល់លើសេដ្ឋកិច្ចកម្ពុជា និងការអូសបន្លាយនៃសង្គ្រាមរុស្សី-អ៊ុយក្រែន ព្រមទាំងការថយចុះជាគំហុកនៃការនាំចូលរថយន្តដែលជាប្រភពចំណូលគយដ៏សំខាន់។ ជាមួយគ្នានេះ ការបាត់បង់ចំណូលរបស់កម្ពុជាតាមរយៈការអនុវត្តកិច្ចព្រមព្រៀងពាណិជ្ជកម្មសេរីនានា ក៏មានការកើនឡើង ផងដែរ។ រីឯផ្នែកចំណាយថវិកាថ្នាក់ជាតិវិញ ត្រូវបានអនុវត្តដោយរលូនតាមការគ្រោងទុក ដែលមានភាពល្អប្រសើរជាងឆ្នាំ២០២២។ ពោលគឺរដ្ឋាភិបាលសម្រេចការចំណាយរបស់ខ្លួនបាន៤៣,៥ភាគរយ(គិតទាំងបុរេប្រទាន) នៃច្បាប់ហិរញ្ញវត្ថុ។ បើផ្អែកលើលទ្ធផលនៃការអនុវត្តចំណូល និងចំណាយក្នុងឆមាសទី១ ថវិកាថ្នាក់ជាតិមានអតិរេកជាបណ្តោះអាសន្នរហូតដល់ ៩៥៣ ៥៤១លានរៀល(ប្រមាណ២០០លានដុល្លារ)។ ក្រសួងសេដ្ឋកិច្ចបន្តរៀបរាប់ក្នុងរបាយការណ៍របស់ខ្លួនយ៉ាងដូច្នេះ៖ « ពិតប្រាកដណាស់ នៅពេលគ្រប់ក្រសួង-ស្ថាប័នបង្កើនល្បឿននៃការអនុវត្តចំណាយនៅក្នុងឆមាសទី២, នោះតាមប៉ាន់ស្មានដល់ដំណាច់ឆ្នាំ២០២៣ នឹងមានឱនភាពថវិកាក្នុងរង្វង់-១ ៦៧៤ ០៤៣លានរៀល(ប្រមាណ៤១២លានដុល្លារ)»។ ផ្អែកតាមការប៉ាន់ស្មានរបស់ក្រសួងសេដ្ឋកិច្ចនេះ ឱនភាពថវិការដ្ឋសរុបនឹងមានទំហំស្មើនឹង-៧,២៧ភាគរយ នៃផលិតផលក្នុងស្រុកសរុប(ផ.ស.ស) គឺទាបជាងពីកម្រិតនៃឱនភាពដែលបានគ្រោងក្នុងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ ដែលស្មើនឹង-៧,៥៦ភាគរយនៃផ.ស.ស។ ជុំវិញនៃឱនភាពថវិកាជាតិនៃរដ្ឋាភិបាលបានគ្រោងប្រើប្រាស់ប្រាក់សន្សំប្រមាណ៦០០លានដុល្លារដើម្បីបំពេញតុល្យភាពថវិកាសម្រាប់ឆ្នាំ២០២៣នេះ។ បើតាមលោក មាស សុខសេនសាន អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ ប្រាក់សន្សំដែលរដ្ឋាភិបាលគ្រោងប្រើប្រាស់នេះ គឺដោយសារកម្ពុជាបន្តរងនូវឥទ្ធិពលវិជ្ជមាននានាពីសកលលោក ដូចជា វិបត្តិនៃជំងឺកូវីដ-១៩ វិបត្តិសេដ្ឋកិច្ច និងការកើនឡើងនូវអតិផរណា នាដើម។ បញ្ហាទាំងអស់នេះ បានជះឥទ្ធិពលដល់ការរស់នៅរបស់ប្រជាពលរដ្ឋដែលទាមទារឱ្យរដ្ឋាភិបាលត្រូវដោះស្រាយ ខណៈក្នុងឆ្នាំនេះ រដ្ឋបានចាយថវិកាជាតិច្រើន ទៅលើការធ្វើជាម្ចាស់ផ្ទះនៃព្រឹត្តិការណ៍ប្រកួតកីឡាអាស៊ីអាគ្នេយ៍(ស៊ីហ្គេម)លើកទី៣២ និង អាស៊ានប៉ារ៉ាហ្គេមលើកទី១២។ ក្រៅពីនេះ រដ្ឋាភិបាលក៏បានចំណាយលើការរៀបចំការបោះឆ្នោតជ្រើសតាំងតំណាងរាស្ត្រនីតិកាលទី៧ ផងដែរ។ លោក មាស សុខសេនសាន បានថ្លែងប្រាប់សារព័ត៌មានថ្មីៗ(ThmeyThmey) នាថ្ងៃទី៨សីហា យ៉ាងដូច្នេះ៖« ប្រាក់សន្សំ៦០០លានដុល្លារនេះ គឺជាការបំពេញបន្ថែមរបស់រដ្ឋាភិបាលដើម្បីចាក់ចូលក្នុងកញ្ចប់ថវិកាសម្រាប់ធ្វើអន្តរាគមន៍នានា ដូចដែលយើងបានអន្តរាគមន៍កន្លងមកនៅក្នុងពេលមានជំងឺកូវីដ-១៩ និងអតិផរណា គឺយើងបន្តជួយប្រជាពលរដ្ឋ»។ ថវិកាសន្សំដែលរដ្ឋាភិបាលគ្រោងចំណាយនេះ គឺប្រើដោយធ្វើយ៉ាងម៉េចដើម្បីលើកស្ទួយសេដ្ឋកិច្ចក្នុងវិបត្តិផង និងការអន្តរាគមន៍ជួយប្រជាពលរដ្ឋ ផង។ អ្នកនាំពាក្យក្រសួងសេដ្ឋកិច្ចរូបនេះបន្តនិយាយថា៖ «ហេតុដែលយើងទាមទារឱ្យមានការបន្ថែមថវិកានេះ គឺដោយសារតែចំណូលចរន្តថ្នាក់ជាតិរបស់យើង មិនអាចឆ្លើយតបគ្រប់គ្រាន់សម្រាប់ការចំណាយបន្ថែមក្នុងការអន្តរាគមន៍ជួយប្រជាពលរដ្ឋដែលជាកិច្ចអាទិភាពរបស់រដ្ឋាភិបាល»។ កាលឆ្នាំ២០២០ និង២០២១ រដ្ឋចាយប្រាក់សន្សំអស់ប្រមាណ១ ៦០០លានដុល្លារ ដើម្បីគ្រប់គ្រងផលប៉ះពាល់ពីវិបត្តិកូវីដ-១៩ទៅលើវិស័យសំខាន់ៗរបស់សេដ្ឋកិច្ច។ ក្នុងឆ្នាំ២០២០ រដ្ឋបានចាយថវិកាសន្សំអស់២៤៦លានដុល្លារ និងឆ្នាំ២០២១ ចាយអស់រហូតដល់១៣៨១លានដុល្លារ។ អត្ថបទទាក់ទង ២ឆ្នាំ កម្ពុជា ចាយប្រាក់សន្សំអស់ជាង១៦០០លានដុល្លារ ដើម្បីគ្រប់គ្រងផលប៉ះពាល់ពីកូវីដ-១៩ សូមជម្រាបថា ប្រភពចំណូលដ៏ធំរបស់រដ្ឋាភិបាល គឺបានពីការប្រមូលពន្ធគយ និងពន្ធដារ។ ក្នុងឆមាសទី១កន្លងមកនេះ អគ្គនាយកដ្ឋានគយ និងរដ្ឋាករកម្ពុជា ប្រមូលចំណូលចូលថវិកាជាតិបានចំនួន ៤ ៦០៧ ៦៥៥លានរៀល ស្មើនឹង៤១,៤ភាគរយនៃច្បាប់ ខណៈអគ្គនាយកដ្ឋានពន្ធដារប្រមូលចំណូលចូលជាតិបាន ៦ ៨៩០ ៣៣៤លានរៀល ដែលស្មើនឹង៥៦,១ភាគរយនៃច្បាប់ហិរញ្ញវត្ថុ។ នេះបើតាមរបាយការណ៍ស្តីពី លទ្ធផលនៃការអនុវត្តថវិកាឆមាសទី១ និងការវាយតម្លៃការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ របស់ក្រសួងសេដ្ឋកិច្ច៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10003.txt	ចាប់ពីខែមករាដល់ខែមិថុនា កម្ពុជាទទួលបានចំណូលជិត១៨៨លានដុល្លារ ពីការនាំចេញជ័រកៅស៊ូ និងឈើកៅស៊ូ។ នេះបើយោងតាមរបាយការណ៍របស់អគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី២៦កក្កដា ឆ្នាំ២០២៣។	របាយការណ៍ដដែលបានបញ្ជាក់ថា នៅក្នុងឆមាសទី១ឆ្នាំនេះ ជ័រកៅស៊ូមានតម្លៃ១ ៣៤៤ដុល្លារក្នុងមួយតោន ធ្លាក់ចុះ២៥២ដុល្លារក្នុងមួយតោនបើធៀបនឹងរយៈពេលដូចគ្នា ក្នុងឆ្នាំ២០២២។ ចំណែកតម្លៃនៃការនាំចេញឈើកៅស៊ូ ក្នុងរយៈពេលដូចគ្នានេះ គឺមានតម្លៃ៣០៦ដុល្លារក្នុងមួយម៉ែត្រគីប។ គូសបញ្ជាក់ថា កាលឆ្នាំ២០២២កម្ពុជារកចំណូលបានជាង៥៣១លានដុល្លារ ពីការនាំចេញជ័រកៅស៊ូ និងឈើកៅស៊ូ។ ក្នុងនោះ ចំណូលពីការនាំចេញជ័រកៅស៊ូមាន៥២៧ ៧៧៤ ៥៦៩ដុល្លារ និងចំណូលពីការនាំចេញឈើកៅស៊ូមាន ៤ ០៨៩ដុល្លារ។ បច្ចុប្បន្ន កម្ពុជាមានផ្ទៃដីកៅស៊ូសរុប៤០៤ ៥៧៨ហិកតា ក្នុងនោះ ផ្ទៃដីចៀរជ័រ មាន៣១៥ ៣៣២ហិកតា ស្មើនឹង៧៨ភាគរយ ខណៈផ្ទៃដីថែទាំមានចំនួន ៨៩២៤៦ហិកតា ស្មើនឹង២២ភាគរយ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10004.txt	មជ្ឈមណ្ឌលផ្ទុកទិន្នន័យជាតិ (National Data Center) ត្រូវបានក្រសួងប្រៃសណីយ៍ និងទូរគមនាគមន៍ បើកដ្ឋានសាងសង់ឡើង នាព្រឹកថ្ងៃទី១៩ កក្កដា។ ការបង្កើតមជ្ឈមណ្ឌល ដែលមានតម្លៃជិត៣០លានដុល្លារអាម៉េរិក គឺដើម្បីជំរុញកម្ពុជា ឆ្ពោះទៅបរិវត្តកម្មឌីជីថល។	បើតាមលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ការកសាងមជ្ឈមណ្ឌលទិន្នន័យជាតិនេះ គឺជាដំណាក់កាលដ៏សំខាន់មួយ សម្រាប់វិស័យសាធារណៈ និងឯកជននៅកម្ពុជា ក្នុងការទាញយកផលប្រយោជន៍ពីទិន្នន័យ ក្នុងការជំរុញការអភិវឌ្ឍស្ថាប័នរបស់ខ្លួន។ លើសពីនេះ វាគឺជាបង្ហាញពីការបោះជំហានដ៏ធំមួយរបស់កម្ពុជា ឆ្ពោះទៅបរិវត្តកម្មឌីជីថល។ ក្នុងពិធីបញ្ចុះបឋមសិលាបើកការដ្ឋានសាងសង់អគារមជ្ឈមណ្ឌលទិន្នន័យជាតិ លោក ជា វ៉ាន់ដេត បានបញ្ជាក់ថា មជ្ឈមណ្ឌលទិន្នន័យនេះ នឹងក្លាយជាកន្លែងប្រមូលផ្តុំ និងរក្សាទិន្នន័យរបស់រាជរដ្ឋាភិបាល និងទិន្នន័យក្រុមហ៊ុនមកពីវិស័យសំខាន់ៗ តាមរយៈការផ្តល់នូវហេដ្ឋារចនាសម្ព័ន្ធបច្ចេកវិទ្យាទំនើបមួយ ដែលមានសុវត្ថិភាព និងអាចជឿទុកចិត្តបាន។ មជ្ឈមណ្ឌលទិន្នន័យនេះ នឹងផ្តល់អត្ថប្រយោជន៍ដល់ស្ថាប័នជាតិយ៉ាងច្រើន ដូចជាអធិបតេយ្យភាពទិន្នន័យ សន្សំសំចៃការចំណាយថវិកា និងពង្រឹងសមត្ថភាពនៃការផ្ដល់សេវារបស់ខ្លួនឱ្យកាន់តែល្អប្រសើរ។ មជ្ឈមណ្ឌលទិន្នន័យជាតិនេះ នឹងមានកម្រិតប្រព័ន្ធស្តង់ដារ៤ (Tier IV) ស្ថិតក្នុងបរិវេណក្រសួងប្រៃសណីយ៍ ដែលស្ថិតនៅមហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ។ លោក ជា វ៉ាន់ដេត បន្តលើកឡើងថា អគារមជ្ឈមណ្ឌលទិន្នន័យជាតិនេះ នឹងបញ្ចប់ការសាងសង់នៅឆ្នាំ២០២៥៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10005.txt	បច្ចុប្បន្នតម្លៃប្រេងឥន្ធនៈនៅលើទីផ្សារកម្ពុជា បានហក់ដល់៥១៥០រៀលសម្រាប់សាំងស៊ុបពែរ និង៤៥៥០រៀលសម្រាប់សាំងធម្មតា។ នេះជាតម្លៃខ្ពស់មិនធ្លាប់មាន ក្នុងរយៈពេល៧ខែមកនេះ នាឆ្នាំ២០២៣។ នេះបើយោងតាមសេចក្តីជូនដំណឹងរបស់ក្រសួងពាណិជ្ជកម្ម នាថ្ងៃទី១សីហា។	ក្រសួងពាណិជ្ជកម្ម បានបញ្ជាក់ សាំងធម្មតាដែលមានតម្លៃ ៤ ៥៥០រៀលនិងម៉ាស៊ូត មានតម្លៃ ៤ ៤៥០រៀលក្នុងមួយលីត្រ នឹងត្រូវអនុវត្តរហូតដល់ថ្ងៃទី១០សីហា ឆ្នាំ២០២៣។ ផ្អែកតាមតម្លៃប្រេងឥន្ធនៈ នៅលើទីផ្សារអន្តរជាតិដែលកំពុងឡើងថ្លៃនេះ នឹងធ្វើឱ្យប្រេងឥន្ធនៈនៅកម្ពុជាត្រូវបន្តឡើងថ្លៃទៀតដែរ។ បើតាមលោក ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម ប្រេងឥន្ធនៈនៅកម្ពុជាត្រូវឡើងថ្លៃតាំងពីខែកក្កដាមកម្ល៉េះ។ ប៉ុន្តែដោយសាររដ្ឋាភិបាល និងវិស័យឯកជនសហការគ្នា ប្រឹងរក្សាលំនឹងថ្លៃប្រេងឱ្យទាប ដើម្បីសម្រួលដល់យុទ្ធនាការឃោសនាបោះឆ្នោត និងការចំណាយរបស់ពលរដ្ឋ លើការធ្វើដំណើរទៅបោះឆ្នោត។ លោក សុវិជាតិ បានលើកឡើងយ៉ាងដូច្នេះ៖ «បន្ទាប់ពីកម្ពុជាយើងរៀបចំការបោះឆ្នោត[ជ្រើសតាំងតំណាងរាស្ត្រនីតិកាលទី៧]ហើយ តម្លៃប្រេងនៅកម្ពុជា គឺបានវិលទៅរកភាពប្រក្រតីឡើងវិញទៅតាមតម្លៃទីផ្សារអន្តរជាតិ»។ ក្នុងន័យនេះអ្នកនាំពាក្យក្រសួងពាណិជ្ជកម្មបានបញ្ជាក់ថា ចាប់ពីខែសីហាទៅ តម្លៃប្រេងឥន្ធនៈនៅកម្ពុជា នឹងបន្តឡើងថ្លៃជាបន្តបន្ទាប់ទៀត។ «បើផ្អែកលើថ្លៃប្រេងឥន្ធនៈនៅទីផ្សារអន្តរជាតិ យើងប៉ាន់ស្មានបានថា តម្លៃប្រេងឥន្ធនៈនៅទីផ្សារកម្ពុជានឹងអាចបន្តឡើងថ្លៃ៥០រៀលឬលើសពីនេះក្នុងមួយលីត្រ ជាបន្តបន្ទាប់ទៀតចាប់ពីខែសីហានេះ»។ លោក សុវិជាតិ ពន្យល់បែបនេះមកកាន់សារព័ត៌មានថ្មីៗ(ThmeyThmey)នារសៀលថ្ងៃទី១សីហា ដោយបន្ថែមថា ប្រេងឥន្ធនៈនៅកម្ពុជាអាចធា្លក់មកវិញ លុះត្រាតែប្រទេសប្រេងក្នុងពិភពលោក បានបង្កើនការលទ្ធភាពរបស់ខ្លួន ឬក៏មានការអនុញ្ញាតឱ្យនាំចេញច្រើន ពីប្រទេសរងទណ្ឌកម្មពិភពលោក ដូចជាប្រទេសរុស្សី ជាដើម។ យោងតាមសេចក្តីជូនដំណឹងរបស់ក្រសួងពាណិជ្ជកម្ម ចាប់ពីថ្ងៃទី១មករាដល់ដំណាច់ខែកក្កដា ឆ្នាំ២០២៣ សាំងធម្មតាមានតម្លៃត្រឹម ៤១០០ ទៅ៤៤៥០រៀលប៉ុណ្ណោះក្នុងមួយលីត្រ។ ប៉ុន្តែចូលដល់ខែសីហានេះ សាំងធម្មតានៅទីផ្សារកម្ពុជា បានឡើងថ្លៃដល់ ៤៥៥០រៀលក្នុងមួយលីត្រ ។ អត្ថបទទាក់ទង រដ្ឋគួរដំឡើងពន្ធលើថ្នាំជក់និងស្រា ហើយគួរបញ្ចុះពន្ធប្រេងឥន្ធនៈ ដើម្បីទប់ស្កាត់ផលប៉ះពាល់ពលរដ្ឋ! បច្ចុប្បន្ន តម្រូវការប្រងឥន្ធនៈនៅលើទីផ្សារពិភពលោក បានកើនលើសពីការផ្គត់ផ្គង់ ព្រោះតែប្រទេសផលិតផលប្រេងមួយចំនួន បានកាត់បន្ថយផលិតកម្មប្រេងរបស់ខ្លួន រួមទាំងការងើបឡើងវិញនូវវិស័យដឹកជញ្ជូន។ ការកើនឡើងនៃតម្រូវការប្រេងឥន្ធនៈនេះ នឹងធ្វើឱ្យតម្លៃប្រេង កើនដល់ទៅ៩០ដុល្លារក្នុងមួយធុងបារ៉ែលនៅក្នុងឆ្នាំនេះ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10006.txt	ស្ថានទូតសាធារណរដ្ឋឥណ្ឌូណេស៊ី នឹងរៀបចំការតាំងពិព័រណ៍ពាណិជ្ជកម្ម-ទេសចរណ៍ឡើងវិញ ដើម្បីពង្រឹងទំនាក់ទំនងជាមួយកម្ពុជា ក្រោយខកខានអស់៣ឆ្នាំ ដោយសារតែជំងឺកូវីដ-១៩។ ពិព័រណ៍លើកទី១៤នេះ នឹងត្រូវធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ រយៈពេល៣ថ្ងៃ ចាប់ពីថ្ងៃទី៤-៦សីហា។	ពិព័រណ៍ពាណិជ្ជកម្ម-ទេសចរណ៍ឥណ្ឌូណេស៊ី(ITTP)នេះ ក៏មានការផ្សព្វផ្សាយពីឱកាសសិក្សា សិល្បៈវប្បធម៌ និងការធ្វើម្ហូប ផងដែរ។ បើតាមលោកស្រី Lauti Nia Astri ភារធារីទទួលបន្ទុកបណ្តោះអាសន្ននៃស្ថានទូតឥណ្ឌូណេស៊ីប្រចាំរាជធានីភ្នំពេញ ពិព័រណ៍ក្រោមប្រធានបទ«ពង្រឹងទំនាក់ទំនងជាមួយគ្នា» ITTP ២០២៣ ធ្វើឡើងគោលដៅជំរុញកិច្ចសហប្រតិបត្តិការ ដោយមិនត្រឹមតែរវាងរដ្ឋាភិបាល និងរដ្ឋាភិបាលប៉ុណ្ណោះទេ ប៉ុន្តែរវាងប្រជាជន និងប្រជាជន។ លោកស្រី Lauti Nia Astri បានបញ្ជាក់នៅក្នុងសន្និសីទសារព័ត៌មានស្តីពីពិព័រណ៍ពាណិជ្ជកម្ម-ទេសចរណ៍ឥណ្ឌូណេស៊ីលើកទី១៤(ITTP) នៅស្ថានទូតឥណ្ឌូនេស៊ីប្រចាំរាជធានីភ្នំពេញ នាព្រឹកថ្ងៃទី៣១កក្កដាយ៉ាងដូច្នេះ៖ « យើងរៀបចំពិព័រណ៍នេះឡើង គឺដើម្បីជំរុញកិច្ចសហប្រតិបត្តិការទ្វេភាគីលើវិស័យជាច្រើន។ ជាពិសេស គឺធ្វើឱ្យប្រទេសឥណ្ឌូនេស៊ី កាន់តែជិតស្និទ្ធជាមួយប្រជាជនកម្ពុជា»។ ពិព័រណ៍ពាណិជ្ជកម្ម-ទេសចរណ៍ឥណ្ឌូណេស៊ីនេះ មានការចូលរួមពីក្រុមហ៊ុនឥណ្ឌូនេស៊ីចំនួន១៧, ក្រុមហ៊ុននាំចូលនិងចែកចាយផលិតផលឥណ្ឌូនេស៊ីនៅកម្ពុជាចំនួន១៥។ ជាមួយគ្នានេះ ក៏មានការចូលរួមពីសាកលវិទ្យាល័យល្បីៗនៅប្រទេសឥណ្ឌូណេស៊ី ព្រមទាំងតំណាងមកពីក្រសួងតេសចរណ៍ និងសេដ្ឋកិច្ចច្នៃប្រឌិតនៃប្រទេសឥណ្ឌូណេស៊ី និងរដ្ឋាភិបាលខេត្តស៊ូម៉ាត្រាខាងលិច ផងដែរ។ នេះជាការរៀបរាប់បន្ថែមរបស់លោកស្រី Lauti Nia Astri ។ ពិព័រណ៍នេះ គឺអនុញ្ញាតឱ្យពលរដ្ឋចូលរួមដោយសេរីចាប់ពីម៉ោង៩ព្រឹកដល់៩យប់ នាថ្ងៃទី៤ដល់៦សីហា។ អ្នកចូលរួមមានឱកាសឈ្នះរង្វាន់ជាទឹកប្រាក់ និងជាវត្ថុអនុស្សាវរីយ៍នានា ជាពិសេសគឺមានឱកាសឈ្នះសំបុត្រយន្តហោះទៅមកពីភ្នំពេញ-ហ្សាកាតា ចំនួន២ រង្វាន់ ផងដែរ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10007.txt	បច្ចុប្បន្ន កម្ពុជាមានក្របខណ្ឌគោលនយោបាយសេដ្ឋកិច្ច និងសង្គមជីឌីថល រួមនឹងគោលនយោបាយរដ្ឋាភិបាលឌីជីថល ដែលសម្រេចឱ្យបាននៅត្រឹមឆ្នាំ២០៣៥។ បើតាមលោក អ៊ូ លីង ប្រធានផែនការយុទ្ធសាស្ត្រ Huawei ប្រចាំអាស៊ីប៉ាស៊ីហ្វិក ដើម្បីសម្រេចនូវគោលដៅនេះ ការពន្លឿនសាងសង់ហេដ្ឋានរចនាសម្ព័ន្ធឌីជីថល គឺជារឿងចាំបាច់ក្នុងការអនុវត្តសម្រាប់បង្កើតតម្លៃថ្មី ឬជំរុញសន្ទុះនៃកំណើនសេដ្ឋកិច្ចថ្មី ព្រមទាំងលើកកម្ពស់សុខុមាលភាពសង្គម តាមគន្លងប្រក្រតីភាពថ្មី ផងដែរ។	ឌីជីថលភារូបនីយកម្ម បាននាំមកនូវការផ្លាស់ប្តូរថ្មី ការប្រឈមថ្មី ឱកាសថ្មី និងតម្លៃថ្មី សម្រាប់ពិភពលោក ជាពិសេសសម្រាប់ប្រទេសកំពុងអភិវឌ្ឍន៍ ដូចកម្ពុជា ជាដើម។ ដូច្នេះ ការកសាងហេដ្ឋារចនាសម្ព័ន្ធឌីជីថល ជាមូលដ្ឋានគ្រឹះការនៃអភិវឌ្ឍប្រទេសនៅក្នុងយុគសម័យសេដ្ឋកិច្ចឌីជីថល។ ក្នុងសិក្ខាសាលាស្តីពី៖ «ការពន្លឿនហេដ្ឋារចនាសម្ព័ន្ធឌីជីថល និងការបង្កើតតម្លៃថ្មីសម្រាប់សេដ្ឋកិច្ចឌីជីថល» ដើម្បីចែករំលែកចំណេះដឹង បទពិសោធន៍ថ្មីៗ ជូនដល់មន្ត្រីរាជការនៃអគ្គលេខាធិការដ្ឋានព្រឹទ្ធសភា កាលពីថ្ងៃទី១៣កក្កដា លោក អ៊ូ លីង (WU Ling) បានបង្ហាញថា សេដ្ឋកិច្ចឌីជីថល និងហេដ្ឋារចនាសម្ព័ន្ធឌីជីថល គឺជាចលករដែលជួយជំរុញការរួមបញ្ជូលគ្នានៃឌីជីថល ការអនុវត្តជាក់ស្តែង រួមនឹងការបង្កើតទសវត្សរ៍មាសនៃសេដ្ឋកិច្ចឌីជីថលរបស់អាស៊ាន។ ប្រធានផែនការយុទ្ធសាស្ត្រ Huawei អាស៊ីប៉ាស៊ីហ្វិករូបនេះ បានបញ្ជាក់ថា៖ «ដើម្បីពន្លឿនការផ្លាស់ប្តូរឌីជីថល យើងត្រូវបង្កើតបណ្តាញ4A , ថាមពលកុំព្យូទ័រត្រូវមាន 3C និងបច្ចេកវិទ្យា 2I »។ លោកបន្តរៀបរាប់ថា បណ្តាញ4A នោះមាន បណ្តាញអាចចូលប្រើប្រាស់បាន(Accessible), បណ្តាញមានកម្រិតខ្ពស់ (Advanced), មានតម្លៃសមរម្យ(Affordable)និងអាចអនុវត្តបាន(Applicable)។ ចំណែកឯ ថាមពលកុំព្យូទ័រ3C វិញ គឺមាន Cloud, Computing និង Credible ខណៈការច្នៃប្រឌិត(Innovation) និងឧស្សាហូបនីយកម្ម(Industrialization) គឺជាបច្ចេកវិទ្យា 2I ។ «បច្ចេកវិទ្យាឌីជីថល គឺជាវិស័យស្នូលក្នុងការជំរុញសេដ្ឋកិច្ចរបស់យើងឱ្យមានការរីកចម្រើន ហើយវាជាការរួមចំណូលគ្នារវាងសេដ្ឋកិច្ច និងវិស័យបច្ចេកវិទ្យាក្នុងការជំរុញសេដ្ឋកិច្ចរបស់ប្រទេសជាតិមួយឱ្យមានការអភិវឌ្ឍ ផងដែរ»។ នេះជាការលើកឡើងរបស់លោក អ៊ូ លីង ដែលសព្វថ្ងៃ បច្ចេកវិទ្យាAI និងChat GDP កំពុងមានការអភិវឌ្ឍខ្លាំងនៃបដិវត្តថ្មីក្នុងវិស័យបច្ចេកវិទ្យាព័ត៌មាន និងទំនាក់ទំនង (Information and Communication Technology/ICT) របស់ពិភពលោក។ ដោយឡែក Chat GDP អាចជួយការងារនានានៅក្នុងវិស័យឌីជីថលបានរហូតដល់៥០ភាគរយ។ លោក អ៊ូ លីង បន្តនិយាយថា៖ «ដូច្នេះហើយបានជាក្រុមហ៊ុន Huawei បានកំណត់នូវទស្សនៈរបស់ខ្លួនថា យើងត្រូវតែតភ្ជាប់នូវបណ្តាញទាំងនេះ ហើយនឹងជំរុញវាឱ្យមានកាន់ប្រើប្រាស់កាន់តែទូលំទូលាយ ដើម្បីកសាងនិងតម្លៃថ្មីនៅក្នុងសេដ្ឋកិច្ច»។ បើតាមលោក អ៊ូ លីង ដែលមានបទពិសោធការងារ៣០ឆ្នាំក្នុងការវិស័យICT នៅប្រទេសចិន អឺរ៉ុប អាស៊ីប៉ាស៊ីហ្វិក មជ្ឈិមបូព៌ា និងអាហ្វ្រិកខាងជើង បច្ចុប្បន្នឌីជីថលបានកើនឡើងទាំងបរិមាណ និងទាំងគុណភាពដែលជាកម្លាំងសំខាន់ក្នុងការសាងសង់ ការងើបឡើងវិញនៃសេដ្ឋកិច្ច។ លោកបានបញ្ជាក់ថា សេដ្ឋកិច្ចឌីជីថលនៅប្រទេសចិន មានទំហំប្រាក់កើនលើសពី៥០ពាន់លានយ័ន(ប្រមាណ៧ពាន់លានដុល្លារអាម៉េរិក) ក្នុងរយៈពេល២២ឆ្នាំចុងក្រោយនេះ ដែលកើនពីមួយឆ្នាំទៅមួយឆ្នាំ ក្នុងទំហំទឹកប្រាក់៤,៧ពាន់លានយ័ន(ប្រមាណ៦៥០លានដុល្លារ)។ ភាពរឹងមាំនៃសេដ្ឋកិច្ចឌីជីថលបានចូលរួមចំណែកនៃផលិតផលក្នុងស្រុកសរុប(GDP)របស់ចិនបានដល់ចំនួន៤១,៥ភាគរយ។ សម្រាប់ប្រទេសផ្សេងទៀតដែលស្ថិតនៅក្នុងដំណាក់កាលអភិវឌ្ឍនៃសេដ្ឋកិច្ចឌីជីថល ដូចជាកម្ពុជា ហ្វីលីពីន ថៃ ម៉ាឡេស៊ី សិង្ហបុរី និងប្រទេសបង់ក្លាដេស...ជាដើម កំពុងរៀនសូត្រ ដកស្រង់ពិសោធន៍ និងការអនុវត្តគោលនយោបាយឌីជីថលរបស់ជឿនលឿននានា ជាពិសេសរៀនពីប្រទេសចិន ដើម្បីពន្លឿនដំណើរឧស្សាហកម្មឌីជីថល និងបញ្ចេញសក្តានុពលឌីជីថលរបស់ខ្លួន។ នេះបើតាមលោក លីង។ ដើម្បីជំរុញនូវវិស័យឌីជីថលឱ្យរីកចម្រើន គឺទាមទារចាំបាច់ឱ្យរដ្ឋាភិបាលប្រទេសនីមួយដាក់ចេញនូវគោលនយោបាយក្នុងរយៈពេលខ្លីឬវែង ណាមួយ ក្នុងការជំរុញអនុវត្តទាំងឱ្យទទួលបានជោគជ័យ។ ជាក់ស្តែង នៅកម្ពុជា រដ្ឋាភិបាលបានដាក់ឱ្យអនុវត្តនូវក្របខណ្ឌគោលនយោបាយសេដ្ឋកិច្ច និងសង្គមជីឌីថល ឆ្នាំ២០២១-២០៣៥ និងគោលនយោបាយរដ្ឋាភិបាលឌីជីថល ឆ្នាំ២០២២-២០៣៥។ គោលនយោបាយទាំងនេះ មានគោលដៅកសាងសេដ្ឋកិច្ច និងសង្គមឌីជីថលឱ្យរស់រវើក តាមរយៈការរៀបចំមូលដ្ឋានគ្រឺះជំរុញការទទួលយក និងបដិបវត្តកម្មឌីជីថលនៅក្នុងគ្រប់តួអង្គសង្គម ទាំងរដ្ឋ ទាំងពលរដ្ឋ និងទាំង ធុរជន ដើម្បីជំរុញសន្ទុះកំណើនសេដ្ឋកិច្ចថ្មី លើកកម្ពស់សុខុមាលភាពសង្គម តាមគន្លងប្រក្រតីភាពថ្មី។ សម្រាប់កម្ពុជា ការធ្វើបដិវត្តកម្មឌីជីថល គឺជាចាប់យកនិងការទាញយកផលប្រយោជន៍ជាអតិបរមាពីការរីកចម្រើននៃបច្ចេកវិទ្យាគមនាគមន៍ និងព័ត៌មាន និងបច្ចេកវិទ្យាឌីជីថល ដើម្បីបង្កើនផលិតភាព និងប្រសិទ្ធភាពសេដ្ឋកិច្ច ដើម្បីជំរុញកំណើនសេដ្ឋកិច្ចជាតិ និងកសាង សង្គមស៊ីវិល័យដែលពលរដ្ឋឌីជីថល អាចទទួលបាននូវផលប្រយោជន៍ពីការប្រើប្រាស់សេវាឌីជីថលប្រកបដោយបរិយាប័ន្ន ភាពជឿទុកចិត្ត និងសុវត្ថិភាពខ្ពស់។ ទន្ទឹមគ្នានេះ វាក៏រក្សាបាននូវអត្តសញ្ញាណ និងវប្បធម៌ជាតិ ផងដែរ។ ប្រមុខរដ្ឋាភិបាលកម្ពុជា សម្តេច ហ៊ុន សែន មានជំនឿយ៉ាងមុតមាំថា កម្ពុជានឹងសម្រេចបាននូវបដិវត្តកម្មឌីជីថលនៅឆ្នាំ២០៣៥ ដើម្បីប្រែក្លាយសេដ្ឋកិច្ច-សង្គមកម្ពុជាឱ្យទៅកាន់តែមានកម្រិតអភិវឌ្ឍន៍មួយខ្ពស់ឡើងជាលំដាប់។ ក្របខណ្ឌគោលនយោបាយសេដ្ឋកិច្ច និងសង្គមជីឌីថល ឆ្នាំ២០២១-២០៣៥ របស់រដ្ឋាភិបាលបានផ្តោតសំខាន់លើការអភិវឌ្ឍន៍ហេដ្ឋារចនាសម្ព័ន្ធគាំទ្រដល់បរិវត្តកម្មឌីជីថល, ការកសាងទំនុកចិត្ត និងភាពជឿជាក់លើប្រព័ន្ធឌីជីថល ដែលមានសសរស្តម្ភចំនួនបី។ ក្នុងនោះមាន ការកសាងពលរដ្ឋឌីជីថល, ការកសាងរដ្ឋាភិបាលឌីជីថល និងការជំរុញធុរកិច្ចឌីជីថល។ ឈរលើគោលគំនិត«ទាញយកប្រយោជន៍ពីសេដ្ឋកិច្ច និងសង្គមឌីជីថលឱ្យបានជាអតិបរិមា ព្រមទាំងស្រូបយក និងកាត់បន្ថយផលប៉ះពាល់ ឬបច្ច័យអវិជ្ជមានឱ្យស្ថិតក្នុងកម្រិតអប្បរមា» វិធានការគោលនយោបាយត្រូវរៀបចំទៅតាមសមាសធាតុនីមួយៗ គួបផ្សំនឹងការគិតគូទិដ្ឋភាពសេដ្ឋកិច្ច និងសង្គម ដើម្បីធានាបាននូវការកាត់បន្ថយផលអវិជ្ជមាន ផងដែរ៕ (អត្ថបទពាណិជ្ជកម្ម) អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10008.txt	ការដ្ឋានសំណង់ចំនួន១០២៣គម្រោងនៅទូទាំងប្រទេស ត្រូវបានអនុម័តឱ្យសាងសង់ក្រោមទុនវិនិយោគសរុប ១ ២៨៤,៥លានដុល្លារអាម៉េរិក។ បើតាមព្រឹត្តិបត្រស្ថិតិសេដ្ឋកិច្ច និងហិរញ្ញវត្ថុ ចំនួនសំណង់ទាំងនេះ គឺស្ថិតនៅក្នុងត្រីមាសទី១ ឆ្នាំ២០២៣ បើធៀបនឹងរយៈពេលដូចគ្នានៃឆ្នាំ២០២២ មានការកើនឡើងដល់២២គម្រោង។	ព្រឹត្តិបត្រស្ថិតិសេដ្ឋកិច្ច និងហិរញ្ញវត្ថុ របស់អគ្គនាយកដ្ឋានគោលនយោបាយនៃក្រសួងសេដ្ឋកិច្ច និងហិរញ្ញវត្ថុ បានបង្ហាញថា ក្នុងចំណោមសំណង់ដែលកំពុងសាងសង់ទាំង១០២៣គម្រោងនេះ គឺមាន៨៩៦គម្រោង ជាប្រភេទសំណង់លំនៅឋាននិងភូមិគ្រឹះ ខណៈសំណង់ពាណិជ្ជកម្មមាន៦១គម្រោង។ សំណង់ឧស្សាហកម្មមាន៤០គម្រោង, សំណង់សាធារណៈមាន១៥គម្រោង និងសំណង់ទេសចរណ៍មាន១១គម្រោង។ ការសាងសង់សំណង់ទាំងនេះនៅក្នុងត្រីមាសទី១ ឆ្នាំ២០២៣ សុទ្ធតែមានកំណើនចន្លោះពី៣៦,៤ភាគរយ ដល់ ៧៤,៣ភាគរយ ផ្ទុយពីសំណង់លំនៅឋាននិងភូមិគ្រឹះ បែរជាធ្លាក់ក្នុងអត្រា២,៧ភាគរយទៅវិញ បើធៀបនឹងត្រីមាសទី១ ឆ្នាំ២០២២។ ដ្បិត ការសាងសង់នៅតាមផ្នែកនីមួយៗ មានកំណើនគួរឱ្យកត់សម្គាល់ក៏ពិតមែន ប៉ុន្តែក្រសួងសេដ្ឋកិច្ច និងហិរញ្ញវត្ថុ ព្យាករថា អនុវិស័យសំណង់នេះ អាចសម្រេចបានអត្រាកំណើនទាបត្រឹម០,៦ភាគរយប៉ុណ្ណោះប្រចាំឆ្នាំ២០២៣ និង២,៤ភាគរយ ក្នុងឆ្នាំ២០២៤។ បើតាមក្រសួងសេដ្ឋកិច្ច កំណើនទាបនៃវិស័យនេះ ដោយសារការងើបឡើងយឺតនៃលំហូរវិនិយោគទុនពីបរទេស ជាពិសេសសម្រាប់សំណង់ថ្លៃខ្ពស់ រួមមាន ខុនដូ និងសំណង់បម្រើឱ្យវិស័យពាណិជ្ជកម្ម ទេសចរណ៍ ខណៈការវិនិយោគក្នុងស្រុកនឹងនៅបន្តមានកំណើន ជាពិសេសសម្រាប់លំនៅឋានមានតម្លៃទាប ដោយអត្រានៃការរៀបចំគ្រួសារ និងតម្រូវការលំនៅឋាន នៅតែកើនឡើង។ ជាពិសេស សកម្មភាពសំណង់បម្រើឱ្យវិស័យឧស្សាហកម្ម និងសេវាកម្ម មួយចំនួន ដូចជា៖ រោងចក្រផលិតកម្ម និងអគារផ្សារទំនើប ជាដើម នឹងក្លាយជានិន្នាការថ្មីក្នុងបរិបទក្រោយវិបត្តិកូវីដ-១៩ ដែលនឹងចូលរួមទ្រទ្រង់ការអភិវឌ្ឍអនុវិស័យសំណង់នេះ ផងដែរ។ ក្របខណ្ឌម៉ាក្រូសេដ្ឋកិច្ចនិងគោលនយោបាយហិរញ្ញវត្ថុសាធារណៈឆ្នំា២០២៤ របស់ក្រសួងសេដ្ឋកិច្ច បានបញ្ជាក់ថា៖ «រដ្ឋាភិបាលនឹងបន្តតាមដានដោយយកចិត្តទុកដាក់ខ្ពស់លើការវិវត្តនៃអនុវិស័យនេះ ដើម្បីដាក់ចេញគោលនយោបាយអន្តរាគមន៍ឱ្យបានទាន់ពេល សំដៅបញ្ចៀសហានិភ័យ ដែលអាចកើតមានជាយថាហេតុ ដោយទំនាក់ទំនងខ្លាំងរវាងអនុវិស័យនេះ ជាមួយវិស័យហិរញ្ញវត្ថុ»។ កន្លងមក អ្នកជំនាញសេដ្ឋកិច្ចពីរាជបណ្ឌិត្យសភាកម្ពុជា លោក គី សិរីវឌ្ឍន៍ បានព្រមានហានិភ័យអាចកើតឡើងក្នុងវិស័យអចលនទ្រព្យនៅកម្ពុជា ដែលបណ្តាលមកពីការផ្គត់ផ្គង់លើពីតម្រូវការ។ ក្នុងកិច្ចពិភាក្សាតុមូលស្តីពីស្ថានភាពទីផ្សារអចលនទ្រព្យនៅកម្ពុជា នៅរាជបណ្ឌិត្យសភាកម្ពុជា កាលពីថ្ងៃទី២៣ខែមិថុនា លោក គី សិរីវឌ្ឍន៍ បានលើកឡើងពីកត្តាសំខាន់ៗមួយចំនួនដែល នាំឱ្យការផ្គត់ផ្គង់អចលនទ្រព្យនៅកម្ពុជាខ្ពស់ជាងតម្រូវការ។ ក្នុងនោះមាន៖ ទី១ បញ្ហាមកពីផលចំណេញខ្ពស់ធ្វើឱ្យមនុស្សនាំគ្នាសម្រុកវិនិយោគលើវិស័យនេះ, ទី២ ទីផ្សារអចលនទ្រព្យនាមុនអំឡុងកូវីដ-១៩ មានហាងឆេង ដែលជាទូទៅគេនិយមទិញផ្ទះដើម្បីលក់បន្ត។ ទី៣ ការទិញផ្ទះដែលមានហានិភ័យ គឺលោកចង់សំដៅលើការយកលុយធនាគារទៅទិញ និងចុងក្រោយ គឺការទិញផ្ទះដោយប្រាក់កម្ចីក្នុងរយៈពេលវែង ឬបង់រំលោះ។ បើតាមអ្នកជំនាញសេដ្ឋកិច្ចរូបនេះ ប្រសិនបើវិស័យនេះ នៅតែមានការសាងសង់និងជំរុញការផលិតបន្តទៅទៀតនោះ វានឹងធ្វើឱ្យមានការជាប់គាំង និងមានវិបត្តិ ពីព្រោះការអភិវឌ្ឍនៅតំបន់វាលស្រែ តំបន់ដាច់ស្រយាលឱ្យក្លាយជាទីក្រុង ឬក្លាយជាតំបន់អភិវឌ្ឍនោះ គឺវាមិនមែនជាការងាយស្រួល ហើយក៏មិនអាចធ្វើឱ្យទីតាំងក្នុងតំបន់នោះលូតលាស់លឿន ដូចនូវអ្វីដែលក្រុមហ៊ុនអចលនទ្រព្យបានបង្ហាញនោះទេ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10009.txt	ភ្នំពេញ៖ វិបត្តិសេដ្ឋកិច្ចសកលលោក, ការប្រែប្រួលអាកាសធាតុ, ការនាំចេញដោយគ្មានការស្នើសុំវិញ្ញាបនបត្រភូតគាមអនាម័យ និងកំណើននៃការស្រូបទាញយកវត្ថុធាតុដើមក្នុងស្រុកដើម្បីផលិតចំណីសត្វ បានធ្វើឱ្យការនាំចេញកសិផលរបស់កម្ពុជា ថយចុះ២២,៥២ភាគរយ ក្នុងឆមាសទី១ ឆ្នាំ២០២៣។ នេះបើតាមរបាយការណ៍របស់អគ្គនាយកដ្ឋានកសិកម្ម ចេញផ្សាយថ្ងៃទី៣០ មិថុនា។	ក្នុងរយៈពេល ៦ខែ ឆ្នាំ២០២៣នេះ បរិមាណនាំចេញកសិផលទៅកាន់ប្រទេស ៦៧ មានជិត ៤លានតោន ក្នុងនោះអង្ករចំនួន ៣២៩ ៦៣៣តោន, ស្រូវចំនួន ១ ២២៦ ៤០០តោន និងកសិផលក្រៅពីស្រូវអង្ករ មានចំនួន ២ ៣៤៥ ១៨០,៧៧តោន។ ទិន្នន័យនេះ ថយចុះចំនួន ២២,៥២ភាគរយ ធៀបនឹងរយៈពេលដូចគ្នាក្នុងឆ្នាំ២០២២។ របាយការណ៍របស់អគ្គនាយកដ្ឋានកសិកម្ម បានបង្ហាញថា កសិផលដែលនាំចេញថយចុះ មានចំណិតដំឡូងមីក្រៀម, ដំឡូងមីស្រស់, ម្សៅដំឡូងមី, គ្រាប់ស្វាយចន្ទី, គ្រាប់ពោត, គ្រាប់សណ្ដែកបាយ, គ្រាប់សណ្ដែកសៀង, ផ្លែចេកស្រស់, ផ្លែស្វាយស្រស់ និងម្រេច។ ចំណែកកសិផល ដែលកើនឡើងមានដូចជា ស្រូវ, អង្ករ, កាកសំណល់ដំឡូងមី, ដំណាប់ស្វាយ, ផ្លែមៀនស្រស់, ដូងប្រេង, បន្លែចម្រុះ និងកសិផល៧៥មុខផ្សេងទៀត។ ជុំវិញបញ្ហាការនាំចេញកសិផលថយចុះនេះ លោក ងិន ឆាយ អគ្គនាយកនៃអគ្គនាយកដ្ឋានកសិកម្ម បានបញ្ជាក់ក្នុងរបាយការណ៍ថា កើតឡើងដោយសារវិបត្តិសេដ្ឋកិច្ចសកលលោក ដែលបណ្ដាលឱ្យការបញ្ជាទិញទំនិញគ្រប់ប្រភេទថយចុះ និងបង្អាក់ចរន្តពាណិជ្ជកម្ម។ លោក បន្តថា កំណើននៃការស្រូបទាញយកវត្ថុធាតុដើមក្នុងស្រុកដើម្បីផលិតចំណីសត្វ និងការកែច្នៃក្នុងប្រទេសបណ្ដាលឱ្យមានកំណើននៃការស្រូបយកផលិតផលស្រស់មកកែច្នៃ។ រូបភាពពីអគ្គនាយកដ្ឋានកសិកម្ម ក្រៅពីចំណុចទាំងនេះ នៅមានបញ្ហាចំពោះដំណាំមួយចំនួន ដោយសារស្ថានភាពមិនច្បាស់លាស់ខាងទីផ្សារ និងបញ្ហាប្រែប្រួលអាកាសធាតុ ដែលនាំឱ្យប៉ះពាល់ដល់ទិន្នផល និងគុណភាព។ បើតាមលោក ងិន ឆាយ បញ្ហាចុងក្រោយ គឺការនាំចេញដោយគ្មានការស្នើសុំវិញ្ញាបនបត្រភូតគាមអនាម័យ (ការនាំចេញក្រៅផ្លូវការ) តាមច្រករបៀងទៅកាន់វៀតណាម និងថៃមួយចំនួន មិនមានការកត់ត្រា។ ទន្ទឹមនឹងការលើកឡើងពីបញ្ហា អគ្គនាយករូបនេះ ក៏បង្ហាញពីដំណោះស្រាយ ដោយជំរុញឱ្យវិស័យឯកជនស្វែងរកដៃគូបញ្ជាទិញឱ្យបានច្រើនជាងទីផ្សារដែលមានស្រាប់។ លោក បន្ថែមថា ត្រូវជំរុញការវិនិយោគក្នុងវិស័យកសិឧស្សាហកម្ម ដើម្បីលើកកម្ពស់ផលិតភាព និងជំរុញដល់ការនាំចេញផលិតផលកែច្នៃផងដែរ។ លោក ងិន ឆាយ អគ្គនាយកនៃអគ្គនាយកដ្ឋានកសិកម្ម។ រូបភាពពីអគ្គនាយកដ្ឋានកសិកម្ម លោក ងិន ឆាយ ចង់ឱ្យមានការផ្សព្វផ្សាយផលិតផលកសិកម្មកម្ពុជាឱ្យកាន់តែទូលំទូលាយនៅក្នុងវេទិកា និងពិព័រណ៍នានា ដើម្បីទាក់ទាញការវិនិយោគ និងពង្រីកទីផ្សារ។ លើសពីនេះ ជំរុញដល់វិស័យឯកជន ក្នុងការចូលរួមវិនិយោគលើការផលិតធាតុចូលកសិកម្មក្នុងស្រុក ដើម្បីបន្ថយថ្លៃដើមផលិតកម្ម។ តាមការប៉ាន់ស្មានរបស់អគ្គនាយកដ្ឋានកសិកម្ម ការនាំចេញនេះ មានតម្លៃសរុបជាង ២ពាន់លានដុល្លារ។ លោក ងិន ឆាយ អះអាងថា បើទោះបីការនាំចេញទៅក្រៅប្រទេសថយចុះ ប៉ុន្តែមិនបណ្ដាលឱ្យប៉ះពាល់ដល់អ្នកផលិត ឬមានបញ្ហាចាល់លក់មិនអស់នោះទេ៕ រូបភាពពីអគ្គនាយកដ្ឋានកសិកម្ម រូបភាពពីអគ្គនាយកដ្ឋានកសិកម្ម លោក ងិន ឆាយ អគ្គនាយកនៃអគ្គនាយកដ្ឋានកសិកម្ម។ រូបភាពពីអគ្គនាយកដ្ឋានកសិកម្ម លោក ងិន ឆាយ អគ្គនាយកនៃអគ្គនាយកដ្ឋានកសិកម្ម។ រូបភាពពីអគ្គនាយកដ្ឋានកសិកម្ម អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_1001.txt	រយៈពេលមួយខែហើយ ដែលលោកស្រីអ៊ុងសាន ស៊ូជី ត្រូវបានដាក់ឃុំនៅក្នុងផ្ទះ។ ក្នុងថ្ងៃទី១ ខែមីនា លោកស្រីស៊ូជី បានបង្ហាញមុខក្នុងសវនាការតាមការកោះហៅ របស់តុលាការ ដែលធ្វើតាម ប្រព័ន្ធ វីដេអូ។ លោកស្រី ស៊ូជី ក៏ត្រូវតុលាការចោទពីរករណីបន្ថែមទៀតដែលមានចែងនៅក្នុងច្បាប់ព្រហ្មទណ្ឌ និងច្បាប់ទូរគមនាគមន៍។	តាមការកំណត់ទុក លោកស្រី អ៊ុងសាន ស៊ូជី អតីតទីប្រឹក្សារដ្ឋមីយ៉ាន់ម៉ា បានបង្ហាញមុខនៅក្នុងសវនាការ តាមរយៈប្រព័ន្ធវីដេអូនៅថ្ងៃទី១ ខែមីនា ដែលចំខួបមួយខែនៃការធ្វើរដ្ឋប្រហារផងដែរ។ ក្នុងសវនាការលើកនេះ មេដឹកនាំរដ្ឋាភិបាលស៊ីវិលដែលត្រូវដណ្ដើមអំណាចរូបនេះ ក៏ត្រូវបានតុលារចោទពីរករណីបន្ថែមទៀត។ លោក Min Min Soe មេធាវីស្តីទីរបស់លោកស្រី ស៊ូជី ប្រាប់ទីភ្នាក់ងារព័ត៌មាន Reuters ថា បទចោទថ្មីនេះ មានចែងក្នុងក្រមព្រហ្មទណ្ឌទាក់ទងការហាមឃាត់បោះពុម្ភផ្សាយព័ត៌មានបង្កការភ័យខ្លាច ឬស្ថានភាពអាសន្ន និងបង្អាក់ភាពស្ងាប់ស្ងាត់ជាសាធារណៈ។ ចំណែកបទចោទមួយទៀត មានចែងក្នុងច្បាប់ទូរគមនាគមន៍ ដែលទាក់ទងការប្រើឧបករណ៍ទំនាក់ទំនង។ លោកស្រី ស៊ូជី នឹងត្រូវបង្ហាញមុខនៅក្នុងសវនាការម្តងទៀត នៅថ្ងៃទី១៥ ខែមីនាខាងមុខ។ ក្នុងសវនាការថ្ងៃទី១ ខែមីនា មេដឹកនាំរដ្ឋាភិបាលស៊ីវិល ក៏បានស្នើសុំជួបក្រុមមេធាវីផងដែរ។ បើតាមលោក Min Min Soe សុខភាពរបស់លោកស្រីស៊ូជីមានសភាពល្អ ប៉ុន្តែប្រហែលជាស្រកទម្ងន់បន្តិច។ កន្លងទៅប៉ូលិសមីយ៉ាន់ម៉ា បានចោទទីប្រឹក្សារដ្ឋរូបនេះ ពីរករណីរួចមកហើយ ក្នុងនោះមានដូចជា នាំចូលវិទ្យុ និងឧបករណ៍ទំនាក់ទំនងខុសច្បាប់ និងបំពានបម្រាមកូវីដ-១៩ នៅក្នុងប្រទេស។ ក្នុងបទចោទប្រកាន់ទាំងពីរនេះ លោកស្រី ស៊ូជី អាចជាប់ពន្ធនាគាររហូតដល់ ៣ឆ្នាំឯណោះ។ ប្រសិនតុលាការរកឃើញកំហុស លោកស្រីស៊ូជី នឹងមិនត្រូវបានអនុញ្ញាតឱ្យឈរឈ្មោះ ក្នុងការបោះឆ្នោតសភាអាណត្តិខាងមុខឡើយ។ ក្នុងខួបមួយខែនៃការធ្វើរដ្ឋប្រហារយោធានេះ ក្រុមបាតុករមីយ៉ាន់ម៉ាជាច្រើនពាន់នាក់ នៅតែចេញមកតវ៉ានឹងក្រុមយោធាឱ្យប្រគល់អំណាចទៅរដ្ឋាភិបាលស៊ីវិលវិញ និងដោះលែងអ្នកជាប់ឃុំទាំងអស់ ខណៈពេលប៉ូលិសនៅតែប្រើឧស្ម័នបង្ហូរទឹកភ្នែក គ្រាប់កាំភ្លើងជ័រ ដើម្បីបំបែកក្រុមបាតុករ។ នៅថ្ងៃម្សិលមិញ មានអ្នកស្លាប់យ៉ាងហោចណាស់ ១៨នាក់ ដោយសារការបង្រ្កាបយ៉ាងខ្លាំងឡើងពីសំណាក់ក្រុមប៉ូលិស។ ចំណែកសារព័ត៌មាន The Irrawaddy បានចុះផ្សាយពីឯកសារបែកធ្លាយដែលក្នុងនោះរបបសឹក បានកោះហៅលេខាធិការ, បុគ្គលិកយ៉ាងហោចណាស់ ១០០នាក់ ពីស្ថានទូតនៅប្រទេស ១៩ ដែលក្នុងនោះក៏មានកម្ពុជាផងដែរ។ ការកោះហៅឱ្យមកក្នុងប្រទេសវិញនេះ ធ្វើឡើងបន្ទាប់ពីអ្នកតំណាងមីយ៉ាន់ម៉ានៅអង្គការសហប្រជាជាតិ លោកKyaw Moe Tun បានថ្កោលទោសរដ្ឋប្រហារយោធា និងជំរុញឱ្យអ្នកតំណាងមីយ៉ាន់ម៉ានៅប្រទេសផ្សេងទៀត ក្រោកប្រឆាំងនឹងរបបសឹក។ របបសឹក បានដាក់ជំនួសមន្រ្តីច្រើនជាង ៥០នាក់ ដែលចេញពីក្រសួងការបរទេសជំនួសកន្លែងនោះវិញ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10010.txt	ពលរដ្ឋដែលមានគណនីធនាគារជា«លុយរៀល» នឹងចាយ ឬ ទូទាត់ទំនិញនិងសេវានានា នៅប្រទេសចិនបាន ដោយភាពងាយស្រួល តាមរយៈការស្កេនប្រព័ន្ធQR Code។ បើតាមលោកស្រី ជា សិរី ទេសាភិបាលរងធនាគារជាតិនៃកម្ពុជា(NBC) ប្រតិបត្តិការនេះ អាចអនុវត្តបាននៅចុងឆ្នាំ២០២៣។	ធនាគារជាតិនៃកម្ពុជា សម្រេចបាននូវកិច្ចសហប្រតិបត្តិការទូទាត់សងប្រាក់ឆ្លងដែនតាម QR-Code ជាមួយក្រុមហ៊ុន UnionPay International ដើម្បីជំរុញការប្រើប្រាស់ប្រាក់រៀលរបស់កម្ពុជា និងប្រាក់យ័នរបស់ចិន ឱ្យមានលក្ខណៈកាន់តែទូលំទូលាយនៅក្នុងប្រទេសទាំងពីរ។ ក្រោយចប់ពិធីចុះហត្ថលេខាកិច្ចសហប្រតិបត្តិការទូទាត់សងប្រាក់ឆ្លងដែនតាមQR-Code រវាងកម្ពុជា-ចិននេះ នាថ្ងៃទី១០កក្កដា លោកស្រី ជា សិរី បានថ្លែងមកកាន់អ្នកសារព័ត៌មានថា កិច្ចសហប្រតិបត្តិការនេះ នឹងជួយពលរដ្ឋដែលប្រើប្រាស់ប្រព័ន្ធបាគង និងមានគណនីធនាគារជា ប្រាក់រៀល អាចស្កេន QR Code នៅប្រទេសចិន ដើម្បីទូទាត់លើថ្លៃទំនិញនិងសេវាបានយ៉ាងនិងងាយស្រួល។ «កាលណា យើងបានចុះកិច្ចសហប្រតិបត្តិការនេះហើយ នៅពេលដែលយើងរៀបចំការតភ្ជាប់នេះបាន យើងនឹងឃើញថា ពលរដ្ឋយើងទៅចិន អាចស្កេនទូទាត់តាមQR code នៅចិនបាន។ ពលរដ្ឋខ្មែរអាចស្កេនបានទាំងQR របស់ UnionPay, Alipayនិង Wechat ផងដែរ»។ ដូច្នេះ! ប្រជាជនខ្មែរយើងជាង១០លាននាក់ ដែលមានE-Wallet [កាបូបលុយអេឡិចត្រូនិក] គឺអាចទូទាត់នៅស្រុកចិនតាមប្រព័ន្ធនេះបានដោយងាយស្រួល»។ នេះជាការលើកឡើងរបស់លោកស្រី ជា សិរី។ សម្រាប់ពលរដ្ឋចិនដែលមកកម្ពុជាក៏អាចទូទាត់ពីកាបូបលុយអេឡិចត្រូនិករបស់ខ្លួន លើការចំណាយផ្សេងៗ តាមរយៈការស្កេននូវប្រព័ន្ធKH QR បាន ផងដែរ។ នេះជាចំណុចល្អជាងអ្វីដែលមាននាពេលបច្ចុប្បន្ន ព្រោះថាទេសចរចិនដែលមកកម្ពុជាសព្វថ្ងៃ អាចស្កេនបានតែហាងទំនិញណាដែលមានភ្ជាប់ជាមួយ UnionPay, Alipayនិង Wechat តែប៉ុណ្ណោះ។ បើតាមទេសាភិបាលរងធនាគារជាតិ កិច្ចសហប្រតិបត្តិការជាមួយ UnionPay នេះ នឹងជួយសម្រួលការទូទាត់របស់ពលរដ្ឋរវាងប្រទេសចិន និងកម្ពុជា ឱ្យកាន់តែប្រសើរ និងមិនខាតបង់នូវអត្រាប្តូរប្រាក់។ ចំណុចសំខាន់នៃកិច្ចសហប្រតិបត្តិការនេះ ក៏ដូចជាកិច្ចសហប្រតិបត្តិនានាផ្សេងទៀត ដែលធនាគារជាតិបានធ្វើកន្លងមកជាមួយប្រទេសជិតខាង គឺការជំរុញការប្រើប្រាស់ប្រាក់រៀល។ លោកស្រី ជា សិរី បានបញ្ជាក់ថា៖ «ទាល់តែពលរដ្ឋកម្ពុជាទៅស្រុកគេមានគណនីជាលុយរៀល ទើបអាចចាយតាមប្រព័ន្ធKHQR Code នៅចិន ឬនៅថៃបាន ហើយដល់ពេលគេមកខ្មែរវិញ អាជីវករយើង គឺត្រូវតែមាន QR Code ជាលុយរៀល ដើម្បីឱ្យចិនទូទាត់ពីលុយយ័នមកជាលុយរៀល។ អ៊ីចឹង! ខាងចិន គឺគេជំរុញការប្រើប្រាស់លុយយ័ននៅស្រុកគេ ហើយខាងខ្មែរយើងក៏ជំរុញការប្រើប្រាស់លុយរៀលនៅក្នុងស្រុកយើង ផងដែរ»។ លោកស្រី ជា សិរី រំពឹងថា បន្ទាប់ពីកិច្ចសហប្រតិបត្តិការនេះជោគជ័យ គឺអាចជួយបានមួយផ្នែកទៀតទៅលើវិស័យទេសចរណ៍របស់កម្ពុជា ព្រោះនៅពេលទេសចរចិនមកកម្ពុជា នឹងងាយស្រួលចាយវាយទូទាត់ ដែលវាក៏អាចទាក់ទាញទេសចរមកបន្ថែមទៀតដែរ។ បច្ចុប្បន្ន កម្ពុជាបានដាក់ឱ្យដំណើរការការទូទាត់ឆ្លងដែន តាមប្រព័ន្ធQR-Code ជាមួយថៃ និងវៀតណាម ខណៈចិន ឥណ្ឌានិងឡាវ ធនាគារជាតិបាននិងកំពុងរៀបចំប្រព័ន្ធទូទាត់នៅឡើយ។ សម្រាប់ការទូទាត់ឆ្លងដែនជាមួយប្រទេសចិន លោកស្រី ជា សិរី សង្ឃឹមនឹងអាចប្រតិបត្តិការបាន នៅចុងឆ្នាំ២០២៣ ឬដើមឆ្នាំ២០២៤៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10011.txt	សហគ្រាសធុនតូច និងមធ្យម(SMEs) ជាតួអង្គយ៉ាងសំខាន់ក្នុងការអភិវឌ្ឍសង្គម-សេដ្ឋកិច្ចកម្ពុជា តាមរយៈការបំពេញនូវតម្រូវការទំនិញ និងសេវាកម្ម ព្រមទាំងបង្កើតការងារដល់ប្រជាពលរដ្ឋ។ SMEs ក៏មានសក្តានុពលខ្ពស់ក្នុងការជួយកម្ពុជាឱ្យចាកចេញពីដុល្លារូបនីយកម្មយ៉ាងមានប្រសិទ្ធភាព ផងដែរ។	សមាគមសហគ្រិនវ័យក្មេងកម្ពុជា តែងតែធ្វើការងារជាមួយភាគីពាក់ព័ន្ធ ជាពិសេសជាមួយធនាគារជាតិនៃកម្ពុជា ក្នុងការលើកកម្ពស់ការចាយ ប្រាក់រៀល។ លោក ប៉ិច បូឡែន ប្រធានសមាគមសហគ្រិនវ័យក្មេងកម្ពុជា មើលឃើញថា បើការចរាចរបា្រក់រៀលមានកាន់តែច្រើន នោះអាជីវកម្មនៅក្នុងស្រុកកាន់តែទទួលបានផលខ្ពស់។ ទន្ទឹមនឹងការចូលរួមប្រើប្រាស់ប្រាក់រៀលនេះ ម្ចាស់អាជីវកម្មនានានៅក្នុងវិស័យសហគ្រាសធុនតូច និងមធ្យម ក៏មានការប្រឈមបញ្ហាមួយចំនួនដែរ ជាពិសេសប្រឈមនឹងអត្រាប្តូរប្រាក់។ ដើម្បីជ្រាបកាន់តែច្បាស់ ពីសក្តានុពល និងបញ្ហាប្រឈមនានាលើការជំរុញការប្រើប្រាស់ប្រាក់រៀលក្នុងវិស័យសហគ្រាសធុនតូច និងមធ្យមនៅកម្ពុជា សូមលោក-អ្នកទស្សនាបទសម្ភាសពិសេសរវាងលោក លាង ដឺលុច អ្នកសារព័ត៌មានជាន់ខ្ពស់នៃសារព័ត៌មានថ្មីៗ ជាមួយលោក ប៉ិច បូឡែន ប្រធានសមាគមសហគ្រិនវ័យក្មេងកម្ពុជា ដូចខាងក្រោមនេះ៖ ដើម្បីជ្រាបកាន់តែច្បាស់ ពីសក្តានុពល និងបញ្ហាប្រឈមនានាលើការជំរុញការប្រើប្រាស់ប្រាក់រៀលក្នុងវិស័យសហគ្រាសធុនតូច និងមធ្យមនៅកម្ពុជា សូមលោក-អ្នកទស្សនាបទសម្ភាសពិសេសរវាងលោក លាង ដឺលុច អ្នកសារព័ត៌មានជាន់ខ្ពស់នៃសារព័ត៌មានថ្មីៗ ជាមួយលោក ប៉ិច បូឡែន ប្រធានសមាគមសហគ្រិនវ័យក្មេងកម្ពុជា ដូចខាងក្រោមនេះ៖ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10012.txt	ភ្នំពេញ៖ ការបោះឆ្នោតជ្រើសរើសតំណាងរាស្រ្ត នីតិកាលទី៧ ឆ្នាំ២០២៣ កាន់តែខិតជិតមកដល់។ គណបក្សមួយចំនួន កំពុងធ្វើយុទ្ធនាការឃោសនារកសំឡេងឆ្នោតរៀងៗខ្លួន ដោយភ្ជាប់ជាមួយគោលនយោបាយពិសេសៗ។ យ៉ាងណា ក្នុងអាណត្តិថ្មីនេះ អ្នកជំនាញកសិកម្ម ចង់ឃើញគណបក្សឈ្នះឆ្នោតគិតគូរដល់កសិករ ជាពិសេស ដោះស្រាយបញ្ហាតម្លៃទីផ្សារ ធាតុចូលកសិកម្ម ប្រព័ន្ធធារាស្រ្ត និងបន្ធូរបន្ថយតម្លៃអគ្គិសនី ជាដើម។	លោក ថេង សាវឿន ប្រធានសមាគមសម្ព័ន្ធកសិករកម្ពុជា (CCFC) បានលើកឡើងថា ក្នុងយុទ្ធនាការបោះឆ្នោតជ្រើសរើសតំណាងរាស្រ្ត នីតិកាលទី៧នេះ លោកចង់ឃើញគណបក្សនីមួយៗដាក់ចេញគោលនយោបាយលើកស្ទួយវិស័យកសិកម្មឱ្យបានច្រើន ជាពិសេសលើកកម្ពស់សិទ្ធកសិករដែលជាម្ចាស់ឆ្នោត។ លោក ថេង សាវឿន យល់ថា បក្សឈ្នះឆ្នោត គួរតែកំណែទម្រង់វិស័យកសិកម្មឱ្យប្រសើជាងនេះ ដើម្បីធ្វើយ៉ាងណាឆ្លើយតបនឹងស្ថានភាពប្រែប្រួលនៃវិស័យដ៏សំខាន់មួយនេះ។ លោក សាវឿន បន្តថា ដើម្បីឱ្យវិស័យកសិកម្មរីកចម្រើន អ្នកពាក់ព័ន្ធ ត្រូវរៀបចំឱ្យមានប្រព័ន្ធខ្សែច្រវាក់ទីផ្សារនាំចេញ, ដើមទុន, ការធានារ៉ាប់រង, បច្ចេកទេសវេចខ្ចប់ ព្រមទាំងគោលការណ៍ឧបត្ថម្ភ និងជំរុញនូវការកែច្នៃ ផងដែរ។ ការបណ្ដុះបណ្ដាលធនធានមនុស្ស និងបច្ចេកទេសថ្មីៗ តម្រូវការចាំបាច់របស់ពលរដ្ឋ។ ទន្ទឹមនេះ ក្រសួងក៏ត្រូវរៀបចំប្រព័ន្ធធារាសាស្រ្ត និងប្រព័ន្ធស្រោចស្រព ដើម្បីបំពេញលក្ខខណ្ឌនៃការប្រែប្រួលអាកាសធាតុ។ ការប្រែប្រួលអាកាសធាតុ បានធ្វើឱ្យប៉ះពាល់ដល់កំណើននៃការដាំដុះរបស់កសិករជាសកល។ លោក ថេង សាវឿន ប្រធានសមាគមសម្ព័ន្ធកសិករកម្ពុជា (CCFC)។ រូបភាពពីហ្វេសប៊ុករបស់លោក លោក ថេង សាវឿន ចង់បានដូច្នេះ៖«គោលនយោបាយត្រូវគិតគូរពីវិស័យកសិកម្ម ជាពិសេស លើកកម្ពស់សិទ្ធម្ចាស់ឆ្នោតដែលជាកសិករខ្នាតតូច ធ្វើយ៉ាងម៉េចរៀបចំឱ្យគាត់មានខ្សែច្រវាក់ទីផ្សារ, ដើមទុន, ការធានារ៉ាប់រង, បច្ចេកទេសវេចខ្ចប់ និងគោលការឧបត្ថម្ភជំរុញការកែច្នៃរបស់គាត់ផងដែរ»។ កសិកម្ម ត្រូវបានគេចាត់ទុកជាឆ្អឹងខ្នងសេដ្ឋកិច្ចជាតិ ប៉ុន្តែ វិស័យនេះ នៅទន់ខ្សោយនៅឡើយ ហើយជារើយៗកសិករតែងតែប្រឈមនឹងបញ្ហាគ្មានទីផ្សារ និងតម្លៃថោក។ ជុំវិញបញ្ហានេះ លោក ថេង សាវឿន លើកឡើងថា នេះគឺជារឿងមួយដែលបក្សឈ្នះឆ្នោតត្រូវគិតគូរខ្លាំងបំផុត ដើម្បីឱ្យខ្សែច្រវាក់ផលិតកម្ម ឆ្លើយតបទីផ្សារ។ លោក ថេង សាវឿន ប្រាប់ដូច្នេះ៖«កម្ពុជាយើងនៅមានចំណុចខ្វះខាតច្រើន ហើយត្រូវការបំពេញបន្ថែម។ ទាំងការវេចខ្ចប់, ការស្រាវជ្រាវ រួមទាំងការរៀបចំបណ្ដុះបណ្ដាលកសិករធ្វើ និងទីផ្សារ នៅមានកម្រិតនៅឡើយ។ កាលណាយើងរៀបចំទីផ្សារគ្រប់ជ្រុងជ្រោយ ដោយមានការចូលរួមពីកសិករ យើងនឹងធ្វើឱ្យកំណើននាំចេញកើនឡើង។ ពលរដ្ឋលក់បានតម្លៃសមរម្យ ឬថ្លៃ គឺជាចំណុចមួយដែលគាត់ចង់បាន»។ ចំណែក លោក តេន ទុំ ប្រធានសហគមន៍កសិកម្មបៃតងគោកស្រុក បានលើកឡើងដែរថា ការបោះឆ្នោតជ្រើសរើសតំណាងរាស្រ្តនីតិកាលថ្មីនេះ លោកចង់ឱ្យគណបក្សដែលឈ្នះឆ្នោតជ្រោមជ្រែងវិស័យកសិកម្មឱ្យខ្លាំងជាងនេះ ជាពិសេស ពង្រឹងប្រព័ន្ធធារាសាស្រ្ត និងបន្ធូរបន្ថយតម្លៃអគ្គិសនី និងពន្ធ ដើម្បីជំរុញឱ្យកសិករបានប្រាក់ចំណេញ។ លោក តេន ទុំ ប្រធានសហគមន៍កសិកម្មបៃតងគោកស្រុក។ រូបភាព៖ មន្ទីរកសិកម្មខេត្តត្បូងឃ្មុំ ការលើកកម្ពស់ផលិតផល និងកសិផលរបស់ខ្មែរ ក៏ជាការជំរុញទឹកចិត្តដល់កសិករឱ្យមានកម្លាំងចិត្តបន្តការងារផលិតបន្ថែមទៀតដែរ។ ប្រធានសហគមន៍រូបនេះ បន្ថែមថា សព្វថ្ងៃ វិស័យកសិកម្ម ទទួលបានការយកចិត្តទុកតិចតួចណាស់ ដូច្នេះ ប្រសិនបើ គណបក្សឈ្នះឆ្នោត ចាប់អាម្មណ៍លើវិស័យកសិកម្មខ្លាំងជាងនេះ កសិករនឹងប្រឹងប្រែងផលិត។ កម្ពុជា មានអ្នកប្រកបរបរកសិកម្មរហូតដល់៨០ភាគរយ។ ដូច្នេះ ប្រសិនបើ រដ្ឋាភិបាលថ្មី អាចជួយឱ្យផលិតផលកសិកម្មមានទីផ្សារ និងតម្លៃល្អ លោក តេន ទុំ ជឿជាក់ថា វិស័យមួយនេះនឹងរីកចម្រើន ហើយកសិករក៏រីករាយដែរ។ យ៉ាងណា លោក តេន ទុំ មើលឃើញថា បច្ចុប្បន្ន វិស័យកសិកម្មនៅតែមានភាពតូចចង្អៀតនៅឡើយ។ តម្លៃរបស់កសិផល ឡើងចុះរហូតនាពេលប្រមូលផល។ ការណ៍នេះ នាំឱ្យកសិករធ្វើកសិកម្មទាំងប្រថុយ។ លោក តេន ទុំ ប្រាប់ដូច្នេះ៖« បច្ចុប្បន្ន យើងនៅខ្វះខាតច្រើន ដូចខ្ញុំលើកឡើងអ៊ីចឹង ដូចជាតម្លៃអគ្គិសនី គឺថ្លៃ ធៀបនឹងថៃ ឬវៀតណាម។ ការដឹកជញ្ជូន និងធាតុចូលកសិកម្ម ដែលចូលមកស្រុកយើងនេះ គឺមានតម្លៃថ្លៃទ្វេគុណ។ ដល់ពេល អ៊ីចឹង ក្នុងការផលិតកសិផលនីមួយៗ ត្រូវចំណាយទុនច្រើន ដែលធ្វើឱ្យការផលិតរបស់យើងមិនសូវចំណេញ»។ ប្រសិនបើ រៀបចំគោលនយោបាយកសិកម្មបានល្អ កម្ពុជានឹងក្លាយជាឃ្លាំងនៃប្រព័ន្ធស្បៀងអាហាររបស់ពិភពលោក ហើយផលចំណេញទាំងអស់នឹងត្រូវធ្លាក់មកលើប្រជាជន និងប្រទេសកម្ពុជាទាំងមូល។ ដូច្នេះ អ្នកជំនាញខាងលើ ណែនាំឱ្យមានការលើកតម្លៃឱ្យបានសមរម្យចំពោះដំណាំសំខាន់ៗមួយចំនួន ដែល អាចឱ្យកសិករទទួលយកបាន៕ លោក ថេង សាវឿន ប្រធានសមាគមសម្ព័ន្ធកសិករកម្ពុជា (CCFC)។ រូបភាពពីហ្វេសប៊ុករបស់លោក លោក តេន ទុំ ប្រធានសហគមន៍កសិកម្មបៃតងគោកស្រុក។ រូបភាព៖ មន្ទីរកសិកម្មខេត្តត្បូងឃ្មុំ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10013.txt	រដ្ឋមន្ត្រីក្រសួងហិរញ្ញវត្ថុអាម៉េរិក លោកស្រី Janet Yellen នឹងធ្វើដំណើរទៅកាន់ទីក្រុងប៉េកាំងចាប់ពីថ្ងៃទី៦ ដល់ថ្ងែទី៩ ខែកក្កដា ដើម្បីជួបជាមួយមន្ត្រីជាន់ខ្ពស់ចិនលើបញ្ហាជាច្រើនជុំវិញការធ្វើពាណិជ្ជកម្មរវាងប្រទេសទាំងពីរ ជាពិសេសលើច្បាប់ប្រឆាំងចារកម្មថ្មីរបស់ចិន ។	ការធ្វើដំណើររបស់លោកស្រី Janet Yellen ជាផ្នែកមួយនៃការជំរុញដោយប្រធានាធិបតី ចូ បៃឌិន ក្នុងការធ្វើឱ្យទំនាក់ទំនងកាន់តែស៊ីជម្រៅរវាងប្រទេសដែលមានសេដ្ឋកិច្ចធំជាងគេទាំងពីរ រក្សាស្ថិរភាព និងកាត់បន្ថយហានិភ័យនៃកំហុសនៅពេលមានការខ្វែងគំនិតគ្នាកើតឡើង។ ដំណើរទស្សនកិច្ចនេះ កើតឡើងតែប៉ុន្មានសប្តាហ៍ប៉ុណ្ណោះបន្ទាប់ពីរដ្ឋមន្ត្រីការបរទេស អាន់តូនី ប្លីងខិន បានទៅទីក្រុងប៉េកាំង។ កាលនោះ ភាគីទាំង២ ឯកភាពគ្នាធ្វើឱ្យមានស្ថិរភាពទំនាក់ទំនង និងធានាថាការប្រជែងគ្នាដ៏ខ្លាំងក្លារវាងប្រទេសទាំងពីរមិនក្លាយជាជម្លោះ។ ប៉ុន្តែការប៉ុនប៉ងនេះក៏ជួបបញ្ហាបន្តិចវិញ បន្ទាប់ពីចិនបានតវ៉ាយ៉ាងខ្លាំងនៅពេលដែលលោក បៃឌិន បានប្រដូចលោក ស៊ី ជិនភីង ជាជនផ្តាច់ការ។ ប៉ុន្តែសម្រាប់អ្នកវិភាគមើលឃើញថា មានផលប៉ះពាល់តិចតួចប៉ុណ្ណោះចំពោះកិច្ចខិតខំប្រឹងប្រែងដើម្បីកែលម្អទំនាក់ទំនង។ នៅក្នុងបទសម្ភាសជាមួយទូរទស្សន៍ MSNBC កាលពីថ្ងៃទី២៨ ខែមិថុនាលោកស្រី Yellen បានលើកឡើងថា ការទៅបំពេញទស្សនកិច្ចនៅចិនពេលនេះ គឺដើម្បីបង្កើតទំនាក់ទំនងឡើងវិញជាមួយទីក្រុងប៉េកាំង ក្នុងបរិបទដែលមានការខ្វែងគំនិតគ្នារវាងប្រទេសទាំងពីរ។ «ប្រទេសទាំងពីរចាំបាច់ត្រូវពិភាក្សាអំពីការខ្វែងគំនិតគ្នានាពេលបច្ចុប្បន្ន ដើម្បីកុំឱ្យមានការយល់ច្រឡំ។ ទោះបីជាយ៉ាងណាក៏ដោយ លោកស្រីបានបញ្ជាក់ថា អាម៉េរិកនឹងធ្វើសកម្មភាពដើម្បីការពារផលប្រយោជន៍សន្តិសុខជាតិ បើទោះបីជាវាបណ្តាលឱ្យខូចខាតសេដ្ឋកិច្ចក៏ដោយ»។ លោកស្រីបញ្ជាក់បែបនេះ។ ក្នុងដំណើរទស្សនកិច្ចនេះ លោកស្រីក៏នឹងលើកឡើងនូវការព្រួយបារម្ភអំពីការរំលោភសិទ្ធិមនុស្សប្រឆាំងនឹងជនជាតិភាគតិចវីហ្គ័ ការផ្លាស់ប្តូរថ្មីៗរបស់ចិនក្នុងការហាមឃាត់ការលក់បន្ទះឈីបបច្ចេកវិទ្យា Micron និងការផ្លាស់ប្តូររបស់ចិនក្នុងការប្រឆាំងនឹងក្រុមហ៊ុនបរទេសផងដែរ ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10014.txt	គ្រប់សហគ្រាសត្រូវអនុវត្តអាករលើតម្លៃបន្ថែម(VAT) ដូចទំនិញនាំចូលជាប់អាករដទៃដែរ ដោយត្រូវប្រមូល VAT ក្នុងអត្រា១០ភាគរយ រាល់ការផ្គត់ផ្គង់បារីនៅកម្ពុជា។ ការប្រមូលនេះ នឹងចាប់អនុវត្តពីថ្ងៃទី១សីហា ឆ្នាំ២០២៣ តទៅ។ នេះបើយោងតាមសេចក្តីប្រកាសព័ត៌មាន របស់ក្រសួងសេដ្ឋកិច្ច និងហិរញ្ញវត្ថុ។	ដើម្បីពង្រឹងការអនុវត្តអាករលើតម្លៃបន្ថែមឱ្យមានតម្លាភាព និងសង្គតិភាព ក្រសួងសេដ្ឋកិច្ចប្រាប់ដល់ម្ចាស់សហគ្រាសដែលប្រកបអាជីវកម្មនាំចូលបារី ឬចែកចាយបារីនាំចូលទាំងអស់ ត្រូវអនុវត្តអាករលើតម្លៃបន្ថែម (VAT) ដូចទំនិញនាំចូលជាប់អាករដទៃដែរ។ ក្រសួងបានបញ្ជាក់ថា៖ «សហគ្រាសត្រូវប្រមូលVAT ក្នុងអត្រា១០ភាគរយ រាល់ការផ្គត់ផ្គង់បារីនៅកម្ពុជា»។ ចំពោះ VAT ដែលសហគ្រាសបានបង់ពេលនាំចូល ឬទិញក្នុងស្រុក ត្រូវបានរដ្ឋអនុញ្ញាត ធ្វើជាឥណទានអាករលើធាតុចូល សម្រាប់កាត់កងជាមួយអាករលើធាតុចេញ ខណៈបារីនាំចូលសម្រាប់នាំចេញ សហគ្រាសត្រូវបន្តបង់ VAT តែម្តងគត់ ដែលបានអនុវត្តកន្លងមក។ ជុំវិញនៃការប្រមូល VAT ក្នុងអត្រា១០ភាគរយរាល់ការផ្គត់ផ្គង់បារីនៅកម្ពុជានេះ លោក វេជ្ជបណ្ឌិត មុំ គង់ ដែលជានាយកប្រតិបត្តិអង្គការចលនាដើម្បីសុខភាពកម្ពុជា មើលឃើញថា នេះជាការផ្តួចផ្តើមដ៏ល្អមួយ ដោយលោករំពឹងរដ្ឋាភិបាលនឹងដំឡើងពន្ធអាករពិសេសលើបារីនាពេលឆាប់ៗ ក្នុងការកៀរគរចំណូលចូលជាតិ។ បើតាមលោក មុំ គង់ ការដំឡើងពន្ធលើផលិតផលថ្នាំជក់ គឺជាយុទ្ធសាស្ត្រឈ្នះ-ឈ្នះទាំងអស់គ្នា ដោយរដ្ឋទទួលបានចំណូលជាតិបន្ថែម ព្រមទាំងកាត់បន្ថយចំណាយសេវាសុខភាពសាធារណៈ។ លើសពីនេះ អតា្រពលរដ្ឋមានជំងឺ និងស្លាប់ ដោយសារផលិតផលថ្នាំជក់ក៏ត្រូវធ្លាក់ចុះ ផងដែរ។ អត្ថបទទាក់ទង គ្រោះថ្នាក់! បារី ក្លាយជាខ្ទង់ចំណាយរបស់សិស្សសាលាមួយចំនួន រដ្ឋគួរដំឡើងពន្ធលើថ្នាំជក់និងស្រា ហើយគួរបញ្ចុះពន្ធប្រេងឥន្ធនៈ ដើម្បីទប់ស្កាត់ផលប៉ះពាល់ពលរដ្ឋ! «យើងខ្ញុំជាអង្គការមិនមែនរដ្ឋាភិបាល សូមគាំទ្រចំពោះក្រសួងសេដ្ឋកិច្ចនិងហិរញ្ញវត្ថុ នៅ ក្នុងដំណើរការកំណែទម្រង់ពន្ធថ្នាំជក់ និងយល់ឃើញថា ការយកពន្ធបន្ថែម ចាប់ផ្តើមពី ៥០០រៀលក្នុងបារីមួយកញ្ចប់ ឬច្រើនជាងនេះ ស័ក្តិសមបំផុតសម្រាប់បច្ចុប្បន្ន»។ លោកវេជ្ជបណ្ឌិត មុំ គង់ ថ្លែងបែបនេះមកកាន់សារព័ត៌មានថ្មីៗ(ThmeyThmey) ដោយបានពន្យល់យ៉ាងលម្អិតថា តាមការវិភាគស្រាវជ្រាវរបស់អង្គការសុខភាពពិភពលោក ការយកពន្ធបន្ថែម៥០០រៀលក្នុងបារីមួយកញ្ចប់ នឹងធ្វើឱ្យតម្លៃបារីកើនឡើង១៥ភាគរយ កាត់បន្ថយអ្នកជក់បារីបាន៣ម៉ឺននាក់នៅឆ្នាំបន្ទាប់ និងបង្ការប្រជាពលរដ្ឋបាន១ម៉ឺននាក់ ពីការស្លាប់មុនអាយុកំណត់ដែលបណ្តាលមកពីការជក់បារី ក្នុងរយៈពេល១០ទៅ១៥ឆ្នាំបន្ទាប់។ លោកបានបញ្ជាក់យ៉ាងដូច្នេះ៖ «មិនតែប៉ុណ្ណោះ ការដំឡើងពន្ធបារី៥០០រៀលក្នុងមួយកញ្ចប់នេះ នឹងធ្វើឱ្យប្រាក់ចំណូលពន្ធរដ្ឋកើនឡើង ២១៣ពាន់លានរៀល(ប្រមាណ៥៣លានដុល្លារ) ក្នុងមួយឆ្នាំ។ ការដំឡើងពន្ធថ្នាំជក់ គឺជាវិធានការទោលដែលមានប្រសិទ្ធភាពជាងគេ ក្នុងការកាត់បន្ថយហានិភ័យដែលបណ្តាលមកពីថ្នាំជក់។ នេះជាការកំណត់ច្បាស់ របស់អង្គការសុខភាព ពិភពលោក ដោយបនបង្ហាញថាពលរដ្ឋកម្ពុជាប្រមាណ១,៥ម៉ឺននាក់ បានស្លាប់ជារៀង រាល់ឆ្នាំ បណ្តាលមកពីកើតជំងឺដែលបង្កដោយការប្រើប្រាស់ថ្នាំជក់។ ជំងឺទាំងនោះរួមមាន៖ ជំងឺដាច់សរសៃឈាមក្នុងខួរក្បាល, ជំងឺស្ទះសរសៃឈាមបេះដូង, ជំងឺឆ្លងផ្លូវដង្ហើមផ្នែក ខាងក្រោម ជំងឺត្បៀតទងសួតរ៉ាំរ៉ៃ និងជំងឺមហារីកសួត ទងសួត និងបំពង់ខ្យល់ ជាដើម។ អង្គការសុខភាពពិភពលោកបានបញ្ជាក់ថា៖ «៣៣ភាគរយ នៃអ្នកស្លាប់ទាំងអស់នោះ កើត ឡើង ចំពោះពលរដ្ឋដែលមានប្រាក់ចំណូលទាបបំផុត។ លើសពីនេះទៀត ការប្រើប្រាស់ ថ្នាំជក់បណ្តាលឱ្យខាតបង់៦៤៩លានដុល្លារ ស្មើនឹង៣ភាគរយ នៃផលិតផលក្នុងស្រុក សរុប (GDP) របស់កម្ពុជា»៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10015.txt	ការប្រើប្រាស់ស្ថានីយបញ្ចូលថាមពលយានយន្តអគ្គិសនី នឹងត្រូវគិតថ្លៃ ១៦០០រៀល ក្នុងមួយគីឡូវ៉ាត់ម៉ោង ចាប់ពីថ្ងៃទី១ ខែសីហា តទៅ ។ នេះបើតាមសេចក្តីជូនដំណឹងរបស់ក្រសួងសាធារណការ និងដឹកជញ្ជូន នៅថ្ងៃទី២៥ ខែកក្កដា។	ក្រសួងសេដ្ឋកិច្ច និងហិរញ្ញវត្ថុ បានអនុញ្ញាតឱ្យក្រសួងសាធារណការ និងដឹកជញ្ជូន យកកម្រៃសេវាសាធារណៈ លើការបញ្ចូលថាមពលយានយន្តអគ្គិសនី រវាងប្រតិបត្តិករ និងអ្នកប្រើប្រាស់ទាំងអស់ ដើម្បីឱ្យមានគណនេយ្យភាព ប្រសិទ្ធភាព ប្រកបដោយនិរន្តភាព។ ស្ថានីយបញ្ចូលថាមពលយាន្តអគ្គិសនី ដែលបានដាក់ឱ្យប្រើប្រាស់កន្លងមក គឺមិនគិតថ្លៃនោះទេ។ ប៉ុន្តែដំណាក់កាលនេះ គឺជាការសាកល្បងរវាងក្រសួងសាធារណការ និងដឹកជញ្ជូន និងក្រសួងសេដ្ឋកិច្ច និងហិរញ្ញវត្ថុ ក្នុងការយកតម្លៃសេវា ១៦០០រៀល ក្នុងមួយគីឡូវ៉ាត់ម៉ោង។ នេះបើតាមលោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ។ អ្នកនាំពាក្យរូបនេះ បានបញ្ជាក់ថា៖ «គិត ១៦០០រៀល សម្រាប់តែទីតាំងដែលស្ថិតនៅក្រោមការគ្រប់គ្រងរបស់ក្រសួងនោះទេ ព្រោះយើងកំពុងធ្វើការសាកល្បង។ អ៊ីចឹងត្រូវឈរលើមូលដ្ឋាន។ ដើម្បីឱ្យដំណើរការបានល្អ តម្លៃត្រូវតែសមរម្យអាចទទួលយកបាន ហើយតម្លៃខ្ពស់បំផុត ក៏ត្រូវតែមានការកំណត់មួយ មិនឱ្យខ្ពស់គឺត្រូវកំណត់ទាបបំផុតតាមដែលអាចធ្វើទៅបាន»។ បច្ចុប្បន្នស្ថានីយបញ្ចូលថាមពលយាន្តអគ្គិសនី ដែលស្ថិតនៅក្រោមការគ្រប់គ្រងរបស់គ្រសួងសាធារណការ និងដឹកជញ្ជូនមានចំនួន ៤ទីតាំង ក្នុងនោះមាននៅទីស្តីការក្រសួង, ខេត្តសៀមរាប ,ព្រះសីហនុ និងខេត្តបាត់ដំបង។ ម៉ាស៊ីនទាំងនោះមានសមត្ថភាពអាចបញ្ជូលថាមពលអគ្គិសនីទៅរថយន្តចំនួន ៨រថយន្ត ក្នុងពេលតែមួយ។ ចំណែកស្ថានីយបញ្ចូលថាមពលយាន្តអគ្គិសនីឯកជនមានចំនួន ៩ទីតាំង។ នៅឆ្នាំ២០២១ មានរថយន្ត ៦៣គ្រឿង ដែលបានប្រើប្រាស់ថាមពលអគ្គិសនី។ នៅឆ្នាំ២០២២ មានរថយន្ត ៦៦២គ្រឿង ដែលបានប្រើប្រាស់ថាមពលអគ្គិសនី។ គិតត្រឹមខែកក្កដា ឆ្នាំ២០២៣នេះ មានរថយន្ត ១០៧៨គ្រឿង ប្រើប្រាស់ថាមពលអគ្គិសនី ។ ក្រសួងសាធារណការ បានព្យាករថា នៅចុងឆ្នាំ២០២៣ អាចមានអ្នកប្រើប្រាស់ កើនដល់ ១៨៤៨គ្រឿង៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10016.txt	ប្រមុខរដ្ឋាភិបាលសម្តេច ហ៊ុន សែន សម្រេចបង្កើតក្រុមការងារបច្ចេកទេសចំនួន១៣ក្រុម ដើម្បីជំរុញ គាំទ្រ និងរៀបចំកិច្ចព្រមព្រៀងសេដ្ឋកិច្ចឌីជីល ខណៈក្របខណ្ឌគោលនយោបាយសេដ្ឋកិច្ច-សង្គមឌីជីថលកម្ពុជា ដាក់ឱ្យអនុវត្តបាន២ឆ្នាំមកហើយ។ កម្ពុជា មានគោលដៅសម្រេចឱ្យបាននូវសេដ្ឋកិច្ច-សង្គម និងរដ្ឋាភិបាលឌីជីថលនៅត្រឹមឆ្នាំ២០៣៥។	ក្រុមការងារបច្ចេកទេសទាំង១៣ក្រុម ដែលរដ្ឋាភិបាលបង្កើតឡើងនោះ មានក្រុមការងារទទួលបន្ទុកការសម្របសម្រួលកណ្តាល, ក្រុមការងារប្រព័ន្ធវិក្កយបត្រអេឡិចត្រូនិក, ក្រុមការងារសារពើពន្ធឌីជីថល, ក្រុមការងារបច្ចេកវិទ្យាហិរញ្ញវត្ថុ និងនិយ័តកម្មធុរកិច្ចឌីជីថល។ ក្រុមការងារសម្រួលពាណិជ្ជកម្មឌីជីថល, ក្រុមការងារទូទាត់សងប្រាក់តាមប្រព័ន្ធឌីជីថល, ក្រុមការងារពាណិជ្ជកម្មតាមប្រព័ន្ធអេឡិចត្រូនិក, ក្រុមការងារអត្តសញ្ញាណឌីជីថល, ក្រុមការងាររំហូរកម្លាំងពលកម្មជំនាញ និងការបណ្តុះបណ្តាលជំនាញឌីជីថល។ ក្រុមការងារកសាងធនធានមនុស្សឌីជីថល, ក្រុមការងារលើកកម្ពស់ និងការជំរុញបច្ចេកវិទ្យា វិទ្យសាស្ត្រ និងនវានុវត្តន៍, ក្រុមការងារសុវត្ថិភាពឌីជីថលសន្តិសុខសាយប័រ និងអភិបាលកិច្ចទិន្នន័យ និងក្រុមការងារទទួលបន្ទុកហេដ្ឋារចនាសម្ព័ន្ធ និងការតភ្ជាប់ឌីជីថល។ សេចក្តីសម្រេចរបស់សម្តេច ហ៊ុន សែន នាថ្ងៃទី១១កក្កដា ឆ្នាំ២០២៣ បានបញ្ជាក់ថា ក្រុមការងារទទួលបន្ទុកការសម្របសម្រួលកណ្តាល ដែលមានអគ្គលេខាធិការដ្ឋានគណៈកម្មាធិការសេដ្ឋកិច្ច និងធុរកិច្ចឌីជីថលជារដ្ឋលេខាធិការ។ ក្រុមការងារនេះ មានភារកិច្ចបូកសរុបកណ្តាលឱ្យក្រុមការងារបច្ចេកទេសផ្សេងៗទៀត, ផ្តល់ទស្សនទាន និងមគ្គុទេសណែនាំ ជំរុញ និងគាំទ្រការអភិវឌ្ឍសេដ្ឋកិច្ចឌីជីថល និងរៀបចំកិច្ចព្រមព្រៀងសេដ្ឋកិច្ចឌីជីថល។ ក្រុមការងារនេះ ត្រូវសហការ និងសម្របសម្រួលការងាររបស់ក្រុមការងារបច្ចេកទេសផ្សេងៗ ដែលមានលក្ខណៈអន្តរវិស័យ, ពិនិត្យ និងតាមដានវឌ្ឍនភាពការងារ សមិទ្ធកម្ម និងបញ្ហារបស់ក្រុមការងារបច្ចេកទេសផ្សេងៗ ព្រមទាំងលើកសំណើដំណោះស្រាយតាមការចាំបាច់។ ក្រុមការងារប្រព័ន្ធវិក្កយបត្រអេឡិចត្រូនិក ដឹកនាំដោយក្រសួងសេដ្ឋកិច្ច និងហិរញ្ញវត្ថុ មានភារកិច្ចអនុវត្តផែនការ និងកម្មវិធីថ្នាក់ជាតិសម្រាប់ប្រព័ន្ធវិក្កយបត្រអេឡិចត្រូនិក ជំរុញការស្រាវជ្រាវអំពីប្រព័ន្ធវិក្កយបត្រអេឡិចត្រូនិក, ចូលរួមផ្តល់យោបល់ និងរៀបចំកិច្ចព្រមព្រៀងសេដ្ឋកិច្ចឌីជីថលពាក់ព័ន្ធ និងប្រព័ន្ធវិក្កយបត្រអេឡិចត្រូនិក, ផ្តល់ការសហការជាមួយក្រុមការងារការងារបច្ចេកទេសផ្សេងៗ ដើម្បីជំរុញការងារដែលមានលក្ខណៈអន្តរវិស័យ ដោយមានការសម្របសម្រួលពីក្រុមការងារបច្ចេកទេសកណ្តាល។ ក្រុមការងារនេះ ក៏មានតួនាទីរៀបចំ បូកសរុប និងផ្តល់របាយការណ៍វឌ្ឍនភាពការងារ សមិទ្ធកម្ម និងបញ្ហាប្រឈមជូនក្រុមការងារបច្ចេកទេសសម្របសម្រួលកណ្តាល ជាដើម។ សម្រាប់ក្រុមការងារបច្ចេកទេសសារពើពន្ធឌីជីថល ក៏ត្រូវដឹកនាំដោយក្រសួងសេដ្ឋកិច្ច ផងដែរ។ ក្រុមការងារនេះ មានតួនាទីសិក្សា និងកំណត់អត្តសញ្ញាណកម្ម និងកម្មវត្ថុសារពើពន្ធឌីជីថលសម្រាប់កម្ពុជា, ជំរុញការស្រាវជ្រាវអំពីក្របខណ្ឌគោលនយោបាយ បទពិសោធ ឧត្តមានុវត្តន៍ និងនិន្នាការនៃការកសាង និងអនុវត្តសារពើពន្ធឌីជីថល រួមទាំងជំរុញការតាមដាន ត្រួតពិនិត្យ និងវាយតម្លៃការអនុវត្តសារពើពន្ធឌីជីថលរបស់ក្រុមហ៊ុន និងសហគ្រាស ដើម្បីធានាបានការប្រកួតប្រជែងដោយសោះត្រង់ និងយុត្តិធម៌ ព្រមទាំងការមិនបំពេញកាតព្វកិច្ចសារពើពន្ធឌីជីថល។ ជាពិសេស ក្រុមការងារនេះ ត្រូវជំរុញការផ្សព្វផ្សាយអំពីសារពើពន្ធឌីជីថល។ លើសពីនេះ រដ្ឋាភិបាលអនុញ្ញាតឱ្យក្រុមការងារនេះ ត្រួតពិនិត្យ សិក្សា និងលើកសំណើរៀបចំ និង/ឬ ធ្វើវិសោធនកម្មនិងលិខិតបទដ្ឋានគតិយុត្តផ្សេងៗទៀតពាក់ព័ន្ធនឹងសារពើពន្ធឌីជីថល និងចូលរួមផ្តល់យោបល់ និងរៀបចំកិច្ចព្រមព្រៀងសេដ្ឋកិច្ចឌីជីថលពាក់ព័ន្ធនឹងសារពើពន្ធឌីជីថល។ ដោយឡែក ក្រុមការងារបច្ចេកវិទ្យាហិរញ្ញវត្ថុ និងនិយ័តកម្មធុរកិច្ចឌីជីថល មានភារកិច្ចជំរុញការស្រាចវជ្រាវណ វាយតម្លៃ ការសហការ និងការសម្របសម្រួលការងារពាក់ព័ន្ធនឹងការកសាង ការអភិវឌ្ឍនិងការធ្វើនិយ័តកម្មបច្ចេកវិទ្យាហិរញ្ញវត្ថុក្នុងវិស័យធនាគារ និងមិនមែនធនាគារ ដែលរួមបញ្ជូលនូវហិរញ្ញវត្ថុវិមជ្ឈការ និងបច្ចេកវិទ្យាដែលកំពុងលេចឡើង។ ក្រុមការងារដែលស្ថិតក្រោមការគ្រប់គ្រងក្រសួងសេដ្ឋកិច្ចនេះ ក៏មានភារកិច្ចជំរុញ និងគាំទ្រដល់ការអភិវឌ្ឍនិយ័តកម្មធុរកិច្ចឌីជីថល, ចូលរួមផ្តល់យោបល់រៀបចំ កិច្ចព្រមព្រៀងសេដ្ឋកិច្ចឌីជីថលពាក់ព័ន្ធនឹងបច្ចេកវិទ្យាហិរញ្ញវត្ថុ និងនិយ័តកម្មធុរកិច្ចឌីជីថល, ផ្តល់កិច្ចសហការជាមួយក្រុមងារបច្ចេកទេសផ្សេងៗក្នុងការជំរុញការងារដែលមានលក្ខណៈអន្តរវិស័យ ដោយមានការសម្របសម្រួលពីក្រុមការងារបច្ចេកទេសទទួលបន្ទុកការសម្របសម្រួល និងបំពេញភារកិច្ចផ្សេងៗតាមការប្រគល់ជូនពីក្រុមការងារបច្ចេកវិទ្យាហិរញ្ញវត្ថុ និងនិយ័តកម្មឌីជីថល។ ចំពោះក្រុមការងារសម្រួលពាណិជ្ជកម្មឌីជីថល មានភារកិច្ចជំរុញការសម្រួលពាណិជ្ជកម្ម គ្មានក្រដាសស្នាម, ជំរុញប្រតិបត្តិការបើកចំហរឯកសារជាទម្រង់ឌីជីថលពាក់ព័ន្ធនឹងការសម្រួលពាណិជ្ជកម្មឌីជីថល។ ក្រុងការងារដឹកនាំដោយក្រសួងសេដ្ឋកិច្ចមួយនេះ ក៏មានភារកិច្ចជំរុញអន្តរប្រតិបត្តិការនៃប្រព័ន្ធបញ្ជារតែមួយជាតិជាមួយប្រព័ន្ធឌីជីថលនឹងការសម្រួលពាណិជ្ជកម្មឌីជីថល ផងដែរ ខណៈក្រុមការងារទូទាត់សង់ប្រាក់តាមប្រព័ន្ធឌីជីថល ដែលដឹកនាំដោយធនាគារជាតិនៃកម្ពុជា មានតួនាទីជំរុញការទូទាត់សង់ប្រាក់តាមប្រព័ន្ធឌីជីថលក្នុងស្រុក និងការទូទាត់ឆ្លងកាត់ព្រំដែន។ ក្រុមការងារនេះត្រូវជំរុញការសិក្សាអំពីតម្រូវការនិយ័តកម្ម និងបទប្បញ្ញតិ្តក្នុងការតភ្ជាប់ជាមួយបណ្តាលប្រទេសក្នុងបរិការណ៍តំបន់ និងសកលលោក ជាពិសសេសចូលរួមផ្តល់យោបល់ និងរៀបចំកិច្ចព្រមព្រៀងសេដ្ឋកិច្ចឌីជីថល។ ក្រុមការងារពាណិជ្ជកម្មតាមប្រព័ន្ធអេឡិចត្រូនិកក្រោមការដឹកនាំក្រសួងពាណិជ្ជកម្មវិញ ត្រូវគាំទ្រការអភិវឌ្ឍពាណិជ្ជកម្មអេឡិចត្រូនិក, ត្រូវតាមដានការអនុវត្តដោយស្មើភាព និងយុត្តិធម៌ចំពោះផលិតផល និងសេវាឌីជីថល។ ក្រុមការងារ ក៏ត្រូវជំរុញការសម្រួលនីតិវិធីនៃការដឹកទំនិញឆ្លងកាត់ព្រំដែន, សិក្សា និងរៀបចំយន្តការដោះស្រាយវិវាទសម្រាប់ការពាណិជ្ជកម្មតាមប្រព័ន្ធអេឡិចត្រូនិកឆ្លងកាត់ព្រំដែន រួមទាំងចូលរួមផ្តល់យោបល់ និងរៀបចំកិច្ចព្រមព្រៀងសេដ្ឋកិច្ចឌីជីថលពាក់ព័ន្ធនឹងពាណិជ្ជកម្មឆ្លងកាត់ព្រំដែន។ រីឯក្រុមការងារអត្តសញ្ញាណឌីជីថល ដែលដឹកនាំដោយក្រសួងមហាផ្ទៃវិញ មានភារកិច្ចជំរុញការអភិវឌ្ឍអត្តសញ្ញាណឌីជីថល, ជំរុញការរៀបចំក្របខណ្ឌអន្តរប្រតិបត្តិការបច្ចេកទេសពាក់ព័ន្ធនឹងអត្តសញ្ញាណឌីជីថល។ លើសពីនេះក្រមការងារនេះ ត្រូវជំរុញការស្រាវជ្រាវអំពីច្បាប់ និងលិខិតបទដ្ឋានគតិយុត្តផ្សេងៗពាក់ព័ន្ធនឹងអត្តសញ្ញាណឌីជីថល និងជំរុញការស្រាវជ្រាវអំពីច្បាប់ និងលិខិតបទដ្ឋានគតិយុត្តពាក់ព័ន្ធនឹងអត្តសញ្ញាណឌីជីថល ជាពិសេសចូលរួមផ្តល់យោបល់ និងរៀបចំកិច្ចព្រមព្រៀងសេដ្ឋកិច្ចឌីជីថល និងអត្តសញ្ញាណឌីជីថល។ សម្រាប់ក្រុមការងាររំហូរកម្លាំងពលកម្មជំនាញ និងការបណ្តុះបណ្តាលជំនាញឌីជីថល ដឹកនាំដោយក្រសួងការងារ ត្រូវជំរុញដល់ការរំហូរកម្លាំងពលកម្មជំនាញ និងការបណ្តុះបណ្តាលជំនាញឌីជីថល, សិក្សា និងរៀបចំយន្តការគាំទ្ររំហូរកម្លាំងពលរដ្ឋឌីជីថល និងគាំទ្រដល់ការបំពេញការងារពីចម្ងាយសម្រាប់អ្នកមានទេសពកោសល្យឌីជីថល និងសហគ្រិនឌីជីថល។ ក្រុមការងារនេះ ក៏ត្រូវចូលរួមផ្តល់យោបល់ និងរៀបចំកិច្ចព្រមព្រៀងសេដ្ឋកិច្ចឌីជីថល និងរំហូរកម្លាំងពលកម្មជំនាញ និងការបណ្តុះបណ្តាលជំនាញឌីជីថល ផងដែរ។ ក្រុមការងារបច្ចេកទេសកសាងធនធានមនុស្សឌីជីថល ដឹកនាំដោយក្រសួងអប់រំ យុវជន និងកីឡា ត្រូវជំរុញការកសាងធនធានមនុស្សឌីជីថល, រៀបចំក្របខណ្ឌ យន្តការ គោលនយោបាយ យុទ្ធសាស្ត្រ ផែនការ និងកម្មវិធីបណ្តុះបណ្តាល និងបង្កើនសមត្ថភាព ជំនាញ និងគុណវុឌ្ឍិផ្នែកឌីជីថល ស្របតាមឧត្តមនុវត្តន៍ និងនិន្នាការនៃការកសាងធនធានមនុស្សឌីជីថលក្នុងបរិការណ៍តំបន់និងសកល។ ក្រុមការងារ ក៏ត្រូវជំរុញការសិក្សាពេញមួយជីវិតក្នុងវិស័យឌីជីថល ផងដែរ។ ក្រុមការងារបច្ចេកទេសលើកកម្ពស់ និងជំរុញបច្ចេកវិទ្យា វិទ្យាសាស្ត្រ និងនវានុវត្តន៍ ដឹកនាំដោយក្រសួងឧស្សាហកម្ម ត្រូវជំរុញការសិក្សាពីតម្រូវការក្នុងការវិនិយោគផ្នែកបច្ចេកវិទ្យា វិទ្យាសាស្ត្រ និងនវានុវត្តន៍, ជំរុញការវិនិយោគផ្នែកបច្ចេកវិទ្យា និងអ្នកមានទេពកោសល្យផ្នែកបញ្ញាសិប្បនិម្មិត និងលើកកម្ពស់ការផ្ទេរបច្ចេកវិទ្យា។ ក្រុមការងារនេះ ត្រូវចូលរួមផ្តល់យោបល់ និងរៀបចំកិច្ចព្រមព្រៀងសេដ្ឋកិច្ចឌីជីថល និងលើកកម្ពស់ រួមទាំងជំរុញបច្ចេកវិទ្យា វិទ្យាសាស្ត្រ និងនវានុវត្តន៍ ផងដែរ។ ដោយឡែក ក្រុមការងារសុវត្ថិភាពឌីជីថល សន្តិសុខសាយប័រ និងអភិបាលកិច្ចទិន្នន័យ ដែលដឹកនាំដោយក្រសួងប្រៃសណីយ៍ និងទូរគមនាគមន៍ មានភារកិច្ចការពារសុវត្ថិភាពឌីជីថល និងសន្តិសុខសាយប័រ ព្រមទាំងអភិបាលកិច្ចទិន្នន័យ, ជំរុញការបន្ស៊ីស្តង់ដារសន្តិសុខសាយប័រ និងការពារសន្តិសុខសាយប័រក្នុងក្របខណ្ឌទ្វេភាគីតំបន់ និងសកល។ ក្រុមការងារ ត្រូវជំរុញកិច្ចសហប្រតិបត្តិការឆ្លងកាត់ព្រំដែនពាក់ព័ន្ធសុវត្ថិភាពឌីជីថល សន្តិសុខសាយប័រ និងអភិបាលកិច្ចទិន្នន័យ, ជំរុញការបង្កើតកិច្ចការពារទិន្នន័យបុគ្គល, ជំរុញការរៀបចំក្របខណ្ឌនៃការបែងចែកប្រភេទទិន្នន័យ, ជំរុញការការពារសុវត្ថិភាពតាមប្រព័ន្ធអនឡាញ។ ជាពិសេសក្រុមការងារនេះ ត្រូវសិក្សា និងរៀបចំគោលនយោបាយ និងយុទ្ធសាស្ត្រគាំទ្រលំហូរទិន្នន័យឆ្លងដែន ព្រមទាំងសិក្សាពីតម្រូវការច្បាប់ លិខិតបទដ្ឋានគតិយុត្តពាក់ព័ន្ធនឹងកូដប្រភព(Source Code) ខណៈក្រុមការងារហេដ្ឋារចនាសម្ព័ន្ធ និងការតភ្ជាប់ឌីជីថល ត្រូវជំរុញការអភិវឌ្ឍហេដ្ឋារចនាសម្ព័ន្ធ និងការតភ្ជាប់ឌីជីថលដែលមានគុណភាព និងបង្កើនភាពងាយតភ្ជាប់បណ្តាញហេដ្ឋារចនាសម្ព័ន្ធក្នុងតម្លៃសមរម្យ។ បច្ចុប្បន្ន កម្ពុជាមានក្របខណ្ឌគោលនយោបាយសេដ្ឋកិច្ច និងសង្គមជីឌីថលឆ្នាំ២០២១-២០៣៥ និងគោលនយោបាយរដ្ឋាភិបាលឌីជីថល ឆ្នាំ២០២២-២០៣៥។ គោលនយោបាយទាំងនេះ មានគោលដៅកសាងសេដ្ឋកិច្ច និងសង្គមឌីជីថលឱ្យរស់រវើក តាមរយៈការរៀបចំមូលដ្ឋានគ្រឺះជំរុញការទទួលយក និងបដិបវត្តកម្មឌីជីថលនៅក្នុងគ្រប់តួអង្គសង្គម ទាំងរដ្ឋ ទាំងពលរដ្ឋ និងទាំង ធុរជន ដើម្បីជំរុញសន្ទុះកំណើនសេដ្ឋកិច្ចថ្មី លើកកម្ពស់សុខុមាលភាពសង្គម តាមគន្លងប្រក្រតីភាពថ្មី។ សម្រាប់កម្ពុជា ការធ្វើបដិវត្តកម្មឌីជីថល គឺជាចាប់យកនិងការទាញយកផលប្រយោជន៍ជាអតិបរមាពីការរីកចម្រើននៃបច្ចេកវិទ្យាគមនាគមន៍ និងព័ត៌មាន និងបច្ចេកវិទ្យាឌីជីថល ដើម្បីបង្កើនផលិតភាព និងប្រសិទ្ធភាពសេដ្ឋកិច្ច ដើម្បីជំរុញកំណើនសេដ្ឋកិច្ចជាតិ និងកសាង សង្គមស៊ីវិល័យដែលពលរដ្ឋឌីជីថល អាចទទួលបាននូវផលប្រយោជន៍ពីការប្រើប្រាស់សេវាឌីជីថលប្រកបដោយបរិយាប័ន្ន ភាពជឿទុកចិត្ត និងសុវត្ថិភាពខ្ពស់។ ទន្ទឹមគ្នានេះ វាក៏រក្សាបាននូវអត្តសញ្ញាណ និងវប្បធម៌ជាតិ ផងដែរ។ ប្រមុខរដ្ឋាភិបាលកម្ពុជា សម្តេច ហ៊ុន សែន មានជំនឿយ៉ាងមុតមាំថា កម្ពុជានឹងសម្រេចបាននូវបដិវត្តកម្មឌីជីថលនៅឆ្នាំ២០៣៥ ដើម្បីប្រែក្លាយសេដ្ឋកិច្ច-សង្គមកម្ពុជាឱ្យទៅកាន់តែមានកម្រិតអភិវឌ្ឍន៍មួយខ្ពស់ឡើងជាលំដាប់។ ក្របខណ្ឌគោលនយោបាយសេដ្ឋកិច្ច និងសង្គមជីឌីថល ឆ្នាំ២០២១-២០៣៥ របស់រដ្ឋាភិបាលបានផ្តោតសំខាន់លើការអភិវឌ្ឍន៍ហេដ្ឋារចនាសម្ព័ន្ធគាំទ្រដល់បរិវត្តកម្មឌីជីថល, ការកសាងទំនុកចិត្ត និងភាពជឿជាក់លើប្រព័ន្ធឌីជីថល ដែលមានសសរស្តម្ភចំនួនបី។ ក្នុងនោះមាន ការកសាងពលរដ្ឋឌីជីថល, ការកសាងរដ្ឋាភិបាលឌីជីថល និងការជំរុញធុរកិច្ចឌីជីថល។ ឈរលើគោលគំនិត«ទាញយកប្រយោជន៍ពីសេដ្ឋកិច្ច និងសង្គមឌីជីថលឱ្យបានជាអតិបរិមា ព្រមទាំងស្រូបយក និងកាត់បន្ថយផលប៉ះពាល់ ឬបច្ច័យអវិជ្ជមានឱ្យស្ថិតក្នុងកម្រិតអប្បរមា» វិធានការគោលនយោបាយត្រូវរៀបចំទៅតាមសមាសធាតុនីមួយៗ គួបផ្សំនឹងការគិតគូទិដ្ឋភាពសេដ្ឋកិច្ច និងសង្គម ដើម្បីធានាបាននូវការកាត់បន្ថយផលអវិជ្ជមាន ផងដែរ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10017.txt	ភ្នំពេញ៖ លោក ឆេង គីមឡុង អ្នកជំនាញផ្នែកសេដ្ឋកិច្ច និងជានាយកនៃមជ្ឈមណ្ឌលនវានុវត្តន៍ផ្នែកអភិបាលកិច្ច និងប្រជាធិបតេយ្យនៃវិទ្យាស្ថានចក្ខុវិស័យអាស៊ី យល់ថា ដំណើរការបោះឆ្នោត ប្រព្រឹត្តទៅដោយតម្លាភាព និងរលូនបែបនេះ សបញ្ជាក់ទៅកាន់ក្រុមវិនិយោគទាំងក្នុង និងក្រៅស្រុក ឱ្យឃើញពីស្ថានភាពស្ថិរភាព និងរីកចម្រើននៅកម្ពុជា។	ក្នុងកិច្ចសម្ភាសជាមួយសារព័ត៌មានថ្មីៗ លោក គីមឡុង អះអាងថា ការបោះឆ្នោតប្រកបដោយភាពល្អប្រសើរនៅអាណត្តិទី៧នេះ នឹងនាំផលចំណេញផ្នែកសេដ្ឋកិច្ច ដល់កម្ពុជា។ លោកថា សហគមន៍អន្តរជាតិ អ្នកវិនិយោគ ជាពិសេសភ្ញៀវទេសចរ នឹងឃើញពីសុខសន្តិភាព និងស្ថិរភាពខាងប្រជាធិបតេយ្យនៅកម្ពុជា។ សូមអញ្ជើញទស្សនាកិច្ចសម្ភាសរវាង កញ្ញា ឡាយ សុភាវតី ជាមួយលោក ឆេង គីមឡុង ដូចខាងក្រោម៖ បើតាមលោក គីមឡុង ដើម្បីឱ្យកម្ពុជាកាន់តែមានសេដ្ឋកិច្ចរីកចម្រើន រដ្ឋាភិបាលថ្មី គួរតែបន្តធ្វើកំណែទម្រង់គោលនយោបាយសេដ្ឋកិច្ច អប់រំ និងលើកកម្ពស់ការបណ្ដុះបណ្ដាលជំនាញ ឬវិជ្ជាជីវៈការងារ ដល់ពលរដ្ឋ។ លោកកត់សម្គាល់ឃើញ កម្ពុជាសព្វថ្ងៃសម្បូរធនធានធម្មជាតិ កសិផល និងយុវជន។ ដូច្នេះបើរដ្ឋាភិបាលថ្មីផ្ដោតសំខាន់ លើការកែច្នៃធនធានទាំងនេះ កម្ពុជានឹងមានសន្ទុះសេដ្ឋកិច្ចកើនឡើងខ្ពស់នៅតំបន់អាស៊ាន៕ សូមអញ្ជើញទស្សនាកិច្ចសម្ភាសរវាង កញ្ញា ឡាយ សុភាវតី ជាមួយលោក ឆេង គីមឡុង ដូចខាងក្រោម៖ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10018.txt	ភ្នំពេញ៖ រដ្ឋបាលខេត្តព្រះសីហនុ បានបើកកិច្ចប្រជុំអន្តរក្រសួង-ស្ថាប័ន ដើម្បីផ្សព្វផ្សាយ និងជំរុញការអនុវត្ត «វិធានការជាកញ្ចប់» សម្រាប់ដោះស្រាយគម្រោងវិនិយោគជាប់គាំងក្នុងខេត្តព្រះសីហនុ កាលពីថ្ងៃទី១៣ កក្កដា។	កិច្ចប្រជុំនេះ ធ្វើឡើងក្រោមវត្តមាន លោក ឡុង ឌីម៉ង់ និងលោក ឯម ភាព អភិបាលរងខេត្តព្រះសីហនុ ដើម្បីជំរុញការអនុវត្តវិធានការ និងលើកកម្ពស់ការយល់ដឹងរបស់ក្រុមការងារមូលដ្ឋាន ក្នុងការត្រៀមលក្ខណៈទទួលយកសំណើសុំដោះស្រាយពីម្ចាស់គម្រោង ឬអ្នកអភិវឌ្ឍន៍ និងឈានទៅរកការដោះស្រាយក្រៅប្រព័ន្ធតុលាការ។ កិច្ចប្រជុំនេះ ក៏បានពិភាក្សា និងដោះស្រាយបញ្ហាប្រឈមមួយចំនួនពាក់ព័ន្ធនឹងការកំណត់ផ្សេងៗ ក្នុងទិដ្ឋភាពគតិយុត្តិ និងលិខិតបទដ្ឋាននានា ដែលនឹងត្រូវប្រើប្រាស់ក្នុងការដោះស្រាយភាពជាប់គាំង។ កិច្ចប្រជុំអន្តរក្រសួង-ស្ថាប័នដើម្បីផ្សព្វផ្សាយ និងជំរុញការអនុវត្ត «វិធានការជាកញ្ចប់» សម្រាប់ដោះស្រាយគម្រោងវិនិយោគជាប់គាំងក្នុងខេត្តព្រះសីហនុ។ រូបភាព៖ រដ្ឋបាលខេត្តព្រះសីហនុ តាមរយៈការបកស្រាយក្នុងលក្ខណៈបច្ចេកទេស អង្គប្រជុំបានឯកភាពផ្តល់ការគាំទ្រលើផែនការសកម្មភាពមួយចំនួន ដើម្បីឱ្យការអនុវត្តវិធានការដោះស្រាយនេះ មានប្រសិទ្ធភាព និងទាន់ពេលវេលា។ បច្ចុប្បន្ន អគារជាង ៦០០កន្លែង ក្នុងក្រុងព្រះសីហនុ ត្រូវបានសាងសង់រួចរាល់ហើយ ខណៈសំណង់អគារប្រមាណ ៤០០កន្លែង កំពុងជាប់គាំង និងបន្តការសាងសង់ជាបន្តបន្ទាប់។ នេះបើតាមការបញ្ជាក់ របស់ លោក គួច ចំរើន អភិបាលខេត្តព្រះសីហនុ ក្នុងវេទិកាសារព័ត៌មាន ស្ដីពីគោលនយោបាយទេសចរណ៍ និងស្ថានភាពទេសចរណ៍ នៅខេត្តព្រះសីហនុ កាលពីថ្ងៃទី ២៦ មេសា។ អត្ថបទទាក់ទង អគារជាង១ ០០០កន្លែងនៅព្រះសីហនុ កំពុងជាប់គាំងការសាងសង់ ជុំវិញបញ្ហានេះ រដ្ឋាភិបាល បានបង្កើតគោលនយោបាយអនុគ្រោះលើកិច្ចការមួយចំនួន ដើម្បីគាំទ្រដល់បណ្ដាសំណង់អគារទាំងអស់ អាចមានលទ្ធភាពក្នុងការវិនិយោគការសាងសង់ និងអាចដំណើរការសាងសង់។ បន្ថែមពីនេះ ក៏មានការសម្របសម្រួល និងការគាំទ្រផ្នែកច្បាប់ដែរ ដែលរដ្ឋាភិបាលលើកទឹកចិត្ត ឱ្យសម្របសម្រួលក្រៅប្រព័ន្ធតុលាការ ជាជាង ការដោះស្រាយបញ្ហាប្រឈម នៃអគារជាប់គាំងទាំងនោះ។ លោក គួច ចំរើន បានថ្លែងដូច្នេះ៖ «បើសួរខ្ញុំពេលណាបញ្ចប់ខ្ញុំមិនអាចឆ្លើយបានទេ ព្រោះរឿងនេះជាទំនាស់ដែលយើងត្រូវតែបន្តដោះស្រាយ ទៅតាមស្ថានភាពជាក់ស្ដែងរបស់ម្ចាស់អគារ។ បើគេមិនមករកយើង យើងមិនអាចទៅរកគេទេ ព្រោះម្ចាស់អគារនៅក្រៅប្រទេស»៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_10019.txt	កម្ពុជា បាននាំចេញអង្ករចំនួន ២ ៥៧៥តោន ដែលជាបរិមាណដ៏ច្រើនលើកដំបូងមិនធ្លាប់មាន ទៅទីផ្សារប្រទេសហ្វីលីពីន។ នេះបើតាម លោក ចាន់ សុឃាំង ប្រធានសហព័ន្ធស្រូវអង្ករកម្ពុជា ដែលថ្លែងក្នុងពិធីសម្ពោធ ការបើកច្រកទីផ្សារនាំចេញអង្ករទៅកាន់ប្រទេសហ្វីលីពីន នៅថ្ងៃទី២៦ ខែមិថុនា។	បើតាម លោក ចាន់ សុឃាំង កម្ពុជា ធ្លាប់បាននាំអង្ករទៅកាន់ប្រទេសហ្វីលីពីនចំនួន ២ដង ដោយលើកទី១ នៅឆ្នាំ២០២០ មានចំនួន ៣០០តោន និង ១០០តោននៅឆ្នាំ២០២១។ ក្រុមហ៊ុន ខ្មែរហ៊្វូត គ្រុប ឯ.ក ជាអ្នកនាំចេញអង្ករទៅហ្វីលីពីនក្នុងបរិមាណច្រើនជាលើកទី១នេះ។ លោក ចាន់ សុឃាំង ឱ្យដឹងដូច្នេះ ។ លោក ចាន់ សុឃាំង ប្រធានសហព័ន្ធស្រូវអង្ករកម្ពុជា។ រូបភាព៖ សហព័ន្ធស្រូវអង្ករកម្ពុជា ជុំវិញការនាំចេញអង្ករនេះ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានសរសើរសហព័ន្ធស្រូវអង្ករកម្ពុជា ដែលបានសហប្រតិបត្តិការល្អជាមួយក្រសួងពាណិជ្ជកម្ម ពិសេសជាមួយក្រុមហ៊ុនដៃគូ រហូតបានបើកច្រកទីផ្សារអង្ករទៅកាន់ប្រទេសហ្វីលីពីន។ លោករដ្ឋមន្ត្រី បានជំរុញឱ្យភាគីពាក់ព័ន្ធបន្តសហការឱ្យកាន់តែខ្លាំង ដើម្បីពង្រីកបរិមាណនាំចេញនៅឆ្នាំបន្តបន្ទាប់ទៀត។ ជាមួយគ្នានេះ លោក ប៉ាន សូរស័ក្តិ ក៏បានស្នើសុំឯកអគ្គរដ្ឋទូតប្រទេសហ្វីលីពីន ជួយជំរុញវិនិយោគិនឱ្យមកវិនិយោគ និងទទួលការនាំចូលអង្ករកម្ពុជាឱ្យកាន់តែច្រើនថែមទៀត។ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម។ រូបភាព៖ សហព័ន្ធស្រូវអង្ករកម្ពុជា លោកស្រី MARIA AMELITA C. AQUINO ឯកអគ្គរដ្ឋទូតហ្វីលីពីនប្រចាំកម្ពុជា បានលើកឡើងពីភាពរីកចម្រើននៃទំនាក់ទំនងពាណិជ្ជកម្មរវាងកម្ពុជា-ហ្វីលីភីន ជាពិសេសការនាំអង្ករកម្ពុជាទៅកាន់ទីផ្សារហ្វីលីពីន។ លោកស្រីឯកអគ្គរដ្ឋទូត បន្តទៀតថា នេះជាគំរូមួយក្នុងការបង្ហាញពីសក្តានុពលរបស់កម្ពុជា ទៅដល់អ្នកបញ្ជាទិញ ក៏ដូចជាបង្ហាញពី ការត្រៀមខ្លួនរួចរាល់របស់អង្ករកម្ពុជា សម្រាប់ការនាំចេញផងដែរ។ គួររំឭកថា កាលពីកន្លងទៅ សម្ដេច ហ៊ុន នាយករដ្ឋមន្រ្តីកម្ពុជា បានប្រាប់ លោក ម៉ាកូស ប្រធានាធិបតីហ្វីលីពីនថា ក្រុមហ៊ុនហ្វីលីពីនអាចដាក់ទុនវិនិយោគទាំងស្រុងលើការសង់រោងម៉ាស៊ីនកិនស្រូវ,ឡសម្ងួត និងឃ្លាំងស្តុក សម្រាប់ប្រមូលទិញស្រូវ ដើម្បីសម្ងួត និងកិននាំចេញទៅហ្វីលីពីន។ មិនតែប៉ុណ្ណោះ ក្រុមហ៊ុនហ្វីលីពីន ក៏អាចឱ្យកសិករកម្ពុជា ដាំដុះប្រភេទស្រូវ ដែលជាតម្រូវការរបស់ប្រជាជនហ្វីលីពីនផងដែរ។ សូមបញ្ជាក់ថា រយៈពេល៥ខែ ឆ្នាំ២០២៣ កម្ពុជាបាននាំចេញអង្ករគ្រប់ប្រភេទ ចំនួន ២៧៨ ១៨៤តោន ស្មើនឹង ១៩១,៦៤លានដុល្លារអាម៉េរិក ទៅកាន់ទីផ្សារអន្តរជាតិ។ ក្រៅពីអង្ករ កម្ពុជាក៏បាននាំចេញស្រូវ ចំនួន ២ ១៤២ ៤៨៣តោន ទៅទីផ្សារអន្តរជាតិដែរ ក្នុងនោះប្រមាណ ១,៣៧លានតោន ត្រូវបាននាំចេញទៅកាន់ទីផ្សារវៀតណាម ដែលគិតជាទឹកប្រាក់ប្រមាណ ៥៤៥,២៦ លានដុល្លារ៕ អត្ថបទទាក់ទង កម្ពុជា នឹងនាំចេញអង្ករទៅហ្វីលីពីនលើកដំបូង នៅសប្ដាហ៍ក្រោយ លោក ចាន់ សុឃាំង ប្រធានសហព័ន្ធស្រូវអង្ករកម្ពុជា។ រូបភាព៖ សហព័ន្ធស្រូវអង្ករកម្ពុជា លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម។ រូបភាព៖ សហព័ន្ធស្រូវអង្ករកម្ពុជា អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
article_1002.txt	រដ្ឋមន្រ្តីក្រសួងហិរញ្ញវត្ថុម៉ាឡេស៊ីលោក Tengku Zafrul Abdul Aziz បានអះអាងកាលពីថ្ងៃទី២០ខែ មីនាថា ការផ្តាច់ចំណងការទូតជាមួយកូរ៉េខាងជើងមិនធ្វើឱ្យប៉ះពាល់ដល់សេដ្ឋកិច្ចរបស់ម៉ាឡេស៊ីឡើយ ដ្បិត ចំណងសេដ្ឋកិច្ចជាមួយកូរ៉េខាងជើងមានតិចតួចប៉ុណ្ណោះ។	ការផ្តាច់ទំនាក់ទំនងការទូតនេះរវាងម៉ាឡេស៊ី និងកូរ៉េខាងជើងក្លាយជាប្រធានបទក្តៅថ្មីមួយសម្រាប់តំបន់។ ការប្រែប្រួលនេះបានធ្វើឲ្យមានការចោទជាសំណួរចំពោះម៉ាឡេស៊ីថា ការលែងរាប់អានកូរ៉េខាងជើងបង្កផលប៉ះពាល់ដល់សេដ្ឋកិច្ចរបស់ម៉ាឡេស៊ីឬយ៉ាងណា។ បើតាមទូរទស្សន៍សិង្ហបុរី CNA ដោយឆ្លើយតបនឹងចំពោះសំណួរនេះ រដ្ឋមន្ត្រីក្រសួងហិរញ្ញវត្ថុម៉ាឡេស៊ីអះអាងថា វានឹងមិនបង្កឱ្យមានផលប៉ះពាល់ខ្លាំងដល់ផ្នែកសេដ្ឋកិច្ចម៉ាឡេស៊ីនោះទេ។ «ខ្ញុំមិនគិតថាវាមានផលប៉ះពាល់អ្វីនោះទេ ព្រោះវាជាការចូលរួមចំណែកតូចតាចមួយប៉ុណ្ណោះ»។ លោក Tengku Zafrul Abdul Aziz បញ្ជាក់ដូច្នេះចំពោះមុខអ្នកកាសែត ក្រោយចូលរួមក្នុងកិច្ចប្រជុំ ជាមួយសហគ្រិនក្នុងស្រុក។ យ៉ាងណាមិញ ភ្លាមៗក្រោយកូរ៉េខាងជើងប្រកាសផ្តាច់ចំណងការទូតក្រសួងការបរទេស ម៉ាឡេស៊ីក៏បានបិទស្ថានទូតរបស់ខ្លួន នៅទីក្រុងព្យុងយ៉ាង ជាការឆ្លើយតបវិញ និងរិះគន់ចំពោះការសម្រេចចិត្តរបស់ក្រុងព្យុងយ៉ាងដែរ។ បុគ្គលិកការទូតនិងអ្នកនៅក្នុងបន្ទុករបស់ពួកគេទាំងអស់នៅស្ថានទូតកូរ៉េខាងជើងប្រចាំនៅក្រុងកូឡាឡាំពួ ក៏តម្រូវឲ្យចាកចេញក្នុងរយៈពេល ៤៨ ម៉ោងដែរ។ តាមពិតទៅកូរ៉េខាងជើងកាលពីថ្ងៃទី១៩ ខែមីនាកន្លងទៅនេះ បានប្រកាសផ្តាច់ទំនាក់ទំនងទ្វេភាគី ជាមួយម៉ាឡេស៊ីជា ដាច់ខាត ដោយផ្ដល់ហេតុផលថា ម៉ាឡេស៊ី បានប្រព្រឹត្តទង្វើជាសត្រូវប្រឆាំងនឹង កូរ៉េខាងជើង ក្រោយតុលាការ ប្រទេសនេះកាត់សេចក្តីដោយអនុញ្ញាតដល់ការបញ្ជូនប្រជាជនកូរ៉េខាងជើងម្នាក់ ទៅសហរដ្ឋអាមេរិក ដោយប្រឈម នឹងបទចោទ លាងលុយកខ្វក់។ កូរ៉េខាងជើងអះអាងថាពលរដ្ឋខ្លួនស្អាតស្អំនិងបានរកស៊ីស្របច្បាប់ ជាច្រើនឆ្នាំ មកហើយ។ សូមបញ្ជាក់ថា ម៉ាឡេស៊ី និងកូរ៉េខាងជើង បានភ្ជាប់ទំនាក់ទំនងការទូតតាំងពីឆ្នាំ១៩៧៣មក។ ដោយឡែក ទំនាក់ទំនងសេដ្ឋកិច្ចរវាងប្រទេសទាំងពីរនៅមានទំហំតូចនៅឡើយ ខណៈកូរ៉េខាងជើងនាំចូលប្រេងចម្រាញ់រួច និងជ័រធម្មជាតិពីម៉ាឡេស៊ី។ ចំណែកឯម៉ាឡេស៊ី នាំចូលដែកថែប និងផលិតផលធ្វើពីដែកពីកូរ៉េខាងជើងត្រឡប់ទៅវិញ៕ អ្នកសរសេរអត្ថបទ សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)

End of preview. Expand in Data Studio

Dataset Card for "khmer_text_articles_data"

More Information needed

Downloads last month: 59

Size of downloaded dataset files:

21.8 MB

Size of the auto-converted Parquet files:

21.8 MB

Number of rows:

10,025